ТОП

Богојески е милионер: новиот директор има биткоини, земјиште, влог во американски фонд, девизни сметки

Директорот на Националната агенција за европски образовни програми и мобилност, Петар Богојески во својот анкетен лист до Државната комисија за спречување на корупција (ДКСК) пријавил голема вредност на сметки, имот и криптовалути.Според информациите, тој поседува 11 биткоини за кои проценил дека вредат 59.734.070 денари односно околу еден милион евра, како и 129 етериуми купени во соседна Србија за 125.000 евра.Покрај крипто, Богојески поседува и сметка во соседна Бугарија, но засега нема информации за состојбата на истата.Тој поседува и стан со гаража во општина Карпош, кој го купил во 2012 година, а е со проценета вредност од 278.000 евра. Исто така, во Ракотинци оваа година купил и земјоделско земјиште вредно околу 26.000 евра.Тој лани, си купил и нов SUV модел „Фортинг T5EBO“ за 30.000 евра.Како деловен удел, Богојески поседува 61% од компанијата ДТУ „Бегова Корија“ ДОО Скопје, која го стопанисува одморалиштето „Шула Мина“, со вкупна проценета вредност од 550.000 евра, а има и влог од 5.000 евра во компанијата ВФП Фонд Менаџмент.Богојески пријавил влог од 50.000 евра во американски валутен фонд и животно осигурување од 15.000 евра, како и осигурителни полиси за сопругата и децата. Неговите деца поседуваат и акции во банка во основање во САД, но не се наведуваат точни суми.Имотната листа вклучува девизни сметки во евра и долари, персонални сефови (еден во евра, друг во денари), сметка во бугарска банка и девизна готовина од 120.000 евра. Исто така, пријавил и златен накит вреден над 40.000 евра и икони со благородни метали проценети на околу 20.000 евра.Неговата месечна плата како директор изнесува 87.000 денари.

Македонија | пред 10 месеци

(Видео) Модерно карго, патничка железница од Табановце до Гевгелија, болници - Мицкоски најави инвестиции по договорот со Обединетото кралство

Премиерот Христијан Мицкоски најави модернизација на вооружените сили, подлабока интеграција во НАТО стандардите, поголема безбедност на границите, спротиставување на шверцот, засилена соработката во образованието. Тој рече дека ова ќе дојде со новиот стратешки договор со Обединетотот кралство.„Овој чин е неповратен чекор напред во изградбата на иднината. Нашите две држави ги поврзуваат заеднички вредности - слобода, демократија, владеење на правото, длабока посветеност кон проспиритетна европа, ова е многу повеќе од билатерален ангажман. Ја отвораме соработката во одбраната, во образованието, здравството, културата, економскиот развој и инвестициите. Со овој документ се праќа порака дека граѓаните се најважни. Овој договор е наш труд со месеци“, рече Мицкоски.Тој најави дека  партнерството со Обединетото кралство ќе биде основата на инвестициски циклус од 6 милијарди евра, кои ќе се употребат за инвестиции во инфрасткрутурата, изградба на модерна карго и брза патничка железница од Табановце до Гевгелија, инвестиции во здравството, завршување на проектот на болницата во Штип заедно со студентскиот дом, изградба на болницата во Кичево, реконструкција на болницата во Тетово.Прашан како ќе дојдат средствата од 6 милијарди евра, тој рече дека работат на деталите.„Не е се уште завршено, иако сме блиску до конечно решение. Репер ни се два параметри - грејс период и долг период на отоплата“, рече Мицкоски.

Македонија | пред 10 месеци

(Видео) Шамарите од институциите врз жените жртви на насилство

Сето ова се случува пред наши очи. Сите сакаме функциониали институции, а имаме „ај не сега, ај ќе биде, ај дојди утре“ институции. Но некогаш - тоа утре може да не дојде. Затоа го направивме овој претрес и со Костовска, која е социјална работничка.„Од насилникот им е веќе начин на живот кој веќе го имаат прифатено, но кога ќе се одлучат да потегнат нешто, а институциите нема да реагираат, тоа е моментот кога се случува фаталниот пресврт тие да се повлечат, па доаѓаме до ситуацијата како со Рамајана (убиената жена од Шутка)“, вели Ивана Костовска, социјална работничка.Жена жртва на насилство, и по седум пати се враќа кај насилникот.„Наше не е да ја осудиме оти ќе се врати, оти ова е круг на насилство од каде тешко се излегува. Може кога ќе и речам 'пак ќе се вратиш' ќе биде кобниот пат кога нејзиниот живот ќе заврши. Не смееме да ги осудуваме. Тоа е процес кој тие мора да го поминат, индивидуално е“, додаде таа.Институциите не ги сфаќаат сериозно жените кога еднаш ќе ја повлечат пријавата.„Им коментираат после тоа 'Еј пак ќе ја повлечеш пријавата', тие не се расположени пак да го заведуваат случајот, пак да земаат податоци. И така често во МВР ќе го заведат како поплака, ќе се одолговлечи и ќе дојдеме до фаталниот исход - фемицид“, посочи Костовска.

Македонија | пред 10 месеци

(Фото) Млад скопјанец е фатен со лажните казни на ПОЦ, со што беа измамени граѓани: се гони за компјутерски криминал

Скопјанец на возраст од 21 година е фатен со фалсификувани паркинг налози со логото на ЈП Паркизни центар, а откако МВР му направило претрес во неговиот дом. Ова доаѓа откако граѓни се жалеа дека се мета на лажни казни, кои биле оставани на нивните возила, а кога ќе го скенирале кодот за да платат, се отворала страница иста како таа на јавното претпријатие. Кај скопајнецот се најдени картици и мемориски стикови.„Полициски службеници од Секторот за комјутерски криминал извршија претрес во дом и други простории кај Л.К. (21) од Скопје, по претходно спроведена истрага поради постоење на основи на сомнение за сторени кривични дела „правење, набавување или отуѓување средства за фалсификување” казниво по член 271 од КЗ, кривично дело „компјутерски фалсификат” казниво по член 279-а од КЗ, кривично дело „злоупотреба на лични податоци“ казниво по член 149 од КЗ и кривично дело „оштетување и неовластено навлегување во компјутерски систем“ казниво по чл.251 од КЗ. При претресот пронајдени се и одземени еден десктоп компјутер, три хард диска, два лаптоп компјутери, пет усб стикови, три мобилни телефони, околу 4.000 евра, уплатници и исплатници, како и фалсификувани паркинг налози од ЈП Паркинзи на општина Центар и полициски картички со логото на МВР“, велат од МВР.

Скопје | пред 10 месеци

(Видео) Го бараат ли обвинителките пиштолот со кои се извршени убиствата на Вања и Панче, како и човекот кој наводно го земал?

Јавната обвинителка Ана Стојковиќ Димитровска, прашана дали го бараат пиштолот со кој е извршено убиството на Вања Ѓорчевска и Панче Жежовски, рече дека тие имаат доволно докази кои ја докажуваат вината на сите обвинети. Потоа, беше прашана за да даде јасен одговор, дали го бараат ликот, кој обвинетиот Велибор Манев го посочи во својот исказ, а кој според него го „уништил пакетот“, мислејќи на пиштолот.„Ние во целата истражна постапка, а и додека трае судењето имаме преземено дополнителни дејствија, за да се утврдат сите факти и околности. За тоа што е дојдено со доказ кој може да има валидна вредност во судска постапка е предложен во судска постапка. Едно е да тврдиме, но ние сме обвинители и апсолутно ако немаме релевантен доказ, несериозно би било и за нас и за државата, да се произнесуваме со тврдења, паушални или било какви на главна расправа“, одговори обвинителката без да каже конкретно дали трагаат по лицето или не.Адвокатот Игор Ефремов во поткастот „Претрес со Ландов“, кажа дека Велибор Манев не бил викнат да даде дополнителен исказ во однос на тврдењата кои ги кажа во судница, а кои се однесуваа на пиштолот. Инаку, тој рече дека Палевски дал насоки да се уништи „пакетот“, односно ранчето со моторолите и пиштолот.

Македонија | пред 10 месеци

Вештакот се обиде да ја префрли вината врз моето дете, вели мајката на загинатиот Алек по судското рочиште

По неколку одлагања, се одржа рочиште за сообраќајната несреќа во која загина младиот Алек Радулов од скопски Илинден. Судијката Тамара Витларова го одби барањето да се изземат супервештаците поради претходна соработка со адвокатот на обвинетата. Иако семејството кажа дека се сомнева во нивните анализи и кредибилитет, сепак, Витларова не дозволи друг да во вештачи предметот. Мирјана, мајка на загинатиот Алек, вели дека рочиштето не се одржало до крај бидејќи во салата требало да се одржи друго судско рочиште – па ова било прекинато.„Од тројцата повикани, денес беше делумно сослушан само Јане Илијоски, бидејќи поради закажано друго судско рочиште не остана време за распит на останатите. Неговото сведочење се одвиваше во затегната атмосфера. На самиот почеток, Илијоски се обиде да го префрли целиот товар на вината врз моето дете, наведувајќи дека се движел со брзина поголема од дозволените 50 км/ч – тврдење што се коси со објективните докази и околности на несреќата“, вели Мирјана Радуловиќ, мајка на загинатиот Алек.Таа посочува дека вештакот се заплеткал во своите тврдења. Мајаката одново ги повтори аргументите зошто се сомнева во ова вештачење.„По неколку неуспешни обиди да се држи до претходната верзија, не можеше да го одбегне фактот и да потврди дека доколку не се презело дејство со свртување на лево до сообрачајната несреќа немало ни да дојде. Исто така фатен во тесно од прашањата на Обвинителството дали имала Сања Ивановска можност на 27 метри растојание кое тој го става во вештачењето да го види мопедот кој доаѓал од спротивната страна на рамен пат, во добри временски услови - кажа дека можела да го види. Неговите изјави држејќи се на поголема брзина според него 70.2 км/ч и давајќи му маса на мопедот од 290 кг ‘стручњаков’ донесува заклучок дека мопедот успеал да го помести рено клиото возило со тежина од 1700 кг уште неколку метри замислете и дека таа само околу метар имала навлезено во лентата по која се движи Алек, што очигледно заборавил дека скицата ја имаме сите и на неа јасно се гледа дека возилото целосно е навлезено во спротивната лента. Господинот Илијоски изгледа сакал да претстави многу поголема брзина да можел од фактичката состојба и при тоа повторно служејќи се со максимални бројки што ги нашол на интернет,имено само за појаснување тежината на ‘Априлиа’ мопед изнесува 108 кг , а не 290 кг како што тој тврди“, вели Мирјана Радуловиќ.Мајката на Алек, и директно се обрати до вештакот.„Господине Јане еве директно ќе Ви се обратам иако Вие не заслужувате ниту да Ве персирам. За срам, срам немате, за чест и да не зборуваме, за ситни пари си ја продадовте душата на ѓаволот! Ама деца имате ли???Останало ли нешто човечно во Вас??? Немојте да мислите дека мирно ќе спиете и дека нечујно ќе Ви дозволам да се тргнете од судската говорница и скришно исчезнете! За Вашата „стручност“ како вештак ќе се потрудам малку подобро да Ве презентирам во јавноста. За ова поигрување со едно семејство и правото што сте си го земале да газите по телото на мојот покоен син, само да знаете овие мајчини солзи и клетви некого ќе стигнат. Г-дине Славевски и г-дине Доневски вие сте на ред,на секој од вас секој збор ќе ви биде внимателно проследен на 10 јули!“, стои во изјавата на Радуловиќ.Семејството на загинатиот Алек, четири години чека правда за нивното дете. Семејството во детали го раскажа случајот во „Претрес“:?t=960

Македонија | пред 10 месеци

(Видео) Два месеци од трагедијата во Кочани; „Кој е следен“: Ни порачаа да не ги вознемируваме семејствата, а тие не се грижеа за нивниот спокој

Со транспарент на кој се испишани имињата на жртви од повеќе несреќи во Македонија, и оставен простор за поминување на луѓе, иницијативата “Кој е следен?” направи герила акција пред седиштето на Обвинителството. Со ова, потсетуваат на сите кои животот го загубиле во големи трагедии, меѓу кои е последната во Кочани.„Да ве потсетиме дека поминаа два месеци од најголемата трагедија во нашата историја, најголемата трагедија која се случи пред наши очи. Зад бројките стојат човечки животи, а зад секој живот празно столче на трпезата и болка на која и нема крај. Во овие два месеци, хуманоста исчезна. Партиите се впуштија во препукувања, пратеници си земаа одмор, а медиумите на системот на правија сѐ за да ги демонизираат оние кои бараат правда. Семејствата на загинатите и повредените беа оставени сами, во прегратките на тишината. Системот секојдневно не повикуваше да не зборуваме, да не бараме правда. Ни порача: не ги вознемирувајте семејствата. Но тие никогаш не се грижеа за спокојот на семејствата. Тие беа загрижени за нивниот спокој, за нивниот партиско политички спокој и сакаа да ја прифатиме амнезијата како нова национална доблест“, рече претставничка на „Кој е следен?“.Тие рекоа дека нема да се помират со ова секојдневие, туку ќе има отпор против системот.„Хуманоста е нашето последно прибежиште, кое системот се обиде да го присвои и проба да нѐ убеди дека се менува. Системот не е хуман, хуманоста не е нивна, херојството не е нивно. Денес во ниво име зборува „Кој е следен?“, но важна е пораката која ја испраќаме, а не од кого доаѓа. Да не дозволиме болката да стане навика“, додадоа од иницијативата.

Македонија | пред 10 месеци

По година и пол затвор добија ексдиректорите на тетовската болница, по пожарот во модуларниот објект каде загинаа 14 пациенти

Поранешните директори на Клиничката болница во Тетово, Флорим Бесими и Артан Етеми, кои сега се сега обвинети во процесот по пожарот во модуларната болница, се осудени дека го сториле делото „тешки дела против општата сигурност“. Судот им досуди затвор од по 1 година и 6 месеци. Тетовската болница треба да плати еден милион денари.Предметот се судеше одново, а судот за разлика од минатиот пат, досуди построги казни. За потсетување, претходно, двајцата ексдиректори добија условни казни.Ексдиректорот на тетовската болница Флорин Бесими и поранешниот економски директор Артан Етеми, не се гонат поради причината за пожарот во тетовската модуларна болница, туку бидејќи не ставиле пропишани уреди за гаснење на пожар. Докторот Бобан Вучевски, кој беше ослободен од вина, го судеа бидејќи дозволил влез на роднини во болничките соби, иако тоа било забрането. Ова е суштината на обвинетието за пожарот кое беше поднесено од тетовското Обвинителство. Во него стои дека пожарот се гаснел со ќебе и вода. За животот на пациентите се бореле двајца доктори, три медицински сестри и болничарка. Сите барале противпожарни апарати, но не успеале да ги најдат.Застапник на обвинението е тетовскиот обвинител Бесир Алиу.Во страотниот пожар што изби вечерта на 8 септември 2021 загинаа 14 пациенти и нивни роднини.

Македонија | пред 10 месеци

Сите алиби моменти на Палевски ги сузбиваше Обвинителството: презентирани пораки праќани кон обвинетиот деновите кога се случиле убиствата

Обвинителството со докази ги сузбиваше тврдењата на Љупчо Палевски-Палчо, дека деновите кога се убиени младата Вања Ѓорчевска (17.11) и велешанецот Панче Жежовски (22.11), тој не бил на локациите на ликвидациите. Истовремено, се произнесе зошто чаурата најдена на местото каде е убиен велешеанецот, не е вештачена. Освен ова, Обвинителството го оспоруваше и тврдењето на каратистот Боре Видевски, дека деновите кога жртвите биле ликвидирани, тој бил на работа. Па така до судот достави податоци од Јавното комунално претпријатие „Дервен“-Велес кои одговориле дека тој не се евидентирал преку електронскиот систем критичните денови„Приговарам и се противам на изведувањето на овој доказ и на таа околност ќе предложам соодветен доказ“, рече адвокатот на Боре Видевски, Бојан Манев.Љупчо Палевски и неговиот адвокат Јовица Страшевски, во текот на претходните рочишта бараа вештачење на чаурата, за да се спореди со базата на МВР, а од што ќе може да се види дали во Жежовски било пукано од оружјето на Видевски, кое не е најдено. Последно, Видевски рече дека го извадил од домот, но не се сеќава каде го оставил. Но, МВР одговорило дека не може да се направи споредба на чаурата, бидејќи немало пробно испитување на оружјето.„Доказ 2: Известување по донесена наредба од ОЈО Скопје, од МВР Оддел за граѓански работи, Сектор/Отсек за оружје, експлозивни и опасни материи Велес, во однос на околноста дали е извршено пробно испитување од оружјето кое обвинетиот Боре Видевски го поседува во евиденцијата од МВР. Нема податоци за пробно испитување за оружјето кое тој го поседува во евиденцијата и тоа пиштол Зброевка 75Б калибар 9мм“, кажа обвинителката.На ова реагираше обвинетиот Љупло Палевски.„Во однос на овој доказ, му посачувам на судот дека барав вештачење на пронајдената чаура, која е доказ на одбраната а не на ОЈО. Барав да се вештачи е не да дава информации дали или не отисок од додената игла на конкретното оружје. Наместо наредба за вештачење, гледам наредба за доставување известување, кое го прави Форензика а не Сектор за оружје. Така да нема никаква употребна вредност, така што поседувам докази со кои ќе докажам на судот дека ОЈО неполни 18 часа по пронаоѓање на телото на отштениот Жежовски е запознаено со ова оружје, но тие документи на МВР не постојат ниту во истражните списи, не само во судските. И затоа сметам дека ова не може да биде изговор за да не биде вештачена предметната чаура со однапред познато оружје. Мене не ми смета нека биде изведен како доказ, но инсистирам на вештачење“, рече Палевски. .Потоа, беше презентирано и вештачењето направено од Секторот за форензика на МВР. Била направена анализа на пиштолот на Видевски, но не можело да се направи совпаѓање со чаурата оти немало пробно испукување.„За пронајдената чаура е направена споредба со базата која ја поседуваат. Видно од известувањето, доставена е информација дека предметната чаура потекнува од муниција со калибар 9мм пара произведена од 2002 година, истата поседува траги.. механичките траги се внесени во автоматска компарација и не постигнати совпаѓања и поклопување на трагите, со внесените чаури во системот кои потекнуваат од кривично правни настани на територија на државата. Била направена и компаративна анализа и за пиштолот на Боре Видевски, доставени од полицијата во Велес, од 6 мај 2025 година, и се известува дека со оглед на тоа дека нема податоци за извршени пробно испукување не е направена споредба и се појаснува дека без доставени чаури од пробно испитување од конретното оружје не може да се врши компаративно испитување од предметната чаура“, кажа обвинителката.Палевски тврдеше и дека на 22 ноември, денот кога е убиен Жежовски, бил кај лицето Ерол Османи за му го поправа котелот. Обвинителството изведе фотодокументација со комуникација на обвинетиот и Османи. Комуникацијата е од 22 до 28 ноември.„Од пораките произлегува дека комуникацијата била најпрво на 22 ноември во 16:13 минути кога сведокот Османи испратил фотографија и порака: ‘ова го врзав директно. Не знам зошто, можеби има склопка, како се врзува поинаку? Сакам да ми работи на тивок режим’, а на ова не добил одговор. На 25 ноември во 19:17 минути, сведокот пратил порака до: ‘Ми требаш за греењето’, одговор нема. Од 22 до 25 не е извршено поправање на греењето“, рече обвинителката Жаклина Крстевска Јосифовска, со што докажува дека тврдењето на Палевски дека поправал котел кога Жежовски е убиен е неточно, а пак првата поплака на сведокот Османи била на 22 неомври, попладнето, кога Жежовски, според обвинението е веќе убиен.Потоа, следуваа пораките од сведокот кон Палевски на 27 ноември, кога е убиена Вања Ѓорчевска. Комуникацијата започнала во попладневните часови, кога Вања е веќе убиена.„На 27 ноември во 12:44 часот сведокот Ерол му праќа порака: ‘Идеш навака?’. И овде нема одговор, па истиот ден во 15:55 сведокот Ерол праќа порака: ‘Да купам нова електроника?’. Тоа значи дека обвинетиот Палевски ниту отишол кај сведокот Османи на 27 ноември ниту извршил поправка. Порака е пратена дури во 23:30 минути од обвинетиот Палевски кон Османи, од која е видливо дека до тој момент Палевски не отишол кај Османи“, додаде обвинителката.На ова пак реагираше обвинетиот Палевски.„На сликата пратена на 22 ноември е вентиатор, а не котел и тој се жали дека тој работи, ама нон-стоп. Нема потреба да го поправам кога веќе сум го поправил котелот и тој грее. Затоа и не одговарам на пораките. И самиот праша, прочитавте – дали да купи нова електроника. На 28 ноември тој тврди дека сум го поправам котелот кај него, а не на 27 ноември. Јавниот обвинител не покажа датум 28 ноември, не слушнавме ништо за тој ден. Денот 27 ноември е веќе расчистен и не знам што докажавте со котелот на Ерол на 27 ноември. Објаснете му на судот зошто во телефонската анализа сте го прескокнале денот 28 ноември“, рече Палевски.Палевски спореше и колку лица имало во автомобилите „рено кангу“ и „цитроен“ кога поминуваат покрај велешки хотел, упатувајќи се од/кон местото каде е ликвидиран Жежовски. Тој изведе службена белешка на која полицаец напишал дека се гледаат три лица. Според него, ова е потврда дека во грабнувањето на Панче учествувале три, а не четири лица.„Еден цитат од службената белешка, што е утврдено со неа, а влијае на фактите во врска со грабнувањето на Жежовски: ‘При прегледот на видеозаписите од 22. Ноември во 10.25 забележува патнички автомобил ‘рено кангу’ како се движи во правец Велес-Скопје по регионалниот пат и во внатрешноста на возилото се забележуваат две лица. Се забележува и ‘цитроен’ како се движи во правец Велес-Скопје по регионалниот пат и во внатрешноста на возилото се забележува едно лице“.Со дополнување на доказната постапка, овој предмет се ближи кон пресуда. Следуваат завршни зборови на обвинетите.

Македонија | пред 10 месеци

Скопјанец силувал жена на паркинг во Сопиште: Ја удирал со боксови и нога по лице, на сила ја соблекол и принудил на однос

Основното јавно обвинителство Скопје спроведе истражна постапка и поднесе Обвинителен акт против 37-годишен скопјанец за кривично дело – Полов напад и силување согласно член 186 став 3 во врска со став 1 од Кривичниот законик.„На 21 февруари вечерта, со умисла и на сила, спротивно на јасно изразената волја на жртвата, ја присилил на полов однос. Делото го извршил во автомобил, на паркинг во Сопиште, така што најпрво без согласност започнал да ја допира жената, а потоа станал и насилен кон неа затоа што го одбивала.Ја удирал со боксови и тупаници, па дури и со нога во лицето, предизвикувајќи и телесни повреди – подливи, нагмечување и скршеница на носните коски. Иако му кажала дека не сака да има ништо со него, на сила ја соблекол и ја принудил на полов однос. За цело време оштетената безуспешно се бранела и се обидувала да се оттргне“, велат од Обвинителството.Јавниот обвинител, заедно со поднесеното обвинение, до Судот достави и предлог за продолжување на претходно определената мерка притвор за обвинетиот.

Скопје | пред 10 месеци

(Видео) Експлозии на Крим, гори руско складиште за муниција

Утрово, пожар избувна во магацин за муниција во селото Перевалне во окупираниот од Русија Крим, по серија експлозии предизвикани од украински напади со беспилотни летала, објави „Киев Индепендент“.126-та независна крајбрежна одбранбена бригада на руската Црноморска флота наводно се наоѓа во близина на селото Перевалне. Како одговор на инцидентот, локалните власти го блокираа патот што ги поврзува Симферопол и Алушта во централниот дел на полуостровот. „Кримски ветер“ објави снимки направени од локалното население на кои се гледа чад што се издига од повеќе локации низ Крим.Експлозии беа пријавени и во близина на воените воздухопловни бази Белбек и Кача во близина на Севастопол, како и во близина на ’ртот Фиолент, Балаклава и Бахчисарај.Украинските власти сè уште официјално не го објавија нападот, а информациите не можеа да бидат независно потврдени.За време на војната, Украина постојано извршуваше успешни напади врз руски цели во окупираниот Крим и околното подрачје, со што значително ја ослабна руската Црноморска флота.

Свет | пред 10 месеци

Америка: Сите членки на НАТО ќе издвојуваат 5 проценти од БДП за одбрана

Американскиот државен секретар Марко Рубио изјави дека на претстојниот самит на НАТО во јуни, сите негови членки ќе се согласат да ги зголемат трошоците за одбрана на пет проценти од БДП во текот на следната деценија.Рубио ги даде овие забелешки во интервју за Фокс њуз откако присуствуваше на состанокот на министрите за надворешни работи на НАТО во Анталија, Турција.Неговиот шеф, американскиот претседател Доналд Трамп, го намали финансирањето на НАТО за време на својот прв мандат од 2017 до 2021 година, честопати жалејќи се дека САД даваат неправедна сума на алијансата во споредба со другите членки.„Можам да ви кажам дека за шест недели имаме состанок каде што речиси секоја членка на НАТО ќе биде на два проценти или повеќе од БДП, но, што е поважно, многу од нив ќе бидат на над четири проценти, и сите ќе се согласат за цел од пет проценти во текот на следната деценија“, рече американскиот дипломат.Новиот германски министер за надворешни работи Јохан Вадефул претходно оваа недела изјави дека Берлин го поддржува барањето на Трамп земјите-членки да ги зголемат трошоците за одбрана на пет проценти од БДП.Самитот на НАТО ќе се одржи на 24 и 25 јуни во Холандија.

Свет | пред 10 месеци

Ќе продолжи концертот на Пеџа Јовановиќ, по дојавата за бомба во салата “Јане Сандански”

Концертот на Пеџа Јовановиќ, кој беше прекинат поради дојава за бомба - ќе продилжи. Проверките завршија, а по дојавата за бомба во салата “Јане Сандански”.“Во 21.18 часот завршени се антитерористичките проверки при што утврдено е дека се работи за лажна дојава и концертот ќе продолжи”, велат од МВР.

Скопје | пред 10 месеци

Евакуирана салата “Јане Сандански” каде има концерт, поради дојава за бомба

Денеска (15.05.2025) во 18.49 часот непознато лице телефонски се јавило во СВР Скопје и рекло дека во салата “Јане Сандански” во Скопје, каде вечерва беше закажан музички концерт, има поставено бомба.Веднаш се преземени соодветни мерки и присутните во салата се безбедно евакуирани.Во тек се антитерористички проверки и по нивното завршување, доколку е безбеден објектот концертот ќе продолжи.

Скопје | пред 10 месеци

Полиција излезе кај поранешно ОХИС во Кисела Вода, црна течност се излева од атмосферската канализација, вели МВР

Полиција излезе на булеварот „Борис Трајковски“ во Кисела Вода, во делот на поранешно ОХИС, откако на асфалтот почнала да истекува непозната црна течност.„Денеска околу 14.00 часот во СВР Скопје е пријавено дека на бул. „Борис Трајковски“ во близина населба Пинтија истекува непозната црна течност од атмосферската канализација и истата се излева по булеварот. Полициски службеници од СВР Скопје се излезени на лице место. Сообраќајот се пренасочува и се преземаат мерки за утврдување на причините и расчистување на случајот“, велат кусо од МВР.

Скопје | пред 10 месеци

„Бог ми даде втора шанса“, напиша гитаристот од бендот ДНК кој е повреден од пожарот во „Пулс“

Музичарот Горан Тонев, по два месеци од трагедијата во Кочани, се огласи на социјалните мрежи. Тој на „Фејсбук“ објави фотографија од болницата и персоналот, со благодарност затоа што сега живее втор живот.Гитаристот Тонев, заедно со Панчо и придружната вокалистка Ана Костадиновска, се единствените преживеани членови на групата „ДНК“ од таа кобна вечер. Објавата побуди емоции кај бројни следбеници кои му испратија пораки со поддршка и желби за побрзо закрепнување.„Му благодарам на Бога што ми даде втора шанса, му благодарам на целиот персонал од болницата ,,Папаниколау”-Солун за неизмерната грижа и нега која ми ја пружија. Исто така сакам да се заблагодарам и на персоналот во Кочани и Скопје. Голема благодарност за сите мои роднини и пријатели коишто се молеа за мене. Моите чувства се измешани, колкушто сум среќен, толку сум и тажен за загубата на сите деца, а посебно за моите драги колеги и другари. Сочувство за сите фамилии“, напиша Тонев.

Македонија | пред 10 месеци

Тензии во собраниските ходници помеѓу Апасиев и Ристески; Пратеникот од ВМРО-ДПМНЕ: Аман Димче, не плачи, доста е

Пратениците Димитар Апасиев од Левица и Петар Ристески од ВМРО-ДПМНЕ имале кавга во собраниските ходници, но Собранието веќе неколку часа не открива што точно се случувало на третиот кат од зградата. Ристески преку социјалните мрежи посочува дека Апасиев глуми жртва па додава „Аман Димче не плачи, доста е“. До моментот на објавување, нема став од Апасиев.„Од причина што се појавија шпекулации за еден немил настан во собранието предизвикан од хистеричниот и нервен лидер на Левица, Димче Апасиев, би сакал да појаснам дека наводите споменати во дел од медиумите не се точни и не е прв пат хистеричниот лидер на Левица да глуми жртва и да провоцира конфликтност физичка или вербална, сакајќи на тој начин да привлече внимание, нам ни преостанува или да ги игнорираме неговите лудувања или да одговориме соодветно по принципот на среќна нова 49-та. Грешка е да му се одговори и да се падне на тоа негово ниво на однесување, посебно во светло на едно неуротичност и шизофреност која е евидентна, кога се прави принципиелен коректен професор пред јавноста и зад камерите кога испливуваат неговите најмрачни страни. Неговата кавга е по принципот навреди на безбедно растојание, па 'мајка бежанија', која му ја исполни денешната цел и смисла на постоењето, а тоа е да добие дел од медиумското внимание, нешто кое се заслужува со подвизи, проекти, идеи, визија, програми, принципи, а не со циркуз каков што тој неретко приредува. Токму затоа и неговата партија е бетонирана на 4.5 проценти рејтинг, како одличен спаринг партнер на СДС и ДУИ, и токму затоа тој е драгоценост која мора да се негува и од тој аспект и кон него изразувам жалење за специфичната состојба во која овој лик се наоѓа и кој секој ден не пропушта да го руши угледот на институцијата. Сепак, наша улога како пратеници е да имаме конструктивен придонес во креирањето на политики и закони кои ќе овозможат развој и напредок на нашиот народ и држава, а вакви немили настани не дефикусираат од таа суштинска цел. Аман Димче, не плачи. Доста е“, напиша Ристески.Повеќе новинари побараа став од собраниската пресс служба, дали е точно дека имало реакција и на обезбедувањето, но досега нема одговор. Според неофицијални информации, немало физичка пресметка, а ситуацијата била тензична.

Македонија | пред 10 месеци

Ќе се сечат 113 дрва од Градскиот парк во Скопје, донесено е решние

Градоначалникот на Град Скопје, Данела Арсовска, донела решение да се исечат 113 дрва во Градскиот парк во Скопје, по барање на ЈП „Паркови и зеленило“. Ова решение е донесено откако екипите на претпријатието утврдиле дека дрвата се суви, шупливи и нападнати од габи, опасни да паднат и причинат материјална и човечка штета. На ова реагираа од „Зелен хуман град“ кои бараат претпазлив пристап, бидејќи ова ќе го смени изгледот на Градскиот парк. Во решението пак, се посочува дека предмет на сеча ќе се 23 јавори, 20 багреми, 16 гледичи, 11 јасени, 11 борови, 5 тополи, 4 туји, 4 каталпи, 3 колреутерии, 3 брези, 3 цреши, 4 костени, 2 липи, 2 кисели дрва, кедар, орев и слива. Истовремено, одобрено и кастрење на 303 дрва.„Граничка површина: ѕидот на ЗОО, делот кај Кафе Централ парк, гранично со водените канали, до пешачката патека на мајор коритото на река Варадар и пешачката патека покрај Луна паркот кај дискотеките. Сечењето и кастрењето на државата ќе го изврши ЈП Паркови и зеленило во рок од 15 дена од денот на правосилноста на решението“, стои во решението, кое може да се обжали до Министерството за животна средина и просторно планирање.Од Зелен хуман град најавија обиколка во понеделник, заедно со шумски иненери.[pdf-embedder url="https://skopje1.mk/wp-content/uploads/2025/05/14-sl-2-1.pdf"]„Според тоа што ние гледаме на терен, има дрвја кои делуваат здрави и затоа побаравме од Град Скопје детално мапирање на секое дрво опфатено со ова решение, како и детално објаснување зошто секое дрво треба да се исече. Без разлика дека на нивно место ќе се засадат 300+ нови дрвја не помлади од 6 години, замена на децениски дрвја е невозможна - и за животната средина, и за сенката, и за кислородот и за екосистемот. Затоа на секаква интервенција врз зеленилото од кое и така има огромен недостиг во Скопје, мора да се пристапи премногу внимателно! По дискусија со Секторот за комунални работи, добивме покана да ги разгледаме извештаите од шумските инженери за секое дрво, и да направиме заедничка обиколка низ Градскиот парк за да се објаснат состојбите и причините за сеча на овие дрвја. Поканата ја прифаќаме, и штом обиколката се договори ќе објавиме јавно за секој да може да присуствува“, велат од Зелен хуман град.

Скопје | пред 10 месеци

Бектеши е дома, излезе од зад решетки и сега издржува куќен притвор

Ексминистерот за економија, Крешник Бектеши, осомничен во предметот за пожарот во кочанската дискотека „Пулс“, од вчеравечер е дома. Мерката ефективен притвор му е заменета со куќен притвор, со одлука на судот, а по предлог на Обвинителството. Информацијата за „Скопје1“ на потврди неговиот адвокат Еленко Милаков, кој посочи дека ќе го разгледа решението, па ќе одлучи дали ќе бара укинување и на оваа мерка за обезбедување присуство. Бектеши помина два месеци во притвор.Обвинителскиот тим кој постапува во предметот за пожарот во дискотеката "Пулс" ги привршува дејствијата на распити на сведоци - очевидци на настанот, соопштија вчера оттаму.„Распитите на осомничените и на други лица се реализираат без отстапувања и согласно утврдената динамика. Интензивно се работи на повеќе вештачења и се вкрстуваат податоците од анализите на обезбедените електронски уреди. Согласно фазата во која се наоѓа постапката и доказите кои веќе се обезбедени, обвинителството до Основниот суд во Кочани достави предлог за замена на претходно определената мерка притвор со мерка куќен притвор за двајца осомничени - поранешен министер и поранешен државен секретар во Министерството за економија, додека за 18 лица предложено е продолжување на претходно определени мерки притвор и куќен притвор. По предлoзите на обвинителството ќе одлучува Судот“, велат од Обвинителството.Бектеши е осомничен во делот на издавање на лиценцата на дискотеката „Пулс“ која функционирала додека тој бил на министерската позиција. Лиценцата, според Обвинителството, била потпишана од него, како и секоја друга. Но истовремено, дискотеката не ги исполнувала критериумите за безбедност, за да може да работи.

Македонија | пред 10 месеци

(Видео) Нема веќе што да се договараме, порача Кошта во име на ЕУ; Мицкоски: Другата страна испорачува нула, додека е така, нема ништо да направам

Претседателот на Европскиот Совет Антонио Кошта, чеке дека Македонија треба да испорача уставни измени и вметнување на Бугарите во највисокиот правен акт. Прашан дали ќе се договорат, ЕУ да испорача гаранции дека потоа Македонија нема повторно да биде блокирана - тој рече дека нема веќе што да се договара.Потоа, премиерот Христијан Мицкоски рече Македонија направи премногу - смени знаме, смени Устав, смени име. И смета дека тоа е премногу. Мицкоски ѝ порача на ЕУ, дека нема да прават ништо сѐ додека не видат дека Бугарија презема чекори.„Затоа што од другата страна имаме испорака 0. И би бил наивен да верувам дека ако нема испорака од другата страна, дека ние треба тоа да го направиме. Тоа додека сум премиер, нема никогаш тоа да го направам“, рече Мицкоски.Потоа, Кошта рече дека нема да има план „Б“ бидејќи планот „А“ со промени на Уставот мора да успее. На ова Мицкоски врати дека останува на истиот став.„За жал, претходната Влада прифати билатерално прашање да биде дел од нашата европска иднина. Јас ќе се борам, колку што можам, за да излеземе од овој процес во кој што сме сега. Јас не можам да излезам и немам совест да излезам пред македонските граѓани и да им кажам дека ќе биде променет Устсавот, а има најмалку 14 пресуди за Македонците на другата страна од границата, кои Бугарија треба да ги примени. Не можам ништо да преземам ништо со Уставот ако таа земја го оспорува мојот мајчин јазик и мојот идентитет. Кога ќе има став од ЕУ за нашиот многувековен идентитет-тогаш јас сум тука да разговарам“, додаде Мицкоски.

Македонија | пред 10 месеци

По 80 илјади евра за семејствата кои имаат загинат во „Пулс“, работен ангажман за родителите, покривање трошоци - што има во законот за Кочани

Парламентарната група на СДСМ и коалиција поднесе Предлог-закон за поддршка на настраданите во трагедијата во Кочани што се случи на 16 март во која кога животот го загубија 62 лица, а над 200 беа повредени.„Овој закон предвидуваше сеопфатна, праведна и итна поддршка за жртвите, преживеаните и нивните семејства, со конкретни мерки и гарантирани права. За жал, пратениците на ВМРО-ДПМНЕ гласаа против – со што свесно ги ускратија семејствата од правична и заслужена поддршка“, велат од СДСМ и додаваат:Еве што точно одбија пратениците на ВМРО-ДПМНЕ:*80.000 евра надомест за секое семејство на починат во трагедијата – еднократен паричен надомест за душевна болка и нематеријална штета*Финансиска поддршка за повредените според степен на инвалидитет– од 1.200.000 до 5.000.000 денари, во зависност од утврдениот степен*Покривање на трошоци за лекување – дома и во странство – хируршки интервенции, психолошка рехабилитација, лекови, помагала, сместување и транспорт*Образовна поддршка за ученици и студенти– онлајн настава, ослободување од приемни и матурски испити, стипендии до крај на студии*Платено отсуство за родители на повредени деца – најмалку 6 месеци платено отсуство и можност за продолжување по лекарска препорака*Скратено работно време за родители до една година – со покривање на придонеси за родителите кои работат во приватниот сектор*Психосоцијална и правна помош – за повредените и за семејствата на загинатите, најмалку една година*Домашна нега и поддршка од социјални работници– за лица со инвалидитет стекнат од несреќата*Државна поддршка за преквалификација и самовработување – за повредени кои не можат да се вратат на претходното работно место*Можност за адаптација на домот и набавка на возило– за лица со траен инвалидитет*Воспоставување на независна Комисија за проценка и следење– со стручњаци, претставници на институции и членови од семејствата на жртвите*Законот е применлив и за претходни трагедии со македонски граѓани– Ласкарци (2019), Тетово (2021), „Струма“ во Бугарија (2021)[pdf-embedder url="https://skopje1.mk/wp-content/uploads/2025/05/Предлог-на-закон-за-поддршка-на-настраданите-во-несреќата-во-дискотеката-во-Кочани-и-на-членовите-на-нивните-семејства-по-скратен.pdf" title="Предлог на закон за поддршка на настраданите во несреќата во дискотеката во Кочани и на членовите на нивните семејства, по скратен"]

Македонија | пред 10 месеци

(Видео) Потресно сведоштво на скопјанка мета на насилство - излегол на одмор од затвор ја затворил и тепал: Спремна сум на најлошото!

Потресна приказна на млада скопјанка, која била мета на насилство. Не е семејно, но е страшно. Според нејзиното сведоштво, нејзин долгогодишен семеен пријател, кој сакал да и биде повеќе од тоа, ја затворил во нејзиниот, па неговиот дом, по што ја тепал. Голготата, според сведочењето траела три дена. Едвај се спасила, бидејќи не можела да го напушти домот, а тој и го одзел и телефонот. Овој случај уште не е процесуиран до Обвинителството.„Бев затворена во мојот стан, па ме однесе во неговата куќа. Избувна целата ситуација откако кажав дека не сакам да имам љубовна врска со него. Јас не смеев да одам на работа. Кај него дома, додека он ме малтретира и тепа, јас се онесвестив...“, сведочи жената.Бидејќи лицето е осуденик, делото го извршил додека користел затворски привилегии. Тој е вратен зад решетки, но стравот дека ќе излезе и ќе ја убие - постои, сведочи таа. Истовремено, од зад решетки и испраќа закани. Во низа наврати е дојавувано до институциите, но ова, според жртвата, се уште не е спречено.„Не е едноставно некој да ти се закани дека ќе те убие. И да знаеш дека истиот тој лик е спремен на тоа и може тоа да го направи. Не е едноставно да живееш со мислата дека ќе излезеш и нема да се вратиш дома поради лик кој не е казнет. Заканите продолжуваат“, рече жртвата, додавајќи: „Јас сум спремна на најлошото кога ќе излезе од затвор, јас не се чувствувам безбедна.?t=1732

Македонија | пред 10 месеци

Повеќе од 40 мртви во ноќните напади врз Газа: Мртовечниците преполни со тела

Откако прекинот на огнот меѓу Израел и Хамас заврши во март со израелски воздушни напади, бомбардирањето продолжи низ Газа.Повеќе од 40 лица се убиени во последните израелски напади низ Појасот Газа, објавува Би-Би-Си.Најмалку 36 тела наводно се однесени во болниците на југ, каде што беше пријавено интензивно израелско гранатирање во текот на ноќта.Целта на нападите бил Кан Јунис, најголемиот град во јужна Газа.Извор во болницата Насер во Кан Јунис потврди дека меѓу загинатите има деца, вклучувајќи и едно бебе. Нападите погодиле домови и шатори во кои се сместени раселени семејства во и околу градот.Локалните новинари објавија дека мртовечницата на главната болница во градот е преполна со тела, додека собите за итни случаи се преполни со ранети.

Свет | пред 10 месеци

(Видео) „Претрес“ за стравот и болките на жртвите на семејно насилство: Убиената Рамајана од Шутка пријавувала, но залудно

Повод за вечерашниот Претрес со Ландов е трагичниот случај со Рамајана, жртва на семејно насилство, случај кој ја бранува јавноста.Операторката на СОС националната линија, Надире Селман, вели дека жените жртви на семејно насилство немаат сила и храброст да се јават и да ги пријават насилниците.Рамајана се обидувала да се јави во други невладини организации, но немала економска моќ да се справи или да го напушти насилникот кој ја убил пред нејзината 5 годишна ќерка.Во Претрес има и болни сведоштва на жените кои се нашле во вртлогот на насилство, како и искуства при работа со жртвите но и со насилници.Надире Селман, апелира сите жртви да се јават на Националната СОС линија за пријавување родово базирано насилство (141 700).

Македонија | пред 10 месеци

Крешник Бектеши да биде пуштен од затвор и да оди во куќен притвор, бара Обвинителството

Обвинтиелството бара Крешник Бектеши осомничен во предметот за пожарот во кочански „Пулс“, да биде пуштен од ефективен притвор во куќен притвор. Според обвинителите, тој не може повеќе да влијае на сведоци, па не треба да му биде изречена ниту најстрогата мерка.„Обвинителскиот тим кој постапува во предметот на Основното јавно обвинителство Кочани во врска со пожарот во дискотеката "Пулс" ги привршува дејствијата на распити на сведоци - очевидци на настанот. Распитите на осомничените и на други лица се реализираат без отстапувања и согласно утврдената динамика. Интензивно се работи на повеќе вештачења и се вкрстуваат податоците од анализите на обезбедените електронски уреди. Согласно фазата во која се наоѓа постапката и доказите кои веќе се обезбедени, обвинителството до Основниот суд во Кочани достави предлог за замена на претходно определената мерка притвор со мерка куќен притвор за двајца осомничени - поранешен министер и поранешен државен секретар во Министерството за економија, додека за 18 лица предложено е продолжување на претходно определени мерки притвор и куќен притвор. По предлoзите на обвинителството ќе одлучува Судот, велат од Обвинителството.

Македонија | пред 10 месеци