ВМРО-ДПМНЕ

Манасиевски: „Дали Филипче е дел од бугарските мисии во Скопје за кои говори бугарската министерка“ Петрова Чамова

ВМРО-ДПМНЕ денеска преку својот портпарол Валентин Манасиевски упати нови обвинувања кон претседателот на СДСМ, Венко Филипче, тврдејќи дека тој е „најголем промотор на бугарските позиции во Скопје“.На прес-конференција, Манасиевски рече дека Филипче и СДСМ имаат идентични ставови со бугарските власти околу уставните измени и прашањата поврзани со македонскиот идентитет и евроинтеграциите.Тој обвини дека Филипче ги убедува граѓаните дека уставните измени се последниот услов за членство во Европската Унија, иако, според него, официјална Софија јасно порачувала дека тоа не е последното барање.Манасиевски додаде дека СДСМ нема визија и концепт за водење на државата и дека, како што рече, се става во функција на бугарските интереси со цел повторно да дојде на власт.Во обраќањето, портпаролот на ВМРО-ДПМНЕ постави и директно прашање до Филипче дали е дел од, како што наведе, „бугарските мисии во Скопје“ за кои зборувала бугарската министерка Петрова Чамова.Според Манасиевски, доколку Филипче не одговори на овие обвинувања, тоа ќе биде потврда за, како што рече, неговата поврзаност со бугарските власти.

Македонија | пред 1 седмица

Филипче: Не зборувам за влада со ВМРО-ДПМНЕ, туку за поддршка на европскиот пат

Претседателот на СДСМ, Венко Филипче, ги отфрли толкувањата дека нуди широка влада или коалиција со ВМРО-ДПМНЕ, нагласувајќи дека неговите ставови се однесуваат исклучиво на поддршка за европските интеграции и реформите.„Каква широка влада? Кој зборувал за влада и коалиција? Јасно кажав - поддршка за европските интеграции и реформите“, изјави Филипче.Тој порача дека СДСМ не разговара за поделба на функции и позиции, туку за, како што вели, иднината на државата во Европската Унија.„Да влеземе во тендер коалицијата на Мицкоски? Од каде некому му падна на памет таква идеја? Ние не преговараме за фотелји и позиции. Ние зборуваме за иднината на Македонија во Европската Унија“, вели Филипче.Лидерот на СДСМ повтори дека, според него, реформите и уставните измени не смеат да се одложуваат.„Реформи сега. Малцинства во Уставот сега. Европа сега“, порача Филипче.

Македонија | пред 1 седмица

Коларевиќ и Абази штителе блиски луѓе на СДС и ДУИ во случајот „Мазут“, велат од ВМРО-ДПМНЕ

ВМРО-ДПМНЕ тврди дека приговорот поднесен од ЕСМ против одлуката за запирање на истрагата за случајот „Мазут“ отвора можност предметот повторно да биде активиран и претставува доказ за, како што велат, непрофесионално и селективно постапување на обвинителите Катерина Коларевиќ и Ислам Абази.Од партијата обвинуваат дека истрагата не била прекината поради недостиг на сомнежи и докази, туку поради, како што наведуваат, „политички мотивирана операција за спас на блиски луѓе до СДС и ДУИ“.„Официјалниот приговор на ЕСМ е директен доказ дека доказите биле селективно ценети, а клучни факти и сомнежи намерно игнорирани за да се затвори скандалот тежок 167 милиони евра за набавка на мазут за ТЕЦ Неготино“, велат од ВМРО-ДПМНЕ.Партијата оценува дека е „скандалозно“ што обвинителството дел од доказите ги изземало како причина за прекин на постапката, а во исто време, според нив, не бил обезбеден ниту распит на поранешниот директор на ЕСМ, Васко Ковачевски.„Тоа не е правда, туку свесно компромитирање на постапката“, стои во реакцијата.Според ВМРО-ДПМНЕ, приговорот на ЕСМ до Вишото јавно обвинителство претставува „нова околност“ што може да овозможи преиспитување на решението за прекин на истрагата.„ЕСМ е оштетено правно лице кое ги побива изјавите на Коларевиќ и Абази, кои им дале повластена улога и им поклониле поголема верба на исказите на Капушевски, Јахоски, Адријан Муча и Ерџан Сулковски, а воопшто го немале ниту достапен Васко Ковачевски“, наведуваат од партијата.Од ВМРО-ДПМНЕ порачуваат дека обвинителството мора да одлучи „дали ќе биде сервис на политички и бизнис центри на моќ на СДС и ДУИ, или институција што гони криминал“.Претходно, Обвинителството за гонење организиран криминал и корупција ја запре истрагата за набавката на мазут за ТЕЦ Неготино, со образложение дека не биле обезбедени доволно докази за кривични дела и финансиска штета. Истрагата опфаќаше 13 физички лица и една фирма, а според првичната кривична пријава на МВР, државата била оштетена за над 167 милиони евра.

Македонија | пред 1 седмица

ВМРО-ДПМНЕ: Филипче и Заев повторно ја нудат Македонија за личен спас

ВМРО-ДПМНЕ со остро соопштение го нападна лидерот на СДСМ, Венко Филипче, обвинувајќи го дека заедно со поранешниот премиер Зоран Заев повторно нуди „распродажба на Македонија“ заради личен политички спас.„Македонија нема и не смее да биде повторно жртва на политиките на Венко Филипче и неговиот ментор Зоран Заев, кои заради личен спас и амнестија се подготвени повторно да водат политики на сервилност и да ги распродаваат државните интереси“, велат од ВМРО-ДПМНЕ.Од партијата тврдат дека Филипче е свесен за својот „катастрофален личен рејтинг“, за слабата состојба во СДСМ и за недостатокот на политички кредибилитет.„Токму затоа единствен механизам кој му останува на Филипче е сервилност и слугување на туѓи агенди од кои очекува поддршка за да дојде на власт и да ја зачува фотелјата на Бихачка“, стои во реакцијата.ВМРО-ДПМНЕ обвинува дека Филипче „отворено нуди нови национални понижувања, нови отстапки и трговија со државните интереси само поради лична корист“.Во соопштението владејачката партија оценува дека граѓаните веќе ја почувствувале цената на политиките на СДС.„Македонија и граѓаните веќе еднаш ја платија цената на поданичките политики на СДС и цената на владеењето на СДС со корупција, криминал, понижувања и ставање на државата во подредена состојба на меѓународен план“, наведуваат од ВМРО-ДПМНЕ.Партијата додава дека граѓаните нема повторно да им веруваат на „истите луѓе како Заев и Филипче“.„Народот не им верува на СДС и затоа нема да дозволи истите луѓе како Заев и Филипче кои го сменија името, го понижија народот и кои ветуваа европска иднина што никогаш не ја испорачаа повторно да ги лажат“, стои во реакцијата.Од ВМРО-ДПМНЕ порачуваат дека „Македонија не смее да биде држава на уценети политичари кои се спремни за личен спас да ја распродадат“.

Македонија | пред 1 седмица

Филипче: ВМРО им мачка очи на граѓаните со манипулација, требаше да добиеме 200 милиони евра од ЕУ

Лидерот на СДСМ, Венко Филипче, обвини дека власта на ВМРО-ДПМНЕ манипулира со јавноста претставувајќи ги средствата од европскиот „Reform and Growth Facility“ како голем успех.Според Филипче, средствата што ги добиваат земјите од Западен Балкан не можат директно да се споредуваат, бидејќи секоја држава добива пари за различни реформи и проекти.Тој посочи дека Македонија добила 65,7 милиони евра за образование и дигитализација во училиштата, Албанија 49 милиони евра за конкурентност на бизнисите и иновации, а Црна Гора 44,2 милиони евра за истражување и иновации.„Ова е само една транша од многу, а Македонија требаше да добие многу повеќе – околу 200 милиони евра“, наведува Филипче.Тој додава дека средствата се доделуваат според принципот „performance-based“, односно државите добиваат средства во зависност од тоа колку реформи реализирале во конкретна област.Според Филипче, власта со ова „им ги мачка очите на граѓаните“ за да не признае дека клучните реформи – владеење на правото, борбата против корупцијата и реформите во судството – стојат во место.„Ова не е знак за успех во реформите, туку знак дека се реализирани само неколку проекти во одредена област“, наведува Филипче, предупредувајќи дека следната транша може да биде значително помала или целосно да изостане доколку не започнат сериозни промени.

Македонија | пред 1 седмица

„Филипче и СДС со политиките на понижување и сервилност го отвораат патот за нови уцени кон Македонија“, велат од ВМРО-ДПМНЕ

Од ВМРО-ДПМНЕ преку соопштение упатија критики кон СДСМ и лидерот Венко Филипче, обвинувајќи ги дека со политиките на попуштање и сервилност отвораат простор за нови уцени кон Македонија.Во партиското соопштение се наведува дека Филипче е продолжение на политиките на поранешниот премиер Зоран Заев и дека СДС, според нив, со години прифаќал отстапки на штета на македонскиот идентитет, јазик и историја.Од ВМРО-ДПМНЕ тврдат дека СДС ја промовира тезата дека државата мора да прифаќа условувања за да напредува кон Европска Унија, при што повторно се споменуваат уставните измени како „последен чекор“.Во реакцијата се додава дека секоја отстапка, според нив, довела до нови барања и притисоци врз државата.„Македонскиот народ нема да дозволи нови понижувања и ново распродавање на идентитетот“, наведуваат од ВМРО-ДПМНЕ, додавајќи дека државните интереси мора да бидат над политичките калкулации.

Македонија | пред 1 седмица

СДСМ: Муцунски се фали со пари кои ги добија сите кандидати од ЕУ – прашањето е колку пари губиме?

СДСМ обвини дека Владата, предводена од Христијан Мицкоски, не ги спроведува потребните реформи за напредок кон Европската Унија, и покрај тоа што Европската комисија стави на располагање 65,7 милиони евра за земјава преку Планот за раст за Западен Балкан.Од партијата посочуваат дека средствата ги добиле сите земји кандидати од регионот, освен Србија, за која тврдат дека со години ги блокира реформите и е во конфронтација со Европската Унија.СДСМ оценува дека слична политика води и актуелната македонска власт, обвинувајќи дека не се усвоени законски измени во правосудството според европските препораки и дека институциите се партизирани.Во реакцијата се споменува и министерот за надворешни работи Тимчо Муцунски, за кого од СДСМ велат дека неоправдано се фали со европските средства како доказ за успешни реформи.Партијата повторно порача дека внесувањето на малцинствата во Уставот е клучен услов за продолжување на евроинтегративниот процес и побара исполнување на реформската агенда до 1 јуни – рок што, според нив, сам го поставил премиерот Мицкоски.

Македонија | пред 1 седмица

,,Деноноќно се работи да се спречи пожарот на депонијата во Радовиш, службите се постојано на терен, СДС повторно прави политички маркетинг", вели Иванова

Од ВМРО-ДПМНЕ, Марија Иванова од ОК Радовиш, на прес-конференција, обвинија дека СДСМ се обидува политички да профитира од состојбата со пожарот на депонијата во Радовиш, додека службите, како што велат, деноноќно работат на терен.На прес-конференција, Марија Иванова од ОК Радовиш истакна дека Општината, јавното комунално претпријатие и Територијалната противпожарна единица постојано интервенираат со механизација и екипи за гаснење на пожарот и намалување на чадот.Таа обвини дека СДС Радовиш преку селективно објавување видеа создава искривена слика за состојбата, иако, според неа, граѓаните можат да видат дека на депонијата активно се работи.Од ВМРО-ДПМНЕ велат дека пожарите и сличните ситуации се повторуваат секоја година и оценија дека институциите треба целосно да ја утврдат фактичката состојба.Во обраќањето беше посочено дека приоритет останува справувањето со пожарот и заштитата на граѓаните, а на крај беше упатена благодарност до пожарникарите и сите служби ангажирани на терен по повод Денот на пожарникарите.

Македонија | пред 1 седмица

Манасиевски: Мекотелните политики на Филипче и СДС и даваат на Бугарија можност да ги продолжат политиките на негирање на македонскиот идентитет

Портпаролот на ВМРО-ДПМНЕ, Валентин Манасиевски,на денешната прес-конференција упати критики кон Социјалдемократски сојуз на Македонија и неговиот лидер Венко Филипче, обвинувајќи ги дека со своите политики ѝ даваат простор на Бугарија да продолжи со, како што рече, негирањето на македонскиот идентитет.Манасиевски оцени дека Филипче и СДС ја прифаќаат терминологијата „северномакедонци“ и продолжуваат да тврдат дека уставните измени се последниот услов за влез во Европската Унија.Тој потсети на, како што наведе, претходните отстапки што државата ги направила на патот кон ЕУ, вклучително и промената на името, знамето и Уставот, посочувајќи дека Македонија со години добива нови услови.Во обраќањето беа споменати и поранешниот премиер Зоран Заев и неговите најави за почеток на преговорите со ЕУ, при што Манасиевски оцени дека државата денес е подалеку од Унијата поради политиките на СДС.Од ВМРО-ДПМНЕ порачаа дека Македонија не смее повторно да прави отстапки поради, како што велат, лични и политички интереси на поединци.

Македонија | пред 1 седмица

„Наместо осуда, Венко Филипче молчи и соработува со негаторите на Македонија“, велат од ВМРО-ДПМНЕ

ВМРО-ДПМНЕ преку соопштение обвини дека лидерот на СДСМ, Венко Филипче, молчи на, како што велат, навредливите изјави од Бугарија и не застанува во одбрана на македонскиот идентитет.Од партијата велат дека речиси две недели Филипче избегнува јасно да ја осуди изјавата на бугарската министерка Петрова Чамова, која македонскиот народ го нарекла „северномакедонци“.Во соопштението се наведува дека Филипче „молчи за навредите, прави лични калкулации и продолжува со сервилност“, а дополнително му се забележува и тоа што не се оградил од ставовите на членот на Извршниот одбор на СДСМ, Рубин Земон, кој, според ВМРО-ДПМНЕ, изјавил дека Гоце Делчев е „мит“ и дека „не направил ништо за Македонија“.Од ВМРО-ДПМНЕ оценуваат дека ваквиот пристап претставува политика на попуштање и отвора простор за нови уцени кон Македонија.„Македонскиот идентитет не е предмет на преговори. Македонскиот јазик и историја не се тема за политички пазарења“, се наведува во соопштението, од каде додаваат дека Македонија заслужува политичари кои ќе ја бранат државата, а не, како што велат, да молчат пред нејзините негатори.

Македонија | пред 1 седмица

Пренџов: СДС ја остави државата дупло задолжена со 323 милиони евра долг

Љупчо Пренџов, пратеник од редовите на ВМРО-ДПМНЕ на гостување во дебатната емисија „Само вистина“ на Канал 5 телевизија се осврна на економските политики кои ги презема власта и направи паралела на економските политики кои беа преземани од опозициската СДС. Тој додаде дека во поглед на задолжувањата, во рамки на Буџет, државата била дупло задолжена за време на опозициската СДС.„Во 2017 година кога вашиот поранешен лидер ја презема власта, ставката камати во рамки на тогашниот буџет била 133 милиони евра, толку оваа држава плаќала за камати и била задолжена од сите влади заедно до појавата на Зоран Заев на политичката сцена. Денес, имаме 323 милиони евра за камати во рамки на Буџет. Значи земате држава со 133 милиони евра за камати, тоа се пари фрлени во воздух, а ја оставате со 323 милиони, дупло, тоа е околу тоа кој ја задолжува Македонија“, рече Пренџов.Пренџов нагласи дека дефицитот во периодот 2019-2023 година изнесувал 4.5%, додека во периодот 2024-2025 година изнесува 4%, и додаде дека растот изнесува 3,5%, додека кога СДС биле управувачко мнозинство, како што кажа, растот изнесувал 2,8%.„Сооднос на економски раст и дефицит, дефицитот е најлош во периодот 2019-2023 година, а е најдобар во периодот 2024-2025 година. Имаме 3,5% раст, 4% дефицит. Кога вие сте биле управувачко мнозинство сме имале 2,8% раст, 4.5% дефицит, и тоа е втората лага која што морам да ја демистифицирам“, објасни Пренџов.Пренџов се осврна на рефинансирачките циклуси на земени кредити од страна на опозициската СДС, и нагласи дека токму кога СДС биле мнозинство, во Собрание се правеле и по три задолжувања на една седница.„Сте се задолжиле во март 2024 година, 99 милиони за регионална гасификација, потоа Програма за одржливост и отпор, 50 милиони, истата недела сте се задолжиле 90 милиони за Договор за заем заснован на политики на Република Македонија, потоа следната недела сте се задолжиле со 100 милиони евра макрофинансиска стабилност, и затоа  беше нов ден ново задолжување“, посочи Пренџов и додаде:„Во поглед на денешните задолжувања, во рамки на буџетот за којшто и јас и вие полемизиравме, во рамки на Комисијата за финансирање и буџет, многу добро знаете дека планираниот дефицит за оваа година беше една милијарда и 300 милиони евра, многу добро знаете дека една милијарда ги земаме како обврзница а овие 300 милиони пишува дека ќе бидат од надворешно финансирање. До околу 15 банки имаме пуштено понуда, од 8 ни е одговорено, и имаме каматна стапка од 2,1% што е најниска на било која држава што се задолжила. И трето, долгот не е 300 милиони, рековме дека ќе биде 260 милиони, бидејќи сметаме дека ќе добиеме добиеме дополнителни средства од страна на ЕУ, врз основа на реформите и Планот за раст којшто, повторно, како и лани во март, така и оваа година ќе ги направиме сите реформи и први ќе ги добиеме средствата. Тоа е вистината“.

Македонија | пред 1 седмица

Пренџов: На СДС полни им се устите со ЕУ, но не прават ништо за приближување, избегаа и од работната група за Изборниот законик

Пратеникот од редовите на ВМРО-ДПМНЕ, Љупчо Пренџов, гостуваше во емисијата „Само вистина“ на телевизија Канал 5, каде што се осврна на темата за Изборниот законик, поконкретно за работната група која во моментов работи во Министерството за правда под покровителство на министерот. Тој вели дека СДС е единствената политичка партија која ги напушти преговорите и, според него, тоа е една од недржавотворните одлуки кои опозициската партија ги носи на сметка на граѓаните и угледот на државата.„Она што не можам да се изначудам, ајде тоа што де јуре вие сте полни со Европа и европски вредности, иако ништо немате направено да нè доближите до Европа, и ова што значи План за раст, од којшто како опозиција, како партија сте вклучени во еден закон, тоа е изборниот, сте единствената политичка партија која ги напушта преговорите“, рече Пренџов.Тој кажа дека има политички партии кои учествуваат во работната група, а немаат ориентација како СДС што има кон ЕУ и Брисел. Како што вели тој, СДС бара алиби преку изговори како тој за укинувањето на техничката влада.„И тоа е една од недржавотворните одлуки коишто моментално ги носите на сметка на граѓаните на оваа држава и на сметка на угледот на Република Македонија. На Венко Филипче каприцот нема да биде исполнет со техничката влада и да знаете дека сите реформи ќе ги завршиме на време“, истакна тој и додаде:„Минатата година Република Македонија, за што треба да пофалиме, беше единствената држава од петте држави од Западен Балкан која прва ги заврши реформите за Брисел и за Планот за раст и први ги добивме средствата, од кои 2/3 се како ниски кредити, 1/3 се како грантови од страна на ЕУ. Оваа година повторно ќе бидеме први и повторно ќе завршиме 90% од она што ни е задача“, кажа Пренџов.Според него, од СДС треба да бидат информирани што се случува на тие преговори, со оглед на тоа што траат повеќе месеци, а напомена и дека еден од потпретседателите на СДС до пред два состаноци бил активен.„Има големи поместувања, се работеше согласно интересни, согласно препораките на ОБСЕ и ОДИХР, но ова антидржавно однесување на Венко Филипче и повлекување поради каприци ќе оставам да го ценат граѓаните“, заклучи Пренџов.

Македонија | пред 1 седмица

„Бројот на стипендии не се намалува, ниту партиципацијата во студентските домови се зголемува, напротив студентите ќе добијат реновирани домови и мотивирачки стипендии“, вели Конески

Членот на ИК на УМС на ВМРО-ДПМНЕ, Тодор Конески на денешната прес-конференција порача дека бројот на студентски стипендии не се намалува, ниту се зголемува партиципацијата во студентските домови, обвинувајќи го СДСМ за манипулации и ширење невистини.Според Конески, бројот на стипендиите не е дел од измените на Законот за студентски стандард, туку се утврдува секоја година согласно Буџетот и потребите на државата.Тој истакна дека со законските измени се овозможува подобра распределба на стипендиите, со фокус на успехот на студентите, стратешките области и потребите на пазарот на трудот.„Стипендиите кои се доделуваа досега беа конфузни и со ист месечен износ, без јасна разлика меѓу оние за висок просек и мотивирачките стипендии за стратешки области“, рече Конески.Во однос на студентското сместување, тој посочи дека во предлог-законот никаде не е наведено колкава ќе биде партиципацијата, нагласувајќи дека и таа се утврдува на годишно ниво преку посебна програма.Од ВМРО-ДПМНЕ тврдат дека Министерството подготвува ново законско решение со кое државата ќе ги преземе платите на вработените во студентските домови, со цел да се намали финансискиот товар врз студентите.Конески најави и дека летово ќе започне реконструкција на сите студентски домови, кои по завршувањето треба да станат енергетски ефикасни и опремени со современи услови за престој и учење.

Македонија | пред 1 седмица

„Каков блам: Следно е Филипче да држи прес за колекционерство на салфетки и за нумизматика“, велат од ВМРО-ДПМНЕ

ВМРО-ДПМНЕ со реакција го нападна лидерот на СДСМ, Венко Филипче, оценувајќи дека неговите прес-конференции се „комбинација од театар на апсурд и евтина претстава“.Во соопштението се наведува дека СДСМ од „партија што барем глумеше сериозност“ се претворила во политичка група без јасен правец и тежина.Од ВМРО-ДПМНЕ иронично посочуваат дека „следно е Филипче да одржи прес-конференција за нумизматика, колекционерство на салфетки или ретки поштенски марки“, обвинувајќи го дека во настапите меша теми поврзани со пасоши, НАТО, Преспанскиот договор и уставните измени.Во реакцијата се додава дека СДСМ денес „не е опозиција, туку политички стенд-ап без публика“, а Филипче е обвинет дека се обидува да глуми морален авторитет и покрај, како што велат од партијата, „криминалот, понижувањата и националните отстапки“ за време на владеењето на СДСМ.

Македонија | пред 1 седмица

Коларевиќ и Абази се продолжена рака на коалицијата СДС и ДУИ, правосудството не смее да биде штит за криминалот на СДС и ДУИ, велат од ВМРО-ДПМНЕ

Од ВМРО-ДПМНЕ денеска преку соопштение повторно упатија обвинувања кон обвинителите Катерина Коларевиќ и Ислам Абази, тврдејќи дека тие дејствуваат како продолжена рака на коалицијата меѓу СДСМ и ДУИ.Во партиското соопштение се наведува дека случајот „Мазут“ е доказ дека, според ВМРО-ДПМНЕ, правосудниот систем бил користен за заштита на политички и партиски интереси.Од партијата тврдат дека обвинителите Коларевиќ и Абази го штителе криминалот поврзан со случајот „Мазут“, кој, според нив, е тежок 167 милиони евра.Во реакцијата ВМРО-ДПМНЕ се осврнува и на семејното потекло на обвинителката Катерина Коларевиќ, наведувајќи дека нејзините родители биле избрани на функции од влади предводени од СДСМ и ДУИ.За Абази, пак, се наведува дека бил близок до лидерот на ДУИ, Али Ахмети.„Коларевиќ и Абази застанаа цврсто во одбрана на криминалот на функционерите на СДС и ДУИ наречен „Мазут“ вреден 167 милиони евра“, се наведува во соопштението.Од ВМРО-ДПМНЕ прашуваат што стои зад запирањето на постапката и дали постои корупција или подмитување на обвинителите.Партијата го повика и Советот на јавни обвинители да се произнесе за случајот и за причините поради кои постапката била стопирана.„Потребна е итна, независна и целосна истрага за сите аспекти на случајот „Мазут“, како и одговорност за секој што евентуално ја злоупотребил својата функција“, наведуваат од ВМРО-ДПМНЕ.Од партијата додаваат дека граѓаните заслужуваат правда и транспарентност, а не, како што велат, „политички договори и институционален молк“.

Македонија | пред 1 седмица

ВМРО-ДПМНЕ избра нов портпарол и нови претседатели на општински комитети

Извршниот комитет на ВМРО-ДПМНЕ на вечерашната седница донесе повеќе кадровски решенија за претседатели на општинските комитети на партијата, а за нов портпарол е избран Валентин Манасиевски.Од партијата велат дека дел од избраните се нови лица кои треба да внесат „свежина“, а дел се актуелни претседатели кои, според ВМРО-ДПМНЕ, оствариле големи победи на претходните избори и резултати во локалните самоуправи.„На вечерашната седница на ИК на ВМРО-ДПМНЕ, за нов портпарол на партијата е избран Валентин Манасиевски“, соопштија од партијата.За Манасиевски велат дека е долгогодишен активист кој политичкиот ангажман го започнал во Унијата на млади сили на ВМРО-ДПМНЕ.„Има завршено високо образование на Филозофскиот факултет при УКИМ, а моментално е на мастер студии на УГД во Штип“, наведуваат од ВМРО-ДПМНЕ.Во рамки на кадровските промени, избрани се и нови претседатели на општинските комитети во повеќе општини низ државата.Меѓу нив се Тони Јаревски за Карпош, Иван Живковски за Кисела Вода, Дејан Митески за Аеродром, Сергеј Попов за Центар, Ѓоко Велковски за Чаир, Дарко Костовски за Бутел, Бојан Стојаноски за Ѓорче Петров, Душко Иванов за Штип, Александар Велјановски за Тетово и Мартин Андоновски за Гостивар.„ВМРО-ДПМНЕ со овие кадровски решенија ја гради иднината на државата, како на локално, така и на централно ниво“, соопшти партијата.

Македонија | пред 1 седмица

„Срамно е СДС да зборува за економија, a токму тие ја оставија државата со празна каса, долгови и највисока инфлација“, велат од ВМРО-ДПМНЕ

Од ВМРО-ДПМНЕ денеска преку соопштение упатија остри критики кон СДСМ, обвинувајќи ја поранешната власт дека зад себе оставила економски проблеми, долгови и висока инфлација.Во партиското соопштение се наведува дека СДСМ нема кредибилитет да зборува за економија, бидејќи, според ВМРО-ДПМНЕ, за време на нивното владеење државата била економски ослабена и соочена со сериозна финансиска криза.Од владејачката партија тврдат дека во периодот на владеење на СДСМ и ДУИ граѓаните живееле со ниски примања, додека инфлацијата достигнала високи нивоа.„Граѓаните живееја со 150 денари на ден, пензиите ги зголемуваа за мизерни 180 денари, платите растеа едвај 5%, додека инфлацијата дивееше со 14%“, наведуваат од ВМРО-ДПМНЕ.Во соопштението се споменува и состојбата во Пошта на Северна Македонија, при што од партијата обвинуваат дека СДСМ оставила вработени без плати и институции во лоша финансиска состојба.ВМРО-ДПМНЕ ја поврза актуелната политичка дебата и со случајот „Мазут“, повторувајќи ги обвинувањата за, како што велат, „обвинителска коалиција“ меѓу одредени обвинители и поранешната власт.Од партијата велат дека актуелната влада работи на економска стабилизација, привлекување инвестиции и зголемување на платите и пензиите.„Македонија конечно се движи напред со одговорните економски политики на ВМРО-ДПМНЕ“, се наведува во соопштението.

Македонија | пред 1 седмица

Лефков: „Тандемот Коларевиќ и Абази се коалиција во обвинителството, како што се СДС и ДУИ во политиката“

Пратеникот на ВМРО-ДПМНЕ, Миле Лефков, на денешната прес-конференција упати серија обвинувања кон обвинителите Катерина Коларевиќ и Ислам Абази, тврдејќи дека тие дејствувале во интерес на поранешната власт на СДСМ и ДУИ.Според Лефков, „тандемот Коларевиќ и Абази“ функционирал како продолжена рака на политичката коалиција меѓу СДСМ и ДУИ во правосудниот систем.Во своето обраќање, Лефков се осврна и на семејното потекло на обвинителката Катерина Коларевиќ, наведувајќи дека нејзините родители биле избрани на функции од влади предводени од СДСМ и ДУИ.За јавниот обвинител Ислам Абази, Лефков рече дека бил близок до лидерот на ДУИ, Али Ахмети, и дека постапувал според политички насоки.Лефков обвини дека двајцата обвинители го штителе криминалот во случајот „Мазут“, кој според него е вреден 167 милиони евра, и дека не ги процесуирале лицата опфатени во предметот.„Коларевиќ и Абази, застанаа цврсто во одбрана на криминалот на функционерите на СДС и ДУИ наречен „Мазут“ вреден 167 милиони евра“, изјави Лефков.Тој тврдеше и дека обвинителите ги игнорирале извештаите на Државниот завод за ревизија, како и медиумските информации поврзани со квалитетот на мазутот што се користел во ТЕЦ Неготино.Според Лефков, наместо да повикаат релевантни лица од ЕСМ, обвинителите разговарале со лица кои, како што рече, давале искази што им одговарале.Пратеникот на ВМРО-ДПМНЕ праша дали зад запирањето на постапката стои корупција и побара реакција од Советот на јавни обвинители.„Бараме веднаш истрага за овој случај од повисоките инстанци, а оставка на Абази е повеќе од потребна. Правда и одговорност мора да има“, порача Лефков.

Македонија | пред 1 седмица

„Уценетиот Филипче е толку антимакедонски настроен и за да се додвори уште повеќе на Бугарија ја славеше нивната победа на Евровизија“, вели Манасиевски

Членот на Централниот комитет на ВМРО-ДПМНЕ, Валентин Манасиевски, на денешната прес-конференција упати серија обвинувања кон лидерот на СДСМ, Венко Филипче, оценувајќи дека неговите ставови и постапки се спротивни на македонските национални интереси.Манасиевски тврдеше дека Филипче ја славел победата на Бугарија на Евровизија, што според него претставува обид за додворување кон официјална Софија.„Филипче први антимакедонец, го достигнува врвот во политиката, и за спас на својата кариера и за да докаже дека е спремен на се за да дојде на власт, славеше победа на соседна држава на Евровизија“, изјави Манасиевски.Тој додаде дека проблемот, според ВМРО-ДПМНЕ, е што државата чија победа ја славел Филипче, како што рече, го негира македонскиот идентитет.Манасиевски обвини дека Филипче не ги осудува навредите што доаѓаат од бугарски политичари и повтори дека СДСМ би ги прифатиле уставните измени и покрај, како што рече, пораките од Софија дека тоа нема да биде последното барање.„Иако од Софија јасно велат дека уставните измени не се последното барање, Филипче уште утре би ги внел Бугарите во Устав, за потоа пак да можат да не блокираат“, рече Манасиевски.Во обраќањето, тој упати и обвинувања дека Филипче е уценет од бугарски политичари поради, како што рече, криминали направени заедно со Зоран Заев.Манасиевски оцени и дека СДСМ бележи пад на политичката поддршка, додавајќи дека Филипче е меѓу политичарите со најниска доверба кај граѓаните и дека партијата може да се соочи со дополнителен пад на следните избори.

Македонија | пред 1 седмица

ВМРО-ДПМНЕ: „Коларевиќ да одговори дали по наредба на Абази и насока на Филипче, Заев и Ахмети ја стопирала истрагата за „Мазут““

Од ВМРО-ДПМНЕ преку соопштение обвинија дека стопирањето на постапката за случајот „Мазут“, поврзан со набавка вредна 167 милиони евра за ТЕЦ Неготино, повторно ги покажало, како што велат, врските на СДСМ и ДУИ со судско-обвинителскиот систем.Од партијата тврдат дека обвинителката Катерина Коларевиќ и шефот на ОЈО ГОКК, Ислам Абази, имаат блиски врски со СДСМ и ДУИ и побараа одговори за причините поради кои е стопирана истрагата.Во соопштението се наведува дека родителите на обвинителката Коларевиќ биле избрани на високи функции од влади предводени од СДСМ, што според ВМРО-ДПМНЕ укажува на политичка поврзаност.Во соопштението партијата обвини дека одлуката за прекин на постапката не е заснована на правни аргументи, туку на политички влијанија и постави прашање дали обвинителката постапувала „по насоки“ од Абази и од, како што наведуваат, „врхушката на СДС и ДУИ“.„Очекуваме одговори, затоа што јавноста има право и заслужува да ја знае целата вистина, додека Советот на јавни обвинители има обврска да го истражи работењето и постапувањето и на Абази и на Коларевиќ“, велат од ВМРО-ДПМНЕ.Од партијата во соопштението додаваат дека за враќање на довербата во правосудството е неопходна професионална, дисциплинска и кривична одговорност за обвинителите доколку се утврди противправно постапување.

Македонија | пред 1 седмица

ВМРО-ДПМНЕ: И ДЗР во 2024 констатирал неправилности во набавката на мазутот за ТЕЦ Неготино, само тандемот Абази - Коларевиќ ништо не видел

 Коалицијата СДС-ДУИ, освен во политиката продолжува беспрекорно да функционира и во судско обвинителскиот систем. Тандемот Ислам Абази – Катерина Коларевиќ, едниот како шеф на ОЈО ГОКК, другата како обвинител во тоа обвинителство кои треба да ги гонат и сузбиваат криминалот и корупцијата, во стилот на коалицијата СДС и ДУИ, прават се само да ги спасат од одговорност лицата блиски до овие партии, велат од ВМРО-ДПМНЕ.„Овој коалициски тандем, кој не е во собраниски клупи туку во обвинителството, пред неколку дена донесе скандалозна одлука да се стопира постапката за случајот тежок 176 милиони евра за набавка на мазут за потребите на ТЕЦ Неготино иако постојат сериозни сомнежи и индиции за голем криминал и корупција, перење пари и загадување на животната средина.Селективноста и тенденцијата на овој обвинителски тандем да ги спасат од кривична одговорност луѓето од СДС и ДУИ, можеше да се забележи уште од фазата на прибирање докази, кои очигледно намерно и не ги нашле.Од демантот на ЕСМ јасно може да се види дека обвинителите Абази и Коларевиќ повеќе се занимавале со земање на изјави од некомпетентни лица, наместо сериозно да истражуваат и да обезбедат докази за оваа сомнителна набавка на мазут, вредна неверојатни 167 милиони евра.Селективноста на овој коалициски обвинителски тандем може да се види и во тоа што Абази и Коларевиќ не ни ги прочитале извештаите на релевантни институции. Така, во 2024 година Државниот завод за ревизија утврдил дека при оваа милионска набавка се испорачувал мазут од различен добавувач од оној којшто бил утврден во договорот на ЕСМ, ТЕЦ Неготино и добавувачот.Додека, пак, стручни лица од ЕСМ утврдиле дека мазутот бил со голем број на нечистотии коишто предизвикувале дефекти во мазутната станица на ТЕЦ Неготино.Но, и покрај ваквата утврдена лоша состојба и квалитет на мазутот, сепак ТЕЦ Неготино склучил анекс за да може овој скап договор да ја достигне сумата од 167 милиони евра.Доказите постоеле, извештаите со констатирани сериозни забелешки и пропусти постоеле, само Абази и Коларевиќ не ги виделе. Којзнае, може намерно замижале за да не ги видат и одговорност да ги спасат Васко Ковачевски, Јахоски, Сулкоски, Капушевски, Адријан Муча и нивните партнери, сите до еден блиски на СДС и ДУИ.Затоа сметаме дека Абази и Коларевиќ не се достојни на функцијата да бидат во Јавното обвинителство за гонење на криминал и корупција, затоа што и двајцата имаат свои лични, семејни или политички долгови за нивниот кариерен напредок, а истите се поврзани со политичките партии ДУИ и СДС.Овој јавнообвинителски тандем Абази и Коларевиќ повеќе е приврзан за нивните ментори Заев, Ахмети и Венко Филипче отколку што е посветен на владеењето на правото и гонењето на организиран криминал и корупција.Уште еднаш го повикуваме Советот на јавни обвинители да се позанимава со овој случај, да го истражи работењето и постапувањето на Абази и на Коларевиќ во случајот „Мазут“ за да утврди кои намерни или, можеби, ненамерни пропусти се направени, со цел случајот да се затвори пред да стигне на суд.Целата вистина за овој случај од висок јавен интерес и за запирање на истражната постапка, мора да излезе на виделина. На ваквите обвинители кои дополнително ја деградираат и уништуваат, и така ниската, довербата на граѓаните во судството не им е местото системот.Време е за правна држава и владеење на словото на законот со чесни кадри, докажани професионалци со висок морален и професионален кредибилитет“, се вели во соопштението,

Македонија | пред 1 седмица

ВМРО-ДПМНЕ: „Мастеф“ добивала милионски тендери од општини под СДСМ

ВМРО-ДПМНЕ обвини дека фирмата „Мастеф“ во периодот од 2018 до 2021 година добивала милионски тендери од скопски општини раководени од кадри на СДСМ.Од партијата реагираат по обвинувањата на СДСМ, наведувајќи дека јавноста треба да ги знае сите факти поврзани со компанијата.Според ВМРО-ДПМНЕ, „Мастеф“ во тој период добила повеќе тендери од општините Карпош, Аеродром и Кисела Вода.Партијата тврди дека во 2018 година фирмата добила седум тендери од Општина Карпош во вредност од над 9,5 милиони денари, додека во 2019 година добила пет тендери од Карпош и Аеродром во вредност од над 10 милиони денари.Во 2020 година, според ВМРО-ДПМНЕ, „Мастеф“ добила осум тендери од Карпош, Аеродром и Кисела Вода во вредност од над 50 милиони денари, а во 2021 година уште шест тендери во вредност од околу 47 милиони денари.Од партијата наведуваат дека сите јавни набавки за кои се зборува биле спроведени согласно закон и дека биле избрани најповолните понуди.

Македонија | пред 1 седмица

ВМРО-ДПМНЕ со обвинувања против обвинителот Абази за случајот „Мазут“, бара оставка

Шефот на Јавното обвинителството за гонење на организиран криминал и корупција, Ислам Абази со полна пареа си одработува за челното место на кое го ставија СДС и ДУИ, велат од ВМРО-ДПМНЕ.„Како кадар на Али Ахмети, Зоран Заев, Венко Филипче, Абази ги спасува од одговорност криминалците во редовите на СДС и ДУИ, па така донесе одлука за стопирање на постапката за случајот „Мазут“ за сторен криминал тежок 167 милиони евра.Повеќе од јасно е дека со ваквата скандалозна одлука, Абази е под лична и политичка концесија кон Ахмети, Заев и Филипче, како ментори на неговата професионална кариера во чие време стана шеф на ОЈО ГОКК.Затоа Абази не виде криминал, којшто цела јавност го виде и слушна, во предметот за набавката на мазут вредна 167 милиони евра за потребите на ТЕЦ Неготино од лицата блиски до ДУИ и СДС, како што се Васко Ковачевски, Ерџан Сулкоски, Ратко Капушевски и Асмир Јахоски и нивните партнери.И покрај тоа што стручни истражители од Министерството за внатрешни работи, обезбедиле релевантни докази за оваа коруптивна и криминална набавка, сепак Ислам Абази и неговата соработничка Коларевиќ од ОЈО ГООК, одлучуваат оваа истрага да биде прекината и за тоа кривично никој да не одговара.Згора на тоа и АД ЕСМ излезе со јавна реакција во која вели дека обвинителството ги искривило исказите и наодите на вештите лица кои немаа надлежност да зборуваат за финансиската штета која е предизвикана на претпријатието.Тоа што треба да се знае е дека Советот на јавните обвинители, по закон, има обврска да ја следи работата на обвинителите и согласно овие законски надлежности обвинителот Ислам Абази и неговата колешка Коларевиќ, треба да бидат темелно испитани и сослушани.Заедно со нив, исто така, треба да биде истражена и постапката и начинот на којшто тие одлучуваат да го прекинат овој случај наречен „Мазут“ и обвинетите, уште пред да појдат на суд, да ги амнестираат од каква било одговорност или од какво било обвинение.Тоа е предмет за кој постојат сериозни индиции и сомнежи за криминал, корупција, перење пари, но и загадување на животната средина и со тоа и труење на граѓаните и македонската јавноста има право да го дознае секој детал за оваа набавка која, веројатно, буџетот го оштетила за 167 милиони евра, а граѓаните ги труеше со мазут кој сериозно го загадувал воздухот.Во спротивно, ќе испадне дека одредени истражувачки новинари беа поефикасни во истрагата за предметот од обвинителите Ислам Абази и Коларевиќ, на кои тоа им е работа.Владеење на правото во државата мора да се воспостави, законот мора да важи еднакво за сите и секој кој се огрешил да одговара пред лицето на правдата.Но, со вакви скандалозни и контроверзни одлуки за прекинување на истрагите, не се воспоставува правна држава, не зајакнува владеењето на правото и не се враќа и така ниската од 2% доверба на граѓаните во правосудството.Затоа потребно е оставка од Ислам Абази и постапка од Советот на ЈО за него и Коларевиќ како ја донеле одлуката за стопирање на постапката за предмет од голем јавен интерес“, се вели во соопштението.

Македонија | пред 1 седмица

ВМРО-ДПМНЕ: Каде застана Заев продолжува Филипче, едниот бришеше „македонски“, другиот сака да ја впише придавката „северномакедонски“

Таму каде што Зоран Заев застана со антидржавната политика, сега продолжува Венко Филипче, велат од ВМРО-ДПМНЕ.„Со прифаќањето и потпишувањето на капитулантските договори, Заев почна да го брише терминот „македонски“, додека Филипче чувар на заевата фотелја во СДС, спремен е да ја впише непостоечката и навредлива за нас Македонците придавка, „северномакедонски“.СДС и Филипче, не само што немаат проблем што дел од соседите не нарекуваат со тој термин, туку тие се горди на своето дело и за нив тоа претставува и голем успех.Како пиун на новиот бугарски премиер, Румен Радев, како некогаш Заев на Борисов, Филипче и неговата СДС немаат проблем да водат антинационална и антидржавна политика, која е во интерес на бугарските власти.Само за нив, нема ништо лошо Бугарија да го негира нашето постоење пред 1944 година, нашите револуционери и дејци да бидат нивни и нашиот македонски јазик да го сметаат за дијалект на бугарскиот јазик. Ова негирање СДС и Венко Филипче дури и не го ни гледаат.Како приврзаник и послушник на Радев, Филипче и СДС се единствените кои повикуваат прифаќање на бугарскиот ултиматум и бараат итно спроведување на уставните измени, кои се првиот чекор од сетот барања кои самата Бугарија, односно нејзините власти, јасно кажуваат дека понатаму ќе ги има.Ова само докажува дека СДС и Венко Филипче се на иста линија со Бугарија, барањата, ставовите и речникот им се исти. Нема разлика меѓу официјална Софија, СДС и Филипче.Вака отворено против својата држава и народ може да делува и работи само уценет политичар, друго објаснување за ваквата антидржавна политика, нема.Иако изминативе дена јавно го прашуваме, Филипче молчи и одговара со што толку е уценет од група бугарски политичари за вака антидржавно и антинародно да се однесува, и дали во оваа уцена е вклучен и неговиот ментор, Зоран Заев.Кога веќе Филипче не одговара на прашањата, му упатуваме апел да се вразуми и да почне да работи и делува во заштита на македонските интереси, а не како до сега главен лобист на бугарската агенда.На Македонија и се потребни јасни гаранции дека уставните измени ќе бидат последното барање и последната отстапка што државата ќе ја направи на евроинтегративниот пат и тоа може да се постигне само со национален консензус на сите домашни политички чинители.Влезот на Македонија во ЕУ треба и мора да биде достоинствен, како што прилега на една горда и исправена држава, со исполнети Копенхашки критериуми, а не понижена со национални и идентитетски отстапки“, се вели во соопштението.

Македонија | пред 1 седмица

Филипче го надмина и Заев, како пиун на Радев, стана поголем негатор на Македонија и Македонците од бугарските власти, велат од ВМРО-ДПМНЕ

ВМРО-ДПМНЕ преку соопштение упати остри критики кон лидерот на СДСМ, Венко Филипче, обвинувајќи го дека води политика спротивна на македонските национални интереси.Од партијата тврдат дека Филипче, „како пиун на Румен Радев“, е подготвен на нови отстапки поврзани со македонскиот идентитет и дека не реагирал на употребата на терминот „северномакедонци“ од страна на бугарската министерка Велислава Петрова Чамова.Во соопштението, ВМРО-ДПМНЕ оценува дека терминот е „навредлива и непостоечка кованица“, а како причина за неговата употреба го посочува Преспански договор.„Филипче не ја осуди ваквата изјава на бугарската министерка, ниту побара тоа да не се повтори“, наведуваат од ВМРО-ДПМНЕ.Партијата дополнително обвинува дека Филипче е „главен лобист за прифаќање на бугарскиот ултиматум“ и дека одбива консензус за националните прашања и реформската агенда.Од ВМРО-ДПМНЕ тврдат и дека Филипче треба јавно да објасни „со што е уценет“ за да води, како што велат, политика на штета на Македонија и македонскиот народ.

Македонија | пред 2 седмици