Најнови вести

23 час.

Возач лишен од слобода по удирање пешак под дејство на алкохол

Во Пепелиште, неготинско, полицијата лишила од слобода 55-годишен маж по сообраќајна незгода во која бил повреден пешак.Според информациите од Министерството за внатрешни работи, на 12 април 2026 година околу 14:00 часот, полициски службеници од ОВР Неготино го лишиле од слобода Л.Д. од селото Пепелиште, кој управувал патничко возило „југо“ со неготински регистарски ознаки и удрил во 62-годишен пешак од истото село. Пешакот се здобил со телесни повреди, констатирани во Итната медицинска помош во Неготино.По извршените проверки било утврдено дека возачот бил под дејство на алкохол, со измерени 2,76 промили во крвта, а исто така управувал возило за време на активна забрана за возење.По насоки на јавен обвинител, лицето било задржано во полициска станица, возилото е одземено, а по целосно документирање на случајот ќе биде поднесена соодветна пријава.

Македонија | пред 23 часа

23 час.

Синер го освои Монте Карло и се врати на врвот на АТП листата

Претседателот на Италијанскиот тениски сојуз, Анџело Бинаџи, упати пофалби до Јаник Синер по неговата победа на турнирот „Мастерс“ во Монте Карло, каде што во финалето го совлада Карлос Алкараз со 2:0 во сетови.Со оваа победа, Синер го освои својот прв „Мастерс“ трофеј на земјена подлога и воедно се врати на првото место на АТП ранг-листата.Бинаџи изјави дека Синер е навикнат на големи успеси и дека, доколку не била претходната суспензија, која ја оцени како неправедна, тој веројатно немало да ја загуби лидерската позиција, бидејќи, како што наведе, станува збор за најдобриот играч во светот.Тој додаде дека Синер покажал одлична адаптација на земјена подлога, која досега се сметаше за негова послаба страна, и изрази надеж дека ќе продолжи со успесите и на претстојниот турнир во Рим, каде што Италија очекува да ја прекине долгата пауза без титула во машка конкуренција.

Магазин | пред 23 часа

1 ден

Трамп тврди дека иранската морнарица е „целосно уништена“

Американскиот претседател Доналд Трамп изјави дека иранската морнарица е „целосно уништена“, додавајќи дека САД ќе ги уништат и помалите бродови доколку се приближат до американската блокада на иранскиот брег.Во објава на својата платформа Truth Social, Трамп наведе дека „иранската морнарица лежи на дното на морето“ и дека се уништени 158 бродови, додека помалите брзи нападни бродови засега не биле цел на ударите.Тој предупреди дека секој ирански брод што ќе се приближи до зоната на блокада ќе биде веднаш уништен, додавајќи дека САД ќе применат ист систем како и при операции против шверц на дрога на море.Според медиумските извештаи, американската поморска блокада веќе стапила во сила и го опфаќа целиот ирански брег, како и поморскиот сообраќај во Оманскиот Залив и Арапското Море, без оглед на знамето на бродовите.Тензиите дополнително растат околу Ормускиот теснец, клучна светска нафтена рута низ која поминува околу една петтина од глобалната нафта, при што аналитичарите предупредуваат на можност од понатамошна ескалација во директен поморски судир.

Свет | пред 1 ден

1 ден

Анализа: Војната се претвори во „битка за Ормускиот теснец“

Конфликтот меѓу САД и Иран сѐ повеќе се претвора во борба за контрола на Ормускиот теснец, оценува Sky News во анализа на ситуацијата.Дописничката од Дубаи, Сали Локвуд, истакнува дека САД концентрираат значајни поморски сили во близина на овој клучен пловен правец.Во такви услови, комуникацијата со американската морнарица станува пресудна, бидејќи состојбата е исклучително чувствителна. Иако кревкото примирје формално сѐ уште е во сила, евентуална американска блокада би можела целосно да го наруши.

Свет | пред 1 ден

1 ден

Додик жали за поразот на Орбан: „Беше глас на разумот“

Лидерот на Сојузот на независни социјалдемократи и поранешен претседател на Република Српска, Милорад Додик, изрази жалење поради изборниот пораз на унгарскиот премиер Виктор Орбан, нагласувајќи дека тој останува негов близок пријател.Додик најави дека сака што поскоро да се сретне со Орбан за да разговараат за понатамошните чекори и идната соработка.Тој оцени дека Орбан со признавањето на изборните резултати ги демантирал обвинувањата за авторитарно владеење, истакнувајќи дека транзицијата на власта била спроведена без ограничувања.Според Додик, Орбан бил „глас на разумот“ и значаен партнер на Република Српска, особено во периодите кога, како што наведе, таа се чувствувала изолирана на меѓународната сцена.Тој додаде дека дел од заедничките проекти меѓу Република Српска и Унгарија биле веќе реализирани, а евентуалниот прекин би бил последица на одлуки од унгарска страна.Владата на Орбан претходно повеќепати ѝ даваше поддршка на политиките на Додик, како финансиски така и преку политичко лобирање, поради што неговиот пораз се оценува како губење на важен сојузник за политичкото раководство на Република Српска.

Свет | пред 1 ден

1 ден

Пакистан: Напорите за решавање на конфликтот меѓу САД и Иран сè уште траат

Пакистанскиот премиер Шехбаз Шариф изјави дека напорите за решавање на конфликтот меѓу САД и Иран сè уште се во тек.„Примирјето и натаму трае и, додека зборувам, се вложуваат максимални напори за да се решат отворените прашања“, рече Шариф на владина седница, пренесува АФП.Изјавата доаѓа по разговорите што се одржаа за време на викендот во Исламабад, кои засега не доведоа до конечен договор меѓу двете страни.

Свет | пред 1 ден

1 ден

Поразот на Виктор Орбан е голем удар за Трамп и американската десница

Поразот на унгарскиот премиер Виктор Орбан на изборите предизвика реакции во САД, објави Associated Press, пред сè поради долгогодишната поддршка што му ја даваше претседателот Доналд Трамп и дел од американската десница. Орбан важеше за една од клучните фигури на глобалниот конзервативен блок, препознатлив по антимигрантската политика и начинот на кој ја консолидираше власта во изминатите 16 години.Трамп отворено го поддржа неговиот реизбор, испраќајќи го дури и потпретседателот Џеј Ди Венс во Будимпешта во пресрет на гласањето, и покрај актуелниот конфликт со Иран.Аналитичарите оценуваат дека поразот на Орбан покажува дека глобалното незадоволство од власта ги надминува идеолошките поделби и ја ограничува способноста на светските лидери да влијаат врз изборите во други земји. Професорот од Харвард Стивен Левицки посочи дека опозицијата може да победи дури и во нерамноправни услови, нагласувајќи дека и демократиите и автократиите се соочуваат со сериозни предизвици.Падот на Орбан има и директни геополитички импликации, бидејќи тој беше еден од најблиските европски сојузници на рускиот претседател Владимир Путин и често ја блокираше помошта на Европската унија за Украина во војната што трае од 2022 година.Реакциите во САД беа поделени. Дел од републиканците ја критикуваа администрацијата за мешање во изборите во други демократии, додека претставници на конзервативниот табор признаа дека гласачите во Унгарија посакале промена, особено поради економските проблеми и влијанието на меѓународните кризи.Орбан, кој започна како антикомунистички активист, ја зацврсти својата власт по враќањето на функцијата во 2010 година преку уставни и институционални промени, што Европската унија ги оцени како оддалечување од демократските стандарди. Сепак, неговиот пораз се смета за доказ дека и долгогодишни лидери со силна контрола врз системот можат да бидат сменети преку избори.Според аналитичарите, исходот од изборите во Унгарија може да има пошироки импликации и за американската политика, особено во контекст на претстојните изборни циклуси и дебатите за демократските институции.

Свет | пред 1 ден

1 ден

СДСМ: Груевски и Мицкоски останаа без Орбан

СДСМ реагираше по изборните резултати во Унгарија, оценувајќи дека поразот на Виктор Орбан и победата на опозициската Тиса, предводена од Петер Маѓар, претставуваат пресврт што ќе има последици и за македонската политичка сцена.Од партијата посочуваат дека со ваквиот исход се отвора прашањето за статусот на поранешниот премиер Никола Груевски, кој со години престојува во Будимпешта. Според нив, тој досега уживал заштита од унгарските власти, но новата политичка состојба може да доведе до негова екстрадиција во земјава за издржување на затворската казна.СДСМ исто така упати критики кон лидерот на ВМРО-ДПМНЕ, Христијан Мицкоски, оценувајќи дека неговата партија останува без важен меѓународен сојузник по промените во Унгарија.Во реакцијата се наведува и дека новото унгарско раководство најавило подготвеност за соработка во однос на лица кои се барани од правдата, што, според СДСМ, треба да се искористи за отворање постапка за екстрадиција на Груевски.Од партијата повикаа институциите да преземат конкретни чекори, нагласувајќи дека „правдата, колку и да доцни, на крајот мора да стигне“, како и дека земјата треба да продолжи по европскиот пат со засилена одговорност и владеење на правото.

Македонија | пред 1 ден

1 ден

Папата: Не се плашам од Трамп

Американскиот претседател Доналд Трамп упати остри критики кон папата Лав XIV, нарекувајќи го „слаб“ во однос на криминалот и „ужасен“ во водењето на надворешната политика, по неговите забелешки за американските миграциски и надворешнополитички потези. Трамп своите обвинувања ги објави на социјалната мрежа Truth Social, каде што реагираше на претходните критики на папата упатени кон неговата администрација.Папата Лав XIV претходно ја осуди реториката на Трамп во врска со Иран, оценувајќи ја како неприфатлива, и повика на поголемо внимание кон односот кон мигрантите во САД. По нападите, тој порача дека нема да престане јавно да се изјаснува против војната и дека не се плаши од политички притисоци.Во својата реакција, папата истакна дека неговата улога не е политичка, туку духовна, и дека како поглавар на Католичката црква има обврска да ја пренесува порака за мир. Тој нагласи дека не може да ја толкува надворешната политика од перспектива на државните лидери, но дека ќе продолжи да повикува на дијалог и воздржаност.Трамп, пак, дополнително го обвини папата дека е политички пристрасен, тврдејќи дека неговите ставови се блиски до левичарски политички кругови и дека со своите изјави ѝ штети на Католичката црква. Тој повторно ја нагласи својата политика кон Иран и безбедноста на САД, тврдејќи дека неговите одлуки имаат цел да го намалат криминалот и да ја зајакнат американската економија.Судирот меѓу американскиот претседател и поглаварот на Католичката црква предизвика силни реакции во јавноста, отворајќи нова линија на политичко-верски тензии меѓу Вашингтон и Ватикан.

Свет | пред 1 ден

1 ден

Нови политички тензии во Унгарија: обвинувања за уништување документи

Лидерот на партијата Тиса, Петер Маѓар, ја изнесе својата визија за надворешната политика на Унгарија, нагласувајќи дека земјата останува цврсто посветена на Европската Унија и НАТО, истовремено обвинувајќи ја досегашната власт за уништување документи во државни институции.Во своето обраќање до јавноста, тој истакна дека Европската Унија претставува мировен проект, спротивставувајќи се на, како што рече, „лагите на досегашната власт“, и вети дека во Брисел ќе ги застапува унгарските интереси решително, но со подготвеност за компромис.Маѓар нагласи дека унгарскиот народ јасно ја изразил својата припадност кон европското семејство и кон западните сојузи. Според него, граѓаните се горди на својата историска и културна врска со Европа и на членството во Европската Унија и НАТО, кои ги оцени како клучни безбедносни и политички рамки за земјата.Тој додаде дека Европската Унија има свои слабости, но дека станува збор за сложен систем составен од повеќе држави со различни интереси, во кој компромисот е неопходен. Посочи дека како поранешен дипломат со долгогодишно искуство во Брисел, добро ги познава институциите и начинот на нивното функционирање, што, според него, ќе му овозможи поефикасно застапување на унгарските позиции.Во делот за политичкото делување во рамки на Унијата, Маѓар порача дека Унгарија треба активно да учествува во процесите на донесување одлуки, истакнувајќи дека секоја држава има право и обврска да ги брани своите национални интереси, но без конфронтациска реторика кон европските институции.Истовремено, тој упати сериозни обвинувања кон министерот за надворешни работи Петер Сијарто, тврдејќи дека во Министерството се уништува важна документација поврзана со санкциите кон Русија. Според неговите тврдења, високи функционери биле вклучени во активности за отстранување документи, што го оцени како сериозен институционален проблем.Маѓар додаде дека овие случувања се одвиваат во период на зголемени политички тензии и обвини дел од досегашното раководство за нетранспарентно работење и прикривање информации.

Свет | пред 1 ден

1 ден

Приведени шест лица за семејно насилство во повеќе градови

Во текот на изминатото деноноќие на територијата на државата се регистрирани седум случаи на семејно насилство, при што шест лица се лишени од слобода, информираат од МВР.Во Скопје, на подрачјето на Карпош, бил лишен од слобода Б.Ѓ. (41), откако физички ја нападнал својата сопруга и ѝ упатувал закани. Во друг случај во скопско, Н.Д. (45) ја нападнал сопругата, искршил дел од покуќнината и со остри предмети упатувал закани, при што во инцидентот биле повредени и нивните деца.Во Центар, бил лишен од слобода државјанин на Хрватска, по пријава дека физички ја нападнал својата партнерка и нејзината сестра, при што биле упатени и закани, а бил оштетен и дел од покуќнината. Подоцна и тој пријавил дека бил нападнат од партнерката.Во Куманово, малолетник од 13 години бил згрижен во згрижувачко семејство по пријава дека бил психички малтретиран и избркан од домот од страна на неговиот татко. За случајот е известен јавен обвинител.Во Кичево, бил лишен од слобода 26-годишен маж по пријава од неговата поранешна сопруга дека била физички нападната од него и друго лице.Во Богданци, 37-годишен маж бил лишен од слобода по пријава дека физички ја нападнал својата сопруга во семејниот дом. За случајот е известен јавен обвинител.По целосно документирање на сите случаи ќе бидат поднесени соодветни пријави.

Македонија | пред 1 ден

1 ден

Маѓар: Унгарија ќе започне нова политичка ера по победата над Орбан

Петер Маѓар изјави дека Унгарија започнува нова историска фаза по изборната победа над Виктор Орбан, нагласувајќи дека резултатите претставуваат „мандат каков што досега не е виден“.На првата прес-конференција по изборите, тој изјави дека неговата партија обезбедила 138 од вкупно 199 пратенички места, иако дел од гласовите сè уште се пребројуваат.Маѓар ја обвини досегашната власт за користење на „пропагандна машинерија“ и ширење дезинформации, тврдејќи дека државниот апарат бил ставен во служба на владејачката партија.Тој порача дека очекува брз процес на транзиција на власта и го повика претседателот Тамаш Сујок да го свика новиот парламент без одложување и да му го довери мандатот за формирање влада.Во своето обраќање, Маѓар оцени дека земјата под претходното раководство била сериозно економски и институционално ослабена, но најави дека неговата влада ќе работи во интерес на сите граѓани.

Скопје | пред 1 ден

1 ден

Урсула фон дер Лајен: ЕУ е посилна по изборите во Унгарија

Претседателката на Европската комисија, Урсула фон дер Лајен, изјави дека по резултатите од парламентарните избори во Унгарија, Европската Унија е посилна и пообединета, додавајќи дека сега е време за преиспитување на правото на вето и премин кон одлучување со квалификувано мнозинство во надворешната политика.Таа оцени дека унгарскиот народ повторно покажал историска одлучност, споредувајќи ги настаните со 1956 и 1989 година, и нагласи дека Унијата треба да извлече поуки од досегашните блокади во донесувањето одлуки, особено во однос на помошта за Украина.Фон дер Лајен додаде дека Европската комисија ќе започне соработка со новата влада во Будимпешта веднаш по нејзиното формирање, со цел да се постигне напредок во реформите и одмрзнувањето на европските средства.Таа истакна дека клучно е исполнувањето на условите за реформи, за да можат унгарските граѓани да имаат пристап до замрзнатите средства, додека досегашната влада на Виктор Орбан беше во постојан спор со Брисел, поради што дел од европските фондови беа задржани.

Свет | пред 1 ден

1 ден

Нови тензии во Персискиот Залив по американските мерки

Американската војска предупреди дека секој брод што без дозвола ќе влезе или ќе излезе од подрачјето на блокадата во Ормутскиот теснец ќе биде предмет на пресретнување, пренасочување и запленување.Централната команда на вооружените сили на САД соопшти дека операцијата ќе опфати и делови од Оманскиот залив и Арапското Море источно од Ормутскиот теснец, почнувајќи денес во 16 часот по средноевропско време.Претходно, американскиот претседател Доналд Трамп на социјалните мрежи најави дека морнарицата ќе го спречи поминувањето на сите бродови низ теснецот, но подоцна беше појаснето дека мерките ќе се применуваат на бродови поврзани со ирански пристаништа.Од Техеран беше порачано дека секоја блокада на Ормутскиот теснец ќе се смета за непријателски чин и дека Иран ќе одговори со сила, нагласувајќи дека контролата врз ова стратешко поморско подрачје му припаѓа на Иран.

Свет | пред 1 ден

1 ден

Маск повторно во судир со регулаторите во Јужна Африка

Илон Маск повторно реагираше на социјалните мрежи, овојпат критикувајќи ги регулаторните органи во Јужноафриканската Република поради проблемите со добивање лиценца за услугата „Старлинк“.Тој изјави дека главната пречка е законската обврска телекомуникациските компании да имаат најмалку 30 отсто сопственост во рацете на локални, историски запоставени групи, што, според него, го отежнува влегувањето на компанијата на пазарот.Маск тврди дека на неговата компанија ѝ биле понудени неформални договори за заобиколување на правилата преку номинално локално управување, но дека таквите предлози биле одбиени.Според актуелните прописи, странските телекомуникациски оператори мора да исполнат услови за локално учество, што досега претставува главна правна пречка за влез на „Старлинк“ на јужноафриканскиот пазар.

Свет | пред 1 ден

1 ден

Земјотрес со јачина од 5,5 степени ја погоди Тонга

Пацифичката островска држава Тонга денеска беше погодена од земјотрес со јачина од 5,5 степени според Рихтеровата скала.Епицентарот на потресот бил во отворено море, на длабочина од 255 километри и на околу 305 километри од главниот град Нукуалофа.Засега нема информации за повредени лица или материјална штета, а надлежните не издале предупредување за опасност од цунами.

Свет | пред 1 ден

1 ден

Лишени од слобода 10 возачи, дел возеле без дозвола и под дејство на алкохол

Во текот на изминатото деноноќие, на територијата на целата држава, полициските службеници лишиле од слобода 10 возачи за безобѕирно управување со возило, информираат од МВР.Од нив, осум возачи управувале возило без возачка дозвола – по двајца во Скопје, Прилеп и Гостивар, еден во Тетово и еден малолетник во Чашка.Еден возач во Неготино управувал возило под дејство на алкохол, додека друг возач во неготинско предизвикал сообраќајна незгода управувајќи под дејство на алкохол и со активна забрана за возење.По целосно документирање на случаите ќе бидат поднесени соодветни кривични пријави.Од МВР упатуваат апел до сите учесници во сообраќајот да ги почитуваат правилата и прописите и да не управуваат возило без дозвола, под дејство на алкохол или со изречена забрана, со цел зголемување на безбедноста на патиштата.

Македонија | пред 1 ден

1 ден

Лишен од слобода 72-годишник од Скопје, криумчар на мигранти од Индија

Полициски службеници од Полициската станица за граничен надзор Блаце лишиле од слобода 72-годишен скопјанец, кај кого биле пронајдени четири лица-мигранти од Индија, во близина на Граничниот премин Долно Блаце.Настанот се случил на 12.04.2026 година околу 22:00 часот, кога лицето В.А. (72) било затекнато во возило „фолксваген пасат“ со скопски регистарски ознаки. При контрола во возилото биле пронајдени мигрантите.Според МВР, постојат основи на сомнение дека лицето сторило кривично дело „криумчарење мигранти“ по член 418-б од Кривичниот законик.По целосно документирање на случајот ќе биде поднесен соодветен поднесок.

Македонија | пред 1 ден

1 ден

Од 13 до 19 април засилени контроли на брзината, следува и 24-часовен „маратон“

Засилени контроли за брзината на движење ќе се спроведуваат на патиштата низ државата во наредниот период, како дел од координирана европска акција насочена кон зголемување на безбедноста во сообраќајот.Во периодот од 13 до 19 април, македонската сообраќајна полиција, како дел од Европската мрежа на сообраќајни полиции (ROADPOL), ќе спроведува интензивни контроли за санкционирање на возачите кои ја надминуваат дозволената брзина.Во рамки на оваа акција, на 15 април од 00:00 часот до 16 април до 00:00 часот ќе се реализира 24-часовен „маратон на брзина“, при што ќе се вршат непрекинати контроли на целата територија на државата.Брзото возење останува една од водечките причини за сообраќајни незгоди со тешки и смртни последици, поради што ваквите активности имаат за цел да ја зголемат свеста кај возачите и да поттикнат долгорочна промена во однесувањето.Дел од локациите на кои ќе се вршат контролите ќе бидат однапред објавени, со цел да се засили превентивниот ефект. Надлежните нагласуваат дека целта не е казнување, туку почитување на ограничувањата и намалување на ризиците во сообраќајот.Акцијата „Speed marathon“ се спроведува истовремено на европските патишта, како заедничка иницијатива на сообраќајните полиции.Апелот до возачите е да ја намалат брзината и да ги почитуваат сообраќајните правила, со цел заштита на човечките животи.

Македонија | пред 1 ден

1 ден

По победата на Маѓар, можно е брзо одмрзнување на европските средства за Украина

Победата на Петер Маѓар на парламентарните избори во Унгарија може да овозможи брзо одобрување на замрзнатите средства од Европската Унија наменети за Украина, изјави портпарол на германската влада.Станува збор за заем од 90 милијарди евра, кој досега не можеше да биде исплатен на Киев поради блокадата од страна на поранешниот премиер Виктор Орбан. Тој претходно како причина за блокадата го наведуваше спорот околу оштетениот нафтовод.„Постои надеж дека помошта за Украина може да биде одобрена многу брзо“, изјави портпаролот, додавајќи дека германската влада активно работи на тоа и очекува брзо формирање нова влада во Унгарија.Германскиот канцелар Фридрих Мерц претходно оцени дека донесувањето одлуки во рамки на ЕУ, вклучително и оние поврзани со Русија, ќе биде полесно по изборната победа на Маѓар.Во меѓувреме, дипломатите на ЕУ ќе одржат разговори за начини за забрзување на исплатата на средствата за Украина, при што актуелното претседателство со Советот на ЕУ го има Кипар.

Свет | пред 1 ден

1 ден

Зеленски најави нови безбедносни договори со земји од Блискиот Исток

Претседателот на Украина, Володимир Зеленски, го сослушал извештајот на Рустем Умеров, секретар на Советот за национална безбедност и одбрана, по првата фаза од активностите на украинската делегација на Блискиот Исток и во регионот на Заливот, по што наложил финализирање на нацртите за повеќе нови безбедносни договори.„Подготвуваме основа за подлабоки безбедносни договори и во Европа – очекуваме резултати веќе оваа недела. Наложив да се завршат нацртите и да се подготват за потпишување“, соопшти Зеленски.Тој додаде дека Украина во моментов води комуникација за безбедносни прашања со Саудиска Арабија, Обединетите Арапски Емирати, Катар, Јордан, Турција, Сирија, Оман, Кувајт и Бахреин, а поднесени се и барања за соработка со Ирак.Во разговорите биле опфатени и можностите за заедничка соработка со земјите од Кавказот, како и од Источна и Југоисточна Азија и Африка. Заменик-секретарот на Советот, Давит Алојан, изјавил дека повеќе од 200 украински експерти моментално се ангажирани во пет земји од регионот на Персискиот Залив, каде што им помагаат на партнерите, при што нивниот ангажман нема однапред утврден рок.

Свет | пред 1 ден

1 ден

Експертите предупредуваат: расте присуството на „лажната вдовица“

Експерти во Велика Британија предупредуваат дека во последната деценија е забележан пораст на бројот на хоспитализации поради каснувања од пајаци, што се поврзува со ширењето на видот познат како „лажна вдовица“.Според податоците на британската Национална здравствена служба, бројот на болнички приеми поради контакт со пајаци или нивно отровно дејство се зголемил од 47 во 2015 година на околу 100 во 2025 година.Научниците наведуваат дека една од причините за ваквиот тренд е зголеменото присуство на овој вид пајак во Англија, особено во јужните делови на земјата. Дел од експертите, пак, сметаат дека на порастот влијае и зголемената јавна свест, како и подобрената дијагностика на ваквите случаи.Иако „лажната вдовица“ може да касне и да предизвика болка слична на убод од оса, експертите нагласуваат дека сериозните последици се ретки и дека најголем дел од случаите поминуваат без потешки компликации.

Свет | пред 1 ден

1 ден

803_dmitrij-peskov-shutterstockcom-id1974_f

Песков: Русија го почитува изборот на унгарските граѓани

Портпаролот на Кремљ, Дмитриј Песков, коментирајќи ги резултатите од парламентарните избори во Унгарија, изјави дека земјата го направила својот избор и дека Русија го почитува.Тој истакна дека Москва е заинтересирана за градење добри односи со Унгарија, како и со сите европски земји, додавајќи дека, според него, реципроцитет во односите со дел од Европа сè уште недостасува, но дека Русија останува отворена за дијалог.Песков наведе дека Русија очекува продолжување на прагматичната соработка со новото унгарско раководство, посочувајќи дека постои подготвеност за натамошна комуникација.Паралелно со тоа, шефот на Рускиот фонд за директни инвестиции, Кирил Дмитријев, оцени дека поразот на Фидес може да го забрза распаѓањето на Европската Унија. Според делумните резултати од изборите, партијата Тиса освоила 138 пратенички места, додека Фидес 54.

Свет | пред 1 ден

1 ден

Жртви во Украина по напад со дрон за време на велигденското примирјето

Во текот на вчерашниот руски напад со беспилотно летало на првата линија на фронтот во регионот Донецк, пред истекот на примирјето прогласено по повод православниот Велигден, загина едно лице.Полицијата наведе дека во напад со FPV-дрон врз градот Дружкивка вчера загинало едно лице, а бил оштетен автомобил. Во одделен напад врз градот Краматорск денеска во 01:46 часот по локално време, едно лице загинало, а едно било повредено.Гувернерот на Донецката област претходно соопшти дека во текот на вчерашниот ден во регионот загинале вкупно две лица. Русија и Украина меѓусебно се обвинуваат за прекршување на 32-часовното примирје.Украинскиот Координативен штаб за постапување со воени заробеници соопшти дека за време на таканареченото велигденско примирје руските сили стрелале четворица украински воени заробеници во регионот Харков.Генералштабот на украинската војска наведува дека се регистрирани повеќе од 10.000 прекршувања на примирјето од страна на руските сили, додека руското Министерство за одбрана тврди дека украинските сили го прекршиле прекинот на огнот во 6.558 случаи.

Свет | пред 1 ден

1 ден

Маѓар повика на оставки на високи унгарски функционери

Петер Маѓар во неделата доцна навечер, во своето обраќање, повика повеќе високи државни функционери да поднесат оставка, меѓу кои и претседателот на Државниот ревизорски уред. Тој исто така побара оставка и од Петер Полт, кој раководи со Уставниот суд.Според Темелниот закон, претседателот на Државниот ревизорски уред го избира парламентот со двотретинско мнозинство од пратениците, за мандат од дванаесет години, а случаите за негов прекин се уредуваат со закон.Од Уставниот суд истакнаа дека институцијата ги извршува своите надлежности во рамки на важечкиот уставен поредок.

Свет | пред 1 ден