Најнови вести

2 нед.

(Видео) Германски комичар се обиде да подигне американско знаме во Гренланд

Градоначалничката на главниот град на Гренланд упати апел до медиумските работници и креаторите на содржини за одговорно однесување, откако германски комичар неуспешно се обиде да подигне американско знаме, предизвикувајќи огорченост кај локалното население. Аваарак Олсен порача дека авторите на вакви содржини треба сериозно да размислат пред да се впуштат во шеги на сметка на заканите со кои се соочува Гренланд, објави „Гардијан“.Баварскиот комичар Макси Шафрот (41) се обидел да подигне американско знаме на јарбол во близина на културниот центар во Нуук, но бил спречен од револтирани минувачи. На нивното прашање што прави, тој тврдел дека е американски функционер, по што се оддалечил, пренесе новинар на агенцијата Франс прес од местото на настанот. Според локалните медиуми, Шафрот бил пријавен во полиција и му била изречена парична казна.Градоначалничката на округот Сермерсоок, во чиј состав е и главниот град, остро реагираше на инцидентот, оценувајќи дека подигнувањето на знамето на воена суперсила која со недели упатува закани кон земјата не може да се смета за шега. Таа нагласи дека ваквиот чин, изведен пред главниот културен центар, е исклучително штетен и несоодветен.Олсен истакна дека жителите на Гренланд, а особено децата, се загрижени и исплашени поради актуелната состојба. Според неа, поттикнувањето на тие стравови заради содржина, кликови или смеа не претставува храброст или креативност, туку дополнително ја зголемува тензичноста кај и онака ранливото население. Таа апелираше до креаторите да застанат и да размислат пред да снимаат или изведуваат нешто што го сметаат за „смешно“, оценувајќи дали таквите постапки ја информираат јавноста или само создаваат чувство на несигурност кај семејствата.Инцидентот се случува во период на зголемени тензии, додека владата на Гренланд работи на намалување на стресот и тешкотиите кај населението, предизвикани од повторените изјави на поранешниот американски претседател Доналд Трамп за можноста за преземање на овој арктички териториј. Долгогодишните територијални аспирации на Трамп кон Гренланд, кој е автономна територија во рамки на Данска, предизвикаа една од најсериозните кризи во историјата на НАТО. Во меѓувреме, заканите со употреба на сила беа повлечени и започнаа разговори со Копенхаген и Нуук.Шафрот во Германија е познат по учеството во сатиричната емисија „Екстра Драи“, која се емитува на телевизијата НДР и ја следат повеќе од еден милион гледачи. Во изјава за „Дер Шпигел“ и данската агенција Рицау, телевизиската куќа изрази жалење поради инцидентот.

Свет | пред 2 седмици

2 нед.

ВМРО-ДПМНЕ: Предлог законот на СДС за 600 евра минимална плата е доказ дека ако не ја крадеа државата додека беа на власт, работниците денес ќе имаа и повисока минимална плата

ВМРО-ДПМНЕ денеска реагираше на најавениот Предлог-закон на СДСМ за зголемување на минималната плата на 600 евра, оценувајќи дека документот е нецелосен и без јасен финансиски план. Од партијата посочуваат дека иако СДСМ навела дека за мерката се потребни околу 7,5 милијарди денари, односно приближно 110 милиони евра, не е објаснето од каде би се обезбедиле тие средства.Според ВМРО-ДПМНЕ, позитивен аспект на предлогот е тоа што, како што наведуваат, се признава дека минималната плата можела да биде зголемена и за време на владеењето на СДСМ, но дека тоа не било направено. Во партиското соопштение се тврди дека наместо тоа, биле направени злоупотреби на државни средства, меѓу кои и околу 170 милиони евра за набавка на канцероген мазут, што, според нив, довело до загадување на воздухот и штета по здравјето на граѓаните.Од ВМРО-ДПМНЕ додаваат дека доколку тие средства биле рационално користени, работниците денес ќе имале значително повисока минимална плата, дури и над 600 евра. Во реакцијата се обвинуваат СДСМ и ДУИ за, како што наведуваат, систематско злоупотребување на државните пари и ставање на личните интереси пред интересите на граѓаните.

Македонија | пред 2 седмици

2 нед.

Жерновски го критикува Муцунски: Кризата со транспортерите се решава на маса - очи во очи

Поранешниот заменик министер за надворешни работи Андреј Жерновски му порача на шефот на македонската дипломатија Тимчо Муцунски дека проблемот на транспортерите не се решава со телефонски повик до претседателката на Европската комисија, Урсула фон дер Лајен.„ЕУ на звучник, Македонија на чекањеКога една власт ќе почне јавно да се фали со телефонски разговори, тоа не е дипломатски успех – тоа е доказ за изолација.За министерот Муцунски огромен успех претставува телефонски разговор со еврокомесарката Кос, што јасно ја покажува реалната состојба на македонската надворешна политика денес: вратите во Брисел се затворени, а состаноците се заменети со телефонски повици.Во нормални околности, вакви крајно сериозни теми како кризата со професионалните превозници, блокадите, дозволите и економските штети, се решаваат на маса – очи в очи, со конкретни договори. Вака, реалните проблеми остануваат нерешени, а секој ден што минува без навремена реакција создава сериозни економски и егзистенцијални последици.Зошто не се занимаваа со овој проблем на време? Зошто не ги обезбедија превозниците со поддршка и конкретни мерки? Наместо тоа, сега се фалат со разговори што ниту резултираат, ниту им обезбедуваат сигурност на оние кои ја движат економијата.Иронијата да биде цлосна, еврокомесарката за проширување барем одговорила на телефонскиот повик на Муцунски, што не е и случај со Мицкоски, кој самиот јавно призна дека не може да ја добие по телефон претседателката на Европската комисија, Урсула фон дер Лајен.Значи, ни во телефонската дипломатија работите не одат според планот“, реагираше Жерновски.

Коментари | пред 2 седмици

2 нед.

Неверојатна трансформација: Иван Зељковиќ драстично ослабе и целосно го промени изгледот

Поранешниот телевизиски водител Иван Зељковиќ, кој јавноста најмногу го памети по водењето на популарниот квиз „Милионер“, денес води сосема поинаков живот. Наместо на телевизиските екрани, тој живее во Дубаи, каде што работи како раководител на продукција во компанија и како продуцент во дигиталните медиуми.Иако се повлече од јавноста, со години беше предмет на медиумско внимание поради големите промени во неговиот изглед. По периодот на зголемена телесна тежина, денес ситуацијата е сосема поинаква – Зељковиќ значително ослабел и отворено зборува за патот до таа промена.Преку социјалните мрежи тој откри дека клучниот момент за одлуката да го смени начинот на живот се случил минатото лето, кога застанал на вага пред целото семејство. Како што вели, резултатот бил алармантен и токму тоа било пресвртница за сериозна промена.Зељковиќ објаснува дека слабеењето било резултат на знаење што го собирал со години, со помош на поранешни тренери и лекари. Во почетната фаза губел и до десет килограми месечно, хранејќи се исклучиво со месо и јајца, без зеленчук, при што постепено ги намалувал количините на храна. Подоцна во исхраната вовел салати, а повремено и овошје.Тој се одлучил и за режим на исхрана познат како интермитентен пост 16:8, при што првиот оброк го поместувал сè подоцна во денот. Дополнително, користел и терапија која го намалува чувството на глад, без несакани ефекти. Според неговите зборови, здравствените резултати никогаш не му биле подобри.Со оваа отворена исповед, Иван Зељковиќ испрати порака дека секој човек може да најде начин што му одговара, доколку има волја да го промени сопствениот живот.

Магазин | пред 2 седмици

2 нед.

Новак Ѓоковиќ обезбеди финале на Австралија опен

Српскиот тенисер Новак Ѓоковиќ се пласираше во финалето на Австралија опен по маратонот и победата над Италијанецот Јаник Синер со 3:2 – по сетови 3:6, 6:3, 4:6, 6:4, 6:4.По историското полуфинале меѓу Карлос Алкарас и Александар Зверев, ништо помалку спектакуларно не беше ниту во дуелот Ѓоковиќ – Синер.Иако многумина не веруваа дека ќе биде така, особено по воведниот сет што го доби Синер.Клучниот момент се случи во четвртиот гем, кога Новак спаси брејк топка на 30:40, но Синер потоа беше сигурен на сервисот и без изгубен гем го донесе сетот до крај — 6:3.Противник во финалето ќе биде Карлос Алкарас, кој по пет часа и 21 минута и пет сета ја победи Зверев.Ова е 11. финале во Мелбурн за Ѓоковиќ, а до сега никогаш не го загубил мечот за титулата во Австралија.

Спорт | пред 2 седмици

2 нед.

Путин се согласи на привремен прекин на огнот

Кремљ соопшти дека рускиот претседател, Владимир Путин, се согласил да ги запре нападите врз украинските градови до 1 февруари.Портпаролот на Кремљ, Дмитриј Песков, изјави дека американскиот претседател Доналд Трамп лично го замолил Путин да се воздржи од напади врз Киев една недела со цел да се создадат поволни услови за преговори.На прашањето дали Путин се согласува со предлогот, Песков одговори: „Да, секако. Тоа беше лично барање од претседателот Трамп“.Претседателот на САД вчера изјави дека неговиот руски колега се согласил со неговото барање да не се напаѓа Киев и другите украински градови и места една недела.„Јас лично го замолив претседателот Путин да не го напаѓа Киев и другите градови и места една недела“, рече Трамп на брифинг за медиумите, нагласувајќи дека Украина се соочува со екстремно ниски температури. „И тој се согласи. Морам да ви кажам, тоа беше многу убаво. Многу луѓе ми рекоа – не губете време на тој повик. Но, јас го направив тоа“, додаде тој.Претседателот на САД не разјасни кога или на кој начин го упатил тоа барање до Путин, ниту на кој датум треба да стапи на сила наводното прекин на огнот. Коментарите на Трамп, исто така, следеа по шпекулациите дека Киев и Москва се согласиле на пауза во нападите врз енергетската инфраструктура на другата страна, иако ниту една страна не ги потврди тврдењата ниту ја коментираше изјавата на Трамп.По објавата на Трамп, се огласи украинскиот претседател Володимир Зеленски.„Важна изјава од американскиот претседател за можноста за обезбедување безбедносна заштита на Киев и другите украински градови во текот на овој екстремен зимски период. Снабдувањето со електрична енергија е основа на животот. Ги цениме напорите на нашите партнери кои ни помагаат да ги заштитиме животите. Ви благодариме, претседателе Трамп! Нашите тимови разговараа за ова во Обединетите Арапски Емирати. Очекуваме спроведување на постигнатите договори. Чекорите кон деескалација придонесуваат за вистински напредок кон завршување на војната“, напиша Зеленски

Свет | пред 2 седмици

2 нед.

Епидемија на мали сипаници во Јужна Каролина

Епидемијата на мали сипаници во Јужна Каролина зафати најмалку 789 лица, со што го надмина претходниот најголем бран во западен Тексас од 2025 година. Најголем дел од случаите се во округот Спартанбург и претежно се меѓу невакцинирани лица или оние со непознат вакцинален статус, соопшти државниот Оддел за јавно здравство.Државната епидемиологинка Линда Бел изјави дека ширењето е неочекувано брзо, бидејќи за само 16 недели бројот на случаи го надминал оној што Тексас го достигнал за седум месеци. Во моментов, 557 лица се во 21-дневна карантина поради изложеност на вирусот, а епидемијата започнала кон крајот на септември и се забрзала за време на празниците.Случаи поврзани со епидемијата се регистрирани и во Калифорнија, Северна Каролина и Вашингтон, додека во Северна Каролина се потврдени 14 случаи и повеќе од 170 лица се ставени во карантина. Здравствените власти предупредуваат дека ниската стапка на вакцинираност, далеку под потребните 95 отсто за колективен имунитет, е главната причина за ширењето и дека без зголемување на вакцинацијата постои ризик од натамошно проширување и губење на статусот на САД како земја без мали сипаници.

Свет | пред 2 седмици

2 нед.

Љутков: Одлуката за изведувач на Универзална сала ќе биде донесена в понеделник

В понеделник ќе биде донесена одлуката за изведувач на Универзална сала, но ќе мора да се причека рокот од осум дена за поднесување жалба, рече денеска министерот за култура и туризам Зоран Љутков.Како што нагласи Љутков, едната постапка е завршена, а втората е во фаза на евалуација.- Комисијата работи и процесот е веќе во завршна фаза. Одлуката за избор ќе биде донесена в понеделник, информира министерот,Во врска со пресудите за платите во културата, Љутков истакна дека се уште стои на истиот став.-Јас не ги добивам лично пресудите од првостепениот суд, некој друг веројатно ги добива пред да ги добиеме ние. Јас подоцна се информирам од институциите, кога ќе стигнат, но знам дека пред три дена, една од одлуките, првата од првостепениот, од Битола, беше обжалена и Апелација одлучи во корист на институцијата, рече министерот.

Скопје | пред 2 седмици

2 нед.

(Видео) „Јас не можам место СДСМ да победувам на избори“, Мицкоски за укинувањето на техничката влада

Претседателот на Владата на Република Северна Македонија, Христијан Мицкоски, одговарајќи на новинарско прашање за ставот на опозицијата дека општеството се уште не е зрело за укинување на техничката влада, истакна дека нема потреба лично да ги убедува противниците.„Не треба јас да ги убедувам. Ќе ви кажам две работи. Прво ги убеди Стразбур вчера со укинување на постмониторингот. Не треба јас да ги убедувам. Еве ако не му веруваат на Христијан, нека читат што пишува во извeштajот. И второ, дури ако тоа да е така, на следните избори повторно нека има техничка влада. Ако имаме редовни во 2028, јас ќе си дадам оставка во јануари 2028. Не е тоа проблем. Само да им удоволиме да следните избори има техничка влада. Па они нека повелат, нека се организират, нека победат, и потоа, на тие некои следни избори нема да има техничка влада. Што повеќе да направиме за опозицијата? (19:32) Јас стварно не знам што да направам повеќе. Јас не можам место нив да победувам на избори. (19:39) Тоа е, што можам јас повеќе да направам?“, рече Мицкоски

Македонија | пред 2 седмици

2 нед.

Скопјанец со остар предмет и се заканувал на снаата и нејзиниот син

На 30.01.2026 во 03:50 часот, полициски службеници од СВР Скопје извршиле службен разговор со Б.Ш.(65) од Скопје, постапувајќи по претходна пријава од неговата 58-годишна снаа.Според пријавата, на 29.01.2026 околу 22:00 часот во семејниот дом во Скопје, по претходна вербална расправија, Б.Ш. со остар предмет упатил закани кон неа и кон нејзиниот 30-годишен син, а потоа искршил дел од покуќнината.По целосно документирање на случајот ќе следува соодветен поднесок.

Скопје | пред 2 седмици

2 нед.

Љутков: Руралниот туризам – приоритет на Министерството за култура и туризам

Во пресрет на Саемот за рурален туризам, кој ќе се одржи на 31 јануари и 1 февруари во Центарот „Јавна соба“ во Скопје, министерот за култура и туризам Зоран Љутков се обрати на денешната прес-конференција што се одржа по тој повод.Во своето обраќање, министерот истакна дека руралниот туризам ќе биде еден од стратегиските приоритети на Министерството, при што вакви настани ќе бидат сè почести во текот на 2026 година, а уште поинтензивни во 2027 и 2028 година.„Преку проектот Е-75, активно работиме на развој на транзитниот туризам. Нашата цел е просечниот престој на туристите долж оваа траса, кој во 2026 година изнесува околу 24 часа, до 2028 година да достигне најмалку 72 часа“, изјави Љутков.За 2026 година, Министерството за култура и туризам предвидува 36 милиони денари за програмски активности, како и дополнителни 150 милиони денари за субвенции во туризмот. Како што нагласи министерот, овие средства ќе се зголемуваат секоја година, имајќи предвид дека секој вложен денар во туризмот носи четирикратен економски поврат.Љутков посочи дека руралните домаќинства и малите производители претставуваат клучен двигател на локалниот економски развој и дека токму во нив ќе се инвестира континуирано и стратешки, особено по спојувањето на ресорите култура и туризам.На Саемот, претстојниов викенд, ќе учествуваат околу 50 излагачи од целата земја, а се реализира во организација на Министерството за култура и туризам, во партнерство со Амбасадата на Словенија, Швајцарската амбасада преку програмата ИМЕ, Земјоделскиот институт и Центарот „Јавна соба“.Министерот Љутков упати благодарност до сите партнери и информираше дека на Саемот ќе присуствуваат и туристички агенции за дојдовен туризам, со цел остварување директни средби и можност за склучување договори со руралните домаќинства. За посетителите ќе бидат обезбедени и ваучери за попуст за да се поттикне поголема посетеност од домашната публика.„Ги поканувам граѓаните да дојдат, да ги запознаат автентичните вредности на Македонија, да вкусат локални деликатеси и да ги доживеат руралните убавини на Македонија“, порача министерот Љутков на крајот од денешната прес-конференција.

Македонија | пред 2 седмици

2 нед.

Скопје добива „паметен зелен бран“: Изгласан буџет од 25 милиони денари

Советот на Град Скопје изгласа буџет од 25 милиони денари за воведување на „паметен зелен бран“ за синхронзиирање на сообраќајот во главниот град.- На шестата седница на Советот на Град Скопје, донесовме одлука за предвидување на средства во износ од 25 милиони денари, наменети за Центарот за управување и контрола на сообраќај, информираше претседателот на Советот на Град Скопје Даме Димитровски.Како што рече тој, со овие средства се предвидува унапредување на функционирањето на Центарот, редовно одржување на системите за управување со сообраќајот, како и изнаоѓање нови, паметни и современи сообраќајни решенија поврзани со сигнализацијата.Претходно, градоначалникот на Скопје Орце Ѓорѓиевски претходно порача дека овој систем во реално време ќе го регулира протокот на возила, ќе ги намали гужвите и ќе овозможи побрзо, поефикасно и побезбедно движење низ Скопје.

Скопје | пред 2 седмици

2 нед.

ФЕНИ повторно се отвора: На работа се враќаат 170 лица

Градоначалникот на Општина Кавадарци, Митко Јанчев, соопшти дека компанијата Golden Eagle (поранешно ФЕНИ) во првата фаза ќе ги врати на работа 170 лица, а во следната фаза се очекува да се вклучат уште 500 работници.Производството на никел е планирано да започне во април, кога производствените печки ќе бидат ставени во функција.Јанчев истакна дека соработката меѓу Golden Eagle, општината, Владата и премиерот Христијан Мицкоски овозможила фабриката повторно да функционира, што е значаен придонес за локалната економија и граѓаните на Кавадарци.

Македонија | пред 2 седмици

2 нед.

Мицкоски: Заврши мониторингот за Македонија тоа е признание за нивото на демократија во Македонија

Претседателот на Владата на Република Северна Македонија, Христијан Мицкоски денеска одговарајќи на новинарско прашање во однос на тоа дека заврши мониторингот за Македонија од страна на Советот на Европа и дали можеме да го цениме ова како напредок, изјави:„Ова е историски момент, би рекол рамо до рамо со денот кога се прогласи независноста. Односно, Македонија веќе не е опфатена со пост мониторинг од страна на Советот на Европа. За разлика од нас, сите овие фронтранери во регионов, нели имаме фронтранери во европските интеграции или се во мониторинг или се во пост мониторинг. Пред само три-четири месеци, земја членка на ЕУ, како Бугарија, излезе од овој пост мониторинг, сега и ние излегуваме. Тоа е само признание за нивото на демократија во државата.Ќе ве потсетам, дел од вас бевте присутни пред неколку дена, кога ми беше поставено прашање, дали Владата влијае на слободата на говорот. Еве еден најголем демант, ова е најголемиот демант за квалитетот на демократијата во Македонија и слободата на говорот, владеењето на правото и сите процеси коишто ги мониторира Советот на Европа.Јас сум благодарен на тимската работа, на сето она коешто го направивме. Тоа е уште една добра вест, покрај онаа со којашто Европската Унија го препозна проблемот со, не само камионџиите, би рекол, со друмските превозници, зборувам тука и на товарниот и на патничкиот сообраќај, не е само тоа случај кај превозниците со камиони. Но, во периодот што следи ќе има уште многу добри вести. Така што сите оние невистини, лаги од страна на опозицијата коишто беа кажувани изминатиов период и злоупотребувани, полека се распрснуваат како меурот од сапуница. Но, и на оние нивни перјаници во медиумите коишто ги засилуваат лагите на опозицијата, мислејќи дека на тој начин ќе ми наштетат мене и на Владата. Еве нема поголем демант од овој којшто дојде директно од Стразбур, од Советот на Европа. Којшто вели Македонија како држава е зрело демократско општество, владее правото, нема замолкнување на слободна новинарска мисла, се почитува слободата на говорот и дека таа држава е зрела, да понатаму ја гледаме како навистина зрела демократија, за разлика од другите земји од Западен Балкан. Сите се или во пост мониторинг или во мониторинг, вклучително тука зборам и фронтранерите Црна Гора, Албанија и така натаму.“

Македонија | пред 2 седмици

2 нед.

ТИТАН Усје: Повеќе од еден месец сме цел на неосновани напади – не сме причина за загадувањето

Целосно неаргументирано и тенденциозно продолжува нападот кон нашата компанија. Овие напади, покрај тоа што не се базирани на аргументи, се и во насока на извртување на вистината. ТИТАН Усје како транспарента компанија, во интерес на вистината потенцира дека целосно ја разбира загриженоста за квалитетот на воздухот, но тенденциозните и неаргументирани обвинувања не придонесуваат ниту малку за решавање на проблемите со амбиенталниот воздух, велат од ТИТАН Усје„Потенцираме дека: Бројките недвосмислено покажуваат дека и кога ТИТАН Усје не работи, амбиенталниот воздух е со истиот квалитет, што е јасна потврда за тоа дека компанијата не е причина за состојбите со квалитетот на воздухот во Скопје. Загадувањето во Скопје беше високо и во изминатиот период кога ТИТАН Усје воопшто не работеше. Имено, поради редовен ремонт двете печки не работеа – едната, печка број 4, од 20.12.2025 година, а втората, печка број 3 од 16.01.2026 година, се до 29.01.2026 година, кога печката број 4, беше повторно вклучена, согласно работниот план. И покрај тоа што ТИТАН Усје целосно не работеше во овој период, највисоката вредност на ПМ 10 честичките достигна и до 275 микрограми на кубен метар. (Во прилог табели) ТИТАН Усје како компанија носител на А-интегрирана дозвола, е под континуиран 24-часовен независен мониторинг на излезните гасови од оџаците, а резултатите од мерењата се јавно достапни. Мерните инструменти се поставени од страна на SICK- Германија, и ТИТАН Усје нема никаков пристап до овие инструменти, односно се работи за независен мониторинг. Точноста на овие мерења се потврдува со редовна калибрација на уредите за мерење и повеќекратна проверка и од страна на овластени меѓународни тела. Граничните вредности на емисиите утврдени во дозволата која ја поседува ТИТАН Усје се построги од оние пропишани со Законот. И покрај тоа, компанијата, во своето работење, не ги надминува вака дефинираните дозволени гранични вредности. Тоа е овозможено со високоефикасен, комплексен систем на современи филтри кои фабриката ги има инсталирано и задолжително работат секогаш кога работат и производните линии. Покрај тоа компанијата континуирано инвестира во модернизација на технолошките процеси. Имено, во изминатите шест години инвестициите надминаа 36 милиони евра, од кои 4,5 милиони евра беа наменети за унапредување на заштитата на животната средина. Сите независни студии, преку хемиска анализа на депозитот од амбиентниот воздух, укажуваат дека индустријата има помало влијание на квалитетот на амбиенталниот воздух споредено со загревањето на домовите и јавните објекти, сообраќајот, градежните активности и горењето на отворено.Искрено веруваме во потребата од еднаков третман на сите ентитети во земјата и согласно принципот на владеењето на правото очекуваме нашето работење да се опсервира и оценува низ призмата на стручноста и законите, а не преку лични и паушални ставови. Остануваме отворени за конструктивен дијалог со сите релевантни партнери во насока на изнаоѓање на трајно решение во интерес на сите“, се вели во соопштението.

Македонија | пред 2 седмици

2 нед.

СДСМ го поднесе Законот за минимална плата од 600 евра за работниците

Пратеничката група на СДСМ денеска во Собранието го поднесе предлог Законот за изменување и дополнување на Законот за минимална плата.„Согласно потребите на работниците и барањата на синдикатите, со измените вистината на минималната плата се одредува на 36.960 денари односно 600 евра.Во образложението се наведува дека во текот на 2025 година е евидентиран континуиран пораст на инфлацијата, при што индексот на трошоците на живот бележи значително зголемување. Особено кај основните прехранбени производи, енергенсите, комуналните услуги и здравствените трошоци, кои имаат директно и најсилно влијание врз месечните трошоци на домаќинствата.Поскапувањата кај храната и основните животни намирници, како и растот на цените на електричната енергија, греењето и услугите, реално ја намалуваат куповната моќ на работниците, особено на оние кои примаат минимална плата.Ова особено се одразува врз најранливите категории на работници, кај кои минималната плата претставува единствен или доминантен извор на приходи.Дополнително, синдикатите, како легитимни претставници и заштитници на правата на работниците, во континуитет укажуваат на потребата од дополнително зголемување на минималната плата, со цел ублажување на ефектите од инфлацијата, обезбедување достоинствен животен стандард и зголемување на социјалната сигурност на работниците и нивните семејства.Финансиските импликации за овој закон се во износ од 7.500.000.000 денари.СДСМ е на страна на работниците. Очекуваме поддршка од сите парламентарни партии.Ајде да обезбедиме достоинствена плата за работниците! Време е“, се вели во соопштението.

Македонија | пред 2 седмици

2 нед.

Мајка нападната со тврд предмет од 19-годишната ќерка

На 29.01.2026 во 15:30 часот во СВР Скопје, 58-годишна жена пријавила дека околу 00:10 часот во семејниот дом на подрачјето на Бит Пазар била нападната со тврд предмет од нејзината 19-годишна ќерка.Се преземаат мерки за расчистување на случајот.

Скопје | пред 2 седмици

2 нед.

Кучето одземено, сопственикот казнет: АХВ реагираше по видеото од малтретираното животно

Инспекциските служби на Агенцијата за храна и ветеринарство (АХВ) во соработка со Центарот за социјални работи Охрид и Министерство за внатрешни работи, спроведоа инспекциски надзор по објавеното видео на социјалните мрежи од страна на родител на дете кое, како што се гледа од видеото, измачува куче.Во врска со овој случај до Агенцијата во текот на вчерашниот ден беа поднесени и иницијативи од граѓани за спроведување на вонреден инспекциски надзор во врска со овој случај, на кој АХВ веднаш реагираше.Со спроведениот надзор утврдено е дека кучето не е идентификувано со микрочип и не е вакцинирано, за што на сопственикот ќе му биде изречена соодветна парична казна, а како инспекциска мерка за нарушена благосостојба на животното, малтретираното куче е одземено од сопственикот, соопшти Агенцијата.

Македонија | пред 2 седмици

2 нед.

Парадокс на правдата: Новинарката Вејсели е осудена оти го кажала името на судијата во судско известување, обвинител ја гонел за злоупотреба на лични податоци

Обвинителството ја гонело, а судијката Магдалена Мишоска од Основниот суд во Гостивар ја осудила новинарката Љиридона Вејсели на парична казна од 700 евра за кривично дело „злоупотреба на лични податоци“, само затоа што во новинарско известување го спомнала името на судијата Назиф Илјази од Основниот суд во Тетово.Вејсели за „Скопје1“ изјави дека пресудата се однесува на тема што ја обработувала за случај во кој возрасно лице уценувало малолетник, му испраќало порнографски материјали и му се заканувало. Во тој предмет, како што посочува новинарката, судијата Илјази изрекол казна од три месеци ефективен затвор.„Осудена сум затоа што го спомнав името на судијата во контекст на судска одлука за сериозен кривичен случај. Казната е 700 евра за наводна злоупотреба на лични податоци“, вели Вејсели.Во писменото образложение на пресудата, судијката Мишоска наведува дека на 28 октомври 2024 година новинарката, без согласност на судијата Назиф Илјази, ги користела неговите лични податоци – име и презиме – преку објави на социјалните мрежи Инстаграм и ТикТок, со што, според судот, му нанела штета на честа и угледот во неговата професионална дејност, која ја извршува повеќе од 37 години.Судот заклучил дека со ваквите дејствија се исполнети битните елементи на кривичното дело „злоупотреба на лични податоци“ од Кривичниот законик.Од Обивнителството побаравме да ни кажат кој обвинител го поднел предлог за издавање на казнен налог против новинарката, но и зошто поднеле ваков предлог за издавање на казнен налог против новинарката која открила име и презиме на судија, што е јавна функција. До објавување на овој текст - одговор нема.Пресудата предизвика остри реакции во јавноста. Меѓу оние што реагираа е и заменик-министерот за внатрешни работи Астрит Исени, кој оцени дека случајот претставува сериозен показател за состојбата со слободата на говор и довербата во судството.Според Исени, сведочењето на Вејсели јасно покажува дека полицијата ѝ била целосно на располагање за нејзина заштита во момент кога била изложена на притисоци, но дека денес се случува, како што вели, „најголемиот парадокс“ – судството, кое со години било политизирано и деградирано, да се претставува како жртва.„Довербата во правдата падна на историски минимум од околу три проценти, како директна последица на политичките инсталации и континуираните вмешувања. Истите тие кои денес зборуваат за слобода на медиумите, вчера молчеа, заплашуваа и уценуваа критички гласови“, напиша Исени.Во продолжение видеото во кое е споменат судијата, за што новинарката е осудена:

Македонија | пред 2 седмици

2 нед.

Мицкоски ја објасни новата формула за зголемување на платите: ССМ не сака да потпише

Претседателот на Владата, Христијан Мицкоски, ги образложи деталите околу новиот систем за нивелирање на платите во државната администрација, потенцирајќи дека со него се обезбедува раст на платите до 2028 година, без да се создаваат обврски за идната влада. Тој истакна дека Владата е одговорна и подготвена да ги регулира односите со вработените преку нови гранкови договори, додека Синдикатот на Службениците (ССМ) сè уште не го прифатил предложениот модел.„Јас кажав, ако е 30.000 денари просечната плата на секој вработен административец, тогаш беше за 4 години, сега е за 3, бидејќи до 2028. Ние не сме како претходната влада да преземаме обврски кои ќе бидат на некоја следна влада. Може би ние ќе продолжиме да бидеме, може би некој друг ќе биде, но не сакаме после 2028 година да преземаме обврски, бидејќи сме одговорна влада и велиме вака. Ако е 30.000 денари просечната плата, сега во април за мартовската плата, ќе имаме нивелирање за минималната плата којашто ќе се зголеми. Да претпоставиме дека таа ќе се зголеми за 1.500 денари. Тогаш овие 30.000 денари плус 1.500 денари, зголемени за 8%, ќе дадат збир X. Следната година, април 2027., тие X плати повторно ќе се зголемат за минималната плата, да претпоставиме дека ќе биде повторно 1.500 денари. Тогаш ќе добиеме X плус тие 1.500 денари, зголемени за нови 8%, и ќе добиеме Y плати. Третата година, април 2028., овие Y плати повторно ќе се зголемат за минималната плата од 1.500 денари и сето тоа ќе се зголеми повторно за 8%, и ќе добиеме Z плати. Овие Z плати ќе бидат за минимум 40% повеќе од 30.000.Ние имавме еден услов, рековме во колективниот договор, делот кај што стојат платите да го избришеме и во овој период од 3 години да го испреговараме. Доволен период имаме од 3 години да постигнеме договор. А во меѓувреме имаме колективен договор, имаме 95% од вработените коишто се дел од одговорностите на владата како работодавач, и со тоа владата со своите вработени си ги регулирала односите до 2028 година. И со тоа ние сме завршиле. Остануваат сега уште овие 7.787 вработени, ако не се лажам, од вкупната државна администрација.Еве ова не сакаше да го потпише ССМ, велеше вака: како сега ние ќе се откажеме од општиот колективен договор, тој дел, кога ние сме го потпишале со Тренчевска. Јас велам, вие не се откажувате. Важењето на општиот колективен договор останува во важност до носење на друг. А ние, ако го избришеме делот на платите, којшто е дел од општиот колективен договор и е збунувачки, може да се толкува и вака и така, ќе се повикаме на овој нов гранков договор, којшто ќе го потпишеме со синдикатите гранкови за државната администрација. И во рок од тие три години ќе испреговараме дел, којшто ќе биде повторно дел од општиот колективен договор. И тие тоа не го прифаќаат. Како викаат, сега сме го потпишале, тоа е добро, а како сега ние самите себе ќе се грижиме. Тоа не е мојот проблем. Јас нудам решение. Ако ние не сме доволно зрели како општество, да за три години не потпишеме, односно за помалку од три години, тогаш не сме зрели ни за држава. Ама јас мислам дека сме зрели“, вели Мицкоски.

Македонија | пред 2 седмици