Најнови вести

Скопје | пред 7 години

7 год.

Нема фотографија

Анѓушев на средба со германскиот советник Валтер Дефа

Зaменикот на претседателот на Владата задолжен за економски прашања д-р Кочо Анѓушев, се сретна со амбасадорот на СР Германија, Н.Е. Томас Герберих и со д-р Валтер Дефа, специјалниот советник номиниран од Владата на СР Германија, кој како искусен професионалец се очекува да даде поддршка на Владата во спроведување на економските политики.Вицепремиерот Анѓушев ја искажа благодарноста кон Владата на СР Германија за поддршката кон евро-атлантските интеграции и економскиот развој на нашата земја, пришто го изрази задоволството што токму една од најсилните економии е посветена да ги поддржи економските реформи на Република Северна Македонија.Анѓушев и Дефа разговараа за стратешките приоритети на Владата за развојот на економијата на Република Северна Македонија и како да се обезбедат клучните предуслови за побрз и одржлив економски раст и развој. Клучните постулати во оваа насока се владеење на правото, реализацијата на инфраструктурните проекти за подобро поврзување со соседите, со тоа и зголемување на регионалната економска соработка, но и реформи во образовниот систем, со кои ќе се задоволат потребите на пазарот на трудот во земјата.На денешната нивна прва средба, Вицепремиерот истакна дека споделувањето на искуствата за европските фондови, ќе биде од особено значење и ќе придонесе за искористување на овие фондови за побрз економски развој и подобрување на животниот стандард и квалитетот на животот на граѓаните на Република Северна Македонија.Валтер Дефа е долгогодишен претставник на СР Германија во Европската Комисијата, каде извршувал повеќе должности. Помеѓу другото бил и директор на Генералниот директорат за регионална политика, а го предводел и Генералниот директорат за даноци и царини на Европската Комисија.

Македонија | пред 7 години

7 год.

Фронтменот на култните „Grandmaster Flash and the Furious Five“ во Скопје

Утревечер, со почеток во 21 часот, во ноќниот клуб Станица 26, за првпат во Скопје ќе настапи култната музичка фигура Grandmaster Flash, некогашниот фронтмен на историскиот хип хоп бенд „Grandmaster Flash and the Furious Five“.Двочасовниот диџеј настап во Скопје е дел од неговата голема турнеја „Hip-Hop: People, Places and Things“. Она што ќе го видиме е своевиден музички времеплов и едукативен час за се она што значи хип хоп од 70те години, па се до денес. Настапот е во организација на 3Гонга во соработка со SureShotz Entertainment. Како локална поддршка ќе настапат Shorty P & Irie Scratch.„Првин освојте го вашето непосредно опкружување, вашето маало, потоа освојте го својот град и дури потоа целиот свет. Ова е мојата мантра. Иако егзистирам на хип хоп сцената уште од 70те години и како артист и како диџеј, сепак, не сакам да ме класифицираат како old – skool DJ или како new – skool DJ. Би сакал да ме класифицираат како all – skool DJ кој свири се“, вели Grandmaster Flash (Joseph Saddler).Хип хоп легендата Joseph Saddler е некогашниот фронтмен на култните „Grandmaster Flash and the Furious Five“. Овој историски хип хоп бенд има издадено два култни албуми „The Message“ во 1982 година и „On the Strength“ во 1988 година. Синглот „The Message“ е се уште еден од најдобрите на сите времиња, како и фактот дека се првата hip-hop група која станала член на „Rock & Roll Hall of Fame“.Grandmaster Flash ги има креирано некои од техниките кои и денес се стандарден дел од диџеј науката (Backspin Technique, Punch Phrasing и Scratching). Во последнава декада тој издаде еден мемоар, започна свое радио шоу, ја доби “BET I am Hip-Hop Icon” наградата, се појави на видео игра, а неговиот лик е дел од Netflix серијалот “The Get Down”. Човекот кој го сметаат за главен „виновник“ што денес грамофонот е музички инструмент, во моментов работи на својот 12ти студиски албум.Grandmaster Flash од неодамна е добитник на Polar Music Prize наградата за 2019 година. Оваа музичка награда се смета за еквивалент на Нобеловата награда, и се доделува во Шведска. Во предходните години ја имаат добиено, Боб Дилан, Пол Макартни, Џони Мичел, Стинг, Пети Смит, Чак Бери, Кронос Квартет, Бјорк, Енио Мориконе, Пинк Флојд... На доделувањето беше најавен како еден од главните „виновници“ за креирањето на hip-hop звукот.

Магазин | пред 7 години