МВР

Кривична пријава за виничанец што ги прекршил забраните и ѝ се заканувал на поранешната партнерка

Надворешната канцеларија за криминалистички работи Виница поднела кривична пријава против Б.Т. (59) од Виница поради сомнение за сторени кривични дела „загрозување на сигурноста“ и „непочитување на судска одлука“.Според пријавата, на 7 и 8 март 2026 година во виничко село, тој постапил спротивно на судска одлука со која му било забрането да се приближува на помалку од 100 метри и да одржува контакт со неговата поранешна 65-годишна партнерка. Притоа, ѝ упатувал и закани.Случајот е процесиран со кривична пријава.

Македонија | пред 2 седмици

Инциденти низ Скопје: тепачки, напад во автобус и агресија кон полицијата

Во текот на 13 и 14 март во Скопје биле регистрирани повеќе одвоени случаи на физички напади, нарушување на јавниот ред и агресивно однесување кон полициски службеници.Во автобус на подрачјето на Центар, В.Р. (19) пријавил дека бил физички нападнат со тврд предмет од едно лице. На подрачјето на Гази Баба, полицијата регистрирала физичка пресметка помеѓу И.П. (43) и Ч.Д. (41), двајцата од Скопје. Во Кисела Вода, И.С.О. (33) пријавила дека била физички нападната од И.Д. (60), исто така од Скопје.Одделно, на подрачјето на Кисела Вода била лишена од слобода К.Б.С. (31), затоа што спречувала полициски службеници во вршење службени дејствија, додека во Центар бил приведен Д.Г. (30), поради агресивно однесување кон полицајци додека извршувале службени задачи.За сите случаи се преземаат мерки, а по документирање ќе следуваат соодветни поднесоци.

Скопје | пред 2 седмици

Бран насилство меѓу малолетници: напади во Скопје, Кочани и Пробиштип

Полицијата регистрирала повеќе одвоени случаи на насилство меѓу малолетници и врз деца во Скопје, Кочани и Пробиштип, а за дел од нив веќе се поднесени и кривични пријави.Во Скопје, В.Ј. (53) пријавил дека на подрачјето на Бит Пазар неговиот 16-годишен син бил физички нападнат од четворица малолетници. Во друг случај, В.С. (47) пријавил дека во Аеродром неговата малолетна ќерка била физички нападната од две соученички, кои биле во друштво со уште три малолетнички, а една од нив го снимала настанот со мобилен телефон. Следниот ден, С.В. (52) пријавил дека В.С. физички ја нападнал неговата малолетна ќерка, која претходно ја нападнала ќерката на В.С. Уште еден случај бил пријавен и во Ѓорче Петров, каде Б.А. (42) навел дека неговиот малолетен син бил физички нападнат од друг ученик во основно училиште.Во Кочани, Е.И. (31) пријавила дека во соблекувална на спортска сала во основно училиште нејзиниот малолетен син бил физички нападнат од тројца малолетници.Во Пробиштип, пак, Надворешната канцеларија за криминалистички работи поднела кривична пријава против А.П. (19) од селото Калниште поради сомнение за кривично дело „насилство врз дете“, откако на 28 декември 2025 година, по претходна расправија, физички нападнал 17-годишник од Пробиштип.Полицијата презема мерки за целосно расчистување на сите случаи.

Македонија | пред 2 седмици

Серија тешки сообраќајки во Скопје и Битола: загина 18-годишен мотоциклист

Во три одвоени сообраќајни несреќи што се случиле на 13 март во Скопје и Битола, едно лице загинало, а повеќе други се здобиле со тешки телесни повреди.На улицата „Адем Демачи“ во Скопје, околу 15:20 часот, се случила сообраќајна несреќа во која учествувале мотоцикл „пијаџо беверли“, управуван од А.Љ. (18), патничко возило „фиат“ управувано од 20-годишната Д.Т. и патничко возило „пежо 307“ управувано од А.Б. (35), сите од Скопје. Во несреќата на местото на настанот починал 18-годишниот мотоциклист, а смртта ја констатирал лекар од Итната медицинска помош. По насоки на јавен обвинител, телото било дадено на обдукција.Неколку часа подоцна, во 19:01 часот, во Битола на улицата „Крушевска Република“ патничко возило „голф“ со битолски регистарски ознаки, управувано од С.М. (61) од Битола, удрило во пешакот Н.И. (41) од Прилеп. Повредениот пешак бил пренесен во Клиничката болница во Битола, каде му биле констатирани тешки телесни повреди.Истата вечер, во 21:12 часот, на крстосница составена од патот А3 се случила уште една сообраќајна несреќа помеѓу „шкода“ со прилепски регистарски ознаки, управувана од Ј.П. (33) од Битола, и „хјундаи“ со битолски регистарски ознаки, управувано од Д.П. (22) од селото Кукуречани. Во несреќата Д.П. се здобила со тешки телесни повреди, додека Ј.П. поминал со телесни повреди.Во сите случаи бил извршен увид од полициски екипи и јавен обвинител таму каде што било потребно.

Македонија | пред 2 седмици

Низа акции против дрога низ државата: приведени повеќе лица во Скопје, Радовиш и Охрид

Во текот на 13 и 14 март 2026 година полицијата спровела повеќе одвоени акции поврзани со дрога во Скопје, Радовиш и Охрид, при што биле приведени повеќе лица, а во дел од случаите се поднесени и кривични пријави.Во Скопје, на различни локации, полициски службеници од СВР Скопје ги лишиле од слобода Е.А. (49), Д.П. (23) и К.С. (28), сите од Скопје, затоа што кај нив биле пронајдени и одземени марихуана и бела прашкаста материја.Во Радовиш, полициски службеници ги лишиле од слобода М.М. (19), М.Ш. (21) и С.Ј. (21), а во полициска станица, во присуство на родител, бил повикан и 17-годишен малолетник. Според полицијата, четворицата биле затекнати додека користеле марихуана, а кај дел од нив биле пронајдени и пакувања со дрогата.Во Охрид, пак, на булеварот „Железничка“ биле лишени од слобода А.Ј. (60) и М.Б. (44), двајцата од Охрид, откако при претрес во патнички автомобил „мерцедес“, извршен по судска наредба, била пронајдена и одземена марихуана.Покрај апсењата, СВР Скопје поднела и кривична пријава против Н.Н. (58) од Скопје поради сомнение за „лажно претставување“ и „неовластено изработување, држење, посредување и тргување со оружје или распрскувачки материи“. Според полицијата, тој на 29 декември 2025 година се претставил како полициски службеник со службена легитимација на МВР, иако бил пензиониран, а при преглед кај него биле пронајдени рамка за пиштол, муниција и метален боксирач.За сите случаи, по целосно документирање, ќе следуваат соодветни поднесоци и пријави.

Македонија | пред 2 седмици

Акциска контрола во Карпош: Шест лица приведени

Шест лица се лишени од слобода во акциска контрола што ја спроведе полицијата на подрачјето на скопската општина Карпош, соопшти Министерството за внатрешни работи.Акцијата била реализирана во текот на ноќта меѓу 13 и 14 март во близина на спортски центар, при што полициски службеници од Единицата за недозволена трговија при СВР Скопје извршиле проверка на идентитет и преглед на вкупно 33 лица.Во рамки на контролата лишени од слобода се Љ.П. (42), С.Н. (45), Љ.А. (43) и И.Ц. (37), сите од Скопје, како и М.С. (33) од Неготино и Е.Л. (21) од Република Албанија.При прегледот кај нив била пронајдена и одземена бела прашкаста материја, грутчеста материја, марихуана и друга прашкаста материја.Од МВР информираат дека по целосно документирање на случаите против приведените лица ќе бидат поднесени соодветни пријави.

Скопје | пред 2 седмици

Работничка тешко повредена во фабрика во Охрид, итно префрлена во Скопје

Четириесет и едногодишна жена од Охрид со тешки повреди завршила на лекување во Клинички центар Скопје откако била повредена на работното место во фабрика.Според првичните информации, несреќата се случила во текот на ноќта, по што жената најпрво била пренесена во специјалната болница Св. Еразмо. Поради сериозноста на повредите, лекарите одлучиле таа итно да биде транспортирана во Скопје.Случајот бил пријавен во СВР Охрид, а полицијата заедно со трудовата инспекција презема мерки за да се утврдат околностите под кои настанала несреќата.

Македонија | пред 2 седмици

Во Велес фатени двајца мажи со пушка и над 300 куршуми што се третираат како културно наследство

СВР Велес до Основното јавно обвинителство Велес поднесе кривична пријава против В.Д.(46) од Виница и З.Н.(49) од Штип, поради постоење основи за сомнение дека сториле кривично дело „присвојување на добра под привремена заштита или културно наследство или природни реткости“, казниво по член 265 од Кривичниот законик.На 18.09.2025, во населба Превалец во Велес, полициски службеници од СВР Велес, сопреле патничко возило „шевролет“ со винички регистарски ознаки, управувано од В.Д., а сопатник бил З.Н. и при преглед во возилото биле пронајдени и одземени над 300 парчиња муниција и пушка, без соодветна документација и разновиден алат, по што тие биле лишени од слобода и задржани во полициска станица, а за настанот бил известен јавен обвинител.Увид на одземените предмети извршил кустос советник-археолог, кој констатирал дека пронајдените пушка, метална каса за муниција и куршуми се третираат како дел од културно наследство.

Македонија | пред 2 седмици

Приведени тројца насилници од вкупно шест пријави за семејно насилство

На 12.03.2026 околу 19 часот, полициски службеници од ОВР Дебар, во неговиот дом во село во општина Центар Жупа, од слобода го лишија Ј.Р.(48). Тој претходно, во семејниот дом, предизвикал вербална расправија со сопругата и малолетната ќерка, по што со тврд предмет ја нападнал малолетничката. По консултации со јавен обвинител и по целосно документирање на настанот, против напаѓачот ќе биде поднесена соодветна пријава.На 12.03.2026 во 16:30 часот, во Градско, полициски службеници од Полициската канцеларија Градско лишиja од слобода 26-годишник од Градско, постапувајќи по претходна пријава дека во домот физички ја нападнал неговата 20-годишна сопруга, по што дошле неговиот татко и таткото на неговата сопруга и настанала турканица меѓу нив. Тој бил приведен во полициска станица, известен бил јавен обвинител и по документирање на настанот, против него ќе биде поднесена соодветна пријава.На 12.03.2026 во 15:52 часот во СВР Штип, 28-годишна жена од штипско, пријави дека околу 15:45 часот во семејниот дом била физички нападната од нејзиниот сопруг Д.С.(34). Се преземаат мерки за расчистување на случајот.На 12.03.2026 во 14:30 часот во СВР Скопје, 29-годишна жена од скопско, пријави дека телефонски и се заканувал нејзиниот сопруг К.Ј.(33), кој престојува во странство. Се преземаат мерки за расчистување на случајот.Нa 12/13.03.2026 околу полноќ во радовишко село, полициски службеници од СВР Струмица-ОВР Радовиш лишија од слобода 54- годишен жител на тоа село, постапувајќи по претходна пријава дека во семејниот дом физички ја нападнал неговата мајка, при што и нанел повреди на телото. Лицето е задржано во Полициската станица Радовиш, за настанот е запознаен јавен обвинител од Основното јавно обвинителство Радовиш и по документирање на случајот ќе биде поднесена соодветна пријава.На 12.03.2026 во 16:30 часот во ОВР Прилеп, 45-годишен маж од Прилеп пријави дека во семејниот дом во Прилеп, неговата сопруга физички го нападнала нивното малолетно дете. Се преземаат мерки за расчистување на настанот.

Македонија | пред 2 седмици

Малолетник уапсен за производство и пуштање во промет на дрога

СВР Скопје поднесе кривична пријава против 16-годишник од Скопје поради постоење основи на сомнение за сторено кривично дело „неовластено производство и пуштање во промет на наркотични дроги, психотропни супстанци и прекурзори“.На 14.07.2025, полициски службеници од СВР Скопје извршиле преглед над пријавениот, при што била пронајдена и одземена марихуана.

Скопје | пред 2 седмици

Чувар и двајца соселани вдишале чад во обид да го изгаснат пожарот во прочистителната станица во Кочанско

На 12.03.2026 во 21:05 часот во ОВР Кочани е пријавено дека во близина на с.Мојанци, кочанско, настанал пожар во објект во склоп на Прочистителната станица, сопственост на ЈП „Водовод“ од Кочани.Од екипа од Територијалната противпожарна единица Кочани пожарот бил изгаснат. При обид да го изгаснат пожарот, В.И. (56) од с.Мојанци, кој бил на своето работно место како чувар и уште две лица вдишале чад, при што од страна на Итната медицинска помош им била укажана лекарска помош.За настанот биле известени јавен обвинител и инспектор од Дирекцијата за заштита и спасување Кочани. Увид ќе се врши во текот на денешниот ден.

Македонија | пред 2 седмици

Вработен во „Комунална хигиена“ натепал колега од внатрешна контрола

На 12.03.2026 во 14:50 часот во Скопје, на подрачјето на општина Аеродром, полициски службеници од СВР Скопје го лишија од слобода Д.С.(40) од Скопје, вработен во Јавно претпријатие „Комунална хигиена Скопје“, постапувајќи по претходна пријава дека околу 11:20 часот физички го нападнал Б.К.(48) од Скопје, додека извршувал службени дејствија во својство на внатрешна контрола во јавното претпријатие.По целосно документирање на случајот ќе следува соодветен поднесок.

Скопје | пред 2 седмици

Го нападнал татко си, па му ја запалил колата, приведен 40-годишен скопјанец

На 11.03.2026 во 02:20 часот во Скопје, на подрачјето на Кисела Вода, полициски службеници од СВР Скопје го лишија од слобода В.Т.(40) од Скопје, по претходна пријава дека околу 01:30 часот физички го нападнал неговиот 61-годишен татко, а потоа му го опожарил неговото патничко возило.Од екипа на Бригадата за противпожарна заштита Скопје пожарот бил изгаснат, а увид е извршен од увидна екипа од СВР Скопје.По целосно документирање на случајот ќе следува соодветен поднесок.

Скопје | пред 2 седмици

Четворица возеле со активна забрана, седум без возачка дозвола

Вчера на целата територија на државата, полициските службеници лишија од слобода 11 возачи, од кои четворица (Прилеп, Велес, Македонска Каменица и Кичево) за возење и покрај тоа што имале активна забрана и седуммина (Гостивар, тетовско, Кичево, двајца во Скопје и двајца во Струга) затоа што управувале возило без возачка дозвола. Возилата се одземени и по целосно документирање на случаите ќе бидат поднесени соодветни кривични пријави.Апелираме до сите учесници во сообраќајот да ги почитуваат сообраќајните правила и прописи, да не управуваат возило без положен возачки испит или доколку имаат изречена мерка за забрана за управување или доколку се под дејство на алкохол и сите заеднички да придонесеме за побезбеден сообраќај.

Македонија | пред 2 седмици

Kрадец упаднал во стан додека внатре биле жена и дете

На 13.03.2026 во 01:32 часот во СВР Тетово, 31-годишник од Тетово пријави дека едно лице се обидело да изврши кражба во неговиот стан, додека дома биле неговата сопруга и нивното малолетно дете.Се преземаат мерки за расчистување на случајот.

Македонија | пред 2 седмици

18-годишник се заканувал дека ќе постави бомби и ќе изврши убиства во тетовско средно училиште

Вчеравечер (12/13.03.2026) во СВР Тетово, неколку професори од Средното медицинско училиште „Никола Штејн“ во Тетово, пријавија дека добиле информации од родители на ученици, дека М.Р. праќал пораки до учениците односно се заканувал оти ќе постави бомби и ќе изврши убиства во училиштето.Веднаш се преземени соодветни мерки и активности од полициски службеници од СВР Тетово и по добиена судска наредба, извршен е претрес во с.Палатица, тетовско, во дом и помошни простории на Р.Р. (49). При претресот биле пронајдени повеќе предмети на неговиот син М.Р.(18), за кои постои сомнение дека потекнуваат од кривично дело.М.Р. е лишен од слобода и по целосно документирање на случајот, ќе следува соодветна пријава.

Македонија | пред 2 седмици

Битолчанец измамен за 340.000 денари, купувал криптовалути

На 12.03.2026 во 13:00 часот во СВР Битола 32-годишен маж од Битола пријави дека во периодот од 19.01.2026 до 13.02.2026  преку  електронска пошта воспоставил  комуникација со  лице   кое  се  претставило како директор  на  компанија  што  тргува  со  крипто валути  и   истиот  го  довел  пријавителот  во  заблуда,  при  што  му  дозволил  пристап  до  неговиот  компјутер  и  во  повеќе  наврати  му  префрлил вкупно 340.000 денари.Се преземаат мерки за расчистување на случајот.

Македонија | пред 2 седмици

Марихуана и дигитална вага одземени при претрес во Марино, приведено едно лице

На 12.03.2026 во 21:10 часот полициски службеници од Единицата за недозволена трговија при СВР Скопје го лишија од слобода Д.Р.(30) од с.Марино, скопско.При извршен претрес, по наредба од Основен кривичен суд Скопје, полициските службеници извршија претрес во домот на Д.Р., при што биле пронајдени и одземени марихуана и дигитална вага.По целосно документирање на случајот ќе следува соодветна пријава.

Скопје | пред 2 седмици

Приведен возач кој бегал од полиција, возел пијан и без возачка

На 12.03.2026 во 18:40 часот, на улицата „Гоце Делчев“ во Кичево, полициски службеници од полициската станица за безбедност на патниот сообраќај, од слобода го лишија С.С..(36) од кичевското село Горно Добреноец.При извршена сообраќајна контрола, полициските службеници на улицата „11 Септември“, сопреле патнички автомобил „опел астра“ со кичевски регистарски ознаки и откако му биле побарани возачки документи, тој го стартувал возилото и избегал од местото.По кратко време, на улицата „Гоце Делчев“ , бил повторно сопрен и било констатирано дека тој, немал положено возачки испит и нема право на управување моторно возило, а при извршено алкотестирање, биле констатирани 0,11 промили алкохол во крвта.  По насоки на јавен обвинител, возилото е одземено и по целосно документирање на настанот, против него, ќе биде поднесена соодветна пријава.

Македонија | пред 2 седмици

Прилепчанец додека бегал од полиција удрил во друго возило, пронајдена марихуана

На 12.03.2026 на крстосницата од ул.„Бидимаж” и бул.„Гоце Делчев” во Прилеп, полициски службеници од ОВР Прилеп го лишија од слобода В.Н.(21) од Прилеп.Имено, полициските службеници при вршење на службени дејствија  забележале патничко возило „бмв” со прилепски регистарски ознаки, управувано од В.Н. и при дадени светлосни и звучни сигнали да го сопре возилото, тој не застанал, по што удрил во друго патничко возило.При контрола во возилото била пронајдена марихуана.По документирање на настанот ќе следува соодветна пријава.

Македонија | пред 2 седмици

19-годишно момче пронајдено мртво во стан во Битола

На 13.03.2026 во СВР Битола е пријавено дека во стан во Битола, без траги на насилство, бил пронајден починат А.Д.(19) од Битола.Смртта ја констатирал лекар од Итна медицинска помош Битола, а од страна на јавен обвинител телото е дадено на обдукција.Увидот го извршила увидната екипа на СВР Битола.

Македонија | пред 2 седмици

Мајка го тепала малолетното дете, таткото ја пријавил во полиција

На 12.03.2026 во 16:30 часот во ОВР  Прилеп , 45-годишен маж  од Прилеп  пријави дека во семејниот дом во Прилеп, неговата сопруга физички го нападнала нивното малолетно дете.Се преземаат мерки за расчистување на настанот.

Македонија | пред 2 седмици

Трагедија во Крушево: 20-годишнo момче почина од струен удар

На 12.03.2026 во 17:55 часот во СВР Битола е пријавено дека од с.Саждево, крушевско, во Општата болница Прилеп без знаци на живот бил донесен А.И.(20) од с. Саждево.Според пријавеното, тој бил  удрен од струен удар, по што починал, а смртта ја констатирал лекар од Итна медицинска помош.Увидот го извршила увидната екипа на ОВР Прилеп.

Македонија | пред 2 седмици

Акциска контрола во Струга: 57 казни, одземено возило и едно лице уапсено

Вчера изречени 57 санкции во акциска контрола на Мобилната единица за безбедност на сообраќајот на патиштата во Струга, лишено од слобода едно лице, одземено возилоВо текот на вчерашниот ден (12.03.2026 година) во периодот од 14:00 до 21:00 часот, Мобилната единица за безбедност на сообраќајот на патиштата при Секторот за сообраќајни работи спроведе акциска контрола на подрачјето на СВР Охрид - ОВР Струга со цел санкционирање на возачи кои не ги почитуваат сообраќајните правила и прописи.При контролата изречени се вкупно 57 мерки за сторени сообраќајни прекршоци. Од нив четири за измината важност на сообраќајната дозвола, една мерка за управување на моторно возило со несоодветна категорија, три мерки за неизвршен вонреден технички преглед на возила кои вршат јавен превоз на патници, една мерка за возач кој врши јавен превоз на патници без лекарско уверение, седум мерки за товарни моторни возила во однос на претовар на товар, вонреден превоз и некористење на церада, пет мерки за непоседување на задолжителна опрема во возило, две мерки за користење на мобилен телефон, две мерки за неисправни светлосно сигнални уреди и 21 мерка за останати прекршоци. Поднесени се и 11 барања за поведување на прекршочна постапка за правни и одговорни лица.Едно лице е лишено од слобода за сторено кривично дело по член 297-а од Кривичниот законик – „безобѕирно управување со моторно возило“, односно без возачка дозвола и одземено е едно возило поради изминат рок на важност на сообраќајната дозвола повеќе од шест месеци.За сите сторители на сообраќајни прекршоци изготвени се соодветни поднесоци.Сообраќајните контроли продолжуваат и во наредниот период. Апелираме до сите учесници во сообраќајот да ги почитуваат сообраќајните правила и прописи. Само со одговорно однесување можеме заеднички да придонесеме за побезбедни патишта.

Македонија | пред 2 седмици

Познат идентитетот на жената пронајдена мртва во Вардар, излегла утрината од дома и не се вратила

Тело на жена било извлечено од водите на реката Вардар во Скопје, информираат од Министерството за внатрешни работи.На 11 март 2026 година околу 11 часот, полициски службеници од СВР Скопје го извадиле телото од реката, по што лекар од Итната медицинска помош констатирал смрт.По насоки на јавен обвинител, телото било предадено на обдукција.Подоцна било утврдено дека станува збор за 50-годишната А.Х.И. од Скопје. Во меѓувреме, член од нејзиното семејство пријавил дека жената утрото по 08 часот излегла од дома и не се вратила.Извршен е увид, а надлежните институции работат на расчистување на случајот.

Скопје | пред 2 седмици