ЗЕЛЕНСКИ

Зеленски предизвика незадоволство во Полска поради одликување поврзано со УПА

Одлуката на украинскиот претседател Володимир Зеленски да додели почесен назив „Херои на УПА“ на една специјална единица на украинската армија предизвика силни реакции во Полска и отвори нов спор меѓу двете земји, кои се меѓу најблиските сојузници во војната против Русија.На 26 мај Зеленски одлучи една единица на украинските вооружени сили да го добие почесниот назив „Херои на Украинската востаничка армија (УПА)“, со образложение дека станува збор за обновување на историските традиции на украинската војска.Одлуката предизвика остра реакција од полскиот претседател Карол Навроцки, кој оцени дека Украина не е подготвена за европското семејство доколку продолжи да ги велича припадниците на УПА.„Во европското семејство не можат да се слават луѓе кои убивале жени, деца и полски цивили“, изјави Навроцки, кој побара од Зеленски да му биде одземен највисокиот полски орден што го доби пред две години.Истовремено, полскиот премиер Доналд Туск се обиде да ја смири ситуацијата, признавајќи дека одлуката ја погодила историската чувствителност на Полјаците, но предупреди дека конфликтите околу минатото не смеат да ја загрозат идната соработка.„Ако се скараме околу минатото, некој друг ќе ја добие иднината“, порача Туск, алудирајќи на Русија.Од украинското Министерство за надворешни работи соопштија дека одликувањето не е насочено против Полска и дека за Украина УПА претставува симбол на отпорот против руската доминација и борбата за независност.Историските спорови околу УПА со децении ги оптоваруваат односите меѓу Полска и Украина. Во Полска, дејствувањето на УПА за време на Втората светска војна се поврзува со масакри врз полското цивилно население, при што, според полските проценки, биле убиени повеќе од 100.000 луѓе. Од друга страна, во Украина дел од припадниците на УПА се сметаат за борци за независност против советската власт.Аналитичарите оценуваат дека спорот доаѓа во чувствителен момент за односите меѓу двете држави, особено пред меѓународната конференција за обнова на Украина што треба да се одржи кон крајот на јуни во Гдањск.

Свет | пред 21 час

Зеленски бара помош од Трамп по ужасниот напад од Русија

Украинскиот претседател Володимир Зеленски повторно упати апел до американскиот претседател Доналд Трамп и Соединетите Американски Држави за испорака на системи „Патриот“, по еден од најжестоките руски воздушни напади од почетокот на војната.Во текот на ноќта, Русија изврши масовен напад врз повеќе украински градови, при што загинаа најмалку 14 лица, десетици се повредени, а спасувачките екипи сè уште трагаат по луѓе затрупани под урнатините.Според украинските воздухопловни сили, кон Украина биле лансирани 73 ракети од различен тип, меѓу кои и осум хиперсонични ракети „Циркон“, како и 656 беспилотни летала. Главни цели на нападите биле Киев, Днипро, Запорожје, Полтава и Харков.Во украинската престолнина силни експлозии одекнувале во текот на ноќта, додека жителите барале засолниште во метро-станиците и подрумите. Според локалните власти, во Киев загинале пет лица, а најмалку 63 се повредени, меѓу кои и три деца.„Ова беше голем напад и целосно транспарентна порака од Русија. Ако Украина не биде заштитена од балистички и други ракетни напади, тие ќе продолжат“, напиша Зеленски на социјалните мрежи.Тој нагласи дека на Европа ѝ се потребни сопствени антибалистички капацитети, но и дека американската поддршка останува клучна.„Дефинитивно ни е потребна помошта од САД во испораката на системи како „Патриот“. Сметаме на поддршката од нашите партнери и на ефикасен одговор на денешниот напад“, порача украинскиот претседател.Зеленски веќе подолг период предупредува дека украинските резерви на ракети-пресретнувачи за системите „Патриот“ се намалуваат, а токму тие системи се сметаат за најефикасна заштита од балистички проектили.Во Днипро загинале најмалку девет лица, а 36 се повредени. Меѓу жртвите има и спасувач кој настрадал за време на втор напад додека интервенирал на местото на првиот удар. Дополнително, шест лица се водат како исчезнати по уривањето на станбена зграда.Значителна штета е предизвикана и во Харков, каде што се оштетени повеќе станбени објекти, гаражи и возила, а најмалку 14 лица се повредени.Поради нападите, без електрична енергија останале околу 140.000 жители на Киев. Дел од снабдувањето подоцна било обновено, но штетите на енергетската инфраструктура остануваат значителни.Русија претходно најави дека ќе спроведува систематски напади врз цели поврзани со украинската војска и центрите за одлучување, додека украинските власти предупредуваат дека воздушните напади може дополнително да се интензивираат во наредниот период.

Свет | пред 3 дена

Зеленски до пратениците на Трамп: Прво посетете го Киев, па потоа Москва

Украинскиот претседател Володимир Зеленски изјави дека очекува американските претставници Стив Виткоф и Џаред Кушнер да го посетат Киев во текот на следните две недели.Во интервју за Си-Би-Ес, Зеленски рече дека добил информација од својот преговарачки тим дека двајцата американски претставници се подготвени да допатуваат во Украина, иако конечната одлука може да зависи од развојот на настаните на Блискиот Исток.„Сметаме на нивното доаѓање во Киев. Се надевам дека ќе најдат можност да дојдат во следните две недели“, изјави Зеленски.Тој нагласи дека е важно американскиот тим лично да ја види состојбата во Украина и да разговара со луѓето кои живеат во услови на војна.„Никогаш не биле тука. Мислам дека е важно да ги видат луѓето и да разберат дека ние сакаме да ја запреме оваа војна. Целта е да се запре Русија“, рече украинскиот претседател.Зеленски додаде дека доколку американските претставници планираат повторно да ја посетат Москва, би било корисно најпрво да дојдат во Киев.„Ако сакаат да одат во Москва, треба прво да дојдат во Киев, па потоа да заминат за Москва“, порача тој.Посетата на Виткоф и Кушнер беше најавена уште во април, но според претходни медиумски извештаи, американската страна сметала дека во тој момент нивното учество во мировните разговори нема да донесе конкретни резултати.

Свет | пред 4 дена

Лукашенко со навредлива порака до Зеленски: „Можеби користел нешто кога ги давал тие изјави“

Белорускиот претседател Александар Лукашенко упати остра порака до Украина откако украински воен командант изјави дека Киев идентификувал околу 500 потенцијални воени цели на белоруска територија.Говорејќи пред новинарите на маргините на Самитот на Евроазиската економска унија во Астана, Лукашенко изјави дека и Белорусија има „една многу сериозна цел со прецизни координати“ и дека таа не се наоѓа далеку од белоруската граница.„Можеби идентификувале 500 цели. Ние имаме една многу сериозна цел со прецизни координати и не е далеку од Белорусија. Тие добро го разбираат тоа“, изјави Лукашенко.Тој ги отфрли тврдењата за можен конфликт меѓу Белорусија и Украина, оценувајќи дека украинската армија нема интерес за отворање нов фронт.„Украинската војска не сака војна со Белорусија. Тоа го знам сигурно. Тие разбираат дека тоа би значело дополнителни 1.500 километри фронт“, рече белорускиот лидер.Лукашенко истовремено тврдеше дека европските земји го охрабруваат украинскиот претседател Володимир Зеленски да дава вакви изјави, додавајќи дека Белорусија нема намера да ја нападне Украина.„Тоа никогаш нема да се случи. Никогаш. Ние таму немаме војници и никогаш нема да имаме“, нагласи тој.Во својот настап Лукашенко упати и лични критики кон Зеленски, велејќи дека се обидува да ја разбере неговата позиција поради воените околности, но дека некои негови изјави се неразбирливи.Белорускиот претседател предупреди дека евентуален напад врз Белорусија би можел целосно да го промени карактерот на војната во Украина, без да прецизира какви би биле последиците.

Свет | пред 4 дена

Нов спор меѓу Варшава и Киев: Полска бара одземање на орденот на Зеленски

Полскиот претседател Карол Навроцки најави дека ќе покрене постапка за одземање на највисокото полско државно одликување на украинскиот претседател Володимир Зеленски, по одлуката на Киев една украинска воена единица да го добие почесниот назив „Херои на УПА“.Според полскиот портал „Онет“, Навроцки изјавил дека предложил ова прашање да биде ставено на дневен ред на седницата на комисијата за Орденот на Белиот орел, закажана за 8 јуни.„Предложив една од точките да биде одземање на одликувањето на претседателот Володимир Зеленски“, изјавил Навроцки пред новинарите.Спорот избувна откако Зеленски одлучи елитната украинска единица „Север“ да го носи почесниот назив „Херои на УПА“, односно Украинска востаничка армија.Навроцки оцени дека ваквата одлука ѝ дава аргументи на руската пропаганда и дополнително ги продлабочува историските тензии меѓу Полска и Украина.„Претседателот Зеленски ѝ обезбеди најдобар материјал и многу кислород на руската пропаганда“, изјави полскиот претседател.Реагираше и полското Министерство за надворешни работи, од каде соопштија дека одлуката на Киев „го навредува сеќавањето на жртвите на таа организација и го поткопува дијалогот меѓу двата народа“.Зеленски, пак, претходно изјави дека одлуката има цел да ги обнови „историските традиции на националната армија“ и да ја признае улогата на единицата во одбраната на независноста и територијалниот интегритет на Украина.Орденот на Белиот орел му беше доделен на Зеленски во 2023 година од тогашниот полски претседател Анджеј Дуда, како признание за одбраната на Украина од руската инвазија и за блиското партнерство меѓу Варшава и Киев.Според полските закони, државно одликување може да биде одземено доколку се утврди дека добитникот извршил дела што го прават недостоен за таа чест, но за таква одлука е потребна формална постапка и одобрување од полскиот премиер.

Свет | пред 6 дена

Зеленски: Русија подготвува нов масовен напад врз Украина

Украинскиот претседател Володимир Зеленски предупреди дека Русија подготвува нов масовен напад, повикувајќи се на разузнавачки информации со кои располага украинската страна.По состанокот со министерот за надворешни работи, Зеленски изјави дека е важно меѓународните партнери на Украина да бидат целосно информирани за актуелната состојба.„Важно е сите наши партнери да знаат што се случува и дека Русија и понатаму се потпира на проектили и продолжување на војната, а не на дипломатски чекори“, изјави украинскиот претседател.Тој оцени дека ваквиот развој на настаните покажува оти е неопходно дополнително зајакнување на притисокот врз Москва преку нови санкции.„Тоа значи дека е потребен дополнителен притисок со санкции врз Русија и дека спроведувањето на нашите договори за противвоздушна одбрана со партнерите не смее да се одложува“, додаде Зеленски.Изјавата доаѓа во време на засилени борбени дејствија и меѓусебни напади меѓу Украина и Русија, додека Киев продолжува да бара поголема воена и безбедносна поддршка од западните сојузници.

Свет | пред 6 дена

Зеленски по инцидентот во Романија: Украина е подготвена да помогне на секој можен начин

Украинскиот претседател Володимир Зеленски изрази поддршка за Романија по инцидентот со руски дрон што погоди станбена зграда во романскиот град Галац и порача дека Украина е подготвена да му помогне на Букурешт на секој потребен начин.„Подготвени сме да ја поддржиме Романија на секој начин што е потребен во овие околности“, изјави Зеленски.Тој истовремено повика Европската Унија да усвои нов пакет силни санкции против Русија, оценувајќи дека Москва мора да ги почувствува последиците од своите напади.„Сметаме дека новите санкции на Европската Унија треба да бидат навистина силни и да ја натераат Русија да почувствува дека нејзините напади носат големи загуби и за самата неа“, рече украинскиот претседател.Зеленски нагласи дека меѓународниот притисок врз Кремљ мора дополнително да се засили за да се спречи продолжување или проширување на војната.Осврнувајќи се на ноќните руски напади, тој изјави дека руските сили намерно ја нападнале Одеската област, која се граничи со Романија.„Тоа беше уште еден циничен напад врз цивилна инфраструктура во нашите градови и во нашите води, насочен кон цивилни контејнерски бродови“, изјави Зеленски.Изјавата доаѓа во време на зголемени тензии откако руски дрон падна врз станбен објект во Романија, членка на НАТО и на Европската Унија, при што беа повредени две лица.

Свет | пред 6 дена

Зеленски испратил итно писмо до Трамп: Украина останува без противракетна одбрана

Украинскиот претседател Володимир Зеленски испратил итно писмо до американскиот претседател Доналд Трамп во кое предупредува на сè поголем недостиг на украински системи за противвоздушна одбрана, особено на капацитети за одбрана од балистички ракети, објави „Киев Индипендент“.Апелот доаѓа во време кога Русија ги засилува масовните воздушни напади врз Украина и јавно се заканува со нов бран далекусежни удари врз Киев, вклучително и напади врз локации што Москва ги опиша како украински „центри за донесување одлуки“.„Кога станува збор за противракетната одбрана, се потпираме на нашите пријатели. Но, кога е во прашање одбраната од балистички проектили, речиси целосно зависиме од САД“, се наведува во писмото, во кое увид имал „Киев Индипендент“.Украински претставници стравуваат дека ограничените резерви на пресретнувачи „Патриот“ и други западни системи тешко ќе можат да ја издржат сегашната динамика на бомбардирање.Според извор запознаен со ситуацијата, украинската амбасадорка во САД, Олха Стефанишина, го доставила писмото до Белата куќа, претседателот на Претставничкиот дом Мајк Џонсон и други членови на Конгресот.Во писмото се изразува и загриженост поради проблемите со набавката на оружје преку програмата PURL, која им овозможува на сојузниците од НАТО да финансираат купување американско оружје за Украина.„Моменталната динамика на испораки преку програмата PURL повеќе не одговара на реалната закана со која се соочуваме“, се наведува во писмото. „Ве молиме, помогнете ни да го заштитиме украинското небо од руските ракети.“Најновиот руски масовен напад дополнително го истакнал притисокот врз украинската противвоздушна одбрана. Украинските воздухопловни сили соопштиле дека руските сили во текот на ноќниот напад на 24 мај лансирале 90 ракети и 600 дронови.Во меѓувреме, рускиот министер за надворешни работи Сергеј Лавров во телефонски разговор со американскиот државен секретар Марко Рубио најавил нови удари врз украинските „центри за донесување одлуки“ и го повикал Вашингтон да ја евакуира американската амбасада во Киев.И покрај тоа, Зеленски во писмото порачал дека украинското небо може да биде заштитено.„Поголемиот дел од руските ракети може да се запрат“, истакнал украинскиот претседател.

Свет | пред 1 седмица

Унгарскиот премиер бара средба со Зеленски, но постави услов

Унгарската влада постави услов под кој премиерот Петер Маѓар би се сретнал со украинскиот претседател Володимир Зеленски, меѓу другото, и за разговори околу положбата на унгарското малцинство во Украина.Според „Еуроњуз“, повикувајќи се на портпароли на унгарската влада, лична средба меѓу Маѓар и Зеленски е можна доколку Украина ги исполни барањата на Будимпешта поврзани со правата на унгарското малцинство.Тие додале дека техничките преговори за ова прашање се во тек и дека можност за состанок на високо ниво би се појавила доколку се постигне напредок во разговорите.Во изминатите две недели унгарската влада повеќепати ја споменуваше можноста за средба меѓу Маѓар и Зеленски. Унгарскиот премиер го предложил Берегово, во Закарпатската област, како можна локација за состанокот.Претходно беше објавено дека Маѓар бара поголеми права за унгарското малцинство во Украина пред да го деблокира напредокот на Киев кон Европската Унија.

Свет | пред 1 седмица

(Фото) Зеленски: Се зголеми бројот на повредени во рускиот напад, сега се околу 100

Руски ноќни напади врз Украина однесоа четири животи, а околу 100 лица се повредени, соопшти украинскиот претседател Володимир Зеленски.Тој ја обвини Русија дека повторно гаѓала цивилна инфраструктура низ повеќе украински градови.„Околу 100 луѓе се повредени низ целата земја, а за жал, четири лица загинаа“, напиша Зеленски на Телеграм. Тој додаде дека за ситуацијата разговарал со францускиот претседател Емануел Макрон и норвешкиот премиер Јонас Гар Стере, а најави и нови контакти со меѓународните партнери.Од друга страна, руското Министерство за одбрана соопшти дека нападите биле одговор на украинскиот удар врз колеџ и студентски дом во Старобилск, во окупираниот дел од Луганската област.Според Москва, во тој напад загинале 21 студент, а цел на руските удари биле воени командни објекти, воздухопловни бази и капацитети на украинскиот воено-индустриски комплекс.Тврдењата на двете завојувани страни не можат независно да бидат потврдени поради војната што трае од 2022 година.

Свет | пред 1 седмица

(Видео) Мерц ѝ понуди „придружено членство“ на Украина, Зеленски одби

Украинскиот претседател Володимир Зеленски го отфрли германскиот предлог Украина да добие придружено членство во Европската Унија, оценувајќи дека таквиот статус би го оставил Киев без право на глас во европскиот блок.„Без Украина не може да има целосен европски проект, затоа и нејзиното место во Европската Унија мора да биде целосно – полноправно и рамноправно“, порача Зеленски во објава на платформата Икс.Тој нагласи дека е клучно да се отворат преговарачките кластери и да се постигне значителен напредок во пристапните преговори.Германскиот канцелар Фридрих Мерц претходно предложи Украина да добие статус на „придружена членка“, што би ѝ овозможило учество на состаноци на Европската комисија и Европскиот совет, но без целосни членски права.Претседателката на Европскиот парламент Роберта Мецола, според медиумите, поддржала постепен пристап кон интеграцијата, при што земјите кандидатки би можеле да добијат пристап до единствениот пазар, царинската унија, „Еразмус“ и други европски програми уште пред полноправното членство.Зеленски во писмо до европските лидери истакнал дека Украина забрзано ги спроведува реформите потребни за членство во ЕУ, додека истовремено ја брани Европа од руската агресија.„Би било неправедно Украина да биде присутна во Европската Унија, а да остане без право на глас“, навел украинскиот претседател.Украина поднесе барање за членство во ЕУ неколку дена по почетокот на руската инвазија во 2022 година, а пристапните преговори официјално започнаа во 2024 година.

Свет | пред 1 седмица

(Видео) Зеленски за Путин: Не може ни „ура“ да изговори, а лансира ракети врз Украина

Украинскиот претседател Володимир Зеленски се осврна на големиот ноќен руски напад врз Украина, во кој според досегашните информации се повредени најмалку 83 лица, а има и загинати. Зеленски изјави дека рускиот претседател Владимир Путин повеќе не може ниту „јасно да го изговори зборот ‘ура’“, туку наместо тоа со ракети гаѓа станбени згради.„Путин веќе не може ни ‘ура’ јасно да изговори, само нешто мрмори и неразбирливо зборува, а сепак со ракети уништува станбени згради. Лансираше три руски ракети врз водоснабдителен објект. Запали пазар. Оштети десетици станбени згради. Погоди неколку обични училишта. Го лансираше својот ‘Орешник’ кон Била Церква. Навистина полудеа“, изјави Зеленски.Со овие зборови Зеленски се осврна на снимка од Путин која се прошири на социјалните мрежи, а која Кремљ набрзо ја избришал. На неа се гледа како Путин не успева правилно да го изговори зборот „ура“.„Ура“ е традиционален воен извик што во Русија се користи при напади, паради и прослави на победи.Зеленски нагласи дека е од клучно значење да продолжат напорите Украина да добие системи за противвоздушна одбрана, особено оние што можат да пресретнуваат балистички ракети.„Да ја имате Русија за сосед значи да живеете под постојана закана. Нашиот народ во Украина ја запира таа закана. Но светот треба јасно да види со кого си има работа. Ова е петта година од целосната војна, а од самиот почеток тоа беше неиспровоцирана терористичка војна на Русија против животот.Правиме апсолутно сѐ што е во наша моќ за да постигнеме мир и да ги заштитиме луѓето. Важно е Украина да не е сама. Потребни се одлуки од САД, Европа и другите, за тој стар ‘Орешник’ во Москва конечно да го изговори зборот ‘мир’“, додаде украинскиот претседател.Според украинското воено воздухопловство, руските сили во текот на ноќта извршиле масовен комбиниран напад, лансирајќи 90 ракети и 600 дронови од различни видови. Меѓу нив имало и балистичка ракета со среден дострел „Орешник“.

Свет | пред 1 седмица

Зеленски за предлогот на Мерц: Тоа е неправедно

Володимир Зеленски оцени дека германскиот предлог Украина привремено да учествува во институциите на Европската Унија без право на глас е „неправеден“.Реакцијата следува по иницијативата на германскиот канцелар Фридрих Мерц за создавање привремено „придружено“ членство за Украина и другите земји кандидати, додека чекаат полноправно приклучување кон ЕУ.Според предлогот, Украина би можела да учествува на состаноци и во работата на европските институции, но без можност за гласање.„Би било неправедно Украина да биде присутна во Европската Унија, а да остане без глас“, напиша Зеленски во писмо испратено до европските лидери.Тој порача дека е време Украина „целосно и суштински“ да се движи кон полноправно членство и нагласи дека земјата „ја брани Европа во целост, а не половично“.Украина доби кандидатски статус за членство во ЕУ во 2022 година, но пристапните преговори се во застој речиси една година, главно поради блокадите од Унгарија и резервите на дел од земјите членки кон проширувањето.

Свет | пред 1 седмица

Зеленски до ЕУ: „Неправда е Украина да нема глас во Унијата“

Украинскиот претседател Володимир Зеленски упати писмо до лидерите на Европската Унија во кое го оцени како неправеден германскиот предлог за Украина да добие само придружно членство без право на глас.Во предлогот на германскиот канцелар Фридрих Мерц се наведува дека Украина би можела да учествува на состаноци на ЕУ без право на глас како преодна фаза кон полноправно членство, што би можело да помогне во напорите за завршување на војната предизвикана од руската инвазија.Во писмото, испратено до претседателот на Европскиот совет Антонио Кошта, претседателката на Европската комисија Урсула фон дер Лајен и кипарскиот претседател Никос Христодулидес, Зеленски оценува дека таквото решение би било неправедно.„Би било неправедно Украина да биде присутна во Европската Унија, но да остане без глас. Време е да се оди напред со членството на Украина на целосен и значаен начин“, навел Зеленски.Тој додал дека неодамнешните политички промени во Унгарија создаваат нова можност за напредок во преговорите за пристапување.Зеленски им се заблагодарил на европските лидери за поддршката за време на војната и истакнал дека Украина претставува бедем против руската агресија за целата Европска Унија.„Ја браниме Европа целосно, а не делумно. Украина заслужува праведен пристап и еднакви права во Европа“, порачал украинскиот претседател.

Свет | пред 1 седмица

Киев очекува одговор од Вашингтон за продолжување на мировниот процес

Украинскиот претседател Володимир Зеленски изјави дека до крајот на неделата би можело да има нови информации за „подготвеноста“ на САД да останат посредник во мировните преговори меѓу Украина и Русија.„Разговаравме со нашите европски партнери – Британија, Франција, Германија, во форматот Е3. До крајот на неделата може да има нови информации за подготвеноста на Американците. И, секако, многу зависи од развојот на ситуацијата со Иран. Америка е фокусирана на тоа. Правиме сè за да ја интензивираме дипломатијата кон крај на војната. Тоа е наш прв приоритет“, изјави Зеленски во видеообраќање, пренесува Укринформ.Тој нагласи дека Украина постојано инсистира Европа да биде дел од преговарачкиот процес и додаде дека европскиот глас сигурно ќе биде земен предвид.„Прашањето е како заедно ќе ја доведеме ситуацијата до мир кој ќе биде сигурен и достоинствен. Мора сега да направиме сè за да ја засилиме дипломатијата. Очекувам и одговор од американската страна за можните формати и распоредот на средбите“, истакна Зеленски.Претходно денеска, американскиот државен секретар Марко Рубио изјави дека преговорите за завршување на руската војна против Украина, во кои е вклучен Вашингтон, се во застој поради недостиг на напредок, но додаде дека САД се подготвени повторно да се приклучат доколку постојат реални шанси за резултат.

Свет | пред 1 седмица

Зеленски по повлекувањето на САД од мировните преговори: Дипломатските напори мора да се засилат

Володимир Зеленски изјави дека дипломатските напори за завршување на војната во Украина повторно треба да се интензивираат, по разговорите со лидерите на Велика Британија, Франција и Германија.Во своето вечерно обраќање, украинскиот претседател посочи дека очекува предлози од САД за нови формати на дипломатија, нагласувајќи дека состојбата на фронтот е поволна за Украина.Тој додаде дека украинските сили во текот на 2026 година ослободиле 590 квадратни километри територија.Претходно, Марко Рубио изјави дека преговорите за ставање крај на војната, во кои посредува Вашингтон, се прекинати поради недостиг на напредок, но дека САД се подготвени повторно да се вклучат доколку се појави можност за конкретен резултат.„Се вклучивме затоа што ни беше кажано дека сме единствените што можат да го направат тоа. Единствените со кои и Русите и Украинците ќе разговараат“, изјави Рубио на состанокот на министрите за надворешни работи на НАТО во Шведска.Тој призна дека досегашните разговори не донеле резултати.

Свет | пред 1 седмица

Путин ја обвини Украина за напад врз училиште: Најмалку шестмина загинати

Рускиот претседател Владимир Путин ја обвини Украина за „терористички напад“ откако во ноќен напад со дрон врз ученички дом во Луганската област загинаа најмалку шест лица, а 39 беа повредени, пренесува Sky News.Според Путин, уште 15 лица се водат како исчезнати по нападот врз домот на Педагошкиот факултет во Старобилск, во регион кој е под руска контрола.Тој ја обвини Украина за намерно гаѓање цивили и соопшти дека побарал од руското Министерство за одбрана предлози за одмазда.Руските власти објавија фотографии и видеоснимки од местото на нападот, на кои се гледаат спасувачи како извлекуваат луѓе од урнатините, како и сериозно оштетени згради и пожари.Украинските власти засега не се огласија за нападот.Руската комесарка за човекови права, Јана Лантратова, изјави дека во домот престојувале 86 тинејџери на возраст од 14 до 18 години во моментот на нападот.Највисокиот руски функционер во Луганск, Леонид Пасечник, соопшти дека две лица биле извлечени живи од урнатините, додека спасувачките екипи продолжуваат со потрагата по затрупани деца.Портпаролот на Кремљ, Дмитриј Песков, изјави дека одговорните мора да бидат изведени пред лицето на правдата.И Русија и Украина во повеќе наврати негираа дека намерно гаѓаат цивили во текот на војната.

Свет | пред 1 седмица

Рубио: Мировните преговори за Украина се во застој

Американскиот државен секретар Марко Рубио изјави дека мировните преговори за завршување на војната во Украина во моментов се во застој, иако САД остануваат подготвени да помогнат доколку се создадат услови за напредок.Говорејќи на маргините на состанокот на министрите за надворешни работи на НАТО во Шведска, Рубио рече дека Вашингтон директно се вклучил во дипломатските напори затоа што и Москва и Киев сметале дека САД се единствениот можен посредник.„Се вклучивме затоа што ни беше кажано дека сме единствените што можат да го направат тоа. Бевме единствените со кои Русите и Украинците беа подготвени да разговараат. За жал, разговорите не дадоа резултат“, изјави Рубио.Тој додаде дека администрацијата на американскиот претседател Доналд Трамп и натаму е подготвена да посредува доколку се појави можност за „конструктивни и продуктивни“ разговори.Рубио оцени дека војната најверојатно нема да заврши со класична воена победа ниту за Русија ниту за Украина.„Овој конфликт нема да заврши со воена победа за ниту една страна, барем не според традиционалната дефиниција. Затоа ќе мора да се дојде до договорено решение“, рече тој.Американскиот државен секретар истакна и дека поддршката на САД за Украина останува непроменета, но нагласи дека Вашингтон нема интерес за „бесконечен циклус состаноци што не водат никаде“.

Свет | пред 1 седмица

Унгарија и Украина отвораат ново поглавје по заминувањето на Орбан

Министерствата за надворешни работи на Унгарија и Украина започнаа технички консултации со цел решавање на спорните прашања во билатералните односи, соопшти унгарскиот премиер Петер Маѓар.Тој изјави дека со доаѓањето на владата предводена од партијата Тиса се отвора можност за „ново поглавје“ во односите меѓу двете земји.Претходниот премиер Виктор Орбан често ја критикуваше Украина, обвинувајќи ја дека не ги почитува правата на унгарското малцинство.Според унгарските податоци, во регионот Закарпатје, во западна Украина, живеат до 100.000 етнички Унгарци.Маѓар изјави дека подобрувањето на нивниот статус, вклучително и образованието на унгарски јазик, е неопходен услов Будимпешта да даде согласност за отворање на првото поглавје во пристапните преговори на Украина со Европската Унија.Тој додаде дека, доколку се постигне договор, е подготвен да се сретне со Володимир Зеленски во Закарпатје на почетокот на јули.

Свет | пред 2 седмици

Зеленски предупредува: Русија подготвува пет сценарија за проширување на војната

Володимир Зеленски предупреди дека Русија подготвува пет можни сценарија за проширување на војната на северот на Украина и планира мобилизација на дополнителни 100.000 војници.Според Зеленски, украинските разузнавачки служби анализираат можни правци на руска офанзива, со посебен фокус на правецот Чернихив–Киев.Тој изјави дека Украина подготвува одговор за секој можен потег на Москва и најави проширување на нападите со беспилотни летала со долг дострел врз руска територија.„Украина дефинитивно ќе се брани“, порача Зеленски по состанокот на воениот штаб.Во меѓувреме, Белорусија започна заеднички воени вежби со Русија, кои вклучуваат употреба на тактичко нуклеарно оружје.Од белоруското Министерство за одбрана соопштија дека вежбите имаат цел да ја подобрат подготвеноста на силите за користење „современи средства за уништување“.Зеленски претходно предупреди дека Москва се обидува подлабоко да ја вовлече Белорусија во војната, а потенцијално и во идни операции против земји членки на НАТО.

Свет | пред 2 седмици

Украинските напади ја погодија руската нафтена индустрија, тврди Зеленски

Украинскиот претседател Володимир Зеленски денеска изјави дека руските нафтени капацитети се значително погодени од украинските далекусежни напади и санкциите.Според Зеленски, Русија била принудена да го намали бројот на активни нафтени извори и капацитетите за преработка на нафта.„Поради специфичностите на руското производство на нафта, ова се сериозни загуби, бидејќи повторното активирање на нафтените извори во Русија е многу потешко отколку во другите земји производители“, изјави Зеленски.Тој тврди дека само една руска нафтена компанија затворила околу 400 нафтени извори, иако не станува збор за најголемата компанија во секторот.Украинскиот претседател додаде дека руската преработка на нафта паднала за најмалку 10 проценти во првите месеци од годинава.Зеленски предупреди и на, како што наведе, знаци на растечка банкарска криза во Русија и зголемен дефицит на федералниот буџет.Според него, дефицитот на рускиот буџет до мај достигнал речиси 80 милијарди долари, додека многу регионални буџети се соочуваат со ризик од банкрот.Тој исто така обвини дека Русија се обидува да извезува жито од анектираниот Крим и да привлече инвестиции и технологии од западни земји во арктичките нафтени и гасни проекти.

Свет | пред 2 седмици

Зеленски: Русија сака подлабоко да ја вовлече Белорусија во војната

Украинскиот претседател Володимир Зеленски изјави дека Русија продолжува со обидите подлабоко да ја вовлече Белорусија во војната и најави дека украинските сили подготвуваат план за одговор.Одлуката била донесена по состанок со воениот врв, разузнавачките служби и Службата за безбедност на Украина, објави Зеленски на мрежата Икс.„Забележавме нови контакти меѓу Русите и Александар Лукашенко со цел да го убедат да се приклучи на нови руски агресивни операции“, изјави Зеленски.Според него, Москва разгледува можни операции јужно и северно од белоруската територија, односно во правец на Чернихив и Киев, или директно против некоја членка на НАТО од белоруска територија.Зеленски нагласи дека Украина располага со информации за содржината на разговорите и порача дека ќе реагира доколку Лукашенко одлучи да ги поддржи руските планови.„Им наредив на нашите одбранбени и безбедносни сили да го засилат тој правец и да подготват план за одговор, кој ќе биде разгледан и одобрен на седница на Генералштабот“, додаде украинскиот претседател.Тој потсети дека уште на почетокот на мај Украина регистрирала „многу специфични активности“ во Белорусија во близина на украинската граница.„Сè внимателно следиме и, доколку биде потребно, ќе одговориме. Украина е подготвена да го брани својот народ и својот суверенитет“, порача Зеленски.

Свет | пред 2 седмици

Додик: Очекуваме Путин да дојде на осветувањето на руско-српската катедрала

Милорад Додик во интервју за руската државна агенција ТАСС изјави дека очекува рускиот претседател Владимир Путин да присуствува на осветувањето на руско-српската катедрала во Бања Лука.„Очекуваме доаѓање на Владимир Путин“, рече Додик, додавајќи дека градежните работи на храмот се речиси завршени.Тој наведе дека катедралата е изградена според проект на храм кој некогаш бил дел од Кремљ и дека проектот го изработила Руската православна црква.Според Додик, комплексот ќе опфаќа и простор од 6.000 квадратни метри за одржување руско-српски настани.Во интервјуто, Додик упати и остри критики кон Германија, Европа и Украина, обвинувајќи го Берлин дека поддржува „нацистичка идеологија во Украина“.Тој исто така тврдеше дека оружје од Република Српска не завршило во Украина и дека српските претставници не би дале согласност за такви испораки.Додик ја опиша Европа како „олицетворение на лагата“ и порача дека „Русите и Србите ја чуваат својата традиција и култура“.

Свет | пред 3 седмици

Зеленски побара од Трамп да ја отвори темата за Украина пред Си Џинпинг

Володимир Зеленски денеска го повика американскиот претседател Доналд Трамп да го отвори прашањето за завршување на руската инвазија врз Украина за време на средбата со кинескиот лидер Си Џинпинг.„Во постојан контакт сме со нашите американски партнери. Им благодариме и се надеваме дека прашањето за војната што Русија ја води против Украина ќе биде споменато кога претседателот на САД ќе биде во Кина“, изјави Зеленски на самитот на земјите од Централна Европа во Романија.Според „Ројтерс“, војната на Блискиот Исток дополнително ја оттурна украинската криза во втор план, а дипломатските напори за прекин на конфликтот остануваат во застој.Трамп вчера пристигна во Пекинг, што е прва посета на американски претседател на Кина во последната деценија.На самитот во Букурешт, Зеленски разговарал и за одбранбената соработка, особено во делот на дроновите, најавувајќи испраќање украински експерти во Латвија за помош во заштитата на воздушниот простор.

Свет | пред 3 седмици

Што се случува со крајот на војната во Украина?

Кремљ денеска порача дека Украина мора да ги повлече своите сили од Донбас и од териториите што Москва ги смета за дел од Русија, пред да може да има сериозни мировни преговори.Портпаролот на Кремљ, Дмитриј Песков, изјави дека украинскиот претседател Володимир Зеленски треба да нареди повлекување на украинските сили за да се „отвори коридор“ кон мировни преговори.„Војната може да запре во секој момент“, изјави Песков, доколку Киев ги прифати руските барања.Русија подолго време бара Украина да се откаже од окупираните делови на Доњецк, Луганск, Запорожје и Херсон, што Киев категорично го одбива.Во меѓувреме, американскиот претседател Доналд Трамп изјави дека нема никаков договор со Владимир Путин според кој Русија би го добила целиот Донбас како дел од евентуален мировен договор.„Не“, кусо одговори Трамп на прашањето дали постои такво разбирање со Путин.Тој сепак оцени дека војната се приближува кон крајот и додаде дека, доколку биде потребно, би отпатувал и во Русија за да помогне во постигнување договор.Рускиот министер за надворешни работи Сергеј Лавров изјави дека, и покрај позитивните сигнали од Вашингтон, во реалноста нема вистински напредок ниту во односите меѓу САД и Русија, ниту во мировниот процес.

Свет | пред 3 седмици