СДСМ

По објавата на СДСМ, Томовски возвраќа: „Крадецот вели ‘држете го крадецот’ – ќе се видиме на суд“

Ивица Томовски жестоко реагираше на последните обвинувања од Антикорупцискиот тим на СДСМ, кој претходно тврдеше дека неговото семејство е поврзано со фирма што добивала државни тендери. Во својата писмена реакција, Томовски ги оцени изјавите на СДСМ како „производ на длабоки фрустрации, безидејност и страв“, обвинувајќи ја партијата дека се обидува да го дефокусира вниманието од други скандали.„Од месечината се гледа дека соопштенијата и пресовите на СДСМ ги пишува некој со длабоки фрустрации – тотално безидеен, доволно лукративен и алчен, но истовремено уплашен,“ наведува Томовски, кој тврди дека целта на партијата е да се избегне разговор за „златни визи, тајни сметки и бизниси во Дубаи“.Тој вели дека не очекувал извинување од СДСМ, бидејќи, како што смета, за тоа се потребни „образ, храброст и морален дигнитет“. Според него, партијата е водена од луѓе кои се „морално руинирани“ и подготвени да одат до крај, дури и „по цена на сопствениот углед и угледот на своите блиски“.„Не сум сопственик, не приходувам, немам врска со компанијата“Томовски негира дека има поврзаност со фирмата што СДСМ ја посочува.„Јас не сум сопственик, не приходувам и немам никаква директна врска со споменатата компанија. Досега не слушнав каков криминал сум направил, ниту пак видов докази,“ рече тој.Тој остро реагира и на објавувањето на телефонски број за кој СДСМ тврди дека е поврзан со фирмата, кажувајќи дека бројот е негов личен и дека „го имаат сите кои го познаваат“.„На истиот број можеа да се јават и да се извинат, но тие одбраа да одиме по судски пат. Ќе одговараат, следува тужба,“ порача Томовски.Контраобвинувања кон СДСМВо изјавата тој посочи примери за кои тврди дека претставуваат конфликт на интереси во времето кога СДСМ била на власт – фирмите на поранешниот премиер учествувале на тендери, министерската влада градела модуларни болници на приватни компании поврзани со политички функционери, а сопруги на функционери добивале лиценци за фотоволтаици.„Не сфаќам зошто е криминал фирма што не е моја да победи на тендер, а не беше криминал кога тоа го правеа луѓе од СДСМ,“ наведе тој.„Криминалот нема моќ пред човек со образ“Томовски заклучува дека партијата на Заев води „ниска и уличарска“ кампања, но дека тоа, според него, ќе резултира со уште послаб изборен резултат за СДСМ.„Криминалот нема моќ пред човек со образ и држава со закон. Институциите треба да ја сработат својата работа,“ порача тој.

Македонија | пред 3 месеци

Антикорупцискиот тим на СДСМ со нови обвинувања против Томовски: „161 тендер, 5,3 милиони евра – буџетот се чистел семејно“

Антикорупцискиот тим на СДСМ излезе со нова серија обвинувања кон Ивица Томовски, директор во владината структура на ВМРО-ДПМНЕ, тврдејќи дека семејната фирма „Сити аутсорсинг“ добила вкупно 161 тендер вреден 5,3 милиони евра.Според СДСМ, токму по доаѓањето на новата влада, фирмата ја зголемила својата деловна активност за 306 проценти во 2024 година, а во 2025 година веќе инкасирала речиси половина милион евра преку нови државни договори.По објавата на случајот, Томовски побара извинување од СДСМ, но од партијата одговорија дека „нема извинување за оние што пумпаат пари од граѓаните“.Од Антикорупцискиот тим денеска објавија нов податок – телефонски број поврзан со фирмата, кој, според нивните тврдења, се поврзува директно со Ивица Томовски.„Меѓу телефонските броеви наведени во документацијата на фирмата ‘Сити аутсорсинг’ е 078-362-710. Проверивме – излегува фотографијата на Ивица Томовски. Ова само ја потврдува очигледната поврзаност со фирмата во која се татко му Витомир и блискиот роднина Кутановски“, соопштија од СДСМ.Партијата повтори дека очекува Антикорупциската комисија и Јавното обвинителство да покренат постапка за конфликт на интерес, злоупотреба на функција и корупција во врвот на власта предводена од Христијан Мицкоски.„Кој сега ќе се извинува? Единствено на граѓаните, кога ќе одговарате – сите до еден. Работата не е завршена“, стои во соопштението на Антикорупцискиот тим на СДСМ.

Македонија | пред 3 месеци

СДСМ: Мицкоски без мандат преговара за мигранти – Македонија не смее да стане база за туѓи политики

Портпаролката на СДСМ, Богданка Кузеска, остро реагираше на информациите објавени во британскиот медиум The Times, според кои македонската влада води разговори со Обединетото Кралство за Македонија да стане базна дестинација за враќање мигранти.Кузеска оцени дека станува збор за „антидржавно и национално предавство“, истакнувајќи дека јавноста е со право вознемирена бидејќи, како што рече, владата „се договара зад грбот на граѓаните за штетни договори“.„Кој му дал дозвола на Мицкоски да преговара за мигранти? Никој“, порача Кузеска, предупредувајќи дека темата е исклучително чувствителна и поврзана со безбедноста, стабилноста и иднината на државата.Таа праша дали ова е „големата економска вест“ што Мицкоски ја најавуваше, дали е направена безбедносна процена и зошто Македонија би ги прифатила мигрантите што Британија сака да ги врати.СДСМ посочи дека дури и најсилните европски држави се соочуваат со сериозни предизвици околу интеграцијата на мигрантите, наведувајќи ги Шведска, Германија и Велика Британија како примери каде што, според нив, растат криминалот, немирите и насилствата.„Ако овие развиени земји не можат да се справат со проблемот, Македонија уште помалку може“, нагласи Кузеска, додавајќи дека општеството „не може да го издржи ваквиот товар“.Таа обвини дека политиките на ДПМНЕ ги бркаат младите Македонци од државата, а сега, како што кажа, власта планира да носи мигранти од трети земји.СДСМ најави дека со „целокупниот свој капацитет“ ќе се спротивстави на ваквите политики и ги повика граѓаните да се обединат во одбрана на државните интереси.„За Македонија се работи. Не за антимакедонските политики на ДПМНЕ“, порача Кузеска.

Македонија | пред 3 месеци

Антикорупцискиот тим на СДСМ: Конгрес на ВМРО-ДПМНЕ беше под диригенство на Орбан и Груевски

Антикорупцискиот тим на СДСМ реагираше со остра политичка критика на Конгресот на ВМРО-ДПМНЕ, кој викендов се одржа во Кавадарци под водство на Христијан Мицкоски. Според партијата, собирот бил „организиран од двоецот Мицкоски–Груевски“ и претставувал, како што велат, „конгрес на децата на Орбан“.Од СДСМ обвинуваат дека најсилната меѓународна поддршка за ВМРО-ДПМНЕ доаѓа токму од унгарскиот премиер Виктор Орбан и неговата партија ФИДЕС, кои, според нив, продолжуваат да го штитат поранешниот премиер Никола Груевски – бегалец од правдата осуден за корупција.„Орбан успешно го крие и го чува Груевски, човек кој украде 2 милијарди евра и побегна. Но тој и понатаму ја управува ДПМНЕ од далечина“, наведува тимот на СДСМ, додавајќи дека постојат „директни врски меѓу актуелната власт и мрежата на Орбан преку бизниси, кредити и банки“.Партијата оценува дека вертикалата ФИДЕС – СНС – ДПМНЕ претставува регионална политичка оска поврзана со „корупција, големи бизниси и контроверзно влијание“. Како пример, СДСМ ги посочува протестите во Србија и Унгарија против коруптивни скандали, вклучително и падот на настрешницата во Нови Сад со 16 жртви, како и откриениот луксузен имот поврзан со Орбан.„Сличностите се очигледни. Истата приказна ја гледаме и во Македонија – секој ден излегува нов скандал, нов пример како се пумпаат пари од граѓаните преку наместени тендери“, се наведува во реакцијата.Антикорупцискиот тим заклучува дека Конгресот на ВМРО-ДПМНЕ само ја потврдил поврзаноста со, како што тврдат, „регионална мрежа на политичари кои се штитат меѓусебно“.„Работата не е завршена. Борбата против криминалот и корупцијата продолжува“, порачуваат од СДСМ.

Македонија | пред 3 месеци

СДСМ: Македонија станува црна точка – визијата на ВМРО-ДПМНЕ води кон изолација

СДСМ денеска остро реагираше по повод две вести кои, според партијата, ја покажуваат насоката во која се движи државата. Првата е потпишувањето на Меморандумот меѓу Грција, Бугарија и Романија за новиот транспортен коридор Црно Море – Егејско Море, кој предвидува модернизација на железничката, патната и пловната инфраструктура и кој, како што оценуваат од СДСМ, практично ја заобиколува Македонија.Од партијата предупредуваат дека ова ќе значи значајно намалување на финансиските приливи од транзитниот сообраќај – од патарини, гориво и други услуги – бидејќи државата се исклучува од стратешкиот европски транспортен правец.Втората вест, според СДСМ, е претставувањето на програмата „Македонија 2030“ на ВМРО-ДПМНЕ на Конгресот во Кавадарци. Двете информации, како што наведуваат социјалдемократите, се поврзуваат во една заедничка порака: „Македонија станува црна точка“.„Овој знак, речиси исчезнат во Европската унија, се враќа на големи врати во Македонија. Тој симболизира место со висок ризик за граѓаните – кратка делница на патот кон ЕУ, која најчесто е изолирана од европскиот и демократскиот свет, а многу често и од сопствените граѓани, поради криминал, корупција и сиромаштија,“ стои во реакцијата на партијата.Од СДСМ порачаа иронично дека програмата на ВМРО-ДПМНЕ потсетува на „обиколница“ што ја изолира државата, а политичкото раководство го споредија со „будимпештанскиот шоферски тандем Груевски–Мицкоски“, алудирајќи на некогашната југословенска серија „Камионџии“.„Оваа визија сигурно нема да им одговара на граѓаните на Македонија, но ќе биде добра за мигрантите – ‘сообраќајот’ да не ги вознемирува,“ додава СДСМ во својата реакција.

Македонија | пред 3 месеци

СДСМ одбива извинување: „На криминалци не се извинуваме“

СДСМ денеска реагираше на изјавата на директорот на Службата за општи и заеднички работи, Ивица Томовски, кој побара извинување од партијата поради обвинувањата дека неговата семејна фирма добила тендери вредни 5,5 милиони евра. Од опозициската партија категорично одбија да се извинат и најавија нови информации поврзани со случајот.„Граѓаните денеска ги видоа сите докази, факти и документи што ги објави Антикорупцискиот тим на СДСМ. Семејната фирма на Томовски го чисти буџетот — 5,5 милиони евра и 161 тендер. Особено им тргнало откако ДПМНЕ дошла на власт“, стои во соопштението на СДСМ, од каде што додаваат дека деловната активност на фирмата пораснала за 306 проценти, а само во 2025 година, според нив, добила тендери во вредност од речиси половина милион евра.Од опозициската партија посочуваат и дека во фирмата се појавуваат името на таткото на Томовски и близок роднина, што, според нив, ја потврдува тезата за „фамилијарни бизниси“ блиски до власта.„Томовски бара извинување? За тоа што семејната фирма добила 161 тендер вреден 5,5 милиони евра? Нема шанси. На криминалци не се извинуваме“, наведуваат од СДСМ, додавајќи дека нивната борба против корупцијата продолжува, а најавуваат и нови обелоденувања.„Заканите на Томовски не нѐ плашат, туку не мотивираат. Утре на нова прес-конференција ќе објавиме дополнителни детали. Работата не е завршена“, стои во реакцијата на СДСМ.

Македонија | пред 3 месеци

Директорот на СОЗР возвраќа: „Немам приватна фирма, клеветите се политички очај“

Директорот на Службата за општи и заеднички работи, Ивица Томовски, остро реагираше на денешните обвинувања од СДСМ дека семејна фирма поврзана со него добила тендери во вредност од повеќе милиони евра. Тој ги нарече наводите „класична политичка клевета“ и побара извинување, најавувајќи тужба доколку тоа не се случи.„Очигледна е намерата по секоја цена да се обвинува, клевети и жигосува. Тоа е нивниот стил и единствената сламка за спас,“ порача Томовски, додавајќи дека обвиненијата се обид да се одвлече вниманието од, како што рече, бројните скандали од времето на владеењето на СДСМ.Тој предупреди дека токму оние кои, според него, оставиле длабоки последици врз институциите, денес пласираат „безобразни и малициозни конструкции“ за да го прикријат сопствениот неуспех.„Посочената компанија не е моја. Немам никаков удел во неа, ниту пак во моментов поседувам приватна компанија. Моето единствено ангажирање е работата како директор на СОЗР,“ нагласи Томовски.Тој додаде дека целата кариера ја градел чесно и професионално и најави дека ќе ги искористи сите правни механизми за заштита: „СДСМ ќе мора да се извини за клеветите. Во спротивно, ќе поднесам тужба.“Во своето обраќање, Томовски порача дека јавноста веќе казнила „такви политики“, алудирајќи на исходот од последните избори, и додаде дека од СДСМ не очекува извинување, „бидејќи за тоа е потребна доблест и морал“.Според него, сите институции може слободно да извршат проверки, уверувајќи дека нема што да се сокрие.

Македонија | пред 3 месеци

(Видео) Бомбите на СДСМ: Семејна фирма на директорот Томовски „чисти“ 5,5 милиони евра од буџетот

Членот на Централниот одбор на СДСМ, Александар Саша Димитријевиќ, денеска излезе со нови обвинувања против ВМРО-ДПМНЕ и актуелната влада, најавувајќи „нова бомба“ и „нов скандал“ поврзан со, како што вели, милионски злоупотреби на јавни средства.Според Димитријевиќ, Акцискиот тим (АКТ) на СДСМ продолжува да објавува докази за „криминалот на власта“ токму во пресрет на конгресот на ВМРО-ДПМНЕ. Тој тврди дека државни институции и општини под раководство на ВМРО-ДПМНЕ доделиле вкупно 161 тендер, во вредност од 5 милиони и 360 илјади евра, на фирма поврзана со Ивица Томовски – актуелен функционер во Владата, односно директор на СОЗР.Димитријевиќ тврди дека фирмата, основана со сопственик Витомир Томовски од Струга – татко на Ивица Томовски – прво била регистрирана под името „Сити логистик“, а подоцна го променила името во „Сити аутсорсинг“, задржувајќи иста адреса и единствен матичен број на субјект. Управител, според Димитријевиќ е нивни близок роднина, Слободан Кутановски.СДСМ тврди дека само во 2024 година, со доаѓањето на ВМРО-ДПМНЕ на власт, фирмата ја зголемила својата дејност за 306 проценти, а во текот на 2025 година веќе добила десет нови тендери со вредност близу половина милион евра.„Не чисти СОЗР, туку чисти семејната фирма на Томовски. Чистат пари – и тоа милионски суми,“ порача Димитријевиќ, додавајќи дека „важно е фамилијарните бизниси да течат“, додека јавноста останува без одговори.Тој најави дека ова е само почеток на новиот циклус објави од АКТ (тело на СДСМ), кои, како што кажа, ќе откријат „каде завршуваат парите и кој стои зад нив“.„Граѓаните се дел од еден тим, еден фронт. Сите сме против корупцијата,“ порача Димитријевиќ во завршницата.Власта засега нема официјален одговор на објавите.

Настани | пред 3 месеци

Нови „бомби“ на повидок: СДСМ тврди дека ВМРО–ДПМНЕ е во паника од Лаура Ковеши

СДСМ тврди дека ВМРО–ДПМНЕ се наоѓа во состојба на паника поради активностите на европската обвинителка Лаура Ковеши и најавите за нови материјали што партијата ги нарекува „бомби“. Во реакцијата, СДСМ наведува дека опозициската партија стравува од можни правни последици и дека, како што велат, ваквата „нервозна комуникација“ се должи на притисокот што го создаваат истрагите за корупција.Според СДСМ, постојаните соопштенија, онлајн објави и политички напади што доаѓаат од ВМРО–ДПМНЕ се доказ за „внатрешна вознемиреност“. Партијата наведува дека опозицијата се служи со лажни анкети, засилена кампања на социјалните мрежи и „конструкции и спинови“, што СДСМ ги толкува како обид да се одвлече вниманието од темите поврзани со корупцијата и можните истраги.Во соопштението се споменува и поранешниот премиер Никола Груевски, за кого СДСМ тврди дека води Фејсбук-кампања „бидејќи како бегалец нема друг начин политички да дејствува“. Партијата оценува дека политичкиот модел што го поврзува со Груевски „повеќе не функционира“, нагласувајќи дека граѓаните, како што велат, веќе препознаваат пропагандни постапки.СДСМ ги отфрла и обвинувањата дека користи вештачка интелигенција при составување на соопштенија, коментирајќи дека таквите тврдења го омаловажуваат технолошкиот напредок и младата генерација, додека, според нив, вистинскиот проблем е „усовршениот систем на грабеж и корупција“ што го припишуваат на опозицијата.Во продолжение, партијата наведува дека ВМРО–ДПМНЕ не избегнува избори, туку „затвор“, алудирајќи на можноста за кривична одговорност. СДСМ тврди дека политичките одлуки во ВМРО–ДПМНЕ зависат од странски влијанија, при што посочуваат дека избори се распишуваат „само кога од надвор ќе биде побарано“.Во завршниот дел од соопштението, СДСМ тврди дека ВМРО–ДПМНЕ е загрижена поради можните материјали што ќе бидат објавени и поради работењето на европската обвинителка Ковеши. Партијата најавува нови „бомби“, укажувајќи дека, како што истакнуваат, ова е „само почеток“ и дека одбројувањето започнало.СДСМ ја завршува реакцијата со порака дека граѓаните се обединети „против корупцијата“ и дека нивната иницијатива, наречена „АКТ“, продолжува со засилен интензитет.

Македонија | пред 3 месеци

(Видео) Филипче: Ако Италија се справи со Коза Ностра, Македонија ќе се справи со мафијата на ВМРО-ДПМНЕ!

„Борбата против корупцијата станува најважниот фронт во кој СДСМ продолжува заедно со граѓаните, одлучно и без компромиси“, порача на денешната прес конференција претседателот на СДСМ, д-р Венко Филипче кој најави нов фронт за борба против криминалот на актуелната власт.„Ова е нов фронт,  фронт заедно со граѓаните, во борба против корупцијата на оваа криминална и ненародна власт,“ истакна Филипче.Тој најави дека СДСМ ќе побара поддршка и од институциите кои со децении биле симбол на бескомпромисна борба против мафијата, споредувајќи го криминалот на ВМРО-ДПМНЕ со оној на италијанската Коза Ностра.„Ќе поднесеме иницијатива до антикорупциските институции во Италија, кои со години и децении се бореа против најорганизираната европска мафија – Коза Ностра. Кога тие успеаја да се справат со Коза Ностра, можеме и ние во тука да се справиме со мафијата на ВМРО-ДПМНЕ,“ нагласи претседателот на СДСМ.Претседателот Филипче порача дека е крајно време да се расчисти со сите корупциски шеми што ја разоруваат државата.„Превенцијата не успеа. Корупцијата ескалираше и мора да се истражи сè. Крадењето мора да престане. Секој што крадел ќе одговара,“ додаде тој.Претседателот на СДСМ на прес конференцијата најави и нови откритија кои ќе ја разобличат криминалната мрежа на актуелната власт.„Ги спремивме новите бомби 2.0. Најавувам дека утре следува нова. Нов скандал, нова корупциска шема поврзана со членови на владејачката гарнитура. За сè имаме докази, имаме документи и ќе ги презентираме пред јавноста,“ изјави Филипче.Тој потенцираше дека ова е долга, но неопходна битка, и дека СДСМ нема да застане.„Борбата продолжува, почитувани граѓани. Работата не е завршена,“ децидно порача Филипче.

Македонија | пред 3 месеци

СДСМ: Мицкоски со нови изборни пораки – повторување на „српскиот модел“?

СДСМ реагира дека најновите изјави на премиерот Христијан Мицкоски, во кои повторно говори за можни избори, се „директен сигнал“ дека лидерот на ВМРО-ДПМНЕ го следи моделот на српскиот претседател Александар Вучиќ. Во партиското соопштение, Мицкоски е наречен „мали Вучко“, а неговите настапи СДСМ ги оценува како координација со процесите во регионот.Партијата посочува дека симултаното појавување на „лажни анкети“ и најави за избори потсетува на политичките решенија во Србија, каде Вучиќ само неколку часа претходно најавил предвремени парламентарни избори.„Вучиќ модел“ и реконструкција како шминкањеСДСМ наведува дека вчерашната реконструкција на Владата е „обично шминкање“ – практика што долго ја применува Вучиќ, по што следат дополнителни објаснувања и, најчесто, распишување избори.„Овој модел денес го гледаме и во Македонија“, стои во соопштението.Регионални паралели: Орбан – Вучиќ – Груевски – МицкоскиСДСМ потсетува дека на пролет Унгарија оди на избори, каде што владее партијата ФИДЕС на Виктор Орбан – политички сојузник и за Вучиќ и за Груевски. Според СДСМ, оваа „вертикала“ функционира со години, а во таа линија се вметнува и Словачка со премиерот Роберт Фицо.Партијата предупредува дека во овие држави избувнаа масовни протести предизвикани од корупција, а истиот феномен – велат – се чувствува и во Србија, каде граѓаните речиси цела година протестираат поради „катастрофалната корупција“, која, меѓу другото, се поврзува и со падот на настрешницата на Железничката станица во Нови Сад, каде загинаа 16 луѓе.СДСМ посочува и на изјавата на американскиот претседател Доналд Трамп, кој пред два дена обвини српска компанија со седиште во Белград – „Roaming Networks“ („Dot Networks“) – дека преку сервери учествувала во вмешување во изборите во САД во 2020 година.Покрај тоа, партијата потсетува дека српските медиуми со години објавуваат делови од „СКАЈ“ преписките добиени преку ЕВРОПОЛ, кои водат до криминални структури во Србија, Црна Гора, па и пошироко. Во Србија се очекува да се открие кој стои зад шифрата „Оскар“.„Кај нас барем е лесно – сите знаеме кој е македонскиот ‘Оскар’. Имаме и мал и голем ‘Оскар’“, порача СДСМ.Посочено е и неодамнешното апсење на поранешната шефица на европската дипломатија Федерика Могерини поради корупциски истраги поврзани со дијалогот Белград–Приштина.СДСМ оценува дека доколку Србија оди на избори на пролет, истото ќе се случи и во Македонија.„Груевски, Мицкоски и ВМРО-ДПМНЕ немаат луксуз да го дочекаат падот на српскиот режим. Тогаш ќе се откријат сите поврзаности, сите приказни“, наведува партијата.Според СДСМ, бегалскиот статус на Груевски директно зависи од исходот на изборите во Унгарија, па затоа „по секоја цена мора да обезбеди власт во Македонија под своја контрола“.СДСМ порача дека Македонија повторно се наоѓа пред фаза на политичко „прочистување“, со алузија на најавите за „катарза“ од страна на Мицкоски.„Изгледа дека соседите ја живеат нашата 2015 година. Не грижете се – ние повторно сме двојно подобри. Верзија 2.0 штотуку почна да работи“, стои во соопштението.Партијата завршува со политичка порака:„Време е за нов лист. Нова сила, нова енергија, нов тим и вистински правец: Европа. Работата не е завршена.“

Македонија | пред 3 месеци

Филипче: Ние ги спремивме новите бомби, ја повикуваме европската главна обвинителка да ја посети Македонија за да ги види злоупотребите

Во пресрет на нови политички тензии, потпретседателот на СДСМ, Венко Филипче, најави дека утре ќе биде обелоденет нов скандал кој, како што рече, ги инволвира „членови на владејачката структура“. Според него, опозицијата располага со документи за сериозни злоупотреби.„Ние ги спремивме новите бомби, 2.0. Утре следува нов скандал. За сè имаме документација“, изјави Филипче, алудирајќи на нов бран политички снимки и докази.Филипче со остра реторика ја повика европската главна обвинителка Лаура Ковеши да ја посети Македонија и да се запознае со, како што тврдеше, малверзациите што ги прави власта со европските фондови, особено со ИПАРД програмата.„СДСМ ја повикува Лаура Ковеши лично да се увери во злоупотребите на ВМРО-ДПМНЕ со европските фондови. Овде се загрозени 130 милиони евра. Наместо одговорност по апсењето на нивниот директор за Финансиска поддршка, гледаме само спинови и префрлање вина врз опозицијата“, рече Филипче.Тој нагласи дека според нивните сознанија, злоупотребите ги вршеле лица блиски до премиерот и лидер на ВМРО-ДПМНЕ, Христијан Мицкоски.„Очекуваме со ангажман на Ковеши овој скандал конечно да се расчисти. Македонија не е темен вилает на ВМРО-ДПМНЕ каде може да се игра со европската иднина и парите на граѓаните“, посочи Филипче.Филипче откри дека партијата веќе формирала антикорупциски тим, составен главно од млади активисти и истражувачи.„Овој тим ќе ги обработува скандалите што ги гледаме секојдневно. Ќе анализира документи, ќе поднесуваме пријави до национални и меѓународни институции“, додаде тој.Најави и онлајн платформа каде граѓаните ќе може да пријавуваат сомнежи за корупција.Интересен е и планот за меѓународна соработка: СДСМ ќе иницира контакт со италијанските антикорупциски институции.„Ќе побараме помош од институциите во Италија кои со децении се бореа со Коза ностра. Ако тие успеаја да се справат со најорганизираната мафија во Европа, тогаш и ние можеме да се справиме со мафијата на ВМРО-ДПМНЕ“, рече Филипче.

Македонија | пред 3 месеци

СДСМ за премиерот Мицкоски: „Мали Вучко“ го следи моделот на Вучиќ

СДСМ обвини дека најавите на лидерот на ВМРО–ДПМНЕ, Христијан Мицкоски, за можни избори се дел од, како што велат, „усогласени политички чекори“ со власта во Србија. Од партијата потсетуваат дека претседателот Александар Вучиќ истиот ден зборувал за избори, а неколку часа подоцна слични пораки стигнале и од Мицкоски.Во соопштението се тврдеше дека Мицкоски го следи политичкиот модел на Вучиќ, особено во делот на најави за избори по реконструкција на владата — процес што македонската влада го започна вчера. Од СДСМ оценуваат дека овој политички пристап е веќе виден „во повеќе земји од регионот“.Паралелно, партијата ги поврзува случувањата со изборните процеси што напролет ја очекуваат Унгарија и можните избори во Србија. Во соопштението се наведува дека протестите во Унгарија, Словачка и Србија се последица на корупциски скандали и дека дел од тие случаи, според нив, имаат регионални импликации и политички поврзаности.СДСМ потсетува и на истрагите и обвиненијата поврзани со реконструкцијата на Железничката станица во Нови Сад, како и на обвинувањата што американскиот претседател Доналд Трамп ги упати за вмешаност на белградска ИТ-фирма во изборите во САД. Сето тоа, според партијата, го отсликува „регионалниот политички контекст“ што може да влијае и врз Северна Македонија.Од СДСМ тврдат дека доколку Србија оди на избори напролет, Македонија би можела да се соочи со сличен развој на настаните, особено, како што велат, поради зависноста на политичките актери во земјава од исходите во соседството.

Македонија | пред 3 месеци

СДСМ за Груевски: Своите „машки“ комплекси и кризата на средни години ги лекува со фарбање коса, филери и ботокс

Никола Груевски, некогашниот „голем“ премиер на Македонија, човекот што така „мајсторски“ ја зави земјата во црнило, ја остави во безнадежност и сонуваше за изолација само за себе и за својата клика. Парадоксално, нели?, прашуваат од СДСМ во денешното соопштение.„Денес, тој гениј сместен удобно во срцето на Европската Унија, токму таму каде што никогаш не сакаше да ја однесе Македонија. Како ли само дише европски воздух без да се задуши од иронија?Овој морален мал човек (иако се покажа дека има идеална големина за во гепек, додека бегаше преку граница), во секоја смисла на зборот, сега дели мудрости откако побегна од правдата.Човекот кој прислушкуваше 20.000 граѓани, апсеше, купуваше Мерцедес од 650.000 евра (народни пари нормално) и очила за сонце од 30.000 евра (за подобро да ја види сопствената корупција).Човекот кој изнесе 2 милијарди од земјата (а сега вели не бил сигурен дали биле 2 или 7 милијарди, очигледно многу пари за броење), веројатно за да си го финансира сонот во азил.Тоа е истиот тој Груевски чијшто најблизок круг го сочинуваат: министерка за внатрешни работи што возела украден автомобил, ни помалку ни повеќе од Дејвид Бекам, министри што закупувале цели катови во луксузни хотели, и се занимаваат со криминал.Херој?Никако. Повеќе личи на Мики Маус, Дизни јунак од цртан филм кој држи лекции на другите.Наместо да седи во Идризово и да пишува мемоари со наслов „Како ја ограбив Македонија“ (би бил бестселер), тој од својот будимпештански луксуз произведува Будимпештански бајки за деца, измислени приказни од чиста досада.Своите „машки“ комплекси и кризата на средни години ги лекува со фарбање коса, филери и ботокс како телевизиска ѕвезда од сапунска серија, во криза.Тоа е Никола – нашиот „beauty influencer“ и трендсетер!И покрај активното пишување бајки и белетристика, тој стигнува, како некогаш, насекаде – дури и да ја води својата партија од далечина. Активно учествува во кампањата на ВМРО-ДПМНЕ, плукајќи по луѓе со измислени Дубаи сказни за деца, против оние што донесоа слобода за Македонија.И го остави малиот Мицко да го продолжува неговиот славен пат. Зошто самиот да го работи валканиот дел од работата кога некој друг може наместо него, и тоа од далечина?Никола, наш црн Грујо, биди барем еднаш во животот маж и дојди во Скопје. Ќе ти приредиме убав пречек. Ќе има многу луѓе, ротации, протокол, лисици, сè на највисоко ниво, баш како што сакаш.Смееш ли?Или, можеби, си се навикнал на унгарски гулаш па не ти одговара македонско тваче гравче”, стои во соопштението од СДСМ.

Македонија | пред 3 месеци

СДСМ со совет до Сиљановска Давкова да не го слуша нивниот водач-бегалецот Груевски

СДСМ ја советува претседателката Гордана Сиљановска Давкова, која иако рече дека политички партии не коментира, сепак во изјава им посака побрзо да ја надминат кризата, да не го слуша експремиерот и бегалец, Никола Груевски.„Новата сила, енергијата и новиот тим на СДСМ носи криза само за ВМРО-ДПМНЕ и Христијан Мицкоски. Тоа веќе е видливо но допрва на сите ќе им биде јасно, вклучутелно и на Давкова. И Социјалдемократскиот сојуз на Македонија има совет за претседателката Гордана Сиљановска Давкова: Имате доволно години и искуство да не го слушате повеќе вашиот водач Никола Груевски“, велат од СДСМ.Партијата порачува дека тој концепт еднаш бил поразен и повторно ќе се случи тоа.„Едноставно е погрешно и штетно за иднината на државата. Тој криминален концепт еднаш беше поразен и повторно ќе биде поразен сосе неговите ученици кои денеска ја крчмат Македонија. Никола Груевски пишува на Фејсбук дека е време за војни а претседателката Давкова јавно го кажува тоа како нејзин став дека „не е време за реформи“ затоа што е време за војни. Осуден и побегнат криминалец, кој украде 2 милијади евра народни пари од Будимпешта диктира повторна изолација на Македонија, нов грабеж и да ја управува Владата на далечинско. СДСМ е тука тоа да го спречи. Работата се уште не е завршена“, соопштија од СДСМ.

Македонија | пред 3 месеци

СДСМ со порака до новиот претседател на ДКСК: „Постапете за корупцискиот случај од 9 милиони евра, фактите се на ваша маса“

СДСМ го повика новоизбраниот претседател на Државната комисија за спречување на корупцијата, Адем Чучуљ, веднаш да се зафати со случајот кој партијата го квалификува како корупциски скандал тежок девет милиони евра.Според нив, фирма основана минатата година со само двајца вработени успеала во период од шест месеци во 2025 година да добие шест државни тендери во вкупна вредност од девет милиони евра. Четири од договорите, како што наведуваат, се доделени од Генералниот секретаријат на Владата, еден од ЕСМ и еден од Министерството за администрација.Партијата нагласува дека документите, фактите и доказите за случајот се веќе објавени, достапни за јавноста и официјално доставени до ДКСК заедно со пријава поднесена од СДСМ.„Новиот шеф на ДКСК треба само да ги погледне, да ја прочита пријавата и да делува“, наведуваат од СДСМ, додавајќи дека „работата не е завршена“.

Македонија | пред 3 месеци

(Видео) СДСМ:Исти криминални шеми, иста банда, Обвинителството да постапи за скандалот од 9 милиони евра

СДСМ бара Јавното обвинителство да постапи за големиот корупциски скандал со тендери од речиси 9 милиони евра, доделени на фирма со само двајца вработени, изјави Богданка Кузеска, портпаролка на СДСМ.,,Јавно и детално, пред граѓаните, со факти и докази веќе ја презентиравме целата корупциска шема. Сите докази се јавно достапни, објавени, проверливи и повеќе од доволни за старт на истрага. Поднесовме и пријава до Државната комисија за спречување на коруцпија. Јавното обвинителство не смее да молчи туку да делува. Крадењето на народот преку корупциски шеми за пумпање на парите мора да запре и да следува одговорност.Власта на големо спроведува грабеж преку шема за испумпување на народните пари. Ова се истите шеми на Никола Груевски и Сашо Мијалков, со кои се испумпаа 2 милијарди евра пари на граѓаните. Мицкоски само го продолжува тоа што го научил од неговите учители“, рече Кузеска.

Македонија | пред 3 месеци

СДСМ со сатирична офанзива: „Гответе со Мицкоски“ – рецепт за политичка лага

СДСМ со јавна објава излезе во жестока сатирична офанзива против ВМРО-ДПМНЕ, објавувајќи текст под наслов „Гответе со Мицкоски – рецепт за лага од кујната на ВМРО-ДПМНЕ“.Во политичкиот памфлет, напишан во форма на кулинарски водич, СДСМ ја исмева владејачката партија откако ВМРО-ДПМНЕ ги поврзуваа со наводни злоупотреби на ИПАРД-фондовите. СДСМ ги напрекува ВМРО-ДПМНЕ „долго готвена каша од лаги“.Во саркастичниот текст се „мери и меша“ цел политички список: Зоран Заев, Венко Филипче, „прстофат поранешен министер“ и неколку роднини – како алегорија за тоа како, според СДСМ, ВМРО-ДПМНЕ ја конструира својата реторика.„Заев мора долго да се динста, и пет години откако е во политичка пензија. Венко, како свеж, се меша со претходно маринирани лаги“, стои во текстот, кој преку иронија го критикува наративот за семејни врски, корупција и злоупотреби.Памфлетот завршува со „тајната состојка“ – потсетување дека ИПАРД е европски фонд со исклучително строги правила, дека средствата се исплаќаат како рефундација и дека секој прекршок е под европска контрола. СДСМ саркастично додава дека вистинскиот проблем е кај „директорот, панкерот и кумовските врски на Мицкоски“.Во соопштението, опозициската партија посочува дека ВМРО-ДПМНЕ „има многу добри готвачи, учени од најдобриот шеф Груевски“, воведувајќи нов бран политичка иронија. Памфлетот завршува со порака: „ВМРО-ДПМНЕ лаже – а народот знае: кој лаже, тој и краде.“Сатиричниот настап на СДСМ е дел од заострената реторика меѓу двете најголеми партии, во период кога политичката партија е под силни турбуленции и активни внатрепартиски процеси.

Македонија | пред 3 месеци

Кичевски за „распадот“ на СДСМ го обвинува Филипче: „Коцкарот кога губи, посегнува и по последното што го поседува, а тоа е неговиот дом“

Внатрепартиските тензии во СДСМ добија нова димензија откако поранешниот висок функционер Васко Кичевски јавно го обвини лидерот Венко Филипче дека со последните политички потези ја влече партијата во опасна зона.Според него, начинот на кој се води СДСМ не наликува на демократска организација и личи на управување мотивирано од личен опстанок, а не од интересот на членството. Кичевски смета дека Филипче се наоѓа во улога на човек кој очајнички се обидува да се одржи на позицијата и при тоа ги префрла вините за неуспесите на сите други околу себе.„Коцкарот кога губи, посегнува и по последното што го поседува, а тоа е неговиот дом,“ предупредува тој, алудирајќи дека Филипче ја става партијата на коцка само за да се зачува лично. Во неговата анализа, лидерот на СДСМ е соочен со две можни патеки, но ниту една не носи стабилност. Првата е да се обиде да постигне договор со различните струи во партијата, но тогаш, како што вели Кичевски, Извршниот одбор би останал суштински ист и „диригентската палка, се разбира, нема да биде кај Венко“.Втората опција е Филипче да формира автономен Извршен одбор составен според негови мерки и без влијание на внатрешните групации, но тогаш ризикува да остане без кворум во Централниот одбор, што практично би ја блокирало способноста на партијата да носи одлуки. Кичевски дополнително укажува дека последните чекори на раководството само го разголиле суштинскиот проблем: отсуство на демократски механизми и концентрација на моќ без контрола. „Потегот што го повлече Венко уште еднаш покажува дека СДСМ е султан-партија и нема никаква врска со демократска партија,“ вели тој, инсистирајќи дека моделот на функционирање мора да се промени од темел. Како излез, Кичевски смета дека измената на Статутот е неопходна и итна, бидејќи само со сериозна реформа партијата може да го врати демократискиот капацитет и да спречи понатамошно продлабочување на кризата што, според него, веќе станува егзистенцијална.

Македонија | пред 3 месеци

Шок промени во СДСМ: Извршниот одбор колективно си поднесе оставка

На денешната седница на Извршниот одбор на СДСМ, по предлог на претседателот д-р Венко Филипче, целото раководство колективно поднесе оставка. Од функциите се повлекоа заменик-претседателката, потпретседателите, генералниот секретар, организациските секретари, како и сите членови на Извршниот одбор.Оставките се доставени до Централниот одбор и до претседателот Филипче, кој го води процесот на длабоки внатрепартиски реформи.Според соопштението, овој чекор се оценува како „одговорен и морален“, со кој раководството отвора простор за „нова сила, нова енергија и ново поглавје“ на СДСМ.Партијата најавува период на кадровско освежување, реорганизација и мобилизација, со вклучување на нови лица во највисоките структури.На една од следните седници на Централниот одбор, претседателот Филипче ќе предложи нов состав на органите на партијата. Од СДСМ уверуваат дека на сите функции ќе бидат избрани „најкомпетентните личности“.Со ова, СДСМ започнува најголема реконструкција на раководството во последната деценија – процес кој треба да ја одреди идната стратегија и позиција на партијата на политичката сцена.

Македонија | пред 3 месеци

Филипче: СДСМ е државотворна партија со јасна визија за младите и силна борба против корупцијата

Претседателот на СДСМ, Венко Филипче, во интервју за Телма потенцираше дека политиките на партијата отсекогаш биле во духот на социјалдемократијата, насочени кон градење праведно и европско општество, а тоа ќе остане јадрото и во иднина.„Политиките на Социјалдемократскиот сојуз на Македонија со години, децении, биле истите – државнички, во духот на социјалдемократијата, еднаквост, социјална правда. И никогаш од тие принципи и постулати партијата во својата историја не отстапила“, рече Филипче.Тој нагласи дека СДСМ останува партија изградена на неколку цврсти темели: борба против корупцијата, јасна евроинтегративна ориентација, подобрување на животниот стандард на граѓаните и спротивставување на националистичките политики на ВМРО-ДПМНЕ.„СДСМ е партија што се темели на силна борба против корупцијата, на евроинтеграции, на обезбедување што поголеми приходи за граѓаните и борба против националистичките елити како ВМРО-ДПМНЕ. Тие, сè што прават, е само да го делат населението и граѓаните, додека државата стагнира, а на владејачката елита ѝ врват само бизнисите“, порача Филипче.Во интервјуто, тој потсети и на мерките кои СДСМ ги презеде во изминатите години за унапредување на животниот стандард дури и во време на криза, преку раст на платите, пензиите и решавање на долгогодишни проблеми.„Имаме примери од минатото како сме се грижеле за граѓаните и за нивниот стандард, дури соочени со големи кризи. Благодарение на тие социјалдемократски политики, граѓаните видоа огромен бенефит – раст на платите, раст на стандардот, раст на пензиите, решавање на повеќедецениските проблеми што ја држеа земјата заглавена“, изјави Филипче.Тој посочи дека новото време носи нови предизвици и дека СДСМ ги подготвува своите идни политики во таа насока – особено фокусирани на младите луѓе кои бараат реални можности за напредок, развој и останување во земјата.„Потребни се нови политики кои ќе адресираат и нови гласачи – тоа се младите луѓе кои изминатите неколку години веќе стануваат полнолетни и бараат посебни можности. Бараат опции и кога не ги гледаат, се иселуваат од земјата. Нашата програма ќе содржи и многу за нив“, рече Филипче.Тој додаде дека младите очекуваат реформи, критериуми базирани на знаење, а не партиска книшка, и нови економски можности.„Младите луѓе бараат можности, бараат да нема партизација, бараат вистински критериуми за да можат да напредуваат, бараат нови технологии, бараат регулирање на финансиските крипто пазари, на пример“, потенцираше Филипче.

Македонија | пред 3 месеци

СДСМ бара одговори за тендери вредни 9 милиони евра

СДСМ обвини дека Владата на Христијан Мицкоски цел ден не дала никакво образложение за информациите што партијата ги објави за, како што тврди, спорни тендерски постапки вредни речиси 9 милиони евра доделени на фирма со двајца вработени, формирана минатата година.Според социјалдемократите, институциите игнорирале повеќе прашања поврзани со критериумите, законитоста и причините поради кои токму оваа компанија била избрана како најповолен понудувач.Од СДСМ велат дека молкот на Владата отвора сомнежи за можни неправилности и дека јавноста има право да знае како се трошат буџетските средства. Во партиското соопштение се наведува дека одговори стигнале единствено од ВМРО-ДПМНЕ, што СДСМ го толкува како индиректна потврда дека, како што велат, „партиските структури имаат увид во процесите што треба да бидат исклучиво институционални“.Социјалдемократите тврдат дека станува збор за „организирана шема за испумпување на јавни пари“ преку повторливо доделување тендери на ограничен број компании, поврзувајќи го случајот со поранешни големи афери од периодот на владеењето на Никола Груевски.Од партијата најавуваат дека ќе продолжат да објавуваат документи и докази кои, според нив, укажуваат на злоупотреби, и бараат вклучување на сите надлежни органи – Јавното обвинителство, Државната комисија за спречување на корупцијата и другите институции – за независна истрага.До затворањето на текстот, од Владата немаше официјален коментар на овие обвинувања.

Македонија | пред 3 месеци

Арсовски го демантира СДСМ:Таму се уште владее заевизмот

Поранешниот портпарол на ВМРО-ДПМНЕ, Димче Арсовски, преку својот Фејсбук профил остро ги демантираше наводите на СДСМ дека има каква било поврзаност со сопственикот на фирмата „Дигитал оне“, која добила милионски државни тендери.Вели дека единствената сличност со сопственикот Кристијан Арсовски е презимето, нагласувајќи дека ниту го познава човекот, ниту му е роднина по која било основа.„Иако во прашална форма, моето име и презиме беше споменато на пресот на СДСМ, тенденциозно со намера да ме вовлечат во нивни креатури и да ги манипулираат граѓаните и јавноста, па затоа јавно барам извинување од СДСМ, ако им остана малце достоинство“, напиша Арсовски.Тој додаде дека обидот да се поврзе со случајот е доказ дека во СДСМ „сеуште владее влијанието од заевизмот“.

Македонија | пред 4 месеци

Андоновска: Со одобрување на Заев, Филипче и Николовски се празнеле и препродавале стоковите резерви на црните пазари

Викторија Андоновска од ВМРО-ДПМНЕ, денеска обвини дека во периодот од 2019 до 2021 година, во време на глобална криза, власта предводена од СДСМ не ги надополнувала стоковите резерви, туку, како што тврди, ги „празнела и препродавала“.Андоновска изјави дека околу 2.000 тони јачмен и пченица, во државна вредност од околу 800.000 евра, биле отпишани од залихите „по насока на Заев, Филипче и Николовски“, додека јавноста била уверувана дека ситуацијата е под контрола.Според неа, за да не се забележи кусокот, биле склучени два тендери со соседна држава за набавка на дополнителни 20.000 тони жито, со цел „пополнување на дупките во резервите“.„Со овие тендери очекувале да ги покријат недостатоците и јавноста да заборави што се случило“, изјави Андоновска, додавајќи дека 800.000 евра „завршиле во приватни џебови“, а отпишаните количини биле препродадени „на црн пазар во друга држава“.Таа оцени дека, наместо да се огради од одговорните, СДСМ „и понатаму ги штити своите функционери“, што, според неа, ќе доведе до „понатамошен пад на довербата и поддршката“ за партијата.

Македонија | пред 4 месеци

(Видео) СДСМ: 9 милиони евра тендери за фирма со двајца вработени, отворена пред една година, крадењето мора да запре

Денес го отвораме првиот од серијата скандали за криминалот на Владата на Мицкоски, рече на прес конференција Александар Саша Димитријевиќ, генерален секретар на СДСМ.“Фирмата „Дигитал оне“, формирана на крај на август лани, со само двајца работници за една година има добиено тенеди од скоро 9 милиони евра, народни пари.И сите овие тендери се со владини и државни институции во период од мај 2025 до денес ноември 2025. Фирма без историја, без искуство, без портфолио – регистрирана за трговија со информатичка и комуникациска опрема добива речиси 9 милиони евра за само 6 месеци. Или по 1,5 милиони евра месечно. Основана е од извесен Кристијан Арсовски и има само двајца вработени. Да, добро слушнавте, 2 вработени, со речиси 9 милиони евра добиени пари од граѓаните. Од шест државни тендери, дури четири се со Генералниот секретаријат на Владата на Мицкоски. И тоа не било какви тендери туку милионски договори. Последниот договор е рамковна спогодба за софтверски лиценци за виртуелна платформа во вредност од 8 милиони евра. Ако ова не е класична шема за испумпување на парите на граѓаните преку фирми блиски до власта тогаш што е? И секако, едно од прашањата е дали Кристијан е во роднински врски со поранешниот портпарол на ДПМНЕ, Димса Арсовски? Повикуваме Јавното обвинителство, Финансиската полиција и ДКСК веднаш да регираат, да отворат истрага. Овој скандал има и други сомнителни аспекти за кои ќе продолжиме да говориме.Ова е истиот криминален систем, истата криминална шема на Никола Груевски кој 11 години ја ограбуваше Македонија и 2 милијарди евра се испумпаа од граѓаните, за што целата јавност слушна во бомбите. Мицкоски е само негов ученик и извршител. Предпредуваме, инситуциите да делуваат и да преземат мерки согласно законот, одговорност мора да има ќе има, кога тогаш. За сите Крадењето мора да престане, веднаш”, рече Димитријевиќ.

Македонија | пред 4 месеци