Најнови вести

2 нед.

Масовни протести низ САД по акциите на ИЦЕ во Минеаполис

Илјадници демонстранти излегоа на улиците на Минеаполис, додека студенти и средношколци низ целите Соединети Американски Држави организираа координирани протести, барајќи повлекување на федералните имиграциски агенти од сојузната држава Минесота, по убиството на двајца американски државјани во интервенции на федерални служби.Во рамки на засилената акција против имигрантите, американскиот претседател Доналд Трамп испрати околу 3.000 федерални полицајци во подрачјето на Минеаполис, бројка што е повеќекратно поголема од локалната полициска сила. Овој потег предизвика силни реакции, при што неколку илјади луѓе се собраа во центарот на градот и покрај температурите под нулата, протестирајќи против зголеменото полициско присуство и, како што наведуваат, грубите и милитаризирани тактики на американската Имиграциска и царинска служба – ICE.На протестите учествуваа семејства со мали деца, постари граѓани и млади активисти, а беше организиран и хуманитарен концерт за поддршка на семејствата на Рене Гуд и Алекс Прети, кои, според организаторите, биле убиени од федерални агенти. На концертот настапија и музичките легенди Брус Спрингстин и Том Морело.Под мотото „Нема работа. Нема училиште. Нема купување. Престанете да го финансирате ИЦЕ“, протестите се одржаа на околу 250 локации во 46 сојузни држави, вклучувајќи ги Њујорк, Лос Анџелес, Чикаго и Вашингтон. Илјадници ученици и наставници ја напуштија наставата, а во неколку градови, како Аурора во Колорадо и Тусон во Аризона, училиштата целосно ја откажаа наставата поради масовни изостанувања. Протести беа најавени и во десетици средни училишта во Џорџија, како и на универзитетски кампуси, каде што беа истакнати пораки за „кампуси-уточища“ и отпор кон, како што велат демонстрантите, фашизација на институциите.Протести се одржаа и во Њујорк, каде стотици луѓе маршираа низ Менхетен носејќи транспаренти со пораки „Протестот против ИЦЕ не е злосторство“ и „Правда за сите жртви на ИЦЕ теророт“. Во знак на солидарност, бројни компании низ повеќе сојузни држави ги затворија своите бизниси, додека дел од оние што останаа отворени најавија дека профитот ќе го донираат на организации што им помагаат на имигрантите во Минесота.Во меѓувреме, Министерството за правда на САД соопшти дека е уапсен поранешниот водител на Си-Ен-Ен, Дон Лемон, под обвинение за прекршување на федерален закон за време на протест во црква во Сент Пол. Неговиот адвокат оцени дека станува збор за „невиден напад врз Првиот амандман“.Анкета на Ројтерс и Ипсос покажува дека агресивните тактики на тешко вооружени и маскирани федерални агенти значително ја намалиле поддршката за имиграциската политика на Трамп, на најниско ниво во текот на неговиот втор мандат. Како одговор на растечкото незадоволство, високи федерални функционери најавија дека операциите ќе бидат „понасочени и постратешки“, иако Трамп и понатаму ги нарекува демонстрантите „платени бунтовници“, без да понуди докази за таквите тврдења.Протестите, според организаторите, ќе продолжат сè додека, како што велат, не запре милитаризацијата на имиграциската политика и не се воспостави почитување на граѓанските права и уставните слободи.

Свет | пред 2 седмици

2 нед.

„Стоп за Усје“ денеска маршира низ Скопје, ТИТАН Усје ги отфрла обвинувањата

Граѓанската иницијатива Стоп за Усје денеска организира протестен марш во Скопје, со почеток во 12 часот, со цел, како што наведуваат, да извршат јавен притисок за поефикасна институционална реакција во заштитата на правото на чист воздух. Маршот започнува пред Владата, продолжува кон Собранието и завршува пред Министерството за животна средина и просторно планирање.Од иницијативата посочуваат дека со месеци испраќале барања и дописи до надлежните институции, но дека не добиле конкретни одговори, поради што одлучиле повторно да излезат на улица. Порачуваат дека ниту еден економски профит не смее да биде поважен од здравјето и животот на граѓаните и дека нема да се повлечат сè додека, како што велат, јавноста се уверува со податоци и мерења „што ги прави самата фабрика“.„Стоп за Усје“ нагласува дека протестот е граѓански и дека нема да се дозволи партиска промоција, партиски симболи или политичка злоупотреба, повикувајќи маршот да помине мирно, без насилство и говор на омраза.Наспроти овие обвинувања, од ТИТАН Усје реагираат дека нападите кон компанијата се неаргументирани и тенденциозни и дека не придонесуваат за решавање на проблемот со амбиенталниот воздух. Од компанијата тврдат дека целосно ја разбираат загриженоста на граѓаните, но дека фактите покажуваат оти цементарницата не е причина за загадувањето во Скопје.Според нивното соопштение, дури и во периодот кога двете печки не работеле поради редовен ремонт, концентрациите на ПМ10 честичките достигнувале високи вредности, што, како што наведуваат, укажува дека изворите на загадување треба да се бараат и во други сектори – загревањето на домовите, сообраќајот, градежните активности и горењето на отворено. Од ТИТАН Усје додаваат дека како носител на А-интегрирана дозвола се под континуиран 24-часовен независен мониторинг на емисиите, дека мерните уреди се поставени од германската компанија SICK и дека резултатите од мерењата се јавно достапни.Компанијата наведува и дека во изминатите шест години инвестирала над 36 милиони евра, од кои значителен дел биле наменети за унапредување на заштитата на животната средина, додавајќи дека не ги надминува граничните вредности утврдени со дозволите и дека тие се построги од законските стандарди.И покрај спротивставените ставови, денешниот протестен марш повторно го става прашањето за загадувањето и одговорноста на институциите и индустријата во фокусот на јавноста, при што граѓаните бараат транспарентност, доверливи податоци и системски решенија за подобрување на квалитетот на воздухот во Скопје.

Скопје | пред 2 седмици

2 нед.

eZy-Watermark_01-10-2023_05-24-59-1880PM

Минусни температури на планините, денеска слаб дожд и снег

УХМР информира дека утрово најниската измерена температура изнесуваше минус 5 степени на Попова Шапка, минус 2 во Битола, Берово и Маврови Анови, минус 1 во Прилеп, Крушево и Претор, додека нула степени се измерени во Скопје-Петровец, Охрид, Штип, Велес и Крива Паланка. Во Скопје на Зајчев Рид утринската температура беше еден степен, во Тетово и Кавадарци исто така еден, во Струмица, Демир Капија и Виница два, а најтопло утрово беше во Гевгелија со четири степени.Во изминатите 24 часа најмногу воден талог наврна во Виница и на Пожар со по два литра на метар квадратен, додека еден литар е измерен во Охрид, Велес и Штип.Снежната покривка е присутна единствено на Попова Шапка, каде што до 7 часот утрово се измерени 36 сантиметри снег.Времето денеска ќе биде променливо облачно со сончеви периоди. Наместа ќе има услови за повремен слаб дожд, а на планините за слаб снег. Ќе дува слаб до умерен ветер од променлив правец, а максималната дневна температура ќе се движи меѓу 7 и 13 степени.Во Скопје времето ќе биде променливо облачно со сончеви периоди, а дневната температура ќе достигне до 10 степени.

Македонија | пред 2 седмици

2 нед.

ВМРО-ДПМНЕ: ССМ одбива 40 отсто повисоки плати по партиска директива

ВМРО-ДПМНЕ ја обвини Сојуз на синдикатите на Македонија дека, наместо да ги застапува интересите на работниците, дејствува по партиски директиви на СДСМ и Левица, одбивајќи, како што наведуваат, историско зголемување на платите во јавниот сектор.Од владејачката партија тврдат дека раководството на ССМ, предводено од Слободан Трендафилов, Трпе Деаноски и Иван Пешевски, го одбило предлогот на Владата за зголемување на платите за 40 отсто, односно за повеќе од 10.000 денари до 2028 година, и тоа не поради интересите на работниците, туку поради одбивање да се потпише нов колективен договор.Според ВМРО-ДПМНЕ, предложениот договор предвидува раст на платите согласно Законот за минимална плата, дополнет со уште осум проценти годишно, со што вкупното зголемување би достигнало најмалку 40 проценти во наредните три години.„ССМ бара зголемување од 6.000 денари, добива над 10.000 и го одбива. Бара минимална плата од 600 евра, ја добива и повторно ја одбива“, се наведува во реакцијата, при што од партијата оценуваат дека ваквото однесување е резултат на политичка сервилност, а не на синдикална принципиелност.Од ВМРО-ДПМНЕ дополнително тврдат дека новиот колективен договор би овозможил минималната плата на административните службеници да достигне 600 евра во рок од две години, додека, како што наведуваат, дел од синдикалните лидери примаат месечни плати повисоки од 80.000 денари, како и дополнителни надоместоци кои, според нив, во една година надминале еден милион денари.Во соопштението се упатува повик до раководството на ССМ да престане, како што се наведува, со политичко дејствување и да го прифати предлогот на Владата за постепено зголемување на платите и за обезбедување минимална плата од 600 евра за административните службеници до 2028 година.

Македонија | пред 2 седмици

2 нед.

СДСМ: Пари има за тендери, но нема за 600 евра минимална плата

СДСМ го поднесе Законот за зголемување на минималната плата на 600 евра, оценувајќи дека тоа е реална и неопходна мерка за заштита на животниот стандард на работниците, во согласност со јасните барања на синдикатите и актуелните економски услови во државата.Од партијата посочуваат дека законот е директен одговор на драматичното влошување на животниот стандард во изминатата година и пол, период во кој инфлацијата, растот на цените на храната, струјата, греењето и основните услуги сериозно ја намалиле куповната моќ, особено кај граѓаните кои живеат од минимална плата.Според СДСМ, за илјадници семејства минималната плата претставува единствен или доминантен извор на приходи, поради што државата има обврска да обезбеди средства за нејзино зголемување на 600 евра.„Не може да има пари за криминални тендери, а да се тврди дека нема средства за работниците“, реагираат од СДСМ, наведувајќи низа примери за јавни набавки и договори кои, според нив, отвораат сериозни сомнежи за злоупотреби.Во соопштението се наведува дека граѓаните секојдневно слушаат за стотици тендери доделени на поединечни фирми, милионски суми за компании со минимален број вработени, како и за договори склучени со фирми блиски до владејачката коалиција ВМРО-ДПМНЕ – ЗНАМ.„Ова е изборот на власта – тендер-шеми наместо работници“, велат од СДСМ, додавајќи дека младите масовно ја напуштаат државата, додека Владата паралелно увезува странска работна сила под изговор на недостиг од кадар.Законот за зголемување на минималната плата веќе е поднесен во Собранието, а од СДСМ порачуваат дека сега јасно ќе се види кој политички субјект застанува зад 600 евра минимална плата за работниците, а кој, како што наведуваат, ги брани криминалните тендери.

Македонија | пред 2 седмици

2 нед.

САД одобрија продажба на оружје за Израел вредна 6,7 милијарди долари

Американската влада одобри продажба на оружје за Израел во вредност од речиси 6,7 милијарди долари, соопшти американската Агенција за одбранбена безбедносна соработка (DSCA). Пакетот опфаќа борбени хеликоптери, оклопни возила и придружна воена опрема, со што се зајакнува долгогодишната воена соработка меѓу двете земји.Според официјалните податоци, договорот вклучува набавка на 30 борбени хеликоптери „Апачи“ со придружна опрема, во вредност од нешто помалку од 3,8 милијарди долари. Дополнително, Израел ќе купи 3.250 лесни тактички возила „Joint Light Tactical Vehicle“ за околу 1,98 милијарди долари, опрема за оклопни транспортери вредна приближно 740 милиони долари, како и лесни повеќенаменски хеликоптери во износ од околу 150 милиони долари.Соединетите Американски Држави се најголем воен сојузник на Израел и главен снабдувач со оружје, а оваа одлука дополнително ја потврдува таа стратешка врска.Покрај Израел, Стејт департментот одобри и продажба на оружје за Саудиска Арабија, која ќе набави 730 ракети за противвоздушниот одбранбен систем „Патриот“ и придружна опрема, во вкупна вредност од околу девет милијарди долари. Американскиот Конгрес веќе е официјално известен за овие договори.Одлуките за продажба на оружје доаѓаат во период на зголемени тензии на Блискиот Исток. Американскиот претседател Доналд Трамп во изминатите недели неколкупати упати остри предупредувања кон Иран, вклучително и закани со воени акции, паралелно со зголемување на американското воено присуство во регионот.Овие потези се оценуваат како дел од пошироката стратегија на Вашингтон за зајакнување на своите сојузници и одржување на безбедносната рамнотежа во нестабилниот регион.

Свет | пред 2 седмици

2 нед.

МФМ ги прогласи најдобрите за 2025 година: Петар со најдобар остварен успех!

Во присуство на претседателот на Мотоциклистичката федерација на Македонија, Зоран Трајковски, членовите на Управниот одбор и кремот на спортската јавност, вчеравечер (петок, 30ти јануари) хотелот „Александар Палас“ беше домаќин на вечер посветена на брзината и успехот. Но, иако настанот ги собра сите пријатели на мотоциклизмот, во центарот на вниманието беше само едно име - нашиот европски шампион Петар Мијалков.На свеченоста, на Мијалков му беше врачена престижната Награда за најдобар остварен успех, признание кое доаѓа по серијата историски резултати со кои тој го придвижи македонскиот мотоспорт за неколку скалила напред. Неговата доминација на патеките и професионализмот го етаблираа како лидер кој поставува нови граници.„Оваа награда не е само моја, таа е на целиот мој тим, на моето семејство и на сите вас кои верувате во мене кога сум на патеката. Свесен сум дека погледите на јавноста се насочени кон мене и дека очекувањата за новата сезона се големи. Ветувам дека ќе го дадам последниот атом од мојата енергија за да ги оправдам тие очекувања и повторно да го веам македонското знаме на највисокиот подиум“, изјави Петар Мијалков.Додека подготовките за новата сезона веќе започнуваат, тежината на очекувањата е јасно насочена кон него. Во спортските кругови веќе не се поставува прашањето дали Македонија ќе има успех, туку со каков нов рекорд ќе не изненади Мијалков.За Мијалков нема одмор - тој веќе навлегува во фаза на интензивни подготовки. Со оглед на досегашниот напредок, јасно е дека целата македонска јавност со нетрпение го очекува неговиот прв настап во новата сезона, каде тој повторно ќе биде главниот фаворит за највисокото место на подиумот. Предизвиците се големи, но очите на нацијата се вперени во човекот кој не знае за пораз.

Спорт | пред 2 седмици

2 нед.

Прoменливо облачно со слаб повремен локален дожд

Денес времето ќе биде прoменливо облачно со слаб повремен локален дожд, а на планините и наповисоките места од слаб снег. Ќе дува слаб до умерен ветер од променлив правец.Минималната температура ќе биде во интервал од 0 до 6, а максималната ќе достигне од 7 до 11 степени.Во Скопје, променливо облачно со повремен слаб дожд. Минималната температура ќе се спушти до 5, а максималната ќе достигне до 10 степени.Продолжува периодот на променливо облачно време со повремени врнежи од дожд, а на планините од снег. Пообилни врнежи ќе има во недела кога ќе преминуваат во снег и во некои од пониските места.

Македонија | пред 2 седмици

2 нед.

Како Гренланд го доби своето име?

Гренланд во последните недели повторно е во фокусот на светската политика поради американските претензии кон оваа автономна територија во состав на Кралството Данска.Сепак, зад геополитичките наслови се крие прашање што многумина деновиве си го поставуваат: како е можно остров кој е претежно бел и под мраз да се нарекува Гренланд, односно „зелена земја“?Одговорот е стар повеќе од илјада години и е поврзан со своевиден маркетинг, но и со фактот дека Гренланд не е насекаде ледена пустина.Ледениот покривач навистина доминира на островот – гренландската ледена покривка зафаќа околу 80 отсто од неговата површина.Меѓутоа, долж крајбрежјето, особено на југозапад, во летните месеци се појавуваат зелени површини од тундра, трева и ниска вегетација, додека во фјордите можат да се забележат пасишта и населби.Токму тие зелени појаси биле најпогодни за живот, лов и скромно земјоделство, па впечатокот за „зелена земја“ бил реален барем во еден дел од годината.Според преданието, името го смислил Ерик Црвени кога во 10 век од Исланд тргнал да населува нова земја. Наводно ја нарекол Grønland верувајќи дека луѓето полесно ќе се одлучат на преселба ако местото има „привлечно“ име.Со други зборови, „зелената земја“ била своевидна покана и вешт контраст со ледениот Исланд, кој во реалноста често е позелен отколку што неговото име сугерира.Зошто називот се задржал? Нордиското име влегло во европските карти и администрација, а денешната данска варијанта само ја продолжила таа традиција. Во исто време, Гренланѓаните својот дом на јазикот калалисут го нарекуваат Kalaallit Nunaat, што во превод значи „Земја на луѓето“.Овој назив потсетува дека островот не е само мраз, туку и заедници што живеат таму.Иронијата на името денес е уште поинтересна, бидејќи поради повлекувањето на мразот во одредени подрачја се бележи ширење на вегетацијата – што значи дека Гренланд навистина, барем делумно, станува сè позелен.

Магазин | пред 2 седмици

2 нед.

Николоски: На состанокот во вторник со Европската Унија ќе понудам најдобри можни решенија што ќе ги договориме заедно со транспортерите

Истрајноста и единственоста на превозниците од Македонија и од целиот регион, беше клучна за Европската Унија да реагира и да донесе документ со кој превозниците ќе бидат квалификувани како “професионалци”. Тоа е она што го баравме и тоа е она што го бараа превозниците. Закажан е состанок во вторник на кој ќе се дефирнираат сите прашања и јас во координација со транспортерите ќе понудам најдобри решенија, истакна во вечерашното интервју за ТВ Сител, заменик претседателот на Владата и министер за транспорт, Александар Николоски.“Европската Унија ја забрза целата процедура, тие планираа да го носат овој документ многу подоцна. Станува збор за документ од 19 страници, кој што целосно ги опфаќа новите правила на Шенген зоната и таму има еден клучен збор, каде што возачите на камиони се прифаќаат како професионалци” што е прв пат ЕУ на тој начин да го реши проблемот и кој беше суштиниски. Беа понудени три решенија и ова беше едно од решенијата” - истакна Николоски.Вицепремиерот потенцираше дека на состанок ќе се дефинираат сите прашања за да се излезе од оваа ситуација.“Овој состанок не се закажуваше речиси години дена, па се закажа за 6. февруари, а сега се помести за вторник, што мислам дека симболички многу значи. Сакам да им честитам на сите оние храбри луѓе кои што излегоа на протестите и покажаа дека проблемот е доста сериозен. Да им честитам на одлучноста и храброста. Ја имав честа да ги посетам на протестите и да ги подржам. Тоа што беа единствени и истрајни и не успеа никој да ги скрши, не коментирам одредени други држави од регионот каде други премиери и минстри се обидуваа да ги скршат. Ние да дадовме подршка, јас, премиерот и тоа доведе до ваков потег на Европската Унија”- рече Николоски.Тој потенцриа дека сите решенија и ставот на Владата ќе се креира заедно со транспортерите“Ние сме во целосна координација со превозниците, се договоривме по состанокот во Брисел, заеднички да седнеме и да ги разгледаме предлозите кои што ќе дојдат од таму и мојот одговор ќе го работам заедно со нив, затоа што сакам да понудам најдобри можни решенија кои ќе одговараат на нашите транспортери. Тие се едни од основните двигатели на македонската економија и цели градови во Македонија живеат од овој сектор”- додаде тој.Во однос на временската рамка, колку ќе траат овие разговори со ЕУ и кога најрано може да се очекува конечно решение, Николоски рече дека до ова лето би требало да се најде решение како нормално би можел да функционира транспортот.

Македонија | пред 2 седмици

2 нед.

Кедев го напушти Советот на Алиу поради застој во откривање дали имало непотребни операции на срце заради профит

Кардиологот и академик, Сашко Кедев, се повлекол од „здравствениот совет“ кој го формираше министерот за здравство Азир Алиу, за да се открие кој во Македонија оперира срце само за пари и без медицинска потреба.ТВ Канал 5, повикувајќи се на извори во Министерството за здравство, објави дека причина за овој потег на Кедев е застојот што се случил во започнатите контролни процеси околу скандалот што го откри токму Кедев дека приватни болници во Македонија правеле тешки и скапи операции на срце кај пациенти на кои таквите зафати воопшто не им биле потребни.За скандалот требаше да почне со работа и комисија составена од странски експерти, но Кедев и дел од комисијата се незадоволни од постапката.Членови од комисијата, која ја формираше министерот за здравство реагираат дека во контролните процеси не се вклучени компетентни кадри со докажан стручен и професионален кредибилитет а избрани биле доктори интернисти и доктори од судка медицина. Не се знае кога и дали воопшто ќе почне со работа комисијата со странски експерти за разрешување на овој скандал кој ја шокираше јавноста.Минатата година, Сашко Кедев во интервју обелодени дека кај пациенти кои биле на контрола било увидено дека не им била потребна тешка интервнција во приватна болница за што била потрешно голема сума на пари од Фондот за здравство. Ова било правено само за профит.Министерот формираше која почна да ги истражува наодите на Кедев.Истрагата се прошири и на државното и на приватното здравство, иако наводите на Кедев се однесуваа само на приватното. Првичните наоди беа дека од 25 кардиохируршки интервенции 10 се непотребни или со непотребно упатување.Министерот за здравство се иште не ја потврди причината за повлекувањето на кардиологот Кедев.

Македонија | пред 2 седмици

2 нед.

Сообраќајка во Визбегово, автомобил удри малолетник, итно пренесен на клиника

Денеска (30.01.2026) во 17:03 часот во СВР Скопје е пријавено дека на крстосница на бул."Словенија" со ул."Ј.Магистрала" се настанала сообраќајна незгода помеѓу патничко возило "опел" со скопски регистарски ознаки управувано од Ф.Ч.(44) од Скопје и пешак малолетник од Скопје.Малолетникот со возило на итна медицинска помош е пренесен во Ургентен центар "Мајка Тереза" каде му се констатирани тешки телесни повреди, по што е задржан на Детска хирургија. Се преземаат мерки за утврдување на причините за сообраќајната незгода и за расчистување на случајот.

Скопје | пред 2 седмици

2 нед.

Зејн Малик реагира за цени на билетите на турнејата на Хари Стајлс

Долгогодишните гласини за нарушени односи меѓу Зејн Малик и неговите поранешни колеги од One Direction повторно се актуелизираа. Овојпат во центарот на вниманието се најде Хари Стајлс, и тоа поради најавата за неговата нова светска турнеја и цените на билетите, кои предизвикаа бурни реакции меѓу обожавателите.Стајлс на крајот на јануари на Instagram најави голема турнеја и нов албум, а кратко потоа започна продажбата на билети за концертите, вклучувајќи рекордни 12 настапи во Лондон. Цените се движеле од 50 евра до над 450 евра за седење, додека билетите за стоење чинеле од 166 до 322 евра, а VIP пакети достигнувале и над 800 евра.Токму на тие цени Малик за време на својот настап во Лас Вегас суптилно реагираше со порака дека се надева „дека билетите не биле прескапи“, што многумина го протолкуваа како директна намера кон Стајлс.Во меѓувреме, обожавателите масовно изразуваа незадоволство, а некои ги опишаа цените како „безчувствителни“ и „експлоататорски“, истакнувајќи дека едноставно не можат да си ги дозволат.Критиките продолжија и откако Стајлс најави дека ќе донира по едно евро од секоја продадена карта во фонд за помош на млади музичари и помали концертни простори, што некои го оценија како недоволно во однос на високите цени на билетите.Стајлс засега не се огласил за коментарите на Малик, но нивниот однос со години привлекува внимание на јавноста. По заминувањето на Малик од One Direction во 2015 година, односите меѓу членовите на групата наводно биле напнати, со повремени јавни прозивки. Сепак, заедничкото појавување на погребот на Лијам Пејн во 2024 година сугерира дека барем делумно ги закопале војничките секири.

Магазин | пред 2 седмици

2 нед.

Почина Кетрин O'Хара, мајката на Кевин од филмот „Сам дома“

Легендарната актерка Кетрин О’Хара почина на 72-годишна возраст, потврдија извори блиски до нејзиното семејство. Веста за нејзината смрт брзо одекна во светската јавност, додека причината сè уште не е официјално соопштена.О’Хара зад себе остави богата и повеќедецениска кариера во филмот и телевизијата. Најпозната е по улогата на мајката на Кевин Мекалистер во првите два дела од култниот филм „Сам дома“, а нова генерација гледачи ја засака преку улогата на ексцентричната Моира Роуз во серијата „Шитс Крик“, во која настапуваше во сите сезони.Во текот на кариерата оствари значајни улоги и во бројни филмски проекти, меѓу кои сатиричните остварувања „Најдобар на изложбата“ и „Моќен ветер“, како и во филмовите од франшизата „Битлџус“, вклучувајќи го оригиналниот филм и неговото продолжение.Нејзиното последно телевизиско појавување беше во серијата „Студио“, прикажувана на платформата Apple TV+, каде што глумеше заедно со Сет Роген, а за улогата беше номинирана за престижната награда Еми.Кетрин О’Хара освои повеќе значајни признанија во текот на кариерата, меѓу кои и Еми награда за улогата во „Шитс Крик“ во 2020 година, додека своето прво Еми признание го доби уште во раните осумдесетти години за сценарио во комичната емисија „Си-Ти-Ви“.Родена е во Торонто и израснала во големо семејство како шесто од седум деца. Со својот животен партнер, сценографот Бо Велч, се запознала кон крајот на осумдесеттите години за време на работата на филмот „Битлџус“. Во брак беа од 1992 година и имаат два сина.О’Хара последен пат беше видена во јавноста на почетокот на 2024 година, кога кратко зборуваше за улогата по која би сакала да остане запаметена, не насетувајќи дека тоа ќе биде едно од нејзините последни појавувања пред камерите.

Свет | пред 2 седмици

2 нед.

Почина Тихомир Јанчовски – поетот што остави трага во македонската книжевност и култура

Поетот, писател, преведувач, професор и културен дејец Тихомир Јанчовски почина денеска во Скопје, на 58-годишна возраст. Веста за неговата смрт ја соопштија семејството и Друштвото на писателите на Македонија, кои изразија длабока тага за прераното заминување на еден од најавтентичните современи македонски автори.Јанчовски зад себе остави исклучително богато и разнолико творештво. Автор е на повеќе од триесет книги – поезија, поетски романи, преводи, како и значајното историографско дело „Историја на православното монаштво на територијата на денешна Република Македонија“, објавено во 2010 година. Само неколку дена пред неговата смрт, на 23 јануари, на својот профил на социјалните мрежи информираше дека е објавена книгата „60 икони на Мајката Божја“ од Аријан де Сен-Марк, во која тој се јавува како уредник и преведувач, најавувајќи и претстојна промоција.Во 2024 година Јанчовски одбележа 25 години книжевно творештво, а истата година, заедно со Бранислав Николов, го реализираше поетскиот перформанс „Волкот на љубовта“. Неговата поезија е застапена во бројни домашни и странски антологии и литературни списанија, а четири од неговите книги се целосно преведени. Делата на Јанчовски се преведувани на англиски, француски, словачки, хрватски, албански, босански, грчки, германски, српски, полски, грузиски, персиски и италијански јазик.Покрај книжевната работа, Јанчовски беше и посветен педагог. Од Друштвото на писателите на Македонија посочија дека тој ќе остане запаметен како еден од најомилените наставници на повеќе генерации ученици, кои ги образувал во гимназијата „Орце Николов“, во меѓународното училиште „Нова“ и во Американската гимназија во Скопје, оставајќи силен личен и интелектуален печат.Тихомир Јанчовски е роден во Скопје во 1967 година. Дипломирал на Катедрата за општа и компаративна книжевност на Универзитетот „Св. Кирил и Методиј“ во 1991 година. Специјализирал средновековни студии на Централноевропскиот универзитет во Будимпешта, а магистрирал современа историја на УКИМ во 2010 година.

Македонија | пред 2 седмици

2 нед.

Кина директно го поттикнува најсмртоносното оружје на Путин

Кина испраќа клучна технолошка опрема што ѝ помага на Русија во развојот и производството на хиперсонични ракети со нуклеарни способности, оружје кое може да погоди цели во Европа за помалку од 20 минути. Станува збор за специјализирани CNC машини и други компоненти неопходни за изработка на боеви глави и прецизно наведувано оружје.Според „Телеграф“, Русија неодамна го употребила проектилот „Орешник“, кој достигнува брзина од околу 12.875 километри на час и може да носи шест боеви глави со различни цели. Украинските власти и безбедносни аналитичари предупредуваат дека станува збор за сериозна закана за Западот, додека Москва тврди дека ракетата е невозможно да се собори.Клучна улога во зголемувањето на производството има кинеска карусел-струг машина, идентификувана во руската фабрика во Воткинск, главен погон за производство на ракети, кој е под западни санкции. Таму, покрај „Орешник“, се произведуваат и „Искандер-М“ и интерконтиненталните ракети „Топол-М“.Анализите покажуваат дека Кина ѝ испорачала на Русија технологија и опрема во вредност од околу 10,3 милијарди долари, вклучувајќи микрочипови, мемориски плочки, куглични лежишта и компоненти за радари и електронско војување. Дел од овие производи се на списокот на високоприоритетни стоки чиј извоз во Русија е забранет од повеќе западни земји, но Кина не ги прифати тие санкции.Експертите оценуваат дека без пристап до кинеската технологија и пазар, Русија би имала сериозни тешкотии да го одржи темпото на военото производство и модернизацијата на одбранбената индустрија. Пекинг, пак, ги отфрла обвинувањата, наведувајќи дека не придонесува за ескалација на војната и не профитира од конфликтот во Украина.

Свет | пред 2 седмици

2 нед.

Николоски: Деталите за престој на превозниците во ЕУ по средбата во Брисел ќе ги прецизирам заедно нив

Александар Николоски, потпретседател на ВМРО-ДПМНЕ, во своето гостување во Тема на денот на телевизија Сител, се осврна на темата за блокадите од страна на транспортерите кои беа актуелни изминативе денови, за што истакна дека е задоволен од тоа што ЕУ ја забрза постапката и го објави документот порано од планираното. Тој додаде дека по состанокот во Брисел ќе следи заедничка средба за разгледување на предлозите, и целта е да се понудат најдобрите решенија за транспортерите, кои се клучен двигател на македонската економија.,,Се работи за документ од 19 страни, којшто целосно ги опфаќа новите правила на Шенген зоната и таму има еден клучен збор, баш во овој дел којшто го издвоив на мојата објава, каде што возачите на камиони односно транспортерите се прифаќаат како професионалци, со останатите категории коишто се наведени тука, како сппортисти уметнции итн, Што е првпат да ЕУ на тој начин го реши проблемот. Во суштина тоа беше и еден од начините да се излезе од проблемот, затоа што транспортерите кога ги почнаа протестите бараа да се почне дијалог со којшто ќе се реши проблемот, се понудија 3 решенија и ова е едно од трите решенија“, рече Николоски.Тој додаде дека во вторник ќе се одржи состанок кој, како што вели, една година не беше закажуван, а првично бил договорен за 6 февруари, но вчера терминот бил поместен за во вторник.,,Сакам да им честитам на сите оние храбри луѓе кои што излегоа на протестите овие денови, кои што покажаа дека проблемот е навистина сериозен. Да честитам на одлучноста, на храброста, јас ја имав честа и да ги посетам и да ги поддржам. Излегов заедно со нив, и мислам дека покажаа дека навистина е голем проблемот и дека мора сериозно да му се пристапи, и тоа што беа единствени и истрајни никој не успеа да ги скрши, даде резултат“, вели Николоски.Тој истакна дека самиот дал целосна поддршка, но дадоа и премиерот, и Владата, со цел решавање на проблемот. Николоски истакна дека процесот се води во целосна координација со превозниците.,,Во целосна координација со превозниците. Денеска имав средба со претседателката и потпретседателката на најголемото здружение на превозници, на Макамтранс, се договоривме во вторник, по завршувањето на состанокот со Брисел, да повторно се сретнеме и да заеднички ги разгледаме предлозите кои што ќе дојдат од таму, и мојот одговор ќе го работам заедно со нив, односно во координација со нив“, истакна Николоски и додаде:,,Сакам да понудам најдобри можни решенија кои што ќе одговараат на нашите транспортери. Тие се едни од основните двигатели на македонската економија, цели градови во Македонија живеат од транспортот. Мора да даваме целосна поддршка на овој сектор“.

Македонија | пред 2 седмици

2 нед.

Полицијата пронајде пет тони марихуана во Крушевац

Полицијата во Србија вчера изврши рекордна заплена на пет тони марихуана во селото Коњух кај Крушевац, при што се уапсени три лица, меѓу кои и таткото и синот Раде (68) и Небојша (40) Спасојевиќ. Дрогата беше пронајдена во магацинот на компанијата „Флораком доо“, која се занимава со одгледување саден материјал и производство и откуп на кисели краставички.Според информациите, Раде Спасојевиќ е советник на владејачката Српска напредна партија (СНС), а неговата компанија била центар за складирање и дистрибуција на марихуаната на територијата на Белград. Јавното обвинителство за организиран криминал соопшти дека вредноста на дрогата на уличниот пазар се проценува на околу 50 милиони евра.Покрај марихуаната, полицијата пронашла и огнено оружје – најмалку четири автоматски пушки и еден пиштол – како и пари во износ од над 1.500.000 динари.Опозицискиот политичар Мирослав Алексиќ посочи дека, покрај тоа што е советник на СНС, Раде Спасојевиќ наводно е и близок соработник на министерката за одбрана Братислава Гашиќ.Ова претставува најголема полициска заплена на дрога во историјата на Србија и отвора сериозни прашања за врските меѓу политика и организиран криминал.

Свет | пред 2 седмици

2 нед.

Завршени блокадите на граничните премини, товарните возила повторно на терминалите

Управа за гранична полиција при Министерството за внатрешни работи на Србија соопшти дека денеска од 15 часот е укината блокадата на сообраќајот за товарни возила на граничните премини. Блокадата беше воведена на 26 јануари 2026 година, прво на излезните терминали за товарни возила, а потоа и на граничните премини на влезот во земјата.Од српското МВР истакнуваат дека се преземаат сите мерки за воспоставување редовен режим на сообраќај и забрзување на протокот на товарни возила на граничните премини, како на влез така и на излез од Србија.

Свет | пред 2 седмици

2 нед.

Зеленски тешко ја обвини Европа

Украинскиот претседател Володимир Зеленски ја критикуваше Европа дека ја оставила Украина на „цедило“ со протиракетната одбрана, што Русија го искористи за да нанесе сериозни оштетувања на енергетската инфраструктура и да ја доведе земјата „на работ на целосен мрак“. Зеленски посочи дека доставата на ракетите за системите Patriot доцнела поради пропуштена уплата во рамките на иницијативата PURL, оставајќи многу Украинци без струја, греење и вода среде најстудената зима од почетокот на војната.Иницијативата PURL ја водат САД и НАТО, а придонесуваат повеќе европски држави, но висок претставник на ЕУ за надворешна политика Каја Калас предупреди дека Европа мора да користи свои залихи за протиракетна одбрана за да ја поддржи Украина во кризата.Во меѓувреме, Кремљ потврди дека рускиот претседател Владимир Путин се согласил на привремено примирје до 1 февруари, по повикот на американскиот претседател Доналд Трамп за седумдневно прекинување на нападите врз Киев поради екстремниот студ.

Свет | пред 2 седмици