ВМРО-ДПМНЕ

СДС нема кредибилитет да зборува за економија, СДС ја доведе државата на раб на банкрот после целиот криминал од епски размери , вели ВМРО-ДПМНЕ

ВМРО-ДПМНЕ преку соопштение реагира дека СДС нема кредибилитет да говори за економијата, обвинувајќи дека за време на нивното владеење биле потрошени значајни буџетски средства без реализирани инвестиции и капитални проекти.Од партијата во соопштението наведуваат дека тогашната власт ја довела државата, како што тврдат, до тешка финансиска состојба и ги оставила граѓаните со намален животен стандард и празни џебови.Во соопштението се посочува дека СДС континуирано спроведува политика и комуникациска стратегија преку која, според ВМРО-ДПМНЕ, се шират невистини и манипулации, меѓу кои и тврдења за можен банкрот, блокирани ИПАРД средства и негативни економски сценарија.ВМРО-ДПМНЕ тврди дека ваквите најави биле демантирани, и дека државата не само што не се соочила со банкрот, туку имало и зголемување на платите и почитување на колективните договори, стои во соопштението.Од партијата во соопштението додаваат дека актуелната влада спроведува мерки за подобрување на состојбите во клучни сектори како здравството, образованието и безбедноста, како и дека работи транспарентно и во насока на зголемување на животниот стандард на граѓаните.

Македонија | пред 3 седмици

ВМРО-ДПМНЕ: Филипче тоне во сервилност без крај и води лажна проевропска агенда додека во реалноста нема план и стратегија

Венко Филипче прати социјал демократски поздрав од Рим, каде е на екстра продолжен викенд за Меѓународниот ден на трудот и уште еднаш реално покажа колку лажно е загрижен за работничките права и работниците, велат од владејачката ВМРО-ДПМНЕ.„По бегството од седницата за пратенички прашања во Собранието и пропуштање на можноста од соочување, Филипче уште еднаш само потврди дека политичкиот туризам, личниот интерес и уживање му се приоритет пред граѓаните.Филипче потврди дека реториката од типот „се грижиме за граѓаните и работничките права“ се косат со реалното политичко и приватно однесување и делување на раководството на СДС и Филипче.Дека СДС и Венко Филипче не се доследни и немаат стартегија и план за сопствената партија и државата, говори и фактот што Филипче упорно се обидува да се продаде како единствен арбитер за европскиот пат додека нема црвени линии и е спремен на секакви отстапки само за да дојде на власт.СДС и Филипче се без концепт.Филипче тоне во сервилност без крај исто како и неговиот ментор Заев и е спремен да ги распродаде националните интереси само да ја зачува фотелјата на Бихачка.СДС и Филипче само декларативно се залагаат за Европа, додека во пракса водат политика според приликите и личните лукративни цели на кланот Заеви и Венко Филипче.За таа цел Филипче е спремен на се, па затоа спинува изјави на европски пратеници вклучително и Томас Вајц кој јавно го демантираше, шири лаги за блокирани ИПАРД средства во обид да ги манипулира земјоделците и повторно беше јавно демантиран, бидејќи средствата се на располагање на земјоделците.СДС и Филипче ниту се однесуваат, ниту делуваат проевропски. Декларативно се повикуваат на Европа додека се опкружени со криминалци, го поткопуваат демократскиот систем и работат спротивно на вредностите на вистината, одговорноста и достоинството“, се вели во соопштението.

Македонија | пред 3 седмици

ВМРО-ДПМНЕ: Филипче од Рим, преку Франкфурт, мисли за работниците и се секира за Македонија

Во соопштението од ВМРО-ДПМНЕ, тие обвинуваат дека лидерот на СДСМ, Венко Филипче, е лицемерен во своите настапи поврзани со работничките права и состојбата во државата.Според партијата, Филипче Први мај го поминал во странство, патувајќи преку повеќе европски дестинации, додека истовремено испраќал пораки за работниците и нивниот стандард во Македонија.Од ВМРО-ДПМНЕ оценуваат дека е непринципиелно да се говори за социјални и економски прашања од странство и тврдат дека таквиот пристап претставува недоследност и отсуство на вистинска грижа за домашните проблеми.Во соопштението се наведува дека немаат ништо против патувањата, но сметаат дека јавните настапи за работничките права треба да бидат придружени со директно присуство и активност во земјата.

Македонија | пред 3 седмици

СДС и Филипче се во тотален хаос, декларативно проевропски но реално без правец и стратегија , вели ВМРО-ДПМНЕ

Од ВМРО-ДПМНЕ соопштуваат дека СДС и нивниот лидер Венко Филипче се во состојба на политичка конфузија, без јасен концепт и стратегија, оценувајќи дека партијата делува изгубено и без политички правец.Според соопштението, критиките се однесуваат на настапите на Филипче, при што се наведува дека тој избегнува пратенички прашања, а наместо присуство во земјата, упатува пораки од странство.Од ВМРО-ДПМНЕ тврдат дека европската реторика на СДС е без суштинска содржина и дека зад неа стои политички опортунизам, без јасни позиции и „црвени линии“.Во реакцијата се наведува и дека дел од лица блиски до раководството на СДС наводно изнесуваат ставови кои ја релативизираат македонската историја и идентитет, на што, како што се тврди, раководството не реагира.Понатаму се обвинува дека имало неточни информации поврзани со европски претставници и со ИПАРД програмата, при што од ВМРО-ДПМНЕ тврдат дека тие биле демантирани и дека средствата за земјоделците се достапни.Од партијата оценуваат дека ваквото однесување не е во духот на европските вредности и дека граѓаните заслужуваат појасни позиции, одговорност и заштита на националните интереси.

Македонија | пред 3 седмици

„Гоце Делчев е мит“ - рече Рубин Земон кој предизвика политичка бура – СДСМ се оградува, ВМРО-ДПМНЕ напаѓа

Изјава на членот на Извршниот одбор на СДСМ, Рубин Земон, за улогата на Гоце Делчев предизвика силни реакции во јавноста и меѓу политичките партии. Земон во подкаст изјави дека „Гоце Делчев е мит“ и дека, според него, за македонскиот идентитет поголем придонес имаат личности како Крсте Мисирков и Димитрија Чуповски. Тој додаде дека Делчев „ништо не напишал“ и „не извојувал ниту една битка“, нагласувајќи дека темата треба да се разгледува на „објективно научно ниво“.Пратеничката од СДСМ, Славјанка Петровска, јавно се огради од ваквите ставови, потенцирајќи дека Гоце Делчев претставува „жива морална и национална вертикала“ врз која се темели македонската државност.„Почитта кон Гоце Делчев не е прашање на дневна политика. Таа е прашање на достоинство, историска свест и одговорност“, напиша Петровска, додавајќи дека ваквите позиции не смеат да бидат доведени во прашање.Од СДСМ, преку изјава на Јон Фрчкоски, посочија дека Земон се извинил за својата изјава и нагласија дека за партијата Делчев е „великан вкоренет во сè што сме денес“.„Гоце Делчев е најголемата и најзначајната историска личност за Македонија. Основоположник на идејата на ова што сме денес. (0:10) Човек со кој што ни почнува химната, великан. Колку и да не ми се допадна контекстот кога јас ја слушнав таа изјава, верувам на она што Рубин го напиша вчера, човекот се извини за таа изјава, објасни дека е извадено од контекст и дека доколку и некој ја интерпретирал така, тоа не било неговата намера, сакал да... Практично акцентира и други македонски значајни имења од тој период. Жално е на кој начин јавноста му одговори, Рубин беше уведваден и вреген по основна национална припадност и слично, (1:19) и тоа е страшно Ние стоиме за тоа што го кажува, а тоа е дека се извини за изјавата и контекстот во која што ја дадена“, вели Фрчкоски.Реакција стигна и од ВМРО-ДПМНЕ, од каде оценија дека изјавата на Земон е доказ за, како што наведуваат, „вистинските позиции“ на раководството на СДСМ во однос на идентитетските прашања.

Македонија | пред 4 седмици

ВМРО-ДПМНЕ: Филипче повторно избега од пратенички прашања и од Франкфурт праќа поздрави за работниците на Меѓународниот ден на трудот

Венко Филипче повторно се изгуби од јавноста. По денови и денови со секојдневни прес-конференции и јавни настапи, со критики за се и сешто, токму во моментот кога требаше да зборува од собраниската говорница, да испрати аргументирана критика и издржани прашања до претставниците на власта, Филипче повторно избега, велат од ВМРО-ДПМНЕ.„Вчера беше последниот четврток во месецот, резервиран за механизмот пратенички прашања, кога народните избраници имаат можност да упатат критики и да постават прашања до власта за сите нејаснотии и на лице место да добијат и одговори.Но, како и многу пати досега, пратеникот Филипче, наместо да остане во Собрание и да си ја сработи платата за што е платен од парите на граѓаните, тој повторно не се појави.Според нашите информации, додека во Собрание беше во тек седницата за пратенички прашања, наместо на говорница, Филипче бил на пат за Франкфурт, а во меѓу време, со лажна грижа за состојбите во државата, се јавува со статуси на социјалните мрежи.Згора на тоа, Филипче тера продолжен викенд во европска дестинација токму на меѓународниот ден на трудот, а заедно со СДС најгласни беа за правата и платите на работниците.Толку се грижат за работничките права СДС и Венко Филипче, што на нивниот ден ги оставаат сами на цедило, терајси одмори по европски дестинации.Едно сигурно, со статус на социјални мрежи сигурно ќе се јави да го честита празникот, лиејќи крокодилски солзи дека многу се грижи за работниците“, се вели во соопштението.

Македонија | пред 4 седмици

ВМРО-ДПМНЕ: Кој е Рубин Земон од СДС што вели дека Гоце Делчев е небитна тема, а расправата за македонскиот идентитет непотребна

ВМРО-ДПМНЕ во соопштение обвини дека во редовите на СДСМ се појавуваат ставови кои, како што наведуваат, го релативизираат значењето на македонската историја и националниот идентитет.Од партијата во соопштението посочуваат дека членот на Извршниот одбор на СДСМ, Рубин Земон, изнел ставови во јавноста поврзани со историски теми и идентитетски прашања, за кои ВМРО-ДПМНЕ тврди дека предизвикуваат реакции во јавноста.Во соопштение се наведува дека СДСМ и неговото раководство не се оградуваат од ваквите изјави, што, според ВМРО-ДПМНЕ, отвора прашања за внатрепартиските позиции по однос на националните теми.Во соопштението од ВМРО-ДПМНЕ додаваат дека ставовите на опозицијата во делот на уставните измени и европскиот процес покажуваат, како што велат, отсуство на јасни „црвени линии“.Партијата заклучува дека јавноста треба да добие појасни одговори за тоа кои се официјалните позиции на СДСМ по клучни државни и идентитетски прашања.

Македонија | пред 4 седмици

ВМРО-ДПМНЕ: Лагите на СДС и Филипче пукнаа како меур од сапуница, јавно потврден напредокот на Македонија и ИПАРД ставен на располагање на земјоделците

ВМРО-ДПМНЕ во своето соопштение обвини дека СДСМ и Венко Филипче изнесувале неточни информации во врска со напредокот на државата и состојбата со ИПАРД програмата, тврдејќи дека нивните наводи биле демантирани од европски институции.Од партијата во соопштението посочуваат дека од Брисел е потврдено оти средствата од ИПАРД повторно се достапни за македонските земјоделци, додека европратеникот Томас Вајц навел дека има напредок во спроведувањето на реформите.Според ВМРО-ДПМНЕ, изјавите што ги користела опозицијата биле застарени и не ја одразувале актуелната состојба. Воедно, тврдат дека претходно се ширела паника дека средствата се блокирани и недостапни.Од партијата во соопштението наведуваат дека Владата презела мерки по состојбите во платежната агенција, вклучително и контрола и комуникација со европските институции, по што, како што велат, било утврдено дека нема злоупотреби и дека процедурите се спроведени согласно закон.Во соопштението се додава дека Владата ќе продолжи со активности насочени кон реформите и евроинтегративниот процес, додека за опозицијата се оценува дека со своите настапи ја доведува во прашање сопствената кредибилност.

Македонија | пред 4 седмици

Мицевски: Државата има институционален капацитет за фер и демократски избори, техничката влада ги покажа слабостите, време е за укинување

На денешната собраниска седница се обрати Никола Мицевски, пратеник и  координатор на пратеничката група на ВМРО-ДПМНЕ, кој истакна дека државата има капацитет да организира фер и демократски избори, притоа наведувајќи дека техничката влада ги покажала своите слабости во минатото и треба да биде укината.Според него, првата техничка влада функционирала со одредени предизвици, но без сериозни нарушувања, за разлика од следните влади во кои, како што посочи, се појавиле „деформитети“ во работењето. Мицевски како преседан го посочи и разрешувањето на поранешната министерка за труд и социјална политика Рашела Мизрахи, оценувајќи дека тоа дополнително ја покажало нефункционалноста на техничката влада.„Првата техничка влада функционираше на начин на којшто функционираше со одредени проблеми во функционирањето помеѓу министрите и помошниците министри, меѓутоа беше влада во која што не се појавија деформитетите кои што се појавија во следните влади. И да не заборавиме, тогаш се направи првиот и најголем преседан, поради кој деформитетот на техничката влада требаше веднаш да биде ставен на гласање, односно да се укине, а тоа е што во тој период разрешивте актуелен министер, предложен од ВМРО ДПМНЕ во името, ликот и делото на Рашела Мизрахи за техничка влада за која што опозицијата во тој момент даде име. И веќе тука таа техничка влада почна да ги покажува своите аномалии за кои што постоеше. Да не заборавиме дека во неформални разговори сите вие до еден, ама сите до еден што сега сте опозиција, тогаш бевте на власт и имате давано свои видувања на целата работа и ставови. Дека техничката влада е непродуктивна, неконструктивна и ден порано треба да се укине. ВМРО ДПМНЕ и во фаза на опозиција го бараше ова. Да се потсетиме дека и во 2022 и 2023-та година како опозиција баравме укинување на техничката влада“, вели Мицевски.Тој истакна дека техничката влада е ад-хок решение од минатото и дека државата денес има институционален капацитет да организира фер и демократски избори без ваков модел. Притоа, посочи дека и меѓународните партнери ја препознаваат подготвеноста на институциите.„Конзистеноста на ставовите ВМРО ДПМНЕ ги продолжува и до ден денес, и а, морам да повторам дека таа техничка влада беше адхок решение за излез од кризата која што ја имаше во 2015та година, по 11 години Македонија мора да покаже и не само Македонија, тоа го покажуваат и нашите меѓународни партнери, дека сме способни да организираме фер избори без потреба на привремени вештачки пржински модели. Колеги од опозицијата, морам да ве потсетам, сведоци сте и вие, знае и македонската јавност, па Советот на Европа излезе со објаснување и не извади од постмониторинг процесот со што јасно укажа дека институциите во Република Македонија се спремни да ја водат оваа држава и да организираат фер и демократски избори“, рече Мицевски.

Македонија | пред 1 месец

Петрушевски: Филипче и СДС повторно демантирани и разобличени, овој пат од Томас Вајц и Брисел, ИПАРД програмата не е блокирана, Реформската Агенда има напредок

Од ВМРО-ДПМНЕ преку соопштение обвинуваат дека СДСМ и нивниот лидер Венко Филипче пласирале дезинформации во врска со ИПАРД програмата и напредокот на Реформската агенда.Според изјавата на прес-конференцијата на пратеникот Бране Петрушевски, тврдењата дека средствата од ИПАРД се блокирани се неточни и претставуваат, како што вели, обид за манипулација на јавноста и земјоделците. Тој посочува дека по случувањата во Платежната агенција, институциите презеле мерки, побарале контрола од Брисел и добиле извештај според кој системот функционира законски и без злоупотреби.Петрушевски на прес-конференцијата наведува дека реализацијата на ИПАРД програмата продолжува, спротивно на тврдењата на опозицијата.Во однос на Реформската агенда, тој се повика на изјава на европратеникот Томас Вајц, кој, според него, појаснил дека претходно цитирани ставови биле стари неколку месеци и дека земјава бележи напредок.Од ВМРО-ДПМНЕ во соопштението оценуваат дека ваквите, како што велат, неточни информации од СДСМ се дел од политичка стратегија, но додаваат дека тие брзо се демантираат.Петрушевски на прес-конференцијата истакна дека Владата ќе продолжи со реформите и евроинтегративниот процес, нагласувајќи дека напредокот бил позитивно оценет и од претставници на земјите членки на Европската Унија.

Македонија | пред 1 месец

ВМРО-ДПМНЕ: СДС штотуку на прес-конференција го призна постоењето на златната виза на Венко Филипче, истиот тој кој лицемерно и лажно бараше забрана за двојни пасоши

Од ВМРО-ДПМНЕ соопштуваат дека СДС, на денешна прес-конференција, индиректно го потврдил постоењето на таканаречена „златна виза“ поврзана со лидерот на СДСМ, Венко Филипче, оценувајќи дека тоа е во спротивност со нивните претходни јавни настапи во кои се барале ограничувања за двојни државјанства и патни документи.Во соопштението се наведува дека Венко Филипче има исклучително низок политички рејтинг и дека, како што тврдат од партијата, околу него постојат сериозни обвинувања поврзани со корупција, за кои, според нив, информации доаѓаат и од неговото најблиско опкружување.Од ВМРО-ДПМНЕ во соопштението оценуваат дека СДС реагира со „панични прес-конференции“ и обиди да се дистанцира од, како што велат, непријатните прашања поврзани со лидерот на партијата, особено во однос на причините и критериумите за добивање на ваков тип на виза.Понатаму, во соопштението се тврди дека граѓаните јасно ја препознаваат политичката состојба и дека одговорноста за проценка на политичарите е кај јавноста.Од партијата упатуваат и порака до СДС да предложи законски измени со кои, како што наведуваат, би се ограничило вршењето високи политички функции за лица со дополнителни државјанства или визи од други држави.Во завршниот дел од соопштението, ВМРО-ДПМНЕ повторно упатува критики кон СДС во однос на нивните политички и комуникациски активности, оценувајќи дека тие се обидуваат да го одвлечат вниманието од актуелните теми во јавноста.

Македонија | пред 1 месец

ВМРО-ДПМНЕ: СДС и Филипче повторно се на истата линија, власт по секоја цена со распродажба на националните интереси и штета на државата

Од ВМРО-ДПМНЕ во свое соопштение реагираат дека СДС и нивниот лидер Венко Филипче повторно се подготвени, како што велат, на политички отстапки на штета на државните и националните интереси, со цел да дојдат до власт.Во соопштението се наведува дека политиките на СДС се карактеризираат со, како што тврдат, компромиси и сервилност во однос на клучни прашања поврзани со јазикот, историјата и идентитетот, при што се обвинува дека партијата е подготвена да прифати туѓи наративи за сметка на националните интереси.Од ВМРО-ДПМНЕ оценуваат дека ваквиот пристап не е нов и го поврзуваат со претходни политички одлуки и отстапки, наведувајќи дека граѓаните се веќе уморни од, како што велат, „празни ветувања и политички пазарења“.Во соопштението се посочува и дека европската перспектива не треба да се гради преку отстапки што, според нив, ја доведуваат во прашање државната позиција, туку преку реални реформи и заштита на националните интереси.Од партијата заклучуваат дека, за разлика од СДС, ВМРО-ДПМНЕ води политика која, како што тврдат, ги штити достоинството и државните позиции на Македонија.

Македонија | пред 1 месец

Два жестоки шамари за Филипче, ИПАРД средствата ослободени, А Вајц со најнова изјава дека Владата испорачува, вели ВМРО-ДПМНЕ

Од ВМРО-ДПМНЕ соопштуваат дека средствата од ИПАРД програмата се целосно достапни за земјоделците и дека, според нив, нема блокади ниту неправилности во нивното користење. Партијата се повикува на, како што наведува, известување од Европската комисија и Генералниот директорат за земјоделство и рурален развој, во кое се констатира дека системот функционира и дека нема утврдени злоупотреби.Во соопштението се додава дека Владата реагирала навреме и побарала вонредна контрола од Европската комисија по одредени сомнежи поврзани со претходното работење на Платежната агенција, при што, како што тврдат од ВМРО-ДПМНЕ, резултатите од контролата потврдиле дека постапките се во ред и дека средствата никогаш не биле блокирани од Брисел.Партијата реагира и на изјавите на лидерот на СДСМ, Венко Филипче, обвинувајќи го дека погрешно ги интерпретирал и ги извлекол од контекст ставовите на европратеникот Томас Вајц. Според нив, Вајц во понова изјава нагласил дека има напредок во реформскиот процес и дека Владата испорачува резултати, додека претходно интервју, за кое се тврди дека било постаро, било погрешно претставено во јавноста, стои во соопштението.Од ВМРО-ДПМНЕ оценуваат дека Филипче пласира дезинформации и дека со тоа создава погрешна слика за состојбите, додека, како што наведуваат, институциите работат транспарентно и во интерес на земјоделците и евроинтегративниот процес, стои во соопштението.

Македонија | пред 1 месец

ВМРО-ДПМНЕ: СДС и Филипче уште еднаш се демантирани, средствата од ИПАРД програмата повторно се ставени на располагање на земјоделците

Во своето соопштение ВМРО-ДПМНЕ вели дека средствата од ИПАРД програмата повторно се целосно достапни за македонските земјоделци, без блокади и без утврдени неправилности.Од партијата во соопштението наведуваат дека Владата реагирала брзо и одговорно по случајот со поранешниот директор на Платежната агенција, при што бил побаран вонреден надзор од Европската комисија со цел целосно расчистување на состојбата.Според нив, деталната контрола покажала дека нема неправилности во постапките и дека системот функционира, што е потврдено од европските институции, стои во соопштението.ВМРО-ДПМНЕ во соопштението тврди дека средствата никогаш не биле блокирани од Брисел и дека спротивните информации, како што велат, биле неточни и штетни за земјоделците.Од партијата во соопштението додаваат дека Владата останува фокусирана на транспарентност, развој и поддршка на земјоделскиот сектор, додека СДС ја обвинуваат за ширење дезинформации и политички манипулации.

Македонија | пред 1 месец

ВМРО-ДПМНЕ: Филипче доби шлаканица од Вајц, европратеникот вели Македонија има напредок на патот кон ЕУ

Венко Филипче вечерва доби шлаканица и тоа директно од европратеникот и известувач за Македонија во Европскиот парламент, велат од владејачката ВМРО-ДПМНЕ.„Еве сега и ќе му објасниме на Филипче зошто се занимава со глупости.Прво, Вајц вечерва јасно кажа интервјуто е старо и оти дадено е пред седум недели.Второ, Вајц јасно се осврнува на напредокот на Македонија на патот кон Европската унија, односно на реализирање на европската агенда.Му даваме совет на Филипче ако сака да оди напред нека гледа напред, исто така ако сака да оди напред треба да ги следи навреме работите и да не шири лажни вести“, се вели во соопштението.

Македонија | пред 1 месец

ВМРО-ДПМНЕ: Средствата од ИПАРД програма повторно ставени на располагање на земјоделците, лагите на СДС по кој знае кој пат демантирани

Земјоделците повторно ќе можат да ги користат финансиските средства од ИПАРД програмата, соопшти ВМРО-ДПМНЕ.Од партијата во соопштението наведуваат дека Владата навремено реагирала и го активирала националниот механизам поврзан со случајот во Агенцијата за финансиска поддршка во земјоделството, по што била побарана вонредна контрола од Европската комисија.Според нив, деталната контрола покажала дека нема неправилности во постапките и дека системот функционира правилно, поради што средствата повторно се ставени на располагање, стои во соопштението.ВМРО-ДПМНЕ тврди дека Брисел никогаш не ги блокирал средствата, спротивно на тврдењата на опозицијата, која ја обвинува за ширење неточни информации кон земјоделците.Од партијата додаваат дека нивниот пристап бил насочен кон транспарентност, соработка со европските институции и заштита на средствата наменети за земјоделците, оценувајќи дека со тоа се демантирани, како што велат, обвинувањата од СДС.

Македонија | пред 1 месец

ВМРО-ДПМНЕ: СДС е неверојатно упорна во предавството и рушењето на државните позиции и затоа кога не помагаат, барем конечно да престанат да прават штета

ВМРО-ДПМНЕ во своето соопштение ја обвини СДС дека со своите позиции ѝ нанесува штета на државата и побара, доколку не придонесува, барем да престане со, како што наведуваат, погрешни политики.Од партијата реагираат дека тезите за „изолација“ се обид за создавање погрешна слика, нагласувајќи дека актуелната позиција на државата е јасна – нема понатамошни отстапки без конкретни гаранции. Според нив, станува збор за пристап изграден врз искуствата од изминатите три децении.Тие во соопштението посочуваат дека европскиот пат не смее да подразбира нови условувања и понижувања во секоја фаза, додавајќи дека затоа ставот е непроменет: уставни измени без гаранции и предвидлив процес нема да има. Оценуваат дека тоа што СДС го нарекува „блокада“ е обид државата конечно да постави јасни правила во процес кој, како што велат, со години бил еднострано воден.Во соопштението се отвораат и прашања за досегашните резултати од политиките на СДС, меѓу кои зошто, и покрај склучените договори, државата сè уште е заглавена на европскиот пат и зошто нема предвидливост во процесот.Од ВМРО-ДПМНЕ во соопштението наведуваат дека Македонија е во специфична позиција, со преговори што опфаќаат идентитетски прашања надвор од вообичаените европски критериуми, процес што се менува во тек и без јасна временска рамка. Според нив, токму затоа е неопходно обезбедување гаранции, кои, како што велат, се во интерес на државата.

Македонија | пред 1 месец

Петрушевски: Филипче и СДС за власт се спремни да го продадат македонскиот јазик, култура и идентитет

Пратеникот од ВМРО-ДПМНЕ, Петар Петрушевски, упати остри обвинувања кон СДСМ и нивниот лидер Венко Филипче, тврдејќи дека партијата е подготвена да прави отстапки на штета на македонскиот идентитет само за да дојде или остане на власт.Во изјавата се наведува дека, како што тврди Петрушевски, „лојалноста на СДСМ кон бугарски политички структури“ се зголемува, што, според него, негативно влијае врз македонските позиции во меѓународните преговори.Тој ги обвини СДСМ дека немаат проблем со различни интерпретации на македонската историја и идентитет, наведувајќи дека за партијата, како што рече, приоритет е власта, а не државните интереси, стои во соопштението.Петрушевски исто така ги повтори критиките поврзани со евроинтеграциите, тврдејќи дека СДСМ со години ја менувала реториката околу условите за членство во Европската Унија, при што, според него, граѓаните биле доведувани во заблуда, стои во партиското соопштение.На крајот, тој порача дека, како што рече, „времето на политички лаги е завршено“ и дека актуелната власт води политика базирана на резултати и реформи, стои во соопштението.

Македонија | пред 1 месец

ВМРО-ДПМНЕ: СДС да се соземе и да престане да се глупира, нивните соопштенија и тези се навреда за граѓаните

ВМРО-ДПМНЕ во соопштение упати остри критики кон СДСМ, оценувајќи дека нивните соопштенија и политички тези се несериозни и навредливи за граѓаните.Во партиското соопштение се наведува дека СДСМ треба „да се соземе и да престане со вакви настапи“, кои, како што велат од ВМРО-ДПМНЕ, придонесуваат за деградирање на политичката култура во државата.Од партијата во соопштението додаваат дека ваквите јавни пораки претставуваат „самопонижување“ и дека се штетни за државата, обвинувајќи ја опозициската партија дека со своето делување оди во насока на сопствено политичко слабеење.Во соопштението се упатуваат и критики дека СДСМ, како што тврдат од ВМРО-ДПМНЕ, функционира под влијание на „криминални структури и идеолошки влијанија“, што дополнително, според нив, ја поткопува довербата во партијата.ВМРО-ДПМНЕ заклучува дека ваквиот начин на политичка комуникација не придонесува за дебата во интерес на граѓаните и ја нарушува политичката култура, стои во соопштението.

Македонија | пред 1 месец

Петрушевски: Филипче прво да ја стави СДС на нозе, да престане да му слугува на Заев и да лаже

Пратеникот од ВМРО-ДПМНЕ, Петрушевски, упати критики кон лидерот на СДСМ, Венко Филипче, оценувајќи дека наместо да зборува за европската интеграција, треба прво да ја консолидира својата партија и да престане, како што рече, со служење на поранешниот премиер Зоран Заев, стои во партиското соопштение.„Филипче прво да ја стави СДС на нозе, да престане да му слугува на Заев и да лаже. ВМРО-ДПМНЕ не е против ЕУ, туку против лоши договори и неефикасни политики кои се слика и симбол на СДС“, изјави Петрушевски.Тој нагласи дека Европската унија, како што рече, бара конкретни реформи и резултати, а не само политичка реторика, посочувајќи дека дел од ставовите на СДСМ не се во насока на европските стандарди, стои во соопштението.Петрушевски додаде дека ВМРО-ДПМНЕ останува посветена на европската интеграција, но со „достоинствено преговарање, јасни позиции и реални реформи“, стои во соопштението.„Граѓаните сакаат во ЕУ, но сакаат достоинствено“, порача тој.

Македонија | пред 1 месец

Филипче: Младите се иселуваат и вадат бугарски пасоши, тоа е националната политика на ВМРО!

Претседателот на СДСМ д-р Венко Филипче, на денешната национална дебата за улогата на Собранието во процесот на пристапување кон Европската Унија, организирана од Институтот за европска политика, изјави дека европскиот пат на државата е запрен поради актуелните политики на власта, а младите сè повеќе се иселуваат.Тој оцени дека, како што рече, со новата партиска структура во власта е создадена состојба во која граѓаните биле убедени дека европските договори претставуваат национално предавство, што според него не е точно. Филипче додаде дека на тој начин се создава страв кај граѓаните околу уставните измени и нивното влијание врз јазикот и идентитетот, и нагласи дека тие, како што рече, не носат никаква закана за националните одредници.Тој посочи дека државата има потпишано договор со Европската Унија на македонски јазик, без фусноти и дополнителни објаснувања, оценувајќи дека тврдењата за загрозеност на јазикот се неосновани. Според него, блокадата на европскиот процес произлегува од политички интереси на власта, со цел, како што рече, одржување контрола без надворешен надзор и влијание врз институциите.Филипче обвини дека постои политичко влијание врз правосудството и медиумите и додаде дека ваквата состојба ја поттикнува недовербата кај граѓаните. Тој исто така предупреди на зголемено иселување на младите, наведувајќи дека голем дел од нив се подготвуваат да заминат во странство, при што дел бараат и странски пасоши.Според него, продолжувањето на евроинтеграциите преку уставни измени е клучен чекор за отворање на преговорите со Европската Унија и користење на европските фондови за развој на државата, инфраструктурата, образованието и здравството. Филипче порача дека без политичка волја за суштински реформи, формалните институционални подготовки нема да имаат ефект.Тој истакна дека по промените на Уставот, процесот на преговори би можел да се одвива по поглавја, што, според него, би донело поголем напредок и економски придобивки за државата.

Македонија | пред 1 месец

(Видео) Стојаноски: Нема привилегии со новите измени за јавно-приватни партнерства

Пратеникот од ВМРО-ДПМНЕ, Бојан Стојаноски, изјави дека предложените измени на Законот за концесии и јавно-приватно партнерство имаат за цел модернизација на системот, но без отворање простор за привилегии или директно доделување договори.Според него, измените не го менуваат основниот модел на јавно-приватно партнерство, туку воведуваат можност за поголема ефикасност и пристап до иновации.„Овие измени не го менуваат основниот модел на јавно-приватно партнерство, ниту ја нарушуваат транспарентноста и јавната контрола“, изјави Стојаноски.Клучната новина, како што појасни, е можноста приватниот сектор да поднесува самоиницијативни предлози за проекти од јавен интерес.„Со предложените измени се воведува можност приватниот сектор да поднесува самоиницијативни предлози за јавно-приватни партнерства“, рече Стојаноски.Тој нагласи дека ваквите предлози не значат автоматско добивање договор или концесија.„Подносителот на иницијативата не добива автоматско право на договор, не добива гаранција за победа на јавната набавка, не добива директна концесија“, изјави Стојаноски.Во случај предлогот да биде прифатен, постапката, како што посочи, останува целосно јавна и конкурентна.„Доколку се отвори постапка, таа е целосно јавна, конкурентна и достапна за сите економски оператори под исти услови“, додаде тој.Стојаноски појасни дека измените предвидуваат и ограничени механизми за надомест на трошоци или израмнување на понуди, но само во строго дефинирани ситуации и без гаранции за избор.Како суштина на измените, тој ги наведе побрзото препознавање на инфраструктурни проекти и поголемото користење на приватната експертиза.„Идејата може да дојде од приватниот сектор, но одлуката останува исклучиво на државата“, истакна Стојаноски.

Македонија | пред 1 месец

Петрушевски со обвинувања кон Филипче: „Му штети на евроинтегративниот процес“

Пратеникот од ВМРО-ДПМНЕ, Бране Петрушевски, упати остри обвинувања кон лидерот на СДСМ, Венко Филипче, оценувајќи дека со своето делување ја попречува евроинтеграцијата на државата и работи под влијание на поранешниот премиер Зоран Заев.Во својата изјава, Петрушевски тврди дека Филипче избегнува клучни теми поврзани со реформите и дека, како што вели, постапува во интерес на Заев.„Секој ден сведочиме дека Венко Филипче е слуга на Зоран Заев. Зошто? Затоа што само бара изговори, бега од теми како реформската агенда, само за да му поминува бизнисот на газда Заев“, изјави Петрушевски.Тој посочи дека наместо поддршка за законските измени и реформските процеси, СДСМ, според него, се фокусира на обвинувања.„Наместо поддршка за реформи, за законски измени како оние секој пратеник да има само македонско државјанство, тие обвинуваат“, рече Петрушевски.Во изјавата беа изнесени и лични квалификации за Филипче.„И тоа кој обвинува? Лица кои се дел од СДС чиј самонарачен претседател, а реално слуга на Заев, Филипче дома му е Дубаи и Обединетите Арапски Емирати“, изјави Петрушевски.Пратеникот додаде дека, според него, политиките на СДСМ во минатото довеле до корупција и застој во реформите.„Токму тие двајца го водеа системот кога СДС беше на власт, а на граѓаните им ветуваа правда, подобар живот, европска иднина. А, на што сведочеа граѓаните? На корупција, криминал, правосуден систем кој функционира по нивни диктат и секако многу лаги“, посочи Петрушевски.Според него, актуелната власт предводена од ВМРО-ДПМНЕ работи на враќање на државата на, како што наведе, „вистинскиот пат“, додека делувањето на Филипче, според Петрушевски, ги попречува демократските процеси и напредокот на земјата.

Македонија | пред 1 месец

Измените на Законот за минерални суровини ја зајакнуваат заштитата на животната средина, велат од ВМРО-ДПМНЕ

Владејачката ВМРО-ДПМНЕ тврди дека предложените измени на Законот за минерални суровини не претставуваат закана за животната средина, туку напротив, ги зајакнуваат механизмите за нејзина заштита и ја зголемуваат улогата на државата во управувањето со ресурсите од стратешко значење.Од партијата нагласуваат дека измените се ограничени по опфат и се однесуваат исклучиво на јавни претпријатија и субјекти врз кои државата има директна или индиректна контрола, како и на минерални суровини од јавен интерес, пред сѐ енергетски ресурси како јагленот.„Предлог измените на Законот за минерални суровини не се закана за животната средина, затоа што на сила остануваат сите постојни механизми за нејзина заштита“, соопштија од ВМРО-ДПМНЕ.Во реакцијата се посочува дека не се менуваат еколошките стандарди, ниту се укинува обврската за изработка на студии за влијание врз животната средина, како и дека не се намалуваат механизмите за инспекциски надзор.„Важно е да се напомене дека во ниеден случај не се менуваат еколошките стандарди, не се укинува обврската за студии за влијание врз животната средина, не се намалуваат механизмите за инспекциски надзор и контрола и не се отвора простор за неконтролирано доделување концесии на приватни субјекти“, наведуваат од партијата.Според нив, измените предвидуваат Владата да дава претходна согласност при доделување концесии за детални геолошки истражувања за одредени категории минерални суровини од јавен интерес, што, како што оценуваат, значи повисоко ниво на одлучување и поголема институционална одговорност.Дополнително, измените овозможуваат во постапката за добивање дозвола за експлоатација да се земе предвид и одлука за поведување постапка за експропријација, но само во случаи на проекти од јавен интерес.„Ова не е олеснување на процедурите, туку вклучување на највисокото ниво на одлучување, што значи поголема одговорност и институционална контрола“, наведуваат од ВМРО-ДПМНЕ.Од партијата додаваат дека целта е надминување на административните пречки кои досега ја отежнувале реализацијата на проекти, особено во енергетиката, при што се задржуваат високите стандарди за заштита на животната средина.„Сето ова не значи либерализација, туку поефикасни постапки, повисоко ниво на контрола на државата, високи еколошки стандарди и зајакнати механизми за заштита на животната средина“, порачуваат од ВМРО-ДПМНЕ.

Свет | пред 1 месец

Филипче работи под влијание на Заев и го блокираат евроинтегративниот пат, вели ВМРО-ДПМНЕ

Владејачката ВМРО-ДПМНЕ обвини дека СДСМ и нејзиниот претседател Венко Филипче со своето политичко делување го блокираат евроинтегративниот пат на државата, оценувајќи дека нивните позиции се мотивирани од поранешниот лидер Зоран Заев.Од ВМРО-ДПМНЕ тврдат дека Филипче делува под влијание на Заев и дека неговите јавни настапи се засилени по неодамнешните политички случувања.„Зоран Заев инспирација и мотив за политичкото делување на Венко Филипче, кое секако не е во корист ниту на СДС, ниту на државата“, соопштија од ВМРО-ДПМНЕ.Во реакцијата се наведува дека Филипче, како што тврдат, отстапил од претходните ставови поврзани со заканите за напуштање на Собранието доколку се укине техничката влада.„Од толку прес-конференции и јавни појавувања, почна и да ретерира од партиските ставови, конкретно од заканите кои ги упати пратеникот Митко Трајчулески, дека ако се укине техничката влада, ќе излегле од Собрание и нема да учествуваат во изготвувањето на реформските закони“, се наведува во соопштението.Од партијата оценуваат дека ваквото повлекување е позитивен чекор, но истовремено тврдат дека СДС и понатаму се спротивставува на реформите.„Тоа што се потврдува и што е неспорен факт, СДС и Филипче никако да направат нешто добро за Македонија, за своите лични, партиски и бизнис интереси, се противат на сѐ што значи реформа и напредок на државата“, наведуваат од ВМРО-ДПМНЕ.Според нив, заканите за напуштање на Собранието и работните групи за реформските закони директно влијаат врз процесот на усогласување на законодавството со Европската Унија.„Со ваквото служење на Заев, наместо на државата, се покажува дека СДС и Филипче поддржуваат корупција, криминал, национални предавства“, се додава во реакцијата.Од ВМРО-ДПМНЕ порачуваат дека ваквото политичко однесување, според нив, го забавува напредокот на државата кон Европската Унија и претставува сериозна пречка за реформските процеси.

Македонија | пред 1 месец