МВР со детали за сообраќајката кај Маврово, тешко повредени се млади луѓе

На 08.09.2025 во 15:50 часот во ОВР Гостивар било пријавено дека на магистралниот пат Гостивар-Кичево, во близина на Мавровска крстосница, се случила сообраќајна несреќа помеѓу мотоцикл „кавасаки“ со скопски регистарски ознаки, управуван од И.З.(22) од Скопје, мотоцикл „сузуки“ со скопски регистарски ознаки, управуван од Д.П.(22) од Скопје, мотоцикл „јамаха“ управуван од Ј.Д.(34) од Скопје, мотоцикл „сузуки“ управуван од М.Т.(23) од Скопје, мотоцикл „јамаха“ со скопски регистарски ознаки, управуван од П.Б.(18) од Скопје, патничко возило „голф“ со струшки регистарски ознаки, управувано од Ш.Ј.(25) од Струга, патничко возило „сузуки“ со скопски регистарски ознаки, управувано од М.М.Г.(49) од Република Турција, патничко возило „ауди“ со албански национални ознаки, управувано од И.К.(34) од с.Форино, гостиварско и патничко возило „голф“ со скопски регистарски ознаки, управувано од Б.С.(41) од Скопје. Во несреќата со тешки телесни повреди се здобиле мотоциклистите Д.П.,И.З.,П.Б. и М.Т., а со телесни повреди се здобил мотоциклистот Ј.Д. и возачот И.К.., констатирани во Општа болница Гостивар и Комплекс клиники „Мајка Тереза“ во Скопје. Извршен е увид од увидна екипа од ОВР Гостивар.

Македонија | пред 8 месеци

Џеки Чен доби нова главна улога, ќе биде амбасадор на EXPO 2027 во Белград!

Светски познатиот актер и мајстор на боречки вештини Џеки Чен е назначен за амбасадор на специјализираната изложба Експо 2027, што за прв пат ќе се одржи на Западен Балкан, во Белград.Настанот ќе се одвива под мотото „Играј за хуманост – Спорт и музика за сите“ и има за цел да покаже како преку спортот и музиката луѓето можат да се поврзат и заеднички да одговорат на глобалните предизвици.Во разговор за Euronews, Чен нагласи дека културата, спортот и музиката не треба да се гледаат одвоено, бидејќи се различни изрази на ист дух. Тој изрази уверување дека Белград во 2027 година ќе стане место на средба меѓу Истокот и Западот. View this post on Instagram A post shared by Aleksandar Vučić (@buducnostsrbijeav)По повод назначувањето, српскиот претседател Александар Вучиќ се сретна со актерот и сподели фотографија на социјалните мрежи.„Голема чест е што оваа глобална филмска ѕвезда и еден од најголемите културни амбасадори ќе го претставува EXPO во Србија. Убеден сум дека како промотор на EXPO 2027 ќе обезбеди силна поддршка за презентирање на настанот, кој ќе ја стави Србија во центарот на светското внимание“, напиша Вучиќ.

Балкан | пред 8 месеци

Службените возила мора да добијат нови таблици до 15 септември, но санкции нема да има

Државните институции и јавните правни лица имаат рок до 15 септември да ги заменат регистарските таблици на службените автомобили со нови, во специјална боја. Иако обврската е задолжителна, директорот на Службата за општи и заеднички работи на Владата, Ивица Томовски, изјави дека правилникот не предвидува казни за оние што нема да го сторат тоа.„Упатени се насоки и препораки до сите институции да ја започнат промената. Ова е втор повик. Според податоците со кои располагаме, бројот на возила се движи од 7.000 до 7.500, но точна бројка нема бидејќи државата не води соодветен регистар“, рече Томовски.Тој посочи дека дел од институциите веќе ги замениле табличките – меѓу нив Владата, Дирекцијата за технолошко-индустриски развојни зони, Агенцијата за храна и ветеринарство и Царинската управа. За оние што нема да стигнат до 15 септември, крајниот рок е 29 септември, пред стартот на изборната кампања.Воедно беше најавено отворање телефонска линија преку која граѓаните ќе можат да пријават евентуална злоупотреба на службени возила, а секоја пријава ќе биде евидентирана и обработена според законските процедури.

Македонија | пред 8 месеци

Руски директор пронајден обезглавен, со влечна сајла покрај него – 19-та мистериозна смрт на функционер

Алексеј Синицин, генерален директор на руската компанија за производство на калиумови соли „К-Поташ Сервис“, бил пронајден обезглавен под мост во село во близина на Калининград, а до неговото тело имало влечна сајла, јавуваат „Москва Тајмс“ и „Киев Индепендент“.„Москва Тајмс“ го вброи овој случај како 19-та смрт на висок руски функционер под неразјаснети околности од почетокот на руската инвазија врз Украина. Медиумот наведува дека кон списокот мистериозна смрт се додадени имиња поврзани со енергетските гиганти „Лукоил“, „Газпром“ и „Транснефт“.Сепак, „Киев Индепендент“ истакнува дека смртта на Синицин засега не е потврдена од независни извори, а локацијата, како и околностите – вклучително и влечната сајла – остануваат нејасни.Tragic mystery in Kaliningrad: CEO of “K-Potash Service,” Alexey Sinitsyn, found decapitated under a bridge with a towing cable nearby. Authorities are investigating. What really happened? #Mystery #Kaliningrad #CrimeNews pic.twitter.com/M5I348U2Ou— ceanmedia (@ceanmedia) September 8, 2025 Рускиот независен портал „Медуза“ пренесува дека Синицин бил на чело на компанија со капитал од Холандија и Кипар. „К-Поташ Сервис“ се занимава со експлоатација на калиум-магнезиумови соли во регионот на Калининград од 2013 година, со значителни инвестиции, но и со бројни контроверзии.Еден од скандалите, според „Медуза“, вклучувал протести на локалното население и наводна вмешаност на рускиот претседател Владимир Путин во 2017 година.

Свет | пред 8 месеци

(Видео) Моментот кога експлодира бродот на Грета Тунберг во Тунис – дали е напад со дрон?

Бродот „Фемили“, со кој шведската активистка Грета Тунберг требаше да отплови кон Газа како дел од иницијативата „Глобална флота за Сумуд“, бил погоден од мистериозна експлозија во пристаништето Сиди Бу Саид во Тунис.Организаторите на флотилата тврдат дека станува збор за напад со дрон и посочуваат дека на бродот во моментот се наоѓале членови на управниот одбор, но за среќа никој не бил повреден. На социјалните мрежи се појавија снимки и фотографии од оштетениот брод, што предизвикаа лавина реакции и обвинувања за израелска одговорност, придружени со ознаки како #FreePalestine и #GazaFlotilla.BREAKING:

Свет | пред 8 месеци

„Ќе ве дигнам на клоци, ќе ве фрлам од шести кат“: Виш јавен обвинител од Скопје обвинет за закани и психичко насилство врз колешки

Основното јавно обвинителство Штип поднесе обвинение против суспендираниот обвинител Мустафа Хајрулахи, кого го товари за пет кривични дела – малтретирање во вршење на службата и злоупотреба на службената положба и овластување. Според Обвинителството, во периодот од септември 2023 до октомври 2024 година, Хајрулахи како виш јавен обвинител во Вишото јавно обвинителство Скопје вршел континуирано психичко насилство и закани кон пет вработени жени.„Користејќи ја неговата службена хиерархиска надреденост, во повеќе наврати грубо им се заканувал дека има моќ и може веднаш да ги избрка од работа, дека „ќе ги дигнел на клоци“, „ќе ги фрлел од 6-ти кат“, „ќе ги ставел во притвор и под посебни истражни мерки“. Дел ги навредувал дека „му го грделе обвинителството“ и им забранувал да комуницираат меѓу себе и со други вработени.. Потоа, повторно користејќи ја неговата надреденост во службата, побарал од сите вработени кои не биле потписници на писменото барање за преземање на итни мерки, да напишат своерачни изјави во кои ќе го опишат „каков е тој како шеф“. Како резултат на ваквото деградирачко и понижувачко однесување, една од вработените се разболела и добила анксиозно растројство. Со цел да ја заштити постапката и жртвите, јавниот обвинител до судијата на претходна постапка достави предлог за определување мерки на претпазливост – обврска на обвинетиот да се јавува повремено на определено службено лице или кај надлежен државен орган, привремено одземање на патна или друга исправа за преминување на државната граница, односно забрана за нејзино издавање, како и забрана за приближување или воспоставување, односно одржување контакти или врски со оштетените“, велат од Обвинителството.Обвинителството наведува дека Хајрулахи незаконски заверувал и заведувал документи со приемен печат на ВЈО Скопје, иако тие имале личен карактер. Дополнително, заедно со уште еден јавен обвинител е обвинет дека како соизвршител сторил продолжено кривично дело злоупотреба на службената положба и овластување, со што се повредени правата на странки во повеќе постапки.

Македонија | пред 8 месеци

(Видео) МВР со детали за палењето на автомобилот на Галетановски во Кисела Вода

Запалено возило во скопската населба Аеродром предизвикало пожар во кој биле зафатени уште два автомобили, соопшти СВР Скопје.-Денеска (09.09.2025) во СВР Скопје е пријавено дека на ул.„Иван Козаров“ во Скопје опожарено било патничко возило „бмв“ со скопски регистарски ознаки сопственост на Ѓ.Г.(43) од Скопје, а од пожарот биле зафатени уште две патнички возила „опел“ со скопски регистарски ознаки сопственост на Е.К.(30) од Скопје и „форд“ со скопски регистарски ознаки сопственост на А.М.(47) од Скопје. View this post on Instagram A post shared by Скопје1 / Skopje1.mk (@skopje1mk)Пожарот е изгаснат од Бригадата за противпожарна заштита. Повредени лица нема. Извршен е увид од увидна екипа од СВР Скопје и се преземаат мерки за расчистување на случајот, се наведува во соопштението.

Скопје | пред 8 месеци

(Видео) Ноќеска запален автомобилот на Ѓорѓи Галетановски-Чомбе: се слушнала експлозија, не е со никого скаран

Два часа по полноќ, во скопската населба Кисела Вода, запален е автомобилот на Ѓорѓи Галетановски-Чомбе, кој е претседател на градската организација на СДСМ во Скопје и ексдиректор на Зоолошка градина. Станува збор за возило „мерцедес“ кој бил паркиран пред зградата каде живее. View this post on Instagram A post shared by Скопје1 / Skopje1.mk (@skopje1mk)„Се слушна силна експлозија. Не сум скаран со никој, ниту сум замерен. Сум немал никакви закани. Апелирам до министерството да го најде сторителот, не поради финансиски побуди, туку за сите кои останавме да живееме во Скопје да се чувствуваме сигурно“, вели Галетановски кусо во изјава за „Скопје1“.Пожарот бил изгаснат од Противпожарната служба на Скопје, а увид извршиле полициски службеници.

Скопје | пред 8 месеци

Прва ваква наредба на Израел - итна евакуација на Газа пред најавената копнена офанзива!

Израелските одбранбени сили (ИДФ) за прв пат издадоа наредба за евакуација на целиот град Газа, во пресрет на голема копнена операција против Хамас, пренесе „Тајмс оф Израел“.Претходните предупредувања од израелската армија се однесуваа само на одделни делови и објекти, но сега се бара палестинските жители во сите региони на градот да се упатат кон хуманитарна зона во јужниот дел на Појасот Газа преку приобалниот пат.„ИДФ е решена да го порази Хамас и ќе дејствува во областа на градот Газа со голема сила, исто како што правеше низ целиот Појас“, изјави на „X“ гласноговорникот на армијата, полковник Авичаи Адреи, на арапски јазик.Во објавата беше наведен и телефонски број на кој Палестинците можат да пријават доколку Хамас ги блокира или се обидува да спречи евакуација.Премиерот Бенјамин Нетанјаху исто така го повика населението да го напушти градот, најавувајќи жесток удар. „Сето ова е само вовед во главната голема операција – копнен маневар на нашите сили, кои сега се организираат и влегуваат во градот Газа. Им велам на жителите на Газа: Предупредени сте, излезете оттаму!“, рече Нетанјаху, зборувајќи од бункер во седиштето на воздухопловните сили.Тој посочи дека во последните денови израелската армија урнала 50 облакодери во Газа, за кои тврди дека биле користени од Хамас.Израелскиот министер за одбрана Израел Кац во понеделникот наутро порача дека Газа ќе биде уништена доколку Хамас не го положи оружјето.Изминатите месеци Израел ја заостри блокадата на Појасот Газа, спречувајќи испорака на основна храна и лекови, што доведе до смртни случаи поради неухранетост. Кон крајот на август, Организацијата за храна и земјоделство на ОН (ФАО) прв пат прогласи состојба на катастрофален глад во регионот.Канцеларијата на премиерот Нетанјаху го отфрли извештајот на ОН, нарекувајќи го „целосна лага“ и тврдејќи дека Израел не ги изгладнува Палестинците, туку спречува Хамас да го прави тоа.

Свет | пред 8 месеци

ВМРО-ДПМНЕ: Обвинителството го чува во фиока „Рекет 2“ и ги штити функционерите на СДС и ДУИ

Владејачката ВМРО-ДПМНЕ обвинува дека судско-обвинителскиот систем продолжува да го прикрива криминалот на СДС и ДУИ, а Основното јавно обвинителство намерно го чува предметот „Рекет 2“ во фиока.„Судството со доверба на ниво на статистичка грешка од два отсто продолжува да тоне, а Љупчо Коцевски на чело на ОЈО верно им служи на оние кои го изгласаа – СДС и ДУИ,“ се наведува во партиското соопштение.Според информациите, постои предмет „Рекет 2“ за кој обвинителството отворило предистражна постапка, но целиот процес бил стопиран. Во него биле опфатени поранешната претседателка на СЈО Катица Јанева и уште тројца обвинители, кои се обиделе да рекетираат познат бизнисмен.„Македонската јавност заслужува да знае дали овој случај се држи во фиока затоа што се кријат и се штитат лица од СДС и ДУИ. Заслужува да знае дали Коцевски е на чело на ЈО за да го гони криминалот или за да ги штити своите наредбодавци,“ велат од ВМРО-ДПМНЕ.Во соопштението се додава дека изминатата година не е поведена ниту една постапка за поранешни функционери на СДС и ДУИ, а ЈО мора да ги оправда платите кои ги добива од граѓаните и да почне да истражува криминални дејствија, наместо да ги чува предметите во фиока.

Македонија | пред 8 месеци

„Белград во фокусот на Марта Кос: „Имаме проблем“, Зелените бараат реакција од ЕУ

Еврокомесарката за проширување Марта Кос жестоко одговори на изјавите на српскиот претседател Александар Вучиќ, кој на протестот во Нови Сад ги нарече европратениците „олош“. Таа предупреди дека ваквиот речник покажува „сомнителен однос кон демократијата“ и дека Србија со тоа дополнително го нарушува сопствениот меѓународен углед.„Имаме проблем во Белград“, изјави Кос по средбата со австриската министерка за надворешни работи Беате Мајнл-Рајзингер во Виена. Таа нагласи дека нападите врз европратениците, како и антиевропските ставови на претседателот Вучиќ и претседателката на парламентот Ана Брнабиќ, не можат да ѝ донесат на Србија подобар имиџ во Европа.Кос потсети дека властите во Белград имаат преземени обврски пред претседателката на Европската комисија Урсула фон дер Лајен и пред неа лично. „Советот за српската влада е јасен – фокусирајте се на реформите што се ветени. Тоа подразбира независно судство за борба против корупцијата, слободни медиуми и изборен закон што ќе гарантира дека мнозинството во парламентот го одлучуваат само граѓаните“, рече таа.Според Кос, граѓаните имаат право на протест, но насилството и вандализмот мора да престанат, при што полицијата треба да дејствува соодветно и во целосно почитување на човековите права.Вучиќ, пак, ги обвини европратениците дека „се мешаат во внатрешните работи на Србија“ и најави дека сите кои „се обидуваат да ја уништат Србија однадвор“ ќе одговараат според законите.Во меѓувреме, петмина водечки претставници на Европската зелена партија побараа од институциите на ЕУ јавно да ги осудат личните навреди, заканите за кривичен прогон и дезинформациите што, како што велат, доаѓаат од српскиот претседател.Во заедничко писмо, што копретседателката Вула Цеци го објави на „Икс“, Зелените порачаа дека авторитарната реторика на Вучиќ и полициската интервенција во Нови Сад на 5 септември се закана за европските вредности. Писмото е испратено до Урсула фон дер Лајен, Роберта Мецола и Антонио Кошта.Потписниците бараат лидерите на ЕУ итно да ја следат ситуацијата во Србија – од третманот на мирните демонстранти и опозицијата, до состојбата со независните медиуми – и да потврдат дека земјите кандидати мора да ги почитуваат највисоките демократски стандарди.„Европската Унија не смее да премолчува пред авторитарниот дискурс и заплашувањето. Ги повикуваме институциите на ЕУ да ги заштитат европските вредности, да ја поддржат српската јавност и да појаснат дека ваквите закани се неприфатливи“, се вели во писмото.Зелените нагласуваат дека секогаш ќе ги поддржуваат мирните протести како темел на демократијата и предупредуваат дека „репресивните постапки и заканите на Вучиќ ја поткопуваат европската иднина на Србија и ги предаваат стремежите на нејзините граѓани“.

Свет | пред 8 месеци

Силен земјотрес во Грција: потрес од 5.5 степени

Силен земјотрес со прелиминарна јачина од 5.5 степени според Рихтеровата скала го погоди регионот на Егејското Море во Грција, доцна вечерва во 00:27 часот по локално време (23:27 часот по македонско време).Според првичните податоци на сеизмолошките центри, епицентарот на потресот бил лоциран во морето, на околу 45 километри североисточно од главниот град Атина.Она што особено загрижува е што земјотресот се случил на многу мала длабочина од само 5 километри, што обично предизвикува поинтензивно тресење на површината.Потресот бил силно почувствуван во поширокиот регион на Атика и главниот град Атина, предизвикувајќи вознемиреност кај локалното население.Засега нема информации за евентуални жртви или причинета материјална штета. Сеизмолозите напоменуваат дека податоците за јачината и локацијата се уште не се официјално потврдени и можни се мали измени.

Свет | пред 8 месеци

Жерновски се оженил на 8. септември: „Паметните мажи прават свадба на државен празник, за никогаш да не го заборават датумот“

На денот на независноста на Македонија, Андреј Жерновски, го кажал судбоносното ДА! Објави пост на ФБ со кој и ја честиташе годишнината на неговата сопруга Оле и напиша:„Паметните мажи прават свадба на државен празник, за никогаш да не го заборават датумот.Нека ни е вечна Македонија, нека е вечна љубовта, напиша тој“, напиша тој.

Скопје | пред 8 месеци

(Видео) Први снимки од страшната сообраќајка кај клучката Маврово, се судрија дури осум возила, петмина се повредени

Попладнево на магистралниот пат од Мавровската крстосница кон Гостивар се случила тешка сообраќајна несреќа во која учествувале вкупно осум возила – четири мотоцикли и четири автомобили.Според првичните информации од полицијата, во несреќата се повредени најмалку пет лица. Настанот бил пријавен во ОВР Гостивар нешто пред 16 часот, во услови на засилен сообраќај поради празничниот ден.Поради увидот што е во тек, сообраќајот на оваа делница е целосно прекинат. Возилата се пренасочуваат по алтернативни правци – преку каменоломот „Прогрес“ и преку месноста Панорама кај Вруток.Засега не се соопштени детали за состојбата на повредените лица, ниту причините за несреќата. Од полицијата апелираат возачите да ги следат насоките на службените лица и да бидат внимателни во сообраќајот.

Македонија | пред 8 месеци

„Нема право да истребува народ“ – Санчез со жестока порака до Израел и трајна забрана за оружје

Шпанија воведе трајна забрана за продажба на оружје и муниција на Израел, соопшти денеска премиерот Педро Санчез. Одлуката е дел од пакет мерки со кои, како што рече, треба да се стави крај на „геноцидот во Газа“.Во рамките на мерките, на бродови што пренесуваат нафта за израелската војска нема да им биде дозволено да влегуваат во шпанските пристаништа, а авионите со воен материјал за Израел ќе имаат забрана за користење на воздушниот простор на Шпанија.„Иако Израел има право на одбрана и постоење, тоа не му дава право да истребува беспомошен народ. Заштитата на сопствената земја е едно, а бомбардирањето болници и гладни деца е друго. Шпанија има обврска да стори сè што може за да запре она што специјалниот известувач на ОН и бројни експерти го сметаат за геноцид“, изјави Санчез.Шпанскиот премиер е меѓу најгласните критичари на израелската воена кампања во Газа во рамките на Европската Унија, а минатата година ја призна независноста на Палестина.Кон крајот на јули, Словенија стана првата членка на ЕУ што воведе забрана за извоз на оружје кон Израел.Помош за ПалестинцитеМадрид ќе обезбеди и правно обврзувачка помош за шпанските граѓани што живеат на овие окупирани територии. Санчес, чија земја минатата година ја призна државата Палестина во границите од 1967 година, најави дополнителна соработка со Палестинската самоуправа во областите на земјоделството, храната и здравството.Шпанија ќе плати дополнителни 10 милиони евра на агенцијата на ОН за палестински бегалци, UNRWA, на која Израел не ѝ дозволува да работи. „Знаеме дека овие мерки не се доволни за да се запре инвазијата и воените злосторства, но тие се барем дополнителен притисок за да се даде одмор на страдалното население во Газа и да се стават Шпанците на вистинската страна од историјата“, рече Санчес.

Свет | пред 8 месеци

„САД ја ценат Македонија како сојузник, ЕУ го поддржува патот кон Унијата“ – честитки за Денот на независноста

„Во текот на три децении изградивме силно партнерство – работејќи заедно во дипломатијата, безбедноста, образованието и културата“, порача Амбасадата на САД во честитката по повод Денот на независноста.Американскиот државен секретар Марко Рубио ја нагласи посветеноста на Вашингтон за продлабочување на соработката со Северна Македонија. „Како сојузник на НАТО, вашето ветување за зголемени трошоци за одбрана ја потврдува вашата посветеност на заедничките безбедносни цели. Правдата, стабилноста и просперитетот ќе продолжат да бидат во срцето на нашите односи“, наведе Рубио.Поддршка дојде и од Брисел. „Цврсто го поддржувам вашиот пат за приклучување кон нашата Унија. Ние сме со вас на секој чекор од тој пат“, напиша европската комесарка за проширување Марта Кос на Икс.Честитка испрати и претседателот на Европскиот совет, Антонио Кошта, кој истакна дека ЕУ останува посветена на европскиот пат на земјата.

Македонија | пред 8 месеци

Вечерва завршува AERO Street Food Festival !

По три дена исполнети со рекордна посетеност, одлична атмосфера и незаборавни гастрономски искуства, денеска во парк „Авионче“ - Општина Аеродром ќе се одржи последниот ден од првото издание на AERO Street Food Festival.Во изминатите три дена, илјадници посетители уживаа во специјалитети од најпознатите брендови за улична храна, во музички настапи и забавни предизвици кои го раздвижија Скопје. Фестивалот се покажа како вистинска атракција за сите генерации и потврди дека ваков настан одамна му недостасуваше на овој дел од Скопје.Денеска сите љубители на добрата храна и урбаната забава имаат уште една можност да бидат дел од овој единствен гастро спектакл. Програмата, празнично ќе кулминира со настапи на Southpark, Dj Foodieman, Dj Ficho и други активности што ќе го заокружат фестивалот на најдобар можен начин. Фестивалот се реалзиира со поддршка на Општина Аеродром.

Магазин | пред 8 месеци

Голема штета од пожар во скопско: Изгореа помошни простории од викенд куќа и објекти за живин

Изгорела помошна просторија од викенд-куќа, пет објекти за живина, разновиден алат и нискостеблеста шума во пожар што вчера попладне избувнал кај селата Раштак и Страчинци во скопско. За среќа, повредени лица нема, а огнот е изгаснат од екипи на Бригадата за противпожарна заштита.На 07.09.2025 во 15:00 часот во СВР Скопје е пријавено дека кај с.Раштак и кај с.Страчинци, скопско, настанал пожар и горела сува трева и нискостеблеста шума. Пожарот зафатил помошна просторија од викенд куќа, пет помошни простории за чување живина, разновиден алат и др., сопственост на Н.М.(51) од Скопје. Повредени лица нема. Од екипа на Бригадата за противпожарна заштита Скопје пожарот бил изгаснат, соопшти МВР.

Скопје | пред 8 месеци

Едноиполгодишно дете од Радовиш во болница – најверојатно испило таблета

Дете на возраст од една и пол година заврши во болница откако, според пријавата на неговиот татко, во семејната куќа во Радовиш најверојатно испило таблета. По укажаната итна медицинска помош, детето е пренесено во Клиничката болница во Штип.-На 07.09.2025 во 18:22 часот во Полициската станица Радовиш од Итната медицинска помош Радовиш е пријавено дека кај нив бил донесено едноипол годишно дете од Радовиш, кое, според пријавеното од страна на неговиот татко, околу 17:00 часот во семејната куќа најверојатно испило таблета. Детето е пренесено во Клиничката болница Штип и укажана му е медицинска помош, соопшти МВР.

Македонија | пред 8 месеци

Тепачка за паркинг во Ѓорче Петров – приведени двајца мажи

Се степале за паркинг – инцидент во скопската општина Ѓорче Петров заврши со физичка пресметка меѓу двајца мажи, поради недоразбирање околу место за паркирање.-На 07.09.2025 во 20:40 часот во СВР Скопје е пријавено дека во ходник од зграда на подрачјето на Ѓорче Петров, по претходно недоразбирање околу паркинг простор, бил нарушен јавниот ред и мир со физичка пресметка помеѓу С.Ј.(57) од Скопје и А.П.(34) од Прилеп, со престој во Скопје. По целосно документирање на случајот ќе следува соодветен поднесок, информира МВР.

Скопје | пред 8 месеци

Опожарен трансформатор на ЕВН, пожарникарите реагирале навреме

Синоќа во штипското село Криви Дол се запалил трансформатор во сопственост на ЕВН Македонија. Пожарот избувнал околу 21:50 часот, а благодарение на брзата интервенција на Територијалната противпожарна единица од Штип, огнот бил изгаснат. Повредени лица нема.-На 07.09.2025 во 21:50 часот во СВР Штип е пријавено дека во с.Криви Дол, штипско, настанал пожар на трансформатор, во сопственост на ЕВН Македонија,. Повредени лица нема. Екипа од Територијалната противпожарна единица Штип го изгасиле пожарот, соопшти МВР.

Македонија | пред 8 месеци

(Видео) Уште еден лекар во политиката: Д-р Алек Савески, носител на советничката листа за Центар

Градоначалникот на Општина Центар, Горан Герасимовски, денеска преку видео објава на социјалните мрежи го најави носителот на советничката листа за општината.Станува збор за д-р Алек Савески, за кого Герасимовски истакна дека е негов пријател и дека заедно ја составувале листата на која се наоѓаат професионалци и стручни лица кои придонеле за развојот на Центар.„Утро без кафе? Нема шанси. За нови идеи и победа, заедно со д-р Алек Савески ја креираме победничката советничка листа за Центар, на која тој ќе биде нејзин носител. Верувам во заеднички успех!“, напиша Герасимовски во објавата.

Скопје | пред 8 месеци

Мицкоски: Ќе нè биде – го давам секој атом од енергијата за иднината на државата

Премиерот Христијан Мицкоски во обраќањето по повод Денот на независноста порача дека правдата е неизбежна и ќе стигне до сите кои нечесно се стекнале со богатство.„Народот има впечаток дека тие кои нечесно заработуваат, не одговараат, но јас ви ветувам – нема милост за никој. Сега или малку подоцна, правдата е неизбежна и ќе ги стигне“, рече Мицкоски.Тој истакна дека граѓаните со години се разочарани од системот поради примери што ги даваа политичките елити, неправедните политики и криминалот кој, како што рече, ја разјадувал државата. „Правдата не смее да прави разлика кој од каде е, на која политичка страна припаѓа или колку пари има, туку само дали прекршил закон или не“, додаде премиерот.Мицкоски порача дека Македонија мора да се движи напред со заеднички напори: „Залудна е мојата лична среќа ако мојот сосед е несреќен. Или ќе нè биде, сега и овде, или немаме шанси повеќе. А јас ви велам – ќе нè биде! Мора да нè биде. За таа цел го давам секој атом од енергијата“.Тој нагласи дека не ја презел функцијата за лична корист, туку за да остави трага и иднина за граѓаните. „Нашата татковина има иднина и сите ние мораме да придонесеме. Јасно да зборуваме за работите кои се закана за нашето општество“, изјави премиерот Мицкоски.

Македонија | пред 8 месеци

„Ајде разбирам јас, ама децата?“ Мицкоски за прислушуваните материјали

Премиерот Христијан Мицкоски, се осврна и на скандалот со прислушувањето, нагласувајќи дека од 90-тите години постои иста структура и исти луѓе блиски до мината власт кои го злоупотребуваат системот.„Со ваквите чекори се удира по основите на демократијата, по уставниот поредок, а последиците не само што уништуваат генерации луѓе, туку ја доведуваат во опасност целата држава“, рече Мицкоски, додавајќи дека ваквите практики уништуваат човечки судбини измислувајќи ситуации и контакти кои во суштина не постојат.Тој нагласи дека не е суштинско прашање дали материјалите ќе бидат декласифицирани, туку како да се спречат злоупотребите и тие повеќе да не се повторат. „За ова сум сведок и јас лично, гледајќи го материјалот поврзан со мене, а богами и со моето семејство. Ајде разбирам јас, ама децата?!“, изјави премиерот.Мицкоски истакна дека сите материјали и сознанија за незаконското следење се предадени на обвинителството и дека случајот внимателно ќе се следи. „Одговорност мора да има. Ова е прашање на опстојување на државата, и во периодот што следи ќе се одмотува овој гордиев јазол“, порача тој.

Македонија | пред 8 месеци

(Видео) Напад со рачно изработен автомат на автобуска станица во Ерусалим – петмина цивили убиени!

Во вооружен напад на автобуска станица во Ерусалим беа убиени пет лица, а најмалку 11 се повредени, соопшти израелската полиција, пренесува „Гардијан“.Нападот се случил во населбата Рамот, на северната периферија на градот, кога двајца вооружени напаѓачи пукале кон луѓето кои чекале автобус. Според полицијата, на местото реагирале полициски службеник и вооружен цивил кои ги застрелале и ги „неутрализирале“ напаѓачите.Меѓу жртвите се тројца мажи во своите триесетти години, како и маж и жена во педесеттите години. Девет лица со прострелни повреди биле пренесени во болница, а уште тројца се здобиле со повреди од скршено стакло, информираа итните служби.Breaking NewsTwo Palestinian terrorists got on a bus in Jerusalem and sprayed the passengers with bullets.More that 20 people were shot, 4 were murdered, many in critical condition, including women and children.This is the evil Israel is fighting.The world wants to… pic.twitter.com/WUE9TueVgd— The Voice Of Truth 🙌 (@thevoicetruth1) September 8, 2025 На социјалните мрежи беа објавени фотографии на кои се гледа оружје за кое се претпоставува дека е „Карло“ автомат, рачно изработен на Западниот Брег и често користен во напади врз израелски цивили.Премиерот Бенјамин Нетанјаху соопшти дека по нападот се спроведува безбедносна проценка, а според локални медиуми, неговото сведочење во тековниот судски процес за корупција ќе биде одложено.Иако никој досега не презеде одговорност, палестинската група Хамас ја поздрави акцијата.

Свет | пред 8 месеци