ВМРО-ДПМНЕ

Николоски: Над 70 % раст во авиосообраќајот споредено со Владата на Заев

Вицепремиерот и министер за транспорт Николоски во поткастот на порталот Курир истакна дека Владата силно работи на развој на ависообраќајот каде се воведени 28 нови дестинации и силен раст од 30 % на бројот на патници во првиот квартал од годината.“ Тоа е една стратегија која работевме многу во 2024 година. Забележавме дека авиосообраќајот опаѓа многу, се намалува бројот на патници некаде околу 2,5 милиони патници. Создадовме концпет кој не е лесен, разговараме со бројни компании, ги замолував Македонија да ја стават како дестинација. Да не заборавиме дека Македонија нема излез на море, но денеска имаме 28 нови дестинации откако оваа Влада е избрана. Бројот на патници оваа година ќе помине 3, 5 милиони, а во 2027 година очекувам да помине 4 милиони патници, што е некаде за 70% раст. Оваа година скопскиот аеродром е во силен пораст на територија на поранешна Југославија со 30 % раст во првите три месеци, а охридскиот е со 20 % раст, а со завршувањето на надградбата и реконструкцијата на охридскиот аеродром уште повеќе ќе имаме раст” – изјави вицепремиерот Николоски.

Македонија | пред 1 месец

Стојаноски: Предложените измени на Законот за минерални суровини не се никаква закана за животната средина, напротив сите постојни механизми за нејзина заштита остануваат целосно на сила

Пратеникот на ВМРО-ДПМНЕ, Бојан Стојаноски, изјави дека предложените измени на Законот за минерални суровини не претставуваат дерегулација ниту намалување на заштитата на животната средина, туку ограничени и прецизно дефинирани измени насочени кон јавни претпријатија и ресурси од јавен интерес.Според него, измените се однесуваат исклучиво на субјекти врз кои државата има директна или индиректна контрола, како и на енергетски минерали и други ресурси со стратешко значење.Стојаноски посочи дека со измените се воведува дополнителна контрола од страна на Владата, која ќе дава претходна согласност при доделување концесии за детални геолошки истражувања за одредени минерални суровини од јавен интерес.Тој нагласи и дека во постапката за добивање дозвола за експлоатација ќе може да се користи одлука за поведување постапка за експропријација, но само за проекти од јавен интерес.„Не се укинуваат имотно-правните односи, туку се овозможува поефикасно усогласување на постапките за стратешки државни проекти“, истакна Стојаноски.Според него, измените имаат цел да ги отстранат административните пречки и да овозможат побрза реализација на проекти, особено во енергетскиот сектор, без намалување на стандардите.Тој потенцираше дека остануваат во сила сите обврски за студии за влијание врз животната средина, инспекциски контроли, како и правилата за управување со отпад и води.Стојаноски оцени дека со измените не се отвора простор за неконтролирано доделување концесии на приватни субјекти, туку напротив – се зајакнува улогата на државата во управувањето со природните ресурси од стратешко значење.

Македонија | пред 1 месец

Петрушевски: Филипче служејќи му на Заев го блокира европскиот пат на Македонија

Венко Филипче, служејќи му на поранешниот лидер Зоран Заев, директно го блокира патот на Македонија кон Европската Унија, обвини денеска пратеникот од ВМРО-ДПМНЕ, Бране Петрушевски.Во партиско соопштение, Петрушевски оцени дека актуелното раководство на СДСМ нема визија и стратегија за напредок на државата, туку, како што рече, продолжува со „старата матрица“ на дејствување.„Филипче очигледно доби сила откако Заев повторно се појави на Бихаќка и почна да држи прес-конференции и да се однесува како портпарол“, наведува Петрушевски.Тој додава дека СДСМ се противи на реформите и не презема ништо што би придонело за европската перспектива на земјата, обвинувајќи дека партијата делува во интерес на поединци, а не на државата.„Служејќи му на Заев, Филипче ја става партијата во служба на туѓи политички агенди и ја блокира Македонија“, се вели во реакцијата.Петрушевски посочува и дека СДСМ наместо нова енергија и визија, продолжува со политики кои, според него, значат уназадување на државата и отстапување од европскиот пат.

Македонија | пред 1 месец

Филипче е под контрола на Заев, СДС блокира закони за ЕУ, вели ВМРО-ДПМНЕ

ВМРО-ДПМНЕ обвини дека претседателот на СДСМ, Венко Филипче, делува под влијание на поранешниот лидер Зоран Заев и дека партијата наместо да нуди решенија, ги блокира клучните закони поврзани со европската агенда.Според владејачката партија, Заев и понатаму има влијание врз СДСМ, што, како што наведуваат, се потврдило со неговото присуство на партискиот роденден.„Венко Филипче додека глуми патриот и формален лидер на СДС, Зоран Заев ја контролира СДС и е главниот газда“, се наведува во соопштението.Од ВМРО-ДПМНЕ тврдат дека СДС нема стратегија ниту за внатрепартиско функционирање, ниту за управување со државни процеси, и дека делува исклучиво по насоки на Заев.Партијата обвинува дека СДС во Собранието ги кочи законите поврзани со европските интеграции, со што, како што велат, директно се загрозува европскиот пат на државата.„Раководството на СДС избрано од Заев ги кочи законите поврзани со ЕУ агендата само поради една цел – да течат бизнисите на кланот Заеви“, наведуваат од ВМРО-ДПМНЕ.Во соопштението се посочува и дека СДС се противи на повеќе законски решенија предложени од власта, меѓу кои и укинувањето на техничката влада, како и иницијативите поврзани со условите за пратениците.Од ВМРО-ДПМНЕ оценуваат дека ваквиот пристап претставува „незрел политички потег“ и дека Филипче користи уцени и ултиматуми наместо конструктивен дијалог.„Сè додека Филипче слепо го следи Заев и неговите интереси покажува само дека не нуди решенија и напредок, туку СДС избира блокади и конфронтации“, се додава во реакцијата.Партијата предупредува дека ваквото делување може да доведе до дополнителен пад на СДСМ и штета за државните интереси.

Македонија | пред 1 месец

Милошоски: СДС во недостаток на идеи шират манипулации по однос на македонското државјанство - во иднина македонскиот пратеник ќе мора да има само македонско државјанство

„И во 2021 година и денес, СДС не престана со злоупотреба на шпекулации, во прашална форма, никогаш како конкретно тврдење, кој има, кој нема, ваков или таков пасош, во недостаток на други идеи, проекти или можеби внатрепартиски слабости. И во 2021 година преку нивниот тогашен сојузник, Каракачанов и сега преку нивната веб страна, злоупотребуваат, клеветат и шират манипулации по однос на двојно државјанство на одредени колеги пратеници. Сметавме дека ова е еден начин како да го повториме нашиот став што го имавме од 2021 година, дека не се сменило ништо, и дека доколку некој смета дека единственото државјанство е концепт којшто е поцврст за македонското Собрание, ние стоиме зад тој предлог, како тогаш, така и денес, затоа и го предложивме“, истакна Антонијо Милошоски, пратеник од редовите на ВМРО-ДПМНЕ на гостување во емисијата За или против на Алфа телевизија.Пратеникот Милошоски се осврна на предлог-законот за измена на Законот за пратеници по однос на македонското државјанство и нагласи дека токму од страна на опозициската СДС биле неосновани обвинувањата дека одреден дел од пратениците се со двојно државјанство, а потписници на оваа измена, како што кажа, се токму актуелни пратеници од пратеничката група на ВМРО-ДПМНЕ за кои СДС наведува дека се со бугарско државјанство.„Второ, сметаме дека кога сте одбрале да бидете пратеник, има логика, ако сте пратеник во Собранието на Македонија да бидете и според државјанство лојален само на таа држава каде што одлучиле, или ви дале доверба да бидете пратеник. Бидејќи кога има двојно државјанство, иако македонскиот Устав не го забранува, сепак има една етичка и политичка дилема на која држава сте повеќе лојален, особено ако во Собранието одлучувате за теми коишто не ја засегаат само Македонија, туку можеби засегаат и други држави, каде што може некој од колегите пратеници да има двојно државјанство“, дециден е пратеникот Милошоски.

Македонија | пред 1 месец

ВМРО-ДПМНЕ: Вчера Трајчулески вика излегуваме од Собрание, денес Филипче ретерира, Венко се враќа на нивната изборна идеја за укинување на техничката влада

Од ВМРО-ДПМНЕ со реакција на ставовите на СДСМ околу најавите за укинување на техничката влада, обвинувајќи ги социјалдемократите за недоследност и промена на позициите во јавните настапи.Вчера Трајчулески вика излегуваме од Собрание, денес Филипче ретерира, Венко се враќа на нивната изборна идеја за укинување на техничката влада, наведуваат од ВМРО-ДПМНЕ во соопштението.Од партијата во соопштението оценуваат дека, како што велат, Филипче „се фатил во сопствените лаги“ и дека се зголемува стравот од изборен пораз.„Вчера Митко Трајчулески од СДС се закани дека ќе излезат од Собрание ако се укине техничката влада, а денес Филипче ретерираше од овој нивен став. Тоа е за поздравување, бидејќи така СДС се враќа на нивниот прв став за укинување на техничката влада“, се наведува во соопштението на ВМРО-ДПМНЕ.Од ВМРО-ДПМНЕ во соопштението додаваат дека предлогот за укинување на техничката влада би се однесувал по наредните избори.„Противењето на ваквиот предлог покажува дека СДС признава дека стравува од два последователни порази и дека народот не ги гледа како сериозна опција“, стои во соопштението.

Македонија | пред 1 месец

ВМРО-ДПМНЕ: Филипче, гордиот носител на златна виза нема право да зборува за патриотизам

Од ВМРО-ДПМНЕ во своето соопштение упатија остри обвинувања кон лидерот на СДСМ, Венко Филипче, оценувајќи дека неговите изјави претставуваат, како што велат, „паничен обид за дефокусирање на јавноста“.Во партиското соопштение се наведува дека Филипче, кој според нив е „носител на златна виза“, нема кредибилитет да зборува за државни интереси и патриотизам. Дополнително, од ВМРО-ДПМНЕ тврдат дека изјавите на опозицијата се обид за префрлање на вината за евроинтегративните процеси.Од партијата додаваат дека ваквите настапи на СДСМ не претставуваат политика, туку реакција од, како што велат, „нервозна и дезориентирана опозиција“ која нема конкретни решенија. Притоа, упатуваат критики дека партијата е под влијание на Зоран Заев и неговите интереси.Во соопштението се оценува дека СДСМ постепено ја губи својата улога на релевантен политички фактор, дури и во опозицискиот блок, посочувајќи дека партијата, според нив, се соочува со внатрешни слабости и недостиг на идеи.Во однос на изборот на нов директор на МРТВ, од ВМРО-ДПМНЕ посочуваат дека одлуката е донесена од надлежното собрание на институцијата, согласно законските процедури, и дека избраниот кандидат е, како што велат, најсоодветно решение врз основа на програмата и искуствот, стои во соопштението.

Македонија | пред 1 месец

Петрушевски: Заев се врати на Бихачка за да потсети кој е газда на СДС и да му даде насоки за работа на Филипче

ВМРО-ДПМНЕ соопшти дека појавувањето на Зоран Заев во седиштето на СДСМ во Бихаќка, по повод роденден на партијата, според нив претставува потврда дека тој сè уште има влијание врз партијата и дека, како што наведуваат, „ја одредува насоката на нејзиното делување“.Во реакцијата, пратеникот од ВМРО-ДПМНЕ, Петрушевски, обвини дека поранешниот премиер Зоран Заев, иако формално не е на функција, продолжува да има клучно влијание врз политиките на СДСМ и врз, како што тврди, одлуките на Венко Филипче и актуелното раководство на партијата.Според неговите наводи, Филипче постапувал по политички насоки поврзани со Заев, при што обвини дека фокусот на СДСМ бил насочен кон, како што рече, сопирање на европските интеграции и блокирање на реформски процеси. Тој наведе дека партијата поставува услови и најавува блокади во Собранието, наместо учество во работата на законодавниот дом, стои во соопштението.Петрушевски посочи и дека СДСМ се противи на одредени законски измени предложени од владејачкото мнозинство, меѓу кои и измените поврзани со техничката влада и државјанството на пратениците. Според него, овие постапки не придонесуваат за реформските процеси и европската агенда на државата.Во реакцијата се наведува и дека, доколку продолжи ваквиот пристап, тоа ќе има негативно влијание врз партијата и поширокиот политички процес, а Филипче е повикан да се дистанцира од, како што е оценето, политиките на Заев.

Македонија | пред 1 месец

Манасиевски: СДС преку Димитријевиќ докажаа дека поради Заев се спремни да соработуваат и одработуваат за партии во други држави

Од ВМРО-ДПМНЕ преку партискиот претставник Манасиевски соопштија дека СДСМ преку генералниот секретар Димитријевиќ, како што наведуваат, покажува подготвеност за соработка со политички партии во други држави поради влијание на Зоран Заев, стои во соопштението на ВМРО-ДПМНЕ.Во соопштението од ВМРО-ДПМНЕ се наведува дека средбата на Димитријевиќ со Бранко Ружиќ и Јован Ратковиќ во Скопје, на која наводно се договарала соработка, била координирана од Зоран Заев и ПР-советникот Башановиќ.Од ВМРО-ДПМНЕ тврдат дека со ваквите активности СДСМ се става во служба на странски политички партии и, како што велат, учествува во формирање опозициски фронтови надвор од државата, додека во земјата станува маргинална политичка сила.Во соопштението се додава дека ваквото делување е поврзано со лични и бизнис интереси на поранешниот премиер Зоран Заев, како и дека СДСМ, според нив, ја губи политичката поддршка и влијание.Од ВМРО-ДПМНЕ наведуваат и дека СДСМ делува надвор од државните интереси и, како што тврдат, се занимава со политички процеси во други земји, наместо со домашните прашања.Во завршницата на соопштението, од ВМРО-ДПМНЕ оценуваат дека во СДСМ се неопходни реформи, предупредувајќи дека партијата би можела да се соочи со понатамошен пад на поддршката.

Македонија | пред 1 месец

Стојаноски: СДС преку ноќ го менува ставот за техничката влада, од изјави во минатото за нејзино укинување до одбрана

Пратеникот од ВМРО-ДПМНЕ, Бојан Стојаноски, во телевизиска дебата на ТВ 24 оцени дека СДСМ има неконзистентен став во однос на техничката влада, посочувајќи дека во различни периоди од своето политичко делување партијата изнесувала спротивставени позиции – од најави за нејзино укинување до нејзина одбрана.Стојаноски наведе дека претставници на СДСМ, меѓу кои поранешни премиери и министри, во минатото јавно зборувале за потребата од укинување на моделот на техничка влада, додека денес, како што рече, имаат поинаков пристап и ја бранат истата институција.Тој оцени дека техничката влада не е функционален модел и дека, според него, не постои во европските демократии, при што додаде дека создава дополнителни трошоци и влијае врз ефикасноста на институциите.Во дебатата, Стојаноски упати критики и за настапот на СДСМ во Собранието, наведувајќи дека партијата, и покрај јавните реакции и политички ставови, не поднела амандмани на законските предлози поврзани со укинување на техничката влада.Според него, таквиот пристап укажува на разлика меѓу јавната реторика и институционалното делување, при што додаде дека слични примери во минатото покажуваат политички најави кои не биле проследени со конкретна реализација во собраниската процедура.

Македонија | пред 1 месец

ВМРО-ДПМНЕ: По насока на Заев, Филипче ја стави СДС во служба на туѓи политички агенди, наместо конструктивност и доверба кај граѓаните градат фронтови надвор со Бранко Ружиќ и Јован Ратковиќ

ВМРО-ДПМНЕ во своето соопштение обвини дека СДСМ, наместо да се фокусира на внатрешни реформи и враќање на довербата кај граѓаните, се вклучува во политички активности надвор од државата, што според нив е на штета на домашната политичка сцена.Во соопштението од партијата наведуваат дека СДСМ и нејзиниот лидер Венко Филипче, по насока на поранешниот премиер Зоран Заев и соработници, делуваат во согласност со, како што тврдат, надворешни политички и деловни интереси.Како пример се посочува средбата во Скопје меѓу претставници на СДСМ и српски опозициски политичари, меѓу кои Бранко Ружиќ и Јован Ратковиќ, на која, според обвинувањата, се разговарало за формирање опозициска соработка и заедничко делување на политичката сцена во Србија, стои во соопштението.„СДСМ наместо да ја зајакнува сопствената политичка позиција во државата, се занимава со политички инженеринг во други држави“, стои во соопштението.Во соопштението од ВМРО-ДПМНЕ тврдат дека ваквите активности се водени од лични интереси на поединци, а не од државни или партиски приоритети, при што додаваат дека тоа доведува до дополнително слабеење на СДСМ.Во соопштението се оценува дека партијата се соочува со пад на поддршката и дека, како што велат, сè повеќе се оддалечува од реалните потреби на граѓаните.„Македонија заслужува одговорна опозиција, а не партија што работи по туѓи инструкции и интереси“, наведуваат од ВМРО-ДПМНЕ во соопштението.

Македонија | пред 1 месец

ВМРО-ДПМНЕ: Филипче е кукла на конци, а додека конците се во раце на Заев СДС нема да застане на свои нозе, наместо катарза и реформи Филипче работи за туѓи агенди

ВМРО-ДПМНЕ во своето соопштение обвини дека СДСМ не е раководена од актуелниот претседател Венко Филипче, туку дека клучно влијание во партијата сè уште има поранешниот лидер Зоран Заев.Од партијата во соопштението наведуваат дека појавувањето на Заев на роденденот на СДСМ е доказ дека тој и понатаму има централна улога во партиските одлуки, додека Филипче, како што тврдат, останува само формален претседател.„СДС не ја води Филипче, туку сенката на минатото – Зоран Заев, кој ја контролира партијата“, стои во соопштението, при што од ВМРО-ДПМНЕ додаваат дека ова, според нив, ја потврдува неговата влијателна позиција во внатрепартиските процеси.Во соопштението се оценува и дека СДСМ функционира без јасна насока и вистинско лидерство, потпирајќи се на стари структури и влијанија од минатото.„Додека граѓаните очекуваат реформи и нов почеток, СДС продолжува со истите лица и политики“, стои во соопштението.Во соопштението од ВМРО-ДПМНЕ порачуваат дека без јасно дистанцирање од, како што велат, влијанието на Заев, СДСМ нема да може да направи суштински промени.

Македонија | пред 1 месец

ВМРО-ДПМНЕ: СДС против својот градоначалник, не сакаат отворање на рудник кој ќе го заживее регионот на Крива Паланка и ќе отвори нови добро платени работни места

ВМРО-ДПМНЕ во соопштение наведува дека СДС и нивното раководство излегуваат против ставовите на градоначалникот на Крива Паланка во однос на отворањето на рудник во регионот.Во соопштението се тврди дека СДС не ги прифаќа аргументите на градоначалникот, кој, според ВМРО-ДПМНЕ, се залага за проект со почитување на еколошките стандарди и кој би придонел за економски развој и нови работни места.Се наведува дека, според партијата, ваквиот став на СДС е мотивиран од внатрепартиски несогласувања и политички интереси, а не од државен интерес.Во соопштението ВМРО-ДПМНЕ оценува дека СДС делува против економскиот развој и подобрувањето на животниот стандард, обвинувајќи ја партијата за претходното владеење и економските состојби во тој период.Партијата во своето соопштение додава дека СДС треба да делува како конструктивна опозиција и да поддржува проекти од државен интерес, наместо, како што наведуваат, да се спротивставува на развојни иницијативи.

Македонија | пред 1 месец

Манасиевски: СДС на власт едно, во опозиција друго!

СДС има двојни стандарди кога станува збор за техничката, односно Пржинската влада, вели ВМРО-ДПМНЕ во партиското соопштение.Во соопштение од Манасиевски се наведува дека поранешни високи функционери на СДС, меѓу кои Заев, Ковачевски и Шеќеринска, додека биле на власт биле против техничката влада, додека сега, како опозиција, се против укинување на Пржинскиот модел.Во соопштението се наведува и дека политиката на СДС е да се спротивставува на секој став на ВМРО-ДПМНЕ, што според нив не носи политичка корист.Од ВМРО-ДПМНЕ посочуваат дека, за разлика од СДС, нивниот став останува ист и во опозиција и на власт, дека техничката влада треба да биде укината, стои во соопштението.Во соопштението се додава дека Македонија е демократска држава со институционален капацитет за спроведување фер избори.

Македонија | пред 1 месец

Манасиевски: Српската опозиција преку Башановиќ и Заев, го користи СДС за свои интереси кои не одат во прилог на македонската опозиција која се распаѓа

Српската опозиција преку Башановиќ и Заев го користи СДС за свои интереси кои, не одат во прилог на македонската опозиција, стои во соопштението на ВМРО-ДПМНЕ.Во соопштение се тврди дека српските опозиционери Бранко Ружиќ, потпретседател на Социјалистичка партија на Србија, и Јован Ратковиќ, член на претседателството на Социјалдемократската странка во Србија, на средба во Скопје со генералниот секретар на СДС договориле соработка за формирање опозициски фронт за делување на српската политичка сцена.Платформата, според соопштението, за обединување на опозиции од две држави е направена поради лични и бизнис интереси на Зоран Башановиќ, а во процесот, како што се наведува, учествува и Зоран Заев.Во соопштението се додава дека Ружиќ и Ратковиќ се избрани поради нивната политичка ангажираност во Србија и претходни улоги во партиски структури и движења.Од ВМРО-ДПМНЕ оценуваат дека ваквите активности, преку СДС и генералниот секретар Димитријевиќ, ја доведуваат партијата на маргините на политичката сцена и дека опозицијата наместо да делува во земјата се става во служба на политички интереси надвор од државата.

Македонија | пред 1 месец

Петрушевски: Газдата на СДС Заев се врати, а Филипче како да е во транс и уште си игра претседател, колку побрзо се огради од Заев побрзо ќе ја врати партијата на нозе

Во соопштение од ВМРО-ДПМНЕ се наведува дека појавувањето на поранешниот лидер Зоран Заев на партиски настан на СДС ја потврдило тезата дека тој и понатаму има влијание врз партијата, а не актуелниот претседател Венко Филипче.Петрушевски од ВМРО-ДПМНЕ во соопштението наведува дека „Заев е реалниот лидер, а Филипче е во негова сенка“, додавајќи дека ваквата состојба е јасно видлива во јавноста.Во соопштението се посочува и дека Филипче треба да се огради од, како што се наведува, политиките и влијанието на Заев доколку сака да ја зацврсти својата позиција и да ја стабилизира партијата.

Македонија | пред 1 месец

ВМРО-ДПМНЕ: СДС избра статус кво, Заев и натаму ги држи конците

ВМРО-ДПМНЕ обвини дека СДСМ, предводена од Венко Филипче, избрала да продолжи со постојната политика наместо да спроведе реформи, оценувајќи дека партијата е „заробена од старите структури“.Од партијата велат дека атмосферата и еуфоријата при присуството на поранешниот лидер Зоран Заев на партискиот роденден, според нив, јасно покажале кој има влијание во СДСМ.„Одушевувањето и аплаузот за Заев се доказ дека Филипче и лојалистите продолжуваат по старата матрица – заштита на поединци и игнорирање на членството“, наведуваат од ВМРО-ДПМНЕ.Партијата оценува дека во СДСМ „владеат старите структури“, додека оние кои бараат промени остануваат на маргините, и додава дека без, како што велат, расчистување со тие структури, не може да има суштинска реформа.„Наместо самокритика и катарза, Филипче покажа дека нема намера за промени“, велат од ВМРО-ДПМНЕ, додавајќи дека во такви услови СДСМ не може да ја врати довербата кај граѓаните.

Македонија | пред 1 месец

ВМРО-ДПМНЕ: Тајни средби на Димитријевиќ во Скопје со српските опозиционери Бранко Ружиќ и Јован Ратковиќ за формирање на опозициски фронт по инструкции на Заев и Башановиќ

Од ВМРО-ДПМНЕ обвинуваат дека генералниот секретар на СДС, Александар Саша Димитријевиќ, одржал средба во Скопје со српските опозициски политичари Бранко Ружиќ и Јован Ратковиќ, како што е наведено во соопштение.Според партијата, средбата наводно била насочена кон формирање опозициски фронт во Србија, по инструкции од Зоран Заев и Башановиќ, стои во соопштението.Во соопштението се наведува дека Јован Ратковиќ е член на Социјалдемократската партија во Србија и дел од Партијата на европски социјалисти, како и дека бил еден од основачите на движењето „Отпор“.Од ВМРО-ДПМНЕ тврдат дека СДС со ваквите активности се става во служба на интереси на друга држава и дека партијата нема капацитет за промени, како што е наведено во соопштение.Во соопштението се додава дека без дистанцирање од старите структури, СДС нема политичка иднина и ќе остане на маргините на политичката сцена, како што е наведено во соопштение.

Македонија | пред 1 месец

Мицкоски од Виена: Определбата на Владата е јасна, градиме економија што создава, а не само троши

Претседателот на Владата, Христијан Мицкоски, од Виена порача дека државата има јасна определба да гради економија што создава вредност, а не само да троши, се наведува во соопштение од ВМРО-ДПМНЕ.Тој истакна дека Европа се наоѓа во период на преиспитување, во кој енергијата и економијата стануваат прашања на опстанок и клучни политички теми, стои во соопштението.Мицкоски нагласи дека во вакви услови одлуките имаат поголема тежина од изјавите и дека целта е да се гради економија што создава, држава што нуди сигурност и систем во кој работата и довербата имаат вредност, се наведува во соопштението.Тој посочи дека инвестициите се клучен двигател на развојот и дека државата бара партнерства, доверба и заедничка визија со странските партнери, стои во соопштението.Мицкоски додаде дека со Австрија постои потенцијал за продлабочување на соработката, особено во делот на индустријата, енергетиката, дигиталната трансформација и инфраструктурата, се наведува во соопштението.Тој оцени дека енергетската транзиција претставува тест за капацитетот и лидерството, но и шанса за создавање посилна економија подготвена за иднината, стои во соопштението.Мицкоски порача дека Европа мора да биде поактивна, поодлучна и поконкурентна, како и дека не може да биде силна доколку нејзините делови останат слаби, се наведува во соопштението.Тој заклучи дека целта е да се изгради Европа како конкретен резултат, а не само како идеја, стои во соопштението.

Македонија | пред 1 месец

ВМРО-ДПМНЕ: Обидите за дискредитација нема да ја промени реалноста дека СДС се соочува со сопствениот политички крај, а ВМРО-ДПМНЕ ја гради иднината

ВМРО-ДПМНЕ реагираше на денешната прес-конференција на претседателот на СДСМ, Венко Филипче, оценувајќи дека неговите изјави претставуваат политички настап на опозицијата која, како што наведуваат, се соочува со пад на поддршката, се наведува во партиско соопштение.Од партијата наведуваат дека критиките на Филипче не се насочени кон содржината на предложените законски решенија, туку, како што велат, кон создавање политичка драма околу укинувањето на техничката влада, стои во соопштението.ВМРО-ДПМНЕ посочува дека, според нив, институциите се стабилизираат и се воспоставува нормален демократски поредок, додека СДСМ, како што наведуваат, се обидува да го задржи постојниот модел на техничка влада, се наведува во соопштението.Во реакцијата се додава дека изјавите на Филипче се обид за политичка дезориентација и дека укинувањето на техничката влада се прикажува како враќање на нормалното функционирање на државата, стои во соопштението.Од ВМРО-ДПМНЕ нагласуваат дека предложените законски измени се дел од поширока реформа насочена кон стабилни и функционални институции и отстранување на, како што велат, модели што претходно ја оптоварувале државата, се наведува во соопштението.Тие додаваат дека нивната политика е заснована на долгорочни системски решенија и дека реформите ќе бидат спроведени во интерес на државата и граѓаните, стои во соопштението.

Македонија | пред 1 месец

Стојаноска: „Ќе видиме кој навистина е за, а кој блефира околу двојното државјанство“

Пратеничката од ВМРО-ДПМНЕ, Дафина Стојаноска, најави дека пратеничката група на ВМРО-ДПМНЕ и коалицијата поднела Предлог-закон за измена на Законот за пратеници, со кој во иднина кандидатите за пратеници ќе мора да имаат исклучиво македонско државјанство.Таа посочи дека предлогот веќе е поднесен во Собранието и ќе се разгледува по скратена постапка, нагласувајќи дека со оваа измена ќе се стави крај на, како што рече, „обвинувањата и шпекулациите за двојни државјанства кај функционери“.„Во Собранието веќе е поднесен Предлог на закон за измена на Законот за пратеници. И тука повторно ќе се руши уште еден меур од сапуница, оние списоци кои ги објавуваа, па сега многу актуелни ги направија повторно со парламентарниве избори во Бугарија, дека добар дел од наши пратеници, функционери, се со двојни државјанства“, изјави Стојаноска во гостување на телевизија Алфа.Таа потенцираше дека меѓу потписниците на законските измени се и актуелни пратеници од ВМРО-ДПМНЕ, чии имиња, како што рече, биле споменувани во објавените списоци.„Потписници на оваа измена се токму пратеници кои СДС ги обвинува дека имаат бугарско државјанство. Ако тоа беше точно, тогаш би било апсурд тие да го потпишат овој предлог“, рече Стојаноска.Според предложените измени, условот за кандидирање за пратеник ќе биде поседување само македонско државјанство, што значи дека лицата со двојно државјанство нема да можат да се кандидираат на идните избори.Стојаноска повика на јавно изјаснување од сите пратеници.„Да видиме како ќе се изјаснат колегите од СДС. Денес ќе се види кој е навистина за ова решение, а кој блефира“, изјави таа, додавајќи дека предлогот ќе биде ставен на дневен ред на седница.

Македонија | пред 1 месец

ВМРО-ДПМНЕ: Димитријевиќ се сретнал со Ружиќ – СДС работи со српската опозиција

ВМРО-ДПМНЕ обвинува дека Социјалдемократскиот сојуз, предводен од Венко Филипче, сѐ повеќе се оддалечува од интересите на граѓаните и членството, ставајќи се, како што велат, во функција на странски политички агенди.Од партијата тврдат дека генералниот секретар на СДСM, Александар Саша Димитријевиќ, остварил средба со српскиот опозициски политичар Бранко Ружиќ, поранешен министер за образование, кој, според нив, дошол во Скопје со цел да воспостави соработка и евентуален заеднички опозициски фронт.„Оваа средба отвора сериозни прашања за насоката и приоритетите на СДС. Наместо фокус на домашните предизвици, се прават обиди за вклучување во политички процеси надвор од државата“, велат од ВМРО-ДПМНЕ.Партијата поставува повеќе прашања до Димитријевиќ, меѓу кои дали на средбата присуствувале и други високи политички функционери, како и детали околу пристигнувањето на Ружиќ во Скопје.Од ВМРО-ДПМНЕ бараат од СДС да ја информира јавноста за целите и мотивите на ваквите контакти, прашувајќи зошто, како што наведуваат, опозициската партија се ангажира во активности поврзани со друга држава, наместо да се фокусира на политичките состојби во Македонија.

Македонија | пред 1 месец

Еуфоријата за Заев потврди – СДС не се менува, смета владејачката ВМРО-ДПМНЕ

Еуфоричниот пречек на поранешниот лидер Зоран Заев на роденденот на СДСМ е доказ дека партијата нема намера да се реформира, реагираат од ВМРО-ДПМНЕ.Според нив, аплаузите и, како што велат, восхитот кон Заев го засениле самиот настан, но и актуелното раководство предводено од Венко Филипче.„Односот на лојалистите кон аболицираниот криминалец Заев покажува дека нема намера за расчистување со криминалот и корупцијата, туку напротив – нивно оправдување и заштита“, наведуваат од партијата.Од ВМРО-ДПМНЕ додаваат дека, додека дел од членството бара реформи и стабилизација, партиското раководство и, како што велат, „заевите лојалисти“, продолжуваат со политики кои ја уништуваат СДСМ.Тие оценуваат дека евентуалните реформи во опозициската партија треба да започнат со, како што наведуваат, „чистење на криминалците како Заев и Филипче“.

Македонија | пред 1 месец

Се потврдија нашите тези дека Заев е стопанот, а Филипче чиракот, тоа е лошо за СДС која не се менува, вели Манасиевски

Членот на Централниот комитет на ВМРО-ДПМНЕ, Валентин Манасиевски, изјави дека присуството на поранешниот премиер Зоран Заев на годишнината на СДСМ, според него, ги потврдува нивните тврдења за влијанието во партијата.„Со присуството на Заев се потврдија нашите тези дека тој е стопанот, а Венко Филипче е чиракот во СДС“, изјави Манасиевски, одговарајќи на прашање за настанот.Тој додаде дека, доколку СДС сака да се реформира и да се позиционира како главна опозиција, треба да се дистанцира од поранешното раководство.„Ако продолжат по истите овие стапки – тоа е многу лошо за СДС, кој нема намера да се промени“, рече Манасиевски.

Македонија | пред 1 месец

СДС работи за српската опозиција, Заев и Башановиќ зад сцената, вели Манасиевски

Членот на Централниот комитет на ВМРО-ДПМНЕ, Валентин Манасиевски, обвини дека генералниот секретар на СДСМ, Александар Саша Димитријевиќ, заедно со партијата се ставиле „на услуга на српската опозиција“, оценувајќи дека поради тоа СДС станува маргинална партија во Македонија.Манасиевски тврди дека Димитријевиќ остварил средба со Бранко Ружиќ, поранешен министер за образование во Србија, кој, според него, дошол во Македонија со цел да се формира заеднички опозициски фронт и соработка со СДС.„Димитријевиќ и СДС се ставија на услуга на српската опозиција... поради лични интереси на Зоран Заев и Зоран Башановиќ“, наведува Манасиевски, посочувајќи ги Зоран Заев и Зоран Башановиќ како, како што вели, клучни во оваа „приказна“.Тој дополнително постави и низа прашања до Димитријевиќ, поврзани со наводната средба во Скопје, вклучително и детали околу присуството на други политички претставници од Србија.„Зошто СДС се става на располагање на опозиција во друга држава, а не се фокусира на македонската политичка сцена?“, праша Манасиевски, додавајќи дека очекуваат конкретни одговори „а не празни флоскули“.Тој најави дека на утрешна прес-конференција ќе биде објавено и името на, како што рече, уште еден функционер од Србија кој учествувал во овие активности.

Македонија | пред 1 месец