ДПМНЕ

ВМРО-ДПМНЕ: ДУИ да престане да го брани Дехари, жртвите да добијат заштита

ВМРО-ДПМНЕ денеска побара од ДУИ да престане да го брани кичевскиот градоначалник Фатмир Дехари и да овозможи институционална постапка за случајот кој, според опозицијата, буди сериозни сомнежи за сексуално вознемирување и злоупотреба на службена положба во Општина Кичево.„ДУИ се обидува скандалот со Фатмир Дехари да го претвори во етничка приказна. Тоа е евтин маневар. Ова не е Албанци против Македонци. Ова е злоупотребувач против жртви. Ова е прашање на достоинство, закон и одговорност, независно од етничката и верската припадност“, соопштија од ВМРО-ДПМНЕ.Од партијата посочуваат дека јавноста слушнала содржини што отвораат сериозни прашања за можно вознемирување и притисоци врз жени вработени во општината, а наместо институционална реакција, ДУИ – како што велат – прибегнува кон реторика за „подземје“ и „фабрикувани факти“, со што, според нив, се врши притисок врз потенцијални сведоци.

Македонија | пред 5 месеци

Дали 90 милиони денари од тендерот за ремонти на Марковски завршиле кај Заев и Филипче, праша Манасиевски

„Властa на СДС плаќала 2,5 пати повеќе на Марковски Компани, 4.000 денари за еден час ископ, а само пред една година 1.500. Кога велиме дека криминалот на Марковски Компани и СДС се гледа од авион, токму  на ова мислиме“, вели Валентин Манасиевски, член на ЦК на ВМРО-ДПМНЕ  и додава:Имено, на 17.07.2024 година, РЕК Битола склучува договор од 208 милиони денари за ремонтни активности во комбинатот, а цената за 1 час такви активности е 3.947 денари. Ист ваков договор Марковски Компани имал и претходната година, но тогаш чинел 1.516 денари час за ремонтни активности.Доколку РЕК Битола не го местеле тендерот за Марковски Компани и останела цената од 2023, или истата за малку се покачела, државата ќе заштедела 90 милиони денари. И тоа е само од еден тендер.90 милиони денари е разликата во цени од 2024 во однос на 2023. Ако се земе предвид дека и во 2023 година Марковски Компани не работела со загуба, туку со профит, се доаѓа до очигледниот заклучок дека овие 90 милиони денари завршиле на нечии приватни сметки.Дали овие 90 милиони денари завршиле кај Заев и Филипче, па сега така здушно го бранат преку свои судии и инсталации во судството газдата на Марковски Компани од притвор?Грабежот кој Марковски Компани го направил во РЕК и ЕСМ не е можен без врвот на власта на СДС. А за тоа ќе зборуваме и во наредните денови.Стотици милиони евра народни пари се испумпани преку Марковски Компани. Газдата на фирмата, кој сега СДС го штити преку своите судии, мора да каже каде завршиле овие огромни милиони. СДС не може вечно да бега. Одговорност ќе има.

Македонија | пред 5 месеци

Ако Заев земал куферче со пари од Борисов, сега какво куферче бугарски пари земал Филипче за актуелниот трик наречен црвени линии, велат од ВМРО-ДПМНЕ

“Лагите, триковите се карактеристика за раководството на СДС, поточно на актуелниот претседател Венко Филипче и неговиот струмички гуру Зоран Заев”, велат од ВМРО-ДПМНЕ и додаваат:Филипче сега зборува за некакви црвени линии кон Бугарија, но тој како и неговиот другар Заев се веќе прочитани.Повеќе од очигледно е дека црвените линии на Филипче се само еден подарок од СДС за Бугарија, или уште едно попуштање кон Бугарија. Или, уште една бонбона бизнис од СДС за Бугарија.Се сеќаваме на кажувањата на поранешниот премиер на Бугарија, Бојко Борисов дека финансиски ја помогнал СДС и тоа директно, поточно преку куферче пари за менторот на Филипче, Заев.Прашањето сега е, ако Заев земал куферче од Борисов, сега какво куферче земал Филипче?ВМРО-ДПМНЕ нема да дозволи распродавање на ништо што е од Македонија, или тоа  што за Филипче е добро, за граѓаните и за Македонија значи само едно, ново предавство.За црвените линии на Филипче кои значат само уште еден бонбона бизнис од СДС за официјална Софија, сега има пречка, а тоа е  ВМРО-ДПМНЕ.Затоа, сега вистинскиот избор е ВМРО-ДПМНЕ.

Македонија | пред 5 месеци

ВМРО-ДПМНЕ: СДС со кривични пријави бега од одговорност и прикрива повици за убиство

„СДС со наводните кривични пријави бега од одговорност и прикрива повици за убиство“, соопшти ВМРО-ДПМНЕ, реагирајќи на ставовите на опозициската партија.„Не знаевме дека дел од раководството на СДС се отуѓени и, со оглед на злосторствата кон Македонија и својот народ, им е потребен надзор и терапија. Но, оваа кривична пријава укажува дека работите се подлабоки дури и од она за што се плашевме. Кривичната пријава е доказ дека и тука, во оваа земја каде системот е распаднат токму поради нив, СДС продолжувајќи по старо смета дека сè може да им помине. Тоа е како некој убиец да ја обвини жртвата дека сама си го организирала убиството“, велат од ВМРО-ДПМНЕ.Според НИВ, ваквиот начин на однесување е „страшен и опасен“, а истовремено внесува нови и загрижувачки аспекти во политичката динамика.„Фатени сте живи и прочитани од граѓаните. И ако со вакви глупости мислите дека ќе се извлечете, тогаш навистина вашата состојба е неизлечива. Толку од одговорот“, се наведува во реакцијата.Од партијата додаваат и прашање до СДСМ:„Не ли чувствува одговорност Венко Филипче да се огради од повикот за убиство врз премиерот, министерот за внатрешни работи и директорот на БЈБ? Наместо тоа, тие дефокусираат со кривични пријави да ја тргаат мувата од капата.“

Македонија | пред 6 месеци

Чулев: Реформите кои ги правеше Оливер Спасовски се покажаа неуспешни, затоа ни се случуваат злоупотреби во разузнавачко-безбедносниот сектор

Во „Тема на денот“ во централниот Дневник на телевизија Сител, гостуваше Наќе Чулев, поранешен министер за внатрешни работи и поранешен директор на АР, кој истакна дека со незаконското користење на капацитетите на Агенцијата за национална безбедност е направена штета врз правата и слободите на граѓанинот, истакнувајки дека Јавното обвинителство може многу лесно да ја лоцира одговорноста за сета злоупотреба врз основа на поднесени известувања и дигитална форензика.„На тој начин е нанесена сериозна штета врз правата и слободите на граѓаните, нанесена е штета врз угледот на државата, разнишана е довербата во институциите од безбедносниот систем. Агенцијата за разузнавање и Агенцијата за национална безбедност работат по стрикни утврдени правила и принципи на работење, така да многу е лесно да се детектира каде е одговорноста. Во Агенцијата за национална безбедност треба да се утврди дали навистина постоела законска основа за одредено лице да биде таргет на службата, во медиумите преструеја информации дека се работи за следење на комуникации, меѓутоа не е само следење на комуникации доколку одредено лице е таргет на службата освен следење на комуникации има и физичко следење 24/7, така да, доколку ЈО сака вистински да ја утврди и лоцира одговорноста помеѓу раководителите и вработените, тогаш тоа може врз основа на известувања кои што се поднесени до сега, но и врз основа на дигитална форензика“, рече Чулев.Чулев посочи дека реформите кои се донесени во времето кога Оливер Спасовски бил раководител на безбедносно разузнавачкиот систем се покажале како тотално неуспешни, укажувајќи дека токму од тие причини сето ова е поттик за нови реформи кои ќе конципираат транспарентна и одговорна разузнавачка служба.„Реформите коишто ги правеше Оливер Спасовски после сите овие злоупотреби на системот очигледно се неуспешни, бидејќи не ги штитат интересите на државата и граѓаните, туку ги штитат интересите на одредени поединци и политички структури. Наместо реформите да вродат со плод, во смисла на поголема заштита на интересите на државата и на граѓаните тие доведоа да сегментите од разузнавачко безбедносниот сектор и самите продуцираат бројни безбедносни скандали и корупциски афери за што бевме сведоци , реформите се неуспешни затоа пак ни се случуваат злоупотреби во рамките на разузнавачко безбедносниот сектор. Од тие причини ова е добар поттик за да се спроведат вистински реформи коишто ќе конципираат една модерна разузнавачка служба којашто ќе биде одговорна, одржлива и транспарентна“, вели Чулев.

Македонија | пред 6 месеци

Нашиве српски мафијаши од ДУИ се одраз во огледало на милошевиќевите, но огледалото е од Али-експрес, вели ВМРО-ДПМНЕ за Ахмети

ВМРО-ДПМНЕ жестоко реагираше на ставовите на лидерот на ДУИ, Али Ахмети, кој во последните настапи повторно се навраќа на 2001 година.„ДУИ може колку сака да потсетува на 2001, но сега е 2025, и не само што не може да ја делат Македонија, туку може и да завршат во затвор за криминал и за тоа што ја разјадуваат државата. Ахмети се враќа 24 години наназад, а 23 од тие години беше на власт и учесник во целото газење, компромитирање и корумпирање на институциите,“ стои во реакцијата.Од опозициската партија велат дека најголемите бенефити од конфликтот ги добиле „50-тина луѓе од врвот на ДУИ, кои од овчари, земјоделци, механичари и слаткари станаа шеици и тајкуни“, додека граѓаните, особено Албанците, масовно се иселувале.„Ахмети дури и да ја поделел Македонија во 2001 година, денес ќе имал иста држава – празна, сиромашна и опљачкана. ДУИ 24 години произведува тајкуни блиски до партијата, а резултатот е пепел и сиромаштија,“ наведуваат од ВМРО-ДПМНЕ.Партијата дополнително оценува дека „српското влијание врз ДУИ е непобитно“, споредувајќи ги со „скороевиќите од времето на Милошевиќ“.„Нашиве српски мафијаши од ДУИ се одраз во огледало на милошевиќевите криминалци, но огледалото е од Али-експрес, па делуваат трагикомично,“ се додава во реакцијата.

Македонија | пред 6 месеци

Власта со жестока реакција кон Филипче: Помалку графикони, повеќе срам, ти си симбол на луксузот, не на економијата

ВМРО-ДПМНЕ денеска жестоко реагираше на изјавите на лидерот на СДСМ, Венко Филипче, во кои тој зборуваше за состојбата со инвестициите и економијата. Од владејачката партија порачаа дека токму Филипче е „последниот човек кој може да зборува за економија“, обвинувајќи го за луксуз и хедонизам во време кога граѓаните се соочувале со сиромаштија.„Најголемата инвестиција на СДС ја гледаме во јахтите и кулите во Дубаи, плантажите низ Африка и милионските приватни бизниси на поединци, кои се резултат од криминал и корупција,“ стои во реакцијата на ВМРО-ДПМНЕ.Од партијата потсетуваат дека во времето на СДСМ и ДУИ инвеститорите „не доаѓале, туку бегале“ од земјата, која, како што велат, била заробена во корупција и рекет. „Единствениот бум беше во тендерите и раст на лични сметки на привилегирана каста,“ додаваат од ВМРО-ДПМНЕ.За да ги демантираат критиките на Филипче, од владејачката партија наведуваат два аргументи. Прво, дека според Извештајот „Гринфилд ФДИ Перформанс Индекс 2025“, Македонија го зазела шестото место во светот по привлечени странски инвестиции во однос на БДП. Второ, дека во 2024 година бил остварен рекорден прилив од над 1,25 милијарди евра директни странски инвестиции.„Филипче и СДС наместо нови фабрики им донесоа на граѓаните нови долгови, затворени компании и сиромаштија. А денес, кога државата ја враќа довербата, тој од лежалка држи лекции. Помалку графикони, повеќе срам,“ се додава во реакцијата.Партијата порача дека СДСМ продолжува со „истиот стил на ароганција од времето кога ветуваа живот, а донесоа беда и лоповлук“ и дека граѓаните добро паметат кој ја потопил економијата и кој денес ја крева од пепел.

Македонија | пред 6 месеци

„Злото“ денес, партнер вчера – ВМРО-ДПМНЕ со остра реакција на Арбен Таравари

ВМРО-ДПМНЕ реагираше на ставовите на лидерот на Алијансата за Албанците, Арбен Таравари, со порака дека неговите позиции се недоследни и во спротивност со фактите.„Арбен Таравари повторно ја менува приказната како што му одговара. Два пати влезе и излезе од владината коалиција, како млада невеста што постојано ја прекинува свадбата. Денеска ВМРО-ДПМНЕ му е ‘злото’, а пред само два месеца со истото тоа ВМРО-ДПМНЕ гордо седеше во Владата,“ се наведува во реакцијата.Од партијата потсетуваат на неколку клучни моменти:Во февруари 2024, Таравари изјавил дека и ВМРО-ДПМНЕ и СДСМ го гледале неговиот блок како посакуван партнер, а од Али Ахмети добивал „неодоливи понуди – прв албански премиер и претседателски кандидат“.На 23 јуни 2024, Владата беше изгласана со партнерство меѓу ВМРО-ДПМНЕ и албанската опозициска коалиција Вреди, што тогаш се толкуваше како победа над матрицата на криминализираната ДУИ.Во мај 2025, Алијансата на Таравари ја напушти коалицијата со образложение за „неисполнети ветувања“, но дел од неговата партија остана во Владата, што според ВМРО-ДПМНЕ покажува дека проблемот не е идеологија, туку нешто друго – можеби уцена.Дополнително, партијата наведува економски показатели кои, како што велат, демантираат тези за „катастрофа“:Индустриско производство +4,1% во јули 2025 во однос на истиот месец 2024,Просечна бруто плата +8,5% во јуни 2025 на годишно ниво,Реална плата +3,8% поради стабилизирана инфлација,Инфлација од 3,7% во јули 2025, далеку од двоцифрените нивоа од времето на СДСМ и ДУИ.„Овие факти покажуваат дека државата оди напред, а не назад. Нема катастрофа, туку стабилизација. Таравари не знае што зборува или знае, ама намерно ја менува плочата за да си го оправда влезот и излезот од коалицијата,“ завршуваат од ВМРО-ДПМНЕ.

Македонија | пред 6 месеци

Пресметка меѓу Апасиев и Петрушевски: размена на остри критики пред изборите

Лидерот на Левица, Димитар Апасиев, со објава на социјалните мрежи го нападна претседателот на ВМРО-ДПМНЕ, Христијан Мицкоски, велејќи дека има „мањак од 100-150.000 гласа“ од последните избори и додавајќи дека „ароганцијата е автодеструктивна на долг рок“. Апасиев порача дека Мицкоски ќе зажали за ваквото однесување и најави дека изборите се ближат.На ова реагираше пратеникот на ВМРО-ДПМНЕ, Бране Петрушевски, кој жестоко возврати на Апасиев. Тој му порача дека како универзитетски професор треба да знае дека локални избори не се споредуваат со парламентарни, туку со претходни локални избори.„Наместо да броиш гласови на ВМРО-ДПМНЕ, гледај си ја својата партија, бидејќи ти си најголемиот хендикеп на Левица. Во ваква ситуација, кога СДСМ е целосно растурена партија со криминален багаж, вистинска мајсторија е Левица да се бори за пет проценти поддршка“, изјави Петрушевски.Петрушевски оцени дека борбата на Левица се сведува на тоа да обезбеди минимално присуство во неколку општински совети, а најголемиот проблем на Апасиев, според него, е маргиналноста и искривената лична перцепција.Оваа размена на обвинувања уште еднаш ја потврдува напнатата атмосфера пред претстојните локални избори, каде што меѓусебните пресметки на лидерите на опозицијата и помалите партии стануваат сè поостри.

Коментари | пред 6 месеци

„Албанците не се алиби за криминал“, му вратија на Османи од ВМРО-ДПМНЕ

По изјавите на кандидатот за градоначалник на Чаир, Бујар Османи, во кои тој ја обвини Владата за маргинализација на Албанците, стигна реакција од ВМРО-ДПМНЕ во која се нагласува дека станува збор за стара политичка тактика на Демократската унија за интеграција (ДУИ).„Кога нема пари и функции, тогаш започнува врескањето: ‘нема правда за сите’, ‘Албанците се на удар’. Во превод: кога нема тендери и рекет, тогаш одеднаш стануваат заштитници на Албанците и на меѓуетничките односи“, се наведува во реакцијата на ВМРО-ДПМНЕ.Од партијата нагласуваат дека Албанците не се загрозени, туку единствено загрозени се „милионските шеми и криминалните комбинации на ДУИ“.„Албанците заслужуваат правда исто како и Македонците и секој друг граѓанин на оваа држава. Тие не се штит кој ќе ве спаси од одговорност, ниту алиби за вашите тендери, провизии и лични богатства“, велат од ВМРО-ДПМНЕ.Во реакцијата дополнително се истакнува дека времето на двојни стандарди завршило и дека ДУИ мора да се соочи со одговорност за, како што велат, „ограбувањето и осиромашувањето на Македонија“.

Македонија | пред 6 месеци

Мицкоски најави реконструкција на Владата, ќе се менуваат министри

Претседателот на ВМРО-ДПМНЕ, Христијан Мицкоски, изјави дека веднаш по локалните избори ќе следи реконструкција на Владата и отворање на партијата за нови кадри, со цел да се обезбеди „повеќе динамика и поголем капацитет“ за реформите.„И затоа веднаш после овие избори ќе ги отвориме вратите на партијата за нови смени и за нови луѓе, и во Владата ќе има реконструкција и подобрување и поголема динамика на капацитетите. Веќе добро знаеме како може уште посилно и похрабро со зголемени потенцијали. Тоа не значи дека луѓето кои ќе бидат заменети биле лоши или немарни, но на Владата секогаш ѝ треба подинамичен капацитет, уште посилно темпо за промените кои ги правиме“, рече Мицкоски.Тој додаде дека Македонија е на „патот на промените и заедничките успеси“ и дека резултатите веќе се гледаат во макроекономските показатели. „Имаме зголемен извоз, зголемен БДП, раздвижена економија, раст на стопанството, а времето на реално чувствување на овие резултати кај реалниот човек доаѓа“, истакна лидерот на ВМРО-ДПМНЕ.„Не сум човек кој ги гледа работите од дистанца, и затоа промените во Владата ќе значат уште посилно темпо и уште поголеми заеднички успеси кои ќе оделотворат дека сме на правиот пат и граѓаните го направиле вистинскиот избор“, додаде тој.

Македонија | пред 6 месеци

„Со фантомски листи сакаат да ја изиграат демократијата, но народот нема да се прелаже“, вели Мицкоски

„Со фантомски листи сакаат да ја изиграат демократијата, но народот нема да се прелаже“Претседателот на ВМРО-ДПМНЕ, Христијан Мицкоски, обвини дека СДСМ и ДУИ преку „инфлација од независни кандидатури и фантомски листи“ се обидуваат да го заматат изборниот процес и да ја прикријат, како што рече, „сликата на историскиот пораз кој им претстои“.„Зад оваа игра не стојат само партиските штабови, туку и длабоката држава на СДС и ДУИ, нивните луѓе распределени во судството и ДИК. Денес тие се во коалиција за да го спречат поразот кој ќе им го донесе ВМРО-ДПМНЕ и коалицијата на локалните избори“, изјави Мицкоски.Тој додаде дека владејачките партии продолжуваат со „матрицата на манипулации и подметнување“. „Не само што не се променети СДС и ДУИ, туку тие сакаат да докажат дека и непроменети ќе го прелажат народот. Но народот е мудар. За бадлија им е, тоа сакам јавно да им порачам. Вие сте гробари на демократијата и слуги на криминалот. Колку повеќе магла создавате, толку посилна ќе биде светлината на победата“, рече лидерот на ВМРО-ДПМНЕ.„ВМРО-ДПМНЕ е гаранција дека овој народ ќе ја закопа токму таа длабока држава што 30 години ја гуши државата“, порача Мицкоски.

Македонија | пред 6 месеци

ВМРО-ДПМНЕ денеска организира саем за отчет: „4 години работа за тебе“

Денес, 23 август 2025 година, во хотел „Холидеј Ин“ во Скопје ќе се одржи настанот „Саем-Отчет“ под мотото „4 години работа за тебе“. Настанот започнува во 11:00 часот, а свеченото отворање ќе биде со воведно обраќање на претседателот на ВМРО-ДПМНЕ, Христијан Мицкоски, во 11:20 часот.Во рамки на програмата ќе се одржат панел-дискусии со градоначалниците, поделени по региони. Во 12:10 часот ќе настапат градоначалниците од Скопскиот регион, во 13:40 од Источниот регион, во 14:40 од Југозападниот регион, во 15:40 од Југоисточниот регион, во 16:40 од Вардарскиот регион и во 17:40 од Пелагонискиот регион.Покрај дискусиите, секоја општина ќе има свој промотивен штанд, каде граѓаните ќе можат да ги разгледаат отчетите на градоначалниците и директно да се информираат за нивната работа.Настанот ќе може да се проследи и онлајн преку официјалните YouTube и Facebook канали на ВМРО-ДПМНЕ.

Македонија | пред 6 месеци

СДСМ и ВМРО-ДПМНЕ во нов економски дуел: „Филмови на Мицкоски“ против „Јахтите на Филипче“

СДСМ и ВМРО-ДПМНЕ повторно влегоа во жестока меѓусебна размена на обвинувања околу економијата и животниот стандард на граѓаните.СДСМ: „Филмовите на Мицкоски не ја плаќаат сиромаштијата“Социјалдемократите жестоко го нападнаа премиерот Христијан Мицкоски за неговата изјава дека „платите растат по 11, 12, 13 проценти на месечно ниво“.„Тоа е навреда за интелигенцијата на граѓаните“, велат од СДСМ, додавајќи дека официјалните податоци покажуваат спротивно: трошоците за живот растат далеку побрзо од платите, а минималната плата е меѓу најниските во регионот.„Во Македонија реалноста е сурова – цените растат секој месец, а приходите стагнираат. Наместо Нетфликс-филмови, Владата треба да ја зголеми минималната плата на 500 евра и да обезбеди повисоки примања во сите сектори“, порачуваат од опозицијата.ВМРО-ДПМНЕ: „Нека го прашаат Филипче како со плата стигнал до јахти и облакодери“Од ВМРО-ДПМНЕ возвратија дека СДСМ нема кредибилитет да зборува за стандардот. Тие го нападнаа поранешниот министер за здравство Венко Филипче, прашувајќи „како со лекарска и пратеничка плата стигнал до јахти, акции во авиокомпании и облакодери“.„Кога СДС беше на власт, државата беше на раб на банкрот, платите не се исплаќаа, а граѓаните тонеа во долгови. Сега, за една година, има повисоки плати, пензии, нови работни места и субвенции за земјоделците. Разликата е јасна: со СДС се крадеше, а сега со ВМРО-ДПМНЕ се градат темели на промените“, порача владејачката партија.

Македонија | пред 7 месеци

Нови обвинувања за злоупотреби со Еразмус+: ВМРО-ДПМНЕ и СДСМ се караат кој ги злоупотребил парите

Политичката сцена повторно се тресе околу скандалот со злоупотребите на европската програма Еразмус+. ВМРО-ДПМНЕ и СДСМ меѓусебно си упатуваат обвинувања за милионски проневери и за финансирање на партиски кадри преку европски средства.ВМРО-ДПМНЕ: „Фрчкоски добил 200.000 евра преку Еразмус+“Од ВМРО-ДПМНЕ тврдат дека дел од средствата наменети за млади и образовни проекти завршиле кај поединци блиски до СДСМ. Како пример го посочуваат професорот и поранешен министер Љубомир Фрчкоски, за кого велат дека добил 200 илјади евра преку проект на Еразмус+, додека агенцијата била раководена од Лидија Димова.„Наместо за образовни програми за младите, парите завршиле кај Фрчкоски, кој со години е најгласен бранител на СДСМ и идеолог на нивните политики. Тоа е уште еден пример како институциите биле злоупотребувани за партиски интереси“, соопштија од ВМРО-ДПМНЕ.СДСМ: „Скандалот води директно до ВМРО-ДПМНЕ“СДСМ возврати со контраобвинувања, наведувајќи дека злоупотребите со европската програма се случувале токму во време кога агенцијата била под раководство на кадри блиски до ВМРО-ДПМНЕ.„Владата на Мицкоски назначи за в.д. директор лице под активна истрага на ОЛАФ – Европската канцеларија за борба против измами. Од 2014 до 2017 година, преку структури поврзани со ВМРО-ДПМНЕ биле распределени над 8 милиони евра. Прашањето е: во чии џебови завршиле овие пари?“, велат од СДСМ.Социјалдемократите тврдат дека мрежата на сомнителни доделувања опфаќала и компании, како „Силвер Лион Сервисес“ и „Агронимија Органика“, за кои постојат наводи дека се дел од шемата идентификувана од ОЛАФ.Повеќе прашања отколку одговориСлучајот со Еразмус+ останува без правосилна разврска. Европската канцеларија за борба против измами (ОЛАФ) веќе неколку години води истраги, но јавноста сè уште нема конечни информации дали злоупотребите биле резултат на партиска шема или на поединечни прекршувања.Во меѓувреме, двете најголеми партии го користат скандалот како оружје во меѓусебните обвинувања – ВМРО-ДПМНЕ ја посочува одговорноста на СДСМ и нивните блиски луѓе, додека СДСМ тврди дека токму ВМРО-ДПМНЕ стои зад најголемата проневера на европски пари во Македонија.

Свет | пред 7 месеци

Од СДС се уште молк за тоа зошто со пари од Еразмус + купувале судии како Нанев и што барале за возврат, велат од ВМРО-ДПМНЕ

„СДС молчи за тоа зошто со парите од Еразмус + купуваа судии како Нанев и што всушност бараа за возврат“, велат од ВМРО-ДПМНЕ и додаваат:СДС и Заев преку Лидија Димова, доделија грант од Националната агенција Еразмус + во вредност од 120 илјади евра, па ни помалку ни повеќе, судијата Лазар Нанев, кој беше дел од Судскиот совет и е втор човек по Наќе Георгиев, да биде дел од една коруптивна шема.Дали со овој проект и слични на овој, СДС имала за цел да го награди Лазар Нанев и останати други блиски лица до партијата? Го повикуваме СДС да одговори, колку судии биле унапредени, поставени и разрешени, поради одлуките на Нанев, и дали тие одлуки ги носел по насока на Заев и на СДС?Дали СДС ги поткупувале судиите и обвинителите за да си ја купат слободата? Дали Нанев по насока на СДС има ургирано за одредени лица да не бидат дел од прогонот за да ги заштити?СДС не смее да молчи и треба веднаш да одговори, во спротивно нашите сомнежи излегуваат дека се вистинити!

Македонија | пред 7 месеци

Филипче и Заев да се одважат и да кажат чива е јахтата со која се луксузираат на Егејското море, бара ВМРО-ДПМНЕ

„Луксузирањето, скапите јахти, скапите гоштевања и чаламот е секојдневието на Филипче и Заев“, велат од ВМРО-ДПМНЕ и додаваат:Додека од една страна СДС преку прес-конференции и соопштенија вели дека во Македонија тешко се живее и стандардот на граѓаните опаѓал, гледаме дека Филипче го докажува сосема спротивното. Со лекарска плата тој заедно со неговиот ментор Заев пловат на Егејското море, најверојатно со сидрото кое ги влече.Секако, не е проблем некој да оди на одмор, туку проблемот е во лицемерието на Филипче и СДС, коишто велат дека во Македонија тешко се живее и едвај се врзува крај со крај, а од друга страна го гледаме вистинското лице на Филипче кој ужива на скапи јахти, во скапи ресторани и скапи апартмани.Исто така, Филипче и Заев, треба да одговорат, дали јахтата во којашто се возеа, е изнајмена или пак е на Филипче или Заев? Или можеби заеднички ја купиле?Доколку испадне дека јахтата е во сопственост на еден од нив, се поставува логичното прашање, како се купува јахта со лекарска, пратеничка или пак премиерска плата?Филипче и Заев им должат одговор на граѓаните. 7 години ја распродаваа и уништуваа државата, а сега ги гледаме како лицемерно и без срам се луксузираат на скапите јахти и скапите ресторани.

Македонија | пред 7 месеци

Мицкоски потврди: ВМРО-ДПМНЕ ќе има свој кандидат за градоначалник на Кичево

Претседателот на ВМРО-ДПМНЕ и актуелен премиер, Христијан Мицкоски, ја потврди намерата на партијата да настапи со сопствен кандидат на локалните избори во Кичево.„Да, ВМРО-ДПМНЕ и коалицијата ќе кандидираат градоначалник на Кичево“, рече Мицкоски, додавајќи дека внимателно ги следи дискусиите околу таа тема и, како што рече, „точно препознавам кој е инспираторот“.Тој посочи дека иницијативата за отворање на ова прашање доаѓа од опозициски кругови:„Тоа доаѓа токму од онаа опозиција која по 22 години не е во Владата. Тие хушкаат хушкачи“, изјави Мицкоски.Изјавата доаѓа во пресрет на изборната трка за една од најетнички чувствителните општини во земјава, каде досега ВМРО-ДПМНЕ ретко настапувала со сопствен кандидат.

пред 7 месеци

Полемика околу Законот за полиција: СДСМ обвинува за партизација, ВМРО-ДПМНЕ враќа со критики за манипулации

Новиот предлог-закон за изменување и дополнување на Законот за полиција предизвика силни политички тензии, откако од СДСМ го оценија како опасен чекор кон целосна партизација на МВР и узурпација на безбедносниот систем, додека од ВМРО-ДПМНЕ возвратија дека станува збор за намерни манипулации и дефокус од реалните успеси на Владата.На прес-конференција, портпаролката на СДСМ, Богданка Кузеска, остро го критикуваше министерот за внатрешни работи Панче Тошковски, обвинувајќи го дека преку предложените измени сака да го претвори МВР во „партиска милиција на ВМРО-ДПМНЕ“.„Станува збор за скандалозен предлог со кој се урива кариерниот систем, се бришат професионалните критериуми и се отвора вратата за поставување партиски кадри без образование и искуство“, рече Кузеска. Таа предупреди на шест клучни точки кои, според СДСМ, го загрозуваат функционирањето на полицијата: намалување на критериумите за вработување, укинување на условите за раководни функции, укинување на регионалните центри за гранична контрола, можност за бришење податоци од евиденции, подигање на старосната граница за вработување и – како што го оцени – „најскандалозно“, бришење на членот 19 што овозможува амнестија за осудени лица.„Ова е директен атак врз безбедносниот систем и државниот суверенитет. Ако овој закон биде усвоен, полицијата ќе биде инструмент за политички прогон, а не заштитник на граѓаните“, порача Кузеска.Одговорот од ВМРО-ДПМНЕ следуваше веднаш, преку реакција во која се вели дека СДСМ, наместо да понуди аргументи, продолжува со манипулации и фабрикување на тези.„СДСМ ја изневери секоја категорија на граѓани. Сега, преку прес-конференции, се обидува да ја манипулира јавноста и да дефокусира од фактот дека Владата на ВМРО-ДПМНЕ веќе ги зголеми пензиите за 5.000 денари во една година, а премиерот најави ново зголемување од 2.000 денари во наредниот период“, се вели во реакцијата.Од партијата посочуваат дека пензионерите ја препознаваат политиката на ВМРО-ДПМНЕ, што, според нив, се потврдува и со преминувањето на Партијата на пензионерите на страната на новата влада.Додека власта тврди дека спроведува реформи и ја враќа државата на прав пат, опозицијата предупредува на сериозно разградување на институционалниот интегритет. Предлог-законот е во собраниска процедура, а јавноста останува поделена – меѓу обвинувањата за враќање на режимски практики и тврдењата за нова стабилност.

Македонија | пред 8 месеци

Шукова и сите предложени кандидати ќе трчаат изборна трка која води кон пораз, вели Манасиевски

„СДС под водство на Венко Филипче покажа само една работа – дека секогаш може да се оди подолу, дека дното е се подлабоко и подлабоко. Филипче е како жив песок, само ја влече надолу партијата. Ова се виде во овој последен период во кој никој жив не му прифаќаше да биде кандидат за ниту една општина, посебно за Скопје каде никој не сакаше да излезе на трката избори за градоначалник на Скопје, па по низа истакнати имиња кои очигледно сам си ги вадеше од глава мораше да излезе со Каја Шукова или таа да биде жртвата“, вели Валентин Манасиевски, член на ЦК на ВМРО-ДПМНЕ и додава:Многу е очигледно и очекувано ова кога партијата ја води човек кој има само криминална заднина и кој е поставен на функција прв човек на партијата исклучиво за да му го чува местото на Зоран Заев.Оттука резултат на ова е ситнење на СДС и секако катастрофална кадровска политика.Филипче не успева никако да излезе од филмот на Заев во која му е доделена запрепастувачки лоша улога. Улога која го доведе во ситуација да не му остане човек, да мора да предлага или криминални или крајно безлични и неспосбни ликови за претстојните локални избори.Па така замислете за кандидат за град Скопје, кандидат кој треба да го менаџира главниот град ја предложи по долги, а веројатно и мачни за него денови во кои го одбиваше секој жив за да излезе на трката за оваа функција, поранешната министерка за животна средина Каја Шукова.Шукова од стартот на оваа поранешна функција го имаше печатот на Заев. Шукова која не направи ништо за животната средина, за почист воздух, за управување со отпад и слично. Шукова која во својот министерски мандат од февруари 2023 година само излегуваше во јавност и како да се имаше снимено само повторуваше треба многу време да решиме било кој проблем со животната средина.Ако Шукова ништо не направи како министер за животна средина се поставува прашањето што може да направи како градоначалник на Скопје, посебно вакво Скопје речиси уништено од Данела Арсовска која со право може да се нарече само кума на градскиот хаос.Кандидатката за Скопје, Шукова, а воедно и сите досега предложени кандидати на Филипче и СДС се само потврда на тврдењата дека сите тие ќе ја трчаат трката која не е неизвесна туку води до сигурен пораз.

Македонија | пред 8 месеци

(Видео) Кандидатот на ВМРО-ДПМНЕ, Ѓорѓиевски: Ќе го воскреснеме Скопје од сивилото

Време е Скопје да го вратиме на скопјани и да изградиме Град на кој сите ќе се гордееме, рече Орце Ѓорѓиевски, кандидат за градоначалник од ВМРО-ДПМНЕ за Град Скопје. Рече дека сообраќајниот хаос, но и прљавиот град ќе бидат први работи. Тој рече дека нема разлика помеѓу Данела Арсовска и Петре Шилегов.„Свесен сум во каква состојба е Скопје, во какво сивило живееме, но спремен сум по завршување на овие избори, да го воскреснам Скопје и конечно да стане град за достоинствен живот на сите сограѓани, без делби, ќе останам близок до сите граѓани. Не очекувајте од мене салонски политичар, покажав и овие изминати години дека не сум таков, дека сум меѓу граѓаните за да ги ислушам. Ја барам поддршката од сите скопјани, без разлика вера, нација, политичка припадност. Ги повикувам сите да се приклучат во оваа заедничка мисија“, рече Ѓорѓиевски.Тој рече дека почнуваат со креирање на програмата, детално ќе се разработува, дека ќе има рокови и колку ќе чини. Сѐ што ќе зацрта, тој рече дека ќе даде се од себе да биде реализирано.

Скопје | пред 8 месеци

Кандидатот за градоначалник на Штип, покажува колку СДС е безнадежна, длабоко заробена од тандемот Заев-Филипче, вели ВМРО-ДПМНЕ

„СДС за кандидат за градоначалник на Штип, излезе со потрчко од истата бизнис шема на Заеви и Венко Филипче, добро познатиот Павел Иванов“, вели ВМРО-ДПМНЕ и додава:Павел Иванов е познат бизнис партнер и продолжена рака на Заев и Венко Филипче, а со тоа повторно се покажува колку СДС се безнадежни и нереформирани.Да не ја заборавиме неговата сторија.За време на владеењето на Заев, Павел Иванов беше поставен за раководител на подрачната единица на МЗШВ во Штип, додека пак неговата сопруга со амин од Заев, во тој период, беше наградена и истата беше поставена за директор на Меѓуопоштинскиот центар за социјална работа во Штип.Меѓутоа, тоа како да не беше доволно, па истата директорка, по одреден период, беше повторно наградена и беше избрана за советник во Општина Штип, а нејзиниот брат Иле Илиев беше носител на листата на СДС и исто така беше избран за советник во Општина Ново Село, се разбира со дозвола од Заев.За работите да се уште потрагични, Илиев додедил на 70 години користење, државно земјиште од 20.000м2 посадено со лешници на својата сопруга, а 4700м2 во Суитлак на користење на својот татко.Луѓе кои се огледуваат на Заев и Филипче, не може да поминат без некаков скандал.Павел Иванов е продолжена рака на Заев и Филипче. На Штип му треба чесен човек со визија, каков што имаат изминативе 4 години, а со сигурност и наредните 4 години.

Македонија | пред 8 месеци

Народот заслужува да знае која е целта на Филипче со разгорувањето тензии, предизвикани од заканите на Костадинов за ликвидација на новинар, вели ВМРО-ДПМНЕ

„Веќе трет ден изминува, а СДС и Венко Филипче уште громогласно молчат“, вели ВМРО-ДПМНЕ и додава:Ги нема збор да кажат, да го осудат или да се дистанцираат од јавните закани по живот на новинар од страна на нивниот градоначалник на Струмица, Костадин Костадинов.Нивниот молк е доказ дека зад заканите и говорот на омраза на Костадинов кон новинарот, стојат токму Филипче и неговиот ментор, Зоран Заев.До некаде, молкот на Филипче и не изненадува толку. Затоа што, тоа Костадинов се охрабрува и зема сила јавно да се заканува со ликвидација на новинар, е и директно мотивирано токму од Венко Филипче.Затоа што тој креира и шири атмосфера на паника, страв и хаос, со цел дестабилизација, како што беше и примерот со неговиот советник во Кочани.Тоа што СДС и Филипче не се оградија од Костадинов, говори дека со таквиот однос сакаат да мотивираат и други да го направат истото.На очајниот Венко Филипче не му останува друг начин да го привлече вниманието на јавноста, па ги пушта своите пулени и послушници, како Костадинов, да сеат страв и да разгоруваат тензии.Ваквото примитивно однесување и јавни закани од избрани функционери, не смее да поминат неказнето.Затоа, очекуваме и го повикување Јавното обвинителство да го процесуира случајот и да отвори постапка против струмичкиот градоначалник, Костадин Костадинов.Од друга страна, пак, се ближат избори и народот заслужува да знае кој е Венко Филипче, затоа бараме јавно да појасни што точно застапува и која му целта.

Македонија | пред 8 месеци

СДС располагаат само со корумпирани кадри, Костадин Ацевски е продолжена рака на Заев и Филипче, вели ВМРО-ДПМНЕ

„Корумпираните кадри кои СДС ги има се очигледни, изборот на Костадин Ацевски за кандидат за градоначалник на Општина Ѓорче Петров е апсолутно политичко разочарување, кандидат кој е поврзан со контроверзии и сомнителни активности“, вели ВМРО-ДПМНЕ и додава:СДС покажа дека располага само со несоодветни кандидати кои се олицетворение на урбанистичката мафија која поддржува агресивна бетонизација, на семејното насилство и на преоптоварување на државниот буџет.Јавноста е запознаена дека Ацевски беше дел од составот кој гласаше за промена на уставното име на Република Македонија и човек кој додека беше директор на Македонија пат потпиша договори за транспорт на битумен по цена многу повисока од реалната.Кандидатот од СДС, Ацевски е човек кој е синоним за скандали и семејни инциденти кои воедно го нарушуваат неговиот личен, институционален и политички интегритет, тој е само продолжена рака на Зоран Заев и Венко Филипче.Евидентно е дека кадрите на СДС се криминални и корумпирани, обременети со скандали и претставуваат приказ на хаосот во СДС.Сите факти укажуваат дека ваков профил на човек за кандидат за градоначалник е несоодветен и не може да ги добие гласовите од граѓаните.Жителите на Ѓорче Петров заслужуваат градоначалник кој ќе го гледа градот како свој дом, кој ќе работи чесно, одговорно и транспарентно, а не градоначалник кој врши злоупотреба на позицијата за свои цели.СДС е нереформирана партија, партија која е заглавена во минатото, а граѓаните избираат промени и напредок на општината со развој и конкретни проекти!

Скопје | пред 8 месеци

ВМРО-ДПМНЕ: Дали СДС и Филипче стојат зад насилството на советникот Акиов?

ВМРО-ДПМНЕ обвинува дека зад инцидентот во Советот на Општина Кочани, каде советникот од СДС, Аки Акиов, нападнал административна службеничка, стои партиска стратегија на СДС за предизвикување тензии и прикривање скандали.„Дали Акиов сам одлучил да нападне, или добил зелено светло од Филипче и Заев? Молкот на лидерот на СДС говори многу. Филипче не се оградува од насилството, што отвора сомнеж за координиран план и прикривање на поврзани лица“, стои во соопштението.Од ВМРО-ДПМНЕ прашуваат дали ова е начин на СДС да го дефокусира вниманието на јавноста и да провоцира хаос во предизборен период. „Кога врвот на партијата молчи, насилството станува стратегија, не инцидент“, порачуваат.Партијата заклучува дека „СДС останува систем кој ги штити насилниците, наместо да се огради и санкционира своите кадри“.

Македонија | пред 8 месеци