СДСМ

СДСМ: ВМРО-ДПМНЕ лажат со бројки – би имале 52 пратеници, ние најмалку 21

СДСМ со реакција на тврдењата на ВМРО-ДПМНЕ дека партијата би освоила над 60 пратенички места доколку утре се одржат парламентарни избори. Социјалдемократите велат дека анализата на реалните бројки покажува сосема поинаква слика и дека опозициската партија се обидува да ги манипулира граѓаните поради страв од очигледниот пад на поддршката.„ВМРО-ДПМНЕ не може да го сокрие падот, а бројките се јасни и немилосрдни кон нив. Прецизната математичка анализа покажува дека ВМРО-ДПМНЕ би имале 52 пратеници, а СДСМ најмалку 21. Очајните обиди за манипулација се резултат на шокот што го доживеаја по загубата на над 140.000 гласа“, велат од СДСМ.Оттаму додаваат дека падот на ВМРО-ДПМНЕ е доказ дека нивните, како што велат, „празни ветувања и лаги се веќе прочитани“, и дека граѓаните препознале дека политиките на СДСМ се насочени кон стабилност и реални решенија.„СДСМ ја продолжува битката за уште 17 општини. Ги повикуваме граѓаните масовно да излезат и да ги поддржат нашите кандидати во вториот круг – чесни и докажани луѓе кои уште во првиот круг покажаа дека имаат визија и капацитет“, порачуваат од партијата.Социјалдемократите заклучуваат дека „веселата математика“ на ВМРО-ДПМНЕ е само обид да се прикрие падот на поддршката и дека вистинските бројки ќе се потврдат на терен – од граѓаните.

Македонија | пред 7 месеци

СДСМ со прва реакција по првите резултати: ВМРО-ДПМНЕ загуби фантастични 140.000, разликата меѓу СДСМ и ВМРО-ДПМНЕ значително намалена

„По преброени 99% од гласовите, се потврдува он што СДСМ го говореше, а тоа дека оваа власт на чело со ВМРО-ДПМНЕ и ЗНАМ на овие избори ќе изгуби огромен број на гласови“, велат од СДСМ и додаваат:Споредбените анализи со изборните резултати од минатата година покажуваат дека ВМРО–ДПМНЕ и ЗНАМ имаат изгубено по речиси една третина од гласовите. Падот на ВМРО-ДПМНЕ е фантастични 135.000 или 30,8% од гласовите, а ЗНАМ паѓа од 56.200 на 38.034 гласови, односно е најголем губитник и има изгубено 33% од гласовите.За разлика од нив СДСМ има изгубено само 18% од гласовите што, ако се земе предвид пониската излезеност речиси да нема загуба. Левица, која вчера триумфалистички излажа дека станувала лидер на опозицијата има изгубено ист процент на гласови како СДСМ, со мало подобрување на резултатот на на ниво на градот Скопје. Левица сумарно има 2,2 пати помалку гласови од СДСМ со што е јасно дека ваквите еуфорични лаги на Апасиев немаат допирна точка со реалноста.СДСМ се надеваше на подобар резултат, но фактот што е значително намалена разликата помеѓу СДСМ и ВМРО-ДПМНЕ, фактот што ЗНАМ, нивниот привезок партија, има драматичен пад, укажува на тоа дека довербата во власта значително опаѓа. СДСМ останува втора најсилна партија.Според анализите, СДСМ има стабилизација и раст на процентот на освоени гласови во најголем дел од општините што е позитивен тренд, но и помал број општини каде има благ пад, за што ќе се направи соодветна анализа и преземат чекори за подобрување на резултат.

Македонија | пред 7 месеци

Шукова: Време е Скопје да добие модерен јавен превоз и вистински урбан ред

На вечерашното гостување на телевизија Алсат М, кандидатката за Градоначалничка на Град Скопје, Каја Шукова, зборуваше за најголемите урбани и инфраструктурни проблеми на главниот град, загадувањето, нефункционалниот јавен превоз, долговите на јавните претпријатија и хаотичното градење.„Ако немате соодветен јавен превоз, тоа е еден од факторите за загадувањето во градот Скопје,“ истакна Шукова, додавајќи дека решението се наоѓа во одамна подготвениот, но заборавен проект БРТ.Проектот, кој  е подготвен веќе повеќе од пет години и има целосна документација и обезбедено финансирање, предвидува прва линија од Ѓорче Петров до Ново Лисиче, со 13 километри траса, 21 нова постројка и околу 30 нови автобуси што ќе сообраќаат со висока фреквенција.„Првата линија мора да биде готова најдоцна до почетокот на 2028 година, а паралелно ќе се работи и на втората, која ќе ги поврзе северната и јужната зона на градот,“ додаде таа.Во однос на јавните претпријатија, нагласи дека потребна е длабока реорганизација и ослободување од непродуктивни трошоци:„Јавните претпријатија мора да се ослободат од непродуктивните трошоци за повторно да функционираат ефикасно. Тоа е предуслов за подобри услуги кон граѓаните,“ порача Шукова, наведувајќи дека проблемите не се ограничени само на Комунална хигиена и Водовод, туку и на Паркови и зеленило.Коментирајќи ја градежната експанзија, Шукова потенцираше дека првиот чекор е донесување на нов Генерален урбанистички план за Скопје, бидејќи градот веќе три години функционира без валиден план.„Мора да одредиме каде ќе се гради, каде ќе престане урбанизацијата и каде ќе има повеќе зелени површини и простор за пешаци и велосипедисти.“Шукова најави дека ќе иницира јавна расправа за проблемот со дивоградбите, со цел транспарентно да се утврди обемот на овој феномен во различните општини, и дека ќе се залага за системски измени во Законот за локална самоуправа, кои ќе овозможат поефикасно справување со урбанистичките проблеми.„Не ни требаат козметички измени, туку вистинска системска промена,“ рече Шукова. Таа посочи дека Скопје заслужува плански развој, чист воздух и транспарентна локална власт која ќе ги штити интересите на граѓаните.

Македонија | пред 7 месеци

Шукова: Отпадот е ресурс, време е Скопје да добие чист и одржлив систем за управување со отпад

Кандидатката за Градоначалниќка на Град Скопје, Каја Шукова, во гостување на телевизијата Алсат М, зборуваше за проблемите со отпадот, нечистотијата и дивите депонии во градот, нагласувајќи дека потребни се два паралелни процеси итно чистење на градот и долгорочна поставеност на систем по европски стандарди.„Мора веднаш да се почне со расчистување на отпадот пред секоја куќа, пред секоја зграда, по целиот град, како и со дивите депонии, каде што ќе воспоставиме контрола за да не настануваат повторно", истакна Шукова.Според неа, проблемот со Вардариште е еден од најакутните во Скопје.„Таму мора да имаме 24-часовна заштита, да го преземеме просторот и да започнеме со постепено расчистување. Вардариште, според сите стратешки документи, треба да биде претоварна станица – затоа што мора да имаме претовар на отпадот пред неговото носење во Дрисла“, објасни Шукова.Таа подвлече дека градот мора итно да воспостави одржлив систем за управување со отпад, кој ќе ја намали количината што завршува на депонии и ќе ја зголеми повторната употреба и рециклирањето.„Отпадот е ресурс. Мора така сите да почнеме да го гледаме, бидејќи најголемиот дел од отпадот може повторно да се преработи и да се врати во општеството. Пример, градежниот отпад може да се преработи со дробилка и да се искористи при изградба на улици и патишта", рече Шукова.Во Програмата има предвидено системско реорганизирање на јавните претпријатија и современи решенија по европски стандарди за управување со отпадот во Скопје.„Овие два процеси мора да одат паралелно акутното чистење на градот и воспоставување нов, траен систем. Само така ќе имаме вистински чист и функционален главен град", рече Шукова.

Македонија | пред 7 месеци

Филипче: Власта го руши нашиот дом цигла по цигла, да ги запреме во недела со глас за СДСМ!

Претседателот на Социјалдемократскиот сојуз на Македонија, д-р Венко Филипче, на граѓанската трибина во Крива Паланка, предупреди дека актуелната власт го руши „нашиот заеднички дом, цигла по цигла“, и дека во недела граѓаните се тие што можат да го запрат ова уназадување со својот глас.„Со вашиот глас, можете многу! Да кажете доста беше со игнорирањето на проблемите на народот, кој едвај врзува крај со крај. Доста беше со ароганцијата на власта која не го слуша, не го гледа и не се грижи за својот народ, за својата земја. Доста беше поделби и неизвесност, додека младите ни се иселуваат”, порача д-р Филипче.Тој упати силна порака до граѓаните со повик на масовна излезност на изборите во недела и поддршка за вистински промени.„Вашата сила е во гласањето! Ве повикувам да ја покажете таа ваша сила во недела! Со масовно излегување на гласачките места, со вашиот глас да пратите силна порака за вистинска промена”, истакна д-р Филипче.Лидерот на СДСМ нагласи дека граѓаните имаат можност да испратат јасна порака и опомена, но уште поважно да спречат понатамошно уназадување на државата.„Имате шанса да опоменете дека вака веќе не може, но најмногу имате шанса да ги спречите. Да избереме одговорна власт што ќе служи на народот, а не на лични интереси”, нагласи д-р Филипе пред присутните на граѓанската трибина на СДСМ и Коалицијата „Се бориме за нашиот дом”, која вечерва се одржа во Крива Паланка.

Македонија | пред 7 месеци

Митовски: Крива Паланка денес е пример за развиен град , барам нов мандат за да продолжиме со чесна работа

Кандидатот за градоначалник од СДСМ, Сашко Митовски, на трибина во Крива Паланка побара поддршка од граѓаните за уште еден мандат, повикувајќи се на својата досегашна работа, посветеност и љубов кон градот.„Последниве четири години беа повеќе од мандат. Секој што доаѓа во нашиот град вели: „Крива Паланка блеска! И нема запирање. Нашиот град денес е пример за уреден, изграден и развиен град кој сигурно чекори напред.  Нови улици, нови фасади, модерни училишта, детски градинки, зелени паркови, поддршка за мајки, пензионери, ученици, спортисти, порача Митовски.Тој упати и критика до своите опоненти, за кои рече, се служат со притисоци и невистини: „Некои мислат дека со лаги ќе нè победат. Дека со притисоци ќе нè скршат. Но една работа не ја разбраа: Народот не се плаши.  Кривопаланчанецот не се купува.  Кривопаланчанецот работи, гради и верува, порача Митовски.Тој истакна дека неговата кандидатура не е барање за позиција, туку продолжување на започнатата работа.„Ветувам само едно, ќе продолжам со истата љубов, со истиот жар, со иста чесност. Со работа и одговорност. Барам можност да продолжам каде што застанав.“, додаде кандидатот за градоначалник на Крива Паланка.Митовски ја претстави својата визија за нов мандат со конкретни планови и симболична порака: Секој нов проект, секоја нова инвестиција е симбол на нашата решителност. Дајте ми можност новите улици да бидат реки на надеж, новите мостови да бидат раце што не држат заедно, а училиштата , очи и срце што чукаат за иднината.“, порача Митовски.

Македонија | пред 7 месеци

Филипче: Глас за СДСМ е глас за враќање на надежта во Македонија

Претседателот на Социјалдемократскиот сојуз на Македонија, д-р Венко Филипче, на вечерашната граѓанска трибина „Се бориме за нашиот дом“, што се одржа  во Крива Паланка, порача дека овие локални избори се избори за одлука,  момент кога секој глас  станува дел од голема приказна за обнова и единство, а гласот за СДСМ е глас за враќање на надежта во Македонија.„Во недела одлучуваме дали ќе живееме во држава со ред, правда и чесност, или ќе во држава на хаос, корупција и привилегии за блиските на власта како што е сега. Или нашиот дом ќе продолжат да го рушат цигла по цигла, како во изминатите една и пол година, или сите заедно ќе го спасиме. Во недела одлучуваме дали лажниот патриотизам и поделбите ќе продолжат или љубовта кон татковината и заедништвото ќе надвладее“, рече Филипче.Во ораќањето пред граѓаните тој посочи дека сега не е време за апатија и разочараност, туку време за обединување и масовно гласање. Потенцираше дека СДСМ е секогаш на страната на граѓанинте.„СДСМ е тука за вас, на ваша страна. СДСМ се крена, СДСМ се враќа.СДСМ е партијата што донесе независност по мирен пат, што ја внесе Македонија во НАТО, што ги отвори вратите кон Европа, што секогаш беше со граѓаните и во кризи и кога беше најтешко. Да се бориме за држава што ќе биде место на сигурност, правда и достоинствен живот“, рече Филипче.Концептот на СДСМ, како што кажа Филипче, е концептот за општество во кое секој човек е важен.„А тој концепт, тој граѓански дух, го изгубивме со ВМРО-ДПМНЕ.  Нашата борба е за враќање на граѓанскиот концепт, за општество во кое никој не е над законот, и никој не е под достоинството што му припаѓа. Борбата на СДСМ е борба за подобри денови за Македонија, за домот што го сакаме, што го чуваме и што мора да го спасиме“, рече Филипче.На трибината во Крива Паланка, Филипче ги повика граѓаните да ја покажат својата сила во недела, со масовно излегување на гласачките места, да гласаат за бројот 5 и да пратат силна порака за вистинска промена, затоа што на Македонија ѝ се потребни промени.

Македонија | пред 7 месеци

Филипче: Вашата сила е во гласањето, покажете ја во недела!

„Вашата сила е во гласањето! Ве повикувам да ја покажете таа ваша сила во недела! Со масовно излегување на гласачките места. Со вашиот глас да пратите силна порака затоа што на Македонија ѝ се потребни промени“, рече претседателот на СДСМ, Венко Филипче на митинг во Крива Паланка.Пред граѓаните од преполниот плоштад, Филипче се заблагодари за масовната поддршка и јасно порача дека Македонија стои пред избор, дали ќе дозволи нашиот дом власта да продолжи да го руши цигла по цигла, или народот ќе се обедини за да го зачува.„Ова не се обични локални избори. Во недела одлучуваме дали ќе ја вратиме правдата, достоинството и чесноста во нашата земја. Одлучуваме за иднината на секое семејство, за сигурна иднина на младите, за држава во која трудот се цени, а не партиската книшка“, истакна Филипче.Тој потенцираше дека СДСМ е партијата која секогаш ја водела Македонија напред, со конкретни политики и дела, а не со лаги и манипулации.„Сакаме достоинствени плати за достоинствен живот, праведна држава и институции што служат на граѓаните. Тоа можеме да го постигнеме само ако во недела излеземе масовно и гласаме – за нашата држава, за нашиот дом, за број 5!“, рече Филипче.Од Крива Паланка, Филипче упати силен повик за единство и активност:„Време е да се исправиме, да ја покажеме нашата сила, да ја вратиме надежта и да ја вратиме државата во рацете на народот. Во недела, секој глас е важен. Се враќа силата на народот – се враќа СДСМ!“ рече Филипче.

Македонија | пред 7 месеци

Каранфилова Пановска: Далибор Трајковски е гаранција дека Старо Нагоричане ќе продолжи со развој и грижа за секој граѓанин

Заменик претседателката на СДСМ, Фани Каранфилова Пановска од граѓанската средба „Се бориме за нашиот дом“ во Старо Нагоричане истакна дека од 2017 до денес Старо Нагоричане, раководено од СДСМ е симбол на одговорно, чесно и домаќинско управување.„Нашиот кандидат за Градоначалник, Далибор Трајковски и тимот околу него, заедно со советничката листа предводена од Иван Марковиќ, се наследници на тој дух на работа, чесност и посветеност. Тие се гаранција дека овој пат ќе продолжи – со нова енергија, со идеи и со истата грижа за секој граѓанин“, нагласи Каранфилова Пановска.Таа ги повика граѓаните на 19-ти октовмри, да гласаат за бројот 5, за Далибор, за Иван, за Старо Нагоричане, за иднина на Македонија со СДСМ и Коалицијата.„Затоа што ова не се само избори за општина – ова е избор за тоа каква држава ќе бидеме. Изборот е меѓу лаги и чесност, меѓу режим и слобода“, порача Каранфилова Пановска.Во своето обраќање пред граѓаните на Старо Нагоричане, Каранфилова-Пановска се осврна на владеењето на ВМРО-ДПМНЕ и неговите послушници на централно ниво.„Пред година и пол, граѓаните го очекуваа ветениот подобар живот, а добија раскалашена влада што живее во луксуз, далеку од народот.  Пензионерите ги оштетија со формули и помпезни ветувања. Работниците ги оставија без покачувања на платите, земјоделците без субвенции. Сметките растат, цените дивеат, младите си заминуваат. Ја задолжија државата како никогаш досега, унгарски кредит, британско партнерство, 7 милијарди евра. За граѓаните нема ништо, ама граѓаните ќе мора да враќаат нивните бескорисни кредити“, нагласи Каранфилова Пановска на граѓаниот собир во Старо Нагоричане.

Македонија | пред 7 месеци

Костадин Ацевски: Ѓорче Петров ќе го вратиме на граѓаните – ќе ја стопираме бетонизацијата, ќе ја исчистиме општината и ќе направиме ревизија на сите проекти

Кандидатот за Градоначалник на Општина Ѓорче Петров од СДСМ, Костадин Ацевски, во интервју за порталот „Локално“ истакна дека граѓаните на Ѓорче се изморени од неработење, импровизација и предизборни ветувања и дека е време општината повторно да стане место за достоинствен живот.„Градоначалникот цел мандат неработење се обиде да го сокрие со работа во последните десет дена. Дури и во ноќните часови се реконструираат детски игралишта и улици, среде октомври, кога временските услови не го дозволуваат тоа. Стравувам дека ова брзање ќе резултира со неквалитет и затоа веднаш по преземањето на функцијата ќе спроведеме ревизија на сите овие проекти. Ако се утврдат неправилности, ќе има одговорност“, изјави Ацевски.Тој најави дека во првите сто дена од мандатот ќе ја стопира бетонизацијата на Ѓорче Петров, ќе го прекине издавањето на дозволи за нови згради и ќе направи анализа на сите постојни урбанистички планови.„Ѓорче мора да се развива хумано и човекот да биде пред профитот на инвеститорите. Наместо нови згради, ќе вложуваме во сообраќајни решенија, паркови и зелени површини. Граѓаните заслужуваат општина која дише, а не бетонски ѕидови кои го нарушуваат квалитетот на животот“, потенцираше Ацевски.Осврнувајќи се на хигиената во општината, Ацевски рече дека состојбата е катастрофална и дека новата локална власт ќе мора да почне од нула.„Ќе поставиме 750 канти за џебен отпад, контејнерите ќе бидат заменети со подземни на 85 локации, а ќе воведеме и телефонска линија преку која граѓаните ќе можат да пријавуваат и закажуваат собирање на кабаст отпад директно од нивните домови. Ќе воспоставиме ефикасни комунални служби кои навремено ќе интервенираат и ќе спречуваат создавање нови диви депонии“, нагласи тој.Во интервјуто Ацевски посочи дека во изминатите четири години, власта на ВМРО-ДПМНЕ во Ѓорче Петров не реализирала ниту еден капитален проект и покрај рекордните буџети и средствата од унгарскиот кредит.„Општина Ѓорче Петров во последните четири години воопшто не се развиваше. И се рекордни буџети, како што се фали Стојкоски, и со 8 милиони евра од унгарскиот кредит во општина Ѓорче Петров не се реализираше ниту еден капитален проект. Од приближно 20 милиони евра во последнава година од мандатот, не се реши проблемот со водоснабдувањето, не се изгради алтернативна сообраќајница за жителите од Волково, Ново Село, Кисела Јабука и Даме Груев, нема две нови градинки како што ветуваше Стојкоски во 2021 година. Сите овие пари се потрошија на предизборно „замачкување на очи” со асфалтирање на улички по 50 метри, реконструкција на детски игралишта за кои имаа можност изминатите четири години да ги реализираат, не знам од која причина, не ги реализираа“, изјави Ацевски.Тој се осврна и на контроверзниот проект „Населба за млади брачни двојки“ во Ново Село, за кој, според него, постои сомнеж дека се крие нова бетонизација.„Под превезот на проект за млади, во план е урбанизација на нови површини. Поставивме јавни прашања до градоначалникот Стојкоски – дали зад овој проект стои уште една договорена зделка со инвеститори? До денес нема одговор“, рече Ацевски.Во однос на решавањето на проблемот со водоснабдувањето, тој најави дека проектот „Оризарски рид“ ќе биде еден од првите приоритети.„Ѓорче мора конечно да има стабилно снабдување со вода. Овој проект е клучен за здравјето на граѓаните и нема да дозволам да биде блокиран поради политички инает“, истакна Ацевски.Ацевски во интервјуто порача дека општина Ѓорче Петров заслужува чесно, одговорно и транспарентно раководење.„На 19 октомври ги повикувам сите граѓани да го заокружат број 5. Заедно да ја сопреме бетонизацијата, да го исчистиме Ѓорче и да ја вратиме општината во рацете на народот“, порача Ацевски.

Македонија | пред 7 месеци

Митовски: Црешево и Смилковци ги враќаме на мапата на развојот, нови резервоари, канализација, асфалтирани улици и пешачки патеки за достоинствен живот!

Кандидатот за градоначалник на Општина Гази Баба, Влатко Митовски, најави значајни инфраструктурни проекти за населените места Црешево и Смилковци, кои, според него, биле запоставени во изминатиот мандат.„Црешево и Смилковци ги враќаме на мапата на развојот“, истакна Митовски, најавувајќи изградба на нови резервоари за вода, довршување на фекалната канализација, целосна замена на водоводните линии, асфалтирање на улици и изградба на пешачки патеки.Во Црешево се предвидува и нова бушотина, прочистителна станица, како и осветлување на регионалниот пат до Стајковци. Во Смилковци, освен новиот резервоар и канализацијата, ќе се проширува патот и ќе се изгради пешачка патека до Црешево.Митовски порача дека овие проекти се дел од неговата визија за рамномерен развој на сите населени места во општината и повика граѓаните на поддршка на изборите во недела, гласајќи за број 5.

Македонија | пред 7 месеци

Филипче: Во недела изберете луѓе со интегритет, не послушници на Мицкоски

„На овие избори изберете пред сè луѓе кои сакате да ве претставуваат. Изберете ги оние кои се докажани, чесни, кои ќе го исполнат ветеното и кои ќе ви служат пред сè вам, граѓаните,“  порача претседателот на СДСМ, д-р Венко Филипче, од трибината во Бутел.Тој истакна дека најголемата сила на СДСМ на овие избори се луѓето што ги предлага,  кандидати и кандидатки со интегритет и кредибилитет.„Јас знам дека Оливера за Бутел и Каја за Скопје се вистинскиот избор, силни жени, борци, докажани во својата професија, жени кои искрено и чесно ќе застанат зад граѓаните и нивните потреби“, рече Филипче.Тој потсети дека општините се најблиската власт до граѓаните и дека токму затоа таму е најважно да се изберат чесни и одговорни претставници.„Општините се првиот контакт на секој човек со било која власт и тука не смее да има поделби. Тука не смее да се изберат послушници на Мицкоски кои работат само по директиви на партијата“, нагласи лидерот на СДСМ.„А, ВМРО-ДПМНЕ на овие избори нуди токму такви кадри, бирани по теркот и меракот на претседателот, а не на граѓаните“, додаде Филипче.

Македонија | пред 7 месеци

Филипче: Ги боли што ја кажуваме вистината за нивните лаги со нивни зборови, тоа не е црна кампања

Претседателот на СДСМ, д-р Венко Филипче вечерва во Тема на денот на Сител Телевизија рече дека СДСМ води фер и чесна кампања, иако од ВМРО-ДПМНЕ говорат поинаку. Филипче смета дека партијата на власт нема проекти за фалење, па затоа обвинува, а доказ за тоа се проектите на спотови пред 4 години кои денес не се реализирани„Ги разбирам обвинувањата и сметам дека станува избор за еден дел од кампањата во којшто дури мислам дека имаме и обврска пред граѓаните, да ги соочиме со тоа што ВМРО-ДПМНЕ правеше во пресрет на минатогодишните избори, а што од сето тоа што тогаш се зборуваше, имаат исполнето. Понатаму, што советуваа од страна на актуелните градоначалници на ВМРО-ДПМНЕ пред 4 години и што од тоа е исполнето. Тоа е наша обврска. И како што сами гледате во сите тие промотивни спотови, ние ништо не зборуваме, тие зборуваат. Тоа се нивни ветувања во коишто близу 100% не се исполнети. Извинете, но тоа е наша обврска да ги информираме за тоа граѓаните. Тоа воопшто не е црна кампања“, рече Филипче.Претседателот Филипче исто така рече дека СДСМ немало скриени намери во кампањата туку напротив имале должност да ја кажат вистината пред граѓаните.„Разбирливо е дека кога владата нема со што да се пофали, нема ниту еден сериозен проект, нема ниту една категорија на граѓани коишто се задоволни и коишто видоа бенефит од ова работење на владата изминативе година ипол  ниту пензионерите, ниту работниците, ниту докторите, ниту наставниците, ниту земјоделците се што има останува е да се занимаваат со опозицијата“, рече Филипче на Сител телевизија.

Македонија | пред 7 месеци

Шукова: Секој граѓанин ќе плаќа според тоа колку отпад создава, а не според квадратурата на домот во кој живее

Кандидатката за Градоначалничка на Град Скопје, Каја Шукова, најави дека ќе воведе нов, фер модел за пресметка на комуналниот надоместок. Станува збор за наплата по создаден отпад, наместо по квадратен метар станбен простор.„Со години граѓаните плаќаат за отпад според квадратурата на станот, без разлика дали живеат сами или во петчлено семејство. Тоа е неправеден модел кој не го стимулира селектирањето. Законската можност постои, но никој досега не ја применил. Ние ќе го направиме тоа, ќе воведеме наплата по создаден отпад, не по квадратен метар. Тоа е праведно, логично и мотивира за селекција“, изјави Шукова.Таа потсети дека ваквиот принцип е веќе предвиден со Законот за управување со отпад, но досега ниту една општина не се осмелила да го примени поради недостаток на функционален систем.„За да воведете ваков модел, мора прво да обезбедите систем што функционира, опрема за селекција, камиони за различни видови отпад и центри за рециклажа. Кога граѓанинот ќе види дека институциите навистина ја завршуваат својата работа, тогаш е фер да плаќа колку што создава“, додаде таа.Шукова најави дека новиот систем ќе се воведува постепено, со пилот-зони во Аеродром, Карпош и Центар, каде ќе се тестираат специјализирани камиони со мерење на количината отпад и дигитален систем за следење на собирањето.„Ова не е казнен систем, туку систем што мотивира и создава ред. Сакаме граѓаните да видат дека селектираниот отпад навистина оди на рециклажа, дека количината се намалува и дека сите плаќаме по фер основ. Тоа е европски и чесен пристап“, порача Шукова.

Македонија | пред 7 месеци

Шукова: Дрисла ќе стане санитарна депонија со строга контрола

Кандидатката за Градоначалничка на Град Скопје, Каја Шукова, во гостување на подкастот „Каде се парите?“ најави дека еден од нејзините главни приоритети ќе биде потполната санација и модернизација на депонијата Дрисла, со цел конечно да се усогласи со европските стандарди за санитарни депонии.„Дрисла не е санитарна депонија. Тоа мора да го кажеме отворено. Иако со години се зборува за европски стандарди, реалноста е дека во депонијата нема соодветна контрола на гасовите, ниту на исцедокот што продира во почвата и подземните води“, изјави Шукова.Нејзиниот план предвидува воведување на целосен систем за собирање и контрола на метанот, за да се спречи самозапалување и загадување на воздухот, како и поставување современ систем за преработка на исцедокот со кој ќе се заштитат подземните и површинските води. Покрај тоа, ќе се воведе контролирано затрупување на отпадот по утврдени стандарди, со употреба на земја и глина и постојано компактирање на материјалот.„Секој ден што дозволуваме гасовите и исцедокот да излегуваат во природата, ја труеме животната средина. Ќе го примениме моделот што веќе функционира во Словенија и Хрватска - санитарна депонија со строга контрола“, истакна Шукова.Таа додаде дека проектот ќе се реализира со поддршка од европските ИПА фондови и во соработка со приватниот сектор, во рамките на националниот процес за регионално управување со отпад.„Со ова Скопје конечно ќе стане дел од современиот систем на управување со отпад каков што му доликува на европски град“, порача Шукова.

Македонија | пред 7 месеци

Шукова: Систем за собирање отпад со ред, календар и функционален сервис за жителите на Скопје

Кандидатката за Градоначалничка на Град Скопје, Каја Шукова, најави дека во првата година од нејзиниот мандат ќе воспостави јасен и предвидлив систем за собирање отпад по денови и видови, бидејќи само така ќе има ефикасна селекција на отпадот во градот.„Понеделник - пластика и хартија, вторник - комунален, среда - биоразградлив, со јасен календар и транспарентност. Граѓаните сакаат да селектираат, само треба да им овозможиме систем што функционира“, изјави Шукова во гостување на подкастот „Каде се парите?“.Таа најави дека ќе се инвестира во нова опрема и инфраструктура, модерни камиони, контејнери и дигитална платформа на која граѓаните ќе можат да го следат распоредот за собирање отпад и да пријавуваат неправилности.„Не ветувам чуда во првите 72 часа, ветувам ред и систем што ќе остане. Скопје ќе добие функционална комунална инфраструктура“, порача Шукова, додавајќи дека воспоставувањето ред во управувањето со отпад е основа за чист, организиран и европски град.

Македонија | пред 7 месеци

Филипче: Со буџетска дупка од 1,4 милијарди евра, ВМРО-ДПМНЕ ја води Македонија во финансиски колапс

Додека премиерот Мицкоски зборува за некакви економски успеси, дупката во Буџетот се продлабочува, јавниот долг расте, граѓаните стануваат се посиромашни, предупреди Претседателот на Социјалдемократскиот сојуз на Македонија, д-р Венко Филипче, на граѓанската трибина „Се бориме за нашиот дом“ што се одржа вечерва во Гостивар.„Реалноста е дека буџетот е во дупка од 1,4 милијарди евра, приходите заостануваат, а капиталните инвестиции се помалку од половина реализирани. Се задолжуваат без покритие, јавниот долг достигнува над 62 отсто од бруто домашниот производ, највисоко ниво во регионот, а странските инвестиции скоро и да ги нема. Ова е резултатот на лоши политики, на неспособност, незнаење и на небрежност. Немаат ниту план, ниту стратегија како да ја водат државата“, истакна Филипче.Тој додаде дека додека власта трупа нови долгови, народот тоне во сиромаштија, платите стагнираат, мерките за поддршка на граѓаните ги нема.„Минималната плата и натаму е една од најниските во регионот, пензионерите добија помалку од ветеното – само 1.000 денари, студентите не го добија бараното зголемување од 130 денари за студентски оброк, ваучерите од 250 евра ги нема, а над 1.000 студенти останаа без студентски оброк. Земјоделците во Полог останаа без поддршка – субвенциите се намалени, откупните цени паднати, а трудот обезвреден“, рече Филипче.На трибината, Филипче посочи дека СДСМ секогаш била на страната на граѓаните со мерки за поддршка и во најголемите кризи со кои се соочувала државата.„СДСМ отсекогаш знаел да се бори и кога биле тешки времиња не сме се откажувале. Во најголемите светски кризи, енергетска, економска, здравствена – ние стоевме со народот. Се изборивме за секое работно место, за секој бизнис, за секој човек што остана без приходи. И во такви тешки времиња платите растеа, субвенциите се покачуваа. Донесовме 9 пакет мерки за ранливите семејства, за студентите, за пензионерите. За сите, никој не оставивме сам да се справува со последиците. Тоа е државничко и одговорно водење држава“, рече Филипче.Затоа, како што кажа Филипче, овие избори се од исклучителна важност за иднината на секој граѓанин, за напредокот на државата.„Ова е моментот кога секој глас прави разлика. Затоа велам дека нема помалку важен глас. Ова не е време за молк, ова е време за исправување. Апстиненцијата не е казна за СДСМ — тоа е награда за ВМРО. Секој изгубен глас е добивка за режимот што повторно го чувствуваме. Овие денови да ги искористиме и да поразговараме со соседи, роднини, да го посетиме секое маало, да се мобилизираме и да повикаме на обединување. Сега не е време за откажување од борбата за нашиот дом. Ова е момент на враќање, на единство,на нов почеток“, порача претседателот на СДСМ, Венко Филипче.

Македонија | пред 7 месеци

Филипче: Национализмот на ДПМНЕ му служи за прикривање на нивната неспособност

„Овој град знае дека силата е во заедништвото, не во поделбите,“ порача Претседателот на СДСМ, д-р Венко Филипче на граѓанска трибина во Гостивар. Во своето обраќање, тој остро ги критикуваше политиките на власта, обвинувајќи ја дека намерно го разединува народот за да ја сокрие сопствената неспособност.„Тие што денес владеат се обидуваат да не разделат – со лаги, со поделби, со национализам што треба да ја прикрие нивната неспособност“, рече Филипче.Според него, ВМРО-ДПМНЕ ја заборавила најважната лекција од историјата – дека заедништвото е силата на оваа земја. „Нивната политика е политика на поделби, на дестабилизација, на навреди. Политика која секогаш завршува со тензии во општеството“, потенцираше тој.Филипче го истакна Гостивар како симбол на соживот, достоинство и почит меѓу луѓето и најави дека токму од тука ќе започне обновата на вредностите кои, како што рече, биле системски разорени.„А Гостивар е симбол на спротивното: на соживот, на почит, на достоинство. И токму затоа, одовде, од градот на гостопримството, ќе почнеме да ја враќаме топлината во државата, правдата во институциите и вербата во иднината“, истакна Филипче на крајот од своето обраќање.

Македонија | пред 7 месеци

Мицкоски: СДСМ кампањата ја темели на учителот на Венко, Зоран Заев кој само знае да си ги брани инвестициите во СДСМ, меѓу кои и онаа во Дубаи

Претседателот на ВМРО-ДПМНЕ, Христијан Мицкоски, се обрати од  вечерашниот митинг одржан во општина Берово, во рамки на изборната кампања  под слоганот „Вистинскиот избор! Твојот човек! Твоето место! За твојата иднина!“, за претстојните локални избори закажани на 19 октомври, истакнувајќи дека програмата е прецизна со јасни рокови и мерки насочени кон потребите на граѓаните, а воедно се осврна и на опозицијата која нема конкретни проекти и чија кампања се темели на нивниот учител и гуру, Зоран Заев.„Ние на овие избори излеговме со прецизна програма, со рокови, за прецизни работи неопходни за граѓаните, а од нив не слушнавме буквално ниту еден проект. Но слушнавме затоа за нови подароци кон нашиот источен сосед   слушнавме  за непринципиелни коалиции, слушнавме за соработка и ишарети со ДУИ, слушнавме дека судиите и обвинителите, оние истите со 2% рејтинг биле професионалци, но не само што слушавме туку и гледаме како кампањата им се потпира исклучиво на политичкиот гуру на нивниот претседател  Венко  Филипче, а тоа е Зоран Заев. Тој велеше дека ќе одел во политичка пензија, а гледаме како буквално грчевито се бори да си ја одбрани инвестицијата во СДСМ, исто како што ги брани инвестициите во Дубаи. За овие луѓе политиката е бизнис, а за нас  е начин како да им помогнеме на граѓаните. И она што е толку очигледно е нивното разбирање за домот. Нивниот дом никогаш не бил нашиот дом, а тоа се маалата, улиците, игралиштата, парковите, срдечноста во погледот, во ракувањето и поздравот со секој еден од вас, во искрениот напор да направиме повеќе за Берово, повеќе заедничко за нашата татковина и преубава Македонија“, вели Мицкоски.Мицкоски изјави дека СДСМ се бори само за бизниси, тендери, зделки и профитирање на нечесен начин, а не за интересите на граѓаните, како и дека се гледа нивниот политички крај и соочување со правдата.„Нивниот дом за кој се борат се бизнисите, тендерите, зделките во четири очи, фабриките за марихуана, желбата да се профитира на нечесен и криминален начин. И знаат дека со секој глас повеќе, со секоја поддршка повеќе за нас, тие се готови, а така го гледаат во очи нивниот  политички крај. А политичкиот крај значи и соочување со она од што најмногу се плашат, а тоа е правдата. Сето ова за што ви зборувам, драги мои, можевте да го видите на филмска лента во изминативе две и пол недели од оваа  кампања за првиот круг на овие локални избори. Сосема извесно е дека со еден избор одите напред, а со друг се враќаме назад. Сетете се само на оние 7 години кога влада беа СДСМ и ДУИ. Со еден избор се борите за твоето маало, за твојата општина и заедничката иднина, а со другиот се борите за нивните лични интереси. Затоа на овие избори е пресудно и клучно најпрвин да излезете да гласате“, рече Мицкоски.Мицкоски упати порака за излезеност на 19 октомври и поддршка за градоначалникот, Петар Ружински, за големи проекти и развој на општина Берово.„Затоа ве замолувам излезете на изборите на 19 октомври за неколку дена од денес, остварете го своето право, затоа направете го вистинскиот избор, а вистинскиот избор, убеден сум длабоко во себе овде во Берово е Петар Ружински. Петар е искрен и домаќин човек кој му треба на Берово – да се направат промени и големи проекти кои ќе ги решат дел од проблемите на овој преубав град на истокот“, заклучи Мицкоски.

Македонија | пред 7 месеци

Каранфиловa-Пановска од Дебар: На 19 октомври да се обединиме за Македонија да го фати вистинскиот правец

Заменик претседателката на СДСМ, Фани Каранфиловa-Пановска на граѓанската средба „Се бориме за нашиот дом“ во Дебар ги повика граѓаните на 19 октомври, да гласаат за бројот 5, за обединување, за Македонија да го фати вистинскиот правец, бидејќи по година и половина со ДПМНЕ земјата оди во изолација, во поделби, а народот во сиромаштија.„Македонија денес е втора најсиромашна земја во Европа според минимална плата. Сите економски параметри се лоши. Во изминативе 14 месеци над 1,8 милијарди евра нов долг има создадено оваа власт на грбот на народот, а највуваат уште 6 милијадри. Инфлацијата е 4%, повратот на ДДВ за фирмите доцни, над 700 милиони евра има државата долг кон фирмите кој не е вратен“, истакна Каранфиловa-Пановска.Таа нагласи дека нема развој со вакви погрешни политики.„Секој човек мисли што ќе однесе на трпезата дома, како ќе плати сметки, ова не е живот, ова е преживување. Младите се иселуваат, не затоа што не сакаат да живеат овде, туку затоа што државата им ја одзема надежта“, истакна Каранфиловa-Пановска, додавајќи дека токму затоа е важно во Советот на Дебар да има луѓе што ќе се борат за секој локален проект, за секој инвеститор, за секоја идеја што носи развој.„Нашата борба за нашиот дом е борба и за заедништво, за општини коишто обединуваат, за Македонија што се гради со љубов, а не со поделби. Нашиот најголем адут на овие избори се чесните луѓе, нашите кандидати. Ние пред граѓаните изгледуваме со чесна понуда. Овде во Дебар тоа се нашите кандидати на советничката листа, кои ќе бидат вистински глас на народот на чело со Мухамед Имеровски!“, порача заменик-претседателката на СДСМ, Фани Каранфиловa-Пановска во Дебар.

Македонија | пред 7 месеци

Ацевски: Нудиме хумано живеење, Буџетот не смее да се полни со 30 нови висококатници во срцето на Ѓорче

Сметам дека во Ѓорче Петров треба да се случат промени на подобро поради состојбата во која се наоѓа Ѓорче денес. Јас и мојот тим имаме неколку клучни проекти за Ѓорче Петров во иднина да биде со еден хуман развој и да се менува на подобро, вели во дебата на МРТ кандидатот за градоначалник на Општина Ѓорче Петров, Костадин Ацевски. - Детектираме реални проблеми и нудиме реални, конкретни и практични решенија. Ние го замислуваме Ѓорче како чиста и уредена општина, со средени јавни простори, со зелени површини кои редовно се одржуваат, со нови зелени површини, содржини за најмладите, со пешачки патеки, со градинки каде нема листа на чекање.Ѓорче Петров ќе биде општина каде урбанизацијата нема да биде синоним за бетонизјација, ќе го запреме бетонирањето во општината.Има цели простори од Општина Ѓорче Петров во кои нема ДУП-ови, а за сметка на тоа во други делови постојано се менуваат плановите за да има нови и нови згради, а и куќите стануваат згради. Развоен буџет не е буџет кој се темели на изградба на згради, особено не со 30 висококатници во срцето на Ѓорче, тој буџет не е ни развоен, ни реален, вели Ацевски.

Македонија | пред 7 месеци

Филипче: Алармантно, буџетската дупка ќе биде 1,4 милијарди евра на крајот на годината

Претседателот на СДСМ Венко Филипче на денешната прес конференција изнесе алармантни податоци за состојбата на буџетот. До крајот на 2025 година според статистичките бројки во буџетот ќе недостигаат 1,4 милијарди евра.Се наоѓаме на само 75 дена пред крајот на 2025 година, а буџетската рамка, која е дефинирана од приходите и расходите во буџетот, покажува загрижувачка слика: Имено до денес, приходите се реализирани со 70,78% или 256,5 милијарди денари. Во исто време, расходите се на ниво од 72,82%, односно речиси 294 милијарди денари. Ова значи дека со вакво темпо, а тоа е за очекување, на крајот на годината ќе недостигаат околу 1,4 милијарди евра за да се покријат сите трошоци. Тоа е фрапантна буџетска дупка. Ова значи дека сите овие пари ќе треба да се покриваат со задолжување, со нови оптоварувања за бизнисите и граѓаните, или со кратења кај најважните јавни услуги. Ја прашувам власта, што планира да прави и како ќе ги покрива овие 1,4 милијарди евра?, праша Филипче.Филипче како што рече економската состојба во државата е алармантна поради што чувствува должност и загриженост да ја објави вистината пред граѓаните наспроти пораките за економски „успеси“, кои власта ги зборува на митинг.Во време кога премиерот Мицкоски од митинг на митинг зборува за економски „успеси“, должност ми е да зборувам за реалноста и да ги информирам граѓаните за реалната економска состојба. Во изминатите 15 месеци постојано алармиравме дека економијата и економските политики на оваа власт се многу погрешни, а реализацијата на проектите е историски најслаба. Денес тоа што го зборувавме го потврдуваме со реални економски индикатори, факти и бројки. Овие податоци укажуваат на алармантна состојба со буџетот, со приходите, со инвестициите и реализацијата на капиталните инвестиции, како основни индикатори за економската состојба во државата, рече Филипче на денешната прес конференција.

Македонија | пред 7 месеци

Мицкоски: Кампањата речиси завршува, а Венко не сопре со црна кампања, свесен е дека тоне

Христијан Мицкоски, претседателот на ВМРО-ДПМНЕ, имаше свое обраќање на денешниот народен митинг во Пробиштип, во рамки на изборната кампања со слоган ,,Вистинскиот избор! Твојот човек! Твоето место! За твојата иднина!“, за претстојните локални избори. Мицкоски се осврна на како што вели тој, неформалната коалиција за локалните избори составена од СДСМ, ДУИ и Левица, кои се обединети од желбата за власт и омразата кон ВМРО-ДПМНЕ. Според него, на овие локални избори тие настапуваат со црна кампања, а не нудат никакви проекти, никаква визија ниту стратегија.,,Кога зборувам за нашите противници зборувам за една непринципиелна коалиција, која што е составена од во суштина три политички партии, која што се обединила поради две главни причини, првата е желбата за власт, по било која цена. И втората е, патолошката омраза која што ја имаат кон ВМРО-ДПМНЕ. Тоа е коалицијата на СДСМ, на ДУИ, и политичката партија Левица. На некои места, оваа коалиција е формална, на некои полуформална, но во суштина, тоа е тој опозициски блок, кој што на овие избори излегува тотално без никаква програма“, вели Мицкоски.Мицкоски истакна дека опозициската СДСМ за претстојните локални избори не нуди ниту проекти, ниту визија, туку само се фокусира на црна кампања уште од првиот ден.,,Од првиот ден, заклучно со денеска, ние не слушнавме ниту еден проект, не слушнавме никаква визија, никаква стратегија, од нив не слушнавме како планираат и каде планираат да ја водат Македонија. Од нив слушнавме само три, условно кажани, политички пораки во оваа кампања. Првата е, црната кампања која што ја водат од првиот ден, па се до ден денес. Против мене се разбира најмногу и против ВМРО-ДПМНЕ. Втората политичка порака која што ја испратија е дека тие се политички наследници и претставуваат континуитет на тоа што претставуваше влада 7 години во Македонија, коалиција  СДСМ-ДУИ. Третата политичката порака е дека тие се грижеле и се бореле за нашиот дом“, истакна Мицкоски и додаде:,,Црната кампања наспроти целата теорија и целата пракса, започна од првиот ден во оваа кампања. Ние немаме емитувано ниту еден негативен спот. А, веќе завршува кампањата во првиот круг. Ниту еден негативен спот“.Мицкоски истакна дека, иако има многу причини да се потсетат граѓаните на неуспесите на претходната влада, ВМРО-ДПМНЕ избира позитивна кампања фокусирана на проекти и иднината.,,А верувајте, имаме таква инспирација да ги потсетиме граѓаните, за тоа што го работеа 7 години, што ако почнеме рано наутро малку ќе ни биде еден ден сето она лошо што го направија додека 7 години беа влада. Но, рековме не. Ние сакаме да бидеме Влада која што ќе се обиде да ја врати надежта кај луѓето, и сакаме да зборуваме за убави работи, за проекти, да зборуваме за иднина. Сакавме тоа да го доближиме до граѓаните. Што е тоа што ние го сработивме. И што е тоа што ќе го сработиме. А тие, со ад хоминем напади, со ниски страсти. Прво ми посакаа, ќе било штосно ако го виделе моето тело распарчено и спакувано во куфер, за да потоа претседателот на СДСМ, претпоставувам инспириран, бидејќи неговиот политички гуру седеше во првиот ред, во еден занес, кажа дека тие нас не не мразеле туку не презирале. Тоа претпоставувам треба да е степен над омраза, барем според нивната филозофија. Инаку, човекот е педагог, редовен професор на факултет, кој што пледира утре да ја води државата. Тоа е тоа што го нуди СДСМ на овие избори“, заклучи Мицкоски.

Македонија | пред 7 месеци

Милевски: Виница заслужува ред и напредок, да не ја препуштиме повторно на локалните шерифи

Кандидатот за Градоначалник на СДСМ, Гоце Милевски, од трибината во Виница побара поддршка од граѓаните, потенцирајќи дека ова не е само кампања, туку борба за иднината на Виница. Тој повика на заедничка акција, јасно нагласувајќи дека промената е можна„Денес не сум само кандидат за градоначалник, денес сум човек со мисија: да ја вратиме Виница таму каде што припаѓа“, порача Милевски.Милевски остро се осврна на досегашното локално владеење и политичката клима, повикувајќи на одговорност и нов почеток.„Сакаме ли Виница повторно да ја препуштиме во рацете на локалните ’шерифи‘ кои мислат дека сè им е дозволено и дека градот им припаѓа само на нив? Јас не верувам дека тоа е Виница што ја сакаме“, истакна тој, додавајќи: „Верувам дека можеме подобро, дека можеме да изградиме град со ред, закон, човечност и почит.“Милевски  ја побара поддршката од граѓаните и го претстави неговиот план за конкретни, реални и остварливи проекти, кои, како што рече, не се празни ветувања, туку патоказ за развој: Изградба на дом за стари лица, грижа со достоинство за повозрасните, нов булевар на влезот во Виница, решавање на атмосферската канализација, спортска сала за ООУ „Гоце Делчев“, велосипедски патеки, зелена и чиста Виница, ред во сообраќајот и паркирањето, улично осветлување и поддршка за културата и уметниците.„Ова не се ветувања, туку планови што ќе ги реализираме, чекор по чекор, проект по проект. На 19 октомври, излезете масовно. Заокружете го бројот 5, затоа што е глас за нашата иднина“, порача од Виница, Гоце Милевски, кандидат за градоначалник на СДСМ.

Македонија | пред 7 месеци

Филипче: Македонија е претпоследна во Европа по минималната плата

„Владата на ВМРО-ДПМНЕ брутално ги измами и излажа граѓаните, ниту се горди, ниту имаат повеќе пари, ниту подобро живеат, оваа влада за година и пол  донесе хаос и сиромаштија“, нагласи Претседателот на Социјалдемократскиот сојуз на Македонија, д-р Венко Филипче, на граѓанската трибина „Се бориме за нашиот дом“, што се одржа во Виница.Филипче посочи дека најголемата измама им се случи на граѓаните на парламентарните избори лани.„ВМРО-ДПМНЕ ветуваше гордост и достоинство, донесоа сиромаштија, хаос и неизвесност. ВМРО-ДПМНЕ се фали со „стабилност“, а народот не може да го помине месецот. Државата е во стагнација, нема економски раст, инфлацијата го слабее стандардот, а платите не се зголемуваат. Се доцни со исплата на ДДВ, субвенциите за земјоделците каснат, инвестициите на рекордно ниско ниво“, рече Филипче.Говорејќи за животниот стандард, Филипче укажа дека со сегашните ниски плати, високи стапки на инфлација, младите не гледаат перспектива во својата татковина.„Нема достоен живот кога Македонија е претпоследна во Европа според висина на минимална плата со многу ниска куповна моќ. Младите заминуваат – не затоа што не ја сакаат Македонија, туку затоа што таа не им нуди перспектива. Со оваа ненародна власт животот е сè потежок за сите“, рече Филипче.Сите ние како што кажа Филипче ја чувствуваме раката на погрешна државна политика, каде кадрите на ВМРО-ДПМНЕ низ локалните и централните нивоа создаваат синџир на неспособност и безредие.

Македонија | пред 7 месеци