Се заплеткува: Врховен ќе одлучува за екстрадиција на човек кој воопшто не е достапен за екстрадирање

Обвинителството доставило мислење за предметот во врска со екстрадицијата на Блерим Рамадани, соопшти Врховниот суд. Од наши извори, дознаваме дека сега, се проблематизира и евентуалното одлучување по тоа дали екстрадицијата ќе се дозволи или не, со оглед дека лицето не е достапно за органите на прогонот во Македонија. Сепак, од Врховен најавуваат дека одлука ќе донесат.„Врховниот суд на Република Северна Македонија ја информира јавноста дека денеска, 20.08.2024 година, Јавното обвинителство на Република Северна Македонија, до Врховниот суд достави мислење за предметот во врска со екстрадицијата на Блерим Рамадани.Врховниот суд на Република Северна Македонија согласно член 68 став 2 од Законот за меѓународна соработка во кривичната материја, е должен да одлучи по конкретниот предмет во рок од три дена од доставувањето на мислењето од Јавното обвинителство на Република Северна Македонија“, велат од Врховен суд.Највисокиот суд во државава, може да ја запре постапката, со оглед дека Рамадани, ексвојник на ОВК е надвор од нашите граници и Македонија при позитивна одлука нема кого да екстрадира. Сепак, неофицијално се зборува дека одлука на Врховен ќе има, а ќе биде во корист на Рамадани, а која може да послужи за судијата Пајазит Пајазити да ги правда неговите постапки кои се според судска пракса, но не и според закон.

Македонија | пред 1 година

Како спинува Кривичен за бегството на Рамадани: се повикуваат на пракса, наместо закони!

Повикувајќи се на судска пракса, а не на закони, Кривичен суд се обидува да го одбрани судијата Пајазит Пајазити, кој го ослободи Блерим Рамадани од екстрадиционен ефективен притвор и го прати во домашен. Пајазити не негира дека при непроменети околности донел одлука за Рамадани да биде пуштен од зад решетки, па вперува прст во МВР оти тие требало да вршат надзор, но не соопштува дека надзор според закон можел да врши и самиот суд – но тоа не било направено. Пајазити се повикува на судска пракса, иако требало да постапува според Законот за меѓународна соработка во кривична постапка.„Факт број два е дека конкретното лице било во активен притвор со решение на Судија на претходна постапка од 17.07.2024 до 01.08.2024 година, или 15 дена, односно, согласно досегашната судска пракса за овие случаи, тоа е максималното време кое некое лица го поминало во екстрадиционен притвор“, вели Кривичен суд.Но вистинскиот факт е дека Законот не му забранува на судијата Пајазити да одреди притвор во должина соодветна за да се спроведе целата постапка за оценување на евентуалната екстрадиција. Дотолку повеќе што Законот посочува дека само при посебни причини, ефективниот притвор може да се замени со друга мерка – што во конкретниот случај и не се наведени дека постојат.„Надлежниот судија на претходната постапка, доколку тоа го оправдуваат посебни причини, наместо притвор може да определи друга мерка за обезбедување присуство на лицето чијашто екстрадиција се бара согласно со закон“, стои во Законот за меѓународна соработка во кривична постапка.Пајазити во одлуката за ослободување од зад решетки на Рамадани, кој потоа избега, се повикува на претпоставка дека досега судовите не дозволувале екстрадиција во слични случаи, па сметал дека тоа ќе биде така и сега.„Факт број три е дека на 01.08.2024 година, по предлог на одбраната на лицето, донесено е решение со кое лицето и понатаму останува обезбедено за органите на прогон преку куќниот притвор, а при донесување на решението, судијата имал предвид дека: имајќи ја предвид веќе воспоставената судска пракса за постапување на нашите судски органи при идентично исти случаи, односно на лица на кои првично им било определена мерка притвор, во сите одлуки на Кривичниот совет при надлежните судови е утврдено дека не се исполнети Законските претпоставки за екстрадиција, а овие одлуки се потврдени од Врховниот суд на РСМ, согласно Законските одредби, може да биде обезбедено со поблаги мерки како куќен притвор, мерки за обезбедување присуство или гаранција. – што е наведено во решението, додека надзорот над куќниот притвор, согласно решението се доверува на МВР односно надлежната полициска станица“, се вели во писанието на Кривичен за правдање на Пајазити.Сепак, Кривичен суд испушта да соопшти неколку клучни моменти. На пример, Законот за кривична постапка предвидува одредување на притвор се додека постои основано сомневање дека Рамадани сторил кривично дело, а тоа значи сѐ додека не се донесе судска одлука која ќе го потврди спротивното. Воедно, Законот посочува дека основа за притвор е можноста лицето да бега и да се крие – што во конкретниот случај се случи при одредување на поблага мерка.„Врз основа на распишана меѓународна потерница, односно врз основа на барање за екстрадиција, а кога се исполнети условите за определување притвор согласно со одредбите на Законот за кривичната постапка“, стои во Законот за меѓународна соработка во кривична постапка, за во Кривичниот законик, член 165 се дообјаснува: „Ако постои основано сомневање дека определено лице сторило кривично дело, доколку притворот е неопходен за непречено водење на кривичната постапка, против тоа лице може да се определи притвор, ако: 1) се крие, ако не може да се утврди неговиот идентитет или ако постојат други околности што укажуваат на опасност од бегство“.За Судот, последен факт е дека Кривичниот совет донел решение со кое екстрадицијата се одбива, но одлуката била донесена по 8 дена откако Рамадани бил пуштен од зад решетки, а истата и не е конечна бидејќи последната одлука ја носи Врховен суд.„Како последен факт, би сакале да потенцираме дека согласно воспоставена судска пракса и меѓународното право, Кривичниот совет донесе решение според кое не се исполнети Законските услови за ектрадиција и целиот предмет е доставен на надлежно постапување на Врховниот суд на РСМ“, велат од Кривичен суд.„Скопје1“ пишуваше како избега Рамадани.

Македонија | пред 1 година

Не му помина теоријата на Палчо дека е невин пред обвинителот: предложил сведок, кој не „пеел“ како што обвинетиот мислел

Без разлика на фактот што има сведоци и докази кои според Обвинителството без резерва докажуваат дека Љупчо Палевски-Палчо е планерот и реализаторот на убиствата на Вања Ѓорчевска и Панче Жежовски, тој до последно негира вина. Палчо пред обвинителката презентирал друга теорија, се правдал дека не бил на местата каде се случиле убиствата во посочениот период, тврдел дека за тоа има и докази.„Скопје1“ дознава дека Палевски-Палчо предложил и свој сведок, со кој се обидел да докаже дека во периодот кога Вања и Жежовски биле грабнати и убиени, тој извршувал други обврски. Па така, Палевски кажал дека долг период поминал во банка, но оваа одбрана не поминала кај јавниот обвинител. Кога на распит дошол сведокот посочен од Палевски-Палчо, истиот посочил дека тие биле заедно, но во друг временски период.Според наши извори, Палевски во исказот пред обвинител кажал дека не го познавал обвинетиот татко на Вања, Александар Ѓорчевски. Одговорил и на прашање, дали ја знае мајката на убиеното девојче, со која негирал било каква комуникација. За сѐ друго што раскажал со цел да се спаси од вина, немал никаква материјална поткрепа.Јавноста го памети и моментот кога Палевски-Палчо го спроведуваа во суд, а каде на прашање од „Скопје1“ за тоа дали има докази дека не е сторител на убиствата, тој се насмеа. На повторено прашање, тој одговори: „да“.Палевски делувал со обвинетите Влатко Кешишов, Велибор Манев и Боре Видевски. Точноста на нивните искази, обвинителот ја поткрепил со материјалните докази, меѓу кои снимки од триесетина места.Обвинителот останува на тврдењето дека целта на грабнувањето на Вања било да се присили член на семејството да даде откуп за детето, но и дека имало комуникација помеѓу таткото Ѓорчевски и Палевски. Грабнувањето било по излегување од лифтот, па со украдениот „цитроен“ од убиениот Жежовски, била однесена на ридот кај Скопска Црна Гора. Според обвинителката планот за откупот не се реализирал бидејќи Вања се барала преку апел на социјалните мрежи, по што била убиена и закопана во дупка. Панче Жежовски, според обвинителот, бил убиен за да му се одземе возилото „цитроен“ за да го користат за грабнување на детето. Тој имал претходни познанства со дел од обвинетите.14-годишната Вања беше пријавена за исчезната на 27 ноември, а велешанецот Панче на 24 ноември. Нивните тела беа пронајдени на 3 декември. Во врска со двата случаи, осомничени се пет лица, од кои тројца (Влатко Кешишов, Велибор Манев и Боре Видевски) признаа вина.

Македонија | пред 1 година

(Фото) Данела назначи кадар на ДУИ за нов директор на „Паркови и зеленило“: не одговара која е нејзината врска со Блерим Беџети

Кадар на ДУИ е нов директор во „Паркови и зеленило“ по избор на градоначалничката на Скопје, Данела Арсовска. Од пред два дена, Јетон Бучи го преземал кормилото на градското претпријатие, со градоначалнички потпис. Негова промоција не направи Град Скопје на социјалните мрежи, но направија членовите на ДУИ преку партиските профили.„За директор на јавното претпријатие ‘Паркови и зеленило’ е именуван Јетон Бучи“, пишува еден од профилите на ДУИ.[caption id="attachment_299674" align="alignnone" width="696"] Screenshot[/caption]„Скопје1“ за врската меѓу Блерим Беџети и Арсовска постави и прашања до Град Скопје, но не добивме одговори. Таму прашавме, кој е договорот меѓу пратеникот на ДУИ, Беџети и скопската градоначалничка, но и зошто кадри на ДУИ ги добиваат директорските позиции во претпријатијата. Овие прашања ги поставивме ден пред Бучи да биде назначен за директор - но како и секогаш, не добивме одговор.Професионалното портфолио на Бучи останува тајна за јавноста, бидејќи за него, до овој момент, од ЈП „Паркови и зеленило“ и Град Скопје, не е објавен ниту збор. Но, затоа, лесно достапно преку социјалните мрежи е дека Бучи сака да се фотографира со експратеникот на ДУИ, Артан Груби.[caption id="attachment_299676" align="alignnone" width="678"] Screenshot[/caption]Интересно е што Арсовска се здружила со кадарникот на ДУИ, иако таа во кампањата за парламентарните избори посочуваше дека ќе го врати името Македонија и е против уставни измени, а токму Бучи се залагал за спротивното. На неговиот профил, не може да се најде ниту збор напишан на македонски јазик.[caption id="attachment_299675" align="alignnone" width="676"] Screenshot[/caption]Претходниот директор на „Паркови и зеленило“, Мартин Ангеловски, крена раце од Арсовска и поднесе оставка.За ова објави „Скопје1“, па неколку дена подоцна, Арсовска излезе со став дека таа го разрешила и дека немало оставка. Дека ова е неточно, повторно објави „Скопје1“, заедно со документот до кој дојдовме преку архивите на Град Скопје.Ваквите потези на Арсовска доаѓаат во време кога скопјани бараат оставка од нејзе, бидејќи ја сметаат за неспособна да се справува со проблемите и да го води градот. Истовремено, таа се крие од јавноста и бега од неа. За тоа сведочи и вчерашниот нејзин потег, кога застана, па замина откако ја виде екипата на „Скопје1“.БОНУС ВИДЕО - АРСОВСКА БЕГА!На Данела, не ѝ чинеше Мицкоски – па сега и е посакуван соговорник и во него гледа спас.

Скопје | пред 1 година

(Видео) Контролор на ЈСП се заканува на патничка: Да беше маж, ќе беше тепан, седи мирна!

Снимка од која се слуша како контролор на ЈСП се заканува на девојка со реченицата: „Да беше маж ќе те тепав“, стигна до „Скопје1“. Од неа, се слуша непримерно однесување и закана од контролорот, а откако, патичката одбила да плати карта со укажување дека автобусот го чекала 50 минути и доцнел, а нејзината плата не и дозволува да се вози со такси.„Ти да си маж, нема вака да поминеш, биди сигурна!“, и вика контролорот на патничката, а таа го прашува: „Ќе ме тепаш?“, на што тој враќа: „Сто осто маж ќе биде тепан!“.Патничката го прашува: „Сакаш да те снимам сега?!“, на што контролорот на висок тон продолжува: „Ало, да е маж ќе го тепам биди сигурна, ти кажувам“. Патничката во останатиот дел од снимката ми посочува на контролорот му кажала работи за ЈСП кои побарала да ги пренесе до Централа, дека не се бунтува само таа, туку и други патници, на што тој и приоѓа и вели: „Пшш, седи мирна!“.Дополнително, друг контролор почнува да се жали: „Дали зимаме плата или не зимаме, никого не го интересира!“.Целата драма се одвивала во средата (14.08) во автобус кој се обраќал на линија 4А. Останатите патници сведочат дека контролорот бил дрзок и безобразен кон патничката. Патничката сакала да го сними инцидентот, но не можела.Инцидентот доаѓа во време кога жителите на Скопје чекаат и повеќе од еден час да дојде автобус, а тие се расипуваат низ булеварите, неретко и се запалуваат. ЈСП кубури со кадар, со нафта, но и со делови. Револт поради неисправните автобуси има и кај вработените.За случајот, „Скопје1“ го извести и директорот Драган Кушовски, кој веднаш одговори дека ќе направи проверки и ќе информира за резултатот од истите.

Скопје | пред 1 година

„Донеле одлука дека нема основа Блерим Рамадани да се спроведе во Србија“, политичарот Меџити соопштува судска одлука која уште не е конечно донесена

Блерим Рамадани не треба да биде екстрадиран во Србија, одлучиле судските истанци, според вицепремиерот Изет Меџити, кој се обрати од партиската говорница на „ВЛЕН“. Тој не сакаше да го коментира бегството, ама сакаше да каже дека Рамадани кој се бара за воени злосторства од Србија, е слободен човек. Се повика на одлука на Судскиот совет, иако ова тело нема никаква поврзаност со тоа дали екстрадицијата на Рамадани ќе биде дозволена или не.„Знам дека Судскиот совет донел одлука дека аргументите на Србија не држат и нема основа Блерим Рамадани да се спроведе во Србија. Тоа е веќе трета одлука, тоа станува судска пракса. Таа судска пракса веројатно треба да не насочи да делуваме како сите европски држави. За овој период, Србија дава неточни информаци кои не треба да се сфатат сериозно во иднина“, рече Рамадани.Интересно е што на денешната седница на Судскиот совет не беше соопштено, ниту може да биде соопштено од нив дека екстрадицијата на Рамадани не е одобрена или одобрена. Дотолку повеќе што конечната одлука ја носи Врховниот суд и истата според информации на „Скопје1“ до овој момент не е донесена.Според Законот за меѓународна соработка во правната материја, кога советот на Кривичен суд ќе пресече дека не се исполнети законските претпоставки за екстраиција, носи решение со кое тоа го утврдува. Но, решението по службена должност се доставува до Врхвеон суд, кој по добиено мислење од јавен обвинител може да го потврди, укине или преиначи. Ова значи дека последната одлука ја носи Врховниот суд. Дотолку повеќе, што информациите на „Скопје1“ се дека советот на Кривичен и обвинителот од кој се барало мислењето имале спротиставени ставови. Обвинителот сметал дека се исполнети законските услови за екстрадиција на Рамадани во Србија.„Предметот не е дојден до нашиот суд“, велат кусо од Врховен суд за „Скопје1“.За потсетување, Блерим Рамадани избега благодарение на судската одлука на судијата Пајазит Пајазити, кој го извади од зад решетки и му одреди куќен притвор. За него е формирана комисија која ќе го испитува постапувањето.

Македонија | пред 1 година

„Сам донел сам изел“: за граѓаните или да му застарат милионските долгови, за кого бие битка Самка Ибраимовски?

„Сам донел, сам изел“. Вака вели една народна поговорка која изгледа добро ја слушнал и разбрал, експратеникот Самка Ибраимоски. Тој и натаму бара да се бришат долгови постари од десет години, но не дава одговор дали тоа го прави за себе или за граѓаните, како што тоа го претставува во јавноста.„Скопје1“ пишуваше за фирмата на Ибраимоски која треба да врати на државата милионска сума, а тој сака да се спаси со законот кој сам го иницираше додека беше пратеник. Сега го прашавме, дали ќе се откаже од застарување на неговиот долг и ќе ѝ врати на Македонија 29 милиони денари кои неосновано ги добил, што е констатирано со ревизија на пресуда и правосилна одлука на Апелација – но тој не одговара.Ибраимоски е особено активен во делот на застарување на долговите изминатиот период. Тој гласно го критикува тоа што долговите не застаруваат, без разлика дали поминале десет или повеќе години. Но и самиот е должник. „Скопје1“ го праша дали тој има долгови и кон поединци и фирми, кои можат да му застарат со законот чија уставност ја преиспитува Уставниот суд. Ни на ова прашање не добивме одговор. Но истовремено, преку социјалните мрежи бара кривичните пријави против извршителите да се процесуираат во јавното обвинителство.„Кажавте дека законот мора да се почитува без разлика кој и да е. Вие како поранешен адвокат, сегашен министер за правда, ние како еден од иницијаторите за застарување на долговите во Македонија со мојот тим, имаме една замолница...Законот за облигациони односи не се почитува, извршителите како да се паднати од Марс. Дали може вие да покренете постапка за непочитување на закон, бидејќи неспроведување на одлука се казнува парично или со казна затвор. Ве замолувам да преземете обвинанија.... Година дена не почитуваат закон (извршителите)“, вели Ибраимоски во вклучувањето во живо.Но експратеникот кој се бори долговите да застаруваат и да не се плаќаат, не кажува ниту збор за тоа дека ниту тој не почитувал судски одлуки донесени врз основа на закон. Па така не ја испочитувал пресудата донесена од Кривичниот суд во 2006 година, која станала правосилна со одлука на Апелација, а во која стои да врати милиони на државата. Доколку ова било испочитувано, неговата фирма немала да биде дадена на извршител, ниту противизвршувањето чиј доверител е Македонија – ќе биде поднесено до извршител.За потсетување, Ибраимоски беше пратеник во Собранието. Тој, две години откако државата започнува извршување на долг од неговата фирма, го поднесува законот кој и денеска го пропагира.Ние сакавме да ја чуеме и втората страна, па Ибраимоски во два наврати доби покана и за гостување во поткастот „Претрес со Ландов“, но и прашања од наша страна, кои можеби не му се допаѓаат, па ги игнорира. Останува отворено и прашањето кој е главниот мотив на Ибраимоски толку да инсистира на бришење на долговите. Нејасно е и зошто ако приоритет му е интересот на граѓаните, тој не ги врати неговите долгови, сосе милионите кои ги чека државата.Повеќе за случајот:

Македонија | пред 1 година

Самка ќарува државни 29 милиони денари: му застаре долгот благодарение на законот кој го иницираше како пратеник

Државата барала да наплати 29 милиони денари од фирмата „УНИУС-ИС“ на експратеникот Самка Ибраимоски, но тоа нема никогаш да се случи, бидејќи тој го искористил законот кој сам го иницираше и долгот му е застарен. Македонија барањето за извршување го поднела во 2006 година, извршителот не успеал да наплати до 2016 година, а со новиот закон, ако долгот десет години не се наплати – се отпишува. Ибраимоски беше еден од иницијаторите на тоа долгот да застарува и да не може да се извршува по одреден период. Сепак во изјава за „Скопје1“ посочува дека целта не му била тој да се спаси. Посочува дека државата му должи нему. Но признава, по основ на застареност на извршување, се спасува од враќање на милионската сума.ЗОШТО ДРЖАВАТА БАРАЛА ДА ГИ ВРАТИ МИЛИОНИТЕПред да стане пратеник, Самка Ибраимоски тврди дека имал мотел во Тетово, кој му бил запален во 2001 година при војната. За ова поднел тужба против државата и барал обесштетување. Судот пресудил дека треба да се обесштети и оваа пресуда, која според неговите зборови станала правосилна. Тој добил средства. Но потоа пресудата подлежела на ревизија – па било одлучено дека „УНИУС-ИС“ на Ибраимоски нема право на пари и требало да ги врати.„Прво добив пресуда за оштета поради тоа што мотелот ми беше запален во 2001 година. Кога требаше да почне наплатата, тие дадоа ревизија на правосилната пресуда. Значи мене ми платиле врз база на правосилна пресуда, не на жими мајка или чесен збор. Поради мојата политичка ангажираност направија мучка и го вратија предметот на повторно судење. На повторното судење, ми рекоа дека немам пасивна легитимација. Тоа беше чиста политичка игра“, вели Ибраимоски.Оттука почнува и присилната наплата на парите од страна на државата.ИБРАИМОСКИ ТРЕБА, НО НЕ ГИ ВРАЌА ПАРИТЕФирмата на Ибраимоски станува должник. Државата бара да ѝ бидат вратени 29.545.277 денари како главен долг. Ова е потврдено и со пресуда од Кривичниот суд во Скопје од март 2006 година, која станала и правосилна со одлука на Апелација.„...со решение на Врховен суд од 2004 година, пресудата од 2003 година е укината, а врз основа на таа извршна исправа, доверителот наплатил вкупно 29.545.277 денари од должникот, судот одлучи како во изреката на ова решение па предлогот за противизвршување го уважи и му наложи на доверителот во рок од 15 дена да го врати на должникот износот од 29.545.277 денари, односно износот што доверителот го добил со извршувањето во извршната постапка“, стои во пресудата изречена од Ангелина Поповска.Доверителот Република Македонија поднесува барање за противизвршување во 2009 година, каде како должник се впишува фирмата „УНИУС-ИС“ сопственост на Ибраимоски.„Врз основа на решение ... од 2006 година на Основниот суд Скопје, уважен е предлогот за противизвршување поднесен од должникот, а сега доверител Република Македонија против доверител, а сега должникот ... УНИУС-ИС ДООЕЛ Тетово со кое решение му се наложува на сега должникот да му врати на сега доверителот износ 29.545.277 денари на име главен долг. Ова решение е потврдено со решение на Апелациониот суд од 2008 година“, стои во  барањето за извршување до кое дојде „Скопје1“.СТАНУВА ПРАТЕНИК ВО 2011 И ПОЧНУВА СО БАРАЊАТА ДА ЗАСТАРУВААТ ДОЛГОВИТЕСамка Ибраимоски е претседател на ПЦЕР, од чија партија беше и пратеник во Собранието. Тој во изјава за „Скопје1“ посочува дека законот за застарување на долгови и стопирање на наплати од извршители го пропагирал во 2011 година – додека всушност, според документите кои ги поседува „Скопје1“ траело извршување на милионите кои државата ги барала назад. Сепак, Ибраимоски посочува дека тој не должел на државата и не се работело за него.„Јас овој закон сум го пропагирал и сум барал во 2011 година, тогаш не се работело за мене. Нема врска тоа што јас должам на државата, јас ништо не должам“, вели Ибраимоски.Тој самиот посочува дека сега нема долг, оти со правосилна пресуда е констатирано дека долгот застарел.„Јас сум сопственик на фирмата, но немам долг, јас имам пресуда добиено, јас немам долг, имам пресуда дека се поништува по два основа, поради застареност и поради тоа што државата треба да ми плати оштета. Тие да сакале да ги извршат, немале да чекаат 15 години“, вели Ибраимоски.Кога ја побаравме пресудата со која се констатира дека државата треба да му плати оштета, прво рече дека му е кај адвокатот, па најави дека дополнително ќе ја достави.ПРИБЕЛЕШКАТА НА МОТЕЛОТ СТОИ, ТОЈ НЕ МОЖЕ ДА СЕ ПРОДАВАДека имало прибелешка на мотелот кој го имал Ибраимоски поради долг, потврдува и самиот поранешен пратеник. Тој посочува дека сега има поднесено и кривична пријава против извршителот.„Има прибелешка за мотелот, сега јас барам да се избрише. Тој не ја почитува правосилната пресуда, јас пуштив кривична пријава. Јас имам пресуда дека предметот е застарен“, додава Ибраимоски.Тој најави дека предметот ќе го тера до крај, дека ќе оди до Стразбур.САМКА Е ПРОТИВ ИЗВРШИТЕЛИТЕЕкспратеникот се залага за примена на законот со кој долговите застаруваат, а извршителите мораат да запрат со извршувањето. Тој повикува на протести за утре во 12 часот пред Министерството за правда.„Понесете ги извршните решенија, ќе има барања до министерството за овој закон да почне да се применува“, посочува Ибраимоски во вклучувањето во живо на „Фејсбук“.Тој посочува: „Народот треба да ги ја земе судбината во свои раце“.

Македонија | пред 1 година

Како избега Блерим Рамадани: Судијата Пајазити го става и вади од зад решетки при непроменети околности, обвинител се жали, Кривичен совет го враќа - но него го нема!

Судијата Пајазит Пајазити го ставил, па го пуштил поранешниот припадник на ОВК, Блерим Рамадани од ефективен притвор, иако околностите под кои е одреден притворот биле непроменети, дознава „Скопје1“. На МВР им била дадена насока да вршат контроли, кои биле правени секојдневно. Обвинителството за гонење организиран криминал (ОЈО-ГОКК) не се согласило и поднело жалба. Денот кога Кривичен совет одлучува по жалбата – Рамадани бега. Вака изгледал текот на настаните кога во прашање е Рамадани, за кого Србија има потерница и го бара за извршени воени злосторства.„Скопје1“ дојде до информации како постапувале судијата Пајазит Пајазити, Кривичниот совет кој одлучува по жалби, Обвинителството кое бараше притвор и се жалеше за куќниот притвор, Министерството за внатрешни работи задолжено да прави контроли на адресата каде Рамадани беше во куќен притвор. Заклучокот е дека МВР не може да го пушти Рамадани да избега, туку судот со неодредување на најстрогата мерка.Рамадани беше уапсен на 18 јули. Судијата Пајазити го праќа во притвор зад решетки. Осомничениот се жали по два основи – дека е противзаконски лишен од слобода, како и дека не треба да биде во притвор бидејќи нема намера да бега, ниту причина. Постапува Кривичниот совет на судот, кој одлучува дека жалбата за противзаконитото апсење му е одбиена оти касно ја поднел, а дека поплаката за притворот му е исто така ненавремена, но и неоснована. Тој останува зад решетки.Пајазити решава да му го укине притворот на Рамадани на 1-ви август. Го испраќа во куќен притвор кај роднина, кој живеел во Чаир. Рамадани е спроведен од полицијата. Ова решение, Пајазити го носи без разлика на фактот што околноста поради која му е одреден притвор е непроменета – а тоа е дека се бара по потерница. Неофицијално дознаваме дека судијата не бара ниту став од обвинителот, иако, тоа се прави пред сѐ поради еднаквост на оружјата во правната постапка. Рамадани излегува на слобода, а обвинителот се уште не е ниту известен за одлуката донесена од судијата Пајазити.Министерството за внатрешни работи е известено за судската одлука и добива задолжување да врши контроли во Чаир, каде Рамадани го издржува куќниот притвор. Не бил определен 24-часовен надзор, иако Пајазити имал таква можност согласно Законот за кривична постапка, туку укажал контроли да се прават еднаш во денот. Полицијата при рандом секоја контрола, го затекнува осомничениот на адресата.По пет дена од одлуката на Пајазити, решението за куќен притвор го прима и обвинителот. Истиот ден, до Кривичниот совет (второстепен орган за жалби по притвор), стигнува жалба од обвинителот кој бара Рамадани да биде вратен во притвор бидејќи околностите не се променети, тој се бара со потерница, а постои оправдана опасност од бегство.Кривичниот совет од тројца судии заседава и одлучува вчера (14 август), и заклучува дека жалбата на обвинителката е оправдана и Рамадани треба да биде вратен во притвор зад решетки. Но, касно. Полицијата оди на адресата за да го спроведе во затворот „Скопје“ во Шутка, но не го наоѓа на адресата каде ја издржувал мерката. Веднаш го известува судот, па има централна потерница. Меѓудругото, колегите судии, констатираат дека судијата на претходна постапка, Пајазити, укинувањето на ефективниот притвор, и одредувањето на куќен притвор, го направил иако немало променети околности и лицето може да се даде во бегство.По осомничениот Рамадани е објавена централна потерница и се трага. „Скопје1“ прати повеќе прашања до Кривичниот суд поврзани со низата правни чекори преземени од судот и судијата Пајазит Пајазити – на кои до овој момент не доби одговор.

Македонија | пред 1 година

(Видео) Со пиштол извршен грабеж на улица „Македонија“ - снимен моментот и крадецот

Младо лице со пиштол изврши грабеж, среде бел ден, во центарот на Скопје, на улица „Македонија“. Тој со кацига и ракавици, влезе во продажен салон на познат бренд и одзел повеќе часовници.Од снимките кои ги поседува „Скопје1“ се гледа како лицето ги става предметите во ранец и заминува од местото каде се случил грабежот.  Снимено е и како лицето преку плоштадот „Македонија“, се упатува кон Кејот, односно Камени мост.МВР трага по него.„Пријавено е дека во 16.30 часот во продажен објект на подрачје на Центар во Скопје едно лице со закана со огнено оружје одзело повеќе предмети. Се преземаат мерки за расчистување на случајот“, велат кусо од МВР за „Скопје1“.

Скопје | пред 1 година

(Документ) И скопјани ја исмејуваат: Арсовска се пофали дека го разрешила, но директорот на Паркови сам се повлекол

Дел од директорите на јавните претпријатија кренаа раце од Данела Арсовска и поднесоа оставки, а градоначалничката, не признава порази, па реши да се пофали дека таа ги разрешила нив. „Скопје1“ преку извори во Град Скопје, дојде до изјавата за отповикување од функцијата на директорот во ЈП „Парови и зеленило“. Арсовска пак, јавно најави и казна за директорот, односно ревизија.Според изјавата, архивирана на 12.08.2024 година од Град Скопје, кога и „Скопје1“ објави дека Мартин Ангеловски ја напушта Арсовска, тој се повлекол од лични причини.„Јас, Ангеловски Мартин, в.д. директор на ЈП Паркови и зеленила-Скопје, на ден 12.08.2024 година, давам оставка од лични причини“, стои во изјавата.Откако веста на „Скопје1“ молскавично се прошири низ јавноста, Арсовска веќе следниот ден (вчера), реши да се фали дека таа го разрешила Ангеловски.Дополнително, му најави и ревизија, а индиректно посочува дека тој е вмешан во корупција.„Поради неправилности при работењето и непочитувањето на договорот за вработување од функцијата директор на ЈП Паркови и зеленило е разрешен Мартин Ангеловски. Справувањето со корупцијата и самоволието во градот Скопје беше и едно од главните предизборни ветување на градоначалничката Данела Арсовска. Никој не смее да си поигрува со народните пари, а уште помалку со довербата на граѓаните на градот Скопје. Во ЈП Паркови и зеленило е најавена и вонредна ревизија од град Скопје која треба да започне до крајот на оваа недела“, објави Град Скопје.Ваквите потези на Арсовска доаѓаат во време кога скопјани бараат оставка од нејзе, бидејќи ја сметаат за неспособна да се справува со проблемите и да го води градот. Истовремено, таа се крие од јавноста и бега од неа. За тоа сведочи и вчерашниот нејзин потег, кога застана, па замина откако ја виде екипата на „Скопје1“.Истовремено, скопјани се исмејуваат со градоначалничката. Таа смени над 30 директори додека го извршува мандатот.

Скопје | пред 1 година

(Видео) Арсовска избега од јавноста! Тргна да се слика, застана, па замина!

Данела Арсовска скришум, без најави, тргна да прави увид на градежни работи во скопско Волково. Но, не направи фотосесија, откако ја виде екипата на „Скопје1“. Наместо одговори зошто градот тоне во долгови, смрдеа, нечистотија и нефункционалност – таа му даде насока на шоферот да тргне и да избегаат од локацијата. Заедно со неа, во автомобилот, беше и советничката Ирена Витина.„Скопје1“ проба да ја добие и телефонски Арсовска, но таа не одговараше. Нејзиниот тим извиси, а ја чекаше од 09 часот да стигне. Откако Арсовска брутално ги одмина, без поздрав и во брзање со службениот „пасат“, заминаа и тие. Дел беа од фирмата „Жикол“, која е изведувач, други пак градежни службеници од Град Скопје.Скопјани за нејзе велат дека треба да ѝ е срам да се појави во јавност.Куп скандали се врзуваат со Арсовска и нејзиното мандатување со Градот Скопје. Од нејзе и јавно се бара оставка, во спротивно најавуваат и протести. Нејзиниот поранешен советник, Умејр Мухамеди во поткастот „Претрес со Ландов“ тврдеше дека во Градот се местат тендери, се постапува спротивно на законите, а Арсовска врши и тортура врз вработените – кои „плачат“ од неа.[caption id="attachment_299199" align="alignnone" width="1290"] Арсовска не одговори на ниту еден од 17-те повици од „Скопје1“[/caption]Арсовска должи одговори и за долгот кој го направила во Град Скопје и го зголемила за шест пати, за што „Скопје1“ поседува документи. Јавните прашања до неа се и дали ќе негира поврзаност со запаленото возило сопственост на фирма, кое го управувал и Драган Митковски-Книга, соработник со кој таа се скарала пред скоро време.[caption id="attachment_299201" align="alignnone" width="1290"] Не одговори ниту на СМС пораката[/caption]

Скопје | пред 1 година

И директорот на „Дрисла“ крена раце од Данела, а таа дели откази во Градот - избрканите спремаат тужби

Директорот на депонијата „Дрисла“, Александар Кузинаков, крена раце од директорската позиција, дознава „Скопје1“. Но истовремено, скопската градоначалничка Данела Арсовска „на големо“ дели откази низ Град Скопје, тврдат нашите извори. Тоа го прави по разни основи, известувања се закачуваат и на огласната табла. Кузинаков е вториот директор кој не сака да продолжи да ја извршува директорската позиција, откако вчера тоа го направи директорот на ЈП „Паркови и зеленило“. Кој ќе ги наследи - градот кој Арсовска го „приватизираше“, не соопштува.Неофицијално, а во недостаток на официјални информации, дознаваме дека десетина лица останале „на улица“, откако Арсовска решила дека не сака повеќе да соработува со нив. Меѓу нив, блиски соработници, но и лица кои имале договори со Град Скопје. Тоа, според одредени информации го прави поради несогласувања, а не поради проблеми при извршувањето на работните задачи. „Скопје1“ дојде до информации дека ваквото постапување на Арсовска ќе донесе нови тужби кон градот, а со тоа и нови трошоци.„Скопје1“ овие прашања сакаше да ги постави и утрово до Арсовска, но таа, наместо да излезе од автомобилот, кога ја виде новинарската екипа - избега со службениот „пасат“.Претходно, таа ги разреши директорите на „Водовод“, а потоа и на „Комунална хигиена“.Скопјани пак, нервозни. Бараат од Арсовска да поднесе оставка до петок.„Ајде вака да ѝ дадеме можност на “дамата” Данела да биде достојна до петок 16.08.2024 да си поднесе оставка причините се повеќе од јасни, ако почнеме да ги набројуваме немаат крај, нека биде достојна нека си даде оставка, доколку не се случи тоа, неа ке ѝ се случи народ, но не партиски, напротив од незадоволството на секој еден граѓанин на Скопје без разлика на партија вера и нација“, пишува Игор Кнеле, жител на Скопје.Скопје во мандатот на Арсовска наместо модерен – стана град со незадоволни луѓе, наместо метропола – град на заборавени жители.

Скопје | пред 1 година

Директорот на Паркови даде оставка, Арсовска доби повик до петок да се спакува: „Ќе и се случи народ!“

Директорот на градското јавно претпријатие „Паркови и зеленила“, Мартин Ангеловски, поднел оставка од функцијата, дознава „Скопје1“. Според наши информации, оставката е депонирана до скопската градоначалничка Данела Арсовска, за која скопјани би рекле дека единствено што милува и прави е да менува директори.Ангеловски е првиот од триесетината директори, кој сам дава оставка, наместо да биде разрешен. Неофицијално, во оставката стои дека е од лични причини, а доаѓа во време кога Арсовска се крие од јавноста. За него, Арсовска посочуваше дека е лице со 15 години работно искуство.Во изминатите денови, како што објави „Скопје1“, Арсовска го смени директорот на Водовод, а потоа и на Комунална хигиена. Ова го направи тивко, без никакво соопштение како што милуваше да биде праксата во минатото.„Скопје1“ дознава дека промените не биле направени поради нерегуларности или незадоволство, туку поради караница која Арсовска ја имала со нејзин близок соработник, чиј предлог се разрешените.Скопјани пак, нервозни. Бараат од Арсовска да поднесе оставка до петок.„Ајде вака да и дадеме можност на "дамата" Данела да биде достојна до петок 16.08.2024 да си поднесе оставка причините се повеќе од јасни, ако почнеме да ги набројуваме немаат крај, нека биде достојна нека си даде оставка, доколку не се случи тоа, неа ке ѝ се случи народ, но не партиски, напротив од незадоволството на секој еден граѓанин на Скопје без разлика на партија вера и нација“, пишува Игор Кнеле, жител на Скопје.Скопје во мандатот на Арсовска наместо модерен - стана град со незадоволни луѓе, наместо метропола – град на заборавени жители.

Скопје | пред 1 година

Прескокнале и избегале: при броење се припојавиле четворица во затворот во Шутка, фалат уште шест затвореници

Директорот на затворот “Скопје”, во Шутка, Бобан Утковски, за “Скопје1” посочува дека шест лица се пријавени за избегани. Ова значи дека во затворот, во меѓувреме, се вратиле уште четири лица.“Шест се избегани, МВР е во моментов во затворот и постапува согласно со законот. Напуштање на објектот го направиле со прескокнување на оградата. Ако користеле привилегии не би имало квалификација бегство”, вели Утковски за “Скопје1”.Тој додава: “Четворицата во самото броење се имаат појавено, утре ќе се прегледуваат камери за да се произнесеме за нивното движење, биле во кругот или не”.“Скопје1” објави дека првично, недостасувале 14 лица.

Македонија | пред 1 година

Повеќе од месец се молчи дека угинал бизонот во Зоолошка, и други животни се во тешка состојба

Од воспаление на белите дробови угинал бизонот во Зоолошката градина, потврдуваат оттаму за „Скопје1“. Но нема одговор, зошто оваа информација се крие од јавноста, иако ова се случило пред повеќе од еден месец. Ниту известување, ниту соопштение, ниту информирање преку социјалните мрежи. Информацијата ја добивме по упатени прашања до скопската ЗОО – за која голем дел од граѓаните бараат да се затвори.„Согласно извршената обдукција и патохистолошкиот наод, од стручни лица по патолошка морфологија при факултетот за ватеринарна медицина, заклучено е дека бизонот угинал како резултат на хронично граниломатозно воспаление на белите дробови-actinomykocis, на возраст од околу четиринаесет година, просечна старост на бизоните е од десет до дваесет години“, велат од ЗОО-Скопје.Во тешка состојба се шимпазото Мими, јагуарката, но и морскиот лав Кан. Од ЗОО-Скопје се пожалија дека најчестите животни кои ги чуваат се стари и изнемоштени.„Имајќи во предвид дека не сме дел од Европската унија, а согласно политиките и стратегијата од ЕАЗА, кои до последно ги добивавме од нив, а сеуште постапуваме по истите, кај нас најчесто и во најголем број доаѓаа или исто полови групи или стари, изнемоштени и спасени животни.  Таков е примерот со циркуските слоници Дуња и Даела, дел од шимпанзата од лабораторија, во сериозна старост е нашата шимпанза Мими која со години прима терапија за срце, во иста таква старост е и нашата јагуарка, а во сериозна возраст е и нашиот морски лав Кан“, додаваат од ЗОО-Скопје.Откако беше евтаназирана слоницата во ЗОО, јавноста се крена на нозе. Таа е трето тропско животно за една година, по двете жирафи, кои зоолошката ги узгуби. Ова пак, предизвика и лавина реакции од јавноста.

Скопје | пред 1 година

Арсовска со четврта среќа во „Комунална хигиена“, пак промени директор - дел од вработените изненадени

Скопската градоначалничка Данела Аросвска по третпат разрешува директор на „Комунална хигиена“, дознава „Скопје1“. Одлуката е донесена денеска, велат наши извори од Град Скопје. Сега, претпријатието ќе си ја проба четвртата среќа. За нов според информации на „Скопје1“, назначен е извесен Јетон Незири.Непознато е која е причината за разрешувањето на Гоце Трајковски, кој Арсовска го назначи во октомври минатата година, откако се скара со Косана Мазнева-Николиќ, со која се на суд. Бидејќи Арсовска не комуницира со медиумите и јавноста, градот функционира како „приватна фирма“, не можеме да добиеме детали.Познато е дека Комунална хигиена има голем недостаток на кадар, па затоа беше тешко и чистењето на скопските улици. Граѓаните имаа жестоки реакции за задоцнетото собирање отпад, а комуналците во трка со времето пробуваа тоа да го поправат.Арсовска во изминатиот период двапати беше забележана на јавен настан. Но освен оставање букети, не чувме ниту збор што прави со Скопје, со оглед дека поплаките ги има во секој дел – од нечистотија до транспорт. Најголем дел од проектите од програмата „За модерно Скопје“ останаа само на хартија.Досега, со Комунална хигиена раководеа Зуди Енуз, кој беше од коалициониот партнер на ВМРО-ДПМНЕ, Алијанса за Албанците, па сменет поради пукањето кај Мавровка од неговиот брат. Потоа, дојде Косана Мазнева-Николиќ, за која Арсовска имаше само пофални зборови, кои по кратко време станаа критики и обвинувања.Последен во низата беше Гоце Трајковски, кој денес е разрешен. Вработени во „Комунална хигиена“ сведочат дека во претпријатието се појавил и новиот директор, кој кажал дека е назначен од Арсовска. Во претрпијатието имало и изненадени, бидејќи никој не очекувал промена на Трајковски со оглед дека тој е назначен за директор со менаџерски договор.

Македонија | пред 1 година

(Документ) Саше Димовски бил суспендиран од ЗНМ, никаде не стои дека останува придружен член - раководството ја заобиколи вистината!

Новинарот Саше Димовски бил суспендиран од Здружението на новинари на Македонија (ЗНМ), покажува дописот кој „Скопје1“ го доби по три дена преписки со раководството, а му бил испратен и нему. Во него, не стои дека тој останува „придружен член“ како што тврди ЗНМ во одговорите до нашата редакција, туку јасно се посочува: „...тој го губи статусот на полноправен член на ЗНМ“, а потоа му појаснуваат на Димовски дека одредбата значи суспендирање на членството за време на извршување на работните ангажмани.„Согласно член 10 од Правилникот за членството и чланарината, со именувањето на Саше Димовски во Комисијата за помилување како постојано работно тело во служба на Претседателот, тој го губи статусот на полноправен член на ЗНМ. Оваа одредба предвидува суспензија на членството за време на извршувањето на ангажманите во органите на државната управа како и други државни органи. Бидејќи Комисијата за помилување е работно тело на Претседателот на државата, именувањето во неа спаѓа под овие одредби“ стои во дописот кој го доби „Скопје1“ од ЗНМ, а испратен до Димовски.[caption id="attachment_298833" align="alignnone" width="1288"] Дописот кој претсдателот на ЗНМ го испратил до Димовски за суспензија на членството, а кој „Скопје1“ го доби од раководството[/caption]Ова е спротивно на ставот кој претходно го кажа ЗНМ, кога „Скопје1“ прашуваше дали Димовски бил исклучен од здружението.„...Беше констатирано дека членството на Димовски во ЗНМ продолжува како придружен член, како што имало бројни други случаи и во минатото. Димовски не бил исклучен од ЗНМ, неговиот придонес во новинарството и во ЗНМ беше исклучителен...“, стои во одговорот од ЗНМ до „Скопје1“.[caption id="attachment_298834" align="alignnone" width="1988"] Одговори од ЗНМ во кои тврдат дека Димовски од редовен станува придружен член од 06 август испратени до „Скопје1“[/caption]Бидејќи нашата редакција имаше пристап до документот и пред ЗНМ да ни го испрати официјално, неколку пати ги препрашавме дали Димовски останал или не е член на ЗНМ. Па така, во одговорот од вчера јасно посочуваат: „Како што е појаснето во претходните одговори, не станува збор за исклучување на членство како што имате наведено, туку за промена на статус во придружен член согласно член 10 од истиот правилник“.[caption id="attachment_298835" align="alignnone" width="1960"] ЗНМ во секој одговор до „Скопје1“ го тврдеше истото - дека Димовски не е исклучен од членството[/caption]Бидејќи раководството и претседателот Младен Чадиковски се повкуваат на седница на Управен одбор каде било констатирано дека Димовски не може да биде член, ги побаравме, но не ги добивме записниците. За ова имаа свое оправдување во кое се вели: „Во однос на прашањето за записници и дневен ред, истите служат за потребите на Управниот одбор на ЗНМ и за подобро организирање на тековните активности со кои здружението раководи или има обврски да ги исполнува. Освен ова, записниците не се стенографски туку се куси и концизни и истите дополнително служат за евидентирање на текот на седниците на членовите на Управниот одбор“.[caption id="attachment_298836" align="alignnone" width="1992"] ЗНМ не го дава записникот од седницата на Управниот одбор[/caption]„Скопје1“ веќе објави дека ако се следи Статутот и Правилникот за членство на кој се повикува ЗНМ, Управниот одбор може да заседава за прием и престанок на членство, но не и за трансферирање. Здружението се повикува на член 10 кој објаснува во кој случај се суспендира членството. Овој случај предизвика револт кај новинарската фела.Испративме и покана до претседателот на ЗНМ, Младен Чадиковски за гостување во вонредно издание на поткастот „Претрес со Ландов“, но тој кажа дека не е во можност, како и дека објасниле опширно сѐ што имале.

Македонија | пред 1 година

Го избришаа ли Саше Димовски од ЗНМ додека беше на болничка постела: здружението тврди дека е лага, а се правда со член за супспензија од Правилник за членство

Новинарите се простија од колегата Саше Димовски. Но, дел од нив се шокирани и револтирани од односот на Управниот одбор на Здружението на новинари на Македонија (ЗНМ). Едните информации се дека Димовски бил исклучен од здружението додека бил во болница, додека од раководството на ЗНМ посочуваат дека тоа не е точно. Од здружението велат дека имало само трансферирање на членство од редовен во придружен член. За ваквата одлука наоѓаат оправданост поради ангажманот кој Димовски го доби кај претседателката на државата, во Комисијата за помилување. Прво велат дека консултирале адвокати, потоа дека заседавал Управниот одбор. Кога побаравме да ни достават изработена одлука, ни кажаа дека таква не постои. Не ни е пратен ниту дневниот ред за седницата од кој може да се увиди дали ова била специјална седница за Димовски или се разгледувале други точки. Иако од претседателот Младен Чадиковски побаравме датум на закажување на седницата, добивме само датум на одржување.Сепак, ако се следи Статутот и Правилникот за членство на кој се повикува ЗНМ, Управниот одбор може да заседава за прием и престанок на членство, но не и за трансферирање. Здружението се повикува на член 10 и велат: „Не станува збор за исклучување на членство како што имате наведено, туку за промена на статус во придружен член согласно член 10 од истиот правилник. Согласно член 10 од Правилникот за членство и членарина, со именувањето во Комисијата за помилување како постојано работно тело во служба на Претседателот, тој добива статус на придружен член на ЗНМ. Оваа одредба предвидува трансформација на членството“.Ако се провери правилникот може да се утврди дека членот е за суспензија на членството. Во него не се предвидува никакво трансферирање туку суспензија и се вели: „Членството се смета за суспендирано за време на и една година по завршувањето на извршувањето на функцијата Пратеник во Собранието на Република Македонија, Министер во влада, член на совет, градоначалник, судија, јавен обвинител, јавен правобранител, народен правобранител и други функции кои ги избира или именува Собранието на Република Северна Македонија, Владата на Република Северна Македонија или органите на локалната самоуправа...“.[caption id="attachment_298807" align="alignnone" width="657"] Членот 10 од Правилникот за членство на кој се повикува ЗНМ[/caption]Од ЗНМ го побаравме и записникот кој би требало да се води за време на седница на Управен одбор. Тој не ни е доставен и ни е посочено: „Пред да се утврди дневниот ред на наредната седница, се усвојува записникот од претходната седница и секој член може да стави забелешка и да бара измени или дополнувања. Ова значи дека записникот не се смета за формален до неговото усвојување на наредната седница на Управниот одбор“, па ја објаснуваат неговата форма и што содржи.„За прашањата што го уредуваат членството, согласно статутот на ЗНМ, Управниот одбор не носи одлуки туку констатира состојба. Во предвид беше земен и Законот за помилување како и објавената информација на веб страната на претседателот на РСМ што укажува дека станува збор за постојано работно тело во служба на претседателот на државата“, тврдат од ЗНМ.Оттука се отвори прашањето, кој и што му соопштил на Димовски за неговиот статус во ЗНМ, ако Управниот одбор нема таква надлежност туку само констатира. Прашавме и што претседателот на ЗНМ, Младен Чадиковски му соопштил на Димовски поврзано со членството, во петокот, на што не добивме конкретен одговор туку коментар за начинот на кој сме го поставиле прашањето.„На начинот на кој е поставено последното прашање, се создава перцепција дека некој имал намера да го вознемирува Димовски, а тоа е целосно неточно и погрешно особено поради тоа што негувавме пријателски и професионален однос со единствена цел, а тоа е градење на посветена новинарска заедница. Таков беше односот на сите тела и органи во ЗНМ вклучително и на УО и на Советот на честа“, посочуваат од ЗНМ.Доколку членството на Димовски било трансферирано од редовно во придружно, тогаш, тој не можел да биде избран во органите и телата на ЗНМ. Оттука, отворено остана и прашањето дали Димовски бил отстранет од функцијата претседател на Советот на честа додека бил во болничка постела.„Под придружно членство се подразбира членство во ЗНМ кое во однос на правата и обврските е изедначено со редовното членство, со исклучок на правото да избираат и да бидат избрани во органите и телата на ЗНМ и немаат право да одлучуваат за Статутот на ЗНМ“, стои во Правилникот.[caption id="attachment_298808" align="alignnone" width="722"] Услови за придружно членство[/caption]Од ЗНМ посочуваат дека Димовски не е прв член кој бил дел од Комисијата за помилување на кого му е трансфериран статусот во здружението. Посочуваат дека и во претходниот состав на Комисијата за помилување, кога новинар бил дел од неа, било постапено од нивна страна.Новинарката и главна и одговорна уредничка на „Телма“, Снежана Лупевска-Созен, простувајќи се со колегата Димовски, прва обзнани за потегот на ЗНМ преку јавен статус.„Вечна слава колега Саше! Беше борец и како човек и како новинар. Критичен и со остро перо. Почивај во мир. А колку што ме вознемири веста за неговата смрт ме вознемири и односот на Управниот Одбор на ЗНМ кој вчера најбезобразно му соопштил на Саше дека не е веќе член  на здружението (за 5 години) оти бил член на државна комисија за помилување во која и претходно членувал наш колега, но не беше избришан од списокот на ЗНМ. За мене раководството на  ЗНМ е збир на група луѓе со лични агенди и двојни аршини особено дрско кон новинарите како Саше кои немаат влакна на јазикот“, напиша Лупевска-Созен.Новинарката Емилија Мисерлиевски од „Телма“, која е дел од Советот на честа со кој раководеше Димовски, преку јавна објава сведочи за неговата вознемиреност во петокот, кога веќе бил примен во болница.„...Во ниеден момент не помислив дека разговорот во петокот ќе ни биде последен! Беше толку вознемирен! Ах, бе Саше! Ќе ми недостига твојата острумност, мудрост и бунтовност, нема друг во еснафот со таков порив да ги оправа работите во новинарството! Нека ти е вечна слава, другарче, остави силен печат во Советот на честа, колку тоа некому да пречеше!“, напиша Мисерлиевски.Погребот на Димовски беше извршен денеска. Тој почина на 47-годишна возраст по долги и тешки здравствени проблеми. Ја следеше работата во правосудниот систем и важеше за најдобар правник меѓу новинарите и пошироко.Саше Димовски работеше како новинар од 1996 година во телевизиите Сител, Канал 5 и ТВ 24 Вести. Работел во неделникот и дневниот весник „Фокус“ на позиција новинар и уредник. Соработувал со повеќе дневни и неделни изданија, локални и регионални тв медиуми. Основач е на граѓанската организација и онлајн медиумот СВЕДОК од 2015 година.

Македонија | пред 1 година

Голема тепачка избила во затворот во Шутка: Десет души натепале двајца затвореници, кои биле однесени во болница

Голема тепачка избила во затворот „Скопје“ во Шутка, дознава „Скопје“ од свои извори. Според првичните информации, вербална расправија прераснала во пресметка каде 10 лица физички натепале двајца затвореници. Натепаните се однесени во болница, потврдува и новиот директор на затворот, Бобан Утковски.Утковски за „Скопје1“ потврдува дека се употребени и предмети за да се нанесат удари на сега повредените затвореници. Според првичните информации, станува збор за држачи од кревети и вентилатори, кои имаат остри агли. Причината била поради банална вербална расправија.„Физичката пресметка била околу 14 часот. Две лица се однесени во болница. Тие се прегледани и според досегашните информации имаат полесни повреди. По враќањето ќе бидат сместени во посебни простории“, вели Утковски за „Скопје1“.Затворот „Скопје“ во Шутка беше мета на критики по доаѓањето на новото раководство во Управата за санкции и управната зграда. Утковски во повеќе наврати посочи дека работи на средување на состојбите и условите.

Македонија | пред 1 година

(Ажурирана) Вознемирувачко видео: Евтаназирана слоницата во ЗОО-Скопје: обид за тајно да се изнесе и однесе во Дрисла од директорот на Арсовска

Евтаназирана била слоницата во скопската Зоолошка градина, дознава „Скопје1“. Според наши информации од ЗОО, и покрај тоа што евтаназирана се случило измиантиот ден, јавноста не беше известена, а постапката за исфрлање на телото во депонијата Дрисла - испланирано. Утрово, околу 08 часот започна и акцијата за „тивко“ и тајно изнесување на слоницата.Од снимките на „Скопје1“ ќе видите како со два багери и камион, слоницата е изнесена од зоолошката. Дополнително, откако беше натоварена во камион, кој неофицијално е на градско јавно претпријатие, врз неа беше фрлана земја и најлони во кои претходно беше замотана, но се искинаа при качувањето во камионот. Според информации на „Скопје1“, слоницата е однесена на депонијата Дрисла. До моментот на објавување на оваа вест, немаше никакви информации од ЗОО и Градот за тоа што се случило со слоницата, а исфрлањето на телото се реализираше.Во минатото кога жирафите угинаа, за тоа се објавуваше јавно. Но не и сега.Сега, Зоолошката остана со еден слон. Причните за угинувањето не се познати за јавноста, ниту зошто тоа се крие од јавноста.Минатата година во Зоолошката градина Скопје угинаа осум животни. Во мај угина жирафата Каспер, додека крајот на ноември угина и жирафата Флопи.Според извршената обдукција, Каспер, жирафа стара 13 години, угинала како последица на инфекцијата од бактеријата салмонела естеридис. Флопи, починала како последица на малиген тумор на епителот на жолчните канали во црниот дроб и метастази на белите дробови.Угинале и тигрица, лемури, прежевалски коњи, црн лебед, пинвини, џуџеска коза... Поморот на животни во ова установа трае подолго време, откако за градоначалничка дојде Данела Арсовска, која до сега смени тројца директори.ЗОО-Скопје неодамна го изгуби статусот на членка на Европската асоцијација на зоолошки градини и аквариуми.Кога зо Зоолошка раководеше Кристијан Стаменов беа заклани 10 коњи, со образложени дека се болни. Потоа беше поставен Драган Илиевски, а по него актуелниот, Зоран Попов. Во неговиот мандат угинаа и трите ретки пржевалски коњи, а сомнежите беа дека биле намерно отруени.Одговорност за сите угинати егзотични животни не понесе ниту раководството на ЗОО, ниту градоначалничката Данела Арсовска која го назначува.*видеото и фотографијата се замаглени бидејќи се вознемирувачки.Ажурирано:

Скопје | пред 1 година

По петти пат Арсовска смени директор во Водовод: приватизираниот Град не кажува зошто

Градоначалничката Данела Арсовска по петти пат во нејзиниот мандат го менува директорот на „Водовод и канализација“, дознава „Скопје1“. По Виктор Панчевски на кого вчера му истече мандатот како в.д. директор, назначен е нов в.д. директор.„Скопје1“ ја праша Арсовска зошто пак менува директор на претпријатието, а оттаму, не очекуваме одговор, со оглед дека таа градот го приватизираше и не дава отчет никому.Претходно, Арсовска го разреши Драган Илиевски додека тој беше на боледување. Панчевски го наследи на 6-ти февруари. По доаѓањето на функцијата градоначалник, Арсовска го назначи Златко Перински, кадар на ВМРО-ДПМНЕ, но го разреши по кавгата со Христијан Мицкоски. На негово место го стави Марјан Митовски, по неколку месеци го смени и него и го назначи за директор Илиевски, кој претходно беше в.д. во Зоолошката градина. По Илиевски, дојде Панчевски.Ваквото менување на директори не е само во ова претпријатие. „Скопје1“ дознава дека против некои претпријатија има и тужби за незаконско разрешување на директори од страна на Арсовска.

Скопје | пред 1 година

ДУИ и Ахмети не слават Илинден, зафатени се со извинување кон Косово и црвенеење

Наместо честитка за Илинден, ДУИ, Али Ахмети и челниците на партијата решија да го заборават најголемиот македонски празник – Денот на Републиката и да и го посветат целото внимание на косовската претседателка Вјоса Османи и Косово. Ниту една објава на социјалните мрежи нема од довчерашната власт, која по 16 години замина во опозиција. Наместо тоа, се сожалуваат со Османи и бараат прошка од Косово. Пратениците на ДУИ не беа ниту дел од делегациите пред Собрание, на Мечкин Камен или Прохор Пчински.Од три објави на официјалната фејсбук страница на ДУИ, два се посветени на косовската претседателка, а еден на амбасадорот на Албанија со кого днеле заклучок: „Албанците се презираат, потребна е платформа за легитимитет“.На истото прашање коментирал и Ахмети. Се жали како поцрвенува од срам поради претседателката Османи и скандалот, но не и за непочитта кон Илинден и Македонија, чиј пратеник е.На иста бранова должина е и однесувањето на ексминистерот за надворешни работи, Бујар Османи. Ги прогласи ВЛЕН за неспособни, ама „заборави“ дека е Илинден и дека е ред да честита.Крешник Бектеши, поранешен министер за економија, посветил внимание за да ја критикува Владата, за да се извинува на Косово, а знаел и дека се слави Илинден. Посветил објава на претседателката Гордана Силјановска-Давкова, но за да ја искритикува, а не за да честита.<iframe src="https://www.facebook.com/plugins/video.php?height=476&href=https%3A%2F%2Fwww.facebook.com%2FMinisterKreshnikBekteshi%2Fvideos%2F472217848919122%2F&show_text=false&width=380&t=0" width="380" height="476" style="border:none;overflow:hidden" scrolling="no" frameborder="0" allowfullscreen="true" allow="autoplay; clipboard-write; encrypted-media; picture-in-picture; web-share" allowFullScreen="true"></iframe>Артан Груби, во негов стил, реши националистички да раскажува како Албанците сега се понижени, а во нивно време биле лица кои одлучувале во Македонија. Илинден, не слави.„Косово, прости ни!  Од газда во станар, од одлучувач до слуга, од горд до рако-бакнувач, од достоинствен до безрбетен, од бел браз до црнило, од учен до неук, од храбар до кукавица, од владеење во служење, од победник во губитник, од Европа и Америка во Русија и Србија, од Али Ахмети во Иван Стоилковиќ!“, напиша Груби.Собраниска делегација, беше предводена од потпретседателката Весна Бендевска, во состав: Емил Спасовски, Љупчо Николовски и Драган Недељковиќ, а положи свежо цвеќе во Меморијалниот центар АСНОМ во Пелинце. Марија Петрушевска, Оливер Спасовски и Бобан Карапејовски, положија свежо цвеќе во Скопје: на Споменикот на Методија Андонов-Ченто, Плоштад „Македонија“; Споменикот на АСНОМ, Парк „Жена борец“; Споменикот на Никола Карев, пред Собранието.

Македонија | пред 1 година

Пица наместо правда: Нефи Усеини посилен од државата и охридскиот суд

Си ги рекламира бизнисите, си го полни чекмеџето, за обвиненијата „уво не го боли“. Вака од прилика многумина го доживуваат охридскиот бизнисмен Нефи Усеини дел од структурите на ДУИ. Во Охрид ќе ви кажат: „никој ништо не му можит“. Интересно е што тоа така изгледа и во пракса, до сега. Усеини важи за тендераш, но и тепач. Но, натепаните креваат раце од желбата за правда. Особено интересно е што и државата крева раце пред Усеини, ако се има во предвид дека тој уште пречекува гости во дивоизграден објект во чаршијата.Речиси секоја вечер, пицеријата на Нефи Усеини нагостува странци, но и домашни туристи. Некои со пица, други со чорба, трети со по некое виски. Не наздравуваат за дивоградбата во која седат, оти сигурно не ни знаат каков е објектот, а ниту чиј е. Знае државата, обвинителката Викторија Коваческа Мандулоска, но охридскиот суд е „тежок за убедување“.Овој август, Нефи Усеини може да прослави две години откако започнаа судењата против него за дивоизградениот објект во старото охридско јадро, но и пет години откако е покренато обвинение против него. Пресуда нема. Дали правдата е спора или никогаш нема да дојде – не се знае. „Скопје1“ во континуитет ја следеше постапката против Усени, која ја суди судијата Бојан Мариноски. Последно го прашавме претседателот на судот, Васил Баткоски, до каде е постапката – но не добивме одговор.Нефи Усеини не треба да биде загрижен ниту за истрагата која се води против него за бетонската база која ја стави и тргна на локација близу Охридското Езеро, на стариот пат Охрид-Струга. Одолговлекувањето на неговиот распит го развлекуваше предметот, па обвинителот е далеку од обвинение.Веќе познато е дека Усеини за тепањето на советник во Општина Охрид беше парично казнет, додека натепан сограѓанин (Спиро Топаловски) кој сведочеше јавно – се откажа од гонење и пред судот изјави дека се пријатели.Особено интересно е што додека траат сите овие процеси, Нефи Усеини почнал да се рекламира и по дискотеки. „Скопје1“ дојде до материјал од кој се гледа како во едно познато диско во Охрид, на еден од ѕидовите виси напис „Нефи-ИК“, фирма со која Усеини добиваше милионски тендери.Охриѓани ќе искоментираат: „мојт да ја рекламират и охридскава (не)правда“.

Македонија | пред 1 година

Драма во затворот во Шутка: Затворски полицаец кој обезбедувал притвореници заврши во притвор, фатен е со дрога

Затворски полицаец од затворот „Скопје“ во Шутка заврши во притвор, откако кај него била најдена дрога, дознава „Скопје1“. Според информации до кои дојдовме, завчера вечерта, командир на смена во јакна на полицаецот нашол материја за која констатирал дека е дрога. Сѐ се случувало во дежурната просторија во притворскиот дел.Тој ги известил надлежните органи, по што дошла и полиција, а полицаецот бил приведен. „Скопје1“ дознава дека обвинител од одделение за униформирани лица на Обвинителството за гонење организиран криминал и корупција побарал притвор, кој бил одобрен од судија на претходна постапка во Кривичниот суд.Детали за случајот се очекуваат од полицијата.БОНУС ВИДЕО:

Македонија | пред 1 година