ПУЛС

Преживеан од пеколот во „Пулс“ со преврзана глава се соочи со Деко во судницата

На денешното, трето рочиште за случајот „Пулс“ во Идризово, како оштетен се појави едно од лицата повредени во пожарот, со завои на главата.Пред новинарите рече дека се приклучува кон кривичниот прогон против обвинетите и дека надоместот за нанесената штета ќе го бара во граѓанска постапка.Ова е прво рочиште на кое оштетените директно се соочија со првообвинетиот Дејан Јованов – Деко, сопственикот на дискотеката.Според податоците што ги достави обвинителството, вкупно 222 лица биле повредени во пожарот: 157 со тешки телесни повреди и 65 со телесни повреди.Обвинителството најави дека во доказната постапка ќе бидат внесени и дополнителни медицински документи, дел од нив пристигнати подоцна, а дел преведувани во изминатиот период.

Македонија | пред 3 месеци

Во ќелија кај обвинет за „Пулс“ кој е во притвор најдени се 13 телефони и лаптоп, се правдаше: Jас ги најдов таму уште кога влегов

Во судницата во Идризово, се одржува ново рочиште за случајот „Пулс“, на кое обвинетите треба да се изјаснат за вина. Главна расправа веднаш беше ставена во втор план, откако судијката Дијана Груевска Илиевска го соочи обвинетиот Џеваир Камбери со сериозна злоупотреба направена додека е во притвор.Според информациите изнесени во судот, при претрес на неговата ќелија во истражниот затвор „Скопје“ биле пронајдени 13 мобилни телефони и еден лаптоп, која не смеел да ја има.На прашањето на судијката како е можно ваква опрема да се најде кај него, Камбери се обиде да се оправда со реченица што ја шокираше судницата:„Јас ги најдов таму уште кога влегов.“Груевска Илиевска реагираше:„13 мобилни телефони сте ги нашле вие? Ве молам… знаете што следува понатаму – самица и други мерки.“Камбери е обвинет како службено лице – советник во Министерството за економија. Според обвинението, тој е дел од синџирот што овозможил „Пулс“ да работи со фалсификувани лиценци. Се товари дека примал поткуп и изготвувал лажни службени исправи, при што, според ОЈО, зел 226.000 денари за да издаде фалсификувана лиценца за кабаре – без да биде запазена законската постапка.

Македонија | пред 3 месеци

Судење за „Пулс“: Обвинетите денеска се изјаснуваат за вина

Во големата судница во Идризово, денеска продолжува судењето за смртоносниот пожар во дискотеката „Пулс“ во Кочани, со клучната фаза – обвинетите да се изјаснат дали се чувствуваат виновни или не по наводите од обвинителниот акт.За трагедијата што на 16 март однесе 63 животи, а повреди повеќе од 210 лица, се гонат 35 обвинети и три фирми за тешки дела против општата сигурност, при што кривичното дејствие опфаќа период од 2012 година до денот на пожарот. На обвинителната клупа се сопственици и управители на дискотеката, лица од обезбедувањето, градежни и пазарни инспектори, поранешни градоначалници на Кочани, директори на ДЗС, поранешни министри и службеници, обвинети дека со години пропуштале да ги применат пропишаните безбедносни стандарди.По денешното изјаснување, според Законот за кривична постапка, следува фазата на воведни говори на бранителите и обвинетите. Прва се очекува да се обрати адвокатката Ивана Коцевска, бранителка на првообвинетиот сопственик на „Пулс“, Дејан Јовановски Деко, како и на неговиот син Михаил Јовановски, трет обвинет и поранешен менаџер на дискотеката.Во процесот учествуваат повеќе од 40 адвокати, па судијката Диана Груевска Илиевска има можност да го ограничи времето за нивните излагања. Очекувањата се воведните говори да продолжат и на следното рочиште на 4 декември.

Македонија | пред 3 месеци

(Видео) Ново разочарување кај родителите од Кочани, по одложувањето на второто рочиште: Нѐ третираат како во административен записник!

Александар Наунов, татко на трагично загинатата Надица во пожарот во дискотеката „Пулс“, ја сподели својата болка на денешниот Марш на ангелите.„Првото рочиште го дочекавме со надеж. Второто го дочекавме со треперење, а го испративме со тешко разочарување“, изјави Наунов пред медиумите. Тој посочи дека одложувањето не ја зема предвид болката на родителите кои ја изгубиле својата деца и дека секојдневно живеат со неизмерна загуба.Наунов ги нагласи и неправдите што ги почувствувале во судот, каде родителите биле ставени лице в лице со обвинетите без никаква организација или заштита.„Како да сме еднакви страни во нечиј административен записник, а не родители што ги изгубија своите деца“, рече тој.Таткото на Надица повика на професионалност, сериозност и човечност во судската постапка и истакна дека очекуваат да се утврди одговорност за сите пропусти, вклучително и кај полициските службеници.„Нашите деца нема да се вратат, но за нив, за нивното име и спомен, ние нема да престанеме да бараме вистина и правда“, додаде Наунов.На крајот од својата изјава, тој побара итна правда за сите 63 деца загинати во пожарот и изрази благодарност до граѓаните кои ги поддржуваат: „Заедно ќе ја добиеме правдата!“

Македонија | пред 4 месеци

Кочани и утре ќе чекори за правда: Маршот на ангелите продолжува, повик испратен од родителите

Родителите ги повикаа граѓаните да им се придружат на 29 ноември во Кочани, на 29. издание на „Маршот на ангелите“ во 14:05 часот од Паркот на револуцијата. Настанот е најавен како мирен собир „со љубов, со болка и со достоинство“ во чест на загинатите во трагедијата во „Пулс“, со порака дека зад секоја судска постапка стојат човечки животи и семејства кои сè уште чекаат вистинска правда. Тие нагласуваат дека Маршот не е протест, туку глас против неправдата и потсетник дека општеството мора да покаже совест.Во меѓувреме, во Кривичниот суд во Идризово повторно беше одложено рочиштето за случајот „Пулс“. Дел од адвокатите на одбраната известија дека не го добиле интегрираното обвинение и не можат да се изјаснат за вината, ниту да ги изнесат воведните зборови. Неколку бранители предупредија дека обвинителниот акт содржи измени кои, според нив, директно влијаат врз правата на одбраната.Оштетените лица едногласно се приклучија на кривичниот прогон и повторно побараа проширена истрага, со потенцијална одговорност и за институциите.На рочиштето беа презентирани и нови информации за здравствените последици кај преживеаните. Иако првично не покажуваа видливи повреди, последните месеци неколкумина развиле потешкотии со дишење, хроничен замор и други сериозни симптоми кои лекарите ги поврзуваат со долготрајното изложување на чад и токсични материи за време на пожарот.Трагедијата во „Пулс“, која однесе 63 животи и остави над 200 повредени, продолжува да ја оптоварува заедницата. Семејствата бараат јасна одговорност, долгорочна поддршка и реформи во безбедносните стандарди. Маршот на 29 ноември е нивниот начин да потсетат дека борбата за правда не престанува и дека довербата во институциите мора да се заслужи.

Македонија | пред 4 месеци

(Видео) По претставка на родителите на загинатите во дискотеката „Пулс”, Апасиев закажа Анкетна комисија на 9 декември

Пратеникот на Левица и претседател на Постојаната анкетна комисија за заштита на човековите слободи и права, Димитар Апасиев, на прес-конференција соопшти дека закажува редовна седница по поднесената претставка од Здружението „16 Март“ – здружението на родителите на загинатите деца од Кочани. Седницата ќе се одржи на 9 декември 2025 година, со цел да не се преклопи со судските рочишта и поради симболичната поврзаност со 10 декември – Светскиот ден на човековите слободи и права.На седницата се поканети сите членови и заменици на Комисијата, претседателот и потпретседателите на Собранието, координаторите на пратеничките групи, премиерот, министерот за внатрешни работи, претседателот на државата, како и подносителите на претставката, кои ќе имаат право на обраќање.Апасиев нагласи дека ова не е ниту надзорна, ниту јавна расправа, туку редовна седница што Комисијата ја одржува кога постапува по претставки на граѓани, пракса која и претходно постоела во парламентот. Тој потсети дека постоеле три неуспешни обиди оваа точка да се стави на дневен ред, поради што е поведена и управна постапка против претседателот на Собранието.Во однос на паралелните иницијативи за анкетни комисии од власта и опозицијата, Апасиев смета дека тие се ад хок тела со ограничен рок и квази-истражни функции, додека постојаната Комисија има континуитет и редовни обврски.

Македонија | пред 4 месеци

Трагедијата во „Пулс“ остави подолготрајни траги: преживеани развивале здравствени проблеми месеци по трагедијата

Неколку месеци по трагедијата во дискотеката „Пулс“, дел од присутните на концертот на групата ДНК кои во првите денови не почувствувале никакви повреди почнале да пријавуваат сериозни здравствени последици, меѓу кои и потешкотии со дишењето. Ова денеска го соопшти кочанскиот обвинител Борче Јанев на рочиштето за катастрофалниот пожар во кој животот го загубија 63 лица, а над 200 беа повредени.„Има случаи каде лица веднаш по пожарот немале никакви симптоми, но по неколку месеци развиле проблеми со дишењето и други здравствени тегоби“, изјави Јанев, оценувајќи дека ова дополнително го потврдува размерот на трагедијата и последиците од вдишаниот чад и токсичните материјали што го исполнувале клубот во критичната ноќ.Во обвинителниот акт детално се наброени тешките повреди кај преживеаните и причините што довеле до смртта на 63-те млади луѓе. Дел од повредените се деца кои биле во објектот во моментот кога избувнал огнот.За трагедијата обвинети се 35 лица, кои се товарат за тешки дела против општата сигурност, денеска повторно не се произнесоа дали се чувствуваат виновни. На следното рочиште ќе треба да кажат дали чувствуваат вина.Судијката најави дека изјаснувањето за вина ќе се одржи на 2 декември, кога е закажано следното рочиште.

Македонија | пред 4 месеци

(Видео) Тензии пред судот: семејствата на жртвите од „Пулс“ во вербален судир со дел од адвокатите

Тензична атмосфера по денешното рочиште за трагедијата во дискотеката „Пулс“ во Кочани. Родители на дел од загинатите млади вербално реагираа кон неколку адвокати од Кочани кои застапуваат дел од обвинетите во постапката.„За колку пари се продадовте?“, „Повторно ги убивате нашите деца“, „Осум месеци нè убивате“ – извикуваа семејствата додека судската постапка завршуваше и сите се упатуваа кон паркингот пред судот.Револтот кулминираше поради чувството дека процесот се одолговлекува, а обвинетите и понатаму не се произнесени за вина. Родителите, кои со месеци ја следат секоја одлука на судот и обвинителите, сметаат дека секое одлагање е нов удар врз нивната болка.Полицијата ја следеше ситуацијата и интервенираше со присуство, но немаше физички инциденти—сè заврши со вербални расправии.Еден од адвокатите накратко им возврати дека „законот е таков и обвинетите мора да имаат бранител“, по што двете страни се разотидоа.Семејствата на жртвите остануваат истрајни во барањето правдата конечно да стигне до сите одговорни за трагедијата во која згаснаа 63 животи.

Настани | пред 4 месеци

Обвинетите не се изјаснија за вина, рочиштето за трагедијата во „Пулс“ беше одложено

Второто рочиште од судскиот процес за катастрофалниот пожар во кочанската дискотека „Пулс“, во кој животот го загубија 63 млади лица, не донесе напредок во постапката. Наместо обвинетите да се произнесат дали се чувствуваат виновни, постапката беше стопирана поради сериозни забелешки од одбраната.Адвокатите на обвинетите остро реагираа дека Обвинителството извршило спојување на првичното обвинение со она поднесено против сопственикот на фирмата задолжена за обезбедување на дискотеката, а новиот „интегриран“ документ никогаш не бил доставен до лицата што се товарат за трагедијата. Според нив, со спојувањето се изменила содржината, доказите биле измешани и обвинетите не знаат што точно се става на нивен товар.„Ние во судница ја примивме таа интегрирана верзија, но никој од обвинетите ја нема. Тие не можат да се изјаснат за вина за документ што не го виделе. Дел од луѓето се во притвор, дел во куќен притвор — треба да знаат за што се обвинети“, рече адвокатот Звонко Давидовиќ.Сличен став изнесе и адвокатот Петре Шилегов, оценувајќи дека ваквиот пропуст на Обвинителството е неприфатлив не само за судот и одбраната, туку и за семејствата на загинатите. „Ако продолжи ваков пристап, правдата ќе остане недостижна. Целта е виновните да одговараат, а невините да бидат ослободени, но со хаос во обвинението тоа е невозможно“, порача Шилегов.Иако обвинителите тврдеа дека суштински промени во обвинението нема и дека рочиштето може да продолжи, судијката Дијана Груевска Илиевска ги прифати барањата на одбраната. Таа одлучи изјаснувањето за вина да се одложи, а денешното рочиште да се искористи за разгледување на побарувањата за отштета на семејствата на жртвите.Родителите повторно беа присутни во судницата и изразија задоволство од начинот на кој судијката го води процесот. „Повеќе од осум месеци живееме во агонија. На првото рочиште почувствував искра надеж. Сакаме само правда за нашите деца“, истакна Јулија Златкова, мајка на загинатиот Томас.

Македонија | пред 4 месеци

На преживеани неколку месеци по пожарот во „Пулс“ им се појавиле здравствени проблеми

Нови моменти во судењето за пожарот во ,, Пулс”. Кочанскиот обвинител Борче Јанев на денешното судење изнесе нови информации поврзани со преживеани, кои се загрижувачки.„Има случаи каде лица првично по пожарот немале никакви повреди, меѓутоа неколку месеци потоа појавуваат проблеми со дишење и други здравствени проблеми“, рече Јанев.Денеска судењето продолжи со поднесување оштетни побарувања, но планираното изјаснување за вина на обвинетите и воведните зборови на одбраната беа одложени поради негодување на бранителите дека изменетиот текст на обвинението сè уште не им е доставен.Дел од бранителите побараа обвинението да биде преведено и на албански јазик.

Македонија | пред 4 месеци

Хаос на судењето за „Пулс“: Обвинетите не го добиле изменетото обвинение

Второто точиште за судењето за трагичниот пожар во дискотеката „Пулс“ во Кочани, каде загинаа 63 лица, денеска запична тензично. Судијката го прекина и даде пауза од половина час, бидејќи одбраната на дел од обвинетите реагираше дека не го добила интегрираниот текст на обвинението.Бранителот истакнаа дека не е можно обвинетите да се произнесат за вина и да дадат воведни зборови за текст што воопшто не им е доставен.Дел, како што бараа, вооопшто го немаат добиено интегрираниот текст на обвинението, а треба да дадат воведни зборови.Одбраната, реагира дека доказната документација е целосно несредена и хаотична.Судијката Диана Груевска Илиевска одговори дека Судот побарал електронски адреси за достава на минатото рочиште, но вети дека ќе се потрудат обвинението да им биде доставено на сите.Денеска требаше одбраната да ги даде воведните зборови и обвинетите да се произнесат дали се виновни.

Македонија | пред 4 месеци

Одбраната во судницата во Идризово со жестоки критики: „Несредените докази го загрозуваат фер-судењето за ‘Пулс’“

На денешното второ рочиште за трагедијата во дискотеката „Пулс“ во Кочани, одбраната остро реагираше на начинот на кој Обвинителството ги доставило доказите, оценувајќи дека материјалите се во хаотична состојба и дека таквата презентација ја нарушува можноста за квалитетна одбрана.Адвокатката Сузана Јошевска посочи дека дел од електронските фајлови биле доставени во нефункционална форма – документи кои не можеле да се отвораат или користат без дополнителни интервенции. Според неа, Обвинителството не водело ниту елементарна грижа за систематизација: доказите не биле нумерирани, немале јасни ознаки, а содржината на фолдерите често не одговарала на нивното име.Одбраната на обвинетиот Михаил Јованов дополнително ја прошири дискусијата, поднесувајќи предлог за сослушување уште девет сведоци. Адвокатката реагираше дека бројот на предложени сведоци драстично е скратен во пречистеното обвинение – од првичните 283 сведоци останале само 25. Таа оцени дека ваквото редуцирање го лимитира увидот во целокупниот настан и отвора сомнеж дали обвинението се темели на целосен доказен материјал или на селективно избрани искази.Судијата ги нотираше сите приговори, а во понатамошниот тек на рочиштето се очекува обвинетите формално да се изјаснат за вината. Одбраната најавува дека ќе продолжи да бара средување на документацијата и проширување на доказниот процес, нагласувајќи дека само целосно расчистени материјали и комплетна листа сведоци може да гарантираат правично судење во еден од најтешките и најемотивни предмети во поновата македонска судска практика.

Македонија | пред 4 месеци

Продолжува мегапроцесот за трагедијата во „Пулс“: Одбраната денеска ги дава воведните зборови

Судницата во Идризово денеска треба да се одржи второто рочиште од големиот судски процес за катастрофалниот пожар во дискотеката „Пулс“ во Кочани, во кој на 16 март 2025 година животите ги загубија 63 лица, а повеќе од 200 беа повредени. По воведниот говор на обвинителството на првото рочиште, денеска се очекува обвинетите да се произнесат за вината, по што одбраната ќе ги даде своите воведни обраќања.Рочиштето повторно ќе се одвива под силни безбедносни мерки, со присуство на роднините на загинатите, новинари и голем број правни застапници. Постапката ја води судијката Диана Груевска Илиевска, која уште на почетокот најави дека ќе има нулта толеранција за недисциплина и нема да дозволи непотребни одолговлекувања.Обвинителот Борче Јанев во своето излагање минатата недела порача дека трагедијата не може да се сведе само на моментот на активирањето на пиротехниката, туку дека станува збор за „години институционален молк, игнорирање на ризици и системски пропусти“ кои го претвориле клубот во, како што рече, „смртоносна стапица“. Според обвинението, објектот функционирал повеќе од една деценија без минимални услови за работа: без противпожарен систем, со затворени прозорци, користени лесно запаливи материјали и само еден излез за евакуација.Јанев истакна дека доказите ќе покажат оти опасностите биле видливи со години, но службените лица – сопственици, управители, инспектори, поранешни градоначалници, обезбедување и други функционери – „ги наследувале и продолжувале утврдените обрасци на непостапување“. Според обвинителството, токму таквата рутина на игнорирање предупредувања довела до непрекинат причинско-последичен тек што резултирал со трагедијата.Осум месеци по пожарот, на обвинителната клупа седнаа 37 обвинети – 34 физички и три правни лица. Меѓу обвинетите се: Дејан Јованов, Митко Стојанов, Михаил Јованов, Гроздан Милковски, Милка Едровска, Тодор Јованов, Огњан Георгиев, Љупчо Стаменков, Николчо Гоцев, Ратко Димитровски, Николчо Илијев, Љупчо Папазов, Јане Јанчески, Лазар Захариев, Ивица Грозданов, Мартин Горгиев, Стојанчо Димитријев, Шабан Салиу, Аднан Џафероски, Беким Максути, Џеват Селами, Љупчо Грнчиштанов, Ваљон Сараќини, Крешник Бектеши, Џеваир Камбери, Шовкет Хазари, Зоран Николовски, Беким Хаџиу, Арлинда Касапи, Миле Ампов, Блашка Ефтимова, Весна Кузмановска, Емил Митев, Размена Чекиќ-Дуровиќ, како и правните лица „ММММ Кафе“ ДООЕЛ Кочани, „Рубикон Секјурити Солушнс“ и „Венци Проект“ ДООЕЛ Кочани.

Македонија | пред 4 месеци

37 обвинети, десетици пропусти и едно прашање: кој требало да спречи 63 млади животи да згаснат?

Во судницата во Идризово денеска продолжува судењето за пожарот во дискотеката „Пулс“ во Кочани, во кој загинаа 63 лица, меѓу кои и деца, а повеќе од 200 беа повредени. Процесот продолжува со произнесување вина и воведни зборови на одбраната, откако на претходното рочиште обвинителството побара одговорност по име и презиме за сите кои дозволиле, премолчеле или не ја спречиле трагедијата.Обвинителот Борче Јанев во воведниот говор нагласи дека општеството мора да се соочи со болната вистина, бидејќи „не е важно само кој го запалил огнот – важно е кој имал кофа вода и не ја истурил“. Тој истакна дека катастрофата не е последица само на пиротехниката, туку на години институционален молк, пропусти, игнорирани опасности и изостанати контроли што го претвориле клубот во „смртоносна стапица“.Јанев рече дека доказите ќе покажат оти клубот „Пулс“ бил небезбеден уште од неговото отворање. „Никулците на оваа невидена катастрофа се појавиле одамна, а сите предуслови биле поставени години наназад“, истакна тој. Според обвинителството, ниту еден од обвинетите не реагирал на опасностите, бидејќи и нивните претходници не преземале ништо.„Од изведените докази нема да видите ниту една активност што би го променила текот на настаните. Никој не излегол од долгогодишната рутина на непостапување“, додаде Јанев. Тој нагласи дека сите обвинети, како службени лица, го прифатиле молкот како службен протокол и со тоа создале „преплет од кривичноправни дејствија“ кои довеле до трагичниот исход на 16 март 2025 година.Според обвинителството, трагедијата била резултат на систематска негрижа и игнорирање на безбедносните закани: дискотеката работела без противпожарен систем, со затворени прозорци, лесно запаливи и токсични материјали, само еден излез за евакуација и без дозвола за пиротехника. Во критичната вечер бил дозволен влез на над 600 гости, меѓу кои и малолетници по полноќ, без контроли за опасни средства. При согорување, вградените материјали – особено сунѓерот на плафонот – ослободиле смртоносни гасови што довеле до масовна загуба на животи.Судењето се одвиваше под засилени безбедносни мерки, во присуство на обвинетите, роднини на загинатите, претставници на обвинителството и одбраната, како и домашни и странски новинари.Осум месеци по трагедијата, на обвинителна клупа седнаа 37 обвинети – 34 физички и три правни лица. Меѓу нив има сопственици на локали, управители, инспектори, поранешни градоначалници, членови на обезбедување и државни службеници.Обвинетите се: Дејан Јованов, Митко Стојанов, Михаил Јованов, Гроздан Милковски, Милка Едровска, Тодор Јованов, Огњан Георгиев, Љупчо Стаменков, Николчо Гоцев, Ратко Димитровски, Николчо Илијев, Љупчо Папазов, Јане Јанчески, Лазар Захариев, Ивица Грозданов, Мартин Горгиев, Стојанчо Димитријев, Шабан Салиу, Аднан Џафероски, Беким Максути, Џеват Селами, Љупчо Грнчиштанов, Ваљон Сараќини, Крешник Бектеши, Џеваир Камбери, Шовкет Хазари, Зоран Николовски, Беким Хаџиу, Арлинда Касапи, Миле Ампов, Блашка Ефтимова, Весна Кузмановска, Емил Митев, Размена Чекиќ-Дуровиќ, како и правните лица: „ММММ КАФЕ“ ДООЕЛ Кочани, „Рубикон Секјурити Солушнс“ и „Венци Проект“ ДООЕЛ Кочани.Паралелно со главниот процес, се води и постапка против полициски службеници за кои се сомничи дека повеќе од една деценија давале лажни уверувања и дозволувале дискотеката да работи без исполнети безбедносни стандарди. Некои од нив се во притвор, а други под мерки на претпазливост.Истовремено, Обвинителството отвори и постапка против група вработени во УЈП осомничени за мито и злоупотреби поврзани со истиот случај.Судењето го води судијката Диана Груевска Илиевска, а предметот го застапува тим од 15 јавни обвинители. Таа порача дека ќе бара дисциплина од сите учесници во процесот и дека секое неоправдано одлагање ќе биде санкционирано.Трагедијата од 16 март 2025 година останува најголемата цивилна несреќа во поновата македонска историја – оголен пресек на системски пропусти што годинава конечно се разгледуваат пред суд.

Македонија | пред 4 месеци

Двајцата инспектори од УЈП остануваат во куќен притвор – судот во Кочани го одби барањето за построги мерки

Кривичниот совет на Основниот суд во Кочани одлучи дека двајцата даночни инспектори осомничени во случајот со дискотеката „Пулс“ ќе останат во куќен притвор. Со ова, Судот ги одби жалбите поднесени од Основното јавно обвинителство Кочани, кое бараше нивно испраќање во истражен затвор.Обвинителството тврдеше дека постои опасност осомничените да влијаат врз сведоци или да го повторат делото и затоа побара построги мерки. Но, Кривичниот совет процени дека домашниот притвор е доволна гаранција дека тие ќе бидат достапни за понатамошната постапка.Во соопштението на Судот стои дека жалбите се целосно одбиени и дека решенијата на судијата на претходна постапка остануваат во сила.Инспекторите на УЈП се сомничат дека ја злоупотребиле службената положба, земале поткуп и однапред ги предупредувале сопствениците на дискотеката за претстојни контроли, со што им овозможувале да избегнат законски обврски.Со оваа судска одлука се завршува спорот околу мерките за обезбедување присуство. Истрагата продолжува додека осомничените се наоѓаат во домашен притвор под надзор.

Магазин | пред 4 месеци

Адвокатка предупредува по првото судење за Пулс: „Фрази како ‘ќе стигнеме до вистината’ ја изместуваат улогата на судот

Адвокатката Сузана Јошевска-Анастасовска реагираше на воведната изјава на судијата на почетокот од судењето за случајот „Кочани“, во која тој рече дека „ќе се стигне до вистината“. Според неа, ваквата формулација може да создаде погрешна претстава во јавноста за улогата на судот и на одбраната во современата кривична постапка.Јошевска-Анастасовска потсетува дека со реформите од 2010 година, кривичната постапка во Македонија премина од модел на „утврдување материјална вистина“ кон модел што го става акцентот на фер-постапувањето, еднаквоста на странките и докажувањето на обвинението „надвор од разумно сомневање“.Според неа, изјави кои алудираат на „една апсолутна вистина“ може да ја збунат јавноста и да создадат впечаток дека одбраната е спротивставена на вистината или дека има негативна улога во процесот.„Судот не е орган што треба самостојно да ја бара апсолутната вистина, туку неутрален арбитер што ги оценува доказите на обвинителството и одбраната. Ако ова јасно се објасни, јавноста подобро ќе разбере зошто обвинетите имаат право на бранител и право да изнесат аргументи различни од оние на обвинителството“, вели таа.Адвокатката нагласува дека судот треба внимателно да ја формулира својата комуникација за да не создаде впечаток дека одбраната е „непријател на вистината“, туку да објасни дека сите страни во судницата се таму за да се утврди дали обвинението е правно одржливо.„Тонот не смее да имплицира дека одбраната е нужно зло кое мора да се толерира. Целта на постапката е фер и транспарентен процес, а не моралистичка потрага по апсолутна вистина", додава Јошевска-Анастасовска.

Коментари | пред 4 месеци

Калајџиев: Штетата од политички монтираното обвинение за Кочани ќе ја платиме сите

Правниот експерт и универзитетски професор Гордан Калајџиев остро реагираше по повод обвинението за случајот со пожарот во дискотеката „Пулс“ во Кочани, оценувајќи дека процесот носи сериозни импликации.„Штетата од политички монтираното обвинение за Кочани ќе ја платиме сите!“, напиша професорот,На оваа тема, Калајџиев реагираше и пред два месеци:„Не е страшно што обвинителите згрешиле со „теоријата“ за верижна одговорност за пожарот во Кочани. Страшно е што не се работи за грешка туку за нарачка од политиката. Страшно е што сите правни авторитети се сложија дека тоа баш нема да може, а сепак си го тераат! Згора и се унапредуваат во кариерата. Уште пострашно е што судот нема храброст да не го прифати ваквото широко обвинение“, напиша професорот на социјалните мрежи.

Коментари | пред 4 месеци

За двајца куќен притвор, за седуммина мерки на претпазливост поради поврзаност со работата на клубот „Пулс”

Судија на претходна постапка од Основниот суд во Кочани, одреди куќен притвор за две лица, кои се даночни контролори од Службата за даночна контрола при Регионалниот даночен инспекторат во Регионална дирекција Штип, додека за шест лица кои беа опфатени во истрагата мерки на претпазливост и за едно лице дополнителна мерка на претпазливост, потврди претседателот на Основниот суд-Кочани, Спиро Борисов. Одлуката е донесена откако Основното јавно обвинителство Кочани поведе постапка против вкупно 11 лица за коруптивни кривични дела поврзани со работата на клубот “Пулс”.Вчера ОЈО Кочани, соопшти дека двајцата даночни контролори кои се во куќен притвор ја искористиле својата службена положба и овластување и пристапот до податоци и информации за ненајавени контроли во правни субјекти – даночни обврзници и со цел да прибават противправна имотна корист и подароци му ги откривале информациите и го предупредувале за контролите одговорното лице во клубот.,,Тие се осомничени за „Примање поткуп“ од член 357 од Кривичниот законик, додека одговорното лице, син на реалниот сопственик на “Пулс” е осомничен за „Давање поткуп“ од член 358 од Кривичниот законик. За првите двајца Обвинителството до надлежниот суд достави предлог за определување мерка притвор, додека за третиот во сила се мерки на претпазливост во првиот предмет поврзан со пожарот во “Пулс”, па се бара проширување на тие мерки со забрана за воспоставување и одржување контакти и со новоосомничените”, стои во вчерашното соопштение од Јавното обвинителство.Во него се посочува и дека шестмина осомничени, даночни инспектори и управници од регионалните дирекции на УЈП во Штип и Струмица, им овозможувале на правните субјекти “ММММ кафе” и “Пулс” да ги избегнуваат даночните контроли и да работат без соодветна фискализација, со што се осомничени дека сториле дело„Злоупотреба на службената положба и овластување“ согласно член 353 од Кривичниот законик. За нив се предложени мерки на претпазливост.,,Сопственикот на “Пулс”, кој веќе е во притвор, во другиот предмет е осомничен за „Фалсификување исправа“ според член 378 од Кривичниот законик, бидејќи подолг временски период свесно и со умисла за време на контроли од Управата за јавни приходи приложувал преправени фискални апарати со контролни фискални извештаи со невистинити податоци, кои истиот ги употребувал како вистински, а се со цел и намера избегнување на парични глоби и затворање на објектот”, велат од Обвинителството.Според вчерашното соопштение на ОЈО-Кочани осомничена е и инспекторка од Државниот пазарен инспекторат која, исто така, е опфатена со претходната постапка, во која и се определени мерки на претпазливост и за која сега се обезбедени дополнителни докази и за кривично дело „Оддавање службена тајна“ од член 360 од Кривичниот законик поради откривање информации за ненајавени контроли.

Македонија | пред 4 месеци

За да “Пулс” не биле пломбиран, газдата Деко лажирал податоци пред УЈП: по пораките од неговиот телефон осомничени се 11 лица од УЈП и Пазарна инспекција

Основното јавно обвинителство Кочани поведе постапка против вкупно 11 лица за коруптивни кривични дела поврзани со работењето на дискотеката „Пулс“, во која во март годинава животот го загубија 63 млади лица.Според обвинителството, за тројца од осомничените е донесена наредба за спроведување истрага. Станува збор за двајца даночни контролори од Службата за даночна контрола при Регионалниот даночен инспекторат во Штип, кои го предупредувале одговорното лице во клубот „Пулс“ за ненајавени контроли, а за возврат добивале подароци и парични надоместоци.Двајцата контролори се осомничени за „примање поткуп“ според член 357 од Кривичниот законик, додека синот на сопственикот на клубот, кој веќе е обвинет во главниот процес за пожарот, е осомничен за „давање поткуп“ според член 358.За двајцата контролори обвинителството побара притвор, а за третиот – проширување на мерките на претпазливост и забрана за контакти со новоосомничените.Покрај нив, уште шест лица – даночни инспектори и управници од регионалните дирекции на УЈП во Штип и Струмица се осомничени дека му овозможувале на клубот „Пулс“ и на поврзаното правно лице „ММММ кафе“ да избегнуваат инспекциски контроли и да работат без соодветна фискализација.Со тоа, тие се товарат за „злоупотреба на службена положба и овластување“ согласно член 353 од Кривичниот законик. За нив обвинителството предложи мерки на претпазливост, меѓу кои и забрана за напуштање на местото на живеење.Меѓу осомничените е и сопственикот на „Пулс“, кој веќе се наоѓа во притвор. Тој е осомничен за „фалсификување исправа“, бидејќи подолг временски период прикажувал преправени фискални апарати со лажни податоци при контроли од Управата за јавни приходи, со цел да избегне парични глоби и затворање на објектот.Исто така, обвинителството ја товари и една инспекторка од Државниот пазарен инспекторат, која оддавала службени информации за ненајавени контроли. Таа е осомничена за „оддавање службена тајна“ според член 360 од Кривичниот законик.Државниот јавен обвинител Љупчо Коцевски изјави дека оваа постапка не е дел од предметот за трагедијата во „Пулс“, бидејќи овде не се работи за поврзаност со смртната последица, туку за дела поврзани со злоупотреба, давање и примање поткуп.Обвинителот Борче Јанев во воведниот говор на главната расправа потсети дека ако имало навремени контроли и санкции, трагедијата ќе можела да се спречи.„Дејан Јованов ги заобиколувал сите инспекции и контроли во трката за профит. Никој не му ги барал документите, а на крај го заглави и сопственото дете,“ рече Јанев.Судењето за пожарот во „Пулс“ продолжува следната недела, во вторник и среда, со излагања на обвинетите. Паралелно, Јавното обвинителство за организиран криминал работи на уште едно обвинение поврзано со случајот, кое се однесува на улогата на полициски службеници.

Македонија | пред 4 месеци

(Видео) Адвокатите нас повторно нѐ убија, со какви пари ќе се вратат дома?, праша мајката на загинатиот Андреј Лазаров

Васка Лазарова, мајката на трагично загинатиот млад фудбалер Андреј Лазаров, зборуваше за револтот кон адвокатите по првото судско рочиште за трагедијата во дискотеката „Пулс“. Таа раскажа и дека нејзиниот син не успеала да го види пред трагедијата, бидејќи бил фудбалер во странство, а денот кога се вратил во Македонија таа била на екскурзија во Турција.„Си дојде во девет и пол вечерта, излезе… Јас бев во Турција и не можев ни да го видам. Толку беше“, вели Лазарова, потсетувајќи дека последен пат го видела пред два месеци, бидејќи Андреј постојано тренирал и играл фудбал.Таа зборува за скромните семејства, за децата што ги изгубија – „преталентирани, преубави, скромни“. Болката е иста кај сите мајки, вели таа, независно од тоа каде биле, што работеле или каков живот воделе.Но најтешките зборови ги упати кон адвокатите на обвинетите.„Нека се чукнат во глава… дали имаат тие деца и дали некој ден може и нивните да ги снајде истата судбина“, кажува Лазарова со огорченост.Потоа додаде:„Со какви пари ќе се вратат дома? Со кои крвави пари?“ прашува таа, алудирајќи на одбраната што, според неа, со своите постапки ги повредила родителите исто колку и денот кога ги изгубиле своите деца.Раскажува дека тие, како скромни семејства со минимални плати, се бореле да ги школуваат своите деца, да им создадат иднина – а сега ја живеат најцрната можна реалност.„Сите талентирани, здрави деца… А со постапката на бранителите денес нас повторно нѐ убија“, додава таа, но сепак признава дека од државното обвинителство добиле барем малку храброст за да продолжат да се борат .

Настани | пред 4 месеци

(Видео) „Голем срам“ – потресна реакција по првото рочиште за трагедијата во „Пулс“

Мајката на трагично загинатиот Андреј Стојанов од кочанската дискотека „Пулс“, Светлана Стојанова, со потресна изјава по првото судско рочиште ја оголи незараснатата рана што ја носат семејствата на 63-те млади жртви.„Браво за обвинителите. Голем срам за адвокатите што ги бранат обвинетите. Како немаат чувства и осет на ваква голема трагедија, каде ни ги убија нашите деца“, вели Стојанова, прашувајќи се дали тие што ги застапуваат обвинетите воопшто можат да замислат да се најдат на местото на родителите чии животи засекогаш се уништени.Таа зборува за непроспиените ноќи, за празните домови и за страшната навика – да ги чекаат децата да се појават на вратата, иако знаат дека тоа никогаш повеќе нема да се случи.„Гледам дека има луѓе што немаат никакви чувства. Со тоа што ги бранат обвинетите, повторно ни ги убија нашите деца – а со тоа не убиваат и нас“, продолжува таа, опишувајќи ја двојната болка: еднаш за загубените деца, вторпат за секој обид трагедијата да се релативизира.Стојанова обвинува дека во „име на парата, корупцијата и богатствата“ згаснале 63 млади животи. Потсетува дека сите деца биле воспитани, културни, талентирани – младост што ја градела својата иднина, а не како што, вели, погрешно се коментирало во јавноста дека биле малолетни.„Нашите не беа малолетни. Беа полнолетни, сите талентирани. Отидоа на концерт да се забавуваат, а не отидоа да ги убијат“, завршува таа, со глас што трепери меѓу гнев, болка и безгранична љубов кон своето дете.

Македонија | пред 4 месеци

(Видео) За три минути изгорел цел плафон, пиротехниката ја договориле газдата Деко и Панчо, ја активирал битбоксерот Мартин, вели обвинителот Јанев

Со потресни и детални изјави, обвинителот Борче Јанев од Основното јавно обвинителство Кочани ја образложи обвинителната постапка за трагедијата во дискотеката „Пулс“, во која загинаа 63 млади лица, а над 200 беа повредени.Јанев порача дека не може да се прифати тезата оти одговорност треба да сноси само оној што бил на должност во моментот на несреќата, нагласувајќи дека пропустите биле системски и континуирани со години.„Безсмислени се тезите дека на одговорност треба да биде повикан само оној во чие време се случила последицата. Немаме морално и законско право. Тоа би значело дека треба да прифатиме дека обвинетите службени лица кои не биле на должност кога се случила последицата немаат вина, иако се работи за исти повторувачки пропусти. Не затаиле само обвинетите кои биле на должност. Не се работи за гледишта на обвинителството, туку за норма“, изјави Јанев.Обвинителот истакна дека од основањето на клубот до денот на пожарот никогаш не постоел противпожарен систем, ниту било каков вид заштита.„Од почетокот до пожарот не постоел противпожарен систем, немало противпожарни сектори, детектори, предупредувања. Со вакви аномалии нема одбрана од опасноста. Прозорците биле затворени и преградени со лим, вградени лесно запаливи материјали кои биле токсични во случај на согорување, а имало само еден излез за евакуација. Затоа тврдиме дека оваа дискотека работела спротивно на стандардите, законот, здравата логика и принципот на одговорност. Безбедноста таму не била компромитирана – таа никогаш не постоела“, истакна обвинителот.Во своето излагање, Јанев детално ја реконструираше кобната ноќ и ги посочи клучните фактори што довеле до катастрофата. Според него, употребата на пиротехника била однапред договорена, а вградените материјали – токсични и небезбедни – ја зголемиле смртоносноста на пожарот.„Дејан и Михајло го договориле настапот на групата ДНК и се договарале со Владимир Блажев. Пиротехниката не била случајност, туку дел од претходно договорениот сценски настап. Ваква сценографија групата користела и претходно. Веднаш по пристигнувањето, покојниот Мартин Атанасовски ги внел и активирал пиротехничките фонтани додека се изведувала песната ‘Што сака нека биде’. Плафонот веднаш се запалил, а објектот – со еден единствен излез – станал смртоносна стапица.“Јанев додаде дека вградените материјали од сопственикот Дејан Јованов се носечка причина за смртта на голем број од жртвите, бидејќи при согорување ослободувале високо токсични гасови што предизвикале задушување и губење на свест кај присутните.„Со ова обвинение тврдиме дека не само активните дејствија со употребата на пиротехниката, туку и континуираните деликти со несторување, се причината за оваа катастрофа“, заврши Јанев.Трагедијата во „Пулс“ се случи на 16 март 2025 година во Кочани, кога во текот на настапот на групата ДНК избувна пожар што за неколку минути го проголта целиот клуб. Судскиот процес продолжува на 25 ноември со воведни зборови на одбраната.

Македонија | пред 4 месеци

(Видео) Филипче: Судењето за Кочани е тест за целото општество, мора да се води кристално чисто

Претседателот на Социјалдемократскиот сојуз на Македонија, Венко Филипче, на денешната прес-конференција, нагласи дека судењето за трагедијата во Кочани е тест за целото општество и затоа мора да се води транспарентно.„Барам и очекувам процесот да се води отворено, транспарентно, пред очите на целата јавност“, рече Филипче.Тој додаде дека родителите на жртвите заслужуваат да ја знаат вистината и правда мора да има.„Ова им го додолжиме на родителите, ова им го додолжиме на сите граѓани, ова го должиме на целото општество. Ова е еден голем тест за зрелоста во нашето општество“, рече Филипче.На прес-конференцијата Филипче посочи дека СДСМ ќе ги искористи сите демократски механизми да се истражи секој детал од оваа трагедија, и тоа е причината поради која што пратеничката група на СДСМ побара Анкетна комисија во Собранието.

Македонија | пред 4 месеци

Родителите на загинатите во Пулс гневни и со болка: Со која совест адвкатите ќе земат крвави пари, се плашиме дека ќе бидеме изманипулирани

На првото судско рочиште за трагичниот пожар во дискотеката Пулс во Кочани, во кој животот го загубија 63 лица владее мачна атмосфера. Родителите и роднини на починатите млади луѓе, со болка и солзи го следат рочиштето.Во нивните души има и многу гнев кон сите, но особено кон газда Деко. Тие бараат правда за да се смират и нивните чеда во вечните почивалишта, а нивната болка велат, е ненадоместлива.За нив доколку се досудат 20 години затворска казна за дел од обвинетите правдата нема да биде задоволена, затоа што ги нема нивните 63 млади деца.Својот гнев и болка ја истурија и врз бранителите и ги прашаа со кое лице и совест ќе се ситат и ќе земаат крвави пари.Кога ги видоа адвокатите прокоментираа дека обвинетите избрале познати адвокати кои имаат свои математики за да ги уништат до крај оштетените.Се гледа стравот кај нив дека повторно ќе бидат изманипулирани, а целиот случај ќе се забошоти, како што се случи со други некои трагедии.Апелираат Министерството за здравство и сите надлежни да преземат мерки и да им помогнат на оние кои преживеаја а се повредени и се опоравуваат.Мајка чие дете го загуби во пожарот на медиумските екипи им понуди подготвено кафе во спомен на нивниот син кој многу сакал кафе.

Македонија | пред 4 месеци

Монструм и парољубец: родителите на загинатите во,, Пулс” со тешки обвинувања за газда Деко

Во судницата во Идризово каде денеска почна судењето за пожарот во дискотеката,,Пулс” на 16 март, кога загинаа 63 лица и повеќе од 200 беа повредени и чие лекување ќе биде макотрпно, присутни се повеќе од 50 родители на загинатите.Родители, роднини и блиски на загинатите од рано утрово дојдоа пред судницата во најголемиот затвор, нетрпеливо чекајќи да почне судењето и барајќи правда за смртта на нивните чеда.Прстот за вина го вперија кон сопственикот на дискотеката Дејан Јованов, познат како газда Деко и кон неговиот син.Родителите кои го чекаа носењето на Јованов од притвор од Куманово, револтирано и со огромна болка го нарекоа монструм и парољубец.

Македонија | пред 4 месеци