Мицкоски: Продолжуваме да работиме на економскиот напредок, борба против криминалот и корупцијата и евроинтеграциите, 2025 ќе биде година на развој, раст и подобар живот за сите

„2024 беше година на тешки и сериозни околности не само кај нас, туку и во целиот свет. Војните во повеќе региони, трагедијата на жртвите и ранетите, економското влијание од сето тоа, но и даноците и ефектите од постапките на неодговорните политичари кај нас, ги живеевме и сè уште живееме сите“, рече премиерот Христијан Мицкоски.„2024 беше година кога граѓаните избираа каква иднина сакаат и одбраа одлучни и убедени како никогаш до сега, Македонија да биде повторно нивна. Таа победа не беше само број, тоа беше јасен мандат од народот за нов пат и нова визија. Ве уверувам ние ја почитуваме и ја чуваме таа доверба и секој ден работиме напорно за да ги исполнуваме ветувањата кои ги дадовме и ние таа заклетва и одговорност не ја забораваме.Како Влада наследивме држава која тонеше во криминал и нефункционалност, која се соочуваше со сериозни проблеми, а турбуленциите и економско-социјалните и институционалните предизвици однесоа многу време и енергија.Можеби работите за некого не одеа со посакуваната брзина, но ве уверувам дека ова е единствениот пат и дека се е работа на добро осмислен план, според кој свесни за вашите очекувања ќе ги реализираме ветувањата и ќе го направиме тоа што го очекувате од нас, тоа за кое не одбравте.Чекор по чекор се изодува патот од илјада милји, и верувајте нема покус пат, туку има само исправен пат и соодветни чекори. А ова што ние го правиме е токму такво чекорење по патот до заедничката цел.Во овие 6 месеци направивме низа на чекори кои требаше да ја стабилизираат економијата, и кои доведоа до посакуваниот раст од 3 проценти кој претходно дури и во проекциите за Светската банка беше недостижен. Следната година планираме уште поголем раст, очекуваме сериозен исчекор во овој дел и нови убави вести, ефекти кои ќе ги почувствуваат сите граѓани.Ги зголемивме пензиите, линеарно за две и половина илјади денари, а од март следната година следува ново покачување од две и половина илјади денари. Постигнавме зголемување на платите во образованието за минимум 46% во следните 4 години, додека тие во здравството тие веќе пораснаа за 10 проценти, а во следните години, во следните четири години ќе пораснат за 40 до 50%. Вработуваме 300 млади доктори и специјализанти. Се отпочна со мега проект за реализација на капитални проекти за општините од 250 милиони евра, во нови градинки, училишта, спортски сали, водови. Обезбедивме 250 милиони евра за развој на стопанството под супер евтина камата од 1.95%, имаме историски највисока поддршка и откупна цена за лозарите, тутунарите, оризопроизводителите и останатите земјоделци.Постигнавме рекорд за привлекување на странски инвестиции над 1 милијарда евра и обезбедивме или забрзавме 8 нови странски инвестиции за нови 2.800 вработувања и многу, многу други проекти. Отворивме и фронт за борба против криминалот и корупцијата. Со докази, чекор по чекор, но одлучно.Имаме уште многу работа. Со уште поголемо темпо и уште поодлучна акција.2025 ќе биде година на развој, раст и подобар живот за сите.Ќе бидеме фокусирани на повеќе области, но приоритетно на 3 теми.1. Економски и социјален раст и развој и повисок стандард. Повеќе пари за сите.2. Создавање на ред и систем, јакнење на институциите и борба против корупција, решавајќи ги притоа во од заостанатите и преостанатите дефекти на корупција во системот на сите нивоа како и нивните поддржувачи и соработници.3. Интеграција во ЕУ и спроведување на реформи за членство во ЕУ, дури и ако опстојат предизвиците за почеток на преговорите, кои чекор по чекор ќе се трудам да ги надминуваме.На трите теми ќе правиме максимум со добро осмислен план и тајминг на активности.Во 2025 година ќе се пушти во употреба експресниот пат Куманово-Крива Паланка, како и Градско-Прилеп. Ќе биде готова првата фаза од пругата кон Бугарија, додека интензивно и без застој ќе се градат автопатите Гостивар – Букојчани, Прилеп-Битола и Кичево-Охрид. Ќе почнеме со градба на автопат Тетово-Гостивар. Ќе растат платите во повеќе области, како и пензиите. Ќе обезбедиме ваучери од 250 евра за електронски уреди за сите студенти како и евтини кредити за млади до 30 илјади евра. Ќе има проекти и мерки за сите граѓани, Македонци, Албанците, Турци, Роми, Срби, Власи, Бошњаци и останати. Ќе работиме за сите посветено и одговорно, за ваш подобар и поквалитетен живот.2025 година ќе биде година на надеж, оптимизам, успеси и многу работа!Ќе работиме напорно и посветено во 2025 година, за да успееме да ја изградиме Македонија каква што сите вие граѓаните ја посакувате и каква што сите ние заедно ја заслужуваме. Македонија, која ќе биде повторно ваша! Среќна и успешна Нова година, исполнета со здравје, среќа и многу љубов! Бог да ја благослови Македонија и нејзините граѓани“, посака Мицкоски.

Македонија | пред 1 година

(Видео) Филипче: Во годината што измина Владата заборави на граѓаните, го срози животниот стандард, го блокираше напредокот

Претседателот на Социјалдемокртаскиот сојуз на Македонија, Венко Филипче, во новогодишното обраќање посочи дека годината што измина донесе изневерени надежи и очекувања за многумина. Филипче потенцираше дека новата Владата заборави на интересите на граѓаните за сметка на интересите на елитата.„Наместо економски раст, стабилност и европска перспектива, од новата Влада видовме стагнација и блокади. Владата ги изневери граѓаните уште во првите шест месеци. Не успеа да донесе реформи, го срози стандардот на граѓаните и ги замрзна платите. По шест месеци се живее полошо дури од времето на економските кризи кои се сега далеку зад нас. Ова е последица на негрижата за граѓаните, за жал, добивме Влада која се грижи за интересите на малкумина од елитата а ги заборава оние кои и ја дадоа довербата“, порача Филипе.При тоа, Филипе нагласи дека СДСМ секогаш ќе биде на страната на граѓаните и ќе се бори за подобрување на животот на граѓаните.„Нашата задача е јасна, да бидеме силен глас на граѓаните, глас кој ќе се бори за правда, за економска стабилност и за подобар живот за сите нас. СДСМ никогаш нема да го изгуби својот фокус – секој човек е важен, секој проблем е наш заеднички предизвик. Ќе се бориме за зголемување на платите и пензиите, за нови работни места и за реална борба против сиромаштијата. Ќе бараме вистинска правда, институции кои работат за граѓаните, а не за партиски интереси“, вели во новогодишното обраќање претседателот на СДСМ, Венко Филипче.

Македонија | пред 1 година

Герасимовски: 2000 дечиња добија новогодишни пакетчиња

Општина Центар, оваа година ги изненади дечињата на територија на општината со 2000 новогодишни пакетчиња. Овие пакетчиња беа поделени на учениците од основните училишта во Центар, децата од градинките, како и на лицата со попречености и со Даунов синдром.Не беа заборавени ниту пак најмалите херои кои се лекуваат на Клиниката за детски болести и Клиниката за детска хирургија, кои добија пакетчиња како дел од новогодишната магија.Градоначалникот на Општина Центар, Горан Герасимовски истакнува дека новогодишните празници се време кога сите треба да се чувствуваме убаво, особено нашите најмали, кои го прават посреќен секој наш ден.„Изминатава недела заедно со Дедо Мраз донесовме радост и насмевки на децата. Благодарност до сите општествено одговорни компании кои се приклучија и нѐ поддржаа да ги израдуваме најмалите. Заеднички можеме да направиме многу“, вели Герасимовски.

Скопје | пред 1 година

Бесплатен паркинг во Центар за новогодишните и божиќните празници

Паркирањето во Општина Центар за време на новогодишните и божиќни празници ќе биде без наплата за сите граѓани.Согласно Одлуката на претпријатието, на 01.01.2025 година (среда) сите паркиралишта со кои стопанисува ЈП ПОЦ ќе бидат без наплата за сите граѓани.Редовната наплата за паркирање на паркиралиштата и издавање на договори во Дирекцијата на ЈП ПОЦ ќе продолжи на 02.01.2025 година (четврток) со вообичаено работно време.За време на божиќните празници на 06.01. (понеделник), 07.01. (вторник) сите паркиралишта со кои стопанисува ЈП Паркинзи на Општина Центар ќе бидат без наплата за граѓаните. Редовната наплата за паркирање на паркиралиштата и издавање на договори во Дирекцијата ќе продолжи на 08.01.2025 година (среда) со вообичаено работно време.Депото на „Пајак“ службата на ЈП ПОЦ ќе работи 24/7 за време на празниците како и паркиралиштето Дилајла кое е со автоматска наплата. Тимот на ЈП Паркинзи на Општина Центар Ви посакува среќни новогодишни и божиќни празници.

Скопје | пред 1 година

Кумановец држел поголемо количество забрането оружје во близина на Арачиново, поведена истрага

Основното јавно обвинителство Скопје донесе Наредба за спроведување истражна постапка против 29-годишен жител на Куманово, кој заедно со други засега непознати лица, во канал покрај локалниот пат меѓу селата Орланци и Никуштак криеле поголемо количество огнено оружје и муниција.Полицијата, на 18 декември, покрај коловозната лента до пластичен столб за светлосна сигнализација означен со лименка, пронашла пушкомитралез, десетина автоматски пушки, рамки и поголем број куршуми кои на граѓаните им се забранети и за чие поседување цивилните лица не можат да добијат дозвола.Со дополнителни истражни дејствија по наредба на јавен обвинител откриени се материјални траги кои даваат основано сомнение дека токму овој осомничен и уште неколку други лица на чија прецизна идентификација се работи, недозволено го држеле оружјето на наведената локација.Со ова осомничениот сторил кривично дело – Неовластено изработување, држење, посредување и тргување со оружје или експлозивни материи од член 396 став 5 во врска со став 3 од Кривичниот законик.Јавниот обвинител до судијата на претходна постапка од Основниот кривичен суд Скопје достави предлог за определување мерка притвор за осомничениот, бидејќи постои опасност од бегство, можност за влијание врз сведоците и опасност да го повтори делото. Потврда дека постои опасност осомничениот да се обиде да го избегнува кривичниот прогон е фактот што тој бил лишен од слобода на 29 декември на граничниот премин Долно Блаце при обид да излезе од државата.Исто така, обезбедените материјални траги упатуваат дека тој имал соучесници, па осомничениот би можел да влијае врз нив доколку се брани од слобода.Судот го прифати ваквото образложение на обвинителството и на осомничениот му определи притвор во траење од 30 дена.

Македонија | пред 1 година

(Видео) Сиднеј се подготвува за Нова година: покрај “Опера хаус” се чува место од зори

Австралија е прва голема земја каде стигнува Новата година.Нема големи прослави по кафеани, ама затоа, спектаклуарниот огномет е голема атракција.Еве како се чека и чува место:

Свет | пред 1 година

Пет авионски несреќи имаше за една недела: има 217 жртви

Пет авионски несреќи за една недела.Разорната серија на авионски несреќи го остави светот во жалост.Лет 28243 на Азербејџан Ерлајнс – Се урна Ембраер ЕРЈ-190АР, за кој наводно постои сомневање дека е соборен. Трагично, сите 38 на бродот ги загубија животите.Jeju Air Flight 2216 – Боинг 737-800 слетал поради неисправност на опремата за слетување, наводно предизвикана од удар на птица. Несреќата резултираше со 179 жртви.KLM Flight 1204 – Боинг 737-800 се лизна веднаш по полетувањето во Осло поради дефект на хидрауликата. За среќа, немаше жртви.Лет 2259 на „Ер Канада“ – „Цртичка 8-400“ се запали при итно слетување по дефект на опремата за слетување. Авионот се излизгал по пистата на аеродромот Халифакс, но нема животи.Лесна авионска несреќа – Мал авион од авијацискиот клуб Џазира се урна во морето кај Рас Ал Каима, ОАЕ. Трагично, животот го загубија и пилотот и копилотот.

Свет | пред 1 година

Министерството за финансии на САД: Кина нѐ хакираше

Американското Министерство за финансии објави дека кинески државен субјект ги хакирал неговите системи во „голем инцидент“.Хакирањето се случило на почетокот на декември, а денес станало познато за јавноста преку писмо испратено од американското Министерство за финансии до пратениците во кое ги информирал за инцидентот.Во писмото, Министерството за финансии наведува дека кинескиот актер можел да ги заобиколи безбедносните мерки користејќи клуч што го користел трето лице давател на услуги за далечинска техничка поддршка за вработените во Министерството.Американската агенција го опиша инцидентот како „голем безбедносен инцидент“ и објави дека соработува со ФБИ и други агенции за да ги истражат ефектите од хакирањето.Третата компромитирана услуга - BeyondTrust - оттогаш е затворена, изјавија официјални лица. Тие додаваат дека во моментов нема докази дека хакерот се уште има пристап до информации од Министерството за финансии.Покрај ФБИ, Одделот работи со Агенцијата за сајбер-безбедност и инфраструктурна безбедност (CISA) и надворешни форензичари за да го утврдат целокупното влијание на хакирањето.Врз основа на досегашните докази, официјалните лица рекоа дека се чини дека хакирањето е извршено од „напредна постојана закана“ (АПТ) поврзана со Кина.„Во согласност со политиката на Министерството за финансии, упадите што му се припишуваат на APT се сметаат за големи инциденти за сајбер безбедноста“, напишаа претставниците на Министерството за финансии во писмото до пратениците.

Свет | пред 1 година

А каде е Груби?

Веќе 15 дена трае „приватната посета“ надвор од земјата на поранешниот заменик-претседател на Владата Артан Груби, кој се бара со меѓународна потерница во врска со злоупотребите во Државната лотарија во вредност над 8 милиони евра. Претседателот на Собранието, Африм Гаши, на новинарско прашање дали има информација каде се наоѓа поранешниот вицепремиер Артан Груби, рече дека не се занимава со таа работа.„Се обидувам да се апстрахирам од дневна политика. Тоа е работа на органите на редот. Вчера видов една изјава на неговиот лидер дека тој знае и мислам дека треба набрзо да се повика, да се праша каде е и да се преземат мерки и да биде повикан и да дојде да одговара пред органите на редот“, рече Гаши.Сепак, лидерот на ДУИ, Али Ахмети, вели дека веројатно се наоѓа некаде на албанските простори. И за да биде уште поконтроверзно, според Ахмети, Груби не избегал, иако дури еден полицаец беше суспендиран од работа токму поради бегството на Груби.„Господинот Груби, според информациите што ги имам, не сум го сретнал, добро е. Неговата локација сѐ уште е некаде на албанските простори. Тоа е процес што треба да добие епилог. Артан Груби не е избеган од Македонија. Артан Груби е подготвен да одговори пред органите на правдата, да ги почитува законите, но не со одмазничка и селективна правда“, изјави Али Ахмети, лидер на ДУИ.По денешните реакции и барања што стигнаа од премиерот Христијан Мицкоски, но и од опозицискиот СДСМ тој да каже каде се наоѓа Груби, Ахмети во изјава за ТВ 21 тврди дека нема контакт со ексвицепремиерот.„Лично немам контакт со Артан Груби и немам детални информации каде актуелно се наоѓа. Мојата изјава во текот на вчерашниот ден е базирана на тоа што е јавно изјавено од претставници на Владата, но исто така и од фактот дека тој легално си ја поминал границата меѓу Македонија-Косово. Верувам силно дека секој граѓанин вклучувајќи го и господинот Груби заслужува еден правичен и неселективен судски процес далеку од селективна апликација на правото“, изјавил Ахмети за ТВ 21.Прашан за коментар за вчерашната изјава на Ахмети, премиерот Христијан Мицкоски денеска изјави оти се надева дека таа ќе допре до Обвинителството и дека лидерот на ДУИ ќе биде повикан да даде одговор ако знае каде се наоѓа Груби, кого го ослови како бегалец од правдата.„Се надевам дека ова допира до Обвинителството и има правна процедура во која ако имаме личност која знае каде се наоѓа бегалец од законот, ќе ја повика таа личност и таа ќе даде одговор на прашањето каде се наоѓа бегалецот од правдата. На секој во државата му е јасно како се поставуваа обвинители и судии во последните седум години. Истите тие без кои не можеше да биде поставен ниту обвинител, ниту судија, ниту да поминат квалификации преку Академијата на судии и јавни обвинители, сега велат дека правдата некому му била оневозможена и дека ова било политички прогон“, изјави Мицкоски.

Македонија | пред 1 година

(Видео) СВР Скопје го расчисти случајот со пронајденото оружје во Арачиново

СВР Скопје го расчисти случајот со оружјето кое беше пронајдено од страна на полициски службеници од СВР Скопје на 18.12.2024 на територија на општина Арачиново, покрај локален пат од село Орланци кон село Никуштак, кога беа пронајдени девет автоматски пушки, еден пушкомитралез и поголема количина на муниција.По преземени соодветни мерки и активности и извршени вештачења во Одделот за форензички испитувања, утврдено е дека оружјето е на 29-годишниот Х.С. од Куманово.На 29.12.2024 Х.С. е лишен од слобода на граничниот премин Долно Блаце, а од страна на Единицата за недозволена трговија при СВР Скопје поднесена е кривична пријава по итна постапка и на 30.12.2024 од судија на претходна постапка му е изречена мерка 30-дневен притвор.

Скопје | пред 1 година

Општина Гостивар го усвои буџетот од 27 милиони евра, најголемиот буџет во историјата на Гостивар

Денес Советот на Општина Гостивар со 20 гласа „за“ го изгласа буџетот на Општина Гостивар за 2025 година.Буџетот за 2025 година изнесува околу 27 милиони евра и претставува најголемиот буџет во историјата на Општина Гостивар.Изработката на буџетот е резултат на јавна дебата на Општина Гостивар со локалните заедници, граѓаните, граѓанските организации, спортските клубови и заинтересираните страни, и опфаќа различни области со цел да се подобри животот на граѓаните.

Македонија | пред 1 година

Меџити: Албанскиот простор не е засолниште за корумпираните и нон-грата

Првиот заменик-претседател на Владата на Северна Македонија, Изет Меџити, остро реагираше на изјавата на лидерот на ДУИ, Али Ахмети, за неговиот партиски колега Артан Груби, кој по ставањето на црната листа на САД и прогонувањето од страна на македонските органи за истрага, се сомничи дека се наоѓа скриен во албанскиот простор.„Албанскиот простор не е засолниште за корумпираните и нон-грата! Не ја дампирајте албанската просторија со печатот на корупцијата и не вклучувајте ја во криењето на обвинетите за корупција и злоупотреба на службената позиција,“ напиша Меџити.Тој нагласи дека албанскиот простор треба да остане симбол на гордост и достоинство. „Личностите од црниот список на САД не смеат да ги прават албанските држави заложници на правдата и да ги вклучуваат во нивните злоупотреби. Ова е срам за политиката и политичарите албанци во Северна Македонија“, заклучи Меџити.Неговиот одговор следува по критиките кон политиките на ДУИ и улогата на партијата во заштитата на личности вклучени во корупциски скандали.

Македонија | пред 1 година

Општина Гостивар ќе доделува 6.000 денари за секое новородено дете

Со 20 гласа „за“, денес Советот на Општина Гостивар го усвои Предлогот за доделување 6.000 денари за новороденчињата во Гостивар.Оваа одлука на Советот на Општина Гостивар е по предлог на градоначалникот Валбон Лимани, кој лично ја предложи на последната седница на Советот, а ја најави неколку дена порано.Оваа финансиска поддршка за семејствата со новороденчиња може да ги олесни почетните трошоци и ја покажува посветеноста на општината кон социјалната политика и семејствата.

Македонија | пред 1 година

Надворешен долг, побарувања и меѓународна инвестициска позиција во третото тримесечје од 2024 година

Објавено е редовното статистичко соопштение за позначајните промени кај надворешниот долг, надворешните побарувања и меѓународната инвестициска позиција.На крајот на третиот квартал од 2024 година:На 30.9.2024 година, нето надворешниот долг изнесува 4.432 милиона евра (или 30,6% од проектираниот БДП). Нето надворешниот долг на земјата, во третиот квартал од 2024 година, е намален за 63 милиони евра, или за 1,4%. Од аспект на структурата, приватниот нето-долг и натаму има поголемо учество во вкупниот нето-долг со 67%.Во текот на третиот квартал од 2024 година, негативната нето меѓународна инвестициска позиција (МИП) е намалена за 92 милиона евра и изнесува 8.544 милионa евра, што претставува 59% од проектираниот БДП за 2024 година.Најновото соопштение за позначајните промени кај надворешниот долг, надворешните побарувања и меѓународната инвестициска позиција е достапно на следната врска

Македонија | пред 1 година

Герасимовски: Дедо Мраз им подари нова градинка на децата во Центар, завршена изградбата на новата градинка Пролет

Градоначалникот на Општина Центар Горан Герасимовски, денеска заедно со Дедо Мраз и 100 дечиња од градинката „Корчагин“ направија прошетка низ новата градинка „Пролет“ чијашто изградба е комплетно завршена.Герасимовски, потенцираше дека е исполнета големата желба на најмалите и родителите од населбите Пролет и Маџир Маало.„Заедно со Дедо Мраз и дечињата, направивме прошетка низ новата градинка Пролет, чијашто изградба е завршена и направен е технички прием. Ме радува задоволството на дечињата кога првпат влегоа во просториите. Денеска е посебен момент за Општина Центар и за сите жители – празничен подарок кој ќе донесе топлина и грижа за најмалите. Градинката „Пролет“ е изградена по највисоки стандарди за престој на дечињата и вработените. Оваа градинка е прва во населбата Пролет и прва градинка по 50 години“, рече Герасимовски.

Скопје | пред 1 година

Новогодишна белешка на гувернерката на Народната банка: Очекуваме постабилен економски амбиент во 2025 година

„Во очекување на економски подобра 2025 година, во која инфлацијата би продолжила да се стабилизира, а растот би забрзал, да се навратиме накусо на годината на која веќе ѝ ги одбројуваме деновите и да се потсетиме на предизвиците и резултатите во неа. Секој внимателен преглед на нашите чекори, предизвици и успеси е патоказ кон поуспешна иднина“, кажа гувернерката на Народна банка, Анита Ангеловска-Бежоска.„Во 2024 година, успешно ја задржавме макроекономската стабилност, вклучително и стабилноста на денарот, со раст на девизните резерви до ниво кое е четириесетина проценти над нивото пред пандемијата. Одржувањето на стабилниот курс на домашната валута во времиња исполнети со предизвици е јасен показател за капацитетите на нашата централна банка и наш влог во кредибилитетот на политиките коишто ги водиме.Резултатите од монетарната политика во 2024 година се согледуваат и преку натамошната стабилизација на инфлацијата, којашто по просечната стапка од 9,4% во 2023 година, во првите десет месеци од оваа година е сведена на 3,4% и очекуваме натамошно постепено забавување и следната година. Доколку се задржат овие поволни трендови кај инфлацијата и на девизниот пазар, без да има остварување на поголеми ризици, може и догодина да се очекува натамошно постепено и претпазливо олабавување на каматната политика од страна на Народната банка.Благодарение на внимателното водење на монетарната политика и напоредното носење макропрудентни мерки од страна на централната банка, покрај намалувањето на инфлацијата, зајакната е и финансиската стабилност. И во кризниот период, банкарскиот сектор беше столбот на стабилноста на која се потпираа економијата и бизнисот, додека неговата отпорност беше дополнително зајакната преку мерките коишто ги носеше Народната банка. Притоа, стапката на адекватност на капиталот достигна 19%, што е највисоко ниво во последните седумнаесет години, додека учеството на нефункционалните кредити во вкупните е на историски ниски 3%. Растот на депозитите од граѓаните и фирмите забрза и овозможи задржување на кредитниот раст, притоа особено е важно што денарските и долгорочните депозити остварија двоцифрен раст, што јасно говори за довербата во банкарскиот систем и во домашната валута.За одбележување во годината којашто изминува е и поднесувањето на формалното барање за пристапување на земјава во Единствената област за плаќања во евра (СЕПА) од страна на Народната банка, што е историски чекор за влез во европските платежни системи и приближувањето до Европската Унија. Придобивките за граѓаните и економијата од членството во СЕПА се многукратни и накусо опфаќаат побрзи, поефикасни и поевтини прекугранични плаќања.Во годината што следува, нема дилема дека одржувањето на макроекономската стабилност ќе биде и понатаму нашиот приоритет, бидејќи таа е клучен предуслов за повисок економски раст. Исто така, Народната банка ќе биде посветена и на поддршката на структурната трансформација на нашата економија. Зелената транзиција и дигитализацијата не се само модерни приоритети, туку се стратегиски насоки коишто го отвораат патот кон одржлив раст, нови работни места и подобра конкурентност.Народната банка и натаму активно ќе го поддржува зеленото финансирање, со што ја поттикнува еколошката одговорност во економските активности. Воедно, со поддршката на финтек-секторот и дигиталните иновации, создаваме нови можности за модернизација на финансиските услуги, подобра достапност за граѓаните и поттик за раст на претприемаштвото.Зад нас оставаме година во која научивме важни лекции и направивме значајни чекори напред. Пред нас е нова година којашто нуди нови можности. Преку сигурни економски политики ќе ги искористиме можностите, а притоа внимателно ќе управуваме со ризиците коишто и натаму ќе постојат. Заеднички, со соодветни макроекономски и структурни политики, можеме да изградиме економија што е стабилна, инклузивна и што е подготвена да се соочи со предизвиците на утрешниот ден.На сите граѓани им посакувам среќа, здравје и успех во Новата 2025 година! Народната банка е сигурен партнер во создавањето подобра иднина за сите нас“, порача Ангеловска-Бежоска.

Македонија | пред 1 година

Позначајни движења кај каматните стапки на банките и штедилниците

Годишен раст на просечната каматна стапка на вкупните депозити од 0,38 п.п., при што во ноември таа изнесува 2,12%.Просечната каматна стапка на вкупните кредити бележи годишен пад од 0,12 п.п. и изнесува 5,36%.Најновото соопштение за позначајните движења кај каматните стапки на банките и штедилниците е достапно на следната врска.

Македонија | пред 1 година

Падна и последниот осомничен во предметот „Планина“

Јавен обвинител од Основното јавно обвинителство за гонење на организиран криминал и корупција, по вчерашното лишување од слобода на лицето од с. Грчец, ќе ја продолжи истражната постапка против него. Лицето е последниот осомничен во предметот „Планина“ кој по наредба на обвинителството се бараше со централна потерница повеќе од три години заради постоење на основано сомнение дека сторил кривично дело Неовластено производство и пуштање во промет наркотични дроги, психотропни супстанции и прекурзори, предвидено и казниво по член 215 став 3 од Кривичниот законик.Истражната постапка за предметот „Планина“ беше отворена во март 2021 година против 28 лица членови на две организирани криминални мрежи. Во тогаш спроведените акции на територијата на село Грчец и населбата Гази Баба беа лишени од слобода 22 лица, а петмина беа во бегство и за нив истрагата беше прекината до нивно пронаоѓање. Од септември 2021 година до август 2023 година четворица од осомничените меѓу кои и првоосомничениот беа се лишени од слобода, по што истражната постапка против нив продолжи. Единствено недостапно беше лицето кое во текот на вчерашниот ден беше уапсено.Обвинетите се правосилно осудени на затворски казни од 3 до 8 години, на детето во судир со законот му беа изречени воспитни мерки во траење од 1 до 5 години, додека за три лица беше донесена Наредба за запирање на истрага, од кои за две предметот е препратен на надлежно постапување во Основното јавно обвинителство – Скопје.

Македонија | пред 1 година

ОЈО ГОКК ќе ја испитува секоја индиција во предметот „Бункер“

Во рамките на предметот под кодно име „Бункер“ во кој под истрага се 18 членови на криминални групи, јавниот обвинител од Основното јавно обвинителство за гонење на организиран криминал и корупција и истражители од Истражниот центар при анализа на досега прибраниот доказен материјал дојдоа до сознанија што упатуваат на можно сторување на други кривични дела и други инволвирани лица.Со цел да се испитаат ваквите индиции, на 28.12.2024 година, едно лице беше спроведено во полициска станица. Заради постоење на основи на сомневање дека е можен сторител на кривичните дела Оддавање службена тајна и Злосторничко здружување со него е извршен службен разговор.По разговорот лицето е пуштено на слобода, а по насоки на јавниот обвинител му е одземен мобилниот телефон со цел со понатамошна дигитална обработка на телефонските податоци да се потврдат индициите за евентуално стореното дело.

Македонија | пред 1 година

Мицкоски: Од дупките ќе бидат извадени сите доушници и како глувци ќе одговараат

Премиеот Мицкоски реагира потврдата од Министерството за внатрешни работи дека е приведено лице, син на екс висок функционер, поради истекување информации за акцијата против криминалната група „Беланоца”.Кртовите, рече премиерот, кои оддаваат службени тајни за полициски акции и сакаат да ги заштитат криминалните банди се последица на седумгодишното владеење на оската СДСМ и ДУИ и се додека има рецидив од таквото управување, ќе се појавуваат кртови.„Тие кртови ќе бидат пронајдени и извадени од дупките од коишто се кријат и како глувци ќе одговараат“, изјави Мицкоски.

Македонија | пред 1 година

Пресуда за грозоморното убиство на 9 ученици и чувар: таткото доби 14,5 години затвор, мајката 3 години

Судот во Белград пресече, Владимир и Миљана Кецмановиќ, родителите на 14-годишниот Коста Кецмановиќ кој лани изврши масакр во основното училиште „Владислав Рибникар“ во Белград, се прогласени за виновни.Таткото е осуден на казна затвор од 14 години и шест месеци, а мајката е осудена на 3 години затвор.Немања Маринковиќ, инструкторот во стрелиштето каде што Коста учел да пука е осуден на една година и три месеци затвор.Во обвинителниот акт стои дека родителите ја занемариле психичката и емоционална состојба на нивното дете и не реагирале на чувствата што ги развило откако било отфрлено и неприфатено во своето одделение.Таткото е осуден дека сторил кривично дело предизвикување општа опасност, а Миљана за недозволено поседување оружје и експлозивни направи бидејќи на една од чаурите при полициската истрага во училиштето и била пронајдена биолошка трага.Во нападот што ја згрози и изреволтира јавноста, 13-годишниот Коста Кецмановиќ уби деветмина ученици и еден чувар на 3-ти мај 2023.

Скопје | пред 1 година

Мицкоски не се согласува дека е незаконски начинот на кој треба да се бара одговорност од Судскиот совет

Премиерот Христијан Мицкосли вели дека не би се согласил, врз основа на мислењата што ги има од областа и од уставните експерти, дека начинот на којшто треба да се побара одговорност од членовите на Советот, е незаконски и неуставен.„Јавноста и граѓаните ги оценуваат со најниска доверба. Ако ние мислиме да им угодиме на овие луѓе и да останат уште подолго таму за подлабоко да тонеме во политичкото мочуриште, заглавени во сето она коешто го направија во изминатиот период, затоа што имаме неколкумина што не постоеја до сега и сега наеднаш се вознемирени и се јавуваат на површината – таква намера немаме да правиме“, рече Мицкоски.Како Влада нема да работиме нешто што е спротивно на законот и Уставот, па така ни во овој процес, вели премиерот во врска со најавата за разрешувања на членови на Судскиот совет избрани од Собранието.„Ние работиме во интерес на граѓаните согласно закон и устав, а да, ќе се појавуваат таков вид таканаречени експерти коишто ќе толкуваат вака или така, но едно е јасно, а тоа го кажуваат граѓаните – дека овие луѓе се со доверба од 2 проценти и не ја заслужуваат повеќе платата којашто ја земаат“, рече Мицкоски.

Македонија | пред 1 година

Ахмети ретерира, сепак не знаел каде е Груби

По вчерашната изјава дека Артан Груби се наоѓа на албанска тетиторија, лидерот на ДУИ и пратеник, Али Ахмети денеска ретерира, не знае каде се наоѓа неговиот прв соработник.„Лично немам контакт со Артан Груби и немам детални информации каде актуелно се наоѓа. Мојата изјава во текот на вчерашниот ден е базирана на тоа што е јавно изјавено од претставници на Владата, но исто така и од фактот дека тој легално си ја поминал границата Македонија-Косово. Верувам силно дека секој граѓанин вклучувајќи го и господинот Груби заслужува еден правичен и неселективен судски процес далеку од селективна апликација на правото“, изјави Ахмети за ТВ 21.Вчера за косовските медиуми, Ахмети јасно кажа дека Груби се наоѓа на албанска територија. Ахмети побара правдата да не биде селективна и одмаздничка.Груби е осомничен за проневера во Државна лотарија.

Македонија | пред 1 година

Потерница и 8 дена притвор за Васко Ковачевски

Судот го прифати предлогот на Обвинителството и определи мерка притвор во траење од осум дена за поранешниот директор на АД ЕСМ Васко Ковачевски, кој е недостапен за органите на прогонот.Засега не се знае каде е Ковачевски кој е осомничен за проневера на 6,5 милиони евра.Согласно Законот за кривична постапка, предметните јавни обвинители до МВР, како што информираат од ЈОРСМ, доставиле и наредба за распишување на национална потерница и изјава за распишување на меѓународна потерница по осомниченото лице.Инаку Основното јавно обвинителство за гонење на организиран криминал и корупција денеска го прими Решението на судијата на претходна постапка при Основниот кривичен суд – Скопје, со кое предлогот за определување мерки за претпазливост против осомничен во предметот „Адитив“ се отфрла, наведувајќи дека осомничениот не е достапен на органите на прогонот.Согласно своите законски надлежности, јавните обвинители кои постапуваат во предметот, до судијата на претходна постапка веднаш доставија Жалба по однос на донесеното Решение за отфрлање, како и Предлог за определување на мерка притвор за осомничениот која мерка ќе биде активна по неговото пронаоѓање. Судијата на претходна постапка го прифати предлогот на обвинителството и на осомничениот му определи мерка притвор во траење од 8 дена.Применувајќи ги одредбите од Законот за кривична постапка, предметните јавни обвинители до МВР доставија Наредба за распишување на национална потерница и Изјава за распишување на меѓународна потерница по осомниченото лице.Истрагата за предметот под кодно име „Адитив“ започна на 10 декември и со него се опфатени 23 физички лица и четири правни лица за кои постои основано сомнение дека сториле кривични дела против јавните финансии, платниот промет и стопанството и кривични дела против службената должност и против правниот сообраќај.

Македонија | пред 1 година

Јован Деспотовски осомничен дека како директор на ТИРЗ направил злоупотреби - објавени детали

Основното јавно обвинителство Скопје, постапувајќи по пријава од Управата за финансиска полиција, оформи предмет и поведе постапка против 8 лица поради основано сомневање дека како соизвршители сториле кривично дело – Злоупотреба на службената положба и овластување по член 353 став 4 во врска со став 1 од Кривичниот законик.Во текот на предистражната постапка која Управата за финансиска полиција ја водеше во координација и под раководство надлежниот јавен обвинител, се обезбедија докази дека во временскиот период 26.01-12.07.2022 година, првиот осомничен како службено лице – директор на Дирекцијата за технолошки индустриски развојни зони во Скопје, заедно со три службени лица задолжени за спроведување на управната контрола при Бирото за јавни набавки и уште четири лица од Државната комисија за жалби по јавни набавки, со неизвршување на нивната службена положба, му овозможиле на едно правно лице да прибави противправна имотна корист која надминува значителна вредност од 622.981.190 денари.Првиот осомничен, по претходно донесена одлука, објавил оглас за јавна набавка за изградба на основна внатрешна инфраструктура за ТИРЗ Штип и ТИРЗ Струмица. На објавениот оглас во предвидениот законски рок се јавиле два заинтересирани економски оператори кои доставиле понуди со предвидените критериуми. Една од компаниите понудила повисока цена, но драстично пократок рок на изведба на работите во календарски денови, врз основа на што таа била избрана за изведувач.Трите лица од Бирото за јавни набавки – Комисија за вршење управна контрола, не извршиле контрола на исполнетоста на условите од тендерската документација по однос на техничката и професионална способност за изведување на предвидените работи, како и по однос на рокот на изведба на работите како критериум за квалитет. Тие не ги увиделе неправилностите и до Дирекцијата за технолошки индустриски развојни зони Скопје, доставиле записник од извршена управна контрола со дадено мислење дека договорниот орган може да продолжи со постапката за јавна набавка.Вториот учесник во постапката поднел жалба до Државната комисија за жалби по јавни набавки, но таму претседателот и три члена го игнорирале доставениот стручен наод и мислење од вешто лице од областа на градежништвото кој бил основа за жалбените наводи, па донеле решение со кое жалбата на другиот економски оператор ја одбиле поради неоснованост. На тој начин Дирекцијата склучила договор со избраната фирма за изградба на основна внатрешна инфраструктура за ТИРЗ Штип и ТИРЗ Струмица со рок на изведба од 120 календарски дена од моментот на воведување во работа.Два месеца по почетокот на работите, осомничениот директор потпишал анекс-договор со кој ја зголемил вредноста на основниот договор за 84.688.628 денари или 19,77% од основниот договор и дополнително го продолжил првичниот рок за изведба на работите. По три месеци тој потпишал и втор анекс-договор со кој ја зголемил вредноста на основниот договор за дополнителни 34.921.240 денари и уште еднаш го продолжил рокот за изведба на работите.Кога фирмата не го испочитувала дадениот рок од 120 календарски дена за изведба, кој бил најважен услов за добивање на зделката, осомничениот директор не презел службени дејствија во насока на раскинување на Договорот за јавна набавка, активирање на доставените банкарски гаранции и наплата на договорна казна преку пенали за доцнењето при изведбата.Со неизвршување на нивната службена должност, осомничените придонеле правното лице да ја добие јавната набавка врз основа на нереално низок понуден рок за изведба кој фирмата не успеала да го реализира, а со значително повисока цена од нејзиниот конкурент, па на тој начин тие за правното лице прибавиле противправна имотна корист.Имајќи ги предвид известувањата од финансиските институции за моменталната финансиската состојба според кои правното лице застапувано од неговиот управител е краен корисник на противправната имотна корист прибавена со стореното кривично дело, надлежниот јавен обвинител до Основниот кривичен суд Скопје достави барање за привремено одземање на имот и предмети заради нивно обезбедување со цел идна конфискација.Со мерката, Основното јавно обвинителство Скопје предлага замрзнување – хипотека на недвижен имот во Карпош и Кисела Вода, забрана за располагање со средства од четири трансакциски сметки (три на физичко и една на правно лице), како и забрана за располагање со список подвижен имот во сопственост на правното лице (две патнички, осум товарни возила, кипери и градежна опрема).Освен ова, по предлог на јавниот обвинител, Судот му го одзеде пасошот на осомничениот кој во моментот на сторување на делото ја извршувал функцијата директор на Дирекцијата за технолошки индустриски развојни зони Скопје.

Македонија | пред 1 година