Герасимовски го отвори штабот во Дебар Маало: Реализиравме над 90 отсто од програмата, одиме на победа

Синоќа во Дебар Маало беше отворен централниот промотивен штаб на кандидатот за градоначалник на Општина Центар од редовите на СДСМ, Горан Герасимовски. Настанот го посетија голем број граѓани и поддржувачи кои со своето присуство ја потврдија довербата и поддршката за неговата кандидатура за втор мандат.Во своето обраќање пред присутните, Герасимовски истакна дека ќе продолжи да работи посветено за Општина Центар и за подобар квалитет на живот на сите жители. Тој потенцираше дека заедно со тимот на најдобар покажале како треба да се води Центар.„Со гордост и со факти кажавме дека во над 90 проценти ја исполнивме нашата програма. Денеска Центар, по мислење на многумина е најдобрата општина во државата. Воведовме нов начин на управување. Слушаме, се консултираме, не има секогаш и насекаде на терен помеѓу граѓаните. Сè што правевме беше единствено за граѓаните на нашиот Центар што го сакаме. Затоа и решив да продолжиме заедно, за да Центар биде уште подобар“, рече Герасимовски.Герасимовски, изјави дека ги има резултатите, програмата, но и енергијата и емоцијата. Тој ги повика сите центарци да продолжи новата испишана приказна во Центар.„Од срце ве повикувам на целосна мобилизација. Ве повикувам на заедничка работа со добра мисла. Ве повикувам да бидеме дел од заедничкиот успех, од заедничката победа за Центар што го сакаме. Да живее Центар, за победа!“, порача Герасимовски.Денеска, кандидатот за градоначалник Горан Герасимовски ќе биде со жителите на Кале, каде што ќе разговара за нивните потреби, предлози и идеи за идниот развој на општината.

Скопје | пред 7 месеци

Свински глави пред муслимански објекти: Србија уапси група осомничена за злосторства од омраза во Берлин и Париз

Српското Министерство за внатрешни работи соопшти дека 11 лица се приведени под сомнение дека учествувале во серија злосторства од омраза во главните градови на Германија и Франција. Осомничените, сите државјани на Србија, делувале во периодот од април до септември 2025 година, а акциите ги изведувале во Париз и Берлин.Според информациите, нивните активности вклучувале фрлање зелена боја на Споменикот на Холокаустот во Париз, неколку синагоги и еврејски ресторан. Дополнително, биле поставувани свински глави во близина на муслимански верски објекти во париската област, како и пред Бранденбуршката порта во Берлин.Министерството наведува дека групата броела 14 членови, од кои 11 се приведени и се наоѓаат во притвор во Смедерево, во близина на Белград. Тие ќе бидат испрашани во следните 48 часа. Главниот организатор, идентификуван со иницијали М.Г., е сè уште во бегство и, според истрагата, дејствувал по инструкции на „странска разузнавачка служба“. Не е наведено која служба стои зад тоа.Француските власти уште во 2023 година предупредија дека Русија се обидува да предизвика нестабилност во Европа, по појавата на Давидови ѕвезди на повеќе локации низ Париз. Српското министерство не потврди дали и во актуелните инциденти е вклучена Москва, но нагласи дека групата имала за цел да шири идеи што поттикнуваат омраза, дискриминација и насилство врз основа на вера, раса, етничка припадност или националност.Веста доаѓа во контекст на силните односи меѓу Белград и Кремљ. Владата на Српската напредна партија неодамна промовираше документ на Руската служба за надворешно разузнавање (СВР), во кој се обвинува ЕУ дека поддржува „шарена револуција“ во Србија преку антивладини протести. Србија остана меѓу ретките европски земји што не се приклучија на санкциите против Русија по инвазијата на Украина во 2022 година, а редовни авионски линии и понатаму ја поврзуваат со Москва и Санкт Петербург.

Свет | пред 7 месеци

Шукова: Оние кои четири години го блокираа БРТ, сега го нудат како решение

Кандидатката за градоначалник на Скопје од СДСМ, Каја Шукова, реагира на најавата за воведување на системот БРТ (Bus Rapid Transit) од страна на нејзиниот противкандидат Орце Ѓорѓиевски, кој синоќа беше претставен од лидерот на ВМРО-ДПМНЕ, Христијан Мицкоски.„Оние што четири години го блокираа БРТ денес го нудат како свое решение. Тоа не е визија. Тоа е лицемерие“, изјави Шукова.Таа потсети дека во својата програма за Град Скопје јавно и транспарентно ги претставила проектите, меѓу кои и враќањето и модернизацијата на БРТ системот како брз, ефикасен и одржлив јавен превоз. Според неа, скопјани добро знаат кому можат да му веруваат.„Добро е што конечно ВМРО-ДПМНЕ разбираат дека Скопје има потреба од реални решенија. Но граѓаните нема да заборават кој ги кочеше проектите“, рече таа.Шукова нагласи дека сите идеи може да се копираат, но „капацитетот, кредибилитетот и чесноста не се копираат“. Според неа, Скопје заслужува лидер со визија, а не „маркетиншки кампањи без покритие“.

Скопје | пред 7 месеци

Мојсоска поднесе ургенција до МВР и Обвинителство – дивоградба во Струга доби нов кат

Пратеничката и кандидатка за градоначалник на Струга од Левица, Јована Мојсоска, поднела ургенција за итно постапување до Министерството за внатрешни работи, Основното јавно обвинителство во Струга и овластениот градежен инспектор во општината, поради надградба на објект во центарот на градот за кој претходно биле констатирани неправилности во градењето.„И покрај констатирани неправилности во градењето – дивоградбата во струшката чаршија си крена уште еден спрат“, објави Мојсоска на социјалните мрежи, нагласувајќи дека случајот е „олицетворение на комплетниот колапс и коруптивност на системот“.Таа посочува дека во градот се јавува феномен на узурпација на државно земјиште и незаконска градба сред бел ден, при што ниту МВР, ниту обвинителството, ниту општината не преземаат мерки за спречување на бесправната изградба.Во ургенцијата, Мојсоска бара продолжување на постапката за бесправно градење и узурпација на државно земјиште, потенцирајќи дека и покрај започнатите управни и кривични постапки, работите на терен не запираат.„Проблемот не е во една изолирана институција, туку во комплетна спрега на непостапување на низа институции: јавното обвинителство во Струга, државните правобранители, општината, вишото јавно обвинителство, МВР итн.“, наведува таа.Мојсоска ја поврза оваа состојба со пошироката ситуација во земјата, оценувајќи дека „во Македонија во секоја сфера е метастазирана корупцијата и безаконието – а за тоа се виновни сите партии кои биле дел од власта досега“.

Македонија | пред 7 месеци

„Судот мака мачи со нарачана правна конструкција без докази“, вели адвокатката Анастасовска за обвинението за „Пулс“

Адвокатката Сузана Јошевска Анастасовска, која застапува еден од обвинетите во случајот за трагичниот пожар во дискотеката „Пулс“, остро реагираше на дел од ставовите што произлегоа од Обвинителството.„Дејствија кои не можат да се доведат во контекст со последицата изразена преку кривичното дело Тешки дела против општата сигурност од чл.292 од КЗ не треба да бидат предмет на обвинение. Но, наместо јасно разграничување што е криминал директно поврзан со пожарот, што е злоупотреба и несовесно работење на службите со конкретни докази, а што е системски пропуст за кој нема индивидуална кривична одговорност, вие измислувате термини како ‘верижни пропусти’ или ‘синџир на континуирани пропусти’ за да му се додворите на власта,“ изјави Јошевска Анастасовска.Таа обвини дека обвинението е „налицкано“ со квалификации за умисла и соизвршителство, само за да изгледа „тешко“, и дека е избрзано заради кариерни поени на поединци.„Нашиот Кривичен суд, кој и самиот мака мачи што да прави, се бори со фактот дека против природата му е да удри силно и да врати обвинение со јасна порака дека ваква нарачана правна конструкција без докази не може да пројде. Во целиот тој галиматијас се прави двојна штета – семејствата на жртвите остануваат збунети и разочарани, а општеството сѐ повеќе тоне во недоверба,“ додаде таа.Адвокатката заклучи дека „синџирот е силен онолку колку што е силна најслабата алка“ и предупреди дека „траумите допрва доаѓаат“.

Коментари | пред 7 месеци

Руски дрон уби родители и две деца во Суми

Двајца браќа на возраст од четири и шест години, заедно со своите родители, загинаа во ноќен руски напад со дрон врз селото Чернечина, во северниот украински регион Суми.Регионалниот гувернер Олег Григоров изјави дека „синоќа непријателот намерно погодил станбена зграда со нападен дрон“, додавајќи дека телата на семејството биле извлечени од урнатините.Руските сили веќе со месеци водат исцрпувачки борби на истокот и југот на Украина, но се обидуваат да воспостават и упоришта во северните области како Суми, која граничи со руската Курска област. Москва и понатаму негира дека намерно ги таргетира цивилите, иако илјадници се убиени, а голем број домови, станбени и стопански објекти уништени или оштетени.

Свет | пред 7 месеци

Трамп претстави план за прекин на војната во Газа: „Историски ден за цивилизацијата“

Американскиот претседател Доналд Трамп во Белата куќа го претстави својот план со 20 точки, за прекин на војната во Газа, нарекувајќи го „еден од најголемите денови во историјата на цивилизацијата“ и документ што може да донесе „вечен мир на Блискиот Исток“.Планот е објавен по средбата со израелскиот премиер Бенјамин Нетанјаху. Според анализата на Би-Би-Си, иако реториката на Трамп беше претерана, документот претставува важен дипломатски исчекор и промена во ставот на Вашингтон за иднината на Газа по завршувањето на војната.Што предвидува планот?Предлогот содржи општи принципи, но не и детални решенија за најспорните прашања – повлекувањето на израелските сили, ослободувањето на таоци и затвореници и управувањето со Газа. Сепак, документот предвидува:прекин на борбите и делумно повлекување на израелската војска,ослободување на сите преостанати заробеници во замена за стотици палестински затвореници,воспостаувување локална техничка власт во Газа под надзор на „Комитет за мир“ со претседател Трамп и поранешниот британски премиер Тони Блер,амнестија за припадниците на Хамас кои ќе предадат оружјето, додека останатите би биле протерани,меѓународни сили кои би ја презеле контролата врз безбедноста и би ги разоружале палестинските фракции.Палестинската државност е спомната условно – како можност доколку Палестинската самоуправа спроведе реформи.Реакции и пречкиХамас засега нема јасен став. За Би-Би-Си еден нивни претставник изјавил дека планот „не ги штити палестинските интереси“ и нема да биде прифатен без целосно израелско повлекување.Нетанјаху, пак, стоејќи покрај Трамп, рече дека Израел ги прифаќа принципите, но дел од неговата десничарска коалиција веќе изрази противење. Опонентите го потсетуваат дека и во минатото рушел договори кога му се заканувала политичка нестабилност.Арапските земји го поздравија фактот што документот не предвидува присилно иселување на Палестинците и барем условно ја споменува државноста.Истовремено, борбите на теренот продолжуваат – Израел распореди нова оклопна дивизија во Газа, а Хамас подготвува илјадници борци за „последна, одлучувачка битка“.Аналитичарите предупредуваат дека рамката на Трамп ќе бара долги и тешки преговори за да прерасне во конкретен мировен договор.

Свет | пред 7 месеци

Зеленски: Украина врати над 170 квадратни километри кај Добропоље

Украинскиот претседател Володимир Зеленски изјави дека во последните контраофанзиви украинската армија успеала да врати повеќе од 170 квадратни километри територија во близина на источниот град Добропоље.„Со денешниот ден, нашите сили имаат ослободено повеќе од 174 квадратни километри од почетокот на операцијата, а над 194 квадратни километри се исчистени од руски диверзантски групи“, рече Зеленски во своето вечерно видео обраќање.Тој додаде дека руските сили во операцијата изгубиле речиси 3.200 војници. Зеленски призна дека украинската армија се соочува со тешки услови на неколку делови од фронтот, вклучително и во близина на Купјанск во пограничниот регион Харков, како и во областите меѓу Донецк и Днепропетровск.Скептицизам кај воените аналитичариПочетокот на август донесе изненадувачки пробив на руските сили источно од Добропоље, кога тие напредуваа речиси 20 километри. Сепак, откако беа испратени украински резерви, дел од тој напредок беше поништен.Украински воени аналитичари, меѓутоа, изнесуваат помалку оптимистичка слика од онаа што ја претставува владата во Киев, потсетувајќи дека земјата веќе повеќе од три и пол години се брани од руската инвазија.

Свет | пред 7 месеци

Германскиот министер: Планот на Трамп за Газа е единствена шанса што не смее да се пропушти

Германскиот министер за надворешни работи, Јохан Вадефул, изјави дека планот на американскиот претседател Доналд Трамп за прекин на огнот во Појасот Газа претставува единствена можност за завршување на војната и дека не смее да се остави неискористена.„Американскиот план за Газа нуди единствена можност за крај на овој ужасен воен судир. Тој им дава надеж на стотици илјади луѓе во Газа кои страдаат од бруталниот конфликт и незамисливите хуманитарни тешкотии. Конечно, носи надеж и за Израелците и за Палестинците дека оваа војна наскоро би можела да заврши“, изјави Вадефул.„Хамас мора да ја искористи шансата“Според него, шансата не смее да се пропушти:„Хамас мора да ја искористи оваа прилика“, нагласи Вадефул, повикувајќи ги сите што имаат влијание врз движењето да преземат конкретни чекори.Тој изрази благодарност до претседателот Трамп, до арапските држави во регионот и до другите муслимански земји кои ги поддржуваат мировните напори.Германскиот министер додаде дека Берлин е подготвен да даде конкретна поддршка на планот, оценувајќи дека тој би можел да го отвори патот за поширок процес на помирување на Блискиот Исток. Вадефул најави дека за време на викендот ќе ја посети регијата во таа насока.

Свет | пред 7 месеци

YouTube ќе му исплати 24,5 милиони долари на Трамп поради тужба за суспензија

YouTube прифати да исплати 24,5 милиони долари во рамки на судска спогодба со поранешниот и сегашен претседател на САД, Доналд Трамп, кој во 2021 година ја тужеше платформата тврдејќи дека неправедно му го суспендирала каналот по нападот врз Капитол на 6 јануари.Со овој потег, подружницата на Google стана уште една во низата технолошки компании кои на Трамп му исплатија милионски износи поради ограничувања на неговите кориснички сметки.Обвиненија и нагодбаТрамп тужеше против YouTube и првиот човек на Alphabet, Сундар Пичаи, тврдејќи дека платформата стекнала „невидена концентрација на моќ и влијание врз јавниот дискурс“. Од YouTube, пак, тврдеа дека каналот е суспендиран поради поттикнување на насилство.Случајот е затворен по спогодба, а од Google нема официјален коментар. Според судските документи, 22 милиони долари од договорот Трамп ги насочил за реконструкција и заштита на Националниот парк „Мол“ и за поддршка на изградбата на балска сала во Белата куќа, чија вредност е проценета на околу 200 милиони долари.Други компании, слични нагодбиСлични процеси завршиле со исплати и од други компании: Meta во јануари плати 25 милиони долари, а X (поранешен Twitter) во февруари 10 милиони долари. Најголем дел од парите од Meta биле насочени кон фондот за претседателската библиотека на Трамп.Адвокатот Џон Коул, близок соработник на Трамп и автор на сите три тужби, изјави дека „повратокот на Трамп во Белата куќа бил клучен за нагодбите“.Забраната и враќањето на каналотYouTube првпат го суспендираше каналот на Трамп на 12 јануари 2021, поради „ризик од ново насилство“. Забраната траеше до март 2023, кога платформата одлучи да го врати каналот, нагласувајќи дека треба да се овозможи јавноста да ги слушне националните кандидати пред избори.Неколку часа по враќањето на каналот, Трамп објави кратко видео со зборовите: „Вратен сум!“

Свет | пред 7 месеци

Признавања од Москва: Русија тапка во место, загубите огромни

По месеци несогласувања околу мировните преговори, Белата куќа и дел од руските пропагандисти конечно се усогласија барем во едно – војната во Украина за Москва не се одвива добро, пишува Kyiv Independent.Американскиот потпретседател Џ.Д. Венс на 28 септември порача„Русите мора да се разбудат и да ја прифатат реалноста. Умираат многу луѓе, а немаат со што да се пофалат“. Неколку дена претходно, претседателот Доналд Трамп оцени дека Русија „потрошила милиони и милиони долари на бомби, ракети, муниција и животи – нивните животи – а практично не освоила никаков териториј“.Проруски коментатори: фронтот е во ќорсокакНе се повеќе само западни проценки. Во последниве денови и повеќе проруски гласови јавно признаваат застој, губитоци и ограничени резултати.Украинската група за мониторинг Deep State пресмета дека Русија од јуни до август зазела 1.548 квадратни километри територија, но изгубила речиси 95.000 војници – во просек над 1.000 дневно. Тоа претставува само 0,003% од вкупната површина на Украина.Руската коментаторка Татјана Монтјан предупреди на 22 септември дека нема доволно војници за нови офанзиви и дека Путин ќе мора да објави нова мобилизација „доколку не се случи голем пробив“. Сенаторот Дмитриј Рогозин, кој ја застапува окупираната Запорожка област, отиде уште подалеку: „Невозможно е да се напредува. На фронтот има мртва точка“, призна тој на 21 септември.Поранешниот проруски лидер во Донбас, Павел Губарев, потврди дека загубите се огромни, бидејќи „Русите речиси постојано напаѓаат, а Украинците главно се бранат“.Сомнеж во официјалните бројкиДури и на државната телевизија НТВ се слушнаа сомнежи во официјалните бројки за украинските загуби. Еден гостин изјави:„На почетокот на војната украинската армија имаше околу 800.000 луѓе. Со текот на времето бројот растеше за 100.000 до 120.000 годишно. Значи е невозможно да изгубиле 1,7 до 2 милиони луѓе, затоа што тогаш војската повеќе не би постоела“. На прашањето на водителот дали тоа значи дека „министерството лаже“, тој одговори: „Не само нашето. Голема грешка е да се потценува украинската војска“.Расте заморот во РусијаУкраинскиот воен аналитичар и поранешен офицер Иван Ступак вели дека тежината на ваквите изјави ќе се мери според реакциите на властите. „Пропагандистите зборуваат сè додека тоа им е дозволено. Ако вистината им наштети, ќе видиме како ќе се постапи кон нив“, истакна тој.Според него, ваквите тонови се и показател за растечки замор меѓу руските граѓани, кои, спротивно на тврдењата на Кремљ, не се подготвени да водат бесконечна војна.

Свет | пред 7 месеци

(Видео) Се потврди дека функционери на ВМРО-ДПМНЕ ја штителе дискотеката Пулс, вели Филипче

„ВМРО-ДПМНЕ не само што ја покажа својата неспособност туку го покажа најгрдото лице за секој еден граѓанин кој живее во државата“, порача вечерва од Крушево, претседателот на СДСМ Венко Филипче кој заедно со коалицијата оттаму го започнаа караванот за локалните избори.„Ветија правда, а донесоа неправда. Видовме како ги штителе функционерите пожарот во дискотеката „Пулс“ да не бевме ние со нашите прес-конференции сите ќе останеа заштитени. Со тоа се откри најгрдото лице на оваа власт“, рече Филипче.Тој обвини дека додека СДСМ ја барала правдата за жртвите во Кочани, ВМРО-ДПМНЕ правеле ситни зделки меѓу институциите кои однесоа 63 животи.„Македонија е далеку од горда, се што ветија се излажаа“, истакна Филипче во Крушево.

Настани | пред 7 месеци

Левица е на услуга на ДУИ, сега си направиле пазар од кој ќе профитира или ќе се обиде да профитира ДУИ, вели Мицкоски

Претседателот на ВМРО-ДПМНЕ, Христијан Мицкоски, имаше свое обраќање на денешниот митинг, со кој се започна кампањата за претстојните локални избори, и кој се одржа во Скопје во Спортскиот центар ,,Јане Сандански“ на кој се осврна и на коалицијата ДУИ и Левица, односно на Али Ахмети и Димитар Апасиев. Мицкоски објасни дека сега јасно се гледа дека Левица игра во корист на ДУИ, како што претходно играше во корист на СЈО и Зоран Заев.„Постојат две коалиции, две коалиции надвор од видливото. Првата е онаа меѓу Али и Димче, помеѓу  ДУИ и Левица. Левица само го покажа своето вистинско лице кое што сите ние го знаеме. Тие се на отворен пазар, на услуга на Али и ДУИ. Сетете се, да не заборавиме, прво го помагаа СЈО за добри хонорари, потоа самиот Заев отворено кажа  дека правеле тајни коалиции за наводно да  ја спаселе Македонија од ВМРО-ДПМНЕ и од Христијан. А сега си направиле пазар од кој ќе профитира или ќе се обиде да профитира ДУИ. А тие пак од ДУИ, со истите трикови се децении наназад. Како стара закачица, провоцираат и едвај чекаат да им одговорам“, кажа Мицкоски.Мицкоски јасно укажа „сигурно пресметале дека ќе им вратам, па така ќе им го подобрам уништениот рејтинг“.„Таа нивна игра мора и Албанците и Македонците и сите останати да ја знаат и разберат. Така ДУИ си го крева рејтингот. А тезите им се стари и излитени – те. „крвови“, те „јастреби, те  орлите, те зајаци“, истото тоа, истиот фолклор го споменуваат 20 години, тоа со  години е истиот филм.  Албанците му се иселија. Парам-парчe направија од крадење Албанците – дури и од неговото Зајас – се иселија; исто како  во Дебар, Струга, Тетово, Гостивар, Кичево и насекаде што живеат.. Дваесет години беа на власт. Видовме се што можат, но и што не можат. И тие метафори на митинзите повеќе не им поминуваат – добри се, ако одлучиле да се занимаваат и да глумат хумористични филмови за да може да насмеат некого. Но, не и да влеат надеж каква им е потребна на сите граѓани во Македонија“, посочи Мицкоски.

Македонија | пред 7 месеци

„Сценарија за опстанок – крај на СДСМ доаѓа“: Пораката на Мицкоски за тајните коалиции

Претседателот на ВМРО-ДПМНЕ, Христијан Мицкоски вечерва од Спортскиот центар Јане Сандански се осврна на договорот под маса на Венко Филипче и неговиот ментор од Струмица со градоначалник на црна листа за корупција на скопска општина и истакна дека ваквите непринципиелни коалиции ќе бидат поразени.„Што се однесува до вториот договор под маса – тој на Венко, што го склучи со еден градоначалник што е на црната листа за криминал и корупција од една скопска општина дотолку се гледа тој таен договор за поддршка што се препознава од Месечината. Проформа, СДСМ извадија кандидат за градоначалник во Карпош, што ни самите не ја препознаваат, ниту ја поддржуваат ниту пак ја рекламираат. Да направат анкета – членовите на нивната партија ни името на жената не и го знаат. Ја пуштија низ вода, за да асот во Карпош на Венко мисли дека ќе победи. Истите луѓе, со истите вредности. Веднаш штом ја напушти коалицијата, Стевчо отрча да коленичи во Струмица да се разбере со тогашната влада на СДС и ДУИ, а со него е лесно да најде човек заеднички јазик. Кога станува збор за интерес тој прв е подготвен да склучи пакт. Ваквите непринципиелни коалиции нема да успеат и ќе бидат поразени Зошто? Зашто и првиот договор и вториот се рефлексија на безидејноста во која овие партии тонат. Не се реформираа. Останаа заглавени и верни на бизнисите и тендерите, и затоа се сојузуваат – за да ги спасат своите кариери. И овие сценарија се полесниот начин да избегаат од реалноста дека на овие избори ќе паднат уште повеќе и едвај ќе се држат на 120 до 130 илјади гласа поддршка. Некогаш големата и според нив државотворна СДСМ спадна на рамниште да прави пактови  под маса за да опстане. Но народот, овој пат – на овие избори – ќе им свири крај. Бидете сигурни“ истакна Мицкоски.Мицкоски посочи и на новото додворување на СДС и Филипче кон Бугарите на штета на Македонија.Втората работа што сакам да ја посочам е оној подарок на Венко за нашиот источен сосед – нов „бонбона-бизнис“. На времето, неговиот ментор, кога беше во прашање името, ни го спакува во метафората „да не му ја чепкаме жицата на гитарата“. Демек, тој многу се грижел за името, кое на бездушен начин ни го промени. Сега гитарата се вика „црвените линии“ на Венко, спакувани во еден документ кој што тој го нарече, резолуција. Сте се запрашале ли зошто зборува за црвени линии, кога тој самиот нè убедуваше дека францускиот предлог е најдобриот што постои и не може подобар да биде? Па сега вели дека тој документ наречен резолуција, бил „најпатриотскиот документ“ било кога направен. Дојде време ова СДСМ да збори за патриотизам – верувале или не. А што била опцијата? Ако не сме го сменеле Уставот како што сака Венко – да не сме преговарале веќе за ЕУ? Добро, во ред – но кое е решението што ни го дава Венко? Кому треба сега овој негов предлог да служи? Јасно е дека ова е некое ново додворување на СДС кон нашиот источен сосед, на штета на Македонија. Но сакам да им биде јасно и на нив и на оние од кај нашиот источен сосед, тоа јас нема да го дозволам, за мене и за оваа македонска влада, постојат само македонски црвени линии, треба тоа да ви е јасно. А тоа се македонските државни и национални интереси истакна Мицкоски.

Македонија | пред 7 месеци

Ѓорѓиевски: Имаме визија за просторно планирање, зелена инфраструктура и енергетска ефикасност за поубаво Скопје

На вечерашниот митинг во Скопје, со кој започна кампањата за претстојните локални избори, имаше свое обраќање Орце Ѓорѓиевски, кандидат за градоначалник на Град Скопје од редовите на ВМРО-ДПМНЕ, кој истакна дека Скопје е заеднички дом на сите без поделби, посочувајќи ги успешните проекти кои ги има направено за општина Кисела Вода како градоначалник, како и дека тоа искуство, енергија и исполнети ветувања, го водат кон правиот пат, за уште поголем успех за поубаво и модерно Скопје.„Скопје не е само град. Скопје е наш заеднички дом. Град на кој му припаѓа секој од вас, без разлика на партија, вера или националност. Имам кредибилитет и докажана работа зад мене. Имам биографија на исполнети ветувања и задоволни граѓани на мојата општина Кисела Вода. Тоа искуство, тоа наследство, таа енергија сега ја носам за цело Скопје. Затоа денес повторно ви велам. Јас сум Орце, Јас сум прво човек, па дури потоа градоначалник“, вели Ѓорѓиевски.Ѓорѓиевски ги истакна  сите проблеми со кои се соочува Скопје, како дивите депонии, колапсот на јавниот превоз, метежот во сообраќајот и за кои тој има план, реални и остварливи решенија.„Скопје денес се соочува со големи предизвици. Загаден воздух кој ни го краде здравјето, но мораме да го промениме тоа. Метеж во кој губиме часови, а не смееме да го прифатиме како непроменлив факт. Диви депонии што не посрамотуваат, а нема да се смириме додека не ги исчистиме. Јавен превоз на раб на колапс, а сме град кој може подобро. Е, тоа време завршува! Јас знам едно: овие проблеми не се посилни од нас. Тие се тест за нашата решителност. А ние имаме сила, имаме волја и што е најважно имаме план за сето ова, истакна Ѓорѓиевски.Ѓорѓиевски ги истакна седумте столбови врз основа на кои е изградена програмата за Скопје, а кои воедно се и темелите за иднината на градот, за чист, зелен, модерен и достоинствен град.„Првиот столб е одржлив урбан развој, ќе изработиме визија „Скопје 2025–2045, 20 годишен стратешки документ изготвен од меѓународни и наши експерти кои во себе ќе ги интегрира просторното планирање мобилноста, зелената инфраструктура, енергетската ефикасност, управувањето со ресурси, социјалната инклузија и заштитата на културно наследство согласно европските стандарди за квалитет на живеење. Вториот столб е здрава животна средина, во првите 72 часа, почнуваме со „Генералка на Скопје“, Третиот столб е целосна комунална и сообраќајна обнова, ќе ги довршиме сите запрени проекти, хаосот со паркирањето ќе го решиме со катни гаражи во Буњаковец и Пролет, и монтажни паркинзи во сите критични населби, четвртиот столб е културата, Скопје ќе биде Европска престолнина на културата во 2028 година, ќе ја обновиме Универзалната сала и киното „Милениум“, петтиот столб е дигитална трансформација, со паметната картичка „SKOPJE CITY GO“ и „Градски портал“, сите услуги ќе бидат достапни на едно место, шестиот столб се младите и науката и седмиот столб е јавната грижа и безбедноста, брз, ефикасен и достоинствен јавен превоз со нови, еколошки автобуси и градски воз кој ќе ги поврзе Драчево, Центар и Ѓорче Петров“, рече Ѓорѓиевски кој е кандидат за градоначалник на Град Скопје од ВМРО-ДПМНЕ чиј слоган е „Вистинскиот избор! Твојот човек! Твоето место! За твојата иднина!“.

Скопје | пред 7 месеци

Филипче: Ова не е горда Македонија, луѓето едвај врзуваат крај со крај

„Сите гледаме, после една и пол година централна власт и повеќе од 4 години централна власт ВМРО-ДПМНЕ и повеќе од четири години нивна локална власт, дека се неспособни да донесат промени и да работат за и во интерес на граѓаните. Се грижат само за себе, за својата удобност и исклучиво за своите членови. Дали ова е гордата Македонија што ни ја ветија? Македонија со понижени земјоделци, со млади кои заминуваат, со семејства што едвај врзуваат крај со крај? Не, ова не е горда Македонија“ истакна претседателот на СДСМ Венко Филипче на граѓанската трибина во Демир Хисар заедно со коалицијата ја започнаа кампањата за локалните избори.Филипче оттаму исто така рече дека ВМРО-ДПМНЕ, ветија правда, а за граѓаните донесоа неправди притоа потсетувајќи на нефункционалноста на институциите, ниските плати, растот на цените и целосниот застој во економијата и правосудните реформи.„Ветија реформи, а не започнаа ниту една. Победија со лажен патриотизам, со празни програми од кои не остана ништо. Нема реконструирани локални патишта, нема систем за отпад, депонијата во Стругово секојдневно ги труе граѓаните. Тутунарите се соочуваат со ниски откупни цени, младите ја напуштаат општината, здравството е во колапс, а културното наследство како Спомен-паркот на Даме Груев во Смилево е оставено да пропаѓа. Четири години локална власт на ВМРО-ДПМНЕ и градоначалникот Најдовски и ниту еден реализиран проект“, истакна Филипче во Демир Хисар.СДСМ и коалицијата ја започнаа со граѓанска трибина во под слоганот „Се бориме за нашиот дом“ кој воедно е слоган за борба за поголема грижата, солидарност, правда, слободата и еднаквост и подобар живот за сите граѓани.

Македонија | пред 7 месеци

Мицкоски: Очекуваме убедлива и голема победа на ВМРО-ДПМНЕ, СДС од 0 до 6 општини

Ценам дека ВМРО-ДПМНЕ и коалицијата која ја предводи ВМРО-ДПМНЕ ќе има поголем број на градоначалници споредено со 2021та година. Нашите анализи се дека нема да бидеме изненадени ако имаме повеќе од 50 градоначалници, но очекуваната бројка е помеѓу 45 и 50, плус Градот Скопје, ако 2021 имавме 42 општини, вели претседателот на ВМРО-ДПМНЕ Христијан Мицкоски во вечерашното гостување во емисијата „360 Степени“.На прашањето дали СДСМ ќе освои некаде градоначалник според анализите на ВМРО-ДПМНЕ, претседателот Мицкоски рече дека според партиските анализи СДС се движи од нула до шест.Според нашите анализи СДС би се движеле од 0 до 6. А Левица не очекувам да освојат, бидејќи Левица таму каде што кандидира свои кандидати во најголем дел, а тоа се скопските општини, и во градовите Тетово, Гостивар и Струга, теоретски не може да добие поголем број на гласови од било кој друг кој што се натпреварува на тие избори. И јасна е нивната стратегија дека тие треба да бидат прокси за ДУИ, нагласи Мицкоски.

Македонија | пред 7 месеци

Мицкоски: „Правосудството е последната брана на неправдите – следуваат реформи, правдата веќе не може да чека“

Претседателот на ВМРО-ДПМНЕ, Христијан Мицкоски, имаше свое обраќање на денешниот митинг, со кој се започна кампањата за претстојните локални избори, и кој се одржа во Скопје во Спортскиот центар ,,Јане Сандански“. Тој порача дека промените се видливи во многу сектори, меѓутоа, правосудниот сектор и понатаму останува најголема пречка во земјава.  Мицкоски најави  дека по локалните избори годинава нема да има толеранција кон ваквите структури кои функционираат како длабока држава и го бранат криминалот, а и дека следуваат реформи, бидејќи правдата веќе не може да чека.,,Овие година и половина секаде започнавме со промени, со заздравување на атрофираниот и заболен систем во распаѓање, и секаде вложуваме труд, од образование, здравство, до економија и земјоделие. Промените се чувствуваат: некаде има повеќе резултати, некаде тие се со послабо од очекуваното темпо, но секаде правиме промени. Морам да признаам дека не сум задоволен од функционирањето на правосудниот систем, кој стана главното упориште на неправдите во државата, таму ќе ги најдете аргатите на системот кој го поразивме и  нивните заштитници. Последната брана за правдата во Македонија. И ќе бидам брутално искрен околу дебатата што ја наметнуваат, како сум можел да кажам дека платите на судиите и обвинителите не ги заслужувале.  Со чест на исклучоци, сметам дека не само што не ги заслужуваат, туку им се и преценети во однос на тоа колку испорачуваат правда“, рече Мицкоски.Мицкоски истакна дека по изборите нема да има ниту политичка коректност, ниту правна толеранција за структурите кои функционираат како длабока држава и кои го штитат криминалот, а додаде и дека следуваат реформи кои ќе обезбедат правична држава и држава на народот без поделби и паралелни системи.,,Клановската екипираност и нивните отворени релации ги направија да се ѕид на правдата и штит на криминалот на апаратот што го менуваме.  Сакам да најавам дека после локалните избори нема да има ниту политичка коректност, ниту правна толеранција кон структурите што функционираат како длабока држава во одбрана на криминалот. Следуваат реформи за кои знам дека некои платени мегафони ќе паѓаат во несвест, но овој пат мора да не биде. Не може веќе правдата да чека, ниту да функционираме во две паралелни, нееднакви Македонии. Доаѓа времето на правда, а Македонија ќе биде само една, таа на народот, таква каква што ја заслужува. Има само една Македонија. Македонија на народот “, кажа Мицкоски.

Македонија | пред 7 месеци

Зеленски предлага заеднички воздушен штит за Европа против руските дронови

Украинскиот претседател Володимир Зеленски предложи изградба на заеднички противвоздушен штит со своите европски партнери со цел заштита од руските закани. Ова го изјави во понеделникот на безбедносниот форум во Варшава, по серијата инциденти со нарушување на воздушниот простор кои предизвикаа загриженост на источниот крак на НАТО.Членките на НАТО укажуваат дека Русија преку упади во воздушниот простор на Полска и балтичките земји ги тестира подготвеноста и одлучноста на сојузот, додека Киев верува дека украинското искуство во одбрана од воздушни закани би можело да биде корисно за Европа.Украина предлага на Полска и на сите наши партнери да изградиме заеднички, целосно сигурен штит против руските воздушни закани, рече Зеленски. „Ова е можно. Украина може да се спротивстави на сите видови руски дронови и проектили, а ако делуваме заедно во регионот, ќе имаме доволно оружје и производни капацитети.“Украинските војници и инженери веќе најавија дека ќе ја обучуваат полската армија за справување со беспилотни летала. Истовремено, Романија планира да се здружи со Украина за производство на дронови во рамките на новиот механизам на Европската унија за финансирање на одбраната. Сепак, изградбата на повеќеслоен систем за противвоздушна одбрана ќе трае најмалку седум години, според владиниот извор.Романијa во понеделникот откри нови остатоци од дронови во источниот округ Тулча, на границата со Украина, додека германскиот министер за одбрана Борис Писториус потенцира дека „европската и украинската одбранбена индустрија мора да соработуваат поблиску и поефикасно“. Европската унија треба да обезбеди пофлексибилна регулатива за поддршка на одбранбената индустрија во Европа, додаде тој.

Свет | пред 7 месеци

(Видео) Брутален напад: Товарен холандски брод погоден во Јеменскиот залив

Британската компанија за поморска безбедност „Амбри“ денеска соопшти дека, според извештаи, холандски товарен брод бил нападнат на 220 километри југоисточно од јеменското пристаниште Аден.Британската организација за поморска трговија (UKMTO) објави дека воени власти пријавиле дека бродот, кој се наоѓал на 230 километри од Аден, бил погоден со непознат проектил и дека, според извештаите, е опкружен со пламен.UKMTO и „Амбри“ исто така соопштија дека примиле информации за чад близу до бродот.Во моментот на нападот, бродот не ја пренесувал својата локација преку автоматскиот идентификациски систем (AIS), наведува компанијата „Амбри“.Компанијата додаде дека бродот претходно бил цел на напад на 23 септември додека патувал кон Џибути.

Свет | пред 7 месеци

Димитровски: Нема да бидам нем набљудувач, Скопје ќе го направам од град во хаос до град со брз и современ градски превоз

Даме Димитровски, носител на листа на советници во Советот за Град Скопје на вечерашниот митинг најави дека доаѓа време за промена, која ќе се темели на визија, план и конкретни политики.  Тој говореше за деветте столбови на платформата како што се чист воздух, чист град, модерен превоз, јавни простори, велосипеди и мобилност, безбеден сообраќај, култура, иновации и чесно управување.Димитровски се осврна на градскиот превоз, нагласувајќи дека јавниот превоз не го следи развојот на Скопје и потребите на скопјани и додаде дека целта е да се создаде брз и современ градски превоз во служба на граѓаните.Секое утро илјадници заглавуваат во хаос, превозот не е во служба на граѓаните. Затоа, целта е јасна: Нов концепт на јавен превоз: флота на чисти, нови, климатизирани автобуси, почести ротации и дигитализиран, предвидлив систем, повеќе правци и линии кон секој дел од градот, нагласи Димитровски.Димитровски истакна дека граѓаните заслужуваат да живеат достоинствено, со нови проекти, со реални решенија и конкретни чекори што ќе го подобрат секојдневието на сите граѓани.Ова не се само зборови на хартија – ова се нашите работни задачи! - рече меѓу другото Димитровски.

Скопје | пред 7 месеци

(Видео) Трамп и Нетанјаху прикажани како Пинокио на плажа во Тел Авив додека имаат средба во Вашингтон

На плажа во Тел Авив се појави голема уметничка слика која го прикажува американскиот претседател Доналд Трамп и израелскиот премиер Бенјамин Нетанјаху, кој е претставен како Пинокио - детскиот лик чиј нос расте кога лаже.На сликата се гледа како Трамп и Нетанјаху се гледаат во очи, додека Трамп добива порака: „Не дозволувај повеќе да те измамат“. Изработката на уметничката слика ја организирале активисти и семејства на затвореници, со цел да повикаат на прекин на израелската офанзива во Газа. Уметничката слика се појавила токму истиот ден кога двајцата лидери оствариле средба во Вашингтон.

Свет | пред 7 месеци

Кузмановски: Ветувам чесна и одговорна работа, младите ќе бидат во фокусот на СДСМ во Демир Хисар

Време е за промени, доста беше уништувањето од ВМРО-ДПМНЕ 4 години. Време е Демир Хисар да добие чесно, отчетно и одговорно раководење“, истакна на граѓанската трибина на СДСМ и Коалицијата, кандидатот за градоначалник на општина Демир Хисар Златко Кузмановски.Порача дека актуелниот градоначалник и кандидат на ВМРО-ДПМНЕ ги изневери граѓаните, ветуваше многу, а реализираше нула.Граѓаните од секое населено место знаат и гледаат за неговото неработење, а разочараноста е и повеќе од видлива. Но, најтрагично е што младите во 4-годишното владеење воопшто не беа приоритет. Младите не смееме да ги гледаме само како бројка. Младите не смееме да ги гледаме само како иднина. Тие се нашата сегашност. Без млади, нема општина, нема иднина, нема ниту развој. Затоа нашата визија е јасна: младите да ја гледаат својата иднина тука, дома, а не во други држави, порача Кузмановски.Најави конкретни мерки за младите: изградба на младински центар, поддршка за младинското претприемништво, субвенции за млади бизниси, можности за практиканство и работа.Секој запишан ученик во СОУ ‘Крсте Петков Мисирков’ ќе добива по 3.000 денари месечно, а секој најдобар ученик од основните училишта и средното училиште ќе биде награден. Ќе обезбедиме ослободување од партиципација за градинка за децата кои доаѓаат од семејства од социјален ризик, истакна Златко Кузмановски, додавајќи дека ќе биде обезбедена поддршка и за жените, кои мора да знаат дека општината е нивен сојузник и поддршка.Кузмановски порача дека Демир Хисар мора да стане општина по мерка на граѓаните – општина која слуша, која е отворена и транспарентна. „Секој граѓанин ќе знае каде одат јавните пари“, подвлече тој.Посебен акцент стави и на културата и историјата: ќе биде уреден спомен-паркот на Даме Груев во Смилево, како и сите локални патишта кои водат до него, за да се зачува историската меморија и да се поттикне локалниот туризам.Ветувам работа. Ветувам напредок. Ветувам безбедност, стабилност, иднина. Ветувам дека вашиот глас ќе биде дел од секоја моја, наша одлука. Изборите што доаѓаат не се само избор на градоначалник. Тоа е избор каков Демир Хисар сакаме. Ќе избереме дали остануваме заробени во минатото со нула реализација на проекти од страна на актуелниот градоначалник или ќе чекориме заедно кон иднината, порача кандидатот за градоначалник на СДСМ за општина Демир Хисар, Златко Кузмановски.

Македонија | пред 7 месеци

(Видео) Инцидент во лет на Ryanair: Пијан маж се обиде да отвори врати на авион

Британец може да биде осуден на пет години затвор откако се обидел да ги отвори вратите на преполн авион на компанијата Ryanair за време на лет. Авион кој летал од Лондон (Лутон) кон Аликанте во јужна Шпанија, морал принудно да слета во Тулуз, Франција, откако пијан маж започнал да се заканува и предизвикувал хаос.Според одредени извори, обвинетиот бил лидер на група пијани мажи кои минатата недела биле симнати од лет од страна на специјалните полициски сили. Стоел покрај вратата за итни случаи и се обидувал да ја отвори. Пилотот немал друга опција освен принудно слетување,“ изјавил еден од патниците за Daily Mail.Нивото на алкохол во крвта на обвинетиот било толку високо што неколку часа не можеле да разговараат со него. Четворица од неговите пријатели исто така биле уапсени.На снимка објавена на TikTok се гледа апсењето на групата. Еден од патниците раскажал:Двајца непристојни мажи започнаа тепачка, ги игнорираа предупредувањата и одбиваа да седнат. Тие дури не требаше да се качат на авион бидејќи беа толку пијани.Инцидентот ескалирал кога полицијата се обидела да ја смири ситуацијата. Синот на обвинетиот молел за помош и викал:Тоа е мојот татко!“ додека полицајците го извлекувале неговиот татко од седиштето.Според сведоците, групата била бучна и непристојна и пред полетувањето, менувале седишта, игнорирале безбедносни протоколи и на еден од патниците се обиделе да му се доближат со физички контакт.Авионскиот екипаж и другите патници се обидувале да ја смирaт ситуацијата, а неколку родители ги замолиле да не користат непристојни зборови поради присуството на деца. Меѓутоа, хаосот продолжил, па пилотот одлучил за принудно слетување. По слетувањето, единица на воздушната полиција го уапсила обвинетиот и го извела од авионот.

Свет | пред 7 месеци

Состанок во Белата куќа помеѓу Трамп и Нетанјаху: Американски план за крај на војната во Газа

Израелскиот премиер Бенјамин Нетанјаху пристигна во Вашингтон, каде што денес ќе се сретне со американскиот претседател Доналд Трамп. Состанокот се одржува во момент кога Белата куќа подготвува сеопфатен мировен план за појасот Газа.Според The Times of Israel, Трамп ќе му претстави на Нетанјаху документ од 21 точка кој предвидува прекин на војната. Планот вклучува итно ослободување на израелските заложници во Газа во замена за стотици палестински затвореници, како и постепено повлекување на израелската војска од енклавата.Документот предвидува дека Хамас нема да има никаква улога во управувањето со Газа, додека во палестинските територии би била воспоставена привремена влада. Исто така, планот забранува анексија на Западниот Брег, со отворање пат за можни преговори за палестинска држава под американско покровителство.Трамп веќе изјави дека постои „реална шанса за големи работи на Блискиот Исток“ и дека ниту Израел нема да може да го анектира Западниот Брег, спротивставувајќи се на барањата на дел од израелската крајна десница.

Свет | пред 7 месеци