ССМ

Трендафилов: Понудата за зголемување на платите е уште на маса, следниот пат нема да доаѓаме со понуда

Претседателот на ССМ, Слободан Трендафилов од денешниот протест пред Стопанската комора изјави дека понудата за зголемување на платите е се уште на маса, но и дека следниот пат нема да дојдат со понуда, туку со генерален штрајк кој чини многу повеќе од нивните работнички плати.„Добар ден на сите освен на газдите и на следачите. 21 човек сме затоа што не следат, затоа што ги заокружуваат луѓето и затоа што им се закануваат на луѓето да не дојдат на протестите. Одлучивме дека и во вторник Владата на две места 21 човек ќе ја блокираат. Тука сме кај газдите кај истите оние кои ги избркаа цели наши семејства во странство. Кај газдите кои одбиваат да ја зголемат минималната плата и кои одбиваат да ги зголемат останатите плати само затоаш то законот не се промени. Кај газдите кои се слепи послушници на владата, а владата веќе кажа дека си се договарала со своите вработени, па ги остави газдите да бидат виновни за идниот генерален штрајк и во јавниот и во приватниот сектор. Владата не им е пријател затоа што ги казнува, институциите ги даночат, им праќаат контроли и како што им кажуваат тие се договараат со своите вработени, а ги оставаатгаздите да се договорат со своите вработени. Проблем е што газдите кои се тука позади нас, не дозволуваат синдикално организирање во најголемиот дел на приватниот сектор. Ќе упатам порака и до работниците, само еден на 10 ваши колеги се бори за вашите плати, можете да замислите што ќе беше ако се боревме осум од 10 вработени“, вели Трендафилов.Трендафилов порача дека и покрај сите притисоци нема да се откажат.„Денеска сум информиран, дека било кажано дека сега сум господин. дека сега веќе не сум бил политички определен, но дека било кажано уште пострашно, дека сега ќе ги заокружувале луѓето кои доаѓале на протестите и бараат корка леб. Дека сега ќе ги објавувале како што го објавуваа моето семејство. Никој на никого не му должи ништо во оваа држава и никој на никого не смее да му се плаши“, изјави Трендафилов.Тој им се обрати на работодавачите, им понуди да си подадат рака и да ги зголемат платите на сите работници за најмалку 6000 денари„Да ја задолжиме државата од едниот џеб во другиот џеб да ги плаќа придонесите на тие вработени кои ќе добијат за најмалку 6000 денари зголемени плати. Понудата е уште на маса, следниот пат нема да доаѓаме со понуда, следниот пат ќе дојдеме со генерален штрајк кој ќе ги чини нив многу повеќе од нашите работнички плати. Само еден ден затварање на компанииите, институциите и државата, државата ќе ја чини многу повеќе од цело годишно зголемување на работничките плати“, додаде Трендафилов.

Македонија | пред 3 месеци

По Собранието, на ред Стопанската комора: Синдикатот продолжува со блокади за раст на платите

Сојузот на синдикати денеска напладне ќе ја реализира втората од најавените три блокади барајќи зголемување на минималната плата на 600 евра и на сите останати плати за 6.000 денари. По блокирањето на влезовите на македонското Собрание во понеделникот, денеска ќе биде блокирана Стопанската комора во центарот на Скопје.Блокадата на Комората е поради, како што велат од ССМ, тоа што работодавачите не сакаат да ги зголемат платите на работниците кои барајќи подобра егзистенција бегаат надвор од државава.– Повторно ќе бидеме 21 претставник на Синдикатот, онолку колку што е потребно во согласност со законскиот минимум за да излеземе на улица и да блокираме. Пред Стопанската комора ќе блокираме газди што ги блокираат работниците 36 години. Газди што одбија до крајот на минатата година да ги зголемат работничките плати и да ја зголемат минималната плата, а кукаат дека квалификуваните работници заминуваат од Македонија и дека не може да ги задржат. Ќе блокираме газди што се исплашија од нападите на Владата и од политичките партии, изјави вчера претседателот на ССМ Слободан Трендафилов, додавајќи дека секој може да се приклучи на блокадата.

Македонија | пред 3 месеци

Пешевски со поддршка за Трендафилов: Вакви ниски и нечовечки дејствија прават луѓе во страв, жално е, очајно е

Претседателот на Синдикатот за градежништво, Иван Пешевски, преку објава на фотографија со неговиот син на фејсбук, упати поддршка за претседателот на ССМ, Слободан Трендафилов, кој заради борбата за повисоки плати, беше јавно објавен со своите деца.Пешевски упати остра критика до пратеничката на ВМРО-ДПМНЕ, Дафина Стојановска, која го објави видеото од Трендафилов со неговите деца.„Лично како претседател на Синдикат за градежништво - СГИП давам целосна поддршка на Претседателот на Сојуз на синдикатите на Македонија , Слободан Трендафилов за атакот врз него и неговото семејството. Поддршка е обезбедена и од членството и од братските синдикати на меѓународно ниво.Борбата за повисоки плати и достоинствени услови за работа е исклучиво синдикална и помеѓу институции. Сојуз на синдикатите на Македонија со гранковите синдикати се бори со Организации на работодавачи и Влада, но никако со демнење и објавување деца. Пратеничката Дафина Стојаноска ја потсетуваме дека согласно Кривичен законик „Демнење претставува дејство на следење, прогонување или на друг начин мешање во личниот живот на друг, или со него воспоставување или настојување да воспостави од него несакан контакт со движење во просторот каде се наоѓа тоа лице, со злоупотреба на користење на личните податоци, со користење на средства за јавно информирање или други средства за комуникација, или на друг начин психичко злоставување, вознемирување или застрашување и со тоа ќе предизвика чувство на несигурност, вознемиреност или страв за неговата сигурност или сигурноста на нему блиско лице.“ Воедно потсетуваме дека за вакво кривично дело се предвидува казна затвор од 3 до 5 години.Пратеничката Дафина не ужива имунитет да снима и објавува деца, туку да обезбеди подобар живот за граѓаните кои ја избрале. Пратеничката Дафина во опозиција ветуваше подобар животен стандард, а денес злоупотребува службена должност и шири страв. Но едно е јасно. Вакви ниски и нечовечки дејствија прават луѓе во страв или луѓе за уште малку повеќе се умилкуваат кај својот шеф. Жално е. Очајно е. Не само што не е фер борба која ја водиме, туку е борба со невини мали деца, а не со нас. Нас слободно дојдете посетете не. Имаме и кафе и благо, ама ќе ви горчи душата кога ќе ви кажеме со што се се соочуваат граѓаните и работниците. Токму оние што ви дале власт, а сега ги плашите. Останаа за среќа и многу кои не се плашат и не се мали деца.Единствено убаво што видовме е дека иако сме големи физички, пред децата сме мали и им отвораме врата. И во службена кола и во приватна и во такси и секаде, а вие останавте мали и во душа и во срце што го немате.Борбата продолжува и ви благодариме што со вакви дејствија не правите уште посложни, побројни и посилни. Ниту се закануваме, ниту посакуваме лошо на било кое дете на планетава земја. Само ќе ви покажеме кој и каде заслужил да биде. Не може секој еден да е следен, туку секој еден е следен.P.S. На сликата за сите што не не знаат, а не следат, сме јас и мојот син ЕвгенијP.P.S. не се плашиме од полиција, зашто и за нивните плати се бориме“, објави тој.

Коментари | пред 3 месеци

ССМ утре со блокада пред Стопанска комора, Организација на работодавачи и Бизнис-конфедерација

Раководството на Сојуз на синдикати на Македонија на денешната прес-конференција обелодени дека утре во 12 часот ќе започнат со блокадата на Стопанската комора, Организацијата на работодавачи и Бизнис-конфедерацијата.„Втората фаза започнува утре со блокада на Стопанската комора, Организацијата на работодавачи и Бизнис-конфедерацијата. Блокадата ќе започне на раскрсницата пред Стопанската комора во 12 часот. Да не се грижат. Повторно, ќе бидеме 21 претставник на синдикатот, онолку колку што е потребно согласно законскиот минимум за да излеземе на улица и да блокираме. Работниците нема да дозволиме да им мрзнат на газдите на улица, да им мрзнат на пратениците на улица и да им мрзнат на владата на улица, само за да ги блокираат, како што овие ги блокираат работниците некои 36 години, некои 2 години, некои 1 година. Пред Стопанската комора ќе блокираме газди кои ги блокираат работниците 36 години, газди кои одбија до крајот на минатата година да ги зголемат работничките плати и да ја зголемат минималната плата, а кукаат дека квалификуваните работници заминуваат од Македонија и дека не можат да ги задржат. Ќе блокираме газди кои се исплашија од нападите на владата и на политичките партии, на работниците и на синдикатите. Ќе блокираме газди сè додека не донесат одлука за зголемување на минималната плата на најмалку 600 евра и за зголемување на сите останати плати за 6000 денари. Ги повикувам работниците кои можат, кои ќе поминуваат да ни се придружат макар и на 5 минути, затоа што другите не бројат и тие мислат дека овие блокади кои се таргетирани и наменски се со по 21 човек на улица, само за да им покажеме дека не ни се потребни оние 12 000 луѓе да ги блокираат кои излегоа на 28 јануари и со нас, но по завршување на блокадите, ќе повикаме на голем работнички протест на кој ќе организираме превоз од сите градови, на кој ќе дадеме шанса на сите работници, протест кој ќе биде организиран во неработен ден, за да излеземе многу повеќе од 21 човек на улица пред да го организираме генералниот штрајк во јавниот и во приватниот сектор, доколку и понатаму продолжат со игнорантскиот однос“, вели Трендафилов.

Македонија | пред 3 месеци

(Видео) Во нормална држава, пратеничката Дафина ќе беше веќе во затвор, вели Трендафилов нарекувајќи ја „монструм“ по снимката со неговите децата и службено возило

Претседателот на ССМ, Слободант Трендафилов на денешната прес-конференција реагираше во врска со видеото кое пратеничката Дафина Стојановска од ВМРО-ДПМНЕ го сподели на социјалните мрежи во кое, според нејзините тврдења, претседателот наССМ ги вози своите две малолетни деца со службено возило на синдикатот.„Ќе дозволите да зборувам за монструмите. Оние кои не се под детските кревети, оние кои седат во пратеничките клупи, кои ги гледате во кафичите, кои ги среќавате на улица, кои ги имате во партијата, кои снимаат малолетни деца. Монструмите не се само на телевизија монструмите се покрај сите нас. Министерството за внатрешни работи, министерот за внатрешни работи, обвинителството, треба веднаш да преземат мерки против пратеничката Дафина Стојановска. Истата Дафина која некој ја познава како богаташка, која ми ги објави малолетните деца за да можат сите да ги оцрнуваат и на таков начин да ме уценуваат. Мислејќи дека ако ме следат мене, преку децата, ќе ми направат шета и ќе ме замолчат. Се случија големи катастрофи со деца. Не сакам да верувам дека целта и била тоа. Но нормален премиер, наместо да дава изјава дека ова е само почеток со заканите кон моите деца и кон моето семејство, ќе си даваше оставка или најмалку ќе ја разрешеше Дафина. Нормална влада во нормални држави за ваква работа паѓа. Во Собранието, го повикувам претседателот на Собранието, да поведе постапка за одземање на имунитетот на пратеничката за тоа што ќе се крие зад него во следните денови, кажа Трендафилов за објавеното видео од пратеничката на ВМРО-ДПМНЕ.Трендафилов го праша министерот Панче Тошковски дали службите го следат него и неговите деца. Најави дека ќе ги извести сите амбасади во земјава и делегацијата на ЕУ, но и братските синдикати на Меѓународната и Европска конфедерација на синдикати.

Настани | пред 3 месеци

Пратениците наплаќаат патни трошоци од државата како да возат на керозин, рече Трендафилов

Денеска точно во 9 часот, работниците предводени од ССМ ги блокираа приодите кон паркингот на Собранието за да не може пратениците со возила да дојдат на работа, и да не може да наплатат тој ден патни трошоци.„Добро утро на сите освен на пратениците. Зошто освен на пратениците? Затоа што 2 години го блокираа предлогот на ССМ за зголемување на работничките плати, или за зголемување на минималната плата и зголемување на сите плати за најмалку 6000 денари. Како што им ветивме, денеска по 21 човек на две локации ќе ги блокираме да не можат да дојдат до сопствените возила на работа со кои што идат, да не можат да наплатат трошоци за превоз како да трошат керозин и ќе мора да дојдат пешки или со јавен градски превоз. Моите информации се дека голем дел на пратеници станале рано утринава за да дојдат пред 9 часот на работа за да не се соочат со работниците на улица затоа што се срамат од своите гласачи затоа што одбиваат да ја зголемат работничката плата, а од друга страна пратеничката плата ќе се зголеми не само за 9,2%, туку и за 12,6%. Тука сме за да ги блокираме и да им покажеме дека нечовечки се однесуваат кон работниците, особено затоа што ги слушавме изјавите на работниците кои жестоко ги браниеа своите плати, кои жестоко ги бранеа своите патни трошоци кои ги имаат како право а сме им го дале ние работниците, а не го оцвозможуват како такво на работниците и затоа првата дестинација е токму тука.“.Тој посочи дека без големи протести, блокади на институциите ќе продолжат, а за тоа согасно законот, потребни се само 21 работник.„Денеска не смеат да наплатат патни тошоци, не смеат да наплатат патни тршоци онака како што наплаќаат во висина над 14 милини денари во претходната година, или како што имаме рекордери кои наплатиле над 10.000 евра за една година доаѓање на работа, нешто што работниците го немаат како право. Ќе се обратиме и до претседателот на собранието да не извести кој е тој алчен пратеник кој за денешниот ден ќе наплати 100, 150 или 200 евра затоа што доаѓа на работа“, вели Трендафилов

Македонија | пред 3 месеци

Ристески: Гледам политика во раководството на ССМ, Владата нуди дијалог и решение

На синоќешното гостување на „Само вистини со Видиновски“ на Канал 5 телевизија, пратеникот Петар Ристески говореше за приоритетите на ВМРО-ДПМНЕ и Владата, а тоа е зголемување на животниот стандард и платите.„Приоритет ни е економскиот развој, подобрување на животот на граѓаните и секако повисоки плати, што и го докажавме на дело не само на зборови. И тоа беше наше предизборно ветување и гледате секаде онаму каде се појавува владата како работодавец се зголемени платите, во здравството, во образованието, 10% повеќе во МВР, кај социјалните работници и вчера бевте сведоци каде Владата се договори со синдикатите САДУ и УПОЗ за зголемување на платите до 40% до 2028 година. Ова е историско зголемување на платите онаму каде Владата е работодавец’’, вели Ристески.Во однос на ССМ и денешните протести, пратеникот Ристески истакна дека гледа политика во раководството на ССМ, со оглед на тоа дека се зголемуваат платите во сите сектори, но ССМ ниту еднаш не го поздрави тоа, а бара нереални зголемување со што директно би се одразило на економијата.„Политика гледам во раководството на ССМ, бидејќи сето тоа го прават во еден период кога Владата навистина нуди дијалог, но и нуди решение. Навистина неоспорен факт е дека оваа Влада историски како никогаш досега, се договори со сите синдикати, со синдикатот на здравството, со образованието, каде што се договори зголемување од 40%-60% зголемување на платите“, појасни Ристески и додаде:„Мислам дека раководството на ССМ има можеби некој долг кон опозицијата, конкретно кон дел од луѓето во раководството на СДС, бидејќи во тој период кога имаше некои превирања на синдикатите, беше назначен за лидер на ССМ со помош на СДС“, заклучи Ристески.

Македонија | пред 3 месеци

Трендафилов: Добро утро на сите освен на пратениците – 2 години го блокираат зголемувањето на платите

Претседателот на ССМ, Слободан Трендафилов утрово од пред Собранието им посака добро утро на сите освен на пратениците затоа што како што вели 2 години го го блокираат предлогот на ССМ за зголемување на работничките плати.„Добро утро на сите освен на пратениците. Зошто освен на пратениците? Затоа што 2 години го блокираа предлогот на ССМ за зголемување на работничките плати, или за зголемување на минималната плата и зголемување на сите плати за најмалку 6000 денари. Како што им ветивме, денеска по 21 човек на две локации ќе ги блокираме да не можат да дојдат до сопствените возила на работа со кои што идат, да не можат да наплатат трошоци за превоз како да трошат керозин и ќе мора да дојдат пешки или со јавен градски превоз. Моите информации се дека голем дел на пратеници станале рано утринава за да дојдат пред 9 часот на работа за да не се соочат со работниците на улица затоа што се срамат од своите гласачи затоа што одбиваат да ја зголемат работничката плата, а од друга страна пратеничката плата ќе се зголеми не само за 9,2%, туку и за 12,6% затоа што Уставниот суд голема е веројатноста да ја укине уредбата на Владата од претходната година. Тие се подготвени нивните коефициенти да ги намалат за 9% само за да не ги зголемат платите на работниците“.Тој најави дека блокадата ќе трае до започнување на седницата на Собранието која е закажана во 11 часот.„Ако не ги зголемат платите ќе собереме 10.000 потписи и ќе станеме овлстен прелагач и ние работниците ќе им ги намалиме нивните пратенички и функционерски плати. Не осудвуваа дека иницијативата на ССМ за намалување на нивните плати била неуставна затоа што ќе дошле на минималец, па сфатиле колку тешко ќе живеат на минималец па затоа сметаат дека е неуставно да им се намалат нивните високи плати“, изјави Трендафилов.

Македонија | пред 3 месеци

Блокада на центарот на Скопје кај Рекорд од 09 часот, дел од работниците им се лути на пратениците

Претседателот на Сојузот на синдикатите на Македонија, Слободан Трендафилов, најави блокада на пратениците пред Собранието на Република Македонија, поради, како што вели, игнорирањето на работничките барања за зголемување на платите и истовремениот луксуз во кој уживаат народните избраници.Блокадата е најавена за утрово, со почеток во 9 часот, и ќе се одржи пред Собранието, односно на улиците „11-ти Октомври“ и „Даме Груев“. Според Трендафилов, симболично, 42 работници ќе ги блокираат пратениците, со пораката „ако 21 плус 21 се 42, тогаш 42 работници ќе стојат пред оние што одлучуваат за нивната судбина“.Причината за протестот, како што посочи, е фактот што пратениците во 2025 година зеле вкупно 14.369.470 денари за патни трошоци, додека истовремено не поддржале зголемување на минималната плата, ниту зголемување на останатите плати за најмалку 6.000 денари. Како рекордери по висина на патни трошоци, според информациите што ги изнесе, се наведуваат Кире Божиновски од Битола со 637.233 денари и Петар Ристески со 602.187 денари.Трендафилов истакна дека пратениците покажуваат целосна глувост кон работничките барања, иако, како што нагласи, токму работниците им го дале мандатот. Тој потсети дека платите на пратениците веќе се зголемени за 79 отсто, а дополнително може да пораснат уште за 21,8 отсто, доколку Уставниот суд ја укине уредбата на Владата и се земе предвид растот на просечната плата.„Најмалку 250 евра за пратениците, а ни 25 евра за работниците – тоа е срамно“, порача Трендафилов, додавајќи дека работниците бараат минималната плата веднаш да се зголеми на 600 евра, а сите други плати да пораснат за најмалку 6.000 денари или за разликата што ќе произлезе од зголемувањето на минималната плата.Според него, пратениците ќе мора да направат избор – дали ќе гласаат за сопствениот комодитет или за работниците кои ги избрале. „Или ќе застанат на страната на работниците, или јавно ќе покажат дека гласаат против нив“, порача претседателот на ССМ.

Македонија | пред 3 месеци

Трендафилов повика на блокада: Пратениците први ќе се соочат со работничкиот гнев

Претседателот на Сојузот на синдикати на Македонија, Слободан Трендафилов на социјалните мрежи објави повик за блокада на пратениците пред Собранието.„Сојузот на Синдикатите на Македонија (ССМ) врз основа на заедничката Одлука на Претседателството на ССМ и Советот на ССМ, а согласно Законот за јавни собири организира протест со блокада на ден 10.02.2026 година (вторник), кој ќе се одржи пред Собранието на Република Македонија со почеток во 9 часот.Протестот / БЛОКАДАТА ќе се одржи пред Собранието на Македонија, односно на улиците - “11-ти Октомври“ и “Даме Груев” .Пратениците цела година молчат за предлогот на ССМ за зголемување на минималната плата и за зголемување на сите останати плати.За да ги заштитиме интересите на работниците, работниците бараат минималната плата веднаш да се зголеми на 600 евра, а останатите плати да се зголемат за најмалку 6.000 денари или за разликата од зголемувањети на минималната плата ( од сегашната минимална плата и новата минимална плата).Пратениците се глуви на работничките барања за зголемување на работничките плати, а работниците им дале мандат да уживаат во луксузот со 79% зголемени плати кои дополнително ќе се зголемат за 12,6 % доколку Уставниот суд ја укине Уредбата на Владата од минатата година и ќе се зголемат за 9,2% колку што пресмета Гувернерот на Народната банка дека изнесува порастот на просечната плата за 2025 година или ќе добијат вкупно 21,8% зголемување на нивните плати.Најмалку 250 евра за пратениците, а ни 25 евра за раборниците е срамно.Истите пратеници кои уживаат право на собраниско бифе по ниски цени и трошоци за патување до нивното работно место е нешто што им го скратиле на работниците и нешто што не им го утврдуваат како право на храна и превоз на работниците.Пратениците први ќе се соочат со работничкиот гнев, а преку БЛОКАДАТА ќе ги оневозможиме тој ден да наплатат патни трошоци кои надминуваат и 100 евра за еден ден, да дојдат пешки или со градски превоз онака како што одат на работа работниците.Ги потсетуваме дека не само што мораат итно да гласаат за зголемување на минималната плата и за згомемување на сите останати плати, мораат да гласаат и за намалување на функционерските плати по иницијативата на ССМ.Доколку и понатаму молчат, преминуваме на собирање на 10.000 потписи со кои ќе ги намалиме нивните, а ќе ги зголемиме работничките плати.Ќе мораат да бираат, ќе гласаат за себе, а против работниците ( нивните гласачи) или ќе гласаат за работниците !* За време на протестот ќе биде обезбедено непречено движење за потребите на Итната медицинска помош, Противпожарната бригада и полицијата, а воедно им се извинуваме на граѓаните кои ќе имаат потреба да се движат во периодот на Блокадата по наведените улици, а секој итен случај ќе биде пропуштен да помине“, вели Трендафилов.

Македонија | пред 3 месеци

Трендафилов: Функционерите повеќе ги болат сопствените плати отколку платите на работниците

Претседателот на Сојузот на синдикати на Македонија (ССМ), Слободан Трендафилов, обвини дека функционерите повеќе се грижат за сопствените плати отколку за стандардот на работниците, реагирајќи на ставовите на Владата за иницијативата за намалување на функционерските примања.„Преку медиумите, информирани сме дека претставникот на Владата истакнал дека Иницијативата на ССМ за намалување на функционерските плати е полна со политикантство и најмалку ги штити интересите на самите работници и дека ова што се предлага е неуставно и веќе е докажано во минатото. Дека нивната стратегија е единствениот уставен пат – преку законски измени на коефициентите да го спречи натамошниот раст на платите и постепено да го вратат нивото пред одлуката за зголемување од 78%.Тоа што предлага ССМ по новата формула за функционерските плати е и Уставно и Законски, па така, промената на основицата за пресметка на функционерските плати од просечна на минимална плата е намалување на функционерските плати за -40% и намалувањето на коефициентите за сложеност за -40% е намалување на функционерските плати за дополнителни -40% или по познатата формула x-y=z за математички по прецизно да разберат, ако X е 80% ( колку што се зголемени функционерските плати) - Y (намалувањето н основицата од просечна на минимална плата и дополмително намалување на коефициентите ) кој е - 80 % = Z кој е 0%, а тоа значи да си ги намалат веднаш платите за 80% за да се вратат во реалноста во која живеат работниците.Дополнително, покрај намалувањето на функционерските плати, за да ги заштитиме интересите на работниците, работниците бараат минималната плата веднаш да се зголеми на 600 евра, а останатите плати да се зголемат за најмалку 6.000 денари или за разликата од зголемувањето на минималната плата ( од сегашната минимална плата и новата минимална плата).Прашањето е како намалувањето на коефициентот на функционерските плати за 9,2 % (онолку колку што е порастот на просечната плата за 2025 година) за да не се зголемат нивните плати, но и за да не се намалат функционерските плати е Уставно и системско решение, а намалувањето за 40% на коефициентот на сложеност и намалувањето на основицата за пресметка на функционерските плати за 40% или вкупно намалување за 80% е спротивно на Уставот и на Законите.Како тоа намалувањето на коефициентите за да не им се зголеми платата е Уставно, а намалувањето на коефициентите за да им се намали платата е неуставно ?За потсетување, Уставен суд укина Уредба на Владата за замрзнување на коефициентите и така се случи енормното зголемување на функционерските плати кои сложно си ги земаат функционерите.Но, оваа Влада минатата година со Уредби ги намали коефициентите, па така, сега кога Уставен суд ќе одлучи како што веќе одлучил, функционерите ќе добијат зголемување за 12,6% на нивната плата за 2025 година и тоа ретроактивно, затоа што порастот на просечната плата во 2025 година во однос на 2024 година беше 12,6%.Најважното прашање е ова :Уцените за тоа работниците да се откажат од правото просечната плата да им биде основица за пресметка на платата помножена по коефициент на сложеност, се дават врз основа на Уставот или врз основа на желбите на поединци во Владата и како тоа за себе сакаат решение кое ќе опстане и кое нема повторно да биде поништено од судовите, а бараат работниците сами да си поништат нешто што им следува согласно Уставот, а е забрането да го поништат и со Закон и со Општиот колективен договор?“, вели Трендафилов

Македонија | пред 3 месеци

ССМ бара 80 отсто пониски функционерски плати: ако нема закон, следуваат 10.000 потписи

Со барање за намалување на функционерските плати за 80 проценти, Сојуз на синдикати на Македонија денеска во Собранието поднесе иницијатива со која директно ги повикува пратениците сами да поднесат законски измени.Од ССМ порачаа дека доколку пратениците не ја преземат оваа обврска, синдикатот ќе ја искористи законската можност и ќе собере 10.000 потписи од работниците, со што ќе добие право самостојно да поднесе измени на Законот.Според ССМ, кога веќе нема поддршка за Законот за раст на минималната плата, пратениците треба да покажат солидарност со работниците и да си ги намалат платите за 78 проценти – износ идентичен на зголемувањето што го добија во април 2023 година.До ова дојде откако Владата не ги прифати нивните барања за зголемување на платите.

Македонија | пред 3 месеци

ССМ со иницијатива: Намалување на функционерските плати за 80%

Сојузот на синдикати на Македонија поднесе иницијатива за намалување на функционерските плати за 80%.„Член 11 од Законот за плата и другите надоместоци на пратениците во Собранието на Република Македонија и другите избрани и именувани лица во Републиката се менува и гласи:„Основица за пресметување на платата на пратениците во Собранието на Република Македонија и другите избрани и именувани лица во Републиката е минималната плата во Републиката, според податоците на Државниот завод за статистика.“Дополнително, коефициентите за утврдување на надоместокот на плата и на плата утврдени во Закон за плата и другите надоместоци на пратениците во Собранието на Република Македонија и другите избрани и именувани лица во Републиката се намалуваат за 40%.Ова значи за 80% намалување на функционерските плати.Врз основа на Уставното право, оваа законска иницијатива Сојузот на синдикатите на Македонија ја темели на принципите на еднаквост, недискриминација и правна сигурност за сите граѓани содржани во Уставот како највисок акт во државата, како и во меѓународните трудови стандарди, Европската социјална повелба, Универзалната декларација за човековите права и други меѓународни документи.За да бидат граѓаните на Македонија еднакви пред националните закони, како и за да бидат еднакви според и пред меѓународните акти и принципи, потребно е појдовната основа за градење на платите на сите работници и граѓани во нашата држава да биде еднаква. Во конкретниот случај треба да се поаѓа од висината на минималната плата како основица за пресметување на сите плати, затоа што анализите на Владата и анализите на Работодавачите, за разлика од анализите на ССМ, покажале дека вредноста на минималната плата е доволна за да ги задоволи елементарните потребите на граѓаните, па оттука и имајќи го предвид горенаведеното ССМ се залага и инсистира на еднаков третман на сите плати во државата и смета дека е потребно да се измени горенаведениот член 11 и основицата за пресметка предвиден во Законот за плата и другите надоместоци на пратениците во Собранието на Република Македонија и другите избрани и именувани лица во Републиката.ССМ заедно со Владата на државата во 2023-та година потпишаа и предвидоа во Општ колективен договор за јавен сектор во кој се поаѓаше од просечната плата како основица за градење на платите на вработените во јавниот сектор, поаѓајќи токму од законското решение за платите на функционерите, избраните и именуваните лица, но Владата како потписник на истиот и спротивно на Закон и без оправдани причини не го почитува Општиот колективен договор за јавниот сектор и не ги уреди платите на вработените на овој начин, а дополнително бара и укинување на ваквото право на работниците“, велат од ССМ.

Македонија | пред 3 месеци

Мицкоски ги повика да излезат „од партиската прегратка неколкумина од раководството на ССМ“

Претседателот на Владата на Република Македонија, Христијан Мицкоски денеска одговарајќи на новинарско прашање во однос на утрешната средба со УПОЗ и очекувањата од истата, изјави:„Па очекувам да излезат од партиската прегратка тие неколкумина во раководството на Сојузот на синдикати и да се договорат со Владата во интерес на работниците, односно во интерес на административните службеници, бидејќи уште тие, како што многу пати кажав во минатото, уште тие 7.700-7.800 наши колеги немаат со Владата договорен Колективен договор, сите останати имаат. Така што со ова, Владата како работодавач ги заокружува односите до истекот на мандатот на оваа Влада, до 2028 година, со сите оние на чии што работодавач директен или индиректен е Владата.“

Македонија | пред 3 месеци

ССМ најавува низа блокади: Прво на удар Собранието во вторник

Откога владин претставник вчера не се појави во Сојузот на синдикати на Македонија (ССМ) да потпише спогодба за зголемување на минималната плата и сите останати плати, претседателот на ССМ, Слободан Трендафилов, денес кажа дека протестите за минимална плата 600 евра и линеарно покачување на сите останати плати за 100 евра, продолжува со блокади на институциите. Прва институција која што ќе ја блокираат работниците ќе биде Собранието. Во вторник следната недела, 10 февруари, нема да им дозволат на пратениците да дојдат во Собранието со автомобили.„Советот на ССМ за организирање протести, блокади и штрајкови одржа седница на која одлучи на 10-ти февруари да го блокираме Собранието. Да ги блокираме пратениците кои нема да можат да наплатат патни трошоци, а ќе треба да поминат покрај работниците и да им кажат зошто тие ќе имаат право на зголемување на нивните плати, а го чуваат во фиока предлогот на ССМ за зголемување на платите на работниците“, рече претседателот на ССМ, Трендафилов.Во четврток, пак, на 12 февруари работниците ќе ги блокираат газдите, односно Организацијата на работодавачи, Стопанската комора и Сојузот на стопански комори, а на 17 февруари ССМ ќе ја блокира Владата и нема да дозволи министрите, како и претседателот на Владата да дојдат со автомобили туку ќе бидат принудени пеш да минат пред работниците.Доколку и покрај блокадите Владата не одговори на барањето за 600 евра минимална плата и 100 евра линеарно покачување на сите останати плати, можен е уште еден голем протест пред конечна одлука за генерален штрајк.

Македонија | пред 3 месеци

Трендафилов: Доколку минатата година не тераа инат, денеска работниците ќе имаа за 6000 денари зголемување на нивните плати

Претседателот на ССМ, Слободан Трендафилов, денеска изјави дека егото на владини претставници го блокира зголемувањето на платите на работниците. Тој додава дека минатата година работодавачите биле подготвени да ги зголемат платите на работниците за најмалку 6.000 денари, доколку Владата привремено се откажеше од придонесите. Сепак, поединци во Владата одбиле да дозволат такво олеснување, веројатно со цел да ја претстават Владата како институција која води најсиромашни работници и најсиромашна држава во Европа.„Доколку минатата година не тераа инат, денеска работниците ќе имаа за 6.000 денари повисоки плати, а буџетот ќе добиеше дополнителни над 10 милиони евра месечно, односно над 120 милиони евра годишно. Наместо тоа, Владата продолжува со задолжување кое ќе ги плаќаат следните генерации“, изјави Трендафилов.Тој апелираше до бизнис секторот да ја прифати „подадената рака“ кон работниците и да ја принуди Владата да застане на страната на вработените и деловниот сектор. Во спротивно, Трендафилов предупреди дека ССМ ќе премине на следните фази на притисок – блокади, протести и Генерален штрајк, а последиците и одговорноста ќе бидат на владиниот сектор.

Македонија | пред 3 месеци

Трендафилов: Мицкоски не дојде во ССМ, се потврди дека не им е приоритет зголемувањето на платите

Во 9 часот во Сојузот на синдикатите на Македонија го чекавме претставникот на Владата да дојде и да потпишеме Спогодба за утврдување на висината на минималната плата во бруто - износ започнувајќи со исплатата за месец февруари 2026 година со која минималната плата се зголемува на 600 евра во нето, а останатите плати се зголемуваат за најмалку 6000 денари, објави на социјалните мрежи претседателот на ССМ, Слободан Трендафилов.„Но, не се проблем само овие плати, проблем се ниските плати кои се поголем број на работници ги примаат и затоа веднаш мора да се зголемат останатите плати за најмалку 6.000 денари и да се зголеми минималната плата на 600 евра !Денеска, паднаа маските, се разобличија лагите кои претставникот на Владата ги изјавуваше изминатите денови за да створат сомнеж кај работниците, денеска не дојде како што го поканивме, денеска тие имаа други приоритети, а се потврди дека не им е приоритет зголемувањето на работничките плати ниту зголемување на минималната плата, ниту зголемување на останатите плати.Но, мала криза и одма почнаа да наддаваат со зголемување на работничките плати, па така за борбата што ја водеше Синдикатот на УПОЗ скоро една година, за она што протестираа работниците во управата, она што тие од Владата одбиваа да го направат, денеска зборуваат дека ќе го прават.Добро е што претставникот на Владата по големиот работнички протест го прифати предлогот на Синдикатот на УПОЗ за зголемување на платите во управата и правосудството, а требаше веднаш и без одлагање да го потпишат колективниот договор.Се потврди дека само зборуваат, а не делуваат, денеска требаше да ги зголемат и платите на вработените во управата за 40 %, но не се појавија на потпишувањето на спогодбата и на колективните договори, бегаат од одговорноста, како што бегаат цела 2025 година.Дополнително, работниците во јавниот сектор треба да знаат дека барањето за укинување на одредбите од Општиот колективен договор во делот за пресметка на плата (просечна плата по коефициент за сложеност) иста како на функционерите, значи намалување односно откажување од работничките плати за x(12,6%) + y(9,2%) = z(21,8%) за 130.000 работници во јавниот сектор или во парички, да им земат 3 парички на работниците, а да им дадат 1 паричка што е недозволиво.Дополнително, барањето на поединци за укинување на Општиот колективен договор значи вработените да останат без јубилејни награди, без К-15 (образование, здравство, одбрана, полиција и др.), без додатоци за плата кои беа зголемени со Општиот колективен договор за јавен сектор.Го поставуваме прашањето дали оваа Влада не само што не сака да им даде зголемување на платите на работниците, туку сака да им земе се на работниците “, се вели во објавата.

Македонија | пред 3 месеци

Манасиевски: Трендафилов јавно призна дека СДС и Левица стојат зад протестите на ССМ

Членот на Централниот комитет на ВМРО-ДПМНЕ Валентин Манасиевски изјави дека претседателот на Сојузот на синдикати на Македонија, Слободан Трендафилов, јавно признал дека зад протестите на ССМ стојат политичките партии СДС и Левица.Манасиевски посочи дека во телевизиско гостување, на Трендафилов му се „измакнала изјава“ во која рекол дека „сите се здружиле против оваа влада“, што, според ВМРО-ДПМНЕ, претставува директен доказ за политичка позадина на синдикалните активности.„Ова е првпат Трендафилов јавно да признае вакво нешто. Со таа изјава се потврдува дека протестите на ССМ не се автентична борба за работнички права, туку дел од политичка агенда на СДС и Левица“, рече Манасиевски.Тој обвини дека раководството на ССМ, по насока на овие партии, ќе направи сè за да не се прифати новиот колективен договор, со кој, како што наведе, минималното зголемување на платите во јавната администрација од април годинава би изнесувало 3.580 денари, а просечното зголемување над 6.000 денари, односно повеќе од 100 евра.Манасиевски потсети дека понудата за зголемување на платите до 40 проценти не е нова и дека постои уште од минатата година, но, според него, токму поради политичка соработка со СДС и Левица, ССМ одбива да ја прифати.„Кога СДС ја испразни државната каса и ја остави државата во длабок минус, Трендафилов и ССМ молчеа. Тогаш не бараа повисоки плати, што дополнително покажува дека нивното делување е политички мотивирано“, истакна Манасиевски.Тој нагласи дека ВМРО-ДПМНЕ не ветувала чуда, туку работа и конкретни резултати, потсетувајќи на зголемувањата на платите во образованието, здравството, полицијата, одбраната и социјалната сфера. Според него, истата политика ќе продолжи и во јавната администрација, како и со поддршка на приватниот сектор за зголемување на платите.„Никој не тврди дека состојбата е идеална, но вистината мора да се каже. ВМРО-ДПМНЕ ќе направи сè што е во нејзина моќ за да го подобри животниот стандард на граѓаните“, порача Манасиевски.

Македонија | пред 3 месеци

ВМРО-ДПМНЕ: ССМ и Слободан Трендафилов одбиле 40% покачување на платите во следните 2 години на штета на работниците.

Слободан Трендафилов со плата 3-4 пати поголема од минималната, е единствениот синдикалец на светот кој е против поголеми плати за работниците и е политичка маша на СДС, ДУИ и Левица, вели ВМРО-ДПМНЕ.„ССМ и Слободан Трендафилов одбиле 40% покачување на платите во следните 2 години на штета на работниците.Слободан Трендафилов како прв синдикалец не застана во одбрана на работниците.ССМ и Трендафилов не го поздравија досега ниту еднаш колективниот договор во образованието и здравството, ниту пак ги поздравија зголемените плати во МВР, Министерство за одбрана и во центрите за социјална работа.Трендафилов е политичка марионета на СДС, а доказ за тоа е што договорот кој тој лично заедно со екс министерката за труд и социјална политика, а сегашна потпретседателка на СДС, Јованка Тренчевска го потпишале е истечен, со што се отвора можност за нов колективен договор, за кој Владата предводена од ВМРО-ДПМНЕ предлага административните службеници да добијат 40% повисоки плати за 2 години.Иако Владата предводена од ВМРО-ДПМНЕ понуди конкретно и јасно решение, 40% зголемување на платите на административните службеници во следните две години преку нов колективен договор, ССМ и Слободан Трендафилов одбија да го прифатат предлогот, оставајќи ги работниците без повисоки примања.Одбивањето да се потпише нов колективен договор, иако стариот е истечен, јасно покажува дека кај ССМ нема волја за подобрување на стандардот на работниците.Трендафилов е политичка марионета на СДС, ДУИ и Левица“, се вели во соопштението.

Македонија | пред 4 месеци

ВМРО-ДПМНЕ: Сојузот СДС, Левица и ССМ и нивните намери се разоткриени, само глумат грижат за работниците и затоа вечерва на протест собраа едвај илјада лица

Вечерашниот протест организиран од Сојузот на синдикати на Македонија, заедно со СДС и Левица, покажа дека нивната поддршка за работничките права е ограничена. На улиците се собраа околу 1.000 лица, а наместо да седнат на маса и да договорат конкретни решенија, тие ги избраа протестите како единствен начин на делување.Според ВМРО-ДПМНЕ, истите политички партии и нивните синдикати одбија понуда за покачување на платите од 40 проценти во рок од две години, што ја доведува во прашање нивната искрена грижа за работниците. Лидерот на СДС и нивните сојузници, како што посочуваат од ВМРО-ДПМНЕ, ја глумат загриженоста, додека реално не преземаат конкретни чекори за подобрување на животниот стандард.ВМРО-ДПМНЕ потенцира дека доследно се грижи за стандардот на живот на граѓаните и останува посветено на поддршка на сите кои бараат достоинствени плати и подобри услови за работа.

Македонија | пред 4 месеци

Петрушевски: ССМ водат политика и прават неосновани протести

„Синдикатот одби 40% зголемување на платите во рок од 2 години, нешто коешто беше понудено од Владата, нешто коешто го изјави јавно и премиерот. Зошто? Затоа што нивната борба не е за повисоки плати, нивната борба е да наштетат на Владата. И тоа граѓаните мора да го знаат. Ова раководство на Сојузот на синдикатите на Македонија, не се бори за поголеми плати на работниците, туку напротив, игра политичка улога под палката на СДС за да и наштети на Владата“, истакна пратеникот од редовите на ВМРО-ДПМНЕ, Бране Петрушевски во гостување во емисијата „За или против“ на Алфа телевизија.Пратеникот Петрушевски посочи дека ССМ не го поздравил досега ниту еднаш колективниот договор во образованието и здравството, ниту пак ги поздравија зголемените плати во МВР, Министерство за одбрана и во центрите за социјална работа и нагласи дека  протестот којшто се одржа од страна на ССМ не е затоа  што нивен приоритет се работниците, работничките права и работничките плати, туку дека нивен приоритет е политиката.„Владата е медијатор, го има оформено Економско-социјален совет, разговара со синдикатите, разговара со работодавачите, меѓутоа конечниот договор, согласно закон, согласно досега воспоставена пракса мора да биде постигната помеѓу работодавачите и синдикатите. Меѓутоа, ССМ кој што денес протестира, наместо да преговара, наместо да разговара со работодавачите, наместо да ги пофали оние зголемувања на плати коишто досега се постигнати во здравство, образование итн., и да си ја работи работата за којашто всушност постои, ССМ водат политика и прават неосновани протести, претходно одбивајќи 40% зголемување на платите“, дециден е Петрушевски.

Македонија | пред 4 месеци

(Видео) „Нас денес тука нѐ собра маката, празните фрижидери, а не политиката“, порачаа работниците од пред Владата

Работниците се обратија до Владата, порачаа дека нема да отстапат од барањето за 600 евра минимална плата.Пред нивната зграда, посочија дека дошле поради празните фрижидери и маката, а не политиката.Целиот говор, гледајте го тука:

Настани | пред 4 месеци

(Видео) „Уа“, „лопови“ се извикува за Владата на протестот на работниците кои бараат 600 евра минимална плата

Претседателот на Сојузот на синдикатите на Македонија, Слободан Трендафилов, денеска од пред Собранието упати остра порака до носителите на јавни функции, најавувајќи блокади, генерален штрајк и директни законски иницијативи доколку не се прифати барањето за зголемување на минималната плата. Обраќањето беше на протестот за поголеми плати. Работниците извикуваа „уа“, „лопови“ за Владата.Трендафилов најави дека синдикатите ќе започнат собирање најмалку 10.000 потписи за да станат овластен предлагач на закон со кој ќе се побара намалување на платите на функционерите за 80 отсто.„Ќе следуваат блокади и генерален штрајк. И ќе следува тоа што вас највеќе ве боли – ќе собереме 10.000 потписи со кои ќе станеме овластен предлагач и ќе бараме за 80 отсто да ви се намалат вашите плати. Доколку не ја зголемите минималната плата, доаѓаме по вашите плати“, изјави Трендафилов, обраќајќи им се директно на пратениците и функционерите.Тој порача дека барањето на синдикатите е јасно и недвосмислено – минималната плата да изнесува 600 евра, а сите останати плати да се зголемат за најмалку 6.000 денари.„Ќе ве ставиме на тест – дали ќе гласате за себе или за луѓето кои ве избрале. Ќе гласате ли за сопствениот луксуз или за работниците кои со својот труд и даноци ви ги обезбедуваат платите?“, рече Трендафилов.Тој предупреди дека доколку пратениците не ги поддржат работничките барања, ќе дојдат други пратеници кои ќе гласаат за зголемување на платите на работниците, а сегашните ќе завршат „на другата страна на оградата“.„Нема да се откажеме. Нема да дозволиме да си играте со работничката пот од чии даноци земате плата“, порача претседателот на ССМ, најавувајќи продолжување и радикализација на синдикалните активности.

Настани | пред 4 месеци

Манасиевски тврди дека синдикатите блокирале значајно покачување на платите во администрацијата

Членот на Централниот комитет на ВМРО-ДПМНЕ, Валентин Манасиевски, денеска изнесе обвинувања на сметка на Сојузот на синдикатите на Македонија и неговиот претседател Слободан Трендафилов, тврдејќи дека тие одбиле предлог за зголемување на платите во администрацијата за 40 отсто во период од две години, на штета на работниците.Според Манасиевски, предлогот на Владата предводена од ВМРО-ДПМНЕ предвидувал значително зголемување на платите за административните службеници преку нов колективен договор, но истиот бил одбиен од раководството на ССМ. Како причина, тој наведува дека синдикалното раководство не сакало да го потпише новиот колективен договор, иако претходниот, потпишан со поранешната министерка за труд и социјална политика Јованка Тренчевска, веќе истекол.Манасиевски оцени дека со ваквиот потег, ССМ и Трендафилов ги оставиле работниците „на цедило“, обвинувајќи ги дека се политички мотивирани и блиски до СДСМ. Тој посочи дека Трендафилов, како што рече, е гласен кога СДСМ е во опозиција, но бил тивок во периодот кога таа партија била на власт.Во изјавата, Манасиевски истакна и дека ССМ досега не ги поздравила колективните договори во образованието и здравството, ниту зголемувањата на платите во Министерството за внатрешни работи, Министерството за одбрана и центрите за социјална работа.„Лицемерието на ССМ и на Слободан Трендафилов е целосно разоткриено. Додека јавно зборуваат за грижа за работниците, во практика одбиваат конкретен предлог за зголемување на платите од 40 отсто“, изјави Манасиевски.Тој оцени дека актуелниот протест е политички мотивиран и дека зад него, како што рече, стои отворена поддршка од опозициските партии СДСМ и Левица, додавајќи дека целта не е подобрување на стандардот на работниците, туку нанесување штета на Владата и на државата.

Македонија | пред 4 месеци

Спасовски: Барањето за минимална плата од 600 евра е оправдано и неопходно

Пратеникот на СДСМ, Оливер Спасовски, изрази целосна поддршка за протестот на работниците и за активностите на Сојузот на синдикатите на Македонија, нагласувајќи дека борбата за достоинствени плати е легитимна и неопходна во услови на растечка инфлација и поскапувања.Според Спасовски, граѓаните живеат сѐ потешко, бидејќи зголемените цени директно го намалуваат животниот стандард, додека платите не го следат растот на трошоците за живот. Во таа насока, тој оцени дека барањето за зголемување на минималната плата на 600 евра е оправдано и реално.„Инфлацијата и поскапувањата го јадат стандардот на граѓаните. Затоа барањата на работниците се сосема оправдани и неопходни“, истакна Спасовски.Тој потенцираше дека СДСМ и од опозициска позиција цврсто стои зад работниците и синдикатите, потсетувајќи дека партијата предложила закон за зголемување на минималната плата, како и конкретни законски решенија и амандмани за покачување на платите во повеќе сектори, кои, како што наведе, биле одбиени од актуелната власт.Спасовски потсети и на резултатите од периодот на владеење на СДСМ, кога, според него, било покажано дека е можно поинаков пристап кон работничките права и платите.„Минималната плата ја зголемивме од 8.000 на над 20.000 денари, а просечната плата од 22.000 на над 42.000 денари. Тоа се факти кои покажуваат дека со соодветни политики може да се подобри животниот стандард“, рече тој.На крајот, Спасовски порача дека обврска на секоја влада е да обезбеди достоинствени плати и сигурна иднина за работниците, нагласувајќи дека без силни и задоволни работници нема стабилна економија ниту одржлив развој.

Македонија | пред 4 месеци