Конзулката Фросина Ременски се пофали со средба во Италија и интеграција на Македонците кај нив

Македонската заедница во Пиеве ди Солиго е препознаена како пример за успешна интеграција и активен придонес во економскиот и општествениот живот на локалната средина. Ова било истакнато на средба меѓу конзулката на Македонија во Венеција, Фросина Ременски, и градоначалникот на Пиеве ди Солиго, Стефано Солдан, заедно со претставници на општинската администрација и локалните институции.На состанокот, одржан во мозаичната сала на градското собрание, присуствувале и советници, претставници на Карабинерите, локалната полиција, цивилната заштита, универзитетот за трето доба и повеќе здруженија. Целта на средбата била да се искаже благодарност и поддршка за македонските државјани кои живеат и работат во оваа општина и околните места.Градоначалникот Стефано Солдан ја оценил македонската заедница како „цврста и жива“, нагласувајќи дека македонските граѓани се важна и незаменлива референтна точка во економскиот живот на општината. Според него, тие се препознаени по својата посветеност, труд, солидарност и културна активност.Во разговорите било истакнато значењето на верските заедници и здруженијата во зачувувањето на националниот идентитет, како и важноста од интеграција без губење на корените. Била нагласена и улогата на втората генерација Македонци, кои преку културни и фолклорни активности активно го промовираат македонското наследство во Италија.

Свет | пред 1 месец

Акција во Кавадарци и Велес: Приведени три лица

Полициски службеници од ОВР Кавадарци на 13 февруари 2026 година ги лишиле од слобода 44-годишната Е.Д. и 40-годишниот А.К., двајцата од Кавадарци, откако при преглед кај нив, кај Е.Д. била пронајдена и одземена марихуана.Подоцна, по наредба од Основниот суд Кавадарци, бил извршен претрес во домот на А.К., при што биле пронајдени и одземени жолта грутчеста материја, епрувета со жолта материја, дигитална вага, како и црна грутчеста материја.Истиот ден, во 15:50 часот во Велес, полициски службеници од Отсекот за недозволена трговија со дрога и оружје при СВР Велес го лишиле од слобода 32-годишниот Н.Ц. од Велес, откако кај него била пронајдена и одземена бела грутчеста материја.Со судска наредба бил извршен и претрес во неговиот дом, каде што биле пронајдени и одземени бела грутчеста материја, дигитална вага и пари.Лицата се приведени во полициска станица, за настаните е известен јавен обвинител, а по целосно документирање ќе бидат поднесени соодветни пријави.

Македонија | пред 1 месец

Детали од обвинителот за убиството на жената во Челопек: постојат сомневања дека можниот убиец правел и други дела изминатиот период

Јавен обвинител од Основното јавно обвинителство Куманово изврши увид на лице место во селото Челопек, каде беше пронајдено безживотно тело на 78-годишна жена, за која постојат сомненија дека насилно била лишена од живот.Од Обвинителството информираат дека се издадени повеќе наредби за обезбедување докази и траги од местото на настанот, кои ќе бидат предмет на дополнителни вештачења со цел целосно расчистување на случајот.Во врска со настанот, едно лице е лишено од слобода под сомнение дека е сторител на кривичното дело убиство. Постојат индиции дека истото лице во претходниот период можеби било инволвирано и во други кривични дела на подрачјето на кумановско, поради што, по наредба на јавен обвинител, се преземаат интензивни дејствија за утврдување на сите околности и евентуалната поврзаност меѓу настаните.Од Обвинителството посочуваат дека по целосно испитување на фактите и прибирање на сите релевантни докази ќе биде поведена соодветна постапка против осомниченото лице.

Македонија | пред 1 месец

Тинејџерка се бори за живот по страотната несреќа на трамвајот во Сараево

Седумнаесетгодишната Ела Јовановиќ се бори за живот откако во тешка сообраќајна несреќа во Сараево ѝ беше ампутирана ногата, додека 23-годишната студентка на Академијата за ликовни уметности Ердоган Моранкиќ го загуби животот на лице место.Ела е хоспитализирана на интензивна нега, под постојана реанимација и терапија. Директорот на Општата болница „Абдулах Накаш“, Исмет Гавранкапетановиќ, изјави дека нејзината здравствена состојба останува исклучително сериозна.Несреќата се случи кога трамвај, под сè уште неразјаснети околности, со голема брзина од правец на Железничката станица, на раскрсницата во близина на Националниот музеј на Босна и Херцеговина, удри во граѓани кои чекале на постојката. Загинатата Моранкиќ и повредената Јовановиќ во моментот на несреќата чекале трамвај.Меѓу повредените има уште тројца граѓани, кои по укажаната лекарска помош се испратени на домашно лекување.Возачот на трамвајот е уапсен и се сомничи за сторено кривично дело тешки кривични дела против безбедноста на јавниот превоз, во врска со кривичното дело загрозување на јавниот превоз. Во тек се истражни дејствија и вештачења со цел да се утврди точната причина за трагедијата.Несреќата предизвика силни реакции во јавноста. Студенти и ученици се собраа пред Националниот музеј, барајќи правда за загинатата и повредените. За утре е најавен нов протест на истата локација, додека кантоналната влада го прогласи 14 февруари за Ден на жалост во целиот кантон.

Свет | пред 1 месец

„Одвојувањето од Кина носи кон судир“, им порача кинески министер на САД

Кинескиот министер за надворешни работи Ванг Ји на Минхенската безбедносна конференција предупреди дека „рефлексната реакција“ на САД да се дистанцираат од Кина е штетна и дека, и покрај одредени позитивни сигнали од Белата куќа, постојат влијателни кругови во Вашингтон кои го поткопуваат билатералниот однос.Апелирајќи до американската администрација да води „позитивна и прагматична“ политика кон Пекинг, Ванг истакна дека најдобриот исход за двете страни е соработка, а не конфронтација. Според него, во САД има структури кои „прават сè за да ја нападнат и оцрнат Кина“, но постојат две можни насоки за иднината на односите.„Соединетите Американски Држави можат разумно и објективно да ја разберат Кина и да водат позитивна и прагматична политика кон неа“, рече Ванг. Како втора перспектива, тој го посочи обидот за раздвојување на економиите, прекинување на синџирите на снабдување и конфронтација со Кина „на емоционален и рефлексен начин“.Тој предупреди дека обидите да се „одвои Тајван од Кина“ и да се преминат кинеските црвени линии може да ги турнат Пекинг и Вашингтон во директен судир.„Кина сака да се оствари првата перспектива, а верувам дека и вие го делите тој став, но Кина е подготвена да се справи со сите видови ризици“, порача тој.Ванг Ји вчера се сретна со американскиот државен секретар Марко Рубио, а средбата од американска страна беше оценета како „позитивна и конструктивна“. Разговарале и за планираната посета на американскиот претседател Доналд Трамп на Пекинг во април. По година на тензии околу трговската и царинската политика, двете сили се обидуваат да ги стабилизираат односите, а Пекинг, според Ванг, е охрабрен од изјавите на Белата куќа кои покажуваат „почит кон претседателот Си Џинпинг и кон кинескиот народ“.Во исто време, САД и европските држави сè поотворено изразуваат загриженост поради растечката зависност од Кина во делот на суровините и клучните компоненти за индустриските синџири на снабдување, што доведе до повици за намалување на таа зависност.Осврнувајќи се на војната во Украина, Ванг оцени дека Европа не смее да остане „гледач“ во процесот на преговори. „Војната се одвива на европско тло и Европа има право да учествува во преговарачкиот процес кога ќе дојде време. Европа не треба да биде на менито, туку да има место на масата“, истакна тој.Следната рунда разговори меѓу Москва, Киев и Вашингтон за дипломатско решение на конфликтот е закажана за вторник и среда во Женева, соопшти Кремљ. Ванг Ји повика на „сеопфатен и траен мировен договор, прифатлив и обврзувачки за сите страни“.

Свет | пред 1 месец

Николоски од Неготино: Субвенциите се исплатени, очекуваме уште повисоки откупни цени

По повод празникот Св. Трифун, кој традиционално се смета за најзначаен ден за лозарите и винарите од Тиквешкиот Регион, заменик-претседателот на Владата и министер за транспорт Александар Николоски од Неготино упати честитки до земјоделците, посакувајќи им успешна производствена година, добар род и стабилни, повисоки откупни цени.Николоски истакна дека Владата ја завршила својата обврска кон земјоделците, нагласувајќи дека субвенциите се целосно исплатени за сите производители. Според него, тоа претставува дополнителен поттик за новата сезона и охрабрување за оние што макотрпно работат на домашното производство.„Се надевам дека ова ќе биде мотив за уште поуспешна година, со квалитетен род и мотивирани земјоделци. Ќе продолжиме да ги поддржуваме и да го стимулираме земјоделието. Цените што може да се видат оваа година се навистина добри, а се надевам дека следната сезона ќе бидат уште повисоки, затоа што трудот мора да се цени и мора да го стимулираме домашното производство“, изјави Николоски.Тој посочи дека особено охрабрува фактот што македонските компании стануваат сѐ поконкурентни на меѓународниот пазар. Како пример ја наведе својата неодамнешна посета на Париз, каде, според него, македонските винарии се претставиле рамноправно со најдобрите европски производители.„Беше вистинска гордост да се види како нашите винарии стојат рамо до рамо со најдобрите во Европа“, рече Николоски.Воедно најави дека Владата ќе продолжи со поддршка и во делот на инфраструктурата, оценувајќи дека таа е клучна за подобра поврзаност и економски развој. Посочи дека се поддржува амбициозната агенда на локалната самоуправа, со очекување бројни започнати проекти да бидат завршени, а паралелно да започнат и нови со почетокот на градежната сезона.Посетата на Неготино беше во знак на поддршка за лозарите и винарите од Тиквешијата, со порака дека државата ќе продолжи да стои зад домашното производство и развојот на регионот.

Македонија | пред 1 месец

Таткото на Ана: „Ни покажавте дека не сме сами – борбата штотуку почнува“

Таткото на осумгодишната Ана упати јавна благодарност до сите граѓани, пријатели, роднини, колеги и институции кои дадоа поддршка во хуманитарната акција за лекување на неговата ќерка, откако кампањата официјално беше затворена со собрани 3,1 милиони денари за само шест часа.Во обраќањето, тој и неговата сопруга Ивана Карановска Јованчев изразуваат бескрајна благодарност до блиските и подалечните роднини, другари, наставнички, инфлуенсери, медиуми.Посебна благодарност упатуваат до кошаркарскиот клуб „Вардар“ и Бране Андриевски за иницијативата, до доктор Ивана Клишеска Илчевска, како и до доктор Ненад Лазаров и фондацијата „Ecrowd“, преку која средствата беа собрани за рекордно кратко време. Семејството им се заблагодари и на Паскалов и тимот педијатри, како и на доктор Ана Тримоска-Радевска, за стручните и навремени реакции.„Со ова ни испративте порака дека не сме сами и дека во оваа борба имаме неверојатна поддршка. Ние сме на самиот почеток и пред нас претстои долг и непредвидлив пат. Веруваме и се молиме Ана да издржи и да победи“, се наведува во пораката на родителите.Претходно, доктор Ненад Лазаров објави дека кампањата за лекување на Ана е успешно завршена, со целосно обезбедени средства за хируршката интервенција и третманот во странство. Девојчето има дијагностициран редок и агресивен тумор на синусите со зафатена орбита, а дијагнозата е потврдена во Хрватска, каде што се бара специјализиран хирург за сложената операција.Масовниот одѕив на јавноста за неколку часа покажа силна солидарност и сплотеност кога е во прашање животот на дете, а поддршката за Ана и нејзиното семејство, како што најавуваат блиските, ќе продолжи и во наредниот период.

Македонија | пред 1 месец

ВМРО-ДПМНЕ: Кадриу сведочи дека била суспендирана за да не заврши „пола Влада во затвор“

Членот на Централниот комитет на ВМРО-ДПМНЕ, Валентин Манасиевски, изјави дека поранешната обвинителка во СЈО, Лејла Кадриу, била суспендирана поради истрагата за пожарот во модуларната болница во Тетово, при што, како што тврди, „пола Влада ќе завршела во затвор“.Манасиевски посочи дека пред поставувањето на модуларните болници бил изменет Законот за градење по итна постапка, со што овие објекти биле третирани како урбана опрема, а одобрението за нивно поставување го издавало Министерството за здравство. Според него, со ваквите измени биле заобиколени построги стандарди за градба.Тој обвини дека наместо панели со камена волна, биле користени панели со пур-пена, како и дека немало соодветен елаборат за електрична инсталација и разводна табла, што, според неговите тврдења, довело до експлозијата и пожарот во кој животот го загубија 14 лица.Манасиевски наведе и дека според изјавите на Кадриу, од предвидените 30 милиони евра за модуларните болници, за конкретниот објект биле потрошени околу 300.000 евра, поставувајќи прашање каде завршиле останатите средства.Дополнително, тој тврдеше дека модуларната болница била поставена над резервоар на бензинска пумпа, што, како што рече, можело да предизвика уште поголема трагедија.Според Манасиевски, суспензијата на обвинителката следела откако таа побарала градежно вештачење. Тој ја обвини тогашната власт за притисоци врз обвинители и судии, оценувајќи дека случајот отвора сериозни прашања за одговорноста и функционирањето на институциите во тој период.

Македонија | пред 1 месец

Нова тура апсења: Запленети дрога, оружје и 191 куршум

Во полициска акција спроведена на 13 февруари 2026 година во угостителски објект на улицата „Гоце Делчев“ во Гостивар, полициски службеници од ОВР Гостивар лишиле од слобода четири лица, поради сомнение за поседување дрога и нелегално оружје.Приведени се А.Р. (23), З.А. (22) и Н.С. (24), сите од Гостивар. При извршен преглед, кај А.Р. биле пронајдени осум пакувања со бела прашкаста материја, додека кај З.А. било пронајдено едно пакување со бела прашкаста материја.Подоцна, со судска наредба, бил извршен претрес во домот на А.Р., при што биле пронајдени и одземени пиштол „берета“ калибар 22 мм, пушка карабин „застава“ калибар 8,57 мм, една рамка и вкупно 191 куршум од различен калибар, за кои лицето не поседувало соодветна дозвола.По целосно документирање на случајот, против приведените ќе бидат поднесени соодветни кривични пријави.

Македонија | пред 1 месец

Британскиот премие: Русија направи стратешка грешка, но забрзано се пренаоружува

Британскиот премиер Кир Стармер на Безбедносната конференција во Минхен оцени дека Русија направила стратешка грешка со започнувањето на војната во Украина, конфликт кој, според неговите зборови, однел повеќе од еден милион жртви. Тој истовремено предупреди дека Москва, и покрај исцрпувачката војна, забрзано ги обновува и зајакнува своите воени капацитети.Повиквајќи се на проценки на НАТО, Стармер нагласи дека постои предупредување оти Русија до крајот на деценијата би можела да биде подготвена да употреби воена сила против Алијансата. Сепак, подвлече дека Западот не бара судир.„Нашата цел е траен мир, враќање на стратешката стабилност и владеење на правото“, порача тој.Според британскиот премиер, Русија покажала јасен „апетит за агресија“, нанесувајќи тешки страдања на Украина, но нејзините закани не се ограничуваат само на бојното поле. Тој предупреди на хибридни активности ширум Европа – од дезинформациски кампањи што создаваат поделби, до сајбер напади и саботажи кои го нарушуваат секојдневниот живот и ја продлабочуваат кризата со трошоците за живот. Москва, според него, соработува и со популистички актери кои ги поткопуваат европските вредности.Стармер најави конкретни чекори од страна на Обединетото Кралство. Оваа година Лондон ќе испрати ударна група носач на авиони во Северниот Атлантик и на далечниот север, предводена од носачот HMS Prince of Wales. Операцијата ќе се спроведува во соработка со Соединетите Американски Држави, Канада и други сојузници од НАТО. Потегот го нарече „силен показател за посветеноста на евроатлантската безбедност“. Дополнително, најави продлабочување на нуклеарната соработка со Франција, потсетувајќи дека Велика Британија со децении ги става своите способности за одвраќање во служба на заштитата на сите членки на Алијансата.Говорејќи за европската одбрана, Стармер ја опиша Европа како „заспан џин“ со огромен потенцијал, истакнувајќи дека европските економии се десетпати посилни од руската. Но предупреди дека тој потенцијал често останува неискористен поради фрагментирано индустриско планирање и набавки. Како илустрација наведе дека Европа располага со повеќе типови борбени авиони, фрегати и дури десет различни модели главни борбени тенкови, додека Соединетите Американски Држави користат само еден модел.Заклучокот на британскиот премиер беше дека Европа мора поефикасно да ги координира своите капацитети и инвестиции, доколку сака целосно да ја искористи сопствената сила и да обезбеди долгорочна стабилност на континентот.

Свет | пред 1 месец

Во Италија: Албанец отишол да изврши грабеж, загинал на ограда поставена поради диви свињи

Четириесет и шестгодишен маж од албанско потекло починал синоќа околу 22 часот за време на обид за провала во вила во околината на Арецо, во централна Италија.Според информациите објавени од италијанските медиуми, инцидентот се случил додека тој, заедно со уште две лица кои сѐ уште се во бегство, се обидувал да избега од имотот. Неговото тело било пронајдено во лозје во близина на куќата. Увид на местото извршиле надлежните обвинители и припадници на карабинерите, повикани од сопственикот на имотот.До инцидентот дошло откако се активирал алармот на објектот. Шурата на сопственикот на една од куќите, пензиониран адвокат, испукал предупредувачки истрел во воздух со цел да ги оттурне провалниците.Во обидот за бегство, починатиот се заплеткал во зашилена и електрифицирана заштитна ограда, поставена претходно за одбрана од диви животни. Во тој регион често има проблеми со диви свињи и волци. Иако успеал да направи уште неколку чекори, набргу паднал, додека неговите соучесници го напуштиле местото и побегнале.Наредена е обдукција која треба да утврди дали смртта настапила поради пукање на бедрената артерија или како последица на други повреди здобиени при падот. Карабинерите и утрово, и покрај обилните врнежи од дожд, се вратиле на местото на настанот за дополнителни истражни дејствија.

Свет | пред 1 месец

ВМРО-ДПМНЕ бара истрага за релацијата Заев–Филипче во случајот со 30 тони марихуана

Пратеникот на ВМРО-ДПМНЕ, Бране Петрушевски, тврди дека фотографија на која, според него, се гледа Венко Филипче во друштво на сопственикот на фирмата „ЦБД Медплант“, Тони Котев, упатува на директна вмешаност на Филипче во шверц со нелегална марихуана.Петрушевски посочува дека телевизискиот настап на Филипче, во кој ја негирал поврзаноста со поранешниот функционер на СДСМ и сопственик на компанијата, претставува, како што наведува, обид за манипулација на јавноста. Според него, фотографијата на која двајцата стојат заедно укажува на блиско познанство и соработка.Тој прашува зошто СДСМ и Филипче, како што вели, се вознемирени по заплената на 30 тони марихуана и дали зад тоа стои страв од евентуална инволвираност во наркотрговија. Дополнително, отвора прашања за измените на Правилникот за одгледување канабис од 2023 година и дали тие, според него, биле направени со цел олеснување на незаконски активности.Петрушевски ги повикува надлежните институции, особено Јавното обвинителство, да ја истражат поврзаноста меѓу Зоран Заев и Венко Филипче во случајот со запленетата марихуана, нагласувајќи дека јавноста има право на одговори и еднаква примена на законот за сите.

Македонија | пред 1 месец

Рубио: Ќе тестираме дали Русија навистина сака мир

Американскиот државен секретар Марко Рубио на Безбедносната конференција во Минхен изјави дека САД ќе продолжат да работат на постигнување мировен договор за Украина, но дека останува да се види дали Русија навистина е подготвена за крај на војната.„Не знаеме дали Русите се сериозни кога станува збор за завршување на војната. Ќе продолжиме да го тестираме тоа“, изјави Рубио. Тој додаде дека САД паралелно го зголемуваат притисокот врз Москва преку нафтени санкции и преку продажба на оружје на земјите членки на НАТО, наменето за поддршка на Украина.Според него, одреден напредок во преговорите сепак постои, бидејќи минатата недела во Абу Даби за првпат се одржале директни разговори меѓу руски и украински воени претставници. Спорните точки, како што рече, се сведени на неколку клучни прашања, но токму тие се и најтешките.По четири години војна и интензивните напори на американскиот претседател Donald Trump да се постигне договор, Москва и Киев сѐ уште не успеваат да се усогласат околу територијалните прашања и контролата врз нуклеарната централа Запорожје.Следната рунда разговори меѓу Русија, Украина и САД е најавена за идната недела во Женева.

Свет | пред 1 месец

Уапсен 25-годишник од Старо Нагоричане, осомничен за убиство на 78-годишна жена

На 13 февруари 2026 година во 19:30 часот, во селото Драгоманце, општина Старо Нагоричане, полициски службеници од Полициското одделение Старо Нагоричане го лишиле од слобода Т.Б. (25) од село Малотино, поради сомнение дека сторил кривично дело убиство по член 123 од Кривичниот законик, соопшти Министерство за внатрешни работи на Република Северна Македонија.Според информациите, осомничениот на 12 февруари 2026 година во домот на М.С. (78) во селото Челопек, физички ја нападнал и ја задушил со перница, при што жената починала на местото на настанот.Тој се сомничи и за сторени повеќе кривични дела „тешка кражба“ во повеќе села на подрачјето на општина Старо Нагоричане.За настанот е известен јавен обвинител, а осомничениот е задржан во полициска станица. По целосно документирање на случајот, против него ќе биде поднесена соодветна кривична пријава.

Македонија | пред 1 месец

Дали 2030 ќе ја редефинира човечката цивилизација преку вештачката интелигенција?

Водечки светски експерти оценуваат дека 2030 година би можела да остане запаметена како пресвртница во развојот на вештачката интелигенција, момент кога таа ќе престане да биде само алатка и ќе добие улога што суштински ќе го редефинира човечкото општество.Професорот Бенџамин Росман од Универзитетот Витватерсранд изнесува теза дека вештачката интелигенција повеќе нема да се третира како обичен „нежив предмет“, туку како ентитет со одредени права. Според неговите предвидувања, до 2030 година вештачката интелигенција би можела да добие статус што наликува на нова форма на интелигентен субјект, со способност директно да влијае врз реалниот свет.Ваквите сценарија отвораат сложени прашања за коегзистенцијата меѓу човекот и автономните системи. Истражување спроведено меѓу осум глобални експерти открива сериозна загриженост за иднината на демократијата и слободата.Петмина од нив предупредуваат дека алгоритмите и технологиите за манипулација со содржини, како т.н. дипфејк, можат да го разнишаат јавниот доверлив систем и да ја поткопаат вербата во информациите. Шестмина експерти зборуваат за ризик од „дигитален колонијализам“, односно сценарио во кое големи технолошки компании или моќни држави ќе вршат контрола врз помалите и послабите нации преку системи базирани на вештачка интелигенција.Професорот Стјуарт Расел од Универзитетот во Беркли предупредува на можност од судир на цели меѓу човекот и машината, при што вештачката интелигенција би можела да донесува одлуки што ги исклучуваат луѓето од процесот, доколку нивните приоритети не се усогласени.Во образованието, експертите сметаат дека меморирањето информации ќе ја изгуби својата централна улога. Во свет во кој вештачката интелигенција нуди одговори за неколку секунди, клучна ќе стане способноста за критичко размислување, поставување релевантни прашања и проверка на информациите.Додека едни најавуваат технолошка утопија и нов бран просперитет, други предупредуваат на можен „балон кој ќе пукне“ и разочарување од преголемите очекувања. Сепак, речиси сите се согласуваат во едно – 2030 година може да биде нулта точка во новата фаза од односот меѓу човекот и машината.

Свет | пред 1 месец

Опозицијата обвинува за молк на институциите за милионски набавки

СДСМ обвинува дека веќе 52 дена нема одговор од Обвинителството во врска со, како што наведуваат, спорните тендери поврзани со власта.Од партијата посочуваат дека нема реакција за 161 тендер доделен на семејна фирма на Томовски, за 51 тендер преку општините за, како што тврдат, „омилена фирма“ на ВМРО, како и за договор вреден девет милиони евра за компанија со двајца вработени. Се споменува и тендер од 1,2 милиони евра за фирма блиска до ЗНАМ преку Пошта.Според СДСМ, едни исти фирми добиваат милионски јавни набавки, додека обвинителството, како што велат, не презема активности. Партијата прашува зошто институциите молчат и оценува дека судството и обвинителството се под политичко влијание на премиерот Христијан Мицкоски и владејачката структура.Во соопштението се наведува дека власта избира нов јавен обвинител „под своја контрола“, именува сопруга на градоначалник од ВМРО за член на Судскиот совет и предлага советник на премиерот за судија во Уставен суд на Република Северна Македонија.Од СДСМ тврдат дека паралелно се води, како што ја нарекуваат, црна кампања со напади врз предметите на поранешното Специјално јавно обвинителство и дека станува збор за политичка операција насочена кон уривање на правниот поредок.„СДСМ нема да молчи. Борбата против криминалот и корупцијата продолжува“, порачуваат од партијата.

Македонија | пред 1 месец

За три дена снемало кондоми во Олимпиското село во Милано и Кортина

За три дена се потрошиле сите бесплатни кондоми наменети за спортистите на Зимските олимписки игри во Милано и Кортина. Ова го објави инталијанскиот весник „Ла Стампа“.Според изјава на олимписки натпреварувач, кој според весникот побарал да остане анонимен, залихите биле потрошени речиси веднаш по нивната дистрибуција.„Ни беше ветено дека ќе добиеме нови количини, но не е познато кога тоа ќе се случи“, изјавил спортистот за весникот.Тој посочил дека количините оваа година биле значително помали во споредба со претходните игри. На Летните олимписки игри во Париз, според медиумските извештаи, биле обезбедени околу 300.000 кондоми, што во просек значело по два дневно за секој спортист. За разлика од тоа, на актуелните Зимски игри бројот бил помал од 10.000.Гувернерот на регионот Ломбардија, Атилио Фонтана, истакна дека обезбедувањето бесплатни кондоми во Олимпиското село претставува воспоставена практика и не треба да предизвикува контроверзии.

Магазин | пред 1 месец

Рубио во Минхен: Европа мора да се брани сама, САД не сакаат слаби сојузници

Американскиот државен секретар Марко Рубио на Минхенска безбедносна конференција порача дека САД и Европа се дел од иста западна цивилизација, но истовремено повика на темелна реформа на меѓународните институции и поцврста контрола на границите.Говорејќи за безбедноста, Рубио истакна дека Западот може да напредува само ако ги контролира своите граници. „Ова не е израз на ксенофобија, туку темелен чин на национален суверенитет“, рече тој, оценувајќи ја безбедноста на границите како „итна закана“ за структурата на општествата и за опстанокот на цивилизацијата.Тој нагласи дека не е потребно напуштање на системите на меѓународна соработка, но дека глобалните институции мора да се обноват. Како пример ги посочи Обединетите нации, за кои рече дека не одговориле на некои од најитните прашања. Според него, американското лидерство било клучно за постигнување кревко примирје во Газа и за носење на Украина и Русија на преговарачка маса.Осврнувајќи се на трансатлантските односи, Рубио порача дека САД не сакаат „слаби сојузници“, туку Европа што може самостојно да се брани, за да не дојде ниту еден противник во искушение да ја тестира колективната сила. Тој додаде дека администрацијата на Доналд Трамп не сака сојузници што ќе го одржуваат нарушениот статус кво, туку такви што се подготвени да го поправат.Во говорот, Рубио ја критикуваше и идејата за свет без граници по падот на Берлинскиот ѕид во 1989 година, оценувајќи ја како „опасна заблуда“. Тој посочи дека Западот направил грешки со неконтролирана трговија, климатски политики и масовни миграции, додека конкурентите вложувале во сопствените економии и енергетски ресурси.„Ги направивме овие грешки заедно. Сега им должиме на нашите народи обновување“, рече Рубио, додавајќи дека САД се подготвени да ја преземат таа задача, по можност заедно со Европа. Неговиот говор беше поздравен со аплауз од присутните.

Свет | пред 1 месец

„Кога веќе се грозиме од пороци, да видиме што е легално, а не се користи за медицински цели: цигари“

Пушењето е легален порок што не се користи за медицински цели, а остава сериозни последици по здравјето, предупредува Ина Многуфина. Таа посочува дека физичката зависност од никотин трае од 72 часа до две недели, по што останува психичката зависност, која, според неа, може да се надмине со цврста одлука.Според податоците што ги споделува, промените во организмот започнуваат речиси веднаш по прекинот на пушењето. По 20 минути се нормализираат пулсот и крвниот притисок. По 11 часа, јаглерод моноксидот во крвта се заменува со кислород, што овозможува подобра оксигенација на клетките. По 24 часа се намалува ризикот од срцев удар.По 48 часа никотинот целосно го напушта телото, а чувството за вкус и мирис почнува да се враќа. Во период до три месеци, функцијата на белите дробови може да се подобри за околу 30 проценти. По една година ризикот од срцеви заболувања се намалува за 50 проценти, по пет години ризикот од мозочен удар се изедначува со оној кај непушачите, по десет години ризикот од рак на белите дробови се преполовува, а по 15 години ризикот од срцеви болести е сличен како кај лица кои никогаш не пушеле.Многуфина укажува и на финансискиот аспект. Доколку некој пуши по половина кутија дневно, за една година троши околу 500 евра за цигари и минува приближно 23 будни дена во пушење.Последиците не ги трпат само пушачите. Лицата што живеат со пушачи имаат 25 до 30 проценти поголем ризик од срцеви заболувања, 20 до 30 проценти поголем ризик од рак на белите дробови, како и зголемен ризик од мозочен удар и хронични респираторни заболувања, како астма и бронхитис.

Коментари | пред 1 месец

Ковачки најави генерален реизбор во ВМРО-ДПМНЕ: Отворен повик до членството

Генералниот секретар на ВМРО-ДПМНЕ, Драган Ковачки, информира дека на првата седница на Извршниот комитет е донесена одлука за генерален реизбор на претседатели на 76 општински комитети, како и на претседателите на Унијата на ветерани, Унијата на жени и Унијата на млади сили.Во обраќање до членството, Ковачки посочи дека партијата е „жива структура“ која континуирано се развива и е отворена за нови идеи и енергија. Според него, реизборот претставува можност за илјадници членови и активисти кои имаат визија, знаење и желба да придонесат во развојот на организацијата и во креирањето политики.Тој повика на вклучување на лица со интегритет, кои ќе го обединуваат членството и ќе работат одговорно и посветено. На јавниот повик можат да се пријават сите членови на партијата најдоцна до 19 февруари, а повикот е објавен на официјалната интернет-страница на ВМРО-ДПМНЕ.„Вратите се отворени за секој кој сака да биде дел од тимот кој победува“, порача Ковачки, повикувајќи на активно учество во организациските процеси и во донесувањето одлуки во партијата.

Македонија | пред 1 месец

(Видео) Судијата со договор за продажба на удел од фирма ќе докажува дека парите не се негови, кој водел евиденција колку пари има во ѕидот?

Со договор за продажба на удел во фирма, мајката на судијата Ѓоко Ристов ќе докажува дека парите најдени во нивниот дом се нејзини, а не на синот. Ова ексклузивно го обзнани адвокатот Sвонко Давидовиќ во „Претрес со Ландов“, каде го покажа договорот. Притоа се прикажани и две уплатници со вкупна вредност од 448.000 евра, но не и докази за исплати на овие средства за да парите бидат во кеш.Според адвокатот, уделот во фирмата вреди скапо бидејќи истата е сопственик на нивата од 7.000 хектари, на која можело да се градат фотоволтаици. Давидовиќ тврди дека имало и проценка на удел која досега не ја покажа во јавност.Тој во „Претрес“ беше прашан и зошто парите не биле пријавени на истражителите, но и откри кој водел писмена евиденција за парите односно што ќе покаже графолошкото вештачење на листот каде биле запишувани сумите...Како течел претресот, зошто Ристов не го пријавил вториот стан во Антикорупциска, поседува ли друг имот за кој не се знае...Цел Претрес:

Македонија | пред 1 месец

Жерновски: Советник на премиер за уставен судија е сигнал за потчинување на институциите

Членот на Централниот одбор на СДСМ, Андреј Жерновски, остро реагира на одлуката на премиерот Христијан Мицкоски да предложи свој советник за уставен судија, оценувајќи дека станува збор за политички сигнал, а не за административен потег.Според Жерновски, наместо јакнење на институционалните баланси, државата се соочува со обиди за нивно потчинување. Тој посочува дека Уставен суд на Република Северна Македонија има клучна улога во заштитата на уставноста и законитоста, како и во контролата на законите и одлуките на извршната и законодавната власт.„Кога премиер предлага човек од својот најтесен советнички круг за уставен судија, се отвора сериозен институционален проблем. Не станува збор за личниот квалитет на кандидатот, туку за принципот на поделба на власта“, наведува Жерновски, прашувајќи како ќе одлучува за уставноста на владините политики лице што до неодамна било дел од тимот што ги креирал.Дополнително, тој предупредува дека ваквите потези испраќаат загрижувачки сигнал кон европските партнери во момент кога внимателно се следи состојбата со владеењето на правото. Според него, наместо демонстрација на институционална зрелост и посветеност на реформите, се создава впечаток на ерозија на контролните механизми.„Кога контролорот ќе стане дел од контролираниот, демократијата престанува да биде систем – и станува фасада“, порачува Жерновски.

Коментари | пред 1 месец

ЕУ подготвена и за офанзивни сајбер операции: „Не е доволно само да се браниме“

Извршната потпретседателка на Европска комисија за технолошка сувереност и безбедност, Хена Виркунен, изјави дека Европската Унија мора да развие и офанзивни сајбер капацитети, а не само одбранбени.„Не е доволно што се браниме. Мора да имаме и офанзивни капацитети“, посочи Виркунен во изјава за медиуми, додавајќи дека безбедносната средина се менува и дека Европа мора да биде подготвена за нови предизвици.Досега европските престолнини беа воздржани од јавно поддржување на таканареченото „возвратно хакирање“, стравувајќи од можни одмазди и ескалација од држави како Русија и Кина. Сепак, според наводите, климата постепено се менува, а неколку земји членки, меѓу кои Германија и Летонија, веќе размислуваат за развој на офанзивни сајбер операции.Потребата од одбранбени и офанзивни сајбер капацитети беше спомната и во белата книга за одбраната на Европската комисија, објавена во декември минатата година.Виркунен нагласи дека Комисијата идентификува критични сектори во кои Европа треба да има поголема контрола врз сопствените податоци и технологии. Тоа е дел од пошироката стратегија за намалување на зависноста од странски технолошки решенија и зајакнување на европската индустриска и сајбер автономија.„Не сакаме ризични зависности во ниту една критична област. Тоа не значи дека сè ќе правиме сами. Кога немаме сопствени капацитети, подготвени сме да соработуваме со партнери со слични вредности за да изградиме отпорни синџири на снабдување“, истакна Виркунен.

Свет | пред 1 месец

САД со прелиминарна одлука: Антидампинг царина од 132,83% за руски паладиум

Министерство за трговија на САД преку својата Меѓународна трговска администрација (ИТА) донесе прелиминарна одлука за воведување антидампинг царини на увозот на необработен паладиум од Русија.Според соопштението, предложената царинска стапка изнесува 132,83 проценти. Одлуката треба да стапи во сила по нејзиното објавување во Федералниот регистар, што може да се случи веќе наредната недела.ИТА најави дека конечната одлука за антидампинг истрагата се очекува кон крајот на април 2026 година, освен ако постапката не биде пролонгирана.Паралелно, Министерството за трговија спроведува и истрага за евентуални компензаторни царини и утврдување штета. Доколку се утврди основ, можно е воведување и ретроактивни царини за рускиот паладиум.Испораките на овој метал се од значително значење за американската индустрија, што дополнително ја нагласува тежината на трговската постапка и потенцијалните економски последици.

Свет | пред 1 месец

Легендата за Свети Трифун и народните обичаи на неговиот ден

Според преданието, Свети Трифун поседувал исцелителни дарби и станал познат откако ја излекувал принцезата Гордијана, ќерка на римскиот цар Гордиј. Таа тешко се разболела, а ниту еден лекар не успеал да ѝ помогне. Според легендата, духот што ја мачел изјавил дека може да биде истеран само од човек по име Трифун. Царот наредил да се пронајдат сите со тоа име, но само младиот Трифун успеал да ја ослободи принцезата од болеста.Иако бил богато награден, Трифун одлучил да се врати на својот скромен живот и одгледување гуски, а даруваното богатство го разделил на сиромашните.Со доаѓањето на царот Декиј започнале нови прогони на христијаните. Трифун одбил да се откаже од својата вера и бил подложен на тешки мачења, по што бил погубен со отсекување на главата. Бил погребан во родното место Кампсада, а подоцна неговите мошти биле пренесени во Цариград, од каде што дел бил однесен во Котор, каде што се чуваат и денес.Во народната традиција, Свети Трифун се смета за заштитник на лозарите и лозјата. На неговиот празник, лозарите симболично закројуваат барем еден чокот и го полеваат со вино, со верување дека така лозјата ќе дадат побогат род. Според народните верувања, дождлив ден на Свети Трифун носи плодна година, а ведро време најавува суша.Во народната свест, празникот се поврзува и со доаѓањето на пролетта, будењето на природата и љубовта. Свети Трифун се почитува како заштитник на брачната верност, на посевите и овоштарниците, а во некои краишта се празнува како заветен ден за заштита од град и поплави.

Магазин | пред 1 месец