АПАСИЕВ

Апасиев најави нова интерпелација за Тошковски: МВР функционира како „партиска полиција“

На денешната прес-конференција Димитар Апасиев изјави дека Левица ќе поднесе втора интерпелација против министерот за внатрешни работи Панче Тошковски, со обвинувања за селективна правда, саботирање истраги, непрофесионално работење на полицијата и судир на интереси. Ова денеска на прес-конференција го соопшти лидерот на партијата Димитар Апасиев, кој оцени дека состојбата во МВР дополнително се влошила и дека институцијата, наместо професионален сервис, се претворила во „приватна партиска полиција“.На прес-конференцијата, Апасиев изјави дека проблемите во Министерството не само што не биле решени, туку и се продлабочиле, додавајќи дека резултатите на полицијата и на министерот се неприфатливи за демократско општество.Тој посочи дека интерпелацијата содржи 17 точки групирани во шест области, а како главни забелешки ги наведе саботирањето на истраги и несоработката со Обвинителството за организиран криминал и корупција.Апасиев на прес-конференцијата ги спомена и случаите поврзани со шпионажа во државниот врв, надзорот во „Бехтел и Енка“ и дивоградбите во Чаир, тврдејќи дека институциите не постапиле соодветно.Тој ја обвини полицијата и за селективно постапување и политички мотивирани одлуки, посочувајќи ги случајот со Артан Груби и прекинатата постапка за увоз на канцероген мазут.Според Апасиев, во интерпелацијата се опфатени и полициските пропусти поврзани со трагедијата во Кочани, како и, според него, создавањето „партиска полиција“.На прес-конференцијата тој говореше и за непостапување во случаи на семејно насилство, фемицид, врсничко насилство и говор на омраза, наведувајќи дека имало непроцесуирани пријави за силување и сексистички коментари.Лидерот на Левица обвини и за двојни стандарди во полициското постапување, посочувајќи го приведувањето поради истакнување палестинско знаме на спортски натпревар, наспроти, како што рече, непостапувањето при палење македонско знаме и свирење на македонската химна.Во последниот дел од интерпелацијата, како што кажа Апасиев на прес-конференцијата, се отвораат и прашања за судир на интереси и сомнителни тендери поврзани со министерот Тошковски, како и неговите претходни адвокатски ангажмани.Апасиев најави дека интерпелацијата ќе биде поднесена веднаш по прес-конференцијата, а сите точки дополнително ќе бидат образложени пред пратениците.

Македонија | пред 1 седмица

Апасиев со фотографија од Москва за 9 Мај: „Еднаш победивме фашисти, ќе победиме пак“

Димитар Апасиев, лидерот на Левица, објави фотографија од Москва за 9 мај за Ден на пообедата над фашизмоот.„Еднаш победивме фашисти, ќе победиме пак“, објави пратеникот на социјалните мрежи.Во Москва, 9 мај е Ден на победата — празник со кој се одбележува победата во Втора светска војна, односно крајот на т.н. „Голема татковинска војна“.Најпознат настан е големата воена парада на Црвениот плоштад, на која Апасиев лани беше присутен со доделена покана.

Коментари | пред 3 седмици

Апасиев: Државата им простува на богатите, а го товари работникот

Државата им простува илјадници евра на најбогатите, додека работниците со минимални примања се оданочуваат во целост – оцени пратеникот и лидер на Левица, Димитар Апасиев, образложувајќи ги предложените измени на Законот за придонеси од задолжително социјално осигурување, кои денес се на дневен ред во Собранието.Апасиев посочува дека во постојниот закон постои ограничување на т.н. максимална основица за плаќање придонеси, која изнесува 16 просечни плати, односно околу 16.500 евра. Според него, сè што се исплаќа како плата над оваа сума не се оптоварува со придонеси, што, како што вели, директно ги привилегира највисоките приходи.„Сè што е над оваа граница останува неоданочено. Тоа значи дека законот им дава предност на најбогатите“, наведува Апасиев.Тој го илустрира проблемот со пример, посочувајќи дека највисоката месечна плата во земјава лани достигнала околу 325.000 евра.„На оваа сума, државата пресметува придонеси само до 16.500 евра, додека останатите повеќе од 300.000 евра не се опфатени“, наведува Апасиев.Во исто време, додава тој, работниците со ниски примања немаат вакви ограничувања и нивните приходи се оданочуваат во целост.Според лидерот на Левица, ваквата законска поставеност придонесува за продлабочување на економските разлики. „Затоа богатите стануваат побогати, а сиромашните сè посиромашни“, оценува тој.Апасиев најави дека исходот од предложените измени ќе биде познат по гласањето во Собранието, каде ќе се одлучи дали ќе се стави крај на, како што ја нарекува, нефер практиката во системот на придонеси.

Коментари | пред 1 месец

Апасиев до Мицкоски: Дали стоите зад идното „вдомување“ на Костадиновски на државните универзитети

Димитар Апасиев, пратеник од Левица на денешната собраниска седница за прашања од опозицијата го праша премиерот Христијан Мицкоски дали лично стои зад „проект за вдомување“ на актуелниот претседател на Уставен суд, Дарко Костадиновски, на некој од државните универзитети по истекот на мандатот.Упатувајќи го пратеничкото прашање Апасиев побара јасен одговор од Мицкоски, нагласувајќи дека информациите со кои располага доаѓаат од повеќе извори. „Дали вие лично стоите зад овој проект за вдомување на Дарко Костадиновски на некој од државните универзитети во Република Македонија после завршувањето на неговиот мандат како претседател на Уставниот суд?“, праша Апасиев.Притисоците, како што истакна Апасиев, биле прво кон УКИМ, но „династичкиот систем се самозаштитува“, па заради тоа истите се насочиле кон второрангираниот државен универзитет, каде што било употребено името на Мицкоски. „Се прават обиди да се вдоми на катедри каде што не ги исполнува условите, па дури и да се протурка во научно звање за подоцна да стане доцент“, рече тој.Во своето обраќање Апасиев истакна дека наместо „генерички настапи“, решил да поставува конкретни прашања со имиња и презимиња зато што, како што истакна „системот не е апстрактни поими, туку конкретни луѓе“.Образложувајќи го прашањето Апасиев изнесе низа тврдења за професионалната кариера на Костадиновски и кажа дека станува збор за долгогодишен државен функционер кој, како што рече, изградил мрежа на влијание. „Човеков е цел живот на државна функција и не може да биде ништо друго освен пак на државна функција. Оттука си направил мрежа во којашто ви кажав, од три извори ми се потврдени информациите, ве споменувал лично Вас“, истакна Апасиев.Дополнително Апасиев посочи и дека во мај Мицкоски станува премиер, во јуни Костадиновски станува претседател на Уставниот суд, а во 2025 неговата сопруга станува судијка во Апелација. „Веднаш потоа почнува со хвалоспеви за Владата, што е досега нечуено за уставен судија“, рече пратеникот.Мицкоски на прашањето одговори единствено со „Не”, по што пратеникот Апасиев му одговори дека јануари не е далеку и дека ќе го потсети на неговиот одговор.

Македонија | пред 1 месец

Апасиев: Сѐ што е анти ВМРО треба да се построи под бајракот на Левица

Во вчерашното гостување во 24 Анализа, на Телевизија 24, претседателот на Левица, Димитар Апасиев зборуваше за последната анкета спроведена од Маркет Вижн.Апасиев ја оспори веродостојноста на анкетата укажувајќи на поврзаноста на агенцијата што ја спроведува со актуелната власт и добиените милионски тендери од државата. Според него, ваквите анкети имаат јасна цел, да ја демотивираат јавноста и да создадат перцепција за недостижност на владејачката партија. „Оваа анкета е пропаганда за демотивација на луѓето. Кредибилитетот на агенцијата е сомнителен. Еве на пример за последните локални избори на Левица и даваа 3,3%, а освоивме 7% на избори.“, истакна тој.Апасиев оцени дека Левица е единствена партија која бележи раст, за разлика од, како што рече, „буржујските партии“ кои стагнираат или паѓаат. Во таа насока ја критикуваше и структурата на гласачкото тело кај власта оценувајќи се потпира на клиентелизам кај олигархијата, администрацијата и пензионерите. За премиерот Мицкоски рече дека е „политичар на статус-квото“ чиј „домен е од тендер до тендер“.Говорејќи за Левица истакна дека партијата има поинаква структура и вредносен систем од останатите политички субјекти. „Менталитетот на нашето членство не е ист како на останатите партии, не примаме клиентелисти и оние коишто влегуваат во Левица не се со такви намери за разлика од останатите партии. Не секој може да биде член на Левица. Овој пат кој го оди Левица не е лесен. Кај нас членството значи и жртва. Затоа, еден наш член вреди колку десет нивни и Левица е као специјалци наспроти нивните обични партиски војници“, истакна Апасиев.Прашан за најавите  за формирање на нови партии, Апасиев одговори дека Левица ја гледа како единствена трета политичка опција. „За други партии повеќе нема простор, нема структура, се сведуваат на купи-продај. Случувањата не се некои тектонски пореметувања. Иднината на СДС е двојна. Сите со клиентелеистички менталитет ќе одат и веќе одат во ЗНАМ, сите со идеологија во Левица. Веќе на минатите избори ние имавме прелевање од членство од СДС. Иднината им е симптоматична, но што си надробиле - тоа нека си сркаат. За овие “нови ницијативи” - сѐ што бифшо-функционерско тоа е сѐ слабокрвно. Сѐ што е антиВМРО треба да се построи под бајракот на Левица. Она што е бифши министри, бифши функционери нека си прават такви движења и нови иницијативи, таквите не ги примаме.

Македонија | пред 2 месеци

Апасиев обвинува: „Обвинителството се вмроидизира, случаите ‘Талир’ ќе застарат“

Претседателот на Левица, Димитар Апасиев, со остри критики кон новиот државен јавен обвинител Ненад Савески, оценувајќи дека неговите потези директно одговараат на политичките пораки на премиерот Христијан Мицкоски.Во интервју за ТВ 24, Апасиев ја коментираше одлуката на Савески да ги одземе предметите од обвинителката Ленче Ристоска, при што оцени дека се зголемува веројатноста за застарување на предметите „Талир 1“ и „Талир 2“.„Новиот јавен обвинител Ненад Савески за 24 часа успеа да исполни сѐ што му порача Мицкоски од говорница, како да има иста глава со Мицкоски. Прво, ја елиминира Ивана Алексова Трајчева, која е единствен квалитетен обвинител во ОЈО ГОКК и која ги поапси началниците, инспекторите и полицајците кои беа одговорни ноќта кога се случи трагедијата во Кочани. Сите овие уапсени се вмровски кадри кои два дена пред трагедијата славеле роденден на координаторот на ДПМНЕ во Штип.” - истакна Апасиев.Тој ја проблематизираше и одлуката на Совет на јавни обвинители да ја отфрли претставката на обвинителката Ристоска за политички притисок, оценувајќи дека се работи за сериозен сигнал за состојбите во правосудството.Апасиев во интервјуто наброја и други одлуки на Савески, кои ги оцени како спорни и политички мотивирани.„Од назначувањето на Ненад Савески, Советот на јавни обвинители ја укина суспензијата на вишиот јавен обвинител Јове Цветановски, обвинителот кој се откажа од гонењето за Латас и го укина куќниот притвор на Бекир Незири, функционерот од ДУИ кој ги тепаше во М-НАВ. Следно, Ненад Савески ја постави за заменик обвинителката Анита Тополова-Исајловска, жена на поранешен вмровски заменик-министер која бараше да падне предметот „Талир”. Следно, Савески за шеф на Вишото јавно обвинителство ја предложи Јасмина Костеска Здравеска од тефтерчето на Горде и Мијалков, кои ги слушавме како го местат нејзиниот избор. Таа е сопруга на бивш вмровски член на Антикорупциска комисија, кој сега го ставија во Антидискриминаторска комисија и го имаше во бомбите со Антонио Милошоски како местат предмети за случајот „Моќник”. Сето ова го направи Савески во три дена каде што е државен јавен обвинител, што е дефакто вмроидизација на обвинителството и имаме враќање на голема врата на обвинителите од “тефтерчето”. - заклучи Апасиев.

Македонија | пред 2 месеци

Апасиев со анализа за Куба: Инвестира во фотоволтаици додека се соочува со санкции

Лидерот на Левица, Димитар Апасиев, преку јавна објава ја посочи Куба како пример за држава што, и покрај тешките економски и енергетски услови, се обидува да најде излез преку обновливи извори на енергија.„КУБА е островска земја, на Карибите. Има 10 милиони жители. Нема руди. Електраните им работат на нафта. САД им прави илегално ембарго на увозот на се, не само на енергенси (поморска блокада). Поради тоа одложени се преку 100.000 операции во болниците, иако имаат најдобро здравство во светот. И секоја вечер умираат по десетици лица ставени на кислородна поддршка“, напиша Апасиев.Тој додава дека земјата ја насочува својата иднина кон зелена енергија, со поддршка од Кина.„Иднината ја гледаат во "зелената транзиција" потпомогната од инсталирање фотоволтаици од Кина на секој стратешки објект. Производството на струја од сонце порасна од 5%, на 20%“, наведува тој.Во објавата, Апасиев прави и поширок политички осврт, оценувајќи дека Куба се соочува со притисоци од САД, но дека има решеност да издржи.„Како и сиот цивилизиран свет, цела нација чека да заврши мандатот на лудиот Џинџер Калигула, за да се спасат од империјалистичката тиранија. И решени се да издржат“, додава Апасиев.

Коментари | пред 2 месеци

Антикорупциска ја проверувала сметката на Апасиев: Ви помина законскиот рок за постапката, ќе наминам да видам баш што сте откриле

Лидерот на Левица, Димитар Апасиев, објави дека Државната комисија а спречување на корупција вршела проверки на сосотојбата на неговата банкарска сметка, како и на таа на неговата сопруга.-Од толку владини тендераши и вмровски КРИМОСИ, Антокорупциска нашла дека треба мене и на Жена ми да ни ги чешлаат сметките у банка (и да ни утврдува потекло на имот)! Ако бе, к*риња, чешлајте слободно - ама на крај да не се чешате. p.s. Ви помина законскиот рок за постапката, па ќе наминам деновиве да видам баш шо сте откриле“, напиша тој на социјалните мрежи

Коментари | пред 2 месеци

Левица: Европскиот суд за човекови права отвори постапка во предметот на Апасиев против Џафери, за непостапување по референдумската иницијатива

Ја известуваме јавноста дека Европскиот суд за човекови права при Советот на Европа, со седиште во Стразбур, во прва фаза, ја прифати апликацијата на жалителот Апасиев против Република Македонија и и додели судски број: 25565/25 и бар-код, велат од политичката партија Левица. „За потсетување, станува збор за познатиот случај на одбивање на референдумската иницијатива на пратеникот проф. д-р Апасиев од страна на тогашниот претседател на Собранието на РМ – Таљат Џафери, а во врска со парламентарните Заклучоци донесени за т.н. Француски предлог за бугаризација на Македонија. Професорот Апасиев, во жалбата до Стразбур, се повикува на член 1 од Протоколот XII (2000) и на член 14 од Европската конвенција за заштита на човековите права и основните слободи, односно на општата забрана на дискриминација, а во врска со член 10 (Слобода на изразување) и член 11 (Слобода на собирање и здружување) од ЕКЧП. За осуда е тоа што претходно, сите редовни домашни судови се прогласија за ненадлежни да постапуваат по овој предмет, а Уставниот суд на РМ – дури по три години од поднесување на првичното Барање за заштита на слободите и правата на граѓанинот, истото го одби со паушално и правно неиздржано образложение. Со овој правен преседан, уште еднаш се покажува нестручноста и слабиот правен капацитет на уставните судии, кој воопшто не ја следат, ниту применуваат јудикатурата на Европскиот суд за човекови права (Стразбур), што само по себе е поразително и недозволиво. Левица обзнанува дека правната битка за овој, но и за другите случаи – како што е оној за цензурата врз нејзе на последните Локални избори 2025 спроведена од страна на Агенцијата за аудио и аудио-визуелни медиумски услуги (АВМУ) и на Државната изборна комисија (ДИК), исто така ќе ги изнесе пред Европскиот суд за човекови права и очекува позитивен исход од истите. Но, истовремено, бараме правна и политичка одговорност за сите инволвирани во ваквото еклатантно кршење на човековите слободи и права на левичарите“, велат од партијата.

Македонија | пред 3 месеци

Семејно насилство треба да се казнува повеќе од обичното насилство, под итно реформа на Центрите за социјална работа, вели Апасиев

По трагедијата во скопската населба Карпош, каде што животот го загубија мајка и малолетно дете, пратеникот и лидер на Левица, Димитар Апасиев, побара построги казни за семејното насилство и радикална реформа на центрите за социјална работа.„Како што дрска кражба се казнува повеќе, а не помалку од обична; како што убиство со умисла се казнува повеќе, а не помалку од убиство на миг; така и СЕМЕЈНО НАСИЛСТВО треба да се казнува повеќе, а не помалку од обично насилство – оти една од основните функции на семејството е заштитната! А каква ‘заштита’ имаш ако дома маж ти те тепа секој ден?“, напиша Апасиев.Тој во објавата дополнително посочи дека, според него, е неопходна „под итно радикална реформа на заостанатите центри за социјална работа“, оценувајќи дека тие се исполнети со „неспособни и нестручни партиски кадри“.Трагедијата предизвика силни реакции во јавноста, а случајот е предмет на истрага од надлежните институции.

Коментари | пред 3 месеци

Апасиев: Породилно за мајките нема исплатено цел февруари, а вие слободно раѓајте бебиња

Пратеникот Димитар Апасиев утрово на социјалните мрежи сподели информација дека нема исплатено породилно за месец февруари.Породилно за мајките нема исплатено цел февруари! Дали сме банкрот, дали се неспособни, дали и двете? – тоа да си ја прашате министерката.Иначе, Породилно нема. А вие слободно раѓајте бебиња. – напиша Апасиев.

Коментари | пред 3 месеци

Апасиев за случајот со Груби: „Сам се пријавил, ама од бегство“

Пратеникот и лидер на Левица, Димитар Апасиев, со саркастична реакција го коментираше образложението во случајот со Артан Груби.„‘Сам се пријавил, ама од бегство’ е најновиот правен изум, нечуен и невиден досега уште од Римското право, а успешно измислен вчера од страна на предметниот обвинител и судија во случајот со Артан Груби“, напиша Апасиев.Тој во објавата ги повика, како што наведе, „колегите професори по кривично право“ веднаш да го патентираат и да го објават во научен труд со импакт-фактор, алудирајќи дека таков труд би им бил потребен „за реизбор, по новите критериуми на министерката“.Реакцијата на Апасиев е дел од пошироката политичка дебата што се води околу мерките и постапувањето на обвинителството и судот во предметот поврзан со Груби.

Коментари | пред 3 месеци

Апасиев: Универзитетските „дебати“ за новиот закон се фарса

Пратеникот и лидер на Левица, Димитар Апасиев, остро реагираше на јавните дебати што министерката за образование ги организира низ универзитетските кампуси по повод новиот Закон за високо образование.Апасиев оценува дека станува збор за, како што наведе, „амортизација на гневот“ од законот, кој го нарече налудничав, тврдејќи дека дебатите се селективни и однапред режирани. Според него, на средбите биле поканети само редовни професори, додека вонредните професори, доцентите, асистентите, демонстраторите и студентите биле изоставени.Тој тврди дека токму тие категории ќе бидат најпогодени од законските измени и дека со нивното маргинализирање се отвора простор за партиско влијание и кадровски решенија што, според него, не се засноваат на академски квалитет.Во објавата, Апасиев се повика и на претходни академски иницијативи, посочувајќи дека во минатото бил формиран Професорски пленум како реакција на слични политики, и алудираше дека денес недостига организиран отпор од академската заедница.Од Министерството за образование засега нема реакција на наводите изнесени од Апасиев.

Македонија | пред 3 месеци

Апасиев бил дискриминиран од Антикорупциска: Ќе ви бапнам и едно тужбиче за оштета плус, дојдете на јунска сесија да ве допрашам

Комисијата за спречување и заштита од дискриминација утврди директна дискриминација врз пратеникот и лидер на Левица, Димитар Апасиев, сторена од страна на Државна комисија за спречување на корупцијата.Согласно Мислењето донесено на 2 февруари 2026 година, Комисијата констатирала дека Прекршочната комисија при ДКСК извршила директна дискриминација врз Апасиев по основ на политичка припадност и општествен статус. Постапката била покрената по претставка поднесена од Апасиев во август 2025 година, во која се наведувало дека му било повредено правото на еднаква постапка во врска со решение со кое бил прогласен за одговорен за прекршок и му била изречена глоба.Во документот се наведува дека дискриминацијата произлегува од неуредна и невоедначена достава, како и од ускратување на уставно загарантираното право на правен лек. Комисијата утврдила дека во конкретниот случај имало различен третман во однос на постапувањето и комуникацијата со подносителот.По објавувањето на одлуката, Апасиев јавно реагираше, најавувајќи дополнителна судска постапка за надомест на штета. Тој посочи дека ќе бара одговорност и за објавувањето на решението на веб-страницата на ДКСК, оценувајќи дека институцијата постапила спротивно на законските одредби.Од Државната комисија за спречување на корупцијата засега нема официјална реакција по однос на мислењето на Комисијата за спречување и заштита од дискриминација.

Македонија | пред 3 месеци

Апасиев најави кривична пријава против Цвета Ристовска по нејзината оставка од ДКСК

Пратеникот и лидер на Левица, Димитар Апасиев, најави дека неговата партија ќе поднесе кривична пријава против Цвета Ристовска, која вчера поднесе оставка од Државната комисија за спречување на корупцијата.Во објава на социјалните мрежи, Апасиев наведе дека оставката не значи крај на постапките што ги најавува Левица. Тој тврди дека правниот тим на партијата подготвува кривична пријава за, како што посочува, „лажирање на податоците од Анкетниот лист“, односно за прикривање фирми поврзани со нејзините синови, што според него претставува кривично дело согласно Кривичниот законик.Апасиев истакна дека, доколку Левица не ги објавела, како што ги нарекува, „серијата скандали“ поврзани со Ристовска, таа и понатаму ќе ја извршувала функцијата во Комисијата. Тој додаде дека е штета што, како што наведува, не се реализирала интерпелацијата што била подготвена и доставена во Собранието.Во својата изјава, лидерот на Левица оцени дека партијата станала „снајперист за корумпираните“, наведувајќи дека сè повеќе свиркачи и лица од институциите им доставуваат информации за наводна корупција. Апасиев ги повика граѓаните кои располагаат со докази против корумпирани функционери да ги достават до Левица, гарантирајќи дискреција и најавувајќи дека партијата ќе покрене правни процеси против сите инволвирани, без разлика на нивната партиска припадност.

Македонија | пред 3 месеци

Апасиев: Ние на Американците ќе мора да им ги укинеме сите царини, а тие ќе ни остават 15%, каков епохален „реципроцитет“

САД и Македонија постигнаа рамковен договор за фер и реципрочна трговија, со кој се отвораат нови можности за извозниците и се продлабочува билатералната економска соработка.Според договорот, Македонија ќе ги укине царинските давачки за сите индустриски и земјоделски производи од САД, додека Соединетите Држави ќе задржат 15% тарифи за дел од македонските производи, со можност одредени производи да добијат нулта стапка.Во објава на Фејсбук, министерот за надворешни работи Тимчо Муцунски го оценува договорот како важен и значаен исчекор во економската соработка со САД кој има големо значење за македонската економија и од кој конкретен бенефит ќе имаат македонските компании.Пратеникот Димитар Апасиев жестоко реагираше на најавениот реципрочен договор со САД, оценувајќи го како штетен и нерамноправен за Македонија.„Бејби Тимчо, сиромашкиот, не го бива за ништо... Шо фати, се исуши детево. Ни вика дека склучил РЕЦИПРОЧЕН договор со САД - со кој, пази молим те, ние на Американците ќе мора да им ги укинеме сите царини, а тие ќе ни остават царини од 15%!?Ауууу сине, каков епохален "реципроцитет", нек си и*е мајката!#ВмроиднаНеспособност“, вели Апасиев.

Македонија | пред 3 месеци

“Гнасни вмроиди”, “Гадури левичарски”: Апасиев и Стојаноска во нов конфликт на социјалните мрежи

Нова жестока вербална пресметка се одвиваше на социјалните мрежи меѓу пратеникот од Левица, Димитар Апасиев, и пратеничката од ВМРО-ДПМНЕ, Дафина Стојаноска, при што двајцата разменуваа навредливи пораки и лични дисквалификации.Апасиев ѝ се обрати на Стојаноска со прашање поврзано со објавување фотографии од деца на социјалните мрежи, придружено со навредливи квалификации и хаштаг насочен кон политичкиот противник.“Добро утро Дафино. Чиви ДЕЦА ќе објавуете денеска по мреживе. #ГнасиВмроидни”, напиша тој.На тоа, Стојаноска возврати со навредлив одговор, користејќи лични квалификации и негативни етикети, исто така проследени со хаштаг насочен кон партијата на Апасиев.“Добро утро и на тебе, Кончито. Оди прво исперите тоа кошулите измастени црни. #ГадуриЛевичарски”, напиша Стојаноска.

Македонија | пред 3 месеци

Апасиев за производството на медицински канабис: Треба да се национализира

Полицијата вчера спроведе обемна акција за заплена на марихуана на повеќе локации во државата, при што во Скопје беа одземени речиси десет тони, а дополнителни количини беа запленети и во струмичко. Акцијата се реализираше под координација на МВР и Обвинителството за гонење организиран криминал и корупција и е поврзана со претходната заплена на пет тони марихуана во Србија, за која тамошните власти соопштија дека потекнува од Македонија.Лидерот на политичката партија Левица, Димитар Апасиев, го изнесе својот став преку социјалните мрежи.„Не. Не треба да се забрани производството на медицински КАНАБИС! Треба да се национализира“, вели АпасиевПретходно од Демократскиот сојуз побара Парламентот на Македонија по скратена постапка да донесе измена на законите со кои ќе се забрани производство на марихуана за медициски цели.„Повеќе од јасно е дека контролата затаила поради што се случија фингирани кражби, пресметки помеѓу нарко-мафијата, заплени на канабис од полицијата итн., но криминалниот бизнис продолжи, бидејќи нарко-мафијата во која беа вклучени и носители на највисоки државни функции од претходната власт се стекнаа со огромна финансиска моќ и политичко влијание“, велат од Демократски сојуз.

Коментари | пред 3 месеци

И Ахмети по Апасиев одлучи да оди на лидерска, осамен во бојкотот остана Филипче

Али Ахмети ќе присуствува на утрешната лидерска средба. Ова е одлука на партиското тело. Избор на Влада со Бадентер, одлуките на Уставен за законите со Бадентер, да се носат со двојно мнозинство, членството на Македонија во ЕУ и договорот кој што ДУИ го нуди за спас на државата, ова ќе бидат барањата на ДУИ кој од партијата е овластен да носи одлуки на средбата.Потврда за учество има и од Левица. Тие ќе бараат изборна единица и еднаков медиумски пристап за избори за сите партии.Само СДСМ, Венко Филипче, уште веднаш го одби повикот на Мицкоски за консензус за клучните прашања за државата.„На Мицкоски и на ВМРО им се брза со предремени избори и мигранти за пари, но факт е дека не се созреани условите во општеството за укинување на техничката влада поради криминалната власт.Во вакви услови укинувањето на техничката влада би значело директен удар врз демократијата и загрозување на волјата на граѓаните.Техничката влада мора да остне и СДСМ ќе ги искористи сите демократски механизми, да го заштити изборниот процес и слободната волја на граѓаните”, вели Филипче.

Македонија | пред 4 месеци

Апасиев: Киднапирањето на Мадуро е брутално кршење на меѓународното право, зад нападот врз Венецуела стојат нафтата и минералите

Лидерот на Левица и пратеник во Собранието, Димитар Апасиев, остро реагираше на американската воена операција во Венецуела и апсењето на претседателот Николас Мадуро, оценувајќи го настанот како грубо кршење на меѓународното јавно право и чин надвор од здравиот разум.„Дивјаците од Запад киднапираа претседател на суверена држава и неговата жена, само за да докажат дека им се може“, напиша Апасиев на социјалните мрежи, оценувајќи дека станува збор за опасен преседан во меѓународните односи.Тој посочи дека интервенцијата не може да се оправда ниту правно, ниту морално, без разлика на политичките аргументи што ги користат САД и нивните сојузници. Според Апасиев, ваквите потези го уриваат целиот концепт на суверенитет и ја поткопуваат меѓународната правна рамка воспоставена по Втората светска војна.Во својата објава, Апасиев дополнително укажа и на економската димензија на интервенцијата, наведувајќи дека Венецуела е држава со речиси 30 милиони жители и со најголеми резерви на нафта и минерали во светот. Тој сугерира дека токму природните богатства се клучниот мотив зад воената акција, а не, како што се тврди, демократијата или безбедноста.Реакцијата на Апасиев доаѓа во контекст на спротивставени ставови во македонската јавност, откако официјални претставници на Владата ја поздравија акцијата на САД, додека дел од опозицијата и јавните интелектуалци предупредуваат дека ваквите интервенции отвораат опасна врата за легализирање на силата како средство за решавање на меѓународни спорови.

Свет | пред 5 месеци

(Фото) Апасиев си доби опомена од „Сејф сити“ за 51 километар на час

Пратеникот и лидер на Левица, Димитар Апасиев, на социјалните мрежи објави дека добил опомена од системот „Сејф сити“ поради возење со 51 километар на час на делница каде дозволената брзина е 50 километри на час. Според неговата објава, прекршокот бил регистриран на клучката Хиподром во правец кон Ченто.Апасиев, со саркастичен тон, напиша дека сам ќе ја „извади“ опомената на јавност, алудирајќи на настапите на премиерот во Собранието и нивните кавги, но и на, како што наведе, прекумерната контрола и бирократизација.Во меѓувреме, од Министерството за внатрешни работи информираа дека по пробното пуштање во употреба на системот „Сејф сити“ е забележано намалување на бројот на регистрирани прекршоци. Министерот за внатрешни работи, Панче Тошковски, изјави дека системот сè уште не е целосно усогласен со новите законски правила.Тошковски појасни дека, согласно измените, во градска средина прекршок треба да се евидентира при надминување на брзината од 57 километри на час, наместо досегашната граница од 50 километри на час, но дека техничката адаптација на системот сè уште не е завршена. Поради тоа, дел од прекршоците, како што е и случајот со Апасиев, се регистрираат според старите параметри.Надлежните најавуваат дека во наредниот период ќе следи целосно усогласување на „Сејф сити“ со законските измени, по што системот ќе функционира согласно новите прагови за санкционирање, со цел поголема правна прецизност и еднаков третман на сите учесници во сообраќајот.

Македонија | пред 5 месеци

Собраниски заклучоци за Кочани: Апасиев повикува на правда, институционална одговорност и обесштетување

Пратеникот и претседател на Постојаната анкетна комисија за слободата и правата на граѓанинот, Димитар Апасиев, информира дека до сите пратенички групи во Собранието доставил Предлог-заклучоци од одржаната седница на Комисијата, поврзана со претставката на родителите на загинатите деца во трагедијата во Кочани.„Очекувам предложените заклучоци да бидат едногласно усвоени на првото продолжение на V-та седница на Постојаната анкетна комисија“, соопшти Апасиев преку социјалните мрежи.Со Предлог-заклучоците најостро се осудува институционалната нефункционалност која доведе до трагедијата од 16 март во дискотеката „Пулс“ во Кочани, при што се изразува и најдлабоко сочувство до семејствата на жртвите и до повредените. Во документот се укажува на сериозни институционални слабости, системско непочитување на законите и можни обиди за прикривање на одговорноста, што, како што се наведува, наметнува итна и решителна реакција од сите државни институции.Комисијата бара спроведување независна, транспарентна и темелна кривична постапка со која ќе се утврдат сите одговорни лица и институции, при што одговорност мора да понесат и носителите на јавни функции, без какви било исклучоци.Во заклучоците се потсетува дека правото на живот е највисока вредност во уставниот поредок на државата, поради што се упатува повик до Јавното обвинителство да постапува непристрасно, навремено и неселективно, со цел да се обезбеди правда за жртвите и нивните семејства.Дополнително, се изразува загриженост за наводите за корупција во постапките за издавање дозволи и во инспекцискиот надзор. Во таа насока се препорачува Собранието да усвои итни законски измени за унапредување на регулаторниот и инспекцискиот надзор врз угостителските и другите објекти наменети за одржување јавни настани, како и за заострување на кривичната одговорност на службените лица кои не постапуваат согласно закон.Се поддржува и одржување надзорна расправа во Собранието за утврдување на институционалната одговорност и предлагање конкретни мерки за превенција, при што се нагласува потребата од ефикасен и независен правосуден систем и целосно искоренување на корупцијата.На крајот, Апасиев упатува апел до пратениците од власта и опозицијата да постигнат консензус и да донесат посебен закон за обесштетување на семејствата на жртвите од трагедијата во Кочани, а усвоените заклучоци да бидат доставени до Владата и до Јавното обвинителство.

Македонија | пред 5 месеци

(Видео) По претставка на родителите на загинатите во дискотеката „Пулс”, Апасиев закажа Анкетна комисија на 9 декември

Пратеникот на Левица и претседател на Постојаната анкетна комисија за заштита на човековите слободи и права, Димитар Апасиев, на прес-конференција соопшти дека закажува редовна седница по поднесената претставка од Здружението „16 Март“ – здружението на родителите на загинатите деца од Кочани. Седницата ќе се одржи на 9 декември 2025 година, со цел да не се преклопи со судските рочишта и поради симболичната поврзаност со 10 декември – Светскиот ден на човековите слободи и права.На седницата се поканети сите членови и заменици на Комисијата, претседателот и потпретседателите на Собранието, координаторите на пратеничките групи, премиерот, министерот за внатрешни работи, претседателот на државата, како и подносителите на претставката, кои ќе имаат право на обраќање.Апасиев нагласи дека ова не е ниту надзорна, ниту јавна расправа, туку редовна седница што Комисијата ја одржува кога постапува по претставки на граѓани, пракса која и претходно постоела во парламентот. Тој потсети дека постоеле три неуспешни обиди оваа точка да се стави на дневен ред, поради што е поведена и управна постапка против претседателот на Собранието.Во однос на паралелните иницијативи за анкетни комисии од власта и опозицијата, Апасиев смета дека тие се ад хок тела со ограничен рок и квази-истражни функции, додека постојаната Комисија има континуитет и редовни обврски.

Македонија | пред 6 месеци

Апасиев најави: Ќе закажам комисиска седница во Собранието за трагедијата во Кочани

Претседателот на Левица и пратеник, Димитар Апасиев, преку социјалните мрежи соопшти дека планира следната недела да закаже седница на Постојаната анкетна комисија во Собранието, со која тој претседава. Ова следува откако родителите на загинатите во трагедијата во дискотеката „Пулс“ во Кочани испратиле претставка.„Како претседател на Постојаната анкетна комисија за заштита на слободите и правата на граѓанинот во Собранието на РМ, следната недела планирам да ја закажам посебната комисиска седница на која ќе се разгледува добиената Претставка од „Здружението 16 Март“ на родителите од Кочани на која ќе се расправа за изнесените наводи поврзани страшната трагедија во дискотеката „Пулс“. На седницата официјално ќе бидат поканети и претставници на подносителите“, напиша Апасиев во објавата.Лидерот на СДСМ, Венко Филипче, на ФБ соопшти дека неговата СДСМ и Коалицијата денеска во Собранието ќе поднесат предлог за одржување на седница на Анкетната комисија посветена на целосно и независно испитување на трагедијата во „Пулс“.

Македонија | пред 6 месеци

Апасиев најави пекол во Собранието: ВРЕДИ ги зафркна ДПМНЕ, а Мицкоски ја изгуби Западна Македонија

По завршувањето на вториот круг од Локалните избори 2025, лидерот на Левица, Димитар Апасиев, се обрати на прес-конференција со жестоки критики кон двете најголеми политички партии, ВМРО-ДПМНЕ и СДСМ, но и кон коалицијата ВРЕДИ.„По којзнае кој пат балистичко-врховистичката коалиција потфрли и ВРЕДИ ги зафркна ДПМНЕ насекаде каде што очекуваа нивни гласови. За возврат на кусогледоста на Мицкоски, крубан отиде Западна Македонија. Патриоти, продолжете да си го гласате Мицкоски,“ изјави Апасиев.Тој упати порака и до своите членови и симпатизери, нагласувајќи дека Левица водела кампања со скромни ресурси, но со, како што рече, „огромен ентузијазам“.„Зарем мислевте дека со 16.000 евра на Фејсбук можевме да победиме ламја која вцица милијарда евра во овие избори? Тие ги имаа милијардите, а ние им се спротивставивме само со едно блендирано комбе,“ истакна Апасиев, додавајќи дека партијата успеала да покаже дека вистинската опозиција постои надвор од традиционалниот политички естаблишмент.Апасиев најави дека Левица ќе бара измени на Изборниот законик и поголема застапеност во Државната изборна комисија (ДИК).„Ќе имате пекол во Собранието ако не го измените Изборниот законик и ако не ни дадете член во ДИК,“ порача тој.Во завршниот дел, Апасиев го пофали кандидатот за градоначалник на Град Скопје, Амар Мециновиќ, кого го нарече „новото лице на Левица“ и „специјалец што достоинствено ја претставил партијата“.

Македонија | пред 7 месеци