Битка за идентитетот: Радев и Мицкоски во жесток судир по извештајот на ЕП за Македонија

Полемиката меѓу Скопје и Софија околу идентитетските прашања повторно се разгори, откако Комитетот за надворешни работи на Европскиот парламент (АФЕТ) го усвои извештајот за напредокот на Македонија, подготвен од европратеникот Томас Вајц. Извештајот, кој беше поддржан со 40 гласа „за“, 19 „против“ и 10 „воздржани“, веднаш предизвика реакции и на домашната и на бугарската политичка сцена.Бугарскиот претседател Румен Радев испрати остро писмо до европските институции, во кое го критикува Европскиот парламент поради, како што вели, неприфатливо вклучување во теми од „морална и научна природа“ како што се „јазик“ и „идентитет“, без правна надлежност. Тој предупреди дека Бугарија нема да прифати никакво отстапување од европскиот компромис од 2022 година, и истакна дека правата на Бугарите во Македонија не се предмет за политичко пазарење.– Претставува ризик тоа што се остава простор за слободни толкувања на поимите „македонски јазик“ и „идентитет“, што веќе го гледаме од нашите југозападни соседи – напиша Радев. Тој посочи и на, според него, нерегуларности во процесот на подготовка на извештајот, вклучително и неформални средби меѓу известувачот Вајц и македонски политичари.Паралелно, македонскиот премиер Христијан Мицкоски остро реагираше на обидите во Европскиот парламент да се наметне терминологијата „современ македонски јазик“ и „современ македонски идентитет“, појаснувајќи дека тоа не е само предлог на Европската народна партија, туку заеднички предлог на четири европски политички групи.– Во Брисел вчера видовме обид да се создаде нова нација и нов јазик – модерна македонска нација со модерен македонски јазик. Она што го обвинуваат дека Русија го прави во Украина, вчера се обидоа да го направат на македонскиот народ – изјави Мицкоски, истакнувајќи дека за него тоа не е мала победа, туку „големо разочарување“.Мицкоски порача дека Македонија нема да прифати никакви промени на својот идентитет и јазик и ја повика Бугарија да ги почитува човековите права на македонската заедница на нејзина територија, вклучително и спроведување на пресудите од Европскиот суд за човекови права во корист на организацијата ОМО Илинден Пирин.Тој најави продолжување на борбата и во пленарната седница на Европскиот парламент што ќе се одржи меѓу 7 и 11 јули, но предупреди дека „лицемерието“ на дел од европските политичари може да доведе до опасни паралели со руската политика на негирање на национален идентитет.– Македонија е подготвена за преговори, но само како Македонци, со македонски јазик и идентитет, не како некаква измислена нова нација – истакна Мицкоски.Во меѓувреме, Бугарија најави дека ќе достави „мислење на малцинството“ како дополнение на извештајот, а амандманот за вметнување на зборот „современ“ не беше ставен на гласање поради процедурални причини.Политичката и дипломатската борба околу идентитетските прашања продолжува, а исходот на пленарната седница во Европарламентот ќе биде следната клучна точка во овој сензитивен процес.

Македонија | пред 10 месеци

Во Кривичниот суд во Скопје ќе се суди предметот за пожарот во „Пулс“, одлучи Врховен суд

Во Кривичниот суд во Скопје ќе им се суди на 34-та обвинети за пожарот во дискотеката „Пулс“ во Кочани. Ова е одлуката на Врховниот суд откако кочанскиот суд се иззема.„Советот за казниви дела при Врховниот суд на Република Северна Македонија, денес на 25 јуни 2025 годинa донесе Решение КР-35/25, со кое за стварно и месно надлежен суд за постапување по предметот КООА.бр.13/25 на Основен суд Кочани, оформен во врска со пожарот кој се случи на 16 март 2025 година во дискотеката „Пулс“, го определи Основниот кривичен суд Скопје“, велат од Врховниот суд.Нема судии во Кочани за евентуално судење за трагедијата. Сите петмина судии од Основниот суд во Кочани постапувале во прв или втор степен во постапката што се води за трагедијата што се случи во дискотеката „Пулс“ во која загинаа вкупно 62 лица.Штипска апелација даде мислење – ниту кочанскиот, ниту штипскиот ниту струмичкиот суд не исполнуваат услови да го ценат обвинението за пожарот во ноќниот клуб пулс. Па поради ова, сега Врховен ќе треба да пресече и да одлучи кој суд ќе биде надлежен да спроведе судење за грозоморниот пожар.

Македонија | пред 10 месеци

Адвокати со жестоки критики по доживотните казни за убијците на Вања и Панче – на повидок жалби и обвинувања кон Обвинителството

По изрекувањето на доживотни затворски казни за четворицата обвинети за убиствата на 14-годишната Вања Ѓорчевска и 74-годишниот Панче Жежовски, нивните адвокати најавија жалби до Апелацискиот суд, оценувајќи дека пресудата е донесена без докази и без темелна правна анализа.Страшевски: Пресуда по шаблон, обвинение без доказиЈовица Страшевски, адвокат на Љупчо Палевски, изјави дека не сака да ја коментира пресудата сè додека не го добие нејзиното образложение, но нагласи дека Обвинителството било „конфузно и без еден единствен доказ“. Според него, Судот ја донел одлуката буквално според напишаното во обвинителниот акт, без да постои ниту разумен сомнеж за вината, притоа посочувајќи дека ова било „циркус“.– Во завршниот збор, целиот фокус беше на таткото на детето, кој денеска, според мене, заслужено доби ослободителна пресуда. Обвинителството немаше ништо ниту за него, ниту за Палевски – рече Страшевски.Манев: Панче бил жив во 12:30, а судот вели дека бил убиен во 10 часотАдвокатот на Боре Видевски, Бојан Манев, ја оспори пресудата укажувајќи на нелогичности и фактички противречности:– Судот тврди дека Панче бил убиен меѓу 10 и 10:30 часот, но цела држава виде снимка како е жив во 12:30 на бензинска во Велес. А како може некој да го убие човек што не го грабнал? Пресудата е целосно неиздржана – изјави Манев.Ефремов: Без Кешишев, жртвите немаше да бидат пронајдениИгор Ефремов, адвокат на Влатко Кешишев, истакна дека Судот не ги ценел доволно олеснителните околности и придонесот на неговиот клиент во расветлување на делото.– Кешишев беше клучен за пронаоѓање на телата и откривање на методот на грабнување. Дејствувал под страв и притисок од Палевски, но Судот не го препозна тоа – рече Ефремов, најавувајќи жалба.Туфегџиќ: Александар Ѓорчевски невино вмешан – институциите должни да одговоратПо ослободителната пресуда за Александар Ѓорчевски, таткото на Вања, неговиот бранител Владимир Туфегџиќ упати сериозни обвинувања до Обвинителството и институциите вклучени во истрагата.– Денешната одлука е законита, но празна. Не добивме одговори на клучните прашања – зошто беше киднапирано и убиено детето, и зошто Александар воопшто беше вклучен во постапката без ниту еден доказ – изјави Туфегџиќ.Тој потсети на сведочењата на обвинетиот Велибор Манев, кој уште во декември 2023 открил дека од 2022 се подготвувале планови за киднапирања и убиства.– Институциите мора да одговорат: како е можно овие луѓе да не бидат детектирани на време? И дали имаа логистика во државни структури? – праша Туфегџиќ.Во однос на евентуални кривични пријави против јавните обвинителки, Туфегџиќ рече дека Александар Ѓорчевски нема волја за гонење, но остро ги критикуваше обвинителите како „конфузни“, обвинувајќи ги дека денеска незаконски побарале продолжување на притвор кој по закон автоматски се укинува со ослободителна пресуда.Жалбената постапка ќе продолжи пред Апелацискиот суд, а јавноста бара одговори што се уште недостасуваат.

Македонија | пред 10 месеци

Бојковски: Скопје се дави во ѓубре и тоа е поважна тема од јавниот линч што го правите против претседателот на Управен одбор на Комунална Хигиена

На денешната вонредна седница на Советот на Град Скопје советникот од редовите на ВМРО-ДПМНЕ Тони Бојковски истакна дека седницата за разрешување на претседател на Управен одбор не треба да се одржи поради тоа што Советот нема право да разрешува претседател на Управен одбор.„Седницата за разрешување на претседател на Управен одбор не треба да се одржи затоа што немаме право да разрешиме претседател на Управен одбор. Прва работа кој гласал, гласал. Втора работа, ако е исто Управен одбор член и претседател на Управен одбор тогаш зошто се бира претседател на Управен одбор? Исто било да си член на Управен одбор и претседател на Управен одбор.Претседателот на Управен одбор го гласа управниот одбор на Јавното комунално претпријатие. Трета работа, ако има претседателот или членот на Управен одбор кривично дело каде што има забрана за вршење на дејност тогаш може да се разреши по закон, а не овде да го разрешуваме“, рече Бојковски.Бојковски запраша дали доколку се смени претседателот на Управен одбор, тогаш мислите ли дека ѓубрето утре ќе го нема низ Скопје и мислите дека претседателката на управниот одбор е виновна за ѓубрето?„Овде тенденциозно е намерата да се разреши претседателот на Управен одбор на комунална хигиена, тенденциозно се оди на личност, да се деградира таа личност што не е во ред затоа што таа нема забрана за вршење на дејност што е сега претседател на Управен одбор и може да биде претседател на Управен одбор и не е оправдано вашето барање на свикување на седница каде претседателот на Управен одбор ние ќе го менуваме зошто? Зошто така сакаме. Оправданоста на свикување на седницата како точка не е на дневниот ред, туку за свикувањето на седницата, не е оправдано затоа што нема забрана за вршење на дејност“, заклучи Бојковски.

Македонија | пред 10 месеци

Сиљановска-Давкова во Хаг оствари средби со претседателот на Чешка и со премиерите на Естонија и Белгија

Претседателката Гордана Сиљановска-Давкова, на маргините на НАТО самитот во Хаг, оствари средби со претседателот на Чешка, Петр Павел, премиерот на Република Естонија, Кристен Михал и со премиерот на Кралството Белгија, Барт де Вевер.На средбите соговорниците изразија задоволство од одличната билатерална соработка и партнерство во различни области и поддршка за евроинтегративниот пат на државава.Заблагодарувајќи му се на претседателот Петр Павел, за принципиелната и доследна поддршка на Чешка, Сиљановска-Давкова укажа на тековните предизвици и политички мотивираните обиди за блокирање на европскиот пат на државава. Таа ја потенцираше неопходноста од заштита на националниот идентитет и истакна дека прашањата поврзани со идентитетот, или толкувањето на историјата не можат да бидат дел од преговарачката рамка на ЕУ. Претседателот Павел рече дека земјава може да смета на континуирана чешка поддршка во текот на евроинтегративниот процес.Повторувајќи го јасниот став против билатерализацијата, Сиљановска-Давкова рече дека длабоко ја цени принципиелната поддршка на Естонија за политиката на проширување на ЕУ и нагласи дека овој процес има стратешка и геополитичка важност. Естонскиот премиер Михал посочи дека државава добро ги исполнува Копенхагенските критериуми. Тој изрази подготвеност за помош во процесот на македонската евроинтеграција.Прашањето за деблокирање на евроинтегративниот пат беше во фокусот и на средбата со премиерот на Кралството Белгија, Барт де Вевер, кој истакна дека членките на ЕУ треба да имаат појасен и поискрен став во однос на проширувањето. Тој нагласи дека интеграциите мора да се одвиваат според напредокот и спроведените реформи на државата аспирант за членство.

Македонија | пред 10 месеци

Гувернерот Славески со конкретни предлози за намалување на надоместоците за платежни услуги

Гувернерот на Народната банка, д-р Трајко Славески, на денешната средба со претставниците на банките, штедилниците и останатите членки во Македонската банкарска асоцијација ги претстави предлозите за намалување на провизиите коишто ги плаќаат граѓаните и компаниите при користење на платежните услуги. Целта на иницијативата е провизиите да се постават на ниво кое ќе биде одржливо за банките, но истовремено да бидат фер и прифатливи за корисниците. Народната банка е подготвена да го направи првиот чекор во оваа насока.„Денес доаѓаме со понуда до банките, Народната банка да го направи првиот чекор со намалување на надоместоците што ги плаќаат банките за користење на услугите во МИПС, како што се надоместоците поврзани со долговниот промет. Очекуваме и банките во најкус можен рок да ја ревидираат висината на надоместоците за извршување на плаќањата за граѓаните и компаниите и да ги постават на разумно ниво“, истакна гувернерот Славески.На состанокот со банкарите, гувернерот Славески потенцира дека следејќи го примерот на земјите од Европската Унија, коишто значително ја изменија регулаторната рамка за начинот на кој се извршуваат платежните услуги, нашата земја направи значителен напредок во осовременувањето и усогласувањето со европското законодавство и практики, што придонесе да станеме членка на Единствената област за плаќања во евра СЕПА. Тој нагласи дека со новата правна рамка, во нашата држава е создадена средина во којашто платежните услуги се третираат како услуги од јавен интерес. Тоа значи дека секој граѓанин, без разлика на својата социјална положба, место на живеење или степен на дигитална писменост, треба да има пристап до сигурни, квалитетни и достапни платежни услуги. Ваквиот пристап подразбира и поставување на надоместоците на разумно ниво за сите корисници.„Споредувајќи ги надоместоците за платежните услуги на банките со надоместоците на матичните банки од ЕУ, согледуваме неколку видови платежни услуги за кои надоместоците треба да се намалат и поедностават, а некои и да се укинат:- Надоместоците за одржување на платежната сметка за компаниите претставуваат голем трошок, особено за малите и средните компании во земјата, поради што треба да се намалат;- Надоместоците за користење на електронското и мобилното банкарство, во услови кога се наплатуваат надоместоци за одржување на платежната сметка, претставуваат дополнителен трошок, кој треба да се укине;- Надоместоците за плаќањата со платни налози во рамки на банката треба да се укинат, имајќи предвид дека за нивното извршување не е потребно користење на платните системи кои создаваат трошоци за банките;- Надоместоците за меѓубанкарските плаќања во домашната валута кои се извршуваат преку платните системи КИБС и МИПС треба значително да се намалат;- Надоместоците за подигнувањето готовина на туѓи банкомати во земјата и странство, кои кај некои банки се и во вид на % од износот, треба да се намалат и поедностават како фиксен трошок по трансакција;- Надоместоците за прифаќање картички на продажни места кај трговците коишто банките ги наплатуваат од трговците треба да се намалат, имајќи предвид дека меѓубанкарските провизии се ограничени со Законот за платежни услуги и платни системи и се сведени на нивоата во ЕУ“.Ова се конкретните примери коишто гувернерот Славески ги претстави пред банкарската заедница, при што упати повик да се охрабрат и заеднички да продолжат со иновативен и проактивен пристап. Притоа, ја истакна важноста корисниците на платежни услуги да се стават во фокусот при воведувањето на услугите, преку понуда на разумни, фер и одржливи надоместоци.Гувернерот нагласи дека поставувањето разумни надоместоци за користењето на платежните услуги ќе има директно влијание врз зголемувањето на финансиската вклученост на населението, дополнително ќе придонесе за намалување на сивата економија и ќе обезбеди поддршка за оддржлив економски раст.

Македонија | пред 10 месеци

Државниот секретар на МВР Сашо Петрушевски учествуваше на Регионалниот форум на министри за внатрешни работи/безбедност (MARRI) во Тирана

Државниот секретар во Министерството за внатрешни работи на Република Северна Македонија, Сашо Петрушевски, денеска учествуваше на Регионалниот форум на MARRI, кој се одржа во Тирана, Република Албанија.На форумот беше дискутирано и едногласно усвоено Годишниот извештај на Регионалниот центар на MARRI за периодот јули 2024 – јуни 2025, како и Независниот финансиски извештај за 2024 година, што претставува значаен чекор кон транспарентност и отчетност во регионалната соработка.Исто така, беа презентирани и усвоени Приоритетите и Годишната програма на активности на MARRI за периодот јули 2025 – јули 2026 година, со фокус на зајакнување на капацитетите на институциите за миграциско управување, регионална координација и безбедносни предизвици.Државниот секретар Петрушевски ја реафирмираше посветеноста на Северна Македонија кон зајакнување на регионалната соработка во областа на миграцијата, азилот, граничното управување, борбата против трговијата со луѓе, визната политика и интеграцијата и враќањето на странци, потенцирајќи ја важноста од координирани и одржливи политики базирани на меѓусебна доверба и поддршка.Во своето обраќање државниот секретар Петрушевски упати порака дека Република Северна Македонија останува цврсто посветена на регионалната соработка и од тој аспект продолжува и поддршката на нашата држава на работата на Регионалниот центар МАРРИ на секој можен начин.Во рамки на форумот беше извршено и официјално примопредавање на претседателството со MARRI, при што Албанија го предаде претседателството на Босна и Херцеговина, која ќе раководи со иницијативата во наредниот едногодишен период.

Македонија | пред 10 месеци

Пешак загина во сообраќајка во Охрид – двајца млади пријавени, возачот бил без дозвола

СВР Охрид поднесе кривична пријава против И.С. (22) од Прилеп, со престој во Охрид, и К.М. (19) од селото Лескоец, поради основано сомнение за сторено кривично дело „тешки дела против безбедноста на луѓето и имотот во сообраќајот“.Несреќата се случила на 19 јуни 2025 година, кога К.М., иако знаел дека И.С. нема возачка дозвола, му дозволил да управува со неговото возило марка „Голф“. При движење по охридските улици, И.С. удрил двајца пешаци. Едно од лицата им подлегнало на повредите, додека второто е хоспитализирано.По преземените мерки, на двајцата осомничени им е одредена мерка притвор во траење од 30 дена. Истражните органи продолжуваат со постапката за целосно расветлување на случајот.

Македонија | пред 10 месеци

Мицкоски: Очекуваме до милион и пол туристи во Македонија, туризмот го движи економскиот раст

Претседателот на Владата на Република Северна Македонија, Христијан Мицкоски, одговарајќи на новинарско прашање во врска со забележаниот раст на туризмот во Македонија за 20 проценти, како и за тоа на што се должи растот и кои се очекувањата на Владата, изјави:„Да, тоа е добар податок во првите четири месеци од оваа година. Добар податок во смисла на тоа дека повеќе од 20% имаме и туристи и ноќевања. Тоа значи повеќе пари, за граѓаните кои што нудат услуга на овие туристи. Тоа значи дека, ако просекот е некаде околу 800 евра, дека секој од нив оставил, надвор од аранжманот. Тоа се навистина стотици милиони евра коишто ќе останат тука, кај нас, во угостителството, во услужната дејност итн., итн.Очекуваме засилување, уште поголемо. Обидот, да директно преговараме со туроператори е успешен, 40.000 туристи од Западна Европа, веќе престојуваат тука, во вкупен број зборувам. Тоа се некаде околу 160.000 ноќевања, надвор од сезона, кога зборуваме за Охрид, иако и во другиот дел на државата, цела година е сезоната.За следната година очекуваме, надвор од сезона, половина милион ноќевања. Веќе разговараме со други туроператори и очекуваме повторно двоцифрен раст на туризмот. Влијае на бруто-домашниот производ, влијае на економскиот раст на државата.Минатата година имавме 1.200.000 туристи. Оваа година очекуваме до милион и пол да дојдеме. Минатата година имавме 3,5 милиони ноќевања, а оваа година очекуваме до 4 милиони ноќевања минимум да дојдеме“, изјави премиерот Мицкоски.

Македонија | пред 10 месеци

„Само родителите знаеле“ – Обвинителството ќе се жали на ослободителната пресуда за таткото на Вања

Обвинителката Ана Стојковиќ Димитриевска ќе се жали на ослободителната пресуда за Александар Ѓорчевски, татко на убиената Вања Ѓорчевска, обвинет дека помагал со информации за нејзино грабнување. Димитриевска рече дека тие немале докази „какви што сакаат да има“, но за нив неспорно е дека исказите на обвинетите се докази.„Во однос на обвинетиот Александар Ѓорчевски, иако не слушнавме аргументи од судот, неспорен факт е дека само родителите знаеле дека детето ќе оди само во училиште. Двајца кажаа дека дознале од таткото, преку Палевски. Да не знаеле дека детето ќе оди по исклучок само, немало да има грабнување. Обвинителството не можеше да оди преку овој факт. Обвинителството не можеше да донесе поинаква јавно обвинителска одлука. Извесно е дека ќе вложиме жалба, нека одлучи повисокиот суд. Во однос дека обвинетите ја сменија изјавата за Ѓорчевски, тие не понудија ниту еден разумен факт и околност зошто го сторија тоа. Тоа дека имало некаква тортура над нив, не е реално, ниту се докажа. Ние ги анализиравме сите искази нивни, никој од нив не кажа дека е употребена сила. По сите параметри, исказите се покажаа како вистински“, рече Ана Стојковиќ Димитриевска.Таа додаде: „Ова што јас го кажувам сега, е доказ. Искази на двајца обвинети се доказ. Можеби не докази какви би сакале да имаме, но со анализа на сите докази поединечно и заедно, ние немавме друга опција освен за таква одлука“.

Македонија | пред 10 месеци

(Видео) Палчо, Видевски, Манев и Кешишев добија доживотна казна затвор

Љупчо Палевски-Палчо, Боре Видевски, Влатко Кешишев и Велибор Манев се осудени на доживотна казна затвор за грабнувањето и убиството на Вања Ѓорческа.„На секој од обвинетите поединечно им одредува доживотен затвор“, рече судијата Ивица Стефановски.Изречена им е и ослободителна пресуда за грабнувањето на Панче Жежовски.„Обвинетите Манев, Видевски, Кешишев, Палевски се особлодоуваат од обвинение дека на 22.11.2023 година околу 9 часот во Велес, обвинетите извршиле грабнување на Панче Жежовски за да го присилат да даде нешто, односно автомобил. Јавниот обвинител не докажа дека тие го сториле делото, а тоа да е надвор од разумно сомневање“, рече Стефановски.Случајот започна во ноември 2023 година, кога Панче прво беше пријавен за исчезнат, а неколку дена подоцна и малолетната Вања. Нивните тела беа пронајдени на 3 декември, во близина на Велес и кај местото наречено „Дупки“ во Бразда.Обвинети беа пет лица – Љупчо Палевски, Влатко Кешишев, Боре Видевски, Велибор Манев и Александар Ѓорчевски, таткото на Вања. Првите четворица се товарат за грабнување и двојно убиство, а Ѓорчевски за помагање при грабнување на неговата ќерка преку давање информации.Обвинителството побара доживотна казна затвор за четворица од обвинетите, додека за Ѓорчевски соодветна затворска казна. Како клучни докази беа наведени снимки од безбедносни камери, признанија на дел од обвинетите, сведочења и материјални докази.Првообвинетиот Палевски во своите завршни зборови го негираше учеството во убиствата, префрлувајќи ја вината врз Манев и Видевски. Во завршните зборови, Палевски и Видевски побараа да бидат ослободени од вина со тврдење дека не сториле ништо, додека Кешишев и Манев бараа да не бидат судени за убиствата, туку само за грабнувањата.Постапката доби и ново продолжение пред само неколку недели, кога беше уапсен вработен во Народна банка, за кого сведочеше Велибор Манев дека го уништил ранецот во кој бил криен пиштолот што, според обвинението, бил користен при убиствата.

Македонија | пред 10 месеци

(Видео) Таткото на Вања ослободен од вина

Александар Ѓорчески, татко на убиената Вања, е ослободен од вина. Судијата рече дека обвинителите не докажале вина кај него.„Јавниот обвинител не докажа дека надвор од разумно сомневање дека обвинетиот го сторил делото“, рече судијата Ивица Стефановски.Според Обвинителството, Ѓорчевски наводно им помогнал на останатите обвинети во планирањето на киднапирањето на неговата ќерка, преку давање информации директно до Љупчо Палевски. За разлика од другите четворица обвинети, кои се товарат за тешко убиство и барање доживотен затвор, за Ѓорчевски се бара соодветна казна затвор за помагање во извршување на кривично дело.На едно од рочиштата, Ѓорчевски се изјасни за невин, тврдејќи дека од првиот ден бил неправедно третиран од истражните органи. Изјави дека полицијата го сомничела без основа и бараше да му биде дозволено тестирање на полиграф, со цел да ја докаже својата невиност.Во текот на судската постапка, неговото име не се спомнуваше во контекст на директно учество, освен од обвинителките. Обвинителството, сепак, тврди дека тој имал предзнаење за планот, но не презел ништо да го спречи.

Македонија | пред 10 месеци

Џеј Ди Ванс ја промовира „Трамп доктрината“ преку ударот врз Иран: Јасни цели, дипломатија, сила

Американскиот потпретседател Џеј Ди Ванс ја искористи говорничката бина на Републиканската вечера во Охајо за да ја претстави таканаречената „Трампова доктрина“ – нов надворешнополитички пристап кој, според него, комбинира јасно дефинирани интереси, агресивна дипломатија и прецизна употреба на воена моќ.Во обраќањето, Ванс го посочи неодамнешниот воздушен напад врз Иран како „исклучително успешен пример“ за новата стратегија: „Не само што го уништивме иранскиот нуклеарен програм, туку тоа го направивме без ниту една американска жртва. Тоа е суштината на оваа доктрина“, изјави тој, и покрај информациите дека штетата била помала отколку што тврди Белата куќа.Трите столба на „Трамп доктрината“, според Ванс:Прво – јасно дефинирање на американскиот интерес (во овој случај: Иран без нуклеарно оружје);Второ – агресивна дипломатија за решавање на проблемот;Трето – доколку тоа не успее, употреба на преовладувачка сила и брзо повлекување, за да се избегне долготраен конфликт.Со ова, Ванс се оддалечи од претходните изолационистички ставови на крајната десница и покажа дека е подготвен да ја води надворешната политика со „реалполитичка“ решителност. Ударот врз Иран – именуван како „Операција Полноќен Чекан“ – доби поддршка во длабоко републиканските делови на Охајо.И додека високите функционери како Ванс, министерот за одбрана Пит Хегсет и државниот секретар Марко Рубио уверуваат дека целта била исклучиво неутрализација на нуклеарниот капацитет на Техеран – а не промена на режимот – Трамп подоцна на својата социјална мрежа напиша:„Ако овој ирански режим не може да ја направи ИРАН ПОВТОРНО голема (држава), тогаш зошто да не дојде до промена?“Коментарот предизвика дополнителни дебати, но не и откажување на поддршката од базата. И покрај мали протести во Лима, каде што се одржа вечерата, Џеј Ди Ванс не се поколеба:„Зошто, за Бога, би го откажале патувањето во Охајо?“ – одговори тој.

Свет | пред 10 месеци

СДС располагаат само со корумпирани кадри, Костадин Ацевски е продолжена рака на Заев и Филипче, вели ВМРО-ДПМНЕ

„Корумпираните кадри кои СДС ги има се очигледни, изборот на Костадин Ацевски за кандидат за градоначалник на Општина Ѓорче Петров е апсолутно политичко разочарување, кандидат кој е поврзан со контроверзии и сомнителни активности“, вели ВМРО-ДПМНЕ и додава:СДС покажа дека располага само со несоодветни кандидати кои се олицетворение на урбанистичката мафија која поддржува агресивна бетонизација, на семејното насилство и на преоптоварување на државниот буџет.Јавноста е запознаена дека Ацевски беше дел од составот кој гласаше за промена на уставното име на Република Македонија и човек кој додека беше директор на Македонија пат потпиша договори за транспорт на битумен по цена многу повисока од реалната.Кандидатот од СДС, Ацевски е човек кој е синоним за скандали и семејни инциденти кои воедно го нарушуваат неговиот личен, институционален и политички интегритет, тој е само продолжена рака на Зоран Заев и Венко Филипче.Евидентно е дека кадрите на СДС се криминални и корумпирани, обременети со скандали и претставуваат приказ на хаосот во СДС.Сите факти укажуваат дека ваков профил на човек за кандидат за градоначалник е несоодветен и не може да ги добие гласовите од граѓаните.Жителите на Ѓорче Петров заслужуваат градоначалник кој ќе го гледа градот како свој дом, кој ќе работи чесно, одговорно и транспарентно, а не градоначалник кој врши злоупотреба на позицијата за свои цели.СДС е нереформирана партија, партија која е заглавена во минатото, а граѓаните избираат промени и напредок на општината со развој и конкретни проекти!

Скопје | пред 10 месеци

Муцунски од Хаг: Единството на НАТО е најсилната алатка – поддршка за Украина останува приоритет

Министерот за надворешни работи Тимчо Муцунски престојува во Хаг како дел од македонската државна делегација предводена од претседателката Гордана Силјановска-Давкова, на покана на новиот генерален секретар на НАТО, Марк Руте. Посетата се одвива по повод самитот на Алијансата.Муцунски учествувал на работна вечера во форматот Совет НАТО – Украина, на која присуствувале и украинскиот министер за надворешни работи Андреј Сибиха, како и високата претставничка на ЕУ, Каја Калас.Во своето обраќање, шефот на македонската дипломатија истакна дека кохерентноста и единството се клучни во справувањето со заедничките безбедносни закани, нагласувајќи ја потребата за засилени инвестиции во одбранбените капацитети.„Континуираната координација меѓу сојузниците е единствениот начин да постигнеме заеднички успех“, истакнал Муцунски.Тој се осврнал и на ситуацијата во Украина, изразувајќи поддршка за праведно и долгорочно решение преку директни преговори меѓу Киев и Москва, поддржани од САД и европските партнери.Македонија, рече Муцунски, останува посветена на поддршката за Украина, во согласност со своите капацитети.

Македонија | пред 10 месеци

Филипче до Мицкоски: Денот по утрото се познава, најлошото допрва доаѓа

Во рамки на теренските активности, претседателот на СДСМ, д-р Венко Филипче, беше во Кавадарци каде што оствари средби со граѓани и со членови на СДСМ. Од таму Филипче зборуваше за првата година на ВМРО-ДПМНЕ, предупредувајќи дека државата тоне, додека владините функционери се кријат зад празни зборови и лажни успеси.„Откако сфатија дека незадоволството расте и граѓаните се чувствуваат измамени, од ВМРО-ДПМНЕ велат дека најдоброто допрва ќе дојдело. По четири години локална власт и една централна, ВМРО-ДПМНЕ порачува: не гледајте што правевме досега, туку гледајте кон иднината“, рече Филипче пред присутните.Тој реагираше на, како што истакна, обидите на власта да го релативизира сопствениот неуспех.„Но јас имам една порака до Мицкоски – денот по утрото се познава. А утрото кое требаше да донесе надеж, гордост и перспектива, донесе само понижувања, негрижа, ароганција и своеволие. Додека Мицкоски држи прес-конференции за „успеси“ што никој не ги видел, земјоделците се оставени без денар поддршка, економијата е заглавена во место, со негативен раст. Нема поврат на ДДВ за фирмите, нема раст на платите. Нема реформи во судството. Нема мерки за цените. Има само долгови – 7 милијарди евра нов долг за една година. Има и галопирачка инфлација, во време кога властите нè убедуваат дека сме економски „тигар““, додаде Филипче, потенцирајќи ја апсурдноста на владините наративи во споредба со реалноста.Во завршницата на своето обраќање, тој ја истакна директната реакција на граѓаните од теренот.„Манипулациите не поминуваат кај граѓаните – денес тоа јасно го почувствував во Кавадарци. Сите се свесни дека не може ништо добро да се очекува од оваа власт. Напротив, како што тргнале состојбите, најлошото допрва доаѓа“, рече Филипче.Завршувајќи го обраќањето, тој ја пренесе пораката на СДСМ:„СДСМ останува таму каде што власта одамна не е – меѓу народот. Битката што следи не е само изборна – таа е борба за нормалност“, заклучи Филипче во Кавадарци.

Македонија | пред 10 месеци

Иран тврди: Уапсени 700 „израелски платеници“, тројца погубени за шпионажа

Иранските власти соопштија дека уапсиле над 700 лица поради наводна поврзаност со израелската разузнавачка служба Мосад, објавија државните медиуми. Агенцијата Nour News пренесе дека апсењата се случиле во изминатите 12 дена, откако започнаа израелските напади врз иранска територија.Според медиумот Fars News, близок до иранските безбедносни структури, приведените се нарекуваат „израелски платеници“, а при акцијата биле запленети и 10.000 дронови.Истовремено, државната агенција Mizan јавува дека тројца мажи се погубени поради шпионажа и соработка со Мосад. Тие биле осудени за шверц на опрема за изведување атентати. Други детали не се соопштени.Иран и претходно објавуваше пресуди и егзекуции на лица обвинети за соработка со израелските тајни служби, во рамки на постојаните тензии меѓу двете земји.

Свет | пред 10 месеци

ПРОМЕНА НА УЛИЧНОТО ОСВЕТЛУВАЊЕ НА УЛИЦАТА „ПИТУ ГУЛИ“

Денес и во наредните неколку денови, ќе се врши промена на уличното осветлување на дел од улицата “Питу Гули“, од пресекот со улицата „Јане Сандански“ до пресекот со улицата „Марко Нестороски“.Се молат возачите на повнимателно управување со моторните возила заради поголема безбедност на граѓаните.

ОО | пред 10 месеци

СВИКАНА ПЕДЕСЕТ И ОСМАТА СЕДНИЦА НА СОВЕТОТ НА ОПШТИНА ОХРИД

Врз основа на член 39 од Законот за локалната самоуправа („Сл.весник на РМ“ бр.5/2002) и член 26 од Статутот на општина Охрид („Сл.гласник на општина Охрид“ бр.8/2007, 01/08, 10/10, 05/11, 09/14, 14/14, 10/19 и 15/20), претседателот на Советот донесува:Р Е Ш Е Н И ЕЗА СВИКУВАЊЕ НА ПЕДЕСЕТ И ОСМАТА СЕДНИЦАНА СОВЕТОТ НА ОПШТИНА ОХРИДЈА СВИКУВАМ педесет и осмата седница на Советот на општина Охрид на ден 30.06.2025 година (понеделник) со почеток во 09:00 часот.Седницата ќе се одржи во зградата на општина Охрид.За седницата го предлагам следниот:Д Н Е В Е Н Р Е ДУсвојување на Записникот од 57-та седницаПредлог-одлука за давање согласност на годишниот план за вработување во ООМУ „Методи Патче“ – Охрид за 2026 година.Предлог-одлука за давање согласност на годишниот план за вработување во ООУ „Братство Единство“- Охрид за 2026 година.Предлог-одлука за давање согласност на годишниот план за вработување во ООУ „Григор Прличев“ – Охрид за 2026 година.Предлог-одлука за давање согласност на годишниот план за вработување во ООУ „Св. Климент Охридски“ – Охрид за 2026 година.Предлог-одлука за давање согласност на годишниот план за вработување во ООУ „Христо Узунов“ – Охрид за 2026 година.Предлог-одлука за давање согласност на годишниот план за вработување во ООУ „Кочо Рацин“ – Охрид за 2026 година.Предлог-одлука за давање согласност на годишниот план за вработување во ООУ „Ванчо Николески“ с.Лескоец за 2026 година.Предлог-одлука за давање согласност на годишниот план за вработување во ООУ „Живко Чинго“ с. Велгошти за 2026 година.Предлог-одлука за давање согласност на годишниот план за вработување во ООУ „Св.Наум Охридски“ с. Пештани – Охрид за 2026 година.Предлог-одлука за давање согласност на одлуката за изменет годишен план за вработување за 2025 година на ЈП „Градски пазар“ – Охрид.Предлог-одлука за давање согласност и овластување за измирување односно пренасочување на средства од буџетот на Општина Охрид согласно Договорот за финансирање SERAPIS бр. 2018-0837.Предлог-одлука за определување на работното време на вршителите на занаетчиски дејности.Предлог-одлука за продолжување на работното време на вршителите на занаетчиски дејности.Предлог-одлука за изменување на одлуката за отстапување дел од недвижен имот и опрема на времено користење на ЈП „Билјанини извори“ Охрид.Предлог-одлука за донесување урбанистички проект со план за парцелација за градежна парцела ГП 34, ГП 4.38, ГП 4.43 и ГП 4.46 формирани во ДУП за дел од МЗ – 15 Корпус, блок 4 во КО Велгошти, Општина Охрид.Предлог-одлука за изменување и дополнување на одлуката за донесување на урбанистички проект со план за парцелација за промена на границите на соседни градежни парцели ГП 2.3.41, со основна класа на намена А2-домување во згради и ГП 2.3.42, со основна класа на намена А1-домување во куќи, на повеќе катастарски парцели во КО Охрид 3, во ДУП за УЗ 2, Блок 2.3, опфат 2, Охрид, Општина Охрид.Предлог-одлука за изменување и дополнување на Одлуката за утврдување на Нацрт детален урбанистички план за УЗ 2, дел од УБ 4-опфат 1, КО Охрид 3, Oпштина Oхрид, 2023-2028.Предлог-одлука за утврдување потреба од донесување урбанистичко-планска документација со цел вклопување на бесправно изградениот објект на KП.бр.514 и КП.бр.510 КО Пештани, објект 2 и КП.бр.512 и КП.бр.510 КО Пештани, објект 1.Предлог-одлука за утврдување потреба од донесување урбанистичко-планска документација со цел вклопување на бесправно изградениот објект на КП.бр.156 КО Косел, објект 1 и објект 2 (помошен објект).Предлог-одлука за утврдување потреба од донесување урбанистичко-планска документација со цел вклопување на бесправно изградениот објект на КП.бр.165 КО Охрид 4, објект 2.Предлог-одлука за утврдување потреба од донесување урбанистичко-планска документација со цел вклопување на бесправно изградениот објект на КП.бр.753/11 КО Косел, објект 1 и објект 2 (помошен објект).Предлог-одлука за утврдување потреба од донесување урбанистичко-планска документација со цел вклопување на бесправно изградениот објект на KП.бр.869/1 КО Охрид 4, објект 9, објект 10 и објект 20.Предлог-одлука за утврдување потреба од донесување урбанистичко-планска документација со цел вклопување на бесправно изградениот објект на КП.бр.178 КО Косел, објект 1.Предлог-одлука за утврдување потреба од донесување урбанистичко-планска документација со цел вклопување на бесправно изградениот објект на КП.бр.1696/2 КО Горно Лакочереј, објект 1.Предлог-одлука за утврдување потреба од донесување урбанистичко-планска документација со цел вклопување на бесправно изградениот објект на KП.бр1810/1 и КП.бр.1810/2 КО Г.Лакочереј, објект 1, КП.бр.1810/2 КО Г.Лакочереј, објект 2 и КП.бр.1811/2 КО Г.Лакочереј, објект 1.Предлог-одлука за утврдување потреба од донесување урбанистичко-планска документација со цел вклопување на бесправно изградениот објект на KП.бр.2204 КО Лескоец, објект 1, КП.бр.2203 КО Лескоец, објект 1 и КП.бр.2203 КО Лескоец, објект 2.Предлог-одлука за утврдување потреба од донесување урбанистичко-планска документација со цел вклопување на бесправно изградениот објект на КП.бр.2636 КО Д.Лакочереј, објект 1 и објект 2 (помошен објект).Предлог-одлука за изменување на одлуката за утврдување потреба од донесување урбанистичко-планска документација со цел вклопување на бесправно изградениот објект на КП.бр.145 КО Лескоец.ОПШТИНА ОХРИДЛОКАЛНА САМОУПРАВАБрој 08-9358/123.06.2025 год.О х р и д

ОО | пред 10 месеци

Пецаков денеска оствари средба со амбасадорката на Литванија во државава

Градоначалникот на Охрид, Кирил Пецаков денеска оствари работна средба со  амбасадорката на  Литванија во државава, Н. Е.  Вилма Дамбраускиене.Високата гостинка од Литванија беше информирана за начинот на функционирање на локалната власт, капиталните проекти, а акцент се стави на туризмот како главна економска дејност во Охрид. Беше истакнато дека   на  охридскиот аеродром  „Св. Апостол Павле“ постојано се воведуваат нови дирекни авио линии кон бројни светски дестинации, а градов станува попристапен благодарение на изградбата на новите автопатски делници. Стана збор и за развој на други индустриски гранки  со отворање на две компании, едната словенечка, а другата австриско – канадска инвестиција во кои се вработени многу охриѓани.Двете страни ги потврдија добрите дипломатски  односи меѓу двете земји, Македонија и Литванија, а годинава се навршуваат 30 години од воспоставувањето. На средбата се разговараше и за најзначајната музичко сценска манифестација кај нас „Охридско Лето“ и за овогодинешното организирање на Литванската вечер.Стана збор и за останати политички теми кои ја засегаат нашава држава.

Охрид | пред 10 месеци

Опасни горештини: Институтот за јавно здравје со итни препораки за работниците

Поради најавени високи температури од 24 до 27 јуни, Институтот за јавно здравје ги повика работодавачите и работниците на строго почитување на препораките за заштита при работа во услови на екстремна горештина.Работодавачите се должни:Да обезбедат вентилација и климатизација на работните простории.Да овозможат климатизирана просторија за разладување („засолниште“).Да ги организираат работните часови така што ќе се избегнува работа на отворено од 11 до 17 часот.Да овозможат чести паузи, внес на течности и електролити.Да ја намалат работната норма, да избегнуваат прекувремена работа и по потреба да го прекинат работниот процес.Да внимаваат на ранливите категории вработени – постари, хронично болни, бремени и лица со зголемена телесна тежина.Работниците треба:Да внесуваат најмалку 2 литра вода дневно и електролити, да избегнуваат алкохол и кофеин.Да носат лесна, светла облека, заштитни очила и крема со УВ заштита.Да бидат внимателни на симптоми на топлотен удар: вртоглавица, повраќање, замор, и да не го напуштаат работното место без помош.Прва помош при топлотен удар:Итно повикување на Брза помош (194 или 112).Ладење на лицето, легнување со подигнати нозе, примена на ладни облози.Не се дава терапија додека не пристигне медицински тим.Дополнително, за вработените од ризични категории се препорачуваат вонредни лекарски прегледи за утврдување на способноста за работа во вакви услови.Институциите апелираат за внимателност и прилагодување кон високите температури за заштита на здравјето и превенција од несакани последици.

Македонија | пред 10 месеци

Трамп со остри критики кон Израел – Израелците со мирен одговор и благодарност

Американскиот претседател Доналд Трамп во вторникот остро го критикуваше Израел поради, како што рече, кршење на договорениот прекин на огнот со Иран, додавајќи дека е незадоволен и од Техеран и од Тел Авив, но особено од израелската страна.„Израел веднаш по договорот фрли бомби. Тоа не е во ред“, изјави Трамп пред заминувањето на самитот на НАТО, предупредувајќи ја израелската влада да не ги продолжува нападите.Од Израел пристигна смирен и дипломатски одговор – благодарност за неговата улога во посредувањето. „Искрено, не ми е многу важно што кажа Трамп. На крајот, тој помогна да се стави крај на војната, и тоа е најважното“, рече Даниел Копилков (27), готвач од Хаифа – еден од градовите погодени од ирански проектили.Професорот по историја Марк Воловици изјави дека оваа епизода го покажала степенот на израелската зависност од поддршката на САД: „Ова беше мал, но значаен потсетник за тоа колку Израел зависи од американскиот легитимитет“.Сличен став имаа и други граѓани, кои не ги доживеаа изјавите како длабока криза, туку како политичка реторика. „Тоа е како родител кој го укорува своето дете“, изјави 70-годишната Естер.Адвокатот Ефраим Глазберг (75) оцени дека Трамповата реакција била „реакција во моментот“ и не смета дека таа ќе има долгорочни последици врз односите меѓу двете земји.

Свет | пред 10 месеци

Пеколен лет до Иран: Амфетамини, вреќички за урина и 37 часа без пауза – сведоштва од американските пилоти

Нападот на САД врз три ирански нуклеарни постројки изминатиот викенд беше едно од најкомплексните воени воздушни дејства во поновата историја. Седум „невидливи“ бомбардери B-2, со по двајца членови на екипаж, полетаа од базата Вајтман во Мисури, прелетаа половина свет и се вратија назад – во операција долга 37 часа без слетување, објави CNN.Учесниците во мисијата преживеале буквално физичка и ментална граница на издржливост. За време на летот, пилотите користеле „go pills“ – амфетамини за одржување будност, овластени од воената медицина. Седењето во кабината било наизменично – додека еден управувал со леталото, другиот се обидувал да одмори на склоплива, едвај комфорна лежалка.Уринирањето било во т.н. "piddle packs", специјални вреќички со абсорбирачки материјал.„До крајот знаевме точно колку тежат“, се шегува еден од пилотите.За време на операцијата, седумте бомбардери извршиле седум различни напади во рок од 30 минути, поддржани од ловци, танкери и извидувачки авиони. Некои B-2 летале во спротивен правец како мамци. Вкупно биле ангажирани над 125 летала.Мисијата потсетува на рекордната 44-часовна операција над Авганистан по 11 септември 2001, во која учествувал и поранешниот полковник Мелвин Дејл.„Тоа што овие момци го направија денес – тоа е подвиг“, вели тој.И покрај најсовремената технологија, условите во B-2 остануваат сурови: без вистински тоалет, со ограничена храна и минимален сон. Но за пилотите, тоа е дел од мисијата – „лет без крај, со една цел“.

Свет | пред 10 месеци

Седум израелски војници загинаа во борби во Појасот Газа

Израелската армија соопшти дека седум нејзини припадници – еден офицер и шест војници – загинале вчера во борбите на југот на Појасот Газа, во реонот на Кан Јунис.Во одвоен инцидент, исто така на југот, еден израелски војник бил тешко ранет. Според израелски медиуми, загинатите војници се наоѓале во оклопно возило кога експлозивна направа поставена под него детонирала и предизвикала пожар.Во истиот реон минатиот месец израелската армија нареди итна евакуација на цивилите, најавувајќи „невиден напад“. Населението беше насочено кон западниот дел на Појасот Газа, кон областа ал-Маваси, каде што сега се одвива нова офанзива.

Свет | пред 10 месеци

И покрај примирјето, Иранците масовно го напуштаат Иран: „Ова е само пауза во пеколот“

Иако Израелските напади се прекинати, стотици Иранци продолжуваат да бегаат од земјата, сведочи дописничката на BBC, Лајс Дусет, од главниот граничен премин со Турција. Натоварени со куфери и со замор на лицата, бегалците не кријат дека немаат намера наскоро да се вратат.„Ова е само привремено примирје“, вели еден маж, додека другите околу него молчешкум се согласуваат. Недовербата кон стабилноста е очигледна.Иако нападите привремено престанаа, нормалниот живот е далеку од враќање: интернетот сè уште не функционира, аеродромите остануваат затворени, горивото е со ограничена достапност, студентите не можат да полагаат испити, а јавната администрација работи од дома.„На Иранците им се смени животот – и сè изгледа неизвесно“, заклучува Дусет.

Свет | пред 10 месеци