ВМРО-ДПМНЕ

Манасиевски: Филипче ја прифаќа бугарската рамка, прво уставни измени, потоа отворање на идентитетските прашања

Венко Филипче е подготвен да ги жртвува македонските национални интереси заради политичка моќ и доаѓање на власт, обвини денеска портпаролот на ВМРО-ДПМНЕ, Валентин Манасиевски.На прес-конференција, Манасиевски оцени дека лидерот на СДСМ ги прифаќа бугарските позиции во однос на евроинтегративниот процес и уставните измени, наместо да ги брани македонските национални интереси.„Прво уставни измени, а потоа редефинирање на историјата и идентитетот. Филипче не го интересира македонскиот идентитет и интегритет, туку прифаќање на бугарските позиции и ставање на Македонија во подредена положба“, рече Манасиевски.Од ВМРО-ДПМНЕ тврдат дека Филипче ги усогласува своите ставови со официјална Софија и дека бугарските барања ги претставува како европски услови.Манасиевски во своето обраќање ги спомена и ставовите на Виктор Стојанов од фондацијата „Македонија“, како и на бугарската министерка Петрова-Чамова, тврдејќи дека постои совпаѓање во реториката околу односите меѓу Македонија, Бугарија и Европската Унија.„Вистината е дека токму Бугарија со години ја блокира Македонија на патот кон ЕУ, а наместо да ги бранат македонските позиции, одредени политичари прифаќаат туѓи диктати на штета на државата“, изјави Манасиевски.Од ВМРО-ДПМНЕ порачаа дека нема да дозволат, како што наведоа, „обезличување на македонскиот идентитет“ и дека историските личности и националните прашања не смеат да бидат предмет на политички договори.Од СДСМ засега нема реакција на обвинувањата изнесени од ВМРО-ДПМНЕ.

Македонија | пред 9 часа

Петрушевски: Двојните аршини на Трпе Деаноски и синдикалната организација на виделина, од една страна велат живееме во сиромаштија од друга страна 60.000 евра за луксуз во Црна Гора

Пратеникот на ВМРО-ДПМНЕ, Бране Петрушевски, обвини дека претседателот на Синдикатот на УПОЗ, Трпе Деаноски, потрошил околу 60.000 евра синдикални средства за организирање настан во Црна Гора, наместо средствата да бидат вложени во домашната економија.На денешната прес-конференција, Петрушевски оцени дека постои контрадикторност меѓу јавните настапи на синдикалните претставници и начинот на кој се трошат парите на членовите.„Од една страна велат дека се живее во сиромаштија, а од друга страна се трошат 60.000 евра за луксуз во Црна Гора“, изјави Петрушевски.Тој посочи дека настанот можел да биде организиран во некој од домашните туристички центри, со што средствата би останале во македонската економија.Според Петрушевски, ваквото трошење отвора прашања за тоа дали синдикалните средства се користат за заштита на работничките права или за туристички аранжмани и патувања во странство.Пратеникот на ВМРО-ДПМНЕ истакна дека ваквите постапки влијаат врз кредибилитетот на синдикалните организации и нивната доверба кај членството.Од Синдикатот засега нема реакција на обвинувањата изнесени од Петрушевски.

Македонија | пред 9 часа

Бојковска: ВМРО-ДПМНЕ спроведува суштински реформи во интерес на граѓаните и работи на исполнување на реформската агенда – преку конкретни политики докажува дека е посветена за европска интеграција

„По однос на прашањето за референдум, односно прашањето коешто го наметна лидерот на опозицијата, Венко Филипче е прашањето: дали сте за ЕУ. Ќе се потсетиме дека ние имавме исто такво референдумско прашање со владата на Заев, и тука апсолутно можам да истакнам дека прашањето е апсолвирано, бидејќи оваа Влада недвосмислено одговара и кажува и докажува, со факти и со аргументи, не само декларативно дека е за влез во ЕУ.  Со конкретни чекори, еве веќе и од меѓународни институции, и од Европската комисија се истакнуваат чекорите кои не придвижуваат до европската интеграција“, истакна Драгана Бојковска, пратеничка од редовите на ВМРО-ДПМНЕ на гостување во дебатната емисија „24 Анализа“ на ТВ24.Според Бојковска, европската интеграција пред се значи спроведување на суштински реформи во интерес на граѓаните и исполнување на реформската агенда.„За мене, интеграција во ЕУ пред се  означува носење на реформи дома, реформи за граѓаните, исполнување на реформската агенда. За мене е големо признание што нашата држава има одобрување од Европската комисија за 65,7 милиони евра во коишто сме повторно фронтранери по однос на исполнување на реформската агенда, го чекаме јунскиот извештај во којшто повторно очекуваме овој износ да се дуплира по однос на исполнување на реформите“, посочи пратеничката Бојковска.Таа додаде дека ВМРО-ДПМНЕ презема вистински чекори за влез во ЕУ, преку носење на реформски закони и спроведување на конректни политики.„Ако некоја влада и ако некое парламентарно мнозинство прави вистински чекори за влез во ЕУ, тоа е оваа Влада на ВМРО-ДПМНЕ и коалицијата и парламентарното мнозинство како значаен чинител со носење на реформските закони во Собранието и низа други активности коишто се признаени од страна на ЕУ. Можам да го потенцирам  тука и Договорот  за одбрана и безбедност со ЕУ којшто исто така за мене е приближување кон ЕУ“, децидна е Бојковска.

Македонија | пред 12 часа

СДСМ: Уште 2 дена до неисполнување на ветувањето на Мицкоски, нема реформи, нема Груевски - има Стоилковиќ и Кина

Остануваат уште два дена до 1 јуни, датумот до кој премиерот Христијан Мицкоски јавно вети дека ќе ги исполни сите точки од Реформската агенда и обврските поврзани со продолжувањето на европскиот пат на државата, соопшти СДСМ.Од партијата оценуваат дека станува збор за уште едно неисполнето ветување на премиерот, посочувајќи дека реформите не се реализирани, а меѓу нерешените прашања ги наведуваат и обврските од евроинтегративниот процес.Според СДСМ, Владата за две години целосно завршила само две од десетте предвидени точки од Реформската агенда, додека клучното прашање – внесувањето на малцинствата во Уставот – останува нерешено.„Без оваа обврска нема продолжување на преговорите со Европската Унија, нема отворање нови поглавја, нема нови европски фондови и нема подобрување на животниот стандард на граѓаните“, наведуваат од партијата.СДСМ го повика Мицкоски да ги спроведе уставните измени или, како што велат, јавно да признае дека не сака членство на државата во Европската Унија.Во соопштението опозициската партија ја обвинува Владата дека ја води државата кон изолација и дека не ги спроведува потребните реформи за продолжување на евроинтегративниот процес.

Македонија | пред 12 часа

Манасиевски: СДС го правда Земон, изјавата за Гоце Делчев не е несреќна, тој и Филипче се пратеници на Бугарија

Портпаролот на ВМРО-ДПМНЕ, Валентин Манасиевски, синоќа гостуваше во емисијата „Ноќно студио“ на 4ТВ, каде што, меѓу другото, зборуваше и за изјавата на Рубин Земон од СДС, кој во гостување на бугарски поткаст рече дека македонскиот револуционер и великан Гоце Делчев нема ништо направено за Македонија.Манасиевски посочи дека таа изјава на Земон, наспроти тврдењата на СДС, никако не може да се нарече несреќна изјава, затоа што не може да излезеш на бугарски поткаст и да тврдиш дека Гоце Делчев, кој го имаме и во македонската химна, е мит.„Јас не би ја нарекол несреќна изјава. Да излезете вие на бугарски поткаст и да велите дека Гоце Делчев е мит и дека не направил ништо и не напишал ништо за Македонија, не извојувал ниедна битка, а го имаме во химната, прво мислам дека е нечовечки, недостоинствено и треба да размислиме пред следен пат да кажеме такво нешто. Гоце Делчев е важна историска фигура за Македонија, револуционер којшто се борел за независна Македонија, кој сакал да создаде држава. И вие денес, 100 години подоцна, да говорите дека Гоце Делчев е мит и дека не направил ништо за Македонија, сметам дека е крајно недостоинствено“, истакна Манасиевски.Манасиевски додаде дека од Рубин Земон, кој вели дека негова е идејата за Бугари во Устав, видовме фотографии како тој седи на кафе со еден од најголемите негатори на Македонија и македонскиот народ, кој притоа има и забранет влез во државата, Виктор Стојанов, основачот и претседателот на фондацијата „Македонија“, која се залага и дели флаери за Бугари во Устав.„Видовме фотографии на господинот Рубин Земон, сега поранешен член на Извршниот одбор на Социјалдемократскиот сојуз, патем, поранешен соработник во Владата на Зоран Заев, близок соработник, којшто на едно интервју вели дека тој ја дал идејата за внесување на Бугари во Устав. Па потоа го гледаме како „недоговорено“ седнал на кафе со, не било кој, туку со Виктор Стојанов, основач-претседател на фондацијата „Македонија“, којшто во Македонија има забранет влез. И не само тоа, гледаме, денес имавме повторно прес-конференција, каде што делеле флаери за Бугари во Устав. А кој бара Бугари во Устав во Македонија? СДС“, рече Манасиевски.Тука се тие тези коишто ние ги потврдуваме, потенцираше портпаролот Манасиевски и додаде дека бугарската министерка Петрова Чамова вели дека „преку бугарските мисии во Македонија работи за Бугари во Устав“ и дека „нашиот проблем не е со Бугарија, туку со Европската Унија“.„Знаете кој имаше таква иста изјава? Венко Филипче. Вели, ние не преговараме со Бугарија, туку преговараме со Европската Унија. Најгласен, како што ние го нарекуваме, специјален бугарски пратеник во Македонија, односно пратеник на Румен Радев, Венко Филипче е единствениот и најгласниот којшто говори за воведување на Бугари во Устав, за којшто ние тврдиме дека тоа не е последната препрека за влез во Европската Унија. Така велеа и во 2018-2019 година, кога го променувавме името, дека тоа е последниот чекор којшто треба да го направиме за да бидеме дел од ЕУ. Па еве јас прашувам, дали ние денес сме дел од Европската Унија, со променето уставно име? Не сме, за жал“, констатираше Манасиевски.

Македонија | пред 12 часа

ВМРО-ДПМНЕ: Филипче на ист став со Петрова Чамова, ќе преговара со Европа за интересите на Бугарија

Венко Филипче е на ист став со бугарските власти кога станува збор за уставните измени и европскиот пат на Македонија, обвини денес ВМРО-ДПМНЕ, оценувајќи дека лидерот на СДСМ поддржува спроведување на уставните измени без гаранции за земјава.Од владејачката партија тврдат дека Филипче и бугарската министерка за надворешни работи имаат идентични ставови дека преговорите се водат со Европската Унија, а не директно со Бугарија. Според ВМРО-ДПМНЕ, таквиот пристап би ѝ овозможил на Софија и натаму да ја блокира Македонија на патот кон ЕУ.Во соопштението се посочува и случајот со Рубин Земон, кој беше член на Извршниот одбор на СДСМ, а чија фотографија со Виктор Стојанов од Фондацијата „Македонија“ предизвика реакции во јавноста. Од ВМРО-ДПМНЕ велат дека Филипче не се оградил од Земон ниту поради таа средба, ниту поради неговите јавни изјави.Партијата дополнително ги критикува ставовите на бугарскиот претседател Румен Радев, наведувајќи дека тие се насочени кон негирање на македонскиот јазик, идентитет и историско наследство.Од ВМРО-ДПМНЕ порачаа дека граѓаните веќе ја оцениле политиката на СДСМ на избори и побараа опозициската партија повеќе да се фокусира на домашните прашања наместо на, како што наведуваат, „релативизирање на македонскиот идентитет“.Воедно, од партијата оценуваат дека Филипче не може да одлучува за иднината на државата од позиција на опозиција, обвинувајќи го дека бил дел од политиките кои довеле до застој на евроинтегративниот процес.

Македонија | пред 12 часа

Ѓорѓиев: Хаосот кој деновиве се случува во Општина Центар е последица на неодговорното работење на СДС и Герасимовски и на тоа што се расфрлаа со одобренија за градби

Членот на Општинскиот комитет на ВМРО-ДПМНЕ Центар, Филип Ѓорѓиев, обвини дека градоначалникот Горан Герасимовски и СДСМ водат неодговорна и расипничка политика во Општина Центар, поврзана со издавањето одобренија за градба.Според Ѓорѓиев, задоцнетите казни и санкции не можат да ја прикријат, како што рече, неодговорноста на локалната власт, која дозволила работа на компании за кои подоцна се појавиле информации за спорно работење.Тој посочи дека одобренија за градба биле издавани на фирми поврзани со лица за кои, како што наведе, во медиумите имало објави за несовесно работење или блокирани сметки.„Три месеци ништо не знаеја додека се раскопуваше срцето на градот. Дури кога се урна земјиштето, пропаднаа тротоари и паднаа бандери, тогаш ‘дознаа’ кому му дале дозволи за градба“, изјави Ѓорѓиев.Тој додаде дека покрај одговорноста за компаниите и нивните сопственици, одговорност треба да понесат и Горан Герасимовски и СДСМ, оценувајќи дека ова не е изолиран случај, туку доказ за, како што рече, лошото управување со Општина Центар.

Скопје | пред 1 ден

Марков: Опозицијата има амнезија за тоа што остави зад себе, ВМРО-ДПМНЕ испорачува резултати и го подобрува здравствениот систем

 На денешната собраниска седница за пратенички прашања се обрати пратеникот од редовите на ВМРО-ДПМНЕ, Петар Марков кој постави три прашања од кои првите две беа упатени до претседателот на Владата, Христијан Мицкоски и едното до министерот за здравство, Азир Алиу, кои се однесуваа на три многу значајни теми за граѓаните на Македонија и тоа за динамиката и напредокот на реформската агенда, мерките за контрола на цените за горивата и на инвестициите во здравството.Во своето  обраќање Марков се осврна на реформската агенда, при што ја обвини опозицијата дека се обидува да создаде впечаток дека нема напредок во реформските процеси.“Во однос на првото прашање сведоци сме дека опозицијата од петни жили се обидува да создаде впечаток дека нема напредок и дека реформската агенда ја третира како сценографија, да даде европски шмек на нивните трагикомични прес-конференции, притоа заборавајќи на тоа што оставиле, обвинувајќи за се што самите не успеале да решат додека биле на власт. Политичката критика е здрава, но ова не е критика ова е политичка гимнастика без допир со реалноста. Претседателе до каде се чекорите кои треба да ги исполниме како држава и што досега е реализирано од реформската агенда?“, праша Марков.Второто прашање на Марков се однесуваше на владините мерки за поевтинување на горивата и заштита на животниот стандард на граѓаните. Тој оцени дека Владата реагирала навремено преку мерки поврзани со ДДВ, акцизите и разговорите со ОКТА, со цел да се спречат ценовни шокови.„Второто мое прашање се однесува на мерките за поевтинување на горивата и за заштита на животниот стандард, морам да констатирам дека Владата покажа дека не чека проблемот да експлодира, реагираше со ДДВ, со акцизи, разговараше со ОКТА, обезбеди попусти и ги следи состојбите на терен, Владата има и инструменти и волја да продолжи со мерки кои го штитат стандардот на граѓаните додека опозицијата критикува. Државата има регионално најниски цени на горивата и не се дозволи да се јават екстремни ценовни шокови. Претседателе вие до 1-ви Јуни ги продолживте мерките за поевтини горива, се со цел намалување на ценовниот притисок, изјавивте дека сте во преговори со Окта за продолжување на дополнителниот попуст, па би сакал да добијам одговор до каде сте со преговорите и дали доколку има потреба Владата ќе донесе одлука за продолжување на мерката со оглед на тоа дека први е веќе понеделник?“, рече Марков.Во третото прашање Марков се осврна на состојбите во здравството, критикувајќи  ги СДС и ДУИ за, како што рече, „политичка амнезија“ кога зборуваат за здравствениот систем. Тој потсети на скандалите од минатото поврзани со набавки на респиратори и цитостатици, додавајќи дека актуелната Влада работи на реконструкција на повеќе здравствени установи.„Третото и последно мое прашање се однесува на здравството. Во поглед на здравството опозицијата покажува уште поголема доза на политичка амнезија. Смешно звучи кога СДС и ДУИ зборуваат како зад себе да имаат музеј на завршени болници. За време на нивно владеење се случија најголемите скандали, преку фирми за банани се договараа набавки за респиратори, пациентите примаа солена вода наместо цитостатици, итн. За разлика од тоа  денес во здравството се работи на реконструкција на здравствените установи, на клиничкиот центар Мајка Тереза како и на градската општа болница 8 Септември, се најави и дополнително проширување на позитивната листа на лекови. Почитуван министре Алиу дали може да ни кажете што досега има направено за подобрување на здравствениот систем и каков е планот за во иднина во делот на инфраструктурните проекти во здравството?“, праша Марков.

Македонија | пред 1 ден

„Исто како Заев, за власт Филипче е спремен да ги прифати пошироките бугарски барања кои задираат во македонскиот национален идентитет“, велат од ВМРО-ДПМНЕ

ВМРО-ДПМНЕ преку соопштение обвини дека претседателот на СДСМ, Венко Филипче, е подготвен да ги прифати пошироките бугарски барања кои, според партијата, навлегуваат во прашањата за македонскиот идентитет, историја и културно наследство.Од партијата велат дека Филипче, „заслепен од желбата за власт“, верува дека внесувањето на Бугарите во македонскиот Устав е последната пречка на патот кон Европската Унија, и покрај, како што наведуваат, јавните ставови на официјална Софија.Во соопштението се посочуваат изјави на бугарскиот претседател Румен Радев, во кои, според ВМРО-ДПМНЕ, тој ги претставува македонските револуционери Гоце Делчев и Јане Сандански како Бугари, а македонскиот јазик и идентитет ги поврзува со периодот по 1945 година.Партијата тврди дека СДСМ и Венко Филипче не реагирале на ваквите ставови и дека, наместо осуда, се залагаат за прифаќање на бугарските услови.„Многу е очигледно дека, освен внесувањето на неколку илјади Бугари во Уставот, тоа не е ниту единствен ниту последен услов за евроинтегративниот процес“, велат од ВМРО-ДПМНЕ.Во партиското соопштение се наведува и дека граѓаните се спротивставуваат на, како што ја нарекуваат, „поданичката политика“ на СДСМ и Филипче, додавајќи дека македонските национални интереси и историската вистина не смеат да бидат предмет на политички договори.ВМРО-ДПМНЕ порача дека останува на ставот оти државата не смее да прифаќа нови, како што велат, идентитетски и национални отстапки.

Македонија | пред 1 ден

Стојаноски: Македонија е меѓу водечките европски економии по квартален раст, капиталните инвестиции и поддршката на стопанството даваат резултати

Во емисијата „Став на регионот“ на телевизија Њузмакс Балканс гостуваше пратеникот од редовите на ВМРО-ДПМНЕ, Бојан Стојаноски кој истакна дека Владата продолжува со економска политика насочена кон силни капитални инвестиции и поддршка на градежниот сектор со цел зголемување на бруто-домашниот производ.„Овие 260 милиони евра кои Република Македонија ќе ги повлече ќе бидат за финансирање на одредени капитални проекти коишто се финансираат од централниот буџет, тоа е важно да се нагласи, бидејќи ние кога ја презедовме власта кажавме дека нашата економска филозофија ќе почива на неколку столбови од кои едниот е силен буст на капитални инвестиции да преку градежништвото го покачиме брутодомашниот производ, нешто што се гледа дека е присутно“, рече Стојаноски.Тој нагласи дека годинава државата има обврска да врати два запирка шест милијарди евра стари долгови, што претставува третина од буџетот, но и покрај тоа, како што рече, обезбедени се средства за повисоки плати, пензии и инфраструктурни проекти.„Оваа година имаме за враќање два запирка шест милијарди евра, тоа е третина од буџетот за стари долгови, но и покрај тоа успеваме да обезбедиме средства и за повисоки плати, и за повисоки пензии, и за реконструкции на инфраструктурни проекти, и за реализација на капитални проекти, нешто што сметам дека е навистина задоволително. Просечната пензија за две години во Република Македонија е покачена за 32%. Сите пензионери добиваа покачување од 7000 денари. Секој студент доби ваучер од 250 евра. Просечната нето исплата на плата, согласно Државниот завод за статистика, е зголемена за две години за 15,5%, односно 6500 денари. Понатаму, можеме да ги видиме, ете, колку е пораснат бројот на нововработените, 17.700 новокреирани работни места“, вели Стојаноски.Пратеникот Стојаноски истакна дека преку унгарскиот финансиски пакет, но и со средства од сопствениот буџет на Министерството за транспорт, се финансираат бројни проекти во општините. Како дел од инфраструктурните активности ги посочи подготовките за железничката пруга на Коридорот 10, како и изградбата на автопатот Прилеп-Битола, за кои оцени дека се реализираат со задоволително темпо.„Покрај оние средства коишто се од унгарскиот финансиски пакет и се финансираат проекти во општините, Министерството за транспорт и од сопствениот буџет издвојува средства и финансира проекти во многу општини коишто решаваат многу секојдневни проблеми на граѓаните. Во многу сериозна подготвителна фаза сме и за отпочнување на железничката пруга во Коридорот 10, автопатот Прилеп - Битола исто така иде во задоволително темпо, што значи дека кога ќе ги соберете сите овие проекти, вие имате неколку милијарди евра инвестиции“, истакна Стојаноски и додаде:„Нашата економска филозофија е многу едноставна. Прво е капитални инвестиции, второ е привлекување на странски директни инвестиции и трето, помош на македонското стопанство. Во овој момент тоа успева да ни обезбеди раст од 3,5% шест квартали по ред, нешто што не рангира на квартално ниво на третото или на петтото место во Европа“.

Македонија | пред 2 дена

„Трпе Деаноски од УПОЗ за луксуз и спортски игри во Црна Гора потрошил над 60.000 евра“, вели Петрушевски

Пратеникот на ВМРО-ДПМНЕ, Бране Петрушевски, на денешната прес-конференција обвини дека претседателот на УПОЗ, Трпе Деаноски, потрошил над 60.000 евра за организирање спортски игри во Црна Гора, користејќи средства од членарините на синдикалците.Петрушевски истакна дека, додека јавно се зборува за ниски плати и лош животен стандард, раководството на синдикатот, според него, се луксузирало на сметка на своите членови.Тој посочи дека преку синдикатот на УПОЗ биле организирани четиридневни спортски игри во туристичкото место Чањ, во Црна Гора, наместо во некој од туристичките центри во Македонија.Според Петрушевски, станува збор за непримерно трошење пари собрани од членарини, додавајќи дека „синдикалците на батерии“ пред јавноста се претставуваат како борци за работнички права, а зад камерите трошат средства за луксуз и патувања.

Македонија | пред 2 дена

„Само Филипче, како специјален бугарски пратеник и пиун на Радев, верува дека уставните измени се последно барање“, велат од ВМРО-ДПМНЕ

ВМРО-ДПМНЕ преку соопштение соопшти дека лидерот на СДСМ, Венко Филипче, „како специјален бугарски пратеник и пиун на Румен Радев“ верува дека уставните измени се последното барање од Бугарија за продолжување на евроинтегративниот процес.Од партијата обвинија дека СДСМ и Филипче, „за власт, моќ и амнестија на криминалите“, би прифатиле уставни измени со кои Бугарите би биле внесени во Уставот, иако, според нив, тоа не е последното барање од источниот сосед.Во соопштението се наведува дека следни теми за отстапки би биле македонскиот јазик, култура, историја и идентитет, а како аргумент повторно се посочува говор на Радев од 2019 година на конференција во Русија, на која присуствувал и Владимир Путин.Според ВМРО-ДПМНЕ, тогашниот бугарски претседател зборувал за македонската историја во бугарски контекст и изјавил дека Гоце Делчев е Бугарин, како и дека писменоста кај словенските народи дошла од Бугарија.Од партијата посочуваат дека тогашната власт предводена од Зоран Заев и министерот Филипче не реагирале на тие изјави.Во реакцијата се споменуваат и имињата на Јане Сандански, Питу Гули, Даме Груев, како и Кирил и Методиј, при што ВМРО-ДПМНЕ тврди дека СДСМ би дозволиле нивно претставување во бугарски контекст.Во соопштението се споменуваат и Стево Пендаровски и Рубин Земон.Од ВМРО-ДПМНЕ порачаа дека „времето на национални и идентитетски отстапки заврши“ и дека нема да дозволат прифаќање на, како што велат, „ултиматуми и уцени на штета на македонските идентитетски обележја“.

Македонија | пред 2 дена

Јаревски: Пет квартали по ред бележиме економски раст, капиталните инвестиции даваат резултати

Во емисијата „За или против“ на Алфа телевизија гостуваше пратеникот од редовите на ВМРО-ДПМНЕ, Тони Јаревски кој истакна дека актуелната власт успеала да го запре, како што рече, „падот на државата“ и веќе ги дава првите резултати преку реализација на капитални проекти.Според Јаревски, граѓаните имаат можност транспарентно да ја следат реализацијата на проектите преку новиот портал каде во реално време може да се видат капиталните инвестиции, динамиката на реализација и потрошените средства.„Сведоци сме на една искрена и чесна генерација на политичари коишто успеаја да го запрат падот на државата, а може веќе да ги видиме првите резултати со динамичната и посветена реализација на проектите, можеме да го отвориме и новиот портал што беше промовиран пред десетина дена каде буквално секој капитален проект, динамиката на неговата реализација, средствата што се потрошени во реално време може да се следи, во моментот течат повеќе од 1150 проекти во локалната самоуправа, каде граѓаните можат на најдиректен начин да ги видат, од првиот и од вториот повик. Првиот повик е веќе близу деведесет и некој процент, вториот повик осумдесет и четири проценти од проектите веќе во поодмината фаза каде што се извршени проектите, спроведени постапките за тендерирање, воведени во работа“, вели Јаревски.Тој оцени дека динамиката на реализација е задоволителна и дека тоа веќе дава резултати во економијата. Во однос на задолжувањето, Јаревски посочи дека не е проблем државата да зема кредити доколку тие средства се користат за развојни проекти. Притоа, тој ја критикуваше претходната власт, обвинувајќи ја дека ја задолжила државата без реализација на значајни проекти и без напредок кај инфраструктурните зафати.„Има динамика која што е задоволителна и тоа си дава резултати, не е ништо страшно да се влезе во процесот да се земе кредит со цел да се реализира нешто тоа е впрочем во секој буџет си има дефиниран дефицит што се финансира од дома а што од задолжување, и никогаш не е проблем доколку развојот на државата го надмине задолжувањето. И тоа е клучната разлика во однос на периодите со СДС. Тие успеаја во нивниот период да не задолжат повеќе од сите генерации наназад, сетете се барем на 5 проекти кои оставиле силно значење, или еве дури и тие што ги отпочнаа стоеја така,  немаше движење на автопатите, имаше нерешени имотно правни спорови, недефинирана траса итн.“, рече Јаревски и додаде:„За разлика од нив сведоци сме на една динамика на реализација на истите, не е ни чудо што веќе последователно 5 квартали имаме еден сериозен степен на раст, минатата година завршивме со 3,5% со сите потешкотии од опкружувањето.  Ќе продолжиме уште по посветено, по динамично со цел да надополниме она што беше испуштено претходно“.

Македонија | пред 3 дена

СДСМ: Мицкоски им порача на граѓаните дека ќе ја платат цената додека цело ВМРО си обезбеди пасоши од ЕУ преку Бугарија

Од СДСМ обвинија дека премиерот Христијан Мицкоски со своите изјави признал дека не сака членство на државата во Европската Унија.„По изјавата дека за ЕУ ‘ќе чекаме децении’, денеска Мицкоски им порача на граѓаните дека треба ‘да ја платиме цената’ што нема да станеме членка на Унијата. Нема поголемо признание од ова дека Мицкоски не сака членство во ЕУ“, соопштија од партијата.Од СДСМ велат дека граѓаните се „заложници на криминалот и корупцијата“ и на, како што наведуваат, стравот на Мицкоски од одговорност.Според опозициската партија, најголемата цена ќе ја платат младите, кои ќе продолжат да се иселуваат од државата.„Додека Мицкоски им порачува на граѓаните дека треба да ја платат цената за децениско чекање за членство во ЕУ, цело ВМРО за себе и своите семејства веќе си има обезбедено европски пасоши преку бугарски државјанства“, тврдат од СДСМ.Од партијата оценуваат дека станува збор за „лицемерно и нечесно однесување“ и додаваат дека ВМРО-ДПМНЕ „никогаш не водела битка за државните интереси, туку за власт, бизниси и лични привилегии“.„Лажниот патриотизам падна. Вистината излезе на виделина“, порачуваат од СДСМ.

Македонија | пред 3 дена

Стојаноски: Со одговорни економски политики се враќаат старите долгови и се инвестира во развојни проекти

„Треба да знаеме дека во наредните три години ние како држава треба да вратиме шест милијарди евра стари долгови, а во наредните од 2026-2031 некаде отприлика 9 милијарди евра долгови, коишто без исклучок сите се земени од претходната влада. И токму голем дел од овој заем ќе биде за потпирање и за враќање на стариот долг, а во јуни месец треба да ја исплатиме втората транша од еврообврзницата од 700 милиони евра којашто е земена во 2020 година. Во претходниот мандат кога СДС беше на власт од 2020 до 2024 во Собранието се пристигнати 28 закони за задолжување и без исклучок сите се пристигнати во скратена постапка. Овој закон не може да не е транспарентен бидејќи прво е усвоен во Влада, потоа е доставен до сите пратеници, матичната комисија ја претседава пратеничка од СДС“, истакна Бојан Стојаноски пратеник од редовите на ВМРО-ДПМНЕ, на телевизија Телма во емисијата „Директно“.Стојаноски истакна дека дел од средствата од новиот заем ќе бидат наменети за враќање на стари долгови и реализација на капитални проекти, обвинувајќи ја претходната власт за зголемување на јавниот долг и нетранспарентно трошење на државните пари.„Со дел од овие средства покрај враќањето на старите долгови ќе се финансираат и одредени капитални проекти, суштината на нашата економска филозофија е финансирање на капитални инвестиции и така да дојдеме до економски раст којшто го имаме и којшто сега е присутен. Ние кога заминавме од власта го оставивме јавниот долг на 4,7 милијарди отприлика 44-5% од БДП, 2024 година имавме 8,8 милијарди што значи 10 проценти поени покачен долг. Ние во овие две години вративме 2 еврообврзници, едната од 500 милиони, едната од 700 милиони и за тоа требаше да обезбедиме средства од 1,2 милијарди евра“, рече Стојаноски и праша:„За што беа тие пари потрошени? Државниот завод за ревизија укажа дека најголем дел од тие средства се трошеле нетранспарентно и криминално“.Стојаноски на крај се осврна и на унгарскиот кредит за кој посочи дека тие средства мултипликативно ќе се вратат во Буџетот, а како резултат на тоа е тоа што во 6 квартали по ред има раст на БДП од 3,4%.„Тие 250 милиони евра коишто беа дадени кон деловните субјекти како и овие 250 милиони евра коишто беа дадени кон општините се средства коишто мултипликативно ќе се вратат во Буџетот, и токму затоа вие имате ситуација во којшто 6 квартали по ред вие имате раст на БДП од 3,5%“, дециден е Стојаноски.

Македонија | пред 3 дена

„Разликата меѓу ВМРО-ДПМНЕ и СДС во делот на економијата е небо и земја“, велат од ВМРО-ДПМНЕ

Од ВМРО-ДПМНЕ денеска реагираа на прес-конференцијата на пратеникот на СДСМ, Фатмир Битиќи, оценувајќи дека разликата меѓу двете партии во економските политики е „небо и земја“.Од владејачката партија тврдат дека Владата предводена од Христијан Мицкоски во изминатите шест квартали обезбедила економски раст над 3 проценти, раст на платите близу 10 проценти, зголемување на бројот на нововработени и историски најниско ниво на невработеност.Во реакцијата се наведува дека Владата паралелно го финансира развојот на економијата и ги сервисира старите долгови создадени во време на владите на СДС.Според ВМРО-ДПМНЕ, минатата година била отплатена еврообврзница од 500 милиони евра, а оваа година за отплата е еврообврзница од 700 милиони евра, за која половина од обврската веќе била сервисирана.Од партијата посочуваат дека од 2026 до 2031 година државата има обврска да сервисира околу 9 милијарди евра по основ на главнина и камати од стари долгови.Во соопштението се наведува и дека од втората половина на 2024 година до првиот квартал од 2026 година биле обезбедени 1,2 милијарди евра исклучиво за сервисирање на еврообврзници земени од претходната власт.Од ВМРО-ДПМНЕ тврдат и дека капиталните инвестиции се реализираат на историски високо ниво, за разлика од периодот кога, како што велат, СДС бил на власт.Партијата обвини дека поради лошото менаџирање на државата од страна на СДС, Владата сега враќа 50 милиони евра на 156 компании по основ на мерката „солидарен данок“.Во реакцијата се наведува и дека СДС во периодот од 2017 до 2024 година го зголемил јавниот долг за 4,78 милијарди евра, при просечен економски раст од 1,8 проценти, раст на платите од 5 проценти и инфлација од 14 проценти.„Граѓаните на изборите ги казнија лошите економски политики на СДС“, се наведува во реакцијата на ВМРО-ДПМНЕ.

Македонија | пред 3 дена

„Филипче и СДС се во служба на бугарската агенда, Филипче директно соработува со луѓе кои го негираат македонскиот идентитет“, велат од ВМРО-ДПМНЕ

ВМРО-ДПМНЕ прелу соопштение обвини дека Венко Филипче и СДСМ работат „во служба на бугарската агенда“ и соработуваат со лица кои, според партијата, го негираат македонскиот идентитет.Во соопштението, ВМРО-ДПМНЕ тврди дека Филипче преку Рубин Земон бил во директна соработка со Виктор Стојанов, за кого наведуваат дека е познат по ставови со кои ги негира македонскиот идентитет, јазик, историја и култура.Од партијата велат дека Стојанов јавно промовирал тези дека Македонците и Бугарите се еден народ, што, според нив, претставува навреда за македонскиот народ и државност.Во соопштението, ВМРО-ДПМНЕ го обвинува Филипче дека е „најгласен промотор на бугарските политики“ во Македонија, посочувајќи го неговиот став за внесување на Бугарите во Уставот како услов за продолжување на евроинтегративниот процес.Партијата оценува дека ваквите политики се штетни за државата и порача дека националните интереси мора да бидат над политичките калкулации.

Македонија | пред 3 дена

Манасиевски: Филипче преку Рубин Земон во директна соработка со Виктор Стојанов, кој е персона нон грата во Македонија поради неговите антимакедонски ставови

Портпаролот на ВМРО-ДПМНЕ, Валентин Манасиевски, денеска обвини дека лидерот на СДСМ, Венко Филипче, соработува со Виктор Стојанов, кој, како што рече, има антимакедонски ставови и е персона нон грата во Македонија.„Специјалниот пратеник на Румен Радев, Венко Филипче, преку Рубин Земон, е во директна соработка со Виктор Стојанов“, изјави Манасиевски.Тој посочи дека Стојанов се залага за промоција на бугарскиот идентитет, историја и култура во Македонија, како и дека во јавноста го негира македонскиот јазик и националната посебност.„Филипче е соработник со човек кој ја негира Македонија, односно вели дека сме еден народ со Бугарите во две држави“, рече Манасиевски.Од ВМРО-ДПМНЕ тврдат и дека Филипче е „директен соработник на Бугарија во Македонија“, како и дека е единствениот политичар кој бара внесување на Бугарите во Уставот без гаранции дека тоа ќе биде последниот услов на патот кон Европската Унија.„Венко Филипче со ваквиот однос кон Македонија си ја запечатува својата политичка кариера“, изјави Манасиевски.

Македонија | пред 4 дена

ВМРО-ДПМНЕ: Филипче и СДС се фатени во соработка со бугарски националисти

ВМРО-ДПМНЕ обвини дека претседателот на СДСМ, Венко Филипче, и раководството на партијата се „фатени во отворена соработка со бугарски националистички структури“, откако беше објавена фотографија од членот на Извршниот одбор на СДСМ, Рубин Земон, со бугарскиот активист Виктор Стојанов.Од партијата велат дека Стојанов е човек „кој јавно го негира македонскиот идентитет“ и против кого во Македонија се води кривична постапка.„Фотографијата е потврда за поврзаноста на Венко Филипче и раководството на СДС со структури кои отворено работат против македонските национални интереси“, наведуваат од ВМРО-ДПМНЕ.Во реакцијата се посочува дека Филипче „отворено ги промовира бугарските позиции“ и има ставови за уставните измени кои, според нив, се совпаѓаат со позициите на официјална Софија.Од ВМРО-ДПМНЕ го обвинуваат Виктор Стојанов дека со години промовирал тези дека Македонците се дел од бугарскиот народ, потсетувајќи на неговите активности поврзани со промена на презимиња, дистрибуција на книги и кампањи во Македонија и Албанија.„Филипче и лица од најтесниот круг на СДС јавно шират ставови со кои се омаловажуваат македонските револуционери, се релативизира македонската историја и се промовираат тези дека Македонија и Бугарија се ‘еден народ’“, стои во соопштението.Партијата тврди и дека на Филипче му било сугерирано да го отстрани Земон од Извршниот одбор на СДСМ „за да не му штети на угледот на партијата“.„Зад приказната за ‘европска иднина’ на СДС се крие подготвеност за нови национални отстапки и бришење на македонскиот идентитет чекор по чекор“, наведуваат од ВМРО-ДПМНЕ.Од таму порачуваат дека ќе се спротивстават на „секој обид за редефинирање на македонскиот идентитет“ и дека Македонија мора да остане „достоинствена, суверена и национално исправена држава“.

Македонија | пред 5 дена

По повод 24 Мај, ВМРО-ДПМНЕ порача: Да бидеме чувари на светлината што ја запалија Кирил и Методиј

ВМРО-ДПМНЕ по повод 24 Мај – Денот на сесловенските просветители Светите Кирил и Методиј, порача дека нивното дело претставува вечен аманет за зачувување на македонскиот јазик, традиција и идентитет.„Со особена почит и благодарност, денес оддаваме признание на светите браќа Кирил и Методиј, сесловенските просветители и основоположници на словенската писменост и духовност“, стои во честитката на партијата.Од ВМРО-ДПМНЕ истакнуваат дека создавањето на глаголицата овозможило ширење на писменоста, просветата и духовниот развој кај словенските народи.„Со создавањето на првата словенска азбука, глаголицата, Светите браќа Кирил и Методиј овозможија ширење на словото Божјо на разбирлив и народен јазик“, наведуваат од партијата.Во честитката се посочува и улогата на Свети Климент Охридски во развојот на кирилицата, која, како што се наведува, претставува основа на македонскиот јазик.„Делото на Светите Кирил и Методиј е длабоко вкоренето во македонската национална историја и културниот идентитет“, стои во соопштението.Од ВМРО-ДПМНЕ порачуваат дека празникот е потсетник за обврската да се негува македонскиот јазик, да се почитува традицијата и да се вложува во образованието.„Да бидеме чувари на светлината што ја запалија Светите браќа Кирил и Методиј, зачувувањето на нивното дело е чест и одговорност кон нашето минато, сегашност и иднина“, наведуваат од партијата.На крајот, ВМРО-ДПМНЕ го честита празникот 24 Мај – Денот на сесловенските просветители Светите Кирил и Методиј.

Македонија | пред 5 дена

ВМРО-ДПМНЕ: Филипче фатен во соработка со Виктор Стојанов од Бугарија со единствена цел прифаќање на бугарските диктати

Филипче пак на прес-конференција изнесе невистини и глупости кои се далеку од реалноста, а не кажа за неговата соработка со човекот на кој му е забранет влезот во Македонија, Виктор Стојанов, велат од ВМРО-ДПМНЕ во реакцијата на прес-конференцијата на СДСМ.„Филипче требаше денес да излезе на прес и да се извини на македонските граѓани за неговите антимакедонски политики и да си замине од политиката, исто како што негови блиски му советувале да го тргне Рубин Земон од член на ИО на СДС.Бугарските политики во Македонија ги застапува специјалниот пратеник на Радев, Филипче и затоа цврсто и денес по 100ти пат кажа дека уставните измени мора да се направат.Оние кои не негираат на Филипче му се наредбодавци.На крај ќе остане сам со кланот Заеви“, се вели во реакцијата.

Македонија | пред 6 дена

ВМРО-ДПМНЕ: Лагите на Филипче и СДС повторно демантирани, Македонија доби најмногу европски средства во регионот

Лагите на Филипче и СДС се повторни демантирани, Филипче и СДС лажеа за мигранти, лажеа дека државата ќе банкротира, лажеа дека е празен Буџетот, лажеа за ИПАРД фондовите, а лажеа и за Реформската агенда и изјавите на Вајц, велат од ВМРО-ДПМНЕ.„Филипче и СДС ширеа лаги и го манипулираа народот, но веднаш се демантирани и тоа од релевантните институции. Токму затоа Венко Филипче нема кредибилитет и никој не му верува.Македонија доби најмногу европски средства во регионот доделени од ЕУ во висина од 65,7 милиони евра, пред Албанија со 49 милиони евра и Црна Гора со 44,2 милиони евра.Ова е за Јануарскиот извештај, а Македонија за јуни месец ќе ја удвои сумата и повторно ќе бидеме први во исполнувањето на Реформската агенда.ЕУ потврди, Македонија е лидер во реформите, а лагите на Филипче и СДС паднаа во вода.Овие доделени средства од ЕУ во висина од 65,7 милиони евра се јасен показател дека реформите кои ги спроведува Владата даваат конкретни резултати и се препознаени од европските институции.Средствата се наменети за унапредување на образованието, дигитализација и подобрување на условите во училиштата, при што дел од средствата директно ќе бидат насочени кон државниот Буџет, а останатите кон капитални и инвестициски проекти.Овие резултати уште еднаш ги демантираат сите неосновани тврдења и дезинформации пласирани од страна на СДС и Филипче во изминатиот период. Наместо сценарија за криза и неуспех, фактите покажуваат дека Македонија напредува, добива доверба и обезбедува конкретна европска поддршка.Владата предводена од ВМРО-ДПМНЕ останува целосно посветена на реализација на реформите, економскиот развој и подобрување на животниот стандард на граѓаните“, се вели во соопштението.

Македонија | пред 6 дена

ВМРО-ДПМНЕ: Венко Филипче е најголем застапник на бугарските позиции во Македонија

Филипче да каже дали е дел од мрежата на бугарските мисии во Скопје за кои говори Петрова Чамова? Венко Филипче е најгласен во одбрана на бугарските позиции во Македонија, Филипче отворено ги промовира бугарските позиции и има ист став по однос на Уставните измени со бугарските власти, предводени од Румен Радев, велат од ВМРО-ДПМНЕ.„Филипче и СДС немаат против да бидеме „северномакедонци’’. За Филиче и СДС не е проблем да ја туркаат тезата дека Македонија мора да прифаќа секакви условувања за да добие европска перспектива.За Филипче и СДС  не е проблем народот да биде нарекуван „северномакедонски“, ниту пак имаат проблем со бришењето на националните обележја, само за да дојдат до власт.СДС, Филипче и Заев повторно нудат распродажба на Македонија за личен спас, наместо да ги бранат македонските интереси Филипче повикува на обединување за промена на Устав со цел внесување на Бугарите.Со што е толку уценет и исплашен Филипче од бугарски политичари па ги шири и спроведува нивните политики во Македонија.Државата не смее да биде жртва на сервилните политики на СДС. Македонскиот народ нема да дозволи нови понижувања, нови бланко договори и ново распродавање на идентитетот. Државните и националните интереси мора да бидат над политичките калкулации на СДС и нивното криминално наследство“, се вели во соопштението.

Македонија | пред 6 дена

СДСМ: До кога граѓаните ќе чекаат Мицкоски и Филков да пратат документи за екстрадиција на Груевски?

СДСМ ја обвини Владата дека намерно ја одолговлекува постапката за екстрадиција на Никола Груевски и побара документите веднаш да бидат испратени.Од партијата прашуваат до кога граѓаните ќе чекаат премиерот Христијан Мицкоски и министерот за правда Игор Филков да ја завршат процедурата.„Помина повеќе од еден месец, а сè уште нема одговор зошто се кочи постапката“, велат од СДСМ.Според опозициската партија, причината е тоа што власта не сака Груевски да биде екстрадиран, бидејќи неговото враќање би можело да влијае врз состојбите во ВМРО-ДПМНЕ.Од СДСМ упатија и критики кон министерот за правда, оценувајќи дека се обидува да ја зачува функцијата и покрај, како што наведуваат, шпекулациите за негова можна смена.„Доста криминалци штитат криминалци. Испратете ги документите веднаш. Правда сега“, порачаа од СДСМ.

Македонија | пред 1 седмица

,,Македонија лидер во Реформската агенда, лагите на Филипче повторно демантирани, добиваме најголема поддршка од цел регион", вели Стојаноски

ВМРО-ДПМНЕ преку пратеникот Бојан Стојаноски денеска на прес-конференцијата оцени дека Македонија е лидер во спроведувањето на Реформската агенда на Европската Унија, посочувајќи дека државата добила најголема финансиска поддршка во регионот.На прес-конференција, Стојаноски упати критики кон претседателот на СДСМ, Венко Филипче, обвинувајќи го дека ширел, како што рече, неточни информации за состојбата во државата, буџетот, ИПАРД-фондовите и Реформската агенда.Според Стојаноски, Македонија добила 65,7 милиони евра од Европската Унија, повеќе од Албанија, која добила 49 милиони евра, и Црна Гора со 44,2 милиони евра.Тој посочи дека средствата се однесуваат на јануарскиот извештај за реформите и дека дел од нив ќе бидат насочени кон подобрување на финансирањето на основното и средното образование, како и за проширување на дигиталната инфраструктура и ИТ-опремата во училиштата.Од вкупната сума, како што рече, 30,6 милиони евра ќе бидат префрлени директно во државниот буџет, додека остатокот ќе биде достапен за инвестициски проекти преку Инвестициската рамка за Западен Балкан.Стојаноски изрази уверување дека Македонија и во наредниот период ќе остане лидер во исполнувањето на Реформската агенда и дека, според плановите на Владата, веќе во јуни би можело дополнително да се зголеми износот на средствата што државата ќе ги добие од Европската Унија.

Македонија | пред 1 седмица