ГАЗА

Познатиот репортер Анас ал-Шариф загина во израелски напад заедно со други колеги од „Ал Џезира“

Пет новинари на „Ал Џезира“, меѓу нив и познатиот репортер Анас ал-Шариф, загинаа во израелски воздушен напад во неделата вечерта врз новинарски шатор поставен пред главниот влез на болницата „Ал Шифа“ во градот Газа.Меѓу убиените се и дописникот Мухамед Креикех, како и снимателите Ибрахим Захер, Мухамед Нуфал и Моамен Алива. Вкупниот број на загинати во нападот е седум лица, соопшти „Ал Џезира“.Само неколку часа пред смртта, 28-годишниот ал-Шариф на платформата X предупреди дека Израел врши интензивно и насочено бомбардирање, т.н. „појаси од оган“, кон источните и јужните делови на Газа. Во неговото последно објавено видео се слушаат силни детонации, а небото е осветлено од огнени блесоци.Во порака напишана на 6 април, во случај да загине, ал-Шариф запишал: „Ја живеам болката во сите нејзини детали“ и „повторно и повторно ја вкусувам тагата и загубата“. Тој додал: „И покрај тоа, никогаш не се двоумев да ја пренесам вистината како што е, без извртување или искривување, надевајќи се дека Бог ќе биде сведок на оние кои молчеа, кои го прифатија нашето убиство и кои го задушија нашиот здив“. Во истата порака изразил жалење што ја оставил сопругата Бајан и нема да го гледа растењето на својот син Салах и ќерката Шам.„Ал Џезира“ го нарече нападот „уште еден очигледен и однапред планиран напад врз слободата на медиумите“ и „обид да се замолчат гласовите кои ја разоткриваат претстојната окупација на Газа“. Телевизијата ја повика меѓународната заедница и надлежните организации да преземат „решителни мерки за запирање на ова тековно геноцидно дејствување и на намерното таргетирање на новинарите“.Новинарот Хани Махмуд, кој се наоѓал само еден блок од местото на ударот, изјави дека ова било „најтешкото известување во изминатите 22 месеци војна“ и дека колегите биле убиени „поради нивното упорно известување за гладта, неухранетоста и страдањата на Палестинците“.Израелската војска го обвини ал-Шариф дека раководел ќелија на Хамас и организирал ракетни напади врз израелски цели, тврдејќи дека поседува „недвосмислени докази“ за неговата поврзаност со групата.Мухамед Шехада од организацијата Euro-Med Human Rights Monitor, пак, изјави дека нема докази за такво учество и дека неговата работа се состоела исклучиво од репортажи „од утро до вечер“.Минатиот месец, по видео-изјавата на портпаролот на израелската армија Авихај Адраеи со обвинувања кон ал-Шариф, специјалната известувачка на ОН за слобода на изразување Ирена Кан изрази „длабока загриженост“ поради постојаните закани и обвинувања, предупредувајќи дека се зголемува бројот на докази дека новинарите во Газа се ликвидирани врз основа на непоткрепени тврдења.„Ал Џезира“ обвини дека израелските власти фабрикуваат докази за да ги поврзат нивните репортери со Хамас и ја осуди „кампањата на поттикнување“ против нивните новинари.Комитетот за заштита на новинари (CPJ) исто така, минатиот месец, предупреди на „кампањата на оцрнување“ што, според нив, ја спроведува израелската армија, изразувајќи „длабока загриженост“ за безбедноста на ал-Шариф.Од почетокот на израелската офанзива во октомври 2023 година, израелските сили, според новинарските организации, убиле повеќе од 200 новинари и медиумски работници во Газа, меѓу кои и неколкумина од „Ал Џезира“ и нивни членови на семејствата.фото: Ал Џезира/ПринтСкрин

Свет | пред 9 месеци

Трагедија во Газа: 15-годишно момче загина во текот на доставата на хуманитарна помош

Петнаесетгодишниот Муханад Закарија Еид од Газа загина откако врз него паднала палета со храна и помош за време на воздушно доставување хуманитарни пакети, јавува „Ал Џезира“. Несреќата се случила во близина на коридорот Нетзарим, во момент кога расте меѓународната осуда на израелскиот план за преземање на најголемиот град во разурнатата енклава, каде засолниште имаат најмалку еден милион луѓе.Снимките од местото, чии автентичност е потврдена од „Ал Џезира“, прикажуваат потресни сцени – луѓе кои се обидуваат да го реанимираат момчето, неговиот брат како го носи телото, а таткото во болницата „Ал-Авда“ во Нусеират. „И покрај гладот, брат ми отиде по помошта што со авион беше фрлена во морето. Кутии паднаа врз него и стана маченик“, изјавил братот за „Ројтерс“.Организациите на ОН повеќепати предупредија дека воздушните испораки се опасни, неефикасни и скапи, барајќи од Израел да дозволи редовен дотур преку копнените премини. Владината медиумска канцеларија во Газа соопшти дека од почетокот на војната во октомври 2023 година, најмалку 23 лица загинале, а 124 се повредени за време на вакви испораки.

Свет | пред 9 месеци

Израел подготвува голема операција за заземање на градот Газа – можно двегодишно герилско војување

Израелската армија се подготвува за масовна копнена офанзива против борците на Хамас во градот Газа – административното, политичко и економско срце на појасот Газа. Премиерот Бенјамин Нетанјаху одреди симболичен датум за почеток на операцијата – 7 октомври, втората годишнина од најкрвавиот терористички напад врз Израел, кога беа убиени 1.100 луѓе, најмногу цивили, и почетокот на војната во која загинаа околу 60.000 Палестинци.Според податоците, израелската армија веќе контролира околу 75% од територијата на Газа. Првичните планови за целосна окупација на целиот појас се заменети со стратегија за заземање само на градот, што се смета за еден од последните и најсилни бастиони на Хамас. Урбаната густина, бројните бегалски кампови и комплексната инфраструктура го прават овој потег логистички исклучително тежок.Нетанјаху најави евакуација на околу 800.000 жители пред влезот на војската, но планот наиде на критики и од опозицијата и од дел од екстремно десничарските партнери во коалицијата. Министерот за финансии Безалел Смотрич оцени дека операцијата е „ризична и без јасна цел за трајна победа“.Поранешниот армиски офицер Гриша Јакубович изјави дека ќе бидат потребни 3–5 месеци за евакуација на цивилите и влез во градот, каде што се очекуваат жестоки борби на улиците и во тунелите.„Никој не сака да преземе одговорност за два милиона луѓе – тоа значи обврска за храна, лекови и медицински услуги“, рече тој, додавајќи дека „во герилски војни никој досега не успеал целосно да го елиминира непријателот“.Хамас реагираше со понуда за „сеопфатен договор“ – ослободување на сите израелски заробеници во замена за прекин на војната и повлекување на израелските сили. Израел одговори дека повлекување од Газа не е опција, а политиката на масовна размена на затвореници за еден војник повеќе не доаѓа предвид по нападот од 7 октомври 2023.Израелските медиуми јавуваат дека Нетанјахуовиот кабинет и официјално донел политичка одлука за окупација на градот Газа. Војската најави „продлабочување на оперативните планови“ со цел ослободување на таоците и уривање на власта на Хамас.

Свет | пред 9 месеци

Германија стопира дел од извозот на оружје за Израел, Нетанјаху е лут: „Го наградувате Хамас“

По одлуката на израелската влада за нова офанзива во Појасот Газа, германскиот канцелар Фридрих Мерц објави дека Германија повеќе нема да испорачува воена опрема „која би можела да се користи во Газа“. Одлуката следи откако Берлин оцени дека Израел се подготвува за „уште поостро воено дејствување“ во регионот, со што презема уште поголема одговорност за снабдување на цивилното население.„Израел мора трајно да ја подобри хуманитарната состојба во Газа и да обезбеди целосен пристап на помошта за ОН и невладините организации“, изјави Мерц, додавајќи и повик до Тел Авив „да не презема чекори кон анексија на Западниот Брег“.Израелскиот премиер Бенјамин Нетанјаху остро реагираше, обвинувајќи ја Германија дека со ембаргото „го наградила тероризмот на Хамас“.„Германија го наградува тероризмот со забрана за оружје“, стои во соопштението од неговиот кабинет.Според податоците на германската влада, во периодот од 7 октомври 2023 до 13 мај 2025, во Израел биле испорачани различни видови воена опрема – од огнено оружје, муниција и специјални оклопни возила, до електронска опрема и делови за морнарица. Дел од таа опрема, како противтенковско оружје и муниција, може да се користи и во Газа, но подморниците и системите за одбрана од Иран не се опфатени со забраната.

Свет | пред 9 месеци

BBC: Израелскиот план за заземање на Газа – прв чекор кон целосна окупација, Британија: „Погрешна одлука“

Одлуката на израелскиот безбедносен кабинет за преземање контрола врз Градот Газа најверојатно претставува прва фаза од поширок план за целосна окупација на Појасот Газа, бидејќи премиерот Бенјамин Нетанјаху отворено изјави дека тоа е неговата цел, пренесува BBC.Планот наиде на силно противење во врвот на армијата – началникот на Генералштабот, генерал Ејал Замир, предупредил дека ваквиот потег може да ја вовлече израелската војска во „замка“.Семејствата на околу 20 израелски заложници, за кои се верува дека сè уште се живи, стравуваат дека продолжувањето на офанзивата – која може да трае со месеци – дополнително ќе ги загрози нивните животи. Постојат и предупредувања дека операцијата може да донесе нови цивилни жртви и да ја влоши хуманитарната криза во Газа.Иако анкетите покажуваат дека повеќето Израелци поддржуваат договор со Хамас во замена за ослободување на заложниците и крај на војната, политичкиот врв во Тел Авив тврди дека Хамас моментално нема интерес за преговори, охрабрен од меѓународниот притисок врз Израел. Некои аналитичари сметаат дека заканата со целосна окупација е само тактика за притисок врз Хамас.Во интервју пред седницата на кабинетот, Нетанјаху најави дека контролата врз Газа ќе ја предаде на „арапски сили“, но не наведе кои држави би учествувале ниту како би изгледал таквиот процес.Британската влада остро ја критикуваше израелската одлука. Министерката за енергетска безбедност и климатска неутралност Миата Фанбуле за BBC изјави: „Веруваме дека ова е погрешен потег. Ќе ја ескалира веќе неподносливата ситуација и ќе донесе уште повеќе крвопролевање.“Таа повтори дека ставот на Лондон останува непроменет – итен прекин на огнот, зголемување на хуманитарната помош за Газа и ослободување на заложниците. „Се надеваме дека израелската влада ќе ја преиспита својата одлука,“ порача Фанбуле.

Свет | пред 9 месеци

Трагедија во Газа: Камион со хуманитарна помош се преврте, најмалку 20 загинати

Најмалку 20 лица го загубија животот кога камион натоварен со храна се преврте врз група цивили кои чекале ред за помош во централниот дел на Појасот Газа, соопшти Цивилната одбрана на палестинските власти.Несреќата се случила во областа Нусеират во текот на ноќта, кога стотици лица биле собрани во очекување на хуманитарна распределба. Портпаролот на Цивилната одбрана, Махмуд Басал, изјави дека возилото се превртело поради движење по оштетени и претходно бомбардирани патишта.Според Басал, израелската армија го насочила камионот да се движи по нестабилна рута, што резултирало со трагичниот инцидент.

Свет | пред 9 месеци

Трамп без јасен став за анексијата на Газа – Нетанјаху најавува целосна окупација

Американскиот претседател Доналд Трамп избегна директно да одговори дали ја поддржува или се противи на најавената намера на Израел да го анектира целиот Појас Газа, јавува Reuters.„Што се однесува на останатото, не можам многу да кажам. Тоа главно ќе зависи од Израел“, изјави Трамп, додавајќи дека фокусот на неговата администрација е насочен кон зголемување на испораката на хуманитарна помош за палестинската енклава.Израелскиот премиер Бенјамин Нетанјаху, пак, во вторникот повтори дека целосното уништување на Хамас останува клучна цел. Во безбедносен состанок посветен на следната фаза од војната, која според израелски извори е „неизбежна“, тој изјави: „Потребно е целосно поразување на непријателот во Газа, ослободување на сите наши заложници и гарантирање дека Газа повеќе нема да претставува закана за Израел. Ниту од една од овие мисии не се откажуваме“.Израелскиот печат, повикувајќи се на анонимни официјални извори, јавува дека Нетанјаху во приватни разговори изразил подготвеност да нареди целосна окупација на Газа, и покрај внатрешниот отпор во редовите на израелската армија.Американскиот претседател Трамп, во меѓувреме, го нарече „страшно“ видеото на кое се гледа израелскиот заложник Евјатар Давид, објавено неодамна од страна на Хамас.Очекувањата во израелската јавност и медиумите се јасни – следува нов бран ескалација, со можен обид за целосна територијална контрола на Газа од страна на Израел.

Свет | пред 9 месеци

„Какви луѓе станавме?“ – апел на актерката Јелена Јованова за страдањата во Газа

Актерката Јелена Јованова објави статус на социјалните мрежи, реагирајќи на хуманитарната катастрофа во Појасот Газа. Таа се обрати до родителите, прашувајќи ги какви вредности им пренесуваат на своите деца во време кога гладот и страдањата се сведени на статистика, а емпатијата се губи во лавиринтот на политички оправдувања.Што им порачавте денес на вашите деца?Сигурно ќе ве прашаат вечерва.На оние во Газа кои умираат од глад, чии мајки ги хранат со сол и вода – не за да бидат здрави, туку за да ги одржат во живот барем уште еден ден, на оние што не се ни живи ни мртви, туку скелети што се движат – е јасно!Што ќе им кажете на вашите? Којa морална, ХУМАНА лекција ќе им ја пренесете?Каде, на пиедесталот, ќе им ја сместите емпатијата, а каде рамнодушноста?Сигурно ќе им спомнете: „Ама ќерко моја, сине мој, не се разбираш во политика.“Се надевам ќе ви одговорат: „За да го разбереш човековото право, хуманоста, не треба да ја разбираш и политиката!“Дека во Газа има недостаток на храна?Се надевам ќе ви кажат: „Не, во Газа се случува воен злостор. Геноцид.“Дека секој има право да се брани?Се надевам ќе ви кажат: „Изгладнувањето не е одбрана! Гладот не е оружје!“Дека и онака не можеме ништо да направиме?Се надевам ќе ви кажат: „Одговорноста е колективна, ама и срамот кога истата не се презема!“Дека е касно и треба да спијат?Се надевам ќе ве прашаат: „Што за вас е поважно од човековиот живот?“...се надевам!

Коментари | пред 10 месеци

Собранието не изгласа резолуцијата со која Израел треба да дозволи влез на хуманитарна помош за цивилите во Газа

Мнозинството пратеници не дадоа поддршка за предлог-резолуцијата за хуманитарната ситуација во појасот Газа.Поддршка дадоа само 16 пратеници, меѓу нив и 6 пратеници на Левица.Со резолуцијата беше предвидено Израел да дозволи влез на хуманитарната помош.Левица остро ја критикуваше одлуката на Законодавниот дом.„Од народ кој во Втората светска војна извијува победа против фашистичкото зло и се позиционира на правилната страна на историјата, денес со партии со неоколонијален и вазален менталитет молчиме, додека деца умираат од глад”, реагираше пратеничката на Левица Јована Мојсоска.Со оваа резолуција се бараше од Израел да овозможи без одлагање влез на хуманитарна помош и тоа храна, медицински средства и логистичка поддршка за цивилното население во појасот Газа, во согласност со меѓународното право, како и со одлуките на релевантните меѓународни тела и организации и се упатуваше повик кон Обединетите нации, Европската унија, Исламската Конференција, како и сите други меѓународни организации да засилат дипломатски и хуманитарен притисок врз Израел за прекин на хуманитарната блокада и за подобрување на условите за цивилите.Резилуцијата беше предложена од пратениците Скендер Реџепи, Арбана Пашоли, Рина Ајдари, Муса Џафери, Дијана Тоска, Илире Даути и Сали Мурати.

Македонија | пред 10 месеци

Мојсоска: Левица гласаше за хуманитарна помош за Газа – собранието ја отфрли резолуцијата

Само 16 пратеници, од кои шест пратеници од Левица, во македонското собрание гласаа за Резолуцијата за хуманитарна помош на Газа.„Во моментов во Собрание само 16 пратеници гласаа хуманитарна помош на Газа (од кои 6 пратеници на Левица) - односно Израел да дозволи влез на хуманитарната помош.Додека палестински деца умираат од глад, македонското собрание не само што не го осуди ционизмот на Израел (за разлика од многу европски држави) - туку не се уважува барем срамежливо да побара хуманитарна помош пред најголемиот геноцид на нашето време!“, напиша пратеничката на Левица, Јована Мојсоска.Понатаму во својот коментар Мојсоска вели дека од народ кој во Втора светска војна извојувал победа против фашистичкото зло и се позиционира на правилната страна на историјата, денес со партии со „неоколонијален и вазален менталитет“ се молчи додека деца умираат од глад.„Се срамам од генерација која е апатична, индиферентна и колаборационистичка пред најголемото злосторство на нашето време“, го завршува својот коментар Мојсоска.Инаку резолуцијата која беше поднесена во македонското собрание бара од државата Израел да дозволи итно воведување хуманитарна помош (храна, медицински материјали и логистичка поддршка) за цивилното население во Газа, во согласност со меѓународното право, како и одлуките на релевантните меѓународни тела и организации. Со резолуцијата исто така се бараше ОН, Европската унија, Исламската конференција и сите други меѓународни организации да го зголемат дипломатскиот и хуманитарниот притисок врз Израел за прекин на хуманитарната блокада и подобрување на условите за цивилите.

Македонија | пред 10 месеци

Најмалку 116 мртви во нов крвав ден во Газа – меѓу нив и гладни цивили што чекале помош

Најмалку 116 лица загинаа во неделата во нов напад во Појасот Газа, откако израелските сили отвориле оган и извршиле гранатирање врз Палестинци кои се обидувале да дојдат до хуманитарна помош, соопшти Цивилната заштита во Газа. Според нивните податоци, само во неделниот инцидент загинале 93 лица, а бројот на повредени е значително поголем.Очевидци сведочат дека израелски тенкови пукале „неселективно“ врз луѓето. Еден од нив изјавил: „Прашањето е: дали да го носите ранетиот за да го спасите, или вреќа брашно за да го нахраните семејството?“Светската програма за храна (WFP) соопшти дека нејзини тимови биле сведоци на „огромни толпи гладни цивили врз кои било пукано“ во областа Зиким, во обид да стигнат до помош.Израелската армија, на прашање од новинската агенција АФП, го негираше извештајот од Цивилната заштита и тврди дека нејзините сили отвориле „предупредувачки оган“ како реакција на „непосредна закана“ поради собирањето на илјадници лица во зоната на ризик.Додека хуманитарната криза се продлабочува, Обединетите нации и повеќе меѓународни организации алармираат за сè поочигледниот ризик од масовен глад во Газа, особено меѓу најранливите. Цивилната заштита информираше дека во последните денови е регистрирано зголемување на бројот на смртни случаи кај доенчиња и новороденчиња – само минатата недела починале најмалку три деца поради глад и екстремна неухранетост.

Свет | пред 10 месеци

Израел го прифати 60-дневниот прекин на огнот; Трамп: „Прифатете ја понудата, следната ќе биде многу полоша“

Американскиот претседател Доналд Трамп во вторникот изјави дека Израел се согласил на условите за постигнување конечен договор за 60-дневен прекин на огнот во Газа, во рамки на обидите за ставање крај на војната во палестинската енклава.„Израел се согласи на потребните услови за конечен, 60-дневен прекин на огнот, за време на кој ќе работиме со сите страни за да го прекинеме воениот конфликт“, објави Трамп на социјалните мрежи.Тој додаде дека Катар и Египет, кои „работеа многу напорно на воспоставување на мир“, ќе го достават конечниот предлог.„Се надевам, за доброто на Блискиот Исток, дека Хамас ќе ја прифати понудата – бидејќи подобра нема да добијат, само полоша“, заклучи американскиот претседател.

Свет | пред 11 месец

Крајот на војната во Газа е „близу“, но бројот на жртви расте – Израел потврдува, Палестина тврди за масакр

Израелскиот министер за одбрана, Исраел Кац, изјави дека „операцијата во Газа се приближува кон својот крај“, наведувајќи го ослободувањето на заложниците и уништувањето на Хамас како клучни цели. Изјавата доаѓа по краткиот, но интензивен судир меѓу Израел и Иран минатата недела, и откако американскиот претседател Доналд Трамп изјави дека очекува „брз прекин на огнот“.Но, на теренот – крвопролевањето продолжува.Палестински извори известуваат дека само во понеделник се убиени најмалку 100 лица во Појасот Газа, вклучувајќи најмалку 34 во напад врз кафуле на крајбрежната шеталишна зона во градот Газа. Меѓу загинатите има деца, жени и новинар, според медицински извори од болницата „Шифа“.Хамас тврди дека израелската ракета погодила камп за раселени лица, додека израелската армија соопшти дека целта биле „оперативци на Хамас“ во северна Газа и дека биле преземени мерки за заштита на цивили, вклучително и воздушно извидување. Случајот е во тек на истрага, но не се објавени информации за цивилни жртви од страна на израелските власти.И покрај најавите за деескалација, понеделникот беше еден од најсмртоносните денови во последните недели. Хуманитарните организации предупредуваат дека состојбата на теренот е катастрофална, а населението страда без вода, струја и медицинска помош.

Свет | пред 11 месец

Крвава ескалација во Газа: Најмалку 21 Палестинец убиен во израелски напади, преговорите за прекин на огнот во застој

Најмалку 21 Палестинец убиен во Појасот Газа во израелски воздушни напади и пукања, соопштија локалните здравствени власти, додека посредници од Израел и Хамас се обидуваат да ги обноват преговорите за прекин на огнот.Според локалните здравствени извори, во израелски воздушен напад биле убиени најмалку девет лица во училиште каде што биле сместени раселени семејства во предградието Шеик Радван во градот Газа. Во друг напад, уште девет лица загинале во близина на шатори во Кан Јунис, на југот на енклавата.Тројца Палестинци биле убиени во израелско пукање, а десетици ранети додека чекале камиони со хуманитарна помош од ОН долж главната рута во централна Газа, изјавија доктори.Израелската војска сè уште нема дадено официјален коментар за денешните напади. Израел тврди дека целта е елиминирање на милитантите на Хамас кои извршија напад врз јужен Израел во 2023 година и ослободување на заложниците што се уште ги држи таа група.Новите жртви доаѓаат во момент кога арапските посредници, Египет и Катар, со поддршка од САД, ги контактираат завојуваните страни обидувајќи се да воспостават нова рунда преговори за прекин на огнот. Сепак, според извори од Хамас, точен датум за продолжување на разговорите сè уште не е утврден.Израелскиот премиер Бенјамин Нетанјаху инсистира Хамас, кој речиси две децении владее со Газа, да ги ослободи сите заложници, да се откаже од секоја политичка улога и да го положи оружјето за да се стави крај на војната. Хамас, пак, изјави дека ќе ги ослободи заложниците само ако Израел се согласи на траен прекин на огнот и целосно повлекување од Газа.

Свет | пред 11 месец

Седум израелски војници загинаа во борби во Појасот Газа

Израелската армија соопшти дека седум нејзини припадници – еден офицер и шест војници – загинале вчера во борбите на југот на Појасот Газа, во реонот на Кан Јунис.Во одвоен инцидент, исто така на југот, еден израелски војник бил тешко ранет. Според израелски медиуми, загинатите војници се наоѓале во оклопно возило кога експлозивна направа поставена под него детонирала и предизвикала пожар.Во истиот реон минатиот месец израелската армија нареди итна евакуација на цивилите, најавувајќи „невиден напад“. Населението беше насочено кон западниот дел на Појасот Газа, кон областа ал-Маваси, каде што сега се одвива нова офанзива.

Свет | пред 11 месец

Хуманитарна линија претворена во масакр: Израел нападна луѓе што чекаа помош

Израелските тенкови пукаа врз толпа што се обидуваше да добие помош од камион во Газа во вторникот, при што загинаа најмалку 59 лица во еден од најкрвавите инциденти досега, соопштија медицински лица.Видео објавено на социјалните мрежи покажува десетина осакатени тела како лежат на улица во Кан Јунис во јужниот дел на Појасот Газа.Израелската војска, која е во војна со палестинските милитанти предводени од Хамас во Газа од октомври 2023 година, го призна пукањето во областа и рече дека го истражува инцидентот.Сведоци интервјуирани од Ројтерс рекоа дека израелските тенкови испукале најмалку две гранати врз илјадници луѓе што се собрале на главниот источен пат низ Кан Јунис надевајќи се дека ќе добијат храна од камионите за помош што ја користат рутата.„Одеднаш нè пуштија да одиме напред и ги натераа сите да се соберат, а потоа почнаа да паѓаат тенковски гранати“, рече Алаа, очевидец интервјуиран од Ројтерс во болницата Насер, каде што ранетите жртви лежеа распнати на подот и во ходниците поради недостаток на простор.Палестинските лекари изјавија дека во инцидентот загинале најмалку 59 лица, а 221 се ранети, од кои најмалку 20 се во критична состојба. Ранетите биле итно префрлени во болница со цивилни автомобили, рикши и коли со магариња.

Свет | пред 11 месец

Израелски војници пукаа врз Палестинците кои дојдоа да земат храна, убија најмалку 22 лица

Спасувачите во Газа изјавија дека во неделата во пукање од израелската армија загинале најмалку 22 Палестинци во близина на место за дистрибуција на помош поддржано од САД, кратко откако Вашингтон го отфрли одговорот на Хамас на предложеното примирје како „целосно неприфатлив“.Меѓународните критичари, вклучително и некои сојузници, го осудија Израел за хуманитарната криза во воено разорената Газа, каде што Обединетите нации предупредија дека целото население гладува по повеќе од два месеци блокада на помошта.Израел неодамна воведе обновен механизам за испорака на помош во соработка со новоформирана организација поддржана од САД, заобиколувајќи го долгогодишниот систем управуван од ОН.Организацијата, Хуманитарната фондација Газа (GHF), вели дека дистрибуирала стотици илјади оброци откако операциите започнаа минатата недела. Но, испораките на помош се нарушени од хаотични сцени во ограничениот број дистрибутивни центри, како и извештаи за жртви од израелскиот оган во близина.Портпаролот на Цивилната одбрана на Газа, Махмуд Басал, изјави за АФП дека израелските сили отвориле оган врз луѓе во близина на еден од центрите во јужниот град Рафа во неделата, при што загинале „најмалку 22 лица и биле ранети повеќе од 120, вклучувајќи деца“.Снимките на АФП од местото на настанот покажале некои цивили како носат тела на колички со магариња, додека други носеле кутии и вреќи со помош на слабото, рано утринско сонце.Ранетите биле однесени во болницата Насер во Кан Јунис, рече Басал.Раселениот жител на Беит Лахија, Самех Хамуда, 33, изјави за АФП дека пешачел од градот Газа и ја поминал ноќта со роднини во шатор во близина на Рафа пред да се упати кон центарот за помош околу 5 часот наутро за да чека меѓу толпата.

Свет | пред 1 година

Израел прифати прекин на огнот во Газа, Хамас воздржан

Израел ја прифати новата понуда на САД за привремен прекин на огнот со Хамас, соопшти Белата куќа.Хамас, пак, е воздржан. Високиот функционер на Хамас, Басем Наим, изјави за Асошиетедпрес дека предлогот не одговара на барањата на неговиот народ и бара пред сè запирање на војната и гладта.Израелскиот премиер Бенјамин Нетанјаху одбива да ја заврши војната пред да бидат ослободени сите заложници и Хамас целосно разоружан или протеран.Хамас, пак, бара траен прекин на огнот, целосно повлекување на Израел и размена на заложниците за палестински затвореници.

Свет | пред 1 година

Ужас во Газа: Израелците нападнаа училиште, убивајќи најмалку 20 луѓе, вклучувајќи децa

Најмалку 20 лица беа убиени, а десетици повредени по израелскиот напад врз училиште во кое се сместени раселени лица во Газа, изјавија локалните здравствени власти за Ројтерс рано денеска.Лекарите рекоа дека меѓу десетици жртви во нападот врз училиштето, во населбата Дараџ во градот Газа, имало жени и деца.Израелската војска не даде коментар.

Свет | пред 1 година

Обединети нации: „14.000 деца ќе умрат во Газа во рок од 48 часа“

Израел во неделата објави дека ќе дозволи хуманитарна помош во Газа, со што ќе се стави крај на 11-неделната блокада.Но, Том Флечер, заменик-секретарот на ОН за хуманитарни прашања, изјави за Би-Би-Си дека Израел не направил доволно.„Денес, на девет од нашите камиони им беше дозволено да влезат преку преминот Керем Шалом. Но, тоа е капка во морето од она што е итно потребно. Од утре (вторник) наутро, значително повеќе помош мора да се достави во Газа“, рече Флечер.„Ограничените количини на помош што сега се дозволени во Газа, секако, не се замена за непречен пристап до цивилите на кои им е толку потребна. За да се намалат грабежите, мора да има редовен проток на помош, а на хуманитарците мора да им биде дозволено да користат повеќе патишта. Комерцијалните стоки треба да ја надополнат хуманитарната помош.“Тој рече дека заедничката изјава на Велика Британија, Франција и Канада е „многу силна“, но вистинскиот тест е дали ОН може да обезбеди повеќе помош по 11-неделната блокада.Флечер додаде дека ОН бара „поддршка од светот за вршење притисок врз Израел“ за да се овозможи поголема помош да влезе во Газа и да стигне до „гладните луѓе“.Тој повтори дека петте камиони со помош што влегоа во Газа во понеделник се само „капка во океанот“.Овие камиони штотуку ја преминаа границата и сè уште не стигнале до луѓето на кои им е очајно потребна помош.„Камионите превезуваат храна за бебиња и други прехранбени производи“, рече тој и додаде дека се плаши дека 14.000 деца ќе умрат во следните 48 часа ако помошта не стигне до нив.Кога го прашале како дошол до таа бројка, Флечер рече дека имаат „силен тим на терен“ кој им помага со податоците.

Свет | пред 1 година

Повеќе од 40 мртви во ноќните напади врз Газа: Мртовечниците преполни со тела

Откако прекинот на огнот меѓу Израел и Хамас заврши во март со израелски воздушни напади, бомбардирањето продолжи низ Газа.Повеќе од 40 лица се убиени во последните израелски напади низ Појасот Газа, објавува Би-Би-Си.Најмалку 36 тела наводно се однесени во болниците на југ, каде што беше пријавено интензивно израелско гранатирање во текот на ноќта.Целта на нападите бил Кан Јунис, најголемиот град во јужна Газа.Извор во болницата Насер во Кан Јунис потврди дека меѓу загинатите има деца, вклучувајќи и едно бебе. Нападите погодиле домови и шатори во кои се сместени раселени семејства во и околу градот.Локалните новинари објавија дека мртовечницата на главната болница во градот е преполна со тела, додека собите за итни случаи се преполни со ранети.

Свет | пред 1 година

Трамп: Луѓето во Газа страдаат, му реков на Нетанјаху да биде добар

Американскиот претседател Доналд Трамп во понеделник изјави дека оваа недела му рекол на израелскиот премиер Бенјамин Нетанјаху дека мора да биде „добар кон луѓето од опколениот Појас Газа кои страдаат“.На прашањето дали го покренал прашањето за испораката на хуманитарна помош, која Израел ја блокира повеќе од седум недели, Трамп им рече на новинарите во авионот „Ер Форс Уан“ дека му рекол на Нетанјаху за време на телефонскиот разговор: „Мора да бидете добри кон Газа“.„Овие луѓе страдаат. Ние мора да бидеме добри кон Газа. Ние ќе се погрижиме за тоа“, рече тој, додавајќи дека „постои голема потреба од храна и лекови и ние ќе се погрижиме за тоа“.На прашањето дали неговата администрација врши притисок врз Израел да дозволи храна и лекови, Трамп рече: „Да, ние го правиме тоа“.Нападите на Израел врз Газа продолжуваат, со повеќе од 50.000 убиени луѓе од октомври 2023 година. Израел континуирано бомбардира Газа од нападот на Хамас на 7 октомври 2023 година, кога беа убиени 1.300 луѓе, а стотици беа приведени и однесени во Газа.

Свет | пред 1 година

Палестинци: Израел истрела проектили кон бегалски шатори, најмалку 25 мртви

Цивилната одбрана на Палестина денеска соопшти дека 25 лица загинале на неколку локации во Појасот Газа во израелските воздушни напади врз шатори во кои се сместени раселените лица.„Најмалку 16 лица загинаа, главно жени и деца, а уште 23 се повредени откако два израелски проектили директно погодија неколку шатори каде раселените семејства престојуваа во областа Ал-Маваси во Кан Јунис на југот на палестинската територија“, изјави за АФП портпаролот на цивилната одбрана Махмуд Басал.Во друг напад на шатор за раселени лица, во Беит Лахиа на северот на Појасот Газа, загинаа седум лица, „главно жени и деца“, а 13 беа ранети, додаде тој.Дете и неговиот татко беа убиени, а 13 лица беа повредени во трет напад на населба со шатори, исто така во близина на областа Ал-Маваси, рече тој.Израелската армија, контактирана од АФП, се уште не ја коментира оваа информација.Новинската агенција Анадолу пишува дека по бомбардирањето, во Хан Јунис избувнал голем пожар кој ги зафатил импровизираните засолништа, додека жителите се обидувале да ги спасат луѓето заробени во запалените шатори. Во нападот изгореа некои цивили.

Свет | пред 1 година

Израел со проектили погоди болница во Газа

Два израелски проектили погодија зграда во главната болница во Газа, уништувајќи ја собата за итни случаи и приемното одделение и оштетувајќи други објекти, рекоа лекарите.Здравствените службеници во Арапската баптистичка болница Ал-Ахли ги евакуираа пациентите од зградата откако едно лице рече дека добило повик од некој кој се идентификувал како дел од израелските безбедносни служби непосредно пред нападот. Нема пријавени жртви, соопшти службата за итни случаи.Израелската војска го истражува извештајот, изјави портпаролот. Сликите кои кружат на социјалните мрежи покажуваат дека десетици луѓе ги напуштаат просториите, а некои изгледаат како да влечат болни роднини по болнички кревети. Канцеларијата за медиуми на владата на Хамас го осуди нападот и во соопштение рече дека Израел намерно го уништува здравствениот систем на Газа.Израел тврди дека Хамас систематски ги искористува цивилните објекти и дека неговите борци редовно се примаат во болниците во Газа, што милитантната група го негира. Израелските сили спроведоа бројни рации на медицински установи во енклавата.Во октомври 2023 година, Хамас го обвини израелскиот воздушен напад за смртоносна експлозија на паркинг на теренот на болницата Ал-Ахли. Израел тврдеше дека експлозијата била предизвикана од неуспешно лансирање ракета од страна на палестинската група Исламски џихад, што подоцна го заклучи Human Rights Watch по истрагата. Милитантната група ја негираше одговорноста.

Свет | пред 1 година

Нема фотографија

Трамп сака да ја претвори Газа во „блискоисточна ривиера“; Армија: Подготвени сме на се

Американскиот секретар за одбрана Пит Хегсет денеска изјави дека Пентагон е подготвен да ги разгледа сите опции кога станува збор за Газа, еден ден откако претседателот Доналд Трамп рече дека би сакал САД да ја преземат контролата и да го обноват Појасот Газа.„Само би рекол, за прашањето за Газа, дефиницијата за лудост се обидува да го прави истото одново и одново“, рече Хегсет пред почетокот на состанокот со израелскиот премиер Бенјамин Нетанјаху во Пентагон.„Претседателот е подготвен да размислува надвор од рамката, да бара нови и уникатни, динамични начини за решавање на проблемите што изгледаа нерешливи... Ние сме подготвени да ги разгледаме сите опции“, додаде Хегсет.Трамп повика на трајно раселување на Палестинците од Појасот Газа на заедничката прес-конференција со Нетанјаху во вторникот за САД да можат економски да ја развијат областа и да ја претворат во „ривиера на Блискиот Исток“, предизвикувајќи глобална осуда.Портпаролката на Белата куќа и државен секретар Марко Рубио подоцна изјави дека Трамп сака Палестинците кои живеат во Газа да бидат „привремено преместени“ за да може енклавата повторно да се изгради.Што рече Трамп?„САД ќе го преземат Појасот Газа, а ние исто така ќе ја завршиме работата. Ние ќе го поседуваме и ќе бидеме одговорни за отстранување на сите опасни неексплодирани бомби и друго оружје на тоа место“, им рече Трамп на новинарите на прес-конференција со Нетанјаху.„Ако е потребно, ќе го направиме тоа, ќе го земеме тој дел, ќе го развиеме, ќе создадеме илјадници и илјадници работни места и тоа ќе биде нешто со што целиот Блиски Исток може да биде многу горд“, додаде Трамп. „Гледам долгорочна сопственост и гледам дека тоа ќе донесе голема стабилност на тој дел од Блискиот Исток“, рече тој.Тој додаде дека разговарал со регионалните лидери и дека тие ја поддржуваат идејата. На прашањето кој ќе живее таму, Трамп рече дека тоа може да стане дом за „луѓето од светот“.Официјалниот претставник на Хамас, Сами Абу Зухри, изјавите на Доналд Трамп за преземање на Појасот Газа ги опиша како „смешни“ и „апсурдни“. Хамас додаде дека планот на Трамп за Газа е рецепт за хаос.Саудиска Арабија ја потврди својата позиција дека нема да воспостави врски со Израел без создавање на палестинска држава. Лидерите на Египет и Јордан цврсто ја отфрлија идејата за присилно преселување на Палестинците во нивните земји.Предлогот на Трамп за Газа уследи по френетичните први две недели на функцијата, во кои тој зборуваше за преземање на Гренланд од страна на САД, предупреди за можно преземање на Панамскиот канал и изјави дека Канада треба да биде 51-та американска држава.На оваа тема Индекс разговараше со надворешнополитичките аналитичари Влатко Цвртил и Денис Авдагиќ.

Свет | пред 1 година