ССМ

„Одј*бете од протестoт“: Остра порака на Кристина Ампева до политичките партии

Активистката и претставничка на движењето „Гласен текстилец“, Кристина Ампева, вчера упати остра порака до политичките партии во пресрет на денешниот работнички протест во Скопје, порачувајќи им да не се обидуваат да го присвојат или политизираат настанот.Ампева реагираше по најавите за партиска поддршка на протестот, оценувајќи дека токму партиите во изминатите три децении ја носат одговорноста за лошата положба на македонскиот работник.„Бидејќи гледам дека политички партии почнаа да даваат поддршка на протестот, јас да си кажам – да си ги тргнат канџите од утрешниот протест и да не помислат да дојдат“, порача Ампева.Таа нагласи дека досегашното владеење на сите партии не донело суштински подобрувања за работничките права, платите и достоинството на работниците, поради што, како што рече, е лицемерно сега да се повикуваат на нивна поддршка.„Се виде сите партии 30 и кусур години што направија за македонскиот работник. Затоа не ми е јасно како сега уста им е полна со работниците и нивните плати“, истакна Ампева.„Никаков аир ако давате поддршка, нема никому услуга да направите. Само штета. Оставете ги работниците сами да се изборат за нивните права, плати и достоинство“, порача таа.Ампева на крајот упати повик до работниците да останат обединети и да учествуваат на протестот, нагласувајќи дека борбата е исклучиво работничка и непартиска.„Се гледаме драги колеги и колешки од работничка вероисповест утре во 17 часот во Скопје. Работнички поздрав“, напиша Ампева.

Коментари | пред 4 месеци

Филипче: Целосна поддршка за работничкиот протест, платите растеа само за време на СДСМ

Претседателот на Социјалдемократскиот сојуз на Македонија, Венко Филипче, денеска изрази целосна поддршка за протестот на Сојузот на синдикати на Македонија и за барањата на работниците упатени до Владата, оценувајќи дека зголемувањето на платите е реално, оправдано и неопходно за опстанокот на работничките семејства.Филипче информираше дека на вчерашната седница на Извршниот одбор на Социјалдемократски сојуз на Македонија било донесено едногласно решение партијата да застане зад синдикалниот протест и јавно да ги поддржи барањата на работниците. Според него, станува збор за легитимни и објективни барања, бидејќи поголемата плата не е луксуз, туку услов за достоинствен живот.Тој потсети дека за време на владите предводени од СДСМ платите континуирано растеле, при што минималната и просечната плата речиси се удвоиле, и тоа во период на тешки глобални кризи, како ковид-пандемијата и енергетската криза. Филипче нагласи дека таквиот раст бил резултат на добро водена економска политика, зголемени капитални инвестиции и силен прилив на странски инвестиции.Според него, овие практики денес се напуштени, а актуелната влада предводена од ВМРО-ДПМНЕ, ЗНАМ и ВЛЕН не покажува капацитет за стабилно економско управување. Наместо реални мерки за подобрување на животниот стандард, како што рече, државата се соочува со постојани нови задолжувања кои ќе паднат на товар на идните генерации.Филипче изрази жалење што власта пред неколку месеци не го поддржала предлогот на СДСМ за зголемување на минималната плата, додавајќи дека партијата и во иднина ќе продолжи да предлага законски решенија насочени кон раст на платите и подобрување на економската сигурност на граѓаните.

Македонија | пред 4 месеци

Протест на ССМ денеска од 17 часот, изменет сообраќај во центарот на Скопје во попладневните часови

Денеска (28 јануари 2026 година) во Скопје ќе биде воведен посебен режим на сообраќај поради најавен протест во организација на Сојузот на синдикатите на Македонија (ССМ).Како што информира Министерството за внатрешни работи, протестот ќе започне во 17:00 часот, а учесниците ќе се движат по следната траса: од пред зградата на ССМ на улицата „Мирче Ацев“, лево по улицата „Филип Втори Македонски“, десно по улицата „11 Октомври“, право по улицата „Димитрие Чуповски“, десно по улицата „Васил Главинов“, право по булеварот „ВМРО“, лево по булеварот „Илинден“, со крајна дестинација пред зградата на Владата.Поради тоа, Единицата за безбедност на патниот сообраќај ќе преземе соодветни мерки за регулирање на сообраќајот на наведените сообраќајници, со цел безбедно и непречено одвивање на протестот.Од МВР апелираат до граѓаните да ги почитуваат наредбите и упатствата на полициските службеници и, доколку е можно, да користат алтернативни правци на движење за да се избегнат застои и метеж во сообраќајот.

Скопје | пред 4 месеци

Во нормална држава, народот би се кренал за физичка пресметка со политичарите за платите, пишува Стеваноски адвокат и советник во Прилеп

“Во нормална држава, во ваква ненормална состојба, народот би се кренал за физичка пресметка со политичарите, а не да дозволи вакви ретардирани политички изјави да поминуваат без воспитни”.Вака реагира адвокатот и советник во Општина Прилеп, Жарко Стеваноски, коментирајќи ја оценката на премиерот Христијан Мицкоски дека целта на синдикатите не била борба за повисоки плати, туку политичка пресметка.Според Стеваноски, ваквиот наратив е навредлив и опасен, особено во услови кога реалноста за најголем дел од граѓаните е далеку од комфорна. Тој посочува дека живееме во општество во кое платите на функционерите надминуваат 2.000 евра, минималната плата изнесува околу 400 евра, а над 400.000 граѓани живеат под прагот на сиромаштија.Во такви околности, како што нагласува, одлуката на синдикатите да организираат масовни протести за повисоки плати не само што не е политичка манипулација, туку претставува цивилизиран, легитимен и демократски чин.„Наместо да се дискредитираат работниците и нивната борба, треба да се постави прашањето како е можно вакви социјални разлики да се сметаат за нормални“, порачува Стеваноски, заклучувајќи со горчливата констатација: каков народ, таква држава

Коментари | пред 4 месеци

ССМ денес на протест, бараат минимална плата од 600 евра

Сојузот на синдикати на Македонија денеска ќе одржи протест за зголемување на минималната плата на најмалку 600 евра и на сите останати плати за 100 евра. На протестот, кој ќе започне во 17 часот, ќе биде искажано незадоволство поради неисполнување на барањата за зголемување на платите. Протестот ќе почне пред Работничкиот дом и ќе продолжи пред Собранието и Стопанската комора, а ќе заврши пред Владата.Претседателот на ССМ Слободан  Трендафилов вчера на прес-конференција рече дека протестот се организира поради ингнорантскиот однос на Владата и работодавачите кои не ги зголемија платите на работниците.Според ССМ, има многу аргументи за зголемување на платите тргнувајќи од инфлацијата се до растот на вредноста на синдикалната минимална кошничка во јануари за илјада денари.- 28 јануари е денот кога работниците зборуваат. Колку гласно ќе зборуваат, зависи од вас. Вашето присуство на улица ќе зборува погласно од секоја дискусија што сте ја воделе во семејствата и на вашите работни места. Овој протест е за вашите плати затоа што истите не стигнуваат од 1-ви до 1-ви. Ве повикувам сите - и синдикалци, и работници и пензионери кои земате пензија од работничките придонеси да ни се придружите затоа што само во јануари сте посиромашни за илјада денари. Другите не бројат и сметаат дека ако не дојдете, им давате огромна поддршка да не ви ја зголемат платата затоа што сметаат дека добро живеете и дека зборувате само за убави работи, рече Трендафилов, рече вчера Трендафилов.Според него, повеќе нема изговори бидејќи 200 илјади луѓе се сиромашни и живеат со плата под 30.000 денари.На протестот ќе се приклучи и Самостојниот синдикат на новинари и медиумски работници (ССНМ). Во соопштение испратено до медиумите, ССНМ ги повика своите членови да дадат полна поддршка на барањата за зголемување на минималната, но и сите плати на работниците во земјата.- Според анкетата на ССНМ и Институтот РЕСИС, објавена во 2024 година, повеќе од половина од членовите на медиумската заедница заработуваат помалку од просечната месечна плата во земјата, а последните податоци говорат и дека голема е бројката (безмалку една третина) на новинари, камермани, креативни дизајнери, монтажери и други, кои од работодавачите се држат на минималната плата. Со оглед на тоа дека повеќето од вработените во медиумскиот сектор се директно поврзани со оваа категорија, ССНМ бара итно зголемување на минималната плата, наведуваат од ССНМ.Од Владата со став дека секој има право да протестира, но дека зголемувањето на минимналната плата ќе биде согласно законот во март.- Во согласност со законот, минималната плата ќе биде зголемена во март, односно платите што ќе ги добијат работниците во април за март ќе бидат зголемени. Ние рековме дека ќе го поддржиме секое решение што синдикатите ќе го постигнат со работодавците во дипартитен дијалог, изјави вчера премиерот Христијан Мицкоски при работната посета на Гази Баба. За Бизнис конфедерацијата е прифатливо зголемувањето на минималната плата во март, а секое друго зголемување, без олеснети давачки за социјалните придонеси, би било товар за стопанството. Сметаат дека нашата економија, особено приватниот сектор, не може да си го дозволат бараното покачување на минималната плата.- Разговаравме неколкупати и со претставници на Владата, но исто така и со нашите колеги и од Сојузот на синдикатите на Македонија и од другите синдикати дека би се задржале на ставот дека усогласувањето на минималната плата во март е прифатливо за нас, тоа е дел од законот што треба да се разбере и да се прифати, но исто така и за да можеме да покачиме повеќе, како што бараат синдикатите, во интерес и на работодавачите, и на граѓаните, и на работниците е покачувањето од 6.000 денари да биде ослободено од социјални придонеси и оптоварено само со персоналниот данок, и тоа во сите сектори. Дополнителните барања и дополнителните 100 евра што ги сметаме како линеарно покачување навистина сериозно со овие услови, без олеснети давачки за социјалните придонеси, би биле голем товар за стопанството, не само за микро, малите и самостојните вршители на дејност туку и за сите компании, бидејќи станува збор за голем товар, кој не е само 6.000 денари, односно со социјалните придонесот е оптоварен со уште 4.500 денари, вели Миле Бошков од Бизнис конфедерацијата.Ваквите тврдења од бизнис секторот, според ССМ, не држат. Оттаму велат дека официјалните податоци за профитите на бизнисмените, ги демантираат.ССМ веќе подолг период бара зголемување на минималната плата поради растот на животните трошоци. Од Владата оставија за ова да се договорат синдикатите и работодавачите, но до решение не дојде ниту на последниот состанок на Економско-социјалниот совет одржан во декември.Доколку не наиде на слух од другата страна, од ССМ најавуваат блокади на таргетирани институции, организирање генерален штрајк и собирање на 10.000 потписи за законски измени со кои ќе бараат намалување на функционерските плати и зголемување на минималната плата и сите останати плати.

Македонија | пред 4 месеци

Мицкоски за протестите на ССМ: Не се борат за плати, туку за политичка пресметка

„Секој има право да протестира“, вели Христијан Мицкоски претседател на Владата во интервју во емисијата „Клик Плус“ на ТВ21 за најавените протести на дел од синдикалните организации. Премиерот Мицкоски посочи дека тој нема ништо против повисоки примања, но смета дека целта на синдикатите е политичка пресметка, а не повисоки плати за работниците.„Ги видов барањата, тоа не е нешто кое што е ново. Апсолутно јас сум секогаш за повисоки примања. Секој треба да добие повисоки примања, тука нема дилема ниту пак некој има спротивно мислење, но тоа кое што треба да се каже и да се погледне на вистината во очи е фактот дека неколкумина кој што се дел од водството на овој синдикат се апсолутно заробени од страна на одредени политички амбиции и политички фигури. И сето ова кое што таму го прават има таква задача, таква цел. Не е целта тука хумана, па сега они излегуваат и повикуваат на протести за да еве работниците добијат повисоки плати, туку напротив“, рече премиерот.На прашањето дали смета дека утрешниот повик за протест на ССМ има политичка позадина, Мицкоски рече:„Апсолутно, зар некој треба да има дилема на протест на синдикатите кој што е најавуван пред неколку недели, а се случува неколку дена по одржувањето на Конгрес на една политичка партија. Мислам дека тука не треба никој да има дилема.“Мицкоски, вели дека раководството на ССМ смета дека со ваквиот начин ќе направат штета на Владата, но како што рече не станува збор за повисоки плати, туку станува збор за синдикално барање кое е заробено од политиката и одредени политичари од опозицијата.„Тие сметaат дека на овој начин ќе нанесат штета на Владата. Не е суштината повисоката плата на работниците, туку мислат дека ќе нанесат штета, бидејќи нивното претседателствување и начин на функционирање во синдикатот е од фамилијарна низа, еден на друг се пренесуваат. Еве погледнете да речеме родителите на дел од раководството на ССМ, каде биле порано претседатели, на кои синдикати, ќе ви стане јасно како функционира таа структура. Така што, апсолутно не станува збор за никакви права на работниците, не станува збор за  било што кое што е поврзано со повисоки плати на работниците, туку станува збор за синдикално барање кое е заробено од политиката и одредени политичари од опозицијата“, дециден е Мицкоски.

Македонија | пред 4 месеци

Ако ви се закануваат, не треба на никој да му се плашите: Трендафилов ги повика сите на протест за повисоки плати

28 јануари е денот кога работниците зборуваат, овој протест е за вашите плати кои не стигнуваат од први до први, овој протест е поради неправдата, затоа што тие земаат десет пати поголема плата од вашата, истакна денес на прес-конференција претседателот на Сојузот на синдикати на Македонија, Слободан Трендафилов.Трендафилов нагласи дека овој протест е за зголемување на сите плати и дека работодавачите и Власта не се грижат за приходите на работниците. Преседателот на ССМ ги повика сите работници да се придружат на утрешниот протест.– Ако ви се закануваат, не треба на никој да му се плашите, на никого ништо не му должите, им должите само на вашите семејства достоинствен и пристоен живот, нагласи Трендафилов, кој ги повика и пензионерите да се придружат на протестот.Трендафилов нагласи дека имало закани кон работници, но сите кои се заканувале на работници ќе бидат објавени со пораки, фотографии и детали.

Македонија | пред 4 месеци

Утре масовен протест за повисоки плати во Скопје – се бара 600 евра минимална плата

Утре, 28 јануари, со почеток во 17:00 часот, работниците од сите сектори излегуваат на масовен протест во Скопје.Под мотото „Денот кога зборуваат работниците“, Сојузот на синдикатите на Македонија (ССМ), поддржан од синдикатите за образование, култура, полиција и медиуми, ќе го изрази незадоволството од ниските примања.Зборното место е пред зградата на ССМ, а главните барања се 600 евра минимална плата за секој работник и линеарно покачување од 100 евра на сите останати плати.„Овој протест е за твојата плата, затоа што истата не стигнува од први до први. Ако не излеземе на улица, значи дека се согласуваме со сиромаштијата“, изјави претседателот на ССМ, Слободан Трендафилов.Кон протестот официјално се приклучува и Самостојниот синдикат на новинари и медиумски работници (ССНМ). Од синдикатот велат дека одлуката е донесена поради континуираниот пад на приходите во медиумската индустрија. Според нивните податоци, повеќе од половина од медиумските работници заработуваат под просекот, а една третина се држат на минимална плата. ССНМ смета дека зголемувањето на минималецот е неопходно за да се ублажи инфлацискиот шок и да се зачува професионалното новинарство.На протестот се очекува масовно присуство на вработени од образованието, културата, полицијата, индустријата и трговијата, кои порачуваат дека економско-социјалната стабилност е заедничка борба на сите работници.

Македонија | пред 4 месеци

Ќе се одржи протест за платите да се зголемат за најмалку 6.000 денари и минимална плата на 600 евра

Претседателот на Сојузот на синдикати на Македонија, Слободан Трендафилов, преку отворено писмо до граѓаните упати јасна порака дека најавениот протест на 28 јануари не е прашање на удобност, ниту на слободно време, туку прашање на егзистенција. Како што нагласува, ова не е протест на кој се доаѓа „ако се има време“, ниту настан што може да се одложи со оправдувања за студ, темнина или лошо време.Трендафилов истакнува дека протестот е директно поврзан со платата на работниците, која, според него, одамна не е доволна за да се преживее од први до први. Тој нагласува дека никој друг нема да се избори за платата на работникот, ако тоа најпрво не го направи самиот работник, а потоа и сите заедно, преку заеднички и масовен отпор. Протестот, како што наведува, е реакција на системското потценување и понижување на работниците, и од страна на работодавачите и од страна на власта.Во писмото се посочува дека ниските плати за едните значат акумулација на капитал, а за другите средство за политичка контрола, бидејќи, како што вели Трендафилов, сиромашниот народ е полесно управлив. Тој додава дека доколку граѓаните имаат пристојни плати и сигурна работа, нема да бидат принудени да зависат ниту од газдите, ниту од политичките елити.Протестот, според претседателот на ССМ, е и борба за иднината на децата и внуците, бидејќи со мизерните плати, како што наведува, државата свесно ги турка младите да ја напуштаат земјата. Тој ја оцени состојбата како длабока неправда, во која функционерите и носителите на власт добиваат значителни зголемувања на платите, додека работниците остануваат со минимални приходи. Како пример, Трендафилов го посочува растот на платите на избраните и именуваните лица, кои, според него, си обезбедуваат стотици евра повеќе месечно, додека оние што им ја даваат моќта и ги финансираат преку буџетот, остануваат без реална грижа и поддршка.Трендафилов упати апел до работниците и граѓаните да не се плашат и да им се придружат на синдикатите на 28 јануари. Според него, главната цел на протестот е зголемување на работничките плати за најмалку 6.000 денари, преку зголемување на минималната плата на 600 евра.Протестот ќе започне на 28 јануари 2026 година во 17 часот пред Работничкиот дом во Скопје, по што учесниците ќе се упатат кон Собранието, Стопанската комора и зградата на Владата. Трендафилов информира дека за време на протестот ќе биде обезбеден коридор за итни случаи, извинувајќи им се однапред на граѓаните кои евентуално ќе имаат потреба од движење по истите улици, нагласувајќи дека целта е протестот да помине мирно, но јасно и гласно.

Македонија | пред 4 месеци

Протест за плата на 28 јануари: „И еден работник да излезе, ќе бидеме со него“

Сојузот на синдикатите на Македонија, Сојуз на синдикатите на Македонија, најави протест за зголемување на платите, кој ќе се одржи на 28 јануари со почеток во 17 часот, пред просториите на ССМ.Претседателот на ССМ, Слободан Трендафилов, порача дека синдикатот ќе застане зад секој работник кој ќе одлучи да го искаже своето незадоволство.„И еден работник да излезе на улица, ССМ ќе биде со него и ќе бара зголемување на неговата плата“, истакна Трендафилов, нагласувајќи дека борбата за достоинствени примања не смее да се одложува ниту да се префрла на друг.Од ССМ упатија јавен повик до сите вработени да се приклучат на протестот, порачувајќи дека платите се заеднички проблем и дека само со заеднички притисок може да се издејствуваат конкретни решенија.„Протестираме за плата. Придружи ни се, не чекај друг да се бори за твојата плата“, порачуваат од ССМ, најавувајќи дека протестот е порака до институциите дека трпението на работниците е при крај и дека е време за реални и видливи подобрувања на животниот стандард.

Македонија | пред 4 месеци

Трендафилов повика на протест: Време е работниците да излезат и да се борат за достоинствена плата

Претседателот на Сојузот на синдикати на Македонија, Слободан Трендафилов, со јавен повик до работниците побара масовна поддршка и излезност на најавениот протест, нагласувајќи дека молкот и пасивноста значат поддршка на ниските плати и тешкиот работнички живот. Тој порача дека само преку заедништво и активен отпор работниците можат да се изборат за подобри услови и повисоки примања.„Сестри и браќа работнички и работници, денес ја бараме поддршката на секој еден работник, секој еден кој смета дека не треба да седи дома удобно во неговата фотелја на топло. Бараме да ни се придружи секој еден работник на 28 јануари во 17 часот затоа што седејќи дома дава поддршка на политиката на ниски плати, на мизерни примања и на тежок работнички живот.Затоа што другите сметаат дека на таков начин вие ги поддржувате нив, затоа што другите сметаат дека вас не ви треба зголемување на вашата плата, затоа што другите сметаат дека нема потреба да носат одлуки во интерес на 540 илјади работници наспроти 1080 функционери избрани и именувани.Време е работниците да сфатат дека само заедно можеме да се избориме за работничките права, време е работниците да сфатат дека само заедно можеме да се избориме за работничките платите, време е работниците да сфатат дека се сами оставени и дека еден работник не може да промени многу, но заедно можеме да промениме сѐ“, вели Трендафилов.

Македонија | пред 4 месеци

Работниците во Македонија со најниска минимална плата во регионот – 397 евра не се живот, туку борба за преживување, алармира ССМ

Сојузот на синдикати на Македонија (ССМ) објави споредбена анализа која покажува дека минималната плата во земјава е најниска во регионот, и тоа со значителна разлика во однос на соседните држави.Во соопштението на ССМ се наведува дека минималната плата во Македонија изнесува 397 евра, и според најавите на Владата, нема да се менува до март 2026 година, освен за законско усогласување кое би изнесувало најмногу 1.600 денари.Во споредба, Косово од јануари 2026 ќе ја зголеми минималната плата на 425 евра, а од јули истата година на 500 евра.Во Албанија, истата ќе изнесува 500 евра од 1 јануари 2026 година, а Владата ќе ги субвенционира дополнителните трошоци за осигурување на работниците во приватниот сектор со 90 милиони евра.Во Србија, Владата веќе ја зголеми минималната плата на 500 евра од октомври 2025 година, а од јануари 2026 година таа ќе изнесува 550 евра.Во Република Српска, минималната плата за неквалификувани работници ќе биде 512 евра, а за вработени со високо образование – 743 евра.Во Босна и Херцеговина минималната плата за 2025 година изнесува 511 евра, а во Црна Гора од јануари 2026 година достигнува 600 евра за работници со средно образование и 800 евра за високообразовани.ССМ обвинува дека Владата, работодавачите и дел од синдикатите, како што наведуваат, „се на иста страна, против работниците“, и дека токму тие ја спречуваат борбата за повисоки плати.„Жалосно е тоа што Владата има сојузници во некои синдикати, како КСС, кои се прават репрезентативни само за да нема зголемување на платите. Денеска имаме Влада, газди и КСС кои се на иста страна, задоволни што македонските работници тонат во сиромаштија,“ стои во соопштението.Синдикатот потсетува дека функционерските плати не се намалени, туку останале зголемени за 79 проценти, додека во исто време работниците преживуваат со 397 евра.„Работниците заслужуваат достоинствена плата, а не статистичка бројка. Се бориме затоа што регионот оди напред, а само Македонија ги турка работниците назад. Се бориме затоа што 397 евра не се живот, туку борба за преживување. И ќе продолжиме – сè до зголемување на минималната плата и достоинство за секој работник“, порачуваат од ССМ.

Македонија | пред 6 месеци

„Луксузот ваш е од трудот наш“, им рекоа работниците на пратениците, па им го свртеа грбот и ги поздравија со „уа“

Со извици „уа, уа“, дел од работениците ги поздравија пратениците од пред Собранието, иако тие не беа во зградата. Симболично се свртија со грб кон законодавниот дом, за да им покажат како е кога работникот ќе им го заврти грбот, макар и симболично. Им порачаа дека се лускузираат со парите од граѓаните и побараа поголеми плати, како и платен превоз и хранарина.„Во најважните моменти на работниците, најголем дел од овие позади мене (пратениците) се на одмор.УА! За жал, до денеска 1 мај, Денот кога ја одбележуваме работничката борба, дел од овие донесоа закон за да имаме 12 часовен работен ден, нешто што го снемало во светот во 1986 година. Жалосно е да уживаат привилегии, трошоци за превоз поголеми од минималната плата, собраниско бифе поевтино од работничка менза, 79 отсто зголемени плати, а да одбиваат да донесат измени на Законот на минимална плата, да имаат право работниците за превоз и храна, зголемување на платите. Бараме најбрзо што може да покажат дека се и со работниците. Денеска на оваа страна од барикадите сме ние кои бараме достоинствена плата за достинствена работа, а од другата страна се тие кои уживаат привилегии. Луксузот ваш е од трудот наш. Макар и симболично, да им го свртиме грбот како што им го вртам јас, за да почувствуваат како е кога работникот ќе им го заврти грбот“, рече Трендафилов, а присутните се свртија со грб кон Собранието.

Македонија | пред 1 година

Инспектори, обвинители, административци немаат сѐ уште земено плата, а се исплаќаат и пониски од договорите па можат и да тужат

Претседателот на Сојузот на синдикати на Македонија, Слободан Тендафилов, рече дека во повеќе јавни институции немаат земено плата. Ги повика сите да излезат на маршот на 1-мај. Им рече да не попуштаат на притисоците за зачленување во други синдикати.„Моите податоци се дека и во Министерството за економија, како и во Пазарната инспекција немаат добиено плата. Вработените во Јавното обвинителство немаат добиено плата. Вработените во Водостопанство се уште ја немаат добиено платата. И други низа институции кои во јавниот сектор има што немаат добиено плата. Добив информација дека и вработените во Државниот инспекторат за труд немаат добиено плата, а треба тие да спречат неисплаќањето на плати во приватниот и јавен сектор. Тоа е голем број на работници кои ја немаат добиено платата и по празниците, беа оставени и за време на најголемите христијански празници без средства“, рече Трендафилов.Тој посочи дека овие вработени не само што немаат добиено плата, туку и да се приклучат на други синдикати и да не излезат на собирот на 1-мај.„За жал на голем дел од вработените во јавниот сектор немаат добиено поголема плата за 12 проценти, туку зголемување за околу 1800 денари“, рече Трендафилов и порача да тужат.Според него, се прави крах на државниот систем оти се чекаат тужби од вработени и адвокатски канцеларии, на кои ќе треба да им се исплатат адвокатски трошоци.„Адвокатите ќе земат 10 пати повеќе од тоа што е платата на работниците. Ваква состојба имавме во МВР во 2010 година, кога менаџментот трчаше низ полициските станици за да не тужат. Најчесто тужат тие што први се пензионираат и оставаат таква пракса. Тоа што слушаме сега, е дека се прави притисок врз судството за да се отфрлаат тужбите за неисплаќање на плати согласно колективните договори“, додаде Трендафилов.Порака дека платите треба да одат кај работниците, а не да се богатат други како адвокатските канцеларии.

Македонија | пред 1 година

ССМ во Владата на состанок: Ќе ги прашаме до кога планираат работниците да чекаат зголемување на плати

Слободан Трендафилов претседател на Сојузот на синдикати на Македонија, рече дека оди на состанок во Владата каде биле повикани, но за да ги праша: „ССМ дојде да ја праша Владата до кога планира работниците да чекаат зголемување на плати?“.Трендафилов рече дека не знае за што е состанокот.„И други колеги од други синдикати ќе присуствуваат. И дојдовме да и кажеме дека донесовме одлука преку органите и телата на ССМ, дека ако не ги зголемат минималните плати и платите на сите работници, доколку 12,6 проценти не се зголемат платите во јавниот сектор, дека ќе треба да преживеат на минималец. По средбата веројатно ќе имаме повеќе детали“, рече Трендафилов.

Македонија | пред 1 година

Пратеникот Бране му одговори на синдикалецот Слободан: Едвај собра педесетина луѓе

Пратеникот Бране Петрушевски од ВМРО-ДПМНЕ, кој беше прозван од синдикалиот водач Слободан Трендафилов од ССМ, одговори на социјалните мрежи со фотографија направена од еден од прозорците на собраниската зграда.„Еве на што го сведоа некогашниот синдикален гигант ССМ. Долго најавуваниот протест, кој собра едвај педесетина луѓе, покажа дека овие таму насадени ‘татини синчиња’ одамна ја загубија довербата на работниците.Синдикатот треба да биде глас на работниците, а не мегафон на политички агенди. Неговата улога е да преговара со работодавачите за подобрување на работничките права, а не да спроведува политички сценарија во режија на опозицијата.Ние продолжуваме со работа и со зголемување на сите плати, како што од денес се исплаќаат поголеми плати во здравството, образованието, полицијата и други сектори. Ова е вистинскиот начин да се унапредат правата на работниците – со конкретни резултати, а не со празни политички протести“, напиша Петрушевски.Претходно:

Македонија | пред 1 година

Синдикалците гласаа пратениците да земаат минималец, а Трендафилов праша: Бране на работа е или не е?

Сојузот на синдикати на Македонија, кои преку протест го повторија барањето дека очекуваат 500 евра минимална плата во Македонија, пред Собранието, илустрирајќи јавна седница, донесоа одлука со која пратениците треба да си ги намалат платите и да земаат минималец цела наредна година. Со ова испратија порака дека очекуваат измени на законите со цел, нивните барања да бидат исполнети.„Непочитувани пратеници, 120 вие, 300 ние, трипати повеќе од вас. Денеска дојдовме тука да побараме од вас минималната плата да изнесува не помалку од 500 евра. И да се зголемат сите останати плати за 100 евра. Денеска дојдовме тука ние што одлучуваме во синдикатите дека платите се мизерни. Вашите сега 79 отсто зголемени плати, не ги заслужувате и затоа дојдовме тука, бидејќи вие не одлучувате за нас, па ние ќе одлучиме за вас. Работници ве молам да донесеме одлука пратениците да бидат на минимална плата, до наредното зголемување на минимална плата, кој е 'за'“, рече Слободан Трендафилов, претседател на ССМ, по што присутните кренаа рака.Тој констатираше дека органите на телата на синдикатите и ССМ, како и борците за работнички права, едно гласно донеле одлука, пратениците да си ги намалат како што велат, луксузните пратенички плати на минимална плата се додека не ги зголемат работничките плати.„За крај, имам имам лично прашање, Бране на работа е или не е?“, рече Трендафилов, мислејќи на пратеникот Бране Петрушевски од ВМРО-ДПМНЕ кој изминатиот период одржа низа прес-конференции напаѓајќи го синдикалниот водич.

Македонија | пред 1 година

Филипче: СДСМ не стои зад протестите на синдикатите, но ги подржува барањата на работниците

СДСМ не стои зад протестите на синдикатите но ги подржува барањата на работниците, истакна на денешната пред конференција претседателот на СДСМ Венко Филипче. Тој одговарајќи на новинарско прашање рече дека платите се ниски и луѓето не можат да преживеат затоа потребни се промени и раст на платите па оттука рече Филипче и прифаќање на барањето да минималната плата се зголеми и да биде 30 000 денари.„Апелирам Владата да излезе во пресрет на барањата на работниците, платите се ниски цените се надвор од контрола, луѓето едноставно не можат да преживеат. Рационално и реално е барањето да минималната плата биде 30 000 денари. Има како да се воспостави точно е дека има Методологија меѓутоа секогаш со политичка интервенција може и законот да се смени со цел да се излезе во пресрет на барањата“, рече Филипче.Притоа тој потсети на амандманите и предлог законите на СДСМ за зголемување на минималната плата, за зголемување на платите во јавниот сектор, понатаму предлог законот за зголемување на платите во приватниот сектор преку системот на ослободување од дополнителните давачки на платите со цел работодавачите од приватниот сектор да се растеретат. Сите овие предлог закони од кои ниту еден не беше прифатен од власта,  напомена претседателот Венко Филипче.

Македонија | пред 1 година

ССМ првоаприлски се мајтапи со пратеникот Петрушевски

Претседателот на Сојуз на синдикатите на Македонија, Слободан Трендафилов, првоаприлски се пошегува на сметка на пратеникот Бране Петрушевски од ВМРО-ДПМНЕ.„Мислам дека сме најдобри другари, или не сме?“, напиша претседателот на ССМ, Слободан Трендафилов.Објавата е споделена и на профилот на Сојуз на синдикатите на Македонија.[caption id="attachment_325760" align="alignnone" width="651"] Screenshot[/caption]„Не се другари, Слободан се бори за зголемување на плати, Бране се бори против Слободан, ССМ и работниците“, напишаа Сојуз на синдикатите на Македонија.Петрушевски изминатите денови упати низа обвинувања кон ССМ. Пратеникот на ВМРО-ДПМНЕ, Бране Петрушевски го обвини Стојанче Кашиковски од ССМ дека земал плата од над 50 илјади денари и како што вели синдикалците Трендафилов и ССМ, не знаат кој од кој има поголеми примања.

Коментари | пред 1 година

Пратениците и функционерите да земаат по 500 евра плата една година, ама да гласаат минималната плата да е исто толку за работниците, предложи ССМ

Со жестоки критики, претседателот на Сојузот на синдикати на Македонија, Слободан Трендафилов се обрати кон пратеникот на ВМРО-ДПМНЕ, Бране Петрушевски. Ова доаѓа откако Петрушевски кажа дека Трендафилов бара повисоки плати за работниците, а како синдикалец зема 75.000 денари плата. Упати порака до сите избрани и именувани лица.„Од утре, мене и нив платата да ни биде 500 евра, ама заедно да изгласаат закон за работниците да добијат 500 евра минимална плата. Јас и они ќе примаме 500 евра плата една година, јас немам никаков проблем со тоа. И ги повикувам, следниот пат, текстот кога ќе го внесат во идиотот, и кога ќе читаат од идиотот, да прочитаат дека тие се согласни цела Влада, Собрание, директори, шефови, кои се ухлебани на државна сметка цел живот, да примаме 500 евра минимална плата, колку што ќе прмаат близу 200.000 работници“, рече Трендафилов.Тој се осврна и на нападите кои доаѓаа на негова сметка од пратеникто Бране Петрушевски од ВМРО-ДПМНЕ.„Очекувам на првата наредна прес-конференција, колегата кога ќе чита од идиотот, да каже кој број на чевли носи Слободан Трендафилов. Доколку ги промаши, сѐ до сега му е лага и никој не може да го убеди во спротивното. Не е сериозно пратеник, со 118.000 денари да го осудува претседателот на ССМ, за 60.000 плата. Несериозно е да гледаат дека нема никакви реакции за 60.000 плата, да измислуваат 70.000 денари, на друг 104.000 денари. Го повикувам да даде од неговата плата, за да ми ги надополни овие 15.000 денари кои ги немам и секој месец да имам 75.000 денари, за да не лаже“, рече Трендафилов.

Македонија | пред 1 година

Собранието да знае „Не може да има за пратениците, а не за работниците“, Владата „не може да се одлучува за работниците без работниците“ - синдикалците излегуваат утре на протест

Слободан Трендафилов, претседател на Сојузот за синдикати на Македонија, кажа дека утре ќе одржат марш со кој ќе бараат подобрен животен стандард за работниците, преку покачување на платите. Упати порака до ВМРО-ДПМНЕ дека истите барања ќе ги има и да зема 60.000 плата, но и ако зема 300.000 денари плата. Маршот ќе започне во 12:05 минути„Нападите против лицата кои се раководство на Синдикатите здружени во ССМ нема да променат ништо“, рече Трендафилов.Тој рече дека пред Собранието ќе упатат порака: „Не може да има за пратениците, а не за работниците“.Пред Стопанската комора, ќе упатат порака: „Подадената рака од работникот денес, може лесно да стане стисната тупаница“Порака ќе има и до Владата: „Не може да се одлучува за работниците без работниците“.Според Трендафилов, политиките кои ги водат креаторите на политиките се против работниците.„Не ги зголемуваат платите, за да овозможат достоинствени плати на работниците, токму на оние од кои тие земаат плата“, додаде Трендафилов.Притоа, Трендафилов и порача на ВМРО-ДПМНЕ дека му е гајле што ти е мислат за него.„Работниците да го поддржат ССМ кој е единствен синдикат кој се бори за повисоки плати. Загрижува тоа што 250.000 работници примаат плати до 32.000 денари. 380.000 работници примаат плата под просечната плата. Нечовечкиот однос кон синдикалните претставници е повреда и на меѓународните конвенции на трудот. Дали ако го нема Слободан Трендафилов, дали ако го нема ССМ, сите ќе си жвееме среќно и весело? Владините функционери да ги симнат розевите наочари со кои гледаат во нивните скапи луксузни кабинети“, посочи Трендафилов.

Македонија | пред 1 година

Европска и регионална поддршка за ССМ: Власта да ги тргне канџите од синдикализмот

Сојузот на синдикати на Македонија побара и доби поддршка од Европската и меѓународната конфедерација на синдикати. Се пожалија на организирано мешање во синдикатот од страна на власта, пред се на ВМРО-ДПМНЕ.Претставници на Европската конфедерација и од регионот дојдоа да дадат поддршка на барањето на ССМ.Велат, земја што не ги почитува синдикатите мора да биде повикана на одговорност. Македонија, како земја со аспирации за членство во европското семејство, треба да ги тргне канџите од синдикализмот бидејќи истиот е дел од вредностите на Европската унија.Зад ССМ застанаа и Самостојните синдикати на Србија, Босна и Херцеговина и Црна Гора, кои оценија дека минималната плата во Македонија е под секој минимум.,,Ќе се заложиме да обезбедиме никој да не одлучува наместо нас, без нас. Во одреден момент успеавме, во одреден момент не”, изјави Душко Вуковиќ, независен синдикат на Србија.Херцеговина.,,Ние донесовме заклучоци јавно да им дадеме поддршка на нашите колеги, синдикалци од Македонија, во однос на минималната плата, која е навистина толку ниска, што е под секој минимум”, изјави Душко Зарубица, генерален секретар на синдикати во Црна Гора.Од Европската конфедерација на синдикати излегоа со став дека ќе ја известат Европската комисија дека Владата врши притисок да не се зголемуваат платите и дека целиот случај ќе го стават под мониторинг.,,Дојдовме во Скопје да разговараме како да ги зајакнеме синдикатите, да ги застапуваме сите вработени и како да се бориме за подобри услови за работа. Низ Европа усвоивме директива за минимална плата. Оваа директива дава насоки за сите земји во Европа за тоа како да се утврди соодветна и правична минимална плата и како да се поддржи колективниот договор”, вели Теа Јарц, секретарка на Европската конфедерација на синдикати.На притисок одговараме со притисок, вели првиот синдикалец Слободан Трендафилов, посочувајќи дека пред работникот не смее да застане никој во спротивно ќе се соочат со моќта на синдикалното ехо.

Македонија | пред 1 година

Трендафилов призна дека е пиун на СДС, ДУИ и Левица, за политичките барања на ССМ, вели ВМРО-ДПМНЕ

„Трендафилов со неговите лоши потези, за жал, го направи ССМ да биде партиски комисија на СДС, а тој самиот гласноговорник на истата“, вели ВМРО-ДПМНЕ и додава:Очајни се обидите на Трендафилов да глуми независен, кога самиот тој истакна дека се обединил со опозицијата за да нуди политички барања од нивно име преку ССМ.Прес-конференцијата која што ја одржа Трендафилов вчера е класичен пример на нервозен човек кој е откриен за заткулисните игри што ги прави, за коишто возвраќа на СДС кој го стави да биде прв човек на ССМ. Ова се има случувано и во минатото, односно, на СДС им стана практика да ставаат свои луѓе на позицијата претседател на ССМ.Барањата на ССМ и СДС се идентични, скоро и да немаат разлика, а проблемот е во тоа што тие предлози се нереални и политички, ќе создадат голема вештачка инфлација и парата нема да ја има истата вредност.Впрочем, видовме изминатите години како СДС на еден антидржавен начин ја урниса економијата.Трендафилов упати навреди и уцени кон власта и видно вознемирен од тоа што не му проаѓаат наметнатите политички предлози, истакна дека покачувањето на платите во образованието биле на штета на работниците.Нема друг синдикалец во светот кој е против повисоки плати, освен политички инструираниот на СДС, Левица и ДУИ.Владата предводена од ВРМО ДПМНЕ работи на подигнување на економскиот раст на државата, зголемување на платите во државата и отворање на нови работни места.

Македонија | пред 1 година

Закани дека пак ќе го има ланското сценарио: Протести на 2 и 7 април доколку не се зголеми минималната плата

Синдикатот се закани дека може повторно да го гледаме ланското сценарио доколку Владата не прифати раст на минималната плата . На 2 и 7 април можно е работниците да излезат на улица.Ова го најави претседателот на Сојузот на синдикати на Македонија, Слободан Трендафилов. Тој силно ги осуди политичките нападите врз ССМ.„Очекувавме Владата да има разбирање за покачувањето на платите, но наместо тоа добивме ниски удари и напади од политички структури. Да го напаѓаат ССМ и да кажуваат како се координирал со опозициски партии е смешно и трагично“, вели Трендафилов.„Јас не сум ниту на ВМРО- ДПМНЕ, ниту на СДСМ, Левица или ДУИ. Јас сум на работниците, се додека не стане некој друг. Не сум избран од потрчковци“, кажа претседателот на ССМ.

Македонија | пред 1 година

Слободан Трендафилов како портпарол на СДС, им враќа ли за претседателското место во ССМ?, прашува ВМРО-ДПМНЕ

„Слободан Трендафилов како портпарол на СДС, им враќа ли за претседателското место во ССМ?“, прашува ВМРО-ДПМНЕ и додава:Слободан Трендафилов се однесува како портпарол на СДС, им враќа ли за претседателското место во ССМ?Подолг период наназад претседателот на ССМ делува во целост усогласено со партиските соопштенија на СДС.Тоа што СДС ќе го пласира како политичка теза, Слободан Трендафилов го презема како синдикално делување.Барањата на ССМ се барања направено во СДС.Усогласената политика помеѓу СДС и ССМ има некои подлабоки корени, а за тоа кои се тие, ќе откриеме на денешната пресконференција.Претходно:

Македонија | пред 1 година