Најнови вести

21 час

Кривична за малолетничките кои тепаа и снимаа 13 годишно девојче во Ѓорче Петров - следува кривична и за родителите

Во СВР Скопје е поднесена кривична пријава против четири малолетнички – една на 17 и три на 14 години, сите од Скопје, поради сомнение за сторени две кривични дела „насилство“. Случајот се однесува на врсничко насилство врз 13-годишна малолетничка, кое се случило во два одделни настани на 27 и 30 март 2026 година.Според информациите од МВР, пријавените во двата наврати физички ја нападнале малолетничката, а за инцидентите биле објавени и видео-записи и фотографии на социјална мрежа. Кривичната пријава е доставена до Основното јавно обвинителство Скопје, а постапката се води согласно Законот за правда за децата.Од Министерството за внатрешни работи најавуваат дека во текот на утрешниот ден ќе биде поднесена кривична пријава и против родители на инволвираните малолетнички. Во меѓувреме, се преземаат мерки за целосно расчистување на случајот, а полициски службеници работат на прибирање докази и разговори со сите засегнати лица во присуство на родители.Случајот претходно беше пријавен како врсничко насилство, а според првичните информации полицијата постапува по повеќе индиции и материјални докази, вклучително и видео-снимки, со цел целосно документирање на настаните.

Македонија | пред 21 час

21 час

Филипче: Мицкоски две години ништо не прави, сега зборува за реформи, а уставни имени ќе направи ли

Претседателот на СДСМ, Венко Филипче, изјави дека премиерот Христијан Мицкоски, иако две години не покажал конкретни резултати, сега најавува забрзани реформи и можен напредок до јуни.Филипче реагираше на изјавите на Мицкоски за очекуван прогрес во реформските процеси, оценувајќи дека станува збор за нереални најави од страна на влада која, како што рече, досега не испорачала суштински резултати.Тој посочи дека клучното прашање останува спроведувањето на уставните измени, кои, според него, се неопходен чекор за продолжување на европскиот интегративен процес.Според Филипче, во уставот треба да бидат внесени одредени заедници, при што нагласи дека тоа не претставува закана за државата, туку исполнување на европските обврски. Тој оцени дека тврдењата на ВМРО-ДПМНЕ дека со тоа се загрозува идентитетот се неточни.Во својата изјава, Филипче ја обвини власта дека наместо да се фокусира на реформи, се занимава со политички дефокус и кампањи, без одговори на, како што рече, клучните прашања за граѓаните.Тој наведе дека остануваат отворени прашањата за растот на јавниот долг, кој според него е зголемен за околу две милијарди евра во последните две години, како и за недоволниот раст на платите и зголемувањето на цените.Филипче постави и прашања за состојбите во правосудството, независноста на обвинителството и, како што рече, политичкото влијание врз институциите.Тој исто така го повика Мицкоски да даде јасни одговори за евроинтеграциите, уставните измени и за, како што наведе, отсуството на напредок во клучните реформи.Според него, власта нема конкретен план за европскиот пат, туку се фокусира на други приоритети кои не носат придобивки за граѓаните.

Македонија | пред 21 час

21 час

МВР предупредува за лажни линкови во име на МВР и СМС пораки, граѓаните да не внесуваат податоци

Министерството за внатрешни работи информира дека во последните денови е забележана зачестена појава на измамнички пораки испратени од непознат странски телефонски број +639606963624, со кои граѓани во Македонија се доведуваат во заблуда дека имаат регистриран сообраќаен прекршок и дека треба да извршат онлајн плаќање.Според МВР, во пораките се наоѓа линк кој води до лажна веб-страница што се претставува како официјална страница на Министерството, каде од корисниците се бара внесување на регистарска табличка од возилото. Потоа се прикажува наводен прекршок и се бара уплата од 1.500 денари преку платежна картичка.Секторот за компјутерски криминал апелира граѓаните да не отвораат сомнителни линкови и да не внесуваат лични податоци или податоци од платежни картички на непроверени страници, бидејќи постои ризик од нивна злоупотреба.Во апелот се нагласува и дека граѓаните и правните субјекти треба да бидат внимателни при отворање пораки и прикачени документи од непознати испраќачи, за да не станат жртви на интернет измами од ваков тип.

Македонија | пред 21 час

21 час

Инцидент во Свети Николе: Патници повредени при нагло удирање во испакнат дел од коловозот на автобус

На 03.05.2026 околу 09:30 часот во Свети Николе се случила сообраќајна незгода во која автобус „мерцедес“ со велешки регистарски ознаки, управуван од Д.С. (40) од Велес, кој превезувал околу 20 патници, поминал преку испакнат дел од коловозот на улицата „Филип Втори“.При ударот, двајца патници паднале во внатрешноста на автобусот и се здобиле со тешки телесни повреди, кои биле констатирани во Општата болница во Велес. По незгодата бил извршен увид од увидна екипа на ОВР Свети Николе.

Македонија | пред 21 час

21 час

Марихуана пронајдена во возило – пријава против скопјанец

СВР Скопје поднесе кривична пријава против 30-годишен скопјанец поради сомнение за неовластено производство и пуштање во промет на наркотични дроги, психотропни супстанци и прекурзори.Според МВР, на 26 април 2026 година полициски службеници извршиле преглед на патничко возило „фолксваген голф“, управувано од пријавениот Ј.Ѓ., при што била пронајдена и одземена марихуана.По документирање на случајот, против него е поднесена соодветна кривична пријава.

Македонија | пред 21 час

21 час

Тројца пријавени за бесправна сеча кај Македонски Брод

Надворешната канцеларија за криминалистички работи Македонски Брод поднесе кривична пријава против две лица од Македонски Брод и едно лице од Кочани, поради сомнение за сторено кривично дело „кражба“.Според МВР, пријавени се 46-годишните Б.С. и Ј.Ј. од Македонски Брод и 51-годишниот Ј.Н. од Кочани. Тие на 26 април 2026 година биле затекнати при бесправна сеча на дрва на местото викано „Венчишта“, во атарот на селото Грешница, општина Македонски Брод.Дрвната маса е во сопственост на ЈП „Национални шуми“ – подружница Шумско стопанство „Сандански“.По целосно документирање на случајот, против нив е поднесена соодветна кривична пријава.

Македонија | пред 21 час

21 час

Марихуана и таблети пронајдени кај осудено лице во Идризово

Од МВР информираат дека СВР Скопје поднесе кривична пријава против 39-годишен скопјанец, осудено лице кое издржува казна во Казнено-поправната установа „Идризово“, поради сомнение за неовластено производство и пуштање во промет на наркотични дроги, психотропни супстанци и прекурзори.Според МВР, на 23 ноември 2025 година, при извршен претрес во установата од страна на полициски службеници, кај пријавениот биле пронајдени и одземени марихуана и таблети.По документирање на случајот, против него е поднесена соодветна кривична пријава.

Македонија | пред 21 час

21 час

Мопедист со тешки повреди по судир со „фиат пунто“ во Куманово

Тешка сообраќајна несреќа се случила на 3 мај 2026 година околу 15:45 часот во Куманово, на крстосница од улицата „1“ и крак од истата улица, информираат од МВР.Во несреќата учествувале патничко возило „фиат пунто“, управувано од 30-годишен жител на Куманово, и мопед „томос“, управуван од 21-годишен кумановец.Од судирот, возачот на мопедот се здобил со тешки телесни повреди, кои биле констатирани во Општата болница во Куманово.Увид на местото на несреќата извршила увидна екипа на СВР Куманово.

Македонија | пред 21 час

22 час.

Тешко повреден мотоциклист во сообраќајка во Битола

Сообраќајна несреќа со тешко повредено лице се случила на 3 мај 2026 година околу 14:11 часот на крстосницата меѓу улиците „Партизанска“ и „Ѓорѓи Наумов“ во Битола, информираат од МВР.Во несреќата учествувале патничко возило „фиат“ со битолски регистарски ознаки, управувано од 19-годишник од Битола, и мотоцикл „триумф“ со гостиварски ознаки, управуван од 42-годишен жител на Гостивар.Од ударот, мотоциклистот се здобил со тешки телесни повреди, кои биле констатирани во болницата во Битола.Увид на местото на несреќата извршила увидна екипа на СВР Битола.

Македонија | пред 22 часа

22 час.

Тешка сообраќајка кај Крушево, една жена со тешки повреди

Тешка сообраќајна несреќа се случила на 3 мај 2026 година околу 13:09 часот на крстосницата меѓу селата Врбоец и Свето Митрани, информираат од МВР.Во несреќата учествувале патничко возило „фиат пунто“ со крушевски регистарски ознаки, управувано од 52-годишен жител на село Врбоец, и патничко возило „фолксваген голф“, исто така со крушевски ознаки, управувано од 46-годишен жител на село Норово.Од ударот, сопатничка во „фиат пунто“, 26-годишна жена, се здобила со тешки телесни повреди. Со телесни повреди се здобиле и возачот на истото возило, како и друга сопатничка, 19-годишна девојка од Врбоец, како и возачот на „фолксваген голф“. Повредите биле констатирани во Градската болница во Прилеп.По наредба на јавен обвинител, увид на местото на несреќата извршила увидна екипа од ОВР Крушево.

Македонија | пред 22 часа

22 час.

Пожар во Визбегово, гори приватен имот со стари возила

Пожар избувна денеска во скопската населба Визбегово, во близина на обиколницата, каде што гори приватен имот на кој биле складирани стари автомобили, информираат од Град Скопје.Скопската противпожарна бригада веднаш интервенирала и со сите расположливи возила, опрема и човечки капацитети активно работи на гаснење на огнот.На терен се присутни и инспектори од Град Скопје, додека за случајот се известени и Министерството за внатрешни работи, Државниот инспекторат за животна средина и Јавното обвинителство.Надлежните апелираат до граѓаните на смиреност, внимателност и почитување на насоките на службите, додека институциите координирано работат на ставање на пожарот под контрола.Од Град Скопје порачуваат дека нема да се толерира неодговорно однесување и создавање диви депонии кои го загрозуваат здравјето на граѓаните и животната средина, нагласувајќи дека за ваквите случаи ќе се утврдува одговорност.

Македонија | пред 22 часа

22 час.

Инцидент на натпревар во „Јане Сандански“, навреди и обид за напад

Инцидент е пријавен за време на кошаркарски натпревар во Спортскиот центар „Јане Сандански“ во Скопје, информираат од МВР.Според полицијата, на 3 мај 2026 година околу 14:15 часот, за време на натпреварот меѓу КК МЗТ Скопје и КК ИБА, едно лице се однесувало агресивно и упатувало навреди кон судиите.По налог на делегатот, редарите го отстраниле од салата, но при излегувањето лицето продолжило со агресивно однесување и кон делегатот, при што во еден момент се обидело и физички да го нападне. Обидот бил спречен од редарската служба.Станува збор за прекршок по член 3 од Законот за спречување на насилството и недостојното однесување на спортските натпревари. Од МВР посочуваат дека се работи на целосно расчистување на случајот, по што ќе следува соодветна пријава.

Македонија | пред 22 часа

22 час.

Пријава против жител на Куманово за сексуално насилство

МВР информира дека СВР Куманово поднесе кривична пријава против лице од Куманово поради сомнение за сторено кривично дело „полов напад и силување“.Според информациите од МВР, пријавениот на 18 април 2026 година, околу 18 часот, во семејната куќа во кумановско село извршил полови дејствија врз својата 41-годишна сопруга без нејзина согласност.Надлежните институции преземаат мерки за понатамошно постапување по случајот.

Македонија | пред 22 часа

22 час.

Уапсен 53-годишник во Тетово, пронајдена бела прашкаста материја

Од МВР информираат дека на 3 мај 2026 година, во 22:35 часот, на улицата „Вонвардарска“ во Тетово, полициски службеници лишиле од слобода 53-годишен жител на село Челопек.При извршената контрола, кај лицето била пронајдена бела прашкаста материја.Тој е задржан во полициска станица, а по целосно документирање на случајот ќе биде поднесен соодветен поднесок.

Македонија | пред 22 часа

22 час.

Физичка пресметка меѓу роднини во Гостивар

Од МВР информираат дека на 3 мај 2026 година, во 17:05 часот, во ОВР Гостивар било пријавено нарушување на јавниот ред и мир на улицата „Никола Тесла“ во Гостивар.Според пријавата, по претходни недоразбирања дошло до физичка пресметка меѓу роднините Д.М. (42), З.М., М.М. и Н.М., сите од Гостивар.Полицијата презема мерки за целосно расчистување на случајот, по што ќе следуваат соодветни пријави.

Македонија | пред 22 часа

22 час.

Возел без дозвола, пронајдени дрога и нож - приведен 26-годишник

Лице од тетовско е лишено од слобода откако при сообраќајна контрола кај него биле пронајдени марихуана и нож, информираат од МВР.Инцидентот се случил на 3 мај 2026 година околу 14 часот кај месноста „Бањиче“ во Тетово, кога полициски службеници запреле патничко возило „фолксваген голф“ со тетовски регистарски ознаки.При контролата било утврдено дека возачот С.К. (26) од селото Порој управувал со возилото без положен возачки испит, а при дополнителна проверка кај него биле пронајдени марихуана и нож.Возилото е одземено, а по целосно документирање на случајот ќе следува соодветна пријава.

Македонија | пред 22 часа

22 час.

Министерство за правда: Се комплетира документацијата за случајот со Груевски

Министерството за правда соопшти дека постапува исклучиво согласно законите и меѓународните договори, во врска со случајот поврзан со Никола Груевски.Оттаму информираат дека се преземаат сите потребни чекори за комплетирање на документацијата и нејзино соодветно процесирање во рамки на законската процедура.Собирањето информации од надлежните судови, како што посочуваат, има за цел обезбедување целосна и точна правна основа за понатамошно постапување. Министерството нагласува дека нема надлежност да ги преиспитува правосилните судски одлуки, туку е должно да постапува по нив.Во соопштението се додава дека постапките се водат низ институционален процес и во соработка со надлежните органи на Унгарија, без влијание на политички изјави или квалификации.Министерството за правда останува посветено на владеењето на правото и почитувањето на правниот поредок.

Македонија | пред 22 часа

22 час.

Уапсен 66-годишник од Јанчиште, управувал трактор без дозвола

Од СВР Тетово соопштија дека на 3 мај 2026 година, околу 09:00 часот, на локалниот пат Тетово – село Волковија, во близина на село Брвеница, полициски службеници лишиле од слобода 66-годишен маж од село Јанчиште.Според информациите, лицето било затекнато како управува земјоделска машина – трактор „фергусон“ со тетовски регистарски ознаки, без да поседува возачка дозвола.Тракторот е одземен, а по целосно документирање на случајот ќе биде поднесена соодветна пријава, информираат од полицијата.

Македонија | пред 22 часа

22 час.

Приведен маж во тетовско по закани кон полицајци

Од СВР Тетово соопштија дека на 3 мај 2026 година, во 11:20 часот, на локалниот пат кон село Пирок, тетовско, полициски службеници го лишиле од слобода 46-годишен маж од село Мала Речица.Според полицијата, инцидентот се случил додека службениците преземале мерки кон други лица, при што А.Р. започнал агресивно да се однесува и упатувал закани кон нив.Лицето е задржано во полициска станица, а по целосно документирање на случајот ќе следува соодветен поднесок, информираат од СВР Тетово.

Македонија | пред 22 часа

22 час.

Манасиевски: На проевропскиот СДС како што го претставува Филипче, најблиски им се проруските бизнисмени Онишченко, Борче Марковски и Дака

ВМРО-ДПМНЕ преку својот претставник Манасиевски , на денешната пре-конференција обвини дека СДСМ и претседателот Венко Филипче се претставуваат како проевропска опција, додека, како што наведува, се поврзуваат со бизнисмени со проруски интереси.Тој ги посочи имињата на неколку бизнисмени, меѓу кои Онишченко, Борче Марковски и Миодраг Давидовиќ Дака, тврдејќи дека тие биле блиски до поранешното раководство на СДСМ.„Во времето на владеењето на Зоран Заев, овие лица добивале тендери, имоти и државјанства поради блиски релации со власта“, изјави МанасиевскиМанасиевски оцени дека европската ориентација на СДСМ е декларативна, а во пракса, како што тврди, постапките биле спротивни на европските стандарди.Тој се осврна и на претходното владеење на СДСМ, наведувајќи дека биле дадени ветувања за подобро здравство, образование и повисоки плати, кои не биле исполнети.„СДСМ е антипод на Европа и е полна со корупција и криминал“, изјави МанасиевскиОд ВМРО-ДПМНЕ додаваат дека партијата, како што велат, ќе продолжи со политики за европска интеграција на Македонија на „чесен и достоинствен начин“.

Македонија | пред 22 часа

22 час.

Филипче: Гоце Делчев би се срамел од Мицкоски и би се борел против криминалната ВМРО-ОКГ

Претседателот на СДСМ, Венко Филипче, по повод одбележувањето на годишнината од смртта на Гоце Делчев, изјави дека големиот револуционер се борел за слобода, правда и рамноправност.Тој оцени дека денес ликот и делото на Делчев се злоупотребуваат од политички структури, кои, како што наведе, се претставуваат како негови наследници.„Гоце Делчев се бореше против неправда и туѓинска власт, за слободна и праведна Македонија. Денес, неговото име се користи од политички структури кои ја претворија државата во плен на корупција и лични интереси“, порача Филипче.Тој додаде дека, според негов став, ако Делчев денес беше жив, би се спротивставил на ваквите појави и на политичките состојби во државата.Филипче нагласи дека СДСМ останува посветен на идејата за слободна, демократска и европска Македонија, во духот на вредностите за кои, како што рече, се борел Гоце Делчев.

Македонија | пред 22 часа

22 час.

Пожарот во Визбегово е под контрола, се запалила машина за мелење железо, велат од ЦУК

Густ чад се издигна над Скопје откако избувна пожар во близина на Визбегово, каде горел отпад и индустриска опрема.Според информациите од Центарот за управување со кризи, преку бројот 112 била пријавена запалена машина за мелење железо на улицата 1675 број 24, на подрачјето на Шуто Оризари.На терен интервенирала Бригадата за противпожарна заштита на Град Скопје со две противпожарни возила.Од РЦУК Скопје информираат дека пожарот е ставен под контрола и нема опасност од негово ширење, бидејќи локацијата е оградена со ѕидови.„Пожарот е под контрола и нема ризик да се прошири“, изјави директорот на Центарот за управување со кризи, Мухамед Али.

Македонија | пред 22 часа

22 час.

Поранешниот министер за внатрешни работи Митко Чавков излезе од затвор по издржана казна за 27 април

Поранешниот министер за внатрешни работи и директор на Бирото за јавна безбедност, Митко Чавков, денеска излезе од затвор, каде ја издржуваше казната за настаните од 27 април 2017 година во Собранието.Чавков беше осуден за терористичко загрозување на уставниот поредок и безбедноста. Во текот на издржувањето на казната имал повеќе здравствени проблеми, поради што во одреден период беше на прекин на казната.Последно, Основниот кривичен суд му ја намали изречената затворска казна, како и на најголем дел од останатите осудени во истиот предмет.Тој казната ја издржуваше во затворот во Штип, а при излегувањето од затворот беше пречекан од неговата ќерка Зорица.Чавков и понатаму бара повторно судење, оценувајќи дека процесот бил политички монтиран.

Македонија | пред 22 часа

23 час.

(Видео) Запалена машина за метал во Шуто Оризари

Во Центарот за управување со кризи (ЦУК) преку бројот 112 е пријавен пожар на запалена машина за мелење железо на улица 1675, број 24, во скопската населба Шуто Оризари.Од ЦУК информираат дека на терен интервенираат екипи на Бригадата за противпожарна заштита на град Скопје со две противпожарни возила.Се работи на локализирање и гаснење на пожарот, а засега нема информации за повредени лица.

Македонија | пред 23 часа

23 час.

Незаконски исплати на социјална пензија во Тетово , проневерени 155.500 денари

СВР Тетово поднесе кривична пријава против И.Е. (42) и Ј.Е. (31), двајцата од село Пршовце, тетовско, поради сомнение за сторени кривични дела „злоупотреба на службена положба и овластување“ и „помагање“.Според МВР, првопријавениот, вработен како оператор за внес на податоци во Центарот за социјални работи Тетово, во јуни и октомври 2022 година извршил незаконска исплата на парични средства во вкупен износ од 155.500 денари.Средствата биле исплатени на име на второпријавениот, иако според решение биле наменети за друго лице кое остварувало право на социјална пензија.Од МВР наведуваат дека првопријавениот незаконски го поврзал социјалниот број со трансакциската сметка на второпријавениот, со цел да се изврши неправилна исплата.Второпријавениот, според пријавата, ги ставил на располагање своите лични податоци и банкарска сметка, со што овозможил противправно стекнување на парични средства, иако немал законска основа за нивно добивање.

Македонија | пред 23 часа