Топлотен бран ги погоди Грција и Турција, затворени најголемите туристички атракции

Грција и Турција се погодени од силен топлотен бран со температури над 40 степени Целзиусови во текот на денот.Температурите се веќе над 30 степени наутро, а ноќите исто така не се пријатни. Властите предупредија дека условите ќе се влошат и очекуваат да бидат уште полоши во четврток и петок.Грција воведе забрана за секаква работа на отворено во текот на најжешкиот дел од денот за да ги заштити ранливите работници, вклучително и во градежништвото, земјоделството и испораката. Само возачите на достава во климатизирани возила смеат да работат.Температури до 45 степениТуризмот е исто така погоден. Акрополот во Атина редовно е затворен во најжешкиот дел од денот за да се заштитат посетителите и вработените од топлотен удар и проблеми со циркулацијата.Турската метеоролошка служба издаде предупредување поради екстремна топлина што ќе трае до петок. Во Дијарбаркир, на југоистокот од земјата, се очекува температурите да достигнат 45 степени, а во Анталија и по должината на егејскиот брег околу 40.Властите ги повикаа граѓаните, особено децата и постарите лица, да остануваат дома за да ги избегнат здравствените ризици поврзани со жештината.фото: Unsplash

Балкан | пред 9 месеци

Охридско лето: Прекрасна вечер на Бах со германскиот виолончелист Даниел Милер-Шот

Еден од најбараните виолончелисти на денешницата, Даниел Милер-Шот од Германија, вчеравечер беше дел од концертната програма на фестивалот Охридско лето“ изведувајќи дела од композиторот Јохан Себастијан Бах.Тој е присутен на сите големи концертни подиуми и веќе неколку децении ја одушевува публиката како голем амбасадор на современата музика преку неговите идеи за обединување на музиката, литературата и визуелната уметност.-Настапот на „Охридско лето“ значи многу за мене. Првпат сум во Охрид, вторпат во Македонија. Во Охрид преубава е природата, но и луѓето се извонредни, така што едвај чекав да ги споделам звуците на виолончелото со публиката, рече виолончелистот Милер-Шот.Неговиот репертоар вклучува бројни дела од барокот, па сè до новосоздадени современи дела. Особено е посветен на проширувањето на репертоарот за виолончело преку сопствени аранжмани и преку соработки со современи композитори.Честопати сам ги претставува концертите и ги пишува текстовите за неговите бројни ЦД-а. На неговиот фестивал во Вевеј креира програма која ги вклучува делата на Бах придружувани со танцова кореографија во обид на визуелен начин да ја „преведе“ музиката. Неговите соработници за камерна музика ги вклучуваат: Кит Амстронг, Рено Капусон, Вероника Еберле, Џулија Фишер, Џанин Јенсен, Сабине Мејер, Нилс Монкемејер, Ан-Софи Мутер, Франческо Пјемонтеси, Емануел Тјекнавориан, Симон Трпчески, како и квартетот „Модиљани“ и др.За него и за неговиот инструмент се напишани голем број дела.-Почестен сум што неколку композитори сакале да напишат дела за мене и за мојот инструмент, и уживам во изведување на музиката од наше време и во работењето со моите пријатели, композитори,музичари. Се радувам што даваме живот на нова музика бидејќи е жив процес.Но исто така мислам и дека постарата музика како Бах треба да се свири како прва изведба бидејќи за многу луѓе кои не ја слушнале оваа музика на некој начин е и современа музика која се трансформира во времето пред 300 години и сите уживаат во неа, додаде германскиот уметник Милер-Шот кој свири на виолнчелото „Екс Шапиро“ изработено од Матео Гофрилер во 1727 година.Оваа концертна сезона меѓу другото вклучува негова турнеја низ Германија со пијанистот Јан Лисецки и оркестарот „Ст. Мартин ин д филдс“, настапи со виолинистката Џулија Фишер, како и концерти со Камерниот оркестар на Концертгебау, Филхармонијата во Хелсинки, Оркестарот на шпанската РТВ и др., како и серија камерни концерти со пијанистот Давид Фре. Оваа година, Милер-Шот има уметничка резиденција на Фестивалот на Камерниот оркестар во Цирих, а на Фестивалот Мекленбург – Форпомерн одбележува 30 години од првиот настап.

Охрид | пред 9 месеци

36 обвинети за поткуп и злоупотреба при доделување на инвалидски пензии и права на туѓа нега – лекари, адвокат и службеници дел од две криминални групи

По спроведена истражна постапка започната кон крајот на април 2024 година, Основното јавно обвинителство за гонење на организиран криминал и корупција поднесе обвинителен предлог против 36 лица, осомничени за сериозни злоупотреби во процесот на доделување на права за туѓа нега и инвалидска пензија.Според обвинението, две организирани криминални групи во текот на 2023 и почетокот на 2024 година посредувале и незаконски овозможувале стекнување на овие права во замена за пари – од 150 до 5000 евра, во зависност од типот и времетраењето на правото што се "обезбедувало".Во мрежата биле вклучени лекари, адвокат и службени лица од неколку јавни установи, кои со злоупотреба на својата службена положба и реално влијание издавале лажни медицински мислења и одлуки, со што грубо ги заобиколувале законските одредби.Распределба на обвиненијата:10 лица се обвинети за злосторничко здружување, давање поткуп и примање награда за противзаконито влијание.5 лица се товарат за злосторничко здружување и примање поткуп.2 лица – за злосторничко здружување и примање награда за противзаконито влијание.19 лица се обвинети за давање поткуп и давање награда за противзаконито влијание.Спогодби и пресуди:Досега, 13 обвинети склучиле спогодби со Обвинителството, по што Основниот кривичен суд Скопје изрече пресуди:Првообвинетата доби 3 години и 6 месеци затвор и ѝ беше одземена противправно стекната добивка од 15.000 евра.За другите 12 обвинети беа изречени условни казни затвор од 1 до 2 години, со рок на испит од 3 до 5 години.На неколкумина им беше одземена имотна корист – 36.520 денари надоместок за туѓа нега, 2.360 евра и 81.000 денари стекнати со извршување на делото.Барања до судот:Обвинителството предложи продолжување на веќе изречените мерки за обезбедување:Притвор за 5 лицаКуќен притвор за 5 лицаМерки на претпазливост за останатите обвинети„Станува збор за сериозна коруптивна шема која ја поткопува довербата во системот на социјална заштита и нанесува штета и на државниот буџет и на граѓаните кои навистина имаат потреба од овие права“, велат од Обвинителството.

Македонија | пред 9 месеци

Седум пожари се активни, четири под контрола, четири изгаснати, состојба со пожарите во Македонија

Во земјава денеска до 13 часот, се регистрирани вкупно 15 пожари на отворен простор. Од нив, седум пожари се активни, четири се ставени под контрола, а четири се целосно изгаснати, соопштија надлежните.Активните пожари се наоѓаат во општините Василево, Радовиш, Берово, Македонски Брод, Прилеп, Желино, Демир Капија и Липково. Тие се во различни типови на вегетација, од нискостеблести шуми и смрека до грмушки и трска.Пожарите под контрола се регистрирани во Македонски Брод, Ресен и Прилеп, додека во Дојран, Гостивар, Велес и Куманово целосно се изгаснати пожари кои зафаќале различни видови шума и ниска вегетација.Надлежните продолжуваат да работат на гасење и превенција, при што апелираат до граѓаните да бидат внимателни и да пријавуваат секој забележан пожар.

Македонија | пред 9 месеци

Едногодишно дете од Липково хоспитализирано поради труење со лекови – полицијата ја истражува инцидентната ситуација

Едногодишно дете од селото Отља во Општина Липково било хоспитализирано поради сомнително труење со лекови, информира Секторот за внатрешни работи Куманово. Медицинскиот персонал од Општата болница Куманово го пријавил случајот вчера во 18:31 часот.Полицијата го спровела разговорот со лекарот и родителите на детето, а за настанот бил известен и јавниот обвинител.Од СВР Куманово посочуваат дека се преземаат соодветни мерки за целосно расветлување на случајот и утврдување на точните околности на труењето.фото: архова/Скопје1

Македонија | пред 9 месеци

Лишен од слобода кавадарчанец, управувал возило со 2,92 промили алкохол во крвта и предизвикал сообраќајна незгода

Полициски службеници од Кавадарци лишија од слобода маж кој управувал возило под влијание на алкохол откако предизвика сообраќајна незгода со друго возило во градот.-На 21.07.2025 во 21.15 часот на улица „7 Септември“ во Кавадарци, полициски службеници од ОВР Кавадарци го лишиле од слобода Р.С.(29) од Кавадарци. При преземање мерки во врска со претходно случена сообраќајна незгода во која учествувал тој со патничко возило „фолксваген“ со кавадаречки регистарски ознаки и патничко возило „пежо“ со кавадаречки регистарски ознаки, управувано од Б.К.(31) од Кавадарци, било утврдено дека управувал возило по дејство на алкохол, односно му биле измерени 2,92 промили алкохол во крвта. Р.С. бил задржан во полициска станица, известен бил јавен обвинител и по документирање на настанот против него ќе биде поднесена пријава по член 297-а од Кривичниот законик - „безобѕирно управување со моторно возило“.

Македонија | пред 9 месеци

Бодигардот на премиерот Мицкоски се изјасни за невин во случајот за оддавање службена тајна

Поранешниот телохранител на премиерот Христијан Мицкоски и припадник на Шестата управа на МВР, Ангел Самараков, денеска се појави пред Кривичниот суд во Скопје како обвинет за оддавање службена тајна на Благоја Коруноски, кој во постапката има статус на сведок.На прашањето од судијата дали се чувствува виновен за делото кое му се става на товар, Самараков кратко одговори: „Не сум виновен.“Во воведниот говор, обвинителката Ивана Трајчева најави дека обвинителството ќе докаже дека на 30 март 2025 година, околу 23 часот, на паркинг пред хотелот „Гарденија“ во Велес, Самараков, како вработен во МВР, му предал на Коруноски документи од класифицирана природа, достапни во МВР, со цел да бидат објавени на социјалните мрежи.„За тоа обвинетиот Самараков требало да прибави од лицето Лелита Трајковска Миленкова износ од 50 илјади евра. Со тоа му се става на товар дека сторил кривично дело оддавање службена тајна по член 360 став 2 во врска со став 1“, изјави Трајчева.Адвокатот на Самараков, Ивица Ефремов, истакна дека обвинителството користи докази кои биле прибавени на незаконит начин.„Нашата одбрана ќе биде насочена кон тоа што Обвинителството користи докази што незаконски ги прибавиле и не може да се предмет на докажување во кривична постапка. Ќе ве увериме дека доказите што ги приложува Обвинителството немаат својство на службена тајна и воопшто не постои елементот на користољубие“, рече Ефремов.Поради отсуство на сведокот Благоја Коруноски, кој не се наоѓа во државата, неговото сведочење е одложено за август. На рочиштето се најавува прикажување на две видео-снимки – една од критичната вечер и една од друг временски период.Обвинителството приложи и материјални докази, меѓу кои се вештачени мобилни телефони, лаптоп и хард дискови.Во судницата присуствуваше и сопругата на обвинетиот, Сања Самаракова, поранешна кандидатка за советник од редовите на ВМРО-ДПМНЕ во општина Велес. Самараков е вработен во МВР од 2015 година, нема претходни пресуди и е дипломиран правник со положен правосуден испит.

Скопје | пред 9 месеци

Шеријатот полека се воведува на германските универзитети, експертите предуваат на нов сериозен проблем

Германските универзитети сè повеќе пријавуваат активности на сомнителни студентски исламски групи кои ги користат универзитетските простори и ресурси за активности водени од шеријатските правила, вклучувајќи строга родова сегрегација и гостувања на салафистички говорници.Најпознатиот случај доаѓа од светски познатата берлинска клиника „Шарите“, каде што на исламистичката студентска група „МедИслам Колектив“ ѝ беше забрането да одржува какви било активности на кампусот. Причината е што предавањата се одржувале во салите на клиниката со строга одвоеност на мажи и жени, пишува БИЛД.Групата тврди дека разделбата не била задолжителна и покрена петиција против универзитетската администрација, обвинувајќи ја за „антимуслимански расизам“ и „структурна дискриминација“.Поранешниот студент на „Шарите“ и познат вирусолог Јонас Шмит-Ханасит истакнува дека „универзитетите не се места за религиозни паралелни општества“ и дека оваа практика станува политички проблем.Сè повеќе родители веруваат дека во германските училишта постои страв од исламот и дека дури и католичките деца се преобраќаат во ислам од страв од насилни муслимански ученици.Германските универзитети предупредуваат за овој проблем, бидејќи случаи се појавуваат низ цела Германија:Кил: Универзитетот го поништи признавањето на „Исламската студентска група“ (IHG) откако нивните предавања вклучуваа и родова сегрегација.Берлин (FU): Групата FURSA организираше настани со строга поделба на публиката по пол. Беа доделени и награди, меѓу кои и книги од салафистичкиот научник Ибн Кајим.Брауншвајг: „Сојузот на муслимански студенти“ беше прикажан во Москва каде што жените беа целосно одвоени и не беа прикажани свртени кон камерата.Зиген: Исламска група организираше предавање со посебно обележани влезови за мажи и жени. Универзитетот тврди дека не бил свесен за сегрегацијата и најавува построги контроли.Тибинген: Во студентскиот дом на Евангелистите се одржа предавање на тема „Обликување на срцето“, повторно со одвоени мажи и жени.Историчарот проф. Михаел Волфсон се прашува каде води ова: „Кон одделни базени, училишта, кина, ресторани, театри?“Тој заклучува дека овој вид скриена родова сегрегација претставува „цивилизациски и културен чекор назад“.

Свет | пред 9 месеци

Левица обвинува: ДПМНЕ ја продава историјата и јазикот за европски аплаузи

Левица повикува македонските институции јасно да стават до знаење дека нема да прифатат никакви заеднички иницијативи со Бугарија кои го доведуваат во прашање македонскиот јазик, историја и идентитет. Наместо да се вплеткува во дипломатски стапици, Владата треба веднаш да ја прекине комуникацијата со Софија за овие прашања, смета Левица.„Однародената ДПМНЕ ја прифаќа играта на големобугарските империјалисти и го става на маса македонскиот идентитет и јазик инсистирајќи на заедничка резолуција со Бугарија во Европскиот парламент со што фактички се согласува да ги проблематизира овие носечки столбови на македонската државност и самобитност. Дезориентираната надворешна политика на Муцунски овие непобитни ставки ги доведува во позиција да станат предмет на договор, со што македонскиот народ и држава ги става пред повторно склучување компромис околу суштински прашања како при Преспанскиот договор и Договорот за добрососедство.Наместо цврсто да стои на ставот дека македонскиот јазик и идентитет (одамна признаени од ОН и научната јавност) се неспорни, МНР се надоврзува на срамната Резолуција на Европскиот парламент со обид за нејзина практична имплементација, токму она што Софија со нетрпение го очекува. Заедничка резолуција со земја која со децении ги негира нашите основни права и има иредентистички аспирации значи прифаќање на услови кои директно го поткопуваат македонското самоопределување.Благодарение на однародени и бизнис-ориентирани политичари, Република Македонија, која веќе го смени знамето и уставното име под странски диктат – со ДПМНЕ е на пат да стане првата држава што ќе го доведе под прашање и сопствениот службен јазик.Не помина многу време од кога Мицкоски хистерично тврдеше дека ако се преговара за јазикот, прекројување на историјата и македонскиот идентитет, договорот за добрососедство не важи.Денес, истиот тој си ги гази зборовите и ја претвора Република Македонија во услужен сервис на Софија.На дело гледаме како “патриотите” од ДПМНЕ, штом седнаа во фотелјите на власт, не само што го продолжија курсот на капитулација на нивните претходници од СДС, туку и го продлабочуваат. Со ДПМНЕ на власт, Македонија уште побрзо се претвора во држава без став и кичма, која тргува со историјата и идентитетот за неколку тапкања по рамо од странство”, вели Левица.

Македонија | пред 9 месеци

Пеколно лето во Македонија: Во петок до 45 степени, од понеделник драстично заладување со дождови, ќе биде под 30 степени

Македонија ја очекуваат уште неколку дена екстремна горештина, со температури што ќе достигнат до 45°C, што ќе биде најтоплата точка на летото. Временската промена ќе настапи по викендот, со дождови и значително заладување.Од среда, 23 јули, до недела, 27 јули, се најавува стабилно, суво и исклучително жешко време. Утринските температури ќе се движат околу 20°C, додека дневните максимални ќе растат од 41°C во среда, 43°C во четврток, до рекордни 45°C во петок, 25 јули. Високите температури ќе продолжат и за време на викендот, кога во сабота ќе се измери 44°C, а во недела малку поподносливи 41°C.Промената ќе настапи во понеделник, 28 јули, кога се очекуваат локални врнежи и опаѓање на дневната температура до 35°C. Во вторник, 29 јули, дождовите ќе продолжат, а максималната температура ќе падне на 28°C, што ќе биде првпат по долго време под 30 степени.Граѓаните се советуваат да внимаваат на здравјето, да избегнуваат престој на сонце во најжешките часови и да внесуваат доволно течности, особено до крајот на неделата кога топлотниот бран ќе биде најинтензивен.фото: Unsplash

Македонија | пред 9 месеци

(ВИДЕО) Се запалил туристички брод во Макарска, има повредени!

Утринава се запалил туристички брод во Маккарска.Пожарот избувнал во кујната околу 8:20 часот наутро, за среча бил локализиран многу брзо. Во тек е увид на лице место.-Две лица се повредени во пожар на туристички брод во Макарска, потврдила Сплитско-далматинската полиција за 24sata.hr.На бродот имало туристи, а медицинска помош побарале членовите на екипажот, хрватски државјани.фото: Читател на 24sata.hr

Балкан | пред 9 месеци

Кекеновски: ДКСК пред етички колапс – претседателката обвинета, а сè уште на функција и со плата

Професорот Јове Кекеновски остро реагира на одбивањето на претседателката на Државната комисија за спречување на корупцијата да поднесе оставка, и покрај тоа што против неа се води постапка за сериозни злоупотреби. Во објава на социјалните мрежи, тој предупредува дека институцијата се соочува со длабока етичка и институционална криза, и оти доколку остане на функцијата, ДКСК ќе стане „симбол на иронија“ – антикорупциско тело компромитирано од сопствениот врв. Посочува и дека, иако има судска мерка за забрана на пристап до документи, таа продолжува да прима плата, што, како што вели, го поткопува јавниот морал и принципот на отчетност.ДКСК ПРЕД ЕТИЧКИ КОЛАПСДоколку обвинетата претседателката на ДКСК не си поднесе оставка тоа значи дека во иднина ДКСК ќе стане симбол на иронија – антикорупциска институција компромитирана од сопствениот раководен кадар, обвинет за сериозни злоупотреби.Ова не е само формално противречие, туку длабока институционална криза. Антикорупциско тело мора да биде морална и етичка вертикала во општеството. Кога претседателот е под сомнение за извршении кривични дела поврзани со злоупотреба на службената позиција како и барање друго лице да го полага тестот за безбедносен сертификат и не прифаќа одговорност и не поднесува оставка тоа знали дека институцијата се претвора во карикатура на својата мисија.Во овој контекст:• Ќе се изгуби довербата на јавноста, која и онака е ниска во институциите.• Ќе се обесмисли секоја идна иницијатива или истрага што доаѓа од ДКСК.• Ќе се создаде преседан – дека и антикорупциските органи можат да функционираат и со компромитиран углед, што е неприфатливо.Особено загрижувачки е што и покрај судската мерка која ѝ забранува пристап до документи и фактичка отсутност од работното место, дотичната продолжува да прима плата. Ова го поткопува и принципот на отчетност, и довербата во институциите.Кога платата станува награда за неработење, а молкот штит од одговорност, се руши самиот темел на јавниот морал.

Македонија | пред 9 месеци

Ахмети, Таравари и Села, здружени за локалната трка

Некогаш во љубов, некогаш раскарани и во прегратки на друг коалициски партнер. За овие локални избори Ахмети, Таравари и Села ќе настапат заеднички за да ги одмерат силите и да покажат кој го има легитимитетот во албанскиот политички блок.Адут за Чаир им е екс министерот за надворешни работи.Во Тетово кандидат ќе биде Бајрам Реџепи, потпретседател на ДУИ, а во Желино ќе биде Емир Сулејмани, претседател на општинската организација на ДУИ.Носител на советничката листа во Гостивар ќе биде Валдет Џафери, претседател на огранокот на ДУИ во Гостивар, а во Струга, носител на советничката листа ќе биде Фатон Пололжани, претседател на огранокот на ДУИ во Струга.Во следните денови, по завршување на внатрепартиските и коалициските консултации, ќе бидат потврдени и кандидатите за останатите општини.,,Од Албанската алијанса, од Зијадин Села очекуваме предлози за кандидати за градоначалници во општините Струга, Арачиново и во Дебар, а од Арбен Таравари за Гостивар, Врапчиште, Теарце и за Сарај.ДУИ останува посветена на фер, инклузивен и програмски силен изборен процес за граѓаните во сите општини. Граѓаните, како на референдум, ќе ја потврдат својата следна победа на овие локални избори“, соопшти ДУИ.

Македонија | пред 9 месеци

(ФОТО) Шанса за Центар алармира: Урбан хаос во Дебар Маало – се гради без усул, среде густо населена зона!

Градежен хаос во Дебар Маало – без почитување на соседското право, безбедносните стандарди и мирот на жителите, обвинуваат од иницијативата „Шанса за Центар“. Во објава на социјалните мрежи тие реагираат на тековна градба во близина на градинка, за која велат дека се реализира по стар план од 2012 година, со одобрување од надлежни инспектори и служби. „Устав се менува, ама ДУП никако“, стои во нивната реакција, проследена со фотографии од терен.-Вака се гради во Дебар Маало! Без усул ни за соседското право, или безбедноста, спокојот на жителите или на децата од градинката. Ова е сѐ за што локалните власти управувани од партиите викаат дека е по дозвола, по план од 2012, одобрено од инспектори и служби. Вака изгледа кога после 15 год се спроведуваат погрешни планови. И да се потсетиме: Устав се менува, ама ДУП никако, стои во нивната објава.

Скопје | пред 9 месеци

Срцев удар фатален за македонски турист во Албанија, се удавил во близина на Драч!

Македонски државјанин (66), трагично го загуби животот вчера попладне на плажата кај Каваја, во близина на албанскиот град Драч, откако доживеал срцев удар веднаш по влегувањето во морето.Според информациите на албанската полиција, несреќата се случила околу 19 часот. Очевидци изјавиле дека мажот се почувствувал лошо и за кусо време потонал во водата. Иако присутните веднаш реагирале и го извлекле тело од морето, а набрзо пристигнала и екипа на итната помош, лекарите можеле само да ја констатираат смртта.Албанските надлежни органи работат на целосно расветлување на околностите поврзани со оваа трагедија.

Македонија | пред 9 месеци

Ѓорѓиевски: На Скопје му треба развојна стратегија која ќе овозможи граѓаните тековно да ги добиваат услугите од јавните претпријатија

Орце Ѓорѓиевски, актуелен градоначалник на општина Кисела Вода и кандидат за градоначалник на град Скопје за претстојните локални избори, беше гостин во емисијата ,,За или против“ на Алфа телевизија. Тој се осврна на состојбата со пожарите во земјава, и притоа истакна дека има доверба во институциите по однос на оваа ситуација.„Многу одговорно на територија на Скопје Противпожарната бригада ја врши и совесно својата работа. Одговараат навремено на ваква појава, и благодарение на нив спречени се многу непријатни ситуации изминатиов период. Треба модернизација и на опремата која што ја поседуваат пожарникарите. Треба законски регулативи да се донесат и да се променат. Верувам во институциите моментов, и верувам дека правдата ќе излезе на виделина“, рече Ѓорѓиевски.Според него, програмата за Град Скопје треба да произлегува од потребите и проблемите на граѓаните со цел да се задоволат елементарните услови за функционирање на граѓаните. Тој се осврна и на неговите теренски посети низ општините во градот Скопје, и истакна дека според него, правилен начин да се изработи програмата е предлозите да доаѓаат од страна на граѓаните.„Започнавме една фаза каде што имам средби со граѓаните и прибираме идеи за креирањето на програмата, заедно со граѓаните. Според мене е единствен правилен начин да креирате програма, е кога ќе ги слушнете, изворно од нив ќе потекнуваат идеите и предлозите“, рече Ѓорѓиевски.Тој се осврна на состојбите во јавните градски претпријатие како ЈСП, како и ЈП за комунална хигиена, и дека она што треба да се промени, е процесите да се планираат долгорочно.„Во топ 5 приоритети на граѓаните е токму ЈСП Скопје и нефункционалноста на истото. Она што треба ние да го промениме , е да има состојба на долг рок да се планираат сите процеси во градот. Да не се доведува претпријатие во колапс. Истото важи и за комунална хигиена“, истакна Ѓорѓиевски.Ѓорѓиевски додаде дека програмата за Град Скопје ќе биде изработена прецизно и темелно со рокови.„Ќе има развојна стратегија, според која што ќе има постојано обновување на возниот парк. Многу е важно да имаме сериозен пристап на долг рок. Сега сме во фаза на изготвување на програмата, која што ќе биде темелно изработена, ќе биде прецизно со рокови и ќе ги содржи решенијата за најгорливите проблеми. Особен фокус ќе има тоа што значи задоволување на елементарните услови за функционирање на нашите сограѓани“, заклучи Ѓорѓиевски.

Скопје | пред 9 месеци

Бујар Османи кандидат за градоначалник на Чаир: „На Чаир му се потребни вистински, длабоки и човечки промени“

Бујар Османи денеска ја објави својата кандидатура за градоначалник на Општина Чаир, нагласувајќи дека одлуката е резултат на долги консултации и сериозно преиспитување, направени заедно со неговите најблиски соработници и пријатели.„Не станува збор за функција. Тие што ме познаваат, знаат дека сè што правам, го правам искрено и целосно, без задршки. Оваа одлука ја носам од чувство на одговорност кон сопствениот дом“, рече Османи.Тој истакна дека граѓаните на Чаир не заслужуваат да живеат во супстандардни и небезбедни услови, ниту пак да бидат игнорирани и омаловажувани. Кандидатурата, како што вели, е посветена на луѓето од Чаир, неговите соседи и иднината на нивните деца.„Го прифаќам предизвикот затоа што како што пораснав јас во Чаир, така сакам да растат и Мал, и Елиза, и малиот Луан – и нивните другарчиња. На Чаир му се потребни промени – вистински, длабоки и човечки“, потенцира Османи.Тој признава дека промените нема да бидат лесни, но верува дека со чесна намера, секојдневна работа и професионален пристап, Чаир може да се трансформира.„Можеме да го вратиме достоинството и да отвориме нова страница – со врата што никогаш нема да биде затворена за граѓаните“, порача кандидатот.На крајот, тој упати благодарност до сите кои му ја изразиле поддршката:„Од денес тргнувам во овој предизвик. Ви благодарам за довербата.“

Скопје | пред 9 месеци

Темата за Кочани да ја оставиме на политичките лешинари: Мицкоски не сака да ја објави снимката од средбата со родителите

Премиерот Христијан Мицкоски вели болката е преголема за загинатите во дискотеката Пулс во Кочани и сите се уште ја чувствуваме.„Ве молам, таа тема да ја оставиме на политичките глодари и лешинари“, рече Мицкоски прашан дали ќе ја објави целосната видео-снимка од состанокот со родителите на загинатите деца.Состанокот се одржал на 7 јули 2025 година во Владата.Премиерот вели дека сочувствува со родителите, но бара темата да се остави на лицата кои што навистина чувствуваат голема болка, а не на оние кои што сакаат да добијат ситни политички поени.Здружението на граѓани „16-ти Март 2025“ од Кочани вели дека целиот разговор бил снимен од негова страна.„Доколку навистина стоите зад своите зборови и верувате во транспарентноста и чесноста, Ве повикуваме слободно да ја објавите целосната видео-снимка од тој состанок, за јавноста самата да се увери во вистината”, стои во соопштението на здружението.Тие тврдат дека Мицкоски ги навредил бидејќи им рекол дека нивните барања се исти како тие на опозициската СДСМ, партија која достави предлог-закон во Собранието за помош на настраданите и дека како што велат им рекол да одредат деца за нивните деца.Од Владата ја потврдија средбата, но тврдат дека атмосферата и разговорот биле сосема поинакви.

Македонија | пред 9 месеци

Мицкоски нема да прави естрада во Парламентот со разрешување на првата анкикорупционерка

Владата нема намера да се занимава со разрешување на претседателката на Државната комисија за спречување на корупцијата Татјана Димитровска.Таа е веќе обвинета за оддавање државна тајна како и за фалсификување на тестот за безбедносен сертификат, кој место неа го полагало друго лице.Премиерот Христијан Мицкоски рече дека нема намера да прави естрада во Собранието.„Има два начини на одговорност, еден е морален кога човек кога обавува некоја функција и ако направи грешка тогаш треба самиот да се повлече. И вториот е кривичен, доколку има сторено кривично дело”, изјави премиерот.Според Мицкоски, има поедници кои што се обидуваат политиката кај нас да ја направат естрада.„Што дека ВМРО-ДПМНЕ ќе поднесе или која било друга политичка партија ќе поднесе? Ете видовте за Судскиот совет, поднесовме, ги разрешивме, тие уште седат таму и добиваат илјадници евра врз грбот на граѓаните. Да ја оставиме естрадата за естрадните уметници, политиката за политичарите. Постои морален чин на одговорност, ако чувствува некој треба да отстапи и да заврши со таа работа. А за кривична одговорност тука се обвинителствата, судовите, тие нека гонат доколку има кривична одговорност. Ние сега да правиме естрада, па во парламентот, па тоа ништо не значело според Уставот. Веќе немаме намера да се занимавме со такви работи”, вели Мицкоски.

Македонија | пред 9 месеци

Велешанец со БМВ влечел „пинцгауер“ во дефект, сообраќајка на регионалниот пат Штип – Велес, има тројца повредени

Вчера околу 23 часот на регионалниот пат помеѓу Штип и Велес се случи сообраќајна несреќа во која учествувале три возила, а повредени се тројца лица.Во несреќата биле вклучени патничко возило „тојота“ со велешки регистарски ознаки, управувано од Б.И. (66) од Велес, возило „лада“ од село Башино Село управувано од Л.Б. (31), како и патничко „бмв“ со велешки таблички, кое го управувал Д.М. (31) од Велес. Овој последен автомобил го влечел возилото „пинцгауер“ — модифицирано борбено возило за гаснење пожари, сопственост на Дирекцијата за заштита и спасување.Во сообраќајката, со тешки телесни повреди се здобија возачот на „тојота“ и неговата сопатничка К.И. (64) од Велес, додека возачот на „бмв“, Д.М., се здобил полесни повреди. Сите повредени се пренесени во Општата болница во Велес.Увид на местото на несреќата изврши увидна екипа од СВР Велес.фото: архива/Скопје1

Македонија | пред 9 месеци

Возачка на автобус на ЈСП изгасила пожар во автобус во движење, заврши на Токсикологија

Во раните утрински часови, денеска (21 јули 2025) во 07.16 часот, во СВР Скопје било пријавено дека на булеварот „Борис Трајковски“ избувнал пожар во автобус на ЈСП кој бил во движење.Според пријавеното, огнот го изгасила возачката на автобусот, С.Б., која потоа била пренесена со возило на Итната медицинска помош во Клиниката за токсикологија при комплексот клиники „Мајка Тереза“, каде ѝ е укажана лекарска помош.Полицијата презема мерки за целосно расчистување на случајот.фото: архива/Скопје1

Скопје | пред 9 месеци

Дете пронајдено во безсознание во базен во дворот – итно пренесено на Клиника

На 20 јули 2025 година, околу 20.30 часот, во Полициската станица Прилеп било пријавено дека во Општата болница „Борка Талески“ е донесено едноиполгодишно дете во безсознание.Според пријавата, родителите С.И. и Б.Т. од село Заполжани, општина Долнени, го пронашле детето во базен во нивниот двор и веднаш го однеле во болница. По укажаната лекарска помош во Прилеп, детето е префрлено во Клиничкиот центар „Мајка Тереза“ во Скопје.Полицијата работи на расчистување на случајот.

Македонија | пред 9 месеци

Mozzart ја продолжува мисијата „Фудбалот е повеќе од игра“ – Велес добива нов мини пич терен!

По одличниот успех во Охрид, иницијативата на Mozzart „Фудбалот е повеќе од игра“ триумфално пристигнува во срцето на Велес.Градот добива современ фудбалски терен, кој гордо ќе го носи името на легендарниот Панче Ќумбев – велешанец кој го симболизира спортскиот жар, неуморна посветеност и љубовта кон играта.Свеченото отворање ќе се одржи на вторник, 22 јули 2025 година, во 18:00 часот. Локација: Улица Петре Прличко бб„Ги покануваме сите љубители на спортот, младите, семејствата и заедницата да ни се придружат во овој радосен момент и заедно да славиме нов почеток” порачуваат од компанијата Mozzart, која повторно го докажува своето силно залагање за развојот на спортот, поддршка на младите таленти и збогатување на локалната заедница.Фудбалот има моќ да нè зближи, да нè мотивира, и да нè научи дека заедно можеме да постигнеме нешта поголеми од било каков резултат – и на теренот, и надвор од него.Ајде да аплаудираме за иднината, за тимскиот дух и за секој гол што инспирира нова генерација. Фудбалот навистина е повеќе од игра – тоа е животна лекција во движење!Акцијата „Фудбалот е повеќе од игра“ започна минатата година во Србија, каде што досега беа отворени пет мини-пич терени посветени на легендарни фудбалери.Почетниот удар го изведе селекторот на репрезентацијата на Србија, Драган Стојковиќ Пикси, а потоа свои терени добија и славниот ас на Црвена звезда Александар Катаи, репрезентативците Александар Митровиќ и Страхиња Павловиќ, како и капитенот на Нови Пазар, Адем Љајиќ.Проектот потоа се прошири и во Македонија, а првиот терен во Охрид го доби името на локалниот херој Гоце Толески.

Македонија | пред 9 месеци

Се проширува инклузивноста во образованието: Од новата учебна година, образовни асистенти и во средните училишта

За првпат, средните училишта во земјава ќе имаат образовни асистенти, откако стапи на сила законското решение кое треба да ја унапреди инклузивноста, информираат од ВМРО-ДПМНЕ, реагирајќи на повикот на СДСМ за ревизија на огласот за ангажирање асистенти.„Ангажирањето не го врши Министерството за образование, туку училиштата во координација со ресурсните центри. Процесот е транспарентен, а самите асистенти се ангажираат на определено време и повторно аплицираат секоја година, во зависност од реалните потреби пријавени од родителите“, се вели во соопштението.Од партијата додаваат дека дел од ресурсните центри биле формирани токму во време на СДСМ и обвинуваат дека партијата повторно отвора чувствителни теми со лажни информации, со цел да предизвика вознемиреност.„СДСМ кој го остави образованието без учебници, сега сака да држи лекции. Наместо тоа, нека научи како се развива образованието и нека го поддржи“, стои во реакцијата на ВМРО-ДПМНЕ.Претходно, СДСМ ја обвини министерката за образование Весна Јаневска дека создала хаос во процесот на ангажирање образовни асистенти, што, според нив, оди на штета на децата со попреченост.

Македонија | пред 9 месеци

Претседателката на Антикорупциска не оди на работа – Комисијата не побара оставка

Претседателката на Државната комисија за спречување на корупцијата, Татјана Димитровска, подолг период не доаѓа на работа поради мерки изречени од надлежен суд, соопштија денеска од Антикорупциската комисија.Иако е отсутна, од Комисијата не побарале нејзина оставка ниту иницирале постапка за разрешување. Во соопштението се посочува дека поднесувањето оставка е лична одлука и морален чин на самата претседателка, а дека решението за евентуален престанок на функцијата го носи Собранието, согласно Законот за спречување на корупцијата и судир на интереси.„Во интерес на непречено работење и успешно остварување на надлежностите, сметаме дека е исклучително важно Комисијата да функционира во полн состав“, наведуваат оттаму.Димитровска е обвинета во предметот „Адитив“ – за оддавање државна тајна, како и за тоа дека овозможила друго лице да полага за неа безбедносен сертификат.

Македонија | пред 9 месеци