Пратениците потрошиле 5 милиони евра за патувања, а годинава граѓаните ќе платат нови 13 милиони евра

Собранието распиша тендер за Aнгажирање на агенција за сместување во земјата и странство. Законодавниот дом бара агенција која ќе ги сместува пратениците и спикерот во хотели кога ќе патуваат во земјава и надвор, а имајќи предвид дека е отворен процесот за евтоатлантските интеграции на земјава тие имаат набиени агенди.Покрај тендерот за агенција за хотелско сместување, Собранието распиша и тендер за авиобилети.Според тендерот проценета вредност на договорот без ДДВ за јавна набавка на услуги за потребите на Собранието за набавка на авио-билети е во висина од 13 милиони денари за 2 години, со тоа што дел се донација од Швајцарската агенција за развој за потребите на Парламентарен институт. Ова не значи дека сите средства задолжително ќе се потрошат, се ќе биде во зависност од меѓународната активност. Дел од средствата се рефундираат од организаторите, во зависност од настанот. Сега има актуелна рамковна спогодба со 4 агенции и договорот е сукцесивен. За секоја набавка има посебно барање до 4 компании и се бира најекономичната и најрационална понуда. Очекуваната провизија е 0,01 процент.Оваа постапка е потранспарентна и поконкурентна. Инаку двата тендера ке бидат објавени на Европски сајт за јавни набавки за да може и меѓународни агенции да конкурираат. Постапката трае 45 дена, а пред самиот почеток на постапката се спроведува технички дијалог на кој немавме ниту една забелешка.Патните расходи за авио билети за 2018 година биле 5 милиони 687.163 денари.13 милиони денари се предвидени и за сместување за период од две години. Дел од средствата се од донација од Швајцарската агенција за развој за потребите на Парламентарен институт. Очекуваната провизија е 0,01 процент. До сега секој одделен сектор сам резервираше хотели, се вршеше резерваци со картички, и сега нема секој одделно да резервира хотели и треба да се исполни минимумот услови, минимум ѕвезди, 1 км. оддалеченост од н астанот поради заштеда на средства за локален превоз и да има минимум три понуди, што значи ќе се избира најекономична и најповолна понуда.Собранието на Република Северна Македонија има Календар за претстојни активности од областа на меѓународна соработка . За 2019 година, се планирани 106 настани. Се работи меѓу другото за седници на ПС на НАТО, годишна сесија на ПС на Совет на Европа, Студиска посета на нАТО, Состанок на комисии, Парламентарно собрание на ОБСЕ, состанок на МПК-РМ и ЕУ, Генерално собрание на ОН, Рос-Рот семинар, Комисија за миграции на ПС на СЕ. Во Собранието има 8 постојани делегации за мултилатерална соработка и 46 делегации за билатерална соработка. Има соработка на ниво на работни тела, на пример за соработка на Националниот совет за европски интеграции и Комисија за европски прашања.За секое патување по добиената покана, заседава и одлучува Претседателството на Собранието. Во 2015 година за авио билети се потрошени 4,780,510.00 а за сместување 5,140,831.00, 2017 година, поради настаните и делумното неработење на Собранието за сместување се потрошени 3,234,062.00 и за авио билети 1,887,032.00.Во 2019 Собранието го очекува интензивна меѓународна соработка. Отпочнат е скрининг процесот по поглавја на кои учествуваат и административни службеници од Собранието.

Македонија | пред 7 години

Средба на премиерот Заев со шефот на Канцеларијата за врски на НАТО во Скопје, Јанковиќ

Претседателот на Владата на Република Северна Македонија, Зоран Заев, денеска се сретна со Зоран Јанковиќ, шеф на Канцеларијата за врски на НАТО во Скопје.На средбата е изразена поддршка за процесот на интеграција на Република Северна Македонија во НАТО и е истакната важноста од евроинтеграциите, во момент кога земјата бележи резултати на планот на реформите и добрососедските односи.Заклучено е дека сите во државата треба да се посветат на заокружување на реформскиот процес, посебно во правосудството и на успешни претседателски избори, што ќе и овозможи на државата да продолжи напред.-Ова се клучни моменти за евро-атлантската иднина на државата. Владата го знае својот дел од одговорноста и заедно со сите политички и општествени чинители во државата, вклучувајќи го и дијалогот со опозицијата, мотивира имплементација на реформите, посебно во делот на правосудството со цел добивање датум за почеток на преговорите со ЕУ во јуни, како и успешно заокружување на процесот на НАТО интеграциите, до крајот на годината.Истовремено посветени сме на обезбедување регуларен и успешен изборен процес за претседател на државата и очекуваме сите во државата да го имаат предвид својот дел од одговорноста во овој значаен период за Република Северна Македонија, рече премиерот Заев.На средбата е разговарано и за поддршката што Канцеларијата за врски на НАТО во Скопје ја обезбедува на нашата држава, експертска и друг вид потребна помош, во процесот на целосно интегрирањe во НАТО.-Нашата цел е Република  Северна Македонија, низ учеството во мисиите на НАТО, опременоста на Армијата, преку постепеното зголемување финансиски средства за Армијата, да биде достоинствена 30-та земја членка на НАТО, рече премиерот Зоран Заев, на средбата со шефот на Канцеларијата за врски на НАТО во Скопје, Зоран Јанковиќ.

Македонија | пред 7 години

Пендаровски:Во нашата земја мора да воведеме нова политичка култура и нов начин на водење на политиката

Политичките партии не смеат да го кочат или блокираат развојот на државата. За жал во минатото бевме сведоци кога тесно партиските интереси беа претставувани како државни интереси или како интереси на сите граѓани кои живееја во нашата земја, истакна Стево Пендаровски, заеднички кандидат за претседател.Во таков случај најголема жртва се имено граѓаните и нивните интереси бидејќи тесно партиските елити своите приватни финансиски интереси си ги претставуваат како интереси на сите нас. Тоа повеќе не смее да се дозволи.Во нашата земја мора да воведеме нова политичка култура и нов начин на водење на политиката. Јас ќе бидам како претседател решително против тоа, тесно партиските интереси да бидат претставувани како интереси на сите граѓани.Партиските интереси си имаат свое место меѓутоа несмее да дојде до спојување на интересите на една тесна партиска клика со интересите на сите нас, бидејќи во тој случај трпат економските интереси на државата, на граѓаните, трпат нашите интеграции и најмногу трпат правата и слободите на граѓаните.Како претседател на државата имам намера да бидам решително против секој обид тесно партиските интереси да бидат претставувани како интереси на целата држава.Во мене граѓаните ќе имаат најголем заштитник на своите права и слободи и најголем промотор на овој нов тип на политика кои ни е потребен после долги години стагнирање во оваа сфера, истакна Стево Пендаровски, заеднички кандидат за претседател.  

Македонија | пред 7 години

Мицкоски: Време е за казна за изневерените очекувања, да се обединиме, да ја сочуваме татковината и донесеме правдата

Изминатите неколку дена поминав речиси 1000 километри низ нашата татковина. Разговори, средби со народот и можам да го кажам следното:Ништо од тоа што ќе направи не може да биде чесно, ако на една власт и недостига правда. Чекањето на ветениот живот, заврши со неветена неправда која е секојдневие. Неправдата сторена било каде и било кому е закана за правдата насекаде. Каква и неправда да се случи некому, тоа влијае на сите нас заедно. Правдата без слободата и моќта на народот е безмоќна, а моќта без правдата е тиранска. Волтер велеше успехот е секогаш дете на храброста, истакна Христијан Мицкоски, Претседател на ВМРО-ДПМНЕ.Доаѓаат нови ветришта, а народот повеќе нема да дозволи да биде излажан. На власта би и порачал да се воздржи од плукање против ветрот, бидејќи се во животот се менува, но и се враќа. Секоја неправда, секоја солза на старата мајка за своето чедо, остава трага. Секоја година затвор од оние 211 години робија, ќе тежи на нечистата совест на оваа неправедна власт. Секоја нова воздишка на младиот човек со надеж дека може да биде подобро е истата како и секоја друга во изминатите 28 години, но и тој исто како и сите ние знаеме дека ние самите сме носители на нашата судбина и ќе биде подобро само доколку се избориме за тоа. А тоа зависи од секој еден од нас.Да си бидеме искрени едни со други и да си признаеме дека нема човек кој веќе верува дека оваа власт може да биде подобро или дека може за било што да си го одржат ветувањето. Тогаш нема што да се чека. Време е за казна за изневерените очекувања, лагите и неправдите, за измамата со чувствата на граѓаните. Време е да се покаже дека овде има достоинствен народ што не дозволува да биде потценет и излажан. Ова веќе е битка за нашето достоинство, нашата верба во вредностите и за тоа што сакаме да бидеме во иднина. Ова е битка за сонот кој го сонуваме откако знаеме за себе, за нашата татковина, за татковината за која мечтаеме, која ја сонуваме и за која вреди да се бориме.Секоја генерација си има своја битка, оваа битка е нашата, можеби е најважната бидејќи во прашање е опстанокот на нашата земја и она што правиме сега ќе не следи во годините потоа. Да, од сите нас зависи победата која ќе ја донесеме, затоа да се избориме за правото, правната држава и владеењето на правото. Ова битка е околу победата, а победата е Македонија со секој еден нејзин човек. И нека се знае дека сето ова вреди, за нашите деца, за родителите, за роднините и пријателите, оние кои заминаа, но и оние кои останаа, за нашите предци кои не обврзаа, но и поколенијата кои не смееме да ги разочараме, истакна Христијан Мицкоски, Претседател на ВМРО-ДПМНЕ.Да се обединиме, здружиме, соединиме за правда, правда за секого, правда за секој еден човек и успех каков што заслужува. Да го поразиме Заевизмот, за да ја спасиме Македонија!

Македонија | пред 7 години

ОЈО Велес ја расчистува сообраќајната несреќа во која загина мотоциклист

Вчера околу 16.40 часот на автопатот Гевгелија-Скопје на оддалеченост од 6,5 км. по мостот Виничани се случи сообраќајна незгода во која учествувало патничко моторно возило и двајца мотоциклисти. При движење во ист правец на автомобил-комбе Мерцедес Спринтер со швајцарска регистарска ознака управувано од лице на возраст од 74 години и два мотоцикли, во момент едниот мотоцикл со голема брзина го престигнал комбето. Веднаш потоа другиот мотоцикл се удрил во комбето од што возачот паднал на коловозот, бил исфрлен на просторот помеѓу банкините кои го раздвојуваат автопатот и починал на самото место.Од страна на дежурниот јавен обвинител во содејство со увидна екипа на Секторот за внатрешни работи Велес извршен е увид на местото на настанот. Притоа се фиксирани пронајдените траги и предмети. Надлежниот јавен обвинител издаде Наредба за вонреден технички преглед на возилата кои учествувале во незгодата- комбето и мотоциклот. Издадена е и наредба за проверка на крв и урина кај возачот на комбето и за обдукција на починатото лице, кое било на возраст од 30 години. Во текот на вршењето на увидот земени се првични изјави од возачот на комбето и од мотоциклистот кој бил учесник во сообраќајот истовремено со сега починатиот, а со кој заедно се движеле паралелно со патничкото моторно возило.Основното јавно обвинителство Велес во континуитет презема и други дејствија во насока на утврдување на фактите во предметот

пред 7 години

Поднесено обвинение за обид за изнуда

Основното јавно обвинителство Скопје поднесе Обвинителен акт против лице на кое му се става на товар дека сторило кривично дело – Изнуда, предвидено и казниво согласно член 258 став 2 во врска со став 1 и во врска со член 19 (во обид) од Кривичниот законик.Обвинетиот во текот на ноември и декември 2018 година, со намера за себе да прибави противправна имотна корист, упатувал сериозни закани преку телефон на оштетена, тврдејќи дека поседува документи со кои би можел да го извади од притвор нејзиниот сопруг.За да и ги достави тие документи, осомничениот од неа барал да му исплати сума од 150 илјади евра, а истовремено и се заканувал дека доколку пријави ќе постави бомба и дека „ќе биде лошо за неа и за нејзините внуци“. Оштетената не му го исплатила бараниот износ и тој не успеал да ја реализира намерата.За обвинетиот на сила се претходно определените мерки за претпазливост: забрана за напуштање на живеалиштето/престојувалиштето, обврска на обвинетиот да се јавува повремено на определено службено лице или кај надлежен државен орган, привремено одземање на патна или друга исправа за преминување на државната граница, како и забрана за приближување или воспоставување, односно одржување контакти или врски со определени лица.

пред 7 години

Инспекцијата ги потврди нерегуларностите: Изградбата на минарето е запрена, пропишана и парична казна

Продолжувањето на изградбата на 32 метри високото минаре на Алипашината џамија во центарот на Охрид, кое изминатите две години предизвикува бурна реакција меѓу жителите на градот кои за денес најавија и мирни протести, е запрена од страна на инспекцијата на Управата за заштита на културно наследство.Како што посочија од оваа институција за Вечер, инспекцијата која во петокот излегла на терен утврдила неправилности и отстапувања од конзерваторското одобрение поради што инвеститорот е и парично санкциониран.– Проблемот е во тоа што инвеститорот не се придржува до конзерваторското одобрение и за џамијата и за минарето. По спроведениот надзор донесено е решение за запирање на работите. Иако инвеститорот тврди дека има анекс на конзерваторското одобрение, тоа не е доставено до нас и колку што знаеме, е предмет на Основното јавно обвинителство (ОЈО). Изградбата е стопирана и има парична санкција, што исто така беше направено и минатата година. Нашите ингеренции се до тука, а понатаму ингеренциите треба да ги преземе градежната инспекција, вели Звонимир Николовски, раководител на секторот за превенција и инспекциски надзор на културното наследство, при УЗКН. Како што посочува Николовски, крајната цел е запирање на градежните активности со оглед дека, како што вели, неправилности има и во ентериерот на самата џамија.Текстот во целост на: vecer.press

Македонија | пред 7 години

Нема фотографија

Заев: Силно ја поддржуваме работата на СЈО, да се тргнат личните предрасуди

Заев:Денеска бев повикан од судот за настани од Јуни месец 2016та година, за директни закани против мене, против мојот живот, како оштетено лице сум, во случајот којшто го води ЈО, на моја пријава преку мој адвокат.П: Ќе може да не потсетите?Заев: Се работи за директни закани преку фејсбук, во една организирана форма којашто има за цел моја ликвидација.П: Од кого конкретно?Заев: Од конкретни личности коишто јас не знам ни дали смеам да тоа јавно го кажувам.П: Дали е Миленко?Заев: Не е.П: Премиере, до кој степен е дојдено ова со СЈО, како е возможно ова вака сега на маса седите и се пазарите за криминал?Заев: Не, заради тоа што законот за Јавното Обвинителство се носи со 2/3 мнозинство. И треба да се разговара за да се обезбеди тоа 2/3 мнозинство. Ако го има, ќе има нов закон за Јавно Обвинителство, ако го нема, државата продолжува да функционира со последните закони за Јавно Обвинителство. Ниту има потреба од пазар, ни па има некој потреба за да постигне некои цели преку ваквите разговори.П: Дали е пазарење за криминал ова?Заев: Не, апсолутно не е, според мене се работи за разговори, за обезбедување на функционален правен систем, којшто има за цел да воспостави зајакнато Јавно Обвинителство во Република Северна Македонија во чиишто рамки имаме намера да го вратиме СЈО со создадени капацитети од делот на обвинителството, Јавните обвинители, истражители, да продолжат и да и служат на државата и на граѓаните.П: Дали може политичка партија да бира кој и се допаѓа а кој не?Заев: Јас верувам дека не, заради тоа што институциите на системот се тие коишто бираат, за среќа во Јавното обвинителство тоа е Јавнообвинителски совет, не е ниту Парламентот, не ниту Владата, и тука ја правиме дистинкцијата т.е. разграничување на независноста на правосудството, од делот на политиката како што е презентирана преку Парламентот или преку Владата.П: Само Катица Јанева и тимот е проблемот или има и други проблеми во Законот?Заев: Останувам на тоа што јас го кажав после лидерската средба со лидерот на ВМРО ДПМНЕ господинот Христијан Мицкоски. Впрочем, тој го кажа дека има проблем со Катица Јанева и со нејзиниот тим на јавни обвинители, до тука беше, до тука и јас коментирав, дали има тој проблеми со истражителите, со администрацијата тој треба да ви каже, јас немам проблем со никој од нив, ниту се сметам да бидам повикан дали имам или немам. Кој сум јас, кој е Мицкоски, кои сме сите? Ова е сериозна институција на Република Северна Македонија, и пред се се работи за нашиот државотворен аспект на поставување во формата на одлучување преку репрезенти од нашите политички партии а тоа се пратениците. Република Северна Македонија ќе ја биде и ќе биде добра држава, се надевам дека нема да троши и губи време сериозен јавнообвинителски систем мора да има, со помош на меѓународната зедница, на сите експерти ќе имаме прекрасен закон со сите укажувања од Венецијанската Комисија и сето она што е вредно за државата. Оттука и нашата одговорност како чинители во општеството треба да си ја понесеме. Јас верувам дека ова не се преговори, ова се разговори на работни групи помеѓу двете најголеми политички партии, а ние сме веќе претставени преку коалицијата во владата за да се убедиме сите дека личните предрасуди треба да се тргнат на страна и да го поддржиме тоа што е добро за граѓаните и за нашата земја.П: Ваш коментар за пресудата на 27-ми април, дали мислите дека за некои од обвинетите се пресудени премногу високи казни како што обвинуваа?Заев: Јас тоа што можам да искоментирам е дека се работи за судска пресуда, судската пресуда треба да се почитува. Ние политичарите не смееме многу што да коментираме тука во судските пресуди, посебно што и јас бев таргет на 27-ми април, не би сакал да навлегувам во суштината. За мене пред се како граѓанин но еве и како претседател на владата е важно никогаш повеќе да не се повтори. Ако казните и санкциите тоа го оствариле тогаш е постигната целта.П: Имате информации дека за Груевски повторно ќе се прати допис до Унгарија затоа што ова е веќе друго дело?Заев: ЗНие нема да престанеме да се бориме согласно правните можности кои ни стојат на располагање. Република Северна Македонија е меѓународно интегрирана земја, постапува по меѓународните правила и закони на дејствување и тие се на наша страна, ќе продолжиме правно да се бориме заради тоа што сите други политички алатки којшто ни стојат на располагање не би сакале да ги искористиме затоа што се работи за земја –пријател. Ние политичарите доаѓаме и заминуваме земјите наши се пријатели и треба да останат пријатели затоа исправниот систем е да ја водиме борбата до крај додека не ја добиеме правдата и законитоста на меѓународните правила да настапат во сила.П: За социјалните закони?Заев: За социјалните закони имам само информација од министерката, не сум се слушнал со службите од Парламентот, планирано е на 25-ти да има седница и да бидат ставени, тие се усогласени. Се надевам дека ќе поминат брзо, ако може да поминат и да бидат објавени до крајот на месецот, граѓаните ќе можат уште за март или почетокот на април да ја добијат зголемената социјална помош која е зголемена за 300 отсто, додатокот за трето дете и и државната социјална пензија која што се дава како социјален придонес сето ова е за доброто на државата. Парите во буџетот ги имаме, 2 милјарди и 200 илјади се оставени плус пари во споредба со минатата. Но. прво дали Парламентот ќе го изгласа во март месец за да може, меѓу 1-ви и 5-ти да се исплати, и второ е дали претседателот Иванов ќе го потпише. Така што ние нашето треба да го направиме, се надевам ако не се стигне сега, ќе се стигне почетокот на мај да се исплати за април.П: Очекувате ли на заминување уште една амнестија?Заев: Не верувам, нема потреба од таа работа, нема потреба, нема такви случаеви. Ниту некој планирал, ниту било што, делот на законот за амнестија се случи во рамките на помирувањето во еден сериозен процес кога на државата и требаше 2/3 мнозинство, јавно го кажав тоа и не бегам од тоа. Верувам дека Парламентот нема потреба повеќе да посегнува за вакви работи, заради тоа што овој случај беше јасно издефинициран кајшто се одделија сите којшто учествуваа во организцијата и насилството, од сите оние коишто беа заведени во таквиот случај. Согласно тоа не верувам дека никој во институциите на системот ниту министерството за правда да отвори вакви постапки а има надлежности, ниту претседателот Иванов. Не очекувам вакви работи заради тоа што самиот закон не ги дозволува можностите за амнестија на претседателот Иванов. Прочитајте го уште еднаш, апелрим до сите вас непостои законска можност во моментов претседателот на државата да амнестира.

Македонија | пред 7 години

Средба Николовски - Баздникин: Не постои застој при влез на македонските камиони во Руската федерација

Министерот за земјоделство, шумарство и водостопанство, Љупчо Николовски денеска имаше работен состанок со амбасадорот на Руската федерација, Сергеј Баздникин, на кој што главна тема беа последните информации за извозот на македонските земјоделско-прехранбени производи во Русија.Според официјалните податоци од руските надлежни институции и од надлежните институции на Република Северна Македонија, не постои застој при влез на македонските камиони во Руската федерација.Според последните податоци од Државниот инспекторат за земјоделство на РСМ, сите компании/извозници од РСМ , кои подигнале фитосанитарни сертификати со новото устано име Република Северна Македонија, без никаков проблем ги поминале граничните премини кон Русија, со што е овозможен непречен влез на камионите и пласман на македонските земјоделско-прехранбени производи на рускиот пазар. Ова го потврди и рускиот амбасадор Баздникин, кој на состанокот децидно посочи, дека од руска страна не постои ниту официјално известување, ниту било каква друга пречка за влез на македонските камиони во Русија, поради промената на уставното име на државата.Во изминативе пет дена во Русија се влезени шест македонски фирми/извозници кои во оваа земја извезуваат градинарски производи и овошје.Освен на оваа тема, министерот Николовски како претседател на македонскиот дел од Меѓувладината комисија за научно-техничка и трговско-економска соработка, го извести амбасадорот Баздникин, дека од македонска страна во консултација со руската страна ќе се интензивираат подготовителните активности и ќе се предложи датумот за одржување на седница на Комисијата во најкус рок. Истовремено во овој период двете страни ќе ги утврдат областите за идна соработка меѓу двете држави. Рускиот амбасадор Баздникин, ја потенцираше заедничката заложба за рестартирање на работата на Комисијата, која што нема одржано седница од 2014 година.Руската федерација е значаен економски партнер на Република Северна Македонија, а последните податоци покажуваат пораст на извозот во Русија. Трговската размена помеѓу Република Северна Македонија и Руската федерација во делот на земјоделско-прехранбените производи, во првиот месец од оваа година споредено со истиот месец 2018 година е зголемен за 90%, и изнесува 1,6 милиони евра. Зголемениот извоз се должи пред се на извозот на јаболки во количина од 3.145 тони во вредност од 1,2 милиони евра.Вкупниот извоз за истиот период во Руската федерација е зголемен за 41 отсто.

Македонија | пред 7 години

Здружението „Совест“ закажа средба со Заев, го одложи протестот

Здружение на граѓани за заштита и афирмација на културнитевредности “Совест„ го одложуваат мирниот протест на неодредено време. Во соопштението кое го испратија до медиумите од Совест ја откриваат причината за одложувањето на протестот.Во соопштението се вели:Ве известуваме дека закажаниот мирен протест на ЗГ “СОВЕСТ“, на 19 март 2019 година наплоштадот ЧИНАР, се одложува на неодредено време.Ваквиот развој на настаните се должи на реакцијата на институциите и нивно конечно прифаќањена одговорноста.Во таа насока е закажаната средба на претставници со ЗГ “СОВЕСТ“ со премиеротЗоран Заев, за 20 март во Скопје.Се надеваме дека она за што искрено се залагавме во изминативе две и пол години – почитувањена законите и зачувување на вредностите на Охрид, ќе вроди со плод и нема да продолжинезаконското постапување во однос на Али пашината џамија.Со почит,ЗГ “СОВЕСТ“ ОхридПретседател,Михаил Трендафилов Здружение на граѓани за заштита и афирмација на културните вредности “Совест„ - Охрид.

Македонија | пред 7 години

На Охридскиот аеродром слета првиот авион од Малме

ТАВ Македонија на Аеродромот Св. Апостол Павле Охрид го пречека првиот лет на Виз ер од Малме, во исто време одбележувајќи го отворањето на две нови дестинации од Охрид – Малме и Милано  Со   традиционална   свеченост,  ТАВ   Македонија  ги   пречека  118-те   патници   што пристигнаа од Малме, шестиот најголем град во Скандинавија, на охридскиот аеродром, денеска, 18-ти март, во 11:25 часот, со Ербас A 320 на Визер. Половина час подоцна, во 11:55 часот, воздухопловот полета од  Аеродромот Св. Апостол Павле Охрид  назад кон Малме со 60 патници.Утре, 19-ти март, во 17:25 часот, охридскиот аеродром ќе ги пречека првите патници кои ќе пристигнат со првиот лет на Визер од Милано, италијанскиот град познат како еден од главните градови во светот на модата и дизајнот. Новите линии на Визе ер ќе сообраќаат два пати неделно со Ербас A 320, со 180 седишта.Двете нови директни линии ќе сообраќаат во текот на целата година, со две неделни фреквенции.  Почнувајќи од  денеска, 18-ти  март, летот од/до  Малме  ќе   сообраќа секој понеделник и петок, со време на пристигнување во 11:25 часот, време на поаѓање 11:55 часот;   додека   летот   од/до   Милано   Малпенса   од   утре,   19-ти   март,   ќе   сообраќа   секој вторник и сабота, со време на пристигнување во 17:25 часот, и време на поаѓање во 17:55 часот.Овој распоред на летовите важи до крајот на март, односно до крајот на зимската сезона. Според распоредот на летови за летната сезона во 2019 година, од 1-ви и 4-ти април, соодветно, Милано Малпенса ќе пристигнува во 18:55 часот, а ќе полетува во 19:25 часот, додека летовите од Малме ќе пристигнуваат на охридскиот аеродром во 11:20 часот и ќе поаѓаат назад во 11:50 часот, двата лета ќе сообраќаат секој понеделник и петок.Од   менаџментот   на  ТАВ   Македонија  го   изразија   нивното   огромно   задоволство   за континуираниот развој на мрежата на авиолинии на  Аеродромот Св. Апостол Павле Охрид.-Среќни сме да ги пречекаме и да го најавиме додавањето на Малме и на Милано на мапата со дестинации како две авиолинии што ќе сообраќаат во текот на целата година   на   Аеродромот   Св.   Апостол   Павле   Охрид.  Оваа   прилика   не   е   само   за                                                                                                                                          одбележување на проширувањето на мрежата на линии од охридскиот аеродром, туку ова исто значи и отворање два нови дојдовни пазари, Шведска и Италија, за патници и туристи кои доаѓаат во посета на прекрасниот Охрид. Во исто време, двете неделни фреквенции, ќе бидат од корист за целата локална заедница долж Охридското Езеро и за економијата во нашата земја воопшто.  Директните линии Охрид-Малме и Охрид- Милано   (Малпенса)   може   да   се   користат   како   поволна   конекција   при   патување   во Шведска   или   Италија.  ТАВ   Македонија   секогаш   се   радува   на   новите   авиолинии   и новите можности  за  патниците  кои  ги  користат  двата  аеродрома  во  Скопје  и  во Охрид, а денес ни е драго што се задоволени потребите и барањата на патниците.Со воведувањето на овие две нови дестинации, веруваме дека ќе има бројни можности за   македонските   граѓани   да   го   прошират   и   да   го   зголемат   нивното   патувачко искуство. Би сакал да се заблагодарам на Виз ер за нивната посветеност кон развој на воздухопловството   во   нашата   земја,   како   и   на   Владата   за   нивната   постојана поддршка, изјави Неџат Курт,  Координатор на Аеродроми во ТАВ Македонија.Билетите за двете нови авиолинии, Охрид-Малме, Охрид-Милано Малпенса, и обратно, се веќе во продажба преку веб-сајтот на Визер www.wizzair.com.Со додавањето на Малме и  Милано,  како  нови дестинации, сега од  Аеродромот  Св. Апостол Павле – Охрид  има 5 редовни линии, Виена, Базел, Цирих, Малме и Милано, како   и  8  сезонски   дестинации   до:   Амстердам,   Брисел,  Тел   Авив,   Варшава,   Катовице, Истанбул, Ајндховен и Талин, на кои оперираат 11 авиокомпании.ТАВ   Македонија  како   аеродромски   оператор   на   двата   македонски   аеродрома, продолжува со порастот во бројот на патници.  Имено, во текот на јануари и февруари 2019г., вкупно  305.246  патници (7%  годишен пораст), патувале преку двата македонски аеродрома – Меѓународен Аеродром Скопје и Аеродром Св. Апостол Павле – Охрид.ТАВ   Македонија   ја   заврши   2018   година   со   вкупно   2,3   милиони   патници   на   двата аеродрома, со 16% годишен пораст, и со 19.750 летови, односно 9% годишен пораст. 

Македонија | пред 7 години

Нема фотографија

За ширење говор на омраза на социјалните мрежи следуваат кривични пријави

Секторот за компјутерски криминал и дигитална форензика во координација со надлежното обвинителство континуирано презема мерки и активности за санкционирање на ширењето на говорот на омраза на социјалните мрежи, најчесто на Фејсбук, а таков е случајот и со објавата од извесна Фросина Тина Мартиновска која деновиве е споделена на оваа социјална мрежа и по документирањето на случајот ќе биде поднесена соодветна кривична пријава.Ја информираме јавноста и дека од извршените проверки во персоналната евиденција на МВР констатирано е дека лице Фросина Мартиновска не работи во Министерството за внатрешни работи, како што беше пренесено во дел од медиумите. Секторот за компјутерски криминал и дигитална форензика и понатаму ќе продолжи со активностите со цел санкционирање на ваквите случаи. Ги повикуваме сите граѓани ваквите случаи да ги пријават во најблиската полициска станица или на адресата cybercrime@moi.gov.mk

Македонија | пред 7 години

Министерот Манчевски ја отвори Неделата на роботика

Министерот за информатичко општество и администрација Дамјан Манчевски, се обрати на отворањето на Неделата на роботика-Робомак 2019. Настанот е во организација на Факултетот за електротехника и информациски технологии при Универзитетот „Св. Кирил и Методиј“, по повод 10 години од организирање на познатата манифестација Робомак и 60 години од постоење на ФЕИТ.Како што истакна министерот Манчевски, ваквиот вид на настани и натпревари се одлична можност и корисно искуство, како дополнителен мотив за уште повеќе да млади луѓе да ја засакаат оваа наука и постојано да се вложуваат.„Живееме во динамично време, особено во сферата на дигитализиацијата каде веќе секој следен ден некаде во светот се открива нов пронајдок, робот со нова вештина, млад човек кој ги поместува границите на возможното. Северна Македонија е мала земја, но младите луѓе се нашиот ресурс, нашата иднина. Само со вложување во вас, со давање на можности да се надградувате себеси, со обезбедување на услови да се развивате и стекнувате нови вештини, ние како држава можеме да бидеме конкурентни и да имаме со што да се претставиме пред светот“, истакна министерот Манчевски.Министерот информираше за активностите кои ја поставија Северна Македонија на мапата на држави каде активно се работи на дигитализација и на стекнување на дигитални вештини.„Нашите училишта оваа година се приклучија на европската недела на кодирањето. Имав можност да присуствувам на еден таков настан, каде можев да се уверам дека младите имаат голема желба, но и се доволно љубопитни и заинтересирани за сите можности што ги нуди дигитализацијата. Исто така, нашите најмлади беа дел и од европскиот натпревар First Lego лига, а веќе од минатата недела сите училишта во земјава се дел од регионалниот проект Училишта на 21 век. Сепак, ова не е доволно и треба уште многу да се вложува. Како што веќе напоменав ова се динамични времиња и тоа што денес е иновација многу брзо е веќе стара вест и се заменува со нов пронајдок“, заклучи министерот Манчевски.Во рамките на Неделата на роботиката ќе се реализираат низа активности наменети за најмладите – учениците во основните училишта, за средношколците и за студентите од сите факултети во  државата и од странство. Истата ќе заврши со финалниот натпревар на Робомак кој ќе се одржи на 23 март во Домот на АРМ со почеток во 18 часот.Со оваа активност, ФЕИТ сака да ја подигне свеста за роботиката во земјава и да ги заинтересира најмладите да се вклучат во проучување на оваа област, да ги мотивира средношколците да се запишат на техничките факултети и да покаже дека, освен теорија, на Факултетите се работат и практични активности.

Македонија | пред 7 години

И Русија го прифати новото државно име-Извозот во Русија без проблеми

Руските царински власти потврдија дека увозот на македонски производи се реализира без никаков проблем. Три камиони свежо овошје и зеленчук или околу 60 тони веќе ја поминале границата со декларација на која стои ПЈРМ и сертифкат на кој го пишува новото име – Република Северна Македонија, објави Сител.мк.Телевизијата додава дека според директорот на Македонско-руската стопанска комора Дејан Бешлиев, застој во пласманот воопшто нема.Руски увозник, објасни Бешлиев, деновиве испратил до својот партнер во земјава предупредување дека е можно руските фитосанитарни служби да реагираат за сертификатот што е веќе со променетото име на нашата држава и дека во таков случај, ризикот за финансиските трошоци за таа пратка би бил на товар на македонската компанија.-Веднаш стапивме во контакт со институциите и ни беше потврдено дека такво нешто нема и не постои од руска страна. Значи, тоа беше само предупредување од некои руски увозници кон нивни партнери во земјава. Но, ние во меѓувреме, во консултација со руските партнери, испративме информација до членките на нашата Комора да почекаат до почетоков на неделава, денеска и утре, да не испраќаат производи, да не тргнуваат за викенд за ако некаде се јави проблем, да може да се реагира.Во јануари годинава, според податоците на Комората, македонскиот извоз во Русија во јануари годинава  е зголемен за 41 отсто и достигнал 2,6 милиони американски долари.Текстот во целост на Сител.мк 

Македонија | пред 7 години

Нема фотографија

Нови цени на горивата, бензинот поскапува, дизелот поевтинува

Регулаторната комисија за енергетика го објави новиот ценовник за нафтените деривати што ќе стапи во сила од ноќеска на полноќ. Според одлуката бензинот супер 98 поскапува за 1 денар и ќе се точи по цена од 67,5 денари, а 95-ката ќе биде поскапа за 1,5 денари и ќе чини 66 денари за литар.Дизелот поевтинува за половина денар и од полноќ ќе се продава по цена од 60,5 денари по литар.

Македонија | пред 7 години

СДСМ: Силјановска лаже, сама покажува дека не може да и се верува

Гордана Силјановска лаже. ВМРО-ДПМНЕ јавно се пофали дека Игор Јанушев е шеф на изборниот штаб?Силјановска која беше избрана на фарсична конвенција на ВМРО-ДПМНЕ, секојдневно посетува општински комитети на ВМРО-ДППМНЕ. Силјановска не е натпартиски кандидат, туку кандидат на Христијан Мицкоски и ВМРО-ДПМНЕ. Ако Силјановска се дрзнува да лаже за работи што се очигледни и јавно познати, тогаш јасно е дека не може да и се верува за што било што ќе го каже понатака, се вели во соопштението од СДСМ.

Македонија | пред 7 години

Нема фотографија

Костадинов: Синот на Иванов купил два стана,на атрактивна локација на Водно

Според јавно објавените информации, синот на Ѓорге Иванов купил два стана, над 200 метри квадратни, на атрактивна локација на Водно. Типично за сите нечесни политичари, молк по овие објавени информации.Со кои пари синот на Иванов купил два стана кога не е вработен? Ако становите му ги купиле неговите родители, тогаш зошто не се пријавени во нивните анкетни листови? И уште поважно, со кои пари ги купиле становите, бидејќи во анкетниот лист нема наведено ниту еден подигнат кредит?Добро е што Државната комисија за спречување корупциија отвори предмет за овој случај. Мора да се расчисти до крај, јавноста заслужува одговори. Иванов припаѓа на нечесна политичка структура позната по нечесниот однос кон законите, уставот и граѓаните, истакна Костадин Костадинов, портпарол на СДСМ и пратеник.На истата структура и припаѓа и Гордана Силјановска. Таа е горд застапник на деструктивните политики на ВМРО-ДПМНЕ, Никола Груевски и Христијан Мицкоски.Силјановска и Иванов и двајцата бранат насилсници и криминал, и двајцата работат против интересите на граѓаните и државата. Затоа на претстојните избори, граѓаните ќе изберат чесен и правичен претседател, ќе го изберат Стево Пендаровски.Граѓаните ќе изберат претседател кој ќе ја води државата напред и нема да дозволат нов Иванов во ликот на Силјановска кој ќе работи нечесно и спротивно на државните интереси, истакна Костадин Костадинов, портпарол на СДСМ и пратеник.

Македонија | пред 7 години

Почина басистот од групата „Милиграм“

Групата Милиграм на своите официјални страници објави дека почина нивниот басист Лима Слободан Васиќ. Васиќ почина во 33 та година од живот. Музичарот починал после куса и тешка борба со болест.„Денес после куса и тешка болест почина басистот на ’Милиграм’, Лима Слободан Васиќ. Во секоја секунда од неговиот живот носеше насмевка, неверојатна енергија која ја делеше несебично околу себе правејќи го животот поубав на сите во близина. Почивај во мир брате, во нашите срца ќе свириш додека знаеме за себе. Засекогаш твој, Милиграм“, пишува во објавата покрај видеото кое ги допрело обожавателите на оваа група.Најпознати хитови на групата „Милиграм“ се: „Врати ми се несречо“, „Луди петак“, „Крушка“и  „Свирај брате“.

Магазин | пред 7 години

Охриѓанец нападнал скопјанец

На седумнаесетти март оваа година во 20 часот и 20 минути, на булеварот „Македонски просветители“ во Охрид, нарушен е јавниот ред и мир со физички напад од Б.П.(25) од Охрид врз С.Д.(21) од Скопје.Полициската станица од Охрид, презема мерки за расчистување на случајот.

Македонија | пред 7 години

Во Утрехт пукано во трамвај со патници, се истражува можноста за тероризам

Неколку луѓе се повредени откако маж отворил оган во трамвај во холандскиот град Утрехт, објави полицијата. На местото на инцидентот се итни служби, како и антитерористичка единица.  Нападот се случил утрово на периферијата на градот, во близина на болницата Оуденријн, а полицијата ги блокира улиците околу местото на инцидентот.Портпарол на полицијата изјави дека нападот се случил во или во близина на трамвајот на Скверот 24 октомври, кој е веднаш затворен, а над местото на инцидентот кружат хеликоптери.Тој рече дека напачот пукал од автомобил при шо веднаш избегал. Се истражува можноста да се работи за тероризам. 

Свет | пред 7 години

Државата лани изгубила над 18 милиони евра поради нелегалниот бизнис со режан тутун

Она што е загрижувачко е дека нелегалниот тутун претставува сериознo здравствено прашање, затоа што има непознато потекло и сомнителни состојки, без каква било контрола на квалитетотЕдиницата за економски и компјутерски криминал при Секторот за внатрешни работи Скопје деновиве заплени над 317 килограми сечкан тутун за пушење кој требал да биде пуштен на продажба на „Бит пазар“ во Скопје, а за кој не била платена акциза во висина од околу 500.000 денари. Под сомнение за шверц на режан тутун против три лица се поднесени кривични пријави. Од МВР соопштија дека на 06.03.2019 околу 19.00 часот тројцата го донеле тутунот во изнајмен магацински простор во близина на „Бит пазар“. Во моментот додека го внесувале во магацинот, биле затекнати од полициски службеници од Единицата за прв одговор и интервенција Алфа при СВР Скопје. Во возилото биле пронајдени 80 кутии фино сечкан тутун од по 850 грама, а при извршениот претрес во магацинскиот простор биле пронајдени уште 286 кутии со иста грамажа, како и 19 пластични ќеси од по 350 грама.Нелегалниот бизнис со сечкан тутун последниве години е во голем замав, на што неодамна алармираа од Стопанската комора на Македонија. Според проценките на Комората, буџетот на државата лани изгубил повеќе од 940 милиони денари (или близу 9 отсто) во акцизни давачки поради нелегалниот тутун. Дополнително, државата изгубила уште 200 милиони денари од ДДВ. Севкупно, државниот буџет лани изгубил повеќе од 1,1 милијарда денари или 18,5 милиони евра.Претставниците на тутунската индустрија во земјава предупредија на огромен пораст на нелегална продажба на режан тутун, кој последниве две години веќе може да се најде насекаде, и истовремено предупредија дека поради сивиот пазар на режан тутун, легалниот пазар на тутун ќе претрпи пад повисок од 11 отсто. Ова е алармантно ако се знае дека во периодот од 2015 до 2017 година просечното годишно намалување на пазарот било блиску до 1,9 отсто. Или, поради раст на цените на цигарите од 2015 година наваму, како последица на перманентно зголемување на акцизата, би се очекувало вкупниот пазар да се намалува помеѓу 2 и 4 отсто годишно. Сепак, намалувањето на пазарот во 2018 година е далеку поголемо, а главното објаснување на разликата помеѓу очекуваното и намалување (2 до  4 отсто) и фактичкото намалување (11 отсто) е токму раст на нелегалниот пазар на режан тутун. На тоа укажува и фактот дека најголем пад на акцизни контролни марки е забележан за најевтините легални брендови, што значи дека потрошувачите на најевтините легални брендови се префрлаат на режан тутун.Продажбата на нелегален тутун стана општо раширена, па денес може да се купи на кој било зелен пазар ширум земјата, дури и во некои малопродажни места, преку испорака до дома со нарачка преку мобилен телефон итн. Истовремено има и огромен пораст на туби за виткање хартија, што се користат само за режан тутун.Според еден од продавачите на режан тутун, неговата дневна продажба варира од 100 кг до 150 кг и тоа само на едно „продажно место“ на еден пазар. Истовремено, претставниците на легалните увозници на режан тутун велат дека од она што може да се најде на пазарот, само 20 отсто е увезено легално, а се друго е тутун влезен по нелегални патишта.Она што е исто така загрижувачко е што нелегалниот тутун претставува сериозно здравствено прашање, затоа што има непознато потекло и сомнителни состојки, без каква било контрола на квалитетот.Од Стопанската комора предупредија дека доколку Владата веднаш не започне со сеопфатна борба против трговијата со нелегален тутун, државните приходи од акцизи на тутун уште повеќе ќе се намалат во блиска иднина. Односно дека загубите од акцизни давачки би можеле да достигнат 1,8 милијарди во 2019 година и 3,3 милијарди денари во 2020 година, со дополнителни загуби од ДДВ од 400 милиони денари во 2019 година и 740 милиони денари во 2020 година.

Македонија | пред 7 години

Димитров и Османи во Брисел на работен појадок со министрите за надворешни работи на земјите членки на ЕУ

Министерот за надворешни работи, Никола Димитров и заменик претседателот на Владата задолжен за европски прашања, Бујар Османи, во рамки на посетата во Брисел учествуваа на работен појадок со министрите за надворешни работи на земјите членки на Европската унија, во организација на Грција и Романија.На работниот појадок, министерот Никола Димитров брифираше за тековните достигнувања во контекст на евро-интеграциите, за спроведувањето на Договорот од Преспа, како и за генералните очекувања од земјите членки во насока на донесување на одлука за почеток на пристапните преговори во јуни оваа година.„Нашата работа е да ве убедиме дека она што го имаме денес во Северна Македонија е можност за ЕУ. Нашата цел е да се трансформираме и да станеме европски во начинот на кој функционира нашиот систем. Во последната деценија Европа постојано се менува, станувајќи на некој начин движечка цел што треба да ја следиме. Но, нашите интереси остануваат исти - ни треба трансформативната моќ на ЕУ за создавање на европски, стабилен и просперитетен Балкан“, истакна министерот за надворешни работи Никола Димитров.На појадокот свое обраќање имаше и вицепремиерот Бујар Османи, кој направи осврт на динамиката и квалитетот во имплементацијата на реформите, согласно Планот 18, кој ги одразува насоките и заклучоците од минатиот јунски самит на Советот на ЕУ.„Република Северна Македонија, покрај исклучително големиот успех во адресирањето на отворените политички прашања - Преспанскиот договор со Република Грција и Договорот за добрососедство со Република Бугарија, во ниту еден момент не дозволи намалување на фокусот на земјата од реформската агенда. Имаме солидна динамика на имплементацијата на реформите од Планот 18, и сериозен напредок во сите дефинирани области: владеење на правото, безбедносните и разузнавачките служби, реформата на јавната администрација и борбата против организираниот криминал и корупцијата,“ истакна Османи изразувајќи надеж дека оваа реформска динамика ќе биде објективно изразена во наредниот извештај на Европската Комисија, што ќе претставува основа за конфирмација на одлуката од страна на Европскиот совет во јуни, за почеток на преговорите со Република Северна Македонија оваа година.

Македонија | пред 7 години

Пронајдени и вратени двајцата малолетници што се оддалечија од дом во Велес

Министерството за внатрешни работи ја известува јавноста дека се пронајдени и вратени дома двајцата малолетници за кои беше пријавено дека се оддалечиле од дом во Велес.Имено, како што претходно ја информиравме јавноста, на 15.03.2019 во 22.00 часот во ПС Куманово, Р.Х.(44) од Куманово пријавил дека неговата 14-годишна ќерка А.Х. се оддалечила од домот, а истиот ден околу 21.20 во ПС Велес, Т.Ј.(40) од Велес пријавил дека околу 19 часот, во неговиот дом дошла токму А.Х. , која била во љубовна врска со неговиот син А.Ј.(15). А.Х. неколку пати претходно доаѓала во куќата. Двајцата малолетници му кажале на Т.Ј. дека сакаат да живеат заедно, по што Т.Ј. им кажал дека ќе ги пријави во полиција затоа што се малолетници и не сака да има проблеми со полицијата. По тоа малолетниците излегле од домот. Веднаш се преземени мерки и активности од полициски службеници на СВР Велес за пронаоѓање на А.Х. и А.Ј. и синоќа (17.3.2019) малолетниците се вратени во домовите.

Македонија | пред 7 години

Заврши откупот на тутунот од реколтата 2018, откупна цена од 214,24 денари за килограм

Заврши откупот на тутунот од реколтата 2018. Според податоците од Државниот инспекторат за земјоделство, откупени се над 25,2 милиони киограми тутун по просечна откупна цена од 214,24 денари за килограм. Од страна откупните компании кон тутунопроизводителите се исплатени над 5,3 милјарди денари денари или 98,24 отсто од откупениот тутун. Од ДИЗ посочуваат дека откупот на тутун заврши во рамки на законскиот рок односно заклучно со 15 март 2019 година и се одвиваше непречено.Во подрачните единици на Министерството за земјоделство,шумарство и водостопанство низ државата во тек е вадењето евидентни листови, како лиценци за годинашното тутунопроизводство. Од Платежната агенција веќе информираа дека штом завршат сите административни процедури околу контролите, ќе следи и исплатата на субвенциите за производителите на тутун.Во реколтата 2018 се засеаја 14.802 хектари со тутун, а склучија 34.104 договори со 9 откупни претпријатија. Подрачните единици на Министерството за земјоделство, шумарство и водостопанство, пријавија 23.430 издадени евидентни листови. Вкупната договорена количина за откуп изнесува над 29.000 тони тутун. Споредено со реколтата 2017, за производство на тутун 2018-та се издадоа 57 евидентни листови повеќе од 2017, и се склучија над 4.700 повеќе договори. Зголемување има и на засадените површини со тутун, и тоа за 387 хектари.За зголемениот интерес големо влијание имаше високата откупна цена на тутунот од реколтата 2017 која изнесуваше 217,60 денари за килограм, како и новиот модел на зголемени субвенции според кој субвенцијата за прва класа е 80 денари за килограм, 70 денари за втора класа, и 60 денари за трета класа и дополнителните класи.Новата производствена реколта ќе стартува според постоечкиот Закон за тутун и тутунски производи, односно и оваа година ќе се издаваат евидентните листови односно т.н „бели картони“. Новиот Закон за тутун, производи од тутун и сродни производи е во собраниска процедура, и новото законско решение предвидува укинување на евидентните листови или т.н „бели картони“, процес кој ќе започне да се применува од 2020 година. Со оваа законска одредба МЗШВ значајно ќе ги намали административните процедури за тутунарите на начин што, тутунарите ќе склучуваат договори директно со откупните претпријатија. Исто така Предлог Закон за тутун, производи од тутун и сродни производи се проширува опфатот на уредувањето во однос на постоечкиот Закон за тутун и тутунски производи со три нови глави во кои се предлагаат одредби за уредување на сродните тутунски производи и тоа: несогорливи производи од тутун, електронски цигари и растителни (билни) производи за пушење. Производителите и увозниците кои ставаат во промет електронски цигари и/или контејнери за еднократно или повеќекратно полнење, поднесуваат барање за пуштање во промет до Министерството за здравство, за што добиваат одобрение. Производителите и увозниците на несогорливи производи од тутун должни се да достават известување до Министерството за земјоделство, шумарство и водостопанство за сите несогорливи производи од тутун кои што имаат намера да ги стават во промет. Одредбите од законот кои се однесуваат на поимите дефинирани за несогорлив тутун и електронска цигара ќе бидат употребени за определување на надоместок согласно Законот за акцизите од 1 јули 2019 година.Новите законски одредби ќе овозможат транспарентност во врска со содржината на договорите кои треба јавно да се објават најдоцна до 28 февруари во тековната година на огласна табла во седиштето на откупувачот и на локалната веб страната на откупувачот. Воедно, ќе се создаде можност за дополнително отворање на откупни пунктови во текот на откупот, како и други придобивки за подобрување на квалитетот на услугите и задоволството на тутунопроизводителите, откупувачите, производителите на тутунски и сродни производи, потрошувачите и бизнис заедницата од работењето на тутунското стопанство. Истовремено, овој закон предвидува понатамошно усогласување со европските директиви и најдобри примери од ЕУ во контекст на прилагодување кон европските стандар.

Македонија | пред 7 години

Нема фотографија

Полицијата ги бркаше тркачите низ булеварите во Скопје

Во периодот од 17.30 часот на 17.03.2019 до 01.00 часот на 18.03.2019 година од страна на Одделението за безбедност на патниот сообраќај при Секторот за внатрешни работи Скопје беше спроведена акциска контрола на подрачјето на Секторот за внатрешни работи Скопје со цел откривање и санкционирање на т.н. „диви тркачи“.Од страна на полициски службеници преземени се мерки против 34 возачи. 19 возила се упатени на вонреден технички преглед поради зголемена бучавост и 15 се упатени на вонреден технички преглед поради поставени фолии без атест. Од возилата што се упатени на вонреден технички преглед поради зголемена бучавост, четири мотоцикли се задржани во полициска станица.По однос на останати прекршоци од Законот за безбедност на сообраќајот на патиштата и Законот за возила, кон возачи преземени се вкупно седум мерки за сторени сообраќајни прекршоци.Министерството за внатрешни работи и во наредните денови ќе продолжи со засилени контроли со цел санкционирање на оние што ги кршат законите и ја загрозуваат безбедноста на учесниците во сообраќајот.

Скопје | пред 7 години