(Видео) Херојска смрт во Бонди: Алекс Клејтман загина штитејќи ја сопругата за време на прославата

Една од жртвите на неделниот терористички напад за време на прославата на Ханука во Австралија е Алекс Клејтман, преживеан од терористичкиот напад, кој бил убиен додека со своето тело ја штител сопругата од истрелите. Трагедијата ја потврди неговата сопруга Лариса, со која бил во брак 57 години, пренесуваат австралиските медиуми.Алекс и Лариса допатувале на светски познатата плажа Бонди Бич во Сиднеј за да присуствуваат на настанот по повод Ханука, кога двајца терористи отвориле оган кон насобраните граѓани.„Стоевме и одеднаш се слушна ‘бум, бум’, и сите паднаа на земја“, изјави Лариса за австралиските новинари. Таа раскажа дека во моментот на нападот Алекс бил зад неа. Роднини на скршената вдовица објасниле дека Алекс бил погоден и убиен додека лежел врз нејзиното тело, со што ѝ го спасил животот во својот последен, херојски чин.„Неговото тело сè уште е таму, а јас седам и не знам што да правам“, изјавила Лариса при напуштањето на болницата каде што била пренесена по нападот. „Немам сопруг. Не знам… никој не ми дава никакви одговори“, додала таа, сè уште во состојба на шок.Во стравичниот напад на плажата Бонди, каде што околу 2.000 луѓе се собрале за да го одбележат првиот ден од Ханука, според последните информации биле убиени најмалку 15 лица, а околу 40 се повредени. Нападот предизвика шок и осуда во австралиската и меѓународната јавност, а безбедносните служби продолжуваат со истрагата.

Свет | пред 2 месеци

Филипче: Спремни сме да се бориме на избори затоа што станува збор за иднината на државата

Претседателот на Социјалдемократскиот сојуз на Македонија, д-р Венко Филипче, во интервјуто во „Тема на денот“, на телевизија Сител, посочи дека СДСМ е подготвена да ја продолжи политичката борба на избори, затоа што состојбата во државата и прашањата што се отвораат директно ја засегаат иднината на граѓаните.Филипче оцени дека владата на ВМРО-ДПМНЕ не ја крие блискоста со актуелните власти во Србија и со унгарскиот премиер Виктор Орбан, посочувајќи дека токму тие политички врски се клучни за опстанокот на премиерот Христијан Мицкоски.„Тие две земји, Унгарија има избори напролет, некаде Вучиќ најави во Србија во следните шест месеци, така што избори ќе се случат. Гледаме таму како се активни студентите, гледаме дека таму веќе ќе има вистинска пролет и ќе се случат вистински демократски промени после долги години стагнација од европскиот пат. Без нивната помош завршува политичката кариера на Христијан Мицкоски. “, рече Филипче.Tој додаде дека токму поради најавените избори во Србија и Унгарија, кои ќе донесат и сериозни политички промени, премиерот Мицкоски испраќа контрадикторни пораки околу прашањето со мигрантите.„И затоа тој кажува дека ќе има ситуација во која што нема да има мигранти до март до април, еве денеска кажал до јуни. Што тој всушност кажува- ќе има избори ќе се обидам да добијам мандат, а после тоа ќе донесам мигранти, мигранти коишто ние имаме добра пијаровска кујна ќе ја продадеме дека добро е да се тука, и така натаму. Додека од друга страна нема да има пари и пензии. Ние тоа нема да го дозволиме. Ако прашате како, со сите демократски средства. Спремни сме да се бориме на избори, затоа што станува збор за иднината на државата“, рече Филипче.Во интервјуто, Филипче укажа дека дополнителен прием на мигранти, во ситуација кога буџетот е празен, а нема средства за пензии и плати, би претставувал сериозен удар врз економската и социјалната стабилност на земјата.„Сериозно сме загрижени дека безбедноста и економската ситуација се веќе кревки, а уште повеќе ако се носат мигранти кои можат да загрозат многу други аспекти на нашето живеење, додека нема пари ни за пензии, ни за плати“, рече Филипче.

Македонија | пред 2 месеци

Кој е Фехми Стафа: Од државен правобранител до осомничен за судска корупција

Фехми Стафа е поранешен државен правобранител на Република Македонија, функција на која дојде како предлог на политичката партија Алтернатива, а во јавноста често беше поврзуван и со Демократската унија за интеграција (ДУИ). Неговиот мандат беше обележан со серија контроверзии, скандали и институционални судири, кои со текот на времето го ставија во фокусот на антикорупциските и истражните органи.Во текот на 2024 и 2025 година, името на Стафа неколкупати се најде во јавноста поради сомнителни финансиски трансакции од Државното правобранителство. Особено внимание привлече случајот со исплатите кон телевизиската презентерка Бесмира Ејупи, на која ѝ биле исплатени речиси 250.000 денари преку низа трансакции за, како што утврди ДКСК, непостоечки работни ангажмани. Овој случај беше една од причините поради кои Владата го разреши Стафа од функцијата, без детално јавно образложение.Паралелно со тоа, Стафа беше поврзуван и со еден од најголемите финансиски скандали во правосудниот систем – неможноста државата да наплати над 17 милиони евра од правосилната пресуда во предметот „Труст“, поврзан со бизнисменот Сеад Кочан. Иако обвинителите јавно посочија дека нивната надлежност завршува со правосилноста на пресудата, токму Државното правобранителство, со кое раководеше Стафа, било надлежно да ја води постапката за конфискација во стечајната постапка, што заврши без успех за државата.Кулминацијата на неговиот пад дојде денеска, кога беше уапсен по наредба на Основното јавно обвинителство за гонење организиран криминал и корупција. Според обвинителството и МВР, Стафа е осомничен дека во период од октомври до 13 декември 2025 година примил вкупно 50.000 евра поткуп за да посредува и да го искористи своето реално влијание кај судија во Апелациониот суд Скопје. Целта била, преку поткуп, да се изврши службено дејствие кое не смеело да се изврши – укинување на мерка притвор за лице во бегство, против кое се води постапка за тешки финансиски кривични дела.Истрагата покажала дека Стафа првично побарал 100.000 евра за ова влијание. Првиот дел од сумата, 30.000 евра, бил предаден на 6 октомври 2025 година од страна на сестрата на лицето во бегство, додека на 13 декември директно примил уште 20.000 евра, за кои тврдел дека ќе му ги даде на судијата. Непосредно по примањето на парите, бил лишен од слобода, а средствата биле пронајдени кај него.Обвинителството побара притвор за Стафа, оценувајќи дека постои опасност од бегство, влијание врз сведоци и повторување на делото. Со тоа, Фехми Стафа од висок државен функционер и правен застапник на државата, се најде во позиција на осомничен за сериозна корупција во срцето на правосудниот систем – случај кој јавноста го доживува како уште еден тест за тоа дали борбата против високата корупција конечно ќе добие институционална завршница.

Македонија | пред 2 месеци

Се бара притвор за Фехми Стафа: бил фатен со парите кои ги побарал и добил за да влијае на судија

Полициски службеници, по наредба на јавен обвинител од Основното јавно обвинителство за гонење организиран криминал и корупција, го лишиле од слобода Ф.С. поради сомнение за сторено кривично дело примање награда за противзаконито влијание, информираат од Министерството за внатрешни работи.Според МВР, во периодот од октомври до 13 декември 2025 година, осомничениот примил вкупно 50.000 евра со цел да посредува и да го искористи своето реално влијание за интервенција кај судија во Апелациониот суд Скопје, како и преку поткуп да влијае за извршување службено дејствие кое не смеело да се изврши.Истрагата покажала дека Ф.С. првично побарал 100.000 евра за да влијае врз укинување на мерка притвор определена за лице кое е недостапно на органите на прогонот и против кое ОЈОГОКК води посебна постапка за кривични дела против јавните финансии, платниот промет и стопанството. На 6 октомври 2025 година тој примил 30.000 евра како прв дел од договорениот износ, кои му ги предала сестрата на лицето во бегство.На 13 декември 2025 година, осомничениот директно побарал и примил уште 20.000 евра, наведувајќи дека средствата се наменети за судијата кај кого требало да интервенира. Непосредно по примањето на паричните средства, Ф.С. бил уапсен, а при лишувањето од слобода кај него биле пронајдени и одземени парите.Од МВР информираат дека по целосно документирање на случајот ќе следуваат понатамошни законски постапки во координација со надлежното обвинителство.Јавниот обвинител до судијата на претходна постапка при Основниот кривичен суд Скопје достави Предлог за определување мерка притвор за осомничениот, поради сите околности што упатуваат на опасност од бегство, можност да изврши нови кривични дела или да влијае на постапката.

Македонија | пред 2 месеци

Судска корупција на дело: Ексдржавниот правобранител Стафа осомничен за примање поткуп и влијание врз Апелација со 50.000 евра

Основното јавно обвинителство за гонење организиран криминал и корупција донесе Наредба за спроведување истражна постапка против поранешниот државен правобранител Фехми Стафа, кој се сомничи за кривично дело – примање награда за противзаконито влијание.Според обвинителството, во периодот од октомври до 13 декември 2025 година, осомничениот примил вкупно 50.000 евра со цел да посредува и да го искористи своето реално влијание за интервенција кај судија во Апелациониот суд Скопје, како и преку поткуп да издејствува извршување службено дејствие што не смеело да се изврши.Истрагата утврдила дека Стафа првично побарал 100.000 евра за да влијае на укинување на мерка притвор определена за лице кое е недостапно на органите на прогонот и против кое ОЈОГОКК води посебна постапка за кривични дела поврзани со јавните финансии, платниот промет и стопанството. На 6 октомври 2025 година тој примил 30.000 евра, кои му ги предала сестрата на лицето во бегство, како прв дел од договорениот износ.На 13 декември 2025 година, осомничениот директно побарал и примил уште 20.000 евра, наведувајќи дека средствата се наменети за судијата кај кого требало да интервенира. Непосредно по примањето на парите, Стафа бил лишен од слобода, а кај него биле пронајдени и одземени паричните средства.Јавниот обвинител достави предлог до судијата на претходна постапка при Основниот кривичен суд Скопје за определување мерка притвор, оценувајќи дека постојат сериозни околности кои укажуваат на опасност од бегство, можност за повторување на кривичното дело и влијание врз сведоци или врз текот на постапката.

Македонија | пред 2 месеци

Трагедија: По пожар во магацини во Гази Баба, пронајдено опожарено тело

Тешка трагедија е откриена по пожарот што синоќа избувнал во кругот на фабрика на подрачјето на Гази Баба во Скопје, информираат од Министерството за внатрешни работи.Според пријавата, на 13 декември 2025 година во 21:29 часот во СВР Скопје било пријавено дека настанал пожар во два магацини, сопственост на М.Р.(46), кои биле изнајмени на други лица. На местото интервенирала екипа на Бригадата за противпожарна заштита на Град Скопје, која успеала да го изгасне пожарот.Денеска, на 14 декември 2025 година, за време на вршење на увидот, во еден од опожарените објекти, кој под наем го користел М.А. од Скопје, било пронајдено опожарено тело на машко лице. Засега не се соопштува идентитетот на починатиот.Од МВР информираат дека се преземаат мерки за целосно расчистување на случајот и утврдување на причините за пожарот и смртта.

Скопје | пред 2 месеци

Закани со пиштол во центарот на Скопје: Возач на „порше“ нападнат, оштетено возилото

Драматичен инцидент со закани со огнено оружје се случил ноќеска во централното подрачје на Скопје, информираат од Министерството за внатрешни работи.Според пријавата, на 13 декември 2025 година во 04:20 часот во СВР Скопје, А.Б.(19) од Скопје пријавил дека околу 00:10 часот, додека управувал патничко возило „порше“ со скопски регистарски ознаки, патот му бил попречен од две други возила. Од нив излегле неколку лица кои, како што е пријавено, му се заканувале со пиштол, при што еден од напаѓачите со рачката од пиштолот го оштетил ветробранското стакло на возилото.Во обид да се спаси и да побегне од местото, младиот возач удрил во паркирано товарно возило, по што го напуштил местото на настанот. Засега нема информации за повредени лица.Од МВР информираат дека се преземаат мерки за целосно расчистување на случајот и за идентификација на лицата инволвирани во инцидентот.

Скопје | пред 2 месеци

(Видео) „Видовме крв и илјадници луѓе како бегаат“: Сведоштва од хоророт во Сиднеј

Очевидци на масовното пукање што се случи во Сиднеј опишуваат сцени на хаос, паника и страв, додека илјадници луѓе во паника бегале од плажата Бонди. Нивните сведоштва откриваат потресни детали за моментите кога нормалната вечер се претворила во хорор.Лаклан Моран, 32-годишник од Мелбурн, изјави дека чекал членови од своето семејство кога ги слушнал првите истрели. Во раката држел пиво за својот брат, кое веднаш го фрлил кога сфатил што се случува. Вели дека по неколкуте истрели целосно се успаничил и почнал да бега, воден од чист инстинкт, трчајќи колку што можел побрзо. Според неговите зборови, пукањето продолжило со прекини околу пет минути.Грејс и нејзиниот партнер Џоел Сарџент, исто така од Мелбурн, во моментот на нападот се наоѓале во хотелска соба. Тие слушнале силни удари, а кога погледнале низ прозорецот виделе луѓе како врескаат, бегаат и се кријат. Грејс изјави дека звукот од истрелите бил неверојатно гласен и речиси непрекинат, додавајќи дека според нејзина проценка биле испукани повеќе од 50 куршуми.Ричард Хастен, кој присуствувал на настанот „Ханука покрај морето“, за австралиската телевизија АБЦ раскажа дека неговиот внук во тој момент си играл во детскиот агол и дека сè на почетокот изгледало сосема нормално. Кога започнало пукањето, легнал на земја, а пред него се наоѓала жена која крварела. Тој ја соблекол маицата за да се обиде да го запре крварењето, верувајќи дека куршумот ѝ ја закачил главата. Според неговите зборови, жената подоцна била стабилна.Зек Бејли за 9 News изјави дека тој и другите најпрво помислиле дека се работи за огномет. Плажата била преполна со луѓе, но како што „огнометите“ се множеле, сфатиле дека нешто не е во ред. Во еден момент виделе илјадници луѓе како трчаат во ист правец, по што тој и неговите пријатели се засолниле во внатрешност на објект и се заклучиле во тоалетите, чекајќи ситуацијата да биде ставена под контрола.Сведоштвата на очевидците ја отсликуваат длабочината на траумата и стравот што го обележаа овој напад, кој ја потресе австралиската јавност и остави силни последици кај оние што се нашле на местото на трагедијата.

Свет | пред 2 месеци

(Видео) Голема храброст среде терор: Херојот од Бонди кој совлада напаѓач е еден од повредените на плажата во Сиднеј

Јавноста во Австралија и пошироко денеска го дозна идентитетот на човекот кој херојски се спротивстави на еден од вооружените напаѓачи за време на терористичкиот напад на плажата Бонди во Сиднеј. Станува збор за 43-годишниот Ахмед ал Ахмед, жител на Сиднеј и сопственик на продавница за овошје во населбата Сатерленд, татко на две деца, кој без никакво искуство со оружје одлучил да интервенира и да спаси животи.Според информации објавени од австралиските медиуми, Ахмед бил погоден со два куршума за време на пресметката, а неговиот братучед Мустафа изјави дека тој се наоѓа во болница и дека бил подготвен за хируршка интервенција. „Не знаеме точно каква е внатрешната состојба, но се надеваме дека ќе биде добро. Тој е херој, сто проценти“, изјави Мустафа за телевизијата 7News.Видео-снимки кои кружат на социјалните мрежи го покажуваат моментот кога Ахмед, облечен во бела кошула, се крие зад автомобил на паркинг, на само неколку метри од вооружениот напаѓач. Во пауза меѓу истрелите, тој излегува од засолништето, трча меѓу возилата и го фаќа напаѓачот одзади во т.н. „хедлок“. По кратка, но жестока борба која траела неколку секунди, Ахмед успева да му ја одземе пушката, по што напаѓачот паѓа наназад и се повлекува кон блискиот мост, постојано вртејќи се наназад.На нови снимки може да се види Ахмед како седи на земја, додека присутните се обидуваат да му помогнат поради повредата на ногата. И покрај тоа што бил ранет, тој бил свесен и комуницирал со спасувачките екипи, а еден од граѓаните донел пешкир за да го запре крвавењето.Во истото видео се забележува и вториот напаѓач, кој се наоѓал на издигнат мост во близина, како разменува оган со полицијата и со гестикулации му сигнализира на разоружаниот напаѓач да му се придружи. Во хаосот што следел, Ахмед и уште еден маж остануваат приклечени до дрвото, по што неговиот придружник, според снимките, бил погоден. Неколку моменти подоцна, полицаец пристигнува од спротивната страна и го усмртува напаѓачот.Во нападот, загинаа најмалку 12 лица, меѓу кои и еден од напаѓачите, додека 29 лица се хоспитализирани. Нападот се случил во момент кога на плажата се одржувал настанот „Chanukah By The Sea“, во близина на детското игралиште, а истовремено и божиќните пазари во Бонди привлекле голем број посетители.Полицијата на Нов Јужен Велс соопшти дека станува збор за пукање на јавно место извршено од двајца мажи, дека истрагата е во тек и дека на локацијата се пронајдени сомнителни предмети кои ги проверуваат специјализирани служби. Воспоставена е широка безбедносна зона, а полицијата апелира до граѓаните кои имаат снимки од мобилни телефони или камери во возилата да ги достават до Crime Stoppers.Од Општината Вејверли соопштија дека се длабоко потресени од настанот и изразија сочувство до сите погодени од нападот, нагласувајќи дека трагедијата се случила за време на прослава на еврејскиот празник Ханука. Во јавноста, Ахмед ал Ахмед веќе се смета за симбол на храброст и човечност во момент кога насилството го потресе срцето на една од најпознатите австралиски заедници.

Свет | пред 2 месеци

Идентификуван еден од напаѓачите во теророт на Бонди, премиерот зборува за „чин на зол антисемитизам“

Австралиските власти го објавија идентитетот на еден од напаѓачите вмешани во терористичкиот напад на плажата Бонди во Сиднеј. Станува збор за 24-годишниот Навид Акрам, чие име и адреса се наведени во неговата возачка дозвола, според која тој живеел во Бонириг, предградие на Сиднеј. Истрагата за мотивите и можните соработници на напаѓачите е во тек, а безбедносните служби се обидуваат да утврдат дали постојат и други лица со слични намери.Директорот на австралиската безбедносно-разузнавачка агенција ASIO, Мајк Бургес, изјави дека најмалку еден од напаѓачите им бил познат на службите, но не бил третиран како непосредна закана. Тој нагласи дека во овој момент нема индикации за поширока мрежа или за лица кои подготвуваат слични напади, но дека истрагите се активни и детални. „Очигледно е дека мора да се испита што точно се случило и дали постоеле сигнали што не биле навреме препознаени“, изјави Бургес.Австралискиот премиер Ентони Албанезе на прес-конференција пукањето го оцени како чин на зол антисемитизам и тероризам кој го погодил срцето на нацијата. Тој истакна дека насилството ослободено во Бонди е надвор од секое поимање и дека болката и загубата со кои се соочуваат семејствата на жртвите се незамисливи. Албанезе им оддаде признание на граѓаните кои, како што рече, трчале кон опасноста за да им помогнат на другите, нагласувајќи дека нивната храброст спасила животи.Во меѓувреме, на социјалните мрежи кружи видео-снимка на која се гледа како цивил се соочува со еден од напаѓачите и му го одзема оружјето, сцена која дополнително ја нагласи драмата и херојството во моментите на хаос. Австралиските власти продолжуваат со истрагата и апелираат јавноста да остане смирена и да ги следи официјалните информации додека се расчистуваат сите аспекти на овој тежок напад.

Свет | пред 2 месеци

Работи радарот на скопскиот Аеродром, според Мицкоски, лага е дека е вон функција

Премиерот Христијан Мицкоски изјави дека радарските системи за контрола на летање функционираат нормално и дека во јавноста се пласираат неточни информации за наводен прекин на нивната работа.„Си работат радарите, сè си е функционално. Сè си функционира нормално“, рече Мицкоски, обвинувајќи ја опозицијата дека намерно шири дезинформации и создава непотребна паника кај граѓаните.Изјавата на премиерот доаѓа по информациите дека македонското небо повторно е без радарска покриеност, што според достапните податоци требало да трае до околу 11:30 часот.Според информациите од дел од медиумите, ваквите прекини значат доцнења од околу еден до еден и пол час за авионите, како при слетување, така и при полетување, што има директно влијание врз авиосообраќајот.И покрај овие информации, од Владата уверуваат дека безбедноста на авиосообраќајот не е доведена во прашање и дека системите функционираат согласно процедурите, додека опозицијата, според Мицкоски, свесно пласира неточни тврдења за политички поени.

Македонија | пред 2 месеци

Мицкоски: Не се затвора трезорот на 15 декември, ќе има толеранција и К-15 за вработените

Премиерот Христијан Мицкоски изјави дека на 15 декември нема да се затвора државниот трезор и дека во јавноста се пласираат неточни и небулозни тези дека тоа се прави поради недостаток на пари. Тој појасни дека станува збор за организациска мерка со која институциите треба навреме да ги достават потребните документи, со цел да се избегне досегашната пракса работите да се завршуваат „во 5 до 12“.„На 15 декември не се затвора трезорот. Добро е сите институции навреме да ги достават сите документи. Ќе има толеранција, ова не значи дека на 20 декември ќе има клуч на врата и толку. Ќе работиме со план и со свесност дека обврските мора да се завршуваат на време. Суштината е да стекнеме навика за ред“, рече Мицкоски.Тој нагласи дека во изминатите години, особено во 2024 година, многу работи останале незавршени токму поради доцнењето на институциите, што трезорот објективно не можел да го испорача во последен момент. „Јас не велам дека на 15 декември е крај и дека на 20 декември ништо нема да може да се сработи. Но не смееме повеќе да функционираме во последен момент“, додаде премиерот.Мицкоски истакна и дека ќе има исплата на К-15 за вработените во државните институции, со што ги демантираше шпекулациите за финансиски проблеми. Осврнувајќи се на обвинувањата од СДСМ дека трезорот се затвора поради немање средства, тој оцени дека ваквите тврдења се неосновани.„Тезите што се пласираат во јавноста се небулозни и неточни. Претпоставувам дека таму има луѓе кои се разбираат во економија, па не е јасно зошто вакви теми се испраќаат во јавноста“, рече Мицкоски, потенцирајќи дека целта на Владата е воспоставување финансиска дисциплина, а не создавање паника.

Македонија | пред 2 месеци

(Видео) Ќе има толеранција во брзината од „Сејф сити“, но ќе важи само за прекршоци, а не за кривична одговорност

Министерот за внатрешни работи Панче Тошковски изјави дека системот „Сејф сити“ ќе функционира со јасно утврден праг на толеранција, но исклучиво за прекршоци, додека за потешките случаи ќе следуваат постапки со кривична одговорност. Тој појасни дека правилата за толеранција не ги утврдува МВР, туку институција која сега е во рамки на Министерството за енергетика, во согласност со важечките прописи.Според Тошковски, ваков праг на толеранција постои во голем број земји и се однесува на детектирање на прекршоци преку безбедносниот систем „Сејф сити“. „Ако имаме забрана за управување возило до 50 километри на час, тоа значи дека сè што е над 50, особено ако има повреден пешак или други отежнувачки околности, ќе повлече соодветна постапка со кривична одговорност“, истакна министерот.Тој нагласи дека толеранцијата ќе важи само за полесни прекршоци, додека опасното возење нема да биде предмет на компромис. Како аргумент, Тошковски се повика на светските статистики, кои, според него, јасно ја покажуваат опасноста од пречекорување на брзината.„Статистиката покажува дека кога се вози со 60 километри на час, шансите за преживување се речиси минимални. Од 10 лица, во просек преживуваат само две“, рече Тошковски, потенцирајќи дека целта на „Сејф сити“ е зголемување на безбедноста и намалување на тешките сообраќајни несреќи.

Настани | пред 2 месеци

(Видео) Снимка од моментот на терористички напад на Бонди: Пронајден автомобил со експлозиви, бројот на жртви расте

Австралиската полиција официјално го прогласи масовното пукање на плажата Бонди во Сиднеј за терористички напад, откако истрагата откри дека покрај огненото оружје биле подготвени и импровизирани експлозивни направи. Комесарот на полицијата на сојузната држава Нов Јужен Велс, Мал Ланјон, потврди дека специјалната единица за деактивирање експлозиви интервенира на лице место, откако во близина на местото на нападот бил пронајден автомобил за кој постојат сериозни сомнежи дека содржи повеќе импровизирани експлозивни направи.Возилото било лоцирано на улицата Кембел Парад, недалеку од плажата Бонди, кратко по пукањето. „Нашата единица за отстранување експлозиви е на терен и постапува согласно протоколите. Станува збор за експерти кои ќе ја преземат соодветната акција“, изјави Ланјон, додавајќи дека засега е прерано да се соопштат детали за типот на оружјето што го користеле напаѓачите, освен дека се работи за т.н. долго оружје.Според најновите официјални податоци, најмалку 12 лица се убиени во нападот, додека 29 лица се пренесени во болници низ Сиднеј, меѓу кои и двајца полициски службеници. Дел од повредените се во сериозна состојба. Полицијата соопшти дека нападот се случил во момент кога на плажата имало над 1.000 луѓе, кои присуствувале на прослава по повод еврејскиот празник Ханука.Комесарот Ланјон изјави дека нападот официјално е прогласен за терористички акт во 21:36 часот по локално време, со што се активирани и посебни полициски овластувања. Дополнително, тој потврди дека истрагата сè уште трае и дека се разгледува можноста за постоење и на трет сторител. „Ги овластивме сите дополнителни мерки за да спречиме каква било понатамошна закана и да обезбедиме целосна безбедност“, изјави Ланјон.Австралија е во состојба на длабока тага и шок, додека безбедносните служби продолжуваат со интензивни активности, а јавноста е повикана строго да ги почитува упатствата на полицијата.

Свет | пред 2 месеци

Бронза за Македонија на Светскиот куп „King of Taekwon-do“ во Солун

Македонската Традиционална Таеквондо Федерација оствари значаен меѓународен успех на Светскиот куп „King of Taekwon-do“, кој викендов се одржа во Солун, Грција, каде што учествуваа над 1.400 натпреварувачи од 21 држава. Под водство на националниот тренер Саша Поповски, со поддршка од потпретседателот на МТТФ Зоран Парулески и судијата Христијана Парулеска, македонската репрезентација настапи со тројца натпреварувачи и се врати со историски медал.Најголемиот успех го постигна Владимир Димитриевиќ во спаринг категоријата сениори до -78 килограми, освојувајќи бронзен медал, кој воедно е и прв медал за МТТФ од Светски куп. И покрај повредата со која настапи поради напорниот натпреварувачки период, Димитриевиќ покажа висок квалитет и борбеност. Во елиминациската фаза го совлада претставникот од Грција, во четвртфиналето беше подобар од натпреварувач од Естонија, а во полуфиналето беше поразен од украинскиот претставник, со што ја заврши конкуренцијата на третото место.Добар настап имаше и Миа Танеска, која се натпреваруваше во категорија јуниори – црвен појас, форми, каде што конкуренцијата броеше 38 натпреварувачки. Таа се пласираше до четвртфиналето и го освои деветтото место, останувајќи чекор до борбата за медал. Во спаринг категоријата јуниори до +55 килограми, и покрај прикажаната борбеност, беше елиминирана во раната фаза.Со бронзата од Солун, Димитриевиќ ја заокружува 2025 година во ист стил како што ја започна – со историски успех во сениорска конкуренција. Овој резултат претставува важен исчекор за Македонската Традиционална Таеквондо Федерација и јасен показател за растот и потенцијалот на ИТФ таеквондо спортот во Македонија.На Светскиот куп требаше да настапи и Даниел Стојаноски, кој за првпат ќе ја претставува МТТФ во категорија кадети до -40 килограми, што дополнително ја потврдува насоката на Федерацијата кон подмладување и континуитет на меѓународната сцена.

Спорт | пред 2 месеци

Скопје и Белград лидери во авијацискиот бум: Над 200.000 нови седишта во првиот квартал од 2026

Како што се приближува крајот на 2025 година, авијацискиот сектор во регионот влегува во една од најдинамичните фази во последната деценија. Првиот квартал од 2026 година носи значително зголемување на капацитетите на речиси сите аеродроми во поранешна Југославија, а апсолутни лидери во овој раст се Скопје и Белград, кои ќе додадат по повеќе од 200.000 нови седишта во однос на истиот период лани.Најголемиот двигател на експанзијата е нискобуџетниот авиопревозник „Виз Ер“, кој по период на реструктурирање агресивно ги враќа и проширува своите операции. Во Скопје, компанијата ќе додаде дури 286.124 нови седишта, што претставува најсилен индивидуален раст на еден аеродром во регионот. Во Белград, „Виз Ер“ ќе ја зголеми понудата за дополнителни 141.905 седишта, со што двата главни града стануваат клучни точки на регионалната авијациска карта.Растот не е ограничен само на најголемите центри. Зголемени капацитети ќе има и на аеродромите во Охрид, Тузла, Ниш и Бања Лука, што укажува на поширока регионална консолидација и враќање на патничката побарувачка.Загреб го зазема третото место по раст, но со поинаква структура. Таму приматот го презема националниот превозник Croatia Airlines, кој е во фаза на модернизација и проширување на мрежата и ќе додаде 65.678 седишта. За разлика од претходните години, Ryanair бележи поскромен раст од 11.960 седишта, додека Turkish Airlines ќе додаде 13.006 седишта, надминувајќи го ирскиот нискобуџетен превозник.На регионално ниво, во првиот квартал од 2026 година ќе бидат понудени вкупно 7.514.798 седишта на редовни летови, распоредени на 48.428 операции, што претставува раст од 20,9 проценти. Кога се гледаат дестинациите, Истанбул е апсолутен лидер, со најмногу седишта кон аеродромот Истанбул (IST), по што следуваат Цирих и аеродромот „Сабиха Гокчен“.Воедно, патниците ќе добијат пристап и до нови авиолинии. Од Скопје ќе се лета кон Ларнака и Прага, од Белград кон Тбилиси, Астана и Гренобл, а од Љубљана кон Гран Канарија, што дополнително го проширува изборот и ја зацврстува позицијата на регионот на европската авијациска мапа.

Македонија | пред 2 месеци

(Видео) Кои судии и обвинители имале кариери како „цедевита на растворање“?

Во емисијата „Претрес“ се отвори остра и директна дебата за состојбата во правосудството, одговорноста на власта и очекувањата на граѓаните за правда. Разговорот меѓу новинарот Ландов и Андоновски се движеше од прашањето за политичко влијание врз судството, до конкретни имиња на обвинители и судии и нивниот брз кариерен напредок.Андоновски оцени дека во минатото постоеле „инстант брилијантни кариери“, споредувајќи ги со „цедевита на растворање“, алудирајќи на обвинители и судии чие напредување, според него, било директно поврзано со политички инструкции од тогашната власт. Се споменаа имињата на судијката Добрила Кацарска и обвинителката Вилма Русковска. Тој посочи дека јавно се зборувало за пресуди уште пред тие да бидат прочитани во суд, а дека пораките и насоките доаѓале од Владата, што, како што рече, подоцна се рефлектирало во кариерните скокови на поединци во правосудството.Ландов, од друга страна, директно го постави прашањето дали воопшто може да се зборува за вистинска правда, ако Владата не се соочи со, како што рече, „корумпираните обвинители и судии“. Тој потенцираше дека граѓаните не ја дале довербата на власта за да слушаат објаснувања дека судството е посебна власт, туку за да видат конкретни резултати и одговорност.Андоновски возврати дека обвинителството е засебна власт и дека секое директно мешање би било протолкувано како деспотизам. Според него, улогата на Владата не може да биде истовремено и судија и обвинител, но призна дека доколку обвинителството било поактивно, постапките ќе се одвивале побрзо и чувството за правда кај граѓаните ќе било поголемо.На прашањето дали се поднесени кривични пријави против конкретни обвинители и судии, Андоновски потврди дека во овој период нема нови пријави, иако, како што рече, претходно имало обиди. Засега, тие постапки немаат резултат. Сепак, тој нагласи дека очекува секој што се огрешил пред законот да одговара, без разлика на функцијата, како единствен начин да се изгради држава во која граѓаните ќе имаат доверба.Ландов заклучи дека токму тоа е суштината на очекувањата на јавноста – правда која ќе се почувствува, а не само принципиелно дистанцирање од судската власт.Mногу прашања се поставија... меѓу кои и за Груевски:

Македонија | пред 2 месеци

Уапсен ексдржавниот правобранител: Фехми Стафа фатен при земање поткуп, а беше пријавуван и во Финансиска полиција

Поранешниот државен правобранител Фехми Стафа е уапсен откако бил фатен како прима поткуп, дознава „Скопје1“ од извори блиски до истрагата. Oваа информација засега не можеме да ја потврдиме од официјални извори бидејќи се работи на предметот. Апсењето е резултат на подолга оперативна обработка спроведувана во рамки на истрага на Обвинителството за гонење организиран криминал и корупција. Засега од обвинителството не откриваат дали по апсењето ќе биде побаран притвор, посочувајќи дека постапката сè уште е во тек и дека јавноста дополнително ќе биде информирана.Апсењето на Стафа доаѓа по серија контроверзии кои со месеци го следеа неговото име додека владееја СДСM и ДУИ. Тој беше разрешен од функцијата државен правобранител со одлука на Владата, без јавно образложение, во период кога беше разрешен и поранешниот директор на Финансиската полиција Арафат Муареми, со кого Стафа, според информации во јавноста, бил во „тивка војна“. Стафа на функцијата дојде како предлог на партијата Алтернатива, а во јавноста често се поврзуваше и со ДУИ.Неговото име беше споменувано и во скандалот со исплати на хонорари на телевизиската презентерка Бесмира Ејупи, која во јавноста се појави и како можна идна конзулка. Според податоците што претходно ги објави Државната комисија за спречување на корупцијата, од Државното правобранителство, за време на мандатот на Стафа, преку 11 трансакции ѝ биле исплатени вкупно 247.658 денари, односно околу 4.000 евра, за, како што беше наведено, непостоечки работни ангажмани.Паралелно со тоа, Стафа беше поврзуван и со случајот „Труст“, односно со неможноста државата да наплати штета од околу 17 милиони евра од бизнисменот Сеад Кочан. Во јавноста беше актуелно дека за време на стечајната постапка на фирмата на Кочан, било овозможено отуѓување на имотот, поради што државата останала без можност за конфискација. Обвинителите Артан Ајро и Гаврил Бубевски тогаш укажаа дека по правосилноста на пресудата, надлежноста за заштита на имотните интереси преминува на државата, односно на Државното правобранителство како нејзин правен застапник.Против Стафа во минатото биле поднесени и повеќе пријави до Финансиската полиција, а неговото апсење сега отвора сериозни прашања за начинот на кој била вршена функцијата државен правобранител и за евентуалната штета по државните интереси. Очекувањата се дека во наредните денови обвинителството ќе соопшти повеќе детали за случајот и за натамошниот тек на постапката.

Македонија | пред 2 месеци

(ВОЗНЕМИРУВАЧКО ВИДЕО) Масакр на најголемата плажа во Сиднеј: 10 загинати 16 повредени пренесени во болници

Австралија е во шок по масовното пукање на познатата плажа Бонди во Сиднеј, во кое загинаа најмалку 10 лица, потврди полицијата на сојузната држава Нов Јужен Велс. Меѓу загинатите се девет цивили и еден од двајцата напаѓачи, додека вториот вооружен маж е уапсен и се наоѓа во полициски притвор.Полицијата соопшти дека уште 12 лица се повредени, меѓу кои и двајца полициски службеници, а вкупно 16 лица се итно пренесени во болниците во Сиднеј. Дел од повредените се во тешка состојба, а здравствените служби се во состојба на зголемена подготвеност. Надлежните најавија дека во текот на денот ќе одржат прес-конференција со дополнителни информации за мотивите и текот на нападот.Опозициската лидерка Сузан Леј изјави дека Австралија тагува поради, како што рече, „насилството од омраза“ што ја погодило сржта на една од најпрепознатливите австралиски заедници. Таа нагласи дека нападот се случил на еврејски празник, во момент кога во Бонди се одржувал настан на еврејската заедница – „Chanukah by the Sea“, опишувајќи го нападот како чин што ја прекинал прославата на мирот и надежта.Леј упати поддршка до еврејската заедница во Австралија, особено до жителите на источните предградија на Сиднеј, повикувајќи на заедништво против омразата и насилството. Таа им се заблагодари на полицијата, медицинските екипи и граѓаните кои, како што рече, „трчале кон опасноста“ во обид да спасат животи, оценувајќи ги како вистински херои во момент на национална трагедија.

Свет | пред 2 месеци

(Видео) Ги потсети на познатите хитови, па им запеа „Заветна“ и ја разнежни публиката - Скендеровски заокружи 20 години кариера

Во преполната сала на Македонската филхармонија, Бојана Скендеровски синоќа го одржа својот прв солистички концерт насловен „Бесмртна“, со кој го заокружи повеќе од дваесетгодишниот музички пат и најави ново, зрело поглавје во својата кариера. Публиката доби вечер исполнета со емоции, искреност и музика што остава трага, токму она што Бојана го најавуваше во пресрет на концертот.Со сигурен сценски настап и силна вокална интерпретација, Скендеровски се претстави во едно поинакво, подлабоко и поинтимно светло, отворајќи ја својата уметничка приказна пред публиката. Репертоарот беше внимателно осмислен и ги спои песните кои го обележаа нејзиниот досегашен пат со нови емоционални моменти, создавајќи концертна целина што ја држеше публиката во целосно внимание од првиот до последниот тон.Емотивните реакции од публиката, долгиот аплауз и искрената поврзаност што се почувствува во салата беа најдобрата потврда дека вечерта ја исполни својата мисија.Со овој концерт, Бојана Скендеровска симболично затвори едно значајно поглавје од својата кариера и истовремено испрати јасна порака дека „Бесмртна“ не е само наслов, туку состојба на духот и музиката која продолжува да живее и да се развива.

Магазин | пред 2 месеци

(Фото) Пукање на плажа во Сиднеј, снимени лицата кои пукале - илјадници луѓе се евакуираат

Полицијата на австралиската сојузна држава Нов Јужен Велс интервенира по безбедносен инцидент на познатата плажа Бонди во Сиднеј и ги повика граѓаните итно да ја избегнуваат областа. Од полицијата соопштија дека сите лица кои се наоѓаат во близина треба да се засолнат во затворени простории, додека полициските екипи се на терен и ја обезбедуваат локацијата.Федералната влада на Австралија е информирана за случувањата, потврди портпарол на премиерот Ентони Албанезе, апелирајќи граѓаните строго да ги следат упатствата на полицијата на Нов Јужен Велс.Според официјалното соопштение на полицијата, две лица се уапсени на самата плажа Бонди, а операцијата сè уште е во тек. Поради тоа, останува на сила препораката јавноста да не се приближува кон местото на настанот.Австралиските медиуми јавуваат за вознемирувачки сцени. Националната телевизија АБЦ објави дека полицијата постапува по пријави за активен напаѓач на локацијата, додека „Сиднеј Морнинг Хералд“ пренесува информации за повеќекратни истрели, иако засега нема потврда дали има повредени. Весникот наведува дека жителите пријавиле голем број полициски возила во областа и лица кои лежеле на земја во близина на улицата Кембел Парада.Телевизијата 7News, пак, известува дека локалните жители слушнале пукање и виделе стотици луѓе како во паника бегаат од плажата. Повеќе детали се очекуваат откако полицијата ќе излезе со дополнителни информации.

Свет | пред 2 месеци

„Наместо лекови – кратења“: Левица обвинува дека власта ги остава пациентите со ретки болести без терапија

Левица реагира дека државата носи свесна и опасна политичка одлука со која директно се загрозуваат животите на лицата со ретки болести, откако, според нив, буџетот за Програмата за ретки болести е драстично намален. Од партијата наведуваат дека средствата кои во 2025 година изнесувале 24 милиони евра, за 2026 година се планирани на само 17,5 милиони евра, што претставува кратење од 6,5 милиони евра на грбот на најранливата категорија граѓани.Според Левица, ова намалување доаѓа во услови кога бројот на пациенти со ретки болести постојано расте, а и со досегашниот, како што го оценуваат, недоволен буџет, пациентите често останувале без редовна терапија поради лошо планирање и нефункционални тендерски постапки. Наместо системски подобрувања и обезбедување континуитет во лекувањето, Владата предводена од ВМРО-ДПМНЕ, како што тврдат, го кратела и она малку што постоело.Од партијата потенцираат дека дел од лицата со ретки болести се и лица со трајни инвалидитети, целосно или делумно изгубена работна способност и целосна зависност од скапа и континуирана терапија. За нив, нагласуваат, лековите не се привилегија, туку услов за преживување, а секој прекин во терапијата значи директно влошување на здравствената состојба и реален ризик по животот.Левица предупредува дека намалениот буџет ќе значи помал број пациенти кои ќе добијат терапија, а оние кои ќе ја добијат ќе се соочуваат со прекини во лекувањето и дополнителен финансиски товар врз семејствата кои веќе живеат на работ на егзистенцијата. Во реакцијата се посочува и министерот за здравство Азир Алиу, за кого партијата оценува дека од јуни 2025 година не успеал да ги реши наталожените проблеми во здравството и дека со своето постапување се коцка со здравјето на граѓаните.Според Левица, директната политичка одговорност за оваа одлука ја носи Владата предводена од Христијан Мицкоски. „Оваа власт не штеди на луксуз, туку на лекови, терапии и животи“, наведуваат од партијата, оценувајќи дека кратењето на средствата за ретки болести е порака дека болните, инвалидизираните и социјално најранливите не се приоритет на власта.Левица бара итно зголемување на буџетот за Програмата за ретки болести, целосен континуитет во терапиите, забрзување и поедноставување на процедурите за набавка на лекови и политичка одговорност за, како што велат, одлуките што директно ги загрозуваат човечките животи.

Македонија | пред 2 месеци

(Видео) Децата тепани со боксови во Сарај имаат повреди по глава, скршеница на носот: ќе одговараат за брутално насилство

Основното јавно обвинителство Скопје поднесе барање до судијата за деца при Основниот кривичен суд Скопје за поведување подготвителна постапка против пет деца во судир со законот, поради сомнение дека сториле кривично дело насилство од член 386 од Кривичниот законик. Станува збор за малолетници на возраст од 14 и 15 години, кои заедно со уште едно дете помладо од 14 години, кое поради возраста не може кривично да одговара, групно извршиле грубо насилство врз двајца нивни врсници.Инцидентот се случил на 12 декември во дворот на основното училиште „Дитурије“ во скопско Сарај. Според наводите на Обвинителството, двете оштетени деца, исто така на возраст од 14 години, тргнале да си заминат дома кога на излезот од училишниот двор биле пресретнати од групата напаѓачи. Малолетниците започнале да ги удираат со тупаници и клоци по главата и телото, при што едното дете се здобило со површинска повреда на главата, а другото претрпело тешки телесни повреди, меѓу кои контузија на главата, скршеница на носот и повеќекратни хематоми по телото.Со насилното однесување, сторителите предизвикале чувство на страв и несигурност и кај други деца кои во тој момент го напуштале училишниот двор, наведуваат од Обвинителството. Имајќи ја предвид возраста на осомничените, но и потребата од непречено водење на постапката и заштита на оштетените, јавниот обвинител предложил судот да определи мерки на претпазливост, меѓу кои редовно јавување во суд, одземање на патни исправи и забрана за приближување и воспоставување каков било контакт со децата-жртви.Постапката ќе продолжи во согласност со законските одредби за постапување со деца во судир со законот, при што приоритет ќе биде заштитата на жртвите и спречување на понатамошно насилство.Претходно:

Скопје | пред 2 месеци

(Видео) Sирнете какво шоу се случуваше во „Борис Трајковски“ со Argy

Вчерашната вечер во Скопје помина во знакот на електронската музика, откако светски познатиот диџеј и продуцент ARGY настапи во салата „Борис Трајковски“ и приреди спектакл пред илјадници посетители. Концертот беше еден од најголемите електронски настани годинава во Македонија и предизвика огромен интерес кај публиката, а го организираше Прагма продукција. Пред него, загревање беа најдобрите помеѓу најдобрите - диџеите од СЕМПРЕ.ARGY на сцената донесе препознатлив спој на мелодичен техно и прогресивен звук, со сет кој ја држеше публиката во постојана еуфорија. Со моќна продукција, впечатливи светлосни ефекти и силна интеракција со фановите, настапот се претвори во вистинско аудиовизуелно доживување.Публиката реагираше со силна енергија уште од првите минути, а партерот на салата „Борис Трајковски“ беше полн. Дел од најпознатите траки на ARGY беа дочекани со громогласни реакции, што уште еднаш потврди дека Скопје е значајна станица на мапата на големите електронски турнеи.Настапот на ARGY дополнително ја зацврсти позицијата на Скопје како регионален центар за електронска музика и покажа дека интересот за вакви настани е на исклучително високо ниво.

Настани | пред 2 месеци

ВМРО-ДПМНЕ со тешки обвинувања: Филипче глумел патриот, а туркал мигрантски камп во Бардовци

ВМРО-ДПМНЕ соопшти дека, како што наведуваат, „пукнал меурот“ од конструкции и лаги на СДС околу темата за мигрантите и дека документи и докази целосно ја разоткриваат, според нив, хистеријата што ја создавале СДС и Венко Филипче. Од партијата оценуваат дека јавноста сега јасно може да го види лицемерието на СДС, кои, како што велат, ширеле лажни вести за непостоечки теми и истовремено глумеле патриотизам.ВМРО-ДПМНЕ тврди дека за разлика од, како што ја нарекуваат, „глумата“ на Филипче и постојаното менување ставови на СДС, тие имаат јасна и конзистентна државотворна позиција против политики кои ја загрозуваат безбедноста и интересите на граѓаните, додавајќи дека партијата и во минатото и денес водела антиемигрантска политика.Според ВМРО-ДПМНЕ, фактите биле јасни и документирани и покажувале дека СДС, предводена од Зоран Заев и Венко Филипче, имала план Македонија да стане дестинација за мигрантски кампови. Во соопштението се наведува дека постоеле конкретни планови, јавни изјави и политичка волја за сместување мигранти во земјава, вклучително и во Скопје.Партијата тврди дека во 2018 година била усвоена одлука за изградба на мигрантски камп во Бардовци, за што, како што велат, постои и официјален доказ во „Службен весник“, со наведување на имотен лист број 2140 за катастарската општина Бардовци. ВМРО-ДПМНЕ обвинува дека Филипче тогаш го поддржал и „туркал“ овој проект, додека денес, според нив, се обидува да се претстави како принципиелен противник на мигрантските политики.Во реакцијата се наведува дека Филипче, наместо да одговори на конкретни прашања, „бега од новинари и новинарски прашања“ и се обидува да ја дефокусира јавноста со, како што велат, лажни теми и спинови. Од ВМРО-ДПМНЕ порачуваат дека наместо паника и манипулации, СДС треба да одговори колку мигранти биле подготвени да примат во 2018 година, кој ги договарал камповите и зошто тогаш Филипче молчел, а денес настапува како жесток критичар.На крајот, од ВМРО-ДПМНЕ оценуваат дека СДС и Филипче треба да се фокусираат на, како што велат, „мигрантите од сопствените редови“ кои ја напуштаат партијата и да започнат сериозна внатрешна реформа, додавајќи дека на Македонија ѝ е потребна зрела и конструктивна опозиција, а не политика базирана на лаги и страв.

Македонија | пред 2 месеци