Најнови вести

2 мин.

Филипче: Прогресивните сили се последнатa линија на одбрана од авторитарните режими

На денешната дискусија во организација на Партијата на европски социјалисти (ПЕС) на панелот „Обликување на Европа заедно - Прогресивни гласови од Западен Балкан“, што се одржа во Барселона, претсеседателот на СДСМ, д-р Венко Филипче, порача дека прогресивните сили се последната линија на одбрана од авторитарните режими. Тој посочи дека кризата на демократијата започна со кризата на социјалдемократијата и на прогресивните сили.„Тоа е јасен показател дека социјалдемократијата, во својата суштина, е единствената вистинска спротивност на антидемократските и авторитарните идеологии и режими. Ова го нагласувам затоа што некои од нас сè уште мислат дека отпорот кон авторитаризмот кај нашите колеги од централно-десничарските партии е исто толку силен како и меѓу нас прогресивците", рече Филипче.Во обраќањето Филипче истакна дека одговорноста за справување со новиот бран авторитаризам лежи токму кај прогресивците.„Тешката задача за надминување на овој нов бран на авторитарни политички сили првенствено лежи врз прогресивците и социјалдемократите. Најважно за прогресивците е да поминат низ процес на темелна трансформација и на наративите и на политиките, како и на пристапот кон гласачите, за повторно да станат избирачки привлечни во новите политички околности", рече Филипче.Во таа насока, Филипче потенцираше дека социјалдемократите мора да понудат јасна визија и конкретни решенија што ќе одговорат на реалните предизвици со кои се соочуваат граѓаните, особено работниците.„Треба да ја смениме стратегијата. Наместо да им држиме предавања за демократијата, треба да им дадеме приоритет на социјалните и економските прашања, да ги поврземе со нивниот животен стандард и работните услови, а потоа да го воведеме аргументот за демократијата, градејќи наратив дека само во демократија работниците можат да изградат општество на благосостојба. Дополнително, треба јасно да се позиционираме против новиот бран на нерегулиран капитализам маскиран како патриотизам. Најновиот бран ги замени неолибералните политики со далеку поопасна форма на техно-феудализам“, рече Филипче.

Македонија | пред 2 минути

4 мин.

Филипче: Проширувањето на ЕУ мора да продолжи, билатерални прашања не смеат да бидат изговор

Претседателот на СДСМ, Венко Филипче, денеска учествуваше на дискусија на високо ниво во организација на PES (Партијата на европски социјалисти), на панелот „Обликување на Европа заедно: Прогресивни гласови од Западен Балкан“, кој се одржа во Барселона.Во своето обраќање, Филипче нагласи дека Европа се соочува со сериозен бран на авторитаризам, на кој прогресивните сили и социјалдемократијата се последна линија на одбрана.„Tокму социјалдемократијата е суштинската спротивност на авторитарните режими и прогесривните сили се последната линија на одбрана. Историјата нè учи дека помирувањето со авторитаризмот не го слабее, туку го зајакнува. Тоа им дава простор на екстремните сили да се претстават како умерени и прифатливи“, нагласи Филипче.Посебен акцент во своето излагање Филипче стави на процесот на проширување на Европската Унија, истакнувајќи дека тој мора да продолжи и дека билатералните прашање не смеат да бидат изговор.„Проширувањето на ЕУ мора да продолжи. Прогресивците не смеат да дозволат билатерални прашања, кои немаат врска со Копенхашките критериуми, да се користат како изговор за вета и блокади. Секое ново вето или блокада не само што го оштетува процесот на проширување, туку ја поткопува довербата на граѓаните во европските вредности“, истакна Филипче, додавајќи дека критериумите мора да се почитуваат, но не смеат да бидат злоупотребени.Во освртот на состојбите во Македонија, Филипче посочи дека државата се соочува со застој во европската интеграција поради политиките на актуелната власт.„Имаме десничарска влада која не го продолжува европскиот пат и користи изговори за да ги блокира неопходните уставни измени“, истакна Филипче.Тој предупреди и на засиленото влијание на авторитарни центри во регионот, посочувајќи на поврзаноста со политиките на Виктор Орбан и Александар Вучиќ, како и на ширењето на антиевропска реторика, дезинформации и координирани медиумски кампањи.Филипче потенцираше дека заедничката акција и соработката меѓу прогресивните сили се клучни за справување со предизвиците.„Само заедно сме посилни. Ваквите средби се важни за размена на искуства и градење заеднички одговор на предизвиците со кои се соочуваме“, заклучи претседателот на СДСМ, Венко Филипче во своето обраќање.

Македонија | пред 4 минути

8 мин.

Трамп го нападна НАТО: Бевте бескорисни кога беше најважно

Американскиот претседател Доналд Трамп упати остри критики кон НАТО во серија објави на социјалната мрежа Truth Social, отфрлајќи ја понудената помош од сојузниците за ситуацијата во Ормускиот теснец.Трамп наведе дека по смирувањето на кризата добил повик од НАТО со прашање дали на САД им е потребна помош, на што, според неговите зборови, одговорил да „се држат подалеку“, освен ако не сакаат само да ги наполнат своите бродови со нафта.„Беа бескорисни кога беше најважно, тигар од хартија“, напиша Трамп, алудирајќи на Алијансата.Неговите реакции доаѓаат откако британскиот премиер Кир Стармер и францускиот претседател Емануел Макрон најавија дека Велика Британија и Франција би можеле да предводат одбранбена мисија за заштита на пловидбата во регионот.Тензиите меѓу Трамп и европските сојузници дополнително се засилија по претходното одбивање на дел од европските членки на НАТО да се приклучат на американската воена акција за повторно отворање на теснецот, кој Иран претходно го затвори по почетокот на американските напади.

Свет | пред 8 минути

11 мин.

Трамп: Целиот свет ѝ се смееше на Америка, но веќе не

Американскиот претседател Доналд Трамп изјави дека САД во моментов се „најсилната“ и „најпосакуваната“ земја во светот, во објава на социјалната мрежа Truth Social.Трамп ја спореди сегашната состојба со периодот на администрацијата на Џо Бајден, тврдејќи дека тогаш Америка била „мртва“ и „исмејувана низ целиот свет“.„Но веќе не – никој не се смее“, напиша Трамп, потпишувајќи се како „Претседател DJT“.Претходно денеска, Трамп се огласи и за ситуацијата со Иран, откако Техеран соопшти дека Ормускиот теснец повторно е отворен за целосна пловидба. Тој порача дека теснецот е „целосно отворен и подготвен за работа“, но и дека американската поморска блокада поврзана со Иран ќе остане во сила.Според Трамп, блокадата ќе трае сѐ додека американската „трансакција“ со Иран не биде целосно завршена, додавајќи дека процесот треба да оди брзо бидејќи, како што тврди, поголемиот дел од клучните точки веќе се договорени.

Свет | пред 11 минута

58 мин.

Трамп: Ормускиот теснец е отворен, блокадата за Иран продолжува

Американскиот претседател Доналд Трамп објави дека Иран повторно го отворил Ормускиот теснец за целосна пловидба, но додаде дека американската поморска блокада поврзана со Иран ќе остане во сила сѐ додека преговорите меѓу двете земји не бидат целосно завршени.Во две објави на платформата Truth Social, Трамп наведе дека теснецот е „целосно отворен и подготвен за деловна активност и целосен премин“, заблагодарувајќи се за ваквиот развој.Истовремено, тој посочи дека блокадата ќе продолжи да важи само за Иран, сѐ додека американската „трансакција“ со Техеран не биде „100 проценти завршена“.Трамп не прецизираше што точно подразбира под „трансакција“, но од неговите изјави произлегува дека станува збор за поширок договор меѓу Вашингтон и Техеран.Според него, процесот би требало да заврши брзо, бидејќи „поголемиот дел од точките веќе се договорени“.

Свет | пред 58 минути

1 час

Иран повторно го отвори Ормускиот теснец за комерцијален сообраќај

Иранскиот министер за надворешни работи Абас Арагчи објави дека Ормускиот теснец е повторно отворен за целиот комерцијален поморски сообраќај.Според неговата објава на социјалната мрежа X, одлуката е донесена во согласност со тековниот прекин на огнот меѓу Израел и Либан и ќе важи до истекот на тој договор.Тој наведе дека сите трговски бродови ќе можат непречено да минуваат низ теснецот, по координирани рути утврдени од надлежната иранска поморска и пристанишна администрација. Арагчи истакна дека оваа мерка е дел од поширокиот договор поврзан со стабилизацијата на регионалните безбедносни услови.

Свет | пред 1 час

2 час.

Градежна офанзива во Бутел: Реконструкција на 70 улици

Општина Бутел продолжува со интензивна реконструкција на уличната мрежа, при што градежните активности во Радишани се дел од поширока инвестиција вредна 150 милиони денари за обновување на 70 улици.„Направивме увид во градежните работи на улиците во Радишани. Започнавме со реконструкција на нови улици. Нема повеќе заборавени граѓани. Инвестираме во сите населени места!Градежната офанзива се одвива со силна динамика. Продолжуваме во останатите населени места кои што се опфатени со големата градежна офанзива.Асфалтираме и реконструираме 70 улици и вложуваме 150.000.0000 денари.Еднаков и рамномерен развој на сите населени места“, стои во објавата на градоначалникот Костовски.

Скопје | пред 2 часа

2 час.

Национални шуми оштетени за над 280.000 денари, поднесена кривична пријава

Од МВР информираат дека Надворешната канцеларија за криминалистички работи Струга поднела кривична пријава против В.Р. (56), З.П. (61) и А.А. (60), сите од општина Вевчани, поради сомнение за сторени кривични дела „злоупотреба на службена положба и овластување“ и „несовесно работење во службата“.Според полицијата, првопријавениот, како раководител во Подрачно шумско стопанство „Јабланица“ – Струга, не извршил соодветен надзор врз постапките за сеча, транспорт и наплата на дрвна маса, со што, како што се наведува, не спречил незаконски активности и овозможил стекнување противправна имотна корист.Второпријавениот, како референт за користење, заштита и одгледување на шуми во ПШС „Јабланица“, пропуштил должен надзор врз сечата и транспортот на дрвната маса.Третопријавениот, референт за сеча и дотур, искористувајќи ја службената положба, издавал испратници за превоз на бесправно исечена дрвна маса директно на физички лица, иако, како што се наведува, бил свесен дека тоа е спротивно на законските и подзаконските акти за шумско работење и жигосување на дрва.Со ваквите дејствија, според МВР, е причинета материјална штета на ЈП „Национални шуми“ и државниот буџет во износ од 280.436 денари.

Македонија | пред 2 часа

2 час.

Подготвени за кризи: Македонија со финализирана проценка за сигурно снабдување со гас по ЕУ стандарди

Министерството за енергетика, рударство и минерални суровини соопшти дека е заокружена една од клучните фази во јакнењето на енергетската безбедност на државата, откако успешно била одржана јавна расправа за Проценката на ризик во снабдувањето со гас.Како што информираат од Министерството, процесот е реализиран во соработка со Заедничкиот истражувачки центар (JRC) на Европската комисија и претставници од домашната гасна индустрија, а проценката е изработена во согласност со европските стандарди.

Македонија | пред 2 часа

2 час.

Пожар во куќа во Гази Баба

Од МВР информираат дека на 17.04.2026 година во 04:20 часот во СВР Скопје е пријавен пожар во куќа на подрачјето на општина Гази Баба.Пожарот бил навремено локализиран и изгаснат од екипа на Бригадата за противпожарна заштита Скопје. Според информациите, нема повредени лица.

Македонија | пред 2 часа

2 час.

Напад во хотел во Петровец – повредено едно лице и оштетен инвентар

Од МВР информираат дека на 16.04.2026 околу 21:40 часот во СВР Скопје е пријавено дека во хотел во село Петровец, општина Петровец, П.А. бил физички нападнат од А.Ц. и Г.Ц., сите од село Р’жаничино, скопско.Во инцидентот лицето се здобило со повреди, а бил оштетен и дел од хотелскиот инвентар. Од полицијата информираат дека се преземаат мерки за целосно расчистување на случајот.

Македонија | пред 2 часа

2 час.

Службени лица осомничени за помагање во пустошење на шуми

Од МВР информираат дека Единицата за финансиски криминал при Секторот за криминалистички истраги поднела кривична пријава до ОЈО ГОКК против М.А. (42) од Струмица и В.П. (52) од Берово, поради сомнение за сторени кривични дела „злоупотреба на службена положба и овластување“, „оддавање на службена тајна“ и „пустошење на шуми“.Според информациите, М.А., вработен во Министерството за земјоделство, шумарство и водостопанство – Сектор за шумска полиција, и В.П. од МВР – РЦГР Исток, во текот на 2025 година, во својство на службени лица, постапувале спротивно на законските прописи и не преземале соодветни мерки за спречување на нелегални активности, меѓу кои и пустошење на шуми.Како што се наведува, тие не постапувале по издадени службени наредби и не ги извршувале своите работни обврски, а воедно на лица инволвирани во организирање на незаконски активности им оддавале информации за движење на патролите на МВР и Шумската полиција во подрачјата на Берово и Струмица.Исто така, иако биле запознаени со случаи на нелегална сеча, не реагирале согласно своите надлежности, со што, според МВР, овозможиле стекнување на противправна имотна корист од значителни размери.

Македонија | пред 2 часа

2 час.

Царината спречи четири обиди за криумчарење злато за две недели

Царинската управа во изминатите две недели спречила четири обиди за криумчарење злато, информира директорот Бобан Николовски.Како што истакна Николовски, на граничниот премин Меѓународен аеродром Скопје биле откриени три обиди за криумчарење злато со вкупна тежина од 285 грама и вредност од околу 23 илјади евра. Претходно, Царинската управа информираше и за уште еден спречен обид на граничниот премин Богородица.Во сите случаи златото е запленето, а против осомничените се поднесени кривични пријави.Николовски се осврна и на претходен случај на аеродромот во Скопје, каде царински службеници спречиле криумчарење на 1,7 килограми златен накит, кој во текот на постапката бил проценет од судски вештак на речиси еден милион евра.

Македонија | пред 2 часа

2 час.

(Видео) Вооружен грабеж во банка во Неапол со 25 заложници

Во италијанскиот град Неапол се случил вооружен грабеж на банка, кој локалните медиуми го опишуваат како „филмски“. Неколку маскирани лица упаднале во филијала на банката „Кредит Агриколе“, носејќи маски на познати филмски актери, по што ги држеле како заложници сите 25 лица кои во тој момент се наоѓале во објектот.Според информациите, полицијата со часови преговарала со напаѓачите за ослободување на заложниците, но во меѓувреме ограбувачите успеале да ги испразнат сефовите.Инцидентот завршил со бегство на сторителите, кои направиле отвор во подот на банката и побегнале преку канализацискиот систем.

Свет | пред 2 часа

2 час.

Повредени пешаци и возачи во серија сообраќајни несреќи

Од МВР информираат за повеќе сообраќајни незгоди што се случиле на 16.04.2026 година во неколку градови низ државата, во кои се повредени повеќе лица.Во 07:30 часот во Скопје, на улицата „Маџари“, автобус „мерцедес“ со скопски регистарски ознаки, управуван од В.Р. (56), удрил во 78-годишната М.П., двајцата од Скопје. Во несреќата пешакот се здобил со тешки телесни повреди, констатирани во Ургентниот центар при комплексот клиники „Мајка Тереза“ во Скопје. Извршен е увид од увидна екипа од СВР Скопје.Во 12:00 часот во Штип, на улицата „Енгелсова“, патничко возило „сеат“ со штипски регистарски ознаки, управувано од 22-годишната С.П., удрило во 89-годишниот Г.С., двајцата од Штип. Пешакот се здобил со тешки телесни повреди и бил пренесен во Клиничка болница Штип.Во 19:48 часот во Битола, на крстосница од улиците „Прилепска“, „15 Мај“ и „Цветан Димов“, патничко возило „хјундаи“ со битолски регистарски ознаки, управувано од Д.Т. (68), удрило во 50-годишниот пешак Ж.С. од село Долна Чарлија, општина Могила. Пешакот се здобил со тешки телесни повреди и бил пренесен во Клиничка болница Битола.Во 06:40 часот во Тетово, на крстосница од регионалниот пат Тетово – село Јажинце со локален пат за село Теарце, се случила сообраќајна незгода помеѓу патничко возило „пежо“, управувано од 44-годишната Х.М. од Теарце, и минибус „цитроен“ во сопственост на МВР, управуван од Д.С. (49) од село Јегуновце. Во несреќата со телесни повреди се здобила возачката на патничкото возило.Во сите случаи е извршен увид од надлежните полициски екипи.

Македонија | пред 2 часа

2 час.

МВР: Повеќе лица лишени од слобода за дрога во Делчево, Скопје и Демир Капија

Од МВР соопштија дека Надворешната канцеларија за криминалистички работи Делчево поднела кривична пријава против А.К. (48) од Делчево, поради сомнение за сторено кривично дело „неовластено производство и пуштање во промет на наркотични дроги, психотропни супстанци и прекурзори“.Како што информираат од полицијата, на 10.04.2026 година бил извршен претрес во домот на пријавениот, при што биле пронајдени и одземени хашиш, марихуана, амфетамин и дигитална вага.Во друг случај, на 16/17.04.2026 година во Скопје, на подрачјата на Центар и Шуто Оризари, полициски службеници од СВР Скопје ги лишиле од слобода И.К. (42), Е.Д. (28) и А.Р. (18), сите од Скопје, откако кај нив била пронајдена и одземена марихуана и дробилка. По целосно документирање на случаите ќе следуваат соодветни поднесоци.Исто така, на 16.04.2026 година во 21:10 часот во Демир Капија, полициски службеници од ОВР Неготино го лишиле од слобода Т.К. (22) од Демир Капија. При преглед на патничко возило „фолксваген голф“ со демиркаписки регистарски ознаки, била пронајдена и одземена марихуана.Лицето било приведено во полициска станица, за случајот бил известен јавен обвинител, а по негово документирање ќе биде поднесена соодветна пријава.

Македонија | пред 2 часа

2 час.

Средба Андоновски – Варнс: Потврдена соработка во дигитализација и сајбер безбедност

Министерот за дигитална трансформација, Стефан Андоновски, денеска одржа средба со вршителот на должност амбасадор на Соединетите Американски Држави, Н.Е. Никол Варнс, на која беше потврдена досегашната соработка меѓу двете земји во областа на дигиталната трансформација и сајбер безбедноста.На средбата се разговараше за понатамошно продлабочување на билатералните односи, со посебен акцент на сајбер безбедноста, во контекст на неодамнешната средба во САД со заменик-државниот секретар Кристофер Ландау, каде била потврдена заедничката посветеност за унапредување на партнерството.Беше изразена благодарност за поддршката од Амбасадата на САД, како и за техничката и финансиската помош во износ од 5 милиони долари, наменета за јакнење на сајбер безбедноста и дигиталната инфраструктура во државата.Министерството за дигитална трансформација останува посветено на развој на безбедна и модерна дигитална средина и продолжување на соработката со Соединетите Американски Држави.

Македонија | пред 2 часа

2 час.

Втора година на врвот: Mozzart најпосакуван работодавач за 2025

Mozzart повторно ја потврдува својата лидерска позиција!Втора година по ред, компанијата ја освојува престижната титула „Најпосакуван работодавач“ во категоријата Игри на среќа.„Искрено им благодариме на сите кои ја препознаа нашата компанија како место каде се остваруваат кариерни цели и се вреднува секој поединец. Оваа награда не ја доживуваме само како успех, туку и како обврска – да бидеме уште подобри, посилни и посветени во она што го правиме. Нашата најголема вредност се луѓето. Колеги, оваа награда е Ваша! Ви благодариме што ја градиме оваа приказна заедно!“ – изјавија од ХР тимот во Mozzart.Ова признание не е само награда – тоа е силна порака дека Mozzart гради средина во која луѓето сакаат да работат, да растат и да успеваат.ПР

Магазин | пред 2 часа

3 час.

Кривична пријава против в.д. директорка на „Галичица“ за несовесно работење

Од СВР Охрид е поднесена кривична пријава против Фросе Ѓоргиевска (58) од Ресен, в.д. директорка на Јавната установа Национален парк „Галичица“ – Охрид, поради сомнение за сторено кривично дело „несовесно работење во службата“.Според полицијата, во текот на 2026 година, пријавената, во својство на вршител на должност директор, со пропуштање на должен надзор овозможила изведување активности и склучила договор за соработка со приватно претпријатие од Охрид за тампонирање на катастарска парцела.Како што се наведува, за предметната локација немало урбанистичка документација, ниту одобрен проект за инфраструктура, а таа се наоѓала во заштитен појас од 50 метри. Дополнително, за овој простор општина Охрид имала донесено времен мораториум за какви било градежни активности, согласно планот за управување со светско природно и културно наследство на охридскиот регион.

Македонија | пред 3 часа

3 час.

Петрушевски: Филипче се однесува како Алиса во земјата на чудата, СДС е партија на лагите и конструкциите, живеат во свој свет полн со апсурд и фантазија

Од ВМРО-ДПМНЕ реагираат на изјави на СДСМ и Венко Филипче, обвинувајќи ги дека изнесуваат лаги и конструкции и дека, како што наведуваат, живеат во „паралелен свет“ исполнет со апсурди и политичка фантазија.Пратеникот на ВМРО-ДПМНЕ, Петрушевски, во реакција наведува дека СДСМ, по локалните избори на кои освоиле околу 130 илјади гласови, резултатот го претставиле како успешен, иако, според него, се работи за историски најнизок исход.Во реакцијата се коментира и стратешкиот договор со Велика Британија, при што се тврди дека Владата предводена од ВМРО-ДПМНЕ ја позиционирала Македонија на меѓународната сцена, додека СДСМ, како што се наведува, изнесувала неточни интерпретации за содржината на договорот.Се споменуваат и тарифите од страна на САД, при што од ВМРО-ДПМНЕ наведуваат дека по потпишувањето на заедничка изјава со американската страна тие биле намалени, додека СДСМ, според нив, првично реагирала поинаку.Во реакцијата се наведува и дека за време на седумгодишното владеење на СДСМ не бил завршен постмониторингот со Советот на Европа, додека, како што тврдат од ВМРО-ДПМНЕ, тоа било постигнато во периодот по промената на власта.Од ВМРО-ДПМНЕ порачуваат дека СДСМ треба да се соочи со реалноста и да престане, како што велат, со политички конструкции и погрешни толкувања на настаните.

Македонија | пред 3 часа

3 час.

Полицаец дивеел со „бмв“ – без дозвола, пијан и двојно побрзо од дозволеното

Одделот за внатрешна контрола при МВР поднесе кривична пријава против полициски службеник од Битола, откако бил фатен како управува возило со активна забрана, под дејство на алкохол и со брзина речиси двојно поголема од дозволената.Станува збор за Д.М., полицаец во Полициската станица за граничен премин и граничен надзор Меџитлија, против кого до Основното јавно обвинителство Битола е поднесена пријава за кривично дело „безобѕирно управување со моторно возило“.Според МВР, на 1 април 2026 година, надвор од работното време, тој управувал патничко возило „бмв“ на улицата „8 Септември“ во Битола, иако имал активна забрана за управување со возило од „Б“ категорија.Дополнително, возел со брзина од 98 километри на час во населено место каде дозволената брзина е 50 километри на час, а алкотестот покажал 0,73 промили алкохол во организмот.По насоки на јавен обвинител, возилото му е одземено.Против полицискиот службеник е поведена и дисциплинска постапка, при што му е одземено службеното оружје и муницијата, а упатен е и на задолжителен психијатриски и психолошки преглед.Случајот го отвора прашањето за одговорноста и контролата во редовите на полицијата, особено кога прекршителите на законот се лица кои треба да го спроведуваат.

Македонија | пред 3 часа

3 час.

Судска медицина: Кокаин и лекови за смирување пронајдени кај Стојанче Јовановски

На судењето за случајот со смртта на Ивана Јовановска, вештакот по судска медицина Златко Јаќовски сведочеше за наодите од обдукцијата и токсиколошките анализи, при што беа презентирани податоци и за неа и за Стојанче Јовановски.Според неговото сведочење, кај Ивана Јовановска, освен повредите од падот од зграда во скопското Тафталиџе, биле утврдени и крвни подливи на брадата и вратот, кои потекнуваат од тап и тврд предмет. Дел од нив, како што наведе, се настанати десет дена пред смртта, а дел истиот ден или еден ден претходно. Во обдукцијата не биле пронајдени алкохол ниту други психоактивни супстанци во нејзиниот организам.Во однос на Стојанче Јовановски, судско-медицинските анализи покажале присуство на кокаин и лекови за смирување. Како што рече вештакот, во урината е констатиран кокаин со концентрација од 307,5 нанограми на милилитар, како и бензодиазепини во концентрација над 1000 нанограми на милилитар. Исто така биле утврдени дијазепам, нордијазепам и метаболит на кокаин.Обвинителството го товари Стојанче Јовановски дека ја навел сопругата Ивана на самоубиство, во период додека биле во бракоразводна постапка, дека ѝ ја загрозил сигурноста и дека ѝ нанел телесни повреди при семејно насилство. Според обвинението, Ивана Јовановска и нејзината шестгодишна ќерка Катја починале на 2 март годинава по пад од балкон во скопската населба Тафталиџе.

Македонија | пред 3 часа

3 час.

Обвинетиот Јовановски се брани: Тврди дека бил жртва на закани и уцени , обвинителството тврди дека е обид за манипулација

Во Основниот кривичен суд во Скопје, обвинетиот Стојанче Јовановски денеска даде исказ во кој изнесе своја верзија за односите со сопругата Ивана Стојаноска, тврдејќи дека тие биле нормални до 2022 година, по што започнале сомнежи за неверство поврзани со комуникации со Мартин Саздов.Според неговото сведочење, ситуацијата ескалирала откако дознал за врската меѓу Стојаноска и Саздов, при што се сретнале „да се пресметаат“. Јовановски тврдеше дека при таа средба Саздов извадил автоматска пушка и му се заканил со убиство, по што тој ја оттурнал цевката и бил удрен, оставајќи му повреда на рамото. Наведе дека подоцна се обидел да го спречи со возило, но Саздов успеал да избега.Јовановски изјави дека по извесен период Стојаноска поднела барање за развод, но подоцна му испраќала пораки дека сака да се смират, додека во исто време, како што тврдеше, се плашела од закани од Саздов. Тој додаде дека поседува пораки во кои таа му се жали на закани, уцени и притисоци.Во исказот беше опишан и настанот од декември 2025 година, кога во неговото возило била пронајдена дрога. Јовановски тврди дека станува збор за подметнување, поврзувајќи го случајот со Саздов и наводно поставен уред за следење во автомобилот.Говорејќи за настаните на 2 март 2026 година, денот на трагедијата, обвинетиот изјави дека се упатил да ја соочи Стојаноска поради пораки што ги видел, при што повторно дошло до конфликт во присуство на Саздов. Тој тврдеше дека токму Саздов физички ја нападнал Стојаноска, што, според него, довело до ескалација на ситуацијата.Од друга страна, обвинителката Адела Бојчевиќ оцени дека исказот на обвинетиот претставува обид да се прикаже како жртва, наместо како сторител.„Ова е очигледен обид за избегнување кривична одговорност, спротивно на доказите со кои располага обвинителството“, изјави Бојчевиќ, додавајќи дека психолошките анализи укажуваат на манипулативност и тенденција за искривување на фактите кај обвинетиот.Таа истакна дека за случајот со пронајдената дрога се води посебна постапка, како и дека нема докази што го потврдуваат тврдењето дека Саздов ја нападнал Стојаноска.Обвинителството го товари Јовановски дека ја навел на самоубиство неговата сопруга, која го загуби животот по пад од балкон во скопската населба Тафталиџе, заедно со нивната шестгодишна ќерка. Тој се гони и за семејно насилство, нанесување телесни повреди и загрозување на сигурноста.

Македонија | пред 3 часа

3 час.

Зајкова: Свикување на Советот за безбедност и јасна стратегија за заштита на граѓаните од финансиските шокови кои допрва следуваат

Претседателката на Либерално-демократската партија (ЛДП) и пратеничка во Собранието, Моника Зајкова, повика на итно свикување на Националниот совет за безбедност и изработка на јасна економска стратегија за заштита на граѓаните од претстојни финансиски шокови.Во своја објава на социјалните мрежи, Зајкова предупредува дека светот влегува во сериозна економска турбуленција и дека државите веќе преземаат мерки за справување со инфлацијата, економскиот раст и енергетските предизвици. Таа нагласува дека Македонија не смее да доцни во одговорот на овие процеси.Како што наведува, таа изминатите денови престојува во Вашингтон, САД, каде учествува на Пролетните состаноци (Spring Meetings 2026) организирани од ММФ и Светската банка.Во објавата се посочува дека на економските форуми биле презентирани податоци за глобалниот раст и можен пад, како и дека повеќе држави веќе бараат итна финансиска помош поради енергетскиот шок и растот на цените.Зајкова се повикува и на изјави од директорката на ММФ, Кристалина Георгиева, која предупредила дека кризата ќе има долгорочни последици и дека најсилно ќе ги погоди најранливите категории на граѓани.

Македонија | пред 3 часа

3 час.

СДСМ поднесе кривична пријава против Мицкоски за рушење на Уставот и крешење на законите

Опозициската партија СДСМ информира дека поднела кривична пријава против премиерот Христијан Мицкоски, обвинувајќи го за сериозно нарушување на уставниот и правниот поредок во државата.Од партијата тврдат дека премиерот, од позиција на извршната власт, јавно најавувал кривични прогони и таргетирал поединци од опозицијата и нивните семејства, што според нив претставува директно мешање во работата на правосудните институции.Во пријавата се наведува дека со ваквите постапки се создава впечаток дека судството и обвинителството се користат како алатка за политички пресметки, што, како што оценуваат, е спротивно на демократските принципи и владеењето на правото.СДСМ посочува дека ваквото однесување има елементи на повеќе кривични дела, меѓу кои злоупотреба на службената положба и овластување, повреда на рамноправноста на граѓаните и загрозување на сигурноста.Партијата побара од Јавното обвинителство итно да постапи по поднесената пријава, да го повика премиерот на распит и да обезбеди независна и непристрасна постапка.Воедно, од СДСМ нагласуваат дека ќе продолжат да се спротивставуваат на, како што велат, притисоците и заканите, истакнувајќи дека нивната политичка борба ќе продолжи.

Македонија | пред 3 часа