„Стоп за Вардариште“ - Депонијата нема ограда!

Граѓанската иницијатива „Стоп за Вардариште“ која и денеска го блокираше мостот „Близнак“, посочи дека депонијата е без ограда, и дека повтрон е има отпад.Велат дека биле во посета на депонијата но не им било дозволено да влезат внатре, однадвор виделе противпожарно возило и полициско присуство што обезбедува, само од една страна, а на другиот крај, од каде што исто така може лесно да се пристапува имало купишта железен отпад.-Единствена подршка досега имале единствено од актуелниот градоначалник на Аеродром Дејан Митески кој денеска беше присутен на собирот.Митески потенцира дека Вардариште првенствено е градска депонија но е во постојана комуникација со релевантните институции, за трајно решавање на проблемот.

Скопје | пред 2 месеци

„Со лесно и Господ на помош“, им порача градоначалникот Костадинов на кандидатите

Актуелниот градоначалник на Струмица, Костадин Костадинов, на сите кандидати за градоначалник на Струмица, им посака среќа и им порача дека Струмица секогаш била пример за фер натпревар на идеи.„Денес започнува официјално кампањата за претстојните локални избори, период во кој нашата демократска зрелост повторно ќе биде ставена на тест. Струмица секогаш била пример за политичка коректност и фер натпревар на идеи. Овие избори, особено за нашиот град, се различни од сите претходни. Токму затоа, најважно е сите кандидати и за градоначалници и за советници да се насочат кон локалните предизвици и решенија, наместо кон национални или, уште полошо, меѓународни теми. Нашиот град има потреба од визија и континуиран развој. Визионерството понекогаш знае да биде сурово, бидејќи одлуките што се носат можат да изгледаат тешки и непопуларни. Но важно е тие одлуки искрено да се прикажат пред граѓаните, дури и кога во очите на градоначалникот изгледаат сурови. Само така може да се обезбедат трајни резултати и стабилна иднина. Одрекувањето или оградувањето од визионерските проекти не му носи добро на никого, напротив ја поткопува довербата и најмногу им штети на граѓаните.Струмица отсекогаш била пионер на прогресивни политики и проекти, од времето на Манолев, преку Грчев, Јанев, Заев и Јаневски, па сè до денес. Освен со прогресивноста, нашиот град се гордее со дух на мирољубие, вистинска еднаквост и инклузија на етничките малцинства, афирмација на жената и нејзината улога во општеството, зачувување на традиционалните и духовни вредности, развој на културата и спортот, сè што ја прави Струмица посебна. На сите кандидати им посакувам фер и коректна кампања. Нека победи вистинската визија, визијата на човек кој уште денес треба да има јасна слика за тоа како ќе изгледа Струмица по четири години, на денот кога ќе треба достоинствено да ја предаде должноста“ порачува актуелниот градоначалник на Струмица.Со лесно и Господ на помош, напиша тој.

Македонија | пред 2 месеци

ОБСЕ ја истражува цензурата врз Левица

Адвокат Катерина Јовановска - како претставник на правниот тим на Левица, оствари средба со Радивоје Грујич - правен аналитичар во ОБСЕ-ОДИХР, соопшти Левица.-На средбата се дискутираше за правните механизми кои Левица како политичка партија досега ги превзема во врска со контроверзното Упатство за радиодифузерите за Локалните избори 2025 година донесено од ААВМУ, со кое ПП Левица е директно оштетена на начин што и е ЗАБРАНЕТО политички да се рекламира на медиумите во текот на целата кампања, како и за правните чекори кои Левица ќе ги превземе во иднина со цел заштита на своето уставно право на политичко организирање и дејствување.Средбата беше многу конструктивна и двете страни изразија желба за понатамошна соработка со цел навремено информирање во однос на исходот од судските постапки, како и постапките кои што се водат пред другите надлежни институции во Република Македонија и евентуално пред Европскиот суд за човекови права во Стразбур, се наведува во партиското соопштение.

Македонија | пред 2 месеци

Кандидатот за градоначалник на Скопје, Орце Ѓорѓиевски вечерва ќе ја претстави програмата пред скопјани

Денеска почнува изборната трка за локалните избори: ВМРО-ДПМНЕ ја стартува кампањата со митинг во Скопје. Вечерва во 19:00 часот, во Спортскиот центар „Јане Сандански“, партијата го одржува почетниот собир.Говорници ќе бидат претседателот на ВМРО-ДПМНЕ Христијан Мицкоски, кандидатот за градоначалник на Град Скопје Орце Ѓорѓиевски и носителот на листата на советници за Град Скопје Даме Димитровски.Првиот круг од локалните избори ќе се одржи на 19 октомври.

Скопје | пред 2 месеци

Нова етапа на жестоки судири во Србија, студенти и поддржувачи на власта излего на улиците

Во Србиј синоќа протести и контрапортести: студентите и граѓаните кои пред РТС и низ повеќе градови излегоа со барања за правда и промени, и симпатизерите на владејачката СНС кои организираа контрамитинзи на над 200 локации. Во Белград, демонстрантите најавија масовен собир пред јавниот сервис и блокираа повеќе сообраќајници, обвинувајќи дека РТС е претворен во мегафон на власта.Сликата на терен уште повеќе го нагласи впечатокот за селективно известување. Државните медиуми речиси и да не информираа за протестите, додека според Н1 полицијата насилно ги потиснувала граѓаните кои им даваа поддршка на студентите, ограничувајќи им го пристапот. Во исто време, учесниците на собирите на СНС слободно маршираа низ центарот. Пред зградата на јавниот сервис е приведено едно лице, а на дел од партиските митинзи се појавија и високи функционери.Тензии имаше и надвор од главниот град. Во Богатиќ, двајца полицајци беа повредени при судир со присутни граѓани, а во Чачак, според извештаите, две лица завршија претепани од полицијата со пендреци. На повеќе локации органите на редот интервенираа за да ги раздвојат колоните и да спречат директни судири.Овие паралелни собири отвораат нова нервозна изборна фаза во земјата. Студентските протести ја ставаат под лупа улогата на јавниот сервис и полициските постапки, а власта одговара со масовна мобилизација и демонстрација на партиска сила. Нови собири се веќе најавени, со неизвесен развој и сè погласни барања за еднакви услови и транспарентен медиумски простор.

Свет | пред 2 месеци

Молдавија ветува членство во ЕУ по победата на проевропската партија на Маја Санду

Владејачката, проевропска Партија за акција и солидарност (PAS), предводена од претседателката Маја Санду, успеа да го задржи парламентарното мнозинство на вчерашните избори. По преброени повеќе од 98 отсто од гласачките ливчиња, PAS бележи резултат од 49,6 отсто од гласовите. Прорускиот Домољубив блок, предводен од поранешниот претседател Игор Додон, освојува околу 24,5 отсто, покажуваат податоците на Централната изборна комисија.Овие парламентарни избори во една од најсиромашните земји во Европа, претежно земјоделска и сместена меѓу Романија (членка на ЕУ) и Украина, се оценуваат како пресудни за идниот курс на Молдавија. Земјата со население од околу 2,4 милиони жители има статус на кандидат за членство во Европската Унија од 2022 година.Санду изрази надеж дека парламентарното мнозинство на проевропските партии ќе овозможи континуитет на реформите неопходни за приближување кон Европската Унија. Сепак, Партијата за акција и солидарност (PAS) доби помалку поддршка во споредба со изборите од пред четири години.Властите во Молдавија уште пред изборниот ден ја обвинија Русија за масовно мешање во кампањата преку купување гласови, дезинформации на социјалните мрежи и хакерски напади. Покрај Домољубивиот блок, во парламентот ќе имаат свои претставници и другите партии со проруска ориентација: блокот Алтернатива со освоени 8,1 отсто од гласовите и Нашата партија на бизнисменот Ренат Усати со 6,2 отсто. Парламентот брои 101 пратеник избран на четиригодишен мандат.Изненадувачки, и Партијата Демократија дома (PPDA), која првично се залагаше за обединување со Романија, ја надмина цензусната граница и обезбеди 5,7 отсто од поддршката.

Свет | пред 2 месеци

(Видео) Сашко од Радовиш на раце го носат пред Комисијата за здравство за да се уверат дека е инвалид, одбиен е неколкупати за семејна пензија

Трипати, Сашко Аврамовски, лице со тежок инвалидитет, е носен за Скопје за да си го оствари правото за инвалидска пензија која му следува од неговиот починат татко, тврдат неговите пријатели. Затоа, пријатели и кошии мора да го симнат на раце, бидејќи живее на повисок кат во зграда без лифт.Сепак, и покрај тоа што трипати се обидувал, тој бил одбиен од службите.„Денеска ме одбија демек немам документ. Демек, во документот стоело само за нега и мобилност, а од долу пишува и за семејна пензија“, рече Аврамовски.Испратен е и апел.„Дечкото според закон му следува и семејна пензија, тој е со траен ивалидитет. Службите си подигруваат со него. Веќе 21 месец. Редно е службите од градот да излезат и да го погледнат. Апел до премиерот, минситерот, градоначалникот да дојдат да го видат и да го средат случајот“, вели лицето кое му помага на Аврамовски.ВИДЕОТО ПОГЛЕДНЕТЕ ГО ТУКА.

Настани | пред 2 месеци

Тетовец ги обоил со црвена боја регистарските таблички на својот мерцедес, полицијата го уапси

Лишен е од слобода тетовец кој ги обоил со црвена боја регистарските таблички и вградил флешери.На 25.09.2025 во 16:40 часот поради сторени сообраќајни прекршоци по член 139 точка 11, член 36 точка 5 од Закон за возила и член 225 точка 9 од Закон за безбедност на патниот сообраќај, полициски службеници од Полициското одделение Теарце го приведоа Р.Љ.(56) од Тетово, кој се движел со патничко моторно возило „мерцедес“ со тетовски регистарски ознаки.Од него се одземени преправени регистарски таблички и вградени светлосни сигнали флешери, а по документирање на случајот ќе му бидат изготвени соодветни поднесоци, соопшти МВР.

Македонија | пред 2 месеци

МВР: Дисциплинска постапка за 11 полициски службеници од СВР Велес по смртта на Росица Коцева

Министерството за внатрешни работи ја известува јавноста дека по насока на министерот Панче Тошковски, Одделот за внатрешна контрола, криминалистички истраги и професионални стандарди изврши детални проверки во врска со постапувањето на Секторот за внатрешни работи Велес по сите настани кои биле пријавени од страна на жртвата Росица Коцева.Во најголемиот дел од случаите полицијата постапила согласно законските процедури, за што била поднесена и кривична пријава против пријавениот, која заврши со условна пресуда во судска постапка. Сепак, внатрешната контрола утврди дека во дел од претходните пријави на жртвата не било постапено целосно согласно законските обврски и процедурите.Врз основа на извршените проверки поднесен е предлог за поведување на дисциплинска постапка за 11 лица вработени во СВР Велес, а за утврдените наоди писмено е известено и Јавното обвинителство за натамошно постапување во рамки на нивната надлежност.Министерството за внатрешни работи останува посветено на транспарентност, професионалност, отчетност и одговорност и во тој контекст ќе продолжи со унапредување на процедурите и отстранување на системските недостатоци за поголема ефикасност на полицијата во заштитата на граѓаните.

Македонија | пред 2 месеци

Ученик на пракса паднал од 7 метри на градилиште во Охрид, кривична за сопственикот на фирмата

Ученик на пракса во охридска фирма заврши во болница откако паднал од седум метри височина на градилиште во населбата Бејбунар – сопственикот на фирмата се соочува со кривична пријава за повреда на работничките права и непреземање мерки за заштита при работа, соопшти МВР.-СВР Охрид поднесе кривична пријава против правно лице од Охрид и сопственикот П.С.(48) од Охрид поради постоење основи на сомнение за сторени кривични дела „повреда на правата од работен однос“ и „непреземање мерки за заштита при работа“. П.С. како сопственик на правното лице, не се придржувал кон Законот за засновање и престанок на работниот однос кон малолетник-ученик од Охрид, кој изведувал пракса во правното лице, не се придржувал кон Законот и колективниот договор за мерките за заштита при работа, односно не му обезбедил заштита при извршување на работните ангажмани на практикантот, поради што малолетникот паднал од околу седум метри висина на објект во изградба во охридската населба Бејбунар, вела од МВР.

Охрид | пред 2 месеци

Тепачка среде бел ден меѓу две девојки, се пресметале во Градскиот парк

Две девојќи физички се пресметале вчера во Скопје, среде бел ден.На 25.09.2025 во 15:10 часот во СВР Скопје е пријавено дека во Градскиот парк во Скопје бил нарушен јавниот ред и мир со физичка пресметка помеѓу В.Т.(27) и С.Б.(31), двете од Скопје. По целосно документирање на случајот ќе следува соодветен поднесок, соопшти МВР.

Скопје | пред 2 месеци

Апасиев: По налог на Мицкоски, само на Левица и е забрането рекламирање - Уставниот суд веднаш да се изјасни

,,Оваа прес - конференција ја свикавме по повод скандалозното и досега невидено однесување на органите на власта спрема една парламентарна и регистрирана политичка партија, во случајот тоа е Левица, кога од сите вонпарламентарни и парламентарни партии за прв пат во историјата на независна Македонија само на една партија и е забрането политичко претставување, односно платено рекламирање во приватните медиуми", истакна на денешната прес - конференција, Претседателот на Левица, пратеникот, проф. д-р Димитар Апасиев.,,Скандалот да е уште поголем - не само што ни се забранети државните пари кои по закон ни следуваат, туку и доколку би имале наши пари, ние ќе не можеме да се рекламираме, затоа што со едноставно пропуштање, односно неспоменување во четирите законски предвидени пакети, ние сме изоставени комплетно како да не постоимe на политичката сцена", појасни лидерот на Левица, Димитар Апасиев.Апасиев рече дека ова е директна последица и пратен абер директно од премиерот преку неговиот подлизурко Зоран Трајчевски, ,,вечити" директор на АВМУ, којшто на овој начин се обидува да ù ги скратат крилата на Левица. ,,Сакаме да им порачаме дека ова нема да помине, напротив, ќе има обратен ефект на бумеранг, бидејќи народот гледа како на една партија и се прави класична неправда! A во меѓувреме ние се екипиравме со адвокатски тим, ќе поднесеме ,акцио популарис', односно тужба со временa мерка за стопирање на ова упатство и бараме од Уставниот суд веднаш уште денес да се произнесе со временa мерка, затоа што не знам дали знаете - три случаи досега вакви имало и Уставниот суд прави финта, а тоа е дека кога поднесуваме ние претставка или иницијатива, тој го става актот за гласање во декември и констатира многу бегло дека актот повеќе не е во сила и нема што да оценува", потенцираше тој. ,,Предосеќам, како професор по право, дека овој случај ќе заврши во Стразбург, но тоа би траело две-три години од сега, така што штетата која сега ни е нанесена, ние парично ќе ја вратиме по две-три години, но ќе биде удар врз демократиjата во Република Македонија. Сакаме да порачаме дека Левица не се откажува ниту правно, ниту политички и дека Левица на овие локални избори ќе го достигне својот историски максимум, така што не можете да спречите пролет, дури и да ги искорнете сите кокичиња!", поентираше Претседателот на Левица.

Македонија | пред 2 месеци

Манасиевски: Листите на СДС во Струмица полни со насилници и тепачи

Соочени со фактот дека ја губат општината, СДС во Струмица шири страв и трепет, а листите за советници им се полни со насилници, изјави денеска Валентин Манасиевски, член на Централниот комитет на ВМРО-ДПМНЕ.„Откако вчера македонската јавност увиде на каков начин СДС владее во Струмица, од партијата нема осуда, ниту оградување“, рече Манасиевски.Тој праша каков пример даваат на младите Христијан Ефтимов и Илија Стојанов, кои, како што нагласи, крвнички тепале странски државјани во Струмица. „Зарем така треба да се однесуваме со туристите во државава? Исто така, дали судството ги штити овие две лица бидејќи сè уште нема постапено?“, додаде тој.Манасиевски посочи дека тие двајца не се први ниту последни кои имаат кривични пријави во советничката листа на СДС во Струмица. „За носителот на листа, Миле Гогов има кривична за загрозување на сигурност, додека за Шефкет Асанов има прекршочна за насилство и нарушување на јавен ред и мир. Исто така, и тука прашуваме дали судството има реагирано? Или за членови на СДС тоа не важи?“, рече Манасиевски.„Од сето ова можеме да заклучиме дека СДС во Струмица кандидира насилници и тепачи на кои досиејата им се полни со кривични пријави и заштитени од судството, затоа што се чеда на Заев. На Струмица не ѝ требаат тепачи и насилници, на Струмица ѝ е потребна вистинска промена“, истакна Манасиевски.

Македонија | пред 2 месеци

Марк Цукерберг сака да инвестира во Бугарија

Матичното претпријатие на Фејсбук – Мета на Марк Цукерберг е заинтересирано за инвестирање во Бугарија, изјави бугарскиот премиер Росен Жељазков по средбата со претставници на технолошкиот гигант.Според премиерот Жељазков, главна тема на неговиот разговор со претставниците на Мета беа можностите што може да ги обезбеди нашата земја.„Разговаравме за потенцијалот што го има земјата. Тој главно се состои од енергетски капацитети. Нашата амбиција е, наместо да бидеме едноставен извозник на електрична енергија, да го искористиме производството на истата од сите извори, вклучувајќи ги и можностите за балансирање на енергијата што ги имаме, за изградба на центри за податоци – предуслов за што е добра оптичката поврзаност и човечкиот потенцијал што го имаме“, објави Телеграф.бг.Од своја страна, претставниците на матичната компанија на Фејсбук ја запознаа бугарската делегација со нивните инвестициски намери во Европа, наведувајќи дека потенцијалните инвестиции во Бугарија се можни по 2028 година.Премиерот Жељазков рече дека е важно за Бугарија да ги комбинира интересите на американскиот бизнис, производителите на опрема и крајните корисници

Свет | пред 2 месеци

(Фото) Унгарски „Грипени“ пресретнале руска борбена формација над Балтичкото Море

Нова драма се случила над Балтичкото Море вчера, кога унгарски борбени авиони, стационирани во Литванија, пресретнале група од пет руски воени авиони кои се приближувале кон воздушниот простор на НАТО, соопшти Алијансата.Според информациите, станувало збор за формација составена од еден Су-30, еден Су-35 и три ловци МиГ-31. Бидејќи авионите не ги почитувале меѓународните протоколи за безбедност на летовите, активирана била брза реакција во рамките на мисијата на НАТО за воздушен надзор.Унгарските ловци ЈАС 39 „Грипен“ полетале од база во Литванија и ги пресретнале руските авиони западно од брегот на Латвија. По визуелната идентификација и следење, руската група се повлекла, а унгарските авиони безбедно се вратиле во базата.Од НАТО потсетуваат дека мисијата за надзор на воздушниот простор е постојана, 24-часовна операција чија цел е заштита на територијата и границите на Алијансата од неовластени или потенцијално опасни летови.Ваквите интервенции се опишуваат како рутински, но неопходни за одржување на безбедноста и интегритетот на воздушниот простор. Пресретнувањата во Балтикот се чест феномен, бидејќи руските воени авиони редовно летаат без план за лет, без активиран транспондер и без контакт со цивилната контрола на летање.Последниот инцидент доаѓа во услови на зголемени тензии и се надоврзува на серијата слични средби меѓу авионите на НАТО и Русија во регионот.

Свет | пред 2 месеци

СДСМ обвинува: Кандидатот за градоначалник на Виница од ВМРО-ДПМНЕ дел од шумската мафија?

За огромен криминал во Малешевијата уапсени беа 15 лица, меѓу нив и директори, полициски началници и шумски полицајци, осомничени за злосторничко здружување и пустошење на шуми со штета од над 100 милиони евра, истакна денеска на прес-конференција, Маја Борозан.Таа праша зошто ВМРО-ДПМНЕ молчи за овој случај и дали причината е тоа што во „периметарот“ на акцијата се наоѓа и началникот на шумската полиција и воедно кандидат за градоначалник на Виница од ВМРО-ДПМНЕ, Митко Костадиновски.„Дали како создавачи на ова злосторничко здружение се токму началниците на ОВР Делчево и шумската полиција, партнерите во криминал Блашко и Митко? Дали истите двајца го координирале движењето на незаконски исечената дрвна маса за да заврши во една делчевска компанија од дрвната индустрија?“, праша Борозан.Таа додаде дека ДПМНЕ и Костадиновски должат одговори на овие прашања.„Костадиновски е началник на шумската полиција, има највисока раководна позиција на органот кој е задолжен да ја чува шумата, да ги спречува уништувачите на шумите, бесправните сечи и шумските кражби. Или началникот на шумската полиција Митко Костадиновски е инволвиран, или кандидатот за градоначалник на општина Виница од ВМРО-ДПМНЕ е неспособен соодветно да ја извршува својата функција. Трето нема“, рече Борозан.Таа потсети и дека Костадиновски има судска пресуда од 2012 година за недозволено држење оружје и муниција.„Ете ова е ‘кадарот’ што ВМРО-ДПМНЕ им го нуди на граѓаните. Митко Костадиновски не може и не смее да биде прв човек на Виница. Граѓаните заслужуваат подобро и затоа ќе го казнат ВМРО-ДПМНЕ на локалните избори, ќе покажат дека сакаат промени, чесни и одговорни луѓе“, порача Борозан.

Македонија | пред 2 месеци

Двојно повисоки плати за хигиеничарите и редовно вработување , најавува Герасимовски

Градоначалникот Горан Герасимовски, вчера се дружеше со хигиеничарите во Паркот на франкофонија, каде лично им се заблагодари за нивната неуморна работа и посветеност.„Сакам да ви се заблагодарам за макотрпната работа што ја имате секојдневно и што не ги оставате центарци да живеат во смет. Секој ден ги расчистувате улиците, ги полевате зелените појаси и го разубавувате центарот на градот. Благодарение на вас, целиот смет во Центар е исчистен“ истакна градоначалникот Герасимовски.Тој потсети дека изминативе години соработката со вработените во хигиената била на завидно ниво и изрази уверување дека и во наредниот мандат ќе продолжи со уште подобра динамика.„Она што го договаравме на почетокот, скоро целосно го реализиравме, остануваат уште малку работи кои заедно ќе ги довршиме. Во делот на платите го отпочнавме процесот и верувам дека веќе следната година ќе го завршиме. Повеќе од половината од колегите што беа непријавени веќе се регулирани, а останатите наскоро ќе бидат завршени. Исто така, зголемувањето на платите беше и ќе остане наш приоритет, кога ќе расте просечната плата, ќе растат и вашите плати,“ рече Герасимовски, потсетувајќи дека платите во овој сектор во последните години речиси двојно се зголемиле.Герасимовски, ја нагласи својата подготвеност да остане отворен за барањата на вработените.„Да знаете дека сме тука, сме биле тука и ќе бидеме тука да заедно се договараме и излегуваме во пресрет на сите ваши барања,“ изјави тој.

Скопје | пред 2 месеци

Николоски: Автопатот Скопје-Блаце очекувам да започне со градба до почетокот на следната година

Вицепремиерот и министер за транспорт Александар Николоски, најави дека автопатот до граничниот премин Блаце ќе почне да се гради на почетокот на следната година и треба да биде готов за три години, односно до почетокот на 2029.Тој проект се реализира со подршка на ЕБРД. Рокот за поднесување за понуди истекува на 30 септември. Ќе ги видиме понудите и заедно со ЕБРД ќе направиме селекција и зависно од бројот на понуди очекувам меѓу крајот на ноември и почетокот на јануари во зависност од временските услови изведувачот да биде воведен во работа. Рокот за изгрaдба е три години од почетокот на активностите и тоа значи дека почетокот на 2029 година да има автопат” – изјави вицепремиерот Николоски.

Македонија | пред 2 месеци

Протест за „Стоп за Вардариште“, денеска во 18 часот!

Иницијативата „Стоп за Вардариште“ ја информира јавноста дека денеска во 18:00 часот повторно ќе одржи протест.Го преземаме овој чекор поради истекување на рокот од 5 дена, кој го дадовме за започнување на исполнување на итните барања:• Воспоставување 24-часовен јавно достапен видео-надзор на депонијата Вардариште.• Воспоставување 24-часовно физичко обезбедување на Вардариште.• Итно иселување и соодветно згрижување на лицата кои живеат бесправно на територијата на Вардариште.• Поставување на ограда околу Вардариште.• Започнување на процес за конечно затворање на Вардариште.• Откривање и казнување на потпалувачите и организаторите на пожарите.• Ригорозни мерки против граѓани и правни субјекти кои ќе продолжат да фрлаат отпад во Вардариште.Барањата беа доставени до претседателката на Македонија, Владата на Македонија, Министерство за животна средина и просторно планирање, Министерство за внатрешни работи, Министерство за социјални политики, демографија и млади, Град Скопје, Општина Гази Баба и Општина Аеродром. До сега, не добивме одговор од ниту една институција.Ги повикуваме сите граѓани да ни се приклучат бидејќи чист воздух е приоритет за сите нас.Утринава имаше блокада на мостот на мостот „Близнаци“ кој ги поврзува општините Аеродром и Гази Баба.

Скопје | пред 2 месеци

Аеродром поднесе кривична пријава против „Комунална хигиена“

Општина Аеродром поднесе кривична пријава против скопското Јавно претпријатие „Комунална хигиена“ поради загрозување на животната средина. Пријавата е доставена до МВР и Обвинителството, откако претпријатието со денови не го собирало ѓубрето низ главниот град.Од Општината информираат дека нивните екипи во изминатите три дена биле принудени самостојно да соберат 24 тони комунален отпад од домаќинствата во Аеродром – работа што е обврска на градското јавно претпријатие.„Свесни сме дека поради оваа вонредна ситуација можеби беа запоставени дел од редовните активности – чистење на плочници и сервисни улици, косење и уредување зеленило, празнење на џебни канти, собирање лисја, гранки и кабаст отпад. Се извинуваме на сите жители за непријатностите и бараме разбирање“, стои во соопштението на Општина Аеродром.

Скопје | пред 2 месеци

Нестабилно и постудено време, можна и прва појава на снег на планините

Под влијание на циклон со центар над Џенова, во земјава следува период на променливо облачно време со повремени врнежи од дожд. На места врнежите ќе бидат обилни и поројни, проследени со грмежи и засилен југоисточен ветер. Локално се очекува да наврне над 20 до 25 литри дожд на метар квадратен.И во Скопје и околината времето ќе биде променливо со врнежи, кои повремено ќе бидат поројни и проследени со грмежи и засилен ветер.Истовремено, од исток и североисток ќе навлезе значително постуден воздух кој ќе предизвика пад на температурите за повеќе од 10 степени во однос на изминатите денови. Минималните утрински температури ќе се движат меѓу 5 и 14 степени, додека дневните максимални ќе изнесуваат од 13 до 20 степени. Во Скопје температурата ќе достигне до околу 16–17 степени.До крајот на септември и почетокот на октомври ќе преовладува постудено време од просекот, а според прогнозите, веќе следната седмица планините во регионот и во Македонија ќе ги добијат и првите врнежи од снег за оваа сезона.

Македонија | пред 2 месеци

Поради безбедносни причини: Црвените таблички за возилата на министрите нема да бидат поставени

Возилата на министрите и државниот врв нема да бидат обележани со новите црвено-жолти таблички, иако голем дел од службените автомобили низ државата веќе добиваат вакви регистарски ознаки.Заменик-генералниот секретар на Владата, Љупчо Томовски, во гостување за „360 степени“ објасни дека работна група составена од Министерството за внатрешни работи и Службата за општи и заеднички работи работи на нов правилник за брендирање на возилата.„Владините возила, односно оние на министрите, не се обележани поради безбедносни причини, на што укажуваа Агенцијата за национална безбедност и МВР. Се знае кои се тие 45 возила, јавноста ги препознава и нивните регистарски броеви. Прашањето останува дали во иднина ќе бидат дел од системот или не,“ рече Томовски.Тој додаде дека се разгледува можноста и возилата на одредени инспекторати да бидат изземени од оваа мерка. „Инспекциските служби како Пазарниот инспекторат или Управата за јавни приходи мора да делуваат дискретно. Ако нивните возила се обележат, ќе се знае однапред кога вршат контроли, што би ја намалило ефективноста,“ нагласи тој.Во однос на можноста за злоупотреба на владини возила, Томовски порача дека злоупотребата ќе биде спречена кај пониските ешалони во администрацијата:„Министрите не управуваат сами со автомобилите, туку имаат возачи и протоколи. Злоупотребата најчесто доаѓаше од пониските нивоа – службеници кои користеа возила за приватни потреби. Тоа сега ќе биде стопирано.“Со правилникот што ќе биде објавен наскоро, ќе се дефинира кои службени возила задолжително ќе носат црвено-жолти таблички, а кои ќе бидат изземени од ова правило.

Македонија | пред 2 месеци

Лишена од слобода скопјанка која ја нападнала својата мајка, одреден и е притвор

На 25.09.2025 Единицата за насилен криминал- Одделение за семејно насилство при СВР Скопје поднесе кривична пријава по итна постапка поради основи на сомнение за сторено кривично дело „телесна повреда“ по член 130 став 2 од КЗ против Д.С.(36) од Скопје, затоа што на 23.09.2025 околу 18:00 часот во семејниот дом на подрачјето на Гази Баба, физички ја нападнала својата 68-годишна мајка и при тоа и нанела повреда.Веднаш по добиената пријава, полициските службеници презедоа соодветни мерки и активности, Д.С. е лишена од слобода, а од страна на судија на претходна постапка одредена и е мерка притвор во траење од осум дена, соопшти МВР.

Скопје | пред 2 месеци

Потешко дишење, сува кашлица, стегање во градите се симптомите кај некои жители на Трубарево: Со скринингот беа опфатени над 200 луѓе

По два дена скрининг на жителите во Трубарево каде што се случи најголемата еколошка хаварија во Скопје при што изгоре фабриката за уништување електронски отпад, дел од жотелите се упатени на дополнителни иследувањеа. Кај некои се утврдени симптоми како што се потешко дишење, сува кашлица, стегање во градите.Министерството за здравство во соработка со Клиниката за пулмологија го спроведе дводневниот скрининг на населението во Трубарево, со цел навремено откривање на евентуални симптоми на дишните патишта.Само во текот на вчерашниот ден се прегледани над 100 лица на двата пункта во Трубарево, од кои осум лица се упатени на Клиниката за пулмологија, поради хронични заболувања за кои подолго време не направиле контролни прегледи. Скринингот опфати клинички преглед, мерење на пулс, сатурација и проценка на витален капацитет. Овој скрининг имаше голем одѕив со над двесте прегледани пациенти во два дена и беше навистина добро прифатен од локалното население, и во следниот период продолжуваме да ја следиме состојбата во соработка со Клиниката за пулмологија и сите надлежни институции, истакна министерот Алиу.Истовремено, во рамки на скринингот се детектирани и пациенти со висок крвен притисок кои биле советувани да се обратат кај својот матичен лекар за натамошни испитувања.

Македонија | пред 2 месеци

ВМРО-ДПМНЕ: Случајот со Васил Јованов е доказ за корумпираното судство на СДС и ДУИ

Случајот со Васил Јованов, кој во јануари ја усмрти младата Фросина Кулакова на булеварот „Партизански одреди“ во Скопје, е уште еден доказ за корумпираното судство создадено од СДС и ДУИ, велат од ВМРО-ДПМНЕ.„Судството не суди согласно закон и со цел постигнување правда. Она што денеска го имаме е резултат на владеењето на СДС и ДУИ. Дури и сега, кога се во опозиција, граѓаните секојдневно ги чувствуваат неправдите што со години им беа нанесувани“, велат од ВМРО-ДПМНЕ.Од опозициската партија потсетуваат дека Јованов и претходно бил привилегиран од тогашната власт, иако бил фатен со дрога како полнолетен. „Наместо затворска казна, судијката Даниела Алексовска Стојановска го упати во поправен дом. Истата таа судијка, куќата на нејзиниот татко во Ранковце ја претвори во општински штаб на СДС“, посочија од ВМРО-ДПМНЕ.„Ова е истиот Јованов кој ја усмрти Фросина, возејќи без возачка дозвола и во алкохолизирана состојба. Така изгледа заробеното судство на СДС и ДУИ – систем кој создаде мрежа на ‘свои’ и кој ја исклучува правдата како еднаква за сите“, се вели во партиското соопштение.Од ВМРО-ДПМНЕ додаваат дека во една нормална држава правосудниот систем треба да ги штити граѓаните, а не „луѓето и функционерите на СДС и ДУИ кои го користат судството за свои интереси“.„Не може судиите и обвинителите да се однесуваат незаинтересирано и да се фокусираат само на платите. Што сакаат да порачаат? Дека земаат мито затоа што платите им се ниски? Потребни се темелни промени во правосудството, за да се врати довербата на граѓаните во систем еднаков за сите, без привилегирани и без поделби на ‘наши и ваши’“, порачуваат од ВМРО-ДПМНЕ.

Македонија | пред 2 месеци