Обилните врнежи направија големи проблеми: Одрони, поплавени подруми и засилени интервенции на терен

Обилните врнежи во изминатото деноноќие предизвикаа повеќе интервенции низ државата, соопштија од Центарот за управување со кризи (ЦУК). Како што информираат од ЦУК, екипите на регионалните центри биле активни на повеќе критични локации, каде се работело на расчистување, обезбедување терен и следење на водотеците.Од ЦУК објаснуваат дека на подрачјето на Битола биле ангажирани јавните претпријатија и водостопанските компании, кои со механизација ги отстранувале наносите и ги зајакнувале насипите на повеќе делови од речните корита. Поради ерозијата на коловозот кон Пелистер и кај село Цапари, бил предложен привремен прекин на сообраќајот на стариот пат Р-106 и негово пренасочување по трасата А-3.Во Охрид и Кичево водостоите се зголемени, но без излевања, велат од ЦУК. Најризична точка била кичевската улица Прилепска, каде било побарано општинско интервенирање. Во Охрид, пак, екипите реагирале по пријава за поплавени подруми во населбата Железничка — проблем предизвикан од диво ископани канали кои го пренасочиле текот на водата.Според информациите на ЦУК, во Кумановско реката Пчиња накратко излегла од коритото кај Пелинце – Стрновац, но без евидентирана штета. Во тек е расчистување на мостовите во Коинце и Пелинце од дрвја и отпад, а засега не е утврдена опасност по нивната стабилност.На регионалниот пат Македонски Брод – Скопје, преку НП „Јасен“, голем одрон го блокирал сообраќајот. Како што информираат од ЦУК, трасата е расчистена по една лента, а екипите продолжуваат со обезбедување на патниот правец.Од Центарот наведуваат дека сите регионални тимови остануваат на терен и дека состојбата се следи континуирано, со подготвеност за брза реакција во случај на нови промени во водостоите или дополнителни активирања на земјиштето.

Македонија | пред 1 месец

Хаос со ваучерите: Постдипломци добиле ваучери за лаптоп, иако не им следуваат

Откако Скопје1 објави информации и преписки на социјалните медиуми дека студенти ваучерите за набавка на електронски уред ги продавале за кеш понизок од вредноста на ваучерот, нашата редакција дојде до уште една информација за изигрување на законот.И постдипломци, односно студенти запишани на мастер студии успеале да се пријават за ваучерот од 250 евра и да го добијат, иако тие не ги исполнуваат законските услови да бидат запишани на прв циклус од студиите.Според правилата, државните пари може да ги добие секој студент на прв циклус студии што не е постар од 29 години, без разлика дали е запишан вонредно или редовно.Ваучерот може да го искористи до крајот на годината во точно наведени продавници за електроника.

Македонија | пред 1 месец

Трамп попушти и даде зелено светло за отворање на досиејата на Епстајн

Под силен притисок на јавноста Доналд Трамп стави потпис на новиот закон со кој Министерството за правда на САД се обврзува да ги објави сите досиеја и документи поврзани со покојниот финансиер Џефри Епстајн, кој беше обвинет за трговија со малолетни девојки и сексуална злоупотреба.Трамп на социјалните мрежи објави дека ја одобрил мерката иако претходно се обидуваше да ја блокира иницијативата.Со новиот закон, јавноста треба ќе добие увид во записниците од летови, патните записи, договорите за имунитет, како и интерните комуникации во Министерството за правда. Ќе бидат објавени и сите документи поврзани со смртта на Епстајн во затвор во 2019 година, која официјално беше прогласена за самоубиство.Претставничкиот дом гласаше со 427 гласа „за“ и само еден „против“, додека Сенатот го одобри едногласно.Овој потег доаѓа само две недели по поразите на Републиканската партија на локалните и државните избори, што дополнително го зголеми притисокот врз Трамп.

Свет | пред 1 месец

Дијана Хрка повикува голема блокада во Белград: „Ако сакаме правда – мора да застанеме рамо до рамо“

Мајката на Стефан, момчето кое го загуби животот при уривањето на надстрешницата на железничката станица во Нови Сад, Дијана Хрка – која 17 дена штрајкуваше со глад пред Собранието на Србија – сега упатува нов, овојпат многу поостар повик до јавноста.Откако го прекина штрајкот, Хрка останува во протестниот шатор, за кој вели дека „ѝ станал втор дом“, и порача дека нема намера да се повлече додека не види вистинска политичка и институционална одговорност за трагедијата.Охрабрена од одлуката на превозникот Миломир Јаќимовиќ и неговиот син да го прекинат гладниот штрајк, таа јавно го поддржа нивниот предлог за блокада на Белград – повикувајќи ги граѓаните на Нови Сад да излезат и активно да се приклучат.„Верувам дека заедно можеме да направиме многу повеќе отколку секој поединечно. Време е сите групи да седнеме под ист шатор и да се договориме како продолжуваме“, порача Хрка на прес-конференција, додавајќи дека вечерва ќе следуваат разговори за координација на наредните чекори.Како можен прв потег го спомена и 48-часовниот прекин на сообраќајот, но подвлече дека одлуката мора да биде заедничка и јасно усогласена.Хрка повтори дека нејзината борба одамна излегла надвор од рамките на личната трагедија. Сака, како што рече, да ги охрабри граѓаните да се спротивстават на „злото што го гледаме во институциите и во атмосферата во општеството“ – и да покажат дека солидарноста може да стане сила што ќе донесе промени.

Свет | пред 1 месец

Кој ќе го преземе санкционираниот „Лукоил“? Американските „Ексон“, „Шеврон“ и „Карлајл“ влегоа во трката

Сѐ поголем број американски корпорации се позиционираат за можност да купат делови од глобалните операции на руската „Лукоил“, откако Министерството за финансии на САД даде зелено светло за започнување преговори до 13 декември.Прво, „Ексон Мобил“ ги разгледува своите опции во Казахстан, каде што заедно со „Шеврон“ веќе има долгорочни удели во нафтените полиња Карачаганак и Тенгиз. Според изворите, „Ексон“ ја анализира и можноста да влезе со понуда за ирачкото нафтено поле „Западна Курна 2“, најзначајниот странски имот што го управува „Лукоил“. Американската компанија до минатата година беше оператор на соседниот проект „Западна Курна 1“, што дополнително ја зголемува нејзината стратешка заинтересираност.Паралелно, „Шеврон“ — исто така партнер во казахстанските полиња — води сопствени внатрешни анализи дали би влегол во трка за преземање на одредени сегменти од имотот на рускиот гигант.Во игра е и инвестициската куќа „Карлајл“, која, според информациите, веќе истражува сценарија за купување на дел од странските средства на „Лукоил“.Интересот расте бидејќи компанијата има широко распослан меѓународен портфолио: три рафинерии во Европа, удели во нафтени полиња во Азија, Блискиот Исток, Африка и Латинска Америка, како и стотици бензински станици ширум светот — вклучително и на американскиот пазар. Според податоците за 2024 година, странскиот дел од нејзиното производство изнесува околу 0,5% од глобалната понуда на нафта.„Ексон Мобил“ засега не дава официјален коментар, но сигналите од индустријата упатуваат дека трката за преземање на средствата на „Лукоил“ токму што започнува.

Свет | пред 1 месец

Многу дожд, но високи температури, во Скопје до 17 степени: Снег се очекува од понеделник на повисоките места

Според метеоролозите најмногу дожд вчера наврнало во Претор и Крушево 16 литри на метар квадратен, 12 литри во Маврови Анови, 10 во Берово, 9 во Прилеп, осум во Пожаране, седум во Тополчани и Струмица, шест во Виница и Попова Шапка, пет во Лазарополе и Штип, четири кај Зајчев Рид и Тетово, три литри во Гевгелија, Демир Капија, Крива Паланка и Битола, два во Велес и еден литар во Кавадарци.За денеска најавуваат дека времето ќе биде променливо облачно, претпладне и кон крајот на денот со повремен локален дожд. Ќе дува умерен до засилен ветер од претежно од јужен правец. Минималната температура ќе биде во интервал од 7 до 11, а максималната ќе достигне од 15 до 19 степени.Во Скопје, наутро во делови од котлината ќе има услови за појава на магла. Во текот на денот времето ќе биде претежно облачно со повремени врнежи од дожд со послаб интензитет. Ќе дува умерен југоисточен ветер. Минималната температура ќе се спушти до 8, а максималната ќе достигне до 17 степени.Под влијание на циклонска активност ќе продолжи периодот на променливо облачно време со локални врнежи од дожд. В петок и во деновите од викендот повторно се очекуваат пообилни врнежи од дожд, над 30 литри на метар квадратен за 24 часа, локално во форма на невреме со засилен ветер и услови за појава на грмежи.Од недела утринските и дневните температури значително ќе опаднат, а на повисоките планини врнежите од дожд ќе преминат во врнежи од слаб снег.

Македонија | пред 1 месец

Мамдани и Трамп на средба во Белата куќа: Што ќе се очекува од првиот состанок?

Новоизбраниот градоначалник на Њујорк, Зохран Мамдани, во петок ќе замине во Белата куќа на првата официјална средба со американскиот претседател Доналд Трамп. Состанокот, кој го потврди и самиот Трамп преку својата платформа „Truth Social“, доаѓа само неколку недели по изборите што го свртеа вниманието на целата американска јавност.Трамп, кој пред изборите се закануваше дека ќе ги замрзне федералните средства за Њујорк доколку Мамдани победи, сега објави дека го прифатил барањето за средба. Во свој стил, претседателот повторно го нарече Мамдани „Кваме“, додавајќи дека состанокот ќе се одржи во Овалната соба на 21 ноември.Од тимот на новиот градоначалник нагласуваат дека станува збор за вообичаен чекор во транзицијата на власта. Според портпаролката Дора Пекец, Мамдани ќе ја претстави својата агенда за јавна безбедност, економска сигурност и полесен пристап до основни услуги — теми за кои, како што истакна, гласале повеќе од еден милион жители на Њујорк.Мамдани, кој од политичка сензација прерасна во најмлад градоначалник на Њујорк по убедливата победа над Ендру Куомо, вели дека средбата со Трамп ја гледа како можност да се зборува отворено за реалните проблеми на жителите.Во гостувањето на „All in with Chris Hayes“ тој истакна дека сака да разговара за растечките трошоци за живот — од кириите и сметките за енергија до грижата за деца и јавниот превоз. Според него, економскиот притисок врз граѓаните бил една од причините зошто дел од гласачите се свртеле кон Трамп.Дали средбата во Вашингтон ќе донесе подобра соработка меѓу федералната влада и најголемиот американски град, останува да се види — но очекувањата за отворен и напнат разговор се веќе поставени.

Свет | пред 1 месец

Кривични пријави против Рамиз Марко и уште четири лица, се товарат за уривање на спомен куќата на Владо Малески

ОВР Струга поднесе кривична пријава против Н.К.(53) од струшкото село Велешта поради постоење основи на сомнение за сторено кривично дело „оштетување или уништување на добра под привремена заштита или културно наследство или природни реткости”, против В.Н.(62) од Охрид поради постоење основи на сомнение за сторено кривично дело „несовесно работење во службата“, како и против Р.М.(68), Н.Н.(56) и Ѓ.Д.(59), сите од Струга, поради постоење основи на сомнение за сторено кривично дело „злоупотреба на службена положба и овластување”.На 15.10.2025 како инвеститор, спротивно на решението за издавање заштитно конзерваторски услови, првопријавениот на катарстарска парцела во Струга со градежна механизација срушил стара струшка куќа и при правење ископ ги поткопал темелите од јужниот ѕид на соседната спомен куќа-музеј на Владо Малески, која од 2017 година претставува споменик заштитен како значајно културно наследство. Второпријавената, во својство на архитект – конзерватор во националната установа „Завод за заштита на спомениците на културата и музеј Охрид“, на основниот проект за семејна куќа втиснала службен печат и ставила потпис и одобрила мислење за усогласеност со идеен проект со што свесно постапила спротивно на Законот за заштита на културното наследство, спротивно на планот за управување со Светското природно и културно наследство на Охридскиот регион и спротивно на решението за издавање на заштитно конзерваторски услови, издадено од Министерство за култура – Управата за заштита на културно наследство.Третопријавениот, во својство на градоначалник на Струга, искористувајќи ја својата службена положба и пречекорувајќи ги овластувањата, спротивно на актите од Националната установа Завод за заштита на спомениците на културата и Музеј – Охрид и решението од Управата за културно наследство, потпишал одобрение за градење на семејната куќа од првопријавениот. Четвртопријавениот, како раководител на Одделението за урбанизам во општина Струга, со пречекорување на службената положба го изготвил одобрението за градење, а го одобрил петтопријавениот како помошник раководител на Сектор за урбанизам, комунални дејности, сообраќај и заштита на животна средина во општина Струга.

Македонија | пред 1 месец

Продажбата на BYD во Европа нагло порасна, компанијата најави силна експанзија

Кинескиот производител на електрични и хибридни возила BYD планира значително да ја прошири својата продажна мрежа во Европа до крајот на 2026 година, изјави директорката за европскиот пазар Марија Грација Давино.„До крајот на 2025 година ќе имаме 1.000 продажни пунктови во Европа, а следната година тој број ќе го удвоиме“, рече Давино во понеделникот.Таа истакна дека BYD мора да ја засили својата присутност и да им се приближи на европските купувачи: „Во согласност со успешните конкуренти, мора да ја зајакнеме нашата позиција на пазарот“, додаде директорката, која го води работењето на компанијата во германското говорно подрачје, Источна Европа и Скандинавија.Давино потсети дека BYD веќе има долгорочна стратегија за локализација во Европа и дека е присутен во 29 држави.Фабрики во Унгарија и Турција, Шпанија кандидат за трет погон„Ширењето на зрело пазариште како Европа е исклучително важен проект кој бара знаење, посветеност, инвестиции и ресурси“, нагласи Давино.BYD планира европските модели да ги произведува во Унгарија, каде што веќе се гради фабрика во Сегед која треба да започне со работа до крајот на годината.Компанијата има план и за фабрика во Турција, а според извори од октомври, Шпанија е водечки кандидат за локација на трет погон поради релативно ниските трошоци за производство и развиената зелена енергетска мрежа.Во Турција, производството треба да почне во 2026 година, со капацитет од околу 500.000 возила годишно.BYD размислува и за производство на батерии во ЕвропаБидејќи BYD сака да произведува повеќе електрични автомобили за европскиот пазар, во план е и локално производство на батерии, изјави специјалниот советник на BYD, Алфредо Алтавила.На прашањето дали компанијата размислува за градење уште фабрики во Европа, Алтавила посочи дека логично е батериите да се произведуваат локално: „Нема смисла да вложуваме во склопување автомобили во Европа, а батериите да ги увезуваме од Кина“, рече тој на автомобилска конференција во Милано.Компанијата сè уште одлучува дали приоритет ќе биде трет погон за автомобили или фабрика за батерии, бидејќи фокусот моментално е на стартувањето на производството во Унгарија.Продажбата во Европа повеќекратно зголеменаBYD разгледува можни инвестиции во сите европски земји и води разговори со владите, истакна Алтавила.„Изборот на локација го определуваат многу фактори, меѓу кои трошокот за енергија е пресуден, бидејќи и фабриките за автомобили и оние за батерии трошат огромни количини енергија“, објасни тој.Од јануари до септември BYD продал 80.807 возила во Европа – повеќе од тројно зголемување во споредба со истиот период минатата година, откако покрај електричните модели, на европскиот пазар ги вклучи и хибридите.

Свет | пред 1 месец

Конечно се знае зошто камионџиите чуваат тоалетна хартија пред ветробранското стакло

Сигурно сте забележале дека во кабините на камионите, покрај шофершајбната, често стојат ролни тоалетна хартија. Причината за тоа е многу практична.Возачите кои патуваат на долги релации минуваат многу часови во кабината, што доведува до силно замаглување на стаклата. Загревањето на внатрешноста преку ден и наглото ладење навечер го зголемуваат создавањето кондензација. Поради тоа, многумина бараат едноставни решенија, бидејќи подготовките и средствата за одмаглување често одземаат време.Практично решение – тоалетна хартијаВо вакви ситуации, може да помогне метод кој стана многу популарен на социјалните мрежи.Разликата во температурите предизвикува зголемена кондензација и замаглување. Тоалетната хартија ја впива влагата и го намалува замаглувањето на стаклото.Загреаната внатрешност преку ден, а потоа брзото ноќно ладење доведуваат до создавање густа водена пареа на стаклените површини. Оваа влага, во комбинација со зголемената концентрација на јаглерод диоксид во кабината, може значително да ја намали видливоста. Во студено време, пареата дури може и да замрзне и да создаде слој мраз, што уште повеќе ја загрозува безбедноста.Во минатото, возачите мораа рано наутро да ги вклучат греачите на стаклата за да ги исчистат, што одземаше време и го одложуваше поаѓањето.Тоалетната хартија ја апсорбира влагатаПоставена на таблата, тоалетната хартија го впива вишокот влага што преку ноќ се таложи на стаклото. Така се намалува создавањето пареа и видливоста е значително подобрена уште пред почетокот на утринската возење. Бидејќи ролна се суши релативно бавно кога е вклучено греењето, може да се користи повеќе пати.Овој метод се издвојува затоа што го намалува замаглувањето без потреба од дополнителна опрема. Поради својата едноставност и ниска цена, брзо стана омилен меѓу возачите на долги релации, обезбедувајќи побезбедна и покомфорна вожња во студените месеци.

Магазин | пред 1 месец

Ќе има ДДВ за пратките од „Тему“ и „АлиЕкспрес“, ама граѓаните нема да плаќаат повеќе

Ќе се воведе ДДВ на сите онлајн-пратки, но без дополнителен трошок за граѓаните. Ова е клучната порака по денешното изгласување на измените и дополнувањата на Законот за ДДВ во Собранието, со кои се укинува досегашното ослободување за пратки со вредност до 22 евра.Од Министерството за финансии објаснуваат дека граѓаните нема да плаќаат поскапо, бидејќи – како што нагласуваат – трошокот за пресметка и наплата на ДДВ не паѓа врз крајните потрошувачи. Тоа значи дека цените на пратките за купувачите треба да останат исти.Целта на измените, велат од Министерството, е зајакнување на домашната економија и пренасочување дел од прометот од странските платформи кон локалните компании.„Со укинувањето на ослободувањето, околу 4 милиони денари месечно – колку што во одредени периоди завршуваат кај странските онлајн-платформи – ќе се вратат во домашното стопанство,“ соопштуваат од институцијата.Од Министерството дополнително наведуваат дека мерката треба да донесе поголема конкурентност за локалните бизниси и отворање нови работни места.

Македонија | пред 1 месец

Филипче: Нема никаков договор со ВМРО-ДПМНЕ, не се договара со луѓе што прашуваат колку чинат животите од Кочани

Претседателот на Социјалдемократскиот сојуз на Македонија, д-р Венко Филипче, во одговор на новинарско прашање категорично ги демантираше шпекулациите за каков било таен  договор меѓу СДСМ и ВМРО-ДПМНЕ. Во одговорот, тој потенцираше дека е апсолутно невозможно да постои договор со политичари кои поставуваат прашања „колку чинат животите на децата во Кочани“ .„Јасно демантирам - нема било каков скриен, таен, полутаен договор за било што со ВМРО-ДПМНЕ. Не може да се има договор што со луѓе кои што прашуваат колку чинат животите на децата во Кочани. Не може да има договор со луѓе кои што кажуваат дека сега не е време за реформи, било време на војни. Не може да има договор со луѓе кои што оставија 10.000 семејства во земјоделството без приходи заради корупција. Не може да се  има договор со луѓе кои што ништо не прават во образованието, ги оставија наставниците без зголемени приходи, нема раст на платите. Не може да има договор со луѓе кои ништо не прават во здравството, освен што неколку луѓе мешетараат од клиники и договараат тендери и договорени спецификации“, рече Филипче.Тој додаде дека не може да се има договор со луѓе кои што ја оставија државата на периферија на Европа, додека Албанија, Црна Гора ќе станат земји членки на Европска Унија. При тоа, Филипче порача дека ВМРО-ДПМНЕ треба да се занимава со решавање на проблемите на државата и граѓаните, а не со СДСМ.„Не знам зошто тие се занимаваат со СДСМ. ВМРО-ДПМНЕ треба да се занимава со ВМРО-ДПМНЕ, ама пред се со проблемите на граѓаните, кои што силно им тежат на грбот, а не се ни обидуваат да ги решат“, рече претседателот на СДСМ, Венко Филипче.

Медиасет | пред 1 месец

Скандал во косовскиот парламент, заседава без кворум и без опозиција

Состојбата во Парламентот на привремените институции на Косово не се смирува. Само пратениците од движењето Самоопределување се во салата и држат седница која е свикана на нивно барање со цел да се формираат парламентарни одбори и да се разгледа буџетот за 2026 година, како и буџетите за општините Приштина, Гњилане и Зубин Поток.Претседателот на парламентот, Дималj Баsа, и покрај немањето кворум повика на формирање парламентарни комисии задолжени за ратификација на меѓународни договори и за исплата на платите на вработените во јавниот сервис РТК.Препарим Груда, единствениот присутен од Демократската партија на Косово изјави дека седницата е неуставна, дека нема кворум и дека прво требало да се формира Влада па дури потоа да се расправа за комисии.Косовски институт за правда оцени дека вонредната седница на Собранието го загрозува уставниот и правниот поредок.Закажана е за денеска и нова седница на која треба да се разгледа изборот на новата влада на кандидатот Гљаук Коњуфца од Самоопределување. Рокот за ова истекува денес.На оваа седница присуство најавија сите партии, но најголемиот дел од нив веќе кажаа дека нема да гласаат за предложената влада и дека се залагаат за нови вонредни парламентарни избори.Српска листа поднесе жалба за конституирањето на новиот парламентарен состав, бидејќи нивниот кандидат не бил избран за потпретседател. На 26 октомври, кандидатот на Самоопределување, Албин Курти, не доби мнозинство за состав на влада.Според уставот на привремените институции, ако владата не биде избрана и во вториот обид, с

Свет | пред 1 месец

(Видео) Филипче: Судењето за Кочани е тест за целото општество, мора да се води кристално чисто

Претседателот на Социјалдемократскиот сојуз на Македонија, Венко Филипче, на денешната прес-конференција, нагласи дека судењето за трагедијата во Кочани е тест за целото општество и затоа мора да се води транспарентно.„Барам и очекувам процесот да се води отворено, транспарентно, пред очите на целата јавност“, рече Филипче.Тој додаде дека родителите на жртвите заслужуваат да ја знаат вистината и правда мора да има.„Ова им го додолжиме на родителите, ова им го додолжиме на сите граѓани, ова го должиме на целото општество. Ова е еден голем тест за зрелоста во нашето општество“, рече Филипче.На прес-конференцијата Филипче посочи дека СДСМ ќе ги искористи сите демократски механизми да се истражи секој детал од оваа трагедија, и тоа е причината поради која што пратеничката група на СДСМ побара Анкетна комисија во Собранието.

Македонија | пред 1 месец

Родителите на загинатите во Пулс гневни и со болка: Со која совест адвкатите ќе земат крвави пари, се плашиме дека ќе бидеме изманипулирани

На првото судско рочиште за трагичниот пожар во дискотеката Пулс во Кочани, во кој животот го загубија 63 лица владее мачна атмосфера. Родителите и роднини на починатите млади луѓе, со болка и солзи го следат рочиштето.Во нивните души има и многу гнев кон сите, но особено кон газда Деко. Тие бараат правда за да се смират и нивните чеда во вечните почивалишта, а нивната болка велат, е ненадоместлива.За нив доколку се досудат 20 години затворска казна за дел од обвинетите правдата нема да биде задоволена, затоа што ги нема нивните 63 млади деца.Својот гнев и болка ја истурија и врз бранителите и ги прашаа со кое лице и совест ќе се ситат и ќе земаат крвави пари.Кога ги видоа адвокатите прокоментираа дека обвинетите избрале познати адвокати кои имаат свои математики за да ги уништат до крај оштетените.Се гледа стравот кај нив дека повторно ќе бидат изманипулирани, а целиот случај ќе се забошоти, како што се случи со други некои трагедии.Апелираат Министерството за здравство и сите надлежни да преземат мерки и да им помогнат на оние кои преживеаја а се повредени и се опоравуваат.Мајка чие дете го загуби во пожарот на медиумските екипи им понуди подготвено кафе во спомен на нивниот син кој многу сакал кафе.

Македонија | пред 1 месец

(Фото) По обилните дождови се излеа Пчиња: Две возила заглавија кај Стрновац, пожарникарите ги спасија

По силните врнежи што ја зафатија областа, реката Пчиња утрово се излеа и создаде опасни вирови кај селото Стрновац во општина Старо Нагоричане. Автомобил со две лица останал заглавен во надојдената вода, а пожарникарите од општината успеале навреме да ги извлечат.Интервенцијата била изведена околу 07:35 часот, по повик на бројот 112. Територијалната противпожарна единица од Старо Нагоричане реагирала со едно возило и двајца пожарникари, кои безбедно ги спасиле лицата од поплавениот предел.Надлежните апелираат граѓаните да избегнуваат движење по коритото и бреговите на Пчиња додека трае високиот водостој, и секоја опасна ситуација веднаш да ја пријават на 112.Според УХМР, водостојот на реката кај Пелинце утрово достигнал 120 сантиметри – речиси тројно над ноемврискиот просек од 41 сантиметар. Вчера бил само 18 сантиметри, што значи драстичен раст за неполн ден.ЦУК информира дека во текот на ноќта и утрото пристигнале повеќе пријави за свлечишта и одрони вслед обилните дождови, особено на патните правци Дебар – Струга кај Џепчиште и Кичево – Охрид кај местото Извор. Екипите на „Македонија пат“ веднаш биле активирани и работат на расчистување на теренот за да се обезбеди безбеден сообраќај.

Македонија | пред 1 месец

Монструм и парољубец: родителите на загинатите во,, Пулс” со тешки обвинувања за газда Деко

Во судницата во Идризово каде денеска почна судењето за пожарот во дискотеката,,Пулс” на 16 март, кога загинаа 63 лица и повеќе од 200 беа повредени и чие лекување ќе биде макотрпно, присутни се повеќе од 50 родители на загинатите.Родители, роднини и блиски на загинатите од рано утрово дојдоа пред судницата во најголемиот затвор, нетрпеливо чекајќи да почне судењето и барајќи правда за смртта на нивните чеда.Прстот за вина го вперија кон сопственикот на дискотеката Дејан Јованов, познат како газда Деко и кон неговиот син.Родителите кои го чекаа носењето на Јованов од притвор од Куманово, револтирано и со огромна болка го нарекоа монструм и парољубец.

Македонија | пред 1 месец

САД подготвуваат таен мировен план за Украина во 28 точки – наводно усогласен со Русија!

Американскиот портал „Аксиос“ објави дека во Вашингтон интензивно се работи на нов мировен предлог за Украина, кој наводно содржи 28 точки и се подготвува во координација со Русија. Според пишувањето, планот по структура потсетува на претходниот предлог на претседателот Доналд Трамп за прекин на огнот во Газа.Неименувани американски извори тврдат дека документот опфаќа четири столба: „мир во Украина, безбедносни гаранции, безбедност во Европа и идните односи меѓу САД, Русија и Украина“. Нацрт-планот го креира специјалниот претставник Стив Виткоф, кој ги води разговорите со рускиот претставник Кирил Дмитриев и со украинскиот советник за безбедност Рустем Умеров.Според информациите на „Аксиос“, САД веќе почнале дискретно да ги информираат европските партнери за предлогот, кој сè уште не е официјално презентиран. Белата куќа засега не даде коментар за овие наводи.

Свет | пред 1 месец

Судот ги спои постапките за пожарот и за агенцијата „Рубикон“ што ја обезбедувала дискотеката „Пулс“

Основниот кривичен суд Скопје на почетокот на денешното судење за трагедијата во дискотеката „Пулс“ во Кочани, одлучи постапката за овој предмет да се спои со постапката против сопственикот на агенцијата „Рубикон“, која ја обезбедувала дискотеката „Пулс“.Судот во октомври го одобри дополнителниот обвинителен акт поврзан со пожарот против Александар Нацев – реален сопственик и одговорно лице на агенцијата за обезбедување „Рубикон секјурити солушн“ ДООЕЛ Скопје.Според обвинението тој се товари за тешки дела против општата сигурност, поради сериозни пропусти во организацијата и спроведувањето на мерките за заштита во објектот.Според обвинението тој има значаен придонес да дојде до оваа трагедија, бидејќи заедно со други обвинети но и непознати лица, не постапил според прописите и техничките правила за заштита, со што предизвикал опасност за животот и телото на луѓето, како и за имотот од големи размери.На трагичниот 16 март, тројца лиценцирани и еден нелиценциран вработен биле задолжени за обезбедување на објектот, без претходна безбедносна проценка на состобата и настанот, без проверка на сигурносните услови, излези и можности за евакуација. Објектот бил преполн, а не бил изготвен ниту доставен План за обезбедување за настан со поголем број посетители.Насев се товари дека агенцијата не извршила проверка на идентитетот и возраста на посетителите со што слободно влегле и малолетни лица по полноќ, спротивно на законот.Агенцијата не спречила ниту внес на пиротехнички средства, што всушност е директна причина за пожарот.По трагедијата во март, Нацев основал нова агенција за обезбедување во Струмица. Ова за обвинителството е обид да ја продолжи дејноста, формално затскривајќи се зад друго одговорно лице.

Македонија | пред 1 месец

Судијката Груевска: Правдата за ,,Пулс”ќе дојде можеби за 5 месеци, можеби за 5 години

Судијката Диана Груевска Илиевска на почетокот на судењето за катастрофалниот пожар во дискотеката „Пулс“ во Кочани, во кој загинаа 63 лица, на почетокот на судењето нема претстава колку може да трае судскиот процес.Убедена е дека правда ќе има. Бидејќи се работи за сложен судски процес, со многу странки и голем интерес во јавноста, побара дисциплина од вети дека сите ќе имаат можност да ја изнесат својата верзија на случајот и својата одбрана.,,Не можеме да ви гарантираме брзина во судењето, но ќе направиме сѐ, процесот да се одвива непречено. Не знаеме колку ќе трае, можеби 5 месеци или можеби 5 години, рече судијката Диана Груевска Илиевска.Судењето со внимание, но и со огромна болка во судницата го следат 50 на родители на загинатите во пожарот и голем број домашни и странски медиуми.

Македонија | пред 1 месец

Куче држано две години во мал бокс, без вода, само на сув леб и во неисчистен смет – АХВ и „Лајка“ го одзедоа од сопственикот во критична состојба

По поднесена пријава од страна на здружение за заштита на животни, утрово Агенцијата за храна и ветеринарство, во координација и соработка со тимот на ЈП „Лајка", спроведе инспекциска контрола на лице место и пристапи кон итно одземање на куче држано во крајно нехумани и незаконски услови.Согласно сведоштвата на соседите и поднесените докази, повеќе од две години кучето било чувано затворено во мал бокс, без пристап до питка вода, со нерасчистен измет и хрането исклучиво со сув леб. Поради ваквите услови, животното е најдено во тешка и загрижувачка состојба - екстремно изгладнето, занемарено и деформирано до степен да едвај стои на нозе.Инспекциската служба констатираше сериозни нарушувања на одредбите од Законот за заштита и благосостојба на животните, по што беше донесена одлука за итно одземање на животното и негово префрлање на понатамошна ветеринарна и хуманитарна грижа под надзор на ЈП „Лајка".На Агенцијата за храна и ветеринарство им упатуваме благодарност за нивната професионалност, навремена реакција и одлучност во заштита на животните од насилство и занемарување.Овој случај силно нè потсетува дека:Држењето животно во нехумани услови е кривично и прекршочно дело, а не „начин на чување".Сопствениците имаат законска и морална обврска да обезбедат соодветна грижа, храна, вода, простор и здравствена заштита.Занемарувањето е исто толку сериозен облик на насилство колку и физичкото малтретирање.Пријавувањето од страна на граѓаните е клучно за спречување на долготрајна злоупотреба и страдање.Ги охрабруваме граѓаните и понатаму активно да пријавува случаи на злоупотреба и занемарување, со цел обезбедување на навремена и ефективна заштита на животните.

Скопје | пред 1 месец

Судијката Диана Груевска-Илиевска: Нулта толеранција за недисциплина на рочиштата за „Пулс“

Судијката Диана Груевска-Илиевска уште на самиот старт на првото рочиште за случајот „Пулс“ стави јасно до знаење дека процесот ќе се води строго, дисциплинирано и без простор за одложувања. Пред полната судница во КП Идризово таа го претстави составот на судечкиот совет – нејзиниот колега Ахмед Идризи како втор судија и четворица поротници, од кои еден резервен – со цел да нема прекини во постапката.Груевска-Илиевска од почеток предупреди дека ќе има нулта толеранција за нарушување на редот на рочиштата и дека сите учесници мора да се придржуваат до правилата.„Прво што ќе бараме е дисциплина. Прво ќе дадеме опомена, а потоа ќе има отстранување од судница, па и парична казна“, порача судијката, најавувајќи дека секое непотребно одлагање ќе биде санкционирано, а лекарските уверенија ќе се проверуваат детално.Таа истакна дека судот ја разбира болката на семејствата, но постапката мора да се води професионално и без притисок. „Со секоја почит кон болката и тагата на родителите и роднините ќе имаме респект за тоа, но ние сме професионалци и ќе дадеме можност на сите да си ја кажат својата теорија и да понудат докази“, рече Груевска-Илиевска, додавајќи дека судот ќе биде транспарентен.Поради ограничениот простор, судијката упати апел семејствата да се организираат така што по еден нивни претставник да присуствува на рочиштата, за да се овозможат елементарни услови за работа на сите учесници.Таа потенцираше дека никој не може да предвиди колку ќе трае постапката, бидејќи, како што нагласи, „секое брзање може да доведе до грешка и пропаѓање на процесот“.По воведните насоки, почна евидентирањето на присутните. Во судницата се присутни десет обвинители, а трае пописот на обвинетите и нивните адвокати.

Македонија | пред 1 месец

Поранешни министри, градоначалници, директори, инспектори... Нема место во судницата во Идризово, почна судењето за „Пулс“

Полициски комбиња едно по друго пристигнаа во кругот на „Идризово“ додека силно полициско обезбедување ги спроведуваше обвинетите до импровизираната судница. Надвор, на дождливото утро, новинари и фоторепортери стоеја подготвени да го документираат моментот кога почнува најмасовното судење во поновата историја на Македонија.Во судницата – преполна до последно место – беа сместени обвинетите, нивните адвокати, претставници на јавноста и медиумите. Салата е целосно исполнета, со редови до крајот на просторијата, а атмосферата е тензична и внимателна. Се гледаат поранешни министри, градоначалници, директори, инспектори и одговорни лица од фирмите поврзани со ноќниот клуб „Пулс“, сите обвинети за тешки дела против општата сигурност.Вкупно 35 лица и три правни субјекти се товарат за трагедијата што ја потресе земјата – пожарот во кој загинаа 63 млади луѓе, а повеќе од 200 беа повредени. Ако бидат прогласени за виновни, максималната предвидена казна е до 20 години затвор.Паралелно со овој судски процес, во ОЈО за гонење организиран криминал и корупција продолжува посебна истрага за дваесетина полициски службеници за кои се сомнева дека имале улога во пропустите кои довеле до трагичниот исход. Оваа постапка дополнително го засилува интересот на јавноста, која го следи случајот со невидено внимание.Денеска, во КП Идризово, почна процесот што треба да даде одговори – кој, како и зошто дозволил ноќен клуб да работи спротивно на сите безбедносни протоколи и што точно довело до најтешката трагедија во поновата македонска историја.

Македонија | пред 1 месец

ЦУК: Одрони и поплавени објекти во Битолско, екипите на терен

Состојбата во државата по обилните дождови останува стабилна, соопштија од Центарот за управување со кризи (ЦУК), според последните податоци од РЦУК 7/24. Водостоите на водотеците се движат во рамки на нормалата, со благо зголемување, но без сериозни ризици.На повеќе локации се регистрирани одрони и локални поплави, а надлежните служби веднаш интервенирале. На патниот правец Битола – Прилеп, кај селото Лознани, има појава на одрон, а за случувањето се известени битолската полиција и јавното претпријатие задолжено за одржување на патиштата.Голем камен се одронил и на патот Ресен – Охрид, кај селото Буково, а екипите на МВР и патното претпријатие се упатени на терен. Во Битолско се регистрирани и два поплавени објекти – фарма во селото Породин и визба во урбаниот дел на градот.Одрон од околу 15 метри е пријавен и на патниот правец Близанско – Македонски Брод, каде што е известено надлежното јавно претпријатие.Од ЦУК информираат дека сите служби се усогласени и активно работат на расчистување на теренот и следење на состојбата. Директорот на ЦУК, Мухамед Али, уверува дека во моментов нема поголеми ризици за населението и инфраструктурата.

Македонија | пред 1 месец

Исчезнат маж во Скопје, последен контакт со него на Клиника за Онкологија : семејството Милановски бара помош од јавноста

Андреј Милановски објави на својот Фејсбук профил дека неговиот татко е исчезнат и побара помош од јавноста. Тој замоли сите кои ќе го препознаат од фотографијата или располагаат со каква било информација за неговото движење веднаш да му се јават и да го контактираат.„Исчезнат е татко ми, последен контакт со него е на 18/11/2025 во 12:50 на Клиника за Онкологија "Мајка Тереза" после што му се губи секој траг. Во Скопје е отиден со Nissan Qasqhai бела боја со регистарка ознака КУ-8630-АИ. Доколку имате било каква информација ве молам контактирајте ме на 078-577-598, напиша Андреј во објавата.

Скопје | пред 1 месец