Драматичен пад на биткоинот

Вредноста на биткоинот падна за 8,16 проценти и тоа на на 73.068,37 евра на најголемата светска берза за криптовалути Binance, што е најниско ниво во последните седум месеци.Вкупниот обем на тргување со биткоин во последните 24 часа е 109,11 милијарди евра, што е значително повеќе од вчера и укажува на распродажба на ризични средства, вклучувајќи ги и криптовалутите, поради загриженост за можна преценка на акциите на технолошките компании, објавува Coindesk.Индексот на страв и алчност за биткоинот моментално е на ниво 14 во категоријата „екстремен страв“, што е мало подобрување во споредба со вчера кога беше на ниво 11 во истата категорија.Етереум падна за 8,46 проценти на 2.391,25 евра, додека Binance Coin падна за 8,48 проценти на 715,73 евра.Криптовалутата Solana падна за 9,61 проценти на 110,55 евра.Биткоин, Етереум и Солана се најтргувани криптовалути.

Свет | пред 5 месеци

Јанчев: 700 лица во локал за 200, не дозволувам Кочани сценарио

Настапот на српската ѕвезда Аца Лукас во Кавадарци бил прекинат поради сериозни безбедносни пропусти, непријавен ангажман и прекршување на правилата за работа на локалот, потврди градоначалникот на општина Кавадарци, Митко Јанчев во објава на неговиот профил на ФБ пренесен од изјава за КТВ Телевизија.„Нема да дозволиме Кочани сценарио. Безбедноста е прва”, дециден е Јанчев.Претходно било побарано од Општина Кавадарци дозвола за поставување опрема за настанот на Аца Лукас.„Комисијата утврди дека нема услови за тоа, поради безбедносни причини. На 14.11 барањето беше одбиено, а сопственикот беше писмено и усно информиран”, рече Јанчев.Тој истакна дека локалот има капацитет од 200 гости, а внатре биле затекнати дури 700 лица.„Не смееме да дозволиме да се повтори трагедија како онаа во Кочани. Локали пренатрупани со гости, без почитување на безбедносните мерки, тоа во Кавадарци нема да помине. Ангажманот на самиот изведувач не бил пријавен ниту во Агенцијата за вработување, ниту во Министерството за труд, што претставува дополнителен прекршок” вели Јанчев.Лукас настапувал без дозвола, доби парична казна и прекршочна пријава.

Македонија | пред 5 месеци

Политичарите поважни од уметноста: Одложена претстава во битолскиот театар поради прослава на Денот на албанската азбука

Претставата „Жиголо“ на НУ Народен театар Битола синоќа не се одржа, откако влезот кон Новата сцена беше затворен од страна на Министерството за внатрешни работи поради засилени безбедносни мерки. Иако актерската екипа била подготвена, а пред службениот влез имало голем број посетители, претставата морала да биде одложена непосредно пред почетокот.Од театарот велат „системот го „киднапираше” театарот.Од театрот информираат дека МВР околу два часа пред претставата ги известило дека паралелниот настан во НУ Центар за култура Битола бил проценет како настан со висок безбедносен ризик, поради присуство на високи гости, меѓу кои и албанскиот политичар Албин Курти и Изет Меџити, кои присуствувале на прославата на Денот на албанската азбука. Поради тоа, полициски службеници го пломбирале влезот на Новата сцена, со што било спречено одржувањето на театарската претстава.Од театарот јавно реагираат дека ваквиот потег е некоректен – не само кон институцијата и ансамблот, туку пред сè кон публиката. Луѓе.Посетителите кои купиле билети ќе можат од понеделник да ги рефундираат средствата или да извршат замена за друга претстава во просториите на театарот.

Македонија | пред 5 месеци

Силување и физичко малтретирање во Дојран, се бара притвор за силувачот

Основното јавно обвинителство Гевгелија донесе Наредба за спроведување истражна постапка против едно лице за кривично дело – Полов напад и силување од член 186 став 3 во врска со став 1 од Кривичниот законик, бидејќи постои основано сомнение дека тој на 19 ноември, со употреба на сила и спротивно на јасно изразената волја на една оштетена ја принудил на сексуален однос.Жртвата, со која претходно биле во подолга врска која таа ја прекинала, ја пречекал пред работното место и ја викнал да влезе во кола за да разговараат и да ја однесе дома. Но наместо тоа, со автомобилот свртел по полски пат, па во возилото ја удирал по лицето и и се заканувал дека не смее да биде во врска со друг. Кога застанал, оштетената излегла од автомобилот, но тој со шлаканици и боксови ја вратил во возилото и ја принудил на полов однос на кој таа постојано се спротивставувала.Надлежниот јавен обвинител до судијата на претходна постапка од Основниот суд во Гевгелија достави предлог за определување мерка притвор за осомничениот.

Македонија | пред 5 месеци

Европа на воз: Берлин-Копенхаген за 4 часа, Минхен-Рим за 6, а од Скопје до Атина за 5 часа

Европската комисија гради акциски план за забрзано развивање на брзата железничка мрежа низ цела Европа.Целта е да се преполови времетраењето на патувањето меѓу големите градови до 2040 година така што ќе се изградат нови пруги и ќе се обноват постојните за возовите да можат да постигнуваат брзина од барем 200 километри на час. Главната цел е патувањето со воз да стане попривлечно од летовите на кратки релации, да се подобри поврзаноста и транспортниот систем на ЕУ да биде поефикасен и поеколошки.Комесарот за транспорт Апостолос Ѕиѕикостас изјави:,,Брзата железница не е само за да се забрза патувањето, туку за да ги обединиме Европејците, за да си ја зајакнеме економијата и за да преземеме водство во глобалната трка за одржлив транспорт”.Патниците ќе патуваат од Берлин до Копенхаген за четири часа, наместо сегашните седум часа. Времето на патување од Софија до Атина ќе се скрати од сегашните 13 часа и 40 минути на шест часа, а патувањето меѓу Виена и Берлин ќе трае четири часа и 30 минути, наместо сегашните осум часа и 10 минути.“Побрзото патување меѓу европските главни градови е опиплив и прагматичен резултат на нашата волја да ја направиме Европа пообединета и поефикасна”, рече потпретседателот на Европската комисија Рафаеле Фито.Вицепремиерот и министер за транспорт на Бугарија Гроздан Караџов и неговиот колега Александар Николоски, на почетокот на ноември потпишаа договор за подготовка, изградба и употреба на прекуграничен железнички тунел меѓу двете земји, со цел двата главни града, Софија и Скопјe, да се поврзат преку железница.

Свет | пред 5 месеци

ВМРО-ДПМНЕ: Кацарска против покачување на пензиите, а бара зголемување на сопствената плата

ВМРО-ДПМНЕ и денеска се огласи за одлуката на Уставниот суд за поведување постапка за член во Законот за линеарно покачување на пензиите. И денеска обвинувањата им се насочени кон судијата Добрила Кацарска.„Добрила Кацарска е на функцијата уставен судија како награда од СДС за добро завршената работа во случајот за 27 април.Јавноста ја памети Кацарска по нејзината улога на џелат во водењето на судски процеси, игрите со притворите, стигматизацијата, осудите на луѓето без пресуда, и политичко водење на случаите каде Кацарска пресуди над 200 години затвор за луѓето од 27 април.Кацарска сега сака да им го одземе зголемувањето од 7000 денари на пензиите на пензионерите, додека во исто време бара зголемување на сопствената плата.СДС молчи додека нивната продолжената рака во Уставниот суд Кацарска, бара зголемување на нејзината плата од околу 100 илјади денари а укинување на пензиите од 7000 денари.СДС молчи и на дело ја покажува нивната незаитересираност за пензионерите, и ја продолжува праксата од нивно време каде пензионерите добиваа покачување за 150 денари.Владата предводена од ВМРО-ДПМНЕ продолжува да се грижи за пензионерите”, велат од ВМРО-ДПМНЕ.

Македонија | пред 5 месеци

Николовски: Срамен и скандалозен „одговор“ на Трипуновски за мега - скандалот со ИПАРД средствата

Пратеникот на СДСМ и поранешен министер за земјоделство, Љупчо Николовски, реагира на како што вели, срамниот одговор што го добил од министерот Трипуновски за скандалот со суспензијата на ИПАРД средствата, кој воопшто според него и не содржи никакви информации ниту пак одговори.„Срамен и скандалозен „одговор“ добив од Министерството и Министерот во заминување на моите официјални барања. Барања во кои побарав јасно и конкретно:причините за суспензијата на ИПАРД, времетраењето на блокадата, бројот на загрозени корисници, последиците за земјоделците и планираните чекори за надминување на кризата.Наместо одговор на овие пет клучни точки, добив документ кој воопшто не одговара на ниту едно прашање. Нема факти, нема рокови, нема план.Собранието е понижено со ваков однос од министер кој и понатаму молчи, бега од пратенички прашања и одбегнува какво било соочување.А додека тој бега, земјоделците остануваат со блокирани исплати, блокирани проекти и замрзнати 130 милиони евра, без ниту една информација кога и дали проблемот ќе биде решен.Како претседател на Комисијата ќе продолжам да барам вистински одговори, затоа што институциите не смеат да молчат, а земјоделците не смеат да бидат оставени сами.“ стои во објавата на Николовски.

Македонија | пред 5 месеци

Тетовец на ФБ договорил и зел капар од 1.200 евра, а нарачката никогаш не ја испорачал

СВР Тетово поднесе кривична пријава против Ш.Ј.(47) од Тетово поради постоење основи на сомнение за сторено кривично дело „измама“. Во текот на април 2025 година, маж од кичевско, преку страна на социјалната мрежа „фејсбук“, со пријавениот договорил нарачка за која платил капар од 1.200 евра, но иако рокот за испорака бил еден месец, Ш.Ј. не го исполнил договореното.

Македонија | пред 5 месеци

(Видео) Украинците напаѓаат со дронови: Гори термоцентрала близу Москва

По напад од украински дрон, избувна пожар во електраната Шатура, која се наоѓа на 130 км од центарот на Москва, објави агенцијата Интерфакс.„Утрово беше извршен напад со беспилотни летала врз електраната Шатура во државниот округ. Некои од беспилотните летала беа уништени од силите за противвоздушна одбрана, а неколку делови паднаа на територијата на електраната. Во зградата избувна пожар, кој е локализиран, а службите за итни случаи продолжуваат со својата работа“, објави гувернерот на Московскиот регион, Андреј Воробјов.Тој уверува дека снабдувањето со електрична енергија на Москва не е прекинато, бидејќи е префрлено на резервни линии, но по нападот, локалните канали почнаа да известуваат за прекини на електричната енергија во делови од Шатура, потврдувајќи ја сериозноста на ситуацијата.Електраната Шатура, со капацитет од околу 1.500 MW, е клучна за снабдување со електрична енергија на делови од Московскиот регион.Руската агенција за воздухопловство, исто така објави дека аеродромот Жуковски е привремено суспендиран поради присуството на беспилотни летала во регионот.Руските системи за воздушна одбрана собориле 75 украински беспилотни летала над девет руски региони во текот на ноќта, објави руското Министерство за одбрана.

Свет | пред 5 месеци

Катастрофални поплави во Албанија: Една жена загина, стотици жители се евакуирани

Поплавите предизвикани од обилните дождови што паѓаат во изминатите неколку дена, веќе ја земаа и првата жетва во Албанија, соопшти албанската полиција.Полицијата објави дека тело на жена на 76 години е пронајдено откако нивото на водата се повлекло во поплавената југоисточна општина Девол.Поплавите предизвикаа најголема штета во руралните региони на југот на Албанија, а во селото Душар 30 семејства беа отсечени, бидејќи патиштата беа непроодни поради поплавите.Врнежите од дожд предизвикаа излевање на реките Вјоса и Семан, а според Агенцијата за цивилна заштита, во северозападниот регион Леже, околу 220 хектари земјиште се под вода.Постојат загрижености дека условите би можеле да се влошат, бидејќи се предвидуваат повеќе врнежи од дожд во наредните денови.

Свет | пред 5 месеци

Во Словенија се одржува референдум за „асистирано самоубиство”

Словенците денеска на референдум ќе гласаат „за“ или „против“ неодамна усвоениот Закон за помош при доброволно завршување на животот.Тоа е втор референдум за две години за потпомогнато самоубиство.Парламентот на Словенија во јули со 50 гласа „за“, 34 „против“, а тројца пратеници беа „воздржани“ го усвои Законот, откако минатата година на советодавниот референдум 55 проценти од гласачите го поддржаа правото на асистирано самоубиство.Словенија со ова стана прва источноевропска земја што го легализираше потпомогнато самоубиство, но набрзо се појави иницијатива за референдум за отфрлање на Законот, иницирана од група предводена од конзервативниот активист Алеш Примац и поддржана од опозицијата, црквата и некои здравствени експерти.Законот му дава на возрасен пациент, способен за донесување независни одлуки, право доброволно да го прекине својот живот, но само под строги услови:Ако страда неподносливо поради сериозна неизлечива болест или друго трајно нарушување на здравјето, ако опциите за лекување се исцрпени или ако третманот не дава разумно очекување за подобрување.Правото нема да биде достапно поради неподносливо страдање кое е одраз на ментална болест.Пациентот сам ја администрира активната супстанција за доброволно прекинување на животот, откако неговото барање ќе биде одобрено од посебна комисија.

Свет | пред 5 месеци

АХВ спречи увоз на над 20 тони небезбеден помфрит и 2.000 кгр. небезбеден стек

Инспекциските служби на Агенција за храна и ветеринарство, спречија увоз на 20.500 килограми замрзнат компир – помфрит, со поминат рок на употреба од 23.05.2025 година.Компирот, увоз од Холандија, бил наменет за продажба на македонскиот пазар.Забранетите количини замрзнат компир, во присуство на инсепктори за храна од Агенцијата, нештетно се уништени во петокот на депонијата Дрисла, врз основа на изречената мерка забрана за увоз и издаденото решение.Во рамки на вонреден инспекциски надзор кај оператор со храна од животинско потекло, АХВ заплени и нештетно уништи и 2.000 килограми небезбеден пилешки стек. Поради непочитување на процедурите на добра хигиенска и производствена пракса, на операторот со храна изречена му е мерка времена забрана за работа и парична казна од 4.400 евра во денарска противвредност.Во рамки на редовните и вонредните инспекциски контроли на официјалните ветеринари и инспекторите за храна, АХВ продолжува со спроведување на мерки за заштита на граѓаните од консумирање на небезбедна храна со тоа и за заштита на нивното здравје, и за заштита на здравјето и благосостојбата на животните.

Македонија | пред 5 месеци

ВМРО-ДПМНЕ прашува: Дали во штабот на СДС се изгасија светлата?

ВМРО-ДПМНЕ се огласија со соопштение во кое велат дека СДСМ веќе 4 дена нема никакви прес-конференции, ниту пак соопштение испратено до јавноста.„Да не говориме за нивниот претседател на хартија кој тек тук знае да се појави во јавноста кога не е во Дубаи на Харис Џиновиќ или пак на грчките плажи на јахтата со Заев и Трајановски. Дали во седиштето на СДС се изгасија светлата? Дали остана некој кој верува на политиките на Филипче? Ова што се случува во СДС е поради Филипче и послушноста кон Заев. Потребно е заминување на Филипче и оградување од Заев, тек тогаш СДС ќе се врати како опозиција која секогаш треба”, стои во соопштението на ВМРО-ДПМНЕ.

Македонија | пред 5 месеци

Орден „8 септември” за Кедев од Сиљановска-Давкова

Претседателката Гордана Сиљановска-Давкова денеска ќе го одликува Сашко Кедев со Орден „8 Септември“Како што соопштуваат од нејзиниот Кабинет, орденот на Кедев ќе му биде доделен за храбриот придонес во конституирањето на самостојна и независна Република Македонија и за активното учество во развојот на македонската демократија, за особените заслуги во медицината, не само дома, туку и во европски и светски рамки, крунисани со членство во престижни научни меѓународни асоцијации.Натаму, велат и за уживањето посебен углед како врвен интервентен кардиолог којшто вовел иновативни техники и методи, извршил неколку илјади коронарни интервенции и над 1 600 транс-радијални каротидни стентирања, за исклучителните образовни и научни успеси, потврдени со 230 публикации со импакт-фактор на платформата „Wеb of Science“, H-индекс 36 и 13 650 цитати, за продлабочувањето на меѓународната соработка како почесен конзул на Индонезија.Орденот на Кедев исто така ќе му биде доделен и за историскиот подвиг во алпинизмот како прв Македонец којшто ги искачил 14-те светски планински врвови над 8 000 метри надморска височина, наведуваат од Кабинетот на претседателката.

Македонија | пред 5 месеци

Србија урива рекорди: 10.000 евра за квадрат во „Белград на вода“, 66.000 евра за гаражно место

Цените на недвижностите во Србија во првата половина од 2025 година вртоглаво растеле и достигнале рекордни износи, покажуваат податоците на Републичкиот геодетски завод.Најскапиот станбен простор е продаден за 9.805 евра по квадрат на локацијата „Белград на вода“, а најскапата гаража на ,,Савски венац“ чини 66.000 евра.Во „Белград на вода“ е забележана и најголемата трансакција, стан е продаден за 1,8 милиони евра.Вртоглави цени и на куќите.Најскапата куќа е продадена за 3,8 милиони евра, а најскапото земјоделско земјиште за 1,2 милиони евра во општината Кула. Во Крагуевац, пак, најскапиот деловен простор достигнал вредност од 2,4 милиони евра.

Свет | пред 5 месеци

Во прекин сообраќајот на патот Крива Паланка – ГП Деве Баир

Од рано утрово сообраќајот на магистралниот пат А2 Крива Паланка – ГП Деве Баир е во прекин поради одрон.На автопатот Скопје – Велес на неколку места се забележани помали одрони на патот, меѓутоа автопатот е прооден и Македонија Пат работи на санирање на истите.Сообраќајот на државните патишта се одвива непречено, по наместа влажни коловози.Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.Од 15.11.2025 година започна законската обврска за задолжително поседување на зимска опрема во возилата, без оглед на моменталната временска состојба. Оваа обврска ќе трае до 15.03.2026 година.

Македонија | пред 5 месеци

Возете внимателно: На овие патни правци има одрони

Обилните врнежи од дожд од синоќа вече предизвикаа појава на одрони на патниот правец Делчево-Македонска Каменица.Поголеми одрони се регистрирани по напуштање на селото Очипала, во близина на месноста Баткова Чешма. На коловозот на оваа локација има расфрлано поголемо количество земја и камења.Покрај големите, поситни одрони се присутни на повеќе места долж целиот патен правец, што значително го отежнува одвивањето на сообраќајот и бара зголемено внимание од возачите.Состојбата дополнително се усложнува поради влажната коловозна површина и намалената видливост како директна последица од врнежите.Надлежните служби упатија апел до сите учесници во сообраќајот: да возат исклучително внимателно и со прилагодена брзина. Екипите веќе се на терен и работат на расчистување на патиштата.

Македонија | пред 5 месеци

Денеска дожд и температури до 16 степени, на планините снег

Утрово најстудено било во Лазарополе со измерени 0 степени.Следуваат: Крушево со 1 степен, Маврови Анови, 4 во Охрид, Претор, Прилеп, 5 во Битола, Куманово, 6 во Крива Паланка, Тетово, Берово, 7 во Скопје-Петровец, Скопје–Зајчев Рид, Виница, 8 во Штип, Велес, Кавадарци, Демир Капија, 9 во Гевгелија, 10 во Струмица.Денеска променливо облачно со повремени локални врнежи од дожд, во југоисточните делови со услови за појава на грмежи. На повисоките планини на северозапад врнежите од дожд ќе преминуваат во врнежи од снег. Ќе дува слаб до умерен, во западните делови повремено засилен ветер од западен, а долж Повардарието од северозападен правец.Максималната температура ќе биде до 16 степени.Во Скопје, променливо облачно, во делови од котлината со повремен дожд. Ќе дува слаб до умерен ветер од северен правец.Максималната температура ќе достигне до 13 степени.

Македонија | пред 5 месеци

Република Српска го избира наследникот на Додик

Во Република Српска денес се одржуваат вонредни претседателски избори по одземањето на мандатот на Милорад Додик.На гласачкиот список има нешто повеќе од 1,2 милиони гласачи кои можат да гласаат за 6 кандидати:Синиша Каран, Бранко Блануша, Драган Ѓокановиќ, Никола Лазаревиќ, Игор Гашевиќ, Славко ДрагичевиќСпоред аналитичарите, најжестока битка се очекува меѓу Каран од владејачкиот СНСД и Блануша од опозициската коалиција предводена од СДС.Првите резултати се очекуваат околу 21 часот.

Свет | пред 5 месеци

Вучиќ ќе ги тужи „Гардијан“ и „Дејли мејл“ за мешање на неговото име во „Сараево сафари“

Обвинувањата дека наводно сум учестувал во таканаречената афера „Сараево сафари”се дел од доктрината и стратегиите за уривање на српската држава, вака ги коментира претседателот на Србија Александар Вучиќ, обвинувањата на хрватскиот новинар Домагој Маргетиќл. Тој го пријавил Вучиќ во обвинителството во Милано по повод неговото наводно учество во „Сараево сафари“, афера која наводно ја истражува Италија.„Имаат доктрина, тоа е доктринска стратегија за уривање на српската држава и во таа смисла уривањето на Вучиќ е приоритетна цел. Тие сметаат дека јас сум најлошото нешто во Србија што се појавило за нив, што имплицира дека сум најдоброто нешто за Србија и затоа тоа мора да биде урнато“, рече Вучиќ.Како што додаде, во хрватските медиуми за една година имало од 25.000 текстови кои биле против негто, а само 50 неутрални, додека не постои ниту еден позитивен ни за ништо во врска со него. Додаде дека ова не е најгрозното обвинување против него и потсети дека пред пет години го обвинија дека извршил геноцид во БиХ, па нивното обвинителство го отфрли тоа.„Тогаш зборуваа за Сребреница. Ова сега е посериозно организирано. Интересно е што излегуваат со такви невистини, со бесмислени работи што лесно се докажуваат, во критичен момент за Србија. Дали е тоа вмешаност на загрепската група, дали е тоа вмешаност на Шолак – не е ништо од тоа, има поширока и поголема игра во прашање. А прашањето за НИС, каде што некој секогаш сака да ве одведе на погрешен пат дека некој друг стои зад тоа“, рече Вучиќ.Како што додаде, причината за ова е што Арапите одбиваат кога ќе видат дека наводно убил невини муслимански деца.„Дознавме и кој платил за тие написи во „Гардијан“ и други медиуми, сè беше платено, тоа не е новинарство, а потоа ми е смешно кога доаѓаат да нè прашаат какви медиуми, новинари и уредници имаме“, рече претседателот.Тој истакна дека не носел снајперска пушка во Босна и Херцеговина и дека не слушнал за никакво сафари.„Но тоа не е важно. Немав пиштол, дури и кога дојдов и прашав дали можам да бидам со вас, ми рекоа „момче, врати се, ни треба новинар, кој знае англиски“. Има толку многу глупости, а сите го знаат тоа, имам снимки, сведоци и каде што велат дека бил пиштол, тоа бил статив за камера, му го однесов на снимателот“, изјави Вучиќ за ТВ Информер.Тој најави дека ќе тужи одредени светски медиуми кои ширеа лажни вести дека учествувал во таканаречената афера „Сараево Сафари“ и дека парите што ги добил од неа ќе ги даде за хуманитарни цели, како и за црквата, со цел да се обнови манастир во Србија.„Сега, за прв пат, како што знаете, никогаш не сум тужел никого во оваа земја. Еднаш, имаше контратужба, за да ги спречат со нивните глупости. Иако можев да поднесам пет милиони тужби, никогаш не го направив тоа. Ниту против кој било медиум, ниту против никого. И нема да го направам тоа сега, ниту против овие Шолак во Србија. Можат да лажат колку што сакаат, лажат десет години. Можат да измислуваат што сакаат. Но, против оние кои имаат многу пари – и повеќе од криминалецот Шолак, иако тоа не е секогаш лесно и ќе ги ангажирам најдобрите адвокати – од „Гардијан“, „Дејли меил“, сите тие “, рече Вучиќ и најави дека ќе ги ангажира најскапите адвокати во светот, кои ќе плаќаат врз основа на „хонорар за успех“ или според учинок.

Свет | пред 5 месеци

(Видео) Аца Лукас по приведувањето во Кавадарци: „Во станица ме држеа цела ноќ – ова беше политичка порака“

Аца Лукас се огласи по синоќешниот прекинат настап во Кавадарци, каде полицијата го приведе во станица поради, како што беше соопштено, непријавен и нерегуларен концерт. Пејачот во подолга изјава тврди дека целата акција била лично насочена кон него и неговиот тим.Според Лукас, настапот бил при самиот крај кога во локалот влегла полицијата и го прекинала концертот.„Не сум уапсен, отидов со сопствено возило. Во станицата ми рекоа дека настапот не бил регуларен, дека не бил пријавен, иако неколку дена претходно испратив копија од пасош – како што секогаш правиме,“ изјави тој.Пејачот вели дека целиот бенд бил на бина, но само тој бил собран во станица.„Имам сознание дека ова е направено лично и дека има врска и со луѓе од моето најблиско опкружување и со врвот на македонската власт,“ тврди Лукас.Тој додава дека, доколку имало неправилности, надлежните требало да реагираат пред настапот, а не пред „2000 луѓе и кусур“.„Ова е како да знаете дека некој доаѓа да убие некого, а вие да реагирате дури после тоа. Сè е јасно,“ порача пејачот.Според неговите зборови, во полициската станица поминал цела ноќ, без дозвола да се врати во хотел, а утрото чекал судија за прекршоци. Притоа, како што вели, полицајците во станицата биле коректни и дури му се извиниле.„Еден човек од судот ми рече: ‘Може ли да ви се извинам во име на македонскиот народ’. Нема потреба – народот е прекрасен. Проблемот е кој го води,“ изјави Лукас.Пејачот вели дека ќе размисли дали воопшто ќе настапува во Македонија „додека овие луѓе се на тие позиции“, бидејќи се чувствува небезбедно.„Ова нема да остане неразјаснето. Ќе објавиме сè кога ќе бидеме сигурни. Не се плашиме од никого,“ додаде тој.

Настани | пред 5 месеци

Никезиќ до Вучиќ: Вие сте претседател само на Ќациленд

Душан Никезиќ, потпретседател на партијата Странка на слобода и правда и пратеник, му упати отворено писмо на претседателот на Србија, Александар Вучиќ. Тој го обвинува Вучиќ дека на учениците од Петтата београдска гимназија им порачал дека, ако не им се допаѓа новата директорка, можат и да не одат во школа, бидејќи средното образование не било задолжително.„Александре Вучиќ, вие сте денес само претседател на Ќацилед, што го поврдивте со пораката: ако не им се допаѓа вашата Dron Lady Danka, не треба ни да одат во училиште”, му напиша Никезиќ на Вучиќ.Никезиќ на платформата Х поставува низа прашања, укажувајќи на проблеми во функционирањето на училиштето:– дали учениците треба да престанат да одат на настава затоа што не се согласуваат со тоа што директорката отпуштила една третина од наставниците, поради што дневно се губат по два часа;– дали треба да се откажат од училиштето ако сметаат дека е неприфатливо наставник по математика да чита решенија од мобилен телефон и да пишува „минус нула“;– дали треба да го напуштат образованието затоа што директорката го укинала Советот на родители, матурската екскурзија и наградата за ученик на генерацијата;– и дали е прифатливо директорката во работно време да гостува на таблоидни телевизиски канали.Тој го прашува претседателот дали ваквата порака е достојна и примерена за земја која се соочува со недостиг на образование и од која секоја година околу 50.000 млади заминуваат во Европската унија во потрага по поквалитетни услови за живот.

Свет | пред 5 месеци

По трагедија, повторно немарност: Во држава каде 18.000 денари ваучер се продава без фискална, нема лекција што ќе помогне

Инфлуенсерката и критичарка Ина Многуфина остро реагираше по вчерашната контрола во ноќен локал во Кавадарци, каде што настапувал пејач кој, како што таа вели, „пијаниците го нарекуваат ѕвезда“.Според неа, инспекциите утврдиле дека максималниот дозволен капацитет на локалот е 200 гости, а во моментот внатре имало околу 500 лица. Неофицијално, во објектот се продавале ваучери по цена од 18.000 денари – без фискални сметки – а настапот бил организиран и без соодветна дозвола.“И покрај трагедијата во Кочани на овој народ не му иде памет. Вчера на тоа настапот во Кавадарци на оноа што пијаниците го викаат ѕвезда, влегле контроли веројатно на големо изненадување на газдата и му нашле дека максималниот капацитет на гости е 200, а во моментот во локалот имало 500 гости. Неофицијално, во локалот се продавале ваучери за 18.000 денари, без фискални сметки. Плус оноа бил без дозвола на настап. Пазарче тезгиња бизнис. Единствено овде ми е позитивно што влегла контрола и се надевам не е популистичка мерка за време на судењето за Пулс, туку стварно ќе работат по закон, а не по "ќе средиме" за мочан саат од 100 евра. А газдата на локалот и сите газди на локали кои мислат дека се локал фраери над законот би им препорачала убаво да го следат судењето на газда Деко”, напиша таа.

Коментари | пред 5 месеци

Почна „сезоната” на грип, стотина прегледи на деца дневно

Почна периодот на вируси и инфекции. Зголемен е бројот на деца со респираторни инфекци. Во детската болница Козле само дневно се вршат и по стотина прегледи, иста е сликата и ви другите ординации и клиники.Симптоми за вирусите се зголемена температура и отежнато дишење, се најчестите симтоми кај децата кои доаѓаат на лекар, а децата од јасли, градинка и школските деца се најмногу подложни на заболување.Загадениот воздух дополнително влијае негативно врз дишните патишта кај децата, а есента е проблематична и за децата со астма и алергии.Според последниот извештај на ИЈЗ за една недела регистрирани се 117 случаи на грип и слични заболувања, а најмногу заболени има во Гостивар, Куманово и Тетово.

Македонија | пред 5 месеци

ИЈЗ со препораки за населението во поплавените подрачја: Користете безбедна вода, фрлете ја контаминираната храна

Институтот за јавно здравје вечерва излезе со препораки за населението во поплавените подрачја во земјава. Најпрво препорачуваат да се обезбеди безбедна вода за пиење и да се следат информации од локалните служби.Ова се препораките на Институтот до населението во целост:1. Обезбедете безбедна вода за пиењеСледете информации од локалните служби за тоа дали водата е безбедна. До добивање официјална информација за исправноста на водоснабдувањето, користете флаширана вода или вода што е превриена најмалку 10 минути.На населението од поплавените подрачја се препорачува да користи флаширана вода за пиење, готвење, а доколку користат вода за пиење од локални водоводи, како и од индивидуални или јавни бунари, извори, кладенци, им се препорачува, како превентивна мерка, водата за пиење да ја превриваат во времетраење од 10 минути.2. Одржувајте лична хигиенаИзбегнувајте директен контакт со поплавена вода и редовно мијте ги рацете со сапун и чиста вода. Користете средства за дезинфекција како дополнителна мерка за заштита.Избегнувајте контакт со вода од поплавите бидејќи може да биде контаминирана со отпадни материи, микроорганизми или хемикалии што може да имаат штетно влијание врз здравјето.3. Постапување со хранаФрлете ја храната која дошла во контакт со поплавена вода — може да се контаминирала.Пред употреба, добро миење на прехранбените производи (овошје и зеленчук од пластениците) со безбедна вода за пиење. Храната да се подготвува со безбедна вода и задолжително термички да се обработува.4. Спречување појава на глодари и комарциПоплавите можат да поттикнат размножување на комарци (застојни води), а можна е појава и на глодари - тие можат да бидат преносители на болести.Иако бројот на комарци е значително намален во овој период, сепак потребно е да се отстрани застојната вода и да се исчисте околината за да се спречи нивно појавување при евентуални потопли денови.Поголемо внимание посветете на глодари (глувци, стаорци), кои често навлегуваат во објекти по поплави и во студените месеци бараат храна и засолниште. Чувајте ја храната во добро затворени садови. Редовно собирајте смет и држете го добро затворено.Елиминирајте влажни и оштетени материјали во домот и околината — тоа спречува појава на мувла и на инсекти што можат да се активираат и во ладни месеци.Се препорачува од јавно здравствен аспект, единиците на локална самоуправа во соработка со ЦЈЗ по повлекување на водата и исушување на почвата во дворните места, да пристапат кон детално механичко (физичко) чистење со отстранување на 2-3 сантиметри од површината на почвата (тињата) поради фекална контаминација и да се спроведе дезинфекција, дезинсекција и дератизација (ДДД) од овластена јавна здравствена установа (ЦЈЗ) по епидемиолошки индикации.5. Следење на здравствената состојбаБидете внимателни на симптоми како треска, стомачни проблеми (пр. дијареа), кожни инфекции — тоа може да бидат знаци на болести поврзани со контаминирана вода. Побарајте веднаш лекарска помош при појава на симптоми како треска, дијареа, кожни инфекции.Потребно е да се обезбеди присуство на лекар и медицинска во местата најпогодени од поплавените подрачја, со цел пружање на здравствена помош на сите категории население, посебно на лица со хронични заболувања, лица над 65 години, бремени жени и мали деца. Здравствената екипа да биде снабдена со неопходни медицински помагала и лекови за брза интервенција на терен.6. Информирање и следење на упатстваСледете ги препораките од надлежните служби и постапувајте согласно насоките. Редовно следете ги известувањата од надлежните служби – општинските органи, Центарот за јавно здравје и службите за водоснабдување.Стриктно придржувајте се до сите препораки поврзани со употреба на вода, движење во ризични подрачја и евентуални мерки за заштита.Надлежните ЦЈЗ редовно ја следат состојбата на терен, се во контакт со матичните лекари/ инфектолози и редовно го информираат ИЈЗ за евентуална појава за поголем број заболувања поврзани со поплавените подрачја со цел навремено превземање на мерки за превенција и контрола.цел навремено превземање на мерки за превенција и контрола.

Македонија | пред 5 месеци