Масовна евакуација на туристи од Крит поради шумски пожар, чадот се издига и над позната плажа Мкри Џалос

Голем пожар во Грција продолжува неконтролирано да гори во источниот дел од островот Крит, откако избувна вчера попладне во тешко пристапна шумска област во близина на општината Иерапетра.Пожарот го поттикнуваат урагански ветрови кои достигнуваат и до ниво осум според Бофортовата скала, што предизвикува брзо ширење кон југ и им се заканува на станбени згради, туристички сместувачки капацитети и клучна инфраструктура, вклучително и бензинска пумпа.Видливост нула, површина покриена со чадСпоред службите за итни случаи, пожарот моментално се шири на најмалку 6 километри, што го отежнува неговото локализирање. Густ чад обвиваше поширока област, а видливоста на некои места беше намалена на речиси нула.Чадот се проширил до плажата Макри Џалос, на 10 километри од Ахлија во регионот Ласити, каде што пожарникарите се обидуваат да го локализираат пожарот.Евакуации, затворени патишта и респираторни проблемиГлавниот пат во близина на населбата Агија Фотија беше затворен за сообраќај, а полицијата ги повика жителите и туристите да избегнуваат секакви непотребни патувања поради исклучително лошиот квалитет на воздухот, екстремната топлина и пепелта што паѓа од небото.Во населбата Агија Фотија, куќите и имотите за изнајмување беа уништени, а локалните извори известуваат дека областа останала без електрична енергија. Најмалку четири постари лица се однесени во болница со проблеми со дишењето предизвикани од вдишување чад.Болниците се во готовност, хотелите се евакуираниЗдравствените власти ги ставија сите болници на Крит во состојба на готовност. Властите наредија масовна евакуација на хотелите, приватните сместувачки капацитети и домовите во општината Ферма бидејќи пожарот се приближува кон областа. Операцијата се спроведува со поддршка на пожарникари, полиција и локални волонтери.Досега, околу 1.500 луѓе се евакуирани од околните населби и туристички области и префрлени во Иерапетра. Околу 200 од нив се привремено сместени во градската спортска сала.Противпожарната бригада е значително зајакната. До среда навечер, на терен имаше 155 пожарникари, осум специјализирани пешадиски екипи и 38 противпожарни возила. До зајдисонце, четири хеликоптери испуштаа вода врз огнот. Локалните општински тела, исто така, ангажираа цистерни за вода и тешка механизација.Уште 17 пожарникари, еден пешадиски тим и пет возила доаѓаат од Пиреја, а уште 33 пожарникари и четири дополнителни екипи на EMODE доаѓаат од Елефсина.Местото на пожарот е непредвидливо, луѓето се евакуирани по морски патСпоред информациите од јавната телевизија ЕРТ, противпожарната служба наредила тактичко повлекување за заштита на персоналот и фокусирање на изградба на противпожарни појаси. Противпожарните екипи ќе останат на терен во текот на ноќта.Во текот на денот, преку системот 112 неколку пати беа издадени предупредувања за вонредни состојби, со наредби за евакуација од неколку населени места, а поединци беа евакуирани и со чамци од плажите.Пожарот се шири низ густа шума, помошта пристигнува од воздухПожарот, кој избувна помеѓу Агија Фотија и селото Скинокапсала, се шири низ густа запалива вегетација. Сувите услови, стрмниот терен и силните ветрови го отежнуваат гаснењето пожари уште повеќе.Во текот на оваа недела, повеќе од 50.000 луѓе во Турција беа евакуирани поради пожар во Измир, а најмалку шест лица загинаа како резултат на топлотниот бран што ја погоди Европа - вклучувајќи ги Шпанија, Италија и Франција.

Свет | пред 10 месеци

Левица со амандман бара 600.000 евра за обезбедување престој за жртвите на семејно насилство

Пратеничката група на Левица поднесе амандман кон Предлог-ребалансот на Буџетот за 2025 година, со кој бара 600.000 евра да се наменат за обезбедување престој и сместување за жртвите на семејно насилство.Во Македонија постојат само 11 шелтер центри, од кои дел се руинирани, неопремени, нефункционални, со крајно ограничени капацитети кои никако не можат да одговорат на растечкиот број на жртви на семејно насилство за кој државата мора итно да преземе мерки.Економската зависност и необезбедениот кров над глава претставуваат најголемите и најсуштински пречки за жртвите да го напуштат насилниот дом и да започнат нов, безбеден живот. Многу жени жртви на семејно насилство се целосно или делумно финансиски зависни од насилникот, без или со недоволно лични приходи за да можат самостојно да ги поднесат високите трошоци за живот. Ова особено значи дека тие немаат пристап до средства за изнајмување или купување на сопствен дом, ниту пак имаат сопствен имот кој би можеле да го искористат како основа за нов почеток. Во вакви услови, изборот да останат во насилната средина не е им е вистинскиот, пожелен избор, туку примораност, велат во партиското соопштение.Посочуваат дека без конкретна финансиска поддршка и обезбедено домување, жртвите остануваат во зачаран круг на насилство со сериозни последици врз нивното физичко и психичко здравје, како и врз децата што растат во таква средина.-Овој амандман на Левица е и директен одговор на обврските кои државата ги има согласно Истанбулската конвенција и Законот за спречување и заштита од насилство врз жените и семејното насилство, кои предвидуваат дека државата мора да обезбеди мерки и финансии кои би значеле помош за нов почеток и закрепнување на жртвата, вклучувајќи го и домувањето.Апелираме до сите пратеници во Собранието да го поддржат овој амандман и да покажат дека безбедноста и животот на жртвите на семејно насилство се над партиските интереси. Особено упатуваме порака до владејачкото мнозинство на ДПМНЕ, ВРЕДИ и ЗНАМ дека оваа тема не трпи ароганција и каприц! Не смееме да дозволиме економската немоќ и немањето кров над глава да бидат причина за фатален крај, се наведува во соопштението.

Македонија | пред 10 месеци

Силен земјотрес го стресе тлото на популарен грчки остров

Земјотрес со јачина од 4,1 степен според Рихтеровата скала е регистриран во 02:25 часот наутро во близина на грчкиот остров Санторини.Според податоците од Геодинамичкиот институт при Националната опсерваторија во Атина, епицентарот бил во морско подрачје 13 километри југозападна од селото Аркесини на островот Аморгос.Епицентарот бил на длабочина од 11,1 километри. Засега нема пријави за материјална штета.фото: Unsplash

Свет | пред 10 месеци

Скопјани потрошиле рекордни 356.000 кубни метри вода за само еден ден, ЈП Водовод апелира на рационално кристење на водата

Јавното претпријатие Водовод и канализација – Скопје денеска соопшти дека е регистрирана енормно зголемена потрошувачка на вода, особено во попладневните часови. Според податоците од системот за мониторинг и мерење на дневната потрошувачка, на 23 јуни биле потрошени рекордни 356.000 кубни метри вода, што значи дека просечната потрошувачка изнесувала околу 700 литри по жител.Од претпријатието апелираат до граѓаните на градот Скопје на совесно и рационално користење и употреба на водата. Особено да се избегнува непотребно трошење на водата за полевање на зеленило, бавчи и ниви, за перење автомобили, за полнење на базени.Од ЈП Водовод и канализација – Скопје ги повикуваат граѓаните кои ќе забележат диви приклучоци на мрежата, да ги пријават на телефонскиот број 02 3073 010, на e-mail адресата kontakt@vodovod-skopje.com.mk, или преку веб-страницата www.vodovod-skopje.com.mk. Оттаму предупредуваат дека со дивите приклучоци се нанесува директна штета на системот за водоснабдување и на квалитетот на водоснадбувањето до сите корисници во град Скопје.фото: Unsplash

Скопје | пред 10 месеци

Жерновски прашува: Која земја не се замара со ЕУ? Одговорот ќе ве изненади

Поранешниот амбасадор на Македонија, Андреј Жерновски со иронија го привлече вниманието на фактот што Македонија нема амбасадор во Данска.„Која е земјата без амбасадор во Данска?Вчера, Данска официјално го презеде шестмесечното ротирачко претседателство со Советот на ЕУ, со две главни приоритети: безбедност и конкурентност. Задачата е доста тешка, како резултат на екстремната неизвесност и нестабилност со кои денес се соочува Европската Унија.Инаку, Данска повторно стана силен застапник на проширувањето, тврдејќи дека Украина само во рамките на ЕУ и НАТО може да биде безбедна и просперитетна. Да се потсетиме на историското наследство на Данска во однос на проширувањето: во 1993 година, данското претседателство со Советот на ЕУ заврши со самитот на кој се воспоставија Копенхашките критериуми, кои станаа библија за сите последователни рунди на проширување.Овојпат, Данска го поставува својот основен приоритет за проширување на ЕУ низ безбедносна перспектива. Мошне значајно е што го опишува проширувањето како „геополитичка неопходност“ и „единствениот начин ЕУ ефикасно да придонесе за стабилизирање на европскиот континент“. Но, нејзиното претседателство со Советот се соочува со предизвикот да го усогласи овој геополитички императив со пристапот на ЕУ кон проширувањето, базиран на заслуги и сопствената подготвеност на ЕУ за проширување.Сите земји кои се членки на ЕУ или се кандидати за влез во истата, имаат свој амбасадор во Копенхаген, освен една. Причината е едноставна- владата на таа земја има други приоритети и нема време да се занимава со небитни работи како што е, на пример, нејзиниот евроинтеграциски процес.Прашање:Која е таа земја?“ праша Жерновски

Македонија | пред 10 месеци

Струмичкиот градоначалник ќе делува во или надвор од СДСМ: Костадинов најави нова стратегија по завршување на локалните избори

Актуелниот градоначалник на Струмица, Костадин Костадинов, кој синоќа го замрзна челнството во СДСМ, откако лидерот Филипче не му додели повторна кандидатура, уште еднаш се огласи на ФБ занеговите следни чекори и најави поинаква политичка стратегија:-Свесен за тешката состојба во која се наоѓа мојата партија, од безидејноста, сакам да помогнам за жал нема како… Во следните месеци, ќе започнам со креирање на ново интерпартиско делување, кое ќе биде презентирано по завршувањето на локалните избори. Целосно прецизна стратегија, доволно мотивирачка за да обедини авторитети што ѝ недостигаат на СДСМ, тешки за да бидат непривлечни за политичките авантуристи, и доволно забавни за да се пронајдат младите… Мојата стратешко политичка одлука за делување во СДСМ или можеби надвор од СДСМ ќе биде јавно кажана во два дела. Првата ќе биде септември, конечната по завршување на овие локални избори. До тогаш посакувам среќа да се победи во барем една општина“

Македонија | пред 10 месеци

Пентагон донесе одлука – нема повеќе испорака на „Патриот“ за Украина!

Одлуката на Пентагон да ги запре испораките на оружје во Украина ги изненади дури и оние кои редовно се информирани за ваквите потези - вклучувајќи членови на Конгресот, претставници на Стејт департментот и клучни европски сојузници, потврдуваат шест лица запознаени со ситуацијата.Што сè е запрено?Според повеќе извори од NBC News, меѓу оружјето чии испораки моментално се запрени се:Десетици ракети за системот „Патриот“, клучни за одбрана од руски ракетиилјадници гранати од 155 мм за хаубициповеќе од 100 ракети „Хелфаер“повеќе од 250 GMLRS (водени повеќекратни ракетни системи за лансирање)десетици ракети „Стингер“ за воздушна одбранадесетици ракети од авиони AIMдесетици фрлачи на гранатиЕвропа и Зеленски се шокираниВо Европа, дипломатите и тимот на украинскиот претседател Володимир Зеленски се обидуваа да откријат зошто САД одеднаш ја замрзнаа помошта, откако Белата куќа ја потврди веста. Ниту Зеленски ниту Европската Унија, според европски функционер и украински советник, не добиле претходно известување.САД и Украина работат на организирање средба меѓу Трамп и Зеленски, потврдија две лица запознаени со подготовките. Ова започна вчера, откако почнаа да кружат информации дека Вашингтон ја запрел испораката на оружје.„Украина беше информирана за одлуката вчера во Киев, а телефонски разговор меѓу Трамп и Зеленски ќе биде организиран многу наскоро“, рече еден европски дипломат, додавајќи: „САД тврдат дека ова не е пауза или суспензија“.„Мораме да ги заштитиме нашите луѓе“Зеленски вчера изјави дека украинските власти се во контакт со американските партнери за да ја разјаснат ситуацијата. „На еден или друг начин, мора да обезбедиме заштита за нашиот народ“, рече украинскиот претседател.

Свет | пред 10 месеци

Топлотен бран во Македонија цела недела, температурите над 40 степени, а потоа нагло заладување, дури и снег на европските Алпи

Топлиот бран од Африка кој зафати голем дел од европа, цел регион, како и Македонија, ќе продолжи се до крајот на оваа недела, и истиот ќе придонесе и понатаму да имаме многу топло време со висока вредност на Ув индексот 9, прогнозира Славчо Попоски.Според него, сепак, во недела во попладневните часови ќе има појава на изолирана нестабилност, проследена со пороен дожд, грмежи, засилен ветер, но и услови за појава на краткотрајно невреме со појава на град.Што се однесува до температурите, тие ќе се искачуваат во интервалот од 32 до 41 степен. И во Скопскиот регион температурата ќе се искачи до околу 40/41 степен.Поради многу топлото време, но и поради високата вредност на Ув индексот, граѓаните, особено оние повозрасните, без потреба да не излегуваат во најтоплиот дел од денот (од 11 до 17 часот) и да пијат повеќе течности.Инаку, според најновиот излез на Европскиот модел (ECMWF), наредната недела следува поголемо разладување на времето и голем пад на температурите во најголем дел од Европа, а околу и по 10 јули пад на температурите и врнежи се очекуваат и во Македонија. На европските Алпи ќе има и обилни врнежи од снег.фото: Unsplash

Македонија | пред 10 месеци

(ВО ЖИВО) Адвокатот Давидовиќ очекува маратонска судска постапка за Пулс

Она што го тврди Обвинителството и измислува топла вода е различно и не е иста одговорноста за сопственикот и обезбедувањето за трагедијата во Пулс, вели во Претрес Звонко Давидовиќ, адвокат на обезбедувач кој немал лиценца.„Треба сериозни докази. Судот треба реално да процени а не само дека има обвинение. Од доказите и вештачењето не може да се види колкав е капацитетот на објектот. Мислам дека вратите не биле заклучени од страна на полицајците.Има обвинет министер и од 2012 година и голем број обвинети и ова може да ја одолговлечи постапката. Има многу адвокати, има и хрпа докази и ова ќе биде маратонска постапка. Голем број обвинети носат голем ризик за одолговлекување. Не очекувам дека обвинителот ќе ја раздели постапката на првото рочиште”, рече Давидовиќ.Следете не на линкот:https://www.youtube.com/live/4ih2pmtgyv8

Македонија | пред 10 месеци

(ВО ЖИВО) Давидовиќ: Обвинетиот обезбедувач бил само гостин во Пулс, обвинението се уште го немаме

Гостин во „Претрес со Ландов” е и Звонко Давидовиќ, адвокат на обвинет обезбедувач на дискотеката „Пулс” кој немал лиценца.„Тој бил на тоа место, но не како обезбедување, туку како гостин. Не ја чувал вратата. Треба да се утврди улогата на обезбедувањето. Немаме добиено обвинение а не знам зошто”, вели Давидовиќ.Доказите ги видел, има хрпа документација, хемиско, градежно вештачење, вештачење фирми, снимки и тука обвинителите, смета, ја сработиле работата.„Она што го тврдат треба да го докажат на судење. Ова што се случи во Кочани е само заради корумираниот и разнебитен систем.Не е можно пазарна инспекција да не знаела за Пулс, УЈП да не провери како и другите институции. Овој клуб со години незаконски работел”, вели Давидовиќ.Тој беше бранител и на Мијалков, Нинџа, Мујо. И за тоа ќе говори во Претрес.Гледајте не на линкот:https://www.youtube.com/live/4ih2pmtgyv8

Македонија | пред 10 месеци

(ВО ЖИВО) Богдановиќ би прифатил понуда од Димитриевски да биде кандидат на ЗНАМ за градоначалник на Центар

Саша Богдановиќ во „Претрес со Ландов”рече дека не знае дали на голема врата ќе се врати во политика.Најдобро, вели се пронаоѓам на локално ниво.„Не сум член на ниту една партија, пред парламентарните избори ја напуштив СДСМ.Нема да станам вмро- вец Максим Димитриевски со кого два пати сум се видел, ми кажа дека може да ме стави на анкета за градоначалник на Центар. Максим може да смета на мене како кандидат за градоначалник на Центар. Не ми постави услови да станам член на ЗНАМ, иако ме праша дали би се зачленил.Сега зависи во која форма гледа на моето учество и членство. Мора да ми каже што нуди.Имам големо искуство и поминато некои фази”, вели Богдановиќ.Тврди дека Горан Герасимовски на нечесен начин станал кандидат за градоначалник во 2021 бидејќи тој имал поголем рејтинг од Герасимовски. Централата ја донела одлуката.Негира дека тој на нечесен начин во 2017 година станал кандидат иако Андреј Жерновски имал поголем рејтинг од него, тогаш, вели општинската одлучила дека ќе подржи само општински кадар, а Жерновски не бил член на СДСМ.Следете не на линкот:https://www.youtube.com/live/4ih2pmtgyv8

Македонија | пред 10 месеци

(ВО ЖИВО) Богдановиќ: Заев ме тргна од политиката и не ми даде шанса за втор мандат

Саша Богдановиќ, екс градоначалникот на Центар, вечерва е гостин во „Претрес со Ландов”.Тој вели дека не е лут на СДСМ, туку само укажувал на тоа што не чинело во партијата. Негира дека молчел кога бил градоначалник.Рече дека Заев е човекот кој го тргнал од политиката и не му дал шанса за втор мандат.Вели дека само 10-на згради се изградени во негово време, но не знае точна бројка.„Како градоначалник, тоа што го ветивме го реализиравме. Имавме позитивни реакции за мораториумот на ДУП-те”, рече Богдановиќ.Тој вели дека не потпишал во заминување од функцијата многу дозволи за градба, само за 5-6 згради. За првата зграда кај Холидеј ин тој ја потпишал дозволата. Богдановиќ вели дека дел од граѓаните сакале тука згради.„Изменивме 9 ДУП-а, со Мораториумот, но по одлуката на Уставен суд, ревизијата беше сопрена”, вели екс градоначалникот на Центар.Три дена пред заминување Богдановиќ потпишал одобрение за петкатница кај Јадран. Тој појаснува дека се одело електронски.Претресот може да го следите на линкот:https://www.youtube.com/live/4ih2pmtgyv8

Македонија | пред 10 месеци

Костадин Костадинов го замрзна членството во СДСМ: „Ова не е крај, туку почеток на нов тек“

Костадин Костадинов, актуелниот градоначалник на Струмица, објави дека ја замрзнува својата партиска активност во СДСМ, откако не беше избран за кандидат на претстојните локални избори. Во обраќање полно со емоции и политички пораки, тој порача дека нема да се кандидира повторно, иако никогаш досега не загубил избори.„Ова не е крај. Ова е момент кога човек мора да зборува чесно и од срце. Во сегашната политичка слика, мојата кандидатура – од било која партија – е бесмислена“, изјави Костадинов.Тој упати директна критика кон актуелното раководство на СДСМ, обвинувајќи за безидејност, недостаток на храброст и отсуство на вистинска понуда за граѓаните. Сепак, подвлече дека останува социјалдемократ „не по книшка, туку по вредности“.Во објавата најави и создавање на ново интерпартиско делување, кое ќе биде презентирано по завршувањето на локалните избори. Според него, тоа ќе биде „доволно прецизно за да обедини авторитети, но и доволно забавно за да ги привлече младите“.„Не сакам да бидам градоначалник по инерција. Сакам да бидам избор по потреба, по убедување, по визија“, вели Костадинов, истакнувајќи го неговото досегашно портфолио како едно од најсилните во Македонија – со проекти како електричен јавен превоз, нов урбанистички план и зелени пазари.Костадинов порача дека својата конечна одлука дали ќе остане во СДСМ или ќе дејствува надвор од партијата ќе ја соопшти во две фази – првата во септември, а втората по изборите.„Да се повлечеш кога си најсилен е најголема храброст“, заклучи тој.

Македонија | пред 10 месеци

Филипче обзнани: Асен Шајн влегува во трката за градоначалник на Охрид, Костадинов извиси во Струмица

Претседателот на СДСМ, Венко Филипче презентираше неколку имиња за кандидати за градоначалници на престојните локални избори. Па така, во Охрид кандидат ќе им биде д-р Асен Шајн, а во Струмица кандидат ќе биде Маријан Даскаловски. Ова значи дека Костадин Костадинов извиси и нема да добие шанса за нов мандат. Во Дебрца кандидат ќе биде Љупчо Паунковски.„Во следните две недели, две третини од кандидатите за градоначалници ќе бидат потврдени од Извршниот одбор. Очекувам ова да биде процес кој ќе значи сплотување а не поделба на партијата“, рече Филипче.Кандидатите се бирани според принципи кои ги има СДСМ, но и според резултати од анкети.„Сите одлуки ги носиме по широк консулатитвен процес“, додаде Филипче.

Македонија | пред 10 месеци

Битиќи со розови очила за читање на ребалансот: Вие носите Прада, овие се социјалдемократски

Фатмир Битиќи остро го критикуваше ребалансот на Буџетот кој е на комисиска расправа.Според него, наместо реална прераспределба, ребалансот е само козметика, розово на хартија, а црвено во реалноста. Тој стави и розови очила за подобро читање.„Ова не е буџет со план, туку импровизација за политички цели“, рече Битиќи.„Ќе мора така да ги читаме работите. Рок-стар сум. Розеви се. Ќе ги оставам за заменик-министерот. Овие се социјалдемократски. Прада купувате вие, ние не“, кажа Битиќи, посочувајќи дека ребалансот e признание дека Владата ја загубила финансиската контрола, со дефицит од 4%, над законскиот лимит.Владата веќе не контролира фискална рамнотежа и го користи ребалансот како политички инструмент, посочи пратеникот.„Дефицитот речиси се удвои за месец и половина, од 13,4 на 27,5 милијарди денари. Таков раст не се случува во економија со здрава фискална дисциплина и е знак за неефикасно управување и неконтролирана јавна потрошувачка. Ако приходите растат по 40%, а расходите достигнаа 44%, дали оваа Влада има план? Или троши сè како да нема утре”,  рече Битиќи.

Македонија | пред 10 месеци

Костадиновска Стојчевска: Со ребалансот власта крати средства за социјални надоместоци, а вработува партиски кадри пред изборите

Ребалансот на буџетот за 2025 година, иако навидум не менува многу во клучните макроекономски параметри како вкупни приходи, расходи, дефицит и економски раст, претставува јасен показател за владините приоритети и стратегии, особено во пресрет на локалните избори, истакна пратеничката на СДСМ Бисера Костадиновска Стојчевска, на денешната расправа посветена на ребалансот на Буџетот за 2025 во комисијата за финансирање и буџет.Костадиновска Стојчевска нагласи дека 14 милиони евра не се за зголемени плати, како што рече и самиот заменик министер се дообезбедуваат средства за исплата на плати, пензии, програмски, проектни активности со едновремено искористување на средства од претходни години.Ова најверојатно е заради претстојните локални избори, па тактиката е добро позната - нови вработувања на партиски кадри пред изборите, што е долгогодишна практика која го оптоварува буџетот и ја нарушува професионалноста на јавната администрација, наспроти најавите на министерот за јавна администрација, истакна Костадиновска Стојчевска, додавајќи дека за тоа зборува и зголемувањето на ставката „стоки и услуги“, за околу 30 милиони евра во однос на 2024 година, која е недоволно транспарентна и вклучува договори на дело како форма на квази-вработување во јавната администрација.Костадиновска Стојчевска нагласи дека истовремено со зголемувањето на расходите за пензии и плати, владата прави кратења кои директно ја погодуваат економијата и најранливите категории граѓани.Кратењето на социјалните надоместоци е најголема критика за владата. Намалувањето на парите за „социјалните случаи“ е антисоцијална и антисоцијалдемократска политика. Недозволиво е да се крати од најсиромашните слоеви на населението, а во исто време да се вработуваат партиски кадри пред избори. Ова покажува висок недостаток на емпатија и социјална одговорност, рече Костадиновска Стојчевска.Таа го истакна и очајното ниво на реализација на капиталните инвестиции од само 22,5%, кое е за 13,6 процентни поени помалку од истиот период во 2024 година, а признанието дека претходната влада била подобра во реализацијата на капитални проекти е силна критика за неефикасноста на сегашната влада во спроведувањето на развојни проекти.Во своето излагање пратеничката на СДСМ Бисера Костадиновска Стојчевска, особено се осврна на состојбите во министерството за култура и туризам, каде е намалена ставката за плати, што значи дека заложбите за поголеми плати за вработените во министерство за култура останаа само предизборни ветувања а и додатокот на плата за 30% денес во министерство за култура се прави по партиски клуч.Не се предвидени средства за зголемувањето на платите на културните работници. Иако некои од нив два месеци немаат земено плата и добиваат само закани дека нема да земат плата, не се предвидени средства за исплата на 700 тужби за неисплатените проценти согласно колективниот договор, нагласи Костадиновска Стојчевска, додавајќи дека културните работници го добија достоинството во 2019 година со потпишувањето на колективниот договор, а во 2025 година им го ускратува еден од нив.Костадиновска Стојчевска наведе дека Буџетот на инспекторатот за употреба на македонски јазик е намален за 2/3, се крати од ставката за културно наследство, не е помрднато со прст за завршување со изградбата на центарот за промоција на макеоднски јазик во село Љубојно, првото училиште по македонски јазик, се намалува и сумата за реконструкција на Музеј на Македонија и покрај тоа што министерот наследи готов проект и завршена процедура.Во буџетот на самото министерство зголемена е ставката за патувања. Тука ништо не не изненадува. Осака чинеше 90.000, а само за министерот и неговата шефицата на кабинет беа платени 10.000 евра трошоци, рече Костадиновска Стојчевска.Она што е најевидентно се средствата за инфраструктурни објекти во општините коишто од 275 милиони сега со ребалансот изнесуваат 335 милиони. За користење на овие средства оваа година нема распишан конкурс па така не е јасно како овие и така зголемени средства ќе се користат, рече Костадиновска Стојчевска.Таа истакна дека финансирањето на дејностите од областа на култура е зголемено, во средствата овој јануари беа распределени на најнетранспарентен можен начин, без јавно објавување на резултатите од конкурсот, така и овие зголемени средства ќе одат во нечии џебови а не таму каде треба.За жал заложбите на министерот за зголемен буџет за култура останаа само предизборни ветувања и остварувања и зголемени суми ќе гледаме само кога има избори, порача пратеничката на СДСМ Бисера Костадиновска Стојчевска, на комисиската расправа за ребалансот на Буџетот за 2025 година.

Македонија | пред 10 месеци

Горан Стефановски: Хераклеа и Охрид ми се дома, не може се да е кај вас, а ништо кај нас

„Не можете вие да барате од мене да не се чувствувам како дел на најдлабокиот и најстар свет, кога Хераклеја ми е дома, кога Охрид ми е дома, кога Виа Игнација, единствениот автопат што постоел во Европа меѓу 5 и 15 век минувал покрај куќата на баба ми во Битола. Не може баш сè да е кај вас, а баш ништо да не е кај нас”, напиша великанот Горан Стефановски во едно од неговите безвременски дела.

Македонија | пред 10 месеци

Стојаноски: За првпат после долго време, носиме Ребаланс во ситуација кога немаме минус, туку имаме зголемени приходи

Бојан Стојаноски, пратеник од ВМРО-ДПМНЕ, на денешната Комисија за финансирање и буџет, се обрати и истакна дека ребалансот е резултат на анализа, одговорност и јасна визија. Според него, со зголемени приходи и рационално трошење, се вложува во плати, пензии, образование, здравство, транспорт, локален развој и млади. Стојаноски додаде дека ова не е симболика, туку конкретна инвестиција во квалитетен и достоинствен живот за сите граѓани во земјава.,,Ова е порака, порака за нова економска парадигма, порака за домаќинско водење на државните финансии, порака дека не чекаме кризите да не затекнат, туку со рационален пристап и силна политичка волја ги пренасочуваме средствата таму каде што најмногу треба – кај граѓаните. Затоа што буџетот – тоа не се само бројки. Тоа е политика во својата најконкретна форма За првпат после долго време, носиме Ребаланс во ситуација кога немаме минус, туку имаме зголемени приходи“, рече Стојаноски.Стојаноски истакна дека со ребалансот се обезбедуваат дополнителни средства за плати 800 милиони денари, пензии 2,5 милијарди денари и капитални проекти 300 милиони денари, со што се засилува економскиот развој.,,Оваа рамка е показател дека Буџетот не е притиснат и потрошен, туку управуван мудро и рационално. Приходите растат, трошењето е контролирано, а приоритетите се кристално јасни. Овие зголемувања се издржани и поткрепени со реализацијата во првите месеци. Тоа не е симболично – тоа е суштински одговор на потребите на граѓаните“, кажа Стојаноски.Тој посочи дека ова ќе овозможи повеќе луѓе со попреченост да живеат во заедницата, а не во институции, а ќе има повеќе лични асистенти, повеќе дневни центри, повеќе услуги достапни во секоја општина. Тој напомена и дека најважно од се е тоа што значи дека младите не се заборавени, туку активно вклучени во секоја социјална политика.,,Се обезбедуваат средства за ,2 милијарди денари за доизградба на ФИНКИ, ФФК и комплексот на Мајка Тереза, ваучер од 250 евра за секој студент – 55.000 студенти добиваат техничко помагало, реактивирање на проектот „Купи куќа за млади“ односно се зголемува ставката за цели 111%, 307 милиони денари за набавка на 120 нови автобуси, плус 307 милиони денари за изградба на локални патишта, 783 милиони денари повеќе за високото образование, 126 милиони денари плус за инвестиции во образованието, над 80 милиони денари за поддршка на спортот“, истакна Стојаноски.Тој додаде дека овој ребаланс значи вложување во луѓето и иднината, во подобри услови за факултети, студентски домови и училишта, во достапен транспорт и здравство за сите, без разлика каде живеат, во поддршка за културата, енергетска независност и младите. Според него, ова не е трошок туку инвестиција во достоинствен живот.,,Овој Ребаланс мора да биде поддржан. За секој студент што ќе добие лаптоп. За секој пензионер што ќе добие плус. За секое дете што ќе учи во подобро училиште. За секој возрасен што ќе добие лек со нова опрема. За секое семејство што ќе помине по нов локален пат“, посочи Стојаноски.Стојаноски заклучи дека овој документ е резултат на сериозна анализа и политичка зрелост: ,,Овој документ не е направен под притисок. Напротив, тој е резултат на анализа, работа и политичка зрелост. И наместо кратење, да потсетам, имаме дополнителни 300 милиони денари за капитални инвестиции“.

Македонија | пред 10 месеци

Ким Јонг-ун со солзи за загинатите севернокорејски војници во Русија

Севернокорејскиот лидер Ким Јонг-ун не ги сокри своите емоции за време на свечената церемонија на која се оддаваше почит на севернокорејските војници загинати борејќи се на страна на руската војска во Украина.Настанот се одржа во недела, по повод годишнината од одбранбениот пакт меѓу Пјонгјанг и Москва. За време на оперската претстава, прикажани беа снимки од боиштата, а на големиот екран зад оркестарот се емитуваа моменти кога Ким клечи и ги положува рацете на ковчег покриен со севернокорејското знаме.Според снимките што ги објави државната телевизија, Ким бил видливо потресен, со солзи во очите, длабоки воздишки и забрзано дишење додека ги гледал сцените од фронтот. Во други делови од видеото се гледа како 41-годишниот лидер ги одобрува плановите за воените операции на Северна Кореја во руската Курска област. Таму, севернокорејски сили беа распоредени кон крајот на минатата година со цел да ѝ помогнат на Москва во борбите против украинските трупи.Церемонијата се одржа само неколку дена по свеченото отворање на ново летувалиште на морскиот брег, каде Ким беше придружуван од својата ќерка Ким Џу-ае. Таа стоеше до него и аплодираше додека пејач настапуваше пред слики од севернокорејски војници и тенкови обележани со рускиот симбол „Z“.

Свет | пред 10 месеци

САД ја паузира воената помош за Украина – Кремљ задоволен: „Колку помалку добијат, толку побрзо ќе заврши војната“

Одлуката на Вашингтон да го стопира дел од испораките на клучно оружје за Украина предизвика остра реакција од Киев, кој предупредува дека таквиот потег ќе ја ослаби одбраната на земјата токму во момент на засилени руски воздушни напади и напредување на фронтот.Пентагон, според извори на Politico, ја замрзнал испораката на прецизна муниција и дронови за пресретнување ракети, поради загриженост дека американските залихи се при крај. Во пакетот што се одложува се вклучени и системи Patriot, кои Украина ги смета за клучни во одбраната од руските балистички ракети.Украинското министерство за надворешни работи соопшти дека повикало претставник на американската амбасада во Киев за итен состанок, потенцирајќи дека секое одложување на помошта ѝ дава „ветер во грб на Русија“, во време кога дипломатските обиди за мир стагнираат.„Секое одолговлекување само го охрабрува агресорот да продолжи со војната и теророт“, се наведува во соопштението.Иако од американска страна официјално не било најавено целосно стопирање, Киев побара појаснување. Украинските власти изразија сериозна загриженост, а пратеникот Федир Вениславски ја нарече ситуацијата „многу непријатна и болна“ за Украина, особено во контекст на актуелните руски напади.Во Москва, пак, владее јавно задоволство. Портпаролот на Кремљ, Дмитриј Песков, изјави:„Колку помалку оружје добива Украина, толку поблиску сме до крајот на специјалната воена операција.“Воените аналитичари предупредуваат дека прекинот на испораката на прецизна муниција ќе ја намали способноста на украинските сили да напаѓаат руски позиции зад фронтот, што, според Џек Ватлинг од британскиот институт RUSI, „ќе чини украински животи и територија“.САД веќе еднаш кратко ја паузираа помошта во февруари, а следуваше и подолга пауза во март. Новата политика на администрацијата на Трамп сè уште не е јавно објавена, а последната помош што стигна во Украина беше одобрена уште во времето на претседателот Џо Бајден.

Свет | пред 10 месеци

(Фото) Голем пожар на Ситонија: Туристите од Вурвуру се евакуираат кон Никити

Голем шумски пожар избувна денеска во близина на туристичкото место Вурвуру на вториот крак на Халкидики – Ситонија, во реонот Ливари. Грчките власти издадоа итна наредба за евакуација на туристите и локалното население кон местото Никити, додека пожарот се шири со голема брзина поради ветерот и топлото време.На терен се распоредени 65 пожарникари со 20 возила и два пешадиски тима, а гаснењето се поддржува и од воздух со осум авиони и еден хеликоптер, што сведочи за сериозноста на ситуацијата.Преку системот 112 граѓаните добија порака за итно повлекување од погодената област. Поради опасноста, патот од Ормос Панагиас кон Вурвуру е затворен.Грчките служби апелираат сите кои се во близина да останат смирени, но и будни, и строго да ги следат инструкциите за евакуација. Нема информации за повредени, но пожарот сè уште не е ставен под контрола.

Свет | пред 10 месеци

Левица: Пензионирани пилоти и ова лето ќе гаснат пожари - пожарникарите не поседуваат ниту минимум потребна опрема

„Пензионираните пожарникари повторно ќе ја спасуваат Македонија од летните пожари“ , велат од Левица и додаваат:Во државата моментално има само еден исправен ер трактор за гаснење на истите. После една година власт на ДПМНЕ и ЗНАМ, условите за работа на противпожарните единици не се подобрени по ниту еден параметар. Нè очекува уште едно лето во кое безбедноста на граѓаните е оставена на последно место.Власта никако да ја научи лекцијата и покрај тоа што минатата година изгореа 90.000 хектари површина, што е околу 4% од територијата на Македонија. Стојанче Ангелов од Дирекцијата за заштита и спасување наместо да се заложи за обезбедување на ер трактори, ја лаже јавноста дека во моментов нема потреба од дополнителни летала. Го прашуваме Христијан Мицкоски, дали тој ќе поднесе одговорност, доколку и ова лето ни се случи катастрофа со пожарите како и претходното, со оглед на тоа дека со негова одлука Стојанче Ангелов е преземен како кадар на валдата на СДС и ставен да управува со овој важен ресор од неговата влада?Потсетуваме, при креирањето на Буџетот за 2025 година, пратениците на Левица поднесоа амандман 200 милиони денари да се додадат во ставката за купување на опрема и машини за да се прераспределат на територијалните противпожарни единици. За жал, владејачкото мнозинство од ДПМНЕ одби да го прифати овој амандман, што неминовно ќе доведе до потешкотии со превенирање на пожарите и несомнено ќе ги доведе шумите, но и граѓаните во опасност.Државата сè уште е во катастрофална состојба и не може да превенира или да се справува со пожарите во летниот период. За системската негрижа на ДПМНЕ и СДСМ и не инвестирање во системот за противпожарна заштита, данокот го плаќаат македонските шуми, планини и полиња! Доколку државата итно не интервенира со неопходното купување на нова противпожарна опрема, техника како и обучување на пилоти и зголемување на бројот на ер тракторите, превенција од нови катастрофи тешко дека ќе има.

Македонија | пред 10 месеци

Битиќи : Ребалансот e признание дека Владата ја загубила финансиската контрола, со дефицит од 4%, над законскиот лимит

Овој ребаланс е индиректно признание дека Владата ја изгубила фискалната контрола и јасно огледало на продлабочената фискална неодговорност во јавните финансии. Наместо реално прилагодување и развојна ориентација, добиваме документ кој прикрива неизвршени ветувања и скицира нереална економска слика, рече пратеникот на СДСМ, Фатмир Битиќи, на денешната седница за ребаланс.Тој истакна дека иако дефицитот останува на 4% од БДП, тоа е над законскиот максимум од 3%, а отстапување е дозволено само во вонредни ситуации кои во нашата земја не постојат.„Владата веќе не контролира фискална рамнотежа и го користи ребалансот како политички инструмент. Дефицитот речиси се удвои за месец и половина, од 13,4 на 27,5 милијарди денари. Таков раст не се случува во економија со здрава фискална дисциплина и е знак за неефикасно управување и неконтролирана јавна потрошувачка. Ако приходите растат по 40%, а расходите достигнаа 44%, дали оваа Влада има план? Или троши сè како да нема утре?“ - рече Битиќи.Наместо реална прераспределба, ребалансот е само козметика – розово на хартија, а црвено во реалноста. Ова не е буџет со план, туку импровизација за политички цели.„Новото задолжување од 500 милиони евра и скриените долгови од над 700 милиони евра создаваат дополнителен фискален товар што ја загрозува економската стабилност и ќе мора да се решава во иднина.“Разочарувачки е и нискиот степен на реализација на капиталните инвестиции – само 23%, далеку од ветениот „рекорден инвестициски циклус“. Реториката со алтернативни пресметки не го заменува вистинското отчетување.Буџетот се користи како предизборно оружје: зголемувањето на пензиите и платите во јавниот сектор, растот на трошоците за договорни услуги и тројното зголемување на буџетските резерви укажуваат на непотизам, партиски вработувања и нетранспарентна потрошувачка, потенцираше Битиќи.Во услови кога јавните финансии се загрозени, ова не е одговорно управување со државните пари, туку краткорочна партиска кампања со ризик за економската иднина на граѓаните.„Во структурата на расходите се открива политичката агенда на Владата, која сè поотворено го користи буџетот за предизборна мобилизација. Зголемувањето на пензиите за околу 40 милиони евра укажува на ново предизборно зголемување кое не е резултат на одржлива реформа. Зголемувањето на платите за 14 милиони евра во јавната админстрација отвора простор за партиски вработувања, што ја поткопува институционалната професионалност и генерира долгорочни трошоци без развоен ефект. Особено вознемирувачки е скокот на расходите за договорни услуги за 30 милиони евра без зголемена отчетност, што отвора сомнежи за нетранспарентна и потенцијално коруптивна потрошувачка.“, рече Битиќи.Сето тоа се дополнува со зголемени трансфери од 3,8% до локалната самоуправа и тројно зголемени буџетски резерви (од 200 на 595 милиони денари) без прецизни и таргетирани програми.Во изборна година, ваквиот тренд повеќе наликува на финансиско вооружување за политичка потреба отколку на одговорно управување со јавните средства.

Македонија | пред 10 месеци

„Дедото што ги учеше децата на внимателност, сам стана жртва на безредие“ - зетот на загинатиот скопјанец прикажа дека и натаму има возила на пешачката патека

Бојан Бошковски, зет на загинатиот Југослав Николовски, објави детали за несреќата што се случила на пешачката патека спроти Паркот на Франкофонијата, истакнувајќи дека станува збор за зона со засилен пешачки сообраќај каде во моментот имало над 30 деца.-Во погрешно време, на погрешно место, во држава во која безредието стана секојдневие… Југослав Николовски, дедо на Теа, Алек и Оги, излезе пред својата зграда на пешачката патека спроти Паркот на Франкофонијата и таму, под прозорецот од својот стан, беше убиен од мотор кој дојде од зад грб. Во тој момент, на оваа т.н. „најпешачка“ зона во Скопје, имаше повеќе од 30 деца.Југо беше човекот кој се грижеше за целото маало, кој ги учеше децата да бидат внимателни, да гледаат лево и десно кога излегуваат на патеката кон паркот. Синоќа, токму тој стана жртва на хаосот и небезбедноста што владеат во нашето општество. Овој настан уште еднаш потврдува дека никој не е заштитен, дури ни на места кои треба да бидат најбезбедни – пешачките патеки во парковите.Ова се фотографии од „пешачката“ патека, направени во текот на само еден час, кои јасно го покажуваат вистинскиот проблем со кој се соочуваме секојдневно... Министерство за внатрешни работи / Мinistria e Punëve të Brendshme

Скопје | пред 10 месеци

Судскиот процес за „Пулс“ преселен во Скопје, ќе го суди Кривичен суд

Предметот за одговорноста за трагичниот пожар во дискотеката „Пулс“ во Кочани, во кој загинаа 62 млади лица, денеска официјално беше префрлен од Основниот суд Кочани во Основниот кривичен суд Скопје, по одлука на Врховниот суд на Република Македонија.Како што информираат од Кривичниот суд, префрлањето е направено согласно решението на Врховниот суд, кој постапувал по предлог на Апелациониот суд Штип. Главната причина за промената на месната и стварната надлежност е недостатокот на доволен број судии од кривична област во надлежните судови во Штип и Струмица, кои би можеле законски и ефикасно да постапуваат по сложениот предмет.„Врховниот суд, ценел дека по конкретниот предмет треба да постапуваат судии од кривична област кои со стекнатото искуство и познавање на кривичната материја ќе овозможат гаранција за ефикасност, стручност, Законито постапување, а преку постапката ќе допринесат и за „сензибилизирање на јавноста“, како што е наведено во решението“, стои во соопштението.Предметот, кој е заведeн под број КООА – 13/25, е оформен по обвинителен акт поднесен од Основното јавно обвинителство – Кочани. Според постапката, обвинителниот акт ќе биде распределен преку АКМИС-системот на совет за оцена на обвинение. Откако ќе биде доставен до обвинетите, започнува законскиот рок за поднесување приговори.По истекот на роковите и доколку се исполнат сите процесни услови, судот ќе закаже седница за оцена на обвинението. Од Кривичниот суд најавуваат дека странките и јавноста ќе бидат навремено известени за сите наредни чекори.Овој потег на Врховниот суд се смета за обид да се обезбеди праведно, транспарентно и стручно водење на процесот, за случај кој веќе подолго време го следи висок јавен интерес.

Македонија | пред 10 месеци