ТОП

О2 Иницијатива: „Потпишете петиција – Дрисла да остане во јавно владеење, доста е од мафијашки тендери“

О2 Иницијатива повикува граѓаните да ја потпишат петицијата за Дрисла да остане под јавно управување на Град Скопје, а идните кандидати за градоначалници да се обврзат дека нема да склучуваат јавно-приватни партнерства, туку ќе инвестираат во трансформација на депонијата во современ центар за управување со отпад по примерот на Љубљана.Потпиши ја петицијата Дрисла да остане во јавно владеење на Град Скопје, а идните кандидати за градоначалник на Град Скопје да се обврзат на ова и започнат инвестирање во трансформирање од една застарена, нестандардна депонија во современ центар за управување со отпад, по пример на Љубљана, каде помалку од 5% од отпадот се депонира.https://chng.it/rfHF2vHch8-Сподели ја!Бараме Дрисла да остане во владение на град Скопје и да се трансформира по примерот на Регионалниот центар за управување со отпад во Љубљана, а не да се дава на јавно-приватно партнерство, приказна која цела деценија е тотален неуспех и кривец зошто сме тука кај што сме!Бараме кандидатите за градоначалник на Град Скопје да се обврзат дека нема да формираат јавно-приватно партнерство за управување со Дрисла и дека ќе го започнат процесот на изградба на центар за управување со отпад по примерот на Љубљана, со комбинирани финансии од сопствен буџет, буџет на општините во Скопскиот регион, државни средства, ЕУ фондови, кредити со ниски стапки.Во Словенија инвестицијата чинеше околу €150 милиони, каде 50% беа обезбедени од европски фондови. Изградбата одеше во фази, а јавното претпријатие е самоодржливо и не му се потребни субвенции за да функционира. Бараме да се преземе истата стратегија и за Дрисла и да престане системот на просто депонирање на отпад!Се угушивме од чадовите на запалени депонии! Доста ни е од застарен начин на постапување со отпадот каде само се трупа во депонии!Премиерот Мицкоски изјави дека повторно ќе направат јавно-приватно партнерство, како претходно, кога Дрисла беше дадена на мафијашите италијани во време на Коце Трајановски. За девет години ништо не направија од наведеното во тендерот. Градот Скопје имаше само 20% од сопственоста над Дрисла.Премиерот нагласува дека ќе имало јавен тендер, со јасни критериуми, божем нешто различно овојпат. И тогаш имаше јавен тендер со јасни критериуми и беше избрана оваа сомнителна фирма и тоа два пати, а германската компанија Шолц со години го оспоруваше доделувањето на тендерот.Не, доста ни е од лоши практики, неуспешни управувања и мафијашлук!Доста е чекање, доста е некој друг да направи!Буџетот на град Скопје за 2025 г. е €115 милиони, дополнително на сите општини во Скопскиот регион е €231 милиони, а на државата е €5.8 милијарди! Скопскиот регион создава речиси половина од државниот БДП! Редно е да се вложи назад!Не може и не смее да се дозволи да не се инвестираат €150 милиони во Дрисла за да стане центар за современо управување со отпад, чија цел е нула отпад. Љубљана денес депонира помалку од 5% од создадениот отпад.Чистиот воздух, здравата животна средина, безбедноста на граѓаните на Скопје мора да бидат наш приоритет. Државата и градот заедно со општините од Скопскиот регион имаат одговорност за обезбедување на одржлив, современ и сигурен систем за управување со отпад.

Скопје | пред 6 месеци

(Фото) Ова е Диела, Еди Рама ја претстави виртуелната министерка во неговиот кабинет

Во новиот состав на владата, премиерот Еди Рама ја претстави „Диела“ – првата министерка создадена со вештачка интелигенција, што претставува пресвртница во политичкиот живот на Албанија.Диела ќе има задача да ги надгледува јавните набавки и да го олеснува функционирањето на институциите. Без физичко присуство и ограничувања од географија, таа ќе работи преку дигитални канали, отворајќи ново поглавје во начинот на кој може да изгледа управувањето.🇦🇱 Albania to become the first country to appoint a non-physical artificial intelligence (AI) as a government minister.PM Edi Rama announced his new cabinet, which includes an AI named "Diella" as minister of public procurement.Diella previously served as the virtual… pic.twitter.com/IzaSvnbsBj— kos_data (@kos_data) September 11, 2025 „Првпат во историјата на Албанија имаме министер кој е целосно дигитален. Диела ќе ни помогне да бидеме побрзи, поефикасни и потранспарентни,“ рече Рама на Националната асамблеја на Социјалистичката партија.Тој истакна дека дигитализацијата и иновациите се клучот за иднината: „Партиите се менуваат на секои четири години, но нашата обврска е да ја водиме државата кон 2050 година. Диела е доказ дека гледаме напред.“Воведувањето на виртуелна министерка привлече внимание и надвор од Албанија, предизвикувајќи интерес и дебати за улогата на вештачката интелигенција во владините процеси.

Свет | пред 6 месеци

Мицкоски со Фетаи комуницира на англиски јазик! „Зборува течно четри јазици, а сега посветено учи македонски“

На промоцијата на новите регистарски таблички, заменик-премиерот за добро владеење Арбен Фетаи одговори на новинарско прашање на албански јазик, иако прашањето беше поставено на македонски. На укажувањето од новинарите, кусо возврати: „Знам, али јас на албански ако може.“Премиерот Христјан Мицкоски реагираше на случајот, потенцирајќи ја биографијата и високото образование на Фетаи. Тој објасни дека комуницира со него на англиски, затоа што Фетаи заминал од Македонија на шестгодишна возраст.Мицкоски нагласи дека Фетаи зборува четири јазици и последниве месеци вложува голема енергија за да го совлада македонскиот.„Знам дека не му е намерата како што некои политички центри се обидуваат да ја дефокусираат јавноста. Единствената грешка беше тоа што ако одлучи да одговори на албански, требаше да обезбеди преведувач. Им се извинувам на новинарите и сум сигурен дека тоа нема да се повтори,“ изјави премиерот.

Македонија | пред 6 месеци

Билјана Ѓуроска: „Чадот од депониите директно стигнува до плацентата – и го загрозува фетусот“

Долготрајното изложување на чад од депонии може сериозно да го загрози здравјето на трудниците и развојот на фетусот, предупредува д-р Биљана Ѓурска, специјалист по хомеопатска медицина.Денеска продолжувам со Последиците од Продолжена Изложеност на чад од Депонии.Следната ризична група:Влијание кај трудниците и фетусотТрудниците се уште поосетливи, бидејќи загадувањето влијае директно врз нив и индиректно врз плодот:1. Пренос преку плацентата:- Фини честички (PM2.5) и токсични материи можат да навлезат во крвотокот и да стигнат до плацентата.-Се документирани случаи на микроскопски честички пронајдени во плацентата.2. Ризици за бременоста:- Предвремено породување.- Ниска родилна тежина.- Интраутерин заостанат раст.- Зголемен ризик од спонтани абортуси.3. Мајчино здравје:- Поголема веројатност за развој на гестациска хипертензија и прееклампсија, поради воспаление и оштетување на васкуларниот ендотел.- Зголемено оптоварување на срцето и белите дробови – особено кај жени со постоечки хронични болести (астма, хипертензија).4. Долгорочни ефекти врз детето:Децата изложени во пренатален период имаат поголем ризик од астма, алергии, нарушен когнитивен развој и метаболички болести подоцна во животот.Дополнителна информација дека чадот не е само лош мирис кој го детектираат нашите сетила:Кога депонијата е запалена, покрај класичните гасови (метан, CO₂, H₂S), се создаваат и високо токсични соединенија:Диоксини и фурани – познати канцерогени, влијаат на ендокрин систем и развој на фетусот.Полициклични ароматични јаглеводороди – канцерогени и мутагени, особено опасни за клетките во развој.Јаглерод моноксид (CO) – го намалува снабдувањето со кислород, што кај трудници води до фетална хипоксија и оштетувања на мозокот.

Скопје | пред 6 месеци

ОЈО поднесе обвинение за „Вардариште“, за „Дрисла“ уште нема кривична пријава

Јавен обвинител од Основното јавно обвинителство Скопје ја заврши истражната постапка и денеска поднесе Обвинителен акт против три лица за кривично дело – Загрозување на животната средина и природата со отпад од член 230 став 1 од Кривичниот законик.Тројцата обвинети, на ул.„Зендел Џемаил“ во Скопје, од 2020 година до 02.09.2025 година вршеле дејност – откуп на старо железо, метални производи, стари акумулатори и други обоени метали на импровизирани пунктови – отпади, без означена фирма, без да регистрираат правно лице и без да поседуваат соодветна дозвола за вршење дејност за управување со отпад.Согласно обезбедените докази, тие вршеле оставање, фрлање и непрописно транспортирање на отпадот, со што создале диви депонии, кои биле констатирани при настанат пожар на дел од локацијата. Со ваквите незаконити дејствија обвинетите влијаеле врз квалитетот на почвата и воздухот и предизвикале опасност по животот и здравјето на луѓето.Јавниот обвинител до Основниот кривичен суд Скопје достави и предлог за продолжување на претходно определената мерка притвор за тројцата обвинети.Во врска со причините за настанување на пожарот на Вардариште, ОЈО Скопје издава и повеќе наредби со цел откривање на други сторители на кривични дела.По наредба на Основното јавно обвинителство Скопје во финална фаза се и вештачењата во однос на сомненијата за загрозување на животната средина со отпадни материи во постапката која се води против сопственичката и неформалниот сопственик на правно лице од Шуто Оризари. Тие подолг временски период, спротивно на законските одредби од Законот за управување со отпад и спротивно на прописите за заштита на животната средина, складирале поголемо количество отпадно железо, електронски отпад, делови од стари автомобили, шасии од стари отпадни возила и друго на локација за која немале соодветна дозвола за управување со отпад.На 9 јули, на таа локација беше предизвикан неконтролиран пожар на целата маса од складираниот отпаден материјал, а поради обемот и опасноста пожарот не можеше веднаш да биде ставен под контрола. При согорувањето на отпадниот материјал беа испуштени чад, пепел и штетни гасови во амбиенталниот воздух и беше предизвикана опасност за животот и здравјето на луѓето од поголеми размери. По анализа на вештачењата во корелација со сите други прибрани докази, јавниот обвинител ќе донесе одлука и во однос на овој предмет.За настанатиот пожар на депонијата „Дрисла“ до овој момент до Основното јавно обвинителство Скопје не е поднесено известување или кривична пријава од надлежните органи. Сепак, обвинителството ја следи состојбата и доколку утврди дека со кривично-правни дејствија била загрозена животната средина, ОЈО Скопје веднаш ќе постапи.

Некатегоризирани | пред 6 месеци

За Вардариште ќе има 24 часа надзор! „Распоредена е екипа од приватно обезбедување“

Депонијата Вардариште, која со години претставува ризик за пожари и загадување, од денеска е под постојан надзор. На терен е распоредена екипа од приватна агенција за обезбедување со цел да се спречи влез на лица и можни намерни потпалувања, соопшти директорот на Дирекцијата за заштита и спасување, Стојанче Ангелов.Ангелов нагласи дека моментално на Вардариште нема горење или чадење. „Последниве денови секојдневно испраќавме по едно специјализирано возило – хермелин – кое интервенираше на местата каде што имаше само чадење,“ рече тој.Тој најави дека ќе се изработи специјален план за целосно обезбедување на депонијата и за спречување на нови обиди за палење, бидејќи постојат сомнежи дека пожарите на Вардариште и на „Дрисла“ биле предизвикани намерно.Ангелов потсети дека неодамна биле уапсени три лица кои купувале материјали од оние што палат кабли за да дојдат до метал. „Со нивното отстранување ќе се обесхрабрат сите што го правеле тоа, затоа што веќе нема да има кој да откупува,“ истакна тој.На денешната владина седница се очекува да биде донесена и формална одлука за забрана за влез на Вардариште, што вчера не можело да се реализира поради присуството на дива населба во тој дел.

Скопје | пред 6 месеци

Шабан Салиу ќе се трка за градоначалник на Шуто Оризари

Претседателот на Демократските сили на Ромите (ДСР), Шабан Салиу, синоќа ја претстави својата кандидатура за градоначалник на општина Шуто Оризари.„Стојам пред вас со чувство на гордост и благодарност. Шуто Оризари е единствената општина во светот што ја води ромската заедница, место каде секој камен ја прераскажува нашата историја, култура и непокорлив дух. Денес заедно одлучуваме за иднината – за чесно и одговорно управување со нашата општина,“ порача Салиу пред присутните граѓани.Тој најави дека неговиот приоритет ќе биде унапредување на инфраструктурата со асфалтирани улици до секое домаќинство, проширен водовод и канализација, поставување на LED улично осветлување и изградба на безбедни пешачки патеки. Меѓу плановите се и изградба на нови социјални станови за семејствата што со години чекаат покрив над глава.„Особено ќе вложиме во образованието и културата со изградба на современо основно училиште, поддршка за културните установи и создавање услови младите да ја негуваат ромската традиција, додека стекнуваат знаење според најновите стандарди,“ рече Салиу.Програмата вклучува и формирање мобилен здравствен тим, комплетна реконструкција на амбулантата, изградба на дом за стари лица и создавање Фонд за поддршка на ранливите семејства.

Скопје | пред 6 месеци

(Видео) Даваат знаци кога може да пука во Чарли Крик?

Конзервативниот активист и близок сојузник на американскиот претседател Доналд Трамп, Чарли Кирк (31), бил убиен за време на говор на Универзитетот Јута Вали. Напаѓачот облечен во темна облек од покрив испукал еден истрел кој го погодил Кирк во вратната артерија. Настанот се случил пред околу 3.000 присутни, при што неговото семејство било таму, но не е повредено.- The suspect can be seen running on the roof after firing the shot at charlie kirk. pic.twitter.com/ocTCtj1GQ5— Abebe Samson (@AbebeSamson1) September 10, 2025 Очевидци опишуваат дека Кирк ја кренал раката додека крв блика од неговиот врат, а потоа бил пренесен во болница, каде бил прогласен за мртов. Студентот Портер Лафебер, кој се наоѓал на околу 15 метри од местото, сведочел дека луѓето панично барале засолниште во околните згради. Видеа на социјалните мрежи го прикажуваат хаотичниот момент, а на некои од нив се гледа и напаѓачот како трча по кровот.Во дел од видеата што се споделуваат на социјалните мрежи пишува дека луѓето што стојат зад Крик како да дале точни знаци кога атентаторот може да пукаLooks like the spotters gave the signal to shoot?As far as I understand they waited for the right moment to make a political point, they waited for the moment when Charlie talks about Gun Violence. #CharlieKirkdead They wanted him to be shot while he talks about shootings. pic.twitter.com/hItjElBwhG— Mahalaxmi Ramanathan (@MahalaxmiRaman) September 11, 2025

Свет | пред 6 месеци

Стевче Јакимовски повторно ќе се бори градоначаничко место - ја објави кандидатурата за Карпош

Актуелниот градоначалник на општина Карпош, Стевче Јакимовски, денеска официјално ја објави својата нова кандидатура за градоначалник на претстојните локални избори.Со ова, тој влегува во трка за уште еден мандат, откако претходно неколку пати ја извршуваше функцијата прв човек на Карпош.

Скопје | пред 6 месеци

Од 12 октомври стартува новиот систем за влез на Македонци во ЕУ

Системот за влез/излез на Европската Унија ќе започне со примена од 12 октомври, потврди денеска евроамбасадорот Михалис Рокас. Според него, оваа мерка има за цел зајакнување на безбедноста на граничните премини, а истовремено и поедноставување на самата процедура за патниците.„Станува збор за постепен процес кој ќе донесе и олеснување на влезот во ЕУ,“ рече Рокас.Во пракса, граѓаните од трети земји ќе треба еднаш да се регистрираат со отпечатоци од прсти и фотографија. По оваа иницијална регистрација, при следните патувања ќе можат да го користат автоматизираниот систем за влез на аеродромите.Евроамбасадорот посочи и дека системот ЕТИАС е различен и не треба да се меша со системот за влез/излез, додавајќи дека јавноста ќе биде навремено информирана за неговото воведување.

Македонија | пред 6 месеци

Во сабота помен наместо „Марш на ангелите“ во Кочани

Здружението на граѓани „16-ти Март 2025 Кочани“ соопшти дека оваа сабота, 13 септември 2025 година, нема да се одржи редовниот „Марш на ангелите“.На негово место ќе биде извршен црковен помен на гробните места, во спомен на децата кои трагично ги загубија животите пред шест месеци во несреќата што ја потресе целата земја.Од здружението упатија благодарност за разбирањето и повикаа граѓаните со достоинство да се приклучат на молитвениот чин.

Македонија | пред 6 месеци

Ниту дождот не помогна - Дрисла и понатаму чади!

Ниту дождот што утринава заврна во скопската котлина не помогна да се изгасне пожарот на депонијата „Дрисла“. Чадењето продолжува, и покрај тоа што претходните денови, како што изјави директорот на Дирекцијата за заштита и спасување Стојанче Ангелов, биле исфрлени големи количини вода на депонијата. Тој најави и дополнителни мерки за конечно да се сопре горењето, кое веќе неколку дена го влошува квалитетот на воздухот во главниот град.Последниве денови граѓаните алармираат дека мирисот на изгорена пластика и густ чад се чувствуваат во повеќе скопски населби – од Аеродром и Ново Лисиче, до Кисела Вода, Пинтија и Драчево. На социјалните мрежи масовно се споделуваат фотографии и видеа, со пораки дека „Скопје е отруено“ и дека „секоја вечер Дрисла гори“. Дел од жителите побараа постојано полициско обезбедување и камери на депониите, а некои дури ја споредија ситуацијата со „Чернобил“.фото: ЦУК

Скопје | пред 6 месеци

(ВИДЕО) Паника во пристаништето Крило Јесенице: Туристички брод почнал да тоне

Вознемирувачка сцена се случила вчера попладне во пристаништето на Крило Јесенице, кога туристичкиот брод „Нерезине“ од засега непознати причини почнал нагло да се навалува.Веднаш ббила алармирана итната служба, а напомош пристигнале пожарникарите од ДВД Далмација – Дуги Рат, како и полицијата. Неколку патници што се наоѓале на палубата скокнале во морето во последен момент, пред бродот целосно да се навали. За среќа, нема повредени.„Морето проби, никој не знае што точно се случи. Дали беше поради југото или нешто друго. Сигурно е дека станува збор за продор на вода. Бродот сега лежи речиси настрана и се слуша пукање“, изјави очевидец за „Далмација Данас“.Бродот сè уште се наоѓа во пристаништето, а причините за несреќата ги испитуваат надлежните органи.

Свет | пред 6 месеци

„Скопје - Чернобил“ - Дрисла ги отру граѓаните

Жителите на Аеродром, Ново Лисиче, Кисела Вода, Пинтија и Драчево синоќа повторно дишеа чад и мирис на изгорена пластика. На социјалните мрежи споделуваа фотографии од апликации за мерење на загаденоста, каде параметрите покажуваа високи нивоа на штетни честички.„Дрисла секоја вечер... Пола планини изгореа, депониите горат, а скопјани се борат за воздух“, напиша една скопјанка, додавајќи дека изгледа како властите да живеат во друга реалност.Други пак се пожалија дека „постојано гасат пожари со граници, буквално за сè“, барајќи армијата и полицијата да бидат постојано ангажирани за заштита на здравјето и безбедноста. „Нè гушат секој ден, а ние плаќаме за тоа. Најдете ги виновниците!“, Пишува на социјалните мрежи.Револт предизвика и појавата на чад од Дрисла откако веќе со денови гори Вардариште. „Малку беше Вардариште, па и Дрисла почна да гори! И тоа случајно?! Итно обезбедување на депониите со полиција и камери!“, апелираше граѓанка, додавајќи дека ако институциите не реагираат, жителите сами ќе се организираат.Некои коментари отидоа и подалеку: „Чернобил, реактор 4 во 1986 – Скопје, депонија Дрисла 2025. Ист ефект, друга ера“, стои во една објава.Во меѓувреме, премиерот Христијан Мицкоски денеска изјави дека според мерењата, нема алармантно зголемени параметри на штетни честички. „Тоа е визуелно така, но кога се испитувани параметрите, не се така алармантни. Лошо е да се прави тоа, и има причина зошто се прави. Кому му одговара ова сега? Кога ќе дадете одговор на тоа прашање, ќе знаете кој и зошто го прави“, рече премиерот.И додека Владата повикува на смиреност, скопјани се чувствуваат оставени сами да се борат за здив чист воздух.

Скопје | пред 6 месеци

На полноќ завршува рокот за проверка во Избирачкиот список, досега податоците си ги провериле 5729 граѓани

На полноќ завршува можноста граѓаните да извршат увид во Избирачкиот список за претстојните локални избори.До 9 септември вкупно 5729 лица ги провериле своите податоци во подрачните одделенија на Државната изборна комисија. Од нив 3397 се мажи, а 2332 жени.Во овој период, осум граѓани поднеле барање за впишување во списокот, 136 за бришење – од кои 134 поради смрт, а двајца поради отпуст од државјанство. Дополнително, 59 лица побарале промена на податоците, најчесто поради промена на презиме или адреса.По завршување на проверката, следува рокот за поднесување кандидатури за локалните избори, кој истекува на полноќ во сабота, 13 септември.Локалните избори ќе се одржат на 19 октомври, кога граѓаните ќе ги избираат градоначалниците и советите во 80 општини и во Градот Скопје.

Македонија | пред 6 месеци

(Видео) „Ова е политичко убиство“: Трамп за атентатот на Чарли Кирк

Американскиот конзервативен активист Чарли Кирк, близок сојузник на претседателот Доналд Трамп, беше застрелан во средата додека зборуваше на Универзитетот Јута Вали во Орем, пред околу 3.000 присутни. Инцидентот предизвика интензивна потрага по снајперистот кој, според гувернерот на Јута, извршил политички атентат.Иако пукотницата се случила во средината на денот, осум часа подоцна властите сè уште немаа уапсено осомничен. Според првичните информации, убиецот испукал еден истрел од покривна позиција, смртно погодувајќи го 31-годишниот Кирк во вратот.Во видео-порака објавена на платформата Truth Social, Трамп изрази силна тага и гнев:„Чарли инспирираше милиони и вечерва сите што го познаваа и го сакаа се обединети во шок и ужас. Чарли е патриот кој го посвети својот живот на каузата за отворена дебата и земјата што ја сака толку многу, Соединетите Американски Држави“, рече претседателот, додавајќи дека Кирк бил симбол на вистина и слобода и дека никогаш немало личност толку почитувана меѓу младите.„Чарли беше исто така човек со длабока, длабока вера. И се утешуваме во сознанието дека тој сега е во мир со Бога на небото“, рече Трамп, нагласувајќи дека се моли за сопругата и децата на Кирк во овој тежок момент. „Ова е мрачен момент за Америка“, додаде тој.Бо Мејсон, комесар во Одделот за јавна безбедност на Јута, изјави дека двајца мажи биле приведени и испрашувани, но подоцна ослободени бидејќи немало докази дека се поврзани со пукотницата. Потрагата по стрелецот продолжува.Во друг говор од Овалната соба, исто така објавен на Truth Social, Трамп вети дека неговата администрација ќе ги пронајде виновниците:„Мојата администрација ќе ги пронајде сите оние што придонеле за ова злосторство и за друго политичко насилство, вклучувајќи ги и организациите што го финансираат и поддржуваат“, изјави тој.Видеа од моментот на нападот, снимена со мобилен телефон, го покажуваат Кирк како паѓа на подиумот додека се држи за вратот, а потоа како крв блика од раната.Џеф Лонг, шеф на универзитетската полиција, рече дека шест полицајци биле распоредени на настанот и тесно соработувале со приватниот тим за обезбедување на Кирк.Трамп нареди сите американски знамиња на федералните институции да бидат спуштени на половина копје до недела во чест на Кирк.Републиканскиот гувернер на Јута, Спенсер Кокс, изјави: „Ова е мрачен ден за нашата држава, тоа е трагичен ден за нашата нација. Сакам да бидам многу јасен дека ова е политичко убиство“.Иако мотивот останува нејасен, убиството на Кирк е последното во низата напади врз политички фигури во САД, вклучувајќи и два обиди за атентат врз самиот Трамп минатата година.Американскиот претседател ја осуди растечката насилна реторика:„Со години, оние од радикалната левица ги споредуваа прекрасните Американци како Чарли со нацистите и најлошите масовни убијци и криминалци во светот“, рече Трамп. „Овој вид реторика е директно одговорен за тероризмот што го гледаме во нашата земја денес и мора да престане веднаш“.

Свет | пред 6 месеци

(ВО ЖИВО) Џамбазов: Груевски ме носеше на ушка

Игор Џамбазов во Прегрес со Ландов, се потсети дека со експремиерот Никола Груевски настапувал во „Чија си” и во „Грев или шприцер”. Тој, вели Џамбазов, уживаше во тоа.„Беше вљубеник во театар.Имаше сцена во Грев или шприцер, во која Груевски ме носеше на ушка кога ме испраќаа во војска.Не знам дали сега оди во театар, чуден е јазикот таму”, рече Џамбазов.Не верува дека ќе дочека да настапи во реновираната Универзална сала во која има најмногу настапувано.„Не требаше таа да се урива, таа се замозапали”, вели Џамбазов чија голема желба е повторно да заживее Универзална сала.Тој говори и за неговиот неуспешен обид да влезе во политиката, иако вели дека имал освоено повеќе гласови од Павле Трајанов и Тупурковски заедно.Да влезел во Парламентот немаше да дозволи министер да не знае да го говори македонскиот јазик.„Унковски е најдобар режисер, но најлош министер за култура. Љутков е неподготвен”, рече Џамбазов.Следете не на линкот:

Скопје | пред 6 месеци

(ВО ЖИВО) Џамбазов: Уметникот не треба да се занимава со политика

Познатиот глумец, шоумен, пејач и писател, Игор Џамбазов е гостин во првиот Претрес со Ландов во третата сезона. Тој говори за неговиот живот, кариера, политиката, семејството.„Сакам спомените за се, да ми останат убави. Петнаесет години во Драмски не сум бил. Избегнувам да одам на гробишта.Драмски заслужува нова зграда.Истото важи и за МНТ. Театар без бифе не го бива”, вели Џамбазов.Сегашниот министер за култура доаѓа од актерската фела, но вели Џамбазов, уметникот не треба да се занимава со политика.Следете не на линкот:

Скопје | пред 6 месеци

„Ќерка ми не ја зеде болеста, туку погрешната терапија, а ја лекуваше Нино Васев“ – сведочење на мајката на Адријана Начевска

На рочиштето за „Онкологија“ денеска сведочеше Јулија Мациевска, мајката на младата Адријана Начевска, која почина пред три години по лекување на скопската Онколошка клиника. Таа, повикана како прв сведок во процесот за „Онкологија“, низ солзи ја опиша борбата на својата ќерка и обвини дека токму несоодветната терапија ја довела до смрт.„Во докторот Нино гледавме спас, верувавме како во Господ. Но наместо лекување, добивме тивко убиство,“ рече таа пред судот.Мациевска сведочеше дека лекарот Нино Васев ја убедил Адријана да продолжи со терапијата. По првите дози, состојбата на младата девојка нагло се влошила – покачена температура, повраќање, крварење и оток на стомакот. „Секој пат му кажував дека не и е добро.„Кога првпат отидовме на Гастро, докторот таму ми вика дали вие знаете каква е состојбата на вашето дете. Таа не е добро. Црниот дроб е оштетен. Има вештачки метастази од неадекватна терапија. Ќе си го прашате вашиот онколог. Тие се добиваат од несоодветна терапија,“ изјави мајката, истакнувајќи дека по ова упатување повторно биле вратени кај докторот Васев.Во своето сведочење таа зборуваше и за последните денови на ќерката, кога, како што рече, литри вода биле вадени од нејзиното тело, додека таа трпела неподносливи болки. „Адријана ми велеше: ‘На градите немам ништо, мајко, проблемот е стомакот.’ Но терапиите не застануваа.“Мациевска порача дека нема намера да бара лична корист, туку правда.„Се приклучувам и кон кривичниот прогон, затоа што знаел што прави, но некаде по пат ја изгубил човечноста“

Македонија | пред 6 месеци

Инспектор од Битола пријавен за оддавање службена тајна – фотографирал службени податоци и ги споделил

Самостоен инспектор од СВР Битола е пријавен за „оддавање службена тајна“, откако неовластено проверувал податоци од системот за оружје и фотографии од службениот компјутер споделил со неповикано лице.- Одделот за внатрешна контрола, криминалистички истраги и професионални стандарди при МВР до ОЈО ГОКК поднесе кривична пријава против Б.Ј. вработен како самостоен инспектор во Отсек за прикриени човечки извори на информации во ОКРА при СВР Битола а поради основи на сомнение за сторно кривично дело „оддавање на службена тајна“ по член 360 став 1 од КЗ на РСМ.Пријавениот, според документираните сознанија, во два наврати на 09.01.2025 и на 17.01.2025 година неовластено извршил проверка за податоци од системот за регистрирање и управување со оружје за друго лице инволвирано во друга судска постапка.По извршената проверка со својот мобилен телефон направил фотографии од мониторот на службен компјутер на МВР и фотографиите ги споделил со неповикано лице - се појаснува во соопштението испратено до медиумите.ОВККИПС по добиена согласност од ОЈО ГОКК против Б.Ј. ќе поднесе предлог за поведување на постапка за утврдување на одговорност за кршење на работната дисциплина и ќе изрече задолжителна мерка отстранување од работното место на пријавениот до завршување на дисциплинската постапка.

Македонија | пред 6 месеци

„Ќе умреме од Вардариште“ – граѓанската иницијатива „Стоп за Вардариште“ алармира за алармантното загадување

Граѓанската иницијатива „Стоп за Вардариште“ алармира дека континуираното палење на депонијата Вардариште претставува сериозна закана за здравјето на граѓаните и за животната средина. Во своето обраќање до јавноста тие истакнуваат дека секојдневното загадување со штетни гасови, чад и канцерогени честички ја загрозува почвата, водата и воздухот во Скопје и пошироко.„Граѓаните кои живеат во близина на депонијата, како и сите жители на градот, се изложени на директни штетни последици. Медицински лица постојано предупредуваат дека најпогодени се децата,“ стои во соопштението, во кое се потенцира дека проблемот е долгогодишен, но во последните месеци достигнал алармантни размери.Од иницијативата упатуваат конкретни барања до надлежните институции: итно гаснење на активните пожари, постојано физичко обезбедување од МВР или АРМ, поставување ограда околу целата депонија, поставување камери – вклучително и термални – со јавен пристап 24/7, како и итно обезбедување средства од локалните и централните власти за санација и затворање на Вардариште според еколошки стандарди.Дополнително, тие бараат формирање независна комисија за утврдување на причините за палењата и одговорноста, како и целосна реформа на системот за управување со отпад преку воведување на концептот „нула отпад“.Во соопштението се потсетува дека уште од 2014 година се проценува дека на локацијата се депонирани околу 2.500.000 м³ отпад, без прецизно познавање на неговиот состав. Се наведува дека, покрај комунален, таму е складиран и индустриски отпад, а анализите од 2013/2014 година покажувале сериозно загадување, особено на подземните води.„Ова не е само еколошко прашање – ова е прашање на јавна здравствена безбедност. Секој ден без акција значи уште еден ден во кој децата, возрасните и сите граѓани вдишуваат отрови,“ порачуваат од „Стоп за Вардариште“.Иницијативата повикува медиуми, граѓански организации и сите совесни граѓани да се приклучат во вршењето притисок врз институциите за конечно решавање на овој долгогодишен проблем. „Доста е! Вардариште не смее повеќе да гори!“За денеска во закажаа прес-конференција во 18:30 часот на раскрсницата кај паркот Авионче во Аеродром.

Скопје | пред 6 месеци

Агенцијата вели „имало забава“, патниците велат „ќе има тужба“ - патниците кои патуваа со „Ганиќ-Ексклузив“ стигнаа во Македонија

Вчеравечерта, групата туристи кои поминаа патешествие на патување во Истанбул, се врати во Македонија. Некои од нив посочуваат дека патувале 38 часа откако имаа проблем со автобусот, па тој се поправал со часови, за по нивно инсистирање, да се прати друго возило. Истовремено, гомпанијата „Ганиќ-Ексклузив“ со кои патувале, посочуваат дека непотребно се созадвала негативна слика за нивната агенција, оти сите патници биле расположени и насмеани откако било сменето возилото, до таму што посочуваат дека имало и „забава во автобусите“.„Дефектот кој настана беше технички и брзо беше надминат. Имаме и видеа и фотографии кои покажуваат дека патниците веднаш по санирањето на проблемот продолжија со патувањето, расположени, насмеани, дури и со музика и забава во автобусите. Сметаме дека е важно јавноста да ја добие вистинската слика, па затоа Ви ги ставаме на располагање сите докази“, велат од компанијата „Ганиќ-Ексклузив“, кои не доставија никакви, какви што велат „докази“.„Скопје1“ исконтактира со патници од автобусот. Една од нив посочува: „Бевме среќни кога влеговме конечно во Макеоднија, бевме најсреќни и се утше сме што ќе си ги видиме дома најмилите и нема да спиеме на автопат. Групна тужба ќе има од патници спрема агенцијата, зошто вакво нешто никој не смее да доживее“.Од компанијата, по првата објава на „Скопје1“, се обидоа да извршат притисок да се корегира објавата, со закана за тужба. Нашата редакција одби, и најави, дека институционално ќе го проверува нивното работење по ова случување со патниците кои се враќале од Истанбул. Ова, за сопственикот Армин Ганиќ, било „дополнителен притисок“, па најави некаква судска постапка.„Ќе ги активираме сите правни механизми за заштита од клевета и нанесена штета врз угледот на Ganic Ekskluziv. Ќе доставиме докази (видеа, фотографии, изјави од патници) до надлежните институции и медиумски тела за да се докаже неточноста на вашиот напис. Ќе бараме одговорност за нанесената штета врз нашата деловна репутација и довербата на нашите клиенти“, стои во доспиот до нашата редакција.Заплашувањата со т.н. слап-тужби (тужби, маскирани како навреда, клевета или граѓански спорови, сè повеќе се користат за да ги заплашат новинарите), нѐ ја постигнаа целта, па „Скопје1“ побара одговори од МВР и Министерството за транспорт и врски во однос на работата на комапнијата, од каде став во текот на денот, што дословно ќе го пренесеме.

Македонија | пред 6 месеци

Галетановски нуди 2-3 илјади евра награда за тој што ќе открие кој му го запали автомобилот, односно кој нарачал

Поранешниот директор на Зоолошката градина во Скопје и актуелен претседател на Градската организација на СДСМ, Ѓорги Галетановски, се огласи по неодамнешниот инцидент, благодарејќи им на пријателите и колегите за поддршката.„За жал, некогаш треба да ни се деси лоша работа за да видиме кој е до нас. Фала ви другари за поддршката и за сите пораки и повици и извинете што стварно не беше можно на сите да вратам и кренам. Не ви го заборавам ова и на сите ви должам. Ме знаете добро, никогаш не се сменив и нема да се сменам. Помагав и ќе помагам на кој можам без да се фалам, така и ќе продолжам“, напиша Галетановски на својот профил.Тој најави дека од денес ќе преземе активности за да помогне органите во спречување на криминални дејствија што, како што вели, го нарушуваат мирот на граѓаните.„Од денес натаму ќе направам се да дознаам и помогнам органите да спречат криминални дејствија да го зимаат мирот на граѓаните. А ќе се дознае тоа сум сигурен“, додаде Галетановски.Притоа, тој повика сите граѓани кои имаат веродостојни информации за извршителот или нарачателот на случката да го контактираат, најавувајќи симболична награда од 2.000 до 3.000 евра.

Скопје | пред 6 месеци

Три години одлагања во процесот за Веапоска – делото застарува идната година!

И денешното рочиште во Основниот суд во Струга за случајот со Јилдиз Веапоска од Дебар не се одржа. Наместо разгледување на извештајот од супервештачењето, постапката повторно беше стопирана поради барањето на одбраната за изземање на судијата кој го води процесот.Родилката, која по породување со царски рез во струшката болница остана без матка, јајник и бубрег, видно потресена излезе од судницата. Таа изјави дека повеќе нема ни здравје ни сила да се носи со постојаните одложувања и дека, како што рече, во државата нема ни суд ни правдина.„Срамно е, докторите дојдоа од Скопје за вештачењето, а наместо завршни зборови, повторно се пролонгира процесот без рок,“ додаде Веапоска.Нејзиниот застапник, адвокатот Сашо Јанев, смета дека ваквите барања се дел од стратегија на одбраната за одолговлекување и застарување на предметот. „Сепак верувам дека судот ќе реагира ефикасно и дека ќе добиеме осудителна пресуда која одамна ја очекуваме,“ истакна Јанев.Судењето против тројцата лекари – гинекологот Мухамед Асани, неговиот син Блертон Асани и докторката Лилјана Јованоска – трае речиси три години. Делото може да застари на почетокот од идната година, а предметот веќе трипати се враќаше на почеток поради промени на судиски состав.

Македонија | пред 6 месеци

Да се знае кога народот плаќа: химната да тргне на разглас во кафани кога политичарите плаќаат од државна сметка

Д-р Ненад Лазаров саркастично реагира на мерката за црвени таблички за службените возила, со порака дека транспарентноста треба да важи и кога се трошат службени картички во кафани или при потпишување фактури на сметка на институциите.Табличкиве сообраќајни црвени на службени коли ок,ама треба и службените картици коа се штракаат у кафана или фактура коа се потпишуе на име на институција,да прекинуе музика и на озвучење химната на Македонија да се пушта автоматски да свири, сите да знаат дека народ плаќа нешто у моментот, напиша тој во објавата на ФБ.

Македонија | пред 6 месеци