Манасиевски: 4 адвокати на Заев ги убедувале обвинителите од СЈО да се ослободат лица од притвор, СЈО како партиски штаб на СДС

Сведоштвата на обвинителката Лејла Кадриу од поранешното СЈО, се доказ за тоа како Зоран Заев го отвори правосудството како пупка. СЈО бил претворен во партиски штаб на СДС, вели Валентин Манасиевски, член на ЦК на ВМРО-ДПМНЕ.„Зоран Заев и СДС во тоа време ветуваа некаква вистина и правда за Македонија, но освен политички прогон, политичко монтирани случаи и изживување врз поранешни политичари, друго граѓаните не добија.Обвинителката Кадриу, во интервју сведочи дека во еден момент, дури 4 адвокати на Зоран Заев, дошле во СЈО, да ги убедуваат обвинителите да се пуштат лица од притвор за предметот „Пуч’’. Биле убедувани да дадат позитивно мислење за да може предметот да се преземе од ОЈО ГОКК, за да може предметот да биде работен од токму СЈО. Истиот овој предмет, потоа бил и донесен во СЈО, спакуван во некакви кутии и обвиен со заштитна фолија. Овој предмет требало да го работат обвинителките Ленче Ристоска и Лиле Стефановска. Толку бил влечкан овој предмет и обвинителките не оделе на рочиштата, што според обвинителката Кадриу, овој предмет ден денес ако го најдеме некаде се уште би бил во некоја заштитна фолија, ниту отворен, ниту разгледан.Дополнително, обвинителката Кадриу сведочи дека во уште минимум два предмети, додека таа била во СЈО, биле политички монтирани. Едниот е случајот за кој беше обвинета поранешната министерка за внатрешни работи, Гордана Јанкуловска, а другиот е случајот со Нешковски, случај со кој СДС излажа многу граѓани, ветуваше некаква вистина, за на крај да излезе дека нема никаква институционална одговорност.Почитувани граѓани,Заев и СДС тогаш беа спремни да направат се само за да дојдат на власт и успеаја во намерите. Го лажеа својот народ и му ветуваа приказни, кои и ден денес се потврдуваат дека се лажни. СЈО и Катица Јанева беа користени само за Зоран Заев и СДС да дојдат на власт. По нивното искористување, сите знаеме како заврши таа приказна.Затоа, го повикуваме ЈО да покаже дека се ослободило од канџите на Зоран Заев и СДС, и да ги истражи овие сведоштва на поранешната обвинителка од СЈО, Лејла Кадриу, за вистината конечно да излезе на виделина“, додава тој.

Македонија | пред 2 месеци

Петрушевски: Со подзаконски акт владата на СДС дозволила марихуана за наводни медицински цели да се произведува на нива

Владата на СДС во 2023 година донела измени на Правилникот за одгледување на канабис за медицински цели кој е во спротивност со законот кој го регулира ова прашање, вели Бране Петрушевски, пратеник на ВМРО-ДПМНЕ„Во член 2 на овој Правилник, СДС си додале дека канабис може да се одгледува на отворен простор (површина или земјиште), додека во постоечкиот закон и стариот правилник јасно е утврдено дека канабис за медицински цели може да се одгледува само на затворен простор.Со овој подзаконски акт владата на СДС дозволи марихуана за наводни медицински цели да се произведува на нива. Вака произведениот цвет од канабис не ги задоволува ГМП нормите, што значи дека во понатамошниот процес на производство и екстракција, маслото од канабис не може да биде ниту лиценцирано, ниту да се најде во промет за медицински цели за тешко болните пациенти.Овие измени на Правилникот не се случајни, туку истите се направени со умисла, затоа што владата на СДС, на чело со Зоран Заев и Венко Филипче се познати по бизнисот со марихуана.Сите паметиме кога во 2020 година Заев и Филипче сакаа да донесат закон за целосна легализација на марихуаната, со што Македонија сакаа да ја направат светска туристичка дестинација за уживателите на марихуаната. Откако ова не им успеа, се дадоа на масовно издавањето лиценци за медицински канабис на лица блиски до кланот Заеви и до Филипче, со што драстично се зголеми бројот на лиценцирани компании во струмичкиот крај.Сомнежите и индициите за криминалот со дрогата водат кон Заев и Филипче, како што е заплената на 30 тони марихуана од фирма во струмичко Ново Село, во сопственост на човек близок на Заев и Филипче, поранешен функционер на СДС.Наместо да молчат, ги повикуваме да одговорат, дали свесно, со умисла и по нивна насока се направени измените на Правилникот кој е во спротивност со законот за медицинска марихуана, со крајна цел продавање на канабисот на црниот пазар?Дали поради ова е паниката кај Заев и Филипче, која резултира со нејасни реакции и итни упатувања кон Грција за одржување меѓусебна средба и координација?Во следниот период ќе бидат испитани сите фирми со лиценца за медицински канабис. Кој работи согласно закон ќе продолжи нормално да функционира, а кој работи нелегално, ќе одговара.Ред и одговорност мора да има! ЈО да почне со работа и овие сомнежи и индиции да ги истражи до крај“, додава Петрушевски.

Македонија | пред 2 месеци

Трендафилов: Понудата за зголемување на платите е уште на маса, следниот пат нема да доаѓаме со понуда

Претседателот на ССМ, Слободан Трендафилов од денешниот протест пред Стопанската комора изјави дека понудата за зголемување на платите е се уште на маса, но и дека следниот пат нема да дојдат со понуда, туку со генерален штрајк кој чини многу повеќе од нивните работнички плати.„Добар ден на сите освен на газдите и на следачите. 21 човек сме затоа што не следат, затоа што ги заокружуваат луѓето и затоа што им се закануваат на луѓето да не дојдат на протестите. Одлучивме дека и во вторник Владата на две места 21 човек ќе ја блокираат. Тука сме кај газдите кај истите оние кои ги избркаа цели наши семејства во странство. Кај газдите кои одбиваат да ја зголемат минималната плата и кои одбиваат да ги зголемат останатите плати само затоаш то законот не се промени. Кај газдите кои се слепи послушници на владата, а владата веќе кажа дека си се договарала со своите вработени, па ги остави газдите да бидат виновни за идниот генерален штрајк и во јавниот и во приватниот сектор. Владата не им е пријател затоа што ги казнува, институциите ги даночат, им праќаат контроли и како што им кажуваат тие се договараат со своите вработени, а ги оставаатгаздите да се договорат со своите вработени. Проблем е што газдите кои се тука позади нас, не дозволуваат синдикално организирање во најголемиот дел на приватниот сектор. Ќе упатам порака и до работниците, само еден на 10 ваши колеги се бори за вашите плати, можете да замислите што ќе беше ако се боревме осум од 10 вработени“, вели Трендафилов.Трендафилов порача дека и покрај сите притисоци нема да се откажат.„Денеска сум информиран, дека било кажано дека сега сум господин. дека сега веќе не сум бил политички определен, но дека било кажано уште пострашно, дека сега ќе ги заокружувале луѓето кои доаѓале на протестите и бараат корка леб. Дека сега ќе ги објавувале како што го објавуваа моето семејство. Никој на никого не му должи ништо во оваа држава и никој на никого не смее да му се плаши“, изјави Трендафилов.Тој им се обрати на работодавачите, им понуди да си подадат рака и да ги зголемат платите на сите работници за најмалку 6000 денари„Да ја задолжиме државата од едниот џеб во другиот џеб да ги плаќа придонесите на тие вработени кои ќе добијат за најмалку 6000 денари зголемени плати. Понудата е уште на маса, следниот пат нема да доаѓаме со понуда, следниот пат ќе дојдеме со генерален штрајк кој ќе ги чини нив многу повеќе од нашите работнички плати. Само еден ден затварање на компанииите, институциите и државата, државата ќе ја чини многу повеќе од цело годишно зголемување на работничките плати“, додаде Трендафилов.

Македонија | пред 2 месеци

Алиу најави паметен паркинг систем на Клинички: Резервации и уплати преку мобилна апликација

Министерот за здравство Азир Алиу, на денешната прес-конференција најави решавање на деценискиот проблем со паркинг просторот во клиничкиот центар Мајка Тереза. Тој најави паметен паркинг систем со сензори за детекција на слободни паркинг места.„Станува збор за давање под закуп на недвижни работи со непосредна спогодба со Град Скопје заради организирање, управување, уредување и одржување на паркиралишта во Комплекс клиники „Мајка Тереза. Во следната фаза Град Скопје ќе започне со проектирање и изградба на катните гаражи и инфраструктурно уредување. Договорот ќе биде склучен на 15 години. Ќе биде имплементиран паметен паркинг систем со интегрирани сензори за детекција на слободни места, со камери со автоматска регистрација на возило, со мобилна апликација за реално време за резервации и уплати и поврзување на фискален систем и е-управување на системот“, изјави Алиу.Онколошките пациенти имаат бесплатни паркинг места, тој додаде дека тоа ќе продолжи и во иднина.„Пациентите кои се лекуваат тука ќе имаат цена која ќе биде достапна за нив, нема да биде комерцијална. Исто така вработените ќе имаат цена која што е достапна за админсстрација, и на крај ќе имаме цена која ќе бие комерцијална како сите паркинг места кои имаат комерцијални цели а тоа ќе се однесува на граѓани кои се паркираат од други причини или за посета на некој близок кој е во кампусот“.Со паметниот паркинг систем Алиу најави дека ќе може да се резервираат паркинг места преку апликација.„Едниот начин е преку апликација да резервирате паркинг место ако сте пациент, со бројот на упатот, ако тоа не го направите преку апликацијата, имајќи предвид дека граѓаните немаат толку вештини за да може тоа да се аплицира, може тука кога ќе бидат пред рампата да се скенира само QR кодот од упатот и автоматски ќе може да добијат цена за услуга којашто е намената за пациенти. Ако сте вработен ќе имате QR код како вработен или исто така ќе може да се резервира преку апликацијата, ако сте граѓанин ќе треба само да влезете, ќе се отвори рампата, ќе најдете паркинг место и ќе се плати или онлајн преку истата апликација или ќе биде стандардно како што и до сега се преку плаќање со кеш“, вели Алиу.

Македонија | пред 2 месеци

Нападнати пожарникари во Куманово, Димитриевски бара институциите да реагираат: Секој сторител треба да сноси одговорност

Градоначалникот Максим Димитриевски, најостро го осудува нападот што вчера се случи врз тројца пожарникари од Противпожарната единица Куманово.„Недозволиво е напад на службени лица при вршење на својата службена должност. Пожарникарите, како и сите лица кои се во служба на чување на безбедност на граѓаните заслужуваат почит, а не физички напади.  Апелирам надлежните институции итно да реагираат и да постапат согласно законот. Секој сторител на вакво дело треба да сноси одговорност.Посакувам побрзо опоравување и враќање на работните задачи  на повредените лицa“, вели Димитриевски.

Македонија | пред 2 месеци

Мицкоски очекува во 2026 година раст на бројот на туристи

Претседателот на Владата на Република Северна Македонија, Христијан Мицкоски денеска одговарајќи на новинарско прашање во однос на движењата во туризмот, колку допринесува тој за економскиот развој, каква беше 2025 година и очекувањата од 2026 година, изјави: „Туризмот е еден од нашите приоритети. Минатата 2025 година, според бројките коишто ги објави Државниот завод за статистика имаме зголемен број на туристи, некаде над 6%. Но, она коешто посебно охрабрува е што е зголемен бројот на странски туристи над 10%, таа е двоцифрена бројка. Се ближиме на бројката од три и пол милиона преноќувања, што исто така претставува многу значаен податок. Оваа година повторно имаме организирани групи, повторно како Влада сме проактивни и работиме. И јас очекувам повторно двоцифрен број на раст кај странските туристи и генерално очекувам 2026 да имаме раст на бројот на туристи во Македонија. Работиме паралелно и во поддршка на изградба и надградба и реновирање на постоечките туристички сместувачки капацитети и угостителски капацитети. Целата наша е да дојдеме до, ако е возможно тоа, до пет милиона преноќувања во Македонија, нешто коешто ќе претставува историски рекорд. Е сега работиме во таа насока. Оваа година, чекор по чекор да дојдеме до три и пол милиона, па потоа и понатаму.“Премиерот Мицкоски во однос на очекувањата да се достигне бројката до пет милиона преноќувања во Македонија, истакна:„Па ако биде сѐ како што треба, не би се изненадил тоа да биде 2028-2029.“

Македонија | пред 2 месеци

Марко Бислимоски поднесе оставка од Регулаторна по кривичната пријава против него

Марко Бислимоски поднесе оставка од функцијата претседател на Регулаторна комисија за енергетика. Во писменото известување упатено до Собрание на Република Македонија, тој наведува дека се повлекува од функцијата на која бил именуван, односно реизбран, на 26 јули 2023 година, и бара согласно Законот за енергетика да се утврди престанокот на мандатот.Оставката доаѓа по кривична пријава поднесена до Основното јавно обвинителство Скопје, во која се наведува дека Бислимоски, иако бил законски обврзан, не покренал постапка за навремено одземање на лиценцата на компанијата Тритерол Петрол ДООЕЛ Скопје, која, според наводите, не ги исполнувала условите за вршење енергетска дејност.Според пријавата, наместо лиценцата да биде одземена во јануари 2024 година, согласно законските рокови, претседателот на РКЕ донел решение со кое постапката била прекината. Лиценцата официјално била одземена дури во април 2025 година, односно со задоцнување од околу 15 месеци.Бислимоски ги отфрли обвинувањата и изјави дека не чувствува вина во врска со постапувањето. Надлежните институции треба да утврдат дали има основ за кривична одговорност и дали во случајот биле прекршени законските обврски.

Македонија | пред 2 месеци

Во 43 компании ќе влезат тимови од МВР и Министерството за здравство

Министерот за здравство Азир Алиу најави дека од денеска започнуваат теренските контроли на лиценците издадени за производство на канабис за медицински цели, посочувајќи дека додека траела прес-конференцијата, инспекциските тимови веќе биле на терен.„Ќе се проверуваат 43 лиценци кои се дадени за производство на канабис за медицински цели“, изјави Алиу, објаснувајќи дека постојат две различни комисии за контрола на овој сектор – една надлежна за административните процедури во рамки на Министерството за здравство, и меѓуресорска комисија формирана согласно законска рамка на Владата, чија улога е да анализира политики поврзани со овој тип процеси. Првата комисија работела и досега за што имало извештаи, додека владината, последен извештај има во 2017 година.Министерот нагласи дека во сила се два правилници – стар и нов – кои во моментот се предмет на анализа од страна на експерти и професори. Според него, врз основа на извештајот што ќе произлезе од таа анализа, ќе се донесат понатамошни одлуки, а доколку биде потребно, ќе се покренат и соодветни постапки.Алиу информираше дека секоја компанија е обврзана да доставува фотографии и информации за количината и квалитетот на произведениот канабис до комисијата за која е задолжено Министерството за здравство. Во моментов, формирана е комисија од пет члена која има рок од 45 дена да изготви извештај за сите 43 лиценци.Тој посочи и дека постојат одредени предизвици во имплементацијата на законот, меѓу кои и недостиг од службени возила, што, како што рече, дополнително го отежнува надзорот и контролата на терен.

Македонија | пред 2 месеци

Мицкоски: Очекувам оваа година инфлацијата да се стабилизираме под 3%

Претседателот на Владата на Република Северна Македонија, Христијан Мицкоски денеска одговарајќи на новинарско прашање во однос на тоа какви се очекувањата за движењата на инфлацијата, изјави: „Па јас како што веќе во неколку наврати кажав дека оваа година очекувам да се стабилизираме под 3%, да бидеме со годишната инфлација. Очекувам некој месечен негативен тренд, односно опаѓање споредено со минатата година. Минатата година во јануари месец имавме кошничка, така што очекувам оваа година да се движиме тука некаде, околу 3%, нешто можеби под или над 3%, со тоа што ќе имаме негативна тенденција на месечно ниво. Но да видиме, претпоставувам во деновите коишто следат ќе имаме објавување на тие параметри. Така што водиме домаќински политики, водиме политики коишто се во интерес на стандардот на граѓаните. Така работевме до сега, во насока на консолидирање на состојбите во државата. Од една хаотична ситуација, распаднати институции, уништен систем, доаѓаме во ситуација да можеме да кажеме дека конечно сме консолидирани. Сега е потребно да ја развиваме Македонија онаква каква што ја посакуваат сите граѓани.“

Македонија | пред 2 месеци

Филков: Изборот на јавни обвинители повеќе нема да биде формалност или резултат на договори, туку процес заснован на заслуги

Министерот за правда Игор Филков денеска се обрати на настанот „Европски стандарди за дисциплински и изборни механизми во правосудството“, во организација на НКЕУ-МК, нагласувајќи дека развојот на квалитетни и транспарентни механизми за избор, унапредување и дисциплинска одговорност претставува клучен предуслов за ефикасен судски систем кој работи во служба на граѓаните.„Непристрасноста и независноста на судиите се централни столбови на владеењето на правото. Само преку нивно доследно почитување можеме да обезбедиме правна сигурност, заштита на човековите права и зголемување на довербата на јавноста во институциите“, истакна Филков.Обезбедувањето целосна независност и зголемувањето на ефикасноста на правосудството се јасен приоритет на Владата и Министерството за правда, при што во подготовката на новите законски решенија посебен фокус е ставен на изборните и дисциплинските механизми, во согласност со европските стандарди.Филков информираше дека реформите во Судскиот совет веќе се реализираат. Со новиот закон се утврдени јасни критериуми за избор и разрешување, заострени се условите за професионално искуство и прецизиран е терминот „истакнат правник“.Воведени се јавни расправи при изборот на несудските членови, како и јавен и транспарентен оглас за членовите што ги избира Собранието. Детално е уредена дисциплинската постапка за членовите на Советот, со јасно дефинирани основи за одговорност и состав на дисциплинската комисија.Предвидена е и итна постапка за утврдување одговорност на судија или претседател на суд, која не може да трае подолго од шест месеци.Министерот изрази очекување дека Законот за јавно обвинителство наскоро ќе биде усвоен во Собранието. Во него се вградени европски препораки, воведен е јасен мерит-систем за избор, унапредување и оценување на јавните обвинители, како и прецизни рокови за постапките.„Ги зајакнуваме гаранциите за самостојноста на обвинителите и прецизно ги ограничуваме условите под кои може да се даваат задолжителни писмени упатства. Надзорот го уредуваме системски, без мешање во конкретни предмети“, нагласи Филков.Со законските измени се предвидуваат и прецизни основи за престанок на функцијата, вклучително и во случаи на правосилна осуда за кривично дело против службената должност. Дисциплинската постапка ќе мора да заврши во рок од шест месеци, а во посложени случаи најдоцна до девет месеци. Согласно препораките на ГРЕКО, се воведува градација на дисциплинските повреди на лесни, потешки и најтешки.На последната седница Владата го усвои и новиот Закон за Советот на јавни обвинители. Со него се воведува повисок цензус и јасни критериуми за избор на членови од редот на обвинителите, како и транспарентна и инклузивна постапка за членовите што ги избира Собранието.„Изборот на јавните обвинители повеќе нема да биде формалност или резултат на затворени договори – туку процес заснован на заслуги, интегритет и професионалност“, порача министерот.Секоја одлука на Советот – за избор, унапредување, дисциплинска одговорност или разрешување – ќе биде задолжително образложена и јавно објавена, со што транспарентноста станува законска обврска.Министерот истакна дека измените се резултат на констатирани слабости во правосудниот систем во изминатиот период, како што се долготрајни постапки, случаи на корупција, недоволна транспарентност и отсуство на ефективна одговорност.„Со овие законски решенија директно ги адресираме овие проблеми. Подготвивме измени на триесеттина закони, од кои најголемиот дел се од суштинска важност за правосудството. Имаме можност да создадеме правосудство на кое сите ќе можеме да се потпреме – транспарентно, професионално и непристрасно“, истакна Филков.

Македонија | пред 2 месеци

(Видео) Роднините кои го изнесоа Саит Саитов од државава не знаеле дека прегзил жена, тврди нивниот адвокат

Адвокатот Ѕвонко Давидовиќ во гостување во поткастот „Претрес со Ландов“ изјави дека роднините на Саит Саитов кој прегази жена во Скопје, не знаеле дека тој сторил кривично дело.„Тоа се нивни роднини тие тврдат дека не знаеле за целава сообраќајка и дека со возило заминале за Србија за Врање што често пати го правеле. Дека таму ги запрела полиција моите клиенти, додека овие две лица се оддалечиле и станале недостапни. Полицијата им тврдела дека они направиле сообраќајка, биле збунети се вратиле во Македонија и на граница се приведени за сторено кривично дело помагање на сторител по сторено кривично дело. Колку што сум информиран, сторителот на тешки дела против безбедноста на сообраќајот, вчера е приведен, е најден во Србија, по потерницата во Македонија и ќе биде екстрадиран во Македонија. Такви информации добивме вчера, во Врање мислам, по тоа што сум информиран, но тоа е неофицијално, најверојатно се двајцата со таткото. Ми беше кажано само дека он е фатен по потерница, верувам и таткото, бидејќи и за него е издадена потерница, дека двајцата се приведени и дека ќе бидат екстрадирани во Р. Македонија да одговараат за она што едниот го сторил како тешки дела против безбедноста, а другиот, најверојатно, помагање на сторител по сторено кривично дело“, вели ДавидовиќТој е уверен дека роднините не учествувале во кривичното дело.„Едниот сопругот, тоа се маж и жена, работи во Дирекција за Заштита и спасување, тие често пати патувале, има дете со посебни потреби, во Косово и Србија за суплементи и лекарства коишто се таму поевтини. Точно знаат дека ќе бидат регистрирани. Не можам да верувам дека, ако знаеле дека едниот е сторител на такво кривично дело, дека така заедно би преминала граница и би биле регистрирани, знаат дека ќе ги регистрираат и дека нема бегање од целата работа. Просто ми е неверојатно некој толку наивно да ја помине така границата. Мислам дека они ја напуштиле земјата околу 20 часот. Кога е настанот, навистина не знам. Мислам дека е 12 или 12 и нешто, претпоставувам. Бидејќи скоро ги добивме од обвинителство доказите за увид, па треба да го проверам“, додаде ДавидовиќДенеска МВР соопшти дека Саит Саитов од Скопје, кој се бараше со меѓународна потерница за тешка сообраќајна несреќа во која беше прегазена жена, е лишен од слобода во Белград.На 11 февруари 2026 година македонските институции биле известени од надлежните служби во Србија дека Саитов е уапсен врз основа на потерница распишана од Министерството за внатрешни работи. Тој се сомничи за сторени тешки кривични дела „против безбедноста на луѓето и имотот во сообраќајот“ и „неукажување помош на лице повредено во сообраќајна незгода“, поврзани со настан што се случи во Скопје на 9 јануари 2026 година.На Саитов му е одреден екстрадициски притвор во Србија. Следува постапка меѓу министерствата за правда на двете држави за негово екстрадирање во Македонија, каде треба да биде изведен пред надлежните органи и да се соочи со правдата.Целото гостување и сите детали:

Студио | пред 2 месеци

Левица: Легализацијата на дивоградби значи премолчено прифаќање на потенцијално небезбедни конструкции

Група пратеници од власта до Собранието доставија срамни предлог измени, на уште посрамен и исклучително погрешно замислен и применет закон, Законот за постапување со бесправно изградени објекти. Уште кога беше донесен овој закон во 2011 година - со кој се легализира неправото - се воведе реална опасност за легализација на секаков тип на објекти, без разлика на нивната безбедност. Неспособноста на своите градоначалници за урбанистичко и просторно планирање ДПМНЕ повторно сака да ја продолжи за уште пет години, велат од политичката партија Левица.„Предложените измени на Законот за постапување со бесправно изградени објекти, со кои се продолжува рокот за „легализација“ на дивоградбите, практично претставуваат уште еден обид за административно решавање на длабоко системски, урбанистички и безбедносен проблем, без суштинска анализа на последиците врз јавниот интерес. Клучниот проблем не е само во продолжувањето на рокот, туку во начинот на легализација кој државата упорно го практикува со години.Дивоградбите, согласно постојната и предложената регулатива, се легализираат исклучиво со геодетски елаборат, без никаква обврска за документација за конструктивниот систем; проектна документација за изведена состојба; увид во начинот на изведба на носечките елементи, проверка на електро, водоводни и канализациски инсталации; мислење или верификација од Институтот за земјотресно инженерство и инженерска сеизмологија (ИЗИИС).Со тоа, државата свесно создава правен статус за објекти за кои нема никаква трага за нивната безбедност. Во земја која се наоѓа во сеизмички активна зона, каде Скопје и други градови имаат историско искуство со катастрофални земјотреси, ваквиот пристап не е само технички пропуст, туку институционална неодговорност. Легализацијата во ваква форма не значи „уредување на состојбата“, туку премолчено прифаќање на потенцијално небезбедни конструкции, префрлање на ризикот врз идните корисници и општеството, создавање на градови со правно легални, но технички непознати објекти.Дополнително, со секое ново продолжување на роковите, државата испраќа јасна порака дека бесправното градење се исплати, урбанистичките планови се препорака, не обврска и дека оние што граделе согласно закон се доведени во подредена позиција.Левица потенцира дека ова не е прашање на „флексибилност“ кон граѓаните, туку прашање на јавна безбедност, урбанистичка правда и социјална одговорност. Треба ли да потсетиме повторно дека во Кочани трагедијата се случи токму во легализирана дивоградба?Доколку навистина постои намера за решавање на проблемот со дивоградбите, тогаш секоја легализација мора да вклучи:-задолжителна техничка документација (основен проект со сите фази) и конструктивна проценка;-проверка на сеизмичката отпорност;-минимални стандарди за безбедност и функционалност;-мислење од сектор за урбанизам за усогласеноста на објектот со постоечките урбанистички планови.Со ова би се добила вистинска институционална одговорност, а не само административна формалност. Во спротивно, продолжувањето на роковите е само одложување на ризикот, кој нема да исчезне, туку ќе се манифестира при првиот сериозен земјотрес, хаварија или инфраструктурен дефект.Државата не смее да го стимулира бесправното градење и урбанистичкиот хаос, туку напротив, мора да биде гарант на безбедноста и квалитетот на живеењето“, велат од Левица.

Македонија | пред 2 месеци

(Видео) Мицкоски најави нови апсења: Битангите кои се занимаваа со криминал се зад решетки, има и уште некои кои ќе се најдат таму

Премиерот Христијан Мицкоски изјави дека неколку правни субјекти се под постојан надзор во рамки на активностите поврзани со производството и контролата на канабис, нагласувајќи дека очекува да бидат откриени уште значителни количини.„Неколку други правни субјекти се под постојан надзор. Не случајно кажав дека неколку десетици тони ќе бидат откриени и дека може до сто тона да дојдеме“, рече Мицкоски кој што го повтори ставот дека одгледаната марихуана не може да се употри за изработка на масло од канабис кое ќе биде со квалитет за да може да се пласира на пазарот.Тој додаде дека лицата кои, како што рече, се занимавале со незаконити влијанија веќе се процесуирани и се наоѓаат зад решетки, а најави дека ќе следуваат и нови постапки.„Оние битанги кои се занимаваат со овие незаконити влијанија се зад решетки. Има уште некои кои ќе се најдат таму. Работата со криминалот е неисплатлива професија и ќе биде жестоко процесирана. И нема да има пардон. Знаете до пред 4-5 години какви битанги и бараби, и банди, хараа низ Македонија, фала Бога сега тоа го нема и тие се таму кај што се“, додаде Мицкоски прашан дали ќе се реактивира телото кое е веќе формирано и функционирало до 2017 година за контрола на дроги.

Македонија | пред 2 месеци

(Видео) Мицкоски застана во одбрана на Дафина Стојаноска, смета дека Трендафилов треба да се извини и дека децата не биле прикажени децата на снимката

Премиерот Христијан Мицкоски реагираше на изјавите на претседателот на Сојузот на синдикати на Македонија, Слободан Трендафилов, оценувајќи дека неговиот настап бил премногу нервозен и исполнет со навреди, и дека со тоа испуштил можност да биде над ситуацијата.„Јас го видов тоа што го кажуваше Трендафилов. Видов еден човек кој беше премногу нервозен, истури навреди, но ние сме јавни личности и навикнати сме на тоа. Жалосно е што други јавни личности не се навикнати на јавна критика“, изјави Мицкоски, додавајќи дека јавната критика понекогаш е вистинита, а понекогаш не, но дека, според него, најголемиот дел од обвинувањата кон него на социјалните мрежи и од одредени медиуми се невистини.Тој се осврна и на оправдувањето на Трендафилов во врска со користењето на службено возило, оценувајќи го како „бледо оправдување“. Премиерот нагласи дека повеќе е загрижен за нивото на јавна култура и речникот што бил употребен во реакцијата, особено затоа што, како што рече, станува збор за жена и мајка. Мицкоски посочи дека на видеото не биле прикажани малолетните деца на Трендафилов и дека било внимавано на тој аспект, но смета дека Трендафилов требало да покаже поголема воздржаност. Според него, пратеничката Дафина Стојановска треба да добие извинување.Претходно, Трендафилов на прес-конференција остро реагираше на видеото кое Стојановска го објави на социјалните мрежи, а во кое, според нејзините тврдења, тој ги вози своите малолетни деца со службено возило на синдикатот. Во својата изјава, Трендафилов упати тешки квалификации, оценувајќи дека станува збор за недозволиво објавување на содржина поврзана со малолетни лица и побара институционална реакција од Министерството за внатрешни работи и од обвинителството.Тој го повика и претседателот на Собранието да поведе постапка за одземање на имунитетот на пратеничката, најавувајќи дека ќе ги информира и дипломатските претставништва и синдикалните организации на меѓународно ниво.Случајот предизвика остра јавна полемика и нова размена на обвинувања меѓу политички и синдикални претставници, при што фокусот се префрли од прашањето за користење на службено возило кон начинот на комуникација и границите на јавната критика.

Настани | пред 2 месеци

Средба Славески – Варнс: Стабилниот финансиски систем и модерните платни решенија се основа за инвестиции и економски раст

Гувернерот на Народната банка Трајко Славески оствари средба со вршителката на должноста амбасадор на Соединетите Американски Држави во Република Северна Македонија Никол Варнс, на која беа разменети мислења за економските текови, институционалниот развој на Народната банка и реформските процеси насочени кон поддршка на економскиот раст и евроинтеграцијата.На средбата беше истакнато дека Народната банка постојано го јакне својот институционален капацитет преку бројни развојни проекти, со посебен акцент на модернизацијата на платните системи. Современите и ефикасни платни решенија придонесуваат за поголема сигурност, побрз проток на финансиски средства и олеснување на деловното работење, што е значајно за подобрување на инвестициската клима.Гувернерот Славески нагласи дека одржувањето на макроекономската стабилност и финансиската стабилност е врвен приоритет на Народната банка, како основа за создавање стабилни и предвидливи економски услови, заради поттикнување на домашните и странските инвестиции и за одржлив економски раст.Во разговорот, гувернерот Славески се осврна и на пристапувањето на земјава кон Единствената област за плаќање во евра (СЕПА), оценувајќи дека станува збор за историски чекор за македонската економија. Тој посочи дека со пристапувањето кон СЕПА, на македонските граѓани и компании им се овозможи да вршат побрзи, поефикасни и поевтини плаќања во евра, и тоа уште пред полноправното членство на земјава во Европската Унија.Гувернерот нагласи дека со воспоставувањето клон на ТИПС, развиен со поддршка на Европската централна банка, се официјализира почетокот на современ систем за инстант плаќања, што претставува значаен исчекор во модернизацијата на националната платежна инфраструктура и нејзиното регионално поврзување со земјите од Западен Балкан и со европскиот платежен простор. Со овој систем ќе се овозможи извршување плаќања во реално време, 24 часа дневно, седум дена во неделата, при што најголемиот дел од трансакциите ќе се обработуваат за неколку секунди. Новите решенија ќе овозможат едноставно иницирање плаќања, што ќе придонесе за побрзи, посигурни и поевтини трансакции за граѓаните и компаниите, како и за поефикасно работење на трговците.Соговорниците ја потврдија подготвеноста за натамошно продлабочување на соработката и размената на искуства во областите од заемен интерес, заради поддршка на економската стабилност и реформските процеси во земјава.

Македонија | пред 2 месеци

“Гнасни вмроиди”, “Гадури левичарски”: Апасиев и Стојаноска во нов конфликт на социјалните мрежи

Нова жестока вербална пресметка се одвиваше на социјалните мрежи меѓу пратеникот од Левица, Димитар Апасиев, и пратеничката од ВМРО-ДПМНЕ, Дафина Стојаноска, при што двајцата разменуваа навредливи пораки и лични дисквалификации.Апасиев ѝ се обрати на Стојаноска со прашање поврзано со објавување фотографии од деца на социјалните мрежи, придружено со навредливи квалификации и хаштаг насочен кон политичкиот противник.“Добро утро Дафино. Чиви ДЕЦА ќе објавуете денеска по мреживе. #ГнасиВмроидни”, напиша тој.На тоа, Стојаноска возврати со навредлив одговор, користејќи лични квалификации и негативни етикети, исто така проследени со хаштаг насочен кон партијата на Апасиев.“Добро утро и на тебе, Кончито. Оди прво исперите тоа кошулите измастени црни. #ГадуриЛевичарски”, напиша Стојаноска.

Македонија | пред 2 месеци

Финале на роденденската прослава на МНТ со „Од другата страна“ – претстава меѓу лицето и опачината

Заокружувањето на роденденската програма на МНТ е закажано за 4 април, кога ќе биде изведена претставата „Од другата страна“ во продукција на Црногорско народно позориште од Подгорица. Режисер на претставата е Борис Лијешевиќ. Драматургијата е на Стела Мишковиќ и Стефан Бошковиќ. Улогите ги играат: Александар Радуловиќ, Лазар Ѓурѓевиќ, Кристина Обрадовиќ, Зоран Вујовиќ, Нада Вукчевиќ, Тихана Ќулафиќ, Жана Гардашевиќ Булатовиќ, Бранка Оташевиќ, Мирјана Спаиќ, Јован Дабовиќ, Јелена Ненезиќ, Јована Брновиќ, Јелена Миниќ, Горана Драгаѓевиќ, Радмила Божовиќ, Јулија Милачиќ Петровиќ Његош, Анѓела Маруновиќ, Ана Вујошевиќ, Јадранка Мамиќ и Данило Челебиќ. Претставата ги поставува прашањата: „Што ни се случува?“, „Како дојдовме до ова?“, „Каде залутавме?“ и „Како се излегува од ова?“ Војната на клановите одзема десетици млади животи. Коцкарници се отвораат во поранешни библиотеки и културни центри, обложувалници покрај гимназии. Дрогата како состојка од бабината книга со рецепти. Црногорските морнари – синоним за кокаински ланци. Човечкиот живот вреди само онолку колку што може да се наплати. Човекот е во канџите на мафии, босови, дилери и лихвари. Тие стануваат авторитети, идоли и persona grata. Единица мерка за успех во животот е милионот. Се надеваме дека нема да нè закачи залутан куршум или експлозија наменета за кој знае кого. Децата навреме ќе заминат во странство и ќе се извлечат одовде. „„Од другата страна“ е приказна за време во кое Бог е синоним за пари, а молитвата – стекнувањето. За време, кое не избира средства. За исцрпување на должникот до последниот цент. За човек, кој повеќе не го гледа човекот. За човек кој го заборава постоењето. Приказна за време, кое го изгубило лицето и повеќе не прави разлика меѓу лице и опачина.“, вели режисерот Борис Лијешевиќ.Не можеме да ги затвораме очите пред фактот дека организираниот криминал навлезе во секоја клетка на општеството, дека ги разорува семејствата и дека сите ние, свесно или несвесно, станавме запчаници во тој механизам.„Начините на кои човекот e вовлечен во ваков систем се различни, а жртви на тој систем сме сите ние. Не поставуваме прашања за спас, не нудиме одговори, туку едноставно прикажуваме една застрашувачка слика на современото време. Сè додека не собереме сила да ја испиеме „црвената пилула“, не ни преостанува ништо друго освен да живееме во овој матрикс.“, вели драматургот Стела Мишковиќ. Непријателот повеќе не е скриен. Го видовме, го разбиравме, а потоа и го прифативме. Оттогаш се брише границата меѓу паралелните реалности – онаа што ја живееме и онаа за која мислиме дека се одвива далеку од нас.„Низ сите пукнатини на системот, извртената верзија на вредностите си го пронаоѓа патот и станува доминантен водич, кој ја структуира целокупната реалност. Реалноста потоа се претвора во театар, граѓаните во актери и статисти.“, вели драматургот Стефан Бошковиќ. Во чест на првата претстава во Македонскиот народен театар, изведена на 3 април 1945 година, мината година, театарот одбележа 80 години од постоењето. Годинава продолжи одбележувањето на јубилејот и на 81 година од постоењето. Роденденот на МНТ беше одбележан со македонски сценски спектакл, каде беше степенувана важноста на ансамблот на МНТ и претстави од македонски автори, кои оставија достоинствен белег во институцијата. Годинава пак, прославата се надоврза на таа традиција, со ново проширување — рецентни меѓународни гостувања и настапи на светски познати уметници, како сведоштво за континуитетот и современата визија на театарот.

Магазин | пред 2 месеци

Протест на ССМ во Скопје, сообраќајот во центарот ќе биде целосно пренасочен

Денеска, 12 февруари 2026 година, со почеток од 12:00 часот, Сојузот на синдикати на Македонија ќе одржи протест пред Стопанската комора на ул. „Димитрие Чуповски“ и ул. „Даме Груев“.Поради ова, сообраќајот во центарот на Скопје ќе биде пренасочен по околните улици, а Единицата за безбедност на патниот сообраќај ќе преземе мерки за воведување посебен режим на сообраќајот.Апелираме до сите учесници во сообраќајот да ги почитуваат наредбите на полициските службеници за непречено одвивање на сообраќајот и безбедност на граѓаните.

Скопје | пред 2 месеци

Швајцарија ќе гласа за ограничување на бројот на населението на 10 милиони

Швајцарија ова лето ќе гласа за предлогот на крајно десничарската Швајцарска народна партија (SVP) за ограничување на населението на 10 милиони. Овој потег би можел да ги загрози клучните договори со Европската Унија и, според противниците, сериозно да ја оштети економијата, пишува „Гардијан“.Иницијативата предвидува ограничување на растот на населението, што, според критичарите, би можело да му наштети на швајцарското стопанство и на односите со Европската унија.Ако населението ја надмине границата од 9.5 милиони (во моментов 9.1 милион), државата би била обврзана да воведе рестрикции за имиграција, вклучително и за барателите на азил и спојување на семејства. Доколку се достигне 10 милиони, мерките би станале уште поригорозни, а Швајцарија би морала да го раскине договорот за слободно движење со ЕУ – нејзиниот најважен трговски партнер.Партијата SVP тврди дека „експлозијата на население“ ги зголемува трошоците за изнајмување и го оптоварува јавниот систем. Од друга страна, економските асоцијации и компании како Roche, UBS и Nestlé предупредуваат дека иницијативата би можела да доведе до преселба на бизниси, пад на даночните приходи и губење на услуги.Анкета од декември покажала дека 48% од граѓаните ја поддржуваат иницијативата, што упатува на длабока поделба во јавноста за прашањето на имиграција и демографија.

Свет | пред 2 месеци

12-годишно девојче застрелано во глава во масакрот во Канада, се бори за живот

Маја, 12-годишно девојче, кое беше застрелано во главата и вратот во масакрот во средно училиште во Тамблер Риџ, се бори за живот во болница, според објавата на нејзината мајка на страницата GoFundMe потврдена од Си-ен-ен.Маја е сериозно повредена во пукањето во училиштето во вторник и е однесена во Детската болница во Ванкувер, каде што е на интензивна нега. Член на семејството започна кампања за собирање средства за помош.Во масакрот во градот Тамблер Риџ, Канада девет лица, вклучувајќи го и осомничениот, беа пронајдени мртви, а 27 лица беа повредени.„Денот започна како и секој друг“, напиша мајката Сиа Едмондс во објавата.„А сега мојата 12-годишна ќерка се бори за живот додека лекарите се обидуваат да ја санираат штетата од прострелна рана во главата. И една во вратот. Ова воопшто не изгледа реално“, додаде таа. „Никогаш не помислив дека ќе барам молитви, но ве молам, молете се за моето дете.“Во подоцнежна објава, мајката рече дека се држи до „зрак на надеж“. „Ни треба чудо“, додаде таа.

Свет | пред 2 месеци

Вјоса Османи му го додели мандатот на Курти за состав на новата косовска влада

Претседателката на Косово, Вјоса Османи, вчера му го додели мандатот за формирање нова влада на досегашниот премиер и лидер на Движењето Самоопределување, Албин Курти.„Согласно со Уставот на Косово, го назначив Албин Курти за мандатар за формирање на владата на Република Косово. Му посакувам успех во водењето на новата влада и во работењето во служба на граѓаните Среќно!“, напиша Османи во објава на Фејсбук.Потегот следува откако претходно денеска беше конституиран парламентот на Косово, а за негова претседателка беше избрана Албуљена Хаџију од Самоопределување.Покрај конститутивната седница, вечерва се одржува и вонредна седница на косовскиот парламент на која се очекува пратениците да гласаат за новата влада. Пред да ги предложи имињата на министрите, се очекува Курти да ја презентира владината програма пред пратениците.

Свет | пред 2 месеци

СДСМ: Владата не сака да ги покачи платите на работниците – сака нов авион за Мицкоски

Додека над 200.000 работници едвај врзуваат крај со крај, а вредноста на синдикалната кошница одамна надмина 66 илјади денари, Владата одбива да ја покачи минималната плата на 600 евра, вели СДСМ.„Работниците протестираат за достоинствени плати на улиците, за да можат да ги платат сметките и да обезбедат храната а Владата ги игнорира и најавува купивање нов авион.Ова е навреда за секој чесен работник, за секое семејство кое се бори со тешкото секојдевие, со високите трошоци и поскапувањата.Пратениците од тендер коалицијата ВМРО-ЗНАМ го блокираат законското решение на СДСМ во Собранието за 600 евра минималната плата и поддршка на компаниите.Не сакаат ниту да дојде на дневен ред затоа што не сакаат да ги покачат платите на работниците и не сакаат да им помогнат на компаниите.Владата сака да купи нов авион за Мицкоски, за нови туристички патувања, како она во Давос.Груевски со пари на граѓаните купуваше мерцедес од 600 илјади евра и очила од 60 илјади евра а Мицкоски има часовници од 60 илјади евра и сака да купива авион на грбот на народот.За граѓаните и за работниците „нема пари“, само за луксузот на премиерот – мора да има, така функционира оваа криминална власт, во мафијашки стил.СДСМ останува на страната на работниците и ќе продолжи да се бори за повисоки плати за работниците, економска правда и враќање на достоинството на граѓаните“, се вели во соопштението.

Македонија | пред 2 месеци

Во Белград уапсен скопјанецот кој прегази жена и побегна, следува екстрадиција

Саит Саитов од Скопје, кој се бараше со меѓународна потерница за тешка сообраќајна несреќа во која беше прегазена жена, е лишен од слобода во Белград.На 11 февруари 2026 година македонските институции биле известени од надлежните служби во Србија дека Саитов е уапсен врз основа на потерница распишана од Министерството за внатрешни работи.Тој се сомничи за сторени тешки кривични дела „против безбедноста на луѓето и имотот во сообраќајот“ и „неукажување помош на лице повредено во сообраќајна незгода“, поврзани со настан што се случи во Скопје на 9 јануари 2026 година.На Саитов му е одреден екстрадициски притвор во Србија. Следува постапка меѓу министерствата за правда на двете држави за негово екстрадирање во Македонија, каде треба да биде изведен пред надлежните органи и да се соочи со правдата.

Македонија | пред 2 месеци

Обвинителката Јосифоска бара јавно извинување од Кадриу: Изнесени се лаги за мојата работа во СЈО

Обвинителката Елизабета Јосифоска тврди дека во телевизиското гостување на адвокатката Лејла Кадриу биле изнесени невистини и клевети за нејзината работа во поранешното Специјално јавно обвинителство (СЈО). Таа во писмена реакција наведува дека изнесените ставови на Кадриу се, како што вели, неточни и штетни за нејзиниот професионален углед и за институцијата, најавувајќи можност за тужба за клевета доколку не добие јавно извинување.„Адвокатката Лејла Кадриу во емисијата „Вечерното шоу на Богдан Илиевски“ емитувана на 06.02.2026 година на ТВ Алфа изнесе низа невистини, лаги и клевети  во однос на моето постапување како јавен обвинител во Специјалното јавно обвинителство,  во однос на постапувањето на другите јавни обвинители во тоа обвинителство и  во однос на  работењето на целото Специјално јавно обвинителство.Сметам дека овие лажни и клеветнички изнесувања се направени со цел да се наруши мојата чест и професионален углед, но и да се дискредитира работењето на целата институција Специјално јавно обвинителство.Се што адвокатката Кадриу изнесе во однос на наводното трошење на 1 милион евра за 2,5 месеци во 2015 година е лага и клевета. Податокот колку пари се потрошени во овој период е содржан во првиот Извештај за работењето на СЈО, кој е јавно објавен на 15.03.2016 година и доставен до Собранието на РМ и до Советот на јавните обвинители. Ноторен факт  е дека се потрошени  13.542.671,00 денари, а непотрошените парични средства во износ од 49.877.757,00 денари на 31.12.2015 се вратени во Буџетот на РМ. Податокот за потрошените парични средства е содржан и во завршната сметка на СЈО за 2015 година доставена до надлежните институции.Кадриу изнесе низа клевети и очигледни лаги и во однос на постапувањето по предметот познат во јавноста под името „Пуч“. Дека се што кажа е лага и невистина во однос на овој предмет е очигледно од фактот што предметот со сите докази е предаден од страна на Основен кривичен суд Скопје на СЈО кон крајот на јуни 2016 година. Во тоа време Лејла Кадриу веќе не беше јавен обвинител во СЈО, па се поставува прашањето како воопшто можела да го види предметот „во некое ќуше, неотворен и спакуван во прозирни фолии“.Лејла Кадриу, не се задржа само на ова, туку со цел да се дискретитираат сите предмети на Специјалното јавно обвинителство, изнесе лаги и невистини и во однос на приемот на материјалите од незаконски прислушуваните материјали од политичката партија СДСМ и  понатамошното постапување со нив во СЈО.Јас не присуствував на самиот прием на материјалите на 30.12.2015 година, но начинот на нивното чување и понатамошно постапување е опишан во веќе спомнатиот прв извештај на СЈО. Имено, извршен е детален попис на сите примени материјали од страна на комисија во која и јас бев член,  а записникот од извршениот попис е предаден во судот како доказ во еден од предметите на СЈО.Поради изнесените лаги и клевети, денес упатив писмено барање за извинување до адвокатката Лејла Кадриу. Доколку не добијам извинување, во законскиот рок  ќе поднесам тужба за клевета до надлежниот суд“, вели обвинителката Елизабета Јосифоска.

Македонија | пред 2 месеци

ВМРО-ДПМНЕ: СЈО работело под политички диктат на Заев неговите адвокати интервенирале во предметот „Пуч“

СЈО наместо како независна институција делувало како партиски штаб на СДС. Зоран Заев и луѓе блиски до него давале насоки и директиви кој предмет ќе биде одработуван, каде ќе биде распореден и кој треба да биде обвинет, вели ВМРО-ДПМНЕ.„Поранешната обвинителка од СЈО, Лејла Кадриу тврди дека четворица адвокати на Заев вршеле притисок врз обвинители за предметот „Пуч“.Во СЈО дошле 4 адвокати на Зоран Заев, да ги убедуваат обвинителите да се пуштат лица од притвор за предметот „Пуч’’. Биле убедувани да дадат позитивно мислење за да може предметот да се преземе од ОЈО ГОКК, за да може предметот да биде работен од СЈО.Истиот овој предмет, потоа бил донесен во СЈО, спакуван во кутии и заштитна фолија. Овој предмет требало да го работат Ленче Ристоска и Лиле Стефановска. Предметот бил оставен да фаќа прашина, а обвинителките не оделе на рочиште, што според обвинителката Кадриу, тој предмет и денес ако се најде, се уште би бил со заштитна фолија, ниту отворен, ниту разгледан.Кадриу тврди дека предметот бил префрлан и чуван без суштинска постапка, што отвора сомнежи за неговото реално процесирање.Кадриу посочува и дека најмалку уште два предмети, меѓу кои случаите поврзани со Гордана Јанкуловска и „Нешковски“, биле политички мотивирани и користени за постигнување одредени политички цели.Поради сериозноста на изнесените тврдења, неопходно е Јавното обвинителство темелно и непристрасно да ги истражи сите наводи, со цел вистината да излезе на виделина и да се утврди евентуална одговорност.Само преку транспарентна и независна постапка може да се врати довербата на граѓаните во институциите и владеењето на правото“, се вели во соопштението.

Македонија | пред 2 месеци