ВМРО-ДПМНЕ

Заев бришеше „македонски“ од институциите, а уценетиот Филипче е спремен да го доврши бришењето на македонскиот идентитет, велат од ВМРО-ДПМНЕ

Од ВМРО-ДПМНЕ преку партиско соопштение упатија остри критики кон лидерот на СДСМ, Венко Филипче, обвинувајќи го дека ги застапува бугарските позиции и дека е подготвен, како што наведуваат, „да го доврши бришењето на македонскиот идентитет“.Во соопштението, ВМРО-ДПМНЕ тврди дека политиките на СДСМ довеле до промена на имињата на институции и до, како што велат, отстапки во однос на националните прашања. Од партијата наведуваат дека СДСМ „нема проблем“ со употребата на терминот „северномакедонци“ и обвинуваат дека ставовите на Филипче се блиски до официјалните позиции на Бугарија.Во соопштението се споменуваат и уставните измени, односите со Бугарија и европската интеграција на државата, при што од ВМРО-ДПМНЕ оценуваат дека Филипче работи спротивно на македонските национални интереси.

Македонија | пред 2 седмици

Ставовите и барањата на Филипче не се разликуваат од бугарските и не му смета ни навредливата придавка ,,северномакедонци", велат од ВМРО-ДПМНЕ

ВМРО-ДПМНЕ преку соопштение изјави дека ставовите на лидерот на СДСМ, Венко Филипче, не се разликуваат од позициите на официјална Бугарија во однос на уставните измени и евроинтеграциите.Од партијата обвинија дека Филипче е, како што наведуваат, „пиун на Радев“ и „главен лобист за безусловно прифаќање на бугарскиот ултиматум“.Во партиското соопштение се тврди дека СДСМ и бугарските власти имаат исти барања во однос на внесувањето на Бугарите во Уставот, како и дека Филипче не реагирал на употребата на терминот „северномакедонци“.ВМРО-ДПМНЕ во реакцијата наведува и дека Филипче е најгласниот поддржувач на уставните измени без, како што велат, гаранции за понатамошниот тек на евроинтегративниот процес.Партијата побара лидерот на СДСМ јавно да одговори, како што наведуваат, „со што е уценет од бугарски политичари за да води ваква политика“.

Македонија | пред 2 седмици

Ристески: Денес се гледаат последиците од неработењето на СДСМ за студентите 7 години, ВМРО-ДПМНЕ работи на целосна обнова и подобрување на студентскиот стандард

ВМРО-ДПМНЕ денеска обвини дека СДСМ за седум години власт не изградила ниту еден нов студентски дом и ги оставила студентите во лоши услови.На прес-конференција, членот на Извршниот комитет на Унијата на млади сили на ВМРО-ДПМНЕ, Илија Ристески, изјави дека претходната власт покажала негрижа и потценувачки однос кон студентите.Тој посочи дека со доаѓањето на ВМРО-ДПМНЕ започнала реконструкцијата на студентските домови „Стив Наумов“ и „Кузман Јосифовски-Питу“ во Скопје.Ристески обвини и дека СДСМ не успеала да ги заврши зградите на ФИНКИ и ФФК, иако проектите биле наследени како започнати.Според него, актуелната власт работи на откочување на процесите и подобрување на студентскиот стандард.Од ВМРО-ДПМНЕ потсетија дека повеќе од 50.000 студенти добиле ваучери од 250 евра, дека е проширен опфатот на студентскиот оброк и дека се зголемени стипендиите.Најавија и реконструкција на вкупно девет студентски домови низ државата, реконструкција на објектите на ФИНКИ и ФФК, како и модернизација на високото образование преку воведување е-индекс и дигитализација на универзитетите.

Македонија | пред 2 седмици

Мицкоски до Филипче: Тоа што го изгубија идентитетот е нивен проблем, ние сме промакедонска партија

Премиерот Христијан Мицкоски му возврати на претседателот на СДСМ, Венко Филипче, откако лидерот на опозициската партија ја нарече ВМРО-ДПМНЕ „бугарофилска партија“.Одговарајќи на новинарско прашање, Мицкоски рече дека раководството на СДСМ секојдневно излегува со, како што наведе, „некултурни“ изјави и дека постојано ги менува ставовите.„Човекот секој ден кажува, а и раководството, работи кои се некултурни, а второ тоа што го кажуваат го менуваат неколкукратно во денот“, рече Мицкоски.Тој додаде дека ВМРО-ДПМНЕ се смета за „промакедонска партија“, а критиките кон СДСМ ги поврза со прашањето за идентитетот.„Ние сме промакедонска партија и тоа нас нѐ интересира. Тоа што тие го изгубија својот идентитет е нивен проблем, а со тоа и на избори ќе се соочат“, изјави Мицкоски.

Македонија | пред 2 седмици

Филипче е главен спроведувач на бугарските интереси, велат од ВМРО-ДПМНЕ

ВМРО-ДПМНЕ преку соопштение упати нови критики кон лидерот на СДСМ, Венко Филипче, обвинувајќи го дека, како што велат, „ги спроведува бугарските интереси“ и користи ист речник како официјална Бугарија.Во партиското соопштение се наведува дека Филипче, според ВМРО-ДПМНЕ, „тргнал по стапките на“ Зоран Заев и дека бил подготвен да ги прифати бугарските барања поврзани со евроинтегративниот процес.Од владејачката партија тврдат дека Филипче се ставил „на располагање“ на бугарскиот претседател Румен Радев и дека јавно се залагал за исполнување на условите што ги поставува Софија.Во реакцијата, ВМРО-ДПМНЕ дополнително обвинува дека Филипче и СДСМ водат, како што велат, „антимакедонска политика“, додавајќи дека граѓаните нема повторно да поддржат политики кои, според нив, задираат во националниот идентитет.Партијата воедно оценува дека довербата во Филипче е ниска и дека граѓаните, како што наведуваат, „ги научиле лекциите од минатото“.

Македонија | пред 2 седмици

ВМРО-ДПМНЕ го осудува говорот на министерката за надворешни работи од Бугарија, Македонците се Македонци и ништо друго

ВМРО-ДПМНЕ преку соопштение остро реагираа на изјава на бугарската министерка за надворешни работи Весислава Петрова Чамова, во која, како што наведуваат, бил употребен терминот „северномакедонски“ за означување на македонскиот народ.„Во Македонија живеат Македонци, Албанци, Срби, Турци, Власи, Роми, Бошњаци, но Северномакедонци нема“, соопштија од партијата.Од ВМРО-ДПМНЕ оценуваат дека таквиот говор е „неточен и несоодветен“ и апелираат до бугарските политичари да покажат поголема внимателност во јавните настапи.Во реакцијата се повикуваат и останатите политички партии во земјава да го осудат користењето на ваквата терминологија.„Идентитетот не е предмет на разговори, преговори и договори“, наведуваат од ВМРО-ДПМНЕ

Македонија | пред 2 седмици

Пиунот на Румен Радев се вика Венко Филипче, главен лобист за прифаќање на бугарскиот ултиматум, вели ВМРО-ДПМНЕ

Од ВМРО-ДПМНЕ преку соопштение упатија остри критики кон лидерот на СДСМ, Венко Филипче, обвинувајќи го дека е „главен лобист за прифаќање на бугарскиот ултиматум“.Во соопштението партијата наведува дека, според нив, СДСМ и Филипче водат „сервилна и поданичка политика кон туѓи интереси“, продолжувајќи ја политиката на поранешните премиери Зоран Заев и Димитар Ковачевски.Од ВМРО-ДПМНЕ тврдат дека Филипче ги поддржува ставовите на официјална Бугарија во однос на уставните измени и евроинтегративниот процес на земјата.Во реакцијата се посочува и дека бугарскиот претседател Румен Радев, според ВМРО-ДПМНЕ, јавно најавувал дека по евентуалните уставни измени ќе следуваат и нови барања кон Македонија.Партијата оценува дека уставните измени не треба да се спроведуваат без јасни гаранции и обвинува дека СДСМ се обидува преку такви политики повторно да дојде на власт.„Со предавства и антидржавна политика не се доаѓа на власт, туку со гласот на граѓаните и победа на избори“, стои во соопштението на ВМРО-ДПМНЕ.

Македонија | пред 2 седмици

ВМРО-ДПМНЕ: Најтрагично е што Филипче, човек опкружен со сомнежи, афери и криминални сенки денес се обидува да држи лекции за иднината на Македонија

ВМРО-ДПМНЕ преку соопштение реагираше на денешната прес-конференција на претседателот на СДСМ, Венко Филипче, обвинувајќи го дека инсистира на внесување на Бугарите во Уставот и дека, како што наведуваат, води политика спротивна на националните интереси.Во соопштението од партијата велат дека Филипче го претставува внесувањето на Бугарите во Уставот како неопходен услов за европската интеграција на државата.„Денес повторно Венко Филипче продолжува со своето инсистирање Бугарите да влезат во Уставот, прикажувајќи го како услов без кој не може. Conditio sine qua non за нашата интеграција во ЕУ“, стои во реакцијата.Во соопштението се тврди дека политиката на СДСМ била водена од, како што наведуваат, „заложништво кон Бугарија“ и дека партијата прифаќала договори и предлози без гаранции.Од ВМРО-ДПМНЕ обвинуваат дека Филипче ги игнорира ставовите од Бугарија поврзани со македонскиот идентитет и јазик.„Човекот денес излезе и практично кажа дека никогаш не чул Бугарија да го негира македонскиот идентитет. Не чул дека Македонците ги нарекуваат вештачка нација. Не чул дека македонскиот јазик го нарекуваат бугарски дијалект“, наведуваат од партијата.Во реакцијата дополнително се посочува дека СДСМ со години ја водела државата со политика на прифаќање отстапки заради останување на власт.„Тоа не е европска политика. Тоа е политика на сервилност, страв и уцени“, стои во партиското соопштение.Од ВМРО-ДПМНЕ оценуваат дека е, како што наведуваат, „трагично“ што лице „опкружено со сомнежи, афери и криминални сенки“ зборува за иднината на Македонија.

Македонија | пред 2 седмици

„Филипче соли памет за Европа спремен за ново предавство, им објаснува на граѓаните што значат уставни измени“ , вели ВМРО-ДПМНЕ

ВМРО-ДПМНЕ преку соопштение упати остри критики кон лидерот на СДСМ, Венко Филипче, обвинувајќи го дека е подготвен да прифати уставни измени без гаранции и дека, како што наведуваат, „се додворува на Бугарија“.Од ВМРО-ДПМНЕ велат дека Филипче во последниот период станал „погласен за бугарските барања отколку за македонските црвени линии“, оценувајќи дека уште пред формирањето на новата влада во Бугарија, јавно изразувал подготвеност за уставни измени.Во соопштението се наведува дека по изборот на Румен Радев за премиер, Филипче дополнително ги засилил своите ставови за евроинтегративниот процес и уставните измени.„Ставовите на Радев се одамна јасни, особено околу јазикот, идентитетот и историјата, а Филипче настапува како граѓаните да не се запознаени со тие позиции“, соопштија од ВМРО-ДПМНЕ.Партијата обвини дека СДСМ повторно се обидува да ја убеди јавноста дека токму тие се факторот што ќе ја внесе државата во Европската Унија, споредувајќи го настапот на Филипче со политиките на поранешниот премиер Зоран Заев.Во соопштението се додава дека граѓаните веќе двапати ги казниле овие политики на избори и дека, според ВМРО-ДПМНЕ, СДСМ продолжува да губи поддршка поради ставовите поврзани со евроинтеграциите и односите со Бугарија.

Македонија | пред 2 седмици

ВМРО-ДПМНЕ: Ги слуша ли Филипче реакциите од народот или е премногу зафатен со фантазирање за премиерска фотелја?

ВМРО-ДПМНЕ денес преку соопштение остро го критикуваше лидерот на СДСМ, Венко Филипче, по неговата прес-конференција на која говореше за уставните измени и европските интеграции.Од партијата обвинија дека Филипче повторно се обидува да ги релативизира македонскиот идентитет и националните интереси, тврдејќи дека уставните измени се во интерес на Македонија.„Филипче јасно кажа дека за него националниот идентитет е застарен концепт, па сега секојдневно го повторува тој став и се врти околу својата замислена оска и фантазира за премиерска фотелја“, наведуваат од ВМРО-ДПМНЕ.Од партијата додаваат дека, според нив, СДСМ во минатото „распродавала историја, позиции и достоинство“, а сега се обидува да ги убеди граѓаните дека уставните измени се во интерес на државата.„Филипче се однесува како проблемот да е во народот, а не во неговите ставови, склони кон национални предавства“, се наведува во реакцијата на ВМРО-ДПМНЕ.Партијата прашува и дали Филипче навистина очекува поддршка од граѓаните со вакви ставови за националните прашања.

Македонија | пред 2 седмици

ВМРО-ДПМНЕ: Филипче од опозициска клупа нуди уставни измени, ни недела од новата влада, а веќе коленичи пред Радев

Современиот Коте од Руља, Венко Филипче, трча во прегратките на Румен Радев кој ја формираше владата на Бугарија пред неколку дена. Филипче не може да почека ни една недела, за да се огласи дека спремен е на нова серија на национални предавства и дека ќе го продолжи аманетот што му го остави Заев, па јавно вели дека сопствената држава создавала вештачки конфликти со соседите, а и изигрува кодош, велат од ВМРО-ДПМНЕ.„Румен Радев, новиот премиер на Бугарија, не е нова политичка фигура и јасни се неговите ставови околу македонскиот идентитет.Официјалните ставови од Софија се дека македонскиот јазик е од 1945 и има бугарски корени, дека Гоце Делчев е бугарин, а Филипче трча да му се продаде и разгласува дека ќе ги направи уставните измени.Филипче вели дека во 90-тите се зборувало за национални теми, а сега не биле битни и на тој начин се обидува да го релативизира македонскиот идентитет и националните интереси.Најавуваат некоја нова програма, и преку тоа од СДС се обидуваат да го убедат народот дека идентитетот и националните интереси не се важни, а Филипче се однесува како да е портпарол на бугарските барања.Венко Филипче се занимаваше со се освен со СДС, славеше туѓи победи на сестрински партии на ВМРО-ДПМНЕ во други земји, шеташе во Рим и од таму со статуси се грижеше за работниците за 1-ви Мај додека беше на продолжен викенд, и е единствен политичар кој оди на летен распуст, на јахтите на Заев во Грција, за сега најново да се расфрла насекаде со изјави дека ќе ги направи уставните измени без гаранции.Според ова, него му е важна само фотелјата на Бихаќка и да дојде на власт за да го продолжи планот за уништување на државата на Заев, па мора да се разгласува дека тој е оној кој ќе каже ʼдаʼ на нова национална отстапка.Филипче веќе се замислува себе си во премиерска фотелја и заборава дека е опозиција, опозиција која од ниеден аспект не е конструктивна, па се обидуваат да најдат начин и како такви да штетат на државата.Венко Филипче и СДС доживеаја два последователни изборни порази и уште не ја научија лекцијата, па настапуваат арогантно во јавноста, се караат со медиуми, со новинари, како и со официјални претставници на други земји во Македонија.Од СДС, ги исклучија коментарите по социјалните мрежи што значи дека воопшто немаат интерес грижа што имаат да кажат граѓаните.Откако распродадоа се што можеше заедно со Заев, па после него и Димитар Ковачевски, откако ја испокрадоа државата, ја блокираа преговарачката рамка со ЕУ, мислат дека некој пак ќе ги гласа.Тоа што се обидува да го наметне како нормално, односно уставните измени без гаранција, нема да му пројде затоа што народот знае кои се Венко Филипче и СДС и дека никогаш не работеле за интересот на Македонија и на македонските граѓани.Македонија заслужува опозиција која се бори за интересите на граѓаните, а не опозиција која коленичи пред странски премиери, затоа народот и трет пат ќе им ја испрати истата порака на СДС“, се вели во соопштението.

Македонија | пред 2 седмици

ВМРО-ДПМНЕ: Филипче и СДС немаат црвени линии, подготвени се за нови национални предавства

Венко Филипче по стапките на неговиот ментор, Зоран Заев, за власт е спремен се државно да распродаде, велат од ВМРО-ДПМНЕ.„Само што Филипче сака да го надмине својот учител и ментор Заев, кој пред да дојде на власт лажеше дека нема да го смени името, па затоа уште сега ветува дека прва работа што би ја направил на власт би биле уставните измени.Ова покажува само дека Филипче и СДС немаат црвени линии и за да се догребат на власт спремни се на нови национални предавства.СДС и Филипче не поставуваат услови, не бараат гаранции уставните измени да бидат последна пречка за евроинтегративниот пат на државата, туку отворено им се додворуваат на Бугарија дека се спремни за ново национално предавство, само за да дојдат на власт.Планот на Заев за уништување на државата за да остане ден повеќе на власт, сега Филипче дословно сака да продолжи, на ист начин, исполнувајќи агенди на други држави во замена за власт во Македонија.Историјата покажа дека СДС никогаш не се грижеле за државните и национални интереси, за нив единствениот интерес беше освојување и останување на власт, така прифаќаа се што им се сервираше од страна како Преспанскиот договор, Договорот за добрососедство со Бугарија, Францускиот предлог.Додека Филипче зборува за Европска унија, под тоа подразбира само отстапки и национални предавства, затоа што токму пратениците на СДС се тие коишто ги кочат законите од Реформската агенда.За својата комоција на власт СДС на Заев, потоа и на Ковачевски прифаќаше се што им се ставаше на маса, и во тој стил сака да продолжи и Филипче.Филипче оди и чекор понатаму, од опозиција измислува лаги и ги кодоши државата и премиерот за да му се додвори на новата бугарска власт, наместо да застане покрај македонската Влада во одбрана на идентитетот и националните интереси.Ова покажува дека на СДС и Венко Филипче ништо не им значат македонскиот идентитет, националните интереси и македонската државност, тие се спремни за нови предавства и тоа веќе не го кријат.Народот тоа не го прифаќа, народот е против предавството и распродавањето на националните и државни интереси, затоа СДС со Филипче е на биолошки минимум со одвај 130 илјади гласа, трета партија во државата и петта во Скопје“, се вели во соопштението.

Македонија | пред 2 седмици

ВМРО-ДПМНЕ: Филипче без кочници се додворува на Софија и нуди уставни измени на брза лента, трет по ред од СДС спремен за национални отстапки

Венко Филипче е без рбет и со секоја своја изјава докажува дека за него и СДС не постојат никакви црвени линии кога станува збор за националните интереси, велат од владејачката ВМРО-ДПМНЕ.„Изминатиот период Филипче постојано се обидуваше да се доближи и се додворуваше на Бугарија преку давање изјави во јавноста, кои се спротивни на официјалните ставови на Софија, а во врска со македонскиот идентитет.Вчера, по половина час откако се формираше новата бугарска влада, Филипче не издржа и итсрча прв да честита со објава на социјалните мрежи во која за сопствената држава вели дека создавала вештачки конфликти со соседите.По телевизиски настапи, Филипче, освен што потврдува дека е спремен да исполнува агенди на туѓи земји,   продава  и приказни за Европа и вели дека уставните измени би ги потпишал веднаш, без гаранција за Македонија дека ова е последна пречка на евроинтегративниот пат.Преспанскиот договор, Договорот со Бугарија, Францускиот предлог се печатот на влаадеењето на СДС, со што создадоа преседан и ја направија Македонија  да биде мета на уцени, блокади и билатерални спорови.А Филипче и сега од позиција на опозиција, продолжува да тврди дека тоа биле успеси.По Заев и Ковачевски, Филипче е третиот во низата од СДС, кој е подготвен да прави национални отстапки, затоа што единствена константа во СДС е борбата за власт, а во моментов со Филипче и за опстанок.Додека од Бихаќка ја продаваат приказната за европска ориентација, паралелно се обидуваат да ги контролираат критиките на нивните социјалните мрежи, и да создадат некој впечаток дека нивниот ‘проевропски наратив’ е конзистентен со нивните постапки.Од друга страна одржуваат и проруски релации.Тука се примерите со Онишченко, на кого Заев и Филипче му дадоа македонско државјанство, Борче Марковски, почесен конзул на Белорусија во земјава, земја блиска до руската политика, кој доби 77 тендери од владата на СДС, како и Миодраг Давидовиќ Дака, за кој еден ден по формирањето на владата во 2020 година, менуваа ДУП во Тетово за проект во вредност од 200 милиони евра.Филипче се продава и на домашна и на меѓународна сцена,  по телевизиски настапи се однесува како да седнал во премиерска фотелја , а не како да е опозиција и пред исчезнување од политиката, и како само тој да е едниствениот кој го знае патот до ЕУ,  додека СДС секој ден губи гласови, за што една од причините е и релативизирање на македонскиот идентиет како и предавничките политики, и со ова темпо, за брзо време, ќе стане маргинализирана партија“, се вели во соопштението.

Македонија | пред 2 седмици

Нема потреба Филипче да се изначека за премиерска фотелја, сега нека повика Ковачевски да се врати од бегство, а Зоран и Вице да одговараат за криминал, вели ВМРО-ДПМНЕ

ВМРО-ДПМНЕ со соопштение реагираше на изјавите на лидерот на СДСМ, Венко Филипче, дека негов прв премиерски потпис би бил закон против корупција.Во соопштението од ВМРО-ДПМНЕ порачаа дека, наместо да чека премиерска функција, Филипче веднаш треба да побара поранешниот директор на РЕК, Васко Ковачевски, да се врати во државата и да одговара за сомнежите за криминал.Во партиското соопштение се наведува и дека, според нив, Филипче треба да одговара за набавката на кинеските вакцини за време на ковид-кризата, како и за модуларната болница.ВМРО-ДПМНЕ упати обвинувања и кон поранешниот премиер Зоран Заев и неговиот брат Вице Заев, повикувајќи на истраги за повеќе договори и за, како што наведуваат, необјаснив раст на имотот.Од партијата додаваат дека измените на Кривичниот законик биле обид за амнестија од одговорност, но дека тоа, според нив, нема да ги заштити инволвираните од постапки пред институциите.

Македонија | пред 3 седмици

Филипче е современиот Коте од Руља, го клевети и кодоши македонскиот премиер пред Румен Радев, вели ВМРО-ДПМНЕ

ВМРО-ДПМНЕ преку соопштение упати остри критики кон лидерот на СДСМ, Венко Филипче, обвинувајќи го дека со своите ставови се додворува на новиот бугарски премиер Румен Радев.Од партијата прашуваат дали Филипче одговара пред Радев или пред поранешниот премиер Зоран Заев, оценувајќи дека неговите пораки се спротивни на македонските национални интереси.„Во ситуација кога Македонија е блокирана од Бугарија со билатерални барања, Филипче побрза да му честита на Радев и да застане на негова страна“, наведуваат од ВМРО-ДПМНЕ.Во реакцијата се посочува дека Радев и претходно имал ставови поврзани со македонскиот идентитет, јазик и историја, поради што, според партијата, не може да се очекува промена на бугарската политика кон Северна Македонија.Од ВМРО-ДПМНЕ обвинуваат дека СДСМ и Филипче се подготвени за нови отстапки кон Бугарија и дека продолжуваат по политиките на Заев.„Наместо да застанат во одбрана на државните интереси, тие повторно испраќаат порака дека се подготвени за нови отстапки“, наведуваат од партијата.

Македонија | пред 3 седмици

Ристески: Редовни парламентарните избори ќе има во 2028 година, ВМРО-ДПМНЕ останува посветено на реформите, евроинтеграциите и инфраструктурните проекти

Пратеникот од ВМРО-ДПМНЕ, Петар Ристески, во гостување во емисијата „Анализа“ на телевизија 24 изјави дека оваа година нема да има предвремени парламентарни избори и дека следните редовни избори се планирани за 2028 година.Тој нагласи дека фокусот на власта во овој период е насочен кон спроведување на реформската агенда, евроинтеграциите и реализација на ветените проекти пред граѓаните.Според Ристески, Владата е во фаза на исполнување на обврските преземени пред граѓаните и европските партнери, при што посочи дека реформскиот процес има приоритет пред изборни циклуси.Тој додаде дека во изминатиот период се реализирани дел од ветените мерки, меѓу кои зголемувања на пензиите, договори со синдикати во здравството и образованието, како и инфраструктурни проекти низ државата.Ристески истакна дека Владата останува посветена на економски и инфраструктурен развој, како и на продолжување на процесот на европска интеграција, оценувајќи дека тоа се клучните приоритети во тековниот мандат.

Македонија | пред 3 седмици

Во СДС ништо не се менува, Филипче по стапките на Заев е спремен да оди чекор понатаму со сервилноста и отстапките во трката за власт по секоја цена, велат од ВМРО-ДПМНЕ

ВМРО-ДПМНЕ преку соопштение тврди дека во СДСМ ништо суштински не се менува и дека лидерот Венко Филипче ја продолжува, како што велат, политичката линија на поранешниот премиер Зоран Заев.Според партијата, Филипче е продолжение на истите политики и е подготвен да оди чекор понатаму во „сервилноста“, со цел задржување на власта во партијата и политичко влијание.Во соопштението од ВМРО-ДПМНЕ тврдат дека Филипче ја следи истата политичка насока како Заев и Димитар Ковачевски, политики кои, според нив, ја довеле државата во подредена позиција во однос на Бугарија и го забавиле европскиот интегративен процес. Во нивните обвинувања се наведува дека станува збор за континуитет на одлуки кои, според нивното толкување, ја ослабиле преговарачката позиција на државата.Партијата упатува и критики кон изјави на Филипче поврзани со односите со Бугарија, тврдејќи дека тој ги игнорира, како што велат, отворените спорови и негирања од бугарски официјални претставници. Дополнително, ВМРО-ДПМНЕ ги посочува Преспанскиот договор, Договорот за добрососедство и францускиот предлог како политики на СДСМ кои, според нив, довеле до актуелните предизвици на европскиот пат.Во соопштението се наведува и дека Филипче поддржува уставни измени без, како што тврдат, јасни услови и гаранции дека тоа би било последна пречка во процесот.Од ВМРО-ДПМНЕ заклучуваат дека на државата ѝ се потребни политики со јасна стратегија и визија, оценувајќи дека СДСМ и Венко Филипче не нудат таков пристап.

Македонија | пред 3 седмици

ВМРО-ДПМНЕ: СДС и Филипче под превезот на „проевропски курс“ ги прекриваат проруските врски и националните предавства

СДС и Венко Филипче, под превезот на „проевропски курс“, ги прикриваат, како што тврди ВМРО-ДПМНЕ во своето соопштение, нивните проруско поврзани врски и политики што се оценуваат како штетни за националните интереси.Од партијата во соопштението наведуваат дека европскиот пат за СДС и Филипче се користи како оправдување за, како што велат, прифаќање на отстапки без принципи, без јасни црвени линии и без гаранции за државата. Според нив, ваквиот пристап е насочен кон политички опстанок и задржување на власта.Во соопштението се тврди дека Филипче, во обид да ја зацврсти својата позиција во партијата, ја турка политиката на безусловни отстапки кон Бугарија, додека истовремено се претставува како главен застапник на европската интеграција.ВМРО-ДПМНЕ исто така наведува дека постојат примери на соработка со, како што ги нарекуваат, контроверзни бизнисмени, меѓу кои се споменува случајот со Александар Онишченко, на кого, според нив, му било доделено македонско државјанство и кој е поврзуван со сериозни обвиненија во Украина.Како пример се наведува и случајот со Борче Марковски, за кого се тврди дека добил голем број државни тендери, како и бизнис активностите поврзани со Миодраг Давидовиќ – Дака, за кои се тврди дека биле овозможени преку измени на урбанистички планови.Од ВМРО-ДПМНЕ оценуваат дека овие случаи покажуваат отсуство на јасна државна стратегија кај СДС и Филипче и дека, според нив, политиката се води без јасни позиции и со, како што наведуваат, сервилност кон надворешни интереси.

Македонија | пред 3 седмици

ВМРО-ДПМНЕ: Филипче е без црвени линии и ја релативизира Бугарската негација на Македонија додека држи европска реторика

ВМРО-ДПМНЕ во своето соопштение обвинува дека Венко Филипче нема јасни црвени линии и дека, како што наведуваат, ја релативизира бугарската позиција кон Македонија, додека истовремено користи европска реторика.Од партијата посочуваат дека изјавите на Филипче, дадени од пред гробот на Гоце Делчев, покажуваат подготвеност за, како што тврдат, отстапки без услови и без гаранции во однос на уставните измени и евроинтегративниот процес.Според ВМРО-ДПМНЕ, ваквиот пристап е продолжение на политиките на СДС од минатото, кои ги довеле државата и процесот на интеграција во состојба на, како што велат, постојани блокади и притисоци.Во соопштението се наведува и дека, додека СДС се претставува како проевропска партија, постојат контрадикции во нивните политики, кои, според ВМРО-ДПМНЕ, вклучуваат соработка со, како што ги нарекуваат, спорни бизнис-структури и лица.Од ВМРО-ДПМНЕ дополнуваат дека во периодот на владеење на СДС имало случаи на доделување државјанства и политички одлуки кои, како што тврдат, биле спротивни на националните интереси.На крајот од соопштението, ВМРО-ДПМНЕ нагласува дека е потребна јасна државна стратегија и дефинирани позиции во процесот на евроинтеграции, при што, како што наведуваат, СДС и Филипче не нудат таков пристап.

Македонија | пред 3 седмици

Ѓорѓиев: Гоце Делчев е синоним на епохата на македонската борба за македонска држава и нација

Ванчо Ѓорѓиев, професор на филозофскиот факултет при УКИМ, беше дел од трибината на темата „Наследството на Гоце Делчев низ политичката призма за Македонија“, која се одржа денес, по повод одбележување на 123 години од загинувањето на македонскиот великан, Гоце Делчев.„Гоце Делчев е синоним на едно време, на една епоха, на македонска борба, за македонска држава, за македонска нација“, вели Ѓорѓиев.Ѓорѓиев на трибината прочита дел од воведникот од текст од 1935 година, објавен од Кукушкото братство во Софија, по повод 32 годишнината од смртта на Гоце Делчев.„Пред 32 години, во една херојска борба со султанската војска, беше убиен големиот македонски револуционер и апостол, Гоце Делчев. Македонскиот народ ја даде својата најскапа жртва. Во неговото лице, Македонија ја изгуби душата на револуционерна организација. Зошто гоцевата смрт беше толку скапа за Македонија? Затоа што тој беше највдахновениот, најпреданиот и најпламениот борец за слободата на својата поробена татковина. Ревносен чувар на самостојното и ослободително македонското движење и заколнат непријател на надворешните влијанија, од каде и да доаѓаат тие. Затоа македонскиот народ кога е на потера, го стигна кај село Баница, водачот на македонската револуција. Така, засекогаш престана да чука срцето на големиот македонски пионер, кој го црташе патот што води право кон слободата на македонскиот народ. Денес, ние треба да го одржуваме името на големиот апостол и револуционер на Македонија, да го возвишиме неговото дело, како знаење и поука, тоа треба да биде наш прв долг кон татковината, тоа не држи далеку од ниските соблазнувања и од трговците во македонскиот храм. Света должност на македонскиот народ и за емиграција е секоја година, да го одбележува споменот на незаборевениот македонски национален херој, Гоце Делчев, и на плеадата борци, револуционери, и оваа годишнина да се претвори во традиција, на семакедонско народно чествување. Така ќе посведочиме, дека ни е мила нашата слобода и ќе ја изразиме нашата почит и благодарност кон нашиот верен и преден учител и кон безбројните борци што ја посветиле својата младост и го дале својот живот за Македонија“, стои во извадокот кој го прочита Ѓоѓриев.

Македонија | пред 3 седмици

Василевска: Темелот на изградбата на визијата за современата македонска држава е Гоце Делчев

Иванка Василевска, професор на правниот факултет при УКИМ и пратеник на ВМРО-ДПМНЕ, беше дел од трибината која се одржа денес, по повод одбележување на 123 години од загинувањето на македонскиот великан Гоце Делчев, на темата „Наследството на Гоце Делчев низ политичката призма за Македонија“.„Гоце Делчев е дел од македонската визија и еден од главните стожери и темелот на изградбата на визијата за современата македонска национална држава. Гоце Делчев, нашиот јунак, нашиот симбол, нашата национална гордост е еден класичен пример на еден револуционерен деец со особен карактер, бидејќи таквите особени луѓе се раѓаат повремено во историските циклуси. Таков не можете да станете. Тој е порив, тој е мисија и тоа е судбина“, истакна Василевска и додаде:„И како таков учествува во се она што го стекнал како знаење, организирајќи ги револуционерните кругови, но и влијаејќи на најважната компонента, за еден народ да може да создаде национална држава. А тоа е образованието“.Василевска порача дека Гоце Делчев го ценел секој човечки живот и се водел од чесност и одговорност, ставајќи ги луѓето пред политичките цели.„Ние се повикуваме на него и го славиме поради неговата прогресивна дејност и поради пораката, која што не секојпат кореспондирала со актуелниот моментум, ниту пак со приликите. И ние сите добро знаеме дека дури и неговите согледувања и за отпорот на одредени воени кругови во Софија, кои по секоја цена сакаа по примерот на априлското востание да изнудат востание, кое без оглед на цивилните жртви, ќе предизвика повотрно еден стрес во светската јавност. Него секој човечки живот, на секој еден македонец и секој останат кој што се придржува на делото на чесноста одговорноста и визијата за автономна Македонија дека е бесценет и не треба да биде потрошен“, рече Василевска.Василевска посочи дека жртвата и делото на Гоце Делчев се темел за создавањето на македонската држава, која и денес се соочува со предизвици и напади.„Колку и да зборуваме на оваа тема, нема да биде достојно да му се оддолжиме за саможртвата и за се она што го постави преку своето делување со својата чиста мисла, за да дојдеме и да успееме барем на едно мало парче од македонската земја, да формираме национална држава, која не случајно е повторно и повторно историски под напад“, заклучи Василевска.

Македонија | пред 3 седмици

Сајкоски: Кога говориме за Гоце Делчев, ние зборуваме за државноста и она што во иднина следи

„Кога говориме на темата за Гоце Делчев, ние зборуваме за државноста и зборуваме за она што во иднина следи. Државите се градат со многу битки, многу борби, војни, крв и жртви. Гоце Делчев е една од жртвите во македонската историја којшто загинал за тоа што го идеализирал и размислувал. Гоце Делчев во сите свои постапки, дела, работа и писанија што ги има за него е истакнато дека работел за самостојна, за автономна, за независна Македонија, и загинал за таа идеја“, истакна Ѓорѓија Сајкоски, пратеник и член на ИК на ВМРО-ДПМНЕ на денешната трибина на тема „Наследството на Гоце Делчев низ политичката призма за Македонија“, по повод одбележување на 123 години од загинувањето на македонскиот великан, Гоце Делчев.Ѓорѓија Сајкоски посочи дека кога говориме за Гоце Делчев, говориме за државноста на Македонија и испрати порака да работиме во насока да ги почитуваме нашите борци кои дале значаен придонес за автономна и независна Македонија и да продолжиме да работиме за развиена држава со која што ќе се гордеат идните генерации.„Да работиме во насока да ги почитуваме нашите борци, нашите жртви, за слобода, за автономија, за Македонија, коишто дале значаен придонес, и да работиме како тие што работеле во минатото. Тие работеле за идеја, за независност, за посебност, за самостојност, а ние да работиме за развиена држава, да работиме за држава економски моќна, да работиме за држава инфраструктурно поврзана и да работиме за држава со која што ќе се гордеат идните генерации и ќе зборуваат исто како ние денес што зборуваме за нашите предци“, рече Сајкоски.

Македонија | пред 3 седмици

Ковачки: Гоце Делчев е вечен симбол на слобода, правда и чесност, единството меѓу народот, државата и организацијата е темел на опстојувањето, а Македонија мора да остане отпорна на надворешни влијанија

Генералниот секретар на ВМРО-ДПМНЕ и пратеник во македонското Собрание, Драган Ковачки, беше дел од трибината која се одржа денес, по повод одбележувањето на 123 години од загинувањето на македонскиот великан Гоце Делчев, на темата „Наследството на Гоце Делчев низ политичката призма за Македонија“.„Гоце Делчев е постојано непрекината инспирација за творење, за говорење. Гоце е симболот на македонскиот идеализам, Гоце е симболот и светецот на македонскиот романтизам. Личност која живеела со универзалните човекови вредности, којашто се борела за слобода, се борела за човечки правдини, се борела за одговорност, се борела за чесност. Ги вреднувал трудољубивите, човек којшто не правел разлика по вера и по народност. И токму таквите вредности се основа и за едно политичко дејствување и денеска“, истакна Ковачки.Тој вели дека во ВМРО-ДПМНЕ, сегашната генерација на политичари се труди да ги следи универзалните човечки вредности за кои се залагал Гоце Делчев: „Живееме со, живееме за тие вредности“.Ковачки посочи дека на историјата треба да се гледа како на континуитет меѓу минатото, сегашноста и иднината. Според него, оној кој има моќ да ја обликува сегашноста, може да ја обликува и интерпретацијата на историјата, а со тоа ја насочува и иднината.„Оваа наша сегашност е нападната, беше нападната и ќе биде напаѓана. И тоа многу добро го знаеме, како Македонци, посебно како ВМРО-ДПМНЕ. Тој што ја контролира сегашноста, тој може да го контролира и минатото, односно да пишува, да допишува, да брише, да додава, да одзема. А тој што го контролира минатото, ја контролира и иднината“, рече Ковачки и додаде:„Токму затоа е нападот на денешнава генерација политичари, и токму затоа се случуваат овие, па дури и предавства од одредени македонски структури, кои што, заедно во соработка со надворешни структури, го разредуваат македонското ткиво и прават штета на сопствената држава“.Ковачки истакна дека она кое може да се извлече од учењето на Гоце Делчев е дека треба да се внимава на чистотата на македонското револуционерно дело.„Македонското револуционерно дело во тоа време, а денеска македонската политика, треба да остане имуна на надворешни влијанија. Ние секогаш треба да си ги гледаме сопствените интереси, како што тоа било и за време на организацијата во тоа време, меѓутоа и денеска. И така треба да биде и во иднина“.Според него, нешто што е многу значајно е поентата што ја кажува великанот Гоце Делчев за организацијата и нејзината врска со народот, и како што вели тој, нешто што ВМРО-ДПМНЕ го докажа во минатите изборни циклуси.„Врската помеѓу организацијата и народот е силата на организацијата. Тука ние како генерација политичари го додаваме тројството. Ја додаваме и Македонија, односно организацијата, народот и Македонија. И тоа е темелот и причината за нашето постоење, меѓутоа тоа е и последица на нашето постоење и на нашето опстојување. Доколку тој темел се подрие, нема да ѝ се пишува добро на Македонија“, кажа Ковачки и дополни:„И токму оттука ја влечеме последната поента на која што нè учи Гоце Делчев, а тоа е да направиме револуција на умот и на душата. Говорејќи за душата, тука мислам на достоинството, а говорејќи за умот, тука мислам на чесноста, на прикривање, односно на целосно спуштање помеѓу народните маси, слевање со народните маси, нивно осознавање, да се видат проблемите со коишто се соочуваат граѓаните, непокажување елитизам, чесност, одговорност, транспарентност и градење на институции кои што ќе бидат достојни за една модерна македонска држава“.

Македонија | пред 3 седмици

Манасиевски: На проевропскиот СДС како што го претставува Филипче, најблиски им се проруските бизнисмени Онишченко, Борче Марковски и Дака

ВМРО-ДПМНЕ преку својот претставник Манасиевски , на денешната пре-конференција обвини дека СДСМ и претседателот Венко Филипче се претставуваат како проевропска опција, додека, како што наведува, се поврзуваат со бизнисмени со проруски интереси.Тој ги посочи имињата на неколку бизнисмени, меѓу кои Онишченко, Борче Марковски и Миодраг Давидовиќ Дака, тврдејќи дека тие биле блиски до поранешното раководство на СДСМ.„Во времето на владеењето на Зоран Заев, овие лица добивале тендери, имоти и државјанства поради блиски релации со власта“, изјави МанасиевскиМанасиевски оцени дека европската ориентација на СДСМ е декларативна, а во пракса, како што тврди, постапките биле спротивни на европските стандарди.Тој се осврна и на претходното владеење на СДСМ, наведувајќи дека биле дадени ветувања за подобро здравство, образование и повисоки плати, кои не биле исполнети.„СДСМ е антипод на Европа и е полна со корупција и криминал“, изјави МанасиевскиОд ВМРО-ДПМНЕ додаваат дека партијата, како што велат, ќе продолжи со политики за европска интеграција на Македонија на „чесен и достоинствен начин“.

Македонија | пред 3 седмици

Филипче со едното око намигнува на Европа, а со другото на блиските проруски соработници Онишченко, Дака, Борче Марковски со кои имаат бизнис шеми со кланот Заеви , вели ВМРО-ДПМНЕ

ВМРО-ДПМНЕ преку соопштение упати серија обвинувања кон СДСМ и неговиот лидер Венко Филипче, тврдејќи дека партијата води двојна политика и дека нејзината проевропска определба е само декларативна.Според партијата, СДСМ се претставува како европска опција, додека истовремено, како што наведуваат, соработува со лица кои имаат проруски ориентации. Во соопштението се посочува дека ваквите, како што ги нарекуваат, контрадикторности ја доведуваат во прашање искреноста на политиките што ги застапува Филипче.Од ВМРО-ДПМНЕ тврдат дека СДСМ нема јасна стратегија ниту визија, ниту за партијата, ниту за државата, додавајќи дека главната цел на раководството е задржување на политичката позиција.Воедно, партијата обвинува дека СДСМ шири дезинформации и погрешно ги интерпретира ставовите на европски претставници, со што, според нив, се создава недоверба и политичка нестабилност.Во соопштението се изнесуваат и обвинувања за наводни врски со бизнисмени со проруски интереси, при што се посочува дека тоа дополнително го доведува во прашање кредибилитетот на СДСМ и нејзината европска ориентација.Од ВМРО-ДПМНЕ во соопштението порачуваат дека на државата ѝ е потребна конзистентна и јасна политика заснована на владеење на правото и конкретни резултати, оценувајќи дека актуелното раководство на СДСМ не нуди таков пристап.

Македонија | пред 3 седмици