Жителите на Злокуќани тргнаа во бунт за да не се префрли центарот за зависници во болницата Бардовци

Градоначалникот на општина Карпош Стевчо Јакимовски заедно со локалното население од Злокуќани ги повикаа владата и министерството за здравство да ја преиспитаат намерата да го префрлат центарот за зависници од Кисела Вода во болницата Бардовци.Имам крајно непријатна потреба да се обратам до јавноста, затоа што се наоѓаме пред болницата за душевно болни „Бардовци“ што се наоѓа на територија на општина Карпош и уште понепријатно ми е што граѓаните мораат на ваков начин да го изразуваат револтот на ваков начин и јас како градоначалник. Нормално е кога треба луѓе да се лекуваат. Треба и ние да создадеме услови за лекување на секој еден. Оваа душевна болница е скоро 60 и кусур години на оваа локација. Граѓаните се веќе научени со проблемите што ги имаат со нејзе, со децении, и очигледно дека веќе немаме никаков проблем. Но, сега се јавува еден огромен проблем, затоа што министерството за здравство сака сите лица зависници од опојни дроги да ги донесе овде и лекувањето да биде во душевната болница. Ние немаме проблем да се врши лечење, но секој треба да се лечи во својата општина. Што значи тоа? Сите зависници од општина Карпош, треба да се лекуваат во Карпош, и сите што се во други општини да се лечат на други места. Јас го побарав министерот за здравство, му објаснив дека имаме сериозна реакција од граѓаните, во исто време и јас не се сложувам со ваквиот начин на решавање на проблемите. Објаснувањето беше дека имаат само два тима, изјави градоначалникот Јакимовски на прес конференција.Јакимовски предупреди дека доколку се реализира планот на министерот за здравство директно ќе се загрози животот на жителите на Злокуќани, кои во моментот веќе трпат огромен терор од неколку семејства доселени од Косово кои се недопирливи за полицијата, обвинителството и судот.-Не можеме ние само да бидеме колатерална штета и граѓаните на Злокуќани, затоа што имаме неодговорно министерство, не зборувам само за ова, зашто има само два тима за лекување. Замислите, сакаат сите овие зависници од дрога, што биле во Кисела Вода да ги префрлат овде во Карпош, и замислете кое е објаснувањето. Градоначалникот на Кисела Вода имал изборно ветување дека ќе ги тргне зависниците од болницата каде што се лекуваат во Кисела Вода. Јас на колега Орце Георгиевски сакам да му порачам дека оваа работа не е наша општинска, ова е државна работа. Второ, ако тој има дадено ветување да ги трга од својата општина зависниците од друга, јас не сум дал ветување на граѓаните на Злокуќани и Карпош дека ќе им доведам овде зависници од дрога од територија на сите општини на град Скопје. Затоа сметам дека тој најмалку треба да се прави газда во туѓ двор, односно најмалку да посочува каде треба да бидат сместени. Од друга страна морам да упатам критика до министерството за здравство, мора да си најде решение, но овие граѓани овде нема да дозволиме да бидат реметени токму од зависниците од опојни дроги, затоа што Злокуќани и сега трпи огромен терор, особено од неколку семејства што се доселени од Косово со кои не може да се справи ни полицијата, ни обвинителството, ни судовите, ни граѓаните... и сега ако го направиме и овој дополнителен товар на овие граѓани буквално покажуваме желба да ги исселиме, а никако да им го подобриме животот и животните услови, изјави Јакимовски.Градоначалникот предлага секоја општина да се грижи посебно за зависниците од дрога од својата општина, за конечно да се надмине овој проблем.-Општината направила се овие луѓе да живеат тука во слога и да имаме нормално функционирање на локалната самоуправа. За жал имаме обид за реметење на животот на овие граѓани. Минатата власт сакаше во Бардовци да ни донесе имигранти, оваа власт сака да ни ги донесе зависниците од дрога. Луѓето имаат објективни причини да се плашат кој во нивна близина ќе постои и ќе оперира. Затоа сметаме дека секој треба да се лечи во својата општина, министерството мора да го коригира ставот, во спротивно ќе имаме сериозни проблеми. Граѓаните ова не го заслужуваат, изјави градоначалникот на општина Карпош.Жителите на Злокуќани предупредија дека доколку ги донесат зависниците во оваа населба, староседелците ќе бидат принудени да се исселат бидејќи ќе имаат многу проблеми со нив. Затоа јавно порачаа дека нема да се сложат со ваквата евентуална одлука на министерството за здравство.

Скопје | пред 1 година

Рубио: Денеска ќе контактираме со Русите за прекин на огнот

Американскиот државен секретар Марко Рубио изјави дека САД денеска ќе стапат во контакт со руската страна и се надеваат на позитивен одговор од Москва.„Силно ги повикуваме Русите да ги прекинат сите непријателства. Нема воено решение за овој конфликт“, рече Рубио.Тој потврди дека преговорите во Џеда вклучиле дискусии за „како треба да изгледа преговарачкиот процес“, вклучително и „разговори за територијални отстапки“.„Ако Русите одбијат, тоа ќе ни каже многу за нивните цели и начин на размислување“, рече Рубио.Рубио, кој сигурно ќе биде пречекан во Киев, истакна дека на Украина и треба доволно силна заштита од идни напади. Тој додаде дека европските земји ќе мора да се вклучат во овој поглед, пренесува Ројтерс. Тој истакна дека договорот за минерални суровини не треба да се толкува како безбедносна гаранција.

Свет | пред 1 година

Таткото првпат ми го покажаа во полициска станица на распит, каде бев принуден да кажам дека контактирал со Палевски, вели Манев

Им кажал дека треба да грабнат жена на возраст од 38-40 години, која е ќерка на фармацевт, но никогаш не им кажал дека грабнувањето на Вања Ѓорчевска е грешка. Ова го просведочи Велибор Манев во неговиот исказ во судот. Манев сведочи дека бил принуден во полициска станица да каже дека го познава обвинетиот татко на Вања, лицето Александар Ѓорчевски.Обвинителство: Кога Палевски ја прашува чие дете е од која фамилија, дали тогаш дознавте кое е детето? Oдговорите од детето ги слушавте?Обвинетиот Манев: Ви кажав, кога видов дека е дете, на Палевски му рековме дека е грешка дека треба да ја пуштиме од кога дознав дека е дете. Но, тој рече седите таму, се е чисто, немајте гајле.Обвинителство: Значи ли тоа дека Палевски во ниту еден момент не рекол дека Вања е грешка?Обвинетиот Манев: Да.Обвинителство:  Споменавте дека една од жртвите требало да биде ќерка на фармецефт, значи ли тоа дека мислите да грабнувате ќерка на фармацефт?Обвинетиот Манев: Точно, знаевме дека грабнуваме ќерка на фармацефт. На некој, името не му го знам, тоа го знае организаторот Љупчо Палевски, бидејќи тој познавал ВИП личности, се што знаев е дека тоа е ќерка на фармацефт од прв брак. Кој фармацефт не знам.Обвинителство:  Ќе си согласите дека пари требаше да бидат побарани пари од мајката на детето за што постоел договор помеѓу Александар Ѓорчевски и Палевски?Обвинетиот Манев: Никогаш не сум слушнал од Кешишев дека и од кого треба да се земат пари. Поготово од Кешишев. А претходно кажав дека таткото првпат ми го покажаа првпат на телефон во ПС на распит каде бев принуден дека Љупчо Палевски и Сашко имале контакт на телефон.Обвинителство: На сила го дававте и исказот пред обвинителството?Обвинетиот Манев: Мислам дека и таму кажав дека таткото не го познавам, и дека не знам дали контактирал со Палевски. На било која изјава и распит немам кажано дека тие две особи контактирале меѓу себе.Обвинителство:  Можам ли да заклучам дека вие ни кажувате не сте имале намера ниту првиот пат да го убиете Жежовски, ниту оштетеното дете, туку вашата замисла била да грабнете човек, да го ставите во дупка која ја нарекувате земуница, да го чувате седум дена таму?Обвинетиот Манев: Со мала разлика на ова што го кажавте, идејата беше да се земе пензионерот Панче, да се спушти во земницата, да биде 24 чса таму до грабнувањето и тука да се направи замената, и жената да се држи да се земат парите од фамилијата.Обвинителство: Рековте сте носеле маски на лицата, маски на целото лице?Обвинетиот Манев: Медицински маски преку глава со капче и да се гледаат само очите.

Македонија | пред 1 година

Скандал, на министерот на Мицкоски му е забранет влез во САД, вели СДСМ

СДСМ обелодени дека на Фатмир Лимани, која е дел од коалицијата “Вреди“ и е министер за социјална политика, му е забранет влез во САД.Еве што стои во соопштението на СДСМ:,,Скандал до скандал во Владата на Мицкоски. Иако тврди дека гради стабилни односи со САД, премиерот крие од јавноста дека неговиот министер, Фатмир Лимани, добил забрана за влез во САД. Поради ова, тој бил принуден да ја откаже планираната посета, а Владата молчи за причините зад оваа драматична одлука.Ова отвора сериозни прашања за кредибилитетот на владините претставници и за политиката што ја води Мицкоски. Доколку тој навистина ужива поддршка од американската администрација, како што често тврди, сега е моментот да го докаже тоа со конкретни чекори.Во спротивно, неговата тишина само ќе потврди дека во Владата се толерираат контроверзни личности.Јавноста има право да знае: кои се причините поради кои Лимани е прогласен за непожелен во САД? Дали ова значи дека тој е вмешан во скандал што ја загрозува меѓународната репутација на земјата?Мицкоски не може да остане без одговор. Доколку навистина е посветен на транспарентноста и партнерството со САД, мора веднаш да го разреши министерот Лимани. Секое одолговлекување само ќе покаже дека премиерот ја става партиската лојалност пред државните интереси.Ги повикуваме Лимани и Мицкоски веднаш да излезат пред јавноста и да одговорат:Зошто министерот има забрана за влез во САД?Дали ќе биде разрешен или Владата ќе продолжи да го штити?Ова не е случај што може да се премолчи”.

Македонија | пред 1 година

Пешак прегазен во Штип

На 11.03.2025 во 11.50 часот во СВР Штип било пријавено дека на ул.„Христијан Тодоровски Карпош“ во Штип, патничко возило „мицубиши“ со штипски регистарски ознаки, управувано од П.Б.(41) од Штип, удрило во пешакот Ј.Ј.(67) од Штип.Во несреќата со тешки телесни повреди се здобил пешакот, констатирани во Клиничка болница Штип.Извршен бил увид од увидна екипа од СВР Штип.

Македонија | пред 1 година

Кремљ денеска првпат реагираше на американско-украинскиот договор

Кремљ денеска првпат реагираше на американско-украинскиот договор за 30-дневен прекин на огнот, но соопшти дека нема да извлекува предвремени заклучоци пред да добие официјални информации од Вашингтон.Говорејќи на редовниот брифинг со новинарите, портпаролот на Кремљ, Дмитриј Песков, рече дека Москва внимателно ги проучува изјавите од Џеда, каде што САД и Украина се договорија за прекин на непријателствата и враќање на американската безбедносна помош за Украина.„Се запознаваме со заедничката изјава од Џеда и изјавите што следеа по средбата“, рече Песков.Тој додаде дека Кремљ во следните неколку дена ќе добие дополнителни информации од американскиот државен секретар Марко Рубио и советникот за национална безбедност Мајк Валц, кои ќе ги пренесат деталите од договорот преку различни дипломатски канали.„Ги разгледуваме сите опции, вклучително и можноста за телефонски разговор на највисоко ниво, односно меѓу претседателот Путин и претседателот Трамп“, рече Песков. На прашањето за реакцијата на Русија на предлогот за прекин на огнот, тој повтори дека Москва мора прво да добие целосни информации од американските претставници.„Видете, не сакаме да донесуваме предвремени заклучоци, тоа е последното нешто што го сакаме“, рече Песков, нагласувајќи дека веќе се закажани контакти со американската страна и дека се очекуваат целосни информации за содржината на преговорите во Саудиска Арабија.САД и Украина, за потсетување, вчера на состанокот во Џеда постигнаа договор за 30-дневен прекин на огнот, кој може да се продолжи со заедничка согласност на Русија и Украина. Договорот вклучува обновување на американската воена помош и размена на разузнавачки информации за Украина.Целта на договорот е да се отвори простор за преговори со Русија, додека Украина се согласи да формира преговарачки тим и да работи на трајно решение на војната. Путин претходно нагласи дека му е потребна долгорочна безбедност за Русија, а не привремено примирје.

Свет | пред 1 година

Манев го раскажа цел монструозен план за убиството на Панче: Палчо му пукаше во слепоочницата, по четири дена нѐ прати да ја затвориме дупката за да не мириса

Обвинетиот Велибор Манев дава свој исказ пред судот за убиствата на Вања Ѓорчевска и Панче Жежововски. Монструозни детали откри за планот, но и за изведувањето на двете убиства. Прво зборуваше за убиството на Жежовски, со кого се знаеле од порано. Раскажа дека неговото возило „цитроен“ требало да се искористи за грабнување на жена на возраст од 38-40 години.Интегрално, „Скопје1“ го пренесува распитот на Манев:Адвокатот Горан Бошевски: Кого познавате од другите обвинети?Обвинетиот Манев: Сите.Адвокатот Горан Бошевски: За секој одделено од кога се познавате каков е карактерот на вашата комуникација?Обвинетиот Манев: Со Боре Видевски од основно, од дете. Цел живот се знаеме , Живееме, не сме имале никакви проблеми со неговите, живееме и едноставно сме се поштувале. Со Љупчо Палевски од 2018 година тогаш стапивме во ФБ пријателство, после потребата од неговата потреба за изборни набљудувачи, му пристапив во канцеларија така се запознавме и лично. И потоа одлучив да му пристапам како член на тогашна Движење ‘Трета’, и од тогаш до денеска сум овдека со неговото познавање и знаење. Со Влатко Кешишев се понавам 2,5 години, ако не ги сметам овие година ипол во затвор. Човекот дојде во ’Опера хаус’, канцеларија на тогашна ‘Tрета’. Како готвач како домаќин, 24 часа да биде домаќин да ги оддржува канцелариите и му готвеше на Палевски. После тоа и он е тука поради тоа што му ја даде довербата на Љупчо Палевски.  2,5 години му готвеше, му служеше без никаква наднохнада, јас така знам.Адвокатот Горан Бошевски: Дали го познавате Александар Ѓорчевски?Обвинетиот Манев:  Не, ниту го знам ниту го познавам ниту претходно сум го видел.Адвокатот Горан Бошевски: Дали го познававте сега покојниот Панче Жежовски?Обвинетиот Манев: Да го познавав, работев на неговата куќа пред 15-16 години тогаш, ме измами, не ме измами едноставно не ми ги плати средствата што требаше да бидат исплата за завршена работа. Бараше коцки и камен да му се реди на влезот од куќата, одно од најскапите варијанти на изведба во градежништво.Ми остана должен 1500 евра, он кажал на неговите дека должел 500 евра, а уствари беа 1500 евра. Се спречкавме, се скаравме, му извадив 12-13 квадрати од бекатон плочките што му ги редев, он повика полиција дома, полицијата направи записник и ме опеменаа дека не смеам така да постапувам и понашам, дигнав раце од сето тоа и толку.  Уште еднаш отидов кај него во фризерницата му ги побарав парите што ми ги должи, ме избрка дојдов до степен до физички контакт да го тепам не но го сторив тоа дигнав раце и оставив на Господ. Тоа беше со контактот и познавањето на Панче.Адвокатот Горан Бошевски: Кој ги донесе овластените службени лица, од СВР Велес и Скопје, до месноста Рудник во Велес? (местото каде е закопан убиениот Панче Жежовски)Обвинетиот Манев:  Јас.Адвокатот Горан Бошевски: Кој ја ископал таа скривница/дупка?Обвинетиот Манев: Јас ја копав заедно со Влатко Кешишев. Целта беше да се чуваат грабнатите лица и откако ќе се изврши наплата да се пуштат.Адвокатот Горан Бошевски: За кои лица се работи?Обвинетиот Манев: Првично требаше Панче Жежовски, требаше да биде врзен за бетонски тег за ногата со за ланец за да се искористи неговото возило за грабнување на жена од 38-40 годишна возраст и откако ќе се грабне таа Панче да се извади, да се направи замена на грабнатите, Панче да се пушти да си замине со колата, а жената да биде лувана додека не се изврши наплата.Адвокатот Горан Бошевски: Кога е копана дупката?Обвинетиот Манев: Дупката е копана 2022 година една година и повеќе пред ова. Со ког одоговаравте киднапирање на Панче? Прво баравме некој објект каде што ќе бидат чувани грабнатите лица, но поради тоа што не најдовме, едно попладне бев во канцеларијата на трета кај ‘Шампионче’, Љупчо Палевски ми предложи да го оставам телефонот и наводно ќе сме се прошетале некаде, па кога излеговме од канцеларијата ми рече дека објект тешко може да се најде и да одредиме некое место локација за размена и каде ќе може да ги чуваме грабнатите лица. Откога го најдовме местото заедно, , се одлучи тука да се направи земуницата (дупка), и ја оставивме така да се замаскира од самата природа. За одлуката за грабнување на Панче Жежовски, некаде околу месец ипол, пред грабнувањето на лицата, бараше некоја не обележена кола, крадена или не знам што, за да може да го извршиме грабнувањето.Адвокатот Горан Бошевски: Кој бараше кола?Обвинетиот Манев: Љупчо Палевски за да може жената да е грабаната со необележена кола. Не можеше да се најде таква кола, и по негов предлог, предложи да бараме некој, пензионер сам, што ќе може да му ја искористиме колата и после кратко време ќе може да биде пуштен на слобода. Во канцеларија седевме и дојде на ум неплатениот борч на Панче Жежовски. Му кажав, дека има близок до мене, таков ме зафркнал ме измамил едноставно што ми го земал лебот и би можеле да го искористиме тој човек за целите на грабнување.Адвокатот Горан Бошевски: Кои други лица се приклучија со вас за да се реализира грабнувањето на Панче?Обвинетиот Манев: На почетокот бевме Палевски, јас и Влатко кои учеснуваа во копањето на дупките. Фалеше уште еден човек и размислив Боре беше со мене и му предложив да оди да разговара со Палчо за тоа. Евентуално приклучување ако сака да пристапи како 4 член на групата.Адвокатот Горан Бошевски:  Дали се приклучи во групата?Обвинетиот Манев: Да.Адвокатот Горан Бошевски: Кога и како го грабнавте Панче Жежовски?Обвинетиот Манев:  Панче го грабнавме на 23.11.2023 што го имаше на камерите кај мене. На 22 вечерта дојдоа Палчо со Влатко, наводно да го провери местото дали одговора за грабнување на Панче Жежовски. Отидовме до местото, го виде, и одлучи дека наредната вечер, да отидеме и да го грабнеме Панче.Адвокатот Горан Бошевски: Што се сучуваше следната вечер?Обвинетиот Манев:  23-ти утрото кога доаѓаат, во утринските часови, е вечер, кога дојдоа пиевме кафе, и утрото околу 5 ипол 6 часот, тргнавме накај куќата да го земеме Палчо. Да напоменам, дека снимките кои ги гледавме не се совпаѓа со ова што сега го кажувам, така да отидовме кај куќата на Панчета, јас Боре и Палчо, Влатко Кешишев го зема кангуто и се спушти доле кај пругата да не чека таму. Почекавме, мислевме дека сам ќе излезе, да му се нафрлиме и да го однесеме, некаде до 7:30, до 7:45, не излезе, на ладното што да излегува, па Палчо преку моторолата рече да му се тропне на врата и во самото предсобје да се врзе, да се земе. Јас не можев да се појавам, бидејќи ме знае и ми го познава гласот и одлучи Боре да му тропне на врата и да го бутне внатре,во претсобјето, ние да притрчаме и да може да го врземе. Направивме така како што кажа Палчо, тропна на врата, и слушнав дека го бутна во предсобјето, видов како Палчо влегува во претсобјето, и викаше Панче, јас пријдов пред и му ја ставив раката на устата да не може да вика, бев, бевме со маски, не не позна никој, поради тоа што пријдов јас, Палчо се исправи, јас почнав да му ги врзувам рацете, Палчо завлезе во куќата, го земал телефонот на Панче Жежовски, од влезната врата ги извади клучевите, на нив без и клучевите од колата на Панче, Љупчо Палевски отиде ја извади церадата од колата, ја бутна во претсобјето, отиде да ја пали колата а јас и Боре го изнесовме Панчета за да го ставиме во ѓепек. После тоа се симнавме доле, кај што беше паркирано ‘кангуто со кое дојдоа, Влатко Кешишев беше во него, тука ставивме гориво во колата на Панче, додека да го ставиме гориво, Палевски го фрлил телефонот на долот на Панче Жежовски. После тоа се упативме према земуницата (дупката), за да го спуштиме доле и ние отидовме за Скопје.Адвокатот Горан Бошевски: Како наточивте гориво во цитроенот?Обвинетиот Манев: Претходната вечер земавме две туби за вода, и јас и Кешишев отидовме до бензиска и наполнивме гориво, една дизел една бензин.Адвокатот Горан Бошевски: Со какви средства комуницирате за време на грабнувањето?Обвинетиот Манев: Со мотороли комунициравме, кога одлучивме за буткање во претсобјето, тоа го кажав веќе мислам, кога одлучи Палевски дека Панче нема да излезе преку моторолата ме извести дека Боре ќе го отбутне во претсобјето и ќе го направиме тоа што го направивме. Кажав и претходно дека ги користевме моторолите.Адвокатот Горан Бошевски:  Каде се упативте после грабнувањето на Панче?Обвинетиот Манев: Откога го ставивме горивото на паркингот кај пругата тргнавме кон земуницата (дупката) преку езеро, покрај Романтик по стариот пат за Скопје и селото Рудник. Стасавме до земуницата (дупката) со колата на Панче, пред нас цело време возеше пикапот, Љупчо Палевски со Влатко Кешишев беа во пикапот, а јас и Боре во возилото на Панче Жежовски. И стасавме горе кај земуницата (дупката).Адвокатот Горан Бошевски:  Што направивте кога стасавте?Обвинетиот Манев: Го изнесовме од колата, го донесовме до самиот отвор, имаше вратичка на земуницата (дупката), го спуштивме тука да му се одврзат рацете и да може да го спуштиме доле по скалите. Беше легнат на самиот отвор да можам да го одврзам, тука не напоменав само дека пикапот и Влатко Кешишев останаа подоле на самата база на ‘Македонија пат’ и остана таму да чека на 300-400 метри, а Палевски дојде со нас горе кај земуницата (дупката). Откако се наведнав да го одврзувам Љупчо Палевски така наеднаш му испука куршум во слепоочница на Панче Жежовски. Јас останав како да ви кажав, останав, (издишува) без зборови едноставно срипав и излегов од шумичката која што беше врз самата земуница (дупката) што беше обрасната. Застанав таму во некое ситуација пред колабирање, се соземав со дишење се тресев од тоа што го видов, и го видов како Боре излага молчешкум од местото, а со крај на окото видов како Палевски го превртува Панче со се церадата во дупката. Дојде до мене, јас го прашав: зошто ова, не требаше вака? Ми рече: ‘Вака е почисто, нема што да се секираш’. И тогаш прв пат ми рече ме потбутна со раката и ми рече „да не расипуваме пријателство имаш убава фамилија“.Адвокатот Горан Бошевски: Како планиравте да го обезбедите Панче да не избега?Обвинетиот Манев: Претходно кажав, и пак ќе кажам, имаше бетонски тег во самата земуница (дупка), со алка на него, а јас носев синџир за да може да го врземе за ногата за да не може да се качува нагоре. Така беше планот за да го обезбеди Панче, а потоа и грабната жена што ќе дојде на негово место.Адвокатот Горан Бошевски: После убиството што направивте со земуницата (дупката)?Обвинетиот Манев: Три четири дена стоеше отворена и после тоа ни кажа Палевски, се јави, да отидеме да го стрпеме местото да не почне да мириса. Мислам дека беше недела, јас и Боре отидовме и го затрупивме.Адвокатот Горан Бошевски: После убиството каде се упативме?Обвинетиот Манев: После убиството, ме натера повторно да ја земам колата на Панче Жежоевски, и да ја возам до Скопје. Се симнавме до пикапот, Палевски седна во пикапот, и тргна пред мене, и продолживме за Скопје. Се спуштивме на автопат, на местото каде што чекаше Влатко со пикапот. Тоа беше над самата база на Македонија пат и има прклучок за да може да се излезе на автопат.

Македонија | пред 1 година

Судењето за грозоморните убиства на Вања и Панче продолжува со распит на Велибор Манев

Според сведочењето на полицијата, Велибор Манев го покажал местото каде што бил закопан Панче Жежовски.Во Основниот кривичен суд Скопје треба да продолжи судскиот процес за грабнувањата и убиствата на 14-годишната Вања Ѓорчевска и 74-годишниот велешанец Панче Жежовски.Денеса треба да биде распитан второобвинетиот во случајот, Велибор Манев.Потоа, искази на предлог на одбраната треба да дадат и обвинетите Боре Видевски, Влатко Кешишев, потоа таткото на Вања, Алекдандар Ѓорчевски и на крај првообвинетиот Љупчо Палевски-Палчо.

Македонија | пред 1 година

Обвинителството на БиХ нареди приведување на Додик

Обвинителството на БиХ издаде налог со кој се наредува приведување на претседателот на Република Српска, Милорад Додик, потоа премиерот на Република Српска, Радован Вишковиќ и претседателот на Народното собрание, Ненад Стевандиќ, заради сослушување.Додик, Вишковиќ и Стевандиќ треба да бидат приведени од правосудната полиција.Обвинителството ги товари за сторено кривично дело нарушување на уставниот поредок.Бидејќи тројцатс не одговориле на претходната покана за распит, ако не бидат приведени, ќе биде издадена внатрешна потерница според која секоја полициска агенција во БиХ може да ги приведе, вклучително и Граничната полиција.Додик беше осуден во прв степен пред Судот на БиХ на една година затвор и шестгодишна забрана за политичка активност поради непочитување на одлуките на високиот претставник, властите на ентитетот усвоија низа неуставни закони.Упорноста на неуставните одлуки во РС е напад врз уставниот и правниот поредок на БиХ.На 27 февруари Националното собрание на РС усвои, а на 5 март Додик го потпиша указот за прогласување на законот, кој се однесува на забраната на активностите на судските и истражните институции на Босна и Херцеговина на територијата на РС.Додик рече дека законите ќе се спроведуваат.Последните закони наидоа на целосна осуда ширум светот, од американскиот државен секретар Марко Рубио, до генералниот секретар на НАТО Марк Руте.

Македонија | пред 1 година

Лавров: Нема да прифатиме мир кој загрозува животи

Сергеј Лавров, рускиот министер за надворешни работи, рече дека Москва ќе избегне компромиси кои загрозуваат животи, пишува Sky News.Тој, исто така, го повтори она што Москва веќе постојано го кажа - нема да прифати присуство на трупи на НАТО во Украина под никакви услови.Во меѓувреме, портпаролката на Лавров, Марија Захарова, утринава изјави дека Русија сама ќе донесе одлуки.„Оформувањето на позицијата на Руската Федерација не се случува во странство поради некои договори или напори на некои страни“, рече таа.„Формирањето на позицијата на Руската Федерација се одвива во рамките на Руската Федерација“.

Свет | пред 1 година

Наместо да одговори за прекинот на огнот, Москва започна нов напад врз Киев

Русија синоќа изврши тешки напади врз цели низ Украина, само неколку часа откако Киев сигнализираше дека е подготвен за прекин на огнот по разговорите со САД.Масовните напади со проектили и беспилотни летала фрлаат сомнеж во подготвеноста на Владимир Путин да ги прифати барањата на Доналд Трамп за мир во војната, што влезе во третата година.Синоќа, американскиот претседател рече дека директно ќе разговара со Путин, велејќи им на новинарите: „Потребни се двајца за танго. Се надевам дека ќе се согласат“.Американскиот државен секретар Марко Рубио рече дека договорот на Киев за 30-дневен прекин на огнот, кој дојде по значителен притисок од Вашингтон, значи дека топката сега е на теренот на Москва.Но, веднаш по објавата, без официјален одговор од Кремљ, силите на Путин започнаа со смртоносни напади врз главниот град на Украина и другите делови на земјата.

Свет | пред 1 година

Трендафилов е единствениот синдикалец во светот кој е против поголеми плати за работниците и е на политичко дугме на криминалците, вели ВМРО-ДПМНЕ

„Слободан Трендафилов е единствениот синдикалец во светот кој кога се покачуваа плати во образование и во здравство не излезе да поздрави“, вели ВМРО-ДПМНЕ и додава:Тој е единствениот синдикалец во светот кој е на политичко дугме на криминалци од опозицијата СДС, ДУИ и Левица.Тој е единствениот синдикалец кој кога се зголемуваа платите на работниците, а ММФ и Светска банка препорачуваа на владата дека е лош и нерентабилен процес, тој како прв синдикалец не застана во одбрана на работниците.Наместо прв меѓу работниците, Трендадилов е прв меѓу олигархијата. Тој е продолжена рака на СДС, ДУИ и Левица.Трендафилов нема чувство за потребите на работниците. Тој со плата од над 1000 евра нема чувство како е едно просечно семејство да преживува со плата од 500 евра. Тој наместо синдикалец е портпарол на опозицијата и политичка маша.

Македонија | пред 1 година

Пари за луксуз има, за плати нема – вистинското лице на оваа власт, вели СДСМ

„Неверојатна е хипокризијата и лицемерието на ДПМНЕ. Според изјавите на претседателот на ССМ, Трендафилов, ДПМНЕ, додека беа во опозиција, постојано имале тајни средби со синдикатот со цел да ги издејствуваат своите политички цели за напад на тогашната власт предводена од СДСМ. Лицемерната ДПМНЕ тогаш беше и за работниците и за синдикатот, даваше силна поддршка на протестите на ССМ пред Собранието. ДПМНЕ ги поднесуваше барањата на ССМ во Собранието како закон“, вели СДСМ и додава:„Но, денес се потврди дека работниците им биле потребни само за да ги остварат своите лични политички амбиции. Сега, кога дојдоа на власт, никој не им треба, но граѓаните ова ќе го казнат.Ваква измама и понижување на граѓаните, кои чесно работат и со право бараат поголеми плати, никој никогаш не направил. Оваа влада е влада против граѓаните и работниците, против сите кои бараат подобар живот. Пари има за папаја, манго, аспарагус и приватни летови, но нема за оние кои едвај врзуваат крај со крај.Неспособното ВМРО-ДПМНЕ не може да ги намали ниту цените во маркетите и ги остави трговците да се збогатат за три генерации на грбот на народот, но нема пари заповисоки плати. Ваква ненародна власт немало во историјата и ќе биде казнета за ова“.

Македонија | пред 1 година

СДС и ДУИ го бранат криминалот – 167 милиони евра криминал со канцероген мазут, а судството само одзема пасоши, вели ВМРО-ДПМНЕ

“СДС и ДУИ упорно го бранат корумпираното судство и обвинителство, а вистинската причина денес е јасна – се работи за заштита на криминал вреден 167 милиони евра. Трговија со канцероген мазут, кој го труел народот, а виновниците се ослободуваат со симболични мерки”, вели ВМРО-ДПМНЕ и додава:Судиите и обвинителите на СДС и ДУИ, наместо да ги гонат криминалците, ги пуштаат на слобода со домашен притвор. Синот на омилениот пратеник на Филипче, Исмаил Јахоски, за кој има основано сомнение дека е дел од оваа шема, добива само одземен пасош. Нема вистинска истрага, нема вистинска правда – само заштита за блиските на врвот на СДС и ДУИ.Кој се штити со оваа одлука? Во истата мрежа се бизнис партнери на внукот на Али Ахмети, луѓе од највисоките ешалони на ДУИ и СДС. Додека граѓаните се гушат од загадениот воздух, криминалните елити на овие партии се богатат од трговија со опасни супстанции.Но, најголемиот скандал е бегството на Васко Ковачевски, екс-директорот на ЕСМ и долгогодишен човек на СДС. Наместо да одговара пред институциите, тој денес е во бегство, додека неговите покровители од власта прават сè за да го заштитат.Ова е класична приказна на СДС и ДУИ – корупција, криминал, бегство од одговорност и комплетна злоупотреба на институциите. Граѓаните не забораваат. Одговорност мора да има, а вистинската правда ќе дојде многу скоро.

Македонија | пред 1 година

Јахоски се спаси од ќелија и доби куќен притвор, Капушвски оди во затворот во Шутка

“Судија на претходна постапка при Основниот кривичен суд Скопје, постапувајќи по предлог на Основно јавно обвинителство за гонење организиран криминал и корупција за определуваме мерки притвор и мерки за обезбедување присуство против 13 лица, поврзани со истрагата за набавка на мазут за ТЕЦ Неготино, а кои дел беа спроведени во судот во попладневните часови, донесе решенија со кои:По прoизнесување на Јавниот обвинител и осомничените во присуство на нивни бранители, во однос на предложените мерки, како и ценење на приложените факти, го прифати предлогот на Јавниот обвинител со кој на Р.К., А.М. и Е.С. им определи мерка притвор во траење од 30 дена, а заради постоење на основите од чл. 165 ст.1 т. 1 и 2 односно Опасност од бегство и Околности кои укажуваат дека ќе ја попречи истрагата со влијание на сведоци. Во однос на осомничениот А.Ј., по произнесување на осомничениот пред судија на претходна постапка Јавниот обвинител се согласи за промена на предлогот за определување мерка притвор со предлог за определување на мерка куќен притвор, што беше прифатено од Судијата на претходна постапка.За останатите 7 осомничени кои беа спроведени во судот, судијата го прифати предлогот на Јавниот обвинител и донесе решени за определување на мерки за претпазливост.Против овие решенија странките имаат право на жалба пред Кривичниот совет”, вели Кривичен суд

Македонија | пред 1 година

Спикерот Гаши со народни пари на Ифтар угости премиер, пратеници, политичари

Во Клубот на пратеници, спикерот угости пратеници, премиерот, функционери, припадници на верските заедници. Некои пратеници објавија фотографии и се пофалија дека биле на Ифтарска вечера кај претседателот на Собранието, Африм Гаши.Ова ги изреволтира граѓаните и следуваа коментари, критики но и бришења и менување постови.Граѓаните рекоа, ова е во Клуб на пратеници, значи сте биле кај нас дома, ние го плаќаме. Ако сакал Гаши да ве угости можел дома кај него да ве викне или да плати вечера во некој ресторан. И бидејќи празникот трае еден месец, ифтарски вечери од народни пари сега, по стариот обичај ќе организираат министри, директори и додиректори.А нели ние сме секуларна држава, религијата е одвоена од државата. Дали да очекуваме на кршење јајца, јагнешко и што ли уште не, да поканат претседателката, премиеротот, министрите. И повторно народот да плати.Не чувме дека некој изреагира бидејќи народот вели сложни попови и во петок мрсат.Претходно ова го правеше Талат Џафери. И не држи реченицата, „И вие така правевте“, бидејќи за такво правење и ги сменивме.

Македонија | пред 1 година

Се бараат 6 притвори, меѓу кои и за Јахоски и Капушевски: се сомничат за криминал тежок 167.549.985 евра

„По повеќемесечна предистражна постапка во предмет што во Основното јавно обвинителство за гонење на организиран криминал и корупција беше оформен по иницијатива на ДКСК, а по кој по наредби на обвинителството постапуваше Одделот за сузбивање на организиран и сериозен криминал при МВР, во текот на вчерашниот ден и денес беше спроведена акција. Во акцијата што под раководство на јавен обвинител се спроведуваше на повеќе локации во Скопје, Велес и Кичево се лишени од слобода 11 лица.Постапувајќи по кривичната пријава поднесена од МВР, предметниот јавен обвинител денеска донесе Наредба за спроведување на истражна постапка против 13 физички и едно правно лице. Постои основано сомнение дека десет лица како созвршители или помагачи сториле кривично дело Злоупотреба на постапка за јавен повик, доделување на договор за јавна набавка или јавно-приватно партнерство. На двајца осомничени и на правното лице им се става на товар дека освен кривичното дело Злоупотреба на постапка за јавен повик, доделување на договор за јавна набавка или јавно-приватно партнерство, сториле и кривично дело Перење пари и други приноси од казниво дело, додека едно лице е осомничено за кривично дело Перење пари и други приноси од казниво дело.Во периодот на 2021 – 2023 година двајца осомничени, во својство на основачи и управители на кривично одговорното правно лице свесно повредувајќи ги прописите за постапката за јавен повик за набавка на мазут за потребите на ТЕЦ Неготино поднеле невистинита документација. Со намера да го изиграат договорот не ги извршиле обврските и ги повредиле правилата остварувајќи корист од големи размери за кривично одговорното правно лице а на штета на државниот буџет во вкупен износ од 10.304.324.094 денари или околу 167.549.985 евра.Во намерата со умисла им помогнале осомничените вработени во АД Електрани на Северна Македонија – Скопје, кои се наоѓале на високи позиции од генерален директор и директори на сектори до претседатели и членови на комисии поврзани со јавни набавки, спроведувајќи постапки за јавна набавка на мазут спротивно на Упатството за начинот на спроведување на јавните набавки во АД ЕСМ. Со непочитување на начелата на сразмерност, конкуренција, еднаков третман и недискриминација на економските оператори, иако знаеле дека правното лице не ги исполнува бараните критериуми за носител на јавната набавка, помогнале да се склучат Договори за јавна набавка во корист на истото и му овозможиле да испорачува мазут се до 24.02.2023 година.Паричните средства кои осомничените ги прибавиле со кривичното дело, а кои претставуваат противправно остварена имотна корист од спроведена постапка по јавен повик на АД Електрани Северна Македонија – Скопје, во периодот од месец декември 2021 година до месец април 2023 година ги пуштиле во промет, промениле и пренеле на друг со цел да се прикрие изворот на потеклото. Со дел од средствата купиле две моторни возила„Mercedes Benz“, дел ги трансферирале на своите сметки во разни банки, а потоа ги подигале во готовина. Воедно, врз основа на договор за посредување и Анекс кон договорот, склучен помеѓу осомниченото правно лице и осомничен сопственик на правно лице со иста дејност, во два наврати биле префрлени средства во вкупен износ од 72.000.000,00 денари за наводно извршени работи согласно договорот кој претставувал само привидно средство за вршење на предметните трансакции. Осомничениот така примените парични средства, свесен за нивното потекло со цел да ја прикрие нивната локација ги трансферирал по основ на ,,позајмица’’ кон своето правно лице.Имајќи ги предвид околностите и тежината на стореното дело, јавниот обвинител на Основното јавно обвинителство за гонење на организиран криминал и корупција на судијата на претходна постапка при Основниот кривичен суд Скопје му предложи на пет лица да им биде определена мерка притвор, од кои за едно лице мерката да се примени по неговото пронаоѓање. Едно лице осомничено и во предметот „Адитив“ веќе се наоѓа во притвор, додека за останатите осомничени се предложени мерки за обезбедување присуство“.

Македонија | пред 1 година

(Видео) „Паднаа“ 11 лица: Ковачевски, Капушевски, Јахоски добија кривичнa - најдени пиштоли, муниција, телефони

„На 10.03.2025 спроведена е полициска акција од страна на Министерството за внатрешни работи во координација со ОЈО за ГОКК, при што врз основа на обезбедени наредби од Основен кривичен суд извршени се претреси на повеќе локации на подрачје на Скопје, Битола и Кичево, кај правни и физички лица, во врска со сторени кривични дела поврзани со сомнителни набавки на деривати. Во рамки на акцијата лишени од слобода се 11 лица, едно лице е недостапно за органите на прогонот и едно е со мерка притвор. До сега, од извршените претреси пронајдени и одземени се документација, пет мобилни телефонски апарати, околу 1500 парчиња муниција од различен калибар, два пиштоли и три патнички моторни возила“, велат од МВР и додаваат:Од страна на МВР до Основното јавно обвинителство за гонење на организиран криминал поднесена е кривична пријава за „злоупотреба на службена положба и овластување“ и „перење пари и други приноси од казниво дело“ против 13 физички и едно правно лице и тоа: В.К. (55) од Битола, А.М. (44) од Скопје, Н.С. (61) од Општина Маврово и Ростуше, Е.П. (52) од Скопје, М.Н. (60) од Скопје, Б.М. (51) од Скопје, Р.Р. (48) од општина Желино, Д.С.Ј. (43) од Куманово, Д.С. (66) од Скопје, Д.С. (43) од Велес, Р.К. (38) од Скопје, Е.С. (43) од Кичево и А.Ј. (40) од с.Пласница и правно лице од Скопје.МВР по насоки на надлежниот јавен обвинител ќе продолжи со преземање на понатамошни полициски активности и дејствија со цел обезбедување на други докази поврзани и со други кривични дела.

Македонија | пред 1 година

Влада: Се донесе предлогот на Закон за изменување и дополнување на Законот за медиуми со цел да се зајакне конкурентноста во медиумскиот простор

Владата на денешната 57-ма седница го донесе предлогот на Закон за изменување и дополнување на Законот за медиуми. Со оглед на фактот дека резултатите од последните истражувања покажуваат дека над 70% од јавноста се информира на интернет, со што онлајн медиумите стануваат важен чинител во медиумскиот простор, се наметна потребата од нивно воведување во Законот за медиуми, што ќе придонесе и за поинтензивно поттикнување на саморегулацијата како битен сегмент за професионалното новинарско работење и зајакната конкурентност во медиумскиот простор.Предлог на законот за изменување и дополнување на Законот за медиуми има за цел да ја зајакне конкурентноста во медиумскиот простор и да ги реши постојните проблеми со интернет порталите, преку поставување на правна рамка која ги препознава како такви, односно јасни правила за нивно основање и регистрација.

Македонија | пред 1 година

Жена натепана од сопругот, скопјанец натепан во автосервис, најдено исчезнато девојче

На 10.03.2025 во 22.00 часот во СВР Скопје, 37-годишна жена од Скопје пријавила дека околу 21.30 часот на подрачјето на Гази Баба била физички нападната од нејзиниот поранешен сопруг Д.В.(51) од Скопје. По целосно документирање на случајот, ќе следува соодветен поднесок.На 10.03.2025 во 13.20 часот во СВР Скопје, А.С.(25) од Скопје пријавил дека околу 11.30 часот во автосервис на подрачјето на Мирковци, по претходна расправија околу поправка на возило, бил физички нападнат од А.А. и уште едно машко лице, при што биле употребени остар и метален предмет.На 09.03.2025 во 18.10 часот во СВР Скопје, 52-годишна жена од скопско село пријавила дека во семејниот дом, нејзиниот сопруг И.М. ѝ упатувал закани и се обидел да ја удри со тврд предмет.На 10.03.2025 во 21.30 часот на подрачјето на Бит Пазар, полициски службеници од СВР Скопје ја пронашле А.М.(14) од Скопје, за која на 13.02.2025 во Полициското одделение Шуто Оризари беше пријавена дека се оддалечила од семејниот дом. Таа била предадена на нејзиниот старател.

Македонија | пред 1 година

Запалени пет возила во Гази Баба - зафатена и куќа

На 10.03.2025 во 07.40 часот во СВР Скопје, Д.С.(71) од с.Стајковци, општина Гази Баба, пријавил дека околу 06.30 часот во импровизирнаа гаража во дворот од неговата семејна куќа биле опожарени паркирани патнички возила „шевролет спарк“ и „тојота“ и мотоцикли „хонда“, „сузуки“ и „баотиан“, сите со скопски регистарски ознаки, во негова и сопственост на неговиот син З.С.(50) од с.Стајковци.Од пожарот била зафатена и фасадата на неговата куќа, како и патничко возило „фолксваген голф“ со скопски регистарски ознаки, сопственост на соседот С.Н.(20) од с.Стајковци.Повредени лица нема, а од екипа на Бригадата за противпожарна заштита Скопје пожарот бил изгаснат. Извршен бил увид од увидна екипа од СВР Скопје.

Скопје | пред 1 година

Пазете со апликациите: Прилепчанка остана без 600.000 денари, нејзиниот сопруг остана без 280.000 денари

На 10.03.2025 во 16.00 часот во ОВР Прилеп, жена од Прилеп пријавила дека во периодот од 27.02.2025 до пријавувањето, од нејзината сметка во банка во неколку наврати биле повлечени вкупно 616.000 денари, додека од сметката на нејзиниот сопруг во неколку наврати биле повлечени 280.000 денари.Според пријавеното, претходно, тие повеќе пати биле контактирани од лица кои се претставувале како вработени во компанија која се занимава со тргување на берза со злато и пари и од нив барале да симнат нивна апликација и да се регистрираат на неа, а исто така, им биле побарани и матични броеви, кои ги споделиле со нив. Се преземаат мерки за расчистување на случајот.

Македонија | пред 1 година

Кривична за убиството на паркингот во Чаир: седум лица се инволвирани

СВР Скопје поднесе кривична пријава против Н.М.(28) од Скопје поради постоење основи на сомнение за сторено кривично дело „убиство“ и „тешки дела против општата сигурност“ во врска со кривично дело „предизвикување општа опасност“, против Б.Б.(39), А.Д.(34), Б.А.(30), сите од Скопје, поради постоење основи на сомнение за сторено кривично дело „предизвикување општа опасност“, против Н.Д.(22) и А.Д.(23), двајцата од Скопје, поради постоење основи на сомнение за сторено кривично дело „соизвршителство“ во врска со кривично дело „убиство“, против Н.Г.(39) и К.Т.(28), сите од Скопје, поради постоење основи на сомнение за сторено кривично дело „помагање на сторител по извршено кривично дело“.На 10.02.2025 во Скопје на паркинг простор на подрачје на Чаир, поради претходно недоразбирање во сообраќајот, настанала расправија помеѓу Х.Б.(35), второ, трето и седмопријавениот, од една страна и прво, четврто, петто и шестопријавениот и Н.М.(31), од друга страна, која преминала во вооружена престрелка, во која првопријавениот со пиштол испукал неколку проектили и ги погодил Н.Д. и Х.Б.. Од здобиените повреди, Х.Б. починал на место. По ова, четвртопријавениот и третопријавениот со пиштол започнале неконтролирано да пукаат, при што третопријавениот се здобил со повреди, а од проектилите биле оштетени и неколку паркирани возила.Потоа, второпријавениот со друго лице го однеле починатиот во Градската општа болница „Св. Наум Охридски“, а останатите пријавени се обиделе да ги скријат трагите, оружјата и возилата.Набргу , по пријавување на настанот, по преземени мерки од слобода биле лишени учесниците во настанот, додека по негово целосно документирање е поднесена пријавата.

Скопје | пред 1 година

Отстрането ѓубрето на Пластичарска

Во текот на вчерашното деноноќие, екипите на ЈП Комунална хигиена-Скопје отстранија неколку обемни диви депонии лоцирани во скопските општини Чаир, Центар и Гази Баба.Во општината Чаир е повторно интервенирано на булеварот Никола Карев (Пластичарска улица), каде што се подигнати 30 кубни метри мешан комунален и кабаст отпад одложени кај детското игралиште на аголот со улицата Максут Садик.Во општината Центар се отстранети приближно 20 кубни метри кабаст отпад од јавни и сообраќајни површини на улиците Митрополит Теодосиј Гологанов и Народен фронт.ЈП Комунална хигиена-Скопје реализираше активности и во скопската општина Гази Баба, каде што во населбата Хиподром се подигнати 10 кубни метри кабаст и градинарски отпад одложени на сообраќајна површина во близина на последната автобуска постројка на автобусот бр.50.

Скопје | пред 1 година

(Видео) Изгласана интерпелацијата на Весна Дамева: Нема легитимитет за функцијата

Со 77 гласа е изгласана интерпелација на членот на Судскиот совет, Весна Дамева. Одлуката беше поздравена со аплауз. Немаше против, ниту воздржани.„Собранието ја прифати интерпелацијата за членот на Судскиот совет Весна Дамева“, констатираше собранискиот спикер Африм Гаши.Потоа, со 74 гласови, Собранието донесе заклучоци со кои смета дека Дамева го изгубила легитимтетот.„Собранието утврди дека Весна Дамева како член на Судскиот совет имала значителен придонес во загрозување на судството и судиите и допринела за падот на довербата во судството, не ја извршувала својата функција, а го губи и легитимитетот да учествува во работата на Судскиот совет со оглед дека и е изгласана интерпелација“, рече Гаши.На сметка на Дамева дојдоа многу критики. Нејзиниот сопруг има поврзаност со Скопски пазар, па ја обвинуваа дека постапувала по предмети и дека не се изземала. Потоа, сметаа дека таа е несоодветен кадар бидејќи според дел од пратениците таа не е истакнат правник како што се бара според законот. Бидејќи стана член на Судскиот совет по предлог на експратеседателот Стево Пендаровски, од говорницата прашаа и како ја нашол токму неа, бидејќи била само стручен соработник во суд, а ниту стручните соработници меѓу себе не се познаваат.Инаку, Дамева беше и претседателка на Судскиот совет, во време кога имаше кавги и расправии, како и раскол меѓу членовите. Беше разрешена, па вратена со судска одлука на функцијата, бидејќи судот одлучи дека разрешувањето било незаконско.

Македонија | пред 1 година