Кејот на Вардар добива нова градска плажа, спортски терени и фитнес-зони на отворено

Градоначалникот на Скопје, Орце Ѓорѓиевски на социјалните мрежи објави фотографии од уредувањето на кејот на Вардар и најави создавање на безбедна градска плажа и реконструкција на спортските терени за фудбал, баскет и одбојка на песок.„Кејот на Вардар добива нов лик и нова градска плажа, отворена за сите генерацииСо засилено темпо течат работните активности за уредување на кејот на реката Вардар, простор каде секојдневно се рекреираат илјадници граѓани и кој претставува едно од најважните урбани јадра на Скопје.Кејот е меѓу моите клучни приоритети и уште од првите денови по преземањето на функцијата градоначалник, започнавме со темелно чистење, со што конечно Вардар повторно тече по своето природно и нормално корито.Денес, кејот го уредуваме со јасна визија за функционален и жив јавен простор.Се реконструираат спортските терени за фудбал, одбојка на песок и баскет, се поставува нова урбана опрема и се создаваат модерни фитнес-зони на отворено.Во рамки на овој проект опфатени се и спортските терени во Маџир Маало, кои целосно ќе се унапредат и ќе се вратат во служба на заедницата.На ова место градиме и современа градска плажа - безбедно, уредено и достапно катче за одмор, рекреација и дружење, кое ќе внесе нова енергија и живот покрај реката и ќе го доближи Скопје до европските урбани стандарди.Инвестирањето во спортот е инвестирање во здрави навики, здрави млади и силно општество.Искрена благодарност до министерот за спорт, Борко Ристовски, за поддршката и партнерскиот пристап, кои овозможуваат ваквите проекти да се реализираат брзо, квалитетно и во интерес на граѓаните.Ова, почитувани, е само почеток.Нашата визија е да создадеме современи, уредени и достапни спортски терени во сите општини на Град Скопје.Рамномерен развој, еднакви можности и активен, здрав живот за секој скопјанец, без разлика каде живее, остануваат наш врвен приоритет“, вели Ѓорѓиевски.

Скопје | пред 2 месеци

Кадриу ќе ги чека тужбите, бидејќи нема да им се извини на Бубевски и Јосифоска: Ако вистината е навреда тоа е нивен проблем

По реакцијата на обвинителот Гаврил Бубевски во врска со изјавите на адвокатката Лејла Кадриу дека влијаел на судски одлуки, денеска со соопштение се огласи и обвинителката Елизабета Јосифоска. Таа наведува дека на нејзина сметка Кадриу изнела низа невистини, лаги и клевети во однос на нејзиното постапување како јавен обвинител во Специјалното јавно обвинителство и за работењето на целото Специјално јавно обвинителство. Јосифовска и Бубевски побараа Кадриу јавно да се извини, а во спротивно се заканија со тужба.Од друга страна, Кадриу преку социјалните мрежи истакна дека не гледа основ за извинување.„Не гледам основ за извинување кога сум изнела факти хронолошки и професионално, но ако за нив вистина е навреда, тоа е веќе нивен проблем, не мој“, вели Кадриу.

Македонија | пред 2 месеци

Поранешен директор на „Водовод“ – Кочани и вработени обвинети за милионска злоупотреба

Надворешната канцеларија за криминалистички работи при Одделение за внатрешни работи Кочани, до Основното јавно обвинителство Кочани, поднесе кривична пријава против A.К.(44), поранешен директор на Комуналното јавно претпријатие „Водовод“ - Кочани, З.Г.(53), вработен во претпријатието, Б.А.(64), исто така, вработен во претпријатието и против З.Ј.(55) поранешен вработен во јавното претпријатие, поради постоење основи на сомнение за сторено кривично дело „злоупотреба на службената положба и овластување“ во врска со кривично дело „соизвршителство“.Второпријавениот, како претседател на Комисија за спроведување на јавна набавка, и трето и четвртопријавените, како членови на Комисија за спроведување на јавна набавка, во текот на 2021 година постапиле спротивно на одредбите на Законот за јавни набавки и спровеле постапка за јавна набавка на стоки - средство за превентивна санација од пожари на Градската депонија, при што составиле и усвоиле тендерска документација која содржела спецификација за продукти кои не постоеле на пазарот со цел да ја ограничат конкуренцијата меѓу економските оператори и фаворизирање на правно лице од село во општина Могила. Првопријавениот, иако бил должен да увиди дека постапката не е спроведена согласно Законот за јавни набавки, донел Одлука за избор на најповолен понудувач и во име на КЈП „Водовод“ Кочани склучил договор со што му овозможиле на операторот да се стекне со противправна имотна корист од 1.406.306 денари.

Македонија | пред 2 месеци

Маж со нож се заканувал на семејство на Клинички

На 11 февруари 2026 година во 13:30 часот, полициски службеници од СВР Скопје го лишија од слобода К.Г. (55), откако бил пријавен за вербални закани, а потоа и за закани со остар предмет кон З.К. (59) и членови на неговото семејство.Инцидентот се случил во кругот на Комплекс клиники „Мајка Тереза“.По целосно документирање на случајот против К.Г. ќе следува соодветна кривична пријава.

Свет | пред 2 месеци

(Видео) Кајмакоски првпат се појави во јавност по киднапирањето

Пејачот Даниел Кајмакоски за првпат се појави во јавност откако во неделата наутро, по настап во Белград, беше киднапиран.Кајмакоски синоќа настапил во истиот елитен ресторан, каде што бил киднапиран, и ја воодушевил публиката, која според неговото однесување никогаш не би претпоставила каков хорор доживеал пред неколку дена. Интересно е тоа што на официјалната веб-страница на клубот каде што настапувал, неговиот настап бил најавен само неколку часа претходно.Полицијата сè уште трага по двајцата мажи што го киднапираа македонскиот пејач Даниел Кајмакоски (43) рано наутро во неделата во Бетон хала во Белград. Киднаперите, врзаниот Кајмакоски, го возеле 63 километри со неговиот автомобил, бегајќи од полицијата. Кајмакоски бил врзан на задното седиште од неговото „волво“, а кога киднаперите се забиле во банкината кај Рума, полицијата го пронашла пејачот, пишува српски „Блиц“.Адвокатот Бранислав Станишиќ истакна дека Даниел е психички и физички во ред, иако настанот оставил последици.„Истрагата е во тек и ќе трае уште. Што се однесува до Даниел, тој е психички и физички добро, што е најважно за семејството и за него сега. Оваа ситуација остави, така да се каже, шок последици, но, среќа, тој успева да ги надмине. Ако ме прашувате за самиот случај, не можеме да изнесеме премногу информации додека осомничените за извршување на ова ужасно кривично дело не бидат приведени, бидејќи се уште се во бегство. Во согласност со полицијата, во овој момент не можеме да објавиме повеќе детали. Ситуацијата на терен е таква што осомничените го напуштиле местото кај Рума, мислам на местото каде автомобилот удрил во банкината. Од тој момент тие ја напуштиле локацијата и се уште се трага по нив – рече Станишиќ.Видеото можете да го погледнете тука

Настани | пред 2 месеци

Актерка ја тужи албанската влада за злоупотреба на нејзиниот лик за виртуелната министерка Диела

Албанската министерка – првиот виртуелен државен функционер во светот, би можела да остане без својот препознатлив лик, откако актерката врз чии карактеристики е создаден дигиталниот аватар поднесе тужба против Владата на Албанија.Премиерот Еди Рама во август 2025 година најави можност за именување министер или премиер заснован на вештачка интелигенција, а веќе во септември беше претставена Диела – вештачка функционерка задолжена за борба против корупцијата во јавните набавки.Диела претходно беше позната како чат-бот на државниот портал e-Albania, а нејзиниот дигитален лик и глас биле креирани според актерката Анила Биша, врз основа на договор кој истекол на 31 декември 2025 година. Откако Диела добила министерска функција, нејзиниот лик бил прикажан и во обраќање до парламентот што се пренесувало низ целиот свет.Според локалните медиуми, Биша поднела тужба против Владата, премиерот, приватната компанија која учествувала во проектот и Националната агенција за информациско општество (AKSHI). Таа тврди дека владата продолжила да го користи нејзиниот лик и по истекот на договорот, и надвор од дозволената намена, која била ограничена само на платформата e-Albania.Во судските документи, Биша бара итна забрана за натамошна употреба на нејзиниот лик додека трае судскиот процес, наведувајќи дека неовластеното користење ѝ нанело значителна и непоправлива штета.Во претходен телевизиски настап, Биша изјавила дека за потребите на системот снимала обемни аудио и видео материјали за ограничен временски период и за симболичен надомест, но никогаш не дала согласност за други форми на користење.Портпаролката на албанската влада, Мањола Хаса, изјави дека Албанија е демократска држава во која граѓаните имаат право да покренат судски постапки против институциите. Таа додаде дека владата смета дека тужбата е неоснована, но е подготвена спорот да се реши пред суд, пренесе „Политико“.

Скопје | пред 2 месеци

Бесплатен јавен превоз во Тетово за учениците и граѓаните кои ги имаат подмирено сите обврски кон општината

Општина Тетово, во соработка со Јавното претпријатие „Тетово транспорт“, стави во употреба дигитални билети и платежни картички наречени ТЕ КЛИК- ПРЕПЕЈД, кои можат да ги користат сите граѓани без оглед каде живеат, олеснувајќи го процесот на купување билети.Оваа одлука има за цел да ја награди граѓанската одговорност, а воедно да го олесни градското движење за различни категории на општеството, изјави градоначалникот на Општина Тетово, Билал Касами. Според него, ова е конкретен чекор кон пофункционален и пофер град, каде што граѓанската одговорност се вреднува и се преведува во реални придобивки за граѓаните.„Јавното претпрјатие за јавен превоз денеска го стави во функција системот за електронска наплата и припејд картички. Оваа услуга им е достапна на сите граѓани без разлика на нивното место на живеење. Оваа Одлука има за цел да ја награди граѓанската одговорност и да го олесни урбаното движење за различни категории граѓани. За граѓаните кои ги имаат подмирено сите обврски кон Општина Тетово, јавниот превоз ќе биде бесплатен, а тоа се однесува и за членовите од нивните семејството кои живеат на иста адреса. Граѓаните потребно е да аплицираат преку системот ‘Те-клик’, а картичката можат да ја подигнат во просториите на ЈП ‘Тетово транспорт’, рече градоначалникот Билал Касами.Јавниот превоз во Тетово ќе биде бесплатен и учениците од основните и средните училишта, како и членовите на институциите и здруженијата, но само оние кои потпишале Договор за соработка со Општината. Се воведуваат и припеј“ картички за превоз кои може да се надополнуваат, а ќе може да се купи и еднократен билет за превоз.Општина Тетово очекува да биде дел од проектот на Владата за набавка на нови автобуси, при што градоначалникот Касами се надева дека за Тетово ќе бидат обезбедени 5 електрични автобуси.

Македонија | пред 2 месеци

Алкохол, забрани и нерегистрирани возила: Полицијата уапси 15 возачи во еден ден

Во текот на вчерашниот ден, полициски службеници на целата територија на државата лишија од слобода 15 возачи, од кои двајца во Тетово и по еден во кочанско, Куманово, Гостивар, струмичко, Струмица, Неготино и Кавадарци затоа што управувале возило без возачка дозвола. Возачот во Гостивар и малолетничката во Кавадарци претходно учествувале и во сообраќајни незгоди. По еден возач во Струга и Велес управувале возила иако имале мерка забрана за управување моторно возило од Б категорија, додека еден возач во Богданци управувал нерегистрирано возило. Исто така, еден возач во Крива Паланка управувал возило под дејство на алкохол и без возачка дозвола, еден возач во Куманово управувал нерегистрирано возило без возачка дозвола и еден возач во Македонски Брод управувал возило под дејство на алкохол и со активна забрана за управување возило од Б категорија. Лицата се приведени во полициска станица, а по насоки на јавен обвинител возилата се одземени и по целосно документирање на случаите ќе бидат поднесени соодветни кривични пријави.Апелираме до сите учесници во сообраќајот да ги почитуваат сообраќајните правила и прописи, да не управуваат возило без положен возачки испит или доколку имаат изречена мерка за забрана за управување односно доколку се под дејство на алкохол и сите заеднички да придонесеме за побезбеден сообраќај.

Македонија | пред 2 месеци

Опожарени три автомобили во Батинци, повреден маж при гаснење

На 12 февруари 2026 година во 03:50 часот во СВР Скопје било пријавено дека во гаража во село Батинци, скопско, опожарени се три патнички возила – „ауди“ со скопски регистарски ознаки, „фолксваген голф 7“ и „фолксваген голф 8“ со скопски регистарски ознаки. Сите возила се сопственост на две правни лица од Скопје.Пожарот бил изгаснат од екипа на Бригадата за противпожарна заштита Скопје, а при гаснењето со повреда се здобил 48-годишен маж од Батинци.На местото на настанот извршен е увид, а полицијата презема мерки за целосно расчистување на случајот.

Скопје | пред 2 месеци

38-годишен маж почина по операција на крајници во Чачак, Министерството итно го смени раководството

Во Општата болница Чачак ноќта помеѓу 11 и 12 февруари 38-годишен маж почина во постоперативниот тек по хируршка интервенција. Според официјалното соопштение, смртта настапила „по операција на третиот крајник кај 38-годишен маж“, објави Министерството за здравство.Според достапните информации, пациентот долго време страдал од респираторни проблеми.„Пациентот, иако не бил осигуран од нашето осигурување, самостојно се пријавил за гореспоменатата хируршка интервенција поради респираторни проблеми што го мачеле со години, свесен за ризиците од самата интервенција поради други придружни болести од кои страдал“ се наведува во соопштението.Беше нагласено дека пациентот бил целосно информиран за потенцијалните компликации и дека се согласил на операцијата „свесен за ризиците од самата интервенција поради други придружни болести од кои страдал“.Поради фактот дека ова е втор смртен случај во истото одделение за краток временски период, Министерството за здравство реагираше итно. Веднаш по добивањето на информацијата, Министерството „ги испрати своите инспектори во Чачак“, а беа направени и радикални кадровски промени.Со одлука на министерот за здравство, управувањето со ОРЛ одделението во болницата во Чачак го презедоа лекари од Универзитетскиот клинички центар на Србија и Универзитетскиот клинички центар во Крагуевац, и тие ќе го управуваат овој сектор „додека не се утврдат сите околности што доведоа до два смртни случаи во ова одделение за краток временски период“.Покрај замената на самото одделение, министерот направи и поширок потег што ја опфаќа целата институција. Издадена е наредба за „воведување привремени мерки во Општата болница во Чачак, што вклучува преземање на управувањето со оваа здравствена установа во наредниот период“.Додека истрагата и надзорот врз работата на болницата се во тек, властите изразуваат длабоко жалење за несреќните настани, нагласувајќи дека „Министерството за здравство уште еднаш им изразува искрено сочувство на семејствата на починатите“.

Свет | пред 2 месеци

Пешак прегазен од товарно возило во Скопје

Тешка сообраќајна несреќа се случила на булеварот „Борис Трајковски“ во Скопје, кога 56-годишен пешак бил удрен од товарно возило.Според информациите од полицијата, на 11 февруари 2026 година околу 14:30 часот, товарното возило „фолксваген кеди“ со скопски регистарски ознаки, управувано од Д.Т. (21) од Скопје, удрило во пешакот З.С. (56) од Скопје.Во несреќата, пешакот се здобил со тешки телесни повреди, констатирани во Градската општа болница „Св. Наум Охридски“.На местото на настанот извршен е увид од увидна екипа на СВР Скопје, а се преземаат мерки за целосно расчистување на случајот.

Скопје | пред 2 месеци

72-годишна жена паднала од автобус, па и ја прегазил ногата, со тешки повреди префрлена на клиника

Тешка сообраќајна несреќа се случила во центарот на Скопје, каде 72-годишна жена била тешко повредена откако паднала од автобус и потоа била прегазена преку ногата.Според информациите, на 11 февруари 2026 година околу 12:40 часот во СВР Скопје било пријавено дека на улицата „Св. Кирил и Методиј“ автобус „мерцедес“, управуван од В.А. (56) од Скопје, ја прегазил преку ногата 72-годишната А.Б. од Скопје, откако претходно паднала од автобусот.Во несреќата жената се здобила со тешки телесни повреди, констатирани во Комплексот клиники „Мајка Тереза“.

Скопје | пред 2 месеци

Нарачал блиндор врата онлајн - останал без 64.500 денари и без производ

СВР Велес поднесе кривична пријава против Ј.Б. (45) од Битола поради сомнение за сторено кривично дело „измама“.Според пријавата, во текот на октомври 2025 година тој преку социјална мрежа довел во заблуда едно лице да нарача блиндор врата од него. Откако се договориле, оштетеното лице му уплатило аванс од 64.500 денари.Сепак, пријавениот не ја испорачал вратата, ниту ги вратил парите.По преземените мерки, против него е поднесена соодветна кривична пријава.

Македонија | пред 2 месеци

Велешанец избега од Идризово, полицијата веднаш го пронајде и врати зад решетки

Затвореник кој избегал од Казнено-поправната установа „Идризово“ – Отворено одделение Велес, бил брзо пронајден и повторно приведен од полицијата.На 11 февруари 2026 година во 14:10 часот, полициски службеници од СВР Велес го лишиле од слобода М.З. (33) од Велес, откако претходно било пријавено дека околу 12:40 часот побегнал од установата каде што издржувал затворска казна.По приведувањето, тој бил спроведен назад во казнено-поправната установа за доиздржување на казната.

Скопје | пред 2 месеци

Татко ја тепал 23-годишната ќерка, па го пријавила во полиција

Случај на семејно насилство е пријавен во Скопје, откако 23-годишна девојка пријавила дека била физички нападната од нејзиниот татко во семејниот дом во Кисела Вода.Според информациите од полицијата, на 11 февруари 2026 година во 08:00 часот во СВР Скопје девојката пријавила дека нејзиниот татко Д.А. (62) физички ја нападнал во нивниот дом.Надлежните служби преземаат мерки за целосно расчистување на случајот.

Скопје | пред 2 месеци

Пожарникар претепан пред противпожарна единица, уапсени две лица

Двајца мажи од Куманово се лишени од слобода откако физички нападнале пожарникар пред Територијалната противпожарна единица во градот.На 11 февруари 2026 година околу 17:45 часот, полициски службеници од СВР Куманово ги привеле Љ.Г. (32) и Ф.С. (32), двајцата од Куманово, поради сомнение дека физички го нападнале С.С. (35), вработен во Територијалната противпожарна единица Куманово.Инцидентот се случил пред самата зграда на противпожарната единица. Осомничените биле приведени во полициска станица, а по целосно документирање на случајот против нив ќе следуваат соодветни пријави.

Македонија | пред 2 месеци

Повеќе од две години АХВ не ги згрижува кравите, ние немаме таква надлежност, велат од Општина Крива Паланка

Од Општина Крива Паланка информираат дека по неколкуте последни објави во медиумите и порталите, чувствуваат обврска да дадат јасно појаснување во однос на проблемот кој повеќе од една деценија ја засега општината, а се однесува на несовесно одгледување и чување на говеда.„Најпрвин, сакаме недвосмислено да нагласиме дека Општината, инспекциските служби и градоначалникот немаат законска надлежност за постапување во вакви случаи, бидејќи согласно законската рамка во Република Македонија: • надзорот, контролата и спроведувањето на мерките во делот на здравствена заштита и благосостојба на животните се во надлежност на Агенцијата за храна и ветеринарство, како централен надлежен орган за ветеринарни активности и благосостојба на животните, утврден со закон; • постапувањето по инспекциски мерки, вклучително и одземање и понатамошно згрижување на животни, се спроведува исклучиво преку надлежните државни инспекциски служби.Согласно доставените информации, предметното стадо говеда е трајно одземено со правосилно и извршно решение, донесено по спроведена вонредна инспекциска контрола и се наоѓа во сопственост на надлежниот државен орган – Агенцијата за храна и ветеринарство.Проблемот произлегува од фактот што и покрај донесеното решение пред повеќе од две години, досега не е спроведена постапка за трајно згрижување на одземените говеда, што дополнително ја усложнува состојбата на терен.Затоа уште еднаш потенцираме: • Општина Крива Паланка нема законски надлежности, ниту институционални ресурси за самостојно постапување во вакви случаи; • Општината може да обезбеди единствено логистичка поддршка при евентуални активности кои ќе ги преземе надлежната државна институција.Воедно, покрај штетите кои ги трпат физички лица, значителна и континуирана штета трпи и самата Општина, која секојдневно вложува сериозни финансиски средства за обнова и одржување на урбаното зеленило и јавните површини.Општина Крива Паланка останува отворена за соработка и ќе продолжи да дејствува во рамки на своите законски надлежности, во интерес на граѓаните и јавниот ред“, велат од Општина Крива Паланка.

Македонија | пред 2 месеци

Kражба во Аеродром: Украдени сефови, пари, службен печат и мобилни телефони од финансиско друштво

Тешка кражба се случила во скопската населба Аеродром, каде непознати сторители со употреба на сила и алат провалиле во подружница на финансиско друштво и однеле вредни предмети.Според информациите од полицијата, случајот бил пријавен на 11 февруари 2026 година во 03:33 часот. Провалата се случила во периодот од 19:00 часот на 10 февруари до 03:25 часот наредниот ден.Од објектот биле одземени пари, два сефа, службен печат на подружницата, мобилни телефони и други предмети.Увид на местото извршила екипа од СВР Скопје, а полицијата презема мерки за пронаоѓање на сторителите и целосно расчистување на случајот.

Скопје | пред 2 месеци

(Видео) Трагедија во Сараево: Трамвај излета од шини, една жена загина

Една личност загина, а повеќе се повредени денеска во Сараево кога градскиот трамвај излетал од шините и завршил на една од најфреквентните улици во близина на Земјишниот музеј на БиХ и Амбасадата на САД.„Една личност смртно настрадала. Според моменталните податоци, две лица се повредени. Јавниот обвинител е известен, а полициските службеници се на терен“, соопштија од жупаниската МУП.Според достапните информации, трамвајот излетал од шините околу пладне, пробивајќи ја заштитната ограда и лизгајќи околу десетина метри по коловозот. Целиот преден дел од трамвајот е уништен.Во оваа несреќа загинала жена која била стисната од трамвајот при излетувањето, а за да дојдат до нејзиното тело, пожарникарите морале да ја сечат оштетената конструкција на возилото.Станува збор за еден од старите трамваи чешко производство, кои постепено се повлекуваат од употреба откако минатата година започна нивна замена со нови возила, чиј производител е швајцарскиот Stadler. Досега жупаниската влада набавила 25 нови трамваи, но некои од старите, купени пред повеќе од 40 години, сè уште се во употреба.

Свет | пред 2 месеци

Мицкоски по најавата за смена на Лимани: Јас ја составувам Владата, ако некој тоа го заборавил, да го потсетам

Премиерот Христијан Мицкоски го потсети владиниот партнер од Вреди Билал Касами дека само тој како премиер е надлежен за кадровските решенија во Владата. Потсетувањето од премиерот следи откако Касами изјави дека се подготвува можна смена на министерот за социјална политика, демографија и млади Фатмир Лимани, бидејќи не е задоволен од неговата работа во извршната власт. Судирот меѓу Касами и Лимани кулминира по локалните избори откако министерот кој беше кандидат за градоначалник на Кичево ги изгуби изборите.„Јас сум задоволен со работењето на господинот Фатмир Лимани и мислам дека е додадена вредност во Министерството за социјална политика, демографија и млади. Јас сум мандатар на Владата и јас ја составувам Владата, ако некој тоа го заборавил, да го потсетам“ одговори Мицкоски.Касами во гостување на ТВ21 најави дека за вечерва го свикал Централното собрание на Беса за да разговараат за ефикасноста на нивните функционерите во Владата.

Македонија | пред 2 месеци

Комунална хигиена не може да го исчисти отпадот поради непрописно паркирање во Влае

ЈП „Комунална хигиена – Скопје“ преку објава на Фејсбук информира дека поради непрописно паркирање во населбата Влае, во општина Карпош, специјалните возила за собирање комунален отпад немаат пристап до повеќе улици и контејнерски локации.Од претпријатието предупредуваат дека ваквата состојба директно го попречува редовното и навремено собирање на отпадот, што создава ризик од нарушување на јавната хигиена и можни последици по јавното здравје.„Апелираме до сите граѓани да не ги узурпираат улиците и јавниот простор со непрописно паркирани возила и своите автомобили да ги паркираат исклучиво на местата предвидени за тоа. Непочитувањето на сообраќајните правила, покрај прекршок, претставува и пречка за нормално функционирање на основните комунални услуги“, наведуваат од ЈП „Комунална хигиена – Скопје“.Од таму додаваат дека јавната хигиена е заедничка одговорност и повикуваат на соработка.„Само со меѓусебна соработка и почитување на правилата можеме да обезбедиме чиста, уредена и функционална средина за сите. Да покажеме одговорност кон заедницата и кон просторот во којшто живееме. Чист град значи грижа од сите нас“, се наведува во објавата.

Скопје | пред 2 месеци

Филков за полагање на правосудниот испит на албански јазик: Во моментов таква можност нема

Министерот за правда Игор Филков денеска даде одговор на најавите од ДУИ дека ќе бараат негова кривична одговорност поради неможноста правосудниот испит да се полага на албански јазик. Тој оцени дека ваквите барања се „национално-романтичарски теми“, кои, како што рече, им припаѓаат на политичари од минатиот век.„Сметам дека националромантичарските теми се важни за оние политичари од минатиот век. Како што кажав, ние работиме чисто и решително на стабилност, просперитет и владеење на право, сѐ останато ќе биде оставено на тажната страна на историјата“, изјави министеротЗапрашан дали се можни измени на законите во врска со полагањето на правосудниот испит на албански јазик, министерот кусо одговори дека „во моментов таква можност нема“.

Македонија | пред 2 месеци

Николоски: Предвидените проекти на главните транспортни коридри ќе придонесат за зарбрзан економски и инфраструктурен развој

Заменик претседателот на Владата и министер за транспорт, Александар Николоски, денеска оствари работна средба со Никол Варнс, вршител на должноста, амбасадор на САД во земјава.На средбата се разговараше за реализацијата на капиталните проекти со посебен фокус на изградба на автопатите Битола - Прилеп, Кичево -Гостивар (Стража) и Тетово -Гостивар.САД се долгогодишен стратешки партнер и силен подржувач на Македонија во реформските процеси во државата,  јакнење на институционалните капацитети, владеење на правото и борбата против корупцијата, беше истакнато на средбата.Стратешкото партнерство меѓу двете земји е гарант за обезбедување на стабилност во земјата и регионот, особено во услови на силни економски и геополитички потреси во различни делови во светот.Економските односи уште еднаш беа во фокус на разговорите каде беа потенцирани добрите трговски врски меѓу двете земји кои бележат континуиран раст и се од огромно значење за деловната клима и инвеститорите.Вицепрмиерот Николоски, ја нагласи силната заложба на Владата за економски развој преку реализација на крупните капитални проекти, со посебен акцент на регионалното поврзување и интеграција. Истакна дека предвидените проекти на главните транспортни коридори ќе придонесат за зарбрзан економски и инфраструктурен развој во државата и регионот.На средбата се нагласи и поддршката на САД во делот на размена на искуства и знаења во различни дејности.Двајцата говорници потеницираа дека постојат реални можности за интензивирање на економската и трговска соработката и во насока на добрите пријателски односи меѓу двете земји, истакнаа заедничка подготвеност за унапредување на соработката во области од заемен интерес.

Македонија | пред 2 месеци

СДСМ: Нападите врз предметите на СЈО се дел од операцијата за враќање на Никола Груевски 

Нападите врз предметите на СЈО и црната кампања преку мадиумите на Орбан во Македонија се дел од организирана политичка операција за враќање на Никола Груевски и уривање на правниот поредок, вели СДСМ.„Станува извесно дека блискиот сојузник на ВМРО, Виктор Орбан, може да се соочи со пораз на изборите во Унгарија. Оваа нова реалност ја гледа и самиот Груевски.Наместо да ја отслужува казната во Идризово, ВМРО му подготвува враќање на осудениот криминалец во Белата палата.Така изгледаат „реформите“ во ВМРО: нема повеќе потпретседатели, сите се тргнати лично од Мицкоски.  Се расчистува патот за еден човек – за враќање на поранешниот лидер, додека Мицкоски е само чувар на фотелјата.Клучниот чекор во ова сценарио е систематскиот напад врз Специјално јавно обвинителство и врз пресудите што произлегоа од неговата работа. Преку орбановата медиумска мрежа во Македонија, веќе се води црна кампања.Целта е јасна: дискредитација на предметите, релативизирање на пресудите и подготовка на терен за нивно поништување.Станува збор за организиран обид да се избрише одговорноста за криминалот на поранешната власт и бегалецот да се претстави како жртва.Истовремено, се носат решенија во правосудството спротивни на европските препораки, се презема целосна контрола врз судството и обвинителството.  Сè со една цел – да се обезбеди безбеден терен за враќање на „газдата“.Ова е директен напад врз владеењето на правото, врз правдата и врз европската перспектива на државата“, велат од партијата.

Македонија | пред 2 месеци

Алиу: До јуни на Клинички ќе имаме катни гаражи коишто ќе можат да се користат

Министерот за здравство Азир Алиу најави изградба на три катни гаражи на Клиничкиот центар Мајка Тереза.„Бидејќи катните гаражи нема да бидат цврста градба, градбата ќе биде брза и автоматски ќе имаме паркинг места којшто ќе може да ги користат нашите граѓани. Според првичните анализи од експертите, архитекти и градежни инженери, ние до јуни ќе имаме катни гаражи коишто ќе можат да се користат. Бројот на катни гаражи максимум ќе бидат три, идејата е да имаме слободни паркинг места колку што ни се потребни, направена е анализа според последните три години колку се користи, пикот е негде од 10 до 15 часот во Клиничкиот центар“, вели Алиу.Тој исто така најави дека целиот простор ќе биде уреден со зеленило, со пешачки патеки, со брза патека за брза помош, и дека ќе се отвори уште еден нов влез кај кардиологија и кардиохирургија, се со цел да може тој да биде посебен за пациенти на којшто секој момент им е значаен за нивниот живот.„Ќе има три локации, ако одите сега ќе видите дека модуларната веќе е при крај, ако не е веќе завршена. Таму ќе биде еден простор за катна гаража, до гинекологија вториот простор за катна гаража и кај што е хелиодромот третиот простор за катна гаража. Динамиката од која ќе почнат ќе зависи од ЈП Градски паркинг. Битно ни е да почне прво хоризонталната инфраструктура. Тој проект ќе биде многу значен за нас. Мене би ме значело многу како граѓанин, ако можам од дома да резервирам паркинг простор и да знам на кој број, на кое место ќе се паркирам. Оставивме Град Скопје да дефинира која катна гаража, колку спрата ќе има, најверојатно најголемата ќе биде до инфективна, бидејќи и просторот е најголем и има посебен влез. Втората идеја беше тој дел да биде само за вработените, да имаат посебен паркинг простор од пациентите и граѓаните, но тоа оставам на експертите, бидејќи навистина тие знаат како тоа подобро може да се менаџира“, додаде Алиу.

Скопје | пред 2 месеци