Животот на полицајците вреди 400 евра месечно – секој од нас можеше да биде Виктор Цветковски

„Не сакам да паметувам, сакам само да се знае!Сите вие додека плукате по полицајците, ги исмевате и ги обвинувате за било каква состојба во државата, запрашајте се колку вреди нивниот живот!?400 евра месечни примања!Додека со насмевка излегува од дома оставајќи го семејството, а длабоко во душата со мисла само жив да се врати…Додека крај со крај крпи за да не ја извалка својата чест и честа на професијата, немо стои на дожд, снег, гладен, жеден, во усмрдена униформа во зима и жешкото лето, ден, ноќ, во кордони додека некои ги каменуваат, плукаат и навредуваат, а тој со мисла само жив да се врати дома, да ги гушне саканите, легне во чиста постела, топол кревет, за корка леб, да не ја извалка честа и професијата…Запрашајте се кога ќе го снема кој се грижи за неговата фамилија!? Нека ти е лесна земја колега, твојата загуба ништо не може да ја надокнади… Господ да дава сила во овие тешки моменти на твоите најблиски! А вие колеги почитувајте се, помагајте се, и во лошо и во добро!“

Коментари | пред 7 години

Георгиевски: На 5-ти мај ќе објавиме голема победа, а Охрид ќе е подобро место за живеење

Кандидатот за градоначалник на Општина Охрид, Костантин Георгиевски преку социјалните мрежи им се заблагодари на граѓаните за гласовите, велеќи дека тие ја потврдиле нивната одлучност за подобра иднина на градот.„Имавме исклуително мирни, фер и демократски избори, на кои јасно беше изразена волјата на граѓаните. Големата предност која ја имаме, од над 2400 гласови, е јасен сигнал дека само заедно можеме и мораме да продолжиме напред. Искрено и од се срце Ви благодарам на укажаната доверба и поддршката која што ми ја давате мене и на Социјалдемократскиот сојуз и коалицијата. Сигурен сум дека оваа поддршка ќе биде помасовна и поголема и за две недели, на 5-ти мај, во вториот изборен круг, ќе објавиме уште една голема победа во Охрид. Имаме реални планови за доброто на сите граѓани, ги препознаваме приоритетите за развој на Охрид и цврсто сме определени да одиме напред, да работиме посветено за да ги постигнеме и реализираме сите зацртани цели во нашата Предизборна програма! Охрид има огромни потенцијали, но само низ заедничка соработка може да го направиме посакувано место за живеење и светска туристичка дестинација!  Само заедно со вас и со вашите предлози може да постигнеме многу! Нашата намера е чесна и препознаена!“, пишува Георгиевски на социјалните мрежи.

Македонија | пред 7 години

Нема фотографија

Во домот на гевгеличанец пронајдена марихуана и семки од „Cannabis“

Надворешната канцеларија за криминалистички работи Гевгелија поднесе кривична пријава против Д.А.(37) од Гевгелија поради постоење основи на сомнение за сторено кривично дело „неовластено производство и пуштање во промет на наркотични дроги, психотропни супстанци и прекурзори“. На 25.09.2018 година во Гевгелија полициски службеници извршиле претрес во домот на пријавениот, при што пронашле и одзеле марихуана и 295 семки од растението „Cannabis“.

Македонија | пред 7 години

Се обидел да нападне полициски службеник

На 21.04.2019 година околу 15.50 часот во Полициската станица Кочани било пријавено дека во с.Бели, кочанско, В.И.(34) агресивно се однесувал и се обидел да нападне полициски службеник. В.И. бил приведен во Полициската станица Кочани, а по целосно документирање на случајот против него биде поднесена соодветна пријава.

Македонија | пред 7 години

Во возило на косовски државјанин пронајдени 58 мигранти

Регионалниот центар за гранични работи Југ поднесе кривична пријава против К.Р.(34) од Косово поради постоење основи на сомнение за сторено кривично дело „криумчарење мигранти“. Од страна на судија на претходна постапка му е одредена мерка притвор во траење од 30 дена.На 20.04.2019 година на автопатот Гевгелија – Скопје, после клучка „Смоквица“, во возилото што го управувал пријавениот, полициски службеници пронашле 58 мигранти.

Македонија | пред 7 години

Изгубил контрола над возилото и удрил во бетонски столб

На 21.04.2019 година во 13.45 часот на ул.„Ужичка“ во Кичево, Р.Ц.(56) од Кичево, управувајќи патничко возило„Лада нива“ со кичевски регистарски ознаки, изгубил контрола над возилото и удрил во бетонски столб. Р.Ц.се здобил со тешки телесни повреди и бил пренесен во Општата болница во Кичево, а потоа во Ургентниот центар при комплексот клиники „Мајка Тереза“ во Скопје. Увид на местото извршила екипа од Полициската станица Кичево.

пред 7 години

Сообраќајната полиција од Битола регистрираше низа неправилности кај возачите

Полициски службеници од Секторот за внатрешни работи Битола за време на викендот извршиле контрола за брзина, управување без возачка дозвола, нерегистрирани возила, непочитување првенство, исправност на возилата, сигурносен појас. Притоа, контролирани се 789 возачи, од кои 14 возачи ја пречекориле дозволената брзина, девет возачи управувале возило без возачка дозвола, нерегистрирани биле 11 возила , двајца возачи зборувале на мобилен телефон при управување на возилото, а четири возачи не користеле сигурносен појас.

Македонија | пред 7 години

Пендаровски: Задоволен сум дека во првиот круг мнозинството граѓани гласаа за напредна и европска Македонија

Сакам уште еднаш да се заблагодарам на сите оние кои вчера достоинствено и демократски излегоа на гласање. Очекувам убедлива и недвосмислена победа во вториот круг и кончено Македонија да добие претседател на сите граѓани, истакна Стево Пендаровски, заеднички кандидат за претседател.Задоволен сум дека во првиот круг мнозинството граѓани гласаа за напредна и европска Македонија. Гласаа за заедништво, за напредок и сигурна иднина. Ги разбирам и граѓаните кои решија да не излезат на гласање и на тој начин да упатат порака. Тоа е нивно право и верувам дека пораката од страна на политичарите е примена.Но, јас сум убеден дека најголем дел од нив даваат поддршка за европската иднина на нашата земја. Би сакал да им порачам дека на 5 мај е последниот датум кога ќе можат да ја потврдат оваа нивна заложба и да ја обезбедат својата иднина. И убеден сум дека за две недели ќе излезат и ќе гласаат за мене и за политичката опција која ја претставувам и на тој начин одговорно ќе ја поведат земјата напред.Би сакал исто така да им се обратам директно и на оние граѓани кои гласаа за господинот Блерим Река. Од нив ја очекувам поддршката за вториот круг и ги повикувам масовно да излезат на гласање. Знам дека тие ја поддржуваат во огромен број мојата визија за европска и интегрирана Македонија, наспроти ревизијата на се што постигнавме и блокадите кои ги најавува Сиљановска. Ги повикувам да излезат и да гласаат по свое убедување онака како што мислат и веруваат дека е правилно. Од нивниот глас зависи каков курс ќе заземе нашата земја по 5 мај.Од денес ја продолжувам мојата кампања до конечна победа. На 5 мај ни е потребна максимална политичка, граѓанска мобилизација и поддршка за концептот кој ја води оваа земја напред. Продолжувам уште посилно на терен да се сретнам со што повеќе граѓани и да ја пренесам пораката дека 5 мај е последниот датум за да избегнеме нови поделби, нови блокади и застој на патот кон ЕУ, истакна Стево Пендаровски, заеднички кандидат за претседател.

пред 7 години

Јанушев: СДСМ како политичка партија драматично ја губи поддршката кај граѓаните

 Новата реалност во Република Македонија е дека граѓаните одбраа правда токму за Македонија. Резултатите од изборите покажаа дека ВМРО-ДПМНЕ е политичката сила со најголема доверба меѓу граѓаните и дека политиките на власта доживуваат пораз, истакна Игор Јанушев, Генерален секретар на ВМРО-ДПМНЕ.СДСМ како политичка партија драматично ја губи поддршката кај граѓаните, и тоа го потврдуваат бројките и фактите.Власта, особено СДСМ е делегитимирана. Народот не им верува. Вчерашниот ден исто така потврди и дека меѓу граѓаните владее вистинска апатија поради болната реалност оптоварена со криминал, корупција и сиромаштија. Поради неправда која ја чувствува секој човек. Граѓаните се чувствуваат измамено од страна на власта.Доживеа пораз системот кој наметнува тортура, прогони, притисоци, системот кој носи безпарица, економска стагнација, системот кој тргува со името, достоинството, и законите. Со овие луѓе нема ниту иднина, ниту напредок.Одговорот на апатијата е едноставен, масовно гласање во вториот круг на изборите на 5-ти мај, и потврда дека граѓаните се тие кои решаваат. Народот е посилен од секоја власт и народот е свесен дека со гласачко ливче победуваме неправда.Гордана Сиљановска Давкова е изборот на граѓаните, таа е изборот затоа што е олицетворение на правдата, човек со кредибилитет и свој став.За нас довербата од граѓаните е обврска, а новата реалност е дека ВМРО- ДПМНЕ, и коалицијата која ВМРО-ДПМНЕ ја направи со народот победи во 47 општини. Фактите говорат дека на минатите локални избори, победивме во само 5, а вчера по нешто повеќе од една година во 47 општини.Победивме во Скопје, Битола, Прилеп, Штип, Велес, Кавадарци, Неготино. Победивме во Босилово, Брвеница, Валандово, Василево, Вевчани.Победивме во: Виница, Гевгелија, Градско, Дебарца, Демир Капија, Демир Хисар, Зелениково, Зрновци, Илинден, Јегуновце.Победивме и во Карбинци, Кочани, Кратово, Кривогаштани, Лозово, Македонска Каменица, Македонски Брод, Могила, Новаци, Ново Село. Гордана победи и во Охрид, Петровец, Пехчево, Пробиштип, Радовиш, Ранковце, Росоман, Свети Николе, Сопиште, Старо Нагоричане, Чешиново - Облешево.Тука би истакнал неколку работи. Скопјани ја поразија власта, Скопјани ги поразија Заев и Пендаровски заедно.Огромна победа имавме и во Гази Баба каде разликата е 6.500 гласа во корист на Сиљановска. Во Кисела Вода Сиљановска води пред Пендаровски со разлика од над 4.000 гласа или разлика од над 30%. Победа имаме и во Аеродром, каде разликата е повеќе од 2.000 гласа.Победивме и во Бутел, со 1.400 гласа разлика. ВМРО-ДПМНЕ има победа и во Ѓорче Петров со над 2.000 гласа разлика или над 30%.Имаме тесен резултат и во Шуто Оризари каде претходно на минатите избори имавме голема разлика во корист на власта. Исто така намалена е разликата и во Центар и Карпош.СДСМ за помалку од 2 години изгуби речиси 14.000 гласови во Битола, каде денес имаме водство на Сиљановска во однос на Пендаровски.Доколку резултатите на овие избори се пресликаат во пратенички мандати, ВМРО-ДПМНЕ е политичката партија која ќе треба да прави ново мнозинство во Собранието и нова Влада.Првичните анализи покажуваат дека ВМРО-ДПМНЕ и Коалицијата „За подобра Македонија“ ќе освои 53 пратенички мандати, а СДСМ 12 пратенички мандати помалку, или само 41 пратенички мандат, додека Беса и Алијансата и ДУИ по 13 пратенички мандати.Цврсто веруваме во победа во вториот круг на изборите, затоа што народот се определи. Големиот број на гласови кои ги освои Гордана и ВМРО-ДПМНЕ за нас се огромна обврска да продолжиме понатаму.Со оглед на тоа дека власта на СДСМ оствари слаби резултати, апелирам да се задржи демократскиот амбиент и да не се продолжува со методи на притисок и заплашувања. Тоа ќе биде контрапродуктивно бидејќи народот веќе го испорача своето, кажа дека е за промени, македонската пролет доаѓа.Ги повикувам сите граѓани, апсолутно сите граѓани да ја искористат можноста за конечна победа на правдата, над неправдата. ВМРО-ДПМНЕ е за принципи, вредности и честитост.Да се обединиме во заложбите за правда во Македонија и за Македонија, правдата е и зачуваното достоинство, подобриот стандард, подоброто здравство, приносното земјоделие, нови фабрики, сигурност и иднина која е загарантирана.Затоа ајде заеднички да испишеме историја, да победат граѓаните наспроти целата власт, и неправдите, истакна Игор Јанушев, Генерален секретар на ВМРО-ДПМНЕ.

пред 7 години

Косовски државјанин обвинет за недозволена трговија со марихуана

Основното јавно обвинителство Скопје до Основниот суд Скопје 1 Скопје достави Обвинителен акт против едно лице кое се товари дека сторило кривично дело – Неовластено производство и пуштање во промет наркотични дроги, психотропни супстанции и прекурсори од член 215 став 1 од Кривичниот законик.Обвинетиот, државјанин на Република Косово и без пријавено живеалиште или престојувалиште во земјава, на 17.03.2019 година во близина на граничниот премин Блаце, неовластено држел 14 полиетиленски пакувања наркотична дрога марихуана.  Пакувањата биле сместени во две јутени вреќи  со вкупна нето маса од 14.050,8 грама. Дрогата била пронајдена и одземена при претрес од страна на овластени службени лица.Надлежниот јавен обвинител до Судот достави и Предлог за продолжување на определената мерка притвор за обвинетото лице, ценејќи дека и натаму постои опасност тој да се даде во бегство или да го повтори делото што му се става на товар. 

пред 7 години

Потребно е млеко – мајка со неухранети близначиња заврши во болница

Вистинските дела на љубезност на нивниот твитер профил споделија информација дека е потребно млеко за близначиња кои завршија во болница поради неухранетост:„Велешани итно е потребно млеко за близначиња стари 40 дена. Мајката со бебињата завршува во болница поради неухранетост.Не исконтактира патронажната сестра од Велес дека се работи за петчлено семејство и со детенце од 2 г. Семејството буквално гладува.Потребна е и храна за нив“, пишува на твитер.https://twitter.com/Ljubeznost/status/1120220958604845056?ref_src=twsrc%5Etfw%7Ctwcamp%5Etweetembed%7Ctwterm%5E1120220958604845056&ref_url=https%3A%2F%2Femagazin.mk%2Fpotrebno-e-mleko-ma-ka-so-bebi-a-neuhraneti-zavrshile-vo-bolnica-vo-veles%2F

Македонија | пред 7 години

ГДУ: Посебно сме задоволни од нашиот кандидат за градоначалник на Охрид, кој несебично се вложи себеси во оваа кампања

Иако работевте во сенката на претседателските избори, ви честитаме на преданоста и професионалниот однос на сите вас кои бевте дел од кампањата на Михаил Трендафилов-Нанче и овозможивте и тој и Граѓанско Демократската Унија да бидат претставени во најдобро светло пред охриѓани,се вели во соопштението од Граѓанско Демократска Унија- ГДУ.Посебно сме задоволни од нашиот кандидат за градоначалник на Охрид, кој несебично се вложи себеси во оваа кампања и покажа дека се може и поинаку, може и подобро.Колку и некому да му изгледа „скромен” изборниот учинок на Михаил Трендафилов-Нанче и ГДУ, тоа не го менува фактот дека тој резултат е надеж за промени, би додале и невообичаено сериозни промени. Граѓаните одбиваат да бидат статисти во политичките процеси контролирани од „политичките елити”.Затоа резултатите од оваа кампања ги сфаќаме сериозно и благодарно, особено што ова беше самостоен настап на ГДУ, двајцата водечки кандидати зад себе имаат редици и редици од „партии”.Конечно, има ли подобар начин во дело да се промовира мотото на Граѓанско Демократската Унија – Не се обидувај да ме газиш, се вели во соопштението од Граѓанско Демократска Унија- ГДУ. 

пред 7 години

Милошевски: Ние ќе продолжиме слично како и во првиот круг со работа на терен, пожестоко отколку досега

Резултатите се добро познати, па тргнуваме од нула. Им честитам на акндидатите Стевоски, Мена и Трендафилов, за заедничкиот успех кој го постигнаа и заедно освоија преку 3200 гласови и навистина треба да бидат многу горди на својот резултат и по мене во првиот круг тие се морални победници, истакна Митре Милошевски, кандидат за градоначалник на Охрид.Повторно во Охрид за жал се појавија над 1000 неважечки ливчиња што е премногу на излезност од 28 000, и во тој смисол ДИК и ОИк треба значително да поработаат на медиумско покривање на овој проблем, кој е изразен и на ниво на Македонија и заради кој еве во Ново Село не се избра градоначалник.Ние ќе продолжиме слично како и во првиот круг со работа на терен, пожестоко отколку досега затоа што најверојатно таа работа не беше доволна. Да пробаме да ги убедиме граѓаните да го свртат делот од своето мислење , истакна Митре Милошевски, кандидат за градоначалник на Охрид.https://www.facebook.com/mitremilosevskimd/videos/319287815403708?sfns=mo

пред 7 години

Георгиески: Имавме исклучително мирни, фер и демократски избори, на кои јасно беше изразена волјата на граѓаните

Охриѓани вчера уште еднаш  ја покажаа и ја потврдија својата одлучност за подобра  иднина на нашиот град. Имавме исклучително мирни, фер и демократски избори, на кои  јасно беше изразена волјата на граѓаните. Големата предност која ја имаме, од над 2400 гласови, е сигурен сигнал дека само заедно можеме и мораме да продолжиме напред, се вели цо соопштението од Константин Георгиески, Кандидат за Градоначалник на Охрид.Искрено и од се срце Ви благодарам на укажаната доверба и поддршката која што ми ја давате мене, на Социјалдемократскиот сојуз и на коалицијата. Сигурен сум дека оваа поддршка ќе биде помасовна и поголема и за две недели, на 5-ти мај, во вториот изборен круг, кога ќе објавиме уште една голема победа во Охрид.Имаме реални планови за доброто на сите граѓани, ги препознаваме приоритетите за развој на Охрид и цврсто сме определени да одиме напред, да работиме посветено за да ги постигнеме и реализираме сите зацртани цели во нашата Предизборна програма! Охрид  има огромни потенцијали, но само низ заедничка соработка може да го направиме посакувано место за живеење и светска туристичка дестинација!Само заедно со вас и со вашите предлози може да постигнеме многу! Нашата намера е чесна и препознаена!Одиме Заедно Напред, се вели во соопштението од Константин Георгиески, Кандидат за Градоначалник на Охрид. 

пред 7 години

Пендаровски очекува поддршка од гласачите на Река: Многу вода протече низ Вардар од 2014 до сега

„Ги разбирам граѓаните кои решија да не излезат на гласање и на тој начин да ја упатат пораката. Тоа е нивно право и верувам дека политичарите ја примија пораката. Но, јас сум уверен, дека најголем дел од нив се за европска иднина на Македонија. Петти мај е последниот датум кога ќе можат да ја потврдат оваа заложба и да ја обезбедат сопствената иднина. Убеден сум дека ќе излезат и ќе гласаат за мене“, рече Пендаровски на денешната прес-конференција.„Во вториот круг ја очекувам поддршката од граѓаните кои гласаа за Блерим Река. Ги повикувам масовно да излезат на гласање. Знам дека огромен број од нив ја поддржуваат мојата визија за европска и интегрирана Македонија, наспроти блокадите кои ги најавува Сиљановска. Ги повкувам да гласаат по свое убедување“, додаде тој.„Не сум сигурен дека го изгубивме Скопје. Бројките се поделени, од Сарај до Чаир. Од она што го знам од теренските извештаи, мислам дека сите 31 политичка партија кои застанаа зад мојата кандидатура беа ангажирани со мобилизација на своите гласачи. Не можам да увидам дека некој од нив седел дома и не работел“, рече Пендаровски откако беше запрашан дали сите коалицики партнери работеле на терен за негова победа.„Многу работи се променија од претходните избори до сега. Последниве две години направивме неколку тешки одлуки и компромиси. Зборувам за договорите со Грција и Бугарија, Законот за јазици, за кои имаше сериозни отпори од главната опозициона партија кои продолжуваат и натаму. Споредбата меѓу 2014 година и 2019 година е само во тоа што сега имавме демократски избори, а тоа го потврдуваат сите. Многу вода протече низ Вардар за да ги споредуваме тие работи. Во тој период бевме без пристап до медиуми, администрацијата беше блокирана, меѓутоа, политичките одлуки кои ги преземавме од 2016 па наваму, влијаеа на изборниот резултат“, рече Пендаровски, запрашан за споредба меѓу изборите во 2014 кога тој немаше поддршка од коалициските партнери.

Македонија | пред 7 години

ФОТО: Страшна сообраќајка во Карпош

Тешка сообраќајна незгода се случила во скопската населба Карпош меѓу три возила. Од фотографијата се гледа дека едното е превртено, а кај другите две е причинета материјална штета.фСпоред информациите, за среќа нема жртви од сударот на трите возила, а на лице место пристигнала и Брзата помош.

Скопје | пред 7 години

Најбогатиот Данец во бомбашките напади во Шри Ланка загубил три деца

46- годишниот Андрес Повлсен кој е сопственик на меѓународниот синџир на продавници за облека „Бестселер“кој ги опфаќа модните марки „Веро Мода“ и „Џек енд Џонс“, најголем акционер во британската онлајн компанија АСОС и втор најголем акционер во германската онлајн компанија „Заландо,  објави дека три од неговите четири деца се убиени во терористичките напади на Шри Ланка. Семејството на данскиот милијардер било на одмор на Шри Ланка за католичкиот Велигден, пренесе „Дејли маил“.Данскиот милијардер воедно е и сопственик на 89 илјади хектари земја во Шкотска, што го прави најголемиот приватен земјопоседник во земјата.Според листата на магазинот „Форбс“ од 2018 година , Повлсен со богатство од 7,9 милијарди американски долари е најбогатиот Данец во светот.

Свет | пред 7 години

Силјановска Давкова на ФБ: Искрено жалам што не влезе во вториот круг

Гордана Силјановска Давкова преку „Фејсбук“ му ги честиташе освоените гласови на Блерим Река и му порача дека ѝ беше чест да учествува на претседателските избори заедно со него, нејзиниот колега.Ми беше чест да учествувам на претседателските избори заедно со колегата Блерим Река.Дискусиите кои ги имавме, и по прашања за кои се сложувавме, како и за оние за кои не се сложувавме, беа на високо ниво и го подигнаа квалитетот на дебатата.Му честитам на освоените гласови и искрено жалам што не влезе во вториот круг.https://www.facebook.com/kandidat.za.pretsedatel/photos/a.779463125744898/822187024805841/?type=3&theater

пред 7 години

ВМРО ДПМНЕ: Сиљановска Давкова и ВМРО-ДПМНЕ победија над 30-тина партии кои застанаа со СДСМ и Пендаровски

Вчеравечер Македонија победи. Граѓаните сплотени без страв кажаа дека сакаат право и правдина. Гордана Сиљановска Давкова ја доби мнозинската поддршка од граѓаните. Народот вчера ги победи сите остатоци од транзицијата. Антидржавните политики и криминалот вчера беа поразени. Од денеска Македонија има нова реалност. Власта е во слободен пад. Никој повеќе не се плаши, се вели во соопштението од ВМРО ДПМНЕ.Гордана Сиљановска Давкова и ВМРО-ДПМНЕ победија над 30-тина партии кои застанаа со СДСМ и Стево Пендаровски.Македонија победи. Стравот е поразен. За целосна победа и делегитимирање на оваа власт е потребна победа во вториот круг.Народот ја порази хотел коалицијата. Народот ги порази елитистите од власта.ВМРО-ДПМНЕ ги повикува сите граѓани да се обединиме во вториот круг и да го нанесеме финалниот удар за пад на власта.Македонија заслужува претседател кој ќе ги почитува уставот и законите. Македонија заслужува подобро. Гордана Сиљановска Давкова е вистинскиот избор, за право и правда. За подобра иднина, се вели во соопштението од ВМРО ДПМНЕ.

пред 7 години

И таткото и детето починале на лице место во Слупчане – Биле изрешетани со повеќе куршуми

Основното јавно обвинителство Куманово изврши увид во близина на село Слупчане каде синоќа беше пронајдено возило кон кое биле истрелани повеќе куршуми.На увидот беше констатирано дека од близина е пукано во патничкото моторно возило во кое се наоѓале две лица, возач и неговото осумгодишно дете. Двете лица биле смртно повредени и починале на лице место.По насока на надлежен јавен обвинител, увидната екипа на Министерството за внатрешни работи ги обезбеди и подигна трагите од лице место и истите ќе бидат предмет на натамошно вештачење. Пронајдени се и подигнати поголем број испукани чаури преку чие вештачење се очекува да се утврдат битни факти во предметот. Ќе биде извршено вештачење и на возилото на кое се видливи повеќе траги од напад со огнено оружје. Издадена е и Наредба за вршење обдукција на телата на починатите.Основното јавно обвинителство Куманово во континуитет презема дејствија со цел целосно расчистување на настанот.

Македонија | пред 7 години

Ванковска и Каракамишева се испокараа за ВМРО-ДПМНЕ, која била поголем душман

Универзитетските професорки Билјана Ванковска и Татјана Каракамишева се испокараа на социјалните мрежи, во обидот да се докажат која е поголем патриот, а кој поголем душман на ВМРО-ДПМНЕ, пишува Фокус.мкНајпрвин Ванковска објави твит со следнава содржина: „Бојкотирачите станаа фундаменталисти. Не понудија ништо освен пизма, завист, суета, ароганција, па и примитивизам. На исто место се најде чудна и неверојатна дружина на Палчовци и Росокли, Каракамишеви и Мирки… Највалканата кампања дојде од овој кампус, дури и кога беше завиткана во квазинаучна (со импакт факто) обланда, напиша Ванковска.На ова пак и врати Каракамишева:„Најголемиот душман на ВМРО изминативе години ПОВТОРНО во деструктивен поход на навреди и измислени табори. “Либералкава” никако да ја научи вредноста на индивидуата. Моите Вмровски, Македонски и патриотски идеали не ме прават фундаменталист, НАПРОТИВ. Кои се твоите идеали Билјана?, напиша Каракамишева.

Македонија | пред 7 години

Во Скопје победи Сиљановска со 664 гласови повеќе од Пендаровски

Според резултатите во десетте скопски општини, во главниот град во првиот круг на претседателски избори победи кандидатката на ВМРО-ДПМНЕ Гордана Силјановска-Давкова. Силјановска-Давкова во Скопје освои 664 гласови повеќе од кандидатот на СДСМ и коалицијата Стево Пендаровски. Од обработени 99,96% од избирачките места, Силјановска-Давкова во Скопје освои 87.268 гласови, Пендаровски 86.604 гласови, а Блерим Река 14.905.СДСМ и Пендаровски имаат повеќе гласови од ВМРО-ДПМНЕ и Силјановска-Давкова во општините Центар и Карпош. Во Центар Пендаровски освои 12.342 гласови, Силјановска 8.031, а Река 444. Во Општина Карпош за Пендаровски гласале 14.039 граѓани, за Силјановска-Давкова 11.641, а за Река 528.Во Општините Аеродром, Кисела Вода, Гази Баба, Бутел и Ѓорче Петров каде градоначалници се од редовите на СДСМ, повеќе гласови освоија ВМРО-ДПМНЕ. Во Аеродром за Силјановска-Давкова гласале 16.450 граѓани, за Пендаровски 14. 007, а за Река 311. Во Кисела Вода Силјановска-Давкова освои 14. 685, Пендаровски 10.295, а Река 213 гласови. Најголема разлика меѓу Пендаровски и Силјановска од скопските општини има во Општина Гази Баба каде кандидатката на ВМРО-ДПМНЕ освои 6.446 гласови повеќе односно 15.678, Пендаровски 9.232 и Река 1.346 гласови. Во Бутел Силјановска-Давкова освои 1.382 гласови повеќе од Пендаровски, а во Ѓорче Петров победи со 1.916 гласови разлика.Во Општина Сарај најмногу гласови освои Пендаровски 3.748, Блерим Река 3.072, а Силјановска-Давкова 379. Во Општина Чаир за Пендаровски гласале 8.203 граѓани, за Река 5.833, а за Силјановска-Давкова 2.947.Во Општина Шуто Оризари исто така победи Пендаровски со освоени 2.351, Силјановска-Давкова 1.772, а Река 832 гласови.ИЗВОР: СДК.МК

Македонија | пред 7 години

По смртоносните експлозии во Шри Ланка, пронајдена бомба и на аеродром

Импровизирана експлозивна направа беше пронајдена во близина на единствениот меѓународен аеродром лоциран во Коломбо, главниот град на Шри Ланка, која специјалните единици на воздухопловството безбедно ја уништиле во контролирана експозиција.Веста за пронаоѓањето на бомбата на „Твитер“ ја објавија новинарите од Би-би-си и „Скај њуз“, Азам Амин и Невил Лазарус, а потоа беше пренесена и од страна на британските таблоиди.Како што соопшти локалната телевизија „Сираса“, импровизираната бомба била пронајдена на пат во близина на аеродромот „Бандаранаике“.Портпаролот на воздухопловните сили на Шри Ланка соопшти дека бомбата била пронајдена во ПВЦ-цевка долга два метра, пренесува „Мирор“.Ситуацијата на аеродромот, судејќи според снимките од социјалните мрежи, била хаотична поради превентивното затворање и толпата.Бомбата била пронајдена неколку часа по координираните напади на цркви и хотели во Шри Ланка, во кои загинаа повеќе од 290 лица, а околу 500 се повредени.Полицијата вчера уапси 13 осомничени за нападите што министерот за одбрана, Руван Вијевардена, ги опиша како терористички.Како што наведе агенцијата „Ројтерс,“ и натаму никој не ја презеде одговорноста за вчерашните напади.

Свет | пред 7 години

Во Нигерија убиена британска новинарка

Во Нигерија убиена Британка и Нигериец, кои претходно биле киднапирани во градот Кадуни во северниот дел на Нигерија, соопштила локалната полиција.Според информациите, Британката Фај Муни, која во Нигерија работела како специјалист за комуникации за невладината организација „Mерси корпс“, претходно била на забава, од каде што била киднапирана.Киднапирањата се чести во Нигерија, а жртвите се најчесто странци, но има и локални жители, и тие се главно поради откупнина.Британското дипломатско претставништво го објави идентитетот на жената и соопшти дека за инцидентот дознале во петокот, но дека не сакаат да шпекулираат за мотивите или карактерот на нападот.Засега никој не презеде одговорност за инцидентот, а киднаперите сè уште не се идентификувани.Во северна Нигерија пустошат организациите Боко харам и Исламската држава, а меѓусебно се судрија и селани со сточари, што резултирало со стотици жртви.

Свет | пред 7 години

Вчера СДСМ го повампири ДПМНЕ, го врати во живите - реалноста е таа

Актерот Сашо Тасевски на социјалните мрежи објави статус поврзан со изборите. Тој смета дека СДСМ го повампири ДПМНЕ, односно го врати во живите.„Ајде да бидам сериозен, без клацкања, тртења, нагузуења и слично. Вчера СДСМ го повампири ДПМНЕ, го врати во живите. Стево имаше луда среќа што не загуби со неколку илјади гласа покрај сета логистика и поддршка што ја имаше од внатрешните полтрон-пајтон партии, малцинства, владеачката СДСМ и надворешните моќни играчи како НАТО и ЕУ. Затоа неговата предност од 3000 гласа е пелин на усните. ВМРО од клечење му акна кроше и аперкат. Но... Дали тоа значи победа на професорката во вториот круг. Ротквици стругани. Пак Албанците ќе шутираат пенал во судиското време. Се знае за кого ќе гласаат онолку колку што треба, за тој да победи. Можете да врескате, да се џилитате и скокате, реалноста е таа. Оние кукларите што ги влечат конците не се луди да одат на all in со кандидат што го доживуваат како Хорхе 2. Еднаш им се измочаа во супата. Не им се ризикува вторпат за толку кратко време. Или у превод, ВМРО ДПМНЕ се уште е под казна, у ќоше, клечи на зрна пченка и ќе мора умерено да пати у опозиција барем до парламентарните избори. Затоа натпреварот наречен втор круг ќе трае ако мора и 105 минути се додека Стево не даде гол, ако треба и со рака. Они одозго не питају, него раде. Сето останато е паламудење“. пишува Тасевски на социјалните мрежи.

Македонија | пред 7 години