Гувернерот Славески: Денарот е стабилен, инфлацијата се намалува

Во гостувањето во емисијата „Вин-вин“ на телевизија „Телма“, гувернерот на Народната банка, Трајко Славески, истакна дека монетарната политика успешно ја исполнува својата основна цел – одржувањето на ценовната и финансиската стабилност во земјата.Гувернерот посочи дека стабилноста на девизниот курс на денарот и натаму е цврсто закотвена. Стабилниот курс на денарот во однос на еврото претставува важен фактор за зачувувањето на довербата во економијата, финансиската стабилност и конкурентноста на домашната економија.Во однос на инфлацијата, беше нагласено дека се бележи стабилизирање на ценовните движења, а во одредени месеци во текот на минатата година има и намалување на ценовното ниво на месечно ниво. Народната банка очекува дека во текот на оваа година инфлацијата и натаму ќе се намалува, што е во согласност со среднорочната цел за ценовна стабилност и приближување кон инфлацијата во еврозоната.Гувернерот информира дека Народната банка воведе нова и поефикасна оперативна монетарна рамка, со што се унапредува преносот на сигналите од монетарната политика кон финансискиот систем. Во новата рамка, банките имаат можност да пласираат средства кај Народната банка на седум дена со каматна стапка од 4%, со дефиниран каматен коридор за краткорочните операции. Со ваквата поставеност се овозможува појасна насока за движењето на каматните стапки и се придонесува за одржување на стабилноста на финансискиот систем.Беше истакнато дека банкарскиот систем располага со значителен вишок ликвидност, како и дека бележи постојан раст на штедењето кај населението. Во последните години се забележува и позитивен тренд на денаризација, односно раст на штедењето во домашна валута, што уште повеќе ја зајакнува стабилноста на денарот и довербата во домашниот финансиски систем.Гувернерот нагласи дека девизните резерви се одржуваат на високо и сигурно ниво од околу 4,9 милијарди евра, што претставува силна гаранција за стабилноста на девизниот курс и за отпорноста на економијата на надворешни шокови.Во гостувањето беше истакнато и дека постои широк општествен и економски консензус за придобивките од фиксниот девизен курс, што со децении успешно придонесува за стабилноста на македонската економија и претставува важен столб во процесот на европска интеграција и идното воведување на заедничката европска валута.Народната банка и во иднина внимателно ќе ги следи економските движења и ќе спроведува политики насочени кон одржување на ценовната и финансиската стабилност, како важен предуслов за одржлив економски раст и за стабилност на економијата.

Македонија | пред 2 месеци

СДСМ: Максим Димитриевски јавно си призна дека не живее од плата

Во тендер коалицијата ВМРО-ЗНАМ никој не живее од плата тоа веќе сите го знаат. Максим Димитриевски од ЗНАМ јавно си призна дека не живее од плата, вели СДСМ.„Додека работниците се борат за зголемување на минималната плата за да имаат за леб, власта на тендер коалицијата ВМРО-ЗНАМ ужива во луксуз.Се купува нов мебел, службени коли, уживаат во луксузни патувања, се гоштеваат со папаја, манго, дури и нов владин авион се планира.Исто како Груевски со очилата и мерцедесот, така Мицковски со часовниците од 65.000 евра.Тендерската коалиција живее на грбот на граѓаните.Тендери за ортаците на Мицкоски и Максим Димитриевски. 161 тендер за еден ортак на Мицкоски, 1,2 милиони евра за друг ортак на Максим преку Пошта, 52 тендери за трет...Народот гладува, а тие живеат во луксуз. Така е составен и буџетот, само за нивните потреби.Со ваква политика на приватен бизнис за тендер коалицијата, веќе недостигаат две милијарди евра.Истата приказна на Максим како со Мицковски.За нив политиката е само приватен бизнис“, велат од партијата.

Македонија | пред 2 месеци

Уапсен крадец од Радовиш кој избегал од затвор

На 05.02.2026 во 15:25 часот во Радовиш, полициски службеници од СВР Струмица – ОВР Радовиш го лишиле од слобода Е.Б. (23) од Радовиш.Тој е осуден на затворска казна од пет години и 10 месеци за кривично дело „тешка кражба“ и бил баран по распишана потерница поради бегство од Затвор Струмица, каде требало да издржи уште три години и осум месеци од казната.Лицето е спроведено во Казнено-поправната установа Затвор Струмица за доиздржување на казната.

Македонија | пред 2 месеци

Левица го обвинува ОЈО Струга и Вишото јавно обвинителство за заштита на дивоградба во центарот на градот

Иако во центарот на Струга една година непречено се гради дивоградба (која узурпира државно земјиште), деновиве се потврди дека сите инстанци на обвинителството се продолжена рака на криминалот и урбанистичото дивеење. По поднесена преставка до Вишото јавно обвинителство во Битола поради непостапување по кривична пријава за бесправно градење, вишиот јавен обвинител Пецо Везироски констатира дека “струшкиот обвинител стручно и ажурно постапил”, и покрај тоа што јавниот обвинител во Струга една година дозволува во Струга да никне дивоградба во заштитена зона, велат од политичката партија Левица.„Потсетуваме дека пратеничката Јована Мојсоска, уште во декември минатата година, поднесе кривична пријава до ОЈО Струга заради бесправно градење. Иако рокот за одговор од страна на јавниот обвинител е три месеци, повеќе од една година јавниот обвинител од Струга нема доставено одговор до подносителот на кривичната пријава. Во моментот на поднесување на кривичната пријава, објектот беше во фаза на подрум. Денес, објектот е целосно изграден (подрум, приземје, два ката и поткровје), благодарение на непостапувањето на ОЈО Струга. Оваа одлука на вишиот јавен обвинител Пецо Везироски е скандалозна и со ваквиот „штитенички“ однос, Везироски само го охрабрува незаконитото постапување на ОЈО Струга. Поради ваквото непрофесионално однесување на обвинителите кои се продолжена рака на безаконието, Левица ќе поднесе претставка до Советот на јавни обвинители за работата на јавниот обвинител од ОЈО Струга и Вишиот јавен обвинител од Вишото јавно обвинителство Битола. Корупцијата во обвинителската фела очигледно се пресликува и на повисоките нивоа, затоа што токму оние кои треба да го санкционираат ваквото непостапување на струшкиот јавен обвинител (во случајов Вишо јавно обвинителство Битола) - истото констатира дека нема никаков пропуст што во центар на градот се гради бесправно, за што е изречено и решение од овластен градежен инспектор“, додаваат од партијата.

Македонија | пред 2 месеци

„Не сум непријател на власта“, вели Ристоска која го укоруваше премиерот и тужеше ВМРО-ДПМНЕ, па конкурираше за да биде државен обвинител

Јас очекувам да бидам избрана за државен јавен обвинителка, затоа и конкурирав, порача во 24 Анализа обвинителката и кандидатка за државен јавен обвинител Ленче Ристоска.„Не се пријавив да ја нервирам власта, туку бидејќи сериозно мислам дека имам што да понудам и имам квалитет. Јас не сакам да верувам дека некој ме ставил во категорија „непријател“ на власта. Тоа би било еден многу незрел потег за политички делувања. Сметам дека постои одговорност кај носителите на извршната и законодавната власт за оние кои ги донеле на власт, граѓаните. Бидејќи граѓаните очекуваат државниот јавен обвинител да работи во нивен интерес, а не во интерес на партијата или било кои центри на моќ. И граѓание се тие што на избори даваат оценка за политиките на власта. И сметам дека доколку постои политичка зрелост, мојата кандидатура вреди и те како да се разгледа. И јас искрено ви кажувам дека јас се гледам во ново поглавје како државен јавен обвинител- вели Ристоска

Македонија | пред 2 месеци

Панделевски нема вина во „Империја“, обвинението повлечено: Ова не е победа, туку задоцнета правда

По одлуката на Обвинителство за гонење организиран криминал и корупција да го повлече обвинението против Панделевски во предметот „Империја“, тој во јавно обраќање порача дека исходот ја потврдува неговата позиција дека „против него немало релевантни докази за сторено кривично дело, но и дека последиците од повеќегодишната постапка остануваат“.Панделевски наведува дека од самиот почеток укажувал оти обвинението е правно и фактички неосновано, оптоварено со сериозни процесни пропусти и без докази што би ја поткрепиле тезата за измама или перење пари. Потсетува дека против него биле водени две обвиненија, од кои првото, за наводна злоупотреба на положбата и оштетување на акционерите на „Бетон – Штип“, било повлечено уште на судење, откако се утврдило дека не постои ниту еден оштетен акционер, и покрај тврдењата за околу 150 оштетени лица.Според неговото обраќање, постапката потоа била продолжена со обвинение за наводна измама и перење пари во однос на Кираца Трајковска, преземено од нов обвинител. По изјавата на Трајковска дека никогаш немала контакт со него, како и по изјавите на 14 акционери од „Фершпед“ дека немале каков било однос со него, Панделевски оценува дека станало јасно оти не постои ниту фактичка ниту правна основа за продолжување на обвинителниот акт.„Со повлекувањето на обвинението, обвинителството практично потврди дека: 1. Не постои доказ дека сум презел дејствија со намера за прибавување противправна имотна корист, 2. Не постои доказ дека сум довел кого било во заблуда, 3. Ниту пак дека сум имал влијание врз одлуките на акционерите или управувањето со нивниот имот. Овој исход за мене не претставува победа, туку задоцнета институционална потврда дека правото и фактите, и покрај сè, мора да надвладеат“, вели Панделевски.Истовремено, Панделевски нагласува дека повеќегодишната постапка оставила сериозни последици врз неговиот личен и деловен интегритет, како и врз компаниите со кои е поврзан, кои функционирале под постојан притисок, правна неизвесност и нарушена деловна репутација. Во наредниот период најавува детална анализа на правните, економските и репутациските последици, по што ќе донесе одлука за понатамошните чекори, вклучително и за начините на исправување на нанесената штета и идниот деловен ангажман.„Очекувам овој случај да послужи како сериозно предупредување за значењето на почитувањето на основните принципи на правична постапка, законитост и професионална одговорност во работењето на институциите, особено во предмети со висок јавен и економски импакт. Како бизнисмен со повеќедецениско искуство и без ниту една дамка во своето професионално портфолио, укажувам дека обвинителството секогаш мора да води сметка за интегритетот на лицата, бидејќи штетата од вакви постапки не се нанесува само врз неправедно обвинетиот, туку и врз целото општество“, додава Панделевски.Во овој случај, ексшефот на УБК, Сашо Мијалков и Јордан Орце Камчев признаа вина, а спогодувајќи се со Обвинителството враќаа пари на државата и добија минимални затворски казни.

Македонија | пред 2 месеци

Мицотакис најавува продолжување на конструктивниот дијалог со Анкара

Грчкиот премиер, Киријакос Мицотакис, изјави дека ќе се обиде да ги надгради последните дипломатски достигнувања меѓу Атина и Анкара, и покрај долгогодишните тензии меѓу двете ривалски земји во Егејското Море, во интервју за магазинот Foreign Policy, пред неговата посета на Турција следната среда.Мицотакис потенцира дека Грција признава еден главен спор меѓу двете страни: дефинирањето на морските зони во Егејското Море и источниот Медитеран.„Оваа разлика постои со децении. Но сметам дека во последните години работевме конструктивно за да ги намалиме тензии и да признаеме дека, дури и ако не можеме да го решиме овој голем проблем, кој не е решен со децении, можеме сепак да имаме работна соработка, конструктивна соработка на одредени полиња“, рече Мицотакис.„Ќе патувам во Анкара, ќе ги изнесам нашите многу јасни точки во врска со нашиот главен спор, но исто така ќе се обидам да ги надградам достигнувањата што ги постигнавме во изминатата година.“

Свет | пред 2 месеци

Лавров: Москва води тајни разговори со европски лидери за Украина

Рускиот министер за надворешни работи Сергеј Лавров изјави дека Москва е во тајна комуникација со одредени европски лидери и дека со нив се водат разговори за завршување на рускиот воен конфликт во Украина.„Нема да кријам, во контакт сме со некои европски лидери. Тие се јавуваат и бараат овие разговори да останат тајни. Некои дури доаѓаат овде. И така се одржува таен контакт“, изјави Лавров.Тој додаде дека изјавите на европските лидери „за време на тие приватни, доверливи контакти“ не се разликуваат од она што го кажуваат јавно.„Тоа се исти повици: ‘Да го завршиме ова’, ‘Нешто мора да се преземе’“, рече Лавров.Лавров исто така посочи дека Европа има „безкомпромисен став“ според кој Русија мора да доживее „стратешки пораз“.„Нивниот став е следниот: Украина не смее да изгуби, Русија не смее да победи, бидејќи во спротивно Европа ја губи честа. Сè што сега прават е насочено кон спречување и оневозможување на преговорите кои, се чини, штотуку се наѕираат помеѓу Американците и нас, а сега се вклучуваат и украинските претставници“, додаде Лавров.

Свет | пред 2 месеци

(Видео) “Грешев, нема да се повтори”, стигна ново извинување по заканите за убиства оти им земаат возила што ги возат без возачки

Уште еден од демонстрантите кои се закануваа, за што премиерот Христијан Мицкоски најави „жесток одговор”, се извини јавно. Станува збор Феим Мемишовски, еден од Ромите кои протестираа во Битолско поради одземените возила на граѓани кои возеле без возачка дозвола.Видеото со извинувањето е снимено во домашна атмосфера, а тој вели дека направил грешка и дека тоа нема да се повтори.„Се извинувам до Владата, до претседателот, до премиерот. Пред два дена дојде син ми и ми кажа „татко, ми ја земаа колата, полицијата“. Јас од возбуда, кога ми кажа, кој и да е ова ќе го направи, ама згрешив многу, се извинувам, што се понашав така безобразно за власта и за премиерот. Се извинувам многу, грешев, и повеќе нема да ми се случи ова“, вели тој.Независниот синдикат на полицијата (НСП) во текот на вчерашниот ден официјално поднесе кривична пријава до Основното јавно обвинителство Битола против две лица, Р.M. и Ф.М., поради упатени сериозни закани по животот на полициски службеници.НСП во својот допис до Обвинителството предлага лицата веднаш да бидат повикани како осомничени и за нив да се побара притвор за да не го повторат делото или да го извршат тешкото кривично дело кое го најавуваат.Како доказ кон пријавата се доставени извадоци од видео материјалите со изјавите на лицата.

Македонија | пред 2 месеци

Полицискиот синдикат поднесе кривична и бара притвор за домонстрантите кои се закануваа на полицајци

Независниот синдикат на полицијата (НСП) во текот на вчерашниот ден официјално поднесе кривична пријава до Основното јавно обвинителство Битола против две лица, Р.M. и Ф.М., поради упатени сериозни закани по животот на полициски службеници.Од Синдикатот побара итна реакција од правосудните органи и одредување мерка притвор за пријавените.Според содржината на кривичната пријава, инцидентот се случил на 03.02.2026 година за време на протести во Битола. Пријавените, преку изјави во медиумите и на социјалните мрежи, упатиле директни закани дека ќе ги нападнат полицајците доколку тие се обидат да го спроведат законот и да им ги одземат возилата.НСП во својот допис до Обвинителството потенцира дека очекуваат ист аршин на постапување како во случаите кога се гонат полициски службеници.Исто така предлага лицата веднаш да бидат повикани како осомничени и за нив да се побара притвор за да не го повторат делото или да го извршат тешкото кривично дело кое го најавуваат.Како доказ кон пријавата се доставени извадоци од видео материјалите со изјавите на лицата.Од НСП порачуваат дека доколку Обвинителството не постапи во најкус рок, нивното непостапување „нема да остане незабележано“.

Македонија | пред 2 месеци

Почнуваат Зимските олимписки игри, Македонија со четворица натпреварувачи

Со свечена церемонија на стадионот на Милан и Интер денеска во 20 часот официјално започнуваат 25. Зимски олимписки игри, кои ќе траат до 22 февруари.На овие трети Игри што се организираат во Италија, чијшто домаќини овојпат се официјално Милано и Кортина д’Ампецо, Србија ќе ја претставуваат Ања Илиќ и Милош Милосављевиќ во нордиско скијање и Алекса Томовиќ во алпско скијање.На ЗОИ 2026 ќе се натпреваруваат вкупно 2.871 спортист, од кои 1.533 мажи и 1.338 жени, претставувајќи 92 олимписки комитети.Натпреварувањата ќе се одржуваат во осум спортови, во вкупно 16 дисциплини.Церемонијата на отворање ќе биде збогатена со настапи на оперскиот пејач Андреа Бочели, рок пејачката Лаура Паузини и американската музичка ѕвезда Мараја Кери.Претседателот на Италија, Серђо Матарела, ќе ги отвори Игри официјално.Свеченото затворање на Игрите ќе се одржи на 22 февруари во Верона.Македонскиот олимписки тим кој ќе настапи во Италија е составен од врвни спортисти кои се најдобри во своите дисциплини: Јана Атанасовска, e рекордерка во алпско скијање, ќе се натпреварува во слалом и велеслалом, Виктор Петков ќе настапи во алпските дисциплини велеслалом и слалом, Ставре Јада, ќе се бори во нордиските трки спринт и 10 км интервал старт Ана Цветановска, ќе ја претставува Македонија исто така во нордиските дисциплини спринт и 10 км интервал старт.Делегацијата ќе биде сместена во неколку олимписки села со цел спортистите да бидат поблиску до патеките, а за нивната логистика ќе се грижат шефот на мисијата Цветанка Макаровски и нејзиниот заменик Петар Спасеновски.Распоредот за настап на нашите нордијци е на 10, 12 и 13 февруари, додека алпските дисциплини ќе се одржат на 14, 15 и 18 февруари.

Спорт | пред 2 месеци

(Фото) Кратерски дупки под железничка во Скопје: Граѓани реагираат, ги оштетиле возилата

Сервисната уличка што поминува покрај објектот на ЈП „Македонска пошта“, под железничката станица во Скопје, е во катастрофална состојба, со голем број дупки и оштетувања на коловозот. И покрај тоа што уличката се користи секојдневно, засега нема никаква интервенција за нејзино сервисирање или асфалтирање.Граѓаните реагираат на социјалните мрежи, истакнувајќи дека проблемот не се наоѓа во периферни делови, туку во централното градско подрачје.„Не е во Кушкундалево, во центарот на Скопје е! Па и тие од ЈП МАКЕДОНСКА ПОШТА! Зинале само за плата, никако да зинат за зинатава дупка што им е пред порти! Ако уличниве властелини не знаат, еве јас како поштена граѓанка шо плаќа даноци, ќе апелирам да постелат малку нов асфалт, оти поштенава граѓанка некни обу едни штикли и...ојде предницата. Затоа, го молам горенаведениот наслов да си ја фати работата. Се асфалтира и зиме!“, коментираат жителите.Втор граѓанин додава дека на уличката има повеќе дупки, а неговиот син ја искинал гумата на колата. „Ги има повеќе, син ми искина гума од дупка на улица, пошто скината гума не се лепи си купи нова, важно Safe City е во функција.“Граѓаните апелираат надлежните институции да интервенираат што е можно побрзо, за уличката да стане безбедна за пешаци и возила.

Скопје | пред 2 месеци

Угостителите за една година ги покачиле цените за 3,4%, алкохолот поскап за 9,1%

Цените на угостителските услуги во јануари 2026 година се зголемени за 0,2% во однос на претходниот месец, а во споредба со јануари 2025 година се повисоки за 3,4%, објави Државниот завод за статистика.Според овие податоци во во јануари 2026 година во однос на декември 2025 година, угостителите ги зголемиле цените на храната за 0,3 %, а на алкохолните пијалаци за 0,2 %. Цената на безалкохолните пијалаци и ноќевањата останале исти како и во декември лани.На годишна основа (јануари 2026 – јануари 2025 година) цените на угостителските услуги најмногу поскапеле кај алкохолните пијалаци  за 9,1%, потоа кај  храната пораснале за 7,8%, и кај безалкохолните пијалаци за 5,3%.За една година угостителите ги намалиле цените на ноќевањата за 12,3%.Во 2025 година, пак, во однос на 2024 година, цените на угостителските услуги се зголемени за 4.8 %.

Македонија | пред 2 месеци

Драма кај пејачката Милица Тодоровиќ: Мажот со кој има дете е 19 години во брак, се огласи неговата сопруга

Пејачката Милица Тодоровиќ на свет донесе син на кого му го даде името Богдан. Во медиумите денеска се појавија првите фотографии од таткото на детето, кого Милица досега го криела од јавноста. Според информациите, станува збор за маж кој веќе е во брак и има две деца, а неговата сопруга Л. М. се огласи за медиумите, пренесе Блиц.рс.Таа истакна дека моментално преживува голем стрес и дека имала разговор со пејачката.„Ние сме во брак 19 години и имаме два сина. Пред еден месец тој ми соопшти дека очекува дете со Милица. Бев во шок, веднаш ја побарав Милица, ја сретнав пред нејзината зграда, ме повика горе во стан да разговараме. Таму беше мојот сопруг. Со неа разговарав убаво, со него не. Не знам што и кажал и што таа планирала. Имавме нормален брак... Многу е страшно“, изјави Л.М.Таа додаде дека семејството преживува тежок период, но дека Милица и таа разговарале цивилизирано.„Моите деца и јас преживуваме пекол. Јас и Милица разговаравме убаво, таа ми рече дека се во врска веќе една година и дека чека да се разведеме. Тој ми рече дека не сака да го напушти семејството, не знам што ѝ кажал на неа. Милица само сака да се разведеме и тој да биде со нив. Не ме праша за нашите деца, тоа не ѝ е важно. Најважно ѝ е каков е нашиот однос и дали сме во брак, како функционираме, за моите деца не ме праша, тоа не ја интересира. Таа повеќе не ме контактираше, јас не ја нападнав, дури ја заштитив...“ – порача таа.Според информациите, Милица Тодоровиќ роди здраво машко дете, а мајката и бебето се чувствуваат добро.Пејачката претходно изјавила дека нејзината врска со славниот актер била најголема лична грешка.

Магазин | пред 2 месеци

Берлинскиот аеродром затворен поради голомразица: Сите летови стопирани, хаос во воздушниот сообраќај

Берлинскиот аеродром соопшти дека денеска ќе остане затворен поради голомразица и дека не е познато кога ќе продолжат летовите.„Поради временските услови, полетувањата и слетувањата во моментов не се можни“, наведе аеродромот на својата веб-страница, пренесе Ројтерс.Авиокомпаниите мораа да ги одложат или откажат летовите откако снег и леден дожд погодија аеродромот во Берлин во четвртокот.Снег и леден дожд паѓаа во текот на ноќта меѓу среда и четврток, како и вчера наутро во источна Германија, предизвикувајќи нарушувања во патниот и железничкиот сообраќај.

Свет | пред 2 месеци

56 записници за неправилно фрлање отпад во јануари

Во текот на првиот месец од 2026 година, екипите на ЈП Комунална хигиена-Скопје подигнаа и транспортираа приближно 13 000 тони мешан комунален отпад од домаќинствата на територијата на градот Скопје.„Воедно, беа отстранети и 2765 кубни метри непрописно одложен мешан комунален, кабаст и градежен отпад. Во рамките на активностите за отстранување диви депонии е интервенирано во сите скопски општини, а најголемо количество непрописно одложен отпад – 400 кубни метри се подигнати во општината Центар.Еко-патролата при ЈП Комунална хигиена-Скопје во текот на месец јануари изготви вкупно 56 едукативни записници за претставници на стопанските субјекти и физички лица коишто биле затекнати при неправилно  одлагање на отпадот. Најголем број на записници - вкупно 32 - се врачени во скопската општина Чаир.ЈП Комунална хигиена-Скопје продолжува со одржување на јавната хигиена на булеварите, како и улиците што се во надлежност на Градот Скопје во сите скопски општини. Секојдневно, во три смени, се спроведува машинско и рачно метење на плоштадот и улицата Македонија, помалите плоштади Филип Втори, Мајка Тереза и Богородица, пешачките мостови во централното градско подрачје, пешачките патеки и тротоарите на мостовите „Гоце Делчев", и „Слобода", како и Старата скопска чаршија“, информираат од претпријатието.

Скопје | пред 2 месеци

СДСМ со решение: Наместо луксуз на власта – 600 евра плати за работниците и поддршка за компаниите!

Претседателот на СДСМ, Венко Филипче понуди јасно, конкретно и остварливо решение за зголемување на минималната плата на 600 евра преку ребаланс на буџетот. Нема простор за изговори на власта: пари во буџетот има, но тендер коалицијата ВМРО-ЗНАМ ги трошат за луксуз и криминални тендери, велат од опозициската СДСМ.„За зголемување на минималната плата на 600 евра потребни се околу 7,5 милијарди денари, односно 120 милиони евра.Само со рационално кратење на трошоците во две буџетски категории може целосно да се обезбедат потребните средства.Кратење на 20 до 30% на делот „стоки и услуги“, каде што се, патувања, репрезентации, договорни услуги, возила, мебел и комфор на функционерите, може да се обезбедат меѓу 90 и 130 милиони евра.Со кратење на делот „разни трансфери“ може да се обезбедат дополнителни 75 милиони евра.Со кратење само во овие две категории се обезбедуваат од 130 до над 200 милиони евра.Овие пари се доволно не само за минимална плата од 600 евра, туку и за дополнителна мерка за поддршка на приватниот сектор преку субвенционирање на придонесите, со што компаниите ќе можат да ги зголемат платите без да се загрози нивната ликвидност.Не може да има пари за луксуз, патувања, партиски тендери и партиски вработувања, а да нема пари за работниците.Изговори нема. Ако власта сака да им помогне на работниците, може веднаш да предложи ребаланс на Буџетот. СДСМ ќе го поддржи“, се вели во соопштението.

Македонија | пред 2 месеци

Минусни температури утрово во Берово и на Попова Шапка, најмногу дожд во Охрид

Утринава најстудено е во Берово и на Попова Шапка каде се измерени -2 степени, додека -1 степен е измерен во Тетово. Температура од 1 степен е регистрирана во Крива Паланка, Битола, Кавадарци, Струмица, Крушево и Лазарополе, а 2 степени во Скопје-Петровец, Скопје-Зајчев Рид, Прилеп, Штип, Демир Капија и Маврови Анови.Во Охрид, Претор, Виница и Велес се измерени 3 степени, додека највисока утринска температура од 4 степени е регистрирана во Гевгелија.Во изминатите 24 часа најмногу врнежи се измерени во Охрид – 5 литри на метар квадратен. По 2 литри на метар квадратен наврнале во Крива Паланка, Штип, Виница и на Попова Шапка, додека по 1 литар во Гевгелија, Пожаране, Маврови Анови, Лазарополе и Пожар-Радовиш.

Македонија | пред 2 месеци

Марко Рубио поднесе оставка

Државниот секретар на Соединетите Американски Држави Марко Рубио поднесе оставка од функцијата вршител на должност директор на Националниот архив на САД, соопшти Националната управа за архиви и евиденција (NARA).Тој се повлече од функцијата во согласност со Законот за реформа на федералните испразнети работни места, кој го ограничува времетраењето на вршителите на должност, а своите овластувања во Националниот архив ги делегираше на Џејмс Бајрон, висок советник на архиварот.Националниот архивар е одговорен за надзор на владините евиденции и раководење со Националниот архив, агенција која американскиот претседател Доналд Трамп ја критикуваше поради ракувањето со доверливи документи во 2022 година, пренесе Ројтерс.Рубио беше назначен за вршител на должност директор на архивот откако Трамп ја отпушти тогашната архиварка Колин Шоган.

Свет | пред 2 месеци

Трендафилов: Функционерите повеќе ги болат сопствените плати отколку платите на работниците

Претседателот на Сојузот на синдикати на Македонија (ССМ), Слободан Трендафилов, обвини дека функционерите повеќе се грижат за сопствените плати отколку за стандардот на работниците, реагирајќи на ставовите на Владата за иницијативата за намалување на функционерските примања.„Преку медиумите, информирани сме дека претставникот на Владата истакнал дека Иницијативата на ССМ за намалување на функционерските плати е полна со политикантство и најмалку ги штити интересите на самите работници и дека ова што се предлага е неуставно и веќе е докажано во минатото. Дека нивната стратегија е единствениот уставен пат – преку законски измени на коефициентите да го спречи натамошниот раст на платите и постепено да го вратат нивото пред одлуката за зголемување од 78%.Тоа што предлага ССМ по новата формула за функционерските плати е и Уставно и Законски, па така, промената на основицата за пресметка на функционерските плати од просечна на минимална плата е намалување на функционерските плати за -40% и намалувањето на коефициентите за сложеност за -40% е намалување на функционерските плати за дополнителни -40% или по познатата формула x-y=z за математички по прецизно да разберат, ако X е 80% ( колку што се зголемени функционерските плати) - Y (намалувањето н основицата од просечна на минимална плата и дополмително намалување на коефициентите ) кој е - 80 % = Z кој е 0%, а тоа значи да си ги намалат веднаш платите за 80% за да се вратат во реалноста во која живеат работниците.Дополнително, покрај намалувањето на функционерските плати, за да ги заштитиме интересите на работниците, работниците бараат минималната плата веднаш да се зголеми на 600 евра, а останатите плати да се зголемат за најмалку 6.000 денари или за разликата од зголемувањето на минималната плата ( од сегашната минимална плата и новата минимална плата).Прашањето е како намалувањето на коефициентот на функционерските плати за 9,2 % (онолку колку што е порастот на просечната плата за 2025 година) за да не се зголемат нивните плати, но и за да не се намалат функционерските плати е Уставно и системско решение, а намалувањето за 40% на коефициентот на сложеност и намалувањето на основицата за пресметка на функционерските плати за 40% или вкупно намалување за 80% е спротивно на Уставот и на Законите.Како тоа намалувањето на коефициентите за да не им се зголеми платата е Уставно, а намалувањето на коефициентите за да им се намали платата е неуставно ?За потсетување, Уставен суд укина Уредба на Владата за замрзнување на коефициентите и така се случи енормното зголемување на функционерските плати кои сложно си ги земаат функционерите.Но, оваа Влада минатата година со Уредби ги намали коефициентите, па така, сега кога Уставен суд ќе одлучи како што веќе одлучил, функционерите ќе добијат зголемување за 12,6% на нивната плата за 2025 година и тоа ретроактивно, затоа што порастот на просечната плата во 2025 година во однос на 2024 година беше 12,6%.Најважното прашање е ова :Уцените за тоа работниците да се откажат од правото просечната плата да им биде основица за пресметка на платата помножена по коефициент на сложеност, се дават врз основа на Уставот или врз основа на желбите на поединци во Владата и како тоа за себе сакаат решение кое ќе опстане и кое нема повторно да биде поништено од судовите, а бараат работниците сами да си поништат нешто што им следува согласно Уставот, а е забрането да го поништат и со Закон и со Општиот колективен договор?“, вели Трендафилов

Македонија | пред 2 месеци

Казните за сообраќајни прекршоци на товар на возачите на ЈСП и јавните претпријатија

Возачите на автобусите на ЈСП и на возилата на останатите јавни претпријатија во Скопје отсега самите ќе го сносат трошокот за сообраќајните прекршоци, а доколку не може да се утврди кој точно возел, одговорноста ќе ја сносат шефовите на возниот парк, соопшти градоначалникот на Скопје Орце Ѓорѓиевски.„И во Град Скопје и во сите јавни претпријатија одговорноста е пред се кај оној кој што го вози возилото. Целиот трошок ќе биде на сметката на тој којшто направил прекршок. Онаму каде што не знаеме кој е возачот, дал ие тоа механизација или лесно возило одговорноста оди кај шефот на возниот парк“, изјави Ѓорѓиевски„Возилата нема да можат да стартуваат без картичка од возачот, за точно да знаеме кој управува во секој момент“, појасни Ѓорѓиевски.Покрај сообраќајната дисциплина, градот ќе инсталира и специјални мерачи на гориво и ГПС-уреди. Системот веднаш ќе алармира доколку се забележи потрошувачка поголема за само еден литар, со цел, како што вели градоначалникот, да се спречат долгогодишните злоупотреби и кражби на нафта од тешката механизација и автобусите.

Скопје | пред 2 месеци

Димитриевски: Зголемувањето на минималната плата носи повисоки цени

Коментирајќи ги намалувањата на платите на функционерите, Максим Димитриевски во „Клик Плус“ на ТВ21 рече дека нема ништо против да се намалат платите, но и дека e против покачувањето на минималната плата. Тој изјави дека во целата тема гледа „многу политика, а малку суштина“.„Минималната плата во државата содржи многу елементи на политика, а многу малку на суштина. Парите секогаш се малку, и платите се мали во Македонија, но покачувањето на платите значи и покачување на цените, особено на давателите на јавни услуги. Јас сакам моите јавни претпријатија да имаат високи плати, но цените на услугите ќе бидат повисоки. Се работи за многу политика, а малку суштина. Граѓаните треба да знаат дека зголемување на минималната плата за која се залагаат синдикалци, квазисиндикалци, политички личности, носи само бенефит за државата. Тоа значи повисоки придонеси и приходи кон државата. Суштината на договорот не е во Владата, туку во Економско-социјалниот совет“, рече Димитриевски.

Македонија | пред 2 месеци

Магла до 50 метри кај Гевгелија, влажни коловози низ државата

Сообраќајот на државните патишта се одвива по наместа влажни коловози, а намалена видливост поради магла е забележана во повеќе делови од земјата. До 50 метри видливоста е намалена во околината на Гевгелија, до 100 метри кај Струмица, Неготино и Сарамзалино, а до 150 метри кај Демир Капија.Интензитетот на сообраќај на патните правци надвор од градските средини е умерен, а на граничните премини од македонска страна нема подолги задржувања за влез и излез од државата.Од АМСМ потсетуваат дека од 15 ноември 2025 година е во сила законската обврска за задолжително поседување зимска опрема во возилата, без оглед на моменталните временски услови. Обврската ќе трае до 15 март 2026 година.Се препорачува прилагодена брзина на движење, почитување на сообраќајната сигнализација и внимателно управување со возилата, особено на патиштата низ котлините, речните долини и клисурите каде постои можност од одрони. Ова особено се однесува на делниците Катланово – Велес, Маврово – Дебар – Струга, Виница – Берово и Кочани – Делчево.Патниот правец Охрид – Ресен преку националниот парк Галичица останува затворен за сообраќај за сите видови возила во рамки на сезонскиот режим, во период од 21 ноември 2025 до 31 март 2026 година.

Македонија | пред 2 месеци

(Видео) Над 1,5 милиони евра месечно губи Комунална хигиена поради девијантни појави од минатото, вели Ѓорѓиевски

Градоначалникот на Град Скопје, Орце Ѓорѓиевски на прес-конференција истакна дека над 1,5 милиони евра месечно има загуби во ЈП Комунална хигиена поради како што вели тој девијантни појави од минатото.„Изминатиов период, девијантните појави од минатото ги исклучуваме да бидат опција. Пример, над 130.000 квадрати во Комунална хигиена се упишани површини коишто, за мене и за раководството сегашно, од нејасни причини во минатото не биле вкалкулирани во пресметките за ѓубретарина наплата. Тоа е над 1,5 милиони евра загубен приход на месечно ниво во претпријатието, велиИ тоа како се спроведувало? Имате индустриска зона, процена си направил некој во минатото дека на 5 објекти треба да им се пресмета целата квадратура и површина, ама на некои не треба, или па треба по малце од тоа што го имаат да им се пресмета. Тоа претпоставувате од какви причини е правно,  е сега нема да може така.Сега ќе има електронска база во која ќе има точни податоци и сето тоа ќе го вкрстуваме со катастар. Секој кој ќе се обиде да направи таква појаваќе биде строго санкциониран. Е ова е само комунална хигиена. Кога сме кај водовод и канализација во тек е акција во многу правни субјекти каде што има сериозна злоупотреба на вода. Каде што дупли водомери се поставувани во минатото, каде што не се регулира состојбата како што треба и тоа се должи, исто така, на дел од генерираните загуби на претпријатието, дел се должат на односите поврзани со и закоченоста со пречистителната станица, каде што имаме сериозно придвижување напред, но и со ненаплатата на сметки. Ние имаме како лица коишто носиме одговорност пред граѓаните, но и пред законот, да постапуваме и да не доведеме состојба во којашто ќе застарат долгови, знаете и самите.Тоа е свесно доведување на состоеба да вие го однесете во колапс, претпријатие, град или која било установа. Е, некој го дозволил и тоа во минатото“, вели Ѓорѓиевски

Скопје | пред 2 месеци

Променливо облачно со дожд и умерен јужен ветер

Променливо облачно време се очекува претпладнево во западните делови на земјата со повремени врнежи од дожд, додека попладне услови за дожд ќе има и во источните делови. Ќе дува слаб до умерен ветер од јужен правец. Минималната температура ќе се движи од 2 до 6 степени, а максималната ќе достигне од 8 до 14 степени.Во Скопје ќе биде облачно со услови за повремени врнежи од дожд, со слаб ветер со променлив правец. Минималната температура ќе се спушти до 4, а максималната ќе достигне до 11 степени.Во наредните денови се очекува променливо облачно време, со повремен слаб дожд, освен во западните делови каде што врнежите ќе бидат пообилни (над 15 l/m²). Ќе дува умерен, повремено засилен ветер. Нови врнежи се очекуваат во недела и на почетокот на следната седмица, кога ќе настапи заладување со повремени врнежи од дожд, а на планините и на повисоките места од снег.

Македонија | пред 2 месеци