Од неспособни до дебили – така пропаѓаат институциите, а глупоста во општеството нема граници туку се усовршува, критикува професорката Алексиќ

Професорката по македонски јазик Татјана Алексиќ во објава на социјалните мрежи остро ја критикува состојбата во институциите, предупредувајќи дека институционалната деградација почнува тивко и постепено, но со текот на времето станува нормализирана појава.Таа ја опишува оваа појава со метафората „гускизам“, според која неспособноста и глупоста се шират постепено, создавајќи систем во кој секој поставува покрај себе уште понекомпетентни луѓе за да ја задржи сопствената позиција.„Институционалната деградација почнува неприметно лесно. Се движи вертикално лефтерно, како откинат пердув од гуска дур се шепури“, наведува Алексиќ.Таа објаснува дека, за разлика од граматичкото степенување кое е ограничено на позитив, компаратив и суперлатив, глупоста во општеството е неограничена и може бескрајно да се „усовршува“.Според неа, постепеното прифаќање на нови глупости доведува до состојба во која луѓето се навикнуваат на деградацијата и ја прифаќаат како нешто нормално.„Неспособните ќе ставаат крај себе глупави за да изгледаат попаметни; глупавиот ќе става идиоти за да не го оттурнат од позиција; идиотите ќе ставаат дебили за да се заштитат од народот, кој оглупавен станува соучесник во институционалната деградација“, наведува професорката.Во својата порака таа предупредува дека ваквиот модел на владеење води кон општество во кое деградацијата станува системска, а „гуски во магла“, како што вели, се појавуваат насекаде низ светот.

Коментари | пред 2 дена

Иран гаѓаше кон Емиратите, Саудиска Арабија и Израел – пресретнати стотици дронови

Обединетите Арапски Емирати повторно беа цел на ракетни и беспилотни напади од Иран, соопшти Министерството за одбрана на Емиратите, наведувајќи дека противвоздушната одбрана ги пресретнала проектилите и дроновите.Советникот на претседателот на Емиратите, Анвар Гаргаш, изјави дека земјата има целосно право да се брани од, како што ја нарече, „терористичката агресија“, но додаде дека Емиратите ќе продолжат да постапуваат разумно и воздржано, барајќи дипломатски излез од кризата.Напади биле пријавени и во други држави од Персискиот Залив, меѓу кои Саудиска Арабија, Кувајт и Катар. Саудиското Министерство за одбрана соопшти дека во текот на ноќта биле соборени шест ирански балистички ракети во регионот Ал Харџ, каде се наоѓа воздушна база што ја користи американската војска.Во Кувајт, пак, меѓународниот аеродром бил цел на повеќе напади со дронови, при што бил оштетен радарски систем. Според Министерството за одбрана, два дрона биле насочени и кон воена база во која се наоѓа американски воен персонал.Експлозии биле пријавени и над главниот град на Бахреин, Манама. Според властите, од почетокот на нападите биле пресретнати 125 ракети и 203 дрона, а во нападите загинале две лица.Иран ги продолжи нападите и врз Израел. Израелските одбранбени сили соопштија дека Иран утрово извел седми ракетен напад врз Ерусалим и јужниот дел на земјата. Сирени за воздушна опасност се огласиле во повеќе области, а ракетите биле пресретнати.Иранскиот министер за надворешни работи Абас Арагчи во текот на ноќта ги повика „братските соседни земји“ да ги протераат странските воени сили од нивна територија, тврдејќи дека тие се користат за водење војна против Иран.Во меѓувреме, новоименуваниот врховен лидер на Иран Моџтаба Хамнеи претходно ги повика државите од Заливот да ги затворат американските воени бази на своја територија, иако во исто време нагласи дека Техеран сака да одржи добри односи со арапските соседи.

Свет | пред 2 дена

Тинејџерска сензација: Антонели триумфира во Кина пред Расел и Хамилтон

Младиот италијански возач Андреа Кими Антонели победи на трката во Кина во рамки на шампионатот во Формула 1, оставајќи ги зад себе Џорџ Расел и Луис Хамилтон.Со овој триумф Антонели влезе во историјата како еден од најмладите победници во Формула 1. Заедно со Макс Ферстапен, тој е меѓу ретките возачи кои победиле во шампионатот додека сè уште биле тинејџери.По трката, неговиот тим му упати искрени честитки, додека Антонели победата ја прослави емотивно, свесен за значењето на овој успех во неговата кариера.

Спорт | пред 2 дена

Трамп: Иран сака договор, но Вашингтон „сѐ уште не е подготвен“

Американскиот претседател Доналд Трамп изјави дека Иран сака да постигне договор со САД, но дека Вашингтон во овој момент не е подготвен да прифати спогодба. Изјавата ја даде во телефонско интервју за американска телевизија, нагласувајќи дека условите што се на маса, според него, „сѐ уште не се доволно добри“.Трамп одби да навлезе во детали за тоа што точно би значело „доволно добри“ услови, но посочи дека една од клучните точки во евентуален договор би била јасна обврска на Иран да се откаже од какви било нуклеарни амбиции. Со тоа тој ја зацврсти позицијата дека без конкретни гаранции околу нуклеарната програма не може да има напредок во разговорите.Во истиот разговор, Трамп наведе и дека неколку држави се обврзале да помогнат во обезбедувањето на Ормускиот Теснец – една од најважните поморски артерии за глобалната трговија со енергенси – но одби да ги именува земјите што би учествувале во таква коалиција.Реториката дополнително се заостри со неговата изјава дека САД „целосно го уништиле“ островот Харк, кој важи за клучна точка за извоз на иранска нафта. Трамп додаде дека целта би можеле повторно да ја погодат уште неколку пати, што во јавноста предизвика нови реакции и дополнителни тензии во веќе чувствителниот регионален контекст.Изјавите доаѓаат во период на засилени регионални тензии и растечки стравувања дека секое ново заострување околу Ормускиот Теснец може да има директни последици врз енергетските пазари и безбедноста на поморските рути. Во вакви околности, сигналите дека Техеран бара договор, а Вашингтон го одложува, ја отвораат дилемата дали следи дипломатска пауза или нова фаза на притисоци.

Свет | пред 2 дена

Млада девојка паднала од балкон во Тетово, со тешки повреди е пренесена на лекување во Скопје, а полицијата отвори истрага

Девојка на возраст од околу 20 години вчера паднала од балкон во Тетово, а полицијата по наредба од јавен обвинител врши истрага како дошло до несреќата.Според официјалните информации од СВР Тетово, настанот се случил синоќа околу 18:40 минути. Случајот бил пријавен од Итната медицинска помош, кои интервенирале. Тие им кажале на полицајците дека „женско лице паднало од балкон“.Поради сериозноста на повредите, девојката е пренесена на лекување во Клиничкиот центар „Мајка Тереза“.Увидот бил завршен уште во текот на вчерашниот ден. Засега нема други детали од страна на полицијата.

Македонија | пред 2 дена

Иран го обвини Израел за нападите врз цивили во арапските земји

Иран го обвини Израел дека стои зад нападите врз цивили во неколку арапски земји, јави иранската државна агенција Фарс њуз.Иранскиот министер за надворешни работи Абас Арагчи изјавил дека Иран не гаѓал цивилни или станбени подрачја, додавајќи дека во нападите можеби биле употребени беспилотни летала од американско производство.Како што наведува агенцијата, Арагчи не презентирал докази за ова тврдење.Тој додал дека Техеран е подготвен да формира заедничка истражна комисија со соседните држави за да се утврдат околностите околу нападите врз цивилни цели во регионот.

Свет | пред 2 дена

Шок во Шангај: Ред Бул го повлекува Ферстапен среде трка, Мерцедес маршира кон двојна победа

Втората трка во сезоната 2026 на Формула 1, возена на патеката во Шангај, доби драматичен пресврт поради неочекуваното повлекување на Макс Ферстапен. Од тимот на Ред Бул беше донесена одлука болидот да се тргне од трката, потег што веднаш ја смени динамиката на борбата за поени и ги отвори картите за ривалите.Во моментите кога пристигна веста за повлекувањето, Мерцедес изгледаше како најстабилната сила на патеката и се наметна како главен кандидат за двојна победа. Темпото на нивните возачи им овозможи контрола на трката, а конкуренцијата се обидуваше да одговори со различни стратегии и со ризици кои не секогаш носеа резултат.Зад водечките позиции, трката понуди и силни дуели и инциденти. По излегувањето од бокс, дојде до судир меѓу Естебан Окон и Франко Колапинто, откако двојката влезе во контакт во борба за позиција, што дополнително ја „разби“ средината на поредокот и ја зголеми неизвесноста за тимовите кои ловат бодови.Ферари, пак, се најде во сложена ситуација: борбата меѓу Луис Хамилтон и Шарл Леклер донесе спектакуларни моменти и размена на позиции, но цената беше тактичка дилема и ризик кој, според развојот на настаните, им го отежна нападот врз доминантниот Мерцедес. Со секој круг, стануваше појасно дека трката ќе се решава не само со брзина, туку и со ладна пресметка во одлучувачките фази.Со повлекувањето на Ферстапен и со растечката предност на Мерцедес, Шангај доби приказна што ќе се памети: комбинација од техничка драма, тактички шах и директни дуели на граница на контакт.

Спорт | пред 2 дена

Форбс ја објави листата за 2025: Адам Сендлер најплатен актер, Том Круз веднаш зад него

Форбс ја објави најновата листа на најплатени холивудски актери за 2025 година, а на врвот се најде американскиот актер и комичар Адам Сендлер, со проценета заработка од околу 48 милиони долари.Според објавените податоци, рангирањето опфаќа 20 актери, чии вкупни приходи за изминатата година достигнале 590 милиони долари, што уште еднаш ја потврдува доминацијата на големите студиски продукции и платформите за стриминг во современата филмска индустрија.Сендлер, кој во последните години повторно ја зацврсти својата позиција преку соработки со големи продукции и проекти на Нетфликс, во 2025 година работеше како продуцент и актер на „Happy Gilmore 2“, продолжение на култната спортска комедија од 1996 година. Воедно, тој се појави и во филмот „Џеј Кели“ заедно со Џорџ Клуни, каде што ја толкува улогата на лојален менаџер на филмска ѕвезда, улога што му донела и номинација за „Златен глобус“ за споредна машка улога.На второто место се најде Том Круз со 46 милиони долари, најмногу благодарение на филмот „Mission: Impossible – The Final Reckoning“, осмото продолжение од популарниот акциски серијал. Трет е Марк Волберг со 44 милиони долари, додека четвртата позиција ја држи Скарлет Јохансон со 43 милиони. Во топ-пет влегува и Бред Пит со 41 милион долари.Меѓу првите десет, според листата, се најдоа и Дензел Вашингтон (38 милиони долари), Џек Блек (28 милиони), Џејсон Момоа (28 милиони), Даниел Крег (27 милиони) и Мили Боби Браун (26 милиони). Дополнително, Мили Боби Браун е посочена како најмладата личност што некогаш влегла на оваа листа, на 22-годишна возраст.Во текстот се нагласува дека проценките за заработка се изработени врз основа на индустриски податоци и интервјуа, а наведените суми се пресметани по одземање на трошоци како хонорари за агенти, менаџери и адвокати.

Магазин | пред 2 дена

Повеќе од 150 здравствени установи оштетени во Иран по американско-израелските напади

Најмалку 153 здравствени установи низ Иран се оштетени во нападите што ги извршиле Соединетите Американски Држави и Израел, објави иранската новинска агенција Тасним.Според извештајот, меѓу оштетените објекти се и 56 сеопфатни центри за здравствени услуги, кои претставуваат најголем дел од погодените установи во здравствената мрежа на земјата.Погодени се и неколку медицински универзитети. Најголема штета е регистрирана на Универзитетот Керманшах, каде се оштетени 42 објекти, додека на Исфахан се пријавени 19 оштетени единици.Керманшах се наоѓа во западниот дел на Иран.Според податоците објавени од агенцијата, во нападите загинале десет лица, додека 248 повредени биле згрижени во болниците и подоцна пуштени на домашно лекување.

Свет | пред 2 дена

Meta најавува дека може да отпушти 20% од вработените: скапата трка по вештачка интелигенција ја турка компанијата кон ново „стегање на каишот“

Американската технолошка компанија Meta разгледува план за отпуштање на 20% или повеќе од својата работна сила, во обид да ги надомести високите трошоци за развој на вештачка интелигенција и да се подготви за „поефикасен“ модел на работа потпомогнат од AI, наведуваат извори запознаени со разговорите во компанијата.Според истите информации, во овој момент не е утврден конкретен датум за евентуалните отпуштања, ниту точната бројка на вработени што би биле опфатени. Дел од раководството, како што се посочува, веќе добило сигнал да почне да планира намалување на бројот на вработени како дел од поширок процес на рационализација.Meta засега официјално не се огласи по повод наводите. Доколку компанијата навистина се реши за кратење од околу една петтина од персоналот, тоа би било најголемото намалување по реструктурирањата на крајот на 2022 и почетокот на 2023 година.Последните достапни податоци покажуваат дека на крајот на декември 2025 година Meta имала речиси 79.000 вработени. Во ноември 2022 компанијата отпушти околу 11.000 луѓе, а четири месеци подоцна најави укинување на уште 10.000 работни места, во период кога целата технолошка индустрија минуваше низ бран на „затегнување“ по постпандемиската експанзија.Во меѓувреме, фокусот на Meta сè повеќе се префрла кон генеративна вештачка интелигенција. Компанијата, според достапните информации, нуди и исклучително високи компензациски пакети за да привлече врвни истражувачи во нови AI тимови, а во исто време најавува и масивни капитални вложувања за инфраструктура – особено за центри за податоци.Сигналите за „ефикасност преку AI“ се вклопуваат во поширокиот тренд меѓу големите американски компании, каде автоматизацијата и напредните модели се сè почесто наведувани како причина за промени во организацијата и бројот на вработени. Во тој контекст, наводите за Meta се читаат како продолжение на индустриската логика: повеќе инвестиции во пресметковна моќ и талент, помалку „тежина“ во традиционални тимски структури.

Свет | пред 2 дена

Граѓаните платиле 3 милиони евра повеќе поради поскапувањето на дизелот, Владата една недела без мерки за цените на горивата, вели СДСМ

СДСМ обвини дека Владата предводена од Христијан Мицкоски цела недела не презема никакви мерки за намалување на цените на горивата, и покрај, како што велат, растечкиот притисок врз животниот стандард на граѓаните.Од партијата предупредуваат дека поскапувањето на горивата директно ќе се одрази и врз цените на другите производи. Според нив, во маркетите веќе се чувствува притисокот врз цените, а цената на маслото за јадење надминала 100 денари.„Дали Владата на Мицкоски намерно дозволува ваква состојба за да профитира од високите даноци или станува збор за неспособност?“, прашуваат од СДСМ.Од опозициската партија велат дека веќе предложиле пакет мерки, меѓу кои намалување на ДДВ за горивата од 18 на 5 проценти, намалување на акцизата за четири денари и намалување на ДДВ за основните прехранбени производи.Според нив, овие мерки долгорочно би придонеле за намалување на цените и олеснување на трошоците за граѓаните.Од СДСМ тврдат дека само со последното покачување на цената на дизелот за 14 денари, граѓаните оваа недела платиле околу три милиони евра повеќе.Партијата предупредува и на можен дополнителен раст на цените на нафтата, доколку конфликтот во Иран потрае подолг период. Според нивните проценки, доколку кризата трае три месеци, цената на нафтата би можела да достигне 150 до 160 долари за барел.Од СДСМ оценуваат дека доколку Владата не преземе мерки за ограничување на растот, цените ќе продолжат да растат и подоцна ќе биде тешко да се вратат на пониско ниво, дури и ако дојде до стабилизација на светските пазари.

Македонија | пред 2 дена

Инвеститорите бегаат во „сигурни валути“: Доларот расте втора недела по ред

На светските финансиски пазари американскиот долар зајакна втора недела по ред, бидејќи ескалацијата на кризата на Блискиот Исток ги натера инвеститорите да бараат побезбедни засолништа за капиталот.Доларскиот индекс, кој ја мери вредноста на американската валута во однос на шесте најважни светски валути, минатата недела порасна за 1,6 проценти и достигна 100,49 поени.Во однос на евро, американската валута зајакна за 1,7 проценти, па курсот се спушти на 1,1415 долари за евро. Доларот се засили и во однос на јапонскиот јен за 1,2 проценти, достигнувајќи ниво од 159,70 јени за долар.Аналитичарите посочуваат дека инвеститорите се повлекуваат од поризични инвестиции, особено откако цените на нафтата пораснаа за повеќе од 35 проценти во последните две недели, по нападите на Соединетите Американски Држави и Израел врз Иран.И покрај изјавите на американскиот претседател Доналд Трамп дека САД и Израел победиле, кризата во регионот продолжува. Иран и натаму изведува ракетни напади врз Израел и соседните држави, а истовремено го ограничува преминот на танкерите низ Ормускиот теснец, што дополнително го потресе светскиот пазар на нафта.Силен и подолготраен раст на цените на нафтата би можел сериозно да влијае врз економиите на Еврозоната и Јапонија, кои во голема мера зависат од увоз на енергенси. Спротивно на тоа, економијата на Соединетите Американски Држави би можела полесно да се справи со ваквиот шок бидејќи земјата е нето-извозник на нафта.„Инвеститорите ја намалуваат прекуграничната изложеност и го пренасочуваат капиталот кон побезбедни засолништа, додека под притисок се валутите на земјите кои се нето-увозници на енергенси“, изјави стратегот во компанијата Корпеј, Карл Шамота.

Свет | пред 2 дена

Први реакции откако Трамп повика земјите да праќаат бродови преку Ормускиот теснец

Претседателот на Соединетите Американски Држави, Доналд Трамп, ги повика сојузничките држави да испратат воени бродови во Ормускиот теснец со цел да се обезбеди непречена пловидба низ овој клучен поморски коридор за извоз на нафта.Во објава на социјалната мрежа Truth Social, Трамп изрази надеж дека во операцијата ќе се приклучат Кина, Франција, Јапонија, Јужна Кореја и Обединетото Кралство.По неговата изјава, реакциите од овие држави засега се претпазливи.Од британското Министерство за одбрана соопштија дека Лондон разговара со сојузниците за можните чекори.„Во моментов со сојузниците и партнерите разгледуваме повеќе опции за да се обезбеди безбедноста на пловидбата во регионот“, изјави портпарол на министерството.Од Кина порачаа дека приоритет треба да биде прекин на непријателствата. Портпаролот на кинеската амбасада во Вашингтон за Си-Ен-Ен изјави дека сите страни имаат одговорност да обезбедат стабилно и непречено снабдување со енергија.Во Јапонија засега нема официјална одлука. Јапонски претставници изјавија дека Токио ќе донесе одлука врз основа на сопствена проценка и дека нема автоматски да испрати воени бродови само затоа што тоа го побарал Вашингтон.Од Франција демантираа дека испраќаат бродови во Ормускиот теснец, наведувајќи дека нивниот носач на авиони и придружната флота остануваат распоредени во источниот дел на Средоземното Море во рамки на одбранбена мисија.Од Јужна Кореја, пак, соопштија дека ќе го разгледаат американскиот повик и ќе донесат одлука по дополнителна анализа и координација со Вашингтон.

Свет | пред 2 дена

Иранската војска се закани: Ќе го убиеме Нетанјаху

Иран упати закана дека ќе го ликвидира израелскиот премиер Бенјамин Нетанјаху, објавија иранските државни медиуми.Полуофицијалната новинска агенција Мехр пренесе дека Исламската револуционерна гарда соопштила оти ќе продолжи да го „прогонува и ќе го убие со сила“.Во истото соопштение, Револуционерната гарда тврди дека во 52-риот бран напади погодила цели во Израел, како и три американски воени бази во регионот.Тврдењата засега не се независно потврдени, а тензиите меѓу Иран и Израел продолжуваат да растат по серијата меѓусебни напади во регионот.

Свет | пред 2 дена

(Видео) Газда Деко правел црн капитал уште многу пред „Пулс“, ме згрозува што не чувствува вина, вели ексначалникот Ѓурчевски

Ексначалникот во Министерството за внатрешни работи, Љубомир Ѓурчевски, во подкастот „Претрес со Ландов“ зборуваше за одговорноста за трагедијата во дискотеката „Пулс“ во Кочани. Тој рече дека газдата Дејан Јованов-Деко бил предмет на опсервација уште во случајот „Детонатор“.„Газда Деко значи во некои работи се спомнуваше уште во акцијата детонатор 2012/2013 година со оние фамозни апарати за игра на среќа, таму се правеше огромни профити од тие материјали коцкарници, диви коцкарници“, рече Ѓурчевски.Прашан дали сака да каже дека Деко не е само обичен газда, тој рече: „Тој е човек што правел црн капитал уште многу многу многу пред ова. па откаде му се парите, тој имаше и кафич, имаше и ова, имаше и она. Значи некои треба малку посериозно да се позанимава. Како се праени пренамените, зошто е даван рушвет, се зборува тамо за поткуп од седум илјади евра за нелегална лиценца. Управа за јавни приходи никојпат не му дошла да наплати одредени даноци кои што требало да ги наплати, и така натаму. Некои министри се јавувале во управата за приходи. Зошто би некого јас би го корумпирал ако работам чесно? сега некој да ме убеди мене сака дека не чувствува вина?“.Ѓурчевски доаѓа: „Господине Дејан абе објектов ти го направи од шупа, го направи златен и сега ти да не чувствуваш вина, зошто немаш посебни излези, немаш посебни влезови, немаш вентилација, немаш соодветна противпожарна заштита. Материјалите се погрешни. Материјалите, немаш огноотпорни материјали, немаш ова, немаш она, и сега ти да не чувствуваш вина, а си остваруваш профит дваесет години, тоа мене ме згрозува“.Цел поткаст на многу теми поврзани со криминалните случувања во Македонија:

Македонија | пред 2 дена

Минусни температури наутро, до 19 степени во текот на денот

Утрово најниска температура од минус 5 степени е измерена во Берово, соопшти Управата за хидрометеоролошки работи.Според податоците на синоптичарите, минус 2 степени се измерени во Маврови Анови, додека минус 1 степен е регистриран во Битола, Струмица, Крива Паланка и на Попова Шапка.Нула степени се измерени во Скопје-Петровец, Прилеп, Куманово и Претор, додека 1 степен е измерен во Велес, Крушево, Демир Капија, Тетово, Гевгелија и Штип.Два степени се измерени на Скопје-Зајчев Рид, како и во Кавадарци и Охрид, а 3 степени во Виница.Снежната покривка на Попова Шапка изнесува 54 сантиметри.Според прогнозата, денеска времето ќе биде сончево со мала до умерена облачност. Попладне ќе има услови за слаб локален дожд, а ќе дува слаб до умерен ветер од југоисточен правец. Максималната температура ќе се движи од 13 до 19 степени.Во Скопје времето ќе биде сончево со мала до умерена облачност, со слаб до умерен ветер од југоисточен правец, а дневната температура ќе достигне до 18 степени.

Македонија | пред 2 дена

Британија би можела да испрати илјадници дронови на Блискиот Исток

Премиерот на Обединетото Кралство, Кир Стармер, би можел да испрати илјадници дронови-пресретнувачи на Блискиот Исток како дел од мерките за зајакнување на одбраната во регионот, објави Телеграф.Според извештајот, британските воени претставници разгледуваат дали системот за пресретнување беспилотни летала „Октопус“, кој се произведува во Велика Британија за потребите на Украина во одбраната од Русија, може да се искористи и против иранските дронови „Шахед“.Овој систем би можел да се употреби за зајакнување на британската одбрана од можни напади со беспилотни летала во регионот, особено по ескалацијата на тензиите со Иран.Агенцијата Ројтерс наведува дека засега не можела независно да ја потврди информацијата објавена од британскиот весник.

Свет | пред 2 дена

Трамп: Не знам дали новиот врховен лидер на Иран е воопшто жив

Претседателот на Соединетите Американски Држави, Доналд Трамп, изјави дека нема потврда дали новиот врховен лидер на Иран, Мојтаба Хамнеи, е жив по американско-израелските напади.Во интервју за Ен-Би-Си Њуз, Трамп рече дека досега никој јавно не го видел Хамнеи и дека постојат различни информации за неговата состојба.„Не знам дали воопшто е жив. Засега никој не го покажал. Слушам дека не е жив, а ако е, треба да направи нешто многу паметно за својата земја – да се предаде. Некои мислат дека е жив, но тешко ранет“, изјави Трамп.Еден ден претходно, американскиот министер за одбрана Пит Хегсет изјави дека врховниот лидер на Иран веројатно е сериозно повреден во нападите на САД и Израел.Во истото интервју, Трамп зборуваше и за ситуацијата во Ормускиот теснец, клучен поморски коридор за извоз на нафта, изразувајќи очекување дека и други држави ќе се приклучат во операцијата за обезбедување на пловидбата.Тој посочи дека не сака да ги именува сите држави што би можеле да се вклучат, но претходно изрази надеж дека во операцијата ќе учествуваат Обединетото Кралство, Кина, Франција, Јапонија и Јужна Кореја.

Свет | пред 2 дена

Кочани беше момент на национален шок, но и општествена катарза, мораме да извлечеме чекции за посилен систем, вели претседателката

Претседателката на државата Гордана Сиљановска-Давкова се обрати на завршната сесија на Меѓународната конференција посветена на институционалните и клиничките аспекти по трагедијата во Кочани, која се одржа во Скопје во организација на Владата.Таа истакна дека трагедијата во Кочани останува длабока рана за државата и силен потсетник за потребата од одговорност, подготвеност и солидарност во справувањето со кризни ситуации.„Трагедијата во Кочани беше момент на национален шок, длабока човечка болка, ерупција на сочувство и солидарност, но и момент на политичка и општествена катарза. Пред огледалото на совеста и одговорноста се најдовме сите и сè уште сме“, истакна претседателката.Сиљановска-Давкова потсети на драматичните моменти по несреќата, кога родителите и блиските на повредените чекале пред болниците, додека лекарите се бореле за спасување на младите животи.Таа оцени дека одлуката најтешко повредените пациенти да бидат испратени на лекување во странство била исправна и дека токму брзата координација меѓу институциите, здравствениот систем и меѓународните партнери овозможила спасување на голем број животи.Претседателката посочи дека трагедијата покажала оти справувањето со вакви катастрофи не е само медицинско, туку и политичко, етичко и институционално прашање, кое бара силна координација и подготвеност на системот.Според неа, оваа конференција е важен чекор за експертска евалуација на преземените мерки и за систематизирање на научените лекции, со цел подобра подготовка на државата за идни кризни ситуации.Таа го потенцираше значењето на новите системски мерки, меѓу кои се усвојувањето на национален план за справување со масовни жртви, воспоставување нови медицински протоколи и зајакнување на институционалната координација.„Кочанската трагедија не останува само болен спомен, туку и постојано предупредување дека без стандарди, без правила и без одговорност ниту една дејност не може безбедно да функционира и дека ништо не смее да биде поважно од правото на живот“, порача Сиљановска-Давкова.

Македонија | пред 2 дена

Трамп бара сојузници за Ормускиот теснец – реакциите на светските сили претпазливи

Повикот на претседателот на Соединетите Американски Држави, Доналд Трамп, повеќе држави да испратат воени бродови во Ормускиот теснец засега наидува на претпазливи реакции од меѓународната заедница.Трамп на социјалната мрежа Truth Social напиша дека очекува држави како Кина, Франција, Јапонија, Јужна Кореја и Обединетото Кралство да испратат воени бродови за да се обезбеди слободна пловидба низ теснецот, кој е клучен поморски коридор за извоз на нафта.Од Обединетото Кралство соопштија дека моментално разговараат со сојузниците за можните чекори.„Во моментов со сојузниците и партнерите разгледуваме повеќе опции за да се обезбеди безбедна пловидба во регионот“, изјави портпарол на британското Министерство за одбрана.Од Кина порачаа дека приоритет треба да биде прекин на непријателствата. Портпаролот на кинеската амбасада во Вашингтон изјави дека сите страни имаат одговорност да обезбедат стабилно и непречено снабдување со енергија, без директно да одговори дали Пекинг ќе испрати воени бродови.И Јапонија засега не дала официјален одговор. Јапонски претставници изјавиле дека Токио самостојно ќе донесе одлука врз основа на сопствена проценка и дека нема автоматски да испрати воени бродови по барање на Вашингтон.Од Франција, пак, демантираа дека испраќаат воени бродови во регионот, наведувајќи дека нивната флота останува распоредена во источниот дел на Средоземното Море во рамки на одбранбена мисија.Од Јужна Кореја засега нема официјална реакција на повикот на Трамп.

Свет | пред 2 дена

Каде е Мојтаба Хамнеи? Аналитичарите велат дека војната ја води Револуционерната гарда

Една недела откако Мојтаба Хамнеи беше именуван за нов врховен лидер на Иран, јавноста сè уште не го видела во јавноста, што отвора прашања кој всушност ја води воената стратегија на земјата.Според анализите што ги пренесува Си-Ен-Ен, неговото јавно присуство можеби и не е клучно, бидејќи вистинската оперативна моќ се наоѓа во институциите под врховниот лидер.Аналитичарите сметаат дека значајна улога во военото планирање има Исламската револуционерна гарда, елитна структура на иранските вооружени сили, која со децении има огромно влијание врз безбедноста, политиката и економијата на државата.Оваа организација е формирана по Иранската револуција во 1979 година, со цел да го заштити новиот револуционерен режим. Со текот на времето, Револуционерната гарда изгради силна паралелна структура покрај редовната армија и стана еден од најмоќните центри на влијание во земјата.Командантот на гарда директно одговара пред врховниот лидер, а организацијата има силно присуство и во економијата – од градежништво и телекомуникации до енергетика и автомобилска индустрија.Во 2019 година, администрацијата на Доналд Трамп ја прогласи Исламската револуционерна гарда за терористичка организација, по што иранските власти возвратија прогласувајќи ги Соединетите Американски Држави за „државен спонзор на тероризмот“.И неколку американски сојузници во регионот, меѓу кои Бахреин и Саудиска Арабија, ја ставија Револуционерната гарда на своите листи на терористички организации, додека Европската Унија годинава ја донесе истата одлука по насилното задушување на антивладините протести во Иран.

Свет | пред 2 дена

Концерти, марш и спортски настани во спомен на жртвите од „Пулс“

Во Кочани денеска продолжува одбележувањето на годишнината од трагедијата во дискотеката „Пулс“, во која животот го загубија 63 млади лица.Според програмата, денешниот ден започнува во 9 часот со релацијата Штип – Кочани, каде што ќе се вози во чест на загинатите 63 „ангели“.Во 9 часот е предвидена и релацијата Полениково – Ново Балгур – Осогово, каде ќе се одржи првиот меморијален планинарски марш „Ивана Антова и 63 ангели“.Во спортскиот дел од програмата, во 10 часот ќе се игра турнир во кошарка за помладите категории.Во рамки на културната програма, во 13:30 часот во НУЦК „Бели мугри“ ќе се одржи настан „Кочани ни благодари“ со музички и балетски перформанс.Во 17 часот е закажан концерт на Марко Видоевиќ и ИБЕМ, додека во 18 часот ќе биде промовирана книгата „Ќе те има“ од Марина Стојчевска.Настаните се дел од повеќедневната програма со која Кочани се сеќава на жртвите и испраќа порака дека трагедијата никогаш нема да биде заборавена.

Македонија | пред 2 дена

Трамп: Испраќаме воени бродови во Ормускиот теснец, се очекува и Кина и европските држави

Претседателот на Соединетите Американски Држави, Доналд Трамп, најави дека Вашингтон ќе испрати воени бродови во Ормускиот теснец со цел да се обезбеди непречено поморско движење и да се спречи обидот на Иран да го затвори овој клучен енергетски коридор.Во објава на социјалната мрежа Truth Social, Трамп посочи дека повеќе држави погодени од можноста Иран да го блокира теснецот ќе се приклучат на операцијата за обезбедување на пловидбата.„Многу земји, особено оние кои би биле погодени од обидот на Иран да го затвори Ормускиот теснец, ќе испратат воени бродови заедно со САД за теснецот да остане отворен и безбеден“, напиша Трамп.Тој изрази очекување дека во операцијата би можеле да се вклучат и големи сили како Кина, Франција, Јапонија, Јужна Кореја и Обединетото Кралство.Американскиот претседател во објавата тврди и дека американските сили веќе ги уништиле „100 проценти од иранските воени капацитети“, но предупреди дека Техеран и натаму може да се обиде да испрати беспилотни летала, мини или ракети во регионот.Трамп најави и продолжување на воените операции, додавајќи дека американските сили ќе продолжат со напади врз иранските пловни објекти доколку е потребно.„На овој или на оној начин, Ормускиот теснец наскоро ќе биде отворен, безбеден и слободен“, порача Трамп.

Свет | пред 2 дена

Иран: Ормускиот теснец е затворен само за нашите непријатели

Иран соопшти дека Ормускиот теснец не е целосно затворен, туку дека ограничувањето важи само за танкери и бродови што припаѓаат на непријателите на Техеран и нивните сојузници.Ова го изјави иранскиот министер за надворешни работи Абас Арагчи, пренесуваат иранските државни медиуми.Арагчи предупреди дека Иран ќе нападне објекти на американски компании во регионот доколку иранската енергетска инфраструктура стане цел на нови напади.„Ормускиот теснец е затворен само за танкери и бродови што им припаѓаат на непријателите на Иран и на нивните сојузници“, изјави Арагчи.Тој додаде дека Техеран ќе постапува внимателно и ќе се обидува да избегне напади врз населени подрачја, иако, како што нагласи, Иран е подготвен да возврати ако неговите енергетски капацитети бидат нападнати.

Свет | пред 2 дена

Итно предупредување од Вашингтон: Американците да заминат од Ирак

Соединетите Американски Држави ги повикаа своите државјани веднаш да го напуштат Ирак, откако во текот на ноќта беше извршен напад врз зградата на американската амбасада во Багдад.Од Амбасадата на САД во Багдад соопштија дека американските државјани кои сепак ќе одлучат да останат во Ирак треба сериозно да ја преиспитаат својата одлука поради зголемената безбедносна закана.„Американските државјани кои ќе одлучат да останат во Ирак треба повторно да ја разгледаат својата одлука, со оглед на значајната закана од терористички милиции поврзани со Иран“, се наведува во соопштението.Од амбасадата информираа дека внимателно го следат развојот на ситуацијата и дека ќе продолжат редовно да објавуваат информации за да им помогнат на граѓаните да донесат одлуки поврзани со нивната безбедност.Воедно, САД порачаа дека се подготвени да им помогнат на своите државјани кои сакаат да ја напуштат земјата, обезбедувајќи им најнови информации за достапните можности за заминување од Ирак.

Свет | пред 2 дена