На 16.05.2026 во 23:33 часот во СВР Скопје, З.Ѓ. пријави дека околу 23:00 часот во автобус бр.53 на ЈСП Скопје, неговата 16-годишна ќерка била физички нападната од женско лице – Е.З..Се преземаат мерки за расчистување на случајот.
Скопје | пред 2 седмици
На 16.05.2026 во 20:40 часот во СВР Битола И.Д.(42) од Битола пријави дека на крстосницата на ул.„Партизанска" со ул.„Никола Тесла" во Битола, била удрена од возило, при што се здобила со повреди, а потоа возачот излегол од возилото и физички ја нападнал, по што го напуштил местото на настанот.Веднаш по добиената пријава преземени се соодветни мерки за расчистување на случајот, при што е констатирано дека се работи за патничко возило „шкода" со битолски регистарски ознаки, управувано од Т.М. од Битола.Се преземаат мерки за целосно расчистување на настанот.
Македонија | пред 2 седмици
На 16.05.2026 во 12:00 часот во СВР Скопје, 65-годишната И.С. од Скопје пријави дека во временскиот период од 02.08.2024 до 16.05.2026 од Градските гробишта Бутел, од парцела на гробно место, била одземена бронзена биста.Се преземаат мерки за расчистување на случајот.
Скопје | пред 2 седмици
На 16.05.2026 во 22:20 часот во Велес, полициски службеници од Отсекот за недозволена трговија со дрога при СВР Велес, го лишија од слобода С.С.(40) од Велес. Од страна на полициските службеници било сопрено патничко возило „опел“ со велешки регистарски ознаки, управувано од С.С. и при преглед кај него и во возилото била пронајдена и одземена бела грутчеста материја.Исто така, при претрес во неговиот дом, извршен со судска наредба од Основен суд Велес, биле пронајдени и одземени бела грутчеста материја, марихуана и таблети. С.С. бил приведен во полициска станица, известен е јавен обвинител и по документирање на случајот, против него ќе биде поднесена соодветна пријава.
Македонија | пред 2 седмици
Во текот на изминатото деноноќие на целата територија на државата, полициските службеници лишија од слобода шест возачи за безобѕирно управување возило. Еден возач во Кичево управувал возило иако имал активна забрана за управување, а петмина (тројца во Скопје, еден во тетовско и еден во Гостивар) возеле иако немале возачка дозвола. Возачот во Гостивар бил и под дејство на алкохол. По целосно документирање на случаите ќе бидат поднесени соодветни кривични пријави.Апелираме до сите учесници во сообраќајот да ги почитуваат сообраќајните правила и прописи, да не управуваат возило без положен возачки испит или доколку имаат изречена мерка за забрана за управување или доколку се под дејство на алкохол и сите заеднички да придонесеме за побезбеден сообраќај.
Македонија | пред 2 седмици
Дел од улиците низ главниот град денеска ќе бидат затвори, за што ќе биде организиран посебен режим на сообраќај поради одржување на два спортски настани, поточно велосипедска трка и планинарска тура.„На 17.05.2026 (недела), во организација на Здружението за спорт и рекреација „Прв до врв“ – Скопје, ќе се одржи четиринаесеттото издание на традиционалниот спортско-рекреативен настан насловен како „Прв до врв“.Во рамки на настанот ќе се реализира велосипедска трка со почеток во 09:45 часот, со траса на движење од пред Музеј на град Скопје по ул. „Св. Кирил и Методиј“, лево по бул. „Св. Климент Охридски“, право по бул. „Мајка Тереза“, лево по ул. „Тодор Александров“, а потоа по локалниот пат кон Средно Водно и до врвот на Водно (Милениумски крст).Воедно, со почеток во 10:00 часот ќе се одржи и планинарска тура, која ќе стартува пред ООУ „Кочо Рацин“ на бул. „Мајка Тереза“, ќе продолжи по ул. „Тодор Александров“, а кај ул. „Салвадор Аљенде“ учесниците ќе се движат десно по планинската патека кон Средно Водно и понатаму кон врвот на Водно (Милениумски крст)“ се посочува во објавата на МВР.Од таму додаваат оти, поради одржувањето на настаните, Одделението за безбедност на патниот сообраќај при СВР Скопје ќе преземе мерки за посебен режим на сообраќај, при што сообраќајот ќе се пренасочува по околните сообраќајници.Министерството за внатрешни работи апелира до граѓаните да ги почитуваат наредбите и насоките што ќе ги издаваат полициските службеници на сообраќајниците каде што ќе се одвива настанот, со цел непречено и безбедно реализирање на истиот.
Скопје | пред 2 седмици
Во врска со видео објава споделена на социјалната мрежа Фејсбук, на која се забележува лице кое управува скутер на едно тркало и со таквото однесување ја загрозува безбедноста во сообраќајот, полициски службеници веднаш презедоа мерки и активности за идентификација на лицето.„По преземените активности, од страна на СВР Штип утврдено е дека на 11.05.2026 година околу 21.00 часот, на раскрсницата помеѓу улиците „Сремски Фронт“ и „Борис Крајгер“ во Штип, Е.Б.(15) од Штип сторил кривично дело по член 297-а од Кривичниот законик, како и сообраќајни прекршоци согласно Законот за безбедност на сообраќајот на патиштата.Лицето е пронајдено и идентификувано, а против него се преземаат соодветни законски мерки согласно важечките законски прописи“, велат од МВР.Министерството за внатрешни работи апелира до сите учесници во сообраќајот да се однесуваат совесно и одговорно и да не изведуваат опасни дејствија со кои се загрозува сопствената безбедност, како и безбедноста на останатите учесници во сообраќајот.
Македонија | пред 2 седмици
Mајка на 12-годишно девојче од Скопје пријавила во полиција дека машко лице, кое исто така е малолетно, со закани ја принудувало нејзината ќерка да му испраќа компромитирачки содржини. Во официјалното соопштение на Министерството за внатрешни работи (МВР) не се открива точната возраст на пријавеното момче, но се прецизира периодот во кој се вршела принудата.„На 13.05.2026 во 12:30 часот во СВР Скопје, 35-годишна жена од Скопје пријави дека во периодот од март 2026 до денот на пријавата, нејзината 12-годишна ќерка под закана преку мобилна апликација испраќала експлицитни фотографии и видеа на малолетник. Се преземаат мерки за расчистување на случајот“, соопштија официјално од СВР Скопје.
Скопје | пред 2 седмици
На 15.05.2026 во 08:00 часот во СВР Скопје е пријавено дека на велосипедска патека на Кеј на река Вардар во Скопје, се случила сообраќајна незгода помеѓу два електрични тротинети, управувани од 62-годишната С.С. и 12-годишник, двајцата од Скопје.Во несреќата со тешки телесни повреди се здобила С.С., додека со телесни повреди се здобил малолетникот, констатирани во ЈЗУ „Св. Наум Охридски“ во Скопје. Извршен бил увид од увидна екипа од СВР Скопје.
Скопје | пред 2 седмици
На 15.05.2026 година во 12:45 часот, на кружниот тек помеѓу улиците „Маршал Тито“ и „Илинденска“ во Тетово, се случила сообраќајна незгода во која учествувале патничко моторно возило „Сеат Ибица“ со тетовски регистарски ознаки, управувано од Л.М.(22) од Тетово, и електричен тротинет управуван од Л.А.(46) од с. Прељубиште.Во незгодата, возачот на тротинетот се здобила со тешки телесни повреди констатирани во Клиничката болница во Тетово. Увид на лице место извршила екипа од СВР Тетово.
Македонија | пред 2 седмици
На 14.05 2026 во 20:40 часот во Берово, полициски службеници од ОВР Берово го лишија од слобода Д.К.(47) од Берово, по претходна пријава дека истиот ден бил во семејниот дом и истовремено барал да си заминат од домот неговата 48-годишна сопруга и нивната ќерка, со што го прекршил Решението издадено од Основен суд Берово.За настанот е известен јавен обвинител од Основното јавно обвинителство Берово. По целосно документирање на случајот ќе следува соодветна пријава.
Македонија | пред 2 седмици
На 15.05.2026 во 19:50 часот во СВР Скопје е пријавено дека во парк шума на подрачјето на Гази Баба, од страна на двајца малолетници бил опожарен дел од летниковец.Повредени лица нема, а пожарот бил локализиран од граѓани.Извршен бил увид од увидна екипа и се преземаат мерки за расчистување на случајот.
Скопје | пред 2 седмици
На 16.05.2026 во 00:15 часот во Скопје, на подрачјето на Гази Баба, полициски службеници од СВР Скопје го лишија од слобода М.Х.(24), по претходна пријава дека на 15.05.2026 околу 22:30 часот во домот „Ранка Милановиќ“ во Скопје, по претходна расправија со неговиот татко, со запалива течност го полил ходникот од објектот ѝ му упатувал закани.По целосно документирање на случајот ќе следува соодветен поднесок.
Скопје | пред 2 седмици
Надворешната канцеларија за криминалистички работи Берово поднесе кривична пријава против М.К.(53) од беровско поради постоење основи на сомнение за сторено кривичното дело „насилство врз дете“.Во периодот од 03.02.2026 до 10.02.2026, пријавениот, вработен како хигиеничар во основно училиште во истото село, извршил психичко насилство над тројца ученици и ги снимал со неговиот мобилен телефон.
Македонија | пред 2 седмици
СВР Тетово поднесе кривична пријава против О.Ф.(29) од Скопје поради постоење основи на сомнение за сторени кривични дела „загрозување со опасно орудие при тепачка или караница“ и „предизвикување на општа опасност“.На 22.11.2025 на излез од с. Боговиње, тетовско, пријавениот му го пресекол патот на Н.И.(31) од с. Боговиње, тетовско, додека се движел со своето патничко возило, при што му упатувал закани со огнено оружје.После тоа, продолжил на автопатот, не застанал на знак за запирање од полициски службеници и скршил рампа на наплатната станица Глумово.
Македонија | пред 2 седмици
Во недела, 17 мај, во Скопје ќе се одржи 14. издание на спортско-рекреативниот настан „Прв до врв“, поради што ќе биде воведен посебен режим на сообраќај, информираат од Министерството за внатрешни работи.Во рамки на настанот, велосипедската трка ќе стартува во 9:45 часот пред Музејот на град Скопје, а учесниците ќе се движат по улиците „Св. Кирил и Методиј“, булеварите „Св. Климент Охридски“ и „Мајка Тереза“, потоа по улицата „Тодор Александров“ кон Средно Водно и Милениумскиот крст.Планинарската тура ќе започне во 10 часот пред ООУ „Кочо Рацин“, по што учесниците ќе се движат кон Водно по планинска патека.Од СВР Скопје најавуваат дека сообраќајот на дел од трасата ќе биде пренасочуван по околните улици.Од МВР апелираат граѓаните да ги почитуваат насоките на полициските службеници со цел безбедно одвивање на настанот.
Некатегоризирани | пред 2 седмици
Секторот за внатрешни работи Битола поднесе кривична пријава против 36-годишниот М.Ѓ. од Битола поради сомнение за сторено кривично дело „разбојништво во обид“.Како што информира Министерството за внатрешни работи, осомничениот бил лишен од слобода на 16 мај околу 1 часот по полноќ, а при претрес во неговиот дом, извршен со судска наредба, бил пронајден и одземен пиштол.Според пријавата, тој на 30 април околу 18:10 часот се обидел да изврши разбојништво во канцеларија за кредитирање на улицата „Столарска“ во Битола, заканувајќи се со огнено оружје.Од МВР велат дека осомничениот не успеал во намерата и избегал од местото на настанот.
Македонија | пред 2 седмици
Во текот на изминатото деноноќие полициски службеници привеле 17 возачи низ државата поради безобѕирно управување со возила, информира Министерството за внатрешни работи.Според МВР, шестмина возачи од Крива Паланка, Куманово, Делчево и Радовиш биле фатени како управуваат возило под дејство на алкохол. Возач од Радовиш предизвикал и сообраќајна несреќа, по што го напуштил местото на настанот.Осум возачи од Скопје, Делчево, Гевгелија, Богданци, Прилеп и Македонски Брод управувале без возачка дозвола, додека еден возач од Кочани возел и покрај активна забрана.Во Кавадарци бил приведен мотоциклист кој возел нерегистриран мотор без возачка дозвола, а во Демир Хисар полицијата затекнала возач кој бил и без дозвола и под дејство на алкохол.Од Министерството за внатрешни работи апелираат до граѓаните да ги почитуваат сообраќајните правила, нагласувајќи дека возењето под дејство на алкохол, без дозвола или спротивно на забрана претставува сериозен ризик за безбедноста во сообраќајот.
Македонија | пред 2 седмици
Полициски службеници од СВР Скопје расчистија случај на уцена и на подрачјето на Центар го лишија од слобода Е.И., поради сомнение дека сторил кривично дело „уцена“.Според информациите од Министерство за внатрешни работи, на 13 мај во полициска станица 61-годишен скопјанец пријавил дека во периодот од 9 до 13 мај преку мобилна апликација добивал пораки од лице кое барало да му исплати 8.000 евра, заканувајќи се дека ќе објави компромитирачки фотографии, видеоматеријали и разговори.Како што е наведено, оштетениот договорил да му предаде 4.000 евра, по што случајот го пријавил во полиција. Од страна на полицијата му биле дадени крим-технички обработени пари.По договорената средба, откако осомничениот го зел ковертот со парите, бил забележан и приведен од полициски службеници. При приведувањето, тој турнал полициска службеничка, која се здобила со повреди, и се обидел да избега, но бил совладан и приведен.По целосно документирање на случајот, против него ќе биде поднесена соодветна кривична пријава.
Скопје | пред 2 седмици
Министерство за внатрешни работи информира дека во последното деноноќие биле регистрирани осум случаи на семејно насилство, при што шест лица биле лишени од слобода.Во Скопје, полициски службеници го привеле 33-годишниот Ц.Ц., откако бил пријавен дека физички ја нападнал својата мајка и оштетил автомобил во дворот од семејната куќа.Во друг случај во главниот град, 34-годишен маж и неговата 32-годишна партнерка меѓусебно се пријавиле за физички напад со употреба на тврд предмет по расправија во дом на подрачјето на Центар.Во Кисела Вода, 45-годишна жена пријавила дека била физички нападната од нејзиниот поранешен партнер.Полицијата во Виница го привела 58-годишниот З.Д. по пријава дека физички ја нападнал сопругата и агресивно се однесувал во домот.Во Делчево бил лишен од слобода 36-годишен маж кој, според пријавата, ѝ се заканувал на сопругата на нејзиното работно место, а подоцна испраќал и пораки со заканувачка содржина.Во Берово бил приведен 40-годишен жител на Пехчево поради закани кон неговата сестра, додека во Кичево полицијата го привела А.В. (39) по пријава дека физички ја нападнал сопругата.Во Кавадарци, пак, бил лишен од слобода 51-годишен маж од кавадаречко село, осомничен дека физички ја нападнал својата вонбрачна партнерка.Од МВР соопштија дека се преземаат мерки за расчистување на сите случаи и по нивното документирање ќе следуваат соодветни пријави.
Македонија | пред 2 седмици
Министерот за внатрешни работи Панче Тошковски најави засилени контроли и строги мерки против моторџии кои, како што рече, дивеат низ градовите и не ги почитуваат сообраќајните правила.Тој направи разлика меѓу, како што ги нарече, „вистински моторџии“ и оние кои „глумат моторџии“.„Тие кои се вистински моторџии, тие во град не ги прекршуваат сообраќајните правила. Тие се посветени за почитување на сообраќајни правила особено во град, бидејќи ги знаат последиците кога не ги почитуваат, тие се на две тркала“, рече Тошковски.Според него, проблем се оние кои возат без кацига, со голема брзина и прават опасни маневри.„Ова не се однесува на тие кои возат со кацига, со соодветна брзина... А најавувам за тие кои глумат дека се моторџии, односно возат мотор без кацига, со далеку поголема брзина, возат на црвена, го дигаат на едно тркало, и мислат дека ‘Сејф сити’ не ги детектира, МВР ќе биде фокусирано на нив, особено во градските средини“, кажа министерот.Тој порача дека ваквите возачи ќе бидат главен таргет на полицијата во наредниот период.„Слободно можам да кажам дека ќе ги изгориме! Ќе останат и без мотори и без можноста да глумат дека се моторџии“, изјави Тошковски.Министерот додаде дека ваквите возачи претставуваат сериозен ризик за безбедноста.„Тие ќе бидат таргет, тие што употребуваат мотори надвор од закон. Затоа што тие се најголем ризик да отепаат некого“, рече Тошковски.На крајот, тој упати пофалби до моторџиите кои ги почитуваат правилата.„Не за вистинските моторџии, за нив секоја чест и поздрав“, додаде министерот.
Македонија | пред 2 седмици
Министерот за внатрешни работи Панче Тошковски вели дека бројните фишинг пораки за наводни казни од системот „Сејф сити“ се испраќаат од странски броеви и дека граѓаните лесно можат да ги препознаат.„Сите фишинг напади се од странски броеви. Лесно се препознава“, рече Тошковски.Тој посочи дека официјалните пораки од МВР имаат препознатлива ознака.„На официјалниот број на МВР има официјална кратенка и се препознава“, кажа министерот.Според информациите што ги добил од Секторот за информатика, ваквите измами не можат да бидат испратени од домашни броеви.„Согласно информациите кои ги имам од Секторот за информатика, сите се од странски броеви и од домашен број не може да биде сторен фишинг напад“, изјави Тошковски.Тој додаде дека вакви измами постојат насекаде во светот и дека измамниците ја користат секоја нова форма на комуникација со граѓаните.„Лажни напади има секаде во свет. Тие кои ги вршат нападите, гледаат поле за измама при секоја комуникација на граѓаните“, рече министерот.Според него, новината е што „Сејф сити“ воведува помодерен начин на известување, наместо старите хартиени пратки.„Ново е за нас поврзано со оваа услуга, бидејќи ја нудиме на попаметен начин, за разлика од претходно со пратки“, додаде Тошковски.
Македонија | пред 2 седмици
Министерот за внатрешни работи Панче Тошковски најави проширување на системот „Сејф сити“, посочувајќи дека освен брзо возење, преку системот ќе се констатираат и други сообраќајни прекршоци.„И сега констатираме поголем број на прекршоци. Не е само брзо возење, туку и погрешно престројување, погрешно свртување, поминување на црвено светло“, рече Тошковски.Тој додаде дека системот може дополнително да се унапреди со зголемување на бројот на прекршоци кои автоматски ќе се детектираат.Според министерот, една од првите следни фази ќе биде санкционирањето на погрешното паркирање.„Во делот на погрешно паркирање, тоа ќе е една од првите фази кои ќе бидат имплементирани“, кажа Тошковски.Тој објасни дека во процесот ќе бидат вклучени повеќе институции и дека МВР сака внимателно да пристапи кон имплементацијата за да нема неправилности во казнувањето.„Тука ќе бидат вклучени повеќе институции, бидејќи е многуброен прекршок, не сакаме, при нецелосно утврдени правила на игра, да имаме казнување на граѓаните. Затоа сме внимателни во овој дел“, изјави министерот.Како прв таргет за имплементација на системот ги посочи главните сообраќајници во Скопје.„Прв таргет за имплементирање, односно детектирање, ќе бидат главните крвотоци во градот Скопје, односно булеварите“, рече Тошковски.
Македонија | пред 2 седмици
Министерство за внатрешни работи информира дека е лишен од слобода возачот кој вчера со автомобил удрил во 13-годишен велосипедист во Скопје.Според информациите од МВР, несреќата се случила на 14 мај околу 16:10 часот на улицата Коце Металец, кога патничко возило „сеат“ со скопски регистарски ознаки, управувано од А.П.(20) од Скопје, удрило во велосипед управуван од 13-годишник од Скопје.Во несреќата малолетникот се здобил со тешки телесни повреди, констатирани во Комплексот клиники Мајка Тереза.Увид на местото извршила екипа од СВР Скопје, а возачот е лишен од слобода.По целосно расчистување и документирање на случајот ќе следува соодветна пријава.
Скопје | пред 2 седмици
Од Министерство за внатрешни работи информираат дека во текот на изминатото деноноќие на територијата на државата биле лишени од слобода 10 возачи за безобѕирно управување возило.Според МВР, петмина управувале возила без возачка дозвола, меѓу кои и двајца малолетници, четворица возеле под дејство на алкохол, а еден возач бил затекнат како се движи во забранета насока.Без возачка дозвола биле затекнати двајца возачи во Тетово, од кои еден малолетник, како и по еден во Неготино, Битола и прилепско, каде исто така бил приведен малолетник.Под дејство на алкохол управувале возачи во Скопје, Кавадарци, Охрид и Кичево, додека во Битола бил лишен од слобода возач кој управувал возило во забранета насока.По целосно документирање на случаите ќе бидат поднесени соодветни кривични пријави.Од МВР апелираат до граѓаните да ги почитуваат сообраќајните правила и да не управуваат возило без дозвола, под дејство на алкохол или спротивно на изречени забрани.
Македонија | пред 2 седмици
Нашата веб-страница користи колачиња за подобрување на корисничкото искуство и анализа на сообраќајот.
Прв ќе ги дознаваш ударните и вонредните случувања
