Предмалку се случи сообраќајна несреќа кај Рача, над Хидробилоскиот завод. Автомобил е превртен на кров. Сеуште нема информации за повредени лица. Автомобилот е со охридски таблици.Полицијата во моментов врши увид.Наскоро повеќе...
Македонија | пред 4 години
Од 1 јуни маските нема да бидат задолжителни на отворен простор, дознава „Фокус“ од извори од Министерството за здравство. Според информациите, ова се должи на подобрената епидемиолошката состојба во земјава, бројот на новозаразени и хоспитализирани лица се намалува, па оттука Комисијата за заразни болести најверојатно ќе предложи укинување на оваа мерка.Министерот за здравство, Венко Филипче оцени дека по три силни брана вирусот конечно стивнува и дека сега го имаме најсилното оружје за борба со вирусот – вакцината.извор: „Фокус“
Македонија | пред 4 години
Претседателот на Владата на Република Северна Македонија, Зоран Заев, се сретна со Клеменс Која, шеф на Мисијата на ОБСЕ во Скопје.На состанокот е разговарано за важноста на политиките на разбирање, со цел напредок на државата на домашен и на меѓународен план. Заеднички е констатирано дека е потребна посветеност од страна на сите политички субјекти во земјава, за ефикасно решавање на прашањата од полза на граѓаните и за функционален Парламент. Оценето е дека концептот „Едно општество“ за сите дава резултати и се изразени заеднички очекувања дека државата ќе продолжи да се развива во тој правец.„Водиме инклузивни политики, со цел постигнување разбирање помеѓу етничките заедници во државата и помеѓу власта и опозицијата - за клучните прашања од полза за граѓаните. Фокусирани сме и на функционални добрососедски односи, во европски дух - не само поради нашите аспирации во евроинтеграциите, туку и како одговорна држава којашто сака да придонесува во регионалниот и светскиот мир, посебно како нова членка на НАТО“, рече премиерот Заев.Претседателот на Владата, Заев, се заблагодари на ОБСЕ за континуираната поддршка на демократските процеси на нашата држава. Во таа насока, премиерот Заев соопшти дека е чест за Република Северна Македонија, што ќе претседава со ОБСЕ во 2023 година, за прв пат откако во 1995 година нашата држава стана членка на ОБСЕ. Тоа, како што оцени премиерот Заев е силна порака и дека нашата држава е дел од интернационалното семејство и најави дека довербата од нашите меѓународни пријатели ќе биде оправдана.„Имаме искуства во развојот на мултикултурно општество, решавање на билатерални прашања, како што се Договорот од Преспа и Договорот за пријателство и добрососедски односи со Бугарија и ќе продолжиме да придонесуваме во регионалната соработка и светскиот мир“, рече премиерот Заев.На средбата е посветено внимание и на прашања од областа на изборното законодавство, при што премиерот Заев соопшти дека фокусот е ставен на препораките на ОБСЕ за унапредувања во оваа област. Исто така беше разговарано и за прашања од областа на економијата, екологијата, енергетиката, инвестициите, евроинтеграциите, во насока на натамошната демократизација на државата.
Македонија | пред 4 години
Новото магазинско издание на емисијата „360 степени“ се емитува вечерва од 22 часот на ТВ Алсатво „360 степени“-Што ќе бидат последиците од нов закон за легализација на довоградби – слика од заштитеното подрачје на Осоговските планини и од срцето на Скопје – Дуќанџик;-Рашковски – владиниот генерален секретар, купил уште патент од Рашковски-иноваторот што не го користи ниедна институција: Кабина за гласање за 105 илјади евра народни пари;-Во очекување на следните потези на португалското претседателство со ЕУ – бугарскиот претседател Радев вели дека станал многу интересен за европските лидери и дека дневно зборува со по двајца премиери, еден претседател и еден комесар;-Бислимска клисура: Нова локација за активен туризам – репортажа;-„Саботажа“.Емисијата почнува во 22 часот на ТВ Алсат.
Македонија | пред 4 години
Министерството за здравство информира, согласно податоците од Институтот за јавно здравје:Во последните 24 часа се направени 1.418 тестирања, а регистрирани се 7 нови случаи на КОВИД-19 во:Скопје – 7.Регистрирани се 71 оздравени пациенти од:Скопје – 18, Куманово – 15, Битола – 8, Велес – 4, Штип, Кочани и Пробиштип – по 3, Кичево, Радовиш, Делчево и Виница – по 2, Прилеп, Струмица, Неготино, Свети Николе, Валандово, Крушево, Демир Хисар, Кратово и Македонска Каменица – по 1.Пријавени се вкупно 18 починати лица: 7 лица од Скопје (41г,54г,58г,79г,81г,84г и 86г), по 3 лица од Тетово (69г,72г и 81г) и Гостивар (68г,68г и 77г), 2 лица од Прилеп (80г и 90г) и по едно лице од Виница (76г), Македонска Каменица (77г) и Дебар (92г).Од пријавените, 9 лица се починати во домашни, а останатите 9 во болнички услови. Пријавените 9 лица починати во домашни услови се од месец април.Направени се 1.418 тестови преку: ИЈЗ-140, ЦЈЗ Скопје-38, ЦЈЗ Битола-0, ЦЈЗ Прилеп-0, ЦЈЗ Тетово –0, Клиника за инфективни болести и фебрилни состојби-0, Судска медицина-0, лабораторија болница Козле-0, УК Пулмологија со алергологија–3, ГОБ 8-ми Септември-0, Институт за микробиологија–0, МАНУ-0, Жан Митрев (Филип Втори)-117, Авицена-133, Биотек-194, Систина-353, лабораторија Лаор-0, Синлаб-0, Ремедика-0, Плодност–0, Генеа–0, Никоб лаб-0, ЈЗУ и ПЗУ (рапид тест) – вкупно 440.Досега во земјата се направени вкупно 778.092 тестирања на Ковид-19.Вкупната бројка на КОВИД-дијагностицирани лица во нашата земја од почетокот на епидемијата изнесува 155.067, бројката на оздравени пациенти е 146.940, на починати е 5.329, а бројот на активни случаи изнесува 2.798.Според епидемиолошки анализи во моментов, дистрибуцијата по градови е следна:Дистрибуција по градови Заболени (вкупно) Активни случаи (вкупно)Скопје 68412, Активни 1129Куманово 8805, Активни 257Прилеп 8283, Активни 122Тетово 7207, Активни 104Битола 6286, Активни 183Велес 5467, Активни 69Гостивар 5164, Активни 45Кавадарци 5150, Активни 38Охрид 4994, Активни 186Штип 4956, Активни 50Струмица 4106, Активни 77Струга 2979, Активни 65Кочани 2785, Активни 47Кичево 2550, Активни 74Гевгелија 2190, Активни 25Неготино 2182, Активни 21Свети Николе 1522, Активни 35Ресен 1233, Активни 33Крива Паланка 1219, Активни 7Радовиш 1150, Активни 57Берово 1027, Активни 4Делчево 971, Активни 25Дебар 939, Активни 5Виница 881, Активни 47Пробиштип 789, Активни 11Валандово 665, Активни 4Богданци 493, Активни 3Крушево 489, Активни 22Демир Хисар 397, Активни 18Демир Капија 396, Активни 0Кратово 373, Активни 20Македонски Брод 358, Активни 2Пехчево 268, Активни 1Македонска Каменица 249, Активни 12Дојран 132, Активни 0фото: Архива
Македонија | пред 4 години
„Му го честитаме на братскиот македонски народ денот на светите Кирил и Методиј и кој се слави како државен празик.Денеска во Русија е свечен ден - Денот на словенската писменост, а писменоста дојде кај нас токму од Македонската земја, се вели во објавата на Твитер на Руската амбасада, кои ја пренеуваат изјавата од Претседателот Владимир Путин. Провери го и ова: Бугарски европратеник и новинар отворија „војна“ со Русија: Кирил и Методиј се бугари, како и Климент ОхридскиСуптилна закана или предупредување: Радев упати порака до Македонија за ЕУ патот
Македонија | пред 4 години
На денешното положување цвеќе по повод празникот Денот на сесловенските просветители Св. Кирил и Методиј, премиерот Заев одговори на новинарски прашања кои ви ги пренесуваме во целост:Премиерот Заев: „Без малку 12 века или 1150 години кога сесловенските просветители Св. Кирил и Методиј ни ја донеле азбуката, ни го донеле тоа што претставува трајно едно наследство на целиот европски континент кое што останува врежано во меморијата и во севкупното богатство на словенските народи, драго ми е што денеска живее македонскиот јазик со македонската азбука заедно со сите словенски јазици и азбуки како дел од европското наследство надевајќи се дека нашиот македонски јазик ќе стане еден од официјалните службени јазици на ЕУ, го славиме 24 Мај затоа што дефинитивно ова претставува едно од најважните наследства кое што ни е оставено да го негуваме, да го унапредуваме и да го пренесуваме на следните генерации.“Премиерот Заев: „Како човек којшто го негува пријателството, дијалогот и дипломатските разговори за изнаоѓање на решенија на градење пријателство очекувам помеѓу нашиот претседател Пендаровски и бугарскиот претседател Радев да се изнајде некој исчекор во поглед на надминување на овој проблем којшто дефинитивно ја кочи европската интеграција на целиот Западен Балкан но и нашите европски перспективи, 16 и пол години правиме од кога сме земја кандидат, 2001 година имаме договор за асоцијација и стабилизација веднаш после Словенија а пред Хрватска, навистина никој аспирант за ЕУ којшто сакал да го продолжи понатаму патот не чекал толку како денеска Северна Македонија, јас верувам дека Бугарија ќе биде и понатаму силен поддржувач и на Северна Македонија но и на патот на европските интеграции на Западен Балкан севкупно заради тоа што тоа го покажаа неколку пати до сега посебно 2018 година организирајќи го самитот за Западен Балкан на ЕУ токму во Софија под раководство на премиерот Борисов и Владата, верувам дека европскиот дух којшто претседателот Радев го негува, но и нашиот претседател ќе им биде доволен импетус помеѓу двајцата да направиме еден исчекор и да продолжиме понатаму во нашата европеизација а секако ние низ роуд мап ќе успееме да го забрзаме, ефектираме она што претставува спроведување на договорот за пријателство, добрососедство и соработка помеѓу Северна Македонија и Бугарија.“Премиерот Заев: „Немам детали за страната на Бугарија односно за Софија како го разгледува предметот но според мене мислам дека португалското претседателство, португалскиот министер Агуста Силва заедно со неговиот тим воделе грижа за двете страни за да бидат вклопени очекувањата, кај нас рековме дека тоа е добра база, појдовна основа за решение, ние го дискутираме сериозно и веќе се одржаа неколку состаноци и ќе продолжат секако во текот на оваа седмица да се одржуваат, исто така гледам дека и во бугарската страна имајќи ја во предвид резолуцијата освоена во нивниот парламент, ставовите на бугарската страна тие го имаат сето тоа што е важно соодветно и алоцирано, дали е во договор за асоцијација и стабилизација, дали е во роуд мап или патната карта којашто претставува обврска на двете страни во идното позабрзано реализирање на договорот за пријателство и добрососедство и соработка помеѓу Северна Македонија и Бугарија или без разлика дали се работи за прашања коишто ниту еден народ не ги разговарал така и ние тоа е нашиот македонски јазик и македонскиот идентитет се секако строго заштитени но истовремено ја има опфатено и бугарската страна тоа е реалноста за постоењето на македонскиот јазик и македонскиот идентитет и секако си имаат свое право како што тоа го регулираат согласно нивните документи или резолуции да остане прашање за коешто и понатаму може да се разговара заради тоа што во неколку наврати јас до сега реков а и многу други наши високи политички личности дека очекуваме час поскоро Бугарија да го признае и официјално македонскиот јазик и македонскиот идентитет така да имаме еден важен документ јас сум многу позитивно изненаден заради тоа што една земја членка којашто е буквално на другата јужна страна од европскиот континент, не е толку блиску до Балканот е толку детално упатена, навлезена, креативна, инвентивна за да се изнајде решение затоа рековме дека секојпат е можно да се изнајде решение ако има добра волја од двете страни.“
Македонија | пред 4 години
19 годишно момче од Штип завршило со тешки телесни повреди откако изгубило контрола врз мопедот кој што го управувал и излетал од патот, информира МВР.Според информации од таму, вчера околу 17.00 часот во Штип, на ул.„Суитлак“, мопед „баотиан“ со штипски регистарски ознаки управуван од Д.К.(19) од Штип изгубил контрола и излетал од коловозот.На Д.К. во Клиничката болница-Штип му се констатирани тешки телесни повреди.Увид на местото на настанот извршила увидна екипа на СВР-Штип.
Македонија | пред 4 години
Претседателот на Единствена Македонија Јанко Бачев упати честитка по повод одбележувањето на 24 мај, Денот на Македонските просветители Св. Кирил и Методиј.-„Дозволете ми во свое лично име и во име на Единствена Македонија да ви го честитам 24 Мај, Денот на светите Македонски браќа Кирил и Методиј. Ден посветен на македонските апостоли кои оставија траен белег во историјата на човештвото.Празникот со децении го одбележувавме со голема радост. Но, во последните четири години одбележуваме поразлично од изминатите децении, соочени со националното предавство што го изврши марионетската власт во Скопје инсталирана и купена од странски центар за спроведување на геноцидната политика врз Македонија и Македонците. Марионетската власт во Скопје е голем срам за Македонците бидејќи денеска се срами да го изговори зборот „Македонските просветители“.Марионетската власт се определи за погубната определба да гледа во иднината и големото творештво на светите Македонски браќа Кирил и Методиј да го подари на татарско-монголска Бугарија иако простата вистина вели дека иднина без минато на еден народ е празнина и безличност. Денеска на отворена сцена светот одава признание дека писменоста доаѓа од Македонија, само марионетската власт во Скопје се срами од Македонските апостоли Кирил и Методиj.На овој голем и светол ден упатувам јасна порака до непријателите на македонското дело дека ќе бидат поразени во обидот за уништување на светата македонска црква, македонската нација, јазик, идентитет, историја и култура. Да ја надминеме националната и духовната поделба меѓу Македонците преку семакедонско единство како најсилна брана од секаква закана на што не обврзуваат светите Македонци, Кирил и Методиј кои го променија светот.Нека ни е честит 24 Мај, Денот на светите Македонски браќа Кирил и Методиј, се вели во честитката на Бачев.
Македонија | пред 4 години
Патот на Македонија кон Европската Унија води преку Софија порача денеска бугарскиот претседател Румен Радев за време на чествувањето делото на Светите Кирил и Методиј.„Одеднаш станав многу интересен за сите европски лидери. Во мометов кон Бугарија е насочено големо внимание. Нема да го употребам зборот притисок, но да не забораваме Бугарија е членка на Европската Унија. Од другите членки бараме солидарност. Најважно е да не дозволиме нови проблеми во Унијата“ – изјави Радев.Тој потсети дека заедно до претседателот Пендаровски на чествувањето во Рим ќе патуваат заедно, во еден авион.„Со претседателот Пендаровски ќе ја објавиме нашата јасна, заемна и политичка волја дека ќе ги развиваме односите меѓу нашите две земји во духот на доверба, пријателство и добрососедство“ – рече Радев.
Македонија | пред 4 години
Во изминатите 24 часа во ковид центрите во Скопје се хоспитализирани 5 нови пациенти поради компликации од коронавирусот. Вкупно 131 лице сомнително и потврдено за Ковид-19 се лекуваат на инфективните одделенија во главниот град, голем дел од пациентите се на кислородна поддршка, информира министерството за здравство.Во последното деноноќие, на Институтот за ТБЦ немало приеми.Во ковид центарот во ГОБ 8 Септември имало еден примен пациент и 4 биле примени на Клиниката за инфективни болести и фебрилни состојби во текот на вчерашниот ден.Во изминатите 24 часа дома е пуштен еден оздравен пациент.Во ковид центрарот на Институтот за ТБЦ се лекуваат 18 пациенти.Во ГОБ 8 Септември има вкупно 49 болни, а на Клиниката за инфективни болести и фебрилни состојби лежат 64 пациенти.Бројот на приеми во изминативе денови се намалува и утрово до 8 часот имало 80 слободни места, а се очекува во тек на денот по направените исписи на оздравените пациенти да се ослободат и дополнителни места.Сите инфективни одделенија имаат довод на кислород и можат да згрижат пациенти кои имат потреба од кислородна поддршка, велат од МЗ.
Македонија | пред 4 години
Телеметриската сеизмолошка мрежа на Република Северна Македонија, со станици во Скопје, Валандово, Охрид, Штип и Пехчево, одржувана од Сеизмолошката опсерваторија при Природно-математичкиот факултет во Скопје, рано утринава, регистрира три земјотреса и тоа во 3 часот и 52 минути, 4 часот и 59 минути и во 6 часот и 15 минути, од епицентралното подрачје Тетово-Гостивар.Епицентрите на овие земјотреси се наоѓаат на 65 км југозападно од Скопje во околината на Маврово и првите два беа со локална Рихтерова магнитуда ML3.2 додека третиот со магнитуда ML2.4, информираат надлежните.Според досегашните податоци првите два земјотреса беа почувствувани од населението во Маврово со интензитет од IV степени според Европската макросеизмичка скала, додека во Гостивар и Кичево со интензитет од III степени а третиот земјотрес беше почувствуван во Маврово и околината со интензитет од III степени според истата скала.
Македонија | пред 4 години
Светите браќа Кирил и Методиј борејќи се за признавање на словенското писмо и јазик, го афирмираа правото на еднакво признавање на секој јазик.Нивното историски и културолошки значајно дело претставува огромен цивилизациски придонес за сите народи кои ги негуваат словенските културни и традиционални особености. Со своето творештво даруваа многу народи со писменост, просветлувајќи го патот на развојот и културното издигнување. Нивната благородна мисија е светска придобивка која денес преку писменоста обединува многу народи.Нека е вечно името на светите браќа, а делото нивно да го зачуваме од заборав. Нека ни е честит денот на сесловенските просветители и да го славиме уште многу години, стои во ФБ објавата на градоначалникот Георгиески.
Македонија | пред 4 години
Верувам дека дневнополитичките игри и влијанија набрзо ќе завршат и науката ќе се согласи во врска со посебноста на двете нации и на двата јазика – македонски и бугарски, вели проф. д-р Елена Јованова-Грујовска, нагласувајќи дека македонскиот јазик е признат од сите славистички и лингвистички центри. Таа ова го вели во контекст на прашањето поврзано со ставовите на официјалната бугарска политика за македонскиот јазик истакнувајќи дека во изминатите години научните академии на Македонија и Бугарија имале конференции и заеднички проекти.Според директорката, постојано има интерес за отворање реципрочни лекторати и со решавање на, како што рече, специфични барања, значително ќе се зголеми бројот на нашите лекторати. Вели и дека Институтот за македонски јазик е активен во продлабочување на соработката со соседните и со другите европски лингвистички центри, а најголемиот предизвик на институцијата што ја раководи е вработување квалитетен подмладок – млад лингвист вработиле пред три години по пауза од две децении.Во врска со чествувањето на сесловенските просветители светите Кирил и Методиј, Јованова-Грујовска, во интервју за МИА, вели дека во рамки на активностите кои продолжуваат до крајот на месецот, по покана на македонскиот амбасадор во Албанија, Данчо Марковски, професори од Институтот за македонски јазик, заедно со претседателот и членови на Советот за македонски јазик, на 27 и 28 мај ќе одржат настава со работна трибина во Пустец, Мала Преспа, за наставниците што им предаваат на македонските ученици.„Одиме подготвени: за учениците носиме книги, маички, училиштен прибор … На овој начин придонесуваме за подигнување на јазичната култура на македонските родени говорители и надвор од границите на државата“, вели директорката на Институтот.Таа нагласува дека Институтот за македонски јазик целосно е посветен на проучување на македонскиот јазик на сите рамништа (дијалектно, историско, ономастичко, лексичко, на современ план) и на ширење на јазичната култура.„Во минатите седум децении, современиот македонски јазик си ја најде својата соодветна употреба во сите сфери на општествениот живот. Секогаш може да биде подобро. Секогаш има нови предизвици. Најновиот предизвик е влијанието на туѓата лексика во рамките на глобализацијата и дигиталната ера. Лингвистите се исправени пред задачата: колку што може да понудат соодветна македонска лексика за странските зборови или, барем, да ги приспособат на македонскиот зборообразувачки и формообразувачки систем“, вели Јованова-Грујовска.Извор/фото:Агенции
Македонија | пред 4 години
На 23.05.2021 во 13.30 часот во с.Кадрифаково, светиниколско од полициски службеници од ПС за БПС Штип биле лишени од слобода М.Ф.(27), Ф.Р.(40) и Љ.И.(25), сите од Скопје, бидејќи при извршен преглед над нив и патничко моторно возило „мерцедес“ со скопски регистарски ознаки во кое се превезувале, биле пронајдени 60 грама хероин, како и марихуана. Против лицата е поднесена кривична пријава и во текот на денот ќе бидат изнесени пред судија на претходна постапка.
Македонија | пред 4 години
Во текот на вчерашниот ден (23.05.2021) спроведена е зајакната акциска контрола на подрачјето на СВР Скопје за санкционирање на прекршоци што ги чинат возачите на мотоцикли, при што санкционирани се 90 возачи. Од нив, 42 возачи не користеле заштитна кацига, 26 возеле без возачка дозвола, три мотоцикли се одземени поради истечена сообраќајна дозвола и предизвикување голема бучава, а санкционирани се и други прекршоци.Засилените акциски контроли продолжуваат и во наредните денови. Апелираме до сите учесници во сообраќајот да ги почитуваат сообраќајните правила и прописи и заеднички да придонесеме за побезбедни патишта.
Скопје | пред 4 години
Претседателот на Владата на Република Северна Македонија Зоран Заев упати писмо со честитки по повод празникот 24 Мај – Ден сесловенските просветители Светите Кирил и Методиј до ректорот на Универзитетот „Св. Кирил и Методиј“ од Скопје, кој е воедно и патронен празник на нашиот прв државен Универзитет.Содржината на честитката на премиерот Заев ви ја пренесуваме во целост:„Дозволете ми во мое лично име и во име на Владата на Република Северна Македонија вам како ректор на Универзитетот „Свети Кирил и Методиј“ во Скопје, на деканите, продеканите, професорите, сенаторите и на сите студенти да ви го честитам 24 Мај, Денот на сесловенските просветители, светите браќа Кирил и Методиј и патрониот празник на УКИМ.Историјата на Универзитетот „Св. Кирил и Методиј“ е нераскинлив дел од историјата на Северна Македонија, кој изминатите 72 години како првиот државен универзитет во нашата земја ја исполнува својата мисија на еден од столбовите на нашата државност.УКИМ како достоен продолжувач на визијата и просветителското дело на светите браќа Кирил и Методиј досега има создадено околу 150.000 високостручни кадри, над 10.000 магистри и специјалисти и околу 4.000 доктори на науки во сите наставно-научни области.Делото со кое нè задолжија светите браќа Кирил и Методиј како основачи на првото словенско писмо и оставија драгоцено цивилизациско богатство за македонскиот народ, како и за сите словенски народи, нé поттикнува да размислуваме и дејствуваме, без предрасуди, да ги негуваме нашите вредности и да ги почитуваме другите.Исполнувајќи ја својата дејност УКИМ како автономен вруток на знаењето, науката и образованието обезбедува наставна, научна и апликативна дејност во природно-математичките, техничко-технолошките, медицинските науки и здравството, биотехничките, општествените и хуманистичките науки и во уметностите.Воедно овој наш престижен Универзитет останува посветен на негувањето и чувањето, но и на меѓународната афирмација на традиционалните обележја и вредности на македонскиот народ и македонскиот јазик, на нашата историја, литература и култура, како и на културните вредности на сите други етнички заедници во Северна Македонија.Годинава Филолошкиот факултет „Блаже Конески“, темелникот околу кој се издигна УКИМ, одбележува значаен јубилеј, 100-годишнината од раѓање на неговиот патрон, на великанот на македонската култура како најзаслужен за утврдувањето на македонскиот стандарден јазик. Токму во чест на Џинот од Небрегово, чие дело е светски признато ова одбележување, е дел од Календарот на важни меѓународни јубилеи поддржани од страна на УНЕСКО.Врвен приоритет за Владата е зголемувањето на инвестициите во високото образование. Во согласност со добрите европски практики да ги унапредиме условите за работа и студирање, како и достапноста, особено за лицата со попреченост на системот, обезбедувајќи квалитет и ефикасност.Оваа Влада успеа да постигне Колективен договор за високо образование и наука со кој за прв пат по 30 години се уредува системот на плати во високото образование и се спречуваат неизвесностите на кои со години беа изложени научниот, наставниот и ненаставниот кадар во високото образование.Јас како премиер и оваа Влада, Ве уверувам дека остануваме посветени на активната поддршка на развојот на универзитетската и на образовната дејност.Нека ни е честит и вековит 24 Мај, Денот на сесловенските просветители, Светите Кирил и Методиј! Нека е честит патрониот празник на УКИМ!“
Македонија | пред 4 години
Претседателот Стево Пендаровски упати честитка по повод одбележувањето на 24 Мај, Денот на сесловенските просветители Св. Кирил и Методиј.Почитувани граѓани,Денеска, на 24 мај, ние во Република Северна Македонија, заедно со другите народи од словенското говорно подрачје, го празнуваме делото на сесловенските просветители, светите браќа Кирил и Методиј.Св. Кирил вели дека „без книга сите народи се голи” и подложни на асимилација и исчезнување. Создавајќи ја првата пишана словенска азбука – глаголицата и преведувајќи го Светото писмо и другите црковни и световни текстови на старословенски јазик, светите браќа отворија нови просветни, духовни и културни видици за словенските народи во Европа. Со тоа Св. Кирил и Методиј на словенските народи им го дадоа клучот за самоидентификација и самоопределување низ вековите. Бранејќи го фундаменталното право на словенските народи на свој јазик и писменост, Св. Кирил и Методиј се изборија и за достоинството на различноста како суштинска европска вредност.Македонскиот јазик, како и секој друг словенски јазик, е гранка од стеблото засадено од Св. Кирил и Методиј и нивните ученици, меѓу кои и Св. Климент и Св. Наум Охридски. Какви плодови ќе береме зависи од тоа колку ќе вложуваме во нашата македонска гранка од словенското јазично стебло. Тоа е наша должност кон претходните и идните генерации но и наш придонес кон европскиот културен, образовен и цивилизациски простор.Нека ни е за многу години 24 мај – Денот на сесловенските просветители!
Македонија | пред 4 години
Различни нон пејпери за решавање на косовскиот проблем ме плашат бидејќи не зараснаа сите рани на Балканот. Кога ЕУ закочи со сите нас, штом ќе го забави нашиот процес на интеграција, не мислам само на Северна Македонија, туку и на Србија, Црна Гора, па дури и на БиХ и Албанија, се појавуваат некои нон пејпери, други, радикални идеи . И тие други идеи можат да завршат само со војни, на кој било друг начин“, вели во интервју за Курир.рс Зоран Заев.На прашањето колку е исплашен од војна, премиерот вели дека се надева дека никогаш нема да има повеќе војни.„Треба да го прошириме нашиот пат на интеграција затоа што тоа ни дава иднина“, вели тој.Прашан дали се плаши од „Голема Албанија“, во која се наоѓа дел од Северна Македонија, која отворено се пропагира, премиерот вели.„Никогаш не можам да кажам „не“ со сигурност, но тоа би било тешко во Северна Македонија бидејќи ние сме членка на НАТО и со секоја закана за нашата територија и интегритет, би се активирал членот 5 од Договорот за НАТО, кој би нè заштитил - сите за еден, еден за сите. Сепак, не можам да кажам конечно „не“ затоа што дефинитивно не знаете до каде некој може да го испровоцира тоа. И затоа решението е секоја земја да влезе во ЕУ. Кога ќе ги достигнеме шенгенските услови, тогаш нема граници“, вели нашиот премиер.На дополнително прашање, дали ништо не го загрижува бидејќи сме во НАТО, вели.„И покрај тоа што Северна Македонија е во НАТО, тоа не значи дека не се грижам, никогаш не знаете. Ако нешто е ризично за српскиот народ, јасно е дека е ризик за сите нас, Балканот е мал регион, сите сме поврзани. Кога регионот е стабилен и безбеден, тогаш и Северна Македонија е безбедна и стабилна. И кога регионот е нестабилен и има проблеми, тогаш ние сме исто така нестабилни и имаме проблеми. За нас, сè што е прифатливо за Белград и Приштина е добро, решение што гарантира мир на Балканот, европска интеграција, безбедност и иднина на сите етнички заедници што живеат на таа територија“.Извор.Курир.рс
Македонија | пред 4 години
„Можеме да се опуштиме само кога 14-дневниот просек на кумулативната инциденца ќе се спушти под 20. Тоа ќе значи дека епидемијата поминала“, изјави епидемиологот и д-р Драган Даниловски за ТВ Канал 5.Според него, само тогаш можеме слободно да ги релаксираме мерките.„Враќање на животот без маски би можело да се очекува уште во текот на летото. Тоа го очекувам крајот на јуни, а почетокот на јули. Значи ќе ни остане уште доволно време за да уживаме во летото“, посочува Даниловски.Во однос на забавата во дворот на Музејот на Македонија во петокот вечерта, каде стотина гости без маски и дистанца се забавуваа на техно музика, во рамки на настан – изложба организирана од Музејот на современа уметност, Даниловски вели дека не очекува големо зголемување во бројот на заразени поради овој настан.
Македонија | пред 4 години
Во моментов се сече парк на Партениј Зографски во населба Водно и покрај петиција на граѓани да не се сече. ЗА ДА НЕКАКОВ ИНВЕСТИТОР ШТО ФИЗИЧКИ СЕ ПРЕСМЕТУВА СО СОСЕДИТЕ ГРАДИ ЗГРАДУРИНА.ПОМОШ ПАРКОБРАНИ,! ОВАА УБАВИНА ЈА СНЕМУВА ПОД МОТОРНАТА ПИЛА ВО МОМЕНТОВ, пишува во објава на ФБ.извор: ФБ
Скопје | пред 4 години
СВР Тетово поднесе кривична пријава против Б.И.(38) од Тетово, сопственик на угостителски објект во Тетово, поради постоење основи на сомнение за сторено кривично дело „непостапување според здравствените прописи за време на епидемија“.На 12.03.2021, полициски службеници од СВР Тетово и инспектори од ДПИ извршиле контрола во угостителскиот објект, при што констатирале дека има околу 40 гости на семејна веселба со што не биле почитувани мерките и протоколите на Владата за спречивање на ширењето на Ковид 19.
Македонија | пред 4 години
Точно на овој ден минатата година, во 2 часот наутро, во градите на 54-годишниот Иван Огњановски зачука ново срце. Првпат во земјата беше извршена трансплантација на срце од починат донор. Огњановски го доби срцето на 43-годишната Емилија Динева од Стар Дојран, која настрада во сообраќајна несреќа, зад себе остави сопруг и две деца, а семејството се согласи да ги донира нејзините органи за да спаси живот, објави А1ОН.Оттогаш, раскажува Иван за „А1он“, секој викенд син му оди во посета на семејството Диневи во Стар Дојран. Станале како едно семејство.„Да не беа донорите, да не беше Емилија Динева, јас немаше денеска да бидам жив. Син ми секоја сабота или недела оди кај нив дома. Јас не можам да патувам, но тој не пропушта да оди да ги види. Тие и на тој начин се тешат, велат, ете, барем срцето на нашата мајка и сопруга е сѐ уште живо, чука“, вели Иван за „А1он“.Текстот во целост на: „А1он“.
Македонија | пред 4 години
Ги чека ли граѓаните уште еден ценовен шок – ќе има ли ново покачување на цената на струјата, ќе има ли евтина тарифа?Енергетските компании веќе ги доставија пресметките до Регулаторна, која треба да одлучи што ќе прифати, а што не како трошок и дали од август цената на електричната енергија ќе претрпи корекција нагоре, објави Телма. Првиот човек на Регулаторна Бислимоски, вели тие може да влијаат само на 38 проценти од трошоците кои ги пријавиле компаниите – но ќе направат се за да нема ценовни потреси.“РКЕ контролира 38 проценти, за пренос, за дистрибуција и еден сосема мал минорен дел за операторот на пазарот на електрична енергија. 58 проценти не ги регулираме ние, бидејќи тие се врз основа на случувањата на пазарот на електрична енергија и обврските кои што ги има преземено државата за обновливите извори на енергија” – вели Бислимоски.Неофицијално МЕПСО бара покачување за 100 процент, а тоа го правда со намалените приходи по основ на прекуграничните преносни капацитети и новите правила за балансирање.Текстот во целост на: Телма.
Македонија | пред 4 години
„Најпрво сакам да го честитам Националниот ден на Власите, заедно да го славиме и да му се радуваме сите. Второ, сакам да испратам порака, пред сѐ до младите Власи, да се борат за својата заедница, да бараат место под просторот на ова наше заедничко сонце, да бидат сѐ повидливи затоа што еве како реагира еден Македонец, ја слушам убавината на јазикот, на традицијата на сѐ што имаме. Посакувам да бидат поголеми борци од нивните родители, за сочувување на ова богатство коешто го имаме, на сите им посакувам здравје, благосостојба семејна хармонија, да имаат сериозни економски перспективи, поголем економски стандард да бидат уште повеќе дел од институциите на системот во којшто вградуваме“, порача премиерот Зоран Заев во интервју за влашката редакција на Националниот сервис, по повод 23 Мај – Националниот ден на Власите.Претседателот на Владата на Република Северна Македонија Зоран Заев, заблагодарувајќи се на поканата и изразувајќи задоволство како прв премиер на Северна Македонија да биде гостин во емисијата на влашки јазик, која се емитува на Националниот ден на Власите, подвлече дека нашата земја е многу богата токму поради различностите, културите, различните јазици и тоа треба постојано да се негува и надоградува.„Мило ми е што влашката заедница е во Уставот, мило ми е што го славиме и почитуваме Националниот ден и што секој ден гледаме како да го надоградиме нашето културно историско, јазично и етничко богатство, коешто го имаме. И зборувајќи по европските институции јас се гордеам со тоа. Ние сме Европа во мало со сите наши различности“, додаде Заев истакнувајќи дека влашката заедница во нашата земја е почитувана заедница и нејзините припадници се големи почитувачи и одговорни луѓе на нашата заедничка татковина Република Северна Македонија.Премиерот Заев одговарајќи на прашање, оцени дека благодарејќи на соработката со партиски претставници на влашката заедница, како и невладините организации и истакнатите општествени работници припадници на таа заедница, со кои се споделуваат заеднички вредности, демократијата, слободата и еднаквоста, се креираше, и денес успешно живее концептот „Едно општество за сите“.„Убавината е во единството, сплотеноста, колку и да сме различни по својата етничка припадност по својот јазик или по своите културолошки и културни традиции кои ги имаме. За мене е многу значајно, што влашката заедница одигра сериозна улога во сите државнички процеси, коишто непосредно пред неколку години ни се случија. Влашката заедница беше една од најактивните која излезе на Референдумот и јасно кажа дека сака европски предности, да одиме напред како држава, стабилна и безбедна Северна Македонија, којашто ќе биде членка на НАТО“, рече премиерот Заев во интервју за емисијата на влашки јазик на НРТВ, емитувана на Националниот празник на Власите - 23 Мај.
Македонија | пред 4 години
Нашата веб-страница користи колачиња за подобрување на корисничкото искуство и анализа на сообраќајот.
Прв ќе ги дознаваш ударните и вонредните случувања
