Си и Путин демонстрираат блискост: „Заедно градиме нов глобален поредок“

Кинескиот претседател Си Џинпинг го нарече рускиот колега Владимир Путин „свој добар пријател“ на почетокот од нивната средба во Пекинг, пренесуваат светските агенции. Двајцата лидери нагласија дека односите меѓу Кина и Русија претставуваат пример за „соседско пријателство, сèопфатна стратешка координација и заемно корисна соработка“.Путин изјави дека Москва е подготвена да го зајакне стратешкото партнерство со Пекинг и да ја продолжи интензивната комуникација на највисоко ниво. „Односите меѓу нашите земји се без преседан“, истакна рускиот претседател.Си Џинпинг, пак, ја поздрави „потполната стратешка соработка“ меѓу двете држави и ја изрази волјата за заедничка изградба на „праведен и разумен глобален систем на управување“. Тој остро ги осуди „чиновите на заплашување“ и „менталитетот на студената војна и блоковската конфронтација“, кои, како што рече, се закана за стабилноста.Состанокот се одржа во време на зголемени глобални тензии. Путин претходно учествуваше на регионалниот самит во Тјанџин, а во среда ќе присуствува на големата воена парада во Пекинг по повод 80-годишнината од завршувањето на Втората светска војна и капитулацијата на Јапонија.„Секогаш сме биле заедно тогаш и остануваме заедно и сега“, порача Путин, додавајќи дека присуството на парадите во Москва и Пекинг е почит кон придонесот на двата народа во победата над фашизмот.И Кина и Русија се наоѓаат во заострени односи со Западот и САД. И покрај средбата на Путин со американскиот претседател Доналд Трамп во Алјаска во август, нема знаци за приближување во ставовите околу Украина. Истовремено, односите меѓу Кина и САД се дополнително оптоварени поради трговската војна и воведените царини, додека Европа и натаму го критикува Пекинг за поддршката кон Москва во текот на конфликтот во Украина.

Свет | пред 8 месеци

Кина подготвува најголема воена парада во историјата: Ќе маршираат Си, Путин и Ким

Парадата, осмислена како спектакл за прикажување на воената моќ на Кина, ќе ја претстави земјата како дипломатски и геополитички фактор во време кога американскиот претседател Доналд Трамп го намалува влијанието на САД во меѓународните институции и води трговски војни. Коментаторите велат дека заедничкото појавување на Си, Путин и Ким ќе ја испрати пораката за „оска на преврат“ што пркоси на Западот.Во Пекинг ќе пристигнат и иранскиот претседател Масуд Пезешкијан, како и азиски и блискоисточни лидери, додека од западот ќе учествуваат само словачкиот премиер Роберт Фицо и српскиот претседател Александар Вучиќ, двајцата познати по критиките кон санкциите против Русија.Кинеските власти потрошиле околу пет милијарди долари за организацијата, што претставува околу два процента од годишниот одбранбен буџет. Сепак, локалните жители не се сите воодушевени: центарот на Пекинг е парализиран од безбедносни мерки, а критичари на социјалните мрежи сметаат дека средствата требало да бидат вложени во подобрување на животниот стандард.Парадата ќе започне во 9 часот наутро по локално време, а покрај современиот арсенал – меѓу кој и хиперсонични ракети и беспилотни летала – ќе биде дел и од пошироката стратегија на Пекинг и Москва за ревидирање на наративот за Втората светска војна, со цел да се нагласи нивната улога во борбата против фашизмот.

Свет | пред 8 месеци

Економистот Зоран Тодоров е вториот независен кандидат за градоначалник на Кочани

Уште една независна кандидатура за градоначалник на Кочани. Зоран Тодоров најави дека ќе се бори за достоинствен, праведен и одговорен живот во градот, повикувајќи на солидарност, искреност и заедничка сила во изградбата на иднината.Вчера ја поднесов независната кандидатура за градоначалник на Кочани. Некој би рекол ракавицата е фрлена, но јас би рекол раката кон сите во Кочани е подадена.Јас сум Зоран Тодоров – сопруг и татко на две деца кои секојдневно ме учат што значат љубов, трпение и посветеност.По професија сум економист, но по суштина сум човек кој целиот свој живот го живее со одговорност, духовност и почит кон заедницата.Роден и израснат сум овде, во Кочани – градот што ми ја вгради љубовта кон луѓето, чесноста кон трудот и верата во вистинските вредности.Со моето семејство секој ден го живееме Кочани – не како место на случаен престој, туку како свесен избор.Избор да бидеш човек, сосед, поддршка.Избор да не молчиш кога можеш да помогнеш.Избор да веруваш во луѓето и во заедничката сила што создава, а не уништува.Јас сум човек од дела – не од зборови. Еден од основачите сум на повеќе организации, преку кои со конкретни акции и хуманитарни иницијативи со години сме им помагале на оние на кои најмногу им требало. Верувам во солидарноста – не како празна реченица на плакат, туку како нормална, човечка и граѓанска реакција кога некој страда или кога нешто може да се подобри.Сакам живот во Кочани – не како навика, туку како одлука.Сакам живот во Кочани – со смисла, со срце и со иднина.Го гледам Кочани не како спомен што избледува, туку како иднина што мораме заедно да ја изградиме – чекор по чекор, човек до човек.Верувам дека овој град има душа, но таа душа бара нов глас. Глас на одговорност, искреност и храброст да се каже:„Доста е – време е за поинаку.“Сакам живот во Кочани – достоинствен, праведен, инспиративен и топол, напиша Тодоров

Македонија | пред 8 месеци

Чулев: Кога службите стануваат политичко оружје, страда демократијата

Поранешниот министер за внатрешни работи, Наќе Чулев, оценува дека безбедносно-разузнавачките служби системски биле злоупотребувани за политички цели. Тој предупредува дека незаконското следење и прислушување не е само удар врз поединци, туку врз демократијата и довербата во институциите.Кога службите стануваат политичко оружје, страда демократијата.Внатрешните истраги во Агенцијата за разузнавање и Агенцијата за национална безбедност, како и известувањата поднесени до ОЈО за грубо кршење на законот од страна на раководители и вработени во нив, недвосмислено укажуваат на СИСТЕМСКА злоупотреба на безбедносно-разузнавачките служби.Злоупотребата на државни ресурси за следење и прислушување на лидер на опозицијата и истакнати опозициски претставници, новинари, бизнисмени, обвинители, министер и кој ли уште не, не е изолиран инцидент и удар врз поединци, туку удар врз демократијата, слободата, владеењето на правото и довербата во институциите.На виделина излегоа и причините за мојата професионална дискредитација, но и дискредитацијата на други колеги, незаконското следење, клевети и координирана манипулативна кампања со цел елиминација на професионални кадри од безбедносниот систем, само поради идеолошки разлики.Уште од 2020 година, и покрај сите притисоци, измислени оперативни обработки и закани, во континуитет јавно предупредував и укажував на ризиците од незаконското постапување и злоупотребата на службите со цел демонизирање на опозицијата. Тука е и латентната колатерална штета, бидејќи манипулативните и лажни белешки не застануваат кај таргетираната личност, туку отруеното досие со години фрла сенка врз сопружници, браќа/сестри и деца – блокира работни места и сертификати, комплицира визи, работни дозволи и го лимитира пристапот до граѓански права, лепи стигма, го нарушува угледот и достоинството и на тој начин станува колективна казна.Денес, кога е евидентно дека ресурсите на службите брутално се злоупотребувале за политички, бизнис и лични интереси, повторно апелирам дека е неопходно да има целосна истрага, декласификација на дел од фабрикуваните материјали и санкционирање на нарачателите и извршителите.Ова е битка, но и можност да изградиме модерен, транспарентен и одговорен безбедносно-разузнавачки систем кој ќе ја штити државата и граѓаните, а не ќе се користи за прогон на политички неистомисленици.

Коментари | пред 8 месеци

Шукова: Ѓорѓиевски манипулира или е целосно некомпетентен па ветува парк во Вардариште

Кандидатката за градоначалник на Скопје од СДСМ, Каја Шукова, го обвини Орце Георѓиевски дека манипулира со граѓаните или целосно не ја познава состојбата, ветувајќи парк во Вардариште. Таа предупреди дека локацијата е еколошки и правно проблематична, со над 2 милиони кубни метри отпад, и дека единствен стручeн план е изградба на современа претоварна станица за отпад.Кандидатот на ВМРО-ДПМНЕ за градоначалник на Скопје, Орце Георѓиевски, ветува „парк“ на локацијата Вардариште – најзагадената и технички најкомплицирана точка во главниот град. Со ова ветување Георѓиевски само потврдува дека или свесно манипулира или воопшто не знае што зборува, што го прави целосно неспособен и некомпетентен за функцијата што ја бара од скопјани.„Во Вардариште има над 2 милиони кубни метри отпад, одлаган без никаква подлога. Тоа е локација со висок ризик по здравјето и животната средина“, изјави кандидатката за градоначалник на Скопје од СДСМ, Каја Шукова.„Само процесот на санација и деконтаминација на тоа земјиште би траел со години, пред воопшто да може да се зборува за било каква употреба, а најмалку за парк“, посочи Шукова.Покрај еколошката загрозеност, постојат и правни и технички пречки за било каква интервенција на теренот.„Во моментов тече арбитражна постапка во Париз поврзана со проектот ‘Скопски колектор’, кој поминува токму низ Вардариште. До завршување на таа постапка, ниту смее ниту може да се менува намената на тој простор“, предупреди Шукова.„Уште во 2017 година, со поддршка од ЕУ, е изработена детална техничка документација со која јасно се предвидува: Вардариште треба да биде локација за современа претоварна станица за отпад. Тоа е единствениот стручен и легитимен план. И јас стојам зад тој план“, изјави Шукова.Во моментов е во тек и јавна набавка за поддршка на целиот регионален систем за управување со отпад во Скопскиот регион. „Секој обид за политичка интервенција на Вардариште пред завршување на оваа постапка е опасен, штетен и спротивен на сите законски и еколошки норми“, додаде Шукова.СДСМ остро реагира на ваквите лажни ветувања и го повикува Орце Георѓиевски да престане со ширење неосновани фантазии и да одговори за четиригодишната неспособност на неговата партија додека беа на власт во Градот Скопје.„Георѓиевски не нуди решение. Тој нуди изборна измама. Вардариште, што ВМРО-ДПМНЕ и Данела Арсовска го оставија да гори и да труе, сега се користи за предизборен маркетинг. Но скопјани веќе еднаш беа излажани со 150 автобуси, мега паркови и слични бајки. Време е за сериозен, стручен и државнички пристап“, заклучи Каја Шукова, кандидатка за градоначалничка на Скопје од СДСМ.

Скопје | пред 8 месеци

(Видео) Нови Сад: Судири меѓу полицијата и студентите, повеќе повредени и приведени

Неколку повредени граѓани, еден полицаец и повеќе приведени лица е епилогот од ноќешните судири меѓу жандармеријата и демонстрантите во Нови Сад, по одбележувањето на десет месеци од трагедијата кај железничката станица во која загинаа 15 лица, пренесуваат регионалните медиуми.Според соопштението на Министерството за внатрешни работи на Србија, демонстрантите се обиделе насилно да влезат во Факултетот за спорт и физичко воспитување (ДИФ), при што на полицајците им биле упатувани навреди. По два неуспешни предупредувања за разидување, полицијата интервенирала и, како што се наведува, врз нив биле фрлани пиротехнички средства и предмети. Еден полицаец бил погоден со тула во главата.Но, медиумот N1 јавува дека снимките и сведоштвата покажуваат сосема спротивна слика – полицијата употребила шок-бомби и силно интервенирала, бркајќи студенти и граѓани низ улиците. Според извештаите, било употребено прекумерно насилство врз присутните. Сите факултети во Нови Сад на социјалната мрежа X го осудија, како што наведоа, „нерационалното и непотребно користење сила“ од страна на полицијата. Медицинскиот факултет, кој е во блокада, објави: „Удари со палки по глава нема да направат да заборавиме колку се крвави вашите раце. Затоа ги боли Нови Сад, затоа нè мразат.“Во повеќе градови во Војводина вчера се одржаа протестни собири и комеморативни поворки по повод десетмесечниот спомен на жртвите од падот на надстрешницата на новосадската железничка станица. Најголемиот собир беше токму во Нови Сад, под слоганот „Србијо, Нови Сад те повикува“. Поворката заврши пред влезот на станицата каде што беше положен венец бело цвеќе. Инцидентите уследија по утринската акција на деканот на ДИФ, Патрик Дрид, кој во придружба на полицијата и неколку маскирани лица насилно влегол во зградата преку прозорец, со цел да ја прекине студентската блокада. Подоцна, кога студентите се собрале за да се вратат во установата, деканот повторно повикал полиција, која сè уште ја обезбедува зградата.

Свет | пред 8 месеци

(Видео) Трагедија во Судан: Свлечиште однесе над илјада животи

Во оддалечениот регион на планините Мара, во западен Судан, најмалку илјада луѓе загинаа во огромно свлечиште, соопшти бунтовничката група Движење за ослободување на Судан/Армија (The Sudan Liberation Movement/Army).Според нив, обилните дождови кои со денови го погодувале овој дел од земјата предизвикале масивен одрон во неделата. Речиси целото село Тарасин било уништено, а од трагедијата преживеал само еден жител.Апели за помош и првични реакцииГрупата, која ја контролира областа каде што се случи катастрофата, веднаш упати апел за итна интервенција од Обединетите нации и од меѓународните и регионалните хуманитарни организации.Гувернерот на Дарфур, сојузник на суданската армија, Мини Минави, одроните ги оцени како „хуманитарна трагедија“ и предупреди дека состојбата во регионот бара брза акција.Војна и бегалциМногу жители на Северен Дарфур во изминатите месеци побарале засолниште во планините Мара, откако граѓанската војна ги избрка од нивните домови. Конфликтот меѓу суданската армија и паравоените Сили за брза поддршка (РСФ), кој започна во април 2023 година, веќе ја доведе земјата на раб на глад и предизвика бројни обвиненија за геноцид во регионот Дарфур.Проценките за жртвите од војната варираат, но американски претставници минатата година оценија дека бројот на загинати достигнал до 150.000 луѓе. Истовремено, околу 12 милиони Суданци беа принудени да ги напуштат своите домови.Политичко-воена димензијаФракциите на Движењето за ослободување на Судан/Армија најавија дека ќе продолжат да се борат заедно со суданската армија против РСФ, и покрај катастрофата што ја снајде нивната територија.

Свет | пред 8 месеци

Ќерката на Митко Чавков: Притворот за татко ми се темелеше на салфетка од кафана, не умирам дур не ве видам во затвор

Зорица Чавкова-Пинтарич, ќерка на поранешниот министер за внатрешни работи Митко Чавков, кој е осуден во случајот „27 април“, остро реагираше за начинот на кој, според неа, бил одреден притворот за нејзиниот татко по барање на обвинителката Вилма Русковска пред шест години.Таа тврди дека притворот бил побаран и одреден врз основа на „службена белешка напишана на салфетка од разузнавач во кафана“, со измислени информации дека Чавков поседува имот во Грција и планира бегство.„…шкембар со значка се досетил седејќи во кафана…ај ќе напишам на салфетка една службена белешка, демек Чавков планира бегство, ќе измислам дека има имот во Халкиди, во вилата таму ќе се криел. Ќе ја доставам салфетката кај Русковска, ќе избројам до три и Чавков оди во ефективен притвор! Какви фингиравки, какви монструми, каква банана држава! Не умирам дур не ве видам во затвор за салфетката, за срамниот предлог за притвор и за судската одлука донесена врз основа на таков ‘доказ’“, напиша Чавкова-Пинтарич.Таа додаде дека семејството доставило докази до судот дека нејзиниот татко не поседува имот во Грција, но дека, и покрај тоа, судот ја прифатил проценката за опасност од бегство. „Во здрава држава, вакви постапки немаше да се случат, ниту пак вакви луѓе ќе беа дел од правосудството,“ наведе Чавкова-Пинтарич.Според неа, случајот претставува „монструозен чин на киднапирање на господин човек, интелектуалец и угледен човек кој падна во крвави раце“. Таа порача дека семејството ќе продолжи со борбата за, како што рече, „разоткривање на криминалната мрежа“ и најави дека нема да се откажат дури и по изминување на 18 години од изрекувањето на пресудата.

Македонија | пред 8 месеци

Директорот на СОЗР: „Ќе се обидат да ги оправдаат прислушувањата, факт е дека државните механизми биле злоупотребувани“

Директорот на Службата за општи и заеднички работи при Владата, Ивица Томовски, реагираше по објавите за незаконско следење и прислушување во периодот од 2019 до 2024 година, истакнувајќи дека станува збор за скандал од невидени размери.„Прислушкувани биле сегашниот премиер Мицкоски, следени биле новинари, медиуми, бизнисмени. Скандал кој е од невидени размери. А ќе потсетам дека на власт дојдоа со проект ‘Вистината за Македонија’. Седум години подоцна вистината е поинаква, грда, но и болна. Тогашната власт ја следела опозицијата,“ напиша Томовски.Тој смета дека тогашните власти ќе се обидат да ги оправдаат постапките со „белешки, фабрикувани случаи и измислени причини“, а суштината е дека државните механизми биле злоупотребувани за лични интереси.„Главните прашања кои мора да бидат одговорени се: кој бил одговорен да го следи издавањето на ПИМ мерките од 2019 до 2024 година? Дали е впрочем за тоа одговорен сегашниот јавен обвинител Љупчо Коцевски? Ако тоа е така, станува појасно зошто СДС и ДУИ не гласаа за негово разрешување. Уште поважно е што и денес Венко Филипче е опкружен со истите луѓе кои прислушкувале и злоупотребувале државен систем,“ додава Томовски.Тој бара одговори за тоа кому и зошто му служеле прислушуваните материјали и дали со нив се вршеле уцени врз бизнисмени. „Во која европска држава се следи лидер на најсилна партија и новинари и медиуми? Дали со добиените информации се тргувало со влијание и се уценувале бизнисмени? Времето ќе покаже, и ќе ги даде одговорите. Одговорност мора да има,“ нагласува Томовски.

Македонија | пред 8 месеци

Русите напаѓаат западни цели во Украина

Ракетите што ја погодија американската мултинационална фабрика и канцелариите на европските дипломати, аналитичарите ги сметаат за сигнал од Кремљ дека ќе се спротивстави на западните обиди за мир и заштита на Украина, објавува „Њујорк тајмс“.„Тие точно знаеја што целат“Нападите беа шок за западниот украински град Мукачево, кој досега е во голема мера поштеден од војната. Таму нема полициски час. Градоначалникот Андриј Балоха првично мислеше дека се грмотевици.Целта и времето на крстосувачките ракети беа уште поголемо изненадување. Фабриката „Флекс Лтд.“, позната по производство на домашни апарати, беше погодена шест дена откако американскиот претседател Доналд Трамп и рускиот претседател Владимир Путин се сретнаа во Алјаска за да разговараат за завршување на војната.„Два удари на исто место? Не, не грешеа. Тие точно знаеја што целат“, рече Балоха.Една недела подоцна, две ракети го погодија центарот на Киев, оштетувајќи ги канцелариите на Европската унија и Британскиот совет. Русија ретко напаѓа таму бидејќи е зона на дипломатски мисии. Претседателката на Европската комисија, Урсула фон дер Лајен, ја обвини Москва дека намерно ја таргетира ЕУ.Сигналот на Москва: „И ние сме во војна со Западот“Аналитичарите и официјалните лица велат дека нападите врз американските и европските цели испраќаат порака - дека Путин се чувствува доволно моќен за да се спротивстави на притисокот за мир, да ја води војната како што смета за соодветно, а во исто време да му нанесе болка на Западот.Трамп повика на директни мировни разговори меѓу Путин и украинскиот претседател Володимир Зеленски, додека европските земји дебатираат за безбедносните гаранции за Украина по војната. Кремљ ги нарекува разговорите прерани, а гаранциите неприфатливи.„Русија сега напаѓа врз секој во светот што сака мир“, рече Зеленски.Минатата недела, Русија испали стотици беспилотни летала и ракети кон Киев, убивајќи најмалку 25 лица во најсмртоносниот напад врз цивили откако се сретнаа Трамп и Путин. Ниту еден од загинатите не беше во дипломатските згради.фото: Телеграм/Кличко

Свет | пред 8 месеци

Флајтрадар: Авионот со Урсула фон дер Лајен не го изгубил GPS-от

Флајтрадар ги негираше извештаите на социјалните медиуми за дефект на GPS-системот во авионот со кој се превезуваше претседателката на Европската комисија, Урсула фон дер Лајен, во Бугарија.„Летот со Урсула фон дер Лајен пренесе сигнал со добар квалитет од полетувањето до слетувањето“, беше објавено на X.Flightradar, исто така, се осврна на извештаите дека авионот поминал околу еден час во воздух пред слетувањето, наведувајќи дека летот траел 1 час и 57 минути, во споредба со првично планираните 1 час и 48 минути. Претходно, британскиот весник Financial Times објави дека навигацискиот систем откажал кога авионот со кој се превезувала лидерката на ЕК слетал во Бугарија. Според весникот, пилотите морале да користат хартиени мапи за да слетаат на аеродромот во Пловдив.Според портпаролката на Европската комисија, Аријана Подеста, бугарските власти го нарекоа инцидентот „заглавување од страна на Руската Федерација“, но таа додаде дека Бугарија не доставила никакви докази.Три анонимни службеници запознаени со инцидентот изјавија за „Фајненшл тајмс“ дека постои сомневање за руско попречување на сигналот.Русија остро негираше каква било вмешаност. Портпаролот на Кремљ, Дмитриј Песков, отворено и јасно ги отфрли обвинувањата во изјава за „Фајненшл тајмс“. „Вашите информации се неточни“, рече Песков.

Свет | пред 8 месеци

Шукова: Ќе изградиме Конгресен центар и нови содржини за младите во Скопје

Скопје мора да понуди повеќе можности за младите, но и за сите генерации преку дискотеки, културни и музички настани, и центри за забава, порача Каја Шукова, кандидат за градоначалник на Скопје од СДСМ, во гостување на Сител телевизија.„Градот мора да биде целина која нуди квалитетен живот за сите, за децата, младите, возрасните и пензионерите. Нашата визија е да создадеме град отворен за сите, без политички поделби,“ истакна Шукова.Таа најави дека еден од клучните проекти во нејзината програма е изградба на современ Конгресен центар, кој ќе биде домаќин на културни, спортски и музички настани, какви што во моментов нема каде да се одржуваат во градот.„Овој Конгресен центар ќе понуди и простор со повеќе дискотеки и кафетерии, но нема да се наоѓа во централното градско подрачје туку ќе биде во близина на Скопје, со цел да се избегне дополнителен метеж во градското јадро,“ објасни Шукова.Таа нагласи дека градот ќе работи во партнерство со угостителите и граѓаните за да креира современи решенија кои ќе го вратат културниот и забавниот живот во Скопје.

Скопје | пред 8 месеци

Се истражуваат незаконските следења и прислушувања: Обвинителството со став

Обвинителството засега не може да открие кои се лицата кои биле таргет на Агенцијата за национална безбедност, односно дали во известувањата за незаконско следење и прислушување се и имињата на премиерот Христијан Мицкоски, разрешената јавна обвинителка Вилма Русковска, новинарите Кристијан Ландов и Љупчо Златев.„Известувањата од АНБ за кои покажувате интерес се доставени до ОЈО ГОКК на почетокот на минатиот месец. Обвинителството веднаш отвори предмет по кој активно се постапува во насока на испитување на наводите од известувањата, што подразбира дека во моментов станува збор за спроведување на предистражна постапка,“ велат од ОЈО-ГОКК.Оттаму нагласуваат дека, поради тајноста на предистражната постапка, во моментов не можат да се споделат детали за преземените и идните мерки и активности што ги спроведува надлежниот обвинител.

Македонија | пред 8 месеци

Москва негира вмешаност во GPS-инцидентот со авионот на Урсула фон дер Лајен

Портпаролот на рускиот претседател, Дмитриј Песков, категорично негираше дека Русија има каква било вмешаност во нарушувањето на GPS-навигациските системи на авионот кој ја превезувал претседателката на Европската комисија Урсула фон дер Лајен при нејзината посета на Бугарија.„Информациите ви се невистинити,“ изјави Песков за британскиот Financial Times, пренесе агенцијата ТАСС.Според извештаите, при слетувањето на аеродромот во Бургас навигацискиот систем на авионот бил нарушен, поради што пилотите морале да се ориентираат со хартиени карти.Портпаролката на Европската комисија, Ариана Подеста, на брифинг во Брисел потврди дека бугарските власти ги информирале институциите на ЕУ за сомнеж во „груба интервенција од страна на Русија“. На прашање дали Софија доставила конкретни докази, таа одговори негативно.„Можеме да потврдиме дека имаше нарушувања во GPS-сигналот, но авионот безбедно слета во Бугарија. Информацијата што ја добивме од бугарските власти е дека тие имаат сомнеж за груба намеса од Русија,“ изјави Подеста.

Свет | пред 8 месеци

Новинарите го прашаа Османи дали се сретнал со Груевски во Будимпешта, еве што одговори тој

Откако ВЛЕН денови наназад бара одговори, но и го критикува кандидатот за градоначалник на Чаир, Бујар Османи од ДУИ за можна средба со Никола Груевски во Унгарија, тој денеска беше конкретно прашан и од новинарите, дали имал или немал средба со поранешниот премиер.А еве што одговори Османи:-Средбите на министрите за надворешни работи се класифицирани средби и по закон не можат да се откријат. Дури и да имало нешто такво, тоа ќе било во рамките на функцијата на министерот за надворешни работи – рече Османи.

Македонија | пред 8 месеци

Ексдиректорот на АНБ денес ќе слави, а утре ќе одговори за наводите дека незаконски се следени и прислушувани политичар, јавен обвинител и новинари

Поранешниот директор на Агенцијата за национална безбедност (АНБ), Виктор Димовски, се огласи по повод наводите дека додека раководел со институцијата, се вршело незаконско следење и прислушување. Во кратка објава на социјалните мрежи, тој порача:„Денес е ден за славење, а од утре аргументиран одговор на наводите од брифинг во АНБ одржан деновиве...“.Оваа негова изјава доаѓа во контекст на најновите информации од АНБ, според кои до Јавното обвинителство биле доставени три известувања за поранешен директор и група вработени поради индиции за незаконско и непрофесионално постапување во периодот 2019–2024 година. Порталот „Плусинфо“ веќе објави дека таргети биле премиерот Христијан Мицкоски, обвинителката Вилма Русковска, новинарите Кристијан Ландов и Љупчо Златев.Димовски најави дека веќе од утре ќе излезе со став и аргументиран одговор на изнесените тврдења. 

Коментари | пред 8 месеци

Александар Николоски за нелегалното прислушување: „Повикувам Обвинителството ова да го истражи и одговорните да бидат процесуирани“

Потпретседателот на Владата и министер за транспорт и врски, Александар Николоски, повика Обвинителството да отвори истрага и да ги процесуира одговорните за наводната злоупотреба на тајните служби, оценувајќи дека расчистувањето е клучно за демократијата.-ОДГОВОРНОСТ И ПРОЦЕСУИРАЊЕ НА ОДГОВОРНИТЕ ЗА ЗЛОУПОТРЕБА НА ТАЈНИТЕ СЛУЖБИ КАКО ПРЕДУСЛОВ ЗА ДЕМОКРАТИЈА ВО МАКЕДОНИЈА!Во опозиционите денови искажувавме сомнежи дека сме следени од тајните служби кои беа злоупотребувани од власта на СДСМ и ДУИ, а со нив и Стево Пендаровски.Имавме сомнеж дека Агенцијата за разузнавање пишува клеветнички лажни извештаи до западните партнери и сојузници, а АНБ следела и прислушувала.Тоа беше начин за политичка дискредитација кој не им успеа! Промените се случија на минатогодишните избори, а со тоа и патот кон расчистување во тајните служби и одговорност за оние кои ги злоупотребуваа!Повикувам Обвинителството ова да го истражи и одговорните да бидат процесуирани. Доста е од злоупотреби на тајните служби!!!

Македонија | пред 8 месеци

Плусинфо: Мицкоски, Русковска, новинарите Ландов и Златев биле таргети - списокот на незаконски следени и прислушувани јавни личности е многу поголем

По известувањето на АНБ дека до Обвинителството пријавиле незаконско и непрофесионално постапување и следење на лидер на опозициска партија, како и група новинари, „Плусинфо“ објави дека на списокот за незаконско следење бил и јавен обвинител. Порталот, повикувајќи се на свои извори, пишува дека во периодот од 2019 до 2024 година, мета биле лидерот на ВМРО-ДПМНЕ, Христијан Мицкоски, поранешната обвинителка Вилма Русковска и новинарите Кристијан Ландов и Љупчо Златев.„Плусинфо“ пишува дека Вилма Русковска во изјава им потврдила дека била незаконски следена.„Немам информации дали сум била прислушувана, но извор во кој имам доверба ми кажа дека сум била незаконски следена од страна на Јовче Ременски, сопругот на поранешната пратеничка Фросина Ременски, против која во тоа време поведов обвинение,“ изјави Русковска.Плусинфо со Русковска ja споделиле и информацијата дека била незаконски прислушувана, во еден или повеќе разговори со новинарот Кристијан Ландов, на што искоментирала: „Јас за тоа немам информации, но не би ме изненадило да било така. Можно е јас да сум била таргет, а можно е и новинарот да бил таргет. Се надевам дека и тоа прашање ќе се расветли“.Ландов: „Не сум имал причина да се сомневам“Порталот побарал коментар и од новинарот Ландов, кој рекол: „Не сум имал причина да се сомневам. Дали било можно или не, тоа треба да го кажат службите. Со Русковска сум имал комуникација, како и со други обвинители што работеа на предмети од јавен интерес. Таа комуникација датира од 2020 година наваму, кога Русковска беше шеф на ОЈО-ГОКК“.Златев: „Се отвораа апсурдни предмети, целта беше да бидам следен“Новинарот Љупчо Златев, пак, тврди дека уште во 2019 година добил информации од свиркачи во АНБ дека бил ставен под посебни истражни мерки.„Во периодот 2019–2024 година за мене се отвораа апсурдни предмети, со единствена цел да бидам следен и прислушуван. Се користеа белешки со измислени содржини, од луѓе кои случајно ги познавав и кои постојано се обидуваа да стапат во контакт со мене. Еден од нив е осуден за убиство, друг е подкастер и уредник, трет е измамник кој пропадна една од најголемите градежни компании,“ изјави Златев.За контрола на посебните истражни мерки, според „Плусинфо“, за целиот период бил задолжен сегашниот републички обвинител, Љупчо Коцевски.Целиот текст на Плусинфо

Македонија | пред 8 месеци

Нова учебна година и ново училиште за охридските ученици

Првиот училишен ден во Охрид започна и во новоотворената зграда на училиштетот „Кочо Рацин“, каде градоначалникот Кирил Пецаков им посака успешна година на учениците.Особено ми е мило што имав можност да ја почувствувам радоста на 1-ви септември во новата училишна зграда на ООУ „Кочо Рацин“ и да упатам најубави желби за успешен почеток на новата учебна година.‎Драги ученици, најдраги првачиња, нека вашите чекори бидат сигурни, вашите насмевки искрени, а вашите срца отворени за училишни успеси. Вие сте наша радост, наша гордост и мотив да работиме уште повеќе за да ви обезбедиме подобри услови за среќно и безгрижно детство.‎‎Нека е честит првиот училишен ден, нека е среќна и успешна новата учебна година во Охрид! Да славиме и да се радуваме заедно на големи училишни успеси.

Охрид | пред 8 месеци

Дизелот ќе поскапе, цената на бензините останува иста

Малопродажните цени на бензините ЕУРОСУПЕР БС-95 и ЕУРОСУПЕР БС-98 не се менуваат, односно остануваат на исто ниво како што биле утврдени со одлуката за утврдување на највисоки малопродажни цени на нафтените деривати и горива за транспорт од 25.08.2025 година и со тоа малопродажната цена на ЕУРОСУПЕР БС-95 изнесува 75,00 ден/лит, додека малопродажната цена на ЕУРОСУПЕР БС-98 изнесува 77,00 ден/лит.Малопродажните цени на ЕУРОДИЗЕЛ (Д-Е V) и на Екстра лесното масло за домаќинство на (ЕЛ1), се зголемуваат за 0,50 ден/лит, во однос на малопродажните цени утврдени со одлуката за утврдување.на највисоки малопродажни цени на нафтените деривати и горива за транспорт од 25.08.2025 година и со тоа малопродажната цена на ЕУРОДИЗЕЛ (Д-Е V) изнесува 68,50 ден/лит, додека малопродажната цена наЕкстра лесното масло за домаќинство на (ЕЛ-1) изнесува 68,00 ден/лит.Малопродажната цена на Мазутот М-1 НС, се зголемува за 0,128 ден/кг, во однос на малопродажната цена утврдена со одлуката за утврдување на највисоки малопродажни цени на нафтените деривати и горива за транспорт од 25.08.2025 година и со тоа малопродажната цена на Мазутот М-1 НС изнесува 38,393 ден/кг.

Македонија | пред 8 месеци

Муцунски: Преговорите со ЕУ не се блокирани – тие никогаш не започнаа поради СДСМ и ДУИ

Министерот за надворешни работи, Тимчо Муцунски, реагираше на изјавите на претседателот на СДСМ, Венко Филипче, за процесот на евроинтеграции, посочувајќи дека преговорите со Европската Унија не можат да бидат блокирани затоа што – како што вели – „никогаш и не започнале, благодарение на СДСМ и ДУИ“.„Од нас нема да слушнете големи зборови без покритие и празни чекори. Нашата задача не е да нудиме изговори, туку резултати. Затоа ја движиме државата напред – таму каде што ѝ припаѓа: во Европа. Тоа не е слоган, туку реалност што ја градиме преку конкретни проекти: бесплатен роаминг за нашите граѓани во ЕУ, зелени ленти за превозниците, пристап до европскиот единствен систем за плаќање, партнерство во безбедноста и одбраната со ЕУ. Тоа се вистински реформи, а не празни флоскули,“ истакна Муцунски.Тој додаде дека зборува и работи за поевтин роаминг, но и за зачуван идентитет, достоинство и гордост. „Не зборувам за виткање кичма, за администратори, за договори под маса, за прифаќање уцени или ултиматуми, како што тие го правеа тоа. Тука има разлика – и граѓаните ја гледаат таа разлика,“ нагласи министерот.Муцунски ја повика опозицијата да дејствува рационално и разумно и да не го саботира европскиот процес. „Ова не е борба за лични или партиски интереси. Ова е борба за граѓаните, за државата, за иднината. Ќе напредуваме само ако сите заедно ги ставиме државните пред партиските интереси,“ заврши тој.

Македонија | пред 8 месеци

Исчезнаа 11 лични карти – полицаец од Чаир под истрага

Внатрешната контрола на МВР поднесе кривична пријава против полицаец од ПС Чаир, осомничен дека подигнал 11 лични карти и не ги доставил до полициcка подстаница Мирковци Мирковци, со што граѓаните останале без документи. Службеникот е суспендиран и му е одземено службеното оружје додека трае дисциплинската постапка.-Одделот за внатрешна контрола, криминалистички истраги и професионални стандарди при МВР до надлежното Основно јавно обвинителство за гонење на организиран криминал и корупција Скопје поднесе кривична пријава против Д.С. на работно место полицаец во ПС Чаир при СВР Скопје, поради постоење основи на сомнение дека сторил кривично дело „несовесно работење во службата“ по член 353-в став 4 од КЗ.Пријавениот полициски службеник како службено лице во просториите на Одделението за управни работи Скопје се потпишал и подигнал 11 лични карти и список-извештај за скенирани лични карти за лица кои живеат на станично подрачје на ПО Мирковци во Општина Чучер Сандево, по што со пропуштање на должен надзор над преземените лични карти, пријавениот не ги доставил во ПО Мирковци за понатаму граѓаните да ги подигнат, ниту пак пријавил дека личните карти недостасуваат, со што на граѓаните им е причинета материјална штета и им го ограничил правото за користење, како и за навремено изготвување и подигање на личните карти.Одделот за внатрешна контрола, криминалистички истраги и професионални стандарди против полицискиот службеник ќе поднесе предлог за поведување на постапка за кршење на работниот ред и дисциплина и ќе изрече задолжителни мерки одземање на службеното оружје и муниција и да се отстрани од работното место- суспендира до завршување на дисциплинската постапка, соопшти МВР.

Скопје | пред 8 месеци

Авионот на Фон дер Лајен останал без ГПС – сомнежи за руско мешање

Авионот со кој патувала претседателката на Европската комисија Урсула фон дер Лајен останал без ГПС навигација при слетување во Бугарија, а во Брисел се сомневаат дека зад инцидентот стои Русија.„Можеме да потврдиме дека имало блокирање на ГПС сигналот, но авионот безбедно слета,“ изјави Аријана Подеста, заменичката на портпаролот на ЕК.Настанот се случил за време на турнејата на Фон дер Лајен низ Летонија, Финска, Естонија, Полска, Литванија, Бугарија и Романија. Таа вчера пристигна во Бугарија, каде што ја посети фабриката за оружје во Сопот.Според „Фајненшл тајмс“, авионот што ја превезувал до Пловдив не можел да користи електронски навигациски помагала како резултат на пречките, што го принудило пилотот да се потпре на хартиени мапи за слетување.Подеста изјави дека Европската комисија добила информации од бугарските власти врз основа на кои се сомнева дека попречувањето било извршено од Русија.Блокирањето и лажирањето на ГПС сигналот ги оневозможува авионите да користат навигациски системи како американскиот „ГПС“ или европскиот „Галилео“, или пак ги нарушува добиените податоци за локација. Европските влади веќе предупредија дека оваа форма на намерно мешање се забележува во регионот на Балтичко Море од 2022 година.

Свет | пред 8 месеци

Гувернерот Славески најави: Ќе се намалува учеството за купување прв стан

Народната банка најавува мерки со кои ќе се олесни купувањето прв стан за граѓаните. Согласно изјавата на гувернерот Трајко Славески, дадена во интервју за „Радио Слободна Европа“, новите мерки предвидуваат дека лицата кои за првпат купуваат стан за живеење ќе можат да поднесат барање за кредит со значително намалено сопствено учество од проценетата вредност на станот.„Целта е да се поддржат граѓаните кои купуваат свој дом, додека кај оние кои купуваат стан како инвестиција, учеството ќе се зголеми, заради намалување на притисокот врз цените и за зголемување на финансиската одговорност“, појаснува гувернерот.Гувернерот нагласува дека банките веќе ги препознаваат граѓаните кои купуваат прв стан како помал ризик, бидејќи тие се поодговорни и кредитот го користат за сопствено живеалиште. Се очекува дека банките ќе понудат подобри услови и пониски каматни стапки за оваа категорија.Во однос на сегашните каматни стапки, гувернерот истакнува дека тие се релативно ниски во споредба со другите пазари и дека со стабилизирањето на инфлацијата под 3%, кредитирањето ќе стане уште поедноставно и поодржливо.Народната банка ја следи состојбата на пазарот на недвижности и кредитирањето, со цел да обезбеди одржлив раст и да ги заштити интересите на граѓаните и на банкарскиот сектор.

Македонија | пред 8 месеци

Почна судењето за „Геријатрија“ – обвинетите го отфрлаат обвинението за мито

Пред Основниот кривичен суд Скопје денеска започна судењето за случајот „Геријатрија“. Обвинетите Мухсин Арифи, директор на ЈЗУ Специјализирана болница за геријатриска и палијативна медицина, и Блерим Амити, се изјаснија дека не се чувствуваат виновни за делата што им се ставаат на товар.Арифи се гони за примање поткуп, додека Амити е обвинет за примање награда за противзаконито влијание.Според обвинителниот акт, Арифи побарал 20.000 евра за да овозможи прием на пациентка во тешка здравствена состојба. Амити, кој го познавал сведокот, се понудил да посредува и ја примил паричната сума, по што бил фатен од полицијата.Обвинителката Искра Хаџи Василева во воведните зборови истакна дека случајот е пример за длабоко вкоренета корупција.„Пропорциите и интензитетот на корупцијата се толку многу длабоки што нè потсетуваат дека ја засегаат секоја сфера од живеењето,“ рече таа. Таа додаде дека станува збор за грубо барање мито од страна на директор на јавна здравствена установа – износ кој бил предмет на преговори, а потоа прифатен како минимален за извршување службено дејствие што инаку морало да се изврши без надомест.Обвинителката нагласи дека обвинетите дејствувале исклучиво за лично богатење, искористувајќи ја ранливоста на пациентката и нејзината потреба за итен медицински третман.Одбраната на обвинетите најави дека во текот на постапката ќе презентира докази, меѓу кои статути, процедури и законски одредби поврзани со институцијата, со цел да се докаже дека Арифи и Амити не можеле, ниту имале намера да извршат кривично дело.„Убедени сме дека доказите ќе укажат на недоразбирање што настанало во овој т.н. кривично правен настан,“ соопштија одбраната.Случајот го водат судиите Ленка Давиткова и Илија Трпков. Судењето е закажано да продолжи на 16 септември, во 13 часот.

Скопје | пред 8 месеци