Полициски службеници од СВР Охрид го лишиле од слобода Б.Н.(35) од Охрид, информираат од МВР.При претрес во неговиот дом и возило, извршен со судска наредба, биле пронајдени и одземени неколку пакувања со бела прашкаста материја и дигитална вага.Осомничениот бил задржан во полициска станица, а по целосно документирање на случајот против него ќе биде поднесена соодветна пријава.
Македонија | пред 2 седмици
Од МВР информираат дека полициски службеници од СВР Охрид го лишиле од слобода Б.П.(39) од Охрид, поради сомнение дека со употреба на сила одзел мобилен телефон од 28-годишна државјанка на Германија.Според полицијата, настанот се случил на улицата „Илинденска“ во Охрид во периодот од 12:30 до 13:30 часот.Откако бил приведен во Полициската станица Охрид, осомничениот физички нападнал полициски службеници кои вршеле службени дејствија и се обидел да избега, но бил совладан и задржан.Подоцна, со судска наредба, бил извршен претрес во неговиот дом и помошни простории, при што биле пронајдени и одземени марихуана, дигитална вага, дробилка, семки и стебло од канабис, како и предмети погодни за одгледување на растението.По целосно документирање на случајот, во координација со јавен обвинител, против него ќе бидат поднесени соодветни пријави.
Македонија | пред 2 седмици
Петгодишно дете е повредено откако паднало од балкон во семејна куќа во Гостивар, информираа од МВР.Случајот бил пријавен во ОВР Гостивар околу 19 часот од Ургентниот центар, каде детето првично било згрижено.По укажаната прва помош, поради сериозноста на повредите, детето било пренесено во Комплексот клиники Мајка Тереза во Скопје на понатамошно лекување.Увид на местото извршила полициска екипа од Гостивар, која ги утврдува околностите под кои дошло до несреќата.
Македонија | пред 2 седмици
Од СВР Битола информираат дека на 13.05.2026 во 20:00 часот на улицата „Партизанска“ во Битола полициски службеници го лишиле од слобода М.С.(19) од Битола.При контролата, кај него била пронајдена марихуана.По документирање на настанот против него ќе следува соодветен поднесок.
Македонија | пред 2 седмици
Од ОВР Прилеп информираат дека на 13.05.2026 во 14:40 часот на патот Прилеп – Македонски Брод, кај селото Сарандиново, бил лишен од слобода 14-годишен жител на селото Пешталево, општина Долнени.При сообраќајна контрола, полициските службеници сопреле патничко возило „опел“ со прилепски регистарски ознаки, кое го управувал малолетникот, при што било утврдено дека возел без да има стекнато право на управување, односно без возачка дозвола.Во друг случај, на 13.05.2026 во 17:25 часот на патот Битола – Маково, кај селото Логоварди, општина Новаци, полициски службеници од СВР Битола го лишиле од слобода В.С. од Битола, затоа што управувал возило „мицубиши“ без важечка возачка дозвола.Дополнително, во 15:20 часот на булеварот „1 Мај“ во Битола бил приведен Б.Л. од селото Кукуречани, кој управувал возило „опел“ во забранета насока на пат со физички одвоени коловозни ленти.По целосно документирање на настаните ќе следуваат соодветни пријави.
Македонија | пред 2 седмици
Од СВР Битола информираат дека на 13.05.2026 во 12:50 часот било пријавено дека во селото Добрушево, општина Могила, се случила сообраќајна несреќа помеѓу мотоцикл без регистарски ознаки, управуван од Х.Т.(30), и електричен тротинет управуван од шестгодишно дете, двајцата од селото Добрушево.Во несреќата со тешки телесни повреди се здобило детето, додека мотоциклистот се здобил со телесни повреди. Повредите биле констатирани во Клиничка болница Битола.Полициски службеници го лишиле од слобода Х.Т., бидејќи при увидот било утврдено дека мотоциклот бил нерегистриран, а тој управувал без возачка дозвола.По целосно документирање на случајот ќе следува соодветна пријава.
Македонија | пред 2 седмици
Од Министерство за внатрешни работи информираат дека на 13.05.2026 година полициски службеници од СВР Скопје ги лишиле од слобода Е.Х. (22) и М.И. (22) од селото Сарај, скопско, поради сомнение за кражба на велосипед.Како што соопшти МВР, полицијата постапувала по пријава од А.С., кој на 12.05.2026 пријавил дека пред теретана во Скопје му бил одземен велосипед.По преземени мерки и активности, сторителите биле идентификувани и приведени во полициска станица, а украдениот велосипед бил пронајден и вратен на сопственикот.По целосно документирање на случајот, против двајцата ќе биде поднесена соодветна кривична пријава.
Настани | пред 2 седмици
Од Министерство за внатрешни работи информираат дека изминативе денови е забележана зачестена појава на измамнички пораки што се испраќаат до македонски граѓани од странски телефонски број.Според МВР, непознати лица преку бројот +639606963624 испраќаат пораки за наводно регистриран сообраќаен прекршок и бараат уплата со платежна картичка преку лажна веб-страница.Измамата функционира така што корисниците, по кликнување на линкот во пораката, се пренасочуваат на веб-страница што наликува на официјалната страница на МВР, каде се бара внесување на регистарската табличка на возилото.Потоа, на нов прозорец се прикажува наводен прекршок и се бара уплата од 1.500 денари.Од МВР апелираат граѓаните да бидат внимателни, да не оставаат лични податоци и податоци од платежни картички на сомнителни страници и да не отвораат линкови и документи испратени од непознати или неверификувани испраќачи.
Македонија | пред 2 седмици
Во текот на изминатото деноноќие, полициски службеници на територијата на целата држава лишиле од слобода 13 возачи поради безобѕирно управување со возило.Како што соопшти Министерство за внатрешни работи, тројца од нив предизвикале сообраќајни незгоди, 12 управувале возила без возачка дозвола, а еден возел под дејство на алкохол.Двајца возачи биле приведени во Гевгелија, од кои едниот бил и под дејство на алкохол, а по еден возач бил лишен од слобода во Скопје, Тетово, Гостивар, Валандово, Дебар, Охрид, Битола, Куманово, Велес и Свети Николе.Од МВР информираат дека возачите во Велес и Свети Николе предизвикале сообраќајни незгоди, додека во Куманово возач на мопед под дејство на алкохол исто така предизвикал сообраќајна несреќа.По целосно документирање на случаите ќе бидат поднесени соодветни кривични пријави.Од МВР апелираат до граѓаните да ги почитуваат сообраќајните правила и да не управуваат возила без возачка дозвола или под дејство на алкохол.
Македонија | пред 2 седмици
МВР информира дека на 12 и 13 мај, на повеќе локации во Скопје, полициски службеници од СВР Скопје ги лишиле од слобода Н.Ч.(32), М.С.(20), двајцата од Скопје, како и Ј.М.(26) од село Студеничани, затоа што кај нив била пронајдена и одземена марихуана.Од полицијата наведуваат дека по целосно документирање на случаите ќе следуваат соодветни поднесоци.Во посебен случај, на 12 мај околу 15 часот на улицата „Черења“ во Штип, полициски службеници од СВР Штип го лишиле од слобода Е.М.(31) од Штип, откако кај него била пронајдена и одземена марихуана.Исто така, Надворешната канцеларија за криминалистички работи Гостивар поднела кривична пријава против Ј.К.(33) од Гостивар поради сомнение за сторено кривично дело „неовластено производство и пуштање во промет наркотични дроги, психотропни супстанци и прекурзори“.Според МВР, при претрес извршен на 8 март 2026 година во домот на пријавениот, била пронајдена и одземена марихуана.
Македонија | пред 2 седмици
МВР информира дека на 12 мај во 16:15 часот во СВР Скопје, од Ургентниот центар при комплексот клиники Мајка Тереза било пријавено дека кај нив со тешки телесни повреди била донесена С.Д.(47) од Скопје.Според пријавеното, таа се здобила со повредите при пад во шахта на булеварот „Партизански одреди“ во Скопје.За случајот бил извршен увид.
Скопје | пред 2 седмици
МВР информира дека на 12 мај во 20:40 часот во Скопје, полициски службеници од СВР Скопје го лишиле од слобода Л.А.М.Б.(46).Полицијата постапувала по претходна пријава дека околу 20 часот, во семејниот дом на подрачјето на Центар, физички ја нападнал својата 45-годишна сопруга.По целосно документирање на случајот ќе следува соодветна пријава.
Скопје | пред 2 седмици
МВР информира дека на 12 мај во 13:05 часот на Меѓународен аеродром Скопје бил лишен од слобода В.К.(86) од Косово.При гранична контрола, полициските службеници во неговиот куфер пронашле и одзеле пиштолска муниција.По целосно документирање на случајот, против лицето ќе следува соодветна пријава.
Македонија | пред 2 седмици
МВР информира дека на 12 мај околу 11:15 часот во Полициската станица во Кочани, од Итната медицинска помош било пријавено дека кај нив со тешки телесни повреди бил донесен В.Б.(50) од село Соколарци, општина Чешиново-Облешево.Според пријавеното, тој се повредил при извршување градежни работи за фирма од Кочани, односно по пад од висина.Поради сериозноста на повредите, В.Б. бил пренесен во комплексот клиники Мајка Тереза во Скопје за понатамошно лекување.По овластување на јавен обвинител, увид на местото извршиле екипи од ОВР Кочани, заедно со инспектор за безбедност и здравје при работа и инспектор за работни односи.
Македонија | пред 2 седмици
МВР информира дека на 12 мај околу 19:30 часот на регионалниот пат Струмица – село Баница, патничко возило „пежо“ со струмички регистарски ознаки излетало од коловозот.Возилото го управувал Ѓ.Т.(60) од Струмица, кој во несреќата се здобил со тешки телесни повреди.Повредите биле констатирани во Медицинскиот центар во Струмица.Увид на местото извршила увидна екипа на СВР Струмица.
Македонија | пред 2 седмици
МВР информира дека на 13 мај околу 00:30 часот на крстосницата меѓу улиците „Васил Ѓорѓов“ и „Народен фронт“ во Скопје се случила сообраќајна несреќа меѓу патничко возило „дачиа“ со италијански регистарски ознаки и мотоцикл „кавасаки“.Автомобилот го управувал Џ.Ч.(27) од Италија, со привремен престој во Скопје, додека со мотоциклот управувал Х.А.(23) од Скопје.Во несреќата со тешки телесни повреди се здобил мотоциклистот, а со телесни повреди се здобиле возачот на „дачиа“ и неговиот сопатник И.А.(27) од Скопје.Повредите биле констатирани во Ургентниот центар при комплексот клиники Мајка Тереза и во ЈЗУ „Св. Наум Охридски“.По наредба на јавен обвинител, Џ.Ч. е лишен од слобода во врска со член 300 од Кривичниот законик, а увид извршила увидна екипа на СВР Скопје.
Скопје | пред 2 седмици
МВР информира дека на 12 мај околу 18 часот на улицата „Боца Иванова“ во Скопје се случила сообраќајна несреќа меѓу патничко возило „дачиа“, управувано од И.С.(46) од Куманово, и патничко возило „сеат“, управувано од Е.Р.(22) од Скопје.Во несреќата со тешки телесни повреди се здобил возачот на „дачиа“, додека со телесни повреди се здобиле возачот на „сеат“ и неговиот сопатник Б.М.(24) од Скопје.Повредите биле констатирани во Ургентниот центар при комплексот клиники Мајка Тереза.Увид на местото извршила увидна екипа на СВР Скопје.
Скопје | пред 2 седмици
МВР информира дека две лица се лишени од слобода во Свети Николе и Куманово, откако управувале мопеди без дозвола и под дејство на алкохол и предизвикале сообраќајни несреќи.Во првиот случај, на 12 мај околу 12 часот на улицата „Кочо Рацин“ во Свети Николе, мопед управуван од Н.Д.(18) удрил во 69-годишна жена. Во несреќата пешакот се здобил со тешки телесни повреди, констатирани во Клиничката болница во Штип.По увидот, полицијата утврдила дека 18-годишникот го управувал мопедот без возачка дозвола, по што бил лишен од слобода и задржан во полициска станица.Во вториот случај, на крстосница меѓу улицата „Илинденска“ и плоштадот „Маршал Тито“ во Куманово, Д.Ѓ.(47) изгубил контрола над мопед „пијаџо“ и паднал на коловозот.Тој се здобил со тешки телесни повреди, а при полициските проверки било утврдено дека управувал под дејство на алкохол, при што му биле измерени 2,80 промили алкохол во крвта.И тој бил лишен од слобода, а по документирање на случајот ќе следува соодветен поднесок.
Македонија | пред 2 седмици
СВР Тетово информира дека на 12 мај во 18:30 часот полициски службеници го лишиле од слобода Ф.Н. (61) од Тетово.При претрес во неговиот дом, извршен со судска наредба, била пронајдена и одземена прашкаста материја.По целосно документирање на случајот, против него ќе биде поднесена соодветна пријава.
Македонија | пред 2 седмици
СВР Тетово информира дека на 12 мај во 20:40 часот, Ф.А. (40) од Тетово пријавил дека неговиот малолетен син бил нападнат во дворот на основно училиште во градот.Според пријавата, малолетникот најпрво бил вербално нападнат од С.М., а потоа и физички нападнат од Т.М. од Тетово.Од полицијата велат дека се работи на расчистување на случајот.
Македонија | пред 2 седмици
ОВР Гостивар информира дека на 13 мај во 03:35 часот полициски службеници го лишиле од слобода Д.Ч. (22) од Дебреше.Според полицијата, тој бил затекнат како управува патничко возило „бмв“ со гостиварски регистарски ознаки и покрај тоа што му била изречена мерка забрана за управување моторно возило.Возилото било одземено, а по целосно документирање на случајот против него ќе биде поднесена соодветна пријава.
Македонија | пред 2 седмици
СВР Тетово информира дека на 12 мај околу 20 часот во Полициското одделение Галате било пријавено дека избувнал пожар во напуштен објект – стар културен дом во Врапчиште.На местото интервенирала Територијална противпожарна единица Гостивар, која го локализирала пожарот.Од полицијата соопштија дека нема повредени лица.Увид на местото извршила екипа од СВР Тетово.
Македонија | пред 2 седмици
СВР Тетово информира дека на 12 мај во 13 часот, 27-годишна жена од Тетово пријавила дека претходниот ден околу 18 часот била доведена во ситуација со закани и обид за одземање мобилен телефон.Според пријавата, жената била повикана од лицето Х.Е. да се сретнат со цел, наводно, заедно да пријават злоупотреба на лични податоци и отворање лажен профил на социјална мрежа во полиција.Како што навела, кога влегла во возилото што го управувала Х.Е., забележала машко лице на задното седиште.Наместо кон полициска станица, возилото се упатило во друг правец, при што, според пријавеното, ѝ биле упатувани закани и бил направен обид да ѝ се одземе мобилниот телефон поради сомнеж дека таа стои зад лажниот профил на социјалните мрежи.По одреден период, жената била вратена во Тетово.Од полицијата велат дека се преземаат мерки за расчистување на случајот.
Македонија | пред 2 седмици
Пратеникот на СДСМ и поранешен министер за земјоделство, Љупчо Николовски, реагираше откако МВР потврди за „Скопје1“ дека против него се води предмет и дека бил повикан на информативен разговор во полициска станица.Николовски тврди дека станува збор за „монтиран случај“, со кој, според него, актуелната власт се обидува да го дефокусира вниманието од проблемите во земјоделството и од актуелни скандали.„Еден монтиран случај. Толку им требаше на актуелното раководство за да се обиде да ја покрие сопствената неспособност и криминал и тоа напаѓајќи ја најуспешната реформа во земјоделството“, напиша Николовски.Тој оценува дека случајот се отвора во период кога, како што наведува, има големо незадоволство кај земјоделците поради доцнење на субвенциите, ниски откупни цени и поништени повици за рурален развој.„Кога владата не може да се справи со вистинските проблеми, се вклучува пропагандната машинерија за дефокус“, додава Николовски.Во својата реакција, поранешниот министер се повикува на реформите што биле спроведени во неговиот мандат, посочувајќи дека биле отворени над 270 нови семејни винарии, легализирани над 4.000 мали производители на храна и создадени околу 1.000 нови етикети македонско вино.„Тоа е реформата за која ме напаѓаат“, наведува тој.Николовски тврди и дека предметот не се однесува на прекршување на Законот за јавни набавки, ниту пак произлегува од пријава од земјоделци.„Не станува збор за прекршување на Законот за јавни набавки, ниту за пријава од земјоделци. Станува збор за монтиран случај кој треба да го оттргне вниманието од вистинските прашања“, пишува Николовски.Тој во објавата ги споменува и актуелните случаи поврзани со институции од секторот земјоделство, меѓу кои и, како што наведува, „уапсен директор на Платежната агенција“, „ИПАРД скандал“ и „уапсен директор на Земјоделскиот инспекторат“.Претходно, од МВР за „Скопје1“ потврдија дека Николовски бил повикан на разговор кај инспектор од Единицата за економски криминал и корупција.„Во тек се активности, по што, соодветно ќе ја информираме јавноста“, соопшти полицијата.Од МВР не открија детали за предметот, додека според неофицијални информации објавени во дел од медиумите, постапката се однесува на наводен тендер вреден околу 800.000 евра.
Македонија | пред 2 седмици
Обвинителството води предмет против пратеникот на СДСМ, Љупчо Николовски, кој е поранешен министер за земјоделство. Тој пред шест дена бил повикан во полициска станица на информативен разговор, потврдуваат од МВР за „Скопје1“, откако вчера оваа информација беше објавена на дел од порталите.За што се однесува предметот, од МВР не откриваат. Познато е само дека Николовски бил на распит кај инспектор од Единицата за економски криминал и корупција.„Во тек се активности, по што, соодветно ќе ја информираме јавноста“, велат од МВР.„Скопје1“ се обиде да стапи во контакт со Николовски, кого го прашавме која е причината поради што бил повикан во станица. Тој до овој момент не одговори на нашата порака.Според неофицијалните информации на кои се повикаа повеќе медиуми, постапката е за наводен тендер и негова злоупотреба. Истиот, според истите информации, бил во вредност од 800.000 евра.
Македонија | пред 2 седмици
Нашата веб-страница користи колачиња за подобрување на корисничкото искуство и анализа на сообраќајот.
Прв ќе ги дознаваш ударните и вонредните случувања
