Промени тема
За нас
Нова вест Админ
site logo skopje1
иран
„Претрес“ на Жерновски: Поскапувања, политиката, лицемерието, Филипче, СДСМ...
„Претрес“ на Жерновски: Поскапувања, политиката, лицемерието, Филипче, СДСМ...

Најнови вести

6 ден.
rabotnicki-gerasimovski-3

Центар ќе ја слави гастрономијата: распишан повик за „Нож и виљушка на европска чинија“

Општина Центар распиша јавен повик за реализација на проектот „Нож и виљушка на европска чинија“, манифестација со која ќе се промовираат македонската традиционална кујна и европските гастрономски вкусови, со посебен фокус на локалните производители на храна.Градоначалникот Горан Герасимовски посочи дека настанот има за цел да ја истакне храната како дел од културниот идентитет и како средство за поврзување меѓу луѓето.„Храната е дел од нашиот културен идентитет и начин да ја споделиме домашната традиција со другите. Со проектот „Нож и виљушка на европска чинија“ ги доближуваме македонската и европската кујна до граѓаните, а локалните производители ќе имаат можност да се претстават со своите автентични производи. Како и претходната година, очекувам пријатна атмосфера, добра дружба и размена на вкусови и искуства“, порача Герасимовски.Во рамки на манифестацијата се предвидени различни активности за сите возрасни категории, како и музичка програма што ќе ја збогати целокупната атмосфера.На јавниот повик можат да се пријават регистрирани здруженија, организации и правни субјекти од областа на културата со седиште во Општина Центар, кои ќе понудат сопствен концепт и програма за реализација на проектот.Рокот за поднесување на пријавите е пет дена од денот на објавување на повикот на веб-страницата на општината, каде што е достапна и апликацијата за учество.

Скопје | пред 6 дена

6 ден.
media-librarydllml4829l7v0euuYZQ

Кузеска: Цените растат, платите не - Мицкоски е дилетант кој нема капацитет да води Влада

Се потврди сѐ она што СДСМ го говореше и за што предупредуваше – за жал, на директна штета на стандардот на граѓаните. Мерката на Мицкоски не даде ефект. Само еден ден по прес-конференцијата на Мицкоски има ново покачување на цената на дизелот, кој сега изнесува 95,5 денари за литар, вели Богданка Кузеска - портпаролка на СДСМ.„Мицкоски е дилетант кој нема капацитет да ја води Владата. Или ова го прави намерно заради заштита на приватни бизниси. Или можеби и едното и другото.Проблемот за граѓаните е веќе тука – активирана е спиралата на раст на цените на храната.Маслото за јадење е над 100 денари, јајцата над 300 денари, овошјето и зеленчукот над 100 денари за килограм, месото е веќе покачено.Сѐ е поскапено, цените растат, а платите не мрдаат.Мицкоски одби да ја покачи минималната плата на 600 евра. Сега ниту 600 евра плата нема да бидат доволни за да се преживее месецот.Наместо мерки – Мицкоски прави дефокус, Дубаи, Зграда 42 спрата, Харис Џиновиќ, Башановиќ, што ли не измислија.„Началникот“ Латас е повторно во акција – дефокус наместо леб.Граѓаните не можат да живеат од дефокус. Дефокусот не ги полни фрижидерите, не носи храна на масата, не носи пари во семејните буџети.Дури Мицкоски зборува дека граѓаните „станале милионери“ и дека заштедиле, 200 илјади дневно, 1,5 милиони евра неделно.Епа граѓаните нека ги отворат своите паричници и нека ги пронајдат тие пари. Дали се внатре.Срамота е однесувањето на Мицкоски. Тој се однесува како уредник на жолт печат, со навреди и дефокус, наместо со решенија.Мицкоски треба да престане да штити бизнис интереси и да ги прифати мерките на СДСМ.Намалување на ДДВ на горивата на 5%. Намалување на акцизите за 4 денари. 0% ДДВ за основните прехранбени производи. Преполовување на патарините.Законите се поднесени, мерките се реални и издржани – применете ги.Станува збор за најважното – за лебот, за џебот на народот, за тоа дали граѓаните ќе имаат храна да го преживеат месецот“, вели Кузеска.

Македонија | пред 6 дена

6 ден.
Zemjotres34

Земјотрес во Скопје

Во Македонија претпладнево е почувствуван земјотрес, кој според првичните информации бил со јачина од 2,7 степениЕпицентарот бил на 14км од Скопје, на длабочина од 6км.

Скопје | пред 6 дена

6 ден.
media-librarycve45r9fs14tckKkEST

Манасиевски: По насока на Заев, Филипче имал средба со Милјан Шчекиќ во Ниш и средба со куќниот пријател на Заев – Башановиќ во Грција

По насока на Заев, Филипче имал средба со Милјан Шчекиќ во Ниш и средба со куќниот пријател на Зоран Заев – Башановиќ во Грција, вели Валентин Манасиевски, член на ЦК на ВМРО-ДПМНЕ.„Како што си ги постави Ковачевски, па Филипче за претседатели на СДС, Зоран Заев си го постави и неговиот екс советник Башановиќ за шеф на ПР тимот во СДС, заедно со неговиот соработник Милјан Шчекиќ.Човекот кој е со контроверзно минато, избркан од сопствената партија и полн со сомнителни зделки во енергетиката и вклучен директно или индиректно во промената на името на државата Македонија, со име и презиме Зоран Башановиќ, сега го советува СДС и Филипче за нивните настапи во јавноста.Односот кој Филипче и СДС го имаат спрема јавноста напишани во соопштенија или изговорени на прес-конференции, е директно по насока на Башановиќ и Шчекиќ, односно луѓето кои Зоран Заев ги најми да му помогнат на СДС.Случајно или не случајно тие делуваат како прокси партија, а сето тоа поминува забележано од граѓаните кои се повеќе и повеќе не му веруваат на СДС и не му веруваат на Филипче.На граѓаните веќе им е јасно кој стои зад овие лоши ПР политики на СДС и кој ги води во пропаст. Лица кои јавноста не ги памети по добро, туку по афери, скандали и криминали.Но, СДС не успева да извлече поука, туку СДС продолжува да тоне во сопствената кал“, вели Манасиевски.

Македонија | пред 6 дена

6 ден.
eZy-Watermark_01-10-2023_05-24-44-5550PM

Утре силен јужен ветер над 60km/h, а во петок врнежи и услови за грмежи

Утре ќе дува умерен до засилен, а наместа повремено силен ветер (над 60 km/h) од јужен правец. Кон крајот на денот под влијание на циклонска активност, следува период на променливо облачно време со повремени врнежи од дожд.Во петок наместа врнежите ќе бидат пообилни (над 20 l/m2), а ќе има и услови за појава на ретки грмежи. На некои од повисоките места врнежите од дожд ќе преминуваат во врнежи од снег, а на планините ќе се формира нова снежна покривка.За време на викендот ќе се задржи променливо облачно и посвежо со повремени врнежи. Ќе дува умерен повремено засилен ветер од северен правец, кој ќе биде поизразен долж Повардарието.Во Скопје, утре ќе дува умерен до засилен ветер од јужен правец. Во петок времето ќе биде променливо облачно и посвежо со повремен дожд и услови за појава на ретки грмежи. Во деновите од викендот ќе има врнежи од дожд, локално пообилни, со засилен ветер од северен правец.

Македонија | пред 6 дена

6 ден.
tepa-dete

Приведен кумановец кој го тепал малолетниот син

МВР информира дека 38-годишен кумановец е приведен завчера по пријава дека физички го нападнал својот малолетен син.– На 23.03.2026 во 18:00 часот, полициски службеници од СВР Куманово го лишија од слобода Б.А.(38) од кумановско село затоа што физички го нападнал неговиот малолетен син – информираат од Секторот за внатрешни работи.Како што додаваат од полицијата, тој бил приведен во полициска станица и по целосно документирање на случајот против него ќе следува соодветна пријава.

Македонија | пред 6 дена

6 ден.
media-library80jm06gsmfnt9KWKW6v

Стружанец со камион удрил пешак во Србија и избегал

Стружанецот Н.К.(33) е уапсен по налог на Основното јавно обвинителство во Лесковац по сомнение дека синоќа со камион го прегази пешакот Г.П.(57) од Грделица, кој почина на самото место.Несреќата, како што пишуваат дел од српските медиуми, се случи ноќеска на автопатот Врање – Лесковац, кај исклучувањето за Грделица.Како што се сомнева, Н.К. управувал камион „Volvo“ кон Лесковац кога удрил во пешакот и му нанел повреди од кои човекот починал на самото место.Според информациите, осомничениот не се застанал, туку побегнал од местото на несреќата.По реакција на полицијата, тој бил уапсен 320 километри подалеку, во близина на Сремска Митровица.

Македонија | пред 6 дена

6 ден.
media-libraryutdvb4fuhbgk3bCtqlG

Министерството за одбрана продолжува со модернизација: до летото пристигнуваат дополнителни возила

Денеска во касарната „Страшо Пинџур“ во скопски Петровец беа претставени 17 нови лесни оклопни возила „страјкер“ (stryker), набавени од Соединетите Американски Држави. Во изјава за медиумите министерот за одбрана, Владо Мисајловски, истакна дека Министерството продолжува со интензивна модернизација на армијата, со набавка на нови возила и опрема, делумно во рамките на проектот „Клиса“ со САД.„Голема благодарност на сите што учествувале: колеги и во минатото и сега, и во иднина за да стигнат страјкерите. Ова е еден од најкрупните проекти на Министерството за одбрана, многу е важно да се продолжи со обуката. Наредниот период ќе стигнат дополнителни возила, како што може да видите позади мене, се веќе 17 возила стигнати. Останатите би требало да стигнат до средината на летото, се надевам. Но, ќе продолжиме и со се она што е во делот на нашата модернизација.Позади нас може да видите и други возила што во минатото биле во гаражите, а благодарение на проектот со Америка што се нарекува "Клиса", еве ги ставивме во функција останатите возила. Така да, продолжуваме и понатака со нови проекти. Благодарност до премиерот, до владата што ни даде огромен буџет, би рекол, историски најголем во Министерството, а се справиме со сите предизвици.Она што го бара НАТО од нас е да вложуваме преку 20% во модернизација, ние го правиме тоа уште повеќе, преку 32% во нашиот буџет се директно за модернизација. Следат уште многу проекти, бидејќи во изминатиов период, заедно со нашите пријатели од САД, направивме повеќе договори, влада со влада, дел поминаа, најголем дел поминаа во Собранието. Очекуваме следниот период дополнителни наоружувања, дополнителна опрема, беспилотни летала, опрема за специјалните единици и многу, многу проекти“, изјави министерот Владо Мисајловски.

Македонија | пред 6 дена

6 ден.
media-library2bause85ja1rbhREJmc

Австралија привремено го забранува влезот за ирански туристи

Австралија привремено го стопира влезот во земјата за државјани на Иран со туристички визи, соопшти министерот за внатрешни работи во средата. Тој објасни дека постои ризик привремените посетители од Иран „можеби нема да можат или веројатно нема да сакаат да ја напуштат Австралија по истекот на визата“. Забраната, која стапува на сила в четврток, ќе важи следните шест месеци, пишува CNN.Сепак, некои Иранци ќе можат да патуваат во Австралија. Забраната не се однесува на оние со долгорочни визи, ниту на лица кои во земјата имаат деца или брачни партнери.„Владата постапува во национален интерес во услови на глобални промени кои се случуваат многу брзо“, порача министерот Берк.Според неговите податоци, околу 7.000 ирански државјани во моментов поседуваат австралиска туристичка виза.Оваа одлука следува откако Австралија претходно овој месец им одобри политички азил на седум членки на иранската женска фудбалска репрезентација. Пет спортистки, сепак, во меѓувреме се предомислиле и го повлекле своeтo барање.Сенаторот Дејвид Шобриџ, ја оцени одлуката на владата како „брутална и неправедна одлука чија цел е да се спречат Иранците да побараат заштита на австралиска територија, како што тоа го направија членките на иранската женска фудбалска репрезентација“.

Свет | пред 6 дена

6 ден.
Dalekovod_Pari

ДУИ: Речиси 25 милиони евра потрошени за увоз на струја од почетокот на 2026 година

Демократската Унија за интеграција (ДУИ) објавува конкретни факти, имајќи ги предвид изјавите на премиерот Христијан Мицковски во однос на работата на ЕСМ. Овие податоци целосно ги демантираат тврдењата и дезинформациите кои доаѓаат од раководството на ЕСМ и Министерството за енергетика, велат од ДУИ.„Само од почетокот на 2026 година, ЕСМ, со цел да ги покрие потребите на домаќинствата и малите потрошувачи, била принудена да набавува електрична енергија во најмалку два наврати:• Јануари: 104.160 MWh по цена од 119,50 евра за MWhВкупно: 12.447.120 евра• Февруари: 94.080 MWh по цена од 126,90 евра за MWhВкупно: 11.938.752 евраВкупно, за само два месеци се потрошени 24.385.872 евра за увоз на електрична енергија.Овие бројки јасно покажуваат дека ЕСМ нема доволен производствен капацитет за да ги покрие потребите на регулираниот пазар. Ова директно води кон зголемен притисок врз цената на електричната енергија за граѓаните.Електроенергетскиот систем се соочува со сериозни предизвици, а последиците од недомаќинското и нестручното управување ќе ги сносат граѓаните, преку зголеми фактури“, се вели во соопштението.

Македонија | пред 6 дена

6 ден.
media-libraryqfod25mhi1edbhytskh

„Европа би можела да има недостиг на гориво веќе следниот месец“, вели Шефот на „Шел“

На Европа би можела да ѝ се закани недостиг на гориво уште следниот месец поради продлабочувањето на кризата на Блискиот Исток, предупреди шефот на „Шел“, Ваел Саван, пренесува британски Телеграф.Тој рече дека глобалниот недостиг на нафта и гас веќе ги принудил делови од Азија да ја намалат потрошувачката на енергија и дека последиците се закануваат да се прошират на Запад во рок од неколку дена.Поради ова, европските влади, со цел да спречат недостиг, би можеле да бидат принудени да ја ограничат побарувачката за енергија, што е мерка што не е преземена од енергетската криза во 2022 година.

Свет | пред 6 дена

6 ден.
media-library9ebihmiembn0c4JcH1p

Уапсен возачот кој ноќеска прегази пешак во Марино

На 24.03.2026 во 23:20 часот во СВР Скопје е пријавено дека на ул.„500“ во с.Марино, општина Илинден, патничко возило „киа“ со скопски регистарски ознаки, управувано од А.А.(21), удрило во пешакот О.М.(52), двајцата од с.Марино.Во несреќата, од здобиените повреди на местото починал О.М., а лекар од Итната медицинска помош констатирал смрт. По насоки на јавен обвинител телото на починатиот е дадено на обдукција, возилото е одземено за вештачење, а возачот А.А. е лишен од слобода и задржан во Полициската станица Гази Баба.Извршен бил увид од увидна екипа од СВР Скопје и по целосно документирање на случајот ќе следува соодветна пријава.

Скопје | пред 6 дена

6 ден.
iran

Иран ги испрати своите барања до САД, бара затворање на американските бази и воена компензација

Според пишувањето на американскиот весник „Wall Street Journal“, Техеран објавил своја листа со барања за прекин на конфликтот, еден ден по доставувањето на планот од 15 точки на претседателот Трамп.Иран бара затворање на сите американски воени бази во Заливот, исплата на воена компензација за нападите врз Иран, како и да наплатува премин на бродовите низ Ормускиот теснец. Дополнително, бара гаранции дека војната нема да биде обновена.Иран исто така бара престанок на израелските напади врз Хезболах во Либан, укинување на сите санкции и право да го одржи својот балистички ракетен програм без преговори за ограничување.Еден американски функционер, кој не сакаше да биде именуван, ги опиша барањата на Иран како „смешни и целосно нереални“, пренесе „New York Post“.Администрацијата на американскиот претседател Доналд Трамп му понуди на Иран план за прекин на огнот од 15 точки.Планот му беше доставен на Иран од посредници од Пакистан, кои понудија да бидат домаќини на обновени преговори меѓу Вашингтон и Техеран.Меѓу 15-те точки, првите пет се однесуваат на нуклеарниот сектор. Вашингтон бара Иран никогаш да не се обидува да се здобие со нуклеарно оружје, да го предаде целото збогатено нуклеарно гориво на датум утврден од страните, како и да бидат демонтирани неколку клучни нуклеарни објекти и инсталации.Иран ќе треба исто така да се откаже од поддршката за групи и да престане да финансира или вооружува организации како Хезболах или Хамас. Предвидени се и ограничувања за бројот на ракети со кои земјата може да располага, како и за нивниот дострел.Дополнително, Ормускиот Теснец низ кој минуваат околу 20 проценти од светските испораки на фосилни горива, ќе мора да остане отворен за пловидба.

Свет | пред 6 дена

6 ден.
media-libraryous637tr24fl2NvzuEe

Македонските превозници под удар: „ЕУ ни ги зема возачите и ни го затвора пазарот“

Македонските превозници се соочуваат со сериозни притисоци од Европската унија, кои директно влијаат врз транспортниот сектор и економијата, предупредува Билјана Муратовска, генерална секретарка на асоцијацијата „Макам-транс“, во интервју за „Вијести.ба“.Таа тврди дека дел од земјите членки на ЕУ свесно создаваат пречки со цел да ги преземат возачите и транспортниот пазар.„Свесни сме дека поединечни држави членки на Европската унија прават опструкции под притисок на своите превозници кои сакаат да ни ги земат возачите, но и да го освојат транспортниот пазар на кој ние работевме и сѐ уште работиме, особено од кога почна војната во Украина“, изјави Муратовска.Дополнителен проблем, според неа, е примената на правилото за престој во Шенген зоната, кое, иако не е ново, сега се применува на начин што сериозно ги погодува превозниците.„Ова е старо правило кое нѐ изненади затоа што се радувавме кога беа укинати визите пред 17 години, но ниту ние превозниците ниту надлежните органи не ја забележавме замката која се подготвуваше кога во Шенген зоната влегоа 29 држави и практично го заокружија Западниот Балкан како „пуст остров““, вели таа.Муратовска посочува дека проблемите траат со години, а ЕУ системски работи на привлекување на возачи од регионот.„Проблемот почна уште во 2015 година кога државите членки почнаа стратегија да привлечат што повеќе професионални возачи од Балканот“, додава таа.Целото интервју можете да го прочитате тука

Македонија | пред 6 дена

6 ден.
media-libraryqqqj6jrpg4kvcO37G8e

1177 сообраќајни прекршоци за два дена: 11 возила одземени, 324 казни за неправилно паркирање

Во текот на изминатите два дена (23/24.03.2026) како резултат на редовните сообраќајни контроли што ги реализираат полициските службеници од сите сектори за внатрешни работи на патиштата низ земјава, од вкупно 1177 издадени платни налози, од кои 217 прекршоци се однесуваат на возачи кои не ја почитувале пропишаната брзина на движење.Лишени од слобода за безобѕирно управување на возило биле 25 лица, од кои две за возење под дејство на алкохол, 10 за возење без возачка дозвола, две поради претходно изречена забрана за управување на возило.Во истиот период одземени се 11 возила по член 300-б од Кривичниот законик.Понатаму, според статистичкиот преглед од полициските активности, во текот на изминатите два дена евидентирани се 324 прекршоци за неправилно паркирање, како и шест санкции за возење под дејство на алкохол.Од друга страна пак, а согласно одредбите од Законот за безбедност на сообраќајот на патиштата санкционирани биле 11 возачи на мотоцикли за неносење заштитен шлем, а санкционирани се и 10 пешаци. Исто така санкционирани се 161 учесник во сообраќајот кои што не користеле сигурносен појас. Согласно Законот за возила, 20 возила биле отстранети од сообраќај заради тоа што биле нерегистрирани, а 34 заради техничка неисправност. Санкционирани се и 14 возачи поради неисполнување на пропишаните услови во однос на затемнувањето на стаклата на возилата (фолии).Сообраќајните контроли продолжуваат и во наредните денови. Апелираме до сите учесници во сообраќајот да ги почитуваме сообраќајните правила и прописи и заеднички да придонесеме за побезбедни патишта.

Македонија | пред 6 дена

6 ден.
media-librarypq0dvrui93qffoyBpOO

Мицкоски: Има поединци кои не го даваат својот максимум, ако не се коригираат ќе бидат сменети

Претседателот на Владата, Христијан Мицкоски во интервју за „Заспиј ако можеш“ на ТВ Алфа говорејќи за работењето на Владата истакна дека се дава максимумот иако, како што рече, кај одредени поединци има дилема, ги опоменува и доколку не се коригираат ќе бидат сменети. „Ние кажувавме, состојбата е тешка. Ние не сме чудотворци да ветуваме чуда. Тоа јавно на митинзи сум го зборувал. Тој што ви ветува чуда не ја говори вистината, но дека ќе дадеме се од себе, тоа да бидете сигурни. Јас се будам и заспивам со таа една мисла, дали даваме се од себе, дали сите даваат се од себе. Кај поединци имам дилема, имам задршка. И кај тие што имам дилема и задршка ги опоменувам дека имам чувство дека можат повеќе да дадат“, потенцираше Мицкоски. Тој додаде дека оваа генерација нема повеќе простор за реприза и за да се дојде до состојбата на консолидирање мора офанзивно да се работи и да се испорачува.„Ние немаме право на реприза. Едноставно нема повеќе простор. Оваа генерација нема повеќе простор за импровизации и за репризи. Мора офанзивно и мора да се испорачува и мора да се даде повеќе од што можеме за да дојдеме до состојба на консолидирање. Ако е природно да се работи 5 дена во неделата по 8 часа, сега ќе се работи 7 дена во неделата по 12, 13, 14 часа. Тоа е начинот на којшто мора да функционира оваа влада. И тогаш кога народот ќе види дека вие го оставате срцето на терен, тогаш ќе ви прости се, ќе рече се трудат, секоја чест. Ако видат дека вие се поднесувате надмено, не одговарате на пораки кога ќе ви пратат, колку и тие пораки да ве отпретуваат, колку и тие пораки за вас се бесмислени, ако вие не им вратите, не посветите внимание, не се поздравите, не стегнете рака на улица, тоа нема да ви го простат никогаш“, нагласи Мицкоски. Запрашан за тоа дали има задршки за некои конкретни имиња во контекст на најавената реконструкција Мицкоски одговори:„Имам да, точно и како што кажав тоа сум го кажувал лично. Не зборувам само во рамките на Владата туку и во рамките на институциите коишто се дел од Владата, затоа што мислам дека поединци не се вложуваат доволно или пак се однесуваат несоодветно на тоа што треба да се однесуваат.“

Македонија | пред 6 дена

6 ден.
media-library7ren2uqmp54ccpSe1Yw

МРТВ вчера распиша конкурс за ново раководство, а веќе денес кружат имиња на потенцијалните нови директори

Македонската радио-телевизија (МРТВ) го распиша конкурсот за избор на нов генерален директор и заменик директор, со што започнува процесот за избор на ново раководство по повеќе од една деценија, откако Марјан Цветковски 15 години беше на директорската позиција, а Захарија Вулгаракис на функцијата заменик директор.Конкурсот доаѓа со задоцнување, иако требаше да биде објавен пред неколку месеци, а неговото пролонгирање, меѓу другото, беше поврзано и со изборот на новиот Програмски совет на МРТ.Сега следува фазата на пријавување кандидати, при што условите се релативно општи: кандидатот да има завршено високо образование, да достави програма за работа, да поседува искуство во области како новинарство, информатика, право, култура или економија, како и најмалку четири години раководно искуство.Иако конкурсот штотуку е распишан, во јавноста веќе се споменуваат две имиња како „сигурни“. За директорската позиција неофицијално се посочува Зоран Ристевски, кој не е познат во медиумската фела, додека за заменик директор се споменува Џулијани Шабани, за кого дел од медиумите на албански јазик наведуваат дека доаѓа од редовите на „Влен“. Според тие информации, Шабани е видео-монтажер и графичар со искуство и во маркетинг. За Ристевски нема повеќе достапни јавни информации до кои можевме да дојдеме во овој момент. Овие информации засега не се официјално потврдени.На темата избор на директор на МРТВ, „Скопје1“ уште пред речиси една година побара став од повеќе јавни личности чии имиња тогаш се споменуваа во јавноста, но дел од нив тогаш негираа дека имаат амбиции, други воопшто не биле запознаени со конкурсот за директор.Новинарот Борјан Јовановски тогаш изјави: „Јас лично и понатаму сметам дека јавниот тв сервис е единствената медиумска платформа која на општество може да му ја донесе неопходната медиумска писменост. За продукцијата на МТВ работев серијал репортажи за улогата и значењето на јавните ТВ сервиси во шест земји во Европа. Во сите шест ситуации станува збор за јавни сервиси кои се исклучително ценети во тамошната јавност како информативни и едукативни институции. Се надевам истите ќе бидат емитувани наскоро на МТВ. Како новинар, но и син на татко и мајка кои своите кариери ги завршија на МТВ, од срце посакувам МРТВ да го ужива угледот на јавните сервиси кои го посетив. Лично сметам дека моите новинарски перформанси би можеле да се реализираат единствено во рамките на еден високо квалитетен јавен тв сервис, но лично ниту сум имал ниту имам амбиција за било каква раководна функција во МРТВ“.Во истиот период, новинарката Лупевска изјави: „Освен румори ништо друго немам чуено на оваа тема“.Пејачката Бојана Скендеровски тогаш посочи: „Немам амбиции за директорска позиција и нема да аплицирам на конкурсот“.Ивона Талевска тогаш изјави: „Сѐ уште размислувам“.Режисерот и директор на Алфа ТВ, Јани Бојаџи, пак, одговори: „Јас сум бил извршен продуцент на Канал 5 национална телевизија во нејзините најуспешни четири продукциски години, впрочем моето име е сѐ уште на сите кредити на продукциите таму. Веќе шеста година сум главен извршен директор на Алфа национална телевизија која во овој момент има двојно поголем рејтинг од МРТ. Моите лични амбиции секогаш се насочени кон поголеми достигнувања од тие што сум ги остварил. Ти благодарам за интересот за моите професионални ангажмани“.Конкурсот за избор на директор и заменик директор на МРТВ ќе трае 15 работни дена.

Македонија | пред 6 дена

6 ден.
media-libraryp364elttt356fnwRykB

Ристески: Општина Аеродром незаконски ги скрати за 50% надоместоците за избирачките одбори

Спротивно на Изборниот законик и Правилникот на Државната изборна комисија, Советот на Општина Аеродром на вчерашната седница одлучи да ги намали за 50% надоместоците на членовите на избирачките одбори.Со оваа одлука 930 членови на избирачки одбори ќе добијат за 50% помали надоместоци од тоа што ги следува согласно Изборниот законик.„Висината на овие надоместоци е експлицитно утврдена во Правилник на ДИК и се движи од минимум 12.000 денари за член и заменик на избирачки одбори кои имаат до 300 гласачи, се до 22.000 дена за претседателот на избирачките одбори кои имаат над 901 гласач. Советот на Општина Аеродром нема право произволно да го менува овој износ“ – изјави координаторот на советничката група на СДСМ во Советот на Општина Аеродром, Милутин Ристески.„Друго прашање е дали и со колкав удел треба да учествува Град Скопје во сумата. Тоа е проблем што треба да си го решат Дејан Митески и Орце Ѓорѓиевски, но не на штета на овие луѓе кои ја имаа најодговорната задача на изборниот ден. Оттука оваа одлука е една најобична кражба буквално на половина од чесно заработените пари на овие 930 луѓе“ – нагласи Ристески.„Во Изборниот законик јасно е наведено дека избирачките одбори ги формира Општинската изборна комисија и тоа е она што градоначалникот одбива да го види, а средствата за овие луѓе во целост треба да ги исплати Општина Аеродром“ – додаде членот на Советот на Општина Аеродром, Марко Данилоски.„Предлагам Општина Аеродром да ги исплати сега средствата во целост и потоа таа да ги чека средствата од Град Скопје, ако некогаш воопшто Градот ги префрли овие средства. А не членовите на избирачките одбори да чекаат, тие доволно чекаа и до сега. Не е во ред чесно заработените пари да им им се исплатат преполовени или на рати“ – предложи членот на Советот на Општина Аеродром, Марјан Јовановски.Предлогот на советничката група на СДСМ во Советот на Општина Аеродром да се донесе одлука со која ќе се овозможи исплата на целиот износ на надоместоците за избирачките одбори беше одбиен од страна на градоначалникот Дејан Митески и мнозинството на ВМРО-ДПМНЕ, со образложение дека Град Скопје на сметката на општината се уште ги нема уплатено останатите 50% од потребните средства.

Скопје | пред 6 дена

6 ден.
media-librarysdtol99grorv7GKwqYX

Конференција на Народната банка: Стабилноста, иновацијата и отпорноста како столбови на економијата

„Во време на светски предизвици, одржливите и иновативни институции се најсигурното „сидро“ за економијата.“ Ова беше главната порака што беше испратена на Конференцијата на Народната банка, во соработка со Европскиот форум за европски пари и финансии (SUERF  – The European Money and Finance Forum), на тема „Централното банкарство во услови на постојани светски промени: поттикнување стабилност, иновации и издржливост“. На настанот учествуваа гувернери, економски експерти и министри од регионот и од Европа коишто ги разменија своите искуства и ги разгледаа стратегиите за справување со сложените светски предизвици.Учесниците истакнаа дека малите и отворени економии, како нашата, се особено изложени на надворешните шокови, коишто доаѓаат од растот на цените на енергентите, нарушувањата во синџирите на снабдување и од геополитичките тензии. Овие промени не само што го зголемуваат ризикот од инфлација, туку го тестираат и капацитетот на институциите за навремено и соодветно реагирање. Во такви услови, внимателното воспоставување рамнотежа меѓу монетарните и макропрудентните мерки е клучот за зачувување на стабилноста и на довербата кај граѓаните.Во исто време, финансискиот сектор доживува брза дигитална трансформација. Развојот на дигиталните валути, инстант плаќањата, анализата на големите податоци и примената на вештачката интелигенција отвора нови можности за ефикасност и сеопфатност, но истовремено носи и нови ризици, од кибернетски закани, до нарушување на приватноста и на довербата. На Конференцијата се потврди дека дигитализацијата треба да се развива рамномерно, со јасни правила и контроли, за да се заштитат стабилноста на системот и интересите на граѓаните.Особено внимание се обрна на градењето на финансиската отпорност. Со постојано следење на кредитниот раст, долговите на домаќинствата, ризиците од недвижностите и на системските финансиски показатели и со воспоставувањето соодветни макропрудентни и фискални политики, се зајакнува способноста на системот за ублажување на надворешните шокови и за зачувување на стабилноста на економијата. Беше истакнато дека учеството на институциите во координацијата на монетарната и фискалната политика беше е најважно за одржувањето на стабилноста и за долгорочна заштита на економијата.Покрај ова, на Конференцијата беше истакнато и значењето на јавната доверба и на транспарентната комуникација. Јавноста очекува од институциите да делуваат предвидливо, професионално и со кредибилитет, а добрата комуникација е основа за стабилизирање на очекувањата на граѓаните и за одржување на довербата, дури и во услови на криза.На Конференцијата се потврди дека стабилните и иновативни институции, со помош на внимателно одбрани политики и преку транспарентна комуникација, можат најдобро да обезбедат финансиска стабилност и отпорност на економијата во време на светски предизвици.

Македонија | пред 6 дена

6 ден.
media-libraryqijde50cadgb63SHosR

Нелегална сеча на дабови стебла кај Бакојца

Вчера шумочуварската служба на подружницата Преспадрво од Ресен, при редовна контрола во Шумско стопанската единица Лева Река Бигла, на место викано Бакојца во оддел 82а, откри бесправно посечени дабови стебла.„На ден 24.03.2026 година шумочуварската служба на подружницата Преспадрво од Ресен, вршејќи редовна контрола во Шумско стопанската единица ЛеваРека Бигла на место викано Бакојца во оддел 82а пронајде бесправно посечени дабови стебла и истите беа жигосани со жиг за шумска штета“, информираат од ЈП Национални шуми.

Македонија | пред 6 дена

6 ден.
12012023_PVRSM_Poseta_REK-Bitola_1

Дали дел од вработените во рудникот во РЕК Битола се затруле од храната, прашува СДСМ

Половина од вработените во рудникот во РЕК Битола денес не се на работа, велат од СДСМ Битола.„Го прашуваме раководството:Дали е точно дека значителен дел од вработените во рудникот во РЕК Битола се затруле од храната?Дали покрај негрижата кон комбинатот, сега не се води грижа ни за здравјето на вработените?Дали раководството, предводено од кадри на ВМРО-ДПМНЕ, го води РЕК Битола кон пропаст?РЕК Битола се соочува со сериозни проблеми. Покрај недостигот на суровини неопходни за нормално функционирање, во текот на вечерта паднал и првиот блок, што дополнително ја влошува состојбата во комбинатот.Дополнително, денес се појавува и алармантен проблем – недостиг на работна сила.Според информации од наши извори, голем број вработени се затруле од оброкот послужен вчера во рудникот на РЕК Битола.Граѓаните на Битола и целата јавност заслужуваат итни и транспарентни одговори“, велат од партијата.

Македонија | пред 6 дена

6 ден.
pazaren-inspektorat-1200x1200

ДПИ изрече 83 казни од над 2,5 милиони денари за една недела – најмногу за финансиска дисциплина, пушење и угостителство

Во периодот од 16 до 22 март 2026 година, Државниот пазарен инспекторат изврши вкупно 303 надзори низ целата територија на Македонија. При инспекциските контроли издадени се 83 прекршочни платни налози во вкупна вредност од над 2.575.390 денари.Најмногу прекршочни платни налози се издадени во рамки на Законот за финансиска дисциплина – 57, додека Законот за заштита од пушење бележи 10 прекршочни платни налози, а Законот за угостителска дејност 8. Во рамки на Законот за трговија се издадени 6 казни, додека останатите закони немаат изречени прекршочни платни налози за овој период.Во текот на надзорите изречени се и 18 опомени, врз основа на кои ќе следат контроли во наредниот период.Инспекторатот продолжува со континуирани надзори и постапува по пријави од граѓаните и институциите. Граѓаните можат да пријават неправилности на бројот 191 или на официјалната веб-страница www.dpi.gov.mk.

Македонија | пред 6 дена

6 ден.
media-library9vi7qjbeeom64QzkYwP

Петрушевски: Реформите, новите закони и кадровските решенија ќе го зајакнат правосудството

Во емисијата „Утринско еспресо“ на Радио Лидер гостуваше пратеникот од редовите на ВМРО-ДПМНЕ, Бране Петрушевски кој истакна дека реформите во правосудниот систем се насочени кон обезбедување поголема независност и ефикасност. Тој нагласи дека судството во Република Македонија мора да функционира согласно Уставот и меѓународните стандарди и дека досегашната работа на Судскиот совет била недоволно ефикасна, особено во делот на разрешување судии, притоа потенцираше дека очекува новите критериуми за избор и зголемените финансиски средства да придонесат за подобрување на состојбите во правосудството.„Мора да го имаме во предвид фактот дека правосудниот систем во Република Македонија и согласно Устав и согласно меѓународните стандарди и организации каде што и ние членуваме или сакаме да членуваме мора да биде независно и оние првични предлози коишто ние како ВМРО-ДПМНЕ ги предложивме од аспект на комплетно разрешување на Судскиот совет којшто е надлежен да избира и разрешува судии, иако читајќи ги извештаите во Собранието кои ги доставува Судскиот совет, многу ретко или скоро никогаш не ја искористиле надлежноста да разрешат судија, иако сме имале катастрофални судски процеси, а многу често ја користеле можноста да именуваат судии“, изјави Петрушевски и додаде:„Тогаш тоа беше пречекано условно кажано на нож и од меѓународните партнери на Р. Македонија коишто бараа еден друг механизам, затоа ние пристапивме кон нов начин на решавање на овој реален проблем, политичка узурпација на судството, пред се на една елита во Македонија или едно семејство коешто владеело, и од аспект на тоа направивме нов Закон за јавно обвинителство, нов Закон за судски совет, кадровски преместувања, веќе имаме нов јавен обвинител, избираме нови членови на Судски совет. Меѓутоа со новиот закон којшто значи едни различни и многу повисоки критериуми од аспект кој може да биде член на Судски совет, што очекувам многу наскоро да даде позитивни ефекти во делот на независноста на судството, пропратено со она што значи зголемени финансии“Во однос на тужбата за клевета поднесена против него, Петрушевски информираше дека веќе поднел приговор за надлежност до Основниот суд во Струмица и очекува предметот да биде префрлен во Скопје, каде, како што истакна, ќе може „на неутрален терен“ да се соочат аргументите на двете страни.„Согласно Законот за граѓанска одговорност за навреда и клевета во член 22 стои дека надлежен суд за водење на постапка за надоместување на штета е надлежен суд според местото на извршување на навредата или клеветата и судот чие подрачје настапила штетната последица. Со оглед на тоа што во самата тужба адвокатот претпоставувам роднина на Зоран Заев, кој се вика Горан Заев, навел дека условно кажано таа клеветничка изјава сум ја дал на прес-конференција на ВМРО-ДПМНЕ во седиштето во Скопје, по законот и по правото, апсолутно треба да биде во граѓанскиот суд во Скопје. Врз основа на ова што го наведов јас доставив и одговор на тужба и приговор за надлежност до Основниот суд во Струмица и очекувам судијата да процени согласно законските прописи и овој предмет да го достави до граѓанскиот суд во Скопје, па да речеме условно кажано на неутрален терен да се соочиме со фактите и аргументите“, вели Петрушевски.

Македонија | пред 6 дена

6 ден.
media-librarybdji88rqfqg783Xkdd3

Кецмановиќ ќе сведочи против родителите за масовното убиство во Белград

Момчето К.К. кое во мај 2023 година изврши масовно убиство во училиштето „Владислав Рибникар“ во Белград, денеска ќе биде изведено пред Специјалниот суд каде што ќе сведочи во повторената кривична постапка против своите родители за злосторството што го стори.Момчето К.К. прво ќе биде сослушано од судијата, а потоа ќе му бидат поставени прашања од обвинителите, адвокатите на одбраната, како и родителите на жртвите и нивните адвокати.Малолетникот К.К. веќе сведочеше во октомври 2024 година кога првпат се одржа овој процес, а беше донесен во судницата со амбулантно возило под полициска придружба, а денес повторно ќе ги види своите родители по долго време.Имено, таткото е цело време во притвор, а на мајката ѝ е забрането да се приближува и да комуницира со својот син.Момчето К.К. во оваа постапка, освен што е сторител на десет убиства – девет негови врсници и училишен чувар, тој има и статус на жртва.Момчето го има овој статус од моментот кога обвинението беше проширено и кога Владимир и Миљана Кецмановиќ беа обвинети за кривично дело занемарување и злоупотреба на малолетно лице, односно нивното дете.Тие беа осудени во прв степен за тоа кривично дело. Владимир Кецмановиќ, таткото на момчето, беше осуден во прв степен на единствена казна од 14 и пол години затвор, а Миљана Кецмановиќ, мајката, на три години затвор.Апелацијата ја потврди пресудата во делот во кој Миљана Кецмановиќ беше ослободена од обвинението за нелегално поседување оружје, и ја измени пресудата во однос на Немања Маринковиќ, инструктор во стреличарскиот клуб „Партизан“, во кој таткото го однел својот син К.К. да вежба стреличарство.Казната му беше намалена и тој беше законски осуден на една година домашен притвор за давање лажен исказ за време на истрагата.Претседателот на тој клуб, Ратко Ивановиќ, склучи договор со Вишото јавно обвинителство за признавање на вината и беше осуден на пет месеци домашен притвор.Мајката беше осудена за занемарување и злоупотреба на малолетно лице, татко за истото кривично дело, но и за тешко кривично дело против јавната безбедност.Судијата образложи дека во четири наврати Владимир Кецмановиќ го обучил својот син да ракува со воздушно и огнено оружје, и сам и со помош на стручно лице, и дека го обучил како да го полни оружјето, да го држи оружјето, како да го држи прстот на чкрапалото и како да дише.Владимир Кецмановиќ го чувал оружјето со кое момчето го извршило ужасното злосторство во два куфери за носење, а не за држење оружје кое било лесно достапно.Момчето е кривично неодговорно затоа што имал помалку од 14 години кога го извршил кривичното дело.Оваа кривична постапка е затворена за јавноста со цел да се заштитат интересите на малолетниците.

Свет | пред 6 дена

6 ден.
media-libraryl42sn4hv0m480pNUZbd

Иран: САД преговараат сами со себе

Американскиот претседател Доналд Трамп синоќа изјави дека САД напредуваат во своите напори да преговараат за прекин на војната со Иран, а медиумите известуваат дека Вашингтон испратил предлог за решение од 15 точки. Трамп им рече на новинарите во Белата куќа дека САД разговараат со „вистинските луѓе“ во Иран, додавајќи дека Иранците се многу заинтересирани да постигнат договор.Техеран негираше дека се одржале директни разговори. Моќниот претседател на иранскиот парламент, Мохамед Бакер Калибаф, завчера го отфрли тоа како „лажна вест“.Израел и Иран продолжија со воздушните напади во среда, при што Иран повторно го отфрли тврдењето на претседателот Доналд Трамп дека САД преговараат за прекин на војната што ги потресе енергетските и финансиските пазари, велејќи дека САД преговараат сами со себе.„Дали нивото на вашата внатрешна борба го достигнало стадиумот? каде ти (Трамп) преговараш сам со себе?“, рече Ебрахим Золфакари, главен портпарол на заедничката воена команда на Иран, на иранската државна телевизија.„Луѓе како нас никогаш не можат да се согласат со луѓе како вас“, рече тој.„Како што отсекогаш сме велеле… никој како нас нема да склучи договор со вас. Не сега. Никогаш“, рече тој.Раководството на Иран претходно изјави дека не може да преговара со САД бидејќи двапати ја нападна земјата во последните две години за време на разговорите на високо ниво, според Ројтерс.Четири недели по почетокот на војната во која загинаа илјадници, се создаде најлошиот енергетски шок во историјата и се предизвика страв од глобална инфлација, во среда немаше попуштање на воздушните напади од страна на Иран и Израел.

Свет | пред 6 дена

Согласност за колачиња (cookies)

Нашата веб-страница користи колачиња за подобрување на корисничкото искуство и анализа на сообраќајот.

Прочитај повеќе
Дознај ексклузивно и прв

Прв ќе ги дознаваш ударните и вонредните случувања