Најнови вести

1 ден

803_dmitrij-peskov-shutterstockcom-id1974_f

Песков: Русија го почитува изборот на унгарските граѓани

Портпаролот на Кремљ, Дмитриј Песков, коментирајќи ги резултатите од парламентарните избори во Унгарија, изјави дека земјата го направила својот избор и дека Русија го почитува.Тој истакна дека Москва е заинтересирана за градење добри односи со Унгарија, како и со сите европски земји, додавајќи дека, според него, реципроцитет во односите со дел од Европа сè уште недостасува, но дека Русија останува отворена за дијалог.Песков наведе дека Русија очекува продолжување на прагматичната соработка со новото унгарско раководство, посочувајќи дека постои подготвеност за натамошна комуникација.Паралелно со тоа, шефот на Рускиот фонд за директни инвестиции, Кирил Дмитријев, оцени дека поразот на Фидес може да го забрза распаѓањето на Европската Унија. Според делумните резултати од изборите, партијата Тиса освоила 138 пратенички места, додека Фидес 54.

Свет | пред 1 ден

1 ден

Жртви во Украина по напад со дрон за време на велигденското примирјето

Во текот на вчерашниот руски напад со беспилотно летало на првата линија на фронтот во регионот Донецк, пред истекот на примирјето прогласено по повод православниот Велигден, загина едно лице.Полицијата наведе дека во напад со FPV-дрон врз градот Дружкивка вчера загинало едно лице, а бил оштетен автомобил. Во одделен напад врз градот Краматорск денеска во 01:46 часот по локално време, едно лице загинало, а едно било повредено.Гувернерот на Донецката област претходно соопшти дека во текот на вчерашниот ден во регионот загинале вкупно две лица. Русија и Украина меѓусебно се обвинуваат за прекршување на 32-часовното примирје.Украинскиот Координативен штаб за постапување со воени заробеници соопшти дека за време на таканареченото велигденско примирје руските сили стрелале четворица украински воени заробеници во регионот Харков.Генералштабот на украинската војска наведува дека се регистрирани повеќе од 10.000 прекршувања на примирјето од страна на руските сили, додека руското Министерство за одбрана тврди дека украинските сили го прекршиле прекинот на огнот во 6.558 случаи.

Свет | пред 1 ден

1 ден

Маѓар повика на оставки на високи унгарски функционери

Петер Маѓар во неделата доцна навечер, во своето обраќање, повика повеќе високи државни функционери да поднесат оставка, меѓу кои и претседателот на Државниот ревизорски уред. Тој исто така побара оставка и од Петер Полт, кој раководи со Уставниот суд.Според Темелниот закон, претседателот на Државниот ревизорски уред го избира парламентот со двотретинско мнозинство од пратениците, за мандат од дванаесет години, а случаите за негов прекин се уредуваат со закон.Од Уставниот суд истакнаа дека институцијата ги извршува своите надлежности во рамки на важечкиот уставен поредок.

Свет | пред 1 ден

1 ден

Сибигa: По изборите во Унгарија има простор за нов почеток во односите со Украина

Министерот за надворешни работи на Украина, Андриј Сибига, изјави дека по парламентарните избори во Унгарија постојат повеќе приоритетни прашања што треба да бидат решени меѓу двете земји, повикувајќи на отворање на нова фаза на добрососедска соработка.Тој истакна дека меѓу клучните теми се граничната инфраструктура, процесот на европска интеграција на Украина и прашањата поврзани со членството во Европската Унија. Сибига посочи и дека дел од разговорите се однесуваат на унгарската блокада на пристапниот процес на Украина, како и на санкциите и финансиската поддршка од европските институции.Украинскиот министер изрази уверување дека двете држави имаат заедничка европска перспектива, оценувајќи дека резултатите од изборите во Унгарија отвораат можности за унапредување на билатералните односи. Тој додаде дека Киев веќе испратил сигнали за воспоставување контакти на високо ниво и дека е подготвен за брз и конструктивен дијалог.Сибига наведе дека новите политички околности може да придонесат за решавање на повеќе отворени прашања, вклучително и европскиот пат на Украина, како и за зајакнување на економската и инфраструктурната соработка.

Свет | пред 1 ден

1 ден

СДСМ: Со падот на Орбан ќе се отвораат прашањата за врските со Мицкоски

СДСМ со ново соопштение тврди дека по изборниот пораз на Виктор Орбан во Унгарија може да се отворат прашањата за, како што велат, бизнис врските меѓу Орбан и премиерот Христијан Мицкоски.Од партијата обвинуваат дека Мицкоски ги ставил стратешките интереси на државата во рацете на Орбан, не поради државни, туку поради лични и бизнис интереси.Во соопштението, СДСМ посочува неколку сегменти во кои, според нив, постоело влијание на кругови блиски до Орбан во Македонија. Меѓу нив се споменуваат медиумскиот сектор, телекомуникациите, енергетиката, инфраструктурата и кредитните аранжмани.Во делот за медиумите, СДСМ тврди дека значителен дел од медиумскиот простор во Македонија е под контрола на луѓе блиски до Орбан, преку бизнисмени како Петер Шац и Агнеш Адамик, за кои велат дека управуваат со медиуми што се во функција на ВМРО-ДПМНЕ.Во телекомуникацискиот сектор, партијата ја споменува компанијата 4иЏ, поврзувајќи ја со лиценцата за трет мобилен оператор во Македонија, додека во делот за енергетиката се повикува на фирмата „Статус енерџи“, за која тврди дека е поврзана со унгарски бизнис структури блиски до Орбан.СДСМ го отвора и прашањето за кредитите од Унгарија, оценувајќи дека станува збор за аранжмани што, според нив, ќе ги плаќаат идните генерации.Од партијата најавуваат дека ќе бараат целосна истрага за сите, како што велат, бизнис комбинации меѓу Орбан и Мицкоски.Тврдењата изнесени во соопштението се ставови на СДСМ. Од ВМРО-ДПМНЕ и од Владата засега нема реакција на овие наводи.

Македонија | пред 1 ден

1 ден

Возач од неготинско лишен од слобода по несреќа во Пепелиште, бил пијан и со забрана за возење

Возач од неготинско е лишен од слобода откако во село Пепелиште, управувајќи возило под дејство на алкохол и со активна забрана за возење, удрил во пешак.На 12.04.2026 година во 14:00 часот, полициски службеници од ОВР Неготино го лишиле од слобода Л.Д. (55) од село Пепелиште, неготинско, по сообраќајна несреќа во која учествувал со патничко возило „југо“ со неготински регистарски ознаки. Во незгодата бил удрен пешакот Р.М. (62) од истото село, кој се здобил со телесни повреди констатирани во Итна медицинска помош Неготино.По преземени мерки и проверки било утврдено дека возачот бил под дејство на алкохол, со измерени 2,76 промили во крвта, како и дека го управувал возилото и покрај активна забрана за возење.По насоки од јавен обвинител, Л.Д. бил задржан во полициска станица, а возилото било одземено. По целосно документирање на случајот ќе биде поднесена соодветна пријава против него.

Македонија | пред 1 ден

1 ден

Скарамучи: Орбан бил дел од „фанатичната група“ на Трамп

Поранешниот директор за комуникации на Белата куќа, Ентони Скарамучи, изјави дека Виктор Орбан, кој по 16 години на власт ги загуби парламентарните избори, припаѓал на „фанатичната група“ околу американскиот претседател Доналд Трамп.Скарамучи оцени дека Трамп би можел да го обвини американскиот потпретседател Џеј Ди Венс за изборниот пораз на Орбан. Венс, потсетено е, минатата недела престојуваше во Будимпешта каде учествувал во кампањата за реизбор на Орбан.Тој изјави дека Трамп го гледал Орбан како дел од своето „политичко семејство“ и додаде дека постои можност американскиот претседател да го смета Венс за одговорен, поради неговото учество во кампањата.

Свет | пред 1 ден

1 ден

(Видео) Трамп ја прекина изјавата кога беше прашан за Орбан

Реакции на резултатите од изборите во Унгарија пристигнуваат од целиот свет, од министри до шефови на држави.Новинарите го прашаа американскиот претседател Доналд Трамп за поразот на унгарскиот премиер Виктор Орбан, но тој реагираше неочекувано.На снимките што се шират на платформата X се гледа како Трамп, веднаш штом новинарите почнале да го прашуваат за Орбан, ја прекинал изјавата и се повлекол без коментар. Долгогодишниот унгарски националистички лидер Виктор Орбан го призна поразот по 16 години власт.

Свет | пред 1 ден

1 ден

Еуфорија во Будимпешта: ‘Бела чао’ одекнуваше по поразот на Орбан

По изборниот пораз на Виктор Орбан, улиците на Будимпешта беа исполнети со славје, а меѓу граѓаните одекнуваше познатата песна „Бела чао“.Песната, која историски се поврзува со отпорот и борбата против авторитарни режими, доби силна симболика во контекст на политичките промени во Унгарија.Собраните граѓани со пеење и аплаузи ја прославуваа победата на опозициската Тиса предводена од Петер Маѓар, која стави крај на долгогодишното владеење на Орбан.Атмосферата во главниот град беше исполнета со еуфорија, со пораки за „нова ера“ и враќање кон европскиот курс.

Свет | пред 1 ден

1 ден

Филатов: Украинците не треба да се радуваат на поразот на Орбан

Градоначалникот на Дњепар, Борис Филатов, порача дека Украинците не треба да се радуваат на изборниот пораз на унгарскиот премиер Виктор Орбан, оценувајќи дека нема основ за преголем оптимизам во однос на промените во Будимпешта.Филатов наведе дека новата влада предводена од партијата Тиса и Петер Маѓар нема автоматски да значи поповолен пристап кон Украина, туку дека односот кон Киев ќе треба да се потврди преку конкретни политички чекори.Тој истакна дека ставот на новото унгарско раководство кон Украина сè уште не е целосно јасен и дека ќе биде важно да се следат идните одлуки и политики.Филатов исто така повика украинската јавност да не го заборави, како што рече, негативниот однос на досегашната унгарска власт кон Украина во изминатиот период.

Свет | пред 1 ден

1 ден

Јанковиќ: Победата на Мaѓар може да ги подобри односите меѓу Хрватска и Унгарија

Претставникот на унгарското малцинство во Хрватскиот парламент, Роберт Јанковиќ, изрази очекување дека односите меѓу Хрватска и Унгарија ќе продолжат да се развиваат во позитивна насока, по убедливата победа на Петер Маѓар и неговата партија Тиса на парламентарните избори.Јанковиќ оцени дека исходот од изборите претставува изненадување поради обемот на победата, иако, како што наведе, јавноста очекувала поизедначена изборна трка. Тој додаде дека политичките промени во Унгарија потсетуваат на изборните процеси во Хрватска од почетокот на 2000-тите години.Според него, за идните односи меѓу двете држави ќе биде значајна и фактот што новиот унгарски премиер Петер Маѓар и хрватскиот премиер Андреј Пленковиќ се членови на Европската народна партија, што може да придонесе за дополнително зајакнување на соработката.Јанковиќ нагласи дека засега е прерано за подетални процени за надворешната политика на новата унгарска влада, но изрази надеж дека ќе биде задржан континуитетот во однос на политиките кон унгарските заедници надвор од Унгарија.

Свет | пред 1 ден

1 ден

Земјотрес од 4,7 степени ја погоди областа кај Анталија

Земјотрес со јачина од 4,7 степени според Рихтеровата скала ја погоди Турција во близина на Анталија. Епицентарот бил во отворено море, на длабочина од шест километри и на околу 115 километри од Анталија.Според првичните информации, нема извештаи за повредени лица или материјална штета, а не е издадено предупредување за цунами. Очевидци кои ги споделиле своите забелешки на страницата на центарот наведуваат дека потресот бил краток, но дека се почувствувало лесно нишање.

Свет | пред 1 ден

1 ден

Дванаесет држави меѓу кои и Јапонија повикаа на итни мерки за контрола на нуклеарното вооружување

Група од дванаесет држави кои немаат нуклеарно оружје, меѓу кои и Јапонија, повикаа на засилена меѓународна соработка и итни мерки во областа на контролата на вооружувањето пред претстојната конференција за Договорот за неширење на нуклеарното оружје.Иницијативата за неширење и разоружување, која ја покренаа Јапонија и Австралија во 2010 година со цел зајакнување на овој договор, предупреди дека растечките глобални безбедносни ризици го загрозуваат напредокот постигнат во процесот на нуклеарно разоружување.Во заедничко соопштение, членките на групата повикаа сите држави потписнички на договорот да водат конструктивен дијалог и истакнаа потреба од нови меѓународни спогодби што би обезбедиле поголема транспарентност, предвидливост и воздржаност во развојот на нуклеарните арсенали. Меѓу земјите членки се и Канада, Германија и Турција, кои изразија загриженост поради можниот истек на договорот Нов СТАРТ меѓу САД и Русија, со кој се ограничуваат нивните нуклеарни капацитети.Групата нагласи дека Договорот за неширење на нуклеарното оружје претставува клучен столб на глобалниот безбедносен систем и дека неговиот кредибилитет зависи од рамнотежата меѓу неширењето, разоружувањето и цивилната употреба на нуклеарната енергија.Претстојната конференција за ревизија на договорот ќе се одржи во Њујорк од 27 април и се оценува како еден од клучните моменти за иднината на глобалниот нуклеарен поредок.

Свет | пред 1 ден

1 ден

Иранската Револуционерна гарда: Ниту една пристаниште во Заливот нема да биде безбедно

Иранскиот Корпус на исламската револуционерна гарда (ИРГК) соопшти дека „ниедно пристаниште во Заливот и Оманското Море нема да биде безбедно“ по воведувањето на американските мерки за ограничување на поморскиот сообраќај кон и од иранските пристаништа во Ормускиот теснец.Во соопштението се наведува дека безбедноста на пристаништата „или е за сите, или не е за никого“, при што ИРГК нагласува дека заштитата на територијалните води претставува природно и легитимно право на Иран.Иранските вооружени сили најавија дека бродовите поврзани со „непријателот“ ќе бидат забранети за пловидба низ Ормускиот теснец, додека останатите ќе можат да минуваат според правила утврдени од Техеран.Во меѓувреме, Вашингтон соопшти дека мерките за блокада на иранските пристаништа ќе стапат на сила во текот на денот, што дополнително ги засилува тензиите во регионот.

Свет | пред 1 ден

1 ден

Ватикан со одговор на критиките од Трамп кон папата Лав XIV

Висок претставник на Ватикан реагираше на острите критики на американскиот претседател Доналд Трамп упатени кон папата Лав XIV, оценувајќи дека американскиот лидер се обидува да го потисне „моралниот глас“ бидејќи не може да го контролира.Во објава на социјалната мрежа X, отец Антонио Спадаро наведе дека Трамп не води дијалог со папата, туку се обидува да го присили да се изразува на начин кој одговара на неговата политичка реторика, додека папата, според него, зборува во поинаков морален и духовен јазик.Папата Лав XIV, првиот американски папа, во последните недели сè почесто се огласува за конфликтот меѓу САД, Израел и Иран, при што ја критикуваше американската реторика и закани кон Техеран како неприфатливи.Во меѓувреме, Трамп изјави дека не се согласува со ставовите на папата, особено во однос на нуклеарното оружје и политиката кон Иран, додавајќи дека очекува поголема воздржаност во неговите јавни настапи.Според извештаи на новинари кои го следат Ватикан, ваквите разлики во ставовите претставуваат ретка и отворена дипломатска напнатост меѓу американската администрација и Светата столица.

Свет | пред 1 ден

1 ден

Напад од ВМРО-ДПМНЕ: Приоритет на Филипче нека биде СДС, не избори во странство

ВМРО-ДПМНЕ со остра реакција упати серија обвинувања кон лидерот на СДСМ, Венко Филипче, повикувајќи го да се огради од поранешниот премиер Зоран Заев.Од партијата наведуваат дека Филипче и актуелното раководство на СДС треба „конечно да се дистанцираат“ од Заев и, како што тврдат, од негови „сомнителни бизнис партнери“. Во соопштението се споменуваат имиња како Миодраг Дака Давидовиќ, Александар Онишченко и Борче Марковски.Како еден од случаите за кои бараат одговори, од ВМРО-ДПМНЕ ја посочуваат наводната „зделка Заев–Дака“, поврзана со урбанистички план во Тетово од 2020 година, за кој тврдат дека овозможил заработка од околу 200 милиони евра. Партијата прашува дали бил договорен процент од продажбата на становите.Во реакцијата, Филипче е наречен „чувар на фотелјата“, а СДС е оценет како партија која е „втурната во жива кал“ и која бележи пад на изборните резултати.„Приоритет број еден на Филипче треба да биде да ја стави партијата на здрави нозе, наместо да се занимава со избори во други држави“, се наведува во соопштението.Од ВМРО-ДПМНЕ додаваат дека, доколку Филипче продолжи со, како што велат, „приказната на Заев“, СДС може да се соочи со дополнително слабеење на политичката сцена, при што повикуваат надлежните институции да ги истражат сите сомнежи за криминал.

Македонија | пред 1 ден

1 ден

Техеран предупредува: ескалацијата во Ормус може да го загрози и Баб ел-Мандеб

Иранскиот медиум Тасним, повикувајќи се на извор во Техеран, јавува дека Соединетите Американски Држави би можеле да ја изгубат контролата врз Баб ел-Мандеб доколку преземат мерки против Ормускиот теснец.Во изјавата се наведува дека американските закани за поморска блокада и ограничување на пловидбата низ Ормускиот теснец се оценети како неефикасни и дека не придонесуваат за решавање на кризата.Изворот предупредува дека ваквите потези би можеле да имаат последици за поширокиот регион, вклучувајќи го и стратешки важниот Баб ел-Мандеб, при што би се зголемиле трошоците за транспорт на енергенси и за глобалната трговија.Соопштението доаѓа по најавите од Вашингтон за мерки поврзани со бродскиот сообраќај кон и од иранските пристаништа, што дополнително ги заостри тензиите меѓу двете земји.

Свет | пред 1 ден

1 ден

Ескалација во Персискиот Залив: Тензиите меѓу САД и Иран се продлабочуваат

Американското Седиште на Централната команда (CENTCOM) соопшти дека денес во 10 часот по источноамериканско време ќе започне со спроведување на блокада на целиот поморски сообраќај што влегува во иранските пристаништа и излегува од нив.Според најавите, мерката опфаќа ограничување на бродовите поврзани со Иран, при што се наведува дека ќе бидат засегнати и пловила кои претходно плаќале такси за користење на рутите низ регионот.Од американска страна се наведува дека Иран не ги исполнил претходните обврски поврзани со отворањето на стратешките морски правци, што, според Вашингтон, довело до зголемена неизвесност на глобалните пазари.Иранските власти ваквите закани ги оценија како неприфатливи, предупредувајќи дека секој воен брод што ќе се приближи до теснецот ќе се смета за прекршување на договореното примирје.По најавите за блокада, цените на нафтата бележат нагло зголемување, додека на светските берзи се регистрира пад на индексите. Тензиите во регионот дополнително се продлабочуваат со нови изјави и закани од двете страни.

Свет | пред 1 ден

1 ден

Повеќе од 60 отсто малолетници во Австралија ја заобиколуваат забраната за социјални мрежи

Новото истражување покажува дека повеќе од 60 отсто од малолетните корисници во Австралија сè уште пристапуваат до социјални мрежи, и покрај законската забрана воведена пред четири месеци, која важи за лица под 16 години.Според податоците, значителен дел од децата на возраст од 12 до 15 години продолжуваат да користат платформи како TikTok, Instagram и YouTube, при што голем број од нив сè уште имаат активни профили, иако тие формално треба да бидат деактивирани.Истражувањето наведува дека голем дел од платформите не презеле доволно мерки за целосно спроведување на забраната, што отвора прашања за нејзината ефикасност. Дел од децата изјавиле дека по воведувањето на мерката не забележале значајни промени во својата онлајн безбедност, додека некои дури се чувствуваат и помалку сигурно.Иако дел од родителите пријавуваат позитивни промени во однесувањето на децата, стручните организации предупредуваат дека ваквиот пристап може да ја намали одговорноста на технолошките компании и да не донесе суштинско подобрување на онлајн безбедноста.

Свет | пред 1 ден

1 ден

Жерновски за поразот на Орбан: Прослава на улиците во Унгарија, крокодилски солзи во Белата барокна палата

Секретарот за меѓународна соработка на СДСМ, Андреј Жерновски, реагираше по изборниот пораз на Виктор Орбан во Унгарија, оценувајќи дека исходот има пошироко политичко значење и за регионот, но и за Македонија и ВМРО-ДПМНЕ.„Прослава на улиците во Унгарија, крокодилски солзи во Белата барокна палата!“, напиша Жерновски, алудирајќи на ВМРО-ДПМНЕ.Изјавата доаѓа откако опозициската Тиса предводена од Петер Маѓар оствари убедлива победа на парламентарните избори, ставајќи крај на повеќегодишното владеење на Орбан.Жерновски со оваа порака индиректно сугерира дека политичките промени во Унгарија ќе имаат одраз и врз политичките релации во Македонија, особено во контекст на долгогодишните врски меѓу Орбан и дел од домашната политичка сцена.

Коментари | пред 1 ден

1 ден

Вучиќ ја поздрави победата на Маѓар и изрази благодарност до Орбан

Претседателот на Србија Александар Вучиќ му честиташе на Петер Маѓар, лидерот на партија Тиса, за победата на парламентарните избори во Унгарија. Тој изрази уверување дека соработката меѓу двете земји ќе продолжи и во наредниот период, при што му се заблагодари и на досегашниот премиер Виктор Орбан за неговиот придонес во унапредувањето на односите.Во својата порака, Вучиќ наведе дека очекува натамошно зајакнување на билатералната соработка меѓу Србија и Унгарија, нагласувајќи ја важноста на континуитетот во економските и политичките врски.Односите меѓу Белград и Будимпешта во изминатите години се оценуваат како исклучително блиски, со интензивна соработка во областа на енергетиката, инфраструктурата и европската интеграција. Унгарија е еден од најгласните поддржувачи на побрзо приближување на Србија кон Европската Унија, додека двете земји заеднички реализираат повеќе стратешки проекти, меѓу кои и железничката линија Белград–Будимпешта.Вучиќ во претходни изјави истакнал дека е задоволен од соработката со Орбан и дека ја смета Унгарија за важен партнер во регионот.

Свет | пред 1 ден

1 ден

Културните работници за Уставен: „Што се смени – составот или нарачката?“

Синдикатот на културата на Република Македонија со остра реакција по одлуката на Уставен суд од 8 април 2026 година, обвинувајќи за контрадикторно толкување и потенцијално уривање на работничките права.Во соопштението, Синдикатот посочува дека истиот член 66 од Колективниот договор за култура бил оспоруван и во 2021 и во 2026 година, но со различни правни позиции од страна на Судот. Според нив, во 2021 година Судот јасно утврдил дека колективниот договор е легитимен инструмент за уредување на правата на работниците, додека сега се доведува во прашање неговата законитост.„Не може да се споредуваат како иста категорија вработени кои се во различен институционален и правен режим“, наведуваат од Синдикатот, потенцирајќи дека законите прават јасна разлика меѓу државни и јавни службеници.Дополнително, реагираат дека Судот истовремено го оспорува колективниот договор затоа што „воспоставува сопствен модел“, но и самиот закон го оценува како недоволно прецизен, што според нив создава правна конфузија.„Се добива впечаток дека Уставните судии се порекнуваат самите себе“, се наведува во реакцијата.Синдикатот нагласува дека токму колективните договори треба да ги доуредуваат прашањата што законите не ги разработуваат, особено кога станува збор за методологијата и коефициентите за пресметка на платите.Оттаму предупредуваат дека ваквото толкување може да создаде опасен преседан, со кој би се довеле во прашање сите колективни договори во државата, доколку се оспоруваат затоа што предвидуваат поповолни права од законските.„Секој обид повисоко ниво на работнички права да се претстави како спорен е спротивен на основната логика на трудовото право“, порачуваат од Синдикатот, најавувајќи дека ќе инсистираат на почитување на основните правни начела во понатамошната постапка.

Македонија | пред 1 ден

1 ден

Победнички говор на Маѓар: „Ова е влада за сите граѓани“

Лидерот на Тиса, Петер Маѓар, по изборната победа упати порака до граѓаните, нагласувајќи дека добиениот мандат е најголем во историјата на изборите.„Благодарам на сите Унгарци дома и низ целиот свет. Огромна чест е што со најголем број гласови досега ни дадовте мандат да формираме влада и во следните четири години да работиме за слободна, европска, функционална и човечна Унгарија“, порача Маѓар.Тој најави дека новата влада ќе биде влада на сите граѓани, без разлика на политичката определба.„Владата на Тиса ќе биде влада на секој Унгарец. Како премиер, секој ден и секој час ќе работам за безбедноста, развојот и благосостојбата на нашата татковина“, истакна Маѓар.Во симболична порака, тој се повика и на историското наследство, наведувајќи дека ќе ја извршува функцијата со одговорноста на првите државници на модерна Унгарија.„Бог нека ми помогне“, заврши новоизбраниот премиер.

Свет | пред 1 ден

1 ден

(Видео) Израелските одбранбени сили : уништена подземна инфраструктура на Хезболах во јужен Либан

Израелските одбранбени сили (ИДФ) објавија видео-снимка за која тврдат дека прикажува уништување на тунел на Хезболах во јужниот дел на Либан.Според соопштението, станува збор за подземна рута која, како што наведуваат, се користела за планирање и изведување активности насочени против израелските војници. Снимката е црно-бела и прикажува напад врз инфраструктурата за која ИДФ тврди дека е дел од мрежата на Хезболах.Од израелската армија додаваат дека објектот бил уништен по спроведени претреси во внатрешноста на тунелот и дека операциите против оваа инфраструктура ќе продолжат.

Свет | пред 1 ден

1 ден

Корисници бесни: YouTube пушта 90-секундни реклами што не се прескокнуваат?

YouTube се најде под силен притисок од корисници ширум светот, откако на социјалните мрежи се проширија тврдења дека платформата пушта реклами од 90 секунди што не можат да се прескокнат.Во објавите се споделуваат и скриншотови од интерфејсот, на кои се гледа дека копчето за прескокнување станува достапно дури по минута и половина. Незадоволството особено е изразено кај корисниците кои гледаат содржини преку ТВ-апликацијата, каде долгите рекламни блокови се доживуваат како директен удар врз корисничкото искуство.Дел од реакциите одат и подалеку, со прашања дали воопшто има смисла користењето на платформата на голем екран ако цената е, како што велат, „заробено време“ пред видеото.Од друга страна, од YouTube официјално ги отфрлаат овие тврдења. Во соопштение наведуваат дека не постои формат на непрескокливи реклами од 90 секунди и дека во моментов не тестираат таква опција, но додаваат дека ги разгледуваат пријавите за да утврдат што точно се случува.Токму судирот меѓу масовните сведоштва и официјалната негација ја засилува недовербата. Критичарите прашуваат како е можно голем број корисници да пријавуваат идентично искуство во ист период, доколку не станува збор за ограничен тест, системска грешка или регионално специфична промена.Дополнителен сомнеж буди и практиката на дигиталните платформи да тестираат нови функционалности на мал број корисници без јавна најава. Според дел од анализите, можно е да станува збор за експеримент со цел да се измери толеранцијата на публиката – колку долго ќе прифаќа подолги реклами пред да се префрли на друга платформа или да избере платена претплата.За корисниците, дилемата останува: дали да му веруваат на официјалниот став или на сопственото искуство – 90 секунди кои, кога чекаш да почне видеото, изгледаат многу подолго.

Магазин | пред 1 ден