Најнови вести

1 мес.

Орце планира во јуни наредната година да сече лента за новиот Луна парк

Градоначалникот на Скопје најави дека новиот Луна парк во Градскиот парк во Скопје ќе биде отворен во јуни наредната година. Тој истакна дека паркот ќе претставува модерна и забавна дестинација за младите, која ќе биде гордост не само за Скопје, туку и за целата држава.„Луна паркот наредната година до јуни месец, мислам дека ќе биде погоден месец да сечеме лента да и конечно новата генерација млади граѓани не растат како ние во минатото да немаме можност да посетиме Луна парк туку една нова приказна на градскиот парк да дадеме со тој нов Луна парк. мене ми е жал што ете неколкумина не ја препознаваат потребата да имаме вакво нешто во градскиот парк, па негодуваат изминатиов период, но тоа се поединци кои не се согласуваат да има Луна парк. Таму ќе има Луна парк тоа ќе биде нешто со кое ќе се гордее не само градот, туку и државата, тоа ќе биде еден најубав забавен парк во целиот регион, не само во Македонија“, вели Ѓорѓиевски.

Скопје | пред 1 месец

1 мес.

Приведен неготинец осуден на четири ипол години казна затвор за „криумчарење мигранти“

На 23.02.2026 во 13:35 часот на улицата „Маркс Енгелс“ во Струга, полициски службеници од ОВР Струга го приведоа С.Д.(33) од Неготино. Приведувањето е извршено врз основа на судска наредба од Основен суд Неготино за доиздржување на затворска казна во траење од четири години и шест месеци за сторено кривично дело „криумчарење мигранти“.Лицето е спроведено во Казнено - поправната установа Затвор Идризово во Скопје за доиздржување на казната.

Македонија | пред 1 месец

1 мес.

Ѓорѓиевски најавува строги контроли за намалување на загадувањето на воздухот во Скопје

Градоначалникот на Скопје, Орце Ѓорѓиевски, најави засилени контроли и конкретни мерки за намалување на загадувањето на воздухот во главниот град. Тој истакна дека, иако не е директно надлежност на градот, ќе соработува со Министерството за животна средина за спроведување строги контроли врз индустриските и потенцијално загадувачки објекти, со цел заштита на амбиенталниот воздух и јавното здравје.„Чекорите наши се во насока да има строги контроли. На долг рок, ние мораме да работиме кон тоа да сите потенцијални загадувачи, цела потешка индустрија на некој начин, ние да ја отстраниме од Централното градско подрачје.Знам дека тоа е приватна сопственост, знам дека имаат и од другите страни аргументи, не е само, УСЈЕ единствен којшто би требало да се споменува на ова тема, има уште неколку такви во градот Скопје, но многу е важно што сега, за разлика од минатото, не се молчи. Јас како градоначалник дадов поддршка на таа иницијатива и не престанав да давам поддршка и понатаму, и ќе давам до крајот на мојот мандат, но не само да давам декларативна поддршка, туку и ќе се борам во целиот процес.Она што е освен контроли, а треба да биде јасна регулатива, е да си најдат алтернативен начин на загревање таму и алтернативен начин на производство. Затоа што и она што го посочуваат граѓаните како проблем, а тоа е сите оние работи кои излегуваат во јавност и коишто се согоруваат дел од нив таму, е сериозен проблем и треба да стане минато. Зборам ако треба ние да се грижиме за животната средина и тие декларативно не го прават тоа, декларативно се грижат со садење на дрвца по општините, тогаш треба барем системот на загревање и преработка на материјали таму да се сведе на еколошки горива.И тоа е нешто од коешто не отстапуваме, драго ми е што повторно ќе кажам, и владата е на иста линија, и со мене, со градот Скопје, со советниците, но и со граѓаните, и тука по нас на тоа прашање ќе правиме сериозен притисок, институционален, нормално во рамките на законот. Сето она што би значело отпор поврзан со тоа прашање, би значело и друг пристап кон вршење на активностите таму, и тоа е прашање на коешто понатаму нема да се повлечеме ни јас, како градоначалник на градот Скопје, ниту советот на градот Скопје, ниту па кој било од службите на Министерството за животна средина“, вели Ѓорѓиевски.

Скопје | пред 1 месец

1 мес.

Димитријевиќ: Правната држава е погребана

Правната држава е целосно погребана. Дилот меѓу ВМРО-ОКГ и ДУИ се реализира пред очите на јавноста. После театарот на граница, со договорено враќање и режирано снимање, каде го видовме како Груби доаѓа насмеан, со наочари, следуваше продолжение со куќен притвор, вели Алескандар Саша Димитријевиќ – генерален секретар на СДСМ.„Одредувањето куќен притвор за Груби е потврда дека сè е договорено.Затоа обвинителството и судството беа ставени под директна контрола на Мицкоски и ВМРО-ОКГ, за што СДСМ со месеци говори.Го сменија јавниот обвинител, избраа судии и обвинители под нивна контрола.Сопруга на екс градоначалник на ВМРО назначија за член на Судскиот совет, советник на Мицкоски во Уставниот суд, в.д. обвинителка избраа на поранешен заменик-министер на ВМРО.За в.д. претседателка на Кривичен ја назначија Даниела Димовска.Синоќа видовме зошто. За да бидат алка во рацете на власта, инструмент за реализација на политичките одлуки на Мицкоски и ВМРО-ОКГ.Како одлуката за куќен притвор, каде одговорноста е кај обвинителството и судството.Иако еднаш избегал, вчера обвинителството побарало поблага мерка од претходно веќе одредената мерка притвор.Замислете, еднаш избегал, а сега Обвинителството бара замена на мерката притвор со мерка куќен притвор.Кој е предметен обвинител за овој случај? Даниел Коцев. А негов шеф? Обвинителот Анел Фидоски.Тој беше избран на оваа функција на 20 јануари 2026 година како одговорен на најголемото обвинителство во државата, значи пред 1 месец.На кого веќе ова сценарио не му е јасно? Два месеци говориме за ова.Очигледно доаѓањето на Груби временски било темпирано.Прво преземање целосна контрола врз обвинителството со нова раководна поставеност, па потоа реализација на дилот меѓу ВМРО и ДУИ.Дополнително, видовме дека и целиот затворски систем е капитулиран пред политичките договори.„Не можело да му се гарантира безбедност“, па го пуштија дома.Ниту еден час не помина во Шутка.Нема ниту една камера за 5 тони дрога, а има камери за Груби на граница.Камерите „случајно“ не работеа ниту кога Груби излезе од државата, слободно, пешки, со пасош, иако бил на „стоп“ листата. Ама за враќањето на Груби камери има – од граница, од пречек, доОбвинителството и Судот.И веднаш медиумите под контрола на Орбан, спремни, во иста минута сите со кампања. Целосно режирано, само овој пат лоша реализација.Како Катица што ја пуштија 3 години порано за да им помага како елемент во кампањата за враќање на Груевски.Цела банда ја собираат.Главниот и одговорен уредник за жолт печат, Христијан Мицкоски, сега е уредник на циркус со кој се погребува правото и правната држава.Сè е јасно, сè е договорено, смислено сценарио. Дил. Само уште да видиме што ќе добие ДУИ за возврат од ВМРО-ОКГ.Можеби им поминуваше со години, но повеќе не – граѓаните не се наивни ниту слепи.Граѓаните конечно гледаат сè и знаат.Одговорност ќе има“, додава тој.

Македонија | пред 1 месец

1 мес.

75-годишен маж пронајден мртов во Охрид, телото предадено на обдукција

На 23.02.2026 во 13:51 часот во СВР Охрид е пријавено дека во помошна просторија од куќа на улица „Јане Сандански“ во Охрид бил пронајден починат И.А.(75) од Охрид.Смрт без траги на насилство, констатирал лекар од Итната медицинска помош во Охрид а увид на местото извршија полициски екипи и јавен обвинител по чија наредба, телото е предадено на обдукција.

Македонија | пред 1 месец

1 мес.

По 13 години пауза, продуктоводот Солун – Скопје подготвен за работа: завршени сите технички контроли

Министерката за енергетика, рударство и минерални суровини, Сања Божиновска, присуствуваше на завршната техничка контрола и верификација на мерниот систем на продуктоводот преку кој ќе се транспортира дизел гориво од Рафинеријата во Солун до Рафинеријата ОКТА во Скопје. Со успешно реализираната проверка се потврдени исправноста, прецизноста и целосната функционалност на системот, со што се исполнети сите технички и контролни предуслови за негово ставање во употреба. Со ова, продуктоводот повторно започнува со работа по 13 години прекин, претставувајќи значаен чекор кон зајакнување на сигурноста во снабдувањето со нафтени деривати и модернизација на енергетската инфраструктура.Проверката беше спроведена од страна на Бирото за метрологија, со учество на претставници од Чешкиот метролошки институт (CMI) и лабораторијата „Метрон“ од Солун, а во присуство и на преставници од царинската служба. Заедно со овластените и стручни лица од Бирото, тие ја проверуваа исправноста и метролошките карактеристики на системот, со цел да се потврди дека мерната опрема функционира прецизно, сигурно и согласно највисоките стандарди.Министерката Божиновска истакна дека техничката исправност и точноста на мерењето се клучни предуслови за безбедно и транспарентно функционирање на енергетската инфраструктура.„Ова е значаен чекор кон воспоставување сигурен и модерен систем за снабдување со деривати. Прецизното мерење, контролата и меѓународната верификација значат доверба, стабилност и долгорочна енергетска сигурност за државата“, нагласи Божиновска. Продуктоводот, пуштен во функција во 2002 година за пренос на сурова нафта, по 2013 година беше предмет на инвестиции за негова пренамена во инфраструктура за транспорт на дизел гориво. Станува збор за систем во должина од 213,5 километри. Инфраструктурата располага со 15 блок-вентил станици за подобрено управување и високо ниво на безбедност, складишни капацитети од 80.000 м³ во Грција и 30.000 м³ во Северна Македонија, како и современ SCADA систем за следење на притисок, температура и проток во реално време, што гарантира долгорочна сигурност и ефикасност.Министерството за енергетика, рударство и минерални суровини останува посветено на развој на модерна, сигурна и одржлива енергетска инфраструктура, како основа за стабилно снабдување и економски развој.

Македонија | пред 1 месец

1 мес.

„АНБ и МВР проценија дека Груби не е безбеден во притвор“, Обвинителството ја префрла „топката“

Јавното обвинителство како единствен и самостоен орган, при одлучувањето и предлагањето на мерките за обезбедување во сите случаи се води исклучиво од законските основи.„Во однос на реакциите на јавноста во врска определената мерка за обезбедување – куќен притвор за еден од осомничените во предметот „Државна лотарија“, обвинителството нагласува дека, согласно Законот за кривична постапка, мерката куќен притвор, особено кога се реализира со 24-часовен надзор, е исто така притворска мерка, која не се издржува во затворски услови само затоа што постојат специфични услови за тоа.Таквите услови во конкретниот случај беа исполнети, бидејќи по проценка на надлежните органи – МВР и АНБ постојат сериозни информации дека во притворското одделение не може да се гарантира личната безбедност на овој осомничен. Деталите во однос на ваквите загрозувања беа презентирани пред судијата на претходна постапка.За обвинителството од исклучителна важност е што овој осомничен е обезбеден и за него продолжува кривичниот прогон за сомненијата за сторено кривично дело – Проневера во службата од член 354 од Кривичниот законик. За него беше спроведена финансиска истрага и се обезбедени најголемиот дел од потребните докази, во кои одбраната веќе врши увид.Надлежните јавни обвинители во предметот постапуваат одговорно и во согласност со законските надлежности. Јавното обвинителство го разбира интересот на јавноста за овој предмет, но апелира за воздржаност на коментарите во однос на легитимно донесените јавнообвинителски одлуки за да се овозможи ефикасна и правична постапка“, велат од Обвинителството

Македонија | пред 1 месец

1 мес.

Ѓорѓиевски најавува промена на возниот ред на ЈСП

Градоначалникот на Скопје Орце Ѓорѓиевски во гостувањето на Сител изјави дека во периодот којшто следи неопходно е да се спроведе промена на возниот ред на ЈСП„Повеќе децении возниот ред во Скопје не е променат. При тоа, во моментите кога е правен во минатото, не се предвидени некои нови населби коишто во меѓувреме се прошириле или пак никнале на територија на градот Скопје, некаде каде што имало засилени потреби од автобуси, веќе е намалена потребата од автобуси, што значи дека тоа ќе биде еден процес којшто ќе го водиме во наредниот период, но не сакам јас тоа да биде процес којшто ќе го направиме преку ноќ, брзоплето, и повторно да имаме пропусти во системот. Затоа, кога велам дека тоа ќе го правиме прецизно, подразбира, и да ги вклучиме максимално и граѓаните со своите забелешки“, изјави Ѓорѓиевски.

Скопје | пред 1 месец

1 мес.

Апасиев за случајот со Груби: „Сам се пријавил, ама од бегство“

Пратеникот и лидер на Левица, Димитар Апасиев, со саркастична реакција го коментираше образложението во случајот со Артан Груби.„‘Сам се пријавил, ама од бегство’ е најновиот правен изум, нечуен и невиден досега уште од Римското право, а успешно измислен вчера од страна на предметниот обвинител и судија во случајот со Артан Груби“, напиша Апасиев.Тој во објавата ги повика, како што наведе, „колегите професори по кривично право“ веднаш да го патентираат и да го објават во научен труд со импакт-фактор, алудирајќи дека таков труд би им бил потребен „за реизбор, по новите критериуми на министерката“.Реакцијата на Апасиев е дел од пошироката политичка дебата што се води околу мерките и постапувањето на обвинителството и судот во предметот поврзан со Груби.

Коментари | пред 1 месец

1 мес.

Се огласија од ДУИ, го бранат Груби и обвинуваат за „хистерија“ - бараат да се почитува невиноста додека не се докаже спротивното

Демократската унија за интеграција изразува крајно негодување од однесувањето на бројни политички партии, кои преку своите јавни настапи извршија длабока политизација на случајот со Артан Груби. Без разлика на политичките разлики, неприфатливо е правните процеси да се водат надвор од институционалната и правната рамка што е уставно загарантирано, велат од ДУИ.„Изминативе два дена сведочиме на тоа како политичките партии, нивни високи претставници и активисти, преку соопштенија и други јавни настапи, создаваат атмосфера на хистерија и линч преку однапред дефинирана пресуда. Тие целосно ја преземаат улогата на обвинители исудии, расфрлајќи се со мерки за претпазливост, јавно повикуваа на линч на претставниците на обвинителството и судот, без никакво елементарно почитување на принципот на пресумпција на невиност. Ова особено што тоа го прават и партии кои се дел од Власта, што упатува на директно мешање од страна на извршната врз судската власт.Веќе го реафирмираме нашиот став, дека секој поранешен или актуелен функционер, за кого постои сомневање при извршувањето на функцијата, треба да се соочи со институциите и постапките пред домашните органи. Токму затоа ја сметаме позитивна одлуката на Артан Груби да се пријави на правосудните органи, и преку институционалните форми да ги соочиаргументите на својата одбрана. Но тоа преставува логичен став само доколку во исто време државата гарантира фер, непристрасна и транспарентна процедура, ослободена од партиски влијанија и политички притисоци.Упатуваме јасен повик до судот, обвинителството и сите надлежни органи да не потпаѓаат под политички притисоци и да постапуваат исклучиво врз основа на закон и докази. Независноста на правосудниот систем е темел на владеењето на правото и уставна обврска, а не предмет на толкување од стана на јавноста, уште помалку од политичките партии. Оттука сакаме даповториме дека очекуваме процесот да се одвива со целосно почитување на пресумпцијата на невиност, процесните права и достоинството на секое лице вклучено во постапката.Демократската унија за интеграција ќе продолжи внимателно да ја следи целата постапка во сите нејзини фази и ќе реагира на секој обид за селективност, двојни стандарди или политичка инструментализација на правдата“, се вели во соопштението.

Македонија | пред 1 месец

1 мес.

Милошоски за Груби: Која било земја, каде и да престојувал, не верувам дека е расположена бесконечно да му овозможи гостопримство

Пратеникот и член на ИК на ВМРО-ДПМНЕ, Антонио Милошоски вели дека во Собранието немало никаква информација за предавањето на осомничениот бегалец Артан Груби од ДУИ, поранешен вицепремиер, осомничен за проневера на 8 милиони евра.„Веројатно во изминативе 12 или 14 месеци имал време да процени дека нема да има брзи политички промени на власта во Македонија. Тоа што ДУИ го очекуваше или го најавуваше после нивниот пораз на изборите. И тоа може да биде една и од мотивациите на Груби да не одолговлекува и да се пријави на органите на прогонот“, рече Милошоски во гостување на Алсат.Според него, овде станува збор не само за лице кое што е осомничено од македонското јавно обвинителство, туку се работи за функционер кој е на црната листа на САД.„Која било земја, каде и да престојувал, без да прејудицирам, не верувам дека е расположена бесконечно да му овозможи гостопримство. Дипломатскиот притисок од една или од друга страна може да биде скап за таа земја која што би била домаќин на еден ваков човек којшто е осомничен“, истакна Милошоски.Груби вчера се предаде на полицијата на косовско-македонската граница на граничнот премин Блаце.

Македонија | пред 1 месец

1 мес.

Во оваа држава само поштените лежат затвор, на Груби му се падна грепка со куќен притвор, вели Ќосето

Поранешниот осуденик за настаните од 27 април 2017 година, Горан Ангелов – Ќосето, реагираше на одлуката судот да му определи куќен притвор на поранешниот вицепремиер Артан Груби.Ангелов, кој помина осум години во затвор по пресудата за насилниот упад во Собранието и беше обвинет за кривичното дело „терористичко загрозување на уставниот поредок и безбедноста“, јавно ја критикуваше одлуката за домашен притвор.„Во оваа држава само поштените лежат затвор!“, напиша Ангелов во својата реакција.Тој додаде и: „Знаеш како викаат: ако законите важат за тебе во Македонија, значи не си успеал во животот“, како и „Среќа му се падна грепка со куќен притвор. Наместена лотарија“.Одлуката за куќен притвор на Груби предизвика низа реакции во јавноста, особено во контекст на споредбите со други случаи од висок профил и различните мерки што биле определувани во изминатите години.

Коментари | пред 1 месец

1 мес.

Противправна сеча и транспорт на дрва откриена во ЈП „Национални шуми“ - предизвикана штета од 780.000 денари

Надворешната канцеларија за криминалистички работи Пробиштип поднесе кривична пријава против Љ.М.(63) од Злетово и Д.И.(49) од с.Калниште поради постоење основи на сомнение за сторено продолжено кривично дело „несовесно работење во службата“, против Ј.К.(70) и Д.К.(61) поради постоење основи на сомнение за сторено кривично дело „употреба на исправа со невистинита содржина“ и против Б.М.(55) од Кочани поради постоење основи на сомнение за сторени продолжени кривични дела „поттикнување“ и „помагање“.На 04.02.2025, третопријавениот Ј.К. и четвртопријавениот Д.К., поттикнати од петтопријавениот Б.М., во Јавното претпријатие „Национални шуми” - Подрачно шумско стопанство „Осогово” - Кочани – РЕ Пробиштип поднеле барање за сеча на стебла на нивен имот во атар на с.Лезово, пробиштипско, и покрај тоа што нивните парцели се ниви и нема таков вид на дрва за сечење. Првопријавениот, по поднесените барања, излегол на местото, извршил увид и изготвил записник во кој внел лажни податоци дека постои дрвна маса-стебла на тополи за сеча, иако на парцелата немало какви било видови дрва. Откако бил платен надоместокот за издавање на одобрение за сеча, првопријавениот изготвил одобренија за сеча на дрвна маса, при што едното воопшто не го доставил на потпис на раководителот, а за да ја прикрие бесправноста усно го известил четвртопријавениот дека неговото барање за сеча е одбиено, кое всушност го изготвил и го одложил во досието на предметот.По ова, петтопријавениот организирал сечење тополи на парцела во државна сопственост. Додека, второпријавениот, во својство на службено лице во ЈП „Национални Шуми”-ПШС „Осогово” Кочани-РЕ Пробиштип, на 11.02.2025 изготвил приемница за сеча и приемница за дотур без да ја утврди фактичката состојба за исечената дрвна маса и дали истата маса потекнува од означените стебла, издал испратници со кои исечените стебла биле однесени на продажба во фирма во Kавадарци. На ист начин, постапил и со барањето на Д.К., за што го фалсификувал потписот на приемниците на четвртопријавениот, а потоа издал и лажна испратница за ситно техничко дрво орев, кое всушност претходно со камион, управуван од петтопријавениот Б.Д. бесправно било исечено и одвезено во фирма во охридско. Со ваквите дејствија било извршено сечење на вкупно 53.81 кубни метри дрвна маса, со што била причинета штета на државниот буџет за износ од 780.245 денари.

Македонија | пред 1 месец

1 мес.

Најчевска: Кој ќе се осмели на извршителот на мафијата нешто да му направи во затвор? Јасно ви е дека е направен дил?

Вчера судот одлучи Артан Груби да добие 30-дневен куќен притвор со 24-часовен надзор, по неговото приведување на граничниот премин Блаце. Професорката Мирјана Најчевска преку социјалните мрежи упати остри критики за мерката, доведувајќи ја во прашање проценката на обвинителството и судот во однос на опасноста од влијание врз постапката.„Кај ЈО не постои никаков сомнеж дека за извршителот на мафијата:“2) постои основан страв дека ќе ги сокрие, фалсификува или уништи трагите на кривичното дело или ако особени околности укажуваат дека ќе ја попречува кривичната постапка со влијание врз сведоците, вештаците, соучесниците илиприкривачите;“Кој бре ќе се осмели на извршителот на мафијата нешто да му направи во затвор?Јасно ви е дека е направен дил?Ма ве д*пат во здрав мозок. Ама не сакате да ви кажам колку сте глупи. Мислите дека ако не ви кажам тоа нешто ќе смени?Или поважно е да се бусате во гради како претци на Аце таткоубиецот, а всушност кој ќе стигне да ве шамара.Ахахаха. Не се работи овде за етницитет се работи за тоа дека ја прифаќате мафијата како држава“, вели Најчевска.

Коментари | пред 1 месец

1 мес.

ВМРО-ДПМНЕ: Судскиот процес за Артан почнува, а допрва ќе почне и за сите негови ортаци

Го разбираме револтот на граѓаните од одлуката на правосудните органи со 2 посто доверба од граѓаните за случајот со Артан Груби. Тоа незадоволство доаѓа по 7 годишна агонија на правосудните органи кои беа под политичка тортура и притисок на криминалната банда СДС-ДУИ и серија неказнивост за политичарите кои од просечно ситуирани граѓани станаа олигарси на грбот на граѓаните. Тоа време заврши, а криминогениот и до гуша во афери Артан Груби ќе одговара, велат од ВМРО-ДПМНЕ како реакција на соопштението на СДСМ.„Извршната власт во овој случај има обврска да го обезбеди бегалецот пред органите на правдата и тоа МВР го направи.Што се однесува до лицемерието на СДС тоа се гледа и во фактот што до вчера велеа дека власта го пуштила да избега, а од денес велат дека е договорено неговото обезбедување пред органите на прогонот. Вистината е дека Артан е ортак во криминалите на Заев, Филипче, Спасовски и сите заедно ќе одговараат. Судскиот процес за Артан почнува, а допрва ќе почне и за сите негови ортаци. Правда ќе има“, се вели во соопштението.

Македонија | пред 1 месец

1 мес.

СДСМ: Дефокус не го полни фрижидерот, потребна е 600 евра минимална плата

Со дефокус нема да ја тргнете темата за 600 евра минимална плата. Дефокус не го полни фрижидерот, вели СДСМ.„Со дефокус не можете да ја тргнете главната тема и да ги оставите работниците без леб.Мислите дека со дефокус ќе се избрише сеќавањето на авионот, часовниците од 65.000 евра, чантите од 30.000 долари…Повеќе не можете така да поминувате.На сите им е сè јасно.План за ребаланс на буџетот и кратење на луксузот ви дадовме. Прифатете го предлог-законот, откажете се од авионот, мебелот и луксузирањето.Дајте им на работниците тоа што го заслужуваат за пристоен живот.Џабе ви се 40% од медиумите во сопственост на Орбан – гладен стомак не можете со пропаганда да го убедите дека е сит.Луѓето живеат тешко додека вие ги полните џебовите со тендери. 161 тендер за една фирма, 51 тендери за друга, 74 тендери за трета, 9 милиони евра за фирма со двајца вработени, 1.2 милиони евра тендер за фирма на ЗНАМ преку Пошта… вашите тендер-томболи мора да запрат.Секојдневно ја задолжувате државата за вашите тендери, ги полните своите џебови додека луѓето едвај врзуваат крај со крај.Вашите црни кампањи, така наречени новинари како Латас, Ивона, Геро и „суперхероите“ како Бетмен не поминуваат повеќе. Вашите Алфа/Алта мрежи не можат да го запрат незадоволството кај народот.Прифатете го законот заради работниците – доста беше од вашите игри.Ќе дојде ден кога правосудството ќе биде слободно – сите ќе одговарате!Правдата ќе победи“, се вели во соопштението.

Македонија | пред 1 месец

1 мес.

Обвинителката Раичевиќ предупредува на можен судир на интереси кај кандидатурата на Ристоска за државен јавен обвинител

Во дебатата во „Топ Тема“ на Телма, обвинителката Лидија Раичевиќ изнесе сериозни забелешки во однос на кандидатурата на нејзината колешка Ленче Ристоска за државен јавен обвинител, оценувајќи дека постојат дилеми околу нејзината објективност.„Сметам дека оваа кандидатура на колешката навистина нема објективен карактер по објективни критериуми. Колешката води еден сензитивен предмет за имотот и за ВМРО воопшто и има изградено професионален однос со партијата која треба да ја бира. Според менее во релација на професионален однос, кога вие имате однос со партија, се прашувам што ќе беше ако Ленче Ристоска се избере за јавен обвинител . Дали тогаш нема да се актуелизира прашањето дека таа го води тој предмет?“, праша Раичевиќ.Дополнително, таа го спомена и прашањето за приватна тужба, оценувајќи дека тоа може да влијае врз перцепцијата за непристрасност. „Како може да се очекува објективен став и однос на еден кандидат кога тој својот професионален однос го персонализира низ конкретна приватна тужба?“, рече Раичевиќ, алудирајќи на Ристоска. Според неа, обвинителите мора да имаат јасно изграден однос кон институцијата и да постапуваат во согласност со европските стандарди. „Сите кои работат во обвинителството мора да имаат изграден однос кон институцијата. Прифаќајќи ги ЕУ вредностите, државата ги повлекува своите интереси и му доверува на обвинителот да ги заштитува правата на граѓаните. Неговиот однос треба да биде сензитивен и профилиран“, истакна Раичевиќ. Таа заклучи дека во конкретниот случај постои ризик од судир на интереси. „Според мене има судир на интереси во извршувањето на оваа функција“, изјави Раичевиќ, осврнувајќи се на кандидатурата на Ристоска.

Македонија | пред 1 месец

1 мес.

Турчин шверцувал мигранти, фатен на автопатот Скопје–Куманово

На 23.02.2026 околу 21:30 часот на бензинска пумпа на автопатот Скопје- Куманово, полициски службеници го лишија од слобода О.К.(33) од Турција, затоа што со возило „шкода“ со косовски регистарски ознаки, превезувал шест лица мигранти, тројца од Египет и тројца од Алжир.Претходно, на наплатната станица Романовце, тој не застанал на даден знак од полициските службеници, но по преземени мерки возилото е пронајдено, О.К. е лишен од слобода и по документирање на случајот против него ќе биде поднесена соодветна кривична пријава.

Македонија | пред 1 месец

1 мес.

Москва: Проширувањето на НАТО кон границите на Русија е клучна причина за конфликтот

Портпаролката на Министерството за надворешни работи на Русија, Марија Захарова, изјави дека непочитувањето на Договорот за пријателство, соработка и партнерство од страна на Киев довело до одлуката на Москва за почеток на Специјалната воена операција во Украина.Захарова потсети дека Украина во 2004 година го ратификувала Меморандумот за меѓусебно разбирање со НАТО, обврзувајќи се да обезбеди техничка и информативна помош за време на воени вежби и дозволувајќи привремено распоредување на единици на НАТО на своја територија.„Раководството на Украина со години спроведувало политика на грубо и систематско кршење на Договорот, што може да се квалификува како откажување од неговата реализација, што потоа доведе до тоа руското раководство да донесе одлука за почеток на Специјалната операција“, изјави Захарова за Sputnik.Според нејзините зборови, измените во украинската воена доктрина од април 2005 година и уставните промени од 2019 година, со кои членството во НАТО станало стратешка цел, претставуваат кршење на членот 6 од Договорот за пријателство со Русија и Будимпештанскиот меморандум.„Претседателот (Русија, Владимир Путин) на 3 септември 2018 година поднесе Предлог-закон за измени на Уставот кои се однесуваат на стратешкиот курс на државата кон полноправно членство во ЕУ и НАТО, кој на 7 февруари 2019 година беше усвоен во парламентот“, истакна Захарова.Таа нагласи дека проширувањето на НАТО кон границите на Русија претставува клучна причина за конфликтот и додаде дека Москва има намера своите безбедносни цели да ги реализира со воени или политички средства.Претседателот на Русија, Владимир Путин, претходно исто така повеќе пати укажувал на опасноста од членството на Киев во НАТО како еден од причините за почетокот на операцијата.

Свет | пред 1 месец

1 мес.

ВМРО-ДПМНЕ: СДСМ за да остане на власт ги толерирале злоупотребите кои се случувале во Лотарија под покровителство на Груби

По повеќе од година дена поминати во бегство на граничниот премин Блаце е приведен поранешниот вицепремиер во коалицијата на СДС и ДУИ, Артан Груби. Поранешниот вицепремиер Артан Груби се поврзува со сериозен криминал и корупција во периодот на владеење на СДС и ДУИ, велат од политичката партија ВМРО-ДПМНЕ.„Осомничен е за проневера во службата за случајот со државна лотарија. Штетата на државата од неговите постапки е над 8 милиони евра со индиции сумата да биде и значително повисока.Во јавноста беа изнесени сомнежи дека заедно со тогашниот директор на Државна лотарија, Бајрами, биле спроведувани спорни тендерски постапки и исплаќани аванси кон деловни партнери.СДС знаеле за криминалот на Груби и молчеле и не реагирале.СДС за да опстане ден повеќе на власт ги толерирале злоупотребите кои се случувале во Лотарија под раководство на Бајрами, а под покровителство на Груби тоа го потврди и извештајот на ДЗР.Јавноста очекува институционална разрешница.Борбата против криминалот и корупцијата е приоритет, а секој што постапувал спротивно на законот ќе мора да одговара согласно правниот поредок“, се вели во соопштението.

Македонија | пред 1 месец

1 мес.

Биткоинот падна под 63.000 долари, инвеститорите бегаат од ризик

Цената на биткоинот во вторникот падна за повеќе од пет проценти, спуштајќи се под нивото од 63.000 долари, додека инвеститорите реагираат на зголемените царински тензии и пошироките геополитички ризици.Најголемата светска криптовалута во еден момент се тргуваше по 62.964,64 долари, во услови на засилен притисок од инвеститори кои ги намалуваат позициите во поризична имотна класа. Аналитичарите оценуваат дека станува збор за тактичко намалување на ризикот, а не за структурен пресврт на пазарот.Кристофер Хамилтон од инвестициската компанија „Инвеско“ изјави дека падот не е резултат на специфичен шок во криптосекторот, туку на пошироко ресетирање на расположението кон ризикот на глобалните пазари.Дополнителен притисок врз криптовалутите создаваат и растечките тензии на Блискиот Исток. Американскиот претседател Доналд Трамп минатата недела најави дека во рок од десет дена би можел да донесе одлука за можен напад врз Иран, поради несогласувањата околу нов нуклеарен договор. Оттогаш, тензии се засилени, а Вашингтон продолжува со распоредување воени сили во регионот.Биткоинот бележи остра распродажба уште од октомври минатата година, кога неговата вредност надмина 125.000 долари. Од почетокот на годинава изгуби околу 27 проценти од вредноста, додека во однос на октомврискиот врв е намален за приближно 50 проценти.Инвестицискиот стратег Били Леунг од „Глобал Икс Австралија“ посочува дека биткоинот останува чувствителен на глобалните услови на ликвидност. Според него, доколку пазарите ја протолкуваат трговската политика како заострување на финансиските услови, криптовалутите ќе бидат меѓу првите што ќе го почувствуваат ударот.Падот не се ограничи само на криптосекторот. Цената на златото во вторникот се намали за околу еден процент, додека етер, втората најпопуларна криптовалута, изгуби повеќе од еден процент од вредноста и се спушти на 1.831,52 долари.

Свет | пред 1 месец

1 мес.

Трипуновски: Подготвуваме стратегија за оризопроизводство и редефинирање на откупот на оризова арпа

„Како Министерство подготвуваме документ што ќе се нарекува Стратегија за оризопроизводство, бидејќи ни е важно како држава да ја одржиме оваа стратешка култура, поради регионот и поради квалитетот на овој препознатлив бренд“, истакна министерот за земјоделство, шумарство и водостопанство, Цветан Трипуновски, во гостување на ТВ Стар. Министерот потсети дека оризот веќе е прогласен за стратешка земјоделска култура. „Еден сегмент што треба дополнително да се доуреди е начинот и условите под кои ќе се врши откуп на оризовата арпа. Во изминатите месеци беа воочени бројни неправилности кај дел од компаниите, од кои најголем дел се санкционирани согласно постојните законски прописи“, посочи тој. „Потребно е унапредување и прецизирање на процесот за да се спречат можни манипулации од страна на компаниите. Не велам дека сите се исти, меѓутоа имаме сериозни отстапувања на кои како држава реагираме“, појасни министерот Трипуновски. Тој додаде дека ќе следува редефинирање на процесот на откуп, односно ќе се утврдат јасни критериуми за тоа кој може да врши откуп, под кои услови и со каква соодветна опрема. На тој начин, како што ќе се елиминираат можностите за злоупотреби.

Македонија | пред 1 месец

1 мес.

Киев ја одбележува годишнината од војната, во сенка на унгарско-словачките блокади

Украина денеска ја одбележува четвртата годишнина од руската инвазија, а во Киев се очекува пристигнување на претседателката на Европската комисија Урсула фон дер Лајен и претседателот на Европскиот совет Антонио Кошта.Двајцата европски лидери ќе присуствуваат на комеморација заедно со повеќе европски државници, со цел да изразат поддршка и солидарност со Украина.Во рамки на посетата е предвидено тие да ги посетат и локациите оштетени во руските воздушни напади врз украинската енергетска инфраструктура. Посетата, сепак, се одвива во сенка на блокадите од страна на Унгарија и Словачка, кои го кочат усвојувањето на нови санкции против Русија.Унгарија вчера стави вето и на пакетот финансиска помош на Европската Унија за Украина во износ од 90 милијарди евра, од кои 60 милијарди се наменети за одбраната од руската агресија. Се смета дека Унгарија и Словачка одржуваат најблиски односи со Москва меѓу земјите членки на Унијата.Паралелно со случувањата во Киев, францускиот претседател Емануел Макрон и британскиот премиер Кир Стармер организираат видеоконференција на таканаречената „Коалиција на волни“, во која учествува и Германија, со цел одбележување на годишнината од почетокот на војната.Високите претставници на Европската Унија кои се во Киев ќе се приклучат и на оваа конференција, во обид да испратат единствена порака за поддршка на Украина, и покрај внатрешните несогласувања во рамките на Унијата.

Свет | пред 1 месец

1 мес.

СДСМ: Дилот ВМРО–ДУИ му донесе куќен притвор на Груби

Одлуката за куќен притвор за Артан Груби е уште една силна потврда за дилог ВМРО-ДУИ. Правната држава е погребана. Сè е однапред договорено и режирано, вели опозициската СДСМ.„Куќен притвор за лице кое веќе еднаш избегало од државата и за кое веќе имало одредено мерка притвор.Затоа го сменија јавниот обвнител, избраа судии и обвинители под нивна контрола.Сопруга на градоначалник на ВМРО назначија за член на Судски совет, советник на Мицкоски во Уставниот суд, в.д обвинителка избраа на поранешен заменик министер на ВМРО.Власта има целосна контрола врз обвинителството и судството. Одлуката за куќен притвор ја носи обвинител под Скопското обвинителство каде што за шеф пред само еден месец е избран Анел Фидоски.Јасно е што се случува.Дилот ВМРО–ДУИ се реализира пред очите на јавноста и му донесе куќен притвор на Груби.Прашањето што останува е само што ќе добие сега ДУИ за возврат“, се вели во соопштението.

Македонија | пред 1 месец

1 мес.

23 февруари: Од „Господине Мијалков, вие сте во Македонија?“ до Груби на Блаце – две враќања и истата сенка на правдата

Дваесет и трети февруари сè поочигледно станува датум со симболика на македонската политичко-кривична сцена. Разликата е во имињата, но сличностите во сценариото се впечатливи.На 23 февруари 2021 година, Сашо Мијалков, по кратката и мистериозна „недостапност“, се појави пред Основното јавно обвинителство за гонење организиран криминал. Камерите беа подготвени. Новинарското прашање „Господине Мијалков, вие сте во Македонија?“ остана како симбол на тој момент.Мијалков, човекот кој со години беше персонификација на безбедносниот апарат, тогаш стана симбол на драматично враќање, откако судот му одреди притвор по пресудата во предметот „Таргет–Тврдина“, случај поврзан со масовното незаконско прислушување. Подоцна следуваа и одлуки по други предмети – „Трезор“, „Империја“ – со спогодби, намалени казни и финансиски договори. Дел од пресудите станаа правосилни, дел од постапките беа вратени на повторно судење. Правдата се развлекуваше во продолженија.Пет години подоцна, повторно на 23 февруари, јавноста беше разбудена со уште едно звучно име – Артан Груби. Утринските наслови објавија дека е уапсен на граничниот премин Блаце, откако се предал.Иронијата е јасна. Едниот се појавува пред Обвинителство, другиот на граничен премин. Едниот влегува во институција, другиот во државата.Името на Груби изминатиот период се поврзуваше со предмети за злоупотреба на службена положба и сомнежи за висока корупција, особено во делот на тендерски постапки и службени овластувања. За разлика од драматичното „се враќам“ сценарио во 2021 година, овојпат приказната се развиваше со информации дека не е достапен за органите, за потоа да се појави доброволно. Судот му определи мерка домашен притвор.Разликите во правниот епилог засега се значајни. Мијалков има правосилни пресуди и спогодби, дел од казните ги издржа, дел беа намалени со одлуки на повисоки судови. Груби е во фаза на завршени истражни постапки. Но јавноста повторно гледа познато сценарио: драматични наслови, кратка „недостапност“, појавување пред институциите и медиумски спектакл.23 февруари така станува датум што потсетува дека во Македонија правдата ретко доаѓа ненадејно. Таа се најавува, се преговара, се појавува со камери – понекогаш пред врата, понекогаш на рампа. И понекогаш, очигледно, го избира истиот датум.

Македонија | пред 1 месец