Москва ја притиска Србија – Путин и Вучиќ разговарале за српското оружје во Украина

Рускиот претседател Владимир Путин и српскиот претседател Александар Вучиќ разговарале за наводните испораки на српско оружје во Украина, за време на нивната средба во Москва по повод Денот на победата на 9 мај, потврди портпаролот на Кремљ, Дмитриј Песков.„Темата беше допрена за време на разговорите“, изјави Песков за РИА Новости, реагирајќи на прашањата за можно ново затегнување на односите поради обвинувањата од руските разузнавачки служби.Руската надворешна разузнавачка служба (СВР) неодамна повторно ја обвини Србија дека преку фирми во Чешка и Бугарија индиректно извезува оружје за украинската армија. Станува збор за ракети за повеќецевни ракетни системи и минофрлачки гранати, кои, според СВР, „убиваат руски војници и жители на руските територии“.Српските власти негираат официјална вмешаност, но Вучиќ – по средбата со воениот врв – објави дека земјата ја запира продажбата на оружје, без директно да ја поврзе одлуката со руските обвинувања.Темата останува крајно чувствителна, особено поради традиционалната блискост меѓу Белград и Москва, како и растечкиот притисок од Западот кон Србија да ја усогласи својата надворешна политика со ЕУ.

Свет | пред 10 месеци

„Купувај домашно“ – Владината кампања со цел зголемување на земјоделското производство и потрошувачка

Владата и Министерството за земјоделство, шумарство и водостопанство ја стартуваа кампањата „Купувај домашни земјоделски производи“, со цел да се стимулира растот на домашната економија и да се поттикне зголемена потрошувачка на македонски земјоделски производи.„Со оваа кампања не само што ја поттикнуваме побарувачката на пазарот, туку создаваме услови за земјоделците да се вратат на нивите и да го зголемат производството. Македонија треба да стане земјоделски независна држава“, порачуваат од Владата.Секој производ во маркетите ќе биде јасно обележан – дали е од домашно производство или е увезен, а целта е граѓаните свесно да избираат домашни производи и со тоа да дадат поддршка на локалните производители.„Една година Влада значи целосна посветеност на реални проекти. Земјоделците се во фокусот на нашите политики, и ќе продолжиме со мерки што директно влијаат врз развојот на економијата и растот на БДП“, велат од Владата.

Македонија | пред 10 месеци

Топлотен бран со температури до 39 степени

Во Македонија денеска се очекува сончево и топло со мала локална облачност. Ќе дува слаб до умерен ветер од северен правец.Минималната температура ќе биде во интервал од 10 до 19, а максималната ќе достигне од 29 до 39 Целзиусови степени.Скопје, сончево и топло со слаб ветер од северен правец и максимална дневна температура до 39 степени Целзиусови.Под влијание на топла воздушна маса од југ до петок времето ќе биде многу топло. Дневната температура насекаде ќе биде над 30 степени, а наместа се очекува да надмине и 40 степено. Вредноста на УВ индексот ќе изнесува 9.ИЈЗ апелира да се почитуваат нивните препораки да не се работи надвор од 11 до 17 часот, да се пијат течности, да се носи лесна светла облека и да се зема редовната терапија.

Македонија | пред 10 месеци

Денеска пресуда за грозоморното убиство на Вања и Панче

Во Основниот кривичен суд Скопје денеска, според најавите, треба да биде објавена пресудата за убиствата на Вања Ѓорчевска и Панче Жежовски.За убиствата се обвинети Љупчо Палевски Палчо, Велибор Манев, Боре Видевски, Влатко Кешишев и Александар Ѓорчевски.Во обвинението стои дека обвинетите испланирале грабнување на 14-годишната Вања со цел да присилат член на нејзиното потесно семејство да даде пари за откуп. Грабнувањето Панче Жежовски од Велес, пак, според обвинението, било да го присилат да им го даде неговото возило „ситроен“ за да го користат за грабнување на Вања.Обвинетите на почетокот од процесот, кој траеше нецела година, изјавија дека не се чувствуваат виновни, а нивните адвокати тврдеа дека обвинителите не успеале да ја докажат вината и побараа ослободителни пресуди. Обвинителството побара максимална казна, а тоа е доживотен затвор за Палевски, Кешишев, Видевски и Манев, а за таткото на Вања побара судот да му ја одреди соодветната затворска казна.Нецела година траеше првостепената судска постапка, а денеска судијата Ивица Стефановски, ќе ја изрече пресудата за тешките убиства.

Македонија | пред 10 месеци

Мицкоски: Со Обединетото Кралство обезбедивме стратешки инвестиции за градба на брза железница, болници, но и разговараме за Чебрен и Галиште

Претседателот на Владата, Христијан Мицкоски во интервју за МРТВ „Една година Влада“ истакна дека со договорот за стратешко партнерство со Обединетото Кралство се обезбедуваат стратешки инвестиции за идните генерации како што се изградбата на брза железница, болници, но се разговара и за изградба на Чебрен и Галиште кои се од големо значење од повеќе аспекти.„Со пруга каде карго воз ќе движи со просечно 110 километри на час, ќе се зголеми бројот на композиции кои ќе транзитираат, а со проширениот капацитет на пристаништето во Грција и брзата пруга ќе се зголеми и бројот на композиции кои дневно ќе транзитираат. Сето тоа во одредена мера ќе доведе до десеткратно зголемување на приходите. Ова не е калкулација која ја правевме затоа што така ни текнало, седнавме со експерти со кои го сработивме во делот на транспорт и превоз. Ова е таа економска оправданост зошто така размислувавме и ова е стратегија“, потенцираше премиерот Мицкоски.Премиерот Мицкоски нагласи дека Обединетото Кралство доаѓа на Балканот преку нас, а ние сме земја која не излегува на море, но имаме геостратешко значење бидејќи сме раскрсница на три европски коридори, два директно и еден посредно тоа е Коридор 11 или Струма коридор од Егејско море до балтичките земји и тоа ни дава на тежина и ние го користиме сето тоа и затоа се одлучивме на овој проект и сме убедени дека е проект за идните генерации.Што се однесува со резервоарите за вода, премиерот Мицкоски посочи дека се преговара да дел од средствата се употребат за изградба на хидроцентралите Чебрен и Галиште.„Пресметуваме внатрешна стапка на поврат на колкав временски период ни е потребно да ги искористиме овие средства за на крајот од денот имаме профит. Ова се стратешки проекти за идните генерации, два резервоари за вода, но не само за пиење, туку и за наводнување за Тиквешкиот регион кој произведува прекрасно грозје и вино, што е одлична прилика за добар туризам промоција на македонска кујна и вино. Морате да размислувате стратешки ако сакате да правите големи крупни чекори. Размислувавме стратешки и имаме 21,1% раст на туризмот во овие 4 месеци споредено со лани тие 4 месеци“, изјави премиерот Мицкоски.Во однос на темата задолжување со договорот, премиерот Мицкоски појасни дека ништо не е задолжена Македонија и ако ги гледате податоците долгот е намален, а ниту ќе се задолжи.„Теоретски утре да почнеме да градиме првата фактура ќе стигне 2027 година, колку брзо ќе градиме и ефикасно така ќе расте нашиот бруто домашен производ, во градежништвото барем три пати се вртат парите, расте градежништво, расте индустриско производство, растат услуги итн. Како ќе расте нашиот БДП така ќе се повлекуваат средствата, нема да ги повлечеме да стојат на сметка и да кренеме долгот без да го креваме БДП. Ве уверувам дека ќе имаме намалување на долгот. Се е на транспарентен начин, а Обединетото Кралство ни гарантираат со нивниот кредитен рејтинг“, изјави премиерот Мицкоски.

Македонија | пред 10 месеци

(Видео) Бели балони за 62 изгубени животи: „Ова е опрост што не можевме да ве спасиме“

Дарко Златев, вујко на Надица – една од жртвите во трагедијата во дискотеката „Пулс“, објави видео посветено на 62-та млади што ги загубија животите. Во видеото, преживеаните и роднините пуштаат бели балони во небото како симбол на простување и вечна почит. Снимката е објавена по повод 100 дена од трагедијата.„Денес не стоите тука како жртви, туку како сведоци на една болка и љубов која никогаш нема да згасне. Вашите имиња се врежани во нашите срца, вашите насмевки се нашето светло“, се вели во видеото што ја потресе јавноста.Во својата објава, Златев напиша:„Ние сме децата што преживеавме една ноќ што никогаш нема да ја заборавиме. Ноќта кога небото се замрачи и срцата ни се распаднаа. Ноќта кога изгубивме 62 наши браќа и сестри, другари, пријатели, делови од нашите души.“Тој нагласува дека не се жртви, туку сведоци – на траума, но и на љубов што не згаснува.„Ви праќаме опрост. Опрост што не можевме да ве спасиме. Опрост што продолживме да живееме, додека вие останавте млади засекогаш.“Со болка, но и со завет, Златев додава:„Ќе живееме за вас. Ќе зборуваме за вас. Ќе се бориме за вистината и за правда – во ваше име.“„Секогаш ќе бидете со нас – во секоја солза, во секој здив, во секој чекор.“

Македонија | пред 10 месеци

Нема фотографија

Филипче од Кавадарци: ВМРО-ДПМНЕ им го сврте грбот на лозарите – укинати субвенции, стопирани програми

Претседателот на Социјалдемократскиот сојуз на Македонија, Венко Филипче, денеска во Кавадарци, имаше средба со лозари, на којашто се разговараше за состојбата во земјоделството, посебен акцент на отсуството на развојни мерки од страна на Владата на ВМРО ДПМНЕ за поддршка на лозарството како извозно оринетирана гранка.Во обраќањето пред лозарите, Филипче посочи дека за една година ВМРО ДПМНЕ ги понижи и осиромаши сите земјоделци вклучително и лозарите. Во делот лозарството и винарството, не само што не се донесоа развојни мерки, туку се скратија и постоечките добри мерки донесени од Владата на СДСМ, како авансната исплата, стопирана е и програмата за мали винарии и дестилати, укината е субвенцијата за високо квалитетно грозје и намалена е поддршката за саемски манифестации за промоција.„ВМРО ДПМНЕ беа гласни за земјоделците пред изборите, ветуваа се и сешто, а само за една година покажаа дека не го вреднуваат ниту трудот на земјоделецот, ниту ги интересира развојот на земјоделството особено на стратешките гранки како што е лозарството и винарството. Ги стопираа програмите за финансирање на мали семејни винарии. Ланската 2024 година е прва година кога немаше субвенции за килограм предадено винско грозје, додека претходните години беше по 2 или 3 денари за килограм во зависност од приносите на грозје во тековната година. Во програмата за субвенционирање на лозарството укината е и мерката за субвенционирање на хектар лозов насад во висина од 60.000 денари по хектар за производство на грозје за високо квалитетни вина, што како мерка беше во програмата за субвенционирање во 2024 година“, рече Филипче.Говорејќи за потребата од поддршка на лозарството и винарството како наши извозни се стратешки гранки, Филипче потсети дека Владата на СДСМ во својот мандат, заедно со лозарите, со винариите, донесе низа мерки и нови политики за поголема поддршка на овој сектор.„Со Законот за вино се загарантираа најниските откупни цени на грозјето, и како резултат на овие измени во 2024 година се постигна највисока просечна откупна цена кај сите вински сорти. Се олеснија условите за формирање на мали семејни винарии кои дотогаш не беа во можност да се формираат и регистрираат како такви. Воведовме нови програми за поддршка на малите винарии, беа доделени над 150 грантови од по 10 илјади евра, за набавка на опрема и за модернизација на малите семејни винарии. Лозарите беа опфатени и со мерката за субвенции за зелена нафта и со моделот за авансна исплата на субвенциите“, рече Филипче.На средбата, Филипче посочи дека благодарение на успешноста на мерките на СДСМ се потврдува со фактот што Македонија стана број еден извозник на вино во регионот и 13-ти извозник на вино во светот. При тоа, Филипче порача дека СДСМ секогаш ќе биде на страната на сите земјоделци и ќе нуди мерки не само за вреднување на нивниот труд, туку и за зголемување на домашното производство на земјоделски производи. Тоа како што кажа, подразбира и силна поддршка за лозарството и производството на вино, што е една од најзначајните гранки во нашата земја, со стратешка економска важност.

Македонија | пред 10 месеци

Мицкоски: Не сум задоволен од испораката на правдата на судството и обвинителството, тоа е слабата страна на нашето општество

Претседателот на Владата на Република Северна Македонија Христијан Мицкоски во вечерашното интервју во емисијата „Објектив“ на Македонската телевизија вели дека не сака да ја коментира истрагата за трагедијата во Кочани за да не влијае врз истата, но посочи дека нема да запре да ја критикува работата на судиите и обвинителите, бидејќи како што рече не е задоволен од испораката на правдата.„Јас не би давал квалификација колку сум задоволен или не сум задоволен во овој момент, од проста причина дека била каква моја квалификација може да биде сфатена како некакво влијание. Сепак кога претседател на Влада ќе даде некаква квалификација за одреден случај тоа може да се смета како влијание. Но, не ми пречи да го сфатат она мое укорување во мојот вчерашен говор кога кажав дека не сум задоволен од брзината на испорака на правдата во обвинителството и судството. Затоа што тоа е генерална перцепција и генерално чувство кај граѓаните. И тоа е се уште слабата страна на ова наше општество, а тоа е спората правда и чувство дека нема правда за сите подеднакво. И тука треба сите заедно да работиме“, дециден е Мицкоски.

Македонија | пред 10 месеци

Мицкоски за разрешувањето на Коцевски: Згрешивме што можеби малку не бевме од самиот почеток поагресивни

Премиерот Христијан Мицкоски смета дека грешка е што процесот на промена на јавниот обвинител Љупчи Коцевски не бил поагресивен. Тој смета дека чудни се пораките кога прво од опозицијата им кажале дека вршат притисок врз правосудството со обидот за разрешување на републичкиот обвинител, а потоа ги обвинуваа дека се во спрега со него и обвинителите, односно дека нарачуваат кој да се гони за пожарот во Кочани, а кој не.„Згрешивме што можеби малку не бевме од самиот почеток поагресивни, мислевме дека ќе проработи менталитетот, чувството, дека ќе заборават на партиските и бизнис стопани и дека единствен стопан ќе биде интересот на народот. Можеби тоа беше нашата грешка и таа перцепција претежнува кај народот“, вели Мицкоски.Ова одново остава впечаток дека наскоро, процесот за разрешување на Коцевски ќе продолжи. Тој беше паузиран откако се случи трагедијата во Кочани. Владата доби мислење од Советот на јавни обвинители, и истото треба да го прати до Собранието со предлог за разрешување на обвинителот. По гласање на пратениците - Коцевски може да замине дома, или пак, да остане на функцијата.

Македонија | пред 10 месеци

Трамп одбил помош од Путин за Иран: „Ми треба помош со тебе, не со Иран“

Американскиот претседател Доналд Трамп изјави дека неодамна, во телефонски разговор со рускиот претседател Владимир Путин, одбил понуда за соработка околу ескалацијата меѓу Израел и Иран – враќајќи го фокусот на, според него, поважниот конфликт: војната во Украина.„Путин ми се јави и рече: ‘Можам ли да ти помогнам со Иран?’. Му одговорив: ‘Не, не ми треба помош со Иран. Ми треба помош со тебе’“, изјави Трамп пред поаѓање на самитот на НАТО во Холандија, пренесе Fox News, а потоа и Newsweek.Трамп, кој повторно се врати во Белата куќа со ветување за брзо постигнување мир во Украина, повторно ја истакна својата фрустрација од двете страни, поради, како што рече, бавните и неуспешни мировни преговори. Според него, „огромниот човечки и финансиски товар за американските даночни обврзници е неподнослив“.„Шест илјади војници загинаа минатата недела. Тоа е трагедија“, додаде Трамп.За Киев и европските сојузници, неговата изјава е сигнал на загриженост. Тие очекуваат Трамп да го засили притисокот врз Путин преку поголема воена поддршка и нови санкции. Но, Трамп смета дека очекувањата од Украина се „нереални“, а барањата – несоодветни на реалната состојба на боиштето, каде што Русија во моментов напредува.Украинскиот претседател Володимир Зеленски, кој исто така присуствува на самитот во Хаг, се надева на обезбедување нова воена помош и договор меѓу членките на НАТО за одвојување најмалку 5% од БДП за одбрана.Според аналитичарите, дел од воената поддршка што ја одобри администрацијата на Џо Бајден наскоро ќе истече, а останува неизвесно дали Трамп ќе биде подготвен да ја продолжи или засили. Во меѓувреме, неговиот имиџ на „глобален мировник“, како што самиот се нарекува, останува на тест.

Свет | пред 10 месеци

Таткото на загинатата Фросина со жестоки критики до судот: „Судијка на мафијата, ништо не се движи, само копаме гробови“

Тодор Кулаков, таткото на трагично загинатата Фросина Кулакова, реагираше остро поради денешното одложување на рочиштето каде се гони таткото на возачот кој ја усмрти неговата ќерка. Обвинет во случајот е Зоран Јованов. Причина за одложувањето беше отсуството на обвинетиот и неговиот адвокат, Сашо Дуковски.Во својата јавна објава, Кулаков ја нападна судијката која го води случајот, нарекувајќи ја „судијка на мафијата“ и обвинувајќи ја за прикривање на криминал преку манипулации со АКМИС системот за автоматска распределба на предмети. Според него, истата судијка го води и предметот против Васил Јованов и предметот против неговиот татко, што, како што вели, е „класична манипулација“.„Ова веќе не е судски систем со 2% доверба. Ова е систем со минус доверба – директно поврзан со мафијата. И тоа веќе не се ни крие“, вели Кулаков.Тој најави и иницијатива за кривична одговорност за сите инволвирани, повикувајќи се на судска пракса која, според него, покажала дека „манипулации со АКМИС системот завршуваат со затвор“.Водел од објавата, Кулаков пишува:„Додека ние копаме и градиме гроб за Фросинче, мафијашкото семејство на Васо ги потплатува судиите, обвинителите, адвокатите, полицијата…“Тој порачува дека нема да престане да се бори за правда за неговата ќерка и обвинува дека институциите се активни соучесници во неправдата.

Коментари | пред 10 месеци

Активирана Фаза 3 од акцискиот план за топлотни бранови

Министерството за здравство ја информира јавноста дека, согласно прогнозите од Управата за хидрометеоролошки работи и заклучоците на Комисијата за спроведување на акцискиот план за превенирање на последиците од топлотните бранови врз здравјето на населението 2025-2030, се активира фаза 3, кога се очекуваат вонредно високи температури, кои го загрозуваат здравјето на населението, особено на најранливите групи.Граѓаните потребно е најтоплиот дел од денот да го поминуваат во затворени, разладени простории, да консумираат доволно течности и да избегнуваат алкохол. Посебно да бидат внимателни хронично болните, лица постари од 60 години, бремените жени и помалите деца.Министерството апелира до сите институции, работодавачи и граѓани да постапуваат одговорно и согласно следните мерки:-Активирање на планови за вонредни услови - сите здравствени установи, установи за згрижување стари лица и образовни институции да постапат согласно интерните протоколи за кризна состојба.-Да се реорганизираат работните процеси за вработените изложени на директна топлина и да се разгледа можноста за:-Одложување на работниот процес во критичните часови (11:00–17:00) за работници изложени на директна топлина;-Работа од далечина, флексибилно или двократно работно време каде што е изводливо;-Работодавачите да обезбедат микроклиматски услови за работа согласно акцискиот план: простории со температура до 25°C, освен таму каде што природата на работниот процес налага поинаку;-Ослободување од работни обврски за бремени жени и лица постари од 60 години, доколку работодавецот не е во можност да создаде соодветни микроклиматски услови за работа.-Да се реорганизираат работните процеси за вработените изложени на директна топлина;-Здравствените, образовните и социјалните установи да постапат согласно плановите за вонредни состојби, да го ротираат персоналот, и да обезбедат климатизирани простории за пациентите и вработените;-Центрите за социјална работа, локалната самоуправа и Црвениот крст да ја интензивираат теренската поддршка за осамени, стари и бездомни лица;-Образовните установи и градинките да избегнуваат активности на отворено во периодот од 11:00 до 17:00 часот;-Работодавачите да обезбедат соодветни услови за работа (температура до 25°C) и по можност да применат онлајн работа или флексибилно работно време;-Да се обезбеди климатизиран јавен превоз за граѓаните во текот на целиот ден.Министерството за здравство, заедно со сите надлежни институции, ќе продолжи со редовно информирање и спроведување на мерките, со цел заштита на здравјето на граѓаните.

Македонија | пред 10 месеци

Николоски на средба со 11 најголеми компании во Франција: Имаме огромни инвестиции во патната и железничката мрежа, отвораме можности за соработка со француски компании и нови инвестиции во Македонија

Македонија ги има наjдобрите услови за инвестирање, имаме развојни планови за подобрување на железничката и патната мрежа на европските коридори а локациски има стратешка позиција која има големи компаративни предности пред другите земји во регионот, потенцираше вицепремиерот Николоски на средбата во Париз со најголемите 11 компании во Франција.Во своето излагање пред присутните, тој ги презентираше транспoртните политики на Македонија преку инвестициските планови за изградба и унапредување на железничката мрежа, особено изградбата на брза пруга на коридор 10. Притоа вицепремиерот Николоски потенцира дека унапредување на брзината на овој коридор е особено значајно за певтин и побрз карго транспорт за Централна Европа.Исто така беа презентирани плановите и проектитe за унапредување на патната мрежа на европските коридори како и можностите за развој на авиосообраќајот.Вицепремиерот Николоски на средбата истакана дека Македонија е влезена во силен инвестициски циклус од неколку милијарди евра во целокупна модернизација на земјата, со што се отвораат големи можности за соработка со компании од Франција. Условите за инвестирање, дополни вицепремиерот Николоски се меѓу најконкуретните во регионот, со што Владата нуди услови и силна подршка за нови странски инвестиции.На средбата беше презентирана и француската политика во делот на развој модернизација, управување и безбедност во железничкиот сообраќај на Франција од каде се пренесоа нови искуства и знаења.Претходно, вицепремиеорт се сретна и со Магали Сезана, шеф при Генералната дирекција за трезор во Министерството за економија и финансии каде се разговараше за подобрување на економската и трговска соработка меѓу двете земји.Работната посета и средбите на вицепремиерот Николоски со владини претставници на Франција, продолжуваат и во текот на утрешниот ден.

Македонија | пред 10 месеци

Муцунски од Хаг: Стабилноста на Западен Балкан најлесно ќе се обезбеди преку европска интеграција на целиот регион

Од Хаг, во изјава за „Канал 5“, министерот за надворешни работи Тимчо Муцунски го коментираше однесувањето на официјална Софија во контекст на евроинтеграциите на државата и нагласи дека дијалогот останува единствениот пат кон стабилизација на Западен Балкан.„Жалам што актуелната бугарска влада, а и бугарските европратеници, со своето дејствување – она што го гледаме во Брисел – влегуваат во рускиот наратив за дестабилизација на регионот. Стабилноста на Западен Балкан најлесно ќе се обезбеди преку извесна европска интеграција на целиот регион“, истакна Муцунски.Тој потенцираше дека постапките на Бугарија во последните недели и месеци се дел од наратив чија цел е дестабилизација на Балканот.„Како можеме да ги надминеме предизвиците и да работиме за стабилизација на Западен Балкан? Секако – преку дијалог“, додаде Муцунски и изрази жалење што, според последните информации, средба на маргините на НАТО-самитот во Хаг веројатно нема да се одржи.„Јавно порачувам: Владата е подготвена за средби на секое ниво – претседател со претседател, премиер со премиер, министер со министер. Така и ќе продолжиме да се однесуваме“, нагласи министерот.Муцунски говореше и за очекувањата од самитот во Хаг, каде што фокусот ќе биде на случувањата помеѓу Русија и Украина, безбедносната состојба на Блискиот Исток и другите глобални безбедносни предизвици.„За да имате сериозни инвестиции во одвраќањето, вие морате да инвестирате прво во модернизација на армијата, во модернизација на различни капацитети – и инфраструктурни и во делот на сајберот – но исто така и во соодветна инвестиција во индустријализацијата. Тоа значи инвестирање во нови, домашни, наши македонски капацитети за производство. И во таа насока токму овие одлуки ќе ги поддржиме на овој самит и очекуваме консензус да се постигне веќе утре тука во Хаг“, заклучи Муцунски во изјавата.

Македонија | пред 10 месеци

Фудбалот оживува во Охрид! Mozzart ја започнува мисијата „Фудбалот е повеќе од игра“ – токму од бисерот на Македонија!

Со голема гордост ви најавуваме дека Охрид е првиот град во кој започнува оваа голема акција, преку која ќе се изградат бројни фудбалски терени низ целата држава – места каде ќе се раѓаат нови спортски соништа.Новоизградениот терен ќе го носи името на легендарниот охриѓанец и македонски фудбалер Гоце Толески, како симбол на посветеност, успех и локална гордост.📅 Четврток 🕗 20:00 часот 📍 ОхридСо оваа иницијатива, Mozzart го претвора спортот во сила на заедништво, мотивација и надеж. Вложувањето во спортот е повеќе од цел – тоа е визија што оживува преку оваа акција.Ајде заедно да покажеме дека фудбалот не е само игра. Тој е љубов, страст, желба и инспирација. Затоа – бидете дел од оваа нова ера. Фудбалот е повеќе од игра!(ПР текст)

Охрид | пред 10 месеци

Кривична пријава против правно лице и управителот, работеле спротивно на Законот за контрола на опојни дроги и психотропни супстанци

Надворешната канцеларија за криминалистички работи Свети Николе поднесе кривична пријава против правно лице од Свети Николе и против Г.Л. од Свети Николе - одговорно лице во правното лице, поради постоење основи на сомнение дека сториле кривични дела по член 95-5 став 1. и член 95-6 с од Законот за контрола на опојни дроги и психотропни супстанции.При контрола во правното лице во февруари 2025 година во содејство на полициски службеници од ОВР Свети Николе, Одделението за недозволена трговија со дрога оружје и опасни материи - Скопје и Министерство за Здравство, било утврдено дека во сеф-собата во објектот за чување на опојни дроги бил констатиран вишок на произведен неевидентиран сув цвет од канабис во количина од 56 килограми.Исто така, во ќеса покрај сеф-собата за чување на готов производ билапронајдена марихуана, додека во една од халите бил пронајден делумно изгорен сув цвет со нето маса од 254 грама, кои не биле пријавени. Одговорното лице во правното лице било должно да ги евидентира и пријави сите настанати промени и отстапувања во одгледувањето на канабисот до Министерството за здравство и Министерството за земјоделство, шумарство и водостопанство, согласно Законот за контрола на опојни дроги и психотропни супстанци.

Македонија | пред 10 месеци

Филипче: Шамарот за ВМРО-ДПМНЕ од сопствените европски сојузници е дебакал и пораз за дипломатијата и Владата

„Собранието во јули 2022 година има донесено заклучоци со кои што тогашната, но и секоја следна влада ги обврзува дека за јазичните, културните и идентитетски одредници ниту една влада не смее да преговара, ниту пак да се преговара за македонскиот јазик така како што е веќе прифатен во преговарачката рамка во рамките на францускиот предлог, а е потврден од сите земји членки на Европската Унија и, впрочем, е потпишан договорот со ФРОНТЕКС. Значи, чист македонски јазик без никакви забелешки, без никакви фусноти“, рече Филипче, додавајќи дека ова е една борба којашто и премиерот и ВМРО-ДПМНЕ сакаат да ја прикажат како своја борба за македонски јазик, меѓутоа таа борба е завршена.Притоа, Филипче посочи дека на овој начин ВМРО-ДПМНЕ сериозно ги загрозува нашите преговарачки позиции. Тој потсети на заклучоците донесени во 2022 година од страна на Собранието, за кои што, впрочем, ВМРО-ДПМНЕ тогаш во тогашниот состав не гласале против.„Тука јасно пишува дека се задолжува Владата на Република Северна Македонија и целокупниот тим доследно да се придржува кон определбата за безусловно почитување на јазичните, идентитетските, историските и културните особености на македонскиот народ како елементи за кои не се преговара со Европската Унија. Понатаму во текстот, дека Владата нема да прифати да разговара за поинакво решение за македонскиот јазик од тоа што е наведено во преговарачката рамка, а таму јасно стои чист македонски јазик. За жал, сметам дека ова што го прави и премиерот и Владата предводена од него, во која учествуваат и ВЛЕН и ЗНАМ, сериозно ги нарушува нашите преговарачки позиции. Оваа борба Владата на СДСМ ја доби – го потврдивме македонскиот јазик, чист македонски јазик“, рече Филипче.Како што кажа Филипче, фактот што Владата дозволува воопшто да има дебата за македонскиот јазик, и дополнително што тие амандмани кои што денеска на Комитетот не се поминати, но според најавите ќе бидат поднесени на пленарната седница на почетокот на јули, доаѓаат од сестринските партии на ВМРО-ДПМНЕ, е еден сериозен пораз за нашата дипломатија и за Владата.„Ние и во текот на изминатиот период, претходните денови, нормално и на пленарната седница сме целосно координирани со европарламентарците од групата на социјалисти и демократи, коишто се свесни што Владата сака да направи, каков ПР да прикаже – едноставно, таа борба којашто е залудна и целосно непотребна за нешто што ние сме го обезбедиле целосно претходно, а Собранието тоа го потврдило, сега сакаат да ја прикажат како некоја нивна победа“, посочи претседателот на СДСМ, Венко Филипче.

Македонија | пред 10 месеци

Средба на министерот Тошковски со раководството на Факултетот за безбедност - Скопје

Министерот за внатрешни работи Панче Тошковски денеска оствари средба со раководството на Факултетот за безбедност - Скопје на која се разговараше за на партнерството меѓу академската заедница и Министерството за внатрешни работи, насочено кон јакнење на институционалните капацитети и унапредување на полициската професија.„Со новиот Закон за внатрешни работи ќе се овозможи законска основа за вработување на студенти од високообразовни институции со кои МВР има потпишано договор за соработка. Тоа ќе овозможи најдобрите млади кадри, веднаш по дипломирањето да станат дел од безбедносниот систем на државата.Истовремено, разговаравме и за вклучување на стручниот кадар од факултетот во процесите на континуирана едукација и дообука на полициските службеници, како дел од долгорочна стратегија за унапредување на професионалните вештини и стандардите во МВР.“, потенцираше министерот Тошковски на средбата.Дополнително, во рамки на подготовките за реактивирање на Средното полициско училиште, се разгледа можноста токму наставниот кадар од Факултетот за безбедност да го даде својот придонес и во едукацијата на идните полициски генерации.Двете страни се сложија ова се конкретни, одржливи чекори што ја поврзуваат науката и практиката во интерес на посилна, обучена и модерна полиција во служба на граѓаните.

Македонија | пред 10 месеци

Мицкоски: Се усвои Предлог-законот за соодветна и правична застапеност – закон со кој се отвора ново поглавје на професионализам во јавниот сектор

„Од првиот ден на мандатот, Владата што ја предводам е посветена на унапредувањето на добрите меѓуетнички односи како еден од најважните императиви за стабилна, праведна и европска држава“, вели премиерот Христијан Мицкоски и додава:Оваа определба добива уште поголема тежина ако се има предвид хаосот, поделбите, клиентелизмот и масовните злоупотреби што зад себе ги остави минатата влада.Наша важна должност и обврска е да се издигнеме над оваа наследена состојба и да градиме институции што не делат, туку обединуваат; што ги отвораат вратите за најдобрите, најобразованите и најуспешните!Денес, Владата го усвои Предлог-законот за соодветна и правична застапеност, закон со кој отвораме ново поглавје на професионализам во јавниот сектор на државно и на локално ниво.Овој закон има една јасна цел: администрацијата да биде вистински сервис на сите граѓани, но изградена врз заслуги, знаење, професионалност и интегритет, согласно Уставот и Охридскиот рамковен договор.За разлика од времето кога партиска книшка беше поважна од дипломата и стручноста, ние поставуваме нов стандард: знаење, интегритет и заслуги.Имаме обврска, после толку години на злоупотреби, да раскрстиме со минатото, градејќи институции кои не ги поддржуваат послушните, туку ги вреднуваат способните.Јавен сектор каде што млад човек со квалитет може да напредува.Овој Предлог-закон го доставуваме на разгледување до Венецијанската комисија – затоа што сакаме највисоки стандарди и целосна усогласеност со европските вредности.Законот ќе биде поднесен до Собранието откако ќе го добиеме мислењето од Венецијанската комисија.Ова не е чекор како што одредени политички партии сакаат да го злоупотребат против овој или оној.Ова е одговорност кон сите!Градиме држава што е праведна кон сите, што ги почитува сите и која напредува само ако напредува и секој еден граѓанин во неа.Со овој закон, воспоставуваме баланс и го поставуваме и темелот на професионална, транспарентна, модерна и мултиетнички силна администрација.Силна и стручна администрација не е прашање на етничка припадност, таа е еднакво важна за секој граѓанин, без разлика од која заедница доаѓа.Кога институциите се праведни и ефикасни, сите граѓани добиваат подобра услуга.Тоа е темелот на трајна меѓуетничка доверба и вистинска сплотеност.Законот е гаранција дека етничките заедници ќе бидат соодветно и правично застапени, но истовремено во таков еден процес тој ќе ги штити квалитетите на сите етнички заедници.Овој закон е одличен баланс и поттик за квалитетите и ги штити правата на сите. Им честитам на коалицијата ВЛЕН и на другите претставници на етничките заедници, ова е многу важен закон за македонците, за Албанците, за Турците, за Ромите, за Бошњаците, за Србите, за Власите и за сите, затоа што е закон кој ќе стимулира и ќе дава шанса, истовремено запазувајќи го квалитетот.

Македонија | пред 10 месеци

Сиљановска-Давкова оствари средба со Генералниот секретар на Постојаниот арбитражен суд во Хаг, Марцин Цепелак

Претседателката Гордана Сиљановска-Давкова заедно со министерот за надворешни работи и надворешна трговија, Тимчо Муцунски, оствари средба со Генералниот секретар на Постојаниот арбитражен суд во Хаг, Марцин Цепелак, на којашто претседателката искажа загриженост за актуелната безбедносна состојба во светот и ја истакна потребата од праведен и постојан мир.Според претседателката, решенијата за денешните предизвици мора да се бараат во рамките на мултилатералниот систем, при што се заложи за зајакнување на улогата на Генералното собрание и преиспитување на механизмите за одлучување на Советот за безбедност.Во време на зголемени глобални тензии, оцени таа, институциите како Постојаниот арбитражен суд се неопходни за зачувување на меѓународниот мир и стабилност. Таа укажа дека за сите држави, а особено за малите и средните, почитувањето на меѓународното право претставува не само правна обврска, туку и морален императив.Претседателката ја истакна нашата подготвеност за зајакнување на соработката со ПАС преку потпишување меморандуми за разбирање, развивање партнерство со универзитетите и можности за пракса на младите професионалци во областа на меѓународното право, со што се согласи Генералниот Секретар на судот, Марцин Цепелак.Тој ја запозна претседателката со историјата на Палатата на мирот во којашто е сместен Постојаниот арбитражен суд, со работата на судот и процедурите на одлучување.

Македонија | пред 10 месеци

Во отсуство на реална политика и аргументи, СДС продолжува со растурање на пердуви во јавноста

„СДС кои 7 години беа на власт и тоа само до пред една година, се однесува како никогаш да не биле владејачка партија, а уште помалку се чувствуваат виновни за она што го направија во тие години владеење“ , велат од ВМРО-ДПМНЕ како реакција на прес-конференцијата на Богданка Кузеска од СДСМ и додаваат:Најверојатно, СДС секојдневно ќе држи прес-конференции, на кои без аргументи, издржани критики и факти, ќе зборува дека полошо се живее.Точно е дека се живее тешко, но граѓаните знаат кој ги донесе до питачки стап и денот да го поминуваат со 150 денари. Заради СДС, задолжени сме како никогаш досега, па кредитите и каматите кои тие ги оставија, Владата на ВМРО-ДПМНЕ ќе ги враќа сега и во следниот период.Навистина е апсурдно СДС да говори за економија и плати, кога во нивно време инфлацијата беше над 20%, платите и пензиите стагнираа, јавниот долг растеше, сметките се покачуваа, а тие не понудија никакво решение.Им порачуваме на СДС, да го слушнат говорот на претседателот Мицкоски, на вчерашната свеченост по повод една година Влада, и ќе дознаат и научат многу од него. За тоа како се води чесно, државнички и достоинствено држава!Доаѓа времето на Македонија! Ги градиме темелите на промените.

Македонија | пред 10 месеци

Перински: Поставуваме темели на вистински промени – пофункционални општини и подобри услови за живот на сите граѓани

Министерот за локална самоуправа, Златко Перински, заедно со вицепремиерот и министер за односи меѓу заедниците Иван Стоилковиќ и министерката за образование и наука Весна Јаневска учествуваше на денешната панел-дискусија „Ги градиме темелите на промените. За твоето време кое доаѓа“, организирана по повод една година од работата на Владата.Министерството за локална самоуправа со години било ставено во сенка – без јасна улога и без вистинска поддршка, истакна Перински, но Владата одлучила да ја врати неговата суштинска мисија, тоа да биде мост помеѓу централната власт и општините и клучен двигател на рамномерниот регионален развој.Во своето обраќање, министерот Перински посочи дека Министерството за локална самоуправа во изминатава една година посветено и со јасна визија пристапило кон анализа на затекнатите состојби на локално ниво, а притоа биле идентификувани сите пропусти, но и што е најважно, работеле на препознавање на потребите на граѓаните и општините. Како резултат на тоа, посочи Перински, Министерството реализираше и поддржи конкретни решенија кои директно веќе ги подобруваат условите за живот во локалните заедници од областа на транспортот, животната средина и енергетската ефикасност, до културата, спортот, образованието, туризмот и социјалната политика.„Овие резултати се реализирани преку програмите за рамномерен регионален развој, за намалување на диспаритетите меѓу и во рамките на планските региони и за зголемување на регионалната конкурентност, како и преку потпрограмата за инфраструктурни проекти во општините. Реалност станува и дигитализацијата на општинските услуги, со поставени јасни патокази за полесен пристап до услуги и зголемена отчетност на локалните власти. Посебно значајно е тоа што, по повеќе од две децении, Министерството иницираше суштински измени на Законот за локална самоуправ со цел унапредување на директната демократија и транспарентноста. Поставуваме темели на промени што ќе обезбедат подобро функционирање на системот на локалната самоуправа. Целта е јасна – пофункционални општини и позадоволни граѓани“, заклучи министерот Перински.

Македонија | пред 10 месеци

Герасимовски: Подготвуваме одлична програма, анкетите ни даваат ветер во грб за втор мандат

Градоначалникот Горан Герасимовски во „Студио 10“ на телевизија 24 информираше дека заедно со тимот подготвува одлична програма, а последните анкети коишто се направени покажуваат солидни резултати кои даваат ветер во грб за втор мандат.„Во моментов сме сконцентрирани да ги реализираме сите оние проекти коишто ги имаме ветено пред граѓаните. Некои се во завршна фаза, некои се на средина на реализација, сконцентрирани сме на нашиот дел на работење и функционирање. Јас и мојот тим подготвуваме одлична програма. Од последните анкети коишто се направени имаме солидни резултати коишто ни даваат ветер во грб да се бориме на овие локални избори. Во овие четири години покажавме дека можеме малку поразлично да функционираме од сите останати општини и дадовме пример како треба да функционира локалната самоуправа. Имаме совет којшто е мешан од повеќе советнички групи од различни политички партии, невладини организации, движења и слично“, рече Герасимовски.Во емисијата, тој истакна дека општината покажала како одговорно се работи во интерес на граѓаните и верува дека сето тоа дава една позитивна слика којашто дава можност повторно да се побара довербата од центарци.

Скопје | пред 10 месеци

Кусакатска: Митески да одговори каде се ветените нови 100.000 метри квадратни зеленило во Аеродром?

„Пред само 4 години ВМРО-ДПМНЕ во Аеродром ветуваше нови 100.000 метри квадратни паркови и зеленило“, вели Марина Кусакатска, СДСМ Аеродром, и додава:Нашите сограѓани се сведоци, ниту еден нов парк во Аеродром не е подигнат за 4 години.Наместо тоа, неискосени и пожолтени тревници полни со ѓубре и искршена урбана опрема, се последиците од управувањето на Дејан Митески, Тимчо Муцунски и ВМРО-ДПМНЕ со Општина Аеродром.Паркот „Радост“ на 5.000 метри квадратни во Реонски центар кои требаше да биде готов во првата година од мандатот, уште не е готов.Градежни маркици наводно се бришеа, а Мицкоски се појави уште во 2022 година на почетокот на активностите за уредување на овој парк.Нов парк на 5.000 метри квадратни ветија дека ќе подигнат и кај касарната „Гоце Делчев“. За ова немаат ниту проект.Уште еден нов содржински парк на 5.000 метри квадратни требаше да биде подигнат во срцето на Ново Лисиче, со нови реквизити и содржини за сите возрасти на деца.Нема ништо од тоа. Само неискосена и пожолтена трева го дели Реонски центар од Ново Лисиче.Ветија паметен систем за наводнување на тревниците меѓу зградите, а не можат да ги поправат ни постоечките системи за наводнување.Паркот Авионче требаше да прерасне во мал луна парк, а паркираните возила на патеките и во тревниците требаше да биде минато.Нови паркови за миленици ветија во секој нов и во секој постоечки парк. Ниту еден не е направен во последните 4 години.Дејан Митески и Тимчо Муцунски беа неспособни да ги одржуваат ни парковите подигнати од нивните претходници, а не да подигнат нови.Аеродром важеше најзелената општина во Скопје до пред само 4 години.Денес Аеродром е општина со најзапуштени паркови полни со отпадоци и паднати суви гранки на секој чекор.Со кое лице Дејан Митески ќе бара втор мандат во Аеродром?Имаат ли господата од ДПМНЕ трошка срам?Времето на Дејан Митески и ВМРО-ДПМНЕ во Аеродром истече!

Македонија | пред 10 месеци

Анализа: Американската операција „Полноќен чекан“ ја разоткри слабоста на руската ПВО – Москва во паника?

Додека сè уште се слегнува правот по спектакуларната американска операција „Полноќен чекан“, со која беа погодени клучни ирански нуклеарни објекти, нејзините последици веќе се чувствуваат и далеку од Блискиот Исток – дури до Москва. Тоа го оценува поранешниот британски офицер и експерт за хемиско оружје Хамиш де Бретон-Гордон во анализа за Телеграф, објавена под наслов: „Путина ќе го ужаси колку лесно падна руската противвоздушна одбрана на Иран“.Операцијата, во која учествувале седум американски бомбардери B-2 и 75 крстосувачки ракети, со висока прецизност ги погодила подземните постројки во Фордо, Натанз и Исфахан, покажала не само технолошка супериорност на САД, туку и алармантна ранливост на иранскиот воздушен простор, кој беше заштитен со руски системи С-300.За Русија, ова е аларм – и стратегиски пораз. Ако нивните системи не успеале да го заштитат Иран, што би се случило ако истото сценарио се преслика во Украина, или уште полошо – во самата Русија?Во Украина, иако се води различен вид на воздушна војна, обете страни избегнуваат користење авиони над фронтот, и се потпираат на ракети и дронови, токму поради опасноста од ПВО. Но, американско-израелската демонстрација на сила покажува дека добро опремени армии можат да ги победат руските системи – и тоа лесно.Иако Русија поседува понови системи како С-400 и С-500, многу воени аналитичари ги гледаат како надградени варијанти со преценета ефикасност.За Кремљ, пораката е јасна: нивната одбрана е пробојлива, нивните воени цели следливи, а нивната безбедност и технолошка предност – мит. Украина веќе покажа способност да делува длабоко на руска територија, а напади како оние во операцијата „Пајакова мрежа“, при што беа уништени руски стратегиски бомбардери, само ја засилуваат грижата.Соочени со фактот дека нивната противвоздушна одбрана не е толку непобедлива, руските генерали и политички лидери веќе сигурно ги преиспитуваат сите претпоставки – не само за Украина, туку и за идни воени конфликти со Западот.

Свет | пред 10 месеци