Промени тема
Контакт
Нова вест Админ
site logo skopje1
„Претрес“ на Јане Ченто: 27 април, затворот, сведоците, снимките, ВМРО-ДПМНЕ и второто полувреме
„Претрес“ на Јане Ченто: 27 април, затворот, сведоците, снимките, ВМРО-ДПМНЕ и второто полувреме

Најнови вести

1 ден
media-librarytfd92npp5hrcezk1OA5

Македонија ја потпиша Рамковната конвенција на Советот на Европа за вештачка интелигенција

Министерство за правда соопшти дека Македонија ја потпишала Рамковната конвенција на Совет на Европа за вештачка интелигенција.Конвенцијата, усвоена од Комитетот на министри на Советот на Европа во мај 2024 година, претставува прв обврзувачки меѓународен инструмент што воспоставува принципи и стандарди за безбедна, етичка и одговорна употреба на вештачката интелигенција.Со потпишувањето, државата се приклучува кон меѓународните напори за воспоставување јасни правила за развој и употреба на вештачката интелигенција, во согласност со принципите на човековите права, демократијата и владеењето на правото.На церемонијата, министерот за правда Игор Филков му се заблагодари на генералниот секретар на Советот на Европа, Ален Берсе, за поддршката и лидерството во процесот.„Воведуваме јасни гаранции дека вештачката интелигенција ќе се користи на начин што го почитува човековото достоинство, еднаквоста и недискриминацијата. Граѓаните ќе имаат поголема заштита на приватноста и личните податоци“, изјави Филков.Тој нагласи дека Конвенцијата им овозможува на државите флексибилност во приспособувањето на мерките според сопствените правни и институционални системи, при почитување на универзалните стандарди.Од Министерството информираат дека во следниот период ќе следува предратификациска анализа и усогласување со националното законодавство, во процес во кој ќе бидат вклучени институции, експерти и претставници на граѓанскиот сектор.„Технолошкиот развој мора да биде во служба на граѓанинот. Иновациите мора да бидат безбедни, етички и одговорни“, порача министерот Филков.

Македонија | пред 1 ден

1 ден
media-libraryrgu6m6qtmpjv40VglpV

Ниту директна закана, ниту список со ученици: порака од седмоодделенец „ќе ве посетам на 18 мај“ предизвика паника во битолско училиште

Пораки во родителски групи и објави на социјалните мрежи предизвикаа паника во Битола, откако почнаа да се шират тврдења дека ученик од седмо одделение во основното училиште „Стив Наумов“ се заканувал дека ќе убива соученици.Првичните информации што се споделувале меѓу родители биле дека заканите биле објавени на „ТикТок“. Но засега, за таква директна закана нема никаков доказ. Нема објава со експлицитна закана, ниту фотографија или снимка од евентуално избришана содржина. Сепак, поради стравот и реакциите во јавноста, ученикот во изминатите денови не посетувал настава.Според јавните објави, вознемиреноста ја предизвикала објава на „ТикТок“ во која седмоодделенецот напишал: „Ќе ги посетам за брзо, 18 мај“. Дел од учениците и родителите ова го протолкувале како закана, по што во битолски групи на Фејсбук почнале да се шират предупредувања.„Некој ученик по име .... од седмо се заканувал дека на 18.05.2026 ќе извршувал убиства во училиштето ‘Стив Наумов’, дали сте запознаени со овој случај“, стои во една од објавите.Директорот на училиштето, Никола Пискачев, за „Скопје1“ вели дека досега не е утврдена ниту една директна закана за убиство.„Ниту една од овие содржини не може да се потврди како директна изјава на ученикот во која експлицитно стои закана од типот дека ќе ги убие соучениците. Сите релевантни објави и содржини се евидентирани од страна на класниот раководител и се предочени на родителите на ученикот“, вели Пискачев.Тој додава дека содржините од социјалните мрежи внимателно се анализираат, но и дека мора да се води сметка за приватноста на ученикот.„Скопје1“ стигна и до јавниот профил на ученикот, каде пред една недела објавил фотографии со текст во кој се жали дека е следен и критикуван од соученици и родители.„Море кидари недораснати тешко мене, со кој учам, тие ќе ми кажуваат што ќе снимам, мене школото ќе ми контролира во мојот приватен живот…“, пишува во една од објавите.Во друга објава од 3 мај, ученикот напишал: „Идржете уште 38 дена на училиште“.Директорот посочува дека ученикот претходно бил префрлен од друго основно училиште во Битола, поради проблеми во класот.„Во текот на оваа учебна година, а особено во второто полугодие, се забележува интензивирање на одредени проблеми. Пријавените закани се оценети како нереални и предимензионирани, но случајот се третира со зголемена внимателност“, додава Пискачев.Од училиштето велат дека случајот е пријавен во полиција, Центар за социјални работи и надлежните инспекторати. Истовремено, посочуваат дека и самиот ученик претходно пријавувал булинг насочен кон него.„Пријавени се одредени ситуации на булинг од негова страна, по кои е постапено од страна на класниот раководител и стручната служба. Сепак, според увид во службените записници, не е констатирано постоење на булинг како официјален наод“, вели директорот.Од училиштето апелираат до јавноста, родителите и учениците да покажат смиреност, разумност и одговорност, со оглед на чувствителноста на ситуацијата и фактот дека станува збор за малолетници.

Македонија | пред 1 ден

1 ден
1669028980_2874109_rumen-radev_ls

Радев стана нов премиер на Бугарија со поддршка од 124 пратеници

Народното собрание на Бугарија денеска ја изгласа новата влада на Румен Радев, со што официјално беше формиран 107-от редовен кабинет на Бугарија.Пратениците ја поддржаа структурата, составот и изборот на премиерот со 124 гласа „за“, 70 „против“ и 36 „воздржани“. Со истиот резултат беа изгласани и составот и структурата на Советот на министри.По гласањето, новата влада положи свечена заклетва, по што беа интонирани химните на Бугарија и на Европската Унија. За време на европската химна, пратениците од Вазраждане демонстративно ја напуштија пленарната сала.Како што се очекуваше, владата беше поддржана од пратениците на Прогресивна Бугарија, додека ГЕРБ-СДС остана воздржана. Против гласаа ДПС, Демократска Бугарија, Продолжуваме со промената и „Вазраждане“.Во своето обраќање пред парламентот, Радев најави дека владата ќе работи на забрзан економски развој, модернизација на државата, борба против корупцијата и реформи во институциите.Тој истакна дека приоритети ќе бидат привлекување инвестиции, развој на високите технологии и вештачката интелигенција, енергетска и прехранбена безбедност, како и подобрување на образованието и здравствениот систем.Радев порача и дека Бугарија ќе продолжи да ги почитува своите обврски во рамките на ЕУ и НАТО, и покрај чувствителните политички теми поврзани со војната во Украина и односите со Москва.Неговата партија „Прогресивна Бугарија“ победи на предвремените парламентарни избори одржани на 19 април, освојувајќи доволно пратеници за самостојно формирање влада.

Балкан | пред 1 ден

1 ден
media-libraryb39kumub1v8s3kkgZFN

Муцунски: Остануваме кредибилен партнер на Европската Унија

Министерот за надворешни работи и надворешна трговија, Тимчо Муцунски денеска оствари средба со висока делегација од Европска служба за надворешно дејствување во рамки на Партнерството за безбедност и одбрана меѓу Европска Унија и Македонија.На средбата бил поздравен редовниот политички дијалог што се води во рамки на партнерството потпишано во 2024 година, при што било оценето дека вториот состанок одржан во април 2026 година во Брисел претставува значаен чекор кон конкретизирање на заедничките приоритети за соработка.Соговорниците размениле мислења и за тековните дискусии меѓу земјите членки на ЕУ во рамки на Европски мировен инструмент, особено во однос на подготовката на Стратешките насоки за 2027 година.Притоа било нагласено дека се очекува поголема поддршка за земјите од регионот, како и развој на проекти со регионална димензија.Претставниците на ЕЕАС информирале и за можни поголеми регионални проекти кои би биле финансирани преку буџетот на Европскиот мировен инструмент за 2027 година.Министерот Муцунски ја реафирмирал посветеноста на Македонија како кредибилен и конструктивен партнер на Европската Унија во областа на надворешната и безбедносната политика, потенцирајќи дека европската интеграција останува стратешки приоритет на државата.

Македонија | пред 1 ден

1 ден
media-librarymu01847kune95ZXWbCZ

Ирански функционер: „Наместо САД, треба да се викаат Држави на идиоти“

Иранскиот пратеник Ебрахим Резаи жестоко ги навредил САД во објава на социјалните мрежи, додека продолжуваат тензиите во и околу Ормутскиот теснец.„Со овој претседател и тој идиотски министер за одбрана, мислам дека наместо САД треба да зборуваме за СДИ – Соединетите Држави на идиоти“, напишал Резаи на платформата Икс.Тој додал дека американските поморски сили нема да можат да минат низ Ормутскиот теснец дури ни „со целата морнарица“, а Вашингтон го обвинил дека се однесува „како разгалено дете“.Коментарите следуваат по судирите меѓу иранските и американските сили. Двете страни меѓусебно се обвинуваат за кршење на едномесечното примирје поврзано со конфликтот што започна кон крајот на февруари.

Свет | пред 1 ден

1 ден
media-libraryntvhc3da5bk2bbkLY3b

Иран со заканувачка порака до САД: „Ако видиш дека лавот ги покажува забите, немој да мислиш дека лавот се смее“

Портпаролот на Министерството за надворешни работи на Иран, Есмаил Багаеи, објавил предупредување на арапски јазик на социјалните мрежи по судирите меѓу иранските и американските сили во и околу Ормутскиот теснец.„Ако видиш дека лавот ги покажува забите, немој да мислиш дека лавот се смее“, напишал Багаеи на платформата Икс.Објавата следувала по размената на оган меѓу иранските и американските сили. Двете страни меѓусебно се обвинуваат за кршење на едномесечното примирје поврзано со конфликтот што започна по американско-израелските напади врз Иран кон крајот на февруари.Американскиот претседател Доналд Трамп изјавил дека три разурнувачи на американската морнарица биле нападнати додека минувале низ Ормутскиот Теснец.Од друга страна, иранската војска го обвинила САД за напад врз ирански пловила.

Свет | пред 1 ден

1 ден
nafta

Кина од утре ги зголемува цените на бензинот и дизелот

Кина од утре ќе ги зголеми малопродажните цени на бензинот и дизелот, во рамки на редовната ревизија на цените на горивата.Цената на бензинот ќе биде повисока за 320 јуани, односно околу 47 долари, по метрички тон, додека цената на дизелот ќе порасне за 310 јуани, или приближно 44 долари, по метрички тон.Овој потег следува откако Кина повторно почна да ги зголемува горните граници на цените на горивата. Во април, властите ги намалија за да го ублажат растот на цените на нафтата предизвикан од војната против Иран и затворањето на Ормутскиот теснец.

Свет | пред 1 ден

1 ден
media-librarya6c1psbkkpqs88n6Ilf

Филипче на X: СДСМ му честита на Радев, со почитување на нашиот идентитет и на европските принципи, можеме да ги надминеме сите отворени прашања

Венко Филипче преку објава на социјалната мрежа X му честита на Румен Радев за изборот за премиер на Бугарија и изрази надеж дека новата бугарска влада ќе има конструктивен пристап кон Македонија.Во објавата се наведува дека добрососедските односи треба да се градат во интерес на граѓаните на двете држави, без загрозување на македонскиот национален идентитет, јазик и култура.Од СДСМ потенцираат дека државата останува цврсто определена кон европската интеграција и дека членството во Европска Унија е единствениот пат за иднината на земјата.Во реакцијата се упатуваат и критики кон Христијан Мицкоски, за кого од СДСМ тврдат дека создава вештачки конфликти со соседите и го блокира европскиот процес на државата.„Веруваме дека преку конструктивен дијалог, без прекршување на црвените линии и со почитување на нашиот национален идентитет и европските принципи, можеме да ги надминеме сите отворени прашања“, наведува ФилипчеВо објавата се додава дека добрососедските односи се клучни за заеднички живот во европското семејство и за подобар животен стандард на граѓаните.

Македонија | пред 1 ден

1 ден
media-library8f3nrtd1oncp5yJMLLY

СДС и Филипче се додворуваат на Бугарија и испраќаат порака дека се спремни за ново национално предавство, вели Манасиевски

Членот на Централниот комитет на ВМРО-ДПМНЕ, Валентин Манасиевски на денешната прес-конференција обвини дека СДСМ и нејзиниот лидер Венко Филипче испраќаат пораки дека се подготвени за нови отстапки кон Бугарија на штета на македонските национални интереси.На прес-конференција, членот на Централниот комитет на ВМРО-ДПМНЕ, Валентин Манасиевски, изјави дека СДСМ нема „црвени линии“ и дека е подготвена да прифати уставни измени без гаранции дека тоа ќе биде последната пречка на европскиот пат на државата.„Филипче постојано изјавува дека веднаш е подготвен за уставни измени, без гаранции дека тоа би била последната пречка за Македонија“, рече Манасиевски.Тој оцени дека политиките на Филипче претставуваат продолжение на, како што рече, политиките на поранешниот премиер Зоран Заев.Во обраќањето беа споменати и Преспански договор, Договорот за добрососедство со Бугарија и Францускиот предлог, кои според ВМРО-ДПМНЕ биле штетни за македонските државни интереси.Манасиевски истакна дека СДСМ и Филипче повторно се подготвени за, како што наведе, „национални предавства“, додавајќи дека поради тоа партијата ја губи поддршката кај граѓаните.

Македонија | пред 1 ден

1 ден
media-librarymunk4dnugku3fGSMgt7

ИЈЗ: Нема ризик за Македонија од смртоносниот хантавирус

Институт за јавно здравје соопшти дека внимателно ја следи состојбата поврзана со пријавениот кластер на хантавирусна инфекција кај патници и членови на екипажот на крузерот MV Hondius во регионот на Јужниот Атлантски Океан.Според податоците на Светска здравствена организација и Европски центар за превенција и контрола на болести, досега се регистрирани осум потврдени и сомнителни случаи, меѓу кои и три смртни исходи.Од ИЈЗ информираат дека во моментов нема регистрирани случаи, патници или блиски контакти поврзани со Македонија, ниту постојат индикации за ризик по јавното здравје во државата.Според досегашните информации, изложеноста најверојатно е поврзана со престој во области каде има природно присуство на глодари, кои се природни резервоари на хантавирусите.Од Институтот објаснуваат дека хантавирусите се група зоонозни вируси кои најчесто се пренесуваат преку вдишување честички контаминирани со урина, измет или секрети од заразени глодари, како и преку контакт со загадени површини.Во соопштението се наведува дека постојат два главни синдроми поврзани со инфекцијата – хеморагична треска со бубрежен синдром, која е регистрирана и во земјава, и хантавирусен белодробен синдром, кој е почест во Северна и Јужна Америка и има значително повисока смртност.ИЈЗ нагласува дека кај повеќето типови на хантавируси не е докажан пренос меѓу луѓе, освен кај одредени видови во Јужна Америка, каде е регистриран ограничен интерхуман пренос.Од Институтот потсетуваат дека не постои специфична терапија или вакцина за хантавирусна инфекција, а превенцијата главно се базира на избегнување контакт со глодари и нивни излачувања.„Според моменталните проценки на меѓународните здравствени институции, ризикот за пошироката популација останува низок“, наведуваат од ИЈЗ.Од таму додаваат дека продолжуваат да ја следат состојбата и дека јавноста навремено ќе биде информирана за сите нови сознанија и препораки.

Македонија | пред 1 ден

1 ден
media-library3fdui4496h3n1lMfAyr

Почна „Генералка викенд“ – најмасовната еко-акција на Балканот

Орце Ѓорѓиевски на социјалните мрежи објави дека денеска започнува еко-акцијата „GENERALKA WEEKEND“, која ја оцени како најмасовна акција од ваков тип на Балканот, со учество на десетици илјади волонтери, институции, организации и компании од целата држава.Според него, во акцијата се вклучени 80 општини, повеќе од 600 организации и над 250 државни институции, а активностите ќе се реализираат на околу 500 локации низ државата.На отворањето на акцијата присуствувале Гордана Силјановска-Давкова, Рози Мицкоска, амбасадорот на Австрија, Мартин Памер, како и министерот за животна средина Муамер Хоџа.„Чистата животна средина е заедничка одговорност. Секој има улога во изгледот на својата улица, маало, град и држава“, порача Ѓорѓиевски.Тој истакна дека чистотата на Скопје останува еден од главните приоритети на градските власти и дека јавните претпријатија и службите работат во три смени на одржување на хигиената.Ѓорѓиевски најави и кампања за подигнување на јавната свест за заштита на животната средина, како и засилени инспекциски контроли на терен.„Љубовта кон Скопје не се покажува само со зборови, туку со дела – со секоја чиста улица, зачуван парк и одговорно однесување“, истакна тој.Според него, само со заедничка ангажираност може да се изгради чист, уреден и достоинствен главен град.

Скопје | пред 1 ден

1 ден
media-libraryrs32c86tsk4aawdTXmk

Уапсен маж од Кичево: пронајдени пушки и куршуми

Министерство за внатрешни работи соопшти дека полициски службеници од ОВР Кичево вчера лишиле од слобода 65-годишен жител на Кичево.При претреси извршени со судска наредба во неговиот дом и помошни простории во Кичево, како и во селото Попоец, полицијата пронашла и одзела две пушки и куршуми од различен калибар.Од МВР информираат дека лицето било задржано во полициска станица, а по целосно документирање на случајот против него ќе биде поднесена соодветна пријава.

Македонија | пред 1 ден

1 ден
media-librarycrrnca6ehmbab3tw2Kn

Родители обвинија седмоодделенец од Битола објавил заканувачки список со соученици и родители на Тик-Ток

Родители на ученици во основно училиште во Битола, обвинуваат дека ученик од седмо одделение објавувал заканувачки содржини на „Тикток“, со имиња на негови соученици и нивни родители, како и датум на извршување на заканите. За ова, досега не е објавен никаков доказ, ниту пак копија од содржината.Случајот предизвикал вознемиреност во целото училиште, кои поднеле претставка до Државниот просветен инспекторат, по што училиштето го известило Министерството за внатрешни работи, Центарот за социјални работи и Подрачното одделение за образование во Битола.На неговата социјална мрежа, има најразлични содржини, но не можат да се најдат експлицитни закани.Поради случајот бил одржан и итен родителски состанок, на кој дел од родителите побарале ученикот да биде преместен од одделението.Од училиштето соопштија дека содржините не биле објавувани во текот на наставата или во училиштето, но дека веднаш постапиле согласно со законските обврски и презеле мерки за заштита и поддршка на учениците.„Апелираме до јавноста за воздржаност од ширење непроверени информации и за почитување на приватноста и достоинството на сите инволвирани лица, особено затоа што станува збор за малолетници“, наведуваат од училиштето.Оттаму додаваат дека ќе продолжат да соработуваат со надлежните институции до целосно расчистување на случајот.Според информациите, родителите на ученикот најавиле дека тој ќе биде префрлен во друго училиште.ос

Македонија | пред 1 ден

1 ден
media-libraryekkeafch0c235DFzDnC

Почина новинарката Ирена Радовановиќ

Почина новинарката Ирена Радовановиќ, оставајќи зад себе значаен белег во новинарската професија и длабока тага кај семејството, пријателите и колегите.Според информациите објавени од семејството, погребот ќе се одржи во сабота, на 9 мај 2026 година, во 11 часот на гробиштата во Радишани.„На 8 мај 2026 година од овој земен свет замина нашата светлина, Ирена Радовановиќ. Ве замолуваме, ако некогаш ве носи патот до некој храм, запалете свеќа и помолете се за нејзината душа. Го сакаше Господ, ги сакаше луѓето, го сакаше животот – за жал, прекратко“, се наведува во соопштението на семејството.Ирена Радовановиќ ќе остане запаметена по својата професионалност, посветеност кон новинарството и човечноста.

Македонија | пред 1 ден

1 ден
media-libraryt01un804g9469k4t9ol

Најголема заплена на дрога во Европа: 30 тони кокаин вреден 812 милиони евра

Шпанската полиција запленила 30 тони кокаин од брод во близина на Канарските Острови, што претставува најголема заплена на дрога досега во Европа, соопштил Високиот суд.Бродот „Аркониан“, кој пловел под знамето на Коморите, бил запрен на 1 мај во операција во која учествувале и американските и холандските власти.Вредноста на запленетата дрога се проценува на повеќе од 812 милиони евра, односно околу 956 милиони долари.Со оваа акција повеќе од двојно е надминат претходниот шпански рекорд од 13 тони, а надминат е и досегашниот европски рекорд од 25 тони кокаин запленети во Хамбург во 2024 година.Полицијата верува дека кокаинот требало да биде префрлен на брзи чамци и прошверцуван до шпанското копно.На бродот биле пронајдени оружје и муниција, а шест членови на екипажот биле откриени скриени за време на полициското качување на пловилото.Од вкупно 23 членови на екипажот, 17 биле од Филипините, а шестмина од Холандија и Суринам.Судот им одредил притвор без можност за кауција на сите уапсени поради тежината на кривичното дело, опасноста од бегство и ризикот од повторување на делото.Деталите од операцијата ќе бидат претставени на прес-конференција в петок.

Свет | пред 1 ден

1 ден
media-library1t2tav14gou61RFfcQU

ВРЕДИ утре официјално се обединува во една политичка партија

ВРЕДИ утре, на 9 Мај – Денот на Европа, ќе одржи конгрес на обединување, на кој пет политички субјекти формално треба да донесат одлука да настапуваат како единствен политички субјект во рамките на албанскиот политички блок во државата.Во пресрет на конгресот, од коалицијата порачаа дека процесот на обединување бил долг и исполнет со политички предизвици, сомнежи и обиди за негово спречување.„Кога се создаде ВРЕДИ, не сите веруваа дека овој пат ќе стигне до оваа точка. Имаше такви што очекуваа поделби, замор и неуспех, но и такви што отворено работеа процесот да не успее“, наведуваат од коалицијата.Од ВРЕДИ велат дека утрешниот конгрес ќе биде потврда дека коалицијата од политички сојуз преминува во единствено политичко тело.Според нив, одлуката не е резултат на политички притисок, туку на уверувањето дека Албанците добиваат повеќе кога политичкото дејствување е обединето и организирано.„Ова не е наметнато обединување. Тоа е резултат на вербата дека Албанците не победуваат кога политиката е фрагментирана, туку кога енергијата и застапеноста се обединети“, соопштија од ВРЕДИ.На Конгресот на обединувањето се очекува присуство на околу 850 делегати, кои треба формално да го потврдат спојувањето на петте политички ентитети во една структура.„Од идеја во која многумина се сомневаа, ВРЕДИ утре станува политичка реалност“, се наведува во пораката на коалицијата.

Македонија | пред 1 ден

1 ден
media-librarynu895defg3c45y8j8M4

(Видео) Хаос поради епидемијата на смртоносниот хантавирус на крузер: Заразени патници пристигнуваат во Европа

Епидемијата на хантавирус, која досега однесе три животи на крузерот „Хондиус“, продолжува да се шири, а под надзор на властите сега се и патниците од авионите што биле во контакт со заразените лица.Стјуардеса на холандската авиокомпанија КЛМ од Харлем е хоспитализирана поради можна инфекција со смртоносниот вирус, откако била во контакт со 69-годишна Холанѓанка, која подоцна починала.По избувнувањето на заразата на крузерот, првиот швајцарски државјанин бил тестиран позитивно на вирусот и веднаш изолиран. Повеќе лица од различни делови на светот, исто така, покажале симптоми на хантавирус.Најмалку седум лица од бродот се заразени. Меѓу заболените и евакуираните е и Британецот Мартон Ансти, кој изјавил дека е во карантин и дека лекарите наскоро ќе имаат појасна слика за неговата состојба.Според Асошиејтед прес, аргентинските власти претпоставуваат дека холандска брачна двојка најверојатно се заразила при набљудување птици во Ушуаја. За време на турата, тие наводно посетиле и депонија каде што можеби дошле во контакт со глодари.Состојбата со патниците по напуштањето на бродот останува нејасна. Холандските власти денеска соопштиле дека околу 40 патници се симнале од бродот на островот Света Елена во јужниот Атлантик.Меѓу патниците кои се искрцале имало државјани од Велика Британија, САД, Холандија, Канада, Швајцарија, Турција, Германија, Данска, Нов Зеланд, Сингапур, Шведска и други држави. Една Холанѓанка подоцна починала во болница во Јоханесбург.Се очекува крузерот во сабота да пристигне на Тенерифе, а евакуацијата на преостанатите патници да почне во понеделник.За време на крстарењето, на бродот имало 88 патници и 59 членови на екипажот од 23 држави. Првично ќе бидат прегледани во клиники на Канарските Острови, по што ќе се организира нивното враќање во матичните земји.Светската здравствена организација трага и по патниците од летот „Ерлинк 4З132“, кој на 25 април летал од Света Елена кон Јужна Африка. На тој лет била и Холанѓанката која подоцна починала.Според холандските медиуми, идентификувани се сите патници од летот на КЛМ од Јоханесбург до Амстердам.Властите и Светската здравствена организација сега се обидуваат детално да ги реконструираат контактите на заразените лица, вклучително и контактите на бродот, пред качувањето и за време на евакуациските летови.Научниците сè уште немаат целосно објаснување како се пренесува вирусот од човек на човек, но познато е дека тоа се случува при близок и подолготраен контакт. Студија објавена во списанието Фронтиерс ин Мајкробиолоџи укажува дека вирусот може да се пренесува преку респираторниот тракт или плунка.Шпанското Министерство за внатрешни работи соопшти дека евакуацијата на патниците ќе почне на 11 мај, доколку бродот пристигне според планот.Министерството за одбрана на Шпанија и шпанската војска ќе ја координираат операцијата за транспорт на шпанските патници до болница во Мадрид.Шпанија најави и дека земјите членки на ЕУ ќе бидат повикани да ги репатрираат своите државјани од Канарските Острови.

Свет | пред 1 ден

1 ден
media-libraryd9eo1lt3cbkf0VtbIgs

Првпат нападнат кинески танкер во близина на Ормутскиот теснец

Танкер за превоз на нафтени деривати во кинеска сопственост бил нападнат во понеделникот во близина на Ормутскиот теснец, што претставува прв регистриран напад врз кинеско пловило од почетокот на конфликтот во Иран кон крајот на февруари.Поради ескалацијата на тензиите, сообраќајот низ овој клучен поморски премин, низ кој минува околу една петтина од светското снабдување со нафта и гас, речиси целосно е запрен, пренесуваат кинеските медиуми.Според извори од поморската безбедност, оштетениот брод најверојатно е танкерот за хемикалии и нафтени деривати „Џеј-Ви Иновејшн“, кој плови под знамето на Маршалските Острови.Инцидентот се случил во Заливот, во близина на брегот на Обединетите Арапски Емирати и недалеку од пристаништето Мина Сакр. Според медиумските извештаи, на палубата на бродот, кој ја носел ознаката „Кинески сопственик и екипаж“, избувнал пожар.Министерството за надворешни работи на Кина денеска го потврди нападот и изрази длабока загриженост.„На бродот има кинески државјани, но засега нема информации за жртви меѓу екипажот“, соопштило Министерството.Поради судирите меѓу САД и Иран, стотици бродови и околу 20.000 морнари останале блокирани во Заливот. Сообраќајот низ Ормутскиот теснец е речиси парализиран по серијата напади врз пловила во текот на неделата.Американскиот претседател Доналд Трамп во понеделникот најавил акција за помош на блокираните бродови, но планот бил прекинат веќе следниот ден. До прекинот дошло откако Иран одговорил со лансирање беспилотни летала и ракети кон повеќе пловила и соседни држави, особено кон Обединетите Арапски Емирати.Во екот на кризата, кинескиот министер за надворешни работи Ванг Ји се сретнал во Пекинг со својот ирански колега Абас Арагачи. Главна тема на разговорите било повторното отворање на теснецот, соопштило кинеското Министерство.Кина и натаму е клучен купувач на иранска нафта, која се наоѓа под американска блокада во Оманскиот Залив.Во меѓувреме, според неименувани извори и претставници, САД и Иран наводно се приближуваат кон ограничен и привремен договор за прекин на огнот. Таквиот договор би ги запрел борбените дејства, но би ги оставил нерешени најспорните прашања меѓу двете држави.

Свет | пред 1 ден

1 ден
media-libraryfjvfpoefo1cuctsUdAN

ФИФА тројно ги зголеми цените на билетите за финалето на Светското првенство

ФИФА значително ги зголеми цените на најскапите билети за финалето на Светското првенство, кое ќе се игра на 19 јули на стадионот „МетЛајф“ во Ист Радерфорд, во близина на Њујорк Сити.Најскапите билети сега чинат 32.970 долари и на продажната страница на ФИФА се означени како „предна категорија еден“.Претходно, највисоката цена за истата категорија изнесувала 10.990 долари, а таа опција во четвртокот навечер била достапна само за корисници на инвалидски колички и билети со олеснет пристап.Високите цени важат и за завршницата на турнирот.Билетите за полуфиналето на 14 јули на стадионот AT&T во Арлингтон чинеле 11.130, 4.330, 3.710 и 2.705 долари, додека за второто полуфинале, кое ќе се игра ден подоцна на стадионот „Мерцедес-Бенц“ во Атланта, билетите биле понудени по цени од 10.635, 3.545 и 2.725 долари.Скапо биле наплатувани и натпреварите на фудбалската репрезентација на Соединетите Американски Држави во групната фаза.За дуелот со Парагвај на 12 јуни на стадионот СоФи во Инглвуд, цените биле 2.735, 1.940 и 1.120 долари. За натпреварот против Австралија на 19 јуни во Сиетл, највисоката цена достигнала 2.715 долари, додека за средбата со Турција на 25 јуни повторно во Инглвуд билетите чинеле 2.970, 1.345, 990 и 840 долари.Претседателот на ФИФА, Џани Инфантино, ја бранеше ваквата политика на конференцијата „Милкен институт глобал“ на Беверли Хилс.„Мораме да го следиме пазарот. Се наоѓаме на пазар каде што забавната индустрија е најразвиена во светот, па мора да применуваме пазарни цени“, изјавил Инфантино.Тој додал дека препродажбата дополнително ги зголемува цените на секундарниот пазар.„Ако билетите би се продавале по прениска цена, тие би биле препродадени по многу повисока цена“, рекол претседателот на ФИФА.На платформата на ФИФА за препродажба, билетите за финалето во четвртокот биле понудени по цени од 8.970 до речиси 11,5 милиони долари.ФИФА не ги одредува цените на таа платформа, но наплатува провизија од 15 проценти и од купувачот и од продавачот.Американските конгресмени Френк Палоне и Нели Поу му испратиле писмо на Инфантино со барање за објаснување за „динамичкото формирање на цените“, бројот на непродадени билети и провизиите на платформата за препродажба.„Длабоко сме загрижени поради извештаите дека ФИФА користи нетранспарентни цени, променливи правила и потенцијално измамнички практики“, се наведува во писмото.Одделот за медиуми на ФИФА засега не одговорил на барањето за коментар во врска со писмото.

Спорт | пред 1 ден

1 ден
media-libraryi7o6u6krmpj7dsIQpSC

(Видео) Леброн одби да зборува за судиите по новиот пораз од Оклахома, една реченица ги „запали" социјалните мрежи

Кошаркарот на Лос Ангелес Лејкерс, Леброн Џејмес, беше видно разочаран по поразот од Оклахома Сити Тандер со 125:107.Лејкерс сега губат со 0-2 во полуфиналната серија од плејофот на Западната конференција, а натпреварот беше проследен со бројни реакции и тензии околу судењето. За време и по мечот имаше расправии со арбитрите, вклучувајќи го и конфликтот на Остин Ривс со еден од судиите.Тренерот Џ. Џ. Редик по натпреварот изјави дека Леброн има „најлош судиски третман од која било ѕвезда“ што ја видел.Леброн, кој средбата ја заврши со 23 поени и шест асистенции, не сакаше да навлегува во темата за судењето и даде краток одговор по поразот.„Губиме со 2-0“, им рече тој на новинарите.На прашањето за изјавата на Редик, повторно кусо одговори:„Не знам.“Серијата сега се сели во Лос Анџелес, каде што Лејкерс ќе се обидат да го одбранат домашниот терен. Третиот натпревар се игра во сабота.

Свет | пред 1 ден

1 ден
micotakis

Грција подготвува уставни измени за вештачката интелигенција и судството

Грција започнува процес на обемни уставни измени со кои треба да се регулираат прашања поврзани со вештачката интелигенција, судството, изборниот систем и функционирањето на државната администрација.Владата на Кирјакос Мицотакис подготвува пакет реформи што опфаќа околу 30 членови од Уставот, а според премиерот, целта е институциите да се прилагодат на современите технолошки и политички предизвици.Посебен акцент е ставен на регулирањето на вештачката интелигенција, при што се предлага уставна гаранција за заштита на граѓаните од можни злоупотреби и негативни последици од примената на АИ-технологиите.„Со години зборуваме за вештачката интелигенција. Сега сакаме таа заштита да добие и уставна тежина“, изјави Мицотакис пред пратениците на Нова демократија.Меѓу предложените измени се и забрана за ретроактивни даноци, реформи во системот за оценување на државните службеници, шестгодишен мандат за претседателот на државата, како и ограничување на улогата на парламентот во истрагите против министри.Реформскиот пакет предвидува и промени во правосудството, преку нов модел за избор на највисокото судско раководство, што владата го претставува како чекор кон поголема независност и транспарентност.Дополнително, се предлага намалување на старосната граница за кандидирање на избори од 25 на 21 година, како и поширока примена на гласањето по пошта.За усвојување на уставните измени е потребно двотретинско мнозинство во парламентот, односно поддршка од најмалку 200 пратеници. Бидејќи владејачката партија располага со 156 мандати, за реформите ќе биде неопходна и поддршка од дел од опозицијата.Мицотакис оцени дека реформите се дел од поширок план за трансформација на државата до 2030 година и за подготовка на институциите за идните предизвици.

Балкан | пред 1 ден

1 ден
media-library9p1e1k9pobhcdIsFfdf

ЕУ и САД блиску до договор за намалување на царините

Европска унија напредува кон постигнување договор со САД за намалување на царините до почетокот на јули, соопшти претседателката на Европска комисија, Урсула фон дер Лајен.По разговорот со американскиот претседател Доналд Трамп, таа изјавила дека двете страни се посветени на спроведување на трговскиот договор, се наведува во соопштението објавено на интернет-страницата на Европската комисија.Фон дер Лајен истакнала дека со Трамп разговарале и за состојбата на Блискиот Исток, при што двајцата се согласиле дека Иран никогаш не смее да поседува нуклеарно оружје, бидејќи тоа, според неа, би претставувало закана за регионалната стабилност и светската безбедност.Трамп, по разговорот со претседателката на Европската комисија, соопштил дека поставил рок до почетокот на јули Европската Унија да ги исполни своите обврски од трговскиот договор со САД. Во спротивно, Вашингтон ќе ги зголеми царините кон ЕУ.

Свет | пред 1 ден

1 ден
media-libraryj263mmuqb6pc7nBw8Gs

Филипче: Првиот премиерски потпис ќе го ставам на закон против корупција

Претседателот на СДСМ, Венко Филипче, во гостувањето на поткастот „Риштази“ на Коха, најави дека првиот закон што ќе го потпише како премиер ќе биде закон за борба против корупцијата, изработен според естонски модел и заснован на дигитализација. Филипче рече дека реформите во правосудството и воспоставувањето неселективна правда се клучни за враќање на довербата кај граѓаните и за напредокот на државата.„Мора да се направат реформи во системот, пред сè во правосудството, затоа што тоа го бараат граѓаните. Тие реформи не можат да се спроведат без пристапните преговори со Европската Унија“, изјави Филипче.Тој ја обвини актуелната власт дека намерно избегнува вистински реформи и дозволува институциите да останат без соодветна контрола.„Гледаме колку коруптивни тендери и постапки се објавуваат во изминатиот период. Прашањето е како реагираат правосудните органи и Обвинителството“, рече Филипче.Лидерот на СДСМ најави дека следната недела партијата ќе го презентира новиот концепт за борба против корупцијата, како и предлог-законот што, според него, ќе биде темел на идните реформи.Тој посочи дека законот ќе се базира на искуствата на Естонија, која, како што рече, успеала значително да ја намали корупцијата преку европски стандарди и дигитализација на институциите.„Тоа ќе биде првиот закон што ќе го потпишам како премиер по следните избори“, истакна Филипче.Според него, со промена на власта ќе следуваат реформи во правосудството, имплементација на новиот антикорупциски закон и воспоставување неселективна правда.

Македонија | пред 1 ден

1 ден
media-libraryc6d6vuj4gv1h6bwHhpi

Американските здравствени власти активираа центри поради епидемија на хантавирус

Американскиот Центар за контрола и превенција на болести активирал центри за итни операции и ја класифицирал актуелната епидемија на хантавирус како „ниво 3“, што претставува најнизок степен на активација во вонредни ситуации, пренесоа американските медиуми.Според здравствените власти, ваквата класификација е вообичаена во оваа фаза и укажува дека ризикот за пошироката јавност и натаму е низок, но дека надлежните служби активно ја следат состојбата.Активирањето на центрите за итни операции значи дека е формиран специјализиран тим кој го координира одговорот на ситуацијата. Во рамки на тој систем, епидемиолози, научници и лекари можат да бидат прераспределени од своите редовни должности за да учествуваат во справувањето со епидемијата.Здравствените претставници соопштиле дека вкупниот број потврдени случаи поврзани со епидемијата расте. Според весникот Њујорк тајмс, властите ја анализираат состојбата на американските државјани кои биле на бродот за крстарење „Ем-Ви Хондиус“, каде што избувнала епидемијата на хантавирус.Досега е познато дека три лица кои биле на бродот починале од вирусот.Повеќе од 100 патници останале на бродот, а СЗО ја следи нивната здравствена состојба.Здравствени претставници во повеќе американски држави соопштиле дека ги следат патниците кои се вратиле во САД по престојот на бродот каде што имало заразени лица. Според прелиминарните податоци, патниците што се вратиле засега не покажале симптоми на болеста, а живеат во Аризона, Калифорнија, Џорџија, Тексас и Вирџинија.Епидемијата на хантавирус избувнала на почетокот на мај на бродот „Ем-Ви Хондиус“ во Атлантскиот Океан, на кој имало 149 лица. Според последните извештаи, седум туристи заболеле, а тројца починале.Хантавирусот претставува група патогени кои можат да предизвикаат оштетување на белите дробови или бубрезите кај луѓето. Повеќето варијанти на вирусот се пренесуваат преку контакт со глодари или нивен измет.Од СЗО соопштиле дека ситуацијата засега не наликува на почеток на пандемија како Ковид-19.

Свет | пред 1 ден

1 ден
media-library47q2bgt5n5esc4wBT3N

(Видео) Иранска телевизија објави снимки од нападите врз американски разурнувачи

Иранската државна телевизија објави видеоснимки за кои тврди дека го прикажуваат синоќешното лансирање ракети и беспилотни летала кон три американски разурнувачи во Ормутскиот теснец.Според иранските медиуми, нападот бил изведен за време на неодамнешниот судир во Ормутскиот теснец, еден од најважните поморски правци за светската трговија со нафта.Државниот медиум Прес ТВ објави дека иранските сили употребиле ракети и беспилотни летала против американските воени бродови. Засега нема официјална потврда од САД за наводите или за евентуални последици од нападот.Тензиите меѓу Иран и САД дополнително се зголемија по последните воени судири во регионот.

Свет | пред 1 ден

Согласност за колачиња (cookies)

Нашата веб-страница користи колачиња за подобрување на корисничкото искуство и анализа на сообраќајот.

Прочитај повеќе
Дознај ексклузивно и прв

Прв ќе ги дознаваш ударните и вонредните случувања